ذوقي:-

@thoke121

وين ما تلگه حزن تلگاني بي ،،🌿

ذوقي:- (Arabic)

ذوقي:- هو قناة تيليجرام مميزة تهدف إلى نشر الإيجابية والتفاؤل في حياة المشتركين. بفضل المحتوى الملهم والمثير للتفكير الذي يتم نشره بانتظام على القناة، يمكن للأشخاص العثور على الدعم والتحفيز اللازمين لتحقيق أهدافهم وتحقيق أحلامهم. اسم القناة "ذوقي:-" يشير إلى الهدف من وراءها، وهو تعزيز الذوق الحياة والاهتمام بالجوانب الإيجابية منها. كلما تلقيت رسالة من HAZINA-BIA مع الايموجي 🌿، يمكنك أن تكون متأكدًا من أنها ستقدم لك لمحة مشرقة ومحفزة ليومك. إذا كنت بحاجة إلى بعض الإلهام أو الدعم، فلا تتردد في الانضمام إلى القناة والاستفادة من المحتوى القيم الذي يقدمه. تعال وانضم إلى مجتمع ذوقي:- الإيجابي وابدأ في صياغة حياة أفضل لنفسك!

ذوقي:-

11 Jan, 17:41

وانه مو يوميه اعلمك هاي نار وهذا ماي

895

ذوقي:-

10 Jan, 20:17

تمر بيه ضوه بيا حد
حد الجزر حد المد
حد الما وصل للحد
يامجره الشمس گلي ضواك شگد

‎ذياب گزاز

1,481

ذوقي:-

09 Jan, 19:48

غلطة
وصرحت بالچان مضموم
وعلى كلمة أحبك
حيل ندَمان
لو ما كايل أحسن
موقفي بخير
أقل شي جنة
اني وياك صدقان
هسه بـ بين گلبي وكلبك
جروح
وسفة وما جمعني وياك
عنوان
لا أكَدر أكمل عشرتي وياك
ولا اكدر ارد وضعي
كما كان

1,834

ذوقي:-

08 Jan, 14:11

نَدم ع ماعَرف گدري
نَدم ع القَدَّست عذرة،
ورفَض عذري .

2,311

ذوقي:-

07 Jan, 19:22

شايل صوركم شيل المتاع
يتعورن ما احطهن بگاع

2,758

ذوقي:-

05 Jan, 20:42

انام الصبح خاف يفكر الليل
نمت بكيفه لمن هوه اجاني

3,318

ذوقي:-

04 Jan, 16:32

وكـيفت
طگن ايامي
وخضـرن وركـات بعروگ السنين
أوگلت نشت الماي بيدي!
ولـَِن گطعت الخيط بيه
ولولحـت گلبي الحزين.

كاظم الكاطع

4,096

ذوقي:-

04 Jan, 08:11

كتبنا اعله الجرف اسمائنا بعود
وحفظها الروج ذمة برگبة الطين

وخلينا النوارس عالحجي شهود
ودفنّا اسرارنا بفيّ البساتين

سمير صبيح

4,046

ذوقي:-

03 Jan, 08:03

بعيوني شفت الورد من طبروه
بالفاس
من عيوني گمت استحي
والناس ما تستحي
گمت استحي من الناس

3,976

ذوقي:-

02 Jan, 15:28

الوكت باگ التراچي وردني عالخيط

4,197

ذوقي:-

01 Jan, 14:44

هذا أني راچعَ من چديد لوَحدي
لا أهل
لا صحبان
لا خل عنِدي

أني اليلم هدومة ويسَد الباب
واني اليحّني ألضعن واني ليحدي

شهالمعركة ؟ العايشها وحدي بلا وين
محِد وياي وماكو واحدَ ضدي

المن اكابّر ؟ واني ساعة بتابوت
واكف وگتهَا شما تحاوٰل تبدي

حسَبالي بس اولها والفركة تهِون
ثاري الاذية الصدك من تعّدي

بقمة صعوبتهن ايامي وسهلات
لو لاكي چف يعين اديه بسدي

سهلات لو ما كايللهم مشتاگ
وفوك الورقَ قبل الحبر متبدي

كل هالصِدف والهوسة وملاكة الناس
والفوضوية واني عايش وحدي

4,473

ذوقي:-

01 Jan, 14:43

ما استاهل تخليني وتروح
انه استاهل تموت اعله مودي

3,697

ذوقي:-

01 Jan, 10:53

ساس الغلط كله المحنه
ياهو اليجي نگله من اهلنه
منا وهيج نفتش الگلوب
ونشوف ياهو اليرهمنه

