الشاعر كرار الحسينات الكربلائي

(شهر رمضان المبارك)


استقبلوا شَهر الله بانْفُسْ طاهرة


وخَلْ نعيشْ ابْرَحْمة الباري الرَّحيمْ

كلْهَنْ ايَّامْ وليالي ويَنْـﮔـَضَنْ


بَسّ أَجَرهَنْ يا بَشَرْ كَلَّشْ عظيمْ

استَغْفَرْ ورَتَّلْهه آيات الجليل


وخَلْ صيامَكْ واضَحْ وبيه اسّتقيمْ

استثمره هذا الشَّهَرْ بالْأدعية


الفرصة يبنادم تجي ثق ﭼـنهه غيمْ

السبحة محبس خلهه بيدَكْ لايَـﮔـه


وافرش السجادة واقلع كلشي ضيمْ

سبَّحْ الله وهلهله وكبَّرْ ﭼـثيرْ


وسامَحْ الْخَلَّـه اعله ﮔـَلْبَكْ شي اليـمْ

صَفحة بيضة أويه الله ابديهه استعد


ولا تفوتَكْ نعمته وتصبح نديمْ

الما زرع صالح يضل يحصد قهر


وباﭼـر اهناك حصاد الله الجسيم

غيَّر ابروتينك وكافي ذنوب


هوَّد اشوية النفس خل تستديم

هيَّ ساعات ودقايق ثم موت


الما ختم اعماله بالصالح عقيم


 
لخادم الحسين: كرار الحسينات الكربلائي
25/10/2021م- الاثنين
كربلاء المقدسة

يا عِـــلاج المُرضى والمُرضى احنـه مولاي
يا شِفـــــاء النِحـﭼـي بيهن صارَن اهــــواي
نشتكيلـك مِـنْ نَفِسْنــه أنتَ أقرب شخص مِنَّــه

نشتكيلك مِنْ ذنبنه الما رِضى يتركنه يِمــشي
لو نجيله وبينه رحَّب لو يسيَّر يمنه يـرشـــــي
وأنتَ تدري بالرذائل هالزمن مولايـــه تفشــــــي
ما بُقـت بس رحمة الله تِنــزل اعلينه وتِغشي
يا دِوَه امروتَـــك وسيلة أريْــدَك اصِّيــــر
كِــل ذَنِــــب يغفر الاهك حتَّــــى الاﭼـبيــر
يا أمَلْــنه ويا سَنَدْنَــــه أنتَ أقرب شخص مِنَّــه


يابو صالِـــح والمشـــاكل أزْعِـــجَــتْ وجْهَــك عليْنــه
وأخِّـــرَتْ طَلْعَــت ظهـــورَك والسَّب كِلَّـه امن ادينـــه
عِدْنـــه وادَم تعشَــﮔ الشَّــــر بالجَّهَــل بَلْــوه ابتلينـــه
وابصلافـــه وعيـــن وكحــه نندعيـــلك هالتِجينـــــــــــه
مَــدري عوجَــه الدنيــا مَدري اصْبَحنه عوجان
سيدي يالمُنتــظر شـــــــــــــــو ﭼـَــنَّـــــه عميــــان
أصْلِـحْ انفِسنـــه وزمنه أنتَ أقرب شخص مِنَّــه

ضِعْنَــــه ما بين الليالي الواحـد امتيــــــه طريجــه
العَثْـــرَه ما نعرُف وكَتْهــه الغِيبَــه صارَتْنَه رفيجه
رابِــح الخلّاك قـــــدوه وأنتَ تِصْبَحْلـــه صديجـــــــه
اتْشيلـه مـنْ بيـر الدواهي ومِنْ مصايب الغميجه
انْظِرِنــه ابرحمتك يــا صاحــــــب الغــــوثْ
عِــدْنـه جيل امن الشباب ابذنبه ملهوث
نَظْـــرِتَـــك بيها مَحَنَّـــه أنتَ أقرب شخص مِنَّــه

مُرْضـــى مِنْ كِــــل النَّـــواحي وانت يالمهدي دِوانه
يِختِنِــگ كِلْــمَن يضيْعَــك يابو صالح يا هوانَـــــــــه
الله لجْـــلَك دنيا خالِــــق أنت حبل الله وأمـــانَـــــــــــه
الما عـــرف قَـــدْرَك يمهدي اعمى ضايع ابزمانــــه
طَلْعِــتَك بيْنــه تِغَـــزر حـــــــرز الابيــــــوت
وادِم المِنْتَــظَــره صوتَـــك عاشِـﮔـه الموت
حُبَّـــك ابْدَمْنـــه وعرِﮔــنه أنتَ أقرب شخص مِنَّــه


صَرْخَــة العاشِــگ ﭼـــبيره وأنت تارسهه وِدادَك
يمتــــــــــى نشتمها طلعـــك رَبَّـــك امأيِّـــــد سِدادَك
لولـــه آمالَـــك يَمهدي ﭼــــا يذلونـــــه ابَّــــــــــلادَك
مِن زِغــــرنه الحَــد كبُــرنه نِنْتِظـــر لَحظة مَعادك
العيشــه دونَـــك ماصِخَــه يا سيِّد الكـــون
احنه دونك كالوجه بـــس خالي الاعيـــون
وجهك انشوفــه نظرنــــه أنتَ أقرب شخص مِنَّــه

