𝐔𝐌𝐈𝐃 • 𝐅𝐀𝐘𝐙𝐔𝐋𝐋𝐀𝐄𝐕

"Oliy, o‘rta maxsus va professional ta’lim tashkilotlarida xotin-qizlarning ta’lim olishlarini qo‘llab-quvvatlashga doir chora-tadbirlar to‘g‘risida"gi O`zbekiston Respublikasi Prezidentining qaroriga asosan, tijorat banklari Iqtisodiyot va moliya vazirligi tomonidan joylashtiriladigan depozit mablag‘lari hisobidan ta’lim kreditlarini 14 foiz stavkada ajratiladi. Ushbu mablag’lar, talaba o’qishni bitirgan kundan so’ng 6 oy o’tgach 7 yil davomida qaytariladi.

Talabaning ta’lim krediti bo’yicha foiz stavkalari Iqtisodiyot va moliya vazirligi huzuridagi Ta’lim kreditini moliyalashtirish jamg’armasi tomonidan tijorak banklariga to’lab beriladi.

Uni rasmiylashtirish uchun doimiy daromadga ega bo’lgan oila a’zosi yoki boshqa shaxs kafil bo’lishi mumkin.

“Ijtimoiy himoya yagona reyestri”ga kirgan oilalarning xotin-qizlariga ajratiladigan ta’lim kreditlari uchun garov va kafilliklar talab etilmaydi.

@umid_fayzullaev

Xotin-qizlar uchun foizsiz ta’lim krediti berilishi haqida bilasizmi?

Hozir shu haqida, qonuniy asos bilan, sizlarga ma’lumot beraman.

@umid_fayzullaev

O’zbekiston Respublikasining Oila kodeksi 96-moddasiga muvofiq, Ota-ona voyaga yetmagan bolalariga ta’minot berishga majbur. Ushbu ta’minot miqdori Kodeksning 99-moddasi va boshqa normativ-huquqiy hujjatlarga muvofiq belgilanadi.

Sizlar uchun ushbu summani hisoblovchi bot faoliyati ham yo’lga qo’yilgan. @huquqshunos_uz_bot

Chet davlatda ishlayotgan shaxsdan aliment undirishda, agar u qonuniy ishlayotgan bo’lsa 2 ta farzand uchun daromadining uchdan bir qismi miqdorida, chet el valyutasining markaziy bank kursi asosida hisoblanadi.

Chet davlatda noqonuniy ishlayotgan bo’lsa, ishsiz sifatida aliment undiriladi, ya’ni ikki nafar farzand uchun 1 523 236 soʻm.

Ushbu holatda tumanlararo yoki tuman Fuqarolik sudiga davo arizasi bilan murojaat qilishingiz lozim. Shunda sud ishni bir tomon ishtirokida ko’rib chiqadi va Hal qiluv qarori chiqaradi. Ota O’zbekistonga kelgan kunda hal qiluv qarori chiqqan kundan boshlab o’tgan muddat uchun aliment undiriladi.

Agar kelganida to’lashdan bosh tortsa, O’zbekiston Respublikasi Ma’muriy Javobgarlik to’g’risidagi kodeksi 47 prim 4-moddasiga binoan javobgarlikka tortiladi. Shundan keyin ham to’lamasa Jinoyat kodeksi 122-modda asosida javobgarlikka tortiladi.

@umid_fayzullaev

Assalomu Alaykum!

2 ta bola uchun aliment miqdori qancha ?
Ota boshqa davlatda bo’lganida aliment undirish imkoniyati mavjudmi?

Hozir murojaatchi muammosiga huquqiy masalada ko’mak beraman!

@umid_fayzullaev

O’zbekiston Republikasi Ma’muriy javobgarlik to’g’risidagi kodeksi 46 prim 2-modda ga muvofiq:
“Shaxsga doir ma’lumotlar to‘g‘risidagi qonunchilikni buzish

Shaxsga doir ma’lumotlarni qonunga xilof ravishda yig‘ish, tizimlashtirish, saqlash, o‘zgartirish, to‘ldirish, ulardan foydalanish, ularni berish, tarqatish, uzatish, egasizlantirish va yo‘q qilish….

-fuqarolarga bazaviy hisoblash miqdorining yetti baravari (2.310.000 so’m), mansabdor shaxslarga esa — ellik baravari (16.500.000 so’m) miqdorida jarima solishga sabab bo‘ladi.”

Ma’lumot o’rnida, sizning telefon raqamingiz ham shaxsga doir ma’lumot hisoblanadi. Sizga nisbatan ushbu turdagi huquqbuzarlik sodir etilsa 102 (IIB) raqamiga telefon qilib vaziyatni tushuntirishingiz kerak.

Huquqingizni talab qilishga o’rganing!

@umid_fayzullaev

Telefon raqamingizni sizning ruxsatingizsiz tarqatishsa sizning huquqingiz qanday qilib himoya qilinishini bilasizmi?

Hozir shu mavzuda yozaman…

@umid_fayzullaev

O’zbekiston Republikasi Ma’muriy javobgarlik to’g’risidagi kodeksi 185 prim 1-modda ga muvofiq:
“Pirotexnika buyumlarining qonunga xilof muomalasi:

Pirotexnika buyumlarini qonunga xilof ravishda ishlab chiqarish, tayyorlash, saqlash, tashish, jo‘natish, ulardan foydalanish, xuddi shuningdek ularni qonunga xilof ravishda O‘zbekiston Respublikasiga olib kirish

huquqbuzarlik ashyolarini musodara qilib, bazaviy hisoblash miqdorining besh baravaridan yigirma baravarigacha miqdorda jarima solishga sabab bo‘ladi”. Ya’ni, 1.650.000 ming so’mdan 6.600.000 so’mgacha jarima solinadi.

Ushbu huquqbuzarlik ma’muriy javobgarlikka tortilganidan so’ng takroran sodir etilsa, yoki o’g’irlashtiruvchi holatlarda sodir etilsa Jinoyat kodeksi 250 prim 1-moddaga muvofiq javobgarlikka sabab bo’ladi.

Assalomu Alaykum!

Yangi yil bayrami ham yaqinlab qolmoqda. Shu munosabat bilan paqildoq, salyut kabi pirotexnika vositalaridan foydalanish holatlari ko’p uchraydi oramizda.

Qonunchilikda bu masalaga qanday yondashiladi? Pirotexnika vositalaridan foydalanganlik uchun javobgarlik bormi?

Vazirlar Mahkamasining 2021-yil 17-sentyabrdagi 572-son qarori bilan tasdiqlangan “Maktabgacha, umumiy o‘rta, o‘rta maxsus, professional va maktabdan tashqari ta’lim tashkilotlari pedagog kadrlarini attestasiyadan o‘tkazish tartibi to‘g‘risida”gi Nizomning 6-bandiga ko‘ra, quyidagi pedagog xodimlar navbatdagi majburiy attestasiyaga jalb etilmaydi:

…

➖pedagogik faoliyat bo‘yicha 3 yildan kam bo‘lgan ish stajiga ega pedagog kadrlar;

➖homilador ayollar, ular homilador bo‘lgan davrda hamda ishga chiqqanidan keyin

1 yil davomida;

➖homiladorlik va tug‘ish hamda bolani parvarish qilish ta’tillarida bo‘lgan ayollar, ular ta’tilda bo‘lgan davrda hamda ishga chiqqanidan keyin 1 yil davomida;

➖pedagogik faoliyat bilan shug‘ullanayotgan uch yoshgacha bolasi bor ayollar;

➖respublika va chet el davlatlariga o‘qishga, qayta tayyorlash va malaka oshirish kurslariga yuborilgan pedagog kadrlar;

Agar siz yuqoridagi asoslarga javob bersangiz, sizni majburiy navbatdagi attestatsiyaga jalb qilish mumkin emas.

Vazirlar Mahkamasining 2021-yil 17-sentyabrdagi 572-son qaroriga 1-ilova bilan tasdiqlangan nizomga ko‘ra attestasiya 2 turga bo‘linadi.

Navbatdagi majburiy attestasiya – attestasiyaning bu turi har besh yilda bir marta o‘tkaziladi. Bunda malaka toifasining muddati tugagan yoki tugashi yaqin attestasiya topshirish muddati kelgan pedagog kadrlar majburiy jalb qilinadi.

Navbatdan tashqari attestasiya – bu attestasiyada qatnashish to‘liq ixtiyoriy bo‘lib, unga hech bir pedagog majburiy jalb qilinmaydi.

Ushbu attestasiyalarning oqibati ham bir biridan farq qiladi. Misol uchun:

Navbatdagi majburiy attestasiyada qatnashgan pedagog belgilangan ballni to‘plolmasa, uning malaka toifasi tushiriladi.

Navbatdan tashqari attestasiyada qatnashgan pedagog belgilangan ballni to‘plasa, uning toifasi ko‘tariladi. Biroq u attestasiyadan o‘ta olmasa, unda uning toifasi tushirilmaydi.

Attestasiyaning bu turi jazolovchi emas, rag‘batlantiruvchi xususiyat kasb etib, pedagoglarni o‘z ustida ishlashga va muddati kelmasdan oldin ham yuqori malaka toifasini berish imkoniyatini beradi.

