WEREAD

​​យើងគ្រប់គ្នាសុទ្ធតែមានបទពិសោធបែបនេះ ជារឿយៗការសម្រេចចិត្តដំបូងគេរបស់យើង តែងតែជាការសម្រេចចិត្តដែលត្រឹមត្រូវជាងគេជានិច្ច។ យើងហៅថាវាជាប្រផ្នូលក៏បាន ជាញាណទីប្រាំមួយក៏បាន តែបើតាមភាសាចិត្តវិទ្យា ការសម្រេចចិត្តលឿន បែបនេះវាបញ្ជាដោយប្រព័ន្ធនៃការគិតមួយផ្នែករបស់ខួរក្បាលដែលគេហៅថា “Subconscious Mind” ឬជាភាសាខ្មែរហៅថា «អនុសម្បជញ្ញៈ»។ វាជាប្រព័ន្ធនៃការគិតបែបលឿនៗ គ្មានអំណះអំណាង និងដំណើរការដោយខ្លួនឯងដោយគ្មានការបញ្ជា ឬឆ្លងកាត់ការពិចារណាអ្វីឡើយ។

សៀវភៅ “Blink” ដែលយើងលើកយកមកធ្វើការសង្ខេបជូនអ្នកទាំងអស់គ្នានៅថ្ងៃនេះ គឺបកស្រាយពីទិដ្ឋភាពដ៏គួរឱ្យងឿងឆ្ងល់នេះឯង។ នៅក្នុងសៀវភៅនេះអ្នកនឹងបានយល់អំពី៖
1- ហេតុអ្វីបានជាមនុស្សមានប្រព័ន្ធនៃការសម្រេចចិត្តលឿនបែបនេះ តើវាអាចត្រូវបានជំនួសដោយការសម្រេចចិត្តយឺតដោយប្រើសតិសម្បជញ្ញៈបានដែរឬទេ?
2- អ្វីទៅជាអាថ៌កំបាំងនៅពីក្រោយប្រព័ន្ធអនុសម្បជញ្ញៈនេះ?
3- ដើម្បីឱ្យយើងធ្វើការសម្រេចចិត្តលឿន ហើយត្រឹមត្រូវ តើយើងត្រូវយកចិត្តទុកដាក់ទៅលើកត្តាអ្វីខ្លះ?

ចំណងជើងដើម៖ Blink: The Power of Thinking Without Thinking
អ្នកនិពន្ធ៖ Malcolm Gladwell (មេលឃឹម ក្លេដវែល)
ចំណងជើងជាភាសាខ្មែរ៖ មួយប៉ប្រិចភ្នែក
អ្នកអត្ថាធិប្បាយ៖ Bun Park

​​យើងគ្រប់គ្នាសុទ្ធតែចង់ក្លាយជាមនុស្សឆ្លាត តែពាក្យថាឆ្លាតតែងតែភ្ជាប់មកជាមួយនឹងកលល្បិច និងការគេងចំណេញជានិច្ច ប៉ុន្តែអ្វីដែលធ្វើឱ្យយើងក្លាយជាកំពូលមនុស្សលេចធ្លោ និងទទួលបានលាភសក្ការៈច្រើនជាងគេនោះ គឺភាពឈ្លាសវៃទៅវិញទេ? តើឆ្លាត និងឈ្លាសវៃខុសគ្នាយ៉ាងម៉េច? ធ្វើយ៉ាងណាអាចឱ្យយើងក្លាយជាមនុស្សឈ្លាសវៃជាងគេនៅក្នុងចំណោមមនុស្សជុំវិញខ្លួន? សៀវភៅនេះនឹងបង្រៀនយើងឱ្យក្លាយជាមនុស្សដ៏ឈ្លាសវៃជាងគេនៅក្នុងបន្ទប់។

នៅក្នុងសៀវភៅនេះយើងនឹងបានស្តាប់៖
1- តើយើងត្រូវប្តូរការគិតបែបណា ដើម្បីជៀសវាងការខ្វែងគំនិតជាមួយមនុស្សដែលមានទស្សនៈផ្ទុយគ្នា?
2- យើងគួរចេះប្រើភាសារបែបណា ដើម្បីជះឥទ្ធិពលដល់សកម្មភាពរបស់អ្នកដទៃ?
3- របៀបបង្កើតបរិយាកាសយ៉ាងណា ដើម្បីផ្លាស់ប្តូរសកម្មភាព
4- ចាប់ផ្តើមធ្វើសកម្មភាព ដើម្បីផ្លាស់ប្តូរផ្នត់គំនិត

ចំណងជើងដើម៖ The Wisest One in the Room
អ្នកនិពន្ធ៖ Thomas Gilovich & Lee Ross(ថូម៉ាស ហ្គីឡូវិច & លី រ៉ស់)
ចំណងជើងជាភាសាខ្មែរ៖ មនុស្សឈ្លាសវៃជាងគេនៅក្នុងបន្ទប់
អ្នកអត្ថាធិប្បាយ៖ Bun Park

