TIKVAH-ETH

😮 እኔ ትናንትና 22,500 🤑 ብር የተቀበልኩበትን ትክክለኛ ግሩፕ 🪐 ልጠቁማችሁ።

🙏በጣም ገርሞኛል በስንት ሙከራዎች በሀላ ያገኘዉት ትክክለኛ የመሸለሚያ GROUP 👌👌

🌐ADD ⭐️ አድርጌ ብቻ ነው ይሄንን ብር የላኩልኝ እናንተም ሞክሩት ✅✅

😎😎 100% የተረጋገጠ ነዉ 😎😎
https://t.me/+JQoTWOkI0pYwYmJk
https://t.me/+JQoTWOkI0pYwYmJk
https://t.me/+JQoTWOkI0pYwYmJk

#FactCheck "የድሮ ፎቶ" እንዲመስል በቅንብር የተሰራ ምስል

'አበበ ቶላ ፈይሳ' የተባለ ፌስቡክ ላይ ከ158 ሺህ በላይ ተከታዮች ያሉት ግለሰብ "የድሮ ፎቶ እያወጣህ እንደ አዲስ የምትለጥፍ ከሆነ..." በሚል ያሰራጨው ምስል እንዳለ ተመልክተናል።

ግለሰቡ በዚህ ልጥፉ ላይ ከትናንት ጀምሮ ማህበራዊ ሚድያ ላይ ሲንሸራሸር የነበረው የፋኖ ሀይሎች አመራር የሆነው የዘመነ ካሴ ምስል "ዓመት የሞላው" መሆኑን ገልጿል።

ይህን ያሳያሉ ያላቸውን እና የፋኖ አመራሩን ፎቶ አምና፣ ማለትም እአአ በ2023 የማህበራዊ ሚድያ ተጠቃሚዎች አጋርተውት ነበር ያላቸውን ምስሎች አያይዟል።

ኢትዮጵያ ቼክ በዚህ ዙርያ ማጣራት እንዲያደርግ ጥያቄ የቀረበለት ሲሆን እኛም በዚህ ዙርያ ፍተሻ አርገናል።

በዚህ ዙርያ ባደረግነው ማጣራት ምስሎቹ የድሮ እንዲመስሉ '2023' የሚል ዓመት በፎቶሾፕ ቅንብር እንደገባባቸው ተመልክተናል። ቅንብሩ ሲሰራም የፌስቡክን ዲዛይን በማይመስል መልኩ ተጣሞ እና ከዲዛይን ውጪ ክፍተት ኖሮበት ሆኖ እንደተሰራ መመልከት ይቻላል።

ከዚህም በተጨማሪ መረጃውን አጋርተዋል ወደተባሉት የፌስቡክ ገፆች እና አካውንቶች በመሄድ ምርመራ ያደረግን ሲሆን "የአርበኛ ዘመነ ካሴ የዕለቱ መልዕክት" ከሚለው ፅሁፍ ጋር ተጋርቶ የነበረው ሌላ የፋኖ አመራሩ ምስል መሆኑን ለማየት ችለናል።

በዚህም ምክንያት 'አበበ ቶላ ፈይሳ' በተባለው ግለሰብ የተሰራጨው መረጃ የተሳሳተ እና በቅንብር የቀረበ መሆኑን ማረጋገጥ ችለናል።

ከአውድ ውጪ ከሚቀርቡ፣ በቅንብር ከሚሰሩ እና ተጋነው ከሚሰራጩ መረጃዎች ራሳችንን በማራቅ የሀሰተኛ መረጃ ስርጭትን እንከላከል።

Via_ኢትዮጵያ ቼክ

@Tikfahethiopia

በትራምፕ በዝረራ የተሸነፉት ካማላ ሃሪስ ያዘጋጁትን የምርጫ ምሽት ፓርቲ ሰረዙ‼️

ካማላ ሃሪስ ከምርጫ ውጤት ይፋ መሆን በኋላ አጋጅተውት የነበረውን የደስታ ድግስ (ፓርቲ) ሰርዘዋል፡፡

ምክትል ፕሬዚዳንቷ ድግሱን የሰረዙት ዶናልድ ትራምፕ 47ኛው የአሜሪካ ፕሬዚዳንት ሆነው መመረጣቸው መረጋገጡን ተከትሎ መሆኑን ቢቢሲ ዘግቧል፡፡ 

የተለያዩ የዓለም ሀገራት መሪዎች ለዶናልድ ፕራምፕ የእንኳን ደስ አለዎት መልዕክት በማስተላለፍ ላይ ይገኛሉ፡፡


@Tikfahethiopia

መረጃ‼️

ግብጽ፣ የጦር መሳሪያ ድጋፍ በመርከብ ጭና ለሱማሊያ መላኳን የሱማሊያ ዜና ምንጮች ዘግበዋል።

ጦር መሳሪያውን የጫነችው መርከብ ሞቃዲሾ የደረሰችው ዕሁድ'ለት እንደኾነ ዘገባዎቹ አመልክተዋል።

ኢትዮጵያ ከሶማሌላንድ ጋር የባሕር በር መግባቢያ ስምምነት ከተፈራረመች ወዲህ፣ ግብጽ የሱማሊያን ጦር ሠራዊት ለማጠናከር በሚል የጦር መሳሪያ ድጋፍ ስትልክ ያሁኑ ለሦስተኛ ጊዜ ነው።

ባሁኑ ዙር ግብጽ ለሱማሊያ የላከችው የጦር መሳሪያ ዓይነት ለጊዜው አልታወቀም።
Via አንኳር መረጃ

@Tikfahethiopia

ከመደፈር ጥቃቱ በኋላ አዳጊዎቹ ወደ ትምሕርት ቤት አልተመለሱም

በኦሮሚያ ክልል ምስራቅ ወለጋ ዞን ነቀምቴ ከተማ ውስጥ ሁለት ሴት አዳጊዎች ሲደፈሩና አሰቃቂ ጾታዊ ጥቃት ሲደርስባቸው የሚያሳው ቪዲዮ ከተለቀቀ ከኋላ፤ ወደ ትምሕርት ቤት እንዳልተመለሱ ተገልጿል፡፡

ተጎጂዎቹ ባጋጠማቸው መሸማቀቅ ትምሕርት እስከማቋረጥ እንዳደረሳቸው ከተጎጂዎቹ አንዷ የኮነችው የሰባተኛ ክፍል ተማሪ ገልፃለች።

በጉልበት ሥራ የሚተዳደሩት የአንደኛዋ ተጎጂ እናት÷ በልጃቸው ላይ በደረሰው ጥቃት ክፉኛ እንዳዘኑ ገልጸው፤ ፍትሕ ለማግኘት አቤት ማለታቸውን ተናግረዋል።

ድርጊቱን ፈጽመዋል በተባሉ ግለሰቦች ላይ የፀጥታ አካላት ርምጃ መውሰዳቸውን፤ የነቀምቴ ከተማ ሴቶችና ሕፃናት ጽህፈት ቤት የሕግ ባለሞያ ለአሜሪካ ድምጽ ተናግረዋል።


@Tikfahethiopia

ከ156 ዓመታት በኋላ የአጼ ቴዎድሮስ ጋሻ ወደ ኢትዮጵያ ተመለሰ!

