أحسن من امبارح | WALID TAHA

لينك القناة الجديدة 🙌
https://t.me/betteryesterday_wt
عشان القناة دي هتتقفل بعد 24 ساعة من دلوقتي.

إن شاء الله تستفيدوا وإن شاء الله اللي يكملوا هناك يكونوا مستعدين يدعموا المحتوى ويوصلوه لغيرهم.

مساء الفل... أو صباح الفل لو أنت في الجزء اللي لسه بيصطبح.

القناة دي كانت معمولة عشان أشارك معاكوا بوستات وتحديثات المحتوى، لكن للأسف، ومع أن عليها 2500 مشترك، لكن محدش بقى حتى يشوف الرسائل بتاعتها خالص، وبالظبط 300-400 بس بيفتحوا الرسايل، و5-10 بس اللي بيتفاعلوا، وأقل من كده كمان اللي بيفتح لينك لبوست أو فيديو.


فمش هعمل عليكوا فيلم وأقول تليجرام الوِحش قفلها وساعدوني وادعموني وبتاع، لكن هعمل قناة تليجرام جديدة وأشارك اللينك هنا لمدة يوم واحد، وبعدها هقفل القناة دي.

https://youtu.be/Lb3c7psCN_s

حلقة جديدة من بودكاست ميكانيكي بني آدمين 👇

الأسئلة اللي بجاوب عليها في ريلز، بتوصلني في تعليقات على تيكتوك وانستجرام، على الفيديوهات أو الستوريز.
فلو عندك سؤال، تقدر تكتبه على أي حاجة منهم.

لو على تيكتوك
https://www.tiktok.com/@_walidtaha?_t=ZG-8t5bA05CHvV&_r=1


وده انستجرام
https://www.instagram.com/_walidtaha?igsh=MWs1aHZ0dnlqN2ZwdQ==

كنت هبدأ بحلقة ابن يونس المصري، لكن لقيت أن الحلقة دي هي البداية الأنسب... خصوصًا في وسط الهستيريا اللي جات للإعلام.

شوفوا حلقة البروباجاندا دلوقتي على قناة وليد طه. 👇
https://youtu.be/qoEsMnBrZAc

https://youtube.com/shorts/sxVMb7fxgj8?si=hKPLwJqp-XpscaV2

مستعد يعني؟ قدها؟ ليك نِفس؟؟
طيب شوف حلقة النهاردة 😌
https://youtu.be/rcSgiuQrJv8

دليل أي مبتدئ عشان يفهم الطباعة ثلاثية الأبعاد 3D Printing
https://youtu.be/tm1nMzUni4w

لازم تشوف حلقة النهاردة 🤩
أولا عشان دي أول حاجة تتعمل على القناة ضمن مبادرة #مواهب_تحت_الطلب وثانيا لأنه أول فيديو بالتفاصيل دي بالعربي، وثالثا عشان أول فيديو أعمله بعد اتجاهي للـ DIY والـ Crafting 🙌

6 سنين من المحتوى الخاص بالتطوير والتغيير... بدأته وأنا في دماغي "لو واحد اتغير بسببه، أبقى حققت هدفي". والحمدلله ناس كتير انغيروا وبيتغيروا.

وبعد أكتر من ٤٠٠ حلقة، واللي أكيد هتلاقي فيهم إجابة لسؤالك أو مشكلتك، بدأت أحس أني بكرر نفسي كتير وبرد على نفس الأسئلة كل يوم، والموضوع بقى مرهق جدا.

أولا للأسباب اللي قولتها فوق دي، وثانيا لأني رجعت الهوايات قديمة واخدة كل وقتي.

أنا من الناس اللي بيحبوا الـ DIY والـ Crafting جداً، وأهملت الموضوع ده لفترة طويلة... سنين.

لكن من كام شهر رجعت تاني، وبصراحة حاسس أحسن وأنا شغال بالساعات على الحاجات اللي بعملها، إذا كان 3D Printing أو Laser Engraving أو تصميم.