​​នៅពេលដែលយើងមានបញ្ហាអ្វីមួយដែលត្រូវពិភាក្សា យើងតែងតែកោះហៅគ្នាមកប្រជុំ ដើម្បីស្វែងរកដំណោះស្រាយដូចជា ត្រូវប្រមូលទិន្នន័យ វិភាគពីហានិភ័យ គិតពីចំណុចខ្លាំង និងចំណុចខ្សោយ ថែមទាំងត្រូវស្វែងយល់ពីអារម្មណ៍ និងការយល់ឃើញរបស់មនុស្សគ្រប់គ្នាដែលចូលរួម។ ភាគច្រើនយើងចំណាយពេលច្រើនទៅលើការប្រជុំ តែបែរជាមិនទទួលបានលទ្ធផលអ្វីឡើយ ប្រជុំចប់បែកជួរគ្នា មិនដឹងថាខ្លួនត្រូវធ្វើអ្វី គ្មានទិសដៅ គ្មានគោលការណ៍ គ្មានផែនការអនុវត្ត។

នៅក្នុងកាលៈទេសៈបែបនេះ ទាមទារឱ្យយើងចេះប្រើយុទ្ធសាស្ត្រ “មួកប្រាំមួយពណ៌”។ វាជាឧបករណ៍មួយដែលជំនួយដល់ការគិតពិចារណាទៅលើរឿងរ៉ាវដែលស្មុគស្មាញឱ្យមានប្រសិទ្ធភាពខ្ពស់។ អ្នកនិពន្ធបានធ្វើការប្រៀបធៀបទៅកាន់ មួកចំនួនប្រាំមួយដែលមានពណ៌ខុសៗគ្នា ហើយមួកនីមួយៗតំណាងឱ្យការគិតពីជ្រុងផ្សេងៗគ្នា ដូចជាមួកពណ៌ខៀវ តំណាងឱ្យវិន័យ មួកពណ៌សតំណាងឱ្យព័ត៌មាន មួកពណ៌លឿងតំណាងឱ្យគុណសម្បត្តិ មួកពណ៌ខ្មៅតំណាងឱ្យហានិភ័យ មួកពណ៌ក្រហមតំណាងឱ្យមនោសញ្ចេតនា និងមួកពណ៌បៃតងតំណាងឱ្យភាពច្នៃប្រឌិត។ របៀបដែលគេប្រើយុទ្ធសាស្ត្របែបនេះនៅក្នុងការដោះស្រាយបញ្ហានោះគឺ គេពិចារណាព្រឹត្តិការណ៍អ្វីមួយដោយឈរនៅលើការគិតតាមពណ៌មួកនីមួយៗ ម្តងមួយៗដោយមិនឱ្យលាយឡំជាមួយនឹងពណ៌ផ្សេងឡើយ។ បើសិនជាអ្នកចង់ដោះស្រាយបញ្ហាស្មុគស្មាញឱ្យងាយស្រួល និងមានប្រសិទ្ធភាពខ្ពស់ សៀវភៅមួយក្បាលនេះសក្ដិសមណាស់សម្រាប់អ្នក។

ចំណងជើងដើម៖ Six Thinking Hats
អ្នកនិពន្ធ៖ Edward De Bono (អេដវ៉ដ ដឺ បូណូ)
ចំណងជើងជាភាសាខ្មែរ៖ មួកប្រាំមួយពណ៌
អ្នកអត្ថាធិប្បាយ៖ Bun Park

​​តើអ្នកធ្លាប់ជួបប្រទះទេ និយាយគ្នាសុខៗ បែរជាកើតចេញជាជម្លោះ។ ពេលខ្លះយើងនិយាយឆ្វេង គេយល់ឃើញស្តាំ មិនត្រឹមតែប៉ុណ្ណោះ ធ្វើឱ្យមានការភ័ន្តច្រឡំ កើតជាជម្លោះទៀត បែកបាក់មនោសញ្ចេតនាទៀតផង។ បើសិនជាអ្នកឧស្សាហ៍មានបញ្ហាក្នុងការទំនាក់ទំនងមិនថារវាងដៃគូជីវិត ដៃគូអាជីវកម្ម ឬ មិត្តរួមការងារនោះទេ សៀវភៅនេះនឹងជួយអ្នកទាំងអស់គ្នាឱ្យមានទំនាក់ទំនងល្អឡើងវិញជាមួយមនុស្សជុំវិញខ្លួន ព្រោះវាបានបង្រៀនយើងពីវិធីសាស្ត្រជាច្រើនក្នុងការនិយាយស្តី និងតិចនិកអនុវត្តជាក់ស្តែងក្នុងការប្រាស្រ័យទាក់ទងជាមួយអ្នកដទៃ។

សៀវភៅនេះមានចំណងជើងថា “សិល្បៈនៃការទំនាក់ទំនង” បង្រៀនយើងពីរបៀបមើលមនុស្សពីខាងក្នុង និងរៀនអង្កេតមើលកាយវិការមនុស្សពីខាងក្រៅ ជៀសវាងការយល់ច្រឡំគ្នាក្នុងការសន្ទនា និងប្រាប់យើងពីរបៀបបញ្ជូនព័ត៌មានទៅកាន់អ្នកដទៃឱ្យបានសមរម្យ ធ្វើឱ្យអ្នកក្លាយជាមនុស្សគួរឱ្យរាប់អាន និងធ្វើឱ្យគេមានអារម្មណ៍ថាស្រណុកក្នុងចិត្តពេលបាននិយាយជាមួយអ្នក។

នៅក្នុងសៀវភៅនេះអ្នកនឹងបានស្តាប់ខ្លឹមសារសំខាន់ដូចជា៖
1- កត្តាខាងក្នុងបីយ៉ាងដែលជះឥទ្ធិពលដល់ការធ្វើទំនាក់ទំនងរបស់យើងជាអ្វី?
2- សារៈសំខាន់នៃកាយវិការទាំង 5 យ៉ាង នៅក្នុងការសន្ទនាមានអ្វីខ្លះ?
3- ធ្វើបែបណាទើបអាចបង្កើនបរិយាកាសក្នុងការសន្ទនាឱ្យបានល្អ?
4- វីធីធ្វើឱ្យអ្នកដទៃគ្មានសម្ពាធពេលនិយាយជាមួយយើង
5- រៀនបង្ហាញពីអារម្មណ៍តាមរយៈកាយវិការ និងពាក្យសម្តី ជៀសវាងការយល់ច្រឡំ។

ចំណងជើងដើម៖ “Looking Out, Looking In”
អ្នកនិពន្ធ៖ Ronald Adler & Russell Proctor (រ៉ូណាល់ អេដឡឺ & រ៉ាស់សេល ព្រកធឺ)
ចំណងជើងជាភាសាខ្មែរ៖ សិល្បៈក្នុងការទំនាក់ទំនង
អ្នកអត្ថាធិប្បាយ៖ Bun Park

​​នេះជាសៀវភៅប្រឡោមលោកដំបូងគេ ដែលយើងលើកយកមកធ្វើការសង្ខេបជូនអ្នកទាំងអស់គ្នាស្តាប់នៅលើ WERead។ វាជាសៀវភៅបែបប្រឡោមលោកពិតមែន តែបើនិយាយពីឥទ្ធិពល និងភាពល្បីល្បាញរបស់វា មិនខុសពីសៀវភៅ Harry Potter របស់ J.K Rowling ឡើយ។ សៀវភៅនេះត្រូវបានគេបោះពុម្ពឡើងនៅក្នុងឆ្នាំ 1969 ជាងកន្លះសតវត្សរ៍មកនេះ សៀវភៅនេះត្រូវបានគេបកប្រែជាង 37 ភាសា។ រហូតដល់ឆ្នាំ 1972 គេបានយកវាទៅថតជាខ្សែភាពយន្តហូលីវូដ ដែលធ្វើឱ្យវាកាន់តែមានភាពល្បីល្បាញខ្លាំងជុំវិញពិភពលោក ទទួលបានពានរង្វាន់អូស្ការតាំងពីឆ្នាំទីមួយក្រោយពេលដាក់បញ្ចាំងមកម៉្លេះ។ អ្នកដែលចូលចិត្តមើលរឿងជាច្រើនបានធ្វើការវាយតម្លៃខ្ពស់ថារឿង “The Godfather” គឺជារឿងហូលីវូដដ៏ល្អបំផុតនៅក្នុងប្រវត្តិសាស្ត្រភាពយន្តរបស់សហរដ្ឋអាមេរិច។

សៀវភៅ “The Godfather” នេះ សរសេរពីជីវិតមេម៉ាហ្វៀរមួយក្រុមដែលបានធ្វើអន្តោប្រវេសន៍ពីប្រទេសអ៊ីតាលីចូលមករស់នៅក្នុងសហរដ្ឋអាមេរិចនៅដើមសតវត្សរ៍ទី 20។ គតិបណ្ឌិត និងដំបូន្មានដែលមាននៅក្នុងសៀវភៅនេះ ធ្វើឱ្យមនុស្សក្នុងលោកមានការស្ងើចសរសើរជាខ្លាំង ព្រោះវាបានរំលេចចេញពី ការដណ្តើមអំណាច ទំនាក់ទំនងសង្គម ទំនាស់ក្នុងគ្រួសារ និងដំណោះស្រាយក្នុងការធ្វើជំនួញជាដើម ដែលបានបង្ហាញឱ្យយើងឃើញច្បាស់ពីគុណធម៌ និងអំណាច កលល្បិច និងភាពស្មោះត្រង់រវាងពួកម៉ាហ្វៀរមួយក្រុមកាលពីជាង 100 ឆ្នាំមុន។

ចំណងជើងដើម៖ “The Godfather”
អ្នកនិពន្ធ៖ Mario Puzo (ម៉ារីអូ ភូហ្សូ)
ចំណងជើងជាភាសាខ្មែរ៖ ឪពុកធម៌
អ្នកអត្ថាធិប្បាយ៖ Bun Park

​​នៅក្នុងការរស់នៅប្រចាំថ្ងៃរបស់យើង គេចមិនផុតឡើយងពីការជ្រើសរើស មិនថារឿងតូចតាចដល់រឿងធំដុំក្នុងជីវិតទាមទារឱ្យអ្នកធ្វើការសម្រេចចិត្តរហូត។ តាមការស្រាវជ្រាវមួយបានបង្ហាញថា មនុស្សម្នាក់ធ្វើការសម្រេចចិត្តពី 33000 ដល់ 35000 ដងក្នុងមួយថ្ងៃ។

មួយថ្ងៃៗយើងធ្វើការជ្រើសរើសច្រើនយ៉ាងនេះ តើធ្វើដូចម្តេចទើបអាចដឹងបានថាវាជាការជ្រើសរើសដ៏ត្រឹមត្រូវ និងសក្ដិសមសម្រាប់យើងទៅ? ចុះបើសិនជាយើងជាមនុស្សពិបាកនឹងធ្វើការសម្រេចចិត្តស្រាប់ តើយើងគួរជ្រើសរើសនូវអ្វីដែលគេបានដាក់ឱ្យយើងរើសដែរឬទេ? តើអ្វីទៅដែលជះឥទ្ធិពលដល់ការសម្រេចចិត្តរបស់យើងដោយមិនដឹងខ្លួន? ចុះបើសិនជាយើងសម្រេចចិត្តមិនជ្រើសរើសតែម្តង តើជីវិតយើងនឹងមានអ្វីកើតឡើង?

សៀវភៅមួយក្បាលនេះនឹងធ្វើការវិភាគជុំវិញបញ្ហានេះ ដោយបកស្រាយនូវចម្ងល់មួយចំនួនដូចខាងក្រោម៖
1- អ្វីទៅជាជម្រើសបឋម?
2- រៀនពីរបៀបតាក់តែងជម្រើសបឋម ដើម្បីជះឥទ្ធិពលដល់ការសម្រេចចិត្តរបស់អ្នកដទៃ
3- ហេតុអ្វីបានជាងយើងសម្រេចចិត្តជ្រើសរើសជម្រើសមួយដែលគេបានដាក់ឱ្យ ដោយជឿជាក់លើគេយ៉ាងនេះ?
4- ដើមទុននៅក្នុងការសម្រេចចិត្តជ្រើសរើសអ្វីមួយមានអ្វីខ្លះ?
5- ក្នុងនាមជាម្ចាស់អាជីវកម្មតើគួរតាក់តែងជម្រើសបែបណា ដើម្បីឱ្យអតិថិជនងាយស្រួលក្នុងការសម្រេចចិត្ត និងមិនមានសម្ពាធ?

ចំណងជើងដើម៖ Choosing Not to Choose, Understanding the Value of Choice
អ្នកនិពន្ធ៖ Cass R. Sunstein (ខេស អ. សាន់ស្ទៀន)
ចំណងជើងជាភាសាខ្មែរ៖ គ្មានជម្រើស
អ្នកអត្ថាធិប្បាយ៖ Bun Park

របៀបទទួលបាន VIP 3 ថ្ងៃពី WERead

📚 របៀបទាញយក WERead សម្រាប់ទូរស័ព្ទ Android

📚 របៀបទាញយក WERead សម្រាប់ទូរស័ព្ទ iPhone

​​ហេតុអ្វីបានជាពេលវេលា 24 ម៉ោងដូចគ្នា គេធ្វើកិច្ចការងារបានច្រើនយ៉ាងនេះ ចំណែកឯយើងវិញធ្វើនេះបន្តិចធ្វើនោះបន្តិច មិនបានប៉ុន្មានផងដល់ម៉ោងបាត់ទៅហើយ។ នៅលើទីផ្សារមានសៀវភៅ និងឯកសារជាច្រើនដែលបង្រៀនយើងពីតិចនិកបែងចែកពេលវេលាឱ្យបានល្អ បំពេញការងារឱ្យមានប្រសិទ្ធភាព តែហេតុអ្វីបានជាមនុស្ស 2/3 នៅតែបរាជ័យក្នុងការគ្រប់គ្រងពេលវេលា? ហេតុផលនោះគឺ យើងមិនស្គាល់ខ្លួនឯងច្បាស់។ អ្នកនិពន្ធបានធ្វើការបែងចែកមនុស្សជា 8 ប្រភេទផ្សេងគ្នា ទៅលើឥរិយាបថរបស់ពួកគេចំពោះការប្រើប្រាស់ពេលវេលា និងពន្យល់ពីវិធីសាស្ត្រក្នុងការគ្រប់គ្រងពេលវេលាឱ្យល្អទៅតាមអត្តចរិតរបស់មនុស្សម្នាក់ និងបរិបទការងាររៀងៗខ្លួន។

