خادمكم علي محسن الزيادي

#ابوذيات للسيده الغريبه زينب عليها السلام

مثل لوج المسمم لوج روحــي
تاني حسين اگلها لوجه روحي
بعد شصْبر بغيري لو جروحــي
وعلي جا مات گبل الغاضريه


لسان حالها مع الامام السجاد عليه السلام
👇👇👇👇👇👇👇👇
شكو محني بعباتي شكله اعدله
ضعن شالت العنده شــــك لعدله
شكليش امن اگلك شكلي عـدله
اگبالي محمد وينشد عليه

لسان حال سيد الشهداء مع اخيه العباس عليهم السلام 👇👇👇👇

اختنه جن حمـــــامه يمنه عشها
ابعدت والدهر ماظن يوم نعشها
لما ماتت ومحّـــــــــد يم نعشها
شماته الشام مابيهم حميه


#لك_العزاء_سيدي_ياصاحب_الزمان
#اللهم_عجل_لوليك_الفرج
#الأقل_علي_محسن_الزيادي

مو كبر زينب هذا يهل الشـــام
هذا آنا اخوها الكافل الضرغام
واكف وتخفكَ رايتي
والكَبّه هاي اعمامتي آنا عبـــــــــاس
ــــــــــــــــــــ ــــــــــــــــــــ
عباس آنا الماعرفني خلّه يعرفنــــــــــــــــي
بخدر العقيله والدي الكرار كلّفنــــــــــــــــي
وبضلع امي المنكسر احميها حلّفنــــــــــــي
سيفي اذا اغتاض مايرحم يظل يفنــــــــي

والرايد اكثر ينشد بصفّيـــــــــن
انا بصباي وراعب الصوبيـــــــن
خوّفَت مالك خزرتــــــي
والكَبه هـــــاي اعمامتي آنه عباس
ــــــــــــــــــــ ــــــــــــــــــــ
مافاركَت زينب ولا لحظه وانشـــــــــــدوها
لوبيدي حتى اخواني امنعهم يشوفــــــوها
محد دناها بكربله بشيمتي يعرفـــــــــــوها
شاء الله يسبوها ورضيت الگـوم يسبــوها

صح بعمدهم صوّبوا راســــــي
لاكن عدل ماميّت احساســــي
زينب بعدهي بذمتـــي
والكَبه هاي اعمامتـــي آنه عباس
ــــــــــــــــــــ ــــــــــــــــــــ
كل سوط يهل الشام جان اعله المتن ينزل
مني ايترخّص وبمتن زينب يجي ايقبّــــل
اختاراها ربها بكثر امها الزهره جي تحمـل
حتى بورود الدين تمشي وبالأرض تشتــل

من تحجي آنا احجي يسمعونــي
واخمارها الهم يعكس اعيونـــــي
بصاية ابوها وصايتــي
والكَبه هاي اعمامتـــي آنه عباس
ــــــــــــــــــــ ــــــــــــــــــــ
المايصدك آنا هذا بكيفه خل يكّــــــــــــــرب
الاّ بدماه اروي الأرض لودم نجس تشـــــرب
صعبه الجره بطف كربله وهاي اعتقد أصعب
جبريل اذا مو اذني جا للحضره ابد ماطــب

هسّه انتم المدري شسمّيـــكم
تردون الّه بسيفي احاجيـــكم
والموت الأحمر ضربتي
والكَبه هاي اعمـــامتي آنه عباس
ــــــــــــــــــــ ــــــــــــــــــــ
عرك الهواشم لونبض مااخلّي عدكـــم روح
اذبَح كثر ماكلب زينب بي الم واجــــــروح
اقسم وحك نحر الرضيع وشيبة المذبـــوح
اليتدنّه يم زينب الوحه ومني وين أيـروح

بكل شبر بالكاع آنا نيشــــــاني
اليصعد السابع سمه يلكَانــــــي
اقبض ارواح بصرختي
والكَبه هاي اعمامتـــي آنه عباس
ــــــــــــــــــــ ــــــــــــــــــــ


اللهم عجل لوليك الفرج
ونسألكم الدعاء
علي محسن الزيادي

كلمن يحتضر ياحيدر تحضـره
شنهو العطلك عن زينب الحره
ــــــــــــــــــــ ــــــــــــــــــــ
هذا الامر يابو حسين حيــــــــــــرني
وخاف الجم جروحك سيدي اعذرني
ساكت لجن نار بگلبي تجبــــــــــرني
اسأل هالسؤال وادري بي جمره
ــــــــــــــــــــ ــــــــــــــــــــ
يالتندل طرقها وعابر الســــــــــبعه
وقرص الشمس غيرك محد مرجعه
زينب تحتضر ومتانيه الفزعـــــــــه
محد فزع ليها وماتت بحســـره
ــــــــــــــــــــ ــــــــــــــــــــ
السلمان احضرت بس مدها الك ايده
لا شمات يمه وبنتك اوحيــــــــــــــده
برض الشام كل شامت كبر عيـــــــده
گالو نعش زينب محد ايمره
ــــــــــــــــــــ ــــــــــــــــــــ
لاخر نفس زينب ناطره اخوتها
ماحضرولها وماتت بدمعتــــــها
لا انت احضرت لا امها حضرتها
شمعطلك كسر لو عطل الزهره
ــــــــــــــــــــ ــــــــــــــــــــ
كونك ليها حاضر نشف مدمعها
وتنسه السبي من تطلع تشيعها
الغربه ياعلي زينب تلوعــــــها
تتغرب وسف بت سيد العتره
ــــــــــــــــــــ ــــــــــــــــــــ
خاف العطلك عنك العتاب المـر
وماتكدر تشوف المتن دمه يخر
يگطع دم متنها اعليها من اتمــر
وبوجهك تطيب اعيونها الحمره
ــــــــــــــــــــ ــــــــــــــــــــ
حجي الشمات تدري ياعلي يذبح
احد من الخناجر بالگلب يجـــرح
الماشافت فرح بالموت خل تفرح
لو كالو حضرها وماتت بحجره
ــــــــــــــــــــ ــــــــــــــــــــ
روح الشامها زلزلها واخســــــــفها
وكض جف زينبك واللسن جتـفها
والشمرت عليها احجار گص جفها
وانت الگادر اعله المحد يگدره
ــــــــــــــــــــ ــــــــــــــــــــ

علي محسن الزيادي

مهظومه والكم دارت اعيوني
لوعاتبت يخوانـــي اعذروني
يعتب على اخوانه الغريب التكثر اجروحه
مره انذبحتو وزينب بكل يوم مذبوحـــــه
ــــــــــــــــــــ ــــــــــــــــــــ
امخدرتكم امدللتكم
صارت بكيف الشمر من فارگتكم
فزعتكم وحشمتكم
ليش ضربوني يخوتي وماشفتكم
من يوم عاشـر ماشفت راحه الهضم والينـــي
مره امي صطروها وأنه صطرات شبعت عيني
جبتوني اميره وعالهزل بيــــكم امر سابيني

بدموعي اودّع غصبآ اعليــــــــــــــه
امن احجي انضرب وامجتّفه ايديه
جا گمتو ليّــــه لو دريتو شكثر مجروحه
مره انذبحتو وزينب بكل يوم مذبوحــه
ــــــــــــــــــــ ــــــــــــــــــــ
سلبونه وشتمونه
بحبل واحد عله الهزّل جتّــــفونه
تعبونه من سبونه
بسوط ننطگ من نكول نريد ابونه
اظهور الهزل دم ودمـع يخواني نگعناها
ناگه توصّي بناگه خــل زينب نون وياها
هضمنّي گالن من شكت كافلها ماشـكاها

تمشي اعله هون بناگتي اترجّه
والناگه هزله يخْوتــــي وعرجه
عدها حجي اتخاف انجرح ماتكدر تبوحه
مره انذبحتو وزينب بكل يوم مذبوحــــه
ــــــــــــــــــــ ــــــــــــــــــــ
اعتابي جارح المايسامح
خل تگلي اعيونه والهن كلشي طايح
عمري رايح بس ملامح
من ونيني ابلا سوالف ضيمي واضح
ماتنعد اجروحي بكثـــر دمعي البجيته واكثر
تگضي وگلت باجر اخف ويلفيني باجر اكشــــر
من الشماته امن الشمس من ياهي وجهي اتگشر

صاح بصلافه ويضحك الشامت
الدلل خواته انطگن وســــــاكت
اشما كابر الماعنده اخو دمعاته مفضوحه
مره انذبحتو وزينب بكل يوم مذبوحـــه
ــــــــــــــــــــ ــــــــــــــــــــ
حگي اعاتب بخوّه اطالب
عشره اخوتـي وانحسب وي الغرايب
جفني ذايب ومتني عايب
اتبدل اسم ام عون صار ام المصايب
يتلاوذ بكتري الضعن اسياط وشمس حراگه
وانا الشمس كلما علت اوگف بســـــــد الناگه
والروسكم كلما شطت وي الشـــــــمر اتلاگه

جلماته اشد من سوطه تجرحني
وكلما يهز الروس يذبحنـــــــــــي
بالموت محد مثلي ابد داعي على روحه
مره انذبحتو وزينب بكل يــوم مذبوحه
ــــــــــــــــــــ ــــــــــــــــــــ
هاشميه خارجيــــه
من صرت هانت بعد جلمة سبيـــه
للمنيــــه حسره بيه
لانه ميته بكربله او لا وي رقيــــــه
ظليت للهــــم والقهر لا ميته لانــه العدله
والحمل ظل ابميلتــه محد يخوتي ايعدله
والراحه حتى بموتتي ماجتني ميتــه بعلّه

المات بغرب مايمه خوّانـــه
اليوم الحشر ماتطفه نيرانه
وبگبره هم ايظل يون ماينگطع نوحــه
مره انذبحتو وزينب بكل يوم مذبوحه
ــــــــــــــــــــ ــــــــــــــــــــ


اللهم عجل لوليك الفرج
ونسألكم الدعاء
علي محسن الزيادي

هالجنازه المن غريبه احوالها
لا اخوها ولا ابنها الشــــــالها
ــــــــــــــــــــ ــــــــــــــــــــ
كل جنازه تشوف يمها ملثمين
لو ابن لو اخو لو والد حزيــــن
والعزيز اتعرفه من كثر الونين
ومن كثر دمعات عين الســــــالها
ــــــــــــــــــــ ــــــــــــــــــــ
النعش هذا امبين الواحد غريب
ماكو يمه اصياح لا نسمع نحيب
اهله وين شلون ماعنــده حبيب
مالـــــه أم بي منلچــــــــــــم دلاّلها
ــــــــــــــــــــ ــــــــــــــــــــ
النعش المن هذا شو ينگط دمـه
صدگ گالو يگرب الحامي الحمه
مااصدّگ هالجنــــــــازه الفاطمه
علي بليل الزهره هال ارمــــــــــالها
ــــــــــــــــــــ ــــــــــــــــــــ

شلون نعرفها وحرام اتصدها عين
مو يگولون العلي جا علي ويـــــن
لا علي لا حسن حاضر لا حســـين
ماكو واحـــــــــــــد گلبه حن الحـــالها
ــــــــــــــــــــ ــــــــــــــــــــ
كالو اسكت هاي بت حيدر علي
عاشت ولازم تموت ابلا ولـــــي
بالمنازع وينه صـــــاحت كافلي
ماتت بحسره الوجــــــــــــــه كفــالها
ــــــــــــــــــــ ــــــــــــــــــــ
صحت هذا منين جا دم اليصب
گالو امن امتونها الشبعت ضرب
ليش صحت الشيعوا زينب غرب
بت علي صـــــــــــــــار الهظم چتالها
ــــــــــــــــــــ ــــــــــــــــــــ
الياوكت زينب تظــــــــل امعلعله
الحملته ياهو الگـــــــــدر يتحمله
ليش برض الشام موش بكربـــله
اندفنت وكربــله الشغلت بــــــــــالها
ــــــــــــــــــــ ــــــــــــــــــــ


اللهم عجل لوليك الفرج
ونسألكم الدعاء
علي محسن الزيادي

#لك_العزاء_سيدي_ياصاحب_الزمان
بذكرى شهادة عمتك الهاشمية المسبية المظلومة الغريبه زينب عليها السلام
رزقنا الله مواساتك والبكاء والجزع واللوعه معك في هذه المصيبة العظيمه💔💔💔💔💔💔💔💔

https://youtube.com/shorts/0YNWDn3JlGw?si=cyAyLmNcgZiBjTH7

اليوم يالهادي الدموع انزيدها
وصرخة العاشر عليك انعيدها
ــــــــــــــــــــ ــــــــــــــــــــ
هدمتنه امصيبتك يبن الجـواد
اعليك هاي اگلوبنه علنت حداد
السمه اتبدل لونها بلون السواد
ولطمت اعليك ولطمها ارعيدها
ــــــــــــــــــــ ــــــــــــــــــــ
وا اماماه ياعلي الهــــــادي النقي
اليوم صارت نبض گلبي ومنطقي
بالدموع اصرخ يزهــره اتصدقي
اعليّه حد مادمعي عيني يبيدها
ــــــــــــــــــــ ــــــــــــــــــــ
اعليك وي اهل السمه ننصب عزه
الميت بصرختنه كون انفــــــــززه
وبالدمع كل خد عليك انطــــــرزه
بهاي ترضى الزهره عنه انريدها
ــــــــــــــــــــ ــــــــــــــــــــ
انعيد لطمتنه على حسين الذبيح
ومثل طيحة گبتك نبجي ونطيح
اه يابو العسكري ويلاه نصيـــــح
صيحه يوصل للعرش ترديدها
ــــــــــــــــــــ ــــــــــــــــــــ
انون عليك اونين ما ونه الحمــام
وكل جفن يابس حرام اعليه ينام
والعليك بنوح يسهر مايُــــــــــلام
الفاتها النوح الندم شيفيدها
ــــــــــــــــــــ ــــــــــــــــــــ
فاكدينك حگنه نجــــــــزع لو نلوع
واللطم مثل الحوافر بالضلـــــــــوع
اعيون كون اتطيح مو بس الدموع
الزهره تتلگه اليطيحن بيـــدها
ــــــــــــــــــــ ــــــــــــــــــــ
نصرخ ومانهتم بحچي الضــــلال
من دعاء الصادق انحصل كمـــال
ارحم اللهم تلك الصرخه گـــــــال
الصرخه توجب عاليطيح اعميدها
ــــــــــــــــــــ ــــــــــــــــــــ
لوعه سمّك لوعه طيحـــة گبّتك
نارهن بينه اويـــه جمرة غربتك
باجر اعله المهدي تلتــم شيعتك
بصحنك وسامره تعلن عيدها
ــــــــــــــــــــ ــــــــــــــــــــ

اللهم عجل لوليك الفرج
ونسألكم الدعاء
علي محسن الزيادي

الهادي انمرد جبـده
وشلّ الدمع خــــده
اتذكر جبـــــد جده     الذبيح
ــــــــــــــــــــ ــــــــــــــــــــ
اه اعله سادات الخــــلك   المحد عرف قدرهم
شي بالسم وشي بالذبح    گاضي بغدر عمرهم
مسموم جدهم من گضه    وتبعتها عصرة امهم
ماوصل عتبتهم فــــــرح     هد بالحزن دهرهم

يوميـــــــــه منفجعه
الزهره اعله ابن تنعه
وفجعوني متلوعــــه        تصيح
ــــــــــــــــــــ ــــــــــــــــــــ
دار الخدم بيها الوحي     واتفرّح الگصــــــدها
تحتــرك ليش بياذنب       وتخلص ذبح ولدها
عاشت النار بكل گلب       وبينه تشـــب بعدها
امن الباب للخيمه سرت    حد ماهـــوه عمدها

جم بيت الِ اتهدم
جم طفل الِ اتيتم
ظل الدمع والـــدم          يسيـــح
ــــــــــــــــــــ ــــــــــــــــــــ
ابن الجواد المنفجـــع       حمره اعله ابوه جمرته
مارحمو بحـــاله العده       ليش وطفــــو شمعته
خلوها تجري بكل وكت     مانشـــــــفو دمعتـــــه
نص عمره گضاه بالسجن    وتالي بغرب دفنتـــه

شاب وهظـم شيّب
صبح ومسه ينحب
وگلبه اعله المسلّب        جريــــح
ــــــــــــــــــــ ــــــــــــــــــــ
منغصب شال امن الوطن    وظل بالمدينه گلبـــه
ماينســـــــــأل عن الفرح      التخلص حياته غربه
حل الصعاب بيمنتــــــــه      وساعاته كلها صعبه
بالسم تگطِّع جبدتــــــــه       بيش العـــده تطلبه

صاح انفطر جبدي
ودمعاتي من خدي
اخذيها الگبر جدي        يريـــــح
ــــــــــــــــــــ ــــــــــــــــــــ
مثل الگضو گبله بغــــدر     الهادي انغــدر يوسفه
ومثل اهله ماناسي الجره    بجده ودمعتـه نزفه
مايوم مر ابلا عـــــــــزه     ولاجرحه ساعه يشفه
سهم المثلث والصــــدر      خيــــل العده تخسفه

مافارگن عينـــــه
واعليهن اونينـــه
من يذكر حسينه      يطيــــح
ــــــــــــــــــــ ــــــــــــــــــــ


اللهم عجل لوليك الفرج
ونسألكم الدعاء
علي محسن الزيادي

السلام على سيدي ومولاي محمد الباقر
السلام على سيدي ومولاي علي الهادي
وعظم الله اجورنا واجوركم بذكرى شهادته رزقنا الله واياكم خدمته وزيارته وشفاعته ومواساة امامنا صاحب الزمان عجل الله فرجه بهذا المصاب

رسالتي الى مولاي صاحب الزمان عجل الله فرجه الشريف
👇👇👇👇👇👇👇
اذا دارت سنــه ما عيّــــد وانسر
واذكر على جدك دايــــر العســكر
الغايب والده وينتظر جيته سنين
ماتضحك اشفـــــــافه كون تتفطر
عيب اعليّـــه افرح وانا مامرضيك
وجفني الخاطرك نص ليله مايسهر
الفرح مو ثوبي بدلته بحزن عاشور
اصبّح بالنيــــــــاگ وامسي بالمنحر
راس السنه الغيري وإلي راس حسين
اشــــــــوف العيد عيد الشام مااكدر
(الا من ناصرٍ) بعده الحسين يصيح
وبعدهي ام الخدر يوميــــــه تتيسّر
ناري شلون تطفه وثاري ماماخـــوذ
وعلى گبة حســــــين البيرغ الاحمر
الامامه يغيب علمني النبي يعكوب
عينه تصيـــــر بيضه والوجه يصفر
ليّـــه العيد حتى بحلم موش اولام
يهد حيلي اليگلي الناطــــره اتأخر
سبب تأخيرك انا واعترفلك جـــاي
واحلفنك بضلع الزهره المكسّـــــــر
تفرحني برضاك وتعفو عن ماجان
مني. احسبني ابن اليوم عبدك قر
واخذني العالمك بجّيني دوم اوياك
وعرفنــــــي الفرح مولاي من تظهر

#عفوك_ورضاك_يامولاي
#اللهم_عجل_لوليك_الفرج

https://youtu.be/7fIWycle7CI?si=FN-rSEij5gc1Yt15

https://youtu.be/ZrTn7fLEo2Y?si=mmIVuGqkPnboZ_qX

ابوذيات للسيدة الطاهره ام البنين عليها السلام


شرف الله هداها لا ولدها(لوالدها)
غريبه بالمنازع لا والادهى
لا الحسين اجاها لا ولدها
وماتت مانعتها الهاشميه

ياهو الگال جرح الگلب لايم
وانا متانيه لاشـــــــهر لايوم
عني بعيد ابو السجــاد لايم
گبره واشتكيله الصار بيه

تدرون الشمــــــــاته يمتى عالو
بيّــه وبحجيهم يـــــــــوم تعالو
من طحت وصحتكم يمه تعالو
وكسرتو خاطري ومااجيتو ليّه


من يوم المشيتو الفرح ماطاب
دليلي ووكت ليّه الزاد ماطاب
جرح افراككم بالگلب ماطاب
يطيب بيوم ردتكم عليه


الكون ام الغوالب مايليها
ماتت وابوفاضل مايليها
يجبلها وينگط ماي ليــها
ميته وعينها اعله الغاضريه


الدهر من مشو شامت صاح اتى الهم
يطيحج گتله لتلف صحتي الهم
سكته انا ودمعتي صاحتلهم
شماته اشبع امن اتگطعون بيه


اللهم عجل لوليك الفرج
ونسألكم الدعاء
بمشاركة
السيد حميد الموسوي
علي محسن الزيادي

العدها اربع ولد ليش بموتها
شالته وادم غرب تابـــــوتها
ــــــــــــــــــــ
العدها واحد عايشه براحة گلب
الماله تفسير الخبر هذا الصعب
العدها اربع ولـــد دمعتها تصب
والحزن گطعها كل ابتوتها
ــــــــــــــــــــ
بالحزن والهم سمـــــــاها امغيّمه
وبجت حد ماصاب ناظرها العمه
وارثه احزان الغريبــــــــه فاطمه
وصارت ابيوت الاحزان ابيوتها
ــــــــــــــــــــ
عدها اربع ولد شوفتهم دوه
من تناديهم يسبگون الهـــوه
اربعتهم يوصلون الها ســـوه
وتالي واحد ماحصل زاتوتها
ــــــــــــــــــــ
يبس ريج الفاگده بكثـــر النِشِد
تطلع من الصبـــح والمغرب ترد
سهر وافراگ وحجي وحر وبرد
والبجي اعله حسين اصبح قوتها
ــــــــــــــــــــــــ
ينكسر مگفاها اذا ينشدها ضيف
باب ديوان الكرم مسدوده حيف
تصيح دمعتها ولامراني طيــــف
منهم ويمرد جبدها اسكوتها
ـــــــــــــــــــــــــــ
من عگب ماگضّته امتــانه العمر
اتگوم ظلت من گبر تهوه بگبـــر
من تصيح حسين يتلاشه الصبر
وجان اسم حسين اخر صوتها
ــــــــــــــــــــ
طبع كل ام من تحل ساعة البين
تظل تتلافت تگول اولادي ويــن
ليش لا عباس اجاها ولا حسين
شلون اهل الغيره هاي تفوتها
ــــــــــــــــــــ

علي محسن الزيادي

امنيتي اخير انفاس ريت اطبگ العين
كون بوجه عبـــاس وبوجـــه الحسين
ولدي اندعي يحضروني
وبيهم اكحل اعيونـــــي
وبوجه الحسين
ــــــــــــــــــــ ــــــــــــــــــــ
عمر خلصته بالحســـرات      يوم الفاركت ولدي
وحدي بعيني ظلمه الدار     ادور ومنفطر جبدي
والينشدني هم يلفـــــون       يخنگني الهجر يبدي
واكول اولادي كلها تهون      غير حسين ماعندي

اربع زلــــم وديت           للغاضــــريه
ومقصره ماوفيت       لبن الزجيــه
وانطرهم يفرحــوني    
وبيهم اكحل اعيوني
وبوجه الحسين
ــــــــــــــــــــ ــــــــــــــــــــ
الجفون الساهرات الليــــــل    ثگل ادموعي يطبگهن
واطفي اعيوني بالدمعـــات    وصور غيّابي تحرگهن
الهوه اليخنگني اگولن خاف  بنات حسين خانگهن
عطشانه العيـــــــون حسين      مامتعوده افارگهن

جفني الفگد عينـاه       مايهنه بالنـوم
وگلبي بسهم فرگاه      يوميه ملجوم
ولدي بأمـــل خلوني     
بيهم اكحل اعيوني
وبوجه الحسين
ــــــــــــــــــــ ـــــــــــــــــــــــ
نوبه احسب دمــوع ونوب     اهيم ابردت احبابي
واركض من فرحتي بشوگ   حسبالي انفتح بابي
واشوفه مترّب ومســـدود       واطيح بهمي وامصابي
ميّت ليلة الوحشــــــــــــــه       حالي اخلاف غيّابي

اعطش واكول حسين        يمكنّه عطشان
وتظلم واصيحن وين          جا گمر عدنان
وين اخوته يبارونــي        
وبيهم اكحل اعيوني
وبوجه الحسين
ــــــــــــــــــــ ــــــــــــــــــــ
ام انا واحس بالصــــــــار      ومايتوهّم احساسي
اجفوفي امن الزند ميتات   خطر بجفوف عباسي
واكيد انگطع راس حسين     عرفته من وجع راسي
وهذا اوروم متنـي ايكول      امورمه امتون اعز ناسي

والضعن شبني بنــــار         من ردلي خالـــي
والمسبي ون وصــار        يبجي اعله حالي
گلت بحلم يلفونــــــي       
وبيهم اكحل اعيوني
وبوجه الحسين
ــــــــــــــــــــ ــــــــــــــــــــ
بعدهم مدري عشت شلون     من راحو خذو روحي
عميت امن البجي اعليهم       وسلّيت بكثر نوحي
ولدي اجروحي اكول ولا      حسين انت اكبر اجروحي
الف عون والف عبــــاس        يفدونك يمذبوحي

اسمك الي اخر صوت     يالب الافّــــــــــاد
وكل والده بالمـــــوت     اتحن اعله الاولاد
ولدي ارتجي يدفنونــــي     
وبيهم اكحل اعيــــــوني
وبوجه الحسين
ــــــــــــــــــــ ـــــــــــــــــــــــ

