🎤Մարդու իրավունքների եզդիական կենտրոնը փնտրում է ստեղծագործ, նպատակասլաց և մոտիվացված լրագրող` կազմակերպության Խիրատ Մեդիա (Xirat Media) հարթակում աշխատելու համար։
💼Աշխատանքային պարտականությունները`
✅Պատրաստել ազգային փոքրամասնություններին, նրանց իրավունքներին, մշակույթին, կյանքին և ազգային ինքնությանն առնչվող հաղորդումներ, ռեպորտաժներ, պոդքաստներ և այլն,
✅Խմբագրի ցուցումների հիման վրա պլանավորել և օպերատորի հետ իրականացնել նկարահանումներ Երևանում և Հայաստանի՝ ազգային փոքրամասնություններով բնակեցված մարզերում, գյուղական բնակավայրերում,
✅Լուսաբանել եզդիների մասին տարաբնույթ ակցիաներ, միջոցառումներ, մշակել և հրապարակել սեփական տեսանյութերը և տեքստային նյութերը,
✅Իրականացնել պատրաստվող նյութերի վերաբերյալ ուսումնասիրություններ, դրսևորել ստեղծարարություն, պատասխանատվություն, մշակել նկարահանվող նյութի վերաբերյալ սցենարային և նկարահանման պլան
✅Կատարել խմբագրի կողմից տրված այլ մասնագիտական հանձնարարություններ։
🎓Անհրաժեշտ որակավորումներ՝
✅Բարձրագույն կրթություն լրագրության ոլորտում կամ աշխատանքային փորձ մեդիա ոլորտում,
✅Ազգային փոքրամասնությունների խնդիրների նկատմամբ զգայունությունը կամ մարդու իրավունքների ուղղությամբ լրագրողական կամ այլ գործունեության փորձառությունը կդիտվի առավելություն,
✅Հայերեն լեզվի գերազանց իմացություն, այլ լեզուների, հատկապես՝ եզդիերենի իմացությունը կդիտարկվի առավելություն,
✅Գրավոր և բանավոր հաղորդակցման գերազանց հմտություններ,
✅Նախաձեռնողականություն, պատասխանատվություն, ստեղծագործ մտածելակերպ, ինքնուրույն և թիմում աշխատելու ունակություն,
✅Համակարգչային և գրասենյակային սարքավորումներով աշխատելու կարողություն, լուսանկարների և տեսանյութերի մոնտաժի իրականացման համար անհրաժեշտ համակարգչային ծրագրերի իմացությունը կդիտվի որպես առավելություն։
👉📅Դիմելու կարգ, վերջնաժամկետ`
📩Հետաքրքրված անձինք կարող են իրենց CV-ներն ուղարկել
[email protected] էլեկտրոնային փոստին մինչև սույն թվականի նոյեմբերի 4-ը՝ նամակի վերնագրի բաժնում նշելով հաստիքի անվանումը՝ լրագրող։
🕐Աշխատանքի ժամկետ, զբաղվածություն և աշխատավարձ`
💼Աշխատանքն ամբողջ դրույքով է, աշխատանքի կատարման ժամկետը նախնական փուլում 3 ամիս է՝ երկարաձգման հնարավորությամբ, իսկ աշխատավարձը՝ մրցակցային։
🏦Կազմակերպության մասին`
«Մարդու իրավունքների եզդիական կենտրոնը» իրավապաշտպան հասարակական կազմակերպություն է, որը ստեղծվել է 2018թ․-ին։ Կազմակերպությունն իր գործունեության ընթացքում իրականացրել է մի շարք ծրագրեր՝ ուղղված ազգային փոքրամասնությունների, հատկապես՝ եզդիների իրավունքների պաշտպանությանը, եզդիական մշակույթի և ինքնության պահպանմանը, եզդի երիտասարդների հզորացմանը և այլն։
🎬Խիրատ Մեդիայի մասին`
Խիրատը Մեդիան կազմակերպության առանցքային մեդիա նախագիծն է, որն ունեցել է և ունի կարևոր առաքելություն՝ Հայաստանի ազգային փոքրամասնություններին, հատկապես՝ եզդիներին վերաբերվող թեմաների լուսաբանման և ազգային փոքրամասնությունների իրավունքներին վերաբերվող տեղեկատվության տարածման ուղղությամբ։
