عالم الـ دكتےور𓆩🩺💉💊𓆪

هل اللبن يساعد فى تقليل الحموضة؟!
اغلب الناس عندها اعتقاد قوى ان اللبن هيقلل الحموضة بس الصادم ان ده غلط جدا واللبن هيزود الحموضة😦
الحقيقة انه هيدى راحة مؤقتة وبعدين تبدأ الحموضة تزيد تانى
ده لان اللبن غنى بالبروتينات و الدهون
البروتينات هتقلل الحموضة بشكل مؤقت عن طريق زيادة هرمون الجاسترين (Gastrin)
أما الدهون هتزود الحموضة عن طريق ان الدهون ديه بتتهضم في وقت كبير و بالتالي ده هيقلل سرعة تفريغ المعدة و زيادة افراز الأحماض اللى بتهضمها من المعدة وبالتالى هيزيد الاحساس بالحموضة.
عشان كده احسن حاجة للحموضة الزبادى او استخدام لبن قليل الدسم أو خالى الدسم

معلومة طبية:
اللبن بيزود الحموضة

الي دخل قناتي الواتس هلا بك بعالم الدكتور واللي مدخلش يدخل يلا بنزل عليها معلومات😍

https://whatsapp.com/channel/0029Va78qiT5fM5isTgcNP1c
قناتي الطبيه واتس تعالو يلا

في احتمالات كتيرة منها سوء التغذية زي الاعتماد على الوجبات السريعة أو التدخين أو التوتر و القلق و قلة النوم
اضطرابات الغدة الدرقية أو بسبب أمراض معينة زي السكر أو نقص فيتامين B12
ممكن الانعزال و فقر التواصل الاجتماعي .. لو بيتكرر مع حضرتك كتير حلل لمعرفة المشكلة و علاجها
في العموم بينصح بتناول الأغذية الغنية بأوميجا 3 زي الأسماك و الجوز و مصادر فيتامين B12 من اللحوم و الأسماك و البيض و الحليب و الجبن
ممارسة الرياضة و ألعاب تنبيه الذاكرة زي حل الكلمات المتقاطعة مثلا من باب تنشيط العقل
التعرض لأشعة الشمس
ربط المعلومة بحاجه مميزة زي صوت أو صورة أو موقف مميز يساعد على تذكرها .. تكرار المعلومة .. التركيز على مهمة واحدة كل مرة عشان العقل ياخد وقت كافي لحفظها و بالتالي سهولة استرجاعها

معلومة طبية:
الحفظ و التفكير في حاجات كتير أثناء المذاكرة بيخلي العقل غير فعال

حابين انزل معلومات عن اي؟

ازيكم عاملين ايه 😍
النهاردة جايبين ليكم براند سكربات  جديد وجميل جدا وهمه بمناسبة الافتتاح عاملين خصومات كبيرة
واهم حاجة انهم مهتمين بالسكرب الشرعي وده الي فعلا عجبني جدا عندهم 💯
وفي عندهم كمان تصميم تركي غريب بس فعلا مميز جدا ومشفتوش غير عندهم
تابعوهم على صفحتهم هنا :
https://www.instagram.com/scruby_store/profilecard/?igsh=MWptN2l2NnhsaG4wbg==

ودي صفحة الفيسبوك:
https://www.facebook.com/scrubystore?mibextid=ZbWKwL

بالطو أبيض مازال معلق علي الاوتوبيس خاص بأحد الطلاب 💔

دعواتكم لكل اخواتنا الطلاب ضحايا حادث الجلالة ربنا يصبر أهاليهم و ينجي المصابين يارب

من فضلك لايك و كومنت علي المعلومة .. مع اختلاف المسميات سواء جلد الوزة او جلد الدجاجة احنا بنتكلم علي نفس المشكلة تقريبا و انا قولت جلد الدجاجة لأن المصدر اللي انا جايب منه المعلومة كاتبها كده .. المسمي العلمي هو Keratosis pilaris و ده بيحصل بسبب التخن و بيكون السن له عامل يعني بيحصل للأطفال و المراهقين و بيحصل للبنات و بسبب البشرة الجافة و بيحصل اكتر وقت الشتاء عشان جفاف الجلد بيبقي زيادة و ممكن يحصلل بسبب الملابس الضيقة و ده عشان بيحصل احتكاك بين الجلد و الملابس ف ممكن يسبب جلد الدجاجة .. و الحل لهذه الحالة ممكن يكون عن طريق كريمات معينة بس ممكن الكريمات ديه تسبب مشاكل عند بعض الناس ف يستحسن يكون بوصف من عند الدكتور اللي الشخص بيتابع معاه .. و ممكن الحل يكون طبيعي عن طريق أخذ دش دافئ و ان الشخص يحط مرطب و لوشن بعد الاستحمام و يلبس ملابس عادية متكونش ضيقة اوي و انكم تروحوا للدكتور يكتبلكم علي حاجة او يعمل معاكم جلسات يشيل فيها الجلد الميت و بس كده .
‏https://www.healthline.com/health/keratosis-pilaris#causes

معلومة طبية:
اللبس الضيق بيسبب ظهور جلد الدجاجة او الوزة عند البنات !

😂😪

اليوم ذكرى الاربعين لوالدي رحمةالله عليه
ومضت اربعين يوما من قسوة الفراق رحم الله من كان لروحي حبيبا
ولقلبي قريبًا ولكلامي مجيبًا مامر يومٌ في فِراقك هَينٌ
أيّام فقدِك كُلّهُن عِظامُ .. اربعين يوم على رحيلك، قد يظن الجميع أننا تجاوزنا ذلك اليوم ولكن لا أحد يعرف أننا ما زلنا عالقين في ذلك اليوم وتلك الساعة وتلك اللحظة ..
مر أربعين يوم على وفاتك وكأننا بالأمس فقدناك ..
ولازال ألم فراقك يكسر قلوبنا ..
مضى أربعين يوم ، وﻻزالت صدمة رحيلك بداخلنا ... ولازالت قصة رحيلك تؤلمنا يكفينا أنك تركت لنا سيرتك العطرة والطيبة بين الناس ليذكرك كل من يعرفك .. ولا يوجد كلام يعبر عن وجع رحيلك رحمك الله يا صاحب القلب الطيب والوجه البشوش والدي الغالي الحبيب لا زال في ذاكرتي وجهك ونبرة صوتك المطمئنة وفي قلبي ألم الفقدان بعد رحيل الاب لا حزن ينتهي ولا فرح يكتمل
اللهم ارحم من عجز عقلي عن استيعاب فراقه يؤلمني قلبي عند تردد دعاء الميت له
اللهم ارحم روحا صعدت اليك ولم يعد بيننا وبينها الا الدعاء
اللهم ارحم من مات بالدنيا ولم يمت في قلبي اللهمَّ وسع قبر فقيدي بنعيم لا يفني اللهم اجعل صبره في الدنياه في ميزان حسناته
رحمك الله يا ابي الغالي الحبيب وربي يجمعنا وياكم بالجنات النعيم

بصوا علشان الموضوع مهم
ميهمش خالص أنت بتاكل امتي في اليوم، الكالوريز هي الكالوريز، ازاي بقي!
يعني لو جسمك محتاج 2500 كالوريز وده طبعاً حسب وزنك، يبقي لازم تاكل الأكل اللي بيساوي الرقم ده وفيه العناصر الغذائية وفي أي وقت أنت عايزه عادي جداً، المهم تبقي بتمارس أي نشاط بدني ولو بسيط ومتنساش بردو إنك أنت اللي بتحدد عايز تتخن ولا تخس ولا تحافظ علي وزنك، ومع ذلك خلي بالك وأنت بتاكل باليل علشان ممكن تتجاوز الحد المسموح بيه وده هيتخن فعلاً، يعني حاول تقلل من الأطعمة العالية في السعرات الحراية زي:( الشيبسي والبسكوت والحلوي)، ومتاكلش قريب من وقت نومك علشان ممكن يسببلك عسر هضم ومشاكل في النوم..
فلما مامتك تقولك متاكلش باليل علشان متتخنش
وريها بوست الدكتور 😂وربنا يقدرنا علي فعل الخير

معلومة طبية:
تناول الطعام بالليل مش بيتخن!