នៅក្នុងសៀវភៅនេះ អ្នកនឹងបានស្តាប់៖
1- មនុស្ស 8 ប្រភេទដែលមានឥរិយាបថផ្សេងគ្នាទៅលើការប្រើប្រាស់ពេលវេលានោះជាមនុស្សប្រភេទណាខ្លះ?
2- បើអ្នកធ្វើការងារច្រើនក្នុងពេលតែមួយ តើអ្នកគួរប្រើវិធីសាស្ត្រគ្រប់គ្រងពេលវេលាបែបណា?
3- បើការងារអ្នកតិច តែធ្វើការចេះតែលើសម៉ោង គ្រប់គ្រងពេលមិនបានល្អ គួរប្រើវិធីសាស្ត្រអ្វី?
4- អ្វីទៅហៅថាប្រអប់ពេលវេលា? អ្វីទៅហៅថា “វិធីដក”?
5- ពេលវេលា និងសុភមង្គលមួយណាសំខាន់ជាង? ហេតុអ្វីបានជាមនុស្សមួយចំនួនសុខចិត្តធ្វើរឿងបន្ទាន់ តែមិនសំខាន់?
6- ធ្វើយ៉ាងណាអាចរកគុណតម្លៃក្នុងជីវិត និងបង្កើនសុភមង្គលខ្លួនឯងបាន?

ចំណងជើងដើម៖ Your Time
អ្នកនិពន្ធ៖ Yu Suzuki Japanese
ចំណងជាភាសាខ្មែរ៖ ពេលវេលាជាមាសប្រាក់
អ្នកអត្ថាធិប្បាយ៖ Bun Park

Channel name was changed to «WEREAD»

​​យើងមានដែលឆ្ងល់ដែរទេថា ហេតុអ្វីបានជាអ្នកខ្លះមានដុងពីធម្មជាតិក្នុងការនិយាយជាសាធារណៈនៅចំពោះមុខមហាជនរាប់រយនាក់ គេមានអ្វីនិយាយរហូតមិនចេះចប់ ចំណែកឯយើងវិញ គ្រាន់តែឡើងលើឆាកភ្លាម ស្រឡាំងកាំងរកនឹកនិយាយអ្វីមិនឃើញ។ សមត្ថភាពក្នុងការបង្ហាញគំនិត និងទស្សនៈរបស់ខ្លួននៅវេទិកាសាធារណៈ ពិតជាមិនអាចខ្វះបានទេនៅក្នុងការរស់នៅ ការងារ និងអាជីវកម្មរបស់អ្នក។ បើសិនជាអ្នកចង់ក្លាយជាកំពូលអ្នកនិយាយជាសាធារណៈដ៏មានឥទ្ធិពលដូចប្រធានាធិបតី សៀវភៅនេះពិតជាសក្ដិសមណាស់សម្រាប់អ្នក។

នៅក្នុងសៀវភៅនេះ អ្នកនឹងបានស្តាប់៖
1- តើពេលឡើងឆាកដំបូងរឿងទីមួយដែលអ្នកត្រូវធ្វើគឺជាអ្វី?
2- ហេតុអ្វីបានជាយើងមិនត្រូវណែនាំខ្លួន ឬ ថ្លែងអំណរគុណពេលបើកឆាកនិយាយដំបូង?
3- បើសិនជាយើងចង់លើកពាក្យ ឬ សាច់រឿងមកបង្ហាញពីទស្សនៈផ្ទាល់ខ្លួនរបស់បុគ្គលល្បីៗ
4- តិចនិក 3 យ៉ាងដែលអ្នកគួរចងចាំមុនពេលឡើងឆាក
5- កត្តាដែលអ្នកត្រូវជៀសវាងក្នុងពេលនិយាយជាសាធារណៈ។

ចំណងជើងដើម៖ Speak Like Churchill, Stand Like Lincoln
អ្នកនិពន្ធ៖ James C. Humes (ជេមស៍ ស៊ី.យូមស៍)
ចំណងជើងជាភាសាខ្មែរ៖ និយាយឱ្យដូចប្រធានាធិបតី
អ្នកអត្ថាធិប្បាយ៖ Bun Park

​​បច្ចុប្បន្នមនុស្សកាន់តែច្រើនឡើងៗមានមហិច្ឆតាក្នុងការបង្កើតអាជីវកម្មមួយដែលជោគជ័យ និងមានតម្លៃនៅលើទីផ្សារ។ កាលពីមុននៅពេលដែលអ្នកមានគំនិតល្អមួយចង់ចាប់ផ្តើមអាជីវកម្ម អ្នកមានតែពឹងពាក់លើក្រុមគ្រួសារ បងប្អូន ឬ មិត្តភក្តិជាដើម តែពេលនេះអ្នកអាចរកអ្នកវិនិយោគ ដើម្បីមកដាក់ទុនក្នុងអាជីវកម្មរបស់អ្នក ដើម្បីបង្កើនប្រាក់ចំណេញ។