እኤአ 1868 በመቅደላ ጦርነት ወቅት የተወሰደው የአጼ ቴዎድሮስ ጋሻ ከ156 ዓመታት በኋላ ወደ ኢትዮጵያ ተመለሰ።የኢትዮጵያ ቅርስ ጥበቃ ባለስልጣን ዋና ዳይሬክተር አበባው አያሌው (ረ/ፕ)፤ የጥንታዊት ኢትዮጵያ ጀግኖች አርበኞች ማህበር ፕሬዝዳንት ልጅ ዳንኤል ጆቴ መስፍን፤ የአርበኞች የልጅ ልጆች፣ በተገኙበት ርክክብ ተደርጓል።

ጋሻውን ለማስመለስ ከአንድ ዓመት በላይ የፈጀ ጥረት ተደርጓል።ከአንድ ዓመት በፊት ቅርሱ በእንግሊዝ ለጨረታ ቀርቦ የነበረ ቢሆንም በተደረገው ጥረት ጨረታው እንዲነሳ ተደርጓል።ልዑል ኤርሜያስ ሣህለ ሥላሴ ኃይለ ሥላሴና በኢትዮጵያ ንጉሳዊ በጎ አድራጎት ባለአደራ ድርጅት ወደ ኢትዮጵያ መመለሱ ተገልጿል።

Via EPA
@Tikfahethiopia

ቶሎ ጀምሩት👇👇👇

https://t.me/PAWSOG_bot/PAWS?startapp=PjbLEz3J

ኤርትራ የአየር ክልሏን ዘጋች

ኤርትራ የኢትዮጵያ አየር መንገድ በኤርትራ የአየር ክልል ውስጥ እንዳይበር መከልከሏን የኤርትራ ሚዲያዎች ዘግበዋል።

የኤርትራ ሲቪል አቬሽን የኢትዮጵያ አየር አየር መንገድ የተጓዦችን ሻንጣ ጥሎብናል በሚል ክስ መስርቻለሁ ማለቱን ተከትሎ የኢትዮጵያ አየር መንገድ ወደ አስመራ በረራ ማቆሙ ይታወሳል።

@Tikfahethiopia

ዜናዎች

1፤ ጠቅላይ ሚንስትር ዐቢይ፣ ነገ የሕዝብ ተወካዮች ምክር ቤት አባላት ለሚያቀርቡላቸው ጥያቄዎች በአካል ቀርበው ምላሽና ማብራሪያ ይሰጣሉ። ጠቅላይ ሚንስትሩ ማብራሪያ የሚሰጡት፣ ፕሬዝዳንት ታዬ አጽቀሥላሴ ባለፈው ወር መጨረሻ በሕዝብ ተወካዮች ምክር ቤተና በፌዴሬሽን ምክር ቤት የጋራ የዓመቱ የሥራ መክፈቻ ስብሰባ ላይ ባቀረቡት የመንግሥት ዕቅድ ዙሪያ ይኾናል፡፡

2፤ የሱማሌላንድ ፕሬዝዳንት ሙሴ ቢሂ፣ ሶማሊላንድ ከየትኛውም ወገን ተቃውሞና ጫና ቢደርስባት ከኢትዮጵያ ጋር የተፈራረመችውን የባሕር በር የመግባቢያ ስምምነት ተግባራዊ ከማድረግ ወደ ኋላ እንደማትል ለቢቢሲ ሱማሌኛ ተናግረዋል። ፕሬዝዳንት ቢሂ፣ በሶማሌላንድና ግብጽ መካከል በተፈጠረው ውዝግብ ግብጽ እንድትገባበት መደረጉን ጠቅሰው፣ የሱማሊያው ፕሬዝዳንት ሶማሌላንድ ራሷን የቻለች አገር መኾኗን ከተቀበሉ ንግግር ማድረግ እንደሚቻል ጠቁመዋል። ፕሬዝዳንቱ፣ የሱማሊያና ግብጽ ወታደራዊ ስምምነት የሶማሌላንድን የሉዓላዊ አገርነት ሂደት ለማስቆም ያለመ ነው በማለት ከሰዋል። ባንድ ወር ውስጥ ተግባራዊ ይኾናል የተባለው የመግባቢያ ስምምነት እስካሁን ተግባራዊ ላለመኾኑ፣ የሱማሊያ ተቃውሞ አስተዋጽኦ እንደሌለውም ፕሬዝዳንቱ ተናግረዋል።

3፤ በደቡብ ኢትዮጵያ ክልል ወላይታ ዞን ካዎ ኮይሻ ወረዳ በሁለት ቀበሌዎች በተከሰተ የመሬት መንሸራተት አደጋ የሰባት ሰዎች ሕይወት ማለፉን የዞኑ አስተዳደር አስታውቋል። በአደጋው ከሞቱት መካከል አምስቱ ሴቶች እንደኾኑ የጠቀሰው የዞኑ አስተዳደር፣ አንድ ወንድና አንዲት ሴት ደሞ ከባድ የመቁሰል አደጋ ደርሶባቸዋል ብሏል። በኹለቱ ቀበሌዎች የመሬት መንሸራተት አደጋ የተከሰተው፣ ባካባቢው ከባድ ዝናብ መጣሉን ተከትሎ እንደኾነ ተነግሯል። በደቡብ ኢትዮጵያ ክልል በጎፋ ዞን እና ሌሎች አከባቢዎች ባለፈው ዓመት ክረምት የብዙዎችን ሕይወት የቀጠፉ ከባድ የመሬት መንሸራተት አደጋዎች እንደደረሱ አይዘነጋም።

