تَسنيم بكْري

نقرأ هنا بتركيز ياشباب
-مُهم-

ما حكم التنكيس في قراءة الصلاة، بشيء من البسط لو سمحت؟

ج / مذهب الجمهور كراهة تنكيس السور بأن يقرأ سورة ثم يقرأ التي فوقها سواء كان ذلك في ركعة أو ركعتين.

ومذهب الشافعية أنه خلاف الأولى.

واختار المجد من الحنابلة عدم الكراهة.

ويدل له اختلاف ترتيب السور في مصاحف الصحابة فعلم به أن ترتيبها اجتهادي غير توقيفي.

وبكل حال فليس هو حراما ولا مبطلا للصلاة عند أحد من العلماء، لكن لا ينبغي الإقدام على فعله امتثالا لسنة عثمان في ترتيب المصحف ولئلا يلبس على الناس.

وأما تنكيس الآيات بأن يقرأ آية ثم يقرأ التي قبلها فهذا قيل بكراهته وهو معتمد مذهب الحنابلة.

واختار شيخ الإسلام تحريمه وهو الصواب لأنه يخل بنظم القرآن ولأن ترتيب الآيات توقيفي قطعا.

ونص المالكية على أن تنكيس الآيات المتلاصقة في ركعة واحدة حرام مبطل للصلاة.

وعندهم أن تنكيس الآيات في ركعتين مكروه غير حرام.

والخلاصة أن تنكيس السور مكروه أو خلاف الأولى، وتنكيس الآيات في ركعة واحدة الصواب تحريمه، وفي ركعتين مكروه أو محرم.

وأما تنكيس الكلمات والحروف فلا شك في تحريمه، وليس هو مما يتعاطاه الناس بحمد الله.

الشيخ محمود مداد

أنا هتسأل عن ايه بخصوص غزة يوم أما أقف قدام ربنا ؟ وأعمل ايه أكون وقتها عملت اللي عليا كمسلم ؟

ج/ ليس في يد المسلم العادي غير القادر وغير المباشر للأحداث إلا الدعاء والتأسف لمصاب المسلمين، فإن تركه لمرض قلب ونية فاسدة فهو مأثوم وقد يبلغ به النفاق الأكبر في حالات، وإن تلاهى عنه مطلقا فهو نقص في إيمانه، وإن أحيانا بعد ما يجزئ فليس بمؤاخذ،

وتزيد الواجبات على القادر المباشر فيتعين عليه ما لا يتعين على غيره فالطبيب القادر المباشر يجب أن يداوي، والإعلامي والصحفي القادر يجاهد بالكلمة، والمجاهد القادر المباشر يجب عليه، والحاكم يجب عليه فعل المقدور، والمفرط في كل ذلك يأثم.

هذا في الواجب، أما المستحبات فهي لا تنحصر، وهي كل نافع للمسلمين هناك بالنفس والكلمة والرأي والمال بالصدقة وبالمقاطعة ونحو ذلك من القادر عليه وبشرطه من العلم والعدل، وهذا الشرط ضروري لأن بعض من يحسب أنه يحسن قد يسيء من حيث لا يشعر، وهذا كثير، ومنه ترك الواجبات والمستحبات العينية عليه فهذا من العجز وتسويل الشيطان.

الشيخ عمرو بسيوني

لو نمت قبل العصر وصحيت الساعة 10 مثلا، المفروض أصلي كل الفروض حتى لو وقتها فات ؟

ج / الحمد لله، والصلاة والسلام على رسول الله، أما بعدُ؛

نعم تصلي كلَّ ما فاتَك، فأنتَ نمت قبل العصر.

فتقومُ فتتوضَّأ ثمَّ تصلي: العصر، ثمَّ المغرب، ثمَّ العشاء.

وفواتُ الوقتِ لا يسقط الفريضة، فمن فاتته صلاةٌ بنومٍ أو نسيانٍ أو سهوٍ وجب عليه قضاؤها.

والله أعلم.

الشيخ محمد سالم بحيري

المُبالغة في المُحافظة على طاقتك اليَومية ونفسيّتك .. هوّ هوّ نفسُه السَّبب اللي هايهدِر لك طاقتك ونفسيّتك

تخيّل حد خايف طول الوقت ان وقتُه يضيع ولازم يكون بيعمل شئ مُهم دلوقتي حالًا وإلا بكده هايكون فيه خَلل؟
وبيتوتر لما يقعد فاضي
وبيفكّر أغلب الوقت ازاي استغلّ وقتي أفضل استغلال

لدرجة انه ممكن يشوف قاعدته مع اصحابه/ أهله رفاهية غير مَطلوبة وان الأولى يقعد مع نفسُه يخلّص شُغل أو يذاكر أو يقرأ قرآن أو أو أو

احنا لا ننكر انه تفكير عظيم
بس حضرتك رايح فين؟

احنا قعدنا ننادي باستغلال الوقت والعُمر بشكل عام في كل ما هو مُفيد
بس بطريقة مُعتدلة
مش لدرجة انك تقلق اذا قعدت فاضي!