مخلد أسعد

3,803

ذوقي:-

01 Jan, 08:23

شگلك
يابعد عيني
وانت اقربلي من رمشي
حتى من انعزل عالناس
بوكت بي كاره الدنيا
چنت وياك احب امشي

4,099

ذوقي:-

31 Dec, 14:16

اچبير حيل وما يهمني الاهتمام
ومن تجي راس السنه بالسته انام

4,093

ذوقي:-

30 Dec, 15:02

عفتني هواي،
تسحكني وتذمني شبيك..
هو الطين لين ليش..
غير لخاطر الحفاي..

حسين المطوري

4,376

ذوقي:-

30 Dec, 08:16

لا ترجع رجوعك ماله داعي
شفت منك وجع عيشني باحساس
اليخيطون جرحه وهوه واعي

4,333

ذوقي:-

30 Dec, 08:10

ياحيرة ال شلبس واجيلك

4,117

ذوقي:-

28 Dec, 23:10

گبال عيني
تردد بأبيات غيري
وأرجع وچفي يشگ صدر القصايد
واكفر بكلشي أنكتبلك
شني عود أبيات غيري تجيس گلبك؟
انه اغار

علي عبد القادر

4,531

ذوقي:-

27 Dec, 22:15

احبك يابو فاضل موقف وروح
احب بيك الجروح الترفض تهيد
احب ايدك بلحظة شمرت الماي
واحس لوحات صبرك بيها تجريد
احب وكفة ضميرك والسهم جاي
احب هذا التزامك بالمواعيد
عشت كل عمري اشوفك عالنهر شاب
هوه انت ابو فاضل يامواليد؟
اشوفك عالنهر بس انت عطشان
رمضان امنياتك والنهر عيد
يالمطلع قيم من فكره الماي
كأنك بالمواقف كاعد اتصيد
من الماي استشفينه الوفة البيك
ومن بعدك عرفنه الماي شيفيد
على حافر جوادك يصعد الروح
يتشلبك جربتك مدري شيريد
وتمد ايدك عطف لكن عطش لا لا
لا انت ابو فاضل ابن اجاويد
الك لو لشمس ذاك الهوه الحار
منو بيكم بجرحه احرورته تزيد
ادخل باسمك احتار اطلع منين
طرق ممشى امنياتك بيها تعقيد
الله يابو فاضل وانت مجروح
جنت واكف بطولك عالنهر حيد
لهسه الماي من انجيب طاريك
تتبرد اجروفه وروجته تبيد
سرايه اتجر سرايه تموت جواك
اثاري الموت ياعباس تعويد
احب ثنية ركبتك وانت عالماي
من كلك شربنه وكتله مااريد
احبك وانت بالطف ماردت خال
احبك وانت تشطب عالتقاليد
احب ثلثينك الطلعن عالحسين
واحس بخوتك عباس تجديد
احبك يابو فاضل احبك يابو فاضل
احبك يابو فاضل حب معانات
مثل حب المنابر للرواديد

ايهاب المالكي

4,637

ذوقي:-

27 Dec, 22:10

إنه سنيني ضَاعن مادرِت بال
جَاي تلومني مضيَع هَدية

3,288

ذوقي:-

27 Dec, 14:03

لاتبجين دمِعچ والگُحل غَالي .
خلي خَدودچ مِوردات فشَله يذبلن گبالي

3,711

ذوقي:-

26 Dec, 16:07

ما ادري شذكرني بيك بنص حرب
وانته دربك وين وانه بيا درب
ريحة البارود شتذكرني بيك
شجاب ريح المسچ وي ريح العطب
عفتك بصف گلبي مو حاقد عليك
حتى اذا يرموني ما تنضرب
كون ميلوحنك الچيلات غير
عادي سهلات اليطبن بالكلب
ما يهز رمشي الرمي ولا احطله بال
سهلة حيل المعركة وانته الصعب
انه اموتن من تلاگيني ببرود
وحنظل الموت انه اشربنه شرب
جارع الما ينجرع وانه ابن ابوي
ليش من تعوفني اتمرض واذل
جيب سيف ودجني واگف ما اميل
تالي عمري وشيبي بفراگ انكتل
عوفني بساحة حرب وبلا عتاد
بس احلفك لاتحطني بلايه خل
صح المخبل ولاينساله شي
وانه واحد بالعشك كلش خبل
العاشك اليسمع دوي وصوت انفجار
چنه سامع من ولف رنة حجل
اليوكع بنص معركة يشيلونه جيش
اليوگع بحب نعمة اذا يسمعلة حل

ليث ماجد

4,291

ذوقي:-

26 Dec, 11:49

گلت هسا تكلي وينك
هاي ما حاسبها جيه
وخفنه بس شلون خفنه
اني خفت ارمش گبالك
وانت خفت يضيع من وكتك عليه

حسين الباحث

3,417

ذوقي:-

24 Nov, 17:41

بلا ترتيب اجيتك والمواعيد
تحتاج الاناقه وعالاقل قاط
اجيتك لابس احزاني القديمات
وألف ضحكه إعله جرحي المنلچم حاط

لـ حامد الشمري

797

ذوقي:-

23 Nov, 21:02

اجـاني اليـل مو وكـته
انه متانـي تجـينـي انـتَ

1,452

ذوقي:-

23 Nov, 20:20

يـمّر بيه الندم واقره الرسايل
حرامات الك بيهن هيج گايل

1,442

ذوقي:-

23 Nov, 19:15

تشك بيه
وانه الماي لو اشربه اشيرك
اجتافي للعباس ما عندي غيرك

1,632

ذوقي:-

23 Nov, 18:13

ليش منتظرك تجيني
وانه اعرفك دمع فرحة
وما تمر فد يوم عيني

1,757

ذوقي:-

23 Nov, 17:58

انه الگعدة بغرفتي تكلف هواي
لان باكيت راح يجرله باكيت

احمد جبار

1,651

ذوقي:-

23 Nov, 17:10

انه المنطيك كلب ابيض
عليش تخلي أصبعي من الندم ينعض
عليش تخلي حجيي الما حجيته وياك
يم الغربة يتفضفض

1,733

ذوقي:-

23 Nov, 16:11

ويا ناس شكثر يغلط
ويعرف وين يلچمني
وكلش گام يتماده
واكثر شغلة اذتني
من كالولي كاطعها
شمسويتله الكلادة

همام سالم

1,713

ذوقي:-

23 Nov, 14:55

هذا انه
الخسر كلشي
واصل مرحلة من الخوف
ادگ بسمار بفراشي
اخاف يعوفني ويمشي

2,736

ذوقي:-

23 Nov, 14:08

شاعر مو نجم راضي والدنيا حظوظ
بس فشله من اصيرن نجم مو شاعر

1,796

ذوقي:-

22 Nov, 13:05

انه لمن عفتهم عندي الأسباب
شفت اچتاف عدواني نظيفات
وعاينت اعله أديهم كلهن اتراب

احمد الصبيحاوي

2,094

ذوقي:-

22 Nov, 11:31

وهسا حاير
وانتي عندي شرايد اطلب بالصلاة

ليث ماجد

2,107

ذوقي:-

21 Nov, 18:59

ظلت بنفسي الأحبك منك اسمعها واموت.

2,314

ذوقي:-

21 Nov, 18:28

الليله گلبي ينام دافي
و تندفن ويا حرارة چيله
الدم ينبع من سراديب الضلوح
و يرسم جروحي على الفانيله
و طير من الضلوع يطير و تلحگه السهام
و قيس يخسر ليله

الكاطع

2,399

ذوقي:-

21 Nov, 17:39

گالوا الليلة مطر
حضرت لشگوگ البگلبي لمطرتك !

مظفر النواب

2,339

ذوقي:-

21 Nov, 09:44

تهت والمستحة بروحي
أدور وين ما بيه بگايا إرماد
وأتوسد على جروحي
وأفزع چلمة التنگال
توگفلي بوجه نوحي
وأداري الآه هلبت
من عيون الناس أداريني
وألاگيني وحيدة هم
وأختل بيني وبيني
شنو ذنبي
وحرمني الضيم عشريني ؟
شنو ذنبي
وحرمني المسج والحنة
وعلى جروحي يتچيني ؟
أعيش إلمن ؟
وأموت بـ ليش !
آنه أصلاً ضمير الناس موتني ميحييني
آنه بلا ظفيرة وشوگ تشعل ظلمة سنيني
آنه بلاية غير الـ هم
يوميلي ويواسيني
وتهت ما بيني وبيني
اتوچة اعله طاري الشوگ
من أتعب واسليني
وأشهگني نفس محتاج
مامش رية تشريني
وأتخايل الجنة بعين
خنگت كل ضحك بيه
وأتوچه اعله آهي النوب
بلكي تعيني شوية...

وجدان النقيب

2,517

ذوقي:-

21 Nov, 01:40

وصعبة اعله النشيط ،، السهلة من بلواي

محسن الخياط

2,419

ذوقي:-

21 Nov, 00:15

صلف وينام جفنك من يزعلني
انه الما هزني شي
بـَس امي بالكاروك
ولا ادري بفراگك يگدر يهزني

2,407

ذوقي:-

20 Nov, 23:00

عطشتني بماي حبك
أمطر .. أمطر
خاف ربك

مظفر ألنواب

2,650

ذوقي:-

20 Nov, 21:57

إنته منشار إيتمرجح عالضلوع
بروحتك وبـجيتك إتأذيني

عصام كريم

2,731

ذوقي:-

19 Nov, 14:31

سلاح الفقير البجي وغير البجي شعنده

711

ذوقي:-

19 Nov, 12:45

انته لو انطيك روحي تعوفها وتنساها بيه
وانه چنت احتفظ بغلاف الهديه

887

ذوقي:-

19 Nov, 10:40

گبال عيونك عيوني ولا ترمش جفن تمثال

1,140

ذوقي:-

19 Nov, 09:40

وهسا اعله كيفك جاي تمشي ومرتاح
غير اليطفي النار لازم يركض
شليت حالي وكتلي الله يعوض

سعد شميل

1,211

ذوقي:-

19 Nov, 08:27

صرت أتحكم بروحي
وصار الشوگ مثل الصوت يتنصه

محمد الوسمي

1,224

ذوقي:-

18 Nov, 18:36

يتعبي
ويافرحتي
ويا حلم عمري
لو ما تدري احبك چا طبيعي تروح
بس المشكلة تدري

سجاد شطب

1,575

ذوقي:-

18 Nov, 18:08

من اشوفك كلبي يرفس بالضلوع
جا طلع بس كضته الدشداشة

حسن علي الشويلي

1,657

ذوقي:-

18 Nov, 14:40

مدري ليش
بهندسك خلص ضواي
اتوسلك تشعلني طيفك
ومدري ليش عيوني سولتها برفيفك

مصطفى الاشتراني

1,735

ذوقي:-

18 Nov, 06:20

عاذرك تغتاض بس من غير شارة
وشارتك هالبينت ودخيل جدك

عريان السيد خلف

1,950

ذوقي:-

15 Nov, 20:59

وحشة الروح شوحشها
الضيم ثيله بروحي ، تعله
اشما احشها

2,691

ذوقي:-

12 Nov, 21:47

رموشك طيور مسطرة اعله الغصن

3,725

ذوقي:-

12 Nov, 08:07

بس يفلان احذر حوبة النهران من تعطش

4,220

ذوقي:-

11 Nov, 23:02

چنت مو بس حبيبك
امد ايدي اعله جيبك

فاضل حسن

4,340

ذوقي:-

10 Nov, 20:59

هاي هيه
وبعد ميفيد العتاب
هاي غلطة ومنها راح اخذ درس
ابابي نصبوا جادر وهوسة ومصاب
وانته زفة ببابك وهوسة وعرس
لا تقنعني بعذر عن الغياب
لغير ديرة تروح إذا تغيب الشمس

