ချန်ပီယံလိဂ် Playoff အဆင့်ကတော့ ပြီးဆုံး သွားခဲ့ပါပြီ။ လက်ရှိမှာ ၁၆ သင်းကျန်ရှိနေသေးပြီး ရှုံးထွက် မဲခွဲပွဲတွေကို မနက်ဖြန် မှာ ပြုလုပ်သွားဖို့ ရှိနေပါတယ်။ တွေ့ဆုံနိုင်တဲ့ အသင်းတွေ အဖြစ် Play-off အဆင့်ကနေ တက်လာတဲ့ PSG နဲ့ ဘင်ဖီကာဟာ လီပါပူးလ်နဲ့ ဘာစီလိုနာ တို့နဲ့ တွေ့ဆုံရမှာပါ။
Playoff က တက်လာတဲ့ ၈သင်းဟာ ကြိုတင် ရောက်နှင့်နေတဲ့ ၈သင်းထဲက တစ်သင်းနဲ့ပဲ တွေ့ဆုံရမှာ ဖြစ်ပြီး တက်လာတဲ့ နှစ်သင်း သို့မဟုတ် စောင့်နေတဲ့ နှစ်သင်းဟာ ဒီအဆင့်မှာ အချင်းချင်း ပြန်မတွေ့ နိုင်သေးပါဘူး။
ဥပမာ PSG အတွက် တွေ့နိုင်တဲ့ နှစ်သင်းဟာ လီပါပူးလ်နဲ့ ဘာစီလိုနာသာဖြစ်ပြီး ဘင်ဖီကာနဲ့ မတွေ့နိုင်သေးပါဘူး။ ဘာစီလိုနာ အတွက်လည်း PSG သို့မဟုတ် ဘင်ဖီကာ နဲ့ပဲ တွေ့ရမှာပါ။
မဲခွဲပွဲမှာ တွေ့နိုင်ခြေရှိပြီး ရင်ခုန်ရမယ့် တွဲဆိုင်းတွေ အဖြစ် PSG vs Barcelona ၊ PSG vs လီပါပူးလ် ၊ ဒေါ့မွန် Vs ဗီလာ တို့ရှိနေပါတယ်။ ဒီထဲမှာ စိတ်ဝင်စားမှု အများဆုံး တွေ့ဆုံမှုကတော့ ရီးရဲလ်နဲ့ ဘိုင်ယန်တို့ နှစ်သင်းဟာ အေတီကို သို့မဟုတ် လေဗာကူဆင် တို့နဲ့ပဲ တွေ့ရမှာပါ။ ရီးရဲလ်အနေနဲ့ အေတီကိုနဲ့တွေ့ရင်တွေ့ မတွေ့ရင် လေဗာကူဆင်နဲ့ တွေ့မှာ ဖြစ်ပြီး ဘိုင်ယန်အနေနဲ့လည်း အေတီကို သို့မဟုတ် လေဗာကူဆင် နဲ့ပဲ တွေ့ရမှာ ဖြစ်လို့ ဒီလေးသင်း ရဲ့ လမ်းကြောင်းကတော့ တကယ်ကို ရင်ခုန်စရာပါပဲ။
ညီအကိုတွေရော ဘယ်အသင်းတွေကို တွေ့ဆုံချင်လဲဗျာ။
#YaungPyanLay