علي محسن الزيادي

#السلام_على_سيدة_الوفاء_ام_البنين
#لك_العزاء_سيدي_ياصاحب_الزمان
عظم الله اجورنا واجوركم واحسن الله عزائكم بوفاة السيدة الطاهره ام البنين عليها السلام

https://youtube.com/shorts/yYWnH5AkSjQ?si=P-_I8_vvfOKU24Mm

https://youtu.be/DgYC8zTyLg4?si=2S8itMHtNorHDuvr

https://youtu.be/o9CJIXWJ8Bs?si=iMeSF1oOGcCXzyOu

مااكَلّج ييمه اشبيّه مابيـّـــــــه
مايخفيج حالي اوّله وتاليـــــه
ـــــــــــــــــــــــــ& &ـــــــــــــــــــــــــ
خمس اسنين عمري وشفت حرك البـاب
وترس اذني سمعت بضلعج امن انصاب
اصيحن بويه وينك عني حيدر غــــــاب
بطرف ثوبج امجلبه وترعش ايديّـــــــــــه
ـــــــــــــــــــــــــ& &ـــــــــــــــــــــــــ
فجعوا بيج كلبي الله يفجعـــــــــــــــــهم
وبعدج لوّعوني الله يلوّعــــــــــــــــــــهم
ماشبعت امن امها كالوا اسمعـــــــــــــهم
والموت الخذاج اتمنه رد ليّـــــــــــــــــــــــه
ـــــــــــــــــــــــــ& &ـــــــــــــــــــــــــ
كضيت العمر ابجي والبجي شيفيـــــــــــد
وبعدج راح ابوي واصفج ايد بأيـــــــــــد
وبعد الحسن يمه استوحداني ايزيــــــــــد
ياربي دخيلك من المخفيّــــــــــــــــــــــــــه
ـــــــــــــــــــــــــ& &ـــــــــــــــــــــــــ
يمه الجفل ضعني بعز اجيت اويــــــــــــاه
شفته ابلا جفوف وسهم صك عينــــــــــاه
باصرني كلتله امشي اظل اهنـــــــــــــــــاه
سكته وجثّته اعله الشاطي مرميـــــــــــــه
ـــــــــــــــــــــــــ& &ـــــــــــــــــــــــــ
وحسين الكتلني المنكطع نحــــــــــــــــــره
ماخلّت الخيل آثار من صـــــــــــــــــــــدره
وحكَّج ماأميّز صدره من ظهــــــــــــــــــره
كضه عطشان محّد شرّبه اميّـــــــــــــــــــه
ـــــــــــــــــــــــــ& &ـــــــــــــــــــــــــ
شفتج من اجيتي اسمعت بونينـــــــــــــج
ورقيه شفتـــــــــــج امخليتها بحضينــــج
حلت هسه السوالف بيني وبينــــــــــــــــج
ماالگاج خاف امن امشي مسبيــــــــــــــــه
ـــــــــــــــــــــــــ& &ـــــــــــــــــــــــــ
لوبيدي اروح اوياج مااخلّيــــــــــــــــــــج
اشمايسدي عليّه ادريه يسدي اعليــــــــج
بس ماعايزه انتي العله كافي البيــــــــــج
هذا امر الله يُمه الكاتبه اعليّـــــــــــــــــــــه
ـــــــــــــــــــــــــ& &ـــــــــــــــــــــــــ
فدوه اغديلج آنـــــــــــــــــــه الكربله وردّي
نار اخواني تسري ونارج ابجبــــــــــــــــدي
شتهيسين اظل ويّـــــــــــــــــــــــاج ماودّي
بس نسّاني حالج وجع رجليّـــــــــــــــــــــه
ـــــــــــــــــــــــــ& &ـــــــــــــــــــــــــ
لاتبجين يمه ابجاج ياذينـــــــــــــــــــــــي
دم عينج تصب يامن عمت عينــــــــــــــي
امتحنّي حسين بعياله آنه خلينـــــــــــــــي
بس ادعيلي ربي ايعينّي اشويّــــــــــــــــــه
ـــــــــــــــــــــــــ& &ـــــــــــــــــــــــــ
الله اوياج واتعذريني يايمّـــــــــــــــــــــــــه
راح يطك دليلي من كثر هظمـــــــــــــــــــه
حكم الباري هذا وراضيه بحكمـــــــــــــــــه
نتلاكَه واجيج اضلوعي محنيّـــــــــــــــــــه
ـــــــــــــــــــــــــ& &ـــــــــــــــــــــــــ

اللهم عجل لوليك الفرج
ونسألكم الدعاء
علي محسن الزيادي

السيده زينب عليها السلام تروي ماجرى على امها الزهراء عليها السلام


ياهو البلوته مثـــــــــل  بلواي
وبرياگه علگم ينـــــــزل الماي
انا اليتيمه الفاجـــــــــده الراي
وينه الينوح اعله امي ويـــاي


محترگه من النار اديــــــها
والاخ تطلع وي حجيــــــها
شفت امي من دارو عليـها
الماطگها يصرخ حيل بيها


عين اعله ابوي وعين لمي
طفله وجبيــــر اعليه همي
مابيدي شي ومحترك دمي
ياعين اگلها اعله امي اعمي


اسمعها ابـــــــوي اتگول اريده
شفت امي مهضومه اووحيده
واتصيح رجعولي الصميــــــده
رد ليها طگها بقوة ايـــــــــــده


شفت العبد طگ امي وسفه
وشفته اعله خدها طبع جفه
جرح البگلبـــــي شلون يشفه
وضلع امي مامگطوع نزفـــه


تانوني يالنعش امي شلتــوه
اجلو الدفن وبحضني بيتوه
گلبي التگطع كون شفتــــوه
عني النعش جا ماخذيتـــوه


كون التموت امه بجي يموت
ويثغب لحد مايگطع الصوت
مو بالجنازه يروح زاتــــــوت
يطلع ويـــــــــاها بفرد تابوت


هاي امي هــــــاي الدللتني
ام الوفه المازعلتنـــــــــــي
خلوني احاجـــي اليتمتني
ليش ارد اگلها امفارگتنــي


خلوني اشبع نوح واونيــــــــــن
ليش بدفنــــــــــــــها مستعجلين
اوياها گضت خطفه اربع اسنين
ماتت ودمها اعله الحيـــــــاطين


خلوها يمي وشيلو البـــــاب
لو شفته گلبي يصير عطاب
كلما اصدله والگه الخضــاب
بالصوّب امي بگلبي انصاب


اللهم عجل لوليك الفرج
ونسألكم الدعاء
علي محسن الزيادي

https://youtu.be/w6KTTkkQAIs?si=XMAVOsdaqBAc2yAY

https://youtu.be/hfzydckLU2M?si=MkBrqimZqDCPyEVn&sfnsn=mo

https://youtu.be/44rTRE4GVU4?si=_89v0DVqb9VRAtWB

#مجاراة_لقصيدة
((قال سليمٌ قلتُ ياسلمانُ هل دخلو ولم يكُ استأذانُ))
الجواب👇👇💔
دخلو ياسليـــــــــــــــم ابلا اذن دخــلو
مثل النار هبــــــــــو كلشي ماخلو
مانندله گالو بيتــــــــــه جا طفنــــــــاه
بس راح النبي حركوه امن اندلو
جذاب اليگلك ياسليـــــــم اســــــــــلام
وحق الزهره لا صــــامو ولا صلو
نسو يوم الغديـــــــــــر وعلي ماوالــــوه
واختارو خليـــــــفه بجهل واتولو
نكرو فاطمه الوصّـــــاهم المختـــــــــــار
رجعو جاهليــــه وكفــــــرو وضلّو
اليحب مفروض يحمل وي حبيبه اهموم
وهُمه اهموم ماحملو حطب حملو
ماملّو نگـــــال الحطب ويركضـــــــــــون
لاكن من بواجـــــي ام الحسن ملّو
وحتى الوكفو وشافو لهب بالبـــــــــــاب
ركضو ماطفوها النــــــــار لا شعلو
والماشعلو او لاهدّو يخـــــــــــــــــافون
سكتو وابو الحق خذلــوه وانشلّو
سيوف وزنجرو من لمع ذو الفقــــــــار
بگرابه تقيّـــــــــــــــد درو وانسلّو
من گادو علي ايذل رادو ويخســــــون
علي ظل العزيـــــــز وهُمه الانذلّو
لاكن ياسليم اوحيدة المختــــــــــــــار
بسمار بصدرها امن العصرــ شتلو
وصطروها اعله خدها وطفت شمس الكون
ومو محسن محمد فاطمه قتـــلو
واحنه اعيونّه بعين الوصي المهظـــــــوم
ونصد لولاده من كثر البجي انسلّو
مثل والدها ظلموها ام حسن وحســـــين
مغدورين طاها وبضعتــــــه رحلو
ــ💔💔💔💔💔💔💔💔💔💔
#لعن_الله_ظالميكِ_يافاطمه
#لك_العزاء_سيدي_ياصاحب_الزمان

كتبت رســــــالتها
بدمها اعله عتبتها
ليك الزجيه
تدعي امك الثـارك
وتتنطر اخبـــــارك
صبح ومسبيه
ــــــــــــــــــــ ــــــــــــــــــــ
يالمهدي يا اخر امل للصدره ضــــــايگ 
جم لوعه ضايگ
كل جرح منتظرك دوه ومظلوم شاهگ
جم لوعه ضايگ
ياماي تدري بيا گلب فرگاك حــــــــارگ 
جم لوعه ضايگ
يوميه للشـــــــام الشمر بالضعن سايگ
جم لوعه ضايگ

يابو ظهر مايــــل
ضيم شكثر شايل
واشجم رزيه
متلهّفه انصـــارك
وتتنطر اخبـــارك
صبح ومسيه
ــــــــــــــــــــ
يوميه مرسال الدمع يبعث رســــــــــــــاله 
حن اعله حاله
اول رسالة منهظم مشــــدوه بالــــــــــــــــه
حن اعله حاله
منعوه حتى امن البجي ودم عينه ســــــاله
حن اعله حاله
واخيال صار امن الهظم وذبحــــو خيــــاله
حن اعله حاله