علي فتاح

4,674

ذوقي:-

10 Nov, 19:32

عيد ميلادي هدوء بلا اشموع
استغربت فرحان لو جاي اندفن
خلو بچفي الهدية
ومن فتحت العلبة سديت الجفن
شفت صورة لوالدي من چان شاب
ونزل نگاط الدمع لاح المتن
انگلبت الفرحة ابوكتها
الفاتحة وكلها تون
غطو الكيكة بعباية
وضمو الجكليت من گد الحزن
الحرگة متروح بجگارة
تبقة لو دخن غصن
هذا حضي
روحي لو خليها گمرة
ادوس فوگاها السفن
السفر ماجربته مرة
توني جاي انوي ارد اسافر
عبرت الصفنه محطات ومدن

عباس طالب

4,262

ذوقي:-

10 Nov, 14:58

انته وعيونك زغرت بعيني

3,912

ذوقي:-

10 Nov, 12:40

وين احط غيرك إذا غيرك لگيت
بكل مكان بروحي ماخذلك مكان

4,070

ذوقي:-

10 Nov, 07:11

تتوالف وي الدرب وترابك ترابي

4,225

ذوقي:-

09 Nov, 07:20

انت اكبر من احب واحد وراك

4,948

ذوقي:-

08 Nov, 17:06

ذوقي:- pinned «آلي يستاهل الدعم ندعمه بكل ما نملك وهذا الشاعر يستاهل كل الدعم ربي يوفقه ان شاء الله ❤️ https://www.instagram.com/reel/DCHQqVwoyeP/?igsh=MTlnYXU0NDB5bTR4eA==»

ذوقي:-

08 Nov, 15:01

آلي يستاهل الدعم ندعمه بكل ما نملك وهذا الشاعر يستاهل كل الدعم ربي يوفقه ان شاء الله ❤️

https://www.instagram.com/reel/DCHQqVwoyeP/?igsh=MTlnYXU0NDB5bTR4eA==

5,175

ذوقي:-

08 Nov, 11:15

مو مال اظل الوحدي
بَس هم مجبور
والعتب مو على المُطر
اعتب على الحَظ
المفروض هسة
بهالمطر اني وياك
نركُض سوية
ونلعب ونتمرض

3,899

ذوقي:-

07 Nov, 11:35

تضحك اعليه اعله روحك
تحطلي وردة وي الرسالة
وبالرسالة تحطلي من هذا الحجي الما ينحمل
والله لو ما دازها مسوي فضل

مرتضى مطشر

3,948

ذوقي:-

07 Nov, 09:11

گبال المرايه خفت لمن شفت شعري
وعضيت إصبعي بقهر عالراح من عمري
شبسرعة نام التعب بخدودي ما ادري

الكاطع

3,951

ذوقي:-

07 Nov, 07:55

المگبرة الگالو عليها مفرگه ناس
ركزت بيها وشفتها تلم شمل

علي ابو الهيل

3,891

ذوقي:-

07 Nov, 07:02

چنه نرسمها الشوارب خاطر يبين الكبر
وهسا ما نعرف نوگفه يركض اركاض العمر

سيف جواد

3,997

ذوقي:-

05 Nov, 15:17

شفت أيام صعبة ايام مُرّة
وأي واحد بعد ميهمني أخسرة .

4,547

ذوقي:-

05 Nov, 15:08

من رحت ولهسه اني
انتچي على اسمك واگوم
بلايه وجهك يومي مايتسمه يوم

4,376

ذوقي:-

03 Nov, 14:11

انه انغشيت بيك وجان عندي اسباب
عيونك هاي مو مالت بشر جذاب

5,154

ذوقي:-

02 Nov, 22:20

تجي نسافر ؟
جوة زخات المطر
لـ ابعد مَكان

وايدي بايدك واعترفلك
الشوارع والمُدن كلها تَخوف
وانته وعيونك آمان

5,125

ذوقي:-

02 Nov, 16:45

منين اجتك هالقساوة بالحلم كلش حنين

4,307

ذوقي:-

02 Nov, 16:42

وين هسة؟ وچمِ حَزن
حَزنَك تعَده
وچدمَك ليا ديرَة حَده؟
انه گتلك يا
غَريبَ الدنيا مِن تاخذ
بنادَم ماترَده .

4,352

ذوقي:-

01 Nov, 17:17

بس احس بيها مطر
جوه الاغيوم اطلع
چي كتلي تطلع حلو من راسك منگع
بلكت عيونك تحن من ينغسل راسي
وتشوف شكلي حلو وتكول خل نرجع

ليث ماجد

4,635

ذوقي:-

01 Nov, 14:02

الله ياخذ حگي منك هاي سهلة
وتدري كلش زين بيه
خلگي مو شعرك واطولة

فضاء حبيب

4,300

ذوقي:-

01 Nov, 12:55

عود غيرك يرهم العيني ضوه
وهيه آخر ضحكه الها
من علينا الدنيا مطرت
واحنه نتمشى سوه

ادهم علي

3,555

ذوقي:-

01 Nov, 12:01

بيه خوفه من الشته الما بي حبيبه
والبرد ذلني بگفاچ
شلون وكت المطر صفحة افتح جديدة
وانه ما فاتحلي شمسيه وراچ

رسول محسن

3,409

ذوقي:-

01 Nov, 11:52

وهاي شكم سنة
وما گادر اتخطى
وانه تمنيت
بس تطيح من بالي
نفس ما طحت من عدهن
الچاننلك گبل
لو جيت
وحدة فراش
وحدة أغطى

3,141

ذوقي:-

31 Oct, 16:08

ذوقي:- pinned «اجو بعدك لگو بيه الصبح ليل العليه اصفنو شافوك بصفنتي ردوا گالو الحب هيج لو لا حتى بحبك محلل خبزتي حسين العميدي»

ذوقي:-

31 Oct, 16:08

غابة طفاها المطر ما طفه گلبي

محمد قحطان

3,138

ذوقي:-

31 Oct, 12:20

اجو بعدك لگو بيه الصبح ليل
العليه اصفنو شافوك بصفنتي
ردوا گالو الحب هيج لو لا
حتى بحبك محلل خبزتي

حسين العميدي

2,435

ذوقي:-

31 Oct, 07:23

سوال ؟
وأخذ بالرد المساحة
شنو هذا التناقض وبصراحة
بعيونك براءة نظرة اطفال
وبنفس الوكت بيهن وكاحة

2,568

ذوقي:-

31 Oct, 07:13

الصبح تمطر وكل الكاتبة يروح
بس فهموني احبها شلون اگلها

2,485

ذوقي:-

29 Oct, 10:04

على ياساس؟ ابنج كاعد يناغي
وحبيبج ينكطع نسله
على ياساس؟ نص دينج كمل بعدي
وحبيبج ضيع القبله
وعلى ياساس عشتي بسرعه وتربين
واني الحاسبج طفله
ولو سامع ال ماريدك من لسانج
اتخطى واضن سهله
ولو راجع جنازه لبيتنه وممدود
ولا راجع بهل فشله
ولو شالع فصوص العين بجفوفي
ولا شايف ضحكتج ذيج بالحفله
مو تدرين اغار عليج من روحي
على ياساس بيده يلملم الكذله

2,995

ذوقي:-

28 Oct, 09:54

اسف حبيبي
ولا تخاف من الليل
لم القصايد يمك وسد البوب
واكعد الوحدك وابجي حدما ترتاح
بالظلمة ما يرتاح بس المتعوب