لخادم المهدي: كرار الحسينات الكربلائي
10/3/ 2024م
كربلاء المقدسة

وكأني بهما يحاور احدهما الآخر
محاورة بين رسول الله (ص) وابنته فاطمة الزهراء (ع)
رسول الله (ص):
يفاطم راح اودعنـﭻ ولَّويـــــاﭺ
واحس ابدمعـﭻ الينزل ولَّوياﭺ
بعد ﭼـم يوم نتلاﮔـه ولّويـــــاﭺ
يجي المحسن كذلك هــم اليــه
《》《》《》《》《》
فاطمة الزهراء(ع):
يبويه الدنيـــه بغيابك ظلامـــاي
يمن تسـﮔـيني شوفاتك ظلاماي
اذا تمشي يشب داري ظلامـــاي
ويكسرون الضلع وآني شبديــه
《》《》《》《》《》
رسول الله (ص):
اليشب بابـــﭻ حــرﮔ روحي وداري
العُمـــــــر جبـــتــه اشمَّنـــﭻ وداري
ابغيابي أعلـــم شنو أيصبَّــح وداري
وعلي متقيــــد ادري بالوصيــــة
《》《》《》《》《》
فاطمة الزهراء(ع):
عـﮔــب عينك علي اتشوفه صحاباك
وعلى بابي تجــي الـﭼــانوا صحاباك
أحس ابعصرتي ايـﮔـلــــي صحابــــاك
يجــيـــﭻ أيحامــي الــﭻ من هالأذيــه
《》《》《》《》《》
لخادم الزهراء: كرار الحسينات الكربلائي
كربلاء المقدسة

(مجنون ليلى)

عرّجْ أيَا مَحْبَري نَحو سِنينٍ مَضَتْ
دَهْرَاً عَليْهَا أَكَلْ، ثُمَّ شَرِبْ قاسِيا

بِلَوْحَةٍ ارْسِمُ بقيسٍ العامِريّ
قارَنْتَهُ في أُنَاسٍ عِشْقَهُمْ عاليَا

قيسٌ بعشقِ الجُنُونِ عاشِقٌ ليلىً
وعاشقينَ الحُسينُ عشْقَهُمْ عُجْبيَا

إنْ جُنَّ عَقْلَهُ في ليلى التي وارَتَه
ضِعْنَا ولَكنَّ ابْنُ حيْدَرٍ لاقيا

إنْ قيسَ يَبْكي على ليلى بأوْجاعهِ
نحنُ عِشْقُنا الذي لهُ السَّما باكيا

إنْ رافقَ الليلُ قيساً يَلْهجُ ذِكْرَهَا
ذِكْرُ الحسينِ سَرَى كالدَّمِ ذا جاريا

إنْ رأسَ قيسٍ جَوَى بِصَخْرَةٍ أضْرَبَه
سالتْ دِمَاهُ فَجَفَّت اصْبَحَتْ لاشيا

في ليلةِ العاشرِ اُنْظُرْ لِحَدِّ السيوف
صدورَهُمْ مُعْيَبَة، هاماتِهِمْ دامِيَا

دماءِهِمْ لَمْ تَجِفْ بَلْ شوكةٌ في العِدَى
دماءِهِمْ لَوْحَةٌ لِلْمُعْطِشِ تُرْويَا

بابنِ المُلَوحِ امْثالٌ غَدَتْ تُضْرَبُ
تِعْسَاً لتاريخَنَا دومًا فَلا مُجْديا


الأمثالُ لابُدَّ أنْ بِكَرْبلا تُضْرَبُ
عِشَّاقُها كالمنارةِ التي تُدويَا


يا قيسُ لو عيْنَكَ رامَتْ إلى كَرْبلا
لاصْبَحَتْ ليلىٌ نَسيا وضِفْ مَنْسيا

يا قيسُ لو عيْنَك تَرَى شجون الأسى
لاصْبَحَتْ أُنْمُلَة، دمعاتُكَ الهاويَا

يا قيسُ عِشْقَ الحُسينِ أسْبَلَ دَمْعُنا
رؤوسَنا أشْيَبَتْ، قلوبَنَا باليا

يا قيسُ ليلاكَ قَدْ عافَتْكَ فِي مِحْنَةٍ
حاشا ابنُ طهَ النَّبي بأنْ يَكُنْ جافيا

فعِشقُكَ لا يُساوى ذَرَّة من أَبي
الفضلِ الكريمِ الذي بأيدهِ وافيا

وعِنْدَنا الشاكريِّ عابسٌ عِشْقَهُ
خاضَ النِّزالَ بَلا خوفٌ مَضَى عاريا

يا قيسُ من قَبْرِكَ يا ليتَك تَنْهَضُ
لترفعَ الرايَةَ البيضاءَ ذي باكيا


كلمات: #كرار_عبد_الحسن_محسن لمن يود الاشتراك بقناتي على التليكرام: @ygfzb