Alice in The English Land

"أنا مستوايي فوق المتوسط وهدفي أنو طوّر من الأكسنت عندي، بس بشغلي كل اللي بتعامل معهن هنن أشخاص بيحكو اللغة الإنجليزية بطلاقة ولكن عندهن أكسنت تقيلة (هندية ممكن)، هل هاد الشي بأثر على تطوّر الأكسنت عندي؟"

الجواب: اي ولا

لا: لأنو اللغويين والخبراء (بتعليم اللغة الإنجليزية لغير الناطقين بها) بينصحوك أننو تعرّض حالك سمعياً لمختلف اللهجات وال varieties من اللغة الإنجليزية

هاد الشي بزيد مهارة الفهم السمعي عندك

اي بأثر على تطور الأكسنت عندك:

في حال كنت فقط عم تسمع اللغة الإنجليزية خلال يومك من متحدّثين عندهن لهجة تقيلة، هاد الشي ببطئ تطور الأكسنت عندك لأنك كمتحدّث معهن هدفك أنهن يفهموك
وكمان ممكن بدون وعي (خاصة اذا لسا ما حققت ال Proficiency بالإنجلش) أنو يصير عندك أنماط لفظ متل لفظهن الهن

شو الحل؟

✓ أنك توازن ال input/الداخل السمعي، تسمع من مختلف اللهجات
✓ تخلي المصدر السمعي الأساسي لما تكون وحدك بالأكسنت اللي عم تتدرب عليها
✓ تحاول تلاقي متحدثين أصليين سواء على الواقع أو أونلاين (عبر تطبيق Hello Talk مثلاً) لتتواصل معهن.

Facebook page:

https://www.facebook.com/TheEnglishLand?mibextid=ZbWKwL

طريقة التقديم:

يشترط يكون مستواك باللغة الإنجليزية B2 أو C1 حسب CEFR
عن طريق بريد صفحة الفيس بوك Alice in The English Land أو عبر واتساب وابتداءً من هاد الأسبوع فينك تسجل، ابعت:

1. اسمك
2. صورة عن نتيجة اختبار تحديد المستوى على موقع Cambridge English، إذا ما لقيت الاختبار علق لحتى نبعتلك الرابط
3. كم جملة عن دور اللغة الإنجليزية بحياتك العملية أو الأكاديمية

Let's go!

مستواك ما فوق المتوسط وعم تتعلّم بشكل ذاتي بس حاسس أنك عم تشتغل بشكل عشوائي؟

نادي DIY English المجاني تماماً وبمقاعد محدودة:

هو نادي أونلاين رح كون فيه معكن كمشرفة فقط على عملية التعليم الذاتي، رح أعطيكن فيه برنامج وخطة أسبوعية تمشو عليها خطوة بخطوة ويوم بيوم
مع ملّفات الاستماع والفيديوهات المرفقة

لحتى نقيس تقدّمكن ولحتى تتدرب على المفردات والمحادثات اللي تعلمتها بمجموعة، بنهاية كل أسبوع رح نلتقي لمدة ساعة/ساعة ونص
عبر تطبيق Google meet

✓ رح يوصلك منهاج معتمد مع الخطة
✓ بنادي DIY، رح يكون في مجموعة تشات الك وللي معك لحتى تحكو وتتدربو مع بعض بالإنجلش فقط

• العدد رح يكون محدود، 8 أشخاص كحدّ أقصى لأنو للأسف وقتي محدود وكرمال أقدر كون مركزة مع كل حدا منكن
• نادي DIY English هو نادي تطوير محادثة، ولكن رح يشمل مهارات: الاستماع، الكتابة، القراءة، والقواعد

من الأخطاء الشائعة بالكتابة اللي لازم تنتبه الها، سواء مطلوب منك تكتب إيميلات بالإنجلش بشغلك أو عم تحضر لاختبار ال IELTS/TOEFL:

I like to read, painting, and to sing ❌

قدرت تلاحظ الغلط هون؟

لما تكون عم تستخدم and لحتى تربط بين كلمتين أو أكتر، هدول الكلمات لازم يكونو قواعدياً متفقين

شو يعني هالحكي؟ يعني كلن لازم يكونو بالمثال فوق من نفس ال category
to read: infinitive هي صيغة
to sing: كمان صيغة infinitive

لهيك بصححها:

• I like to read, to paint, and to sing ✓
كلن Infinitives

وفينك تحط to بس على أول فعل:

• I like to read, paint, and sing ✓

|القاعدة اسمها (لدراسة أعمق): Parallel Structure|

"بدي أتعلم شوية إنجليزي، بدي أتعلم شوية محادثة"

هي العقلية عند متعلّم اللغات هي وصفة مثالية للفشل!