4፤ የአዲስ አበባ እስልምና ጉዳዮች ከፍተኛ ምክር ቤት፣ በከተማዋ በአለባበሳቸው የተነሳ ከአራት ኹለተኛ ደረጃ ትምህርት ቤቶች የታገዱ ሙስሊም ተማሪዎች ባስቸኳይ ወደ ትምህርት ገበታቸው እንዲመለሱ ለከተማዋ ትምህርት ቢሮ በጻፈው ደብዳቤ ጠይቋል። ምክር ቤቱ ካለፉት ኹለት ሳምንታት ወዲህ ባንዳንድ ትምህር ቤቶች ሙስሊም ሴት ተማሪዎች "በአለባበሳቸው" እና "በእምነታቸው" ላይ ያነጣጠረ “ጫና እና እንግልት” እየደረሰባቸው ይገኛል ብሏል። የከተማዋ ትምህርት ቢሮ ያወጣው የተማሪዎች የዲስፕሊን መመሪያ የሙስሊም ተማሪዎችን አለባበስ እንዳልወሰነ የጠቀሰው ምክር ቤቱ፣ የአንዳንድ ትምህርት ቤቶች አመራሮች በሙስሊም ተማሪዎች ላይ የጣሉት እገዳ ግን "ሕዝበ ሙስሊሙን እና መንግሥትን ለማጋጨት" የሚደረግ ጥረት ነው በማለት ኮንኗል።

5፤ የአማራ ክልል የኅብረተሰብ ጤና ኢንስቲትዩት፣ በ80 ወረዳዎች የወባ በሽታ መከሰቱን ለፋና ብሮድካስት ተናግሯል። በሽታው በተለይ በጎጃም፣ ጎንደር፣ ዋግኽምራና ሰሜን ወሎ ዞኖች በ40 ወረዳዎች በከፍተኛ ደረጃ እንደተስፋፋ ኢንስቲትዩቱ መግለጡን ዘገባው አመልክቷል። በሽታው በከፍተኛ ደረጃ በተስፋፋባቸው ወረዳዎች በሳምንት ከ70 ሺሕ በላይ የወባ ታማሚዎች ሪፖርት ለኢንስቲትዩቱ እንደሚደርስ ተገልጣል። የወባ በሽታ በተለያዩ የአገሪቱ ክፍሎች በከፍተኛ ደረጃ ለማንሠራራቱ ከሚጠቀሱ ምክንያቶች መካከል፣ በሽታውን አስተላላፊዋ የወባ ትንኝ መድሃኒቶችን የመቋቋም አቅም ማዳበሯ፣ በሽታው በሕክምና ምርመራ በቀላሉ የሚገኝበት እድል እየጠበበ መሄዱና ግጭቶች በመድሃኒትና በወባ ትንኝ መከላከያ አጎበሮች ሥርጭት ላይ እክል መፍጠራቸው ይጠቀሳሉ።

6፤ የኤርትራው ፕሬዝዳንት ኢሳያስ አፈወርቂ፣ ስለ ሱዳኑ ጦርነት የፈጥኖ ደራሹን ኃይል አዛዥ ጀኔራል ሞሐመድ ደጋሎን ጠይቀው አጥጋቢ ምላሽ እንዳላገኙ ሰሞኑን ከሱዳናዊያን ጋዜጠኞች ጋር ባደረጉት ቃለ ምልልስ ላይ ተናግረዋል። ኢሳያስ፣ የሱዳን ጦር ሠራዊት ድል ማድረግ ለሱዳን ቀጣይነት የጀርባ አጥንት እንደሆነ ተናግረዋል ተብሏል። የውጭ ተጽዕኖዎች ዋናው ማዕከል ዳርፉር መኾኑን የገለጡት ፕሬዝዳንት ኢሳያስ፣ ሱዳናዊያን እገራቸውን ሊበታትኑ ካቆበቆቡ የውጭ ተጽዕኖዎች መላቀቅ እንዳለባቸው መክረዋል። ፕሬዝዳንቱ፣ የተባበሩት መንግሥታት ድርጅት ኤርትራ ውስጥ ለሱዳናዊያን ስደተኞች መጠለያዎችን ለማቋቋም ጠይቋቸው እንደነበር ጠቅሰው፣ ኾኖም ሱዳናዊያን ስደተኞች ኤርትራ ውስጥ በነጻነት መኖር እንደሚችሉ በመግለጽ ጥያቄውን ሳይቀበሉት እንደቀሩ ተናግረዋል።
[ዋዜማ]

@Tikfahethiopia

ጣና ሊደርቅ ይችላል⁉️

የጣና ሀይቅ ሙሉ ለሙሉ በሚባል ደረጃ የመድረቅ እድል ከፊቱ እንደተጋረጠት ተነገረ  ፡ ፡

የእንቦጭ አረም በጣና ሀይቅ በባህርዳር በኩል እየተስፋፋ ስለመምጣቱ ተነግሮል

ከ 3ሚሊዮን በላይ የሚሆኑ ዜጎች የእለት ጉርሳቸውም የተመሰረተው በጣና ሃይቅ ዙሪያ እነደሆነ ጥናቶች ያመላክታሉ ። 


በ2004 ዓ.ም   እምቦጭ የሚባል መጤ አረም የጣና ሀይቅን ለመጀመሪያ ጊዚ መውረሩ የታወቀበት ነበር

በወቅቱ ይህንን መጤ አረም ለማስወገድ ጥረት ቢደረግም   እምቦጭ ከመጥፋት ይልቅ ከጊዜ ወደ ጊዜ እየሰፋ የሀይቁን መግቢያ በሮች ጥቅጥቅ አድርጎ በመዝጋት  በተለይ በሃይቁ ሰሜንና ሰሜን ምስራቅ አቅጣጫ የሚገኙት የፎገራ፣ ሊቦከምከም፣ ጎንደር ዙሪያና ደምቢያ ወረዳዎች ላይ ከፍተኛ ጉዳት ማድረሱ ይነገራል ..