បច្ចុប្បន្នមានក្រុមហ៊ុនវិនិយោគជាច្រើនក៏កំពុងតែស្វែងរកគម្រោងល្អៗ ដើម្បីធ្វើការវិនិយោគដែរ។ ក្រុមហ៊ុនវិនិយោគទាំងនេះកៀងគរទុនពីមហាសេដ្ឋី និងម្ចាស់លុយជាច្រើននាក់មកវិនិយោគជំនួស ទៅលើធុរកិច្ចបង្កើតថ្មីណាមួយដែលអាចទទួលបានជោគជ័យធំនៅថ្ងៃអនាគត។ ក្រុមហ៊ុនវិនិយោគទាំងនោះ យើងហៅថា Venture Capital ហៅកាត់ថា៖ VC។

នៅក្នុងសៀវភៅនេះ អ្នកនឹងបានស្តាប់៖
1- VC ជាអ្វី? តើប្រតិបត្តិការរបស់ VC ដំណើរការបែបណា?
2- តើ VC បង្កើតប្រាក់ចំណេញដោយវិធីណា?
3- សហគ្រិនគួរមានការត្រៀមខ្លួនបែបណា ដើម្បីនិយាយទាក់ទាញអ្នកវិនិយោគ?
4- តើក្រុមហ៊ុនវិនិយោគចូលចិត្តវិនិយោគទៅលើក្រុមហ៊ុនបែបណា?
5- តិចនិកបីយ៉ាងក្នុងការធ្វើឱ្យការកៀងគរទុនមួយទទួលបានជោគជ័យ មានអ្វីខ្លះ?

ចំណងជើងដើម៖ Mastering the VC Game
អ្នកនិពន្ធ៖ Jeff Bussgang(ជេហ្វ បាសស្កាំង)
ចំណងជើងភាសាខ្មែរ៖ សហគ្រិន និងអ្នកវិនិយោគ
អ្នកអត្ថាធិប្បាយ៖ Bun Park

​​យើងគ្រប់គ្នាសុទ្ធតែចង់រស់នៅឱ្យបានអាយុវែង តែភ្លេចឱ្យតម្លៃពេលវេលាមួយថ្ងៃៗដែលខ្លួនមាន បែរជាចំណាយពេលវេលាដ៏មានតម្លៃរបស់ខ្លួនទៅបារម្ភរឿងរ៉ាវដែលមិនទាន់កើត ទៅស្តាយក្រោយរឿងរ៉ាវដែលបានកើតឡើងហើយទៅវិញ។ សៀវភៅ “រស់ដល់ 105ឆ្នាំ” នេះជាស្នាដៃនិពន្ធមួយរបស់អ្នកនិពន្ធជនជាតិជប៉ុនគឺលោក Hinohara ដែលគាត់បានសរសេរចប់មួយខែមុនពេលគាត់លាចាកលោកនៅក្នុងអាយុ 105 ឆ្នាំ។

សៀវភៅនេះមិនបានបង្រៀនយើងឱ្យធ្វើយ៉ាងណាអាចរស់នៅឱ្យបានអាយុវែងដូចគាត់នោះទេ តែពន្យល់យើងពីអត្ថន័យនៃពាក្យ “កើត ចាស់ ឈឺ ស្លាប់” និងបកស្រាយប្រាប់យើងពីតម្លៃនៃក្តីស្រលាញ់ និងសុភមង្គល។ បានស្តាប់សៀវភៅនេះហើយ អ្នកនឹងយល់កាន់តែច្បាស់ពីតម្លៃនៃជីវិត ពីអត្ថន័យនៃការរស់នៅ ធ្វើឱ្យអ្នកកាន់តែមានសុភមង្គល និងចេះផ្តល់ក្តីស្រលាញ់ទៅកាន់មនុស្សជុំវិញខ្លួន។

នៅក្នុងសៀវភៅនេះ អ្នកនឹងបានស្តាប់៖
1- អ្វីទៅជាអត្ថន័យនៃជីវិត តើរស់បែបណាទើបមានន័យ?
2- ធ្វើបែបណាទើបអាចប្រើពេលវេលាដ៏មានតម្លៃធ្វើរឿងដែលខ្លួនចង់ធ្វើ?
3- តើយើងគួរប្រឈមមុខនឹងសេចក្តីស្លាប់បែបណា?
4- ធ្វើបែបណាទើបអាចទទួលបានក្តីស្រលាញ់ និងចេះផ្តល់សុភមង្គលដល់ខ្លួនឯង និងមនុស្សជុំវិញខ្លួន?

ចំណងជើងដើម៖ Living Long Living Good
អ្នកនិពន្ធ៖ Shigeaki Hinohara japanese (ស៊ីហ្គាគី ហ៊ីណូហារ៉ា)
ចំណងជើងជាភាសាខ្មែរ៖ រស់ដល់ 105 ឆ្នាំ
អ្នកអត្ថាធិប្បាយ៖ Ny Veasna