كتير مهم بالبداية الك كمبتدئ باللغة الانجليزية أنو يكون هدفك الوصول للطلاقة التامة باللغة الانجليزية، ما لازم تكون عم تبلش بعقلية "أنا بس بدي أعرف أحكي كلمتين كرمال شغلي، كرمال إذا سافرت.."

أنت بهي الحالة عم تضيع وقتك، تعلم لغة جديدة تماماً متل لما بدك تتعلم على آلة موسيقية، مثلاً! إذا بتروح عند أساتذة موسيقى لأنو بدك تتعلم "شوية كمنجا":

1. عملية تعلمك رح تكون كتيير بطيئة
2. رح يخلصو شهور وأنت لسا مو قادر تعزف مقطوعة كاملة
3. رح تحس بإحباط شديد

السبب هو العقلية اللي بلشت فيها تتعلم، لما تقول لعقلك "أنا بدي أتعلم نص هي المهارة"، عقلك رح يعطيك نص اهتمام لالها وبالتالي رح تعطي نص الجهد اللي المفروض تكون عم تعطيه

الالتزام والتحفيز هو للأسف شي ما في مدرب بالعالم رح يقدر يساعدك فيه، بس الخبر الحلو أنو تعلم اللغة هي مهارة تراكمية، أهم شي أنك كل يوم تعطي اللي قادر عليه، الاستمرارية أهم من كم ساعة بتدرس باليوم

متل عازف الكمنجا اللي بدو يوصل للاحتراف وعم يعطي 100% من اللي بيقدر عليه، ولهالسبب بتهمو كل نوتة تكون صح، نفس الشي أنت وعم تتعلم اللغة الإنجليزية وعم تبني كل يوم أساسيات الطلاقة (المفردات، الاستيعاب، النطق، القواعد....).

"أديش بفيدوني تطبيقات تعلم اللغات متل Duolingo و Babbel؟ وليش ما لازم أعتمد عليهن كمصدر أساسي لتعلم اللغة الإنجليزية؟"

سواء عم تفكر تستخدم Duolingo أو Babbel كمبتدئ، التنين رح يكونو مدخل جداً ممتع الك بالبداية
التنين بحطو تعلم اللغة بإطار لعبة، كأنك عم تلعب لعبة فيها مستويات والها نقط وهاد شي كتير عظيم

بس اللي لازم نتذكرو هو أنو Babbel و Duolingo وغيرهن
هنن تطبيقات هدفهن واحد: يخلوك كمستخدم فاتح هي التطبيقات
هي هيي أولوية مصمّمين هي النوعية من التطبيقات وبعدا طبعاً بتجي القيمة اللي هي أنو يعلموك لغة جديدة، بس لازم تتذكر أنها مو الأولوية

لهاد السبب، بعد ما تطلع من مستوى "مبتدئ" وفي حال ضلين معتمد على تطبيقات تعليم اللغات هي، رح تضل مبتدئ

لأنها ما بتقدملك الكثافة اللازمة لتعلمك، ببساطة لأنو هي الكثافة ما بتنعمل على شكل ألعاب معهن

ورأيي الشخصي لكل طلابي، حتى لو كنت مبتدئ وسواء كنت عم تتعلم إنجليزي أو ألماني أو إسباني
هي التطبيقات ما لازم تكون مصدرك الرئيسي لأنها مضيعة وقت ممكن تكون عم تستغلو بمصادر أقوى وبتقدملك الكثافة اللي بتحتاجها، خاصة من ناحية الاستماع والقواعد.

بدل ما تفصل عملية حفظ معاني المفردات الجديدة عن حفظها كتابةً عن حفظ اللفظ الصحيح الها:

1. اكتب المفردات على الورقة مع معانيهن
2. بعد ما تحس أنك هلأ صرت بتعرف معاني كل الكلمات، اسمع لفظهن (على Google/يوتيوب..شو ما كان)
3. سجّل صوتك وأنت عم تقول كل كلمة
4. وكآخر خطوة: افتاح ورقة جديدة، ارجاع شغّل التسجيل (اللي بصوتك) واكتب كل كلمة عم تقولها

✔️ صحّح المفردات لحالك بهدوء لتتأكد أنك كتبت كل كلمة منهن صح.