የፌደራሉ መንግሥትም ለጉዳዩ ትኩረት በመስጠት የአረሙ ማስወገጃ ማሽን ለመግዛት 300 ሚሊዮን ብር መመደቡን ጠቅላይ ሚንስትር ዐብይ አህመድ በአንድ ወቅት  ለህዝብ ተወካዮች ምክር ቤት ባደረጉት ንግግር መግለጻቸው አይዘነጋም።

ከቅርብ ጊዚያት ወዲህ ግን በጣና ሀይቅ በባህርዳር በኩል ያለው ከቁጥጥር ውጭ እየሆነ እደሚገኝ  ተነግሯል ።

በዚህም የጣና ሀይቅ ሙሉ ለሙሉ በሚባል ደረጃ የመድረቅ እድል ከፊቱ እንደተጋረጠት ተነግሮል ፡ ፡

በጉዳዮ ላይ ማብራሪያ እንዲሰጡን የጣና ሀይቅ እና  ሌሎች የውሀ አካላት ጥበቃ ማልማት ኤጀንሲ የመጤ እና ተስፋፊ ዝርያ  ክትትል እና ቁጥጥር  ተወካይ ዳይሬክተር የሆኑትን አቶ መዝገቡ ዳኛው  አናግረናቸዉ የሚከተለዉን ብለዉናል

"የእምቦጭ አረሙ ከጣና ሃይቅ  በመስፋፋት ወደ  አባይ ወንዝ እየሄደ  እነደሆነ  እና ይህም ለታላቁ የኢትዮጲያ ህዳሴ ግድብ ህልውና አስቸጋሪ ያድረግዋል ነዉ ያሉት "

በተጨማሪም አቶ መዝገቡ ሲናገሩ
"የአረሙ ሁኔታ አስጊ በመሆኑ በዚህ ከቀጠለ ከጥቂት ጊዜ በኋላ የባህርዳር ነዋሪዎች ሐይቁን ለማየት እድል አይኖራቸውም" ብለዉናል ፡፡

የፌደራል ባለድርሻ አካላት መቀዛቀዝ እንዲሁም የክልሉ መንግስት በቂ ትኩረት አለመስጠት ሌላኛው ችግር እንደሆነ እና ሁሉም አካል ጣናን የማዳን  ርብርብ ውስጥ ተሳታፊ መሆን ይገባዋል ሲሉ አቶ  መዝገቡ አሳስበዋል ፡፡

በመጨረሻም አረሙ በአሁኑ ሰዓት ከምስራቅ ወደ ምዕራብ በመስፋፋት ወደ ቁንዝላ፣ ዘጌና ባሕርዳር እየተስፋፋ ስለሆነ በስፋት ትኩረት ሊሰጠው እንደሚገባ ተነግሮል ፡

Via አንኳር መረጃ

@Tikfahethiopia

#ተጠንቀቁ

ቴሌግራም inbox ላይ ከማንም ቢሆን ምስሉ ላይ ያለውን አምሳያ ሊንክ ከተላከላቹህ በፍፁም አትንኩ ‼️

ይህን መሰል ሊንኮችን ከነካቹህ የቴሌግራም አካውንታችሁን ታጣላቹህ። አካውንታችሁን ስታጡ ብዙ ፋይሎችን አንድ ላይ ታጣላቹህ። ከዚህም በላይ የቴሌግራም አካውንታቹህ በቫይረሱ ምክንያት ከቁጥጥራቹህ ውጭ በመሆን ለሁሉም contact መሰል ቫይረስ እናንተ እንደላካቹህ አድርጎ በመላክ የናንተ ሰዎች አካውንት አደጋ ላይ እንዲወድቅ ይዳርጋል።

ይህን መሰል ሊንክ ከማንም ቢላክላቹህ ከፍታቹህ ወደ ውስጥ አትግቡ‼️

@Tikfahethiopia

የይቅርታና ምኅረት ቦርድ 257 ታራሚዎች በይቅርታ እንዲወጡ የውሳኔ ሐሳብ መስጠቱን አስታወቀ፡፡

በፍትሕ ሚኒስቴር የይቅርታና ምኅረት ቦርድ ጽሕፈት ቤት ኃላፊ ተወካይ ዐቃቤ ሕግ ወይኒ ገብረሚካኤል በሰጡት ማብራሪያ÷ ከይቅርታና አመክሮ አፈፃፀም ጋር በተያያዘና የይቅርታ ቦርዱ የውሳኔ ሐሳብ የመስጠትና የማፀደቅ ሥራን አስመልክተው የተከናወኑ ተግባራትን አብራርተዋል፡፡

በሰጡት ማብራሪያም ቦርዱ ከፌዴራል ማረሚያ ቤት ኮሚሽን እና ከክልል ፍትሕ ቢሮዎች ወይም ጠቅላይ ዐቃቤ ሕጎች የቀረቡ የይቅርታ ጥያቄ የውሳኔ ሐሳብ የተሰጠባቸውን 402 የፌዴራል ታራሚዎች የይቅርታ ጥያቄ መመርመሩን ገልጸዋል፡፡

ከምርመራው በኋላም 257 ታራሚዎች በይቅርታ እንዲወጡ የውሳኔ ሐሳብ በማሳለፍ በኢፌዴሪ ፕሬዚዳንት ፀድቆ ተፈፃሚ ሆኗል ማለታቸውን የፍትሕ ሚኒስቴር መረጃ አመላክቷል፡፡

እንዲሁም ቦርዱ የ89 ታራሚዎች የይቅርታ ጥያቄ ውድቅ ማድረጉን እና 51 ታራሚዎች ደግሞ በቦርዱ ትዕዛዝ የተሰጠባቸው መሆኑን ጠቅሰዋል፡

@Tikfahethiopia

❗️በመርካቶ ሸማ ተራ የደረሰውን የእሳት አደጋ መንስኤ የሚያጣራ የፎረንሲክ ምርመራ ቡድን ስራ ጀምሯል!

✍️ የስርቆት ወንጀል የፈፀሙ 33 ተጠርጣሪዎች ተይዘዋል፣

✍️ በአደጋው በ7 ሰዎች ቀላል፤ በ2 ሰዎች ላይ ከባድ ጉዳት ደርሷል፣
              
ጥቅምት 11 ቀን 2017 ዓም ምሽት በአዲስ ከተማ ክፍለ ከተማ ሸማ ተራ ነባር የገበያ ማዕከልና በአካባቢው በአጋጠመ የእሳት አደጋ በንብረት ላይ ጉዳት መድረሱን የአዲስ አበባ ፖሊስ አስታውቋል።የአደጋውን መንስኤ የሚያጣራ የፎረንሲክ ምርመራ ቡድን በማቀናጀት ምርመራ መጀመሩን ፖሊስ አስታውቋል።

አደጋውን እንደ ምቹ ሁኔታ በመጠቀም የስርቆት ወንጀል የፈፀሙ 33 ተጠርጣሪዎችን ይዞ ምርመራ እያጣራና ከአደጋው ጋር በተያያዘ በ7 ሰዎች ቀላል በ2 ሰዎች ላይ ደግሞ ከባድ ጉዳት መድረሱን ፖሊስ አስታውቋል፡፡አደጋውን ለመከለከል የፀጥታ ተቋማትና የአካባቢው ህብረተሰብ ላደረገው ድጋፍ የአዲስ አበባ ፖሊስ አመስግኗል።

@Tikfahethiopia

#Update

ምሽት 1 ሰዓት አካባቢ በመርካቶ ሸማ ተራ የተነሳውን እሳት እስካሁን ድረስ በቁጥጥር ስር ማዋል አልተቻለም።

ርብርቡ ግን እንደቀጠለ መሆኑ ተሰምቷል።

የአዲስ አበባ እሣትና አደጋ ስጋት ስራ አመራር ኮሚሽን ኮሚሽነር ፍሬ ግዛው ምን አሉ ?