احمد عاشور

3,438

ذوقي:-

27 Oct, 15:25

انه لو ما رايدك ما أعاتبك
الماخذك ما يسوه رفعة حاجبك

عصام كريم

3,652

ذوقي:-

27 Oct, 15:10

المشكلة بالبشر ،،،
ستر الله عالشيطان

3,575

ذوقي:-

27 Oct, 15:09

تشوف ابساطنه التعبان بالصيف
هوه الندفه بي بالبرد الازرك

3,585

ذوقي:-

27 Oct, 15:01

اخذ خيرة يصدمني الحچي المو زين
ما أبدلك ابدل الياخذ الخيرة

3,318

ذوقي:-

24 Oct, 20:59

علي عمآد

هنا يمن صم ذهب هديتني من ايدك
لو يستقر النفس جا كلت ماريدك

موسم خضاري بده
توه بده ونشفت مواعيدك

من تسمع تعودت عــ الفركه هز ايدك
شتريد اكلك كضت
وكلادة صغت العمر وتعلك بجيدك

اركض وانا المختنك
نسمات الم الهوى واعزل بالتفيدك

شفتك بصحرة ورد وتحزمتلك صبح
لميت كل الندة اليكسر تقاليدك

جا من شفتني طحت جا كلت مافيدك

انثر دموعي شذر
ودوسهن من تمر
واضحكلك بــ عيني
هو انة حتى الضحك بعدك يبجيني

شيطلع من ايدك هني
تكتلتني تحييني
لنارك ردتني حطب
كيفت ما صدكت

معقولة مهتم صدك وتريد تجويني

معقولة عندي جفن
هم حالي حال الدمع
لو زعل يجفيني

غيرك شتل ما شفت
يتشاهد بكل جرف ويخضر بطيني

رحال اتيه النجم وانت التدليني

وياك اضيع العمر بسكون تلكيني

يالشارد من الكلب
نبضة وخذاها العشك
فرها بشراييني

يابو اللكاط الصدك
مر خل اهزلك عمر
واكطفلك سنيني

مر يالعفت كلشي مر
بلكي الهوى من تمر ما يعثر بريتي

873

ذوقي:-

24 Oct, 20:28

تعال النا الأعذار هواي
طگنه العوز وانته فلوس

1,038

ذوقي:-

23 Oct, 15:02

مو قصيدة ( بكلمة أبچي )
كلمة چنت تگولها ويحچيها واحد
والله أضل ما أعرف أحچي

_ محمد كريم

1,555

ذوقي:-

22 Oct, 21:28

تگلي اهواك
ما ابدل بشر بيك
وتالي الگاك تعشگ غير اوادم
شسولفلك على السويته وياي
ما سواه فرج بأولاد هاشم

1,837

ذوقي:-

22 Oct, 21:24

حتى بزعلنه وياك ضلينه صحبان
تعبرنه واحنه نكول ما منتبه جان

1,853

ذوقي:-

22 Oct, 17:26

طبعج
مثل خدج هم حلو ولين
وتنحبين مثل اسوالف الشياب
الحديث العدهم احنين
جنتي ابالي من سألوني عن شيبي وكلت هين
جل الخالقج سواج ماي وجام
من فوگ الجلد وعروگج تبين

1,917

ذوقي:-

22 Oct, 16:37

لفه شالك
زلفك اتبده اعله خدك
هوود وخليني احضنك
حضني تفصال اعله گدك
لاتصدلي بذيل عينك
اوگع بشهگات ظني وظني ظنك
يالرجت وچفوفي لساه ماحونك
ضملي بزلوفك مچان
تحت فَيي اذنك گمر حافي مشاك
اشتهت روحيي تچوچي حدر زلفك
تغمس ملوحة ضواگ
وتسكر بچاي الشتا ورصعة شفاك
منين ماجيت اشتهيك ووين مارحت اعتنيك
وامنيتي اعله خدك انچفي زواگه
وتماشيني عمر بس شوف
وارسم موعد بـلٓا ايد بلكت بيه نتلاگه
ونتلاگه
وضوه الفانوس مشراگه
واطفي اخر جكاره من الهوه المتعوب
واحط عمري خفت مرطوب متوضي
وافييلك شجر اذار كله وياكبر حظي

