Тафаккур соҳили Telegram 帖子

Уйқудан эрта туришнинг 3 нарсага фойдаси бор: ақлга, баданга, иймонга.

1-Ақл яхши ишлайдиган пайт тонг вақтида бўлади. Ана шу пайтда уйғонган боланинг ақли кўп нарсага етадиган бўлади. Бундай боланинг дарси ҳам, ишлари ҳам чиройли чиқади. У кечгача ғайратли ва хурсанд бўлиб юради. Ўртоқлари билан ҳам яхши ўйнайди.

2- Бадан доимо соғ бўлиши учун эрта туришни одат қилиш керак. Эрталаб бадантарбия билан шуғулланиш соғлиқни мустаҳкамлайди. Уйқудан кеч турган боланинг кучи бир оз сўниб қолади.

3-Иймон кучли бўлиши учун ҳам тонгда турган яхши. Иймонли бола тонгда таҳорат олиб, Аллоҳга чиройли ибодат қилади.

Ибн Умардан Розияллоҳу Анҳу ривоят қилинади. Пайғамбар соллаллоҳу алайҳи ва саллам дедилар: “Эй Аллоҳим, умматимнинг эрталабда қилган ишларига барака ато қил “. (Ибн Можа ривоятлари).

Тафаккур қилинг!

Tафаккур соҳили ва ибрат маскани:
@tafakkur_sohili

🌙 АССАЛОМУ АЛАЙКУМ РАМАЗОННИНГ 9-КУНИ МУБОРАК БЎЛСИН!

Аллоҳим! Рамазонда бизларга олий ҳиммат бер:

• Рўза тутишга қодир жисм бер!
• Таровеҳда қоим бўлишга қодир бадан бер!
• Зикрли тил бер, Аллоҳим!
• Хайрли амалларда муваффақият бер, Роббим!
• Рамазон ойида ўзимни ва оила аъзоларимни дўзахдан озод қил!
• Мусулмон биродарларимга ҳам шуларни сўрайман!
• Амалларим холис Ўзинг учун бўлишини сўрайман!
• Рўзаларимиз, намозларимиз, закотларимиз ва тунги ибодатларимизни қабул қилгин!

Тафаккур қилинг

Тафаккур соҳили ва ибрат маскани:
@tafakkur_sohili

“Саҳарлик баракадир. Шунинг учун, ҳеч бирингиз уни бир қултум сув ичиб бўлса ҳам тарк қилманглар. Зеро, Аллоҳ таоло ва унинг фаришталари саҳарлик қилувчиларга саловот айтурлар”
(Имом Аҳмад Абу Саид ал-Худрий розияллоҳу анҳудан ривоят қилинади).

Саҳарликка турган барчага саловат ва саломлар бўлсин!

Тафаккур соҳили ва ибрат маскани:
@tafakkur_sohili

Аллоҳ уч хислатни яхшилик деб васф қилди:

«Агар билсангиз, рўза тутмоғингиз сиз учун яхшидир» (Бақара сураси, 184-оят)

«Садақа қилмоғингиз сиз учун яхшидир» (Бақара сураси, 280-оят)

«Сабр қилмоғингиз сиз учун яхшидир» (Нисо сураси, 25-оят)

Демак, ушбу уч амални рўза, садақа ва сабрни жамлаш улкан амаллардан экан.

Тафаккур соҳили ва ибрат маскани:
@tafakkur_sohili

• Сахарлик учун ширин уйқусидан кечиб, уйғонганларга Аллоҳнинг саломи бўлсин!
• Тутган рўзаларининг ажрини ёзиб, фаришталар адоғига етолмасин!
• Рўзалари вужудларига дармон, қалбларига ҳаловат, охиратларига зеб бўлсин!
• Аллоҳ сабр берсин, куч-қувват берсин!

Тафаккур соҳили ва ибрат маскани:
@tafakkur_sohili

Рамазон олди ҳаммадан кечирим сўраб, дилхираликларни унутиш керак экан...

КЕЧИРИНГ  МЕНИ...

Ҳаётимга ҳамроҳ инсонлар,
Таниш-билиш, дўст-у ёронлар,
Ўтган бўлса яхши, ёмонлар,
Аллоҳ учун кечиринг мени...

Ҳокимлик бир Яратганга хос,
Банда иши мўминлик халос,
Дилдан сўрай, иқрорларим рост,
Аллоҳ учун кечиринг мени...

Ўткир тиғдан кескир баъзан тил,
Гоҳи билмай оғритдим кўнгил,
Тавба ила ўтди яна йил,
Аллоҳ учун кечиринг мени...

Кечмишларим шу шеъримда жам,
Қалб кўзини ёшламасин ғам,
Авфингизга интиқман мен ҳам,
Аллоҳ учун кечиринг мени...