متل ما لمّا بتروح للجيم، في تمارين معينة ببالك أنت بتكون متحمس الها
في تمارين تانية كمان بتحسها مملة، غليظة، وبس بدك ياها تخلص

كمان بتعلّم اللغة الإنجليزية كمبتدئ، في مراحل رح تحسها مملة/غليظة/مو "cool" متل المحتوى اللي بتشوفو عن تعلّم اللغة الإنجليزية
متل مثلاً:

• لما تتعلم كلمة جديدة باللغة الإنجليزية، تضل تكتبها لحتى تحفظ كتابتها (لأنو عملياً أنت لسا ما بتعرف كيف تكتب بهي اللغة، ف مارح تستخدم الكلمة كتابةً بدون ما تقعد وتتدرب على كتابتها وترجع تدرب وترجع تدرب)
• لما يعملك مدرب اللغة تسميع بالمفردات كتابةً
• لما يصير وقت مراجعة ال tenses باللغة الإنجليزية، ويقلك المدرّب "خلينا نحكي عن استخدامات ال simple present"
• أنك تتعلم كيف تقرأ الساعة
• أنك تتأكد من لفظك الصحيح للأبجدية
• لما يصير وقت تكتب أول paragraph صغير الك

كل هي الأمور (وخاصةً لأنو في الها ارتباط سلبي موجود بدماغنا لأيام المدرسة) ما منحب أنو نركز عليها، كتير أسهل أنو نفتح إنستاغرام (تماماً متل التمرين اللي منحس حالنا أنو منبيين كوول وظريفين ونحنا عم نعملو) بس عند حد معين، بتكتشف أنو رفع الأثقال الحقيقي هو أنك تحط جهد بهي الأمور
وتلاقي طريقة تخليهن ممتعين بالنسبة الك لتبني عضلات اللغة عندك.

Instagram:
https://www.instagram.com/theenglishland?igsh=YnRsaWc2em1zamxw

عندك مقابلة شخصية مع جامعة مقدّم عليها؟ أو متوقع مقابلة بالفترة الجاية وما بتعرف وين تبلش تحضير؟

رح قلكن شو بقول لطلاب كورساتنا لمّا يقلولي أنو وصلهن إيميل فيه موعد المقابلة:

1. ابحث عن أكتر الأسئلة المتكررة بمقابلة الجامعات حسب التخصّص اللي مقدم عليه، اقرأ مقالات فيها هي الأسئلة وبعدها اكتب قائمة فيهن عنك،

الهدف مو الحصول على الأسئلة هي بس، أي حدا ممكن يعمل هاد البحث السريع عنك أو يبعتلك ملف فيه الأسئلة اللي بتتكرر خلال المقابلة، بس خلال عملية البحث نفسها رح تتعلم كتير ودماغك رح يكون عم يخزن أمثلة للإجابات!

2. اكتب اسم البرنامج أو المنحة اللي أنت مقدم عليها على اليوتيوب واكتب جنبها Admission interview

درّبت أكتر من طالب بتحضيرهن للمنحة الهنغارية، وخلال الجلسة شغلنا سوا فيديوهات من interviews مسجلينها طلاب وموجودة على اليوتيوب، وبعدا صرت خليهن هنن يعلقو على الأخطاء اللغوية اللي ارتكبها الطالب/ة أثناء المقابلة، هاد الشي خلى عندهن ثقة أكبر.

3. اتدرب، لا تحفظ!

في فرق بين التحضير والحفظ البصم، حضر إجاباتك
اكتبهن على ورقة، شغل الكاميرا وصور حالك فيديو وأنت عم تجاوب (مثّل أنك بال interview إذا ما في حدا معك)
إذا في حدا ممكن يساعدك وياخد دور المسؤول عن المقابلة، عظيم!
بس أهم شي: فكّر بإجاباتك على أنها نقاط رئيسية عم تحضرهن لpresentation عندك ياه، لا تخاف من أنك تقول الكلام بطريقة تانية خلال المقابلة ولا تتوتر لما تنسى شي.

تدريب على اللفظ الصحيح والأكسنت الأمريكية
"Sound Reduction in The Present Perfect":

https://fb.watch/r9v1_Vh2RD/?mibextid=Nif5oz

هل لازم مدرب المحادثة الإنجليزية يسمح باستخدام اللغة الأم (العربية) بجلسات المبتدئين؟

البوست رح يكون استناداً على مقال نزل بمدونة كامبردج
بعنوان:
"When is it OK to use students’ L1 in the English classroom?"

بدايةً، لازم نتذكر أنو السماح باستخدام اللغة الأم لازم يكون قرار بياخدو المدرب بناءً على ملاحظتو وخبرتو العملية، المدرب ما لازم يكتفي باختبارات تحديد المستوى الكتابية
المدرب بيختبر مهارات المحادثة عند الطالب من أول لقاء

المدرب مهمتو أنو يراقب استجابة وتقدم الطالب بالمحادثة، وبعدا يحدد إيمت بالضبط لازم يخفف أو يحد من اللغة الأم تماماً

1. استخدام اللغة الأم بالجلسة ممكن يأدي لاعتماد عليها:

السبب هو أنو اللغة الأم بتعطي شعور بالألفة والراحة، خاصة بالكورسات الجماعية، الطالب ممكن يتفادى مشاعر عدم الارتياح لما يحكي جملة ما عندو ثقة فيها بدل ما يستغل فرصة الكلام هي.