Shuningdek, yuqoridagi nizomning 44-bandiga ko‘ra navbatdan tashqari attestasiyaga jalb etilgan pedagog kadrlar attestasiyadan o‘ta olmagan taqdirda, ularning malaka toifasi (lavozimi) tushirilmaydi hamda ular lavozimiga muvofiq emas deb hisoblanmaydi.

Qoidaning mazmuniga ko‘ra, navbatdan tashqari attestasiyadan o‘ta olmagan pedagog ishdan bo‘shatilmaydi.

Assalomu Alaykum!

“Har yillik majburiy malaka oshirish…”, “farzandning kasal bo’lganligi tufayli qatnasha olmaslik…”

Hozir ushbu masalani huquqiy tahlil qilamiz.

Ushbu holatda O’zbekiston Respublikasining Oila kodeksi 79-modda birinchi va ikkinchi qismlari - “ Ota-onalik huquqidan mahrum qilish

Ota-ona (ulardan biri) quyidagi hollarda:

ota-onalik majburiyatlarini bajarishdan bosh tortsa, shu jumladan aliment to‘lashdan bo‘yin tovlasa;

uzrsiz sabablarga ko‘ra o‘z bolasini tug‘uruqxona yoki boshqa davolash muassasasidan, tarbiya, aholini ijtimoiy himoyalash muassasasi va shunga o‘xshash boshqa muassasalardan olishdan bosh tortsa…” asosida hududingizdagi tuman yoki tumanlararo Fuqarolik sudiga ariza kiritishingiz lozim.

Arizada yuqorida sanab o’tgan barcha holatlaringizni bayon etasiz va sudda mahalla fuqarolar yig’ini a’zolari, qo’shnilaringizni guvoh tariqasida jalb etasiz. Yana ishga aloqador har qanday ma’lumotlar va dalillarni ham sudda ko’rib chiqish uchun taqdim etishingiz zarur.

Assalomu Alaykum!

Bugun shu murojatga javob izlaymiz!

Siz belgilangan muddatda davlatni tark etsangiz, deport qilinmaysiz.

Deportatsiya- chet el fuqarosini mahalliy qonunlarni buzgan mamlakatdan majburan chiqarib yuborish jarayoni.

Koʻpincha deportatsiya AQSh chegarasini noqonuniy kesib oʻtgan yoki AQShda qonuniy viza muddati tugagan immigrantlarga tahdid soladi. Shuningdek, quyidagi vaziyatlarda siz deport bo’lishingiz mumkin:

✔️ Viza va boshqa hujjatlar bilan bog’liq firibgarlik;
✔️ Viza dasturi bo'yicha huquqlarning buzilishi (mamlakatda qonuniy bo'lish muddatidan oshib ketish, noqonuniy ishga joylashish);
✔️ Green karta olish uchun soxta nikohdan o’tish;
✔️ Siyosiy boshpana so'rashda yolg’on ma’lumotlar berish;
✔️AQSh immigratsiya xizmatini har qanday tarzda aldash;
✔️AQSh fuqaroligini yolg'on vakillik qilish/da'vo qilish;
✔️Har qanday davlat yordamini olish maqsadida soxtalashtirilgan, oʻzgartirilgan hujjatdan foydalanish.
✔️Milliy xavfsizlik bilan bog‘liq ma’lumotlarni uzatish.⠀
✔️Bir qator jinoyatlar, garchi hammasi bo'lmasa ham, AQShdan deportatsiyaga olib kelishi mumkin. Toʻliq roʻyxat uchun Immigratsiya va fuqarolik toʻgʻrisidagi qonunning 237(a) boʻlimiga yoki I.N.A (8 USC § 1227) ga qarang.

Eslatib o‘tamiz, deportatsiya jarayoni mamlakatga qonuniy yo‘l bilan kirgan va hatto Green Cardga ega bo‘lganlar uchun ham amalga oshirilishi mumkin.

@umid_fayzullaev

Komissiyada siz o’zingizning xatoyingizni tan olib, yana imkon berishlarini so’rang, har xolda chetlashtirilishdan ko’ra yangi imkon olish(reinstatement to the student status) - kelajagingiz uchun foydaliroq.

Agar siz chetlashtirilsangiz va SEVIS bekor qilinsa, siz yashayotgan shtat qonunchiligidagi muddatda, davlatni tark etasiz: ba’zi shtatlarda 15 kun, ba’zilarida 60 kun… ba’zilarida esa siz o’qib turgan semestr oxirgi kuniga qadar. Buni o’qishdan aniqlashtirsa bo’ladi…

Deport ham amalga oshiriladimi? ❤️

@umid_fayzullaev

Assalomu aleykum. Bugun shu mavzuda savol kelibdi: o’qishdan chetlashtirilsam, AQShdan deport qilinamanmi?