Келаётир ойларнинг шоҳи,
Кўринай дер Рамазон моҳи,
Шу кунларга муштоғлик чоғи,
Аллоҳ учун кечиринг мени...

Юрагингиз тўлдирсин ҳузур,
Биродарим тутгайсиз маъзур,
Мендан ўтган бўлса минг узр,
Аллоҳ учун кечиринг мени...

Борлиққа нур ингани замон,
Етишдик деб бўлгандик шодон,
Кетмоққа шай энди Рамазон,
Аллоҳ учун кечиринг мени...

Сиз-у менда яна бир имкон,
Орзуйимиз Фирдавс-у, Райён,
Ниятига етсин ҳар инсон,
Аллоҳ учун кечиринг мени...

Тафаккур қилинг

Tафаккур соҳили ва ибрат маскани:
@tafakkur_sohili

Баҳоналарни йиғиштир!

• Чарчадингми? Унда эрта ухла;
• Формада эмасмисан? Спортни бошла;
• Вақтинг йўқми? Эрта уйғон;
• Жуда мураккаб кўринадими? Кичикдан бошла ва харакат қилиб кўр;
• Билмайсанми? Қидир ўрган;
• Қувватинг йўқми? Соғлом овқатлан!

Тафаккур қил!

Tафаккур соҳили ва ибрат маскани:
@tafakkur_sohili

Қазо ва қадар

Тиббиёт факултетида таълим олаётган талабани дарсга бораётганида машина уриб юборди. Уни дарҳол шифохонага олиб бориб жарроҳлик столига ётқизишди. Табиблар уни текшириб битта буйрагини дарҳол олиб ташлаш кераклигини айтишди. Чунки ундан шиддат билан қон кетаётган эди. Унинг оиласига хабар бериб бир хулосага келишларини айтишди...

Амалиёт муваффақиятли якун топди. Бир неча кундан кейин унда амалиёт ўтказган табиб унинг олдига кириб табассум билан деди:
— Қачонлардир қазо ва қадар ҳақида эшитганмисан?
— Ҳа эшитганман. Аммо мен буйрагимдан ажралдим, доктор!
— Мен ҳам ўз кўзим билан кўргунимча сендай ўйлаган эдим. Сенинг буйрагингни олиб ташлаш чоғида бўйрагингдаги ғалати тўқималарни кўрдик. Уни олиб бўлгач таҳлил учун лабараторияга юбордик. Текширув натижасидан даҳшатга тушдик. Унда саратон бошланган экан. Талаба деди:
— Бу билан сиз, ўша машина сени иккинчи ҳаётга қайтариш учун айнан жароҳатланган жойингни топиб урган, демоқчимисиз?!
— Сенчи, бу воқеани оддий тўқнашув деб ўйлайсанми?
— Бу аниқ қазо ва қадар!

Банда гоҳида воқеаларнинг зоҳирига боқиб улардан хафа бўлади. Аммо кейинчалик вақт ўтгач уни ўзи учун хайр эканини англайди. Роббимиз бизга хоҳлаган нарсаларнинг ҳаммасида яхшилик бор.

Тафаккур қилинг! Тафаккур!

Tафаккур соҳили ва ибрат маскани:
@tafakkur_sohili

УМР...

Мен умрни кўрмай қолибман
Ёнгинамдан ўтиб кетибди
Қўлимга бир китобни тутиб
Тақдиримни битиб кетибди.

Хатто юзин бир бор кўрсатмай
Изларини чизиб кетибди
Мени ҳаёт жангига ташлаб
"Кураш" - дея, ёзиб кетибди.

Кетаяпман ортидан қувиб
Болаликни, ёшликни ташлаб
Гоҳо кулиб, гоҳо англамай
Гоҳо, унсиз кўзимни ёшлаб.

Ҳар йил қишда бир йўқлаб келиб
Ёшимга ёш, қўшиб кетармиш
Гўё, менда алами бордек
Сочимга қор тўкиб кетармиш.

Мен умрни кўрмай қолибман
Ёнгинамдан ўтиб кетибди
Пешонамга ажинлар тортиб
Суратини чизиб кетибди.

Мен умрни кўрмай қолибман...

Тафаккур қилинг!

Tафаккур соҳили ва ибрат маскани:
@tafakkur_sohili

Қайси томонингдан кибринг бўлса, ўша жойингдан бир кун синов кўрасан. Катта гапиришга шошилма! Тақдирлар олдинда. Бугун "мен хеч қачон..." деб ишонч билан гапирган жойинга зарба ейсан.
Бас, бировни тақдири устидан кулишдан эҳтиёт бўл !

Тафаккур қил!

Тафаккур соҳили ва ибрат маскани:
@tafakkur_sohili