The Station - Baghdad

ادارة المشاريع مهارة أساسية لكل شخص يحتاج يتطور بادارة مشروعه او عمله؛ فهي تعتمد على التخطيط المحكم، التنظيم الجيد، والقدرة على اتخاذ القرارات الحاسمة في الأوقات الحرجة، وغيرها الكثيرة من المهارات

حتى تعرفها اكثر انضم ويانه بحلسة ‘إدارة المشاريع باحترافية’ واكتشف الأدوات والاستراتيجيات التي تساعدك على تحقيق أهدافك بذكاء وتنظيم. 💡📈

التاريخ: الاربعاء، 9 تشرين الأول
الوقت: 5:00 عصراً
سعر التذكرة: 15,000 دينار عراقي (تستمر لمدة يوم واحد)
الموقع: كرادة خارج- ساحة عقبة بن نافع - فرع فندق برج الحياة - مؤسسة المحطة

سواء كنت مبتدء أو صاحب خبرة، هذه الجلسة راح تمكنك من تطوير مهاراتك وتعرفك على هذا المجال، احجزوا مقاعدكم عن طريق الاستمارة👇🏻

https://shorturl.at/Tghvg

الكل محبي فن الكولاج✨

ندعوكم لجلسة مميزة ويه مينا أسعد، بعنوان “Golden Collage”

خلالها راح نتعمق بفن الكولاج ونتعلم مفهومه الأدوات والتقنيات اللي نستخدمها، ونتعرف على تاريخ هذا الفن وشلون بلش. بعدها راح نطبق وحدة من أقدم الطرق باستخدام الـ Gold Leaf حتى تحولون ويانة أفكاركم إلى لوحات فنية مستوحاة من أعمال الفنان الأسطوري Gustav Klimt

📅التاريخ السبت، 7 أيلول
🕒الوقت: 3:00 - 6:00 مساءً
💵السعر : 30,000 دينار عراقي

الموقع بغداد الكرادة خارج قرب ساحة عقبة بن نافع، فرع فندق برج الحياة

احجزوا مقاعدكم عن طريق الاستمارة💛 !

https://forms.gle/XwuPRTKGShk9rvcz6

هذه الورشة تنفذها المحطة ضمن انشطة مساحة الابداع creativeSpace#

#TheStation #collageart #collage #art #artist #gustavklimt
#goldencollage

دعوة عامة لحضور معرض حق الطفولة للتصوير الفوتوغرافي📸

ندعوكم لحضور المعرض الخاص بصور الطفولة وحقوقها، اللي تم تنظيمه بمناسبة #يوم_التصوير_العالمي الأثنين القادم حتى تستمتعون بمشاهدة مجموعة ملهمة من الصور اللي تجسد حقوق الأطفال وتعبر عن الطفولة من منظور مختلف تم التقاطها من خلال مصورين مبدعين مميزين✨

لا تفوتون فرصة حضور المعرض والاستمتاع بالفن المؤثر، وأيضاً حتى تتعرفون على أعمال المصورين المبدعين.

التاريخ🗓️ : الاثنين، 19 آب
الوقت⏱️: 4:00 العصر
الموقع📍: المحطة الكرادة خارج، قرب ساحة عقبة بن نافع، فرع فندق برج الحياة

الدعوة عامة ومجانية للجميع!

#TheStation #WorldPhotography Day #Exhibition #Childhood #ChildrenRights #ArtForChange #photographer
#photography

دعوة لكل المصورين ومحبي التصوير للمشاركة في معرض خاص بعنوان "حق الطفولة"📸

يقام هذا المعرض بمناسبة يوم التصوير العالمي، وراح يشمل عرض صوركم امام جمهور واسع من الفنانين والمهتمين، على ان تكون كل مشاركتكم ضمن إطار التعبير عن الطفولة وحقوق الطفل💛

بنهاية المعرض راح يتم اختيار افضل صورتين للفوز بجوائز مقدمة من شركة الوان بغداد 🎁

التاريخ : الاثنين، 19 اب
آخر موعد لتسليم الاعمال : الخميس، 15 اب

خلونا نشوف ابداعاتكم شاركوا عن طريق الاستمارة👇🏻

https://forms.gle/YuejKGwf84omAFRq5

#TheStation #photographer #photographyexhibition #photooftheday #childrenrights #childhood

شلون تخطط وتنفذ حملة تسويقية ناجحة؟
هذا اللي راح تعرفوا ويه المدربة هدى مزهر ضمن ورشة أساسيات التسويق!