عاملين اي بدات دراسه وداخلين ع المذاكره وتعب تاني 🤐
حابين ننزل معلومات ونرجع تاني ل شغل ولا لا

فيه حاجة في الاذن الداخلية عندك بتحدد اذا كنت بتتحرك في اي اتجاه حتي لو مغمض عينك انت عارف انت بتتحرك في انهي اتجاه .. و انت في المواصلات مثلا و باصص في الموبايل في اشارات بتتبعت للمخ انك بتتحرك و في نفس الوقت انت باصص ع الموبايل و عينك شايفاه انه ثابت فبيحصل اختلال في المخ لان في اشارتين عكس بعض واصلينله و بسبب الاختلال ده بتحس انك دايخ و عايز ترجع .. الحل انك تاكل لبان و يفضل يكون بالنعناع او ممكن تراقب الطريق و متبصش علي الموبايل او تسند راسك علي حاجة ثابتة .. لو عايز علاج و ده اخر حل تلجأ له و هو انك قبل ما تسافر تاخد قرص او قرصين درامينيكس متنسوش لايك دمتم سالمين ❤️

معلومة طبية :
سبب الدوخة في المواصلات و دوار البحر هو اختلال في اشارات العقل

فضلا وليس امراً 💔🤲

ادعو ل أبي بالرحمه والمغفره لأنه ف زمه الله 💔🙏

في احتمالات كتيرة منها سوء التغذية زي الاعتماد على الوجبات السريعة أو التدخين أو التوتر و القلق و قلة النوم
اضطرابات الغدة الدرقية أو بسبب أمراض معينة زي السكر أو نقص فيتامين B12
ممكن الانعزال و فقر التواصل الاجتماعي .. لو بيتكرر مع حضرتك كتير حلل لمعرفة المشكلة و علاجها
في العموم بينصح بتناول الأغذية الغنية بأوميجا 3 زي الأسماك و الجوز و مصادر فيتامين B12 من اللحوم و الأسماك و البيض و الحليب و الجبن
ممارسة الرياضة و ألعاب تنبيه الذاكرة زي حل الكلمات المتقاطعة مثلا من باب تنشيط العقل
التعرض لأشعة الشمس
ربط المعلومة بحاجه مميزة زي صوت أو صورة أو موقف مميز يساعد على تذكرها .. تكرار المعلومة .. التركيز على مهمة واحدة كل مرة عشان العقل ياخد وقت كافي لحفظها و بالتالي سهولة استرجاعها

معلومة طبية:
الحفظ و التفكير في حاجات كتير أثناء المذاكرة بيخلي العقل غير فعال

عاملين اي
حابين انزل معلومات اي الفتره دي أنا رجعت تاني 😂👀

مسا الخير جميعا 💚
لانه قربنا على عطلة معظم الجامعات فعندكم مساحة كويسة ممكن تستغلوها في عمل اشياء مفيدة ومن اهمها الريسرش
هون عندك خيارين ممتازين الاول انه تعمل ابحاث secondary زي ال literature review or meta analysis
او انكم تقدموا للجامعة موافقات وتعملوا cross sectional study
الخيار الاول ممتاز وبريحك من تعب الموافقات
واحنا نزلنا قبل هيك كورس بسيط لل literature review بتقدروا تحضروه من هون : https://youtube.com/playlist?list=PL6drYGHlnkxqIdhUXYCSqyrHf5jB3BRga&si=O6JD2jtr_Jt6hHZ7
او ليفل اعلى شوي الي هو الكورسات الي بنقدمها سواء ً
Meta of RCT or Meta of case reports
والتنين خيار ممتاز لاي حد حاب ينشر ويشارك بالمؤتمرات 🔥
اخر خيار هو ال cross sectional study
بداية من اليوم هنبدأ ننزل عاليتيوب كورس كامل عن ال cross sectional
وهون اول محاضرة عن كيف تكتب البروبوزال ( الي هتقدم عليه للجامعة عشان يوافقوا عليه )
اول محاضرة :
https://www.youtube.com/watch?v=7Dtdh73Vxc4

النوم مهم جدا لبشرتك لانك و انت و نايم الجسم بيفرز مادة الكولاچين اللي بتصلح معظم الاعضاء التالفة نتيجة للاشعة الفوق بنفسجة علي مدار اليوم و من ضمنهم البشرة و كمان بتزود الامداد الدموي للوجه و بيساعد علي ارتخاء عضلات الوجه .. طيب دلوقتي انت لو نمت من غير ما تغسل وجهك او تنضفه ده هيعمل مشاكل لان البشرة التالفة هتتصلح و هيبقي فيه اتساخ او غبار علي وجهك ف لما الكولاچين يصلح البشرة علي الحالة ديه هيبقي بشرتك جافة و هيؤدي الي انتشار حب الشباب و يؤدي لالتهاب البشرة .. المعلومة ديه مهمة و مش كتير يعرفها اتمني انكم تستفيدوا بيها و تطبقوها و تفيدوا غيركم بيها ❤️🙏