الخ،،،،،،

ههـذا النص من كدما احبه اغار عليه من النشر
استمتع

1,857

ذوقي:-

22 Oct, 11:51

أخَلي ايدي
اعله گلبي هواي مرات
مو يوجعَني بس افگد مكانَچ

1,966

ذوقي:-

21 Oct, 20:35

بردت الدنيا وطبگ سن اعله سن
بلكي من تبرد علي گلبك يحن

بلكت بليل الشته يحركك حنين
وتنتهي من الشوگ حد ما تندفن

عمي ذكره وعابره اتذكرني عاد
ما أريدك تبچي وتنوح وتون

گول عشنه شجم سنه ولمانه شوك
هذا حب جامعنه مو ذكره بسجن

الذكريات الكبره لا تذكرها عود
عادي ذكره زغيره كد حب الدخن

ليث ماجد

2,293

ذوقي:-

21 Oct, 18:25

صح گلنالك انجافيك بس حجاية ما عدنه

اوس النواب

2,290

ذوقي:-

21 Oct, 17:26

أجيتك معتذر
رغم الخلافات
كلت أزرع خضار
بسّد صفارك
أجيتك حَطب
ناذر روحة للنار
وانت تفكر برد أعتبارك !

2,279

ذوقي:-

21 Oct, 17:05

إني مشتاگلك بس المَن أحجي ؟
چبير أهلي وصعب لو سمعوا أبچي .

2,145

ذوقي:-

21 Oct, 16:48

نفس هذا الوكت بس اول العام
اذكر هم شته وچنت اشتكيلك

محسن الموسوي

2,286

ذوقي:-

21 Oct, 16:03

والله ذلة ،،،
گاعد گبال التحبه وما تگله

2,329

ذوقي:-

21 Oct, 15:53

إذا ينجاب طاريك اصير بخير
چا شيصير إذا تنجاب

محمد العبدلي

2,228

ذوقي:-

18 Oct, 10:57

لا تهِدني
الوطن حيطانهَ بِعيدة
وما يلم الينتچي ..
انه من تغيب
يستفحل على عيوني البچي
يا حبيبي ،
شلون لو شِحت مكاتبيك؟عليه
الغيم ميودي حچي !

ياسر الأنصاري

3,442

ذوقي:-

17 Oct, 21:48

شاب معاق يصف حالته منذ ولادته لحد العشرين عام

من حضن امي.. كبل للكرسي اجيت
ما سمعت ال (فدوه لله) ويمشي كام

اتكسرن خطواتي واحساسي بصباي
الكاع صخره وجانت الخطوات جام

وسجلوني بصف الأول واستحيت
الروح احسها تفرفح من اسمع قياام

وابجي كل رفعة علم يوم الخميس
فشله اكعد..والعلم بالساحه كام

بالمرايا امنيتي اشوفن طولي يوم
سنين اباوع طولي بفراشي من انام

وأملوني..الباجر واصبر بقيت
وباجر أتأخر واجن عشرين عام

وكامت الأيام تمشي وما مشيت

وانه والكرسي عشت قصة غرام.

منو يرضه الطير مكسور الجناح
والسمه گبال ايده غصت بالحمام

ربي گعد حظي بلكي اكدر اكوم
ربي بس قطرة ضوه بحلگ الظلام

خطوة وحدة امنيتي امشي بأي طريق
حتى لو للمگبرة لوادي السلام

واحسد المشايه راحوا للحسين
وابچي عالحسين مدري اعله الجدام

الشاعر حسن الشيخ هادي

3,213

ذوقي:-

15 Oct, 13:36

ولو تعبان بس ايام وتعدي
الـ أمه بغُرفه الأنعاش
ماسَهران مثلي وخايف بگدي
چا ينسون ذيج ايامنه الحلوات؟
بأول زله من عندي
اوصلهم جنت لبيوتهم بليل
وارد لبيتنه لوحدي
ارجع من وكت ماجنت متعود
شسو بيه خلوني على طبت
بيتنه اتلفت ومتردد
مثل اليطب اول مره للتوقيف
حرت بروحي وين اكعد
وعكب ذيج المواقف كلها والونسه
عرکت بیت کوه اطلع کمت هسه
واحب اكعد لوحدي هواي
وليكعد لوحده هواي ما ينسه
ترا الكدامكم خاسر هواي اشياء
واخر شي خسر نفسه .

جاسم محمد