افتحها واقــــراها
امن الزهره تلگاها
وبيها وصيّه
لاتنطفي نـــــــارك
وتتنطر اخبــــارك
صبح ومسيه
ــــــــــــــــــــ
مر اعله دار امك جرح شــــــــوف اشلجمها
واشكبر همها
بالعتبه تلگه ارســـــــاله الك كاتبها دمـــــها
واشكبر همها
تشكيلك اشلون الرجـــس طگـــــها ولطمها
واشكبر همها
واتمنت بكســــــــــــــر الضلع يالمهدي يمها
واشكبر همها

هظم امك ايشلّك
مظلومه واتگــلك
مُر يبني بيه
ليمت تجــي الدارك
وتتنطر اخبـــــــارك
صبح ومسيه
ــــــــــــــــــــ
لليوم عيــــــــن امك تره ايصب دمها حمره
يالمهدي حسره
صوت الضلع صاح الكسر منهو اليجبــــــره
يالمهدي حسره
ماتدري كل مغرب يمر يصطرها صطـــــره
يالمهدي حسره
وكل يوم يكضي بغيبتك بالصــــــدر عصره
يالمهدي حسره

هاي العـــــلل كلها
لو ماتــــــــرد الها
صعبه القضيه
منتظره فقــــــارك
وتتنطر اخبـــــارك
صبح ومسيه
ــــــــــــــــــــ
تلگـــــــه برســـــالتها عتب حگها تعــــاتب
امك يغايب
لا گبـــر لا زايــــــر يمر والصــــــدر عــايب
امك يغايب
مو بس مصيبه بدمها الك شرحت مصايب
امك يغايب
طبره وجبـــــــــود امسممه وطف وغرايب
امك يغايب

سولفت عن منحــر
وعن صدره المكسّر
وعن السبيه
من ساعة اصيارك
وتتنطر اخبــــــارك
صبح ومسيه
ــــــــــــــــــــ ــــــــــــــــــــ

علي محسن الزيادي

فاطمه اجفوف الكفيل اتشيلها
باجر وكلها تصيح ادخيــــــلها
ــــــــــــــــــــ
باجر الزهراء تحضر بالحشــــــر
ويرتفع صوت العزيز المقتـــــدر
الروس دنگوها الزجيــه خل تمر
وكلها هامات الخلك تحنيلها
ــــــــــــــــــــ
ماعدا الهادي وعلي الكل يحتمي
بيها وايگلها علينـــــــــــه اتكرمي
بالحشر ربحــــــان بس الفاطمي
والتعادي ام الحسن ياويلها
ــــــــــــــــــــ
بحقها تطلب توكف وكلها تشوف
لا ضلع لا طبره تبدي ولا طفــوف
بياذنب كطعوها تصرخ هالجفوف
سبو بتي بگطع جف اكفيلها
ــــــــــــــــــــ
تلتقط شيعتها وتعــوف الرديئ
الطايع يگلها دخيــــلج والمسئ
المات من ظالم الزهره مو برئ
سقر مثواه لو دمه باجيلها
ــــــــــــــــــــ
فاطمه الظلموها بالدنيــا تصير
باجر المنصوره وبجفها المصير
بيها دنيا واخره انظل نستجير
غيرها ياهو الهموم يزيلها
ــــــــــــــــــــ
الشفاعه الكبرى حقها ابلايه حد
كون ماترضه فلا يرضه الاحـــد
والتضدها الجنه تنســـــــاها ابد
مانفعها اصيامها وترتيلها
ــــــــــــــــــــ
باجر اعلى الرتب شيعتــها تحوز
واسرع امن البرق عالمعبر تجوز
بحبها باجر شيعة الزهره تفــــوز
وعذر ماله الذنبه هادم حيلها
ــــــــــــــــــــ
سوه خل نصرخ دخيــــــــلج فاطمه
ومنها نطلب كلنه حســـــــن الخاتمه
اوياها نبجي اعله المرد جبده الضمه
اتضمها اله اوياها الدمعته يسيلها
ــــــــــــــــــــ
عله حسين البجه اوياها ومنفجع
يختلف عد فاطمه هذا الدمـــــــع
هالدمع عدها دوه الكســــر الضلع
انهارها تبجي اعله ابنها وليلها
ــــــــــــــــــــ ــــــــــــــــــــ

اللهم عجل لوليك الفرج
ونسألكم الدعاء
علي محسن الزيادي

عظم الله اجورنا واجوركم
هذا نعي للسيده الزهراء عليها السلام

السيده في بيت الاحزان 👇

وياي ون يابيت الاحزان
انا الغريبه المالها اعـــوان
من فارگاني سيد الاكوان
بيه عگب عينه الدهر خان
والجانو يگولون صحبــان
صارو عليّه اخلافه عدوان
ظليت طير ابلايه جنحان
ملتني من البجي الجيران
ــــــــــــــــــــ ــــــــــــــــــــ


(موقف الهجوم على السيده 💔)

مصطور خدي وكسر بيه
وبسياطهم دارو عليــــه
وحيدر مجتف بالوصيه
انخه ولا نغار اليـــــــــه
يطكونّي واشگف بديه
يرفسني ماجني الزجيه
ولا جني بت سيد البريه
ولا واحد يگلهم خطيــه
ــــــــــــــــــــ ــــــــــــــــــــ


( استشهاد السيده 💔)

ماتت ومنها العيــــــن حمره
ودامي الضلع ماطاب كسره
وحيدر عليها انكســـر ظهره
كلما بجت زينب الحــــــــره
وياها يبجي ويطك صبـــره
دمع الحسن كل دمعه جمره
وحسين جن حافر بصــدره
كل اه اله تلجـــــــم الزهــره
وي فاطمه ماتت العشــــره
والدنيه صارت حيل مُــــره
ــــــــــــــــــــ ــــــــــــــــــــ

(موقف التغسيل 💔)

غسلتج بديه شلـــــون
كون انا المغســـليني
ماادري الضلع مكسور
شفته وانعمت عيني
گبل من ابجي ماترضيـن
هسه انتي تبجّينـــي
اول مره احجي اويـــــاج
يزهره وماتحاجيني
اخذيني اوياج يم حسين
وحدي لاتخلينـــــــي
عهــــــد ماراح ابطل دوم
عليج ابجاي واونيني



#لعن_الله_ظالميكِ_يافاطمه
#لك_العزاء_سيدي_ياصاحب_الزمان
#اللهم_عجل_لوليك_الفرج
#الأقل_علي_محسن_الزيادي
#اسالكم_الدعاء

ابوذيات

آدم من فگد ابنــــــــــه بچــاه دم
يزهره ومانســــــاه گالو بچاه دام
جا لو شايف اشصــــاير بيج آدم
نسه ابنه وصاح كون الكسر بيه


عليج اليخفي ونّه اليوم علّاه
وي ولده ايتسـابگ صار علّاه
بگلب حيدر ترك فرگـاج علاه
يتيم ايصيح خلتني الزجيـــــــه

السلام على المكسور ضلعها والمظلوم بعلها والمقتول جنينها والمغصوب حقها والمخفي قبرها الصديقة الشهيده فاطمة الزهراء لعن الله ظالميها وقاتليها

https://youtu.be/fX4rEdnO0h8?si=irq4BYUzVkemkBND

نعي وابوذيات

كونـــج ناسيتنه مانســـينــــــاج
فارگتينه بس مافارگينـــــــــــاج
مانلتم ســــوه الا وذكرنـــــــــاج
ولا مر بينه مغرب مافگدنــــــاج
يمه اشما بجينه نسمع ابجـــــاج
واتونين ويـــــــــانه سمعنــــــاج
جن لا رايحـــــه ولا ودعينـــــاج
واذا رحنه المجانج مالگينــــــاج
نشمه وبالدموع انبلل اغطـــــاج
ونصيح الموت اخذنه كون وياج



يزهره الفرح بعدج ماهوانه
وحتى الهوه اتغير  موهوانه
وانا اخلاف عينج ماهو انه
جرح والباب شابع لجم بيه

الكون بموتة امـــي ماج ليها
يريت الموت اجاني ماجليها
الجنازه لو الباجــــر ماجليها
بلكي اكضي وتدفنونه سويه

يافضه سولفيلي
خل يحترك دليلي
من عصرو امـــي وهجمو اعله البيت
ميته اويه اخوي المحســـــــن تمنيت
ــــــــــــــــــــ
لايهمج زغري ابـــــــد
زينب انفجعت بعــــد
واتوضت بدمعها
احجي يافضه الصدك
گلبي خلّيه يحتـــــرگ
عالمنكسر ضلعها
بيني مابينج نسولف لايسمعون اخوتــي
بيهم اموصيتني امي تزيد همهم دمعتي
وني يلجم جرح حيدر سكته اونـن ونتي
رايده امن الليله للطف تظل تسعر جمرتي

مو اختصـــار اشرحي
يافضه الچمي جرحي
ظهري انكسر للبـــاب من صديت
ميته اويه اخوي المحسن تمنيت
ــــــــــــــــــــ
فضه شبگتها بهضــم
وگالت الماعـــدها ام
مكسوره لو جبيره
وانتي محنيه بزغر
غصن جنج منكسر
شيصبر الزغيره
اشما اريد امسح دموعج ابجي وياج وانوح
والتضمد اجروحج امست بيــج هيه ام الجروح
عن ابوه الضام دمعه وامه مــاهي المن يروح
ابلا سوالف زينب امـــــج دمها لعيونج يلوح