ما تقعد فاضي!
ما تضيّع يوم مع اصحابك عادي!
ما تلعب شوية بردو عادي!

ياريت ياشباب نتعلّم الوَسطية في الأمر ده بالأخص، لإن من كُتر ما بننصَح باستغلال الوقت فيه ناس بتتوه ومابتقدرش تتحكّم

وأرجو انك ماتكونش منهم، أنا عايزاك تعيش نمَط حياة صحّي
مش عايزاك مَسحول زيهم ، عايزاك مُعتدل
وفايق ومركّز

وعايزاك صاحب القرار
ومش مُنساق ورا بوستات الفيسبوك وخلاص

علشان لازم توفّق بين الجوانب المُهمَّة بحياتك

وعلشان تقدر تكمّل عالوضع ده بإذن الله 🤍.

‏﴿ رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ ﴾

‏فأوجَد الله له العمل.
‏ثم يسّر له الزواج.
‏ثم أكرمه بالنبوة.

‏الإفتقار لله، غِنى!

بس ملحوظة :

تكرار الدخول في الحالة دي بشكل مُبالغ فيه أكتر من مرتين/ تلاتة اسبوعيًا هنا بيكون فيها إنذار بشئ مُعين محتاج من حضرتك التركيز عليه والمُعالجة.

مافيش مشكلة لو قررت ترتاح النهاردة وماتكمّلش يومك ولا تعمل أصلًا اللي كان وراك
مهما كانت الخسارة المادّية أو غيرها، فداك

مادُمت انت شخص في العادي لا تكلّ ولا تملّ من المحاولات والطّرق يمين وشمال = يبقى لما تلاقي من نفسك تعَب لا يُمكن تحمُّله أو لا يمكن الضَّغط عليه = يبقى هنا لازم تقف تاخد نفَسَك

وطبيعي تخرب الروتين اللي كنت عايشُه قبل الدخول في الحالة دي
وطبيعي تنعزِل تمامًا وتنام بـ ١٢ ساعة بردو عادي

المُهم تكون بالفعل مش قادر، يعني ماتكونش بتتكاسل!
وكل واحد أدرى بنفسُه..

لكن انا جيت افكّرك دلوقتي بالنُّقطة دي علشان لو حاسس بالذَّنب انك موقّف نفسك بنفسك وكله بيقولك لأ كمّل = يبقى همَّ اللي غلط مش انت

انت شخص مُرهق عادي، عايز تاخد بريك وتهدى، وده طبيعي 🤍

أنتَ مؤتَمَن، على نفسك، دينك، ثغرك، أُمّتك، وائتمانُك جزء من إيمانك! فكُن مؤمنًا أمينًا قويًّا.

الحجاب أثناء قراءة القرآن واجب أم مندوب؟

ج/ الحمد لله، والصلاة والسلام على رسول الله، أما بعدُ؛

فلا يجبُ حجابٌ لقراءة القرآن، إلا إن أرادت المرأة سجودَ تلاوة؛ فإنه تستر له العورة كالصلاة عند السادة الشافعية، والله أعلم.

الشيخ محمد سالم بحيري

إذا كنتي من البنات الطَّموحة فلا يَصلُح لكِ الزَّواج من شخص تقليدي!
إما يكون موافق على كل شئ بتطمحي لتحقيقُه، إما يكون نفس ميولك فـ مشاركِك الطريق بالكامل

غير كدا.. قولًا واحدًا هاتعاني
يا هاتعاني بعد الزَّواج علشان تعرفي تقنعيه
يا هاتعاني فـ إنك تقدري تقنعي نفسك ان خلاص هاتكمّلي حياتك بدون ما تحققي خططك وأهدافك

لإن مُفترض ان أهَم شئ بحياتك -كزوجة- هي زوجك وبيتك وأولادك أولًا
ثم حياتك الشَّخصية ثانيًا

فـ انا بشاوِر لك على نقطة مُهمَّة
ألا وهي : انك ضروري تنجحي الأول ببيتك
بعدين تقرَّري تنجحي برة

ولو تزوَّجتي من حد لا يقبَل طموحك = يبقى لا هاتقدري تنجحي جوا البيت ولا برَّاه
علشان بالنسبالك البيت هايكون سِجن

فـ نركّز عالنُّقطة دي أثناء اختيارنا من بداية الخِطبة ياشباب علشان نتفادى أي مشكلة ممكن نقع فيها فيما بعد بإذن اللّٰه

يُفضَّل ماتستَسلِمش لحالة الهلَع العامَّة الموجودة دلوقتي عالسوشيال ميديا علشان هاتخرج منها زي ما انت ويمكن زيادة (خايف وشايف الدُّنيا سواد فـ سواد)

وماحدش هايعطيك نصيحة واحدة يثبّتك بيها، وبُناءًا عليه :
الشَّاطر فينا هو اللي هايقدر يتَّزِن بمشاعرُه ويثبت قدر الإمكان