فالفترة الجاية هتكلم أكتر عن الحاجات دي، ومنها تعليم برضه وتوصيل معرفة ليكوا، لأن فيه كتير ميعرفوش عن المجالات دي خالص.

كمان أنا بحب القراية، وبقالي كتير معملتش حلقات قهوة وكتاب مثلا.

بحب الموضوعات التاريخية والعلمية، وبرضه بقالي كتير مبعملش محتوى عنهم.

فمتهيألي ده الوقت اللي محتاج أعمل فيه محتوى عن حاجة بستريحلها وبحبها أكتر.

المحتوى التاني مش هيتقطع تماما لكن هيقل قوي.

معلش لو فيه أي disappointment بس أنا محتاج التغيير ده جدا.

اشوفكوا في حلقات جديدة قريب.

السعادة
https://youtu.be/cjfFFhxy7os

جاتلي فكرة هتساعد ناس كتير.

الفكرة:
سلسلة فيديوهات هتبقى اسمها (مثلًا) "مواهب تحت الطلب".

التطبيق:
السلسلة دي هتبقى فيديوهات أنتوا اللي عاملينها.

إزاي؟
لو بتدور على شغل أو عايز تعرف الناس بشغلك وتزود قاعدة العملا بتاعتك، هتشارك معايا في صناعة فيديو.

بتكتب... بتعمل مونتاج... بتشتغل أنيمشن، أو موشن جرافيك... بتصمم صور... شغال voice over.

هديك فيديو تطبق عليه وهنشره على القناة مع وسيلة التواصل معاك، ولينكات السوشيال ميديا بتاعتك... والباقي عليك بقى بعد توفيق ربنا.

القناة عليها أكتر من ٥٠٠ ألف، ودي أقل حاجة اقدمها وأساعد بيها... بس هي المتاحة في إيدي دلوقتي.

وصل البوست لغيرك واعمل منشن للناس اللي شايف أنهم يستحقوا يتشافوا أكتر.

السلسلة هيبقى متجمع فيها كل الحلقات، بس كمان الحلقات دي هتبقى منشورة في نفس الوقت في السلاسل بتاعتها، يعني لو حلقة في أحسن من امبارح مثلا، هتبقى منشورة في السلسلة دي وسلسلة "مواهب تحت الطلب".

لو حابب تشارك ابعتلي وربنا يوفقك ويحسن سوق شغلك.

بقالي فترة زي ما فيه كتير عارفين، بحاول أتعلم أسباني... وبدأت فعلا بجد من حوالي شهر.

حلقة جديدة نزلت دلوقتي على القناة.
https://youtu.be/W2N6s0_aqVM

علي إكسبرس عامل خصومات جامدة قوي لغاية أخر السنة.
أدخل على اللينك ده: https://s.click.aliexpress.com/e/_EjiFjP3
واستخدم أكواد الخصم:
$2 OFF orders over $20
Code: IFPLQE8

$5 OFF orders over $50
Code: IFPGH6N

$25 OFF orders over $200
Code: IFPA4QR

$50 OFF orders over $400
Code: IFPKVSV

وكل ما توصلني أكواد هشاركها معاكوا!

هو أنا مش عارف فيه إيه وليه المحتوى واقع الأيام دي... بس عمومًا خد أقولك 😀
حلقة جديدة نزلت من شوية
https://youtu.be/Ixfp232Znc4

من ٧ سنين اتكلمت عن الذكاء الاصطناعي وقولت أنه هيغير حاجات كتير ولازم نتعلم نتعامل معاه.
ووقتها شوفت تعليقات اللي باصين تحت رجليهم، واللي للأسف لسه فيه زيهم النهاردة.

ومن قبله بكتير اتكلمت عن الطباعة ثلاثية الأبعاد 3D Printing وقد إيه هتغير حياتنا وشكل الصناعة والتجارة، وأدينا أهو شايفين شركات بتطبع أكل وغيرها بيطبع بيوت، ده غير طباعة الأنسجة الحيوية والأطراف التعويضية... مع أن لما اتكلمت عنها زمان، كان فيه برضه تعليقات من نوع "عايز يقنع الناس أن البيوت دي مطبوعة, وبيصدقوا" وطبعا شوية هيخو هيخو في التعليقات.

