လက်နက်ကိုင်အဖွဲ့ဝင်အဖြစ် အယောင်ဆောင်ကာ စီးပွားရေးလုပ်ငန်းရှင်(၂၇ ဦး)ထံက ခြိမ်းခြောက်၍ ငွေကြေးတောင်းခဲ့သူ နှစ်ဦးအား ပြင်ဦးလွင်မြို့နယ်တွင် ဖမ်းဆီးရမိ
လက်နက်ကိုင်အဖွဲ့ဝင်အဖြစ် အယောင်ဆောင်ကာ စီးပွားရေးလုပ်ငန်းရှင် (၂၇ ဦး)ထံက ခြိမ်းခြောက်၍ ငွေကြေးတောင်းခံခဲ့သူ နှစ်ဦးအား ပြင်ဦးလွင်မြို့နယ်တွင် ဖမ်းဆီးရမိခဲ့ကြောင်း သိရသည်။
အကြမ်းဖက်သမားအယောင်ဆောင်၍ စီးပွားရေးလုပ်ငန်းရှင်များထံ ခြိမ်းခြောက်ငွေကြေးတောင်းခံနေသူ ကျော်ခိုင်ဦးနှင့် တရားမဝင်ဇနီးဖြစ်သူ အေးအေးဝင်းတို့ နှစ်ဦးအား ၂၀၂၄ ခုနှစ်၊ အောက်တိုဘာ ၂၀ ရက် နေ့လည်ပိုင်းတွင် ပြင်ဦးလွင်မြို့နယ်၊ မိုးကြိုးပစ်ကျေးရွာ၊ ခေတ္တာလမ်း၊ အမှတ်(၂၂၆)၌ ဖမ်းဆီးရမိခဲ့ကြောင်း နစက,က ထုတ်ပြန်သည်။