تمتلك هدى خبرة تزيد عن 8 سنوات بالقطاع الخاص ومجال التسويق، عملت كمدير تطوير للمنتجات المصرفية في البنك الاهلي العراقي، بالإضافة لعملها بالقطاع المصرفي؛ فهي مدربة معتمدة في مجال التسويق على منصة تعليم أدفانس، و حاصلة على عدة شهادات معتمدة دولية ومحلية في مجال التسويق.

التاريخ: الثلاثاء، 6 آب (تستمر لمدة 3 اسابيع بواقع 6 محاضرات والمحاضرة الاولى مجانية)
الوقت: 5:00 عصراً
السعر: 100,000 دينار عراقي
تكدرون تسجلون عن طريق الأستمارة 👇🏻

https://shorturl.at/mjsAK

ابتكروا تطبيقكم الخاص باستخدام الـ Flutter ويه المدربة زهراء محمد! 📲

تمتلك زهراء خبرة بالمجال البرمجي وقدمت عدة دورات بجامعات ولدى معاهد مختلفة، و قدمت مجموعة من الورش التابعة ل GDSC و elnukhba لتطبيقات الموبايل.

خلالها راح تتعرفون على:
- اساسيات دارت و فلاتر
- هيكلية التطبيق المبني باستخدام flutter
- المكاتب والمواقع المساعدة
- التعامل مع البيانات خلال التطبيق
- ربط التطبيق api بجميع تفاصيله
- استخدام الانميشن في التطبيق بانواع مختلفة
مقدمة عن فايربيس
- بناء تطبيق موبايل يشمل جميع ماتعلمناه في المراحل السابقة

بنهاية الورشة كل شخص يكدر يبني تطبيقه الخاص📲

📅 التاريخ : الأربعاء، 17 تموز (تستمر لمدة 3 اسابيع بواقع 7 محاضرات)
🕙 الوقت: 10:00 صباحاً
💵سعر الاشتراك: 200,000 دينار عراقي

لا تفوتون فرصة صنع تطبيقكم الخاص وسجلوا عن طريق الاستمارة

https://forms.gle/a1x8p7mMpcRHr3o16

كم مرة قدمت Proposal وانرفض بدون ما تعرف ليش؟

بهذه الورشة نكدر نجاوبك؛ حتى تقدم Proposal ينقبل من اول مرة ويه المدربة آية المهدي!
تمتلك آية خبرة كبيرة بتقديم المقترحات وكتابة الـ Proposal بطريقة تنافسية، وتعمل كمحللة ومطورة بيانات في كابيتا .
خلال الورشة راح تتعرفون على أساسيات كتابة العرض من الصفر، مع تخصيص المنح بكل عرض، والاشياء اللي لازم تتجنبوها خلال كتابته، بالاضافة لانواع الـ Proposal حسب كل موضوع.

التاريخ: الإثنين، 24 حزيران (تستمر لمدة 4 ايام)
الوقت: 5:00 عصراً
السعر: 150,000 IQD

تكدرون تسجلون عن طريق الاستمارة

https://shorturl.at/cIVor

والدفع عن طريق زين كاش او مكتب استعلامات المحطة.

وصلنا وياكم لرحلتنا الاخيرة بمهرجان الافلام السينمائية الاوروبية✨

راح يتضمن اليوم الاخير عرض فيلمين؛ الاول بعنوان Ramona يتحدث عن رامونا اللي تلتقي بصديقها بالصدفة وبعدها تكتشف انه مخرج الفيلم اللي دتتنافس بي على دور البطولة! فشلون راح تتصرف؟ وشلون راح يأثر هذا الشي على علاقتهم؟

اما الفيلم الثاني بعنوان The naked truth about Zhigul تدور احداثه على منتج موسيقي يحاول يجمع فرقة روك سابقة يبلغ عمرها اكثر من 30 سنة حتى يقدمون حفلة موسيقية اخيرة؛ لكسب المال الكافي لتعليم ابنته، هل راح ينجح بهذا الشي؟ هذا اللي راح نعرفه سويه.

لاتفوتون متعة الرحلة السينمائية لاكتشاف الثقافات، الدعوة عامة ومجانية للجميع!