والنهاردة بقول للناس أن الـ CS50 شهادة مهمة قوي ولازم أي حد مهما كان مجاله ياخدها، وأقصد هنا "العلم اللي فيها"، يطلعلك اللي عارف برة وجوا ويقولك لأ مش لكل الناس، وهو حاطط رجل على رجل ولابس شبشب بصباع.

نصيحة يابني متمشيش ورا السطحي والجةهل مدعي المعرفة واللي عنده استعداد يضرك عشان بس تسمع كلامه.
وإوعى تبقى محلي، واتعلم وأسس نفسك معرفيا، عشان يبقالك مكان في المستقبل.

في الحلقة اللي فاتت، من سنة تقريبًا، اتكلمت عن الأضرار اللي بتحصل للمخ بسبب الإبا-لامؤاخذةـحية.

ولأن الحلقة دي اتشافت كويس، وفيه ناس استفادوا منها وبطلوا فعلا، فعملت حلقة النهاردة عشان نتكلم عن الطرق والوسائل اللي تحميك من أنك تتفرج، وتساعد تبطل، ومتزودش المشكلة لو انتكست.

https://youtu.be/_qMTk1Jy_Rw

اللي خلاني أكتب البوستات اللي فاتت، هو عدد البوستات "برضه"، اللي شوفتها عن ناس ومن ناس، خسروا حياتهم وشغلهم وعائلاتهم راحت في داهية بسبب قراراتهم اللي أخدوها.

من مقامرة لفوركس للمشي ورا جروبات تليجرام وطبعًا مننساش نصابين الدروب شيبينج اللي بيوعدوكوا بالآلاف كل يوم، وهما ما بيجيش من وراهم إلا الفقر.

ومش عايزك تدبدب في الأرض وتقولي أنا شغال دروب شيبينج وبكسب مش عارف كام.

الدروب شيبينج نفسه مش وحش، صعب ومرهق، بس مش وحش، وخلي بالك من صعب ومرهق دي، عشان لما تلاقي حد بيسهلهالك، تعرف أنه بيشتغلك وعايز يبيعلك حاجة.

لوتاري "يانصيب"... مش الهجرة
اليانصيب يا جدعان... ضيعتوا الكوت والحكمة وفرتكتوا الـ common sense

محدش بيكسب لوتاري... حتى الكسبان خسران.
الرهانات = قمار، والبنك دايما كسبان في القمار.

ركز هتجيبك... اليوم السابع. 👇

https://youtu.be/SN3MlTlT0MA

اليوم السادس | ٩٠ يوم 👇
https://youtu.be/db1JHGbqdGs

التمني | اليوم الخامس | ٩٠ يوم

حلقة جديدة نزلت دلوقتي 🙌
https://youtu.be/Tsk1dgjUM6Y

90 يوم بـ90 فكرة هينزلوا في السلسلة دي.
لما بدأتها كنت ناوي أنشر كل يوم، لكن للأسف اتعطلت ومقدرتش، لكن رجعتلها تاني وهستمر فيها، يعني هتخلص قبل أخر السنة بكام يوم تقريبًا.

الحلقات هتبقى قصيرة وطويلة بحسب اللي كتبته وقت كتابة الأفكار، من غير مراجعة ولا تعديل ولا مونتاج.

مش عارف ليه كتبت 90 يوم، لكن إن شاء الله تقدم حاجة وتساعد اللي يتابعها ولو بقدر قليل قوي.

حلقة النهاردة 👇
https://youtu.be/sXpuJHcylIY

كلنا خايفين من الذكاء الاصطناعي بشكل أو بأخر... أنا خايف والأستاذ اللي هناك ده خايف والآنسة اللي جنب الشباك خايفة.

خايفين لا ياخد مكانا وشغلنا.