​​ហេតុអ្វីបានជាមួយថ្ងៃៗ អ្នកខិតខំយ៉ាងនេះ នៅតែមិនទទួលបានអ្វីដែលខ្លួនចង់បាន? នេះមិនមែនមកពីការខិតខំរបស់អ្នកមិនទាន់អស់ពីសមត្ថភាពទេ តែអាចមកពីអ្នកខិតខំខុសគោលដៅ។ ហេតុអ្វីបានជាពេលខ្លះ អ្នកមានបំណងល្អចង់ជួយអ្នកដទៃ តែបែរជាគេមិនដឹងគុណ ថែមទាំងទទួលបានការប្រមាថទៀត? ហេតុអ្វីបានជាអ្នកខ្លះមើលទៅហាក់ដូចជាខិតខំរៀនសូត្រណាស់ តែពេលប្រឡងបែរជាទទួលបានលទ្ធផលមិនស្មើនឹងគេរៀនធម្មតាៗផង? ហេតុអ្វីបានជាអ្នកខ្លះខិតខំប្រឹងប្រែងធ្វើការគ្មានថ្ងៃសម្រាក តែហាក់បីដូចជាគ្មានសល់អ្វីសោះ? បើសំណួរទាំងនេះធ្វើឱ្យអ្នកមិនសប្បាយចិត្ត នោះអ្នកប្រហែលជាកំពុងតែខិតខំខុសគោលដៅហើយ។

សៀវភៅនេះបានប្រាប់យើងពីសញ្ញាប៉ុន្មានយ៉ាងដែលបង្ហាញថាអ្នកកំពុងតែខិតខំក្លែងក្លាយហើយ វាមិនត្រឹមតែមិនទទួលបានលទ្ធផលទេ ថែមទាំងធ្វើឱ្យអ្នកមានអារម្មណ៍ថាខ្លួនឯងឥតបានការ វង្វេងគោលដៅ ធុញថប់នឹងជីវិតខ្លួនឯងទៀតផង។

នៅក្នុងសៀវភៅនេះ អ្នកនឹងបានស្តាប់៖
1- អ្វីទៅជាការខិតខំក្លែងក្លាយ?
2- តើសកម្មភាពអ្វីខ្លះដែលបញ្ចាក់ថាអ្នកកំពុងខិតខំក្លែងក្លាយ
3- ធ្វើយ៉ាងណាទើបអាចចាកចេញពីអន្ទាក់នៃការខិតខំក្លែងក្លាយបែបនេះបាន?
4- នៅក្នុងការសិក្សា ការងារ និងទំនាក់ទំនង តើយើងឧស្សាហ៍មានការភ័ន្តច្រឡំអ្វីខ្លះ?

ចំណងជើងដើម៖ 假努力: 方向不对 一切白费 Chinese
អ្នកនិពន្ធ៖ 滑翔 （Hua Xiang）(ហ័រ ស៊ៀង)
ចំណងជើងភាសាខ្មែរ៖ ការខិតខំក្លែងក្លាយ
អ្នកអត្ថាធិប្បាយ៖ Bun Park

Last update: 📣
អបអរសាទរ WERead មានអ្នកចុះឈ្មោះសរុបចំនួន 8 ម៉ឺននាក់ហើយ!

ក្នុងឱកាសនេះ យើងសូមកែសម្រួលគោលការណ៍សមាជិកភាព VIP ដោយផ្តល់ជូនអ្នកប្រើប្រាស់នូវជម្រើសកាត VIP 3 ជម្រើសដូចខាងក្រោម៖

កាត VIP 1 ខែ 5$
ស្តាប់សាកល្បងមួយខែសិន

កាត VIP 1 ឆ្នាំ 30$
ទិញមួយឆ្នាំ ថែមជូនមួយឆ្នាំ

កាត VIP ♾️ 50$
បង់ប្រាក់តែម្តង ស្តាប់បានរហូត

​​សព្វថ្ងៃនេះមនុស្សកាន់តែច្រើនទៅៗ កាន់តែលែងចង់ធ្វើការប្រាស្រ័យទាក់ទងជាមួយមនុស្សជុំវិញខ្លួនហើយ។ នៅក្នុងបណ្តាញសង្គមអាចរាក់ទាក់ខ្លះដែរ តែដល់ពេលជួបជាក់ស្តែង រកពាក្យអ្វីនិយាយគ្នាមិនបានផង។ អ្នកខ្លះខ្លាចសង្គមរហូតដល់ពួននៅតែម្នាក់ឯង តែងតែយល់ថាខ្លួនមិនល្អគ្រប់គ្រាន់ ខ្លាចគេរិះគន់ ខ្លាចគេវាយតម្លៃ រហូតដល់បាត់បង់ភាពជាខ្លួនឯង មិនហ៊ានធ្វើអ្វីទាំងអស់ និយាយរួម គឺអាលែកហ្សីជាមួយមនុស្សតែម្តង។

ជំងឺខ្លាចសង្គមបានក្លាយជាបញ្ហាផ្លូវចិត្តមួយដែលមនុស្សជាច្រើនក្នុងសម័យនេះជួបប្រទះ។ នៅថ្ងៃនេះយើងមកធ្វើការកែប្រែខ្លួនឯងឱ្យក្លាហាន មានទំនុកចិត្តជាងមុនទាំងអស់គ្នា តាមរយៈសៀវភៅនេះ គេនឹងបង្ហាញប្រាប់យើងជាជំហានៗ ពីវិធីដើរចេញពីជំងឺខ្លាចសង្គមនេះ ធ្វើឱ្យយើងមានភាពក្លាហាន និងមានទំនុកចិត្តក្នុងខ្លួនឡើងវិញ។

