Валерий Николаев, Глава Верхневилюйского района

Саха Өрөспүүбүлүкэтин Бырабыыталыстыбатын отчуоттуур, нэһилиэнньэттэн этиилэри хомуйар сүбэ мунньахтара улууспутугар 3 күн устата бары нэһилиэктэри таарыйан ыытылыннылар.

Олунньу 20 күнүгэр, Үөһээ Бүлүүтээҕи оҕо искусствотын дьиэтигэр отчуот түмүк мунньаҕа ыытылынна.

Мунньаҕы иилээн-саҕалаан ыытта биһиги биир дойдулаахпыт, СӨ Бырабыыталыстыбатын бэрэссэдээтэлин бастакы солбуйааччыта Джулустан Анатольевич Борисов.

Джулустан Анатольевич мунньаҕы үөрүүлээх наҕараадалааһынтан саҕалаата. Ол курдук, Улуу Кыайыы 80 сылынан эҕэрдэлээн туран тыыл бэтэрээнигэр, СӨ үөрэҕириитин үтүөлээх үлэһитигэр Ульяна Терентьевна Тимофееваҕа Дойду бэрэсидьиэнэ В.В.Путин олохтообут Улуу Кыайыы 80 сыллаах үбүлүөйдээх мэтээлин түөскэ кэтэртэ. Маны сэргэ, сыл устата үрдүк көрдөрүүлээх үтүө үлэһит дьоммутугар махтал суруктары, бочуот грамоталарын туттарда.

Бырабыыталыстыба отчуотун түмүктүүр мунньаҕар нэһилиэнньэттэн былырыыҥҥытааҕар аҕыйах ыйытыы киирбитин, кыһалҕалар кэмигэр быһаарыллан, улууспутугар үлэ сөптөөхтүк бара турарын Джулустан Анатольевич бэлиэтээтэ.

Быйылгы отчуоттуур мунньахха 3 күн устата улуус олохтоохторуттан, бары нэһилиэктэртэн киирбит ыйытыктары, этиилэри боротукуолга тиһэн, тустаах үлэни ыытарга сыал-сорук турда.

Джулустан Анатольевичка уонна СӨ Бырабыытыластыбатын чэлиэттэригэр, Саха Сирэ чэчирии сайдарыгар күннэтэ ыытар сыралаах үлэҕитин үрдүктүк сыаналаан туран, махталбытын тиэрдэбит уонна инникитин таһаарыылаах үлэни тэҥҥэ ыытыахпыт диэн эрэнэбит!

#ОтчетПравительстваРСЯ
#ВерхневилюйскийУлус

T.me/ValeriNikolaev

Бүгүн, олунньу 20 күнүгэр, СӨ Бырабыыталыстыбатын отчуотун түмүктүүр күнэ.

Биһиги бөлөхпүт бүгүҥҥү күммүтүн Балаҕаннаах нэһилиэгин олохтоохторун кытта көрсүһүүттэн саҕалаатыбыт.

Былырыыҥҥы отчуотка улуус олохтоохторуттан уопсайа 170 ыйытыы киирбит буоллаҕына, 54 боппуруос быһаарыллыбыт, 66 боппуруос үлэҕэ сылдьар, диэн СӨ экономикатын миниистра Петр Иванович Попов иһитиннэрдэ. Ааспыт сыл Балаҕаннаах нэһилиэгиттэн 6 ыйытыы киирбит.

Балаҕаннаахха сытыытык турар кыһалҕа - оскуола-уһуйааны тутуу буолар. Мунньахха сүрүннээн бу боппуруоска элбэх болҕомто уурулунна.

Билиҥҥи туругунан оскуола-уһуйаан бырайыагын сорудаҕа түмүктэнэн эрэр. Сүрүн бырайыагын оҥорооһуҥҥа улуустан 4 мөл. 900 тыһ. солкуобайы ууран олоробут. Оскуола-уһуйаан бырайыага бигэргэннэҕинэ үбүлээһинин быһаарыыга үлэ ыытыллыаҕа.

Балаҕаннаах оскуолатын проектнай-сментнай докумуона түмүктэннэҕинэ, салгыы инвестиционнай бырагырааммаҕа киллэриигэ үлэлэһиэхпит диэн Петр Иванович этиннэ.

Маны сэргэ, Балаҕаннаах нэһилиэгин олохтоохторуттан үксэ тыа хаһаайыстыбатын сайыннарыыга этиилэр киирдилэр.

Балаҕаннаахтарга мунньахха көхтөөх кыттыыгыт, этиилэргит, ыйытыыларгыт иһин истиҥник махтанабыт.

Бүгүн киэһээ 18:00 чааска Үөһээ Бүлүүтээҕи оҕо искусства оскуолатыгар улуус киинин олохтоохторун отчуоттуур мунньахха ыҥырабыт. Маны сэргэ, улуус дьаһалтатыгар күнүс 15:00 чаастан 17:00 чааска диэри 34 хабыныатка СӨ экономика миниистирэ Петр Иванович Попов уонна СӨ доруобуйа харыстабылын миниистирин бастакы солбуйааччыта Дмитрий Дмитриевич Сергин нэһилиэнньэни кытта көрсүөхтэрэ.

#ОтчетПравительстваРСЯ
#ВерхневилюйскийУлус

T.me/ValeriNikolaev

Саха Өрөспүүбүлүкэтин Бырабыыталыстыбатын сыллааҕы үлэтин отчуоттуур сүбэ мунньаҕа Тамалакаан нэһилиэгэр ыытылынна.

Отчуоттуур мунньах үөрүүлээх наҕараадалааһынтан саҕаланна. Ол курдук, СӨ экономика миниистирэ Петр Иванович Попов СӨ Үөрэҕин уонна билимин миниистирин бастакы солбуйааччыта Михаил Присяжнай илии баттааһыннаах Бочуот грамотатын үөрэҕирии эйгэтигэр киллэрбит кылаатын уонна үтүө суобастаах үлэтин иһин Тамалакаан орто оскуолатын технологияҕа учууталыгар Федор Ивановка туттарда. Маны тэҥэ, Улуу Кыайыы 80 сыллаах үбүлүөйдээх мэтээлин Аҕа дойду сэриитин тыыл бэтэрээннэригэр Анастасия Николаеваҕа уонна Варвара Руфоваҕа Ил Дархан Айсен Николаев эҕэрдэтин тириэрдэн туран түөстэригэр кэтэртэ.

Былырыыҥҥы отчуоттуур мунньахха киирбит автобус маршрутун туруорсуу боппуруоһа быһаарыллан, 2024 сыл кулун тутар ыйга улууска 3 саҥа автобус ылыллан, Харбалаах-Үөһээ Бүлүү - Харбалаах маршрутунан күҥҥэ иккитэ автобус сырыыта сылдьар.

Быйылгы отчуоттуур мунньахха Семен Руфов аатынан култуура киинин тутуутун Тамалакаан нэһилиэгин олохтоохторо туруорустулар. Хомойуох иһин, 2019-2023 сылга диэри "Культура" национальнай бырайыак чэрчитинэн култуура дьиэтин тутар кыах баар эрдэҕинэ, биһиги улууспутугар ити түгэҥҥэ сиэрдээх үлэ ыытыллыбакка бэлэм бырайыактаах Тамалакаан култууратын киинэ бырагырааммаҕа киирсибэккэ хаалбыт. Билигин "Культура" национальнай бырайыак чэрчитинэн хапытаалынай өрөмүөн эрэ көҥүллэнэн турарынан сибээстээн, ити хайысханан туһанан саҥа култуура киинин тутар кыах суоҕун Петр Иванович иһитиннэрдэ. Онон Тамалакаан култууратын киинин тутуутугар үбүлээһин боппуруоһун быһаарарга үлэ барар.

Доруобуйа харыстабылын хайысхатынан былырыын аптека баар буоларын туруорсубуттар. Бу боппуруос быһаарыллан, "Сахафармация" тэрилтэни кытта үлэ баран, олохтоох ФАП-ка аптека арыллыбыт. Быйылгы туруорсууга эргэ балыыһаны көтүрүү буолла. Бу боппуруоһу улуустааҕы киин балыыһа үлэлэһэр.

Тамалакаан нэһилиэгин олохтоохторугар ыйытыыларгыт, этиилэргит, көхтөөх кыттыыгыт иһин истиҥник махтанабыт!

#ОтчетПравительстваРСЯ
#ВерхневилюйскийУлус

T.me/ValeriNikolaev

Ытыктабыллаах Үөһээ Бүлүү олохтоохторо!

Сарсын, олунньу ыйын 20 күнүгэр, күнүс 15:00 чаастан киэһээ 17:00 чааска диэри СӨ экономика миниистирэ Петр Иванович ПОПОВ уонна СӨ доруобуйа харыстабылын миниистирин бастакы солбуйааччыта Дмитрий Дмитриевич СЕРГИН улуус дьаһалтатыгар 27-с, 34-с нүөмэрдээх кабинеттарга олохтоох нэһилиэнньэни кытта көрсүөхтэрэ.

Кэлэн көхтөөх кыттыыны ыларгытыгар ыҥырабыт.

Үөһээ Бүлүү улууһун дьаһалтатын пресс сулууспата

В Якутии стартует кадровая программа «Якутия – земля героев» - региональное продолжение Президентского проекта «Время героев». Это уникальный проект, направленный на вовлечение наших отважных воинов, защищавших Родину, в процесс управления, создание для них условий профессионального и карьерного роста.

С 21 февраля начинается приём заявок. Подать заявку можно на сайте якутияземлягероев.рф Уже в начале июня будет сформирован список прошедших отбор и включённых в программу обучения. В программу очного обучения будет зачислено 25 человек. Ещё столько же войдут в резерв программы – это те, кто сейчас проходят военную службу, они пройдут обучение после возвращения домой. По итогам обучения, которое продлится один год, слушатели получат диплом и будут назначены на различные управленческие должности.

«Якутия – земля героев» — это не просто программа, а знак уважения и поддержки наших защитников. Они на поле боя доказали свою преданность Родине, а теперь смогут применить свой опыт и лидерские качества на благо республики. Это важный шаг в укреплении кадрового потенциала региона, и я уверен, что участники программы внесут весомый вклад в развитие Якутии.

t.me/aisen_nikolaev

Нам нэһилиэгэр өрөспүүбүлүкэ Бырабыыталыстыбатын отчуоттуур мунньаҕа ыытылынна.

Отчуоттуур мунньах үөрүүлээх түгэнтэн - наҕараадалааһынтан саҕаланна. СӨ экономикатын миниистирэ Петр Иванович Попов Кыайыы 80 сыллаах үбүлүөйдээх мэтээлин Ил Дархан Айсен Николаев аатыттан махтал, ытыктабыл тылларын этэн туран тыыл уонна СӨ Үөрэҕириитин бэтэрээнигэр Семен Данилович Амыдаевка туттарда.

Нам нэһилиэгэр билигин сытыытык турар кыһалҕа - оскуола хапытаалынай өрөмүөнэ буолла. Билигин Россия Президиэнин В.В.Путин Ыйааҕынан үөрэх кыһаларын өрөмүөннээһиҥҥэ тус бырагырааммалар үлэлииллэр. Бу бырагырааммаларга киирсэн өрөмүөҥҥэ үбу тыырсар курдук сөптөөх үлэни ыытарга болҕомто уурабыт.

Быйыл улууспутугар Ил Дархан Айсен Николаев уонна СӨ Бырабыыталыстыбатын быһаччы өйөбүлүнэн спортинструктор 7,5 штата көрүллүбүтэ. Манан сиэттэрэн Нам нэһилиэгэр быйылгыттан спорт инструкторын штата үлэтин саҕалаата, ону тэҥэ олохтоох көҕүлээһини өйүүр бырагыраама чэрчитинэн нэһилиэккэ сынньалаҥ былаһаакката үлэҕэ киирдэ. Сүрүн кыайыыбыт диэн - сөптөөх үп көрүллэн А.Е.Ильина-Дмитриева аатын сүгэр элбэх хайысхалаах култуура киинэ үлэҕэ киирдэ.

Нам нэһилиэгэр билигин "Кэнчээри" уһуйаанын саҥа дьиэтин тутуутун боппуруоһа сытыытык турар. Күн бүгүн тутуу өрөспүүбүлүкэ үрдүнэн 27-с миэстэҕэ уочаракка турарын СӨ экономика миниистира Петр Иванович иһитиннэрдэ. Маныаха бырайыактааһын сорудаҕын оҥоруу, экспертизаны ааһыы үлэтэ кэтэһэр.

Отчуоттуур мунньахха 8 оҕолоох дьиэ кэргэн Аҕа баһылыга Агит Павлов бырабыыталыстыбаттан көрүллэр көмөнү туһанан куоракка икки хостоох кыбартыыра ылбыттарыгар өрөспүүбүлүкэ салалтатыгар махтанарын биллэрдэ.

Нам нэһилиэгин олохтоохторугар отчуоттуур мунньахха көхтөөх кыттыыны ылбыккытыгар махтанабыт.

#ОтчетПравительстваРСЯ
#ВерхневилюйскийУлус

T.me/ValeriNikolaev

Кыайыы Знамятын үөрүүлээх быһыыга-майгыга ыаллыы сытар Ньурба улууһугар туттардыбыт.

Знамяны Үөһээ Бүлүү - Ньурба улуустарын кыраныыссатыгар Ньурба улууһун баһылыгар Алексей Михайлович Иннокентьевка туттардым.

Кыайыы Знамята биһиги улууспутугар олунньу 17-19 күннэригэр кэлэн ыалдьыттаата.

Санатан этэр буоллахха, Улуу Кыайыы 80 сылын көрсө Сахабыт сиригэр "Кыайыы Знамята' эстафетаны Ил Дархан Айсен Сергеевич Николаев 2024 сыл ахсынньы 28 күнүгэр сахалартан бастакынан Сэбиэскэй Сойуус дьоруойа албан ааты сүкпүт Федор Кузьмич Попов төрөөбүт дойдутун Мэҥэ-Хаҥалас улууһуттан саҕалаабыта. Онтон ыла Кыайыы Знамята элбэх улууһу кэрийэн, бүгүн Үөһээ Бүлүү улууһуттан Ньурба улууһугар айаннаата.

#ЗнамяПобеды
#ВерхневилюйскийУлус

T.me/ValeriNikolaev

Үөһээ Бүлүү улууһугар Кыайыы Знамятын эстафетата түмүктэнэр.

Бүгүн, олунньу 19 күнүгэр, Хоро нэһилиэгэр Дүллүкү нэһилиэгиттэн Кыайыы Знамятын көрүстүбүт.

Кыайыы Знамята 3 күн устата Харбалаах, Тамалакаан, Ороһу, Балаҕаннаах, Нам, Кэнтик, Үөһээ Бүлүү, Дүллүкү нэһилиэктэринэн, үөрэх кыһаларынан сылдьан бүгүн Хоро нэһилиэгэр кэллэ.

Улуу Кыайыы 80 сылыгар анаммыт "Кыайыы Знамята" өрөспүүбүлүкэтээҕи эстафетатын чэрчитинэн Знамяны Дүллүкү нэһилиэгин баһылыга Николай Романов аҕалан, Хоро баһылыгар Альберт Ивановка туттарда.