2. إجبار الطالب على عدم استخدام اللغة الأم بالجلسة (للمبتدئين) بيعطي شعور بالرهبة وبالتالي مشاعر إحباط:

تخيل أنك رايح تتعلم ياباني، ومن أول مرة المدرب فات وقال こんにちは！元気ですか？あなたの名前は何ですか؟
في عدد منيح من الطلاب رح تقرر أنها توقف، استخدام اللغة الأم ممكن يكون مفيد عند شرح كلمات أو مفاهيم جديدة تماماً لطالب ما عندو أي مخزون لغوي بيسمحلك أنك تشرحلو الفكرة باللغة الإنجليزية.

3. "بس استخدام اللغة الأم حتى لو للمبتدئين رح يخليهن يترجمو براسهن بدل ما يصيرو يفكرو باللغة الإنجليزية"

بالمدونة اللي اننشرت بكامبردج، المقال بقول "اللغة الأم بتشتغل بالبداية على أنها عجلات تدريب، تماماً متل لما بدك تتعلم كيف تركب بسكليت لأول مرة بحياتك، اللي عم يعلمك رح يركبلك عجلات تدريب

وبس يشوف أنك مشيت، رح تتفقو سوا أنكن تشيلوهن
بجلسة المحادثة، هاد الشي بصير لما تتضاعف المدة اللي عم تستخدمو فيها اللغة الإنجليزية وتقل المرات اللي عم تذكرو فيها كلمات عربية.

"Settle on" معنى

https://www.instagram.com/reel/C4JJVMgC5YA/?igsh=YXMzMGg3eWtkdnc2

استخدام الذكاء الاصطناعي بتطوير مهارات اللغة عندك هي من أذكى القرارات اللي رح تاخدها.

حكينا ببوست سابق كيف ممكن تتدرب على المحادثة مع Chatgpt، ما عندك Chatgpt؟ استخدم Bard!

▪️طيب، كيف ممكن تستخدمو لتتدرب على القواعد؟

اطلب من Chatgpt أو Bard يعطيك اختبار بأي قاعدة عم تدرسها! كل اللي عليك تعملو هو أنك تكتب:

"Can you give me a quiz on..(the present perfect مثلًا)?"

كمان بقترح أنك تطلب منو يحطلك الأسئلة بآخر ال Quiz كرمال تصلح لحالك، اكتب:

"Add the answers at the end of the quiz."

|أخطاء شائعة|

• لما يكون بدنا نجاوب على سؤال "Would you rather" أو "Would you like":

مثلًا "?Would you like to go out tonight"

❌ غلط أنك تقول Yes, I would like
✔️ الصح أنك تقول Yes, I would

نفس الشي مع "?Would you rather stay at home"

❌ غلط أنك تقول Yes, I would rather
✔️ الصح أنك تقول Yes, I would

▪️ملاحظة إضافية: ما مسنتخدم الcontractions أو الاختصارات عند الإجابة القصيرة.

❌ ما منقول Yes, I'd
✔️ منقول Yes, I would

▪️شو هنن ال Proverbs باللغة الإنجليزية؟

= أقول/أمثال
هنن جمل قصيرة هدفها تعطينا حقيقة مبنية على التجربة أو على التفكير السليم.

• شي مرة سمعت مثل "No man is an island"؟

= No one is self-sufficient; everyone relies on others.
بالعربي: من المستحيل لأي إنسان أنو يعيش لوحدو باستقلال تام عن بقية الناس، كل حدا منا بيعتمد على التاني ليستمر (سواء بشكل مباشر أو غير مباشر)

• أصل هاد المثل بيرجع للقرن ال17، لمؤلف اسمو John Donne.

What do you think of this saying? Do you like learning new proverbs?

بعض من آراء ومراجعات الطلاب للكورسات الأونلاين اللي قدّمتا بالأشهر الأخيرة

جداً ممنونة وسعيدة بالتقدم اللي وصلو كل حدا منكن، للرابطة القوية اللي انخلقت بيننا مع كل جلسة، ولكل حوار عظيم اتشاركناه

كنت بعرف لما بلشت بالتدريس (وبإعطاء كورسات المحادثة للراشدين بشكل خاص) أني رح قابل أشخاص كتير ملهمين ومميزين، بس اللي ما كنت بعرفو هو أديش هدول الأشخاص رح يعنولي مع الوقت.

I believe in you guys!
Let's keep it up. 💗