ماقولتش ماتتعاطَفش ولا تحزَن من المصايب اللي سمعنا عنها الأيام الأواخر
لكن أستأذنك تتعاطَف وتشيل الهَم بشكل صحّي يسمح لك انك تقدر تعيش يومك
وبدون عصبية زيادة أو تصرُّفات غير لائقة من أي نوع
ليه؟
علشان أنا أسفة.. ماحدش ناقصك
اللي انت فيه = هو اللي انا فيه = هو اللي همَّ فيه

فـ لو مش هاتكون سَبب فـ انك تصبَّر النَّاس وتخفِّف الرُّعب الموجود عالسَّاحة دلوقتي .. أرجوك ماتزوّدهوش لا على نفسك ولا علينا..

ليه؟
لإن فيه حاجات حلّها الصَّبر، ومالهاش حلّ تاني غير الصَّبر زي ما د.أحمد بيقول..

فـ أوصيكم ونفسي بزيادة وِرد الصلاة، والذِّكر
-كان ﷺ إذا حزبَهُ أمر فَزِعَ إلى الصَّلاة-
واللي بيعمل شئ يجتهد فيه زيادة شويتين
وربنا يخرَّجنا من الدُّنيا على خير يارب.

وطبعًا انت عارف
أول حاجة هاتعملها في اللي وراك .. انك تصلّي الضُّحي

عامةً انت محتاج كل يوم الصُّبح تقرأ وتتمعَّن مِرارًا وتِكراًرا قول رسول اللّٰه ﷺ: "مَن أصبح منكم آمنًا في سِربه، معافى في بدنه، عنده قوت يومه، فكأنّما حيزت له الدُّنيا ".

وتحمد اللّٰه -عزَّوجل- انه عطاك فُرصة تعيش يوم زيادة في الدُّنيا
فـ ياريت تنوِي تستخدمه في نَوافع
وانك مش هاتسلّم راسك للشيطان وعمايلُه

وتقوم بعدها تبدأ وتشوف اللي وراك..

الرَّغبة الدَّائمة فـ إنك تتشاف وتظهَر وسط الموجودين دي رغبة غالبًا عند الأكثريَّة مننا.. -وبتزيد عند وجود الجنس الآخر في نفس المكان-
ولما بنتكلّف ونتصنَّع طباع وكلمات وردود أفعال مُختلفة علينا = بنظهر في قالب شخصية مش لطيف أبدًا
وده طبعًا غير اننا بالشَّكل ده بنتعدَّى ضوابط الاختلاط

بالإضافة لإن كل الموجودين بالمكان بيكونوا ملاحظين

فـ بلاش تحُط نفسك في الناحية دي تمامًا
واضبط نفسك واتعامل بهدوء وطبيعي
واتحكّم بأفعالك
واركَز مكانك واهدا
ولو موجود من الجنس الآخر يبقى يا تلتزم بضوابط الاختلاط يا تمشي وتترك المكان تمامًا

علشان ماينفعش تكون شخص مش قادر يقول لنفسه لأ ده غلط والصحّ هنا فـ انا هاعمل الصحّ مهما كنت عايز الناحية التانية!

لإن بسم اللّٰه الرحمـٰن الرحيم ده ألف باء عدم نُضج..

مَن أرادَ أن يبكي على حالِ الأُمَّةِ الإسلاميَّة؛ فَلْيجلس في بيتِهِ ولْيبكِ إلى أن تَبتلَّ فُرُشُه؛ لأنَّ هذا العالَمَ لا يرحمُ الضُّعَفاءَ ولا يَحزنُ على الباكين.

وليسَ لكَ إلَّا أن تنهض، ويكونَ لكَ مشروع، ويكونَ لكَ دور، ولا تُضيِعَ وقتَك، واجعلْ لنفسِكَ قيمةً حقيقيَّة.

الشيخ أحمد السيد

النظر إلى السَّماء بمفهومه الواسع يأخذ الإنسانَ بعيدًا عن أسرِ اللحظة الراهنة، و يهوّن عليه صعابَه، ويبصّره بحقيقة مُشكلاته، و يرفعه عاليًا بعيدًا عن التعلُّق الأرضي، و يربطه بالله الذي بيده ملكوت كل شيء

النظر إلى السماء يُضْعف من مدّ عينيكَ للدُّنيا ومن حدّة بصرك لعطاءات من حولك..

- أحمد عبد المنعم

لا تلهيَنَّكم المُتابَعة عن الثّوابت..

الصّلاة في وقتها، الأذكار، وِرد القرآن، بِرّ الأهل، القيام، الدّعاء، ترك الفراغ، تجديد الإيمان، خبيئة السِّر، تابع وتأمَّل، وتعَلّم، وانتبه، واستَفِد، واستزِد، ثمّ زِد، والزم ثغرك، كلّ دقيقة عند المؤمن غالية، كلّ دقيقةٍ عند الصّادق إعداد.

أنت تُعَدّ من حَيث لا تنتبه..