Тэрээһиҥҥэ анал байыаннай дьайыы кыттыылаахтара, сэрии сылларын оҕолоро, ытык бэтэрээннэр, оскуола оҕолоро кыттыыны ыллылар.

#ЗнамяПобеды
#ВерхневилюйскийУлус

T.me/ValeriNikolaev

Бүгүн, тохсунньу 28 күнүгэр, Үөһээ Бүлүүгэ ФГКУ "Управление вневедомственной охраны войск национальной гвардии РФ по РС(Я)" салайааччытын солбуйааччы, полиция полковнига Модест Модестович Сивцев, ФГКУ "УВО ВНГ РФ по РС(Я)" ОМТиХО салайааччыта полиция подполковнига Шевелев Афанасий Романович, ФГКУ "УВО ВНГ РФ по РС(Я)" ООВЭИТСОиБ салайааччытын солбуйааччы, полиция майора Слепцов Сергей Михайлович үлэ сырыытынан кэлэн, улууспут социальнай эбийиэктэрин харысхалын туһунан сүбэ мунньахтаатыбыт.

Мунньахха Үөһээ Бүлүү улууһугар 10 штаттаах ФГКУ "Управление вневедомственной охраны войск национальной гвардии РФ по РС(Я)" (Росгвардия) салаатын арыйар туһунан сүбэлэстибит.

Нэһилиэнньэ харысхалын, бэрээдэгин көрөр тэрилтэ арыллыыта улууспутугар эбии үлэ эрэ миэстэтин таһаарар сыаллаах буолбакка, оскуолалары, саҥа эбийиэктэри харыстааһыҥҥа сыаллаах үлэни ыытыаҕа.

Бастакытынан улуус киин нэһилиэктэрин социальнай эбийиэктэрин харысхалга ылан үлэни саҕалыыры былааннаатыбыт.

Росгвардия харабылыгар ылыллыбыт эбийиэктэргэ куттал үөскүүр, терроризм, ыксаллаах быһыы буолар түгэнигэр миэстэтигэр үлэлиир харабылдьыт анал кнопканы баттаан Росгвардия байыастарын ыҥырар кыахтаныаҕа.

Билигин аан дойду үрүднэн араас сэрэхтээх түбэлтэ сатарыыр кэмигэр биһиги олохтоохторбут, оҕолорбут харысхалларын бастатан туран тэрийиэхтээхпит. Кэлэр сылларга улууспут бары нэһилиэктэрин оскуолаларыгар үрдүк таһымнаах харысхалы олохтуурга Росгвардияны кытта үлэни ыытарга соруктары туруорабыт.

#НациональнаяГвардия
#БезопасностьНаселения
#ВерхневилюйскийУлуч

T.me/ValeriNikolaev

Дорогие студенты!

От имени администрации МР "Верхневилюйский улус (район)" и от себя лично сердечно поздравляю вас с Днем студента!

Этот день символизирует молодость, стремление к знаниям и открытие новых горизонтов. Вы — будущее нашего района, нашей республики и страны. Ваши идеи, энергия и устремления способны изменить мир к лучшему.

Учеба — это не только знания, но и возможность развивать свои таланты, находить друзей и строить свою жизнь. Я призываю вас использовать этот период для самосовершенствования, активного участия в жизни общества и реализации своих мечт.

Пусть каждый новый день приносит вам вдохновение, а все ваши усилия увенчаются успехом. Желаю вам здоровья, удачи и ярких свершений на пути к вашим целям!

С праздником вас, дорогие студенты!

С уважением, Глава Верхневилюйского района В.В. Николаев

#ДеньСтудента

T.me/ValeriNikolaev

"Спортивные якутяне" өрөспүүбүлүкэтээҕи оскуола оҕолорун спартакиадатыгар бэлэмнэниигэ анаммыт сүбэ мунньах ыыттылынна.

Былырыын, 2024 сылга Өрөспүүбүлүкэтээҕи оскуола оҕолорун спартакиадатыгар Үөһээ Бүлүү улууһун хамаандата ситиһиилээхтик кыттан 2-с миэстэни ылбыппыт.

Быйылгы спартакиадаҕа бэлэмнэниини эрдэттэн саҕалаан, өссө үрдүк көрдөрүүнү ситиһэргэ дьулуһабыт.

Бүгүн сүбэ мунньахха улууспут спорт салалтатын салайааччыта Егор Алексеевич Николаев, Д.Е. Корякин аатынан оҕо спорт оскуолатын директора Павел Васильевич Уйгуров, күөн күөрсүү оскуолатын (школа единоборств) директора Прокопьев Рустам Юрьевич, маны тэҥэ тренердар: хотугу многоборье - Григорьева Раиса Васильевна, дуобат - Тереньтева Сардана Григорьевна, мас тардыһыы - Охотин Геннадий Михайлович, тустуу - Саввинов Платон Егорович, Шахмат - Семенов Валерий Николаевич кыттыыны ыллылар.

Быйыл спартакиада 29 көрүҥҥэ ыытыллыаҕа. Уопсайа 300-тэн тахса оҕо улууспутугар сүүмэрдиир күрэхтэргэ кытыыны ылыахтара. Сүүмэрдэммит спортсменнар улууспут аатын өрөспүүбүлүкэҕэ көмүскүү бу сайын Дьокуускай куоракка спорт араас көрүҥнэригэр күөн күрэхтэһиэхтэрэ.

#СпортивныеЯкутяне
#ВерхневилюйскийУлус

T.me/ValeriNikolaev

Бүгүн, тохсунньу 24 күнүгэр, Саха Өрөспүүбүлүкэтин үлэҕэ уонна социальнай сайдыыга министиэристибэ материальнай-техническай хааччыйыыга департаменын салайааччыта Василий Васильевич Константинов үлэ сырыытынан кэлэн көрүстэ.

Василий Васильевиһы кытта "Элбэх хайысхалаах дьиэ кэргэн киинин" Үөһээ Бүлүүгэ тэриллиитин уонна бырайыага оҥоһулла сылдьар "Кырдьаҕастар уонна инбэлииттэр интернат-дьиэлэрин" тутуутун тула кэпсэтии ыыттыбыт.

#СоциальнаяЗащита
#ВерхневилюйскийУлус

T.me/ValeriNikolaev

#ОтчетГлавы2024

2024 сыл дьоһуннаах ситиһиилэринэн уонна саҥа ыҥырыыларынан бэлиэтэннэ. Аан дойдуга буола турар уларыйыылар уонна уустук социальнай-экономическай быһыыга-майгыга биһиги улууспут олохтоохторун олохторун-дьаһахтарын хаачыстыбатын тупсарыыга туһуламмыт тутаах соруктары олоххо киллэриигэ араас таһымнаах үлэ ыытылынна.

Социальнай инфраструктураны сайыннарыы биһиги үлэбит сүрүн сыала буолар.

Сыл устата улууспутугар 2 саҥа оскуола арылынна, Боотулууга уонна Сургуулукка. Маны тэҥэ Ороһу орто оскуолатын тутуутугар үп көрүллэн быйылгаттан сиэрдээх үлэ саҕаланна. Ороһу оскуолата 2025-2026 үөрэх сылыгар үөрэнээччилэргэ аанын тэличчи арыйарын кэтэһэбит. Нам нэһилиэгэр Анегина Ильина аатын сүгэр норуот айымньытын киинин тутуутун үлэтэ тиһигэр тиэрдиллэн, ахсынньы ый бүтүүтэ үөрүүлээх быһыыга-майгыга арылынна. Харбалаах, Кэнтик нэһилиэктэригэр асфальтынан бүрүллүбүт суоллаах уулуссулар арылыннылар. Маны сэргэ, Кэнтик нэһилиэгэр саҥа ФАП арылынна, Харбалаах нэһилиэгэр Исидор Барахов аатынан култуура киинэ тутуута, ис-тас оҥоһуга түмүктүүр түһүмэххэ кэллэ.

Тыа хаһаайыстыбатыгар үүтү тутуу, туттарыллыбыт үүтүү ааҕыы, учуоттааһын үлэтэ бэрэдэктэннэ, кормозаготовка бырагыраамматынан 10 тэриллиилээх хаһаайыстыбаларга МТЗ трактордар ылыллан туттарылыннылар, саха ынахтарыгар анаммыт 50 төбөлөөх хотон тутуллан үлэҕэ киирдэ. Маны сэргэ биирдиилээн үүт туттарааччыларга анаан улуус бюджетыттан лиитэрэ үүккэ эбии 15 солкуобай көрүллүбүтэ.

Доруобуйа харыстабылыгар биир улахан хардыыннан буолла оҕо поликлиникатын тутуутун саҕаланыыта.

Улууска эбии 6 муниципальнай баһаарынай быһыыр сулууспалар, Харбалаах, Туобуйа, Сургуулук, Ороһу, Быракаан, Өргүөт нэһилиэктэригэр арылыннылар, уопсайа 36 үлэ штата арылынна. Манна эбии улууска спортинструктор штатын 7,5 ставканы эбэммит, уопсайа 10 нэһилиэккэ спортинструктор штата арылынна.

Бу курдук, ылыллыбыт тиэмпэни ыһыктыбакка, салгыы уууспут олохтоохторун уйгута тупсарыгар туһуламмыт үлэни ыытар сыалы-соругу туруорабыт.

#ВерхневилюйскийУлус

T.me/ValeriNikolaev

#ОтчетГлавы2024

Гражданскай оборона уонна ыксаллаах быhыы–майгы.

«Үөһээ Бүлүүтээҕи муниципальнай баһаарынай быыһыыр сулууспа» муниципальнай бюджетнай тэрилтэтэ 2020 с. ахсынньы ый 1 күнүттэн Үөһээ Бүлүү улууһугар Кэнтик, Кырыкый уонна Оҥхой нэһилиэктэригэр үлэтин саҕалаабыта.

Бу сыл ыам ыйын 1 күнүгэр эбии 6 саҥа салаалар: Ороһу, Харбалаах, Өргүөт, Быракаан, Туобуйа, Сургуулук нэһилиэктэригэр арыллан үлэлэрин саҕалаабыттара.

Уопсай үлэһит ахсаана 55 киһи: 1 салайааччы, 9 салаа салайааччылара, 45 баһаарынай-быыһааччылар.
Ааспыт сылга Оҥхой нэһилиэгэр 2 баһаар, быйыл 8 баһаар таҕыста. Ол курдук: Кэнтиккэ – 1 баһаар (чааһынай баанньык), Кырыкыйга – 1 (гараж), Оҥхойго – 1 (баанньык), Харбалаахха – 2 (чааһынай гараж, будка), Туобуйаҕа – 1 (музей), Сургуулукка – 2 (ФАП котельнайа, чааһынай дьиэ).

Ону таһынан быйыл сайын улууспут үрдунэн ыксаллаах быһыы-майгы биллэриллэн, ойуур баһаардарын умулларыытыгар элбэх үлэ ыытылынна. Ол курдук, Кэнтиккэ, Быракааҥҥа, Өргүөткэ, Кудуга, Харбалаахха, Оҥхойго, Сургуулукка, Кырыкыйга, Балаҕаннаахха уопсайа 41 баһаарынай-быыһааччы кыттыыны ыллылар.

#ГражданскаяОборона

T.me/ValeriNikolaev

#ОтчетГлавы2024

ДЬИЭ КЭРГЭН БЭЛИИТИКЭТЭ

Сыл саҕаланыытыгар «РФ дьиэ кэргэн сылын үөрүүлээхтик аһыллыыта», «СӨ оҕо саас сыла» фестиваль уонна «Үөһээ Бүлүү улууһугар Түмсүү сыла» диэн ааттаах кэккэ тэрээһиннэри тэрийдибит.

Бу тэрээһиннэргэ сүүһүнэн кыттааччыны түмэн, обществоҕа дьиэ кэргэн институтун дьоһун болҕомтото тардылынна.

Кулун тутар 29 күнүгэр «Аҕа күрэҕэ» конкурс буолан ааста, онно 11 ыал (уоллаах аҕалар) кытынна. Күрэххэ Петровтар аҕалара Айсен Егорович уонна уола Арсен кыайыыны ситиһэннэр биһиги улууспут республика түһүлгэтигэр көмүскээтилэр.
Муниципальнай түһүмэҕи тэрийиигэ бэйэбит үлэбитин биһирээннэр республикатааҕы конкурс тэрийээччилэрэ махталларын биллэрэн, «Муниципальнай түһүмэх бастыҥ тэрийээччилэрэ» номинациянан наҕараадалаабыттара.

«Далбар Хотун- 2024»республикатааҕы конкурска Үөһээ Бүлүү улууһуттан элбэх оҕолоох ийэ Марина Афанасьевна ситиһиилээхтик кыттыыны ылла.

Муус устар 13 күнүгэр «Моя семья - моя родина» республикатааҕы конкурс муниципальнай түһүмэҕэ буолан ааста. 9 ыал кытынна, олортон 5 ыал Үөһээ Бүлүү улууһуттан маннык наҕараадалары туттулар:
• «Эдэр ыал» номинацияҕа 2 миэстэни Саввинов Егор Егорович уонна Базюк Мария Степановна.
• «Приемная семья» номинацияҕа 3 миэстэни Семенов Александр Валентинович уонна Евсеева Айталина Адамовна ыллылар.
• «Ыал — үгэс тутааччы " номинацияҕа 3 миэстэни Павел Антонович уонна Антонина Васильевна ыллылар

Аан дойдутааҕы дьиэ кэргэн күнүгэр Үөһээ Бүлүү улууһугар "Төрөппүт оскуолата» саҥа бырайыак бастакы семинара буолан ааста.

Ыам ыйыгар инбэлиит оҕолоох ыалларга «Дьиэ кэргэн өрөбүллэрэ» бүтүн Россиятааҕы бырайыак ыыттылынна. Маннык ыаллар интэриэстэрин көмүскүүр «Харысхал» НКОНЫ кытта күүскэ үлэлиибит. Үөһээ Бүлүү улууһун социальнай структураларын салалтатын кытта араас тэрээһиннэр, семинардар уонна көрсүһүүлэр ыытыллаллар.

Ыам ыйын 18 күнүгэр Үөһээ Бүлүү улууһугар "Дьахтар түмсүүтүн күүһэ» диэн дьахтар форума ыытылынна. Форумҥа 200- тэн тахса дьахтар кытынна.

«Үөһээ Бүлүү улууһа» МР 10 бастыҥ улууска оҕо саас чэрчитинэн бастакы аҥардаах үлэ-хамнас түмүгүнэн киирдэ.

Үөһээ Бүлүү улууһугар аан бастаан “Дьиэ кэргэн-олох тирэҕэ" дьиэ кэргэн форума ыытылынна. Форумҥа Үөһээ Бүлүү, Бүлүү улуустарыттан уонна Дьокуускай куораттан 216 киһи кытынна. Дьиэ кэргэн форума сыллата ыытыллара былааннанар.