- የእሳት አደጋው የተከሰተው 1 ሰዓት ገደማ ነው።

- እሳት መነሳቱን በሰማን ጊዜ አብዛኛዎቹ የእሳት ማጥፊያ መኪናዎች ርብርብ እንዲያደርጉ አሰማርተናል።

- መኪናዎች በወቅቱ ነበር የደረሱት፤ ከደረሱ በኃላ የእሳቱ ባህሪና ሁኔታ ሲታይ ለሌሎች አጋዥ አካላት ፦
° አየር መንገድ
° ፌዴራል ፖሊስ
° ሌሎች ከተማ ውስጥ ያሉ ውሃ አቅራቢ ተቋማት በሙሉ እንዲረባረቡ ተደርጎ እሳቱን ለማጥፋት ጥረት እያደረግን ነው።

- ቦታው በጣም አስቸጋሪ ነው።

- በሁሉም አቅጣጫ በኩል መኪና ገብቶ እሳቱን ለማጥፋት በጣም ፈትኖናል። በተለይ በዙሪያ የሚቀመጡ እቃዎች ቶሎ ተገብቶ የእሳቱን መሰረት እንዳይመታ አድርጓል።

- አካባቢው በቆርቆሮ የተያያዘ ነው። መንገዱ በጣም ጠባብ ነው። ገብተን ለማጥፋት ተቸግረናል።

- በአጋጣሚ ባለሱቆች፣ ነጋዴዎች ዘግተው ወጥተው ነበር። የቆሙ መኪኖችንም ለማስነሳት ችግር ሆኖብን ነበር።

- አሁን ላይ ከቅድሙ እየተሻሻለ ነው። የመቀነስ እና የመጥፋት አዝማሚያ አለው። በተለይ ከዚህ እንዳይሰፋ ወደታች ከወረደ በጣም ሰፊ ቦታ ነው ያለው ቆርቆሮ በቆርቆሮ እሱ ጋር እንዳይደርስ ከበን ለመያዝ ሞክረናል።

- አጋዦች ከመጡ በኃላ እሳቱ ባህሪው እንዳይሰፋ ተሞክሯል። አሁንም ህብረተሰቡ አግዞን ለማጥፋት እየሞከርን ነው። እናጠፋዋለን ብለን እናምናለን።

    @Tikfahethiopia

መርካቶ ሸማ ተራ ህንፃ ጀርባ ከፍተኛ እሳት አደጋ ተከስቷል
@Tikfahethiopia

❗️#ሰበር

የእስራኤል መንግስት የሃማስ አለቃ ያህያ ሲንዋር መሞታቸውን አረጋግጫለው አለ!

የሳራኤሊ የውጭ ጉዳይ ሚኒስትር እስራኤል ካትዝ የሀማስ መሪ ያህያ ሲንዋር በእስራኤል ወታደራዊ ሃይሎች መገደላቸውን ተናግረዋል።

እስራኤል ቀደም ሲል በጥቅምት 7 በሃማስ የተፈፀመውን የሽብር ጥቃት በማቀነባበር ሲንዋርንበመወንጀል የእስራኤል መንግስት በጋዛ ሰርጥ አጸፋዊ ጥቃት ሰነዝራ ነበር::

በጋዛ ስትሪፕ ውስጥ የሃማስ መሪ የነበረው እስማኤል    ሃኒዬህ  በነሀሴ ወር ላይ በኢራን መገደሉን ተከትሎ ያህያ ሲንዋር መረከባቸው ይታወሳል::

@Tikfahethiopia

#Alert🚨

ከደቂቃዎች በፊት በአዲስ አበባ የተለያዩ አካባቢዎች የመሬት መንቀጥቀጥ ንዘረት እንደሰሙ ነዋሪዎች ለቲክቫህ ኢትዮጵያ ጠቁመዋል።

" በተለይም ፎቅ ላይ በደንብ ይታወቅ ነበር " ብለዋል።

ይህ የመሬት መንቀጥቀጥ ንዝረት በቀናት ውስጥ ለሶስተኛ ጊዜ ነው።

ሰሞኑን በአዋሽ ፈንታሌ አካባቢ የመሬት መንቀጥቀጥ እየተከሰተ መሆኑ ይታወቃል።

ይህም የመሬት መንቀጥቀጥ ንዝረቱ አዲስ አበባ እና ሌሎች ከተሞች ድረስ እየተሰማ ነው።

@tikfahethiopia

ባሕር_ዳር

የተወዳጇ ድምፃዊት አምሳል ምትኬ የባህል ምሽት ቤት እና የምግብ አዳራሽ ትናንት ጥቅምት 5/2017 ዓ.ም ከምሽቱ 12:30 አካባቢ በተነሳ የእሳት ቃጠሎ መውደሙ ተሰምቷል።

የባሕር ዳር ነዋሪ እሳቱን ለመቆጣጠር ያደረገው ርብርብ ጥሩ ነበር። ሆኖም የእሳቱ ሁኔታ ከባድ ስለነበር ንብረት ላይ ጉዳት ማድረሱን እና በሰው ላይ እስካሁን ጉዳት አለማድረሱን ሰምተናል።

@Tikfahethiopia

❗️የፐርፐዝ ብላክ ዋና ሥራ አስፈጻሚ ፍስሐ እሽቱን (ዶ/ር) ጨምሮ 10 ግለሰቦች በማታለል ሙስና ወንጀል ተከሰሱ

#Ethiopia  | የፍትሕ ሚኒስቴር የሙስና ጉዳዮች ዳይሬክቶሬት ዐቃቤ ሕግ የፐርTዝ ብላክ ኢቲኤች ትሬዲንግ አ.ማ የቦርድ አባልና ዋና ሥራ አስፈጻሚ ፍስሐ እሽቱን (ዶ/ር) ጨምሮ በ10 ግለሰቦች እና ሁለት ድርጅቶች ላይ ክስ መስርቷል።