📌الموقع: كرادة خارج - ساحة عقبة بن نافع- فرع فندق برج الحياة - مؤسسة المحطة

منتظريكم باجر باليوم الثاني من مهرجان الافلام السينمائية الاوروبية!

راح يشمل اليوم عرض فيلم وثائقي حربي بعنوان Traind to see، اللي راح ينقللنا رحلة 3 صحفيات رائدات صنعوا التاريخ بكونهم اول من نقلوا اخبار من ساحة الحرب خلال الحرب العالمية الثانية!

يسبق جلسة نقاشية بعنوان Women in Cinema راح تناقش دور المرأة بالسينما من ناحية الاخراج والتمثيل والظروف والتحديات اللي تواجهها مع محاورة الجلسة فرح خيون - معلقة صوتية ومؤدية سرد قصصي مع ضيوفها:
- ريا عاصي: مديرة فنية ببغداد، عملت بالعديد من الأعمال المسرحية والتلفزيونية
- شهد الطائي: منتجة وصانعة أفلام وثائقية
- صبا كريم: تعمل كمشرفة نص (secrpit supervisor) لعدة أفلام روائية طويلة وقصيرة، و عملت ايضا ك cinematographer لثلاثة افلام وثائقية قصيرة.

لاتفوتون متعة الرحلة السينمائية لاكتشاف الثقافات، الدعوة عامة ومجانية للجميع!

📌الموقع: كرادة خارج - ساحة عقبة بن نافع- فرع فندق برج الحياة - مؤسسة المحطة

شنو الورش والتدريبات اللي حابين نوفرها بالفترة الجاية؟
كتبولنا بهذه الاستمارة 👇🏻

https://shorturl.at/obam3

#الرحلة_مكملة
الورشة المجانية الثالثة من اسبوع المحطة راح تكون مخصصة لتطوير واكتساب مهارة التفاوض؛ بعنوان “Develop your Negotiation Skill”

تستمر ليوم واحد بالتعاون مع المدربين نور سرمد - مساعد مطور منتجات في شركة Doinc والمقدمة آثار حكيم - خريجة هندسة طيران و مهتمة بالمجال الإبداعي وريادة الأعمال بشكل عام.

خلال الورشة راح تتعرفون على المهارات اللازمة للتفوق بالمفاوضات بحياتكم اليومية والمهنية، من خلال فهم التقنيات الخاصة بهذه المهارة عن طريق التركيز على التطبيقات العملية بسياقات مختلفة، مع تعلم الاستراتيجيات الخاصة بحل النزاعات وتحويلها لفرص اتفاقيات مهمة، وايضاً كيفية بناء علاقات إيجابية والحفاظ عليها أثناء وبعد المفاوضات مثل عروض العمل والصفقات التجارية والعلاقات الشخصية وغيرها الكثير، بالإضافة لممارسة مجموعة من التمارين اللي تعزز من كل هذه التقنيات.

التاريخ: الثلاثاء، 30 كانون الثاني
الوقت: 5:00 مساءً

تكدرون تسجلون مجاناً عن طريق هذه الاستمارة👇🏻

https://forms.gle/C4p7ZVKYubeiHJME6

تعالوا و اكتسبوا مهارة جديدة تعزز من قدراتكم خلال العمل.

#الرحلة_مكملة
الورشة المجانية الثانية من اسبوع المحطة راح تكون خاصة بمجال المبيعات بعنوان “Discover Sales Management Skills”📈

تستمر لمدة يومين بالتعاون مع المدرب محمد أمين - يعمل كمطور أعمال ومستشار تجاري ويمتلك خبرة اكثر من 5 سنوات في مجال ادارة وتطوير المشاريع الناشئة.
راح تتعلمون خلالها أساسيات عملية البيع والتواصل والاستراتيجيات الخاصة بخدمة العملاء، مع معرفة المنتج والعرض والقيمة المضافة، و كيفية بناء عرض تقديمي للمبيعات مع معرفة مهارات التفاوض الناجحة لإتمام عمليات البيع المختلفة.

التاريخ: الأربعاء، 31 كانون الثاني (تستمر لمدة يومين متتالية)
الوقت: 2:00 ظهراً

فإذا جنتو من المهتمين بهذا المجال وحابين تزيدون من معلوماتكم أكثر؟ هذه فرصتكم🤩!
سجلوا عن طريق هذه الاستمارة

https://forms.gle/JNroy4GEU1RojCo8A

وبعدها راح يتم التواصل مع المقبولين.