Бүгүҥҥү күҥҥэ биһиги улууспут 21 нэһилиэгэр нэһилиэнньэ олоҕун уйгутун тупсарар уонна дьиэ кэргэн сыаннастарын уонна үгэстэрин сайыннарар сыаллаах сүбэлэри тэрийэр үлэлэр бара тураллар:
1. Дьахтар сэбиэтэ: дьахтар сэбиэтэ дьахталлары общественнай олоххо тардыыга, дьахтар боппуруостарын уонна көҕүлээһиннэрин дьүүллэһиигэ туһуламмыт.
2. Аҕалар сэбиэттэрин арыйыыга үлэ барар: дьиэ кэргэн сыаннастарын өйөөһүҥҥэ, дьиэ кэргэҥҥэ аҕа оруолун бөҕөргөтүүгэ уонна оҕону иитиигэ опыт атастаһыыга эмиэ көмөлөһөр.

Дьиэ кэргэн сыаннастарын уонна үгэстэрин күүһүрдүүгэ үлэ салгыы ыытыллар: биһиги күүспүтүн-уохпутун дьиэ кэргэн сыаннастарын бөҕөргөтүүгэ уураммыт кэнчээри ыччатка сөптөөх иитиини биэрэргэ дьулуһабыт.

#СемейнаяПолитика

T.me/ValeriNikolaev

#ОтчетГлавы2024

ЭДЭР ЫЧЧАТ БЭЛИИТИКЭТЭ

Кулун тутар 1-2 күннэригэр 2024 сыл - "Ыччат десана" бырайыак чэрчитинэн Үөһээ Бүлүү улууһун ыччата «Ураан» устудьуоннарын общественнай тэрилтэтин кытары волонтерскай үлэни анал байыаннай дьайыы кыттыылаахтарын дьиэ кэргэттэригэр анаан ыыппыттара.

2024 сыл муус устар 11 күнүгэр тыа сиригэр ыччат тэрилтэлэрин көхтөрүн үрдэтиигэ ыччат бастакы көрсүһүүтэ тэрилиннэ.

Быйыл ыччат политикатын линиятынан «СР ыччат уонна социальнай коммуникацияларын министерствотын иһинэн психологическай көмө киинэ» ГУП филиала аһылынна. Киин үлэтигэр 2 штатнай психолог киирдэ, ону тэҥэ офистарга аналлаах саҥа миэбэл атыылаһыллан кабинет тэрилиннэ.

"Табыс" өрөспүүбүлүкэтээҕи эдэр ыччат фестивалигар Үөһээ Бүлүү улууһа 25 эдэр киһиттэн делегация оҥордо. Норуот фольклорун куонкуруһугар Айан Саввинов (10 000 солк. наҕараадаланна), оттон иккис миэстэ Гаврильева Уйгулаана (5 000 солк. наҕараадаланна). Денис Васильев " ТАБЫС- 2024» вице-Мистер буолла.

Үөһээ Бүлүү улууһугар ойуур баһаарын утары охсуһууга инники күөҥҥэ сылдьар ыччат ортотугар гуманитарнай көмө үлэтэ ыытылынна.

Биһиги эдэр спортсменнарбыт «Ньургун Боотур» спортивнай конкурска призердарынан буоллулар. Эльдар Мандаров абсолютнай чемпионнарынан (75 000 солк. наҕараадаланна), Ванесса Морфунова 2- с миэстэни ылла (30 000 солк. наҕараадаланна).

Балаҕан ыйын 10-күнүгэр «Оптуорунньук - доруобуйа күнэ» бырайыак улуус үрдүнэн саҕаламмыта. Нэһилиэнньэ доруобуйатын чэбдигирдэргэ анаммыт тэрээһиннэр хас биирдии оптуорунньукка Үөһээ Бүлүү улууһун социальнай структуралара ыыталлар.

#МолодежнаяПолитика

T.me/ValeriNikolaev

#ОтчетГлавы2024

НЭҺИЛИЭННЬЭ ДЬАРЫКТААХ БУОЛУУТА

2024 с. доруобуйаларынан хааччахтаах 19 киһи үлэ көрдөөн учуокка турда, ол иһигэр 15 киһи (79%) үлэ булан учуоттан уһулунна.
Үөһээ Бүлүү улууһун нэһилиэнньэтин дьарыктаах буолуутун киинигэр 2024 сыл түмүгүнэн 470 киһи үлэ көрдөөбүт. 321 киһи үлэ булбут (68.2%). Онтон учуокка турар ахсаана 97 киһи, ол иһигэр пособия ылааччыта 63 киһи.

Урбаанынан дьарыктаныан баҕалаах 4 киhиэхэ субсидия бэрилиннэ, кээмэйэ 600 000 солк. 1 киhиэхэ тиксэринэн 150000 солкуобай.

«Организация общественных работ» 7 үлэтэ суох киһи үлэлээтэ, Үлэлэрин көрүҥэ: тутуу, күрүө тутааһына, хотон өрөмүөнэ.
14-18 дылы сокуоннай саастарын ситэ илик оҕолор араас быстах үлэлэргэ (лааҕырдарга) үлэлээтилэр. 120 оҕо бу программанан хабыллан үлэлээтилэр.
15 үлэтэ суох киhи араас курстарга үөрэннэ, ол курдук, котельнай оператора, бульдозер машиниһа, водитель категории «С», электрогазосварщик, слесарь КИПиА уо. д.а. үөрэххэ киирбит дьоҥҥо үөрэхтэрин төлөбүрэ, айаннара, стипендия төлөннө. Үөрэхтэрин бүтэрэн баран 25 киһи үлэ булла.

Саха сирин промышленнай тэрилтэлэригэр үлэҕэ ылыы бырагыраамманнан 12 киһи Саха Сирин промышленнай тэрилтэлэригэр үлэҕэ кииирдилэр. (ООО Якутуголь, ОАО Алмазы Анабара, ПАО АК Алроса, ООО УК «Колмар», АО Сахатранснефтегаз, ООО Арктиккапитал, уод а..)

Профориентационнай өйөбүл көмөтүн - 335 киhи, социальнай адаптация өҥөтүн 30 киhи, психологическай өйөбүл көмөтүн 15 киhи ылла.

Пособия алын кээмэйэ 2578,8 солкуобай, үөһээ кээмэйэ 21982 солкуобай 00 харчы.

#Трудоустройство

T.me/ValeriNikolaev

#ОтчетГлавы2024

Үөһээ Бүлүү салалтатын сыллааҕы үлэтин-хамнаһын отчуоттуур үлэтин Хоро нэһилиэгин кэннэ Үөдүгэйгэ ыыттыбыт. Олохтоохтор көхтөөхтүк кытыннылар, олох араас эйгэтигэр сыһыаннаах көрүүлэрин, саҥа санааларын этиннилэр. Улуус дьаһалтатын ааспыт сыллаа үлэтин туйгунунан сыаналаатылар.

Салгыы киэһэ өттүгэр Үөһээ Бүлүү сэлиэнньэтигэр кэлэн отчуот үлэтин түмүктээтибит. Тэрилтэ салайааччылара, биэнсийэлээхтэр санааларын хото этиннилэр.

Ол курдук, санитарнай рейсэ кэлэригэр авиапорт балаһата бэлэмэ суох буоларын, онтон сылтаан рейсэ кэлэр-кэлбэт боппуруоһа турарын улуустааҕы киин балыыһа сүрүн бырааһын солбуйааччыта Мария Прокопьева этиннэ. Маҥан авиапорт салайааччыта Дмитрий Иванов күннээҕи үлэ хаамыытынан хаар ыраастааһын үлэтэ утары күнүнэн ыытылларын, Онон рейсэ кэлэр буоллаҕына мэлдьи бэлэмнэрин туһунан хоруйу биэрдэ. Үөһээ Бүлүүттэн Дьокуускай куоракка рейсэ сарбыллан турарын бары билэбит. Маныаха авиапорт , салалтата Бүлүүгэ кэлэр рейсэ Үөһээ Бүлүүгэ диэри кэлэрин курдук туруорсуу үлэтин ыыта сылдьар.

Тыа хаһаайыстыбатын өттүгэр оттооһуҥҥа анаммыт сири тыырыыны, чааһынай сылгылаахтарга туох өйөбүл баар буолуоҕун ыйыттылар. Саҥа бэрээдэк өрөспүүбүлүкэ үрдүнэн таҕыста да үбү-харчыны тыырыы үлэтэ барыаҕа. Биирдиилээн сүөһүлээх ыалга харчы көрүллүбэт, тэриллиилээх хаһаайыстыбаларга эрэ тыырыллар. Тыа хаһаайыстыбатыттан көрүллэр субвенция харчытын быһаарар боломуочуйа улууска бэриллэр буолла. Маныаха үүтү туттарааччыларга 1 лиитэрэ үүккэ 100 солк. төлөнөр буолуоҕа. Билигин улуус үрдүнэн Сургуулук нэһилиэгэ уонна бааһынай хаһаайыстыбалаахтартан Анна Трофимова уонна Балаҕаннаахха Петр Кардашевскай саамай элбэх үүтү туттарааччылар буолаллар. Улуус өттүттэн тыа хаһаайыстыбатын бородууксуйатын оҥорон таһаарыыны, үп-харчы кэмигэр сөпкө төлөнөрүн хонтуруоллуохтаахпыт.

Бөһүөлэк 1-кы уокуругун түөлбэтигэр үс арыгы атыылыыр маҕаһыын үлэлиирин бэлиэтээн туран, маҕаһыыннары дьон олорор түөлбэтиттэн тэйиччи, улуус киинин кытыытыгар көһөрөргө көрдөстүлэр. Бу боломуочуйа сэлиэнньэ депутаттарын көрүүтүгэр киириэхтээх. Депутаттар быһаарыыларынан көһөрүллэр кыахтаахтар, Маныаха сессияҕа улуус баһылыгын быһыытынан тус санаам ирдэннэҕинэ кыттыыны ыларга бэлэммин.

Хайа да нэһилиэккэ буоллун, Үөһээ Бүлүүгэ эмиэ ТКО уонна АСМ убаҕас отходу тоҕор миэстэтин уларыталларыгар этиннилэр.

21 нэһилиэктэн 16-гар муниципальнай баһаарынай чаас баарын этэн туран, хаалбыт 3 нэһилиэккэ тэриллэрэ буоллар нэһилиэнньэ баһаартан сэрэхтээх, харысхаллаах буолара күүһүрүөх этэ диэн улуустааҕы баһаарынай этэрээт салайааччыта Олимпий Харлампьевтан санаатын этиннэ.

Инбэлиит оҕолордоох төрөппүттэр ааттарыттан босхо көрүллэр эмп кырыымчыгынан сибээстээн, ааспыт сылга 2 эрэ ыйдааҕы эми ылбыттарын этиннилэр. Манна улуус киин балыыһатын үлэһитэ сөптөөх хоруйу биэрдэ. Ол эрэн бу боппуруоһу Бырабыыталыстыба сыллааҕы үлэтин отчуотугар биэрэрдии боротокуолга киллэрдибит.

Мэҥэ таһынан Үөһээ Бүлүү, Үөдүгэй нэһилиэктэригэр уһаайба сирэ суоҕун, 5 уонна 5-тэн элбэх оҕолоох ыаллар дьиэ ылар уочараттара хамсаабатын, федеральнай трасса өрөмүөнүн, ууга барар уһаайбалаах дьон аатыттан кыһалҕаларын этиннилэр.

Олохтоохтор саҥа састаабынан саҕалаабыт үлэбитигэр ситиһиини баҕарбыттара өссө күүскэ үлэлиирбитигэр кыах биэрэр. Улууска үп-харчы кэллэҕинэ үлэ барар, салгыы сайдабыт. Онон бары бииргэ, түмсүүлээхтик улууспут туһугар үлэлиэххэ-хамсыахха диэн ыҥырабын. Түмсүүлээх буоллахпытына баар үлэни барытын кыайыахпыт.

#ВерхневилюйскийУлус
http://T.me/ValeriNikolaev

Бүгүн тохсунньу ый 13 күнүгэр Үөһээ Бүлүү улууһун прокуратуратын саҥа дьиэтэ арылынна.

Саҥа прокуратура дьиэтин тутуута 2024 сыл бэс ыйыттан саҕаланан ахсынньы ыйга түмүктэммитэ.

Бүгүн үөрүүлээх арыллыы сиэригэр-туомугар Үөһээ Бүлүү улууһун прокурора Михаил Михайлович Сивцев, улуус баһылыгын бастакы солбуйааччыта Егор Дмитриевич Иванов уонна "Үөһээ Бүлүү нэһилиэгэ" МТ дьаһалтатын бэрэстэбиитэллэрэ кыттыыны ыллылар.

Михаил Михайлович эҕэрдэ тылыгар, Үөһээ Бүлүү улууһугар сокуону бөҕөргөтүүгэ, нэһилиэнньэ интириэһин уонна гражданнар бырааптарын көмүскээһиҥҥэ туһуламмыт үлэ ыытылларыгар сөптөөх бары усулуобуйа тэриллибитин бэлиэтээтэ.

Егор Дмитриевич саҥа дьиэ материальнай-техническэй хааччыллыытын көрдө, прокуратураҕа сүктэриллибит үрдүк эппиэтинэстээх үлэни күннэтэ ыытарга сөптөөх, табыгастаах усулуобуйа оҥоһуллубутун бэлиэтээтэ.

Саҥа прокуратура дьиэтин адреһа: Үөһээ Бүлүү сэлиэнньэтэ, Школьная уулусса 7-с нүөмэрдээх дьиэтэ.
Үлэлиир кэмэ: 09:00-18:00
Тохтобул: 13:00-14:00

#НовостиПрокуратуры
#ВерхневилюйскийУлус

Ытыктабыллаах Үөһээ Бүлүү улууһун хаһыатын уонна бэчээт эйгэтин үлэһиттэрэ, бэтэрээннэрэ!

Бүгүн тохсунньу 13 күнүгэр Арассыыйа суруналыыстара идэлээх бырааһынньыктарын – Бэчээт күнүн бэлиэтииллэр. Билиҥҥи информационнай үйэҕэ суруналыыстыка – гражданскай уопсастыба биир сүрүн тутула буолар.

Үтүө үлэ түмүктэрин, биир дойдулаахтарбыт ситиһиилэрин, ыытыллар тэрээһиннэри улууспут дьоно-сэргэтэ күн ахсын хаһыат, телевидение, радио, интернет ситимин нөҥүө көрө-истэ олороллоро бу барыта суруналыыстар сыралаах үлэлэрин түмүгэ буолар. Бэчээт эйгэтин үлэһиттэрин көмөлөрүнэн нэһилиэнньэ буола турар быһыыны-майгыны, бары сонуннары биир бастакынан билэллэр.

Айар-тутар сыралаах үлэҕит норуоту иитэр-такайар, норуот санаатын көтөҕөр, куйаарга тилийэ көтүтэр күүскүт, иитиэхтиир иэйиигит уостубатын, өрүү күөстүү оргуйдун диэн ыра санаабытын этэбит. Үлэлээбит үлэҕит таһаарыылаах буоллун, айымньылаах үлэҕит алгыстаах буоллун!

Эҕэрдэни кытта, Үөһээ Бүлүү улууһун баһылыга В.В. Николаев.