នៅក្នុងសៀវភៅនេះ អ្នកនឹងបានស្តាប់ខ្លឹមសារសំខាន់ៗដូចខាងក្រោម៖
1- អ្វីទៅជាជំងឺខ្លាចសង្គម វាខុសគ្នាពីមនុស្ស Introvert យ៉ាងម៉េច?
2- ហេតុអ្វីបានជាមនុស្សខ្លះមានភាពភ័យខ្លាចក្នុងការធ្វើទំនាក់ទំនងខ្លាំងយ៉ាងនេះ វាជាជំងឺដែលត្រូវធ្វើការព្យាបាលឬទេ?
3- នៅពេលដែលយើងមានការភ័យស្លន់ស្លោនៅពេលឡើងនិយាយជាសាធារណៈ តើគួរហ្វឹកហាត់ខ្លួនឯងយ៉ាងម៉េច?
4- ហេតុអ្វីបានជាសព្វថ្ងៃនេះ មនុស្សកាន់តែច្រើនទៅៗ កើតជំងឺខ្លាចសង្គម?

ចំណងជើងដើម៖ Overcoming Social Anxiety
អ្នកនិពន្ធ៖ Ellen Hendriksen (អេលលេន ហេនឌ្រីកសេន)
ចំណងជើងជាភាសាខ្មែរ៖ យកឈ្នះភាពភ័យខ្លាច
អ្នកអត្ថាធិប្បាយ៖ Bun Park

​​- តើអ្នកចូលចិត្តធ្វើការងារតែម្នាក់ឯង ឬធ្វើការពិភាក្សាជាក្រុម?
- នៅពេលដែលអ្នកនៅម្នាក់ឯង តើអ្នកមានអារម្មណ៍ថាមានក្តីសុខ ឬមានអារម្មណ៍ថាអផ្សុក?
- អ្នកចូលចិត្តជជែកពីរឿងមួយឱ្យស៊ីជម្រៅ ឬចូលចិត្តជជែករឿងច្រើនក្នុងពេលតែមួយ?
- តើអ្នកអាចផ្តោតអារម្មណ៍ធ្វើការងារមួយជាច្រើនម៉ោងតែម្នាក់ឯងបានដែរឬទេ?
- រាល់ពេលដែលអ្នកមានការជួបជុំគ្នាជាមួយមនុស្សច្រើន តើអ្នកមានអារម្មណ៍ថានឿយហត់ និងចង់រកកន្លែងស្ងប់ស្ងាត់អង្គុយតែម្នាក់ឯងឬអត់?

ទាំងនេះ គឺជាសំណួរដែលអ្នកត្រូវសួរខ្លួនឯងថា តើអ្នកជាមនុស្ស Introvert ឬអត់? នៅក្នុងសង្គម និងការងារ គេមិនសូវឱ្យតម្លៃទៅកាន់មនុស្ស Introvert ប៉ុន្មានទេ ថែមទាំងពេលខ្លះយល់ថាវាជាជំងឺដែលត្រូវព្យាបាលទៀតផង ដោយសារតែមនុស្សប្រភេទនេះចូលចិត្តនៅតែម្នាក់ឯង មិនសូវចេះនិយាយច្រើន ខ្មាសអៀនច្រើន មិនចូលចិត្តការជួបជុំ និងមិនសូវចុះសម្រុងនឹងគេទេ។ អ្នកអាចយល់ថាវាជាចំណុចខ្សោយក៏បាន តែសៀវភៅមួយក្បាលនេះនឹងធ្វើឱ្យការយល់ឃើញរបស់អ្នកមានការផ្លាស់ប្តូរ ព្រោះចំណុចខ្សោយទាំងនេះសុទ្ធតែជាចំណុចខ្លាំងរបស់មនុស្ស Introvert។

នៅក្នុងសៀវភៅនេះ អ្នកនឹងបានយល់ពីខ្លឹមសារសំខាន់ៗដូចខាងក្រោម៖
1- មនុស្ស Introvert មានលក្ខណៈពិសេសអ្វីខ្លះ?
2- ធ្វើបែបណាទើបអាចកែប្រែចំណុចខ្សោយរបស់គេ ឱ្យកា្លយជាចំណុចខ្លាំងបាន?
3- តិចនិកនិយាយនៅទីសាធារណៈដោយគ្មានភាពភ័យខ្លាច?
4- គន្លឹះ 2 យ៉ាងក្នុងការបង្កើនសក្តានុពលភាពក្នុងខ្លួនរបស់មនុស្ស Introvert។

ចំណងជើងដើម៖ Quiet: The Power of Introverts in a World That Can’t Stop Talking
អ្នកនិពន្ធ៖ Susan Cain (ស៊ូសាន ខេន)
ចំណងជើងជាភាសាខ្មែរ៖ អំណាចនៃភាពស្ងៀមស្ងាត់
អ្នកអត្ថាធិប្បាយ៖ Bun Park