گلبيه عدل هدمها
تلگينه فوگه دمها
صاحت يفضه شفته كون اعميت
ميته اويه اخوي المحسن تمنيت
ــــــــــــــــــــ ــــــــــــــــــــ
غير بالباب العصـــــر
الدم يفضه بكل كتـر
فسريلي هالمصيبه
اهدومها كلهن حمــر
امي ضربوها اشكثـر
واشّافت الغريبه
بيّه اكول الذنب وابجي واعله روحي اشگد لمِت
من صرت مافارگتها شلون هالســــــاعه غبت
صاحت بطيحتها بسمي ماسمعت اتصـــورت
بكثر مامتعلگه بيها ابعيـــده واوياها انصبت

كلما صحــــت ييمه
بعيني تجيني لطمه
كون انا يمها وعنـــها طگ صديت
ميته اويه اخوي المحسن اتمنيت
ــــــــــــــــــــ
راح اســـــولف ماشفت
والحجي بگلبـــــي يفت
واتمنــــــه مااكمّل
عميت عيني من هــــوَت
فضه اسنديني اصرخت
منظرها والله يكتل
عينها امن الصطره زرگه وشفت المتون الزرگ
وبالصدر بسمار نابت وبكثــــــــــر سوط اليدك
ماتشيل امج اديها املاگيــــــــــه اسياط وحرگ
ومات من الرفس محسن مدري مات امن السحك

گوه النفس تجــــره
وكامت علي تنصره
يادهر صاحـــــت زينب اشسوّيت
ميته اويه اخوي المحسن اتمنيت
ــــــــــــــــــــ ــــــــــــــــــــ
صوتها الدافي اختفَه
ونور العيـــون انطفه
حسبالي من بجيها
خايفه اعليّـــه انفجع
ضامه الخــد والضلع
عني وتضم اديها
تالي من ودعت امي كلشي لعيوني انكشف
اجروح حيدر جزّعنه وانا احس گلبــــي نزف
ردت اگلها اوياي ظلي بعازتج گدامــــــي طف
شفت شمسوين بيـــــــــها لا بعد كلشي اختلف

خل جرحي دومه يـدي
واحمل واعاني وحــدي
وبكل وكــــت من حگي لو ناديت
ميته اويه اخوي المحسن اتمنيت
ــــــــــــــــــــ ــــــــــــــــــــ


اللهم عجل لوليك الفرج
ونسألكم الدعاء
علي محسن الزيادي

گلبي الرايــد ايعرفه اشكثر ضيمه
يحسب عمري من الباب للخيــــمه
ــــــــــــــــــــ
انا الفتّحِت عيني على الدمــعه
زينب والعمر گضّيته منفجــــعه
ياهو بضلعه الوذن ينكسر ضلعه
انحب من بداية عمري وايتيمه
ــــــــــــــــــــ
عني الرايد يسولف شرط مچوي
والوَن بدليـــــله بكل وكت يدوي
وبروحه عليّه مجلس ايســــــوّي
سالفتي شرط بيها العزه ايجيمه
ــــــــــــــــــــ
من يذكرني يسمع ونّتي الفــــاگد
وبكســــرة ضلع امي اليحس رايد
بگلبه يشوف خل وين الشمر گاعد
وياعلويه ركضت حافي بالهيمه
ــــــــــــــــــــ
المامكسور گلبه الكســـر ضلع امي
مايكدر يســــــــــولف للخلك همي
من عصروها من سطروها مو يمي
وهم مو يمي ساعة هَجمة الجيمه
ــــــــــــــــــــ
تجوه الذاخرتها اتدوّر التجـــوه
وتتنفس شفتها وتحجي بالگوه
عمره الفاگد امه بزغره مايسوه
حگه الفرح ينساه والبچي ايديمه
ــــــــــــــــــــ
دوم بعازة امها اتظل البنيــــه
وانا العازة امي امن الزغر بيه
اول عمري نار ونار تاليّــــــــــه
انا الفاگدتهم وين ابو الشيمه
ــــــــــــــــــــ
ياباب الاصدله بعيني يعصــرني
وكل مغرب يمر اعليـــه يكسرني
نحيله والهوه امن امشي يعثّرني
وحزني المايفهمه صعب تفهيمه
ــــــــــــــــــــ
عمري بضلع بادي ومنتهي بضلـوع
انا الماكو مثلي املوّع ومفجـــــوع
من دون الخلگ عني الفرح ممنوع
وبگد عيني مامطرت دمع غيمه
ــــــــــــــــــــ

اللهم عجل لوليك الفرج
ونسألكم الدعاء
علي محسن الزيادي

اعظم الله اجورنا واجوركم بذكرى استشهاد مولاتنا وشفيعتنا سيدة الوجود المظلومه الشهيده فاطمة الزهراء صلوات الله عليها رزقنا الله واياكم خدمتها ورضاها وزيارتها وشفاعتها ولعن الله ظالميها وغاصبي حقها
#لك_العزاء_سيدي_ياصاحب_الزمان

عن رسول الله (ص) قال: كأني بها وقد دخل الذل بيتها، وانتهكت حرمتها، وغصبت حقها، ومنعت إرثها، وكسر جنبها (٢)، وأسقطت جنينها، وهي تنادي: يا محمداه، فلا تجاب، وتستغيث فلا تغاث، فلا تزال بعدي محزونة مكروبة باكية، تتذكر انقطاع الوحي عن بيتها مرة، وتتذكر فراقي أخرى، وتستوحش إذا جنها الليل لفقد صوتي الذي كانت تستمع إليه إذا تهجدت بالقرآن، ثم ترى نفسها ذليلة بعد أن كانت في أيام أبيها عزيزة، فعند ذلك يؤنسها الله تعالى ذكره بالملائكة، فنادتها بما نادت به مريم بنت عمران، فتقول: يا فاطمة (إن الله اصطفاك وطهرك واصطفاك على نساء العالمين)، يا فاطمة ﴿اقنتي لربك واسجدي واركعي مع الراكعين﴾ (3).
ثم يبتدئ بها الوجع فتمرض، فيبعث الله عز وجل إليها مريم بنت عمران، تمرضها وتؤنسها في علتها، فتقول عند ذلك: يا رب، إني قد سئمت الحياة، وتبرمت بأهل الدنيا، فألحقني بأبي. فيلحقها الله عز وجل بي، فتكون أول من يلحقني من أهل بيتي، فتقدم علي محزونة مكروبة مغمومة مغصوبة مقتولة، فأقول عند ذلك: اللهم العن من ظلمها، وعاقب من غصبها، وأذل من أذلها، وخلد في نارك من ضرب جنبها حتى ألقت ولدها، فتقول الملائكة عند ذلك: آمين.
الأمالي- الشيخ الصدوق-الصفحة ١٧٥

https://youtu.be/syFwPpB1mKc?si=ylvWIJN9PVp4_S59

https://youtu.be/jRnG1MfbZOg?si=qUGrR2tQahZBiYVw

ماخله السبي دمعات تبجيــــــــها
ذكرى امصاب ابوك شلون تحييها
ــــــــــــــــــــ
كل فاگد عرف جرحك نسه اشفاگد
ويه الحزن جنك دوم متواعـــــــــد
مثلك باجي دم مااعتقد واحــــــــد
يصبح عينك الدم ويمسيها
ــــــــــــــــــــ
ماظل دمع بس سهم السبي بعينك
العليل اتعينه زينب ياهو اليعينـــك
شالت نعش ابوك شلون جفينـــــك
نكثته اتراب گبره لو بقه اعليها
ــــــــــــــــــــ
وحدك منهضم لا اخو ولا صاحب
وبحكك الضايع محد يطــــــــالب
گلبك من كثر نـــــــاره شمع ذايب
واجروحك تكشفها وتغطيها
ــــــــــــــــــــ
ساكن بالصحاري وسهر ليليــــــــه
ماتنلام عندك حره مسبيـــــــــــــه
بيك الشام كلما يمر طاريــــــــــــه
تصفك جفك وهامتك تحنيها
ــــــــــــــــــــ
اعيونك ذابله وامحفره اخدودك
وحيل اتريد منك فاتحــة عودك
جنك عمك العباس بس جـــودك
عينك لجن دم مو سهم طافيها
ــــــــــــــــــــ
بيك الفرح مامر حتــــــى لو خطفه
تبجي اضواها خاف اعيونك وتطفه
يالمهدوم حيلك بيــــــــــك عالوگفه
الوادم من تجي اتعزي وتلاگيها
ــــــــــــــــــــ
يامخلوق صبرك گــــــــــــدر يوصلله
خمس اسنين عمره واعله ابوه صلله
ياهو يصيحلك من تعثـــــر اسم الله
ونارك لو دوت ياهو اليطفيها
ــــــــــــــــــــ
بجفوفك قميص حسين المدمم
صار الهوه يلجمك جنك امهشم
تطلب ثار جم مذبوح ومســـمم
وجم مهضومه تنطر فزعتك ليها
ــــــــــــــــــــ