#ДеньРоссийскойПечати

T.me/ValeriNikolaev

Күндү Үөһээ Бүлүү улууһун олохтоохторо!

Эһигини саҥа 2025 сыл салаллан кэлбитинэн "Үөһээ Бүлүү улууһа (оройуона)" муниципальнай оройуон дьаһалтатын аатыттан уонна тус бэйэм ааппыттан итиитик-истиҥник эҕэрдэлиибин!

Бар дьоммор, ис сүрэхпиттэн чэгиэн туругу, ситиһиини, дьолу, сырдык санааны, инникигэ эрэли уонна сайдыыны баҕарабын! Бу үтүө бырааһынньык алыптаах тыына уонна алаһа дьиэ сылааһа олохпутун үтүө түгэннэринэн толордун!

Улууспут чэчирии сайдарын туһугар күүспүтүн түмэммит саҥа сылга таһаарыылаах үлэни ыытарга бэлэммит!

Саҥа сылынан, саҥа дьолунан, ытык-мааны Үөһээ Бүлүү улууһун олохтоохторо!

#Саҥа2025сыл
#НовыйГод
#2025

T.me/ValeriNikolaev

🎄Ытыктабыллаах биир дойдулаахтарым, Үөһээ Бүлүү улууһун олохтоохторо!🎄

Барыгытын кэлэн иһэр Саҥа 2025 Сылынан итиитик-истиҥник эҕэрдэлиибин!

Кэлэр 2025 сылга ил-эйэ түстэннин, баҕарабын бу орто дойдуга баар бары кэрэни-үтүөнү, дьолу соргуну, үлэҕэ ситиһиилэри!!!🎄

Ааһан эрэр 2024 сыл элбэх тургутуулардаах, барыылаах-кэлиилээх, бэрт интириэһинэй түгэннэрдээх, үлэҕэ хамнаска үрдүк ситиһиилэрдээх ааста.

Махтал буоллун бу ааспыт 2024 сылга, өссө үрдүк ситиһиилэри, үөрүүнү, кыайыыны бэлэхтээтин саҥа үүнэн эрэр 2025 сылбыт!🎄

#СаҥаСыл
#2025

T.me/ValeriNikolaev

"Төрөөбүт куоратым уонна нэһилиэгим" бырайыак чэрчитинэн ыытыллар ППМИ (Олохтоох нэһилиэнньэ көҕүн өйөөһүн) бырагыраама конкуруһугар Үөһээ Бүлүү улууһуттан 23 сайаапка кыайда.

Ол курдук, Хоро, Ороһу, Боотулуу, Нам, Харбалаах, Далыр, Үөдүгэй, Дүллүкү, Кэнтик, Оҥхой, Быракаан, Сургуулук, Өргүөт, Балаҕаннаах, Хомустаах, Мэйик нэһилиэктэриттэн биирдии сайаапка, Кырыкый уонна Тамалакаан нэһилиэктэриттэн иккилии сайаапка, Үөһээ Бүлүү нэһилиэгиттэн үс сайаапка кыайыылааҕынан таҕыстылар.

Кыайыылаах бырайыактар олоххо киирэллэригэр 2 мөл. солкуобай ППМИ бырагыраамматын чэрчитинэн көрүллүөҕэ.

Бу үрдүк ситиһии, нэһилиэк олохтоохторун түмсүүлэрин көрдөрөр үлэ түмүгэ буолар.

Бары кыайыылаах нэһилиэктэри эҕэрдэлиибин уонна ситиһиилээх үлэни баҕарабын.

#ППМИ
#ВерхневилюйскийУлус

T.me/ValeriNikolaev

Үөһээ Бүлүү уонна Үөдүгэй сэлиэнньэлэрин дьаһалталара ыытар "Ёлка добра" диэн акция чэрчитинэн анал байыаннай дьайыы кыттыылаахтарын оҕолоругар Саҥа Дьыллааҕы бэлэхтэри туттардым🎄.

#ЁлкаДобра
#ВерхневилюйскийУлус

T.me/ValeriNikolaev

Үөһээ Бүлүү улууһугар 2024 сылга тыа хаһаайыстыбатыгар 16 сүөһүннэн сылгыннан дьарыгырар потребительскай кооперативтар, 74 бааһынай хаһаайыстыбалар үлэлииллэр.

2024 сыл ахсынньы 1 күнүнээҕи туругунан улууска уопсай сүөһү ахсаана 9720 төбө, ол иһигэр 3907 ыанар ынах баар. Сылгы ахсаана 9003 төбө, ол иhигэр 4920 биэ.

Быйылгы үүт туттарыытыыгар 2559 тонна былааннаммытыттан, 1530 тонна 439 киилэ туттарылынна.

Быйыл биһиэхэ Үөһээ Бүлүүгэ үүт туттарыы хаһааҥҥытааҕар даҕаны дьэҥкирдик, аһаҕастык ыытылынна. Ол курдук, быйыл тэриллиилээх хаһаайыстыбаларбыт бу сылга 1530 тонна үүтү туттараннар, эрдэ былааннаммыт тонна үүт туолбатах буолан, үүт харчыта 72 мөлүйүөн солкуобай, маны тэҥэ ыанар ынах төбөтүн харчыта 23 мөл. солкуобай өрөспүүбүлүкэ бүддьүөтүгэр төннөр.

Онон быйылгы сылга уопсайынан, 95 мөл. солк. кэриҥэ тыа хаһаайыстыбатыгар туттуллубатах харчы сокуон быһыытынан төптөрү өрөспүүбүлүкэ бүддьүөтүгэр төнүннэ.

Быйылгы үлэ сылыгар улууспут тыа хаһаайыстыбатыгар элбэх дьаарыстааһын үлэтэ ыытылынна. Ол түмүгэр, бары үүт туттарааччыларга харчылара аахсыллан, саҥа сылга үүткэ иэһэ суох үктэнэн эрэбит.

Салгыы, кэлэр сылга тыа хаһаайыстыбатыгар кыһалҕалаах хайысхаларбытын сайыннарарга, өрө таһаарарга үлэни ыытарга былааннары туруорабыт.

Эһиил тохсунньу 1 күнүттэн тыа хаһаайыстыбатыгар саҥа сокуон үлэҕэ киирэр.
Саҥа уларыйыылар киирдэхтэринэ олохтоох салайыныы уорганнара – улуустар уонна куораттааҕы уокуруктар өрөспүүбүлүкэ бүддьүөтүттэн тиксэриллибит субвенция кээмэйин бэйэлэрин көрүүлэринэн өрө тутар хайысхаларыгар үбү тыыран биэрэннэр, тыа хаһаайыстыбата балысханнык сайдарыгар тирэх буолар кыахтанабыт. Ол аата быйылгы курдук хаалбыт үбү, өрөспүүбүлүкэ бүддьүөтүгэр төннөрбөккө, ордубут харчыны хайысхаларынан үллэриэххэ сөп буолар. Иккиһинэн, улуус сирин-уотун, айылҕатын уонна тыа хаһаайыстыбатынан дьарыктанар уратытын аахсан, субсидия ыстаапкатын кээмэйин бэйэбит быһан олохтуур кыахтанабыт.

Улууспут тэриллиилээх хаһаайыстыбалаах фермердарын кытта көрсүһүүгэ төгүрүк остуол тула эһиилги үлэни былааннаспыппыт. Кыһалҕаларга харахпытын саппакка, төптөрүтүн тыа хаһаайыстыбатыгар билигин баар боппуруостарбытын барытын быһаарарга дьулуһуохтаахпыт диэн, бары биир санааҕа кэлбиппит.

#ТыаХаһаайыстыбата
#ҮөһээБүлүү

T.me/ValeriNikolaev

Бүгүн, ахсынньы 28 күнүгэр, В.А. Вонгородскай аатынан Дьокуускайдааҕы медицинскай колледжка үөрэнэр Үөһээ Бүлүү ыччатын кытта көрүстүм.

Билигин кыһыҥҥы үөрэх практикатын кэмигэр 54 устудьуон дойдуларыгар практикалана кэлэ сылдьаллар, ол иһигэр 52 Дьокуускайдааҕы медколледж уонна 2 ХИФУ медицинскай инситутун устудьуоннара.

Көрсүһүүгэ быйыл үөрэхтэрин бүтэрэр устудьуоннарга анаан Үөһээ Бүлүүгэ медицинэ эйгэтигэр аһаҕас үлэ миэстэлэрин уонна эдэр исписэлиистэргэ көрүллэр көмө туһунан киин былыыһа сүрүн бырааһын солбуйааччыта Мария Николаевна Прокопьева билиһиннэрдэ. "Үөһээ Бүлүү улууһа" муниципальнай оройуон бэйэтин өттүттэн саҥа үлэлии кэлбит медицинэ исписэлиистэригэр дьиэ арендалаһарга көмө буолар. Ол курдук, ыйдааҕы аренда төлөбүрүттэн 50% улуус бэйэтэ уйунар. Маны сэргэ, өрөспүүбүлүкэтээҕи бырагырааммаларга кыттан служебнай квартиралары элбэтээһиҥҥэ сиэрдээх үлэ ыытабыт. Быйыл конкурска кыттан кыайаммыт 4 служебнай бары өттүнэн хааччыллыылаах квартиралары ыламмыт, эдэр исписэлиистэргэ: отоларинголог, стоматолог уонна психолог быраастарга саҥа квартиралар күлүүстэрин туттарбыппыт.

Бастатан туран эдэр исписэлиистэр улууспутугар кэлиилэрин көҕүлээммит, үчүгэй олорор усулуобуйа олохтуохтаахпыт. Кэлии исписэлиистэри дьиэннэн хааччыйарга сыаллаан служебнай квартиралары улуус киинигэр эрэ буолбакка, тыаларга эмиэ тутары ситиһиэхтээпит. Дьокуускайдааҕы медколледж салаата эһиилги үөрэх сылыттан Үөһээ Бүлүүгэ арыллар буолбутунан сибээстээн, аны аҕыйах сылынан фельдшера суох тыаларбытын фельдшерынан хааччыйыахпыт диэн эрэллээхпит.

Устудьуон ычаттарбыт көрсүһүүгэ көхтөөхтөр, бэйэлэрэ интириэһиргиир ыйытыктарын биэрэн, санааларын үллэстэн, этиилэрин киллэрэн сэргэх, интириэһинэй, инникини түстүүр кэпсэтии таҕыста.

Этэҥҥэ ситиһиилээхтик үөрэххитин бүтэрэн, төрөөбүт, улааппыт дойдугутугар эргиллэн кэлэн үтүө үлэһит дьон буолаарыҥ!

#Медколледж
#Студенты
#МолодежьВерхневилюйскогоУлуса

T.me/ValeriNikolaev

Ахсынньы 26 күнүгэр Үөһээ Бүлүү улууһугар икки эбийиэк: Сургуулук орто оскуолата уонна Анегина Егоровна Ильина-Дмитриева аатынан Нам нэһилиэгин норуот айымньытын киинэ үөрүүлээх быһыыга-майгыга арылыннылар.

Бүгүн, ахсынньы 27 күнүгэр, Нам нэһилиэгэр саҥа норуот айымньытын киинэ арыллыбытынан сибээстээн, алмаас тааска СССР норуодунай артыыскатын Анегина Егоровна Ильина-Дмитриева аатын иҥэрэр үөрүүлээх тэрээһин ыытылынна.

2024 сыл атырдьах ыйын 9-с күнүгэр "Алроса" акционернай хампаанньыйа "Новинка" трубкатыттан хостоммут 74,5 караттаах алмааска Саха Өрөспүүбүлүкэтин, РСФСР уонна СССР норуодунай артыыскатын Анегина Егоровна Ильина-Дмитриева аатын иҥэрэр туһунан туоһу суругу “АЛРОСА” аахсыйалаах хампаанньа генеральнай директорын сүбэһитэ Платонов Анатолий Васильевич эҕэрдэлээн туран туттарда.

Алмааска аат иҥэриллэрин туһунан "Алроса" АХ генеральнай директора Павел Алексеевич Маринычев 2024 сыл алтынньы 24 күнүгэр баттаабыт 01/297 - П нүөмэрдээх бирикээһин ытыс дохсун тыаһыгар, дьон-сэргэ көрүүтүгэр-истиитигэр Анатолий Васильевич доргуччу ааҕан билиһиннэрдэ.

Маны сэргэ, Нам нэһилиэгин олохтоохторун саҥа, тупсаҕай дьүһүннээх култуура эбийиэгэ үлэҕэ киирбитинэн СӨ култуура уонна духуобунай сайдыы миниистирин бастакы солбуйааччыта, биир дойдулаахпыт Мария Васильевна Турантаева эҕэрдэлээтэ.

Нам нэһилиэгин олохтоохторун өр кэтэспит бэлиэ түгэҥҥитинэн - саҥа норуот айымньытын киинэ арыллыытынан итиитик-истиҥник эҕэрдэлиибит. Саҥа култуура дьиэтэ дьоҕурдаах дьону-сэргэни, кэнчээри ыччаты сайыннардын, өр үйэҕэ олохтоохтору үтүө тэрээһиннэринэн үөрдэ турдун!

Ытыктабыллаах Анегина Егоровна!
Эн улуу ааккар, чаҕылхай дьоҕургар, айдарыылаах аналгар сүгүрүйэн туран, дойдугар Нам нэһилиэгэр арыллыбыт саҥа култуура дьиэтигэр, маны сэргэ Сахабыт Сирин баайыгар - алмаас тааска аатын иҥэриллибитинэн, үйэтитиллибитинэн итиитик-истиҥник эҕэрдэлиибин! Улуу киһибит улуу аата алмаас таастыы күлүмүрдүү, култуура сырдык суолугар саҥа көлүөнэ ыччаты угуттуу турдун!

#АнегинаИльина
#Алроса
#ДомНародногоТворчества
#ВерхневилюйскийУлус

T.me/ValeriNikolaev

Бүгүн улуус дьаһалтатын аактабай саалатыгар орто үөрэхтээх медицинэ каадырдарын бэлэмнииргэ туһаайыллыбыт 4 өрүттээх сөбүлэҥи "Үөһээ Бүлүү улууһа" муниципальнай оройуон, В.А. Вонгродскай аатынан Дьокуускайдааҕы медицинскай колледж, Я.П. Егоров аатынан Үөһээ Бүлүүтээҕи киин балыыһа уонна Д.С.Спиридонов аатынан улуустааҕы гимназия буолан түһэристибит.

Сүбэлэҥҥэ Дьокуускайдааҕы медицинскай колледж дириэктэрэ Дмитрий Афанасьевич Алексеев, улуустааҕы киин балыыһа сүрүн бырааһа Сардаана Николаевна Павлова, Д.С.Спиридонов аатынан улуустааҕы гимназия дириэктэрэ Сергей Николаевич Кардашевскай буоламмыт илии баттастыбыт.

Эһиилги үөрэх сылыгар Үөһээ Бүлүүгэ арыллар Дьокуускайдааҕы медицинскай колледж салаата өрөспүүбүлүкэ үрдүнэн 15-с буолар.

Устудьуоннар медсестра идэтигэр 1 сыл 10 ый, фельдшер идэтигэр 2 сыл 10 ый үөрэниэхтэрэ, маны таһынан үчүгэйдик үөрэнэр устудьуоннарга стипендия көрүллэр буолуоҕа.

Медицинскай колледж салаата Д.С.Спиридонов аатынан улуустааҕы гимназия баазатыгар арыллар. Тохсунньу ыйтан колледж уһуйааччылара Үөһээ Бүлүүгэ кэлэн үлэни кытары билсиэхтэрэ.

Дьокуускайдааҕы медколледж Үөһээ Бүлүүтээҕи салаатыгар уопсайа 50 үөрэх миэстэтэ, ол иһигэр 34 бюджетнай, 16 төлөбүрдээх миэстэ баар буолуоҕа.

Идэлэрин уларытыан, медицина хайысхатыгар сайдыан, улууспут олохтоохторун доруобуйата тупсарыгар кылааттарын киллэриэн баҕалаах дьоммутун эһиилги үөрэх сылыгар Дьокуускайдааҕы медицинскэй колледж Үөһээ Бүлүүтээҕи салаатыгар үөрэххэ кэтэһэбит.

Улууспутугар билигин турар сытыы кыһалҕабыт, медицинскэй үлэһит, тыаларга фельдшер тиийбэт боппуруоһун кэлэр сылларга бу Сүбэлэҥ көмөтүнэн, медколледж үлэтин түмүгэр быһаарыахпыт диэн эрэлбит улахан.

#Медколледж
#Верхневилюйскийулус

T.me/ValeriNikolaev

Сургуулук нэһилиэгэр саҥа оскуола-уһуйаан арылынна.

Аныгылыы көстүүлээх, 2 этээстээх, таас тутуулаах оскуола-уһуйаан Саха Сирин Ил Дархана Айсен Сергеевич Николаев быһаччы өйөбүлүнэн тутуллан үлэҕэ киирдэ. 60 миэстэлээх оскуола, 30 миэстэлээх уһуйаан оҕолор сайдалларыгар, үөрэнэллэригэр, билии ылалларыгар бары өттүнэн толору хааччыллыылаах.

Саҥа оскуоланы арыйыыга ВКС быһа эфир нөҥүө Ил Дархан Айсен Сергеевич кыттан үөрүүбүтүн үллэһиннэ.

Сургуулук оскуола-уһуйаана быйыл улууспутугар иккис үлэҕэ киирбит саҥа оскуола буолар. Күһүн, балаҕан ыйыгар, үөрүүлээх быһыыга-майгыга Боотулуу орто оскуолата арыллыбыта. Маны сэргэ, быйыл Ороһу нэһилиэгэр саҥа оскуола тутуута сөргүтүллэн саҕаланна.

Сургуулук нэһилиэгин олохтоохторун, оскуола үөрэнээччилэрин, учууталларын, уһуйаан иитиллээччилэрин, иитэччилэрин, бары үлэһиттэри үөрүүлээх түгэнинэн СӨ тутууга миниистирин бастакы солбуйааччыта Евгений Егорович Афанасьев эҕэрдэлээтэ.

Оскуоланы тутан үлэҕэ киллэрбит бэдэрээтчит "Сахаспецмонтаж-95" ХЭТ дириэктэрэ Дмитрий Алексеевич Петров үгэс быһыытынан бэлиэ күлүүһү бырааттыы Боескоровтар ааттарын сүгэр Сургуулук орто оскуолатын дириэктэригэр Октябрина Ильинична Боескороваҕа туттарда.

Сургуулук нэһилиэгин олохтоохторун саҥа тупсаҕай дьүһүннээх таас оскуола арыллыбытынан эҕэрдэлиибин.
Сургуулук нэһилиэгэ бэйэтэ ураты сайдыылаах, үгүс наука доктордара уутуйан үөскээбит дойдулара буолар. Инникитин да үөрэххэ-билиигэ тардыһыылаах саҥа көлүөнэ ыччаты иитиигэ кыһамньылаах үлэни баҕарабын.
Саҥа оскуола сылаас, сырдык, элбэх көлүөнэ ыччакка билиини биэрэр биһик буоллун, олохтоохтор үөрүүлэригэр үйэлээх, кэскиллээх оскуола буоллун!

#Сургуулук
#ОткрытиеШколы
#ВерхневилюйскийУлус

T.me/ValeriNikolaev

Анал байыаннай дьайыы зонатыгар Запорожье уонна Херсон уобаластарыгар, ону сэргэ Донецк республикатыгар гуманитарнай сырыыбытын түмүктээтибит.

5 күн иһигэр, сибээскэ тахсыбыт байыастарбытын кытта, уопсайа 51 биир дойдулаахтарбытын көрүстүбүт, баһыылкалары туттартаатыбыт.

Байыастар дойдуларын аһын тутан үөрүүлэрэ, биир дойдулаахтарыгар махталлара үгүс.
Үгэс быһыытынан, улууспут бүддьүөт үлэһиттэриттэн киирбит үбүнэн сэриигэ байыас олоҕун быыһыыр, харыстыыр кыахтаах техникалары: дрон утары тэриллэри, беспилотник утары тэриллэри (радиоэлектронная безопасность), квадрокоптердары, матаһыыкыллары, түүҥҥү прибордаты, тепловизордары ылан тиксэрдибит.

Сибээскэ кыайан тахсыбатах хоһууттарбытыгар баһыылкалары Новоазовск куоракка Саха Өрөспүүбүлүкэтин опорнай пуунугар хааллардыбыт. Опорнай пуун эппиэтинэстээх үлэһиттэрэ байыастары кытта биирдиилээн сибээскэ тахсан, бэрт сотору кэминэн баһыылкалары тиксэртиэхтэрэ.

Байыастар настарыанньалара бойобуой, дойдуларын сонунун истэн, баһыылкалары тутан санаалара көтөҕүллэн, олус сэргэх, сүр көтөҕөр көрсүһүүлэр аастылар.
Гуманитарнай көмөнү хомуйбут, ыыппыт бар дьонноругар махталларын биллэрэллэр.

Үөһээ Бүлүү улууһун делегациятын гуманитарнай сырыыта салҕанар.

#СВОихНеБросаем
#ГуманитарнаяПоездка
#ВерхневилюйскийУлус

T.me/ValeriNikolaev

Ытыктабыллаах, тапталлаах далбар хотуттарбыт, күн күбэй Ийэлэрбит!

"Үөһээ Бүлүү улууһа" муниципальнай оройуон дьаһалтатын аатыттан уонна тус бэйэм ааппыттан эһигини бүтүн Россиятааҕы Ийэ күнүнэн ис сүрэхпиттэн итиитик-истиҥник эҕэрдэлиибин!

Бу бырааһынньык – ийэлэрбитигэр ытыктабылы, тапталы биллэрэр махталбыт бэлиэтэ буолар.

Хас биирдии киһи ийэттэн төрүүр, ийэттэн кэлэр. Ийэ оҕотун хайдах иитэриттэн, оҕотугар сыһыаныттан уопсастыба быһыыта-майгыта, туруга улахан тутулуктаах. Билиҥҥи балысханнаах кэмҥэ, Ийэ суолтата туохтааҕар да күүстээх.
Анал байыаннай дьайыы хорсун буойуттарын төрөтөн-иитэн улаатыннарбыт Күндү Ийэлэргэ Дьоруой уолаттаргыт иһин барҕа махтанабыт!

Күндү Ийэлэр! Эһиги дьиэ кэргэн эргийэр киинэ буолаҕыт, дьоҥҥутун-сэргэҕитин араҥаччылыыгыт, тапталынан угуттуугут, айарга-тутарга көҕүлүүгүт. Дьоллоох ийэ дьоллоох олоҕу түстүүр. Онон улууспут уйгута улаатарын, чэчирии сайдарын туһугар биһиги билигин уонна инникитин даҕаны хас биирдии ийэ дьоллоох буоларын туһугар кыһаллыах тустаахпыт.

Ийэ күнүнэн эһиэхэ уонна чугас дьоҥҥутугар чэгиэн-чэбдик доруобуйаны, этэҥҥэ буолууну, бигэ туругу, дьолу-соргуну баҕарабын!

Эҕэрдэни кытта, Үөһээ Бүлүү улууһун баһылыга В.В. Николаев.

#ДеньМатери
#ИйэКүнэ
#ҮөһээБүлүү

T.me/ValeriNikolaev

Ростов уобалаһыттан гуманитарнай баһыылкаларбытын тиэнэн анал байыаннай дьайыы зонатыгар айаннаатыбыт.

Суолбут этэҥҥэ буоллун!

#СВОихНеБросаем
#ГуманитарнаяПомощь
#ВерхневилюйскийУлус

T.me/ValeriNikolaev

Ростовскай уобаласка кэллибит.

Үөһээ Бүлүүтээҕи 100 миэстэлээх "Кырдьаҕастар уонна инбэлииттэр интэрнээт дьиэлэрин" бырайыагын оҥоро сылдьар тэрилтэ бэрэстэбиитэллэрин кытта Ростов куоракка көрүстүбүт.

Ростов уобалаһыгар үлэлиир "СпецКомплексПроект" тэрилтэ бырайыагы 2021 сыллаахтан оҥорон саҕалаабыта.

Быйыл бырайыакка РФ социальнай сайдыытын министиэристибэтин сүбэтинэн элбэх уларыйыылар киирбиттэрэ. Билигин бырайыактааһын заданиятын РФ үп министиэристибэтигэр уонна социальнай сайдыы министиэристибэтигэр сөбүлэһиннэриигэ үлэ бара турар.

2021 сыллаахтан саҕаламмыт бырайыактааһыны тиһигэр тиэрдэргэ үлэни ыытабыт.

#Строительство
#ВерхневилюйскийУлус

T.me/ValeriNikolaev

Москва куоракка Саха Өрөспүүбүлүкэтин бастайааннай бэрэстэбиитэлигэр Федотов Андрей Сандаминовичка Үөһээ Бүлүү улууһун делегацията сүбэ мунньахтаатыбыт.

Андрей Сандаминович үгэс быһыытынан анал байыаннай дьайыы уопсай бүгүҥҥү балаһыанньатын сырдатта, байыаннай зонаҕа киирдэхпитинэ сэрэхтээхтик сылдьарга сүбэлээтэ.

Андрей Сандаминович бастакы сырыыларбытыгар биһиэхэ сүбэннэн-аманнан көмөлөспүтүгэр, билигин да көмө буоларыгар махтанабыт.

Мунньах түмүгэр, гуманитарнай миссиябытын ситиһиилээхтик 100% толорон кэлэрбитигэр баҕа санаатын этиннэ.


#СВОихНеБросаем
#ҮөһээБүлүү
#ГуманитарнаяПоездка

T.me/ValeriNikolaev

Бүгүн, сэтинньи 20 күнүгэр Москва куоракка көтөн кэллибит. Бастатан туран РФ Оборона министиэристибэтин иһинэн үлэлиир байыаннай балыыһаларга бааһыран эмтэнэ сылдьар Үөһээ Бүлүү улууһун байыастарын кытта көрүстүбүт.

Байыастарбытыгар этэҥҥэ эмтэнэн, туруктара бөҕөргүүрүгэр, доруобуйалара тупсарыгар диэн анаан төрөөбүт дойдуларыттан балык, убаһа этин, быарын уонна күндү ийэлэр, эбээлэр астаабыт дьиэ аһын туттардыбыт. Уолаттар дойдуларын сонунун сэргии истэн, бэйэлэрин сонуннарын кэпсээн, сэргэх көрсүһүү буолла.

Байыастарга дойдуларын амтаннаах аһын туттаран, туруктарын билсэн, сэһэргэһэн баран салгыы былааннаммыт сирбитигэр айаҥҥа туруннубут.

#СВОихНеБросаем
#ҮөһээБүлүү

T.me/ValeriNikolaev

Анал байыаннай дьайыы сиригэр гуманитарнай сырыыбыт айаныгар туруннубут.

T.me/ValeriNikolaev

"РИК Автодор" акционернай уопсастыба генеральнай директорыгар Сидоров Ариан Калиновичка суол-иис, тыраанспар хаһаайыстыбатын боппуруоһугар сүбэ мунньахтаатыбыт.

Быйыл күһүн суоллар алдьанан элбэх моһоллору үөскэппит кэмнэригэр "РИК Автодор" АО техникалара тахсан суоллары тэҥнээһиҥҥэ, буорунан кутууга, батыллыбыт массыыналары таһаарааһыҥҥа үлэлээбиттэрэ.
Ол кэмҥэ суолу тэҥниир техникалар эргэрэн, алдьанар түгэннэрэ баар этилэр. Онон "РИК Автодор" Үөһээ Бүлүүтээҕи салаатыгар саҥа грейдер көрүллэрэ биһиэхэ ирдэнэр буолбутун бэлиэтээн эттибит.

Мунньах түмүгэр, Ариан Калинович "РИК Автодор" Үөһээ Бүлүүтээҕи салаатыгар саҥа грейдер көрүллэрин бигэргиирин биллэрдэ.

Ону таһынан мунньахха, муниципальнай тэриллиилэр суолларын көрүүнү-истиини, хааччыйыыны кэпсэттибит.

#АсфальтированиеДорог
#ВерхневилюйскийУлус

T.me/ValeriNikolaev

Бүгүн Дьокуускай куоракка Упрдор "Вилюй" суол-иис тэрилтэтигэр бастакы солбуйааччыбын Егор Дмитриевич Иванову кытта Үөһээ Бүлүү улууһугар киирэр федеральнай суоллар хапытаалынай өрөмүөннэрин боппуруоһугар сүбэ мунньахтаатыбыт.

Чыбыыда -Үөһээ Бүлүү сэлиэнньэтэ, Чаллыр-Хоро суолун өрөмүөннээһин кыһалҕата билигин сытыытык турар.
Быйыл күһүн Чыбыыда үрэхтэн Үөһээ Бүлүү сэлиэнньэтигэр, Чаллыртан Хороҕо тиийэр суоллар күүскэ сатарааннар элбэх моһоллору үөскэппиттэрэ.

"Вилюй" Упрдор тэрилтэ салайааччытын солбуйааччы Марианна Револьевна Никифорова Чыбыыда үрэх муостаттын Үөһээ Бүлүү сэлиэнньэтигэр тиийэр уонна Чаллыр-Хоро суол хапытаалынай өрөмүөнүгэр федеральнай бүддьүөттэн үп көрүллэригэр сайаапка түһэрбиттэрин, ону сэргэ Түүкээн үрэххэ диэри 10 км федеральнай суол оҥоһулларыгар үп көрүллэн турарын биллэрдэ.

Федеральнай суол хапытаалынай өрөмүөнүн үлэтэ ыытыллыан иннэ син биир массыыналар тохтоло суох айанныыллар, онон айан суола куттала суох буоларын курдук билигин сатараан турар суолларбыт дьаамаларын өрөмүөннээһини, суол болотунатын чөлүгэр түһэрэри туруорустубут. Ону тэҥэ өрүһү туоруур паром переправатыттан, Чаллыр-Хоро федеральнай суолун эппиэтинэскэ ылан өрөмүөн үлэтин былааҥҥа киллэрэллэрин туһунан кэпсэтии ыыттыбыт.

