💌🔥إستشارات Rasta 🔥🖤

عاوزه دكتور او دكتوره يكون شغال في الصيني مروي

@Nasobto

عندنا زميلتنا والده
تعبان شويه في الانعاش ليو اكتر من أسبوع وماف تطور
محتاجين دعواتكم🥹💙ببركه الجمعه دي عسى ولعل تستجاب😭💙


#Nosiba

ذهبت السبع العجاف
(2017 - 2024)
وبدأت سبع سنبلات خُضرْ بأذن الله ... تفائلوا ♡゙.

كل يوم الصباح أسأل نفسك السؤال دا..

(شنو ابسط حاجه ممكن اعملها اليوم تخلي يومي دا احسن من امبارح؟؟! )✔️

و ركز كويس على كلمة (اعملها ) يعني م حاجه تحصل ليك او الظروف تجي معاك ❌

ممكن تكون حاجه بسيطة او مجهود زيادة المهم حاجه تخليك احسن من امبارح 🧡🌸

_ حاول م يعدي يوم الا و انت احسن من القبلو صدقني ح تفرق كتير 🧡🔥

البتقرا كلامي ده هل إنت كويس؟؟؟🥹


#Nosiba

"شعورك بالتشَتُّت الآن لا يعني أنك ستبقى هكذا طويلًا، بطريقةٍ ما ستأخذ الأمور مسارها الصحيح، فوضى الأفكار في رأسك ستترتَّب، القلق الذي يسكنك ستحلّ الطمأنينة مكانه، القرارات التي تتخبَّط فيما بينها سيختار الله لك أصلَحها مادُمت قد استخرته و دعوته و صبرت، و الغد الذي كان كابوسًا غير واضح المعالم سيصبح واقعًا جميلًا.. فقط المزيد من الصبر و الدعاء، و الثقة الحق في ربِّ الأرض والسماء."

اييي زول محتاج استفسار صوره من الاوراق يدخل لي خاص بفيدو❤️شيرك بفرق 💙

⭕️⭕️⭕️⭕️

حوجة كبيرة لي واحدة أختنا، كبيرة بيت وسط بنات بس .. أبوها اتوفى قبل الحرب ربنا يرحمه ويغفر له، قامت الحرب وزي حال أغلبية السودانيين بي باقي العندهم سافروا مصر.. هنا بقت الأم (معلمة) هي مصدر الرزق الوحيد بعد وفاة الوالد ..
أمها تعبت هناك وفحوصات وحركتها وقفت تماماً التشخيص الأول كان جلطة في الرأس وحركتها رجعت بس إلا يسندوها ..
بعد فحوصات تانية في القلب اكتشفوا إنو في مشكلة في الشرايين والموضوع بقى أكبر من كده فقرروا ليها عملية قلب مفتوح لاستبدال صمامات في مصر.

قال النبي ﷺ :"مَن تَصَدَّقَ بعَدْلِ تَمْرَةٍ مِن كَسْبٍ طَيِّبٍ، ولَا يَقْبَلُ اللهُ إلَّا الطَّيِّبَ، وإنَّ اللهَ يَتَقَبَّلُهَا بيَمِينِهِ، ثُمَّ يُرَبِّيهَا لِصَاحِبِهِ، كما يُرَبِّي أَحَدُكُمْ فَلُوَّهُ، حتَّى تَكُونَ مِثْلَ الجَبَلِ".

◆◆ التكلفة بالجنيه المصري : 320,000 ألف جنيه مصري (ثلاثمائة وعشرون ألف جنيهاً //)

◆◆ التكلفة بالجنيه السوداني : 12,800,000 ألف جنيه سوداني (أثني عشر مليون وثمانمائة ألف جنيهاً//)

رقم حساب بنك الخرطوم بإسم أبرار عمر ...
3677091

رقم حساب بنك فيصل الإسلامي بإسم محمد الحبر محمد حمدان
51468829

للاستفسار وإرسال الإشعارات واتساب:
0909207389 بدرالدين عبدالباقي .
0916355201 الأمين عبدالقادر.

ي أخوانا عندي حوجه ضروريه شديييد الناس بتقدر تتشايله معانه ولا مااتعب روحي وانزله ساي 😭


@Nasobto

اشتقت ليكم😔😔❤️❤️❤️


#Nosiba

رجاء الناس تشارك بى رايه وتساعده❤️

عندي بت اهلي قرابة مباشرة  كانت علاقتنا حلوة وروح بالروح اختلفنا وقطعنا تواصلنا وبعدها اتواصلنا وانا افتكرت خلاص المياه عادت لمجاريها لكن اتفاجا انها حظرتني ساي بدون اسباب ولمن جيت البلد فكت الحظر.. برضو اتجاوزت ده وم اشتغلت بالموضوع قبل شهرين عندنا خطوبة بت أهلنا مشيت لقيتها هناك طاعنتني بالكلام سكت برضو في الاخر قامت نهرتني وكوركت فيني كأني شافعة.. ابدا م اتوقعت منها... بشدة م انصدمت وم اتوقعت تعمل كده م قدرت ارد عليها لساني حسيتو انربط
المهم تاني م لاقيتها ولا عاوزة الاقيها... حاولت انسى لكن انا من جوة من يوم الخطوبة داك متألمة وقلبي زي البينزف بس
عندنا عرس بعد عيد الفطر وح الاقي البت دي فيهو.. ولازم احضر العرس ما بقدر اغيب لانو عرس قريبتي مباشر برضو

المشكلة انا خايفة تاني تعمل لي العملتو في الخطوبة
انا م بحب المناقرات ولا المشاكل ولا الجوطة انا ممكن ارد عليها لكن ده م حل انا عاوزة لي حاجة تخليها تبطل تحرجني قدام الناس وتعاملني بالطريقة دي
رجاء وروني وما تبخلو

كتير مننا بحس نفسو هذييييل 🥺

ما هزيل في شكلو هذيييييييل في شخصيتو
مفروض يعمل حاجات بسيطة
لقطها ليكم في النقاط دي

اول حاجة يا عزيزي حافظ علي وجهك دائما هادئا

برضو اذا دخلت الي مكان انظر الي الاشياء والاشخاص نظرة مسيطرة م نظره مسكينه وهذيله

تمرن كيف تتكلم بدون سخف عشان توزن نفسك قدام الناس

دايما حاول انك تتسرع في الحديث

اصمت حين توجه اليك سخرية من جماعة حتخلي الناس تفكