پست‌های تلگرام Замбаракнинг ўқи

Ақл бовар қилмайди.

Трамп Ғазодаги урушни тўхтатаман деб қанча ваъда берганди. Унга ишониб, араблар ҳам овоз берганди. Энди у Ғазодан миллионлаб арабларни чиқариб юбориб, у ерда курорт қурмоқчи.

Трамп Украинадаги урушни бир кунда тўхтатаман деб ваъда берганди. Одамлар унга ишониб, овоз беришганди. Ҳа, Трамп урушни тўхтатади, Украинани қўшқўллаб Россияга топширганидан сўнг.

Трамп чет эл махсулотларига 25 фоизлик бож киритаман ва бу билан АҚШ ичкарисидаги ишлаб чиқаришга туртки бераман деб ваъда берганди. Одамлар унга ишониб, овоз беришганди. Натижада энг катта савдо ҳамкори ва энг яқин қўшниси билан уришиб ўтирибди.

Трамп Вашингтондаги коррупцияни йўқотаман, “ботқоқни қуритаман” дея ваъда берди. Янги ҳукуматни эса миллиардерлар бошқаряпти.

Шу жиннига овоз берганлар наҳотки шунчалик гўл? Ўтган сафар президентлик пайтида қилган аҳмоқликларини наҳотки унутишди?

Ақл бовар қилмайди.

@zambarakning_oqi

Трамп Калгарига келса, бир қорбўрон ўйнардик. Ва яхши инсонлар дуосини олардик ;-)

@zambarakning_oqi

АҚШ президенти Трампнинг Канадага иқтисодий уруш очиш ва унинг суверенитетига тахдиди Канада сиёсий ландшафтини, кун тартибини батамом ўзгартириб юборди.

2024 йил сўнгигача Либераллар тушкунликда, рейтинги плинтусда эди. Консерваторларнинг кейинги сайловда ютиши қарийб аниқ бўлганди. Консерваторлар бор кучини Трюдо ва у киритган углерод солиғини қарғашга қаратганди.

Трампнинг божлар киритиш тахдиди, сўнгги ҳафталарда яна авжига чиққан 51-штат қилиш ҳақидаги алжирашлари ҳаммаёқни остин-устун қилиб юборди. Ҳатто бир ой аввал Канада сиёсий элитаси бу тахдидларга, ташқаридан қараганда, унча эътибор бермаётганди ва уларга жавоб қайтармаётганди.

Февраль бошига келиб АҚШ томонидан Канада махсулотларига божлар киритилиши қарийб аниқ бўлганидан сўнг ҳамма ғимирлаб қолди. Сиздирилган видеоларда Жастин Трюдо Трамп ҳазиллашмаётганини, у чиндан ҳам Канаданинг абжағини чиқармоқчи экани аниқ бўлди.

Ўтган ҳафта Канада провинция ва худудлари бош вазирлари (вилоят ҳокимлари), 13 киши Оқ уйдаги “каттаконлар” билан учрашиб келишди. Ньюфаунленд ва Лабрадор провинцияси бош вазири берган интервьюсида таъкидлашича, Оқ уй вакиллари Трампнинг гаплари жиддий эканини айтишган. “Бу гапдан кейин этим жимирлаб кетди”, — дейди амалдор. Унинг қўшимча қилишича, Трамп бу фикридан воз кечади дея унга ён босиш ярамайди. Канада бу тахдидларни жиддий олиб, бошқа бозорларни жадал излаши керак.

Сўнгги ҳафтада Канада сиёсий элитаси ҳушмуомалалик маскаларини ечиб ташлашди. ОАВ орқали тахдидларга дадил жавоблар бўляпти ва буни жамият ҳам қўллаб-қувватлаяпти.

Бу ғалванинг ортидан Либералларнинг рейтинги ортиб, Консерваторларнинг қарийб тайин бўлган ғалабаси борган сари мавхумлашиб боряпти. Бунга консерваторларнинг Трамп риторикасини Канадага мослаштирилган кўринишидан фойдаланиши ҳам сабаб бўляпти.

Шу кунларда Канаданинг Евроиттифоқ билан алоқаларини янада мустаҳкамлашиши, ҳатто ЕИга аъзо бўлиши ҳақидаги муҳокамалар ҳам кун тартибига чиққан.