#ВилюйУпрдор
#АвтодорогаВилюй
#ВерхневилюйскийУлус

T.me/ValeriNikolaev

Сэтинньи 16-17 күннэригэр Дьокуускай куоракка ыытыллыбыт, улуу спортсмен Алексей Никифоров аатынан өрөспүүбүлүкэтээҕи 23 саастарыгар диэри эдэр бөҕөстөр чемпионаттарыгар Үөһээ Бүлүү улууһа үһүс төгүлүн бастаата!

Хапсаҕай уйата - Үөһээ Бүлүү буоларын өссө төгүл улахан көбүөргэ тахсан биһиги бөҕөстөрбүт биллэрдилэр!
Чемпионатка уопсайа 25 хамаанда кытынна.

Улууспут аатын чиэстээхтик көмүскээбит Чемпионнарбытыгар үрдүк ситиһиигитинэн итиитик-истиҥник эҕэрдэлиибит!

#Хапсаҕай
#ҮөһээБүлүү

T.me/ValeriNikolaev

Бүгүн сарсыарда байыастарбытыгар анаммыт баһыылкалары бэлэмнээн икки микроавтобуһунан Дьокуускай куоракка ыыттыбыт.

Анал байыаннай дьайыы кыттыылаахтарыгар анаммыт гуманитарнай көмөнү Үөһээ Бүлүү улууһун бары олохтоохторо көмөлөөн хомуйдулар.

Аны салгыы баһыылкалары Дьокуускай куораттан Москваҕа диэри айаҥҥа бэлэмниибит. Москва куоракка баһыылкаларбытын бэйэбит көрсөн ылан, анал байыаннай дьайыы зонатыгар опорнай пууннарынан биир дойдулаах байыастарбытыгар тиксэрэрдии былаанныыбыт.

Түмсүүннэн - кыайыыга!

#СВОихНеБросаем
#ВерхневилюйскийУлус

T.me/ValeriNikolaev

Провел совещание по вопросу развития газоснабжения и газификации населенных пунктов республики.

Первым вопросом обсудили увеличение добычи со Среднетюнгского газоконденсатного месторождения для газификации 12 населенных пунктов левобережья Верхневилюйского района. 
Отрабатывается вопрос с ПАО «Газпром» по увеличению добычи газа Среднетюнгского ГКМ до 400 млн м3/год.

Вторым вопросом обсуждалась реализация совместной программы с ПАО «Газпром» по газификации населенных пунктов вдоль магистрального газопровода «Сила Сибири» в Южной Якутии. 
Так, планируется включение дополнительных 7 населенных пунктов в программу развития газоснабжения и газификации РС(Я) на период 2025-2030 годы: поселков Витим и Пеледуй, сел Толон, Иннялы, Орто-Нахара, Чамча Ленского района и села Даппарай Олекминского района.

Соответствующее соглашение ранее было достигнуто в ходе встречи Главы Якутии Айсена Николаева и Председателя Правления ПАО «Газпром» Алексея Миллера в рамках Петербургского международного экономического форума.

Подробнее по ссылке: https://www.sakha.gov.ru/news/front/view/id/3422234

t.me/Dzhulustan_Borisov

Провел рабочее совещание по формированию плана газификации левобережья Верхневилюйского улуса.

В «Сахатранснефтегаз» составлен календарный план мероприятий: подготовка проектно-сметной документации, финансирования и строительства. Для выполнения строительных работ планируется привлечь местных специалистов и использовать производственные мощности самой компании. Таким образом, проект создаст новые рабочие места, которые будут задействованы в строительстве газового объекта и его дальнейшей эксплуатации. Ожидается, что проект завершится в 2030 году.

Напомню, между Якутией и компанией АЛРОСА было подписано соглашение о сотрудничестве, которое позволило начать строительство газопровода-отвода к производственным объектам АЛРОСА на Накынском рудном поле. Это стало возможным благодаря поддержке главы Якутии Айсена Сергеевича Николаева.

#ВместеТолькоВперед
#Сахатранснефтегаз

http://t.me/kolodeznikov_alexey

Дьокуускай куоракка П.А.Ойуунускай аатынан Саха академическай тыйаатырга Саха Сирин автономиятын олохтоспут, биллиилээх политическай, общественнай диэйэтэл Степан Максимович Аржаков 125 сылын бэлиэтиир үөрүүлээх тэрээһиҥҥэ Үөһээ Бүлүү улууһун делегацията кыттыыны ыллыбыт.

Максим Аммосов, Платон Ойуунускай уонна Бүлүү өрүс уутун иһэн улааппыт үс Бүлүү чулуу уолаттара: Үөһээ Бүлүү улууһуттан Исидор Барахов, Бүлүү улууһуттан Степан Аржаков, Ньурба улууһуттан Степан Васильев олох эдэр саастарыгар Сахабыт Сирэ бэйэтин салайынан олорор быраабын көмүскээн автономияны олохтообуттара, саха норуотун сырдык инникитин түстээн Саха Сиригэр сэбиэскэй былаас олохтонорун ситиспиттэрэ.

Бу тэрээһиҥҥэ "Ураан" Үөһээ Бүлүү улууһун эдэр ыччатын түмсүүтэ кэлэн кыттыбыта улахан суолталаах. Ыччаттарбытыгар Степан Аржаков, Исидор Барахов курдук улуу дьоммут үтүө холобур буолуохтара диэн эрэллээхпит.

Кинилэр эдэр уоттаах сүрэхтэрэ, чаҕылхай, мындыр өйдөрө, бэриниилээх үлэлэрэ саха норуотун инники дьылҕатын быһаарбыта. 100-тэн тахса сыл ааста Саха Сирин Автономията олохтоммута, кинилэр тэлбит суолларынан билигин Саха Өрөспүүбүлүкэтэ сайдар, үүнэр инникигэ эрэллээх.

Чулуу убайдарбыт сүҥкэн кылааттарын, толук уурбут сиэртибэлэрин хаһан да умнубакка, кэлэр көлүөнэ ыччаттарбытыгар тиэрдэр, өрүү өйдүүр ытык иэспит буолар.

Ыаллыы сытар Бүлүү улууһун олохтоохторун, Бүлүү улууһун баһылыгын Винокуров Сергей Николаевиһы киэн туттар биир дойдулааххыт Степан Максимович Аржаков 125 сылын бэлиэтиир өрөгөйдөөх үбүлүөйгүтүнэн итиитик-истиҥник эҕэрдэлиибин!

#СтепанАржаков125
#ВерхневилюйскийУлус

T.me/ValeriNikolaev

Уважаемые жители Верхневилюйского улуса!

Обращаемся к вам с просьбой поддержать инициативу по присвоению имени выдающегося советского партийного и государственного деятеля, первого секретаря Якутского обкома КПСС, 2-го секретаря Верхневилюйского районного комитета КПСС Чиряева Гавриила Иосифовича аэропорту в городе Нерюнгри.

Призываем вас активно проголосовать за присвоение имени аэропорту г. Нерюнгри Гавриила Иосифовича Чиряева по ссылке:

Гавриил Чиряевка куоластаа:
https://forms.yandex.ru/u/671ed4c1c417f3348eee85fb/

Нам нэһилиэгэр СССР норуодунай артыыскатын Анегина Егоровна Ильина-Дмитриева аатын сүгэр норуот айымньытын дьиэтэ 2022 сыллаахха "Мин Сахам Сирэ ХХI үйэҕэ" үтүө дьыала хамсааһын өйөбүлүнэн тутуута түмүктэммитэ.

Быйыл улуус дьаһалтатын уонна Саха Өрөспүүбүлүкэтин Ил Дарханын уонна Бырабыыталыстыбатын өйөбүлүнэн норуот айымньытын дьиэтин ис өрөмүөнэ, кыраһыабай көстүүтэ оҥоһуллан түмүктүүр түһүмэххэ кэллэ.

2023 сылтан эбийиэк ис отделкатын оҥорууга эбии үп көрүллүбэккэ тутуу ситэ түмүктэммэккэ турбута. Быйыл ис дьүһүнүн, тутулун оҥорууга, өрөмүөннээһиҥҥэ эбии 9 мөл. 400 тыһ. солкуобай (улуус бүддьүөтүттэн 4 мөл.700 тыһ. солк., өрөспүүбүлүкэ бүддьүөтүттэн 4 мөл. 700 тыһ. солк.) көрүллүннэ.

Билигин бара турар өрөмүөн үлэтин "Мин Сахам Сирэ ХХI үйэҕэ" үтүө дьыала хамсааһын салайааччыта Алексей Дмитриевич Петров билистэ.

Нам нэһилиэгэр норуот айымньытын дьиэтин ис өрөмүөнэ ахсынньы ыйга диэри бүтэрэ былааннанар.

#МояЯкутия21Век
#ДвижениеДобрыхДел
#ВерхневилюйскийУлус

t.me/ValeriNikolaev

Саха Өрөспүүбүлүкэтин Ил Дархана Айсен Сергеевич Николаев өрөспүүбүлүкэ 20 үөрэҕин тэрилтэлэригэр үөрэнээччилэри таһарга анаммыт школьнай автобустар күлүүстэрин үөрүүлээх быһыыга туттарда.

Үөһээ Бүлүү улууһун Ороһу орто оскуолатын директора Прокопий Устинович Никонов Ил Дархан илиититтэн саҥа оскуола автобуһун күлүүһүн тутта.

Саҥа автобус 22 миэстэлээх, Саха Сирин климатыгар сөп түбэһэр, сылаастык оҥоһуллубут техника.

Автобустар үөрэнээччилэр хаачыстыбалаах үөрэхтэрин, үөрэх тэрилтэлэрин материальнай - техническэй базаларын бөҕөргөтүүгэ ананаллар.

Ороһу орто оскуолатын үлэһит коллективын, үөрэнээччилэрин саҥа автобус анаммытынан эҕэрдэлиибит!

Ороһу нэһилиэгэр СӨ Ил Дарханын А.С. Николаев өйөбүлүнэн саҥа оскуола тутулла турар. Эһиил ороһу орто оскуолатын үөрэнээччилэрэ үөрэх сылын саҥа оскуолаҕа саҕалыахтара диэн эрэллээхпит.

#НовыйШкольныйАвтобус
#ВерхневилюйскийУлус
#ВместеТолькоВперед

T.me/ValeriNikolaev

"Мин Сахам Сирэ - ХХI үйэҕэ" үтүө дьыала хамсааһын салайааччытын Алексей Дмитриевич Петрову кытта Быракаан нэһилиэгэр «Култуура уонна спорт комплексын» тутуутун үлэтин бэрибиэркэлии улуус баһылыгын бастакы солбуйааччыта Егор Дмитриевич Иванов тиийдэ.

Быракаан нэһилиэгин Култуура уонна спорт комплекса өрөспүүбүлүкэтээҕи "Мин Сахам Сирэ XXI үйэҕэ" үтүө дьыала хамсааһын уонна «Тыа сирэ биир кэлимник сайдыыта» бырагыраамма көмөтүнэн 2019 сыллаахтан тутуллан саҕаламмыта.

Комплекс 760 кв.м иэннээх, 2 этээстээх. Тутуу үлэтэ 90% бүтэн турар. Билигин ис оҥоһуутун, уоту тардааһын, муостатын бүрүйээһин, потологун оҥорооһун үлэтэ бара турар. Ититии систиэмэтэ бэлэмнэнэн, сотору кэминэн итии холбоноро былааннанар.

Тутуу үлэтэ ахсынньы ыйга диэри бүтэрин былаанныыбыт.

#Быракаан
#МояЯкутия21век
#ДвижениеДобрыхДел

T.me/ValeriNikolaev

Бүгүн анал байыаннай дьайыы байыаһын, биир дойдулаахпытын Аян Саргыдаевы кытта көрүстүм.

Аян дойдутугар уоппускаҕа кэлэ сылдьар. Аҕа дойдуну көмүскээччигэ - "Өрүү харысхаллаах буоллун, кыайыы кынаттаах дойдутугар эргиллэн кэллин", - диэн алгыс тылбытын этэн туран, Чап уустара оҥорбут саха быһаҕын "Үөһээ Бүлүү улууһа" муниципальнай ороуйуон дьаһалтатын аатыттан бэлэх туттардым.

Билигин Үөһээ Бүлүү улууһун үрдүнэн анал байыаннай дьайыы кыттыылаахтарыгар көмө хомулла турар. Күн ахсын биир дойдулаахтарбыт гуманитарнай көмөнү нэһилиэктэр дьаһалталарыгар, улуус дьаһалтатыгар кэлэн туттараллар. Ону сэргэ, улуус бүддьүөт үлэһиттэрэ биир күннээҕи хамнастары фондаҕа көмө гынан анаатылар.

Сэтинньи ый ортотугар Үөһээ Бүлүү улууһун делегацията гуманитарнай сырыыннан быйыл үһүс төгүлүн анал байыаннай дьайыы сиригэр барарга бэлэмнэнэ сылдьар.

#СВОихНеБросаем
#ВерхневилюйскийУлус

T.me/ValeriNikolaev

Сахаларга былыр былыргыттан муҥха тэрээһинэ бэйэтэ улахан бырааһынньык буолар.

Сэтинньи 4-с күнүгэр норуоттар сомоҕолоһууларын күнүн көрсө "Үөһээ Бүлүү улууһа" муниципальнай оройуон дьаһалтата Ороһу нэһилиэгин Өтөхтөөх күөлүгэр улууспутугар Түмсүү сылын чэрчитинэн "СОМОҔОЛОҺУУ МУҤХАТЫН" тэрийдибит.

Бу күн уопсайа эр киһилиин, дьахтардыын, кырдьаҕастыын, оҕолуун барыта 380-ча киһи сырытта.

Кэлбит дьону барыларын итии миининэн, чэйинэн Ороһу нэһилиэгин дьаһалтатын уонна култуура киинин үлэһиттэрэ көрүстүлэр.

Муҥха иннигэр Алгыс тылы эттэ - Үөһээ Бүлүү улууһун бэтэрээннэрин сэбиэтин бэрэсэдээтэлэ Иван Егорович Чычахов. Алгыс кэннэ кэлбит бар дьон кытыан от буруотунан ыраастаннылар.

Муҥхаҕа кэлбит дьон ким тугу сатыырынан үөрэ-көтө, сытыытык, сымсатык туттан көхтөөхтүк үлэлээтилэр. Улахан дьону кытта оскуола саастах оҕолорбут эмиэ тэбис-тэҥҥэ сылдьыспыттара улахан хайҕабыллаах. Оҕолорбутун эр дьон көмүс хатырыктаах хайдах бултанарын үөрэттилэр. Ыччаттарбыт аҕа көлүөнэни кытта тэҥҥэ сылдьан, саха омук сатабылыгар үөрэнэллэрэ, бултка, балыкка сысталлара элбэҕи эрэннэрэр.

Муҥха түспүт эбэтэ кэлбит дьону маанылаата, Күөх Боллох тойон “мичик” гынна, бэрткэ диэн көмүс хатырыктааҕыттан бэристэ.