معلومة طبية:
لازم تغسل وجهك قبل النوم عشان ميظهرلكش حب شباب

خلينا متفقين كده ان السفر بالزمن محتاج انك تتحرك بسرعة الضوء اللي هي مستحيل نوصلها في الوقت الحالي .. بس انا جاي اكلمكم عن ظاهرة اسمها
"Deja vu" كلمة فرنسية معاناها "شُوهد من قبل" ، و دا إحساس الشخص أنه شاف أو عاش الموقف الحاضر قبل كدا
بيمر بيها أكتر من تلتين البشر على الأقل مره واحده في حياتهم و بتحصل للأشخاص اللي عمرهم أكبر من ٨ سنوات و بتزيد في عمر ما بين ١٥ ل ٢٥ سنة و دي الفتره اللي العقل بيكون فيها في أقوى حالاته و بتقل مع تقدم العمر
ظهرت فرضيات كتير بتفسر الظاهرة دي نذكر منها :
ظاهرة المعالجة المزدوجة و هي ظاهرة بتحصل داخل جسم الإنسان تحديداً المخ ، لما يكون في عمليتين بيحصلوا مع بعض في نفس الوقت و فجأة يحصل خلل في التزامن بين العمليتين دول. في جزئين في المخ مسؤولين عن تخزين الأحداث و الذكريات ، جزء مسؤول عن الأحداث قصيرة المدى (المؤقته) و بعدين بتتنقل لجزء تاني مسؤول عن الذاكرة طويلة المدى فبيحصل أحياناً عدم تزامن في تخزين الذكريات الطويلة و القصيرة
رأي تاني بيقول انها مرتبطه بحالات الصرع و بعض الأمراض النفسية زي إنفصام الشخصية و القلق و دا كان تفسير مبدئي ليس له أي أساس من الصحة
تتعلق بوظيفة الإدراك المألوف في الذاكرة .. حاجه بينك و بينها ألفة ، ذكريات من الطفولة مثلاً
وجود خلل في الجهاز العصبي ، الإشارات اللي بتروح المخ بيحصلها بطئ أو تأخر أثناء الحركة
عندنا البيانات بتتنقل من كل عين و تروح لجزء معين في المخ (القشرة البصرية) و دا الجزء اللي بيستلم البيانات من العين في نفس الوقت و يؤدي للرؤية في النهاية ، اللي بيحصل إن إحدى العينين بتسجل الموقف أسرع شوية من العين التانيه فبعد لحظات صغيرة عند وقوع الموقف يخيل لينا إننا شوفنا الموقف قبل كدا يعني المخ بيستلم نفس البيانات مرتين ورا بعض و لكن من عيوب النظرية دي إنها مفسرتش تداخل الحواس التانيه زي السمع و اللمس
العلاقة الأقوى وجدت بينه و بين مرض "صرع الفص الصدغي" في المخ و هنا الظاهرة بتبقى نتيجة حدوث خلل في تفريغ الشحنات الكهربية في المخ
نتيجة معلومات اتعلمناها قبل كدا بس اتنست أو نتيجة لتأثير بعض الأدوية زي الأمانتدين
في تفسيرات ملهاش أي دليل زي إن الإنسان مرت عليه أحداث حياته و هو جنين فبالتالي لما بيشوفها بتبقى مألوفه بالنسباله ، أو ربط الظاهرة بفرضية الأكوان المتعددة و اللي بتفترض ان في نسخة مننا في كون موازي مرت بالموقف دا قبل كدا ، أو أحداث شوفتها في أحلامك و بعدين نسيتها او اننا كنا عايشين حياة تانيه قبل الحياة دي و لينا ذكريات هناك.
و في النهاية هي ظاهرة طبيعيه بيمر بيها كتير مننا و لا تستدعي أي قلق

معلومة طبية:
بتحس ان فيه موقف او مشهد اتكرر معاك قبل كده. هل ده سفر بالزمن؟