اللهم عجل لوليك الفرج
علي محسن الزيادي
ونسألكم الدعاء

ابوذيه استشهاد الامام الحسن العسكري عليه السلام الى مولانا الامام الحجه عجل الله فرجه الشريف

بگلبك فگد ابوك اشكثر مالاخ
شاب وشيبك الواليــك  مالاخ
وحيد او لاجف بمكفاك مالاخ
جنك عمتك بالغاضريه

من سبونــــــــــــــه       ويســــــــــــــــرونه
راسك بجه اعله الصار     
حادي الضعن من سـار
ــــــــــــــــــــ ــــــــــــــــــــ
سكنه انه الجنت امدللنـــــــي     
وماترضه اتمر بيه اهموم
كَوم وعاينـــــــها امدللتــــــك     
بعد العز مهضومه اليــوم
يابويه المتعوده اعيونــــــــي     
اتشوفك لازم كَبل النــوم
شلون اصبر كَلي اعله افراكَك   
وانطيني الحل يامظلـوم

من عفتنــــــــــــــــي       يتمتنـــــــــــــــــي
يابويه فكري احتـــــــــــار        
حادي الضعن من ســـــــار
ــــــــــــــــــــ ــــــــــــــــــــ
يالغالي وحين الودّعتــــــــــك    
رحت وراحت روحي وياك
ظليت ابلا روح اتنطّـــــــــــر     
روحي اترد بس ابملكَــــاك
حيلي اتهدم من رد مهـــــرك     
منك خالي وظل ينعــــــاك
والدوهنّي وزيّد همّـــــــــــي      
كَلبه شلون انطاه خــــلاّك

يبجي شفتــــــــــــه       من سألتــــــــــــــه
خلّه الدموع انهــــــــــــار         
حادي الضعن من ســـــار
ــــــــــــــــــــ ــــــــــــــــــــ
متوهّم مهرك حسبالــــــــــي    
يابويه وحس كَلبه احساس
اشّرلي وكَال اوياي امشــــي    
كَتله شلون وهاي النــــاس
جاباني اووصّلني الجســـمك    
وشفتك ياروحـــي ابلاراس
طحت اعليك وجنّك كَتلـــــي     
يم عمج روحي العبــــــاس

ياحبيبـــــــــــــي            ياطبيبـــــــــــــي
بكَلبي وخيامي النـــــــــار       
حادي الضعن من ســــــار
ـــــــــــــــــــــــــــــــــــــــــــــــــ
مااحجيلك ليل العاشــــــــــر     
بيّه اشسوّه وبالأيتــــــــــام
خل اتسولفلك عمّتنـــــــــــه     
وتشرحلك كــــــــــــل الالام
بس احجيلك من طر صبحه     
وجابوها النــــــــوكَ الظلاّم
زينب عمتي اتركّب بينـــــه     
وتكَول اشيحملها الشـــــام

عذبونــــــــــــــــــه        وسلبونـــــــــــــــــه
نسوه ويتامه ازغـــــــــــار      
حادي الضعن من ســـــــار
ــــــــــــــــــــ ــــــــــــــــــــ
يابويه حسين واتمنـــــــــــــــــه   
عميه ولا شفت المصبــــــــــــاح
انظر للسجاد امكيّـــــــــــــــــــد   
وروس اهلي اكبالي اعله ارماح
احجيـــــلك لو ماتتحمّـــــــــــل    
ماتسمع يابويـــــه اصيـــــــــاح
ايتــــــامك هاي ايضربوهـــــــا    
يمكن واحـــد منهم طــــــــــاح

أي رقيـــــــــــه            اعله الوطيــــــــــــه
عافوها هالأشــــــــــــــرار     
حادي الضعن من ســــــار
ــــــــــــــــــــ ــــــــــــــــــــ
ذابت من النوح اعيونـــــي     
مهظومه ومخطوفه اللـــون
من ابجي واشرحلك ضيمي     
بحيدر والزهره ايشتمــــون
شوف السوط امورّم متنــي     
لوكَتلك هم مايرضـــــــــون
حنت حتى النوك الحالـــــي      
وانتم بس روس وتبجــون

اتكَلي اصبـــــري               وانت تـــــــدري
بيّه اشترك اثـــــــــــــــــار       
حادي الضعن من ســـــــار
ــــــــــــــــــــ ــــــــــــــــــــ

                      
اللهم عجل لوليك الفرج
ونسألكم الدعاء
علي محسن الزيادي

السلام على عزيزة الحسين الغريبه مولاتي سكينه
(ذكرى وفاتها في الخامس من ربيع الأول)
#لك_العزاء_سيدي_ياصاحب_الزمان

https://youtube.com/watch?v=BQ1Gpf_R79s&si=jIowsZdNVvlGDKvi

سدها الموت عينك سيد العتـــــره
بس عين الزجيــه انسدت بسطره
ــــــــــــــــــــ ــــــــــــــــــــ
عانيت اشكثـــــــــر والأمتك ضحيت
واتكول انا رحمه امن الله ليكم جيت
ما اوذي نبـــــــــــي گد ما أنه اتأذيت
وبحيدر توصي اشكثر والزهره
ــــــــــــــــــــ ــــــــــــــــــــ
عگب الشفته منهم بس جنت تعذر
ابو خايف عليهم لايمســـــــهم ضر
ردت تكتب كتــــــاب وگالهم يهجر
عافتها الوصيه وطاعته الزمره
ــــــــــــــــــــ ــــــــــــــــــــ
خوش اعله الرساله والتعب جازوك
فجعو اهل بيتك بيك من سمـــــوك
بحجر حيدر تنازع وحدك خلــــــوك
وكلمن بالسقيفه يخطط الغدره
ــــــــــــــــــــ ــــــــــــــــــــ
بعدك عله افراش الاجل مامدفون
واختارو خليفه وعصو رب الكـون
وبالقران صارو بعدك يحرفــــــون
والكافر عَلَن يتفاخر بكفره
ــــــــــــــــــــ ــــــــــــــــــــ
وانگلبو بعد جتلك على الاعقــاب
وصارت بالاصابع تنعد الاصحـاب
وادم بالشكل بس بالحقيقه اذياب
وظل حيدر وحيد امحزم بصبره
ــــــــــــــــــــ ــــــــــــــــــــ
سد الموت عينك كون شفت الصار
من هجمو ودارك حاوطوها بنـــــار
عصرو فاطمه ورض الصدر بسمـار
ومحسن طيّحوه من شدة العصره
ــــــــــــــــــــ ــــــــــــــــــــ
حيدر بالوصيه امجتــــــــف ومغدور
يشوف ام بيته من كل كتر دمها يفور
اعذريني يگلها وگالت اي معــــــــذور
وعنه اخفت ضلعها ومادره بكسره
ــــــــــــــــــــ ــــــــــــــــــــ
ياريتك شفتــــــــــها من تولوها
تطيح ومن تريد تكوم رفسوها
جدام العيون العين سطــــروها
تلجمها الدموع امجرّحه وحمره
ــــــــــــــــــــ ــــــــــــــــــــ
منعوها عليك اتســــيل دمعتها
وخلوها عليله وسكته ونتــــها
تدعي بكل صلاه تگرب منيّتها
جنها اخيال صارت والنفس حسره
ــــــــــــــــــــ ــــــــــــــــــــ


اللهم عجل لوليك الفرج
ونسألكم الدعاء
علي محسن الزيادي

راح امانج يالزجيـــــــه
استوحدوج الناصبيــــه
هجمو اعله الدار يدرون
علي امجتف بالوصيـــه
ــــــــــــــــــــ ــــــــــــــــــــ
ياوحيدة طاها والكل سمع بيج اشوصه طاها
والمره البالدار تروي اجفوفج اشگد قبّــــلاها
سمّته وذبحت فرحتج واعلنت ضدج عداها
والسبب هيّه وتعده الظالم وعينج طفــــاها

گالتــــــــلهم عذبــــــوها
تموت خلوها اويه ابوها
علي ايحشم ماكو انصار
والسند ظلّتله هيــــــــــه
ــــــــــــــــــــ ــــــــــــــــــــ
الهادي من وصّاها يدري الكوم ماتحفظ وصيته
والله كال اجر الرساله المودّه الاهل بيتــــــه
فرحو بموته النواصب ونسو معروفه وحميته
هجمو وسمعوج صحتي وين ابوي يشوف ريته

اجتمعو اصحاب السقيفه
وعيّنو ضدكــــــم خليــفه
السنّه والقران عافـــــــوه
ورجع حكم الجاهليـــــــه
ــــــــــــــــــــ ــــــــــــــــــــ
علي اوحيد وماله غيرج ياهو الج يالزهره غيره
فكد ابوج وهظم حيدر ياهي الاعظم هاي حيره
الناس عنج ليش سكتت لا مروّه ولا كو غيره
گبل ماصارت مثلها اعله المره تهجــــــم عشيره