Mavzu ko’pchilikka aloqador emas, lekin musofirlikda boshiga tashvish kelgan yurtdoshimizni savollarini befarq qoldira olmadim.

Shuningdek, ayrim tezkor xizmat xodimlarining sud qarorisiz shaxsiy telefoningizni tekshirib koʼrish uchun taqdim etishingizni talab qilishlari va yoki kuch ishlatib tortib olishlari ham yuqoridagi daxlsizlik huquqingizning buzilishi sifatida qaraladi. Telefon apparatini olib qoʼyilishi sizga tegishli bo’lgan shaxsiy yozishmalarning sir saqlanishi shubha ostida qolishiga yoki oshkor boʼlishining real  xavfining yuzaga kelishiga sharoit yaratib berilishidir.

Shaxsiy daxlsizlik- sizning Konstitutsiyaviy huquqingiz… Buni bilish sizga faqat manfaat keltiradi…

@umid_fayzullaev

Sizdan savol keldi: Shaxsiy telefonimni kimdir mening ruxsatimsiz tekshirishga haqqi bormi?

O’zbekiston Respublikasi Konstitutsiyasining 31-moddasida shunday belgilangan:

“Har bir inson shaxsiy hayotining daxlsizligi, shaxsiy va oilaviy sirga ega bo‘lish, o‘z sha’ni va qadr-qimmatini himoya qilish huquqiga ega.
Har kim yozishmalari, telefon orqali so‘zlashuvlari, pochta, elektron va boshqa xabarlari sir saqlanishi huquqiga ega. Ushbu huquqning cheklanishiga faqat qonunga muvofiq va sudning qaroriga asosan yo‘l qo‘yiladi”

Shaxsiy telefoningiz sizning shaxsiy hududingizdir: uyerdagi ma’lumotlarni sud qarorisiz tekshirish mumkin emas.

@umid_fayzullaev

⚫️ Siz bu holat bo‘yicha o‘sha tashkilot joylashgan hududdagi Adliya yoki prokuratura organlariga murojaat qilib, “Mehnat kodeksining 119 – moddasiga xilof ravishda homiladorligimni bila turib vaj qilib rad etyabti” deya murojaat qilasiz hamda tanlovdan o‘tganligingizni, siz bilan birga tanlovdan o‘tgan xodimlar hozirda ishlayotgani, tashkilot sizga ancha muddatdan buyon tibbiy ko‘rikka yo‘llanma bermayotganini ularga bayon etasiz. Ular bu vaziyatni o‘rganib chiqib, sizni ishga qabul qilish bo‘yicha tezlashtirilgan tartibda ishlar olib boradi.

⚫️ Oldindan ish joyingizni band qilib qo‘ya olmaysiz. Ammo ishga qabul qilinganingizdan so‘ng bir hafta yoki ma’lum muddat ishlab homiladorlik va bola parvarishlash ta’tiliga (dekret)ga chiqib ketsangiz bo‘ladi.

#mehnat_munosabatlari #mehnat

@umid_fayzullaev

O‘zbekiston Respublikasi Mehnat kodeksining 122 – moddasiga ko‘ra ishga qabul qilish bosqichlariga ko‘ra ish beruvchi bilan sizning o‘rtangizda suhbat yoki imtihonlar olib borilgan.

Mehnat kodeksining 360 – moddasiga ko‘ra majburiy tibbiy ko‘rikdan o‘tkazilishi shart bo‘lgan xodimlar toifasi bor ya’ni mehnat sharoiti noqulay bo‘lgan yoki zararli og‘ir sharoitda bo‘lganligi uchun tibbiy ko‘rikdan o‘tishga majbur hisoblanasiz.

Siz o‘sha ish beruvchi tashkilotga ishga qabul qilish hujjatlarini barchasini taqdim etgansiz ular sizga tibbiy ko‘rikdan o‘tish bo‘yicha yo‘llanma beradi, tibbiy ko‘rikdan o‘tganingizdan so‘ng siz bilan mehnat shartnomasi tuziladi.

O‘zbekiton Respublikasi mehnat qonunchiligiga ko‘ra tanlov natijalariga ko‘ra qancha muddatda ishga olinishi ko‘rsatib o‘tilmagan. O‘sha tashkilotning nizomiga ko‘ra sizni qancha muddatda ishga qabul qilinishingizni tartibga solinadi ammo hamma kursdoshlaringiz siz bilan bir paytda hujjat topshirib hozirda ishlayotganligini hisobga olsak, ular sizni homiladorligingizni vaj qilib ataylab muddatni uzaytirib yuboryabdi garchi ular sizga buni ochiqdan – ochiq aytolmayotgan bo‘lsa ham asosiy sabablaridan biri hisoblanadi.

@umid_fayzullaev