ولأن الخوف اللي من النوع ده بيخلينا نفكر في اتجاه واحد، محدش فكر يسأل نفسه "هل فعلا الذكاء الاصطناعي هيطردني من وظيفتي ولا لأ؟"، "هل وظيفتي تتأثر ولا لأ؟"، طيب ولو أنا مش عايز أشتغل في وظيفة تتأثر بالذكاء الاصطناعي "هل هلاقي"؟

فأنا سألت نفسي وبحثت شويتين وعملت الفيديو ده عشان يجاوب على السؤال اللي قالقنا.

حلقة جديدة نزلت من شوية
https://youtu.be/RUQk2wmVk4E

أنا عملت علم! 😁😁
حلقة جديدة على قناة جيكنولدج 👇🏼

يعني إيه علم زائف؟ Pseudoscience
https://youtu.be/e0gPL_GwOdQ

الملل الوسطي الجميل | بودكاست ميكانيكي بني آدمين | 05
https://youtu.be/rIe1hwsRpxQ

أيوه خبرتك بتحكم، لكن مصدر الشهادة ليه عامل، حتى ولو كان صغير.

بالنسبة للشهادة الجامعية، فهي مفتاح هيسهلك فتح أبواب كتير "صعب" تفتحها من غير الشهادة... مبقولش مستحيل، لكن صعب، خصوصًا أنك مش عايش في كاليفورنيا يعني.

سلفستر ستالون في مشهد من مسلسل من Tulsa King بيقول:
Do you think anyone really gives a sh!t about what your major is? English literature, biology, whatever. The whole point of a college degree is to show a potential employer that you showed up someplace four years in a row, completed a series of tasks reasonably well, and on time. So if he hires you, there's a semi-decent chance that you'll show up there every day and not f*ck his business up.

ومع عدم اتفاقي الكامل مع الكلام ده، لكن إنهاء "كورس معين" في وقت محدد بنجاح، علامة كويسة قوي في تاريخك.

الملخص:
متنبهرش بحاجات زي شهادة موثقة ومعتمدة عشان غالبا Fake، وبص على مصدرها.

أهمية الشهادة من أهمية مصدرها وتخصصها.

لو في الجامعة أو داخلها، وحصل أنك مش مهتم بالتخصص اللي دخلته، حط في دماغك أن الورقة التي هتاخدها ممكن تسهل حياتك كتير قوي في المستقبل.

لو تقدر تكمل دراسات عليا في تخصصك، متتأخرش ومتأجلش.

لو فيه رخص أو شهادات أو امتحانات دولية لمهنتك، خدها.

وأخيرا... إسعى للسفر عمومًا، مهما كانت شهادتك، سنك، ظروفك.
أيوه صعب، لكن إسعى.
2-2

مينفعش نقول "شهادة" في المطلق، لأن ده بيرجع لكذا حاجة:
١ـ التخصص.
٢ـ نوع الدراسة.
٣ـ منصة الدراسة.

فتخصصات زي الطب والهندسة والصيدلة مثلا، لازم تبقى دارس لفترة معينة وممارس وواحد شهادة بتقول أنك فاهم في التخصص ده، وطبعاً يتشارك معاهم علوم وتخصصات تانية.

بس في نفس الوقت مع أن البرمجة مثلاً، صعبة وعايزة مجهود، لكن ممكن تدرسها لوحدك ولو قدرت تثبت جدارتك وقدرتك على الشغل، فالشهادة مش هتبقى بأهمية خبرتك، لكنها هتضيفلك كتير.

وبتكلم هنا على الشهادة المتخصصة، مش شهادة في المطلق، يعني خريج حاسبات مثلا أو واخد ITI في تراك برمجة، أو واخد شهادة من مكان "موثوق" وقوي بشكل حقيقي
وده يجيبنا للمنصة، فمثلا لو واخد الشهادة من يوديمي، فالشهادة مش هيتبصلها قوي، لكن لو مذاكر سوشيال ميديا وتسويق من بلو برينت أو جوجل أو من كورس بتقدمه جامعة على كورسيرا.