بت نبيهم وام بنينـــــه
لوّعوج اخلاف عينـــــه
فاطمه گالو (وإن) گال
من ولاج ابن الدعيـــــه
ــــــــــــــــــــ ــــــــــــــــــــ
لاتتانين التعازي فكد ابوج الكل تنطــــــــــره
طلّعت سمها الحيايه وصرّح الكافــــر بكفره
محد اليمسح دمعتج حضرو للعين صطـــــره
كبل موته اتوادعي اوياه محسن امتانيته عصره
يكسر البســــــــمار ضلعج
صيحي بس محد يسمعج
بويه وينك من تنــــــادين
ينشتم سيد البريــــــــــــه
ــــــــــــــــــــ ــــــــــــــــــــ
لاتعتبين اعله حيدر امجتف ومتسوحدينــــــــه
دايره اسيوف اعله نحره منغصب واعليج عينه
ايذبحه كل سوط اليطگج حشّم ومحـــــد يعينه
صابر ايگلج اصبري من يگوم ايضيع دِينــــه

تبدي منج يالوديــــعه
وباجر الطف الفجيــعه
مو ضلع تتكسر اضلوع
وام خدر تمشي سبيـــه
ــــــــــــــــــــ ــــــــــــــــــــ

اللهم عجل لوليك الفرج
ونسألكم الدعاء
علي محسن الزيادي

لسان حال مولاتنا المظلومه فاطمه
صلوات الله عليها مع ابيها👇

غمض جفنك وعينــــــــي بعد ضيما
شافت والدهــــــــر صب عَلَي ضيما
الكرهني وبغضه ليّــــه اعليك ضــمّا
بسوط ونار بعدك هد عليّـــــــــــــــه
ــــــــــــــــــــ ــــــــــــــــــــ
فگدك جرح هد حيلي مشــابه
جروحي وياگلب شافه مشابه
نعشك للگبر حيـــــــدر مشابه
ومشه جن نعشي وي نعشك سويه

عظم الله اجورنا واجوركم واحسن الله عزائكم بذكرى استشهاد حبيب قلوبنا وشفيع ذنوبنا رحمة الله على العالمين المظلوم المسموم ابا الزهراء محمد المصطفى صلوات الله عليه وعلى اله ولعن الله ظالميهم وقاتليهم
#لك_العزاء_سيدي_ياصاحب_الزمان

گلب الحسين بوداعك حارگه
ينذبح يبن امــــه من اتفارگه
ــــــــــــــــــــ ــــــــــــــــــــ
يالحسن يالصرت لحســـــينك شراع
كل اخو ايودع اخوه معنـــــاها ضاع
گبل المثلث  حنــــــــــاه سهم الوداع
وگلبه شرگة راس ابوكم شارگه
ــــــــــــــــــــ ــــــــــــــــــــ
بيك يشتم ريحة أمــــــه اووالده
وجرحه بس ملگاك تدري يضمّده
يموت لو ظل ابن ابــــوك الوحّده
اعيونه بدموع المفارك غارگه
ــــــــــــــــــــ ــــــــــــــــــــ
يالحسن انت  العلامه من هله
ايظل وحيد بروحتك محد اله
حسين محتاجك وباجر كربله
روحتك هذا الوكت مالايگه
ــــــــــــــــــــ ــــــــــــــــــــ
جاب زينب بيده وينادي اجاك
خويه يسبوها ويذبحوني وراك
نصير غربه لودرت لينـــه گفاك
الهجر ماينحمل تدري وضايگه
ــــــــــــــــــــ ــــــــــــــــــــ
گلبي چن كسرة ضلع امي انكسر
ليش ساكت عنـــي اتدير النظـــر
اعليك دمعة زينب اتأجل الســفر
صعبه يوميه اعله واحد شاهگه
ــــــــــــــــــــ ــــــــــــــــــــ
عندي رفعة راس اخوتي امعتبره
ومايطيح العنده سبــــع الگنطره
بس مجانك محد يســــــــده تره
يااخو بس والد امن اتعانگه
ــــــــــــــــــــ ــــــــــــــــــــ
بيّه كلما تدوي نار الگــــاك ماي
وبالشدد جدامي الگاك أو وراي
ياهواي وياضـــــــواي ويادواي
للطفوف حسين وده اترافگه
ــــــــــــــــــــ ــــــــــــــــــــ
من اشوفك يمي والله انسه الضمه
ولا جن مفارك علي ولا فـــــــاطمه
جبل صبري وحيلي فگــدك يهدمه
وصدري فگدك مو الحافر ساحگه
ــــــــــــــــــــ ــــــــــــــــــــ

اللهم عجل لوليك الفرج
ونسألكم الدعاء
علي محسن الزيادي

خويه الحسن يالجارح احساسي
خاف انحسب شايل گلب قاسي
امگطّع جبد واتون عليه      وانه ابنك انطيـــه للمنيه
ـ.ـ.ـ.ـ.ـ.ـ.ـ.ـ.ـ.ـ.ـ ـ.ـ.ـ.ـ.ـ.ـ.ـ.ـ.ـ.ـ.ـ 
يمن گتلي ابوداعي اوياك      امانــــــــــه عندك اوليدي
بجيت اعليه يالمسمـــــوم      تصد عينك عله اوريـــدي
اكسرت ظهري ولاترضه       اعله خاصرتي احـط ايدي
لزمت ابنك واهوّه ازغير        تگله اوصيــــك بعضيدي
امي وابوي بعطفك الگـــــــــــــــــــــاهم
وياك احس جن عايش اويــــــــــــــاهم
مدللني مثل امي الزجيـــــــــه         وانــــــــــه ابنك انطيه للمنيه
ـ.ـ.ـ.ـ.ـ.ـ.ـ.ـ.ـ.ـ.ـ ـ.ـ.ـ.ـ.ـ.ـ.ـ.ـ.ـ.ـ.ـ.ـ 
تگلي اتمنه اظل ويــــــاك          للطف وافدي الك نحـــري
گبل اخيول اميه ادمــــوع          عينك كسّـــــرت صـــدري
لزمت ايد ابنك القــــــاسم           تگله انه انگضــه عمري
انت الكربله منـــــــــــذور           العرس بالحومه ياذخري
والطف بده من غمّضت عينـــــــــــــــــك
محد رحم من بعدك حسينـــــــــــــــــــــك
باخر نفس واتوصي بيّه                 وانـــــــه ابنك انطيه للمنيه
ـ.ـ.ـ.ـ.ـ.ـ.ـ.ـ.ـ.ـ.ـ ـ.ـ.ـ.ـ.ـ.ـ.ـ.ـ.ـ.ـ.ـ 
خذيتـــــــــــه الكربله ويّاي           جاسم حتى اشوفنّــــــــك
اگول اوياي اخوي الحيـــد            ماريد انحـــــــــــرم منك
مشيته وضحكته وملگـــاه            وابصوته اسمعنّــــــــــك
وداعك مره موت شلـــون             اذا مرتين اودعنّـــــــــك


اوداع ابني الاكبر مني اخذ روحــــــــــــي
اشما بيها الِم تتطشــــــــــــــــــر اجروحي
عينك احسها اتصد اليــــه                وانــــه ابنك انطيه للمنيه
ـ.ـ.ـ.ـ.ـ.ـ.ـ.ـ.ـ.ـ.ـ ـ.ـ.ـ.ـ.ـ.ـ.ـ.ـ.ـ.ـ.ـ.ـ 
وحگك ماردت انطيــــــــــــه           بعد ماشبع عين امــــــه
لجن من جابلي اوصيتـــــــك           احس گلبي يبس دمــــه
اجتني رمله واتگلــــــــــــــي           فداك احنه يبـــــو اليمه
شگل للزهره ابنـــــــــك راح            وانا ابني يظل هضـمه
اتمنيت ازفه بجفي هالواحـــــــــــــــــــــــد
وافرح گلت بي فرحـــــــــــــــــــــــة الوالد
امأمّن اگول ابنه بديّه                      وانـــــه ابنك انطيه للمنيه
ـ.ـ.ـ.ـ.ـ.ـ.ـ.ـ.ـ.ـ.ـ ـ.ـ.ـ.ـ.ـ.ـ.ـ.ـ.ـ.ـ.ـ 
توادعنه وداع المــــــــــــــوت          واخذ من گلبي كل صبره
عطرك هذا يبن امــــــــــــــــي           راح العسكر ايطشـــــره
من صاحالي الله اويـــــــــــــاك          اخوك احسبله جم عثـره
لگيته يرفس برجليــــــــــــــــه           ومثل طبرة علي الطبره
صحت البني هاشم تجي اتشيــــــــــــــــــــــله
عمك يجاسم هدّمت حيــــــــــــــــــــــــــــــــله
يالحسن گتلك صعبه هيّــــــه               وانـــــه ابنك انطيه للمنيه
ـ.ـ.ـ.ـ.ـ.ـ.ـ.ـ.ـ.ـ.ـ ـ.ـ.ـ.ـ.ـ.ـ.ـ.ـ.ـ.ـ.ـ.ـ



علي محسن الزيادي