Бу муҥхаттан ирээт балык Үөһээ Бүлүү улууһуттан анал байыаннай дьайыыга кытта сылдьар уолаттарбытыгар ыытарга анаан Кыайыы пуондатыгар туттарылынна.

Улуус дьаһалтатын муҥхатыгар кэлэн кыттыыны ылбыт биир дойдулаахтарбытыгар көхтөөх, түмсүүлээх үлэҕит иһин махтанабыт!

#Муҥха2024
#ҮөһээБүлүү

T.me/ValeriNikolaev

Ытыктабыллаах Үөһээ Бүлүү улууһун дьоно-сэргэтэ!

Эһигини Норуот Cомоҕолоһуутун күнүнэн итиитик-истиҥник «Үөһээ Бүлүү улууһа» муниципальнай оройуон дьаһалтатын аатыттан уонна тус бэйэм ааппыттан эҕэрдэлиибин!

Сомоҕолоһуу күнэ - норуот түмсүүтүн кэрэһилиир бэлиэтэ буолар.

Үөһээ Бүлүүлэр сомоҕолоохпутунан, түмсүүлээхпитинэн күүстээхпитин бэлиэтээн, быйылгы 2024 сылы Түмсүү сылынан биллэрбиппит. Доҕордоһуу, үтүө сыһыан, төрөөбүт дойдуга таптал, сомоҕолоһуу көмөтүнэн бары биир санааннан салайтаран сайдыыга, саҥа үрдэллэргэ дьулуһабыт!

Сомоҕолоһуу уонна түмсүү – бу чэчирии сайдыы төрүөтэ буолар.

Норуоппут биир сомоҕо, түмсүүлээх буоллаҕына эрэ кэлэр көлүөнэбитигэр көҥүл, иллээх-эйэлээх, инникигэ эрэллээх олоҕу хааччыйар кыахтаахпыт.

Норуот сомоҕолоһуутун күнэ үтүө быһыы, үтүө санаа, чугас дьоммут туһугар кыһамньы бэлиэтэ буоллун.

Эһиэхэ уонна дьиэ кэргэҥҥитигэр чэгиэн доруобуйаны, дьолу-соргуну, эйэни, үтүө санааны, этэҥҥэ буолууну уонна бары саҕалааһыннаргытыгар ситиһиилэри баҕарабын!


Эҕэрдэни кытта, Үөһээ Бүлүү улууһун баһылыга, В.В. Николаев.

#ДеньНародногоЕдинства

T.me/ValeriNikolaev

Үөһээ Бүлүү улууһугар ҮҮТ ТУТУУТУН биирдиилээн нэһилиэктэринэн алтынньы 31 күнүн туругунан көрдөрүүтэ:

🫙 Балаҕаннаах – 62,13 тонна (Былаан: 48 т.);
🫙 Боотулуу – 43,57 тонна (Былаан: 102 т.);
🫙 Быракаан – 0,6 тонна (Былаан: 12 т.);
🫙 Үөһээ Бүлүү – 22,35 тонна (Былаан: 13 т.);
🫙 Далыр – 30,78 тонна (Былаан: 54 т.);
🫙 Дүллүкү – 28,62 тонна (Былаан: 43,2 т.);
🫙 Үөдүгэй - 32,21 тонна (Былаан: 19,2 т.);
🫙 Кырыкый – 31,41 тонна (Былаан: 42 т.);
🫙 Кэнтик – 20,73 тонна (Былаан: 16,4 т.);
🫙 Маҥаас - 49,30 тонна (Былаан: 63,2 т.);
🫙 Мэйик - 16,28 тонна (Былаан: 39 т.);
🫙 Нам – 81,93 тонна (Былаан: 75 т.);
🫙 Ороһу – 443,67 тонна (Былаан: 542 т.);
🫙 Сургуулук – 139,22 тонна (Былаан: 170,4 т.);
🫙 Тамалакаан – 85,89 тонна (Былаан: 81,9 т.);
🫙 Туобуйа – 22,93 тонна (Былаан: 20,7 т.);
🫙 Харбалаах - 17,19 тонна (Былаан: 29 т.);
🫙 Хомустаах – 17,35 тонна (43,2 т.);
🫙 Хоро - 8,72 тонна (Былаан: 16 т.);

Быйыл контрагынан үүт тутуутун былаана 1430,2 тонна. Алтынньы 31 күнүн туругунан Үөһээ Бүлүү улууһугар 1154,97 тонна үүт контрагынан тутулунна (2023 сыл алтынньы 31 күнүн туругунан 2890,79 тонна үүт контрагынан тутуллубут).


#Үүт2024
#Молокозаготовка2024
#ВерхневилюйскийУлус

T.me/ValeriNikolaev

Благодаря программе модернизации первичного звена национального проекта «Здравоохранение» в Верхневилюйской районной больнице за последние два года приобретены 4 высокотехнологичных медицинских аппарата, что позволило местным жителям получать качественную медицинскую помощь в районе. 

🔹 За последние два года по линии нацпроекта приобретены: маммограф рентгеновский; палатный рентген-аппарат; цифровой рентгенологический аппарат;  в клинико-диагностическую лабораторию - автоматический анализатор гликированного гемоглобина.

🔹 С момента приобретения оборудований проведено 1841 исследование на маммографию, на цифровом рентгенологическом аппарате – 7199 обследований, на автоматическом анализаторе гликированного гемоглобина - 696,  на палатном рентген-аппарате – 110.

🔹 Таким образом, существенное  обновление медоборудования районной больницы позволило поднять на качественно новый уровень диагностику многих заболеваний.

🔹 Нацпроект «Здравоохранение» призван обеспечить качество и доступность медицинской помощи на первом уровне системы здравоохранения.

📱 @Sakhagove

#ПравительствоЯкутии

Алтынньы 16-с күнүттэн Оҥхой нэһилиэгэр саха ынахтарыгар анаммыт хотон тутуута саҕаламмыта.

Бүгүн сарсыарда, сэтинньи 1-кы күнүгэр үлэ тэтимэ хайдах баран иһэрин бэдэрээтчит иһитиннэрдэ. Сир буора тоҥон, акылааты буорунан сабыы үлэтэ 10 хонукка уһаабытын бэлиэтээн эттэ. Хотон акылаатын икки эргиирдээннэр, буор кутан, остуолбалары туруоруу үлэтэ бүгүҥҥэннэн түмүктэнэн, салгыы өһүөлэри таһаарар үлэҕэ киирдилэр.

Санатан этэр буоллахха, алтынньы 7 күнүгэр Дьокуускай куоракка тыа хаһаайыстыбатын миниистиригэр Артем Александрович Александровка Үөһээ Бүлүү улууһун саха ынахтарыгар саҥа хотону тутууга сүбэ мунньах ыытыллыбыта.

Билиҥҥи туругунан "Саха ынаҕа" Үөһээ Бүлүүтээҕи филиалыгар 28 улахан сүөһү, 10 борооску, 20 тарбыйах, 2 атыыр оҕус иитиллэр.

Мунньах түмүгэр Оҥхой нэһилиэгэр тутуллар 50 төбөлөөх хотон үбүлээһинин СӨ тыа хаһаайыстыбатын министиэристибэтэ өйүүрүн биллэрбитэ.

Бэдэрээтчит, олохтоох урбаанньыт Семенов Александр Николаевич, хотон тутуутун бэйэтин суотугар саҕалаата. Салгыы СӨ тыа хаһаайыстыбатын министиэристибэтин өйөбүлүнэн үп көрүллэн бу сыл бүтүөр диэри хотон тутуута түмүктэнэн саха ынахтара кыстыкка саҥа хотоҥҥо киириэхтэрэ диэн кэтэһэбит.

#ТыаХаһаайыстыбата
#СахаЫнаҕа
#ЯкутскийСкот
#ВерхневилюйскийУлус

T.me/ValeriNikolaev

"Лучшая добровольная пожарная команда" диэн бастыҥ аат иһин Уһук Илин регионнарга ыытыллыбыт күрэххэ Үөһээ Бүлүүтээҕи техникум хамаандата иккис миэстэни ылары ситистэ👏👏👏.

Санатан этэр буоллахха, 5-с нүөмэрдээх Саха Өрөспүүбүлүкэтин баһаарынай быыһыыр сулууспа сүрүн управлениета Үөһээ Бүлүү улууһугар көрбүт баһаарынай Урал автоцистернатын Үөһээ Бүлүүтээҕи техникумҥа быйыл Кыайыы күнүгэр үөрүүлээх быһыыга-майгыга туттарбыппыт.

Быйылгы сылтан Үөһээ Бүлүүтээҕи техникум баһаарынай чааһа толору хааччыллан, устудьуоннар боевой дьуһуурустубаҕа турар баһаарынай чаастарга көмө буолан, вызовка сылдьыһан үөрэхтэрин кэҥэтэр кыахтаммыттара.

Бүтүн Уһук-Илин регионнар икки ардыларыгар ыытыллыбыт күрэххэ Үөһээ Бүлүүтээҕи техникум баһаарынай быыһыыр хамаандата, биһиги ыччаттарбыт иккис миэстэни ылбыттара муҥутуур ситиһии буолар.

Үөһээ Бүлүүтээҕи техникум директорыгар Матрена Васильевна Осиповаҕа, техникум баһаарынай сулууспа хамаандатыгар үрдүк ситиһиигитинэн итиитик-истиҥник эҕэрдэлиибит!

Үөһээ Бүлүүтээҕи техникум устудьуоннара баһаарынай сулууспаҕа инникитин эрэллээх үлэһит буоллуннар диэн баҕа санаабытын этэбит!

#ВерхневилюйскийТехникум
#ЛучшаяДобровольнаяПожарнаяКоманда

T.me/ValeriNikolaev

Бүгүн үөрүүлээх сонун туттубут!👏👏👏
Үөһээ Бүлүү улууһун, Нам орто оскуолатын математикаҕа учуутала, Балаҕаннаах нэһилиэгиттэн төрүттээх Антонина Аввакумова дуобакка Европа икки төгүллээх Чемпионун үрдүк аатын ылла!

Турция Кемер куоратыгар алтынньы 19-29 күннэригэр 100 харахтаах дуобакка Европа чемпионата ыытылынна.

Чемпионатка Россияттан, Польшаттан, Турцияттан, Израильтан, Азербайджантан, Молдовияттан уопсайа 50-тан тахса спортсмен күөн күрэхтэстэ.

Россия сүүмэрдэммит хамаандатыттан 8 спортсмен, ол иһигэр Саха Сириттэн Антонина Аввакумова Россия чиэһин Европа чемпионатыгар көмүскээтилэр.

10 күннээх күрэхтэһии түмүгэр биһиги биир дойдулаахпыт Антонина Аввакумова чемпионатка икки кыһыл көмүс мэдээли ылла.

Россия хамаандата уопсайа 12 мэдээли сүүйдэ: 6 кыһыл көмүс, 3 үрүҥ көмүс, 3 алтан мэдээли.

Антонина Аввакумованы үрдүк ситиһиигинэн, чаҕылхай кыайыыгынан итиитик-истиҥник эҕэрдэлиибит! Эн кыайыыгынан киэн туттабыт!


#ЧемпионатЕвропыПоШашкам
#ВерхневилюйскийУлус

T.me/ValeriNikolaev

Дорогие ветераны комсомольского движения!

Сегодня мы отмечаем важную дату — День комсомола. Этот день напоминает нам о тех ярких страницах истории, которые были написаны вами, о вашем неоценимом вкладе в развитие нашей страны и общества.

Комсомол всегда был символом молодости, энергии и стремления к переменам. Вы, наши ветераны, стали примером для многих поколений, вдохновляя молодежь на активные действия и участие в жизни общества. Ваши достижения, ваша преданность идеалам и ценностям комсомола навсегда останутся в нашей памяти.

С благодарностью вспоминаем ваши подвиги, вашу целеустремленность и готовность работать на благо своей родины. Пусть этот день станет поводом для гордости за пройденный путь и за тех, кто продолжает ваше дело.

Желаю вам здоровья, счастья и благополучия. Пусть ваша мудрость и жизненный опыт служат примером для молодого поколения!

С уважением, В.В. Николаев, Глава МР "Верхневилюйский улус (район)"

Получил замечательное, трогательное видео, где запечатлена встреча двух самых родных людей - отца и дочери.

Военнослужащий вернулся домой в отпуск, и первым делом поехал в школу к любимой доченьке. И вот - долгожданная встреча, полная искренних эмоций, настоящего счастья и радости.

Пусть таких встреч с любимыми будет как можно больше! Только вперед, к Победе! Якутия гордится своими защитниками, каждый из Вас – настоящий Герой!

t.me/aisen_nikolaev

Үөһээ Бүлүү улууһун икки нэһилиэгин түөлбэлэригэр газ ситимин холбооһун үлэтэ түмүктэннэ.

Андреевскай сэлиэнньэҕэ "Молодежнай" саҥа түөлбэҕэ гааһы киллэрээһиҥҥэ 9 мөл. 115 тыһ. солкуобай уонна Балаҕаннаах нэһилиэгэр "Табыйыс" түөлбэҕэ уһаайбалары гаазтааһыҥҥа 17 мөл. 187 тыһ. солкуобай өрөспүүбүлүкэ бүддьүөтүттэн үбүлэнэрин ситиспиппит.

«Молодёжный» түөлбэҕэ 940 метр уһуннаах газ ситимэ тардылынна, ол түмүгэр 55 уһаайба газка холбонор кыахтанна.

Балаҕаннаах нэһилиэгэр «Табыйыс» түөлбэҕэ 2370 метр уһуннаах газ ситимэ тардыллан 29 уһаайба газ ититиитигэр холбонорго бэлэм буолла.

Газ ситимин тардыы үлэтин "Сахатранснефтегаз" тэрилтэ исписэлиистэрэ графиктан эрдэлээн туттардылар.

Саҥа түөлбэлэр Саха Өрөспүүбүлүкэтин Ил Дархана Айсен Сергеевич Николаев көҕүлээһининэн тэриллибит «Развитие и освоение территории в целях стимулирования строительства индивидуальных жилых домов» диэн өрөспүүбүлүкэтээҕи бырагыраамма чэрчитинэн газ ситимигэр холбоннулар.

Санатан этэр буоллахха, быйыл Үөһээ Бүлүү улууһа өрөспүүбүлүкэтээҕи конкурска ситиһиилээхтик кыттан, Үөдүгэй уонна Үөһээ Бүлүү нэһилиэктэригэр саҥа микрорайоннарга газ уонна уот ситимин тардарга эбии үбүлээһини ылары ситиспиппит.

Кэлэр 2025 сылга Үөһээ Бүлүү нэһилиэгэр "Речная" микрорайоҥҥа үс Саха Сирин Президиэннэрин М.Е. Николаев, В.А. Штыров, Е.А. Борисов ааттарынан уулуссаларга газ холбоноругар 21 мөл. 122 тыһ солкуобай, Үөдүгэй нэһилиэгэр "Молодежнай" микрорайоҥҥа уот ситимэ тардылларыгар 5 мөл. 812 тыһ. солкуобай үбүлэнэн, эһиилги сылга саҥа сирдэри, уһаайбалары, түөлбэлэри сайыннарыыга газтааһын, уот тардыллыытын үлэтэ үтүө түмүктэрдээх буолуо диэн эрэллээхпит!

#ОсвоениеНовыхМикрорайонов
#ВерхневилюйскийУлус
#ВместеТолькоВперед

T.me/ValeriNikolaev

Ытыктабыллаах Үөһээ Бүлүү улууһун олохтоохторо!

"Үөһээ Бүлүү улууһа" муниципальнай оройуон аатыттан уонна тус бэйэм ааппыттан Саха сиригэр Ийэ күнүнэн уонна Арассыыйаҕа Аҕа күнүнэн итиитик-истиҥник эҕэрдэлиибин!

Россия Президиэнэ В. В. Путин Ыйааҕынан олохтоммут, дьиэ кэргэн институтун бөҕөргөтөр уонна оҕолору иитиигэ аҕа буолуу суолтатын үрдэтэр Аҕа күнүн быйыл иккис төгүлүн бэлиэтиибит. Бу ураты суолталаах күн - Саха сиригэр бастакы Президент М.Е. Николаев Ыйааҕынан 1993 сылтан бэлиэтэнэр Ийэ күнүн кытта биир күҥҥэ түбэһэн, Саха Сиригэр алтынньы үһүс өрөбүлүгэр Ийэ уонна Аҕа күнүн бэлиэтиибит.

Оҕону иитиигэ төрөппүттэр – Ийэ уонна Аҕа сүҥкэн суолталаахтар. Күн күбэй Ийэ оҕотун өрүү көмүскүүр, сылаас сыһыанынан, кыһамньытынан, үтүө тылынан угуттуур, өйүүр. Ийэлэрбит муҥура суох тапталларынан биһиги улаатабыт, сайдабыт, олоххо бэйэбит суолбутун көрдөөн булабыт, тупсабыт уонна үрдүккэ дьулуһабыт.

Аҕа үүнэр көлүөнэҕэ Аҕа дойдуга тапталы, тулалыыр эйгэҕэ харыстабыллаах сыһыаны иҥэрэр, эр санаалаах буоларга, Ийэ дойдуну таптыырга, дьоһун киһи, дьиэ кэргэн бигэ тирэҕэ буоларга иитэр-такайар.

Дьоллоох киһини иитэн таһаарыы – хас биирдии төрөппүт анала.

Бары Ийэлэргэ уонна Аҕаларга бу күн биһиги муҥура суох махталбытын биллэрэбит. Хас биирдии киһи олоҕор Иэйэхсит Ийэ, Айыыһыт Аҕа - улахан суолталаах, олохпутугар тирэҕирэр саамай чугас дьоммут.

Күндү Ийэлэр уонна Аҕалар баҕарабыт эһиэхэ чэгиэн доруобуйаны, дьоллоох олоҕу. Холумтаҥҥыт өрүү сылаас буоллун, дьиэ кэргэҥҥит бигэ туруктаах, олоххут уостубат уйгулаах, кэнчээри ыччаккыт ымыылаах буоллун!
Оҕолоргут сылаас сыһыаннарыгар бигэнэн, сиэннэргит ситиһиилэринэн кынаттанан, чөл, чэгиэн сылдьыҥ, уһуннук дьоллоохтук олоруҥ!

Эҕэрдэни, дириҥ ытыктабылы кытта, Үөһээ Бүлүү улууһун баһылыга, В.В. Николаев

#ИйэКүнэ
#АҕаКүнэ
#ДеньОтца
#ДеньМатери
#ВерхневилюйскийУлус

T.me/ValeriNikolaev

Үөһээ Бүлүү улууһугар өссө биир саҥа сынньалаҥ, чөл олох сквера арылынна!

Нам нэһилиэгин баһылыга Кардашевскай Александр Иннокентьевич уонна "Нам нэһилиэгэ" муниципальнай тэриллии дьаһалтатын үлэһиттэрэ "Формирование комфортной городской среды" бырагырааммаҕа ситиһиилээхтик кыттан кыайан бу бырайыак олоххо киирдэ.

Нам нэһилиэгэр оҕо уонна спорт балаһааккалаах скверы тутарга уопсайа 13 мөл. 921 тыһыынча солкуобай федеральнай бүддьүөттэн үбүлэммитэ.

Оҕо-аймах, ыччат, аҕам саастаах дьон доруобуйаларын бөҕөргөтөллөрүгэр, спордунан дьарыктаналларыгар, чөл олохтоох буолалларыгар туһаайыллан тутуллубут сквер бүгүн үөрүүлээх быһыыга-майгыга, алгыс арыаллаах арыллыбытынан Нам нэһилиэгин олохтоохторун эҕэрдэлиибин! Тупсаҕай дьүһүннээх, уоттаах-күүстээх, аныгы быһыылаах сквер олохтоохтор үөрүүлэригэр үйэлээх буоллун.

#КомфортнаяГородскаяСреда
#СтроительствоСквера
#НамскийНаслег
#ВерхневилюйскийУлус

T.me/ValeriNikolaev

Дьокуускай куораттан Үөһээ Бүлүүгэ кэлэн үлэлээбит "Мобильнай хирургическай бригада" быраастарын кытта көрүстүм.

Саха Өрөспүүбүлүкэтин Ил Дархана Айсен Сергеевич Николаев Ил Тумэн судаарыстыбанай Мунньаҕар 2023 сыл бүтүүтэ туһаайан этиитин олоххо киллэрэн, «Мобильный хирургический центр» диэн бырайыак Саха Сиригэр 2024 сыл тохсунньу ыйыттан саҕаламмыта.

Ол курдук, Саха Өрөспүүбүлүкэтин доруобуйа харыстабылын министиэристибэтин Уурааҕынан мобильнай хирургическай отделение быраастара алтынньы 6-18 күнүнэригэр Үөһээ Бүлүү улууһугар үлэлээтилэр.

Уопсайа 10 медицина үлэһиттэрэ улууспутугар кэлэн нэһилиэнньэни эмтээтилэр-томтоотулар.
12 күн иһигэр 70 Үөһээ Бүлүү улууһун олохтоохторо араас ыарыыларынан көрдөрбүттэрин, этэҥҥэ эпэрээһилэммиттэрин, эмтэммиттэрин туһунан Үөһээ Бүлүүтээҕи киин балыыһа сүрүн бырааһа Сардаана Николаевна Павлова иһитиннэрдэ.

Истиҥ махтал тыллары этэбит: Павлов Степан Семеновичка (травматолог быраас), Слепцов Геннадий Петровичка (анестизиолог быраас), Староватов Артем Васильевичка (хирург быраас), Аргунов Иван Михайловичка (отоларинголог быраас), Соловьев Алексей Алексеевичка (проктолог быраас), Яковлева Зоя Афанасьевнаҕа (эндоскопист быраас)
Павлов Юрий Юрьевичка (медбрат), Александрова Анастасия Семеновнаҕа, (операционнай медсестра), Иванова Айта Алексеевнаҕа (операционнай медсестра), Егорова Надежда Яковлевнаҕа (медсестра эндоскопист).

Үөһээ Бүлүү улууһугар кэлэн үлэлээбит быраастарга, медсестраларга, медбраттарга өссө төгүл ис сүрэхтэн махтанабыт. Миэстэтигэр кэлэн ыарыһахтары эмтээн, операциялары оҥорон Үөһээ Бүлүү улууһун олохтоохторо доруобуйалара тупсарыгар, бөҕөргүүрүгэр элбэх сыралаах үлэни ыыттыгыт. Өссө да инникитин маннык мобильнай медицинэ бригадалара улууспутугар кэлэн үлэлиэхтэрэ диэн кэтэһэбит.

#МобильнаяХирургическаяБригада
#МобильнаяМедицинскаяБригада
#ВерхневилюйскийУлус

T.me/ValeriNikolaev

⚡️Строительство Ленского моста начато!

Сегодня по-настоящему радостный день для нашей республики. Мы установили первую буронабивную сваю под опорой Ленского моста, и это знаменует начало основных строительных работ. Ленский мост - это транспортная артерия, которая соединит не только два берега реки Лена, но и огромные пространства Восточной Сибири и Дальнего Востока - а это более четверти всей территории России! Самое главное, что якутяне будут обеспечены круглогодичным транспортным сообщением. И этот проект становится реальностью благодаря поддержке нашего Президента Владимира Владимировича Путина.

▫️Одновременно с этим событием мы открыли 4 новых моста в Мирнинском, Оймяконском, Томпонском и Кобяйском районах. Эти мосты имеют важнейшее значение для жизнеобеспечения людей и транспортной доступности отдалённых населённых пунктов.

Сбывается вековая мечта якутян - Ленский мост начинает строиться!

#ВместеТолькоВперёд

t.me/aisen_nikolaev

Бүгүн, алтынньы 16 күнүгэр Үөһээ Бүлүү улууһун муниципальнай тэриллиилэрин баһылыктара уонна тутаах тэрилтэлэр салайааччылара кыттыылаах сүбэ мунньах ыытылынна.

Бастатан туран, үөрүүлээх сонуну - Саха Өрөспүүбүлүкэтин Ил Дарханын уонна Бырабыыталыстыбатын өйөбүлүнэн спортинструктордар штаттара Үөһээ Бүлүү улууһугар эбиллибиттэрин иһитиннэрдим.

Дойду Президиэнэ В.В. Путин 2024 сыл ыам ыйын 7-с күнүн №309 нүөмэрдээх Ыйааҕынан "О национальных целях развития РФ на период до 2030 г. и на перспективу до 2036 г." Уонна Саха Өрөспүүбүлүкэтин Ил Дарханын А.С. Николаев Сорудаҕынан Үөһээ Бүлүү улууһугар 7,5 спортинструктор штата эбилиннэ.

Үөһээ Бүлүү улууһугар билиҥҥи туругунан 2 спортинструктор штата үлэлиир (Кэнтик уонна Нам нэһилиэктэригэр).
Билигин 7,5 штаты 10 нэһилиэккэ үллэрэммит, үлэ миэстэтэ тыа сиригэр эбиллэрин ситистибит. Эһиил өссө эбии 3 спортинструктор штатын көмүскээн (Быракаан, Боотулуу, Үөдүгэй) улууска уопсайа 12,5 спортинструктор штатын тэрийэр былааннаахпыт.
Ол курдук:
Балаҕаннаах - 0,5 ставка
Далыр - 1 ставка
Дүллүкү - 1 ставка
Кырыкый - 0,5 ставка
Оҥхой - 1 ставка
Өргүөт - 0,5 ставка
Ороһу - 1 ставка
Тамалакаан - 1 ставка
Туобуйа - 0,5 ставка
Хомустаах - 0,5 ставка

Бу ситиһиибит Ил Дархаммыт Айсен Сергеевич өйөбүлүнэн тиһэҕэр тиэрдилиннэ. Спортинструктор штатын элбэтии нэһилиэнньэ көхтөөх, чөл олохтоох, спортка ситиһиилээх буоларыгар сыаллаан оҥоһулунна.

Салгыы мунньахха Үөһээ Бүлүү улууһун тыа хаһаайыстыбатын салалтатын салайааччыта Кирилл Васильевич Гаврильев өрөспүүбүлүкэ үрдүнэн саҥа киирээри турар тыа хаһаайыстыбатын механизымын чымпыгын кэпсээтэ.

Үөһээ Бүлүү улууһун бырамыысылыннас, тутуу, инфраструктураны сайыннарыы салалта салайааччыта Колтовской Семен Александрович элбэх оҕолоох ыаллар уонна анал байыаннай дьайыы кыттыылаахтара судаарыстыбаттан сир участогын ылар бырааптарын уонна саҥа микрорайоннары сайыннарыы туһунан сырдатта.

Улуус баһылыгын социальнай хайысхаҕа уонна дьиэ кэргэн бэлиитикэтигэр солбуйааччы Анна Михайловна Уларова "Оптуорунньук - доруобуйа күнэ" бырайыак үлэтин туһунан кэпсээтэ. Ону сэргэ, көрүүтэ суох саастарын ситэ илик оҕолор сокуону кэһиилэригэр, улууска тахсар буруйу оҥорууларга, быһылааннарга болҕомтотун ууран, муниципальнай тэриллии баһылыктарыгар бэрээдэки олохтооһуҥҥа күүстээх үлэ барыахтааҕын этиннэ.

Үөһээ Бүлүү ветеранириятын сүрүн инспектора Иннокентий Николаевич Ильин көрүүтэ суох ыттары, ону тэҥэ хаһаайыттардаах ыттары улуус үрдүнэн чиптииргэ үлэ ыытылларын иһитиннэрдэ. Инникитин улуус киинигэр көрүүтэ суох ыттары тутуу приютун тутарга үлэни ыытарга былааннастыбыт.

Сүбэ мунньах түмүгэр анал байыаннай дьайыы кыттыылаахтарын өйүүр пуондаҕа нэһилиэктэр көхтөөхтүк кылааты киллэрэллэригэр уонна кыайыы туһугар бары тумсүөҕүҥ диэн ыҥырдым.

#СоветГлав
#ВерхневилюйскийУлус

Никифоров Сергей Валерьевич АО "РИК Автодор" генеральнай дириэктэрин солбуйааччы "Вилюй" федеральнай суол өрөмүөнүн үлэтэ хайдах баран иһэрин туһунан бүгүн иһитиннэрдэ.

Быйыл балаҕан ыйыттан алтынньы ыйга диэри 30 күн иһигэр бүтэһик 10 сыл статистическай архивын даннайынан тэҥнээн көрөн, 12 төгүл элбэх самыыр-ардах түспүтүн туһунан Саха Өрөспүүбүлүкэтин гидрометеостанцията иһитиннэрдэ.

Күүстээх самыырдар, ардахтар, хаардар кэнниттэн федеральнай суол мэһиллэн, айгыраан айан суола бу күннэргэ олус ыарыы сырытта. "РИК Автодор" суолу оҥорор тэрилтэ бастакы кэрдииһинэн батыллыбыт массыыналары таһаарааһыҥҥа, суолу анньааһыҥҥа үлэ ыыппыта. Билигин иккис кэрдииһинэн, тэҥнээһин, көннөрөөһүн, кыстыкка суолу бэлэмнээһин үлэтэ ааспыт нэдиэлэттэн саҕаланна.

Үөһээ Бүлүү улууһуттан 2 грейдер тахсан Чыбыыда үрэхтэн Үөһээ Бүлүү сэлиэнньэтигэр диэри суолу көннөрүү, тэҥнээһин үлэтин саҕалаатылар.

Ону сэргэ, суолу оҥорор техникалар (грейдер, погрузчик, 3 самосвал) Чаллыртан Марха өрүскэ диэри суол өрөмүөнүгэр үлэлииллэр.

Үллэрээ кун Марха өрүс муостатыттан суолу анньыы, тэҥнээһин, гравийынан кутуу үлэтэ саҕаланна. Аны икки хонугунан, алтынньы 17 күнүгэр Хоро нэһилиэгиттэн Бүлүү өрүс биэрэгэр диэри уонна Оҥхой-Түүкээн суолугар суол өрөмүөнэ саҕаланарын күүтэбит.

#РемонтДорог
#АвтодорогаВилюй

T.me/ValeriNikolaev