عندك المحاسبة والمحاماة مثلا، فيه رخص وشهادات، مهم قوي تاخدها لو عايز تكبر أو تسافر أو متفضلش عايش محلي باقي عمرك.

1-2

كلهم سبقوك؟
حلقة جديدة نزلت من شوية 👇
لو حاسس أنك متأخر
https://youtu.be/VDlt90ufDxI

النغمة بتاعت الأدبي مالوش لزمة والبرمجة بس هي المستقبل وكل العاااااا اللي بيتقال ده، من معالم التخلف المخلوط بالتقرين اللي عايشين فيه.

أه البرمجة والبيانات والذكاء الاصطناعي وغيرها من المجالات التقنية مستقبلها عظيم، لكن اللي يقولك أن الباقي مالوش لزمة "حمار" ونسخة جديدة من اللي كانوا شايفين طب وهندسة وصيدلة خارمين الغلاف الجوى وخلوهم كليات قمة، وأصلا ٥٠٪ من اللي اتخرجوا منهم شغالين حاجات النهاردة أبعد ما تكون عنهم، وبقت مسميات بس وeng قبل الاسم.

مش كل الناس عندهم عقلية رياضية ولا تستحمل تدرس فيزياء وكيميا وتفاضل وكمومية وغيرهم... وبرضه مش كل الناس تقدر تفهم فلسفة ومنطق وتاريخ وجغرافيا ولغات... كل واحد مختلف وكل واحد ليه قدرات ومحدش فيهم أقل من حد.

كل العلم مهم، وكل العلم ليه قيمة... ولو من ناحية المادة "اللي هي مهمة جدا"، فأنت اللي في إيدك تكسب من مجالك وتحقق منه دخل يعيشك كويس... بس أنت اللي عايش مع أميبا زي تامر أمين في بلد واحدة.

بالتوفيق في النتيجة، اللي حياتك مش هتقف عليها، لكن رد فعلك هو اللي هيحدد بكرة.

مجموعك مدخلكش اللي عايزه، أدخل المتاح وذاكر اللي عايزه.

منجحتش... استعد من النهاردة لامتحانات السنة الجاية، من غير ضغط ولا جلد نفسك، وخلي الفشل ده درس تتعلم منه "أن لم المنهج في أخر شهرين مش هيوصلك لحاجة, لكن الشغل كل يوم هو اللي هيجيبلك النتيجة اللي عايزها، وأن الفشل ده مش نهاية المطاف، لكن فرصة جديدة عشان تبدأ على نضيف".

رد فعل أهلك، دي حاجة مقدرش أتحكم فيها، لأن كل رد فعل هيبقى بحسب مستوى التربية والتعليم والأخلاق والنفس السوية/غير السوية... عمومًا لو سلبي فتحمل لغاية ما الدنيا تمشي، ولو داعم فأنت من المحظوظين.

بغض النظر طلعت الأول أو جيبت ٥٠٪ أو فشلت خالص، خلي قدامك هدف واحد بس، أنك تسافر في مرحلة من حياتك، والأفضل عشان تكمل تعليم.

تعريف عجبني قوي: "التسويف أنك تؤجل اللي عايز تعمله لغاية ما يبقى تقيل على قلبك ومجرد ذكره بيضايقك مع أنك لسه عايز تعمله".

وأنا هقولك أنه برضه كل ما هتطول في مرحلة الأسئلة، وكل ما تجمع معلومات أكتر، لغاية ما تبقى زحمة وتدخل في حالة اسمها Analysis Paralysis ومتعملش أي حاجة.

اللي محتاجه أنك تاخد الخطوة وتبدأ فعلا وتسيبك من الأسئلة الكتير، اللي أنت فاكر أنها صح لكنها في الحقيقة بتضرك وتعطلك.

اتفرجوا على الحلقة.

كيف تتغلب على التسويف | كتاب علاج التسويف - The Procrastination Cure | وليد طه

https://youtu.be/H5Z_qrrwLnI

شوفت جديد النهاردة؟؟ 👇
https://youtu.be/cBl14zrOLjI