ክሱ የተመሰረተው በፌደራል ከፍተኛ ፍርድ ቤት ልደታ ምድብ 3ኛ የሙስና ጉዳዮች ወንጀል ችሎት ነው።

ተከሳሾቹ 1ኛ የፐርTዝ ብላክ ኢቲኤች ትሬዲንግ አ.ማ የቦርድ አባልና ዋና ስራ አስፈጻሚ ፍስሐ እሽቱ (ዶ/ር)፣2ኛ የተቋሙ ም/ስራ አስፈጻሚ ኤርሚያስ ብርሃኑ (ዶ/ር)፣ 3ኛ የተቋሙ ቺፍ  ኦፕሬሽን ኦፊሰር እና የቦርድ አባል ወ/ሮ ኤፍራታን ነጋሽን ጨምሮ በአጠቃላይ 10 ግለሰቦች እንዲሁም ፐርፐዝ ብላክ ኢቲኤች ትሬዲንግ እና ኖትር ዲዛይን ሃ/የተ/የግ/ማህበር ናቸው፡፡

ተከሳሾቹ በአዲስ አበባ ከተማ መሃል ሜክሲኮ ላይ በ100 ካሬ ሜትር ይዞታ ላይ  ባለ 3 መኝታ ቤት መኖሪያ ቤት  በ 1 ነጥብ 5 ሚሊየን ብር የሚሸጥ መሆኑን በሚዲያ በማስተዋወቅ ሰዎች ቤት ለመግዛት ሲሄዱ "መጀመሪያ ገንዘቡን አስገቡና ውሉን ትመለከታላችሁ "በማለት ከሌሎች ግብረዓበሮቻቸው ጋር በመሆን አሳሳች ቃላቶችን በመጠቀም፣ ሰዎች ገንዘቡን ካስገቡ በኋላ ደግሞ የአክሲዮን ግዢ ውል እንዲፈርሙ በማድረግ ምንም አይነት የግንባታ ቦታ ባልተረከቡበት ሁኔታ 2 ቢሊየን 234 ሚሊየን 200 ሺህ ብር በመሰብሰብ፣ ቤቱን ሰርተው ሳያስረክቡ በመቅረት እንዲሁም ግማሹን ገንዘብ ወደ ውጭ እንዲሸሽ በማድረግ፣ ኮሚሽን በመቀበልና በማታለል  ወንጀል ተጠርጥረው  በአዲስ አበባ ፖሊስ በኩል በጊዜ ቀጠሮ መዝገብ የምርመራ ማጣሪያ ሥራ ሲከናወን እንደነበር መዘገባችን ይታወሳል።

በዚህ መልኩ ፖሊስ  ሲያከናውነው የቆየው የምርመራ ማጣሪያ ሥራ መጠናቀቁን ተከትሎ በዛሬው ዕለት ዐቃቤ ሕግ ተደራራቢ ዝርዝር ክሶችን  በየደረጃቸው  አቅርቦባቸዋል።

ከቀረቡ ክሶች መካከል በአንደኛው ክስ ላይ ከ1ኛ-9ኛ ባሉ ተከሳሾች ላይ እንደተመላከተው፤ በኢፌዲሪ የወጣውን የወንጀል ሕግ አንቀጽ 32(1) (ሀ) እና (ለ)  እንዲሁም  የሙስና ወንጀሎችን ለመደንገግ አዋጅ ቁጥር 881/2007 አንቀጽ 32 (2) ላይ የተመላከተውን ድንጋጌ መተላለፍ የሚል ክስ ይገኝበታል።

እንደ አጠቃላይ በቀረበው ተደራራቢ ክስ ዝርዝር ችሎት ለቀረቡ 4 ተከሳሾች ዝርዝሩ እንዲደርሳቸው የተደረገ ሲሆን ÷የተከሳሾቹ ጠበቆች በደንበኞቻቸው ላይ የቀረበውን ክስ ዝርዝር ተመልክተው ዋስትና ላይ ክርክር ለማድረግ ተለዋጭ ቀጠሮ እንዲሰጣቸው ጠይቀዋል፡፡

ፍርድ ቤቱም ዋስትና ላይ የሚደረገውን የግራ ቀኝ ክርክር ለመከታተል ለፊታችን ሰኞ ጥቅምት 11 ቀን 2017 ዓ.ም ተዋጭ ቀጠሮ በመስጠት ችሎት ያልቀረቡ ተከሳሾችን ፖሊስ በአድራሻቸው አፈላልጎ እንዲያቀርብ ትዕዛዝ ሰጥቷል፡፡

በታሪክ አዱኛ

Via Fidel
Via Addis news

@Tikfahethiopia

ሰሞኑን ተጠናክሮ በቀጠለዉ የአማራ ክልሉ ዉጊያ የፌደራሉ መንግስት ተደጋጋሚ የድሮን ጥቃት እንደከፈተ ተነግሮል ፡፡

በተለይ በጎጃም አካባቢ ተከታታይ ድብደባዎች መደረጋቸዉን አዲስ ነገር ከአካባቢዉ ያገኘችዉ መረጃ ያመለክታል ፡፡

@Tikfahethiopia

ወልዲያ‼️

በአማራ ክልል ሰሜን ወሎ ዞን ወልዲያ ከተማ የተኩስ ድምፅ እየተሰማ መሆኑን ነዋሪዎቹ ገልፀዋል።

ተኩሱ ከወልዲያ ወደ ቃሊም አቅጣጫ ሲሆን የመድፍ ተኩስ ጭምር እየሰማን ነው ብለዋል። (Ayu)


@Tikfahethiopia

መረጃ‼️


በአማራ ክልል እየተደረገ ያለዉ ዉጊያ በሁለቱ ተፋላሚ ሀይሎች መካከል እንደቀጠለ ነዉ ፡፡

መከላከያ ሰራዊቱ ሰሞኑን እያደረግሁት ነዉ ባለዉ ዘመቻ ድል እየተቀናጀሁ ነዉ ሲል በፋኖ ሀይሎች በኩል በጀመርንዉ ወታደራዊ ዘመቻ አዳዲስ ቦታዎችን ለመያዝ ችለናል ሲሉ ይገልፃሉ ፡፡

በዛሬው እለት በሰሜን ጎጃም ዞን ሜጫ ገርጭጭ አካባቢ የፋኖ ሀይሎች ወደ ከተማዉ  ለመግባት ተኩስ መክፈታቸዉን የአካባቢዉ ነዋሪዎች ገልፀዋል ፡፡