#الرحلة_مكملة
لكل محبي المونتاج اللي يريدون يتقنون عملية إنتاج الفيديوهات باحترافية؛ نقدملكم الورشة المجانية الأولى ضمن أسبوع المحطة بعنوان "Master Video Editing Techniques" 🎥

تستمر الورشة لمدة 5 أيام راح تتعلمون خلالها أساليب تعديل وتحرير الفيديوهات والاختلاف ما بينها، مع دراسة مختلف النوافذ في واجهة Adobe Premiere Pro، و كيفية قص وترتيب المشاهد على الخط الزمني، مع استخدام التأثيرات الصوتية، والتصحيح اللوني، وبعد اكمال عملية المونتاج تبلش مرحلة استيراد الفيديو داخل برنامج After effects، مع اضافة الكرافكس للفيديو وتحريكها بواسطة Keyframe، وايضاً تعلم اضافة النصوص وتحريكها، بالإضافة لإتقان واحدة من طرق الـ tracking داخل البرنامج.

بنهاية الورشة راح يتمكن كل مشترك من إنشاء فيديو متكامل من ناحية المونتاج والمؤثرات والتحكم بالكاميرا.

التاريخ: الإثنين، 29 كانون الثاني (تستمر لمدة 5 أيام متتالية)
الوقت: 5:00 مساءً

تكدرون تقدمون مجاناً عن طريق هذه الاستمارة
https://forms.gle/GoaUPfYvvdtVw1tt7
وبعدها راح يتم التواصل مع المقبولين!

تريدون تحولون شغفكم بصناعة المحتوى وإدارة منصات التواصل الاجتماعي لمهارة تأهلكم للعمل بهذا المجال؟

انضموا لورشة ال “digital marketing” بالتعاون مع المدرب رضا حسين - يمتلك خبرة 4 سنوات بمجال الميديا، وعمل بعدة شركات ناشئة منها Ai Dojo و Transpi، وحاليا يعمل بشركة بلي مع اكثر من شهادة معتمدة في مجال الماركتنك.

راح تتعرفون خلال الورشة على فن إدارة منصات التواصل الاجتماعي وتحديداً Meta، من ناحية إنشاء إعلانات وشلون تستهدفون الجمهور بدقة والميزانية اللي تستخدموها بالاعلانات، مو بس هيج راح تكتشفون اسرار ابتكار محتوى جذاب وشلون تنظمون جداول زمنية وشهرية لعملكم، وغيرها الكثير من الإستراتيجيات الخاصة بعملية صناعة المحتوى.

التاريخ: الأربعاء ، 20 كانون الأول ( تستمر لمدة 5 أيام كل اربعاء وسبت وأحد وثلاثاء)
الوقت: 6:00 مساءً
مبلغ الاشتراك: 50,000 دينار عراقي

تكدرون تسجلون عن طريق مكتب استعلامات المحطة!

شنو هي العلاقة بين سوق العقارات والمجال المعماري بالعراق؟

هذا اللي راح نكتشفه خلال الجلسة الحوارية القادمة بعنوان "Architectural Impact on Iraq's Real Estate" مع المهندس المعماري شيروان مزوري - يمتلك خبرة كبيرة بمجال الهندسة المعمارية، وانتقل من عالم الهندسة لعالم العقارات وكدر يربط بين المجالين، مع خبرة في العديد من المشاريع منها في بوليفارد واربيل هيلز وأبراج التوليب والقرية الاسبانية وغيرها الكثير.

راح ناقش خلال الجلسة التغييرات المعمارية والتحديات اللي يواجه السوق، من ناحية التصاميم المستدامة والاستراتيجيات المنهجية في البيع اللي تشكل مستقبل العقارات بالعراق، مع تسليط الضوء على الحلول المعمارية الإبداعية اللي ممكن تطبيقها بالسوق الحالي، بالاضافة للتعلم من العادات الناجحة للعاملين بمجال العقارات مع معرفة حجم التأثير اللي يتركه المجال المعماري على السوق والسياحة.

فإذا جنت مهندس معماري او طالب بهذا المجال انضم النا ووسع من شبكة معارفك بعالم العقارات والهندسة!

التاريخ: الثلاثاء، 19 كانون الأول
الوقت: 5:00 عصراً

الدعوة عامة للجميع!