Саккиз йилдан кўпроқ Канадада яшадим. Канада сиёсий элитаси ҳам, жамияти ҳам ўзини АҚШ билан бирга кўрарди. Одамлар АҚШга бордим эмас, Нэшвиллга, Нью-Йоркка ёки Сиэттлга бордим дейишарди ҳудди қўшни қишлоққа боргандек. Аммо бугун мамлакатда мисли кўрилмаган миллий уйғонишни кўряпмиз. Канадаликлар ўзларини қайта кашф қилишяпти, чамамда.

Мен бу ўзгаришлардан руҳландим, тўғриси. Оптимизм билан қараяпман. “Нет худа без добра”.

@zambarakning_oqi

12 соатдан сўнг кучга кириши кутилаётган божларни Трамп бир ойга қолдирибди. Энди божлар бир ойдан сўнг жорий этилармиш.

Унгача Канада чегарасини мустаҳкамлар экан. Чегарани 10 минг киши қўриқларкан, наркотикка қарши курашиш учун махсус инсон тайинланаркан.

Лекин бунинг ҳаммаси ўйин. Эртага Трампнинг кайфияти йўқ уйғонса, яна бир бало шантаж ўйлаб топади. Бугун чегара, эртага наркотик, индинга яна қандайдир ақлбовар қилмас бахона. Шу билан у Канадани қўрқувда ушлаб турмоқчи, шекилли.

Канада бу шаллақининг қилиқларини кўрди ва бу қилиқлар тўхташидан дарак йўқ. Энди Америкага орқа қилмай, иқтисодиётини диверсификация қилиши шарт.

Биз ҳам уйда иложи борича Канада махсулотларини ҳарид қилишга қарор қилдик. Бугундан бошлаб Amazon Prime, Netflix, Disney+, YouTube Premium бекор қилинди. Икки ҳафта аввал Амазоннинг Ring обунасини тўхтатгандим.

Майли, қўлдан келганча қўллаб-қувватлаймиз. Уёғини вақт кўрсатади.

@zambarakning_oqi

Ўтган йили бош вазир Трюдо Канаданинг чекка қишлоқларига интернет етказиш дастурини ишга туширди. Унга кўра, Канада ўз микройўлдош тармоғини қуради ва коинот орқали интернет етказишни йўлга қўяди. Бу янгиликка жавобан кўпчилик канадаликлар мамлакат ўз тармоғини қуриш ўрнига тайёр Starlink интернетидан фойдаланиш кераклигини таъкидлашганди.

Онтарио провинцияси қишлоқлари учун интернет етказиш мақсадида Илон Маскнинг Starlink компанияси билан 60 миллион АҚШ долларилик шартнома тузганди. Божлар ҳақидаги янгиликдан сўнг провинция бош вазири Starlink билан шартномани бекор қилишини таъкидламоқда.

Трюдо ҳам сал-пал у-бу нарсани биларкан, деб қўйдим ичимда.

@zambarakning_oqi

Трамп божлари ортидан Жастин Трюдога нисбатан муносабат ҳам ўзгаряпти. Канада бош вазирининг қўшнилар тажовузига билдираётган кескин муносабати канадаликлар томонидан тўлиқ қўллаб-қувватланяпти.

Масалан, аввал Трюдо ҳақидаги мақолалар, ютубдаги видеолар тагида аксарият изоҳлар салбий бўлган бўлса (масалан, “Йўқол, Трюдо”, “Қачон кетасан?”, “Тарихдаги энг ёмон бош вазир” ва ҳ.к.), ҳозир Трампга берган жавоблари тагида фақат ижобий комментлар.

“Мен Трюдони ёмон кўраман, лекин бу ишини тўғри қилди”, “Мен Трюдони қўллаб-қувватламайман, аммо Америкага қарши туриб, яхши иш қилди” ва ҳ.к. Ажаб эмас, кетар олдидан Трюдонинг рейтинги ошиб, одамлар “додамни қайтаринглар” деб йиғлаб қолса…

@zambarakning_oqi

Совуқда Tesla Model Y қанча юряпти? Ҳарорат -18 бўлганида километрига 207 Вт*соат ишлатибди. Машинанинг аккумулятори 75 кВт эканини ҳисобга олсак, совуқда электромобиль 362 километр юраркан.

Ëзда кондиционерсиз синаганимда тахминан 500 км юрганди.

@zambarakning_oqi

Кеча АҚШ президенти Дональд Трамп мамлакатга кириб келаётган Канада ва Мексикада ишлаб чиқарилган қарийб барча махсулотларга 25 фоизлик бож ўрнатди. Шу муносабат билан Канада бош вазири Жастин Трюдо қарши чоралар кўрилиши ҳақида матбуот анжумани ўтказди.

Анжуманда бош вазир АҚШнинг энг яқин дўсти экани, АҚШ кетидан Афғонистон ва Ироқ урушларида иштирок этгани, 2001 йил 11 сентябрь куни АҚШ осмонида самолётлар парвози тақиқланиши билан юзлаб самолётлар Канада аэропортларига қўнгани ва канадаликлар минлаб йўловчилар бир неча кун меҳмон қилгани, АҚШда қандай табиий офат бўлмасин, канадаликлар ёрдамга биринчи бўлиб боришини, яқинда бўлган Лос Анжелес ёнғинларида Канада ёнғин ўчирувчи самолётлари хизматда бўлганини эслатди. Жастин Трюдо мамлакатнинг энг яқин иттифоқчиси нимага бундай иш қилаётганини тушунмаётганини таъкидлади.

Киритилган божлар нафақат канадаликларни, балки америкаликларга ҳам салбий таъсир қилишини айтиб, Канада ҳам жавобан АҚШ товарларига божлар жорий қилинишини эълон қилди. Трюдога кўра, бу божларни киритишни хоҳламайди, аммо АҚШ ҳукуматининг бундай қилиғига қараб турмаслигини таъкидлади.

Канада сешанба кунидан бошлаб АҚШда ишлаб чиқарилган қарийб 100 миллиард долларилик махсулотларга 25 фоизлик бож жорий қилади. Бундан ташқари, Онтарио ва яна бир неча провинция ўз худудларида АҚШда ишлаб чиқарилган спиртли ичимликлар сотувини батамом тўхтатади. Экспертлар ҳисоб-китобига кўра, натижада АҚШ спиртли ичимликларининг экспорти 45 фоизга қисқаради.

Бош вазир Трюдо агар бу ҳаракатлар натижа бермаса, бошқа тариф ва нотариф чекловлар жорий этилишини таъкидлади. Ўз нутқида у АҚШ учун жуда зарур бўлган қазилма бойликлар, шу жумладан нефть ва газ экспортига чекловлар киритилишига шама қилди. Мисол учун, АҚШ фойдаланадиган нефтнинг 60 фоизи Канададан сотиб олинади.

Икки томонлама божлар сабабли ҳар учала мамлакат: Канада, Мексика ва АҚШ миллиардлаб доллар ютқазади, махсулотлар нархи ортади. Бундан ҳеч ким ютмайди.

Мени хурсанд қилган нарса ҳам бўлди: бу канадаликларнинг АҚШга нисбатан таажжуб ва нафратида биргаликда бўлишидир. Ижтимоий тармоқлар Америка товарларини сотиб олмаслик, у ерга дам олишга бормаслик, АҚШ билан алоқаларни минималлаштириш ҳақидаги постларга тўлиб-тошиб ётибди.

Биз эса кузатишда давом этамиз.

@zambarakning_oqi

Путин Украинанинг газини сиқиб, ўзиникини ўтказишга ҳаракат қиларди.

Трамп Канада махсулотларига 25% бож киритиб, ўзиникини ўтказмоқчи.

Аммо у нима хоҳлаётганини ўзи ҳам билмайди.

@zambarakning_oqi

Aytgancha, bugun the Wall Street Journal tahririyati kolonka yozishibdi. Tarixdagi eng ahmoqona savdo urishi degan sarlavha bilan.

WSJ tahririyati g'alati, xuddi bugun uzoq yillik komadan uyg'onishgandek. Tramp saylovda aynan shuni: do'stona mamlakatlar bilan urishish, ahmoqona tariflarni, amerikalik iste'molchilarni jazolashni va'da berib kelganda bular ko'z yumib uni qo'llab-quvvatlab kelishgan edi. Bugun esa tarixdagi eng ahmoqona savdo urishi deb yozishibdi. Uyg'onishgani bilan tabriklayman.Ishga ketayotib yo'lda yeydigan avakado tosti narxi oshishi orqali tariflar oqibatini o'z tanalarida sezishyapti shekilli.

@uzbekonomics