የመከላከያ ሰራዊቱ በበኩል አካባቢዉን ሊቆጣጠሩ የመጡት የፋኖ ሀይሎች አባላትን ደምስሻለሁ ሲል ገልፆል ፡፡

ሰሞኑን የፋኖ ሀይሎች በርካታ ቁጥር ያለዉ ማርከናቸዋል ያሎቸዉንየመከላከያ ሰራዊት አባላት  ወታደሮች በተንቀሳቃሽ ምስል አስደግፈዉ ሲያቀርቡ ተስተዉሏል፡፡

በክልሉ በተጀመረዉ የሁለቱ ሀይሎች ፍልሚያ የክልሉን ህዝብ ለበርካታ ሰበአዊ እና ኢኮኖሚያዊ ጉዳት እየዳረገ እንደሚገኝ ይገለፃል ፡፡

@Tikfahethiopia

አስፈሪ የተፈጥሮ ክስተት

ሚልተን የተሰኘው አውሎ ነፋስ በፍሎሪዳ ታምፓ አካባቢ 15 ጫማ የሚደረስ ማዕበል ሊያመጣ እንደሚችል የሀገር ውስጥ መገናኛ ብዙሃን ዘግበዋል።

እ.ኤ.አ በ 2022 በፎርት ማየርስ ከተማ ተከስቶ ከነበረው ኢያን አውሎ ነፋስ በበለጠ አደገኛ እንደሆነ የሚያሳይ ቪዲዮ ተሰራጭቷል። ሀገሪቱ የተፈጥሮን አደጋ ለመቋቋም ዝግጅት ላይ ነች።

@Tikfahethiopia

❗️40 በመቶ የአዲስአበባ ከተማ ክፍል ፈራሽ ነዉ ተባለ

40 በመቶ የአዲስአበባ ክፍል ፈራሽ መሆኑን መሠረት ሚዲያ ዘግቧል። የዜና ምንጩ ፈረሳዉ በሁለተኛዉ ምዕራፍ የአዲስአበባ የኮሪደር ልማት መስመሮች የተነሳ ነዉ ብሏል።

የኮሪደር ልማቱን ለመከወን ከ 110 ቢሊዮን ብር በላይ ይጠይቃል መባሉንም ዳጉ ጆርናል ከዘገባዉ ሰምቷል። በመጀመሪያዉ ዙር የኮሪደር ልማት ቀደምት የአዲስአበባ ሰፈሮች መፍረሳቸዉ ይታወቃል።

በአጠቃላይ በሁለተኛው ምዕራፍ የኮሪደር ልማት 2817 ሄክታር የቦታ ስፋት ሲኖረው 132 ኪሎሜትር ርዝመትን እንደሚሸፍን ዳጉ ጆርናል መዘገቡ አይዘነጋም።

#dagu Journal from Meseret media

@Tikfahethiopia

❗️መረጃ

ምንጃር...!

በዛሬው ዕለት በምንጃር ሸንኮር ለረጅም ሰዓታት የፈጀ ውጊያ ሲደረግ መዋሉን ከአካባቢው የተገኘው መረጃ ያመለክታል ። የፋኖ ሀይል ወደ #ባልጪ ከተማ መግባቱም ተነግሯል።

ምንጃር አረርቲ ከተማም የትላንትናው ውጊያ ዛሬም እንደቀጠለ ስለመሆኑ የተገኘው መረጃ ያመለክታል ።

via gion

@Tikfahethiopia

❗️▪ደንበጫ..!

ከ3 ቀን ውጊያ ሲካሄድባት የነበረችው የደንበጫ ከተማ የተኩስ ድምፅ ባይሰማም ምንም ዓይነት እንቅስቃሴ በከተማዋ ውስጥ እንንደማይታይ አንድ የአይን እማኝ ገልጠውልናል፡፡
 
▪ፈረስ ቤት...!

ከትናንት ጀምሮ እስከዛሬ ጠዋት ድረስ በምዕራብ ጎጃም ዞን ፈረስ ቤት ከተማና በዙሪያው ጦርነቶች እንደነበሩና ዛሬ ረፋድ ላይ ተኩሱ በተወሰነ ደረጃ መቀነሱን አንድ ነዋሪ ቀን ቀትር ላይ ነግረውናል፡፡“ከሁለት ሰዓት ጀምሮ ከባድ ውጊያ ነበርና አመሻሽ ላይ በረድ ብሏል፡፡” ብለዋል፡፡

ትናንትና ወደ ገጠሩ አካባቢ ሙሉ ቀን ጦርነት እንደነበር የጠቀሱት አስተያየት ሰጪው፣ በተለይ “አቅላት” በሚባል አካባቢ ውጊያ እንደነበርና ዛሬ ደግሞ በከተማው ዙሪያ፣ በተለይም “ሻንጊ” በተባለ ቦታ ላይ ከባድ ውጊያ ቀትሎ ማርፈዱን ገልጠዋል፡፡ “ ነዋሪው ነፍስ ግቢ፣ ነፍስ ውጪ ላይ ነው ሲሉ ነው አክለዋል፡፡

ሌላ የአካባቢው ነዋሪ በበኩላቸው ጦርነቱ በሁለቱ ኃይሎች መካከል የተጀመረው ከመስከረም 21/2017 ጀምሮ መሆኑን አመልክተው፣ አሁንም በአራቱም አቅጣጫ ውጊያ መኖሩን ዛሬ ቀትር ላይ ተናግረዋል፡፡

ከመስከረም 21/2017 ዓ ም ጀምሮ በክር አቦ ፈረስ ውሀ ላይ ውጊያዎች እንደነበሩ ተናግረዋል። ዛሬ ደግሞ በከተማዋ ዙሪያ ጦርነቱ ቀጥሎ መዋሉን ገልጠዋል፡፡

▪አማኑኤል...!

በምስራቅ ጎጃም ዞን የአማኑኤል ከተማ ነዋሪም ከዛሬ ጠዋት ጀምሮ በከተማዋና አካባቢው ጦርነት መቀጠሉን አስረድተዋል፡፡ከጠዋቱ 12 ሰዓት ጀምሮ በከተማዋና ዙሪያዋ ከባድ ውጊያ መቀስቀሱን አስረድተዋል፣ ትናንትናም ከከተማ ወጣ ብሎ ውጊያ እንደነበር እኚሁ አስተያየት ሰጪ አመልክተዋል፡፡

ካለፈው ሳምንት ጀምሮ በአማራ ክልል በተለይም በጎጃም ቀጠናዎች በፋኖ ታጣቂዎችና በመንግስት የፀጥታ ኃይሎች መካከል ውጊያ ሲካሄድ ሰንብቷል።

በተለይ ባለፈው አርብና ቅዳሜ በምዕራብ ጎጃም ዞን ደንበጫና ጂጋ በተባሉ ከተሞች ከባድ ውጊያ እንደነበር ነዋሪዎች ለዶይቼ ቬሌ ገልጠዋል፡፡አንድ የደንበጫ ከተማ ነዋሪ ዛሬ ለዶቼ ቬሌ እንዳሉት ዛሬ በከተማዋና አካባቢው የተኩስ ድምፅ ባይሰማም፣ በከተማዋ ምንም ዓይነት እንቅስቃሴ እንደሌለ ነው ያስረዱት፡፡

የመንግስት ኃይሎች በከተማዋ እንደሚታዩ አስተያየት ሰጪው ተናግረዋል፡፡አንድ የጂጋ ከተማ ነዋሪ በበኩላቸው በሳምንቱ መጨረሻ አካባቢ በጅጋና “ሆድ አንሺ” በተባሉ አካባቢዎች ውጊያዎች እንደነበሩ አስታውሰው አሁን የተኩስ ድምፅ አይሰማም ብለዋል፣ በጂጋ ከተማ የፋኖ ታጣቂዎች እንደሚታዩም አብራርተዋል፡፡

Via Gion and Germany Voice

@Tikfahethiopia   

በአዋሽ ፈንታሌ የተከሰተው የመሬት መንቀጥቀጥ የተወሰኑ ቤቶችን ማፍረሱን ሰመራ ዩኒቨርሲቲ አስታወቀ

በአዋሽ ፈንታሌ እና አካባቢው ትናንት ምሽት የተከሰተው የመሬት መንቀጥቀጥ የተወሰኑ መኖሪያ ቤቶችን ማፍረሱን ሰመራ ዩኒቨርሲቲ ባወጣው መረጃው አመልክቷል። በመሬት መንቀጥቀጡ መሬት መሰንጠቁንም ዩኒቨርቲው ዛሬ ሰኞ ማለዳ አስታውቋል።

በፈንታሌ ተራራ ላይ ተከስቶ ንዝረቱ አዲስ አበባ ከተማ ድረስ የተሰማው የመሬት መንቀጥቀጥ፣ ከሁለት ሳምንታት በላይ በተለያየ አጋጣሚ መከሰቱን ባለሞያዎቹ ገልፀዋል። ትናንት መስከረም 26/2017 ምሽት 2፡10 ገደማ የተከሰተው በሬክተር ስኬል 4 ነጥብ 9 የተመዘገበበት ነበር።

ከሰሞኑ የሚስተዋለው የመሬት መንቀጥቀጥ በአዋሽ ፈንታሌ እና አካባቢው ከፍተኛ ሥጋት ፈጥሯል ያለው ዩኒቨርሲቲው፣ አደጋው በተከሰተበት ሳቡሬ ቀበሌ ተገኝቶ መረጃ የመሰብሰብ እና ለማህበረሰቡ ጥንቃቄ የግንዛቤ ማስጨበጥ ሥራ መሥራቱንም ገልጿል።

የዩኒቨርሲቲው ጂኦሎጂስቶች ነዋሪዎች ከፈንታሌ ኮረብታማ ቦታ እና ከከሰም ግድብ ርቀው እንዲቆዩ ማሳሰቢያ ሰጥተዋል።

እሑድ ምሽት የተከሰተውና በአዲስ አበባ በነዋሪዎች ላይ መደናገጥ የፈጠረው የመሬት መንቀጥጠጥ ለ18 ሴኮንድ የቆየ እንደነበረ ባለሞያዎች ተናግረዋል።
via_atc

@Tikfahethiopia

❗️#Update ማብራሪያ ከዶክተር ኤልያስ ሌዊ

" እዚህ አዲስ አበባ የተከሰተ የመሬት መንቀጥቀጥ የለም፤ ሞገዱ በመሬት ውስጥ ተጉዞ መጥቶ ነው ፤ አዋሽ አካባቢ ነው የተከሰተው በሬክተር ስኬል 4.9 ነው " - ዶክተር ኤልያስ ሌዊ

በአዲስ አበባ ዩኒቨርሲቲ የጂኦ ፊዚክስና ስፔስ ሳይንስ ዳይሬክተር ዶክተር ኤልያስ ሌዊ ለብሔራዊ ቴሌቪዥን በሰጡት ቃል ምን አሉ ?

" እስካሁን ባለው መረጃ እዚህ የመሬት መንቀጥቀጡ እዚህ አዲስ አባባ የተከሰተ ሳይሆን አዋሽ አካባቢ የተከሰተ ነው።

ግን በመሬት ውስጥ አልፎ እዚህ አዲስ አበባ ውስጥ ልዩ ልዩ ቦታዎች ተሰምቷል።

ይሄን ግልጽ ማድረግ እንፈልጋለን እዚህ አዲስ አበባ የተከሰተ አይደለም። ግን በመሬት ውስጥ ተጉዞ መጥቶ እዚህ ያሉ ህንጻዎችን አንቀጥቅጧል።

በሪክተር ስኬል 4.9 ነው ያገኘነው። ይሄም ከፈንታሌ የሚባል ተራራ አለ ወደ መተሃራ አካባቢ ነው የተከሰተው። እስካሁን ያለው መረጃ ይሄ ነው።

ሰውም ይረጋጋ እዚህ አዲስ አበባ የተከሰተ የመሬት መንቀጥቀጥ ሳይሆን ከሩቅ የተከሰተ የመሬት መንቀጥቀጥ ሞገዱ በመሬት ውስጥ ተጉዞ መጥቶ በተለይ እዚህ ሰሜን እና ሰሜን ምስራቅ ያሉ የአዲስ አበባ ነዋሪዎች በጣም ተረብሸዋል። ልክ ነው ከዛም ሊሰማ ይችላል።

በሬክተር ስኬል 4.9 ነው ይሄ ነው ያለው መረጃ።

ተጨማሪ መረጃ እንዳገኘን በግልጽ እንነግራለን። " ብለዋል።

ዛሬ ምሽት በአዲስ አበባ በነበረው የመሬት መንቀጥቀጥ ንዝረት ምክንያት በተለይ የጋራ መኖሪያ ቤቶች የሚኖሩ ነዋሪዎች ህንጻቸው ሲንቀጠቀጥ እንደነበር ገልጸውልናል። በዚህ ምክንያት ከቤታቸው ወጥተው መሬት ላይ ወርደው ተሰባስበዋል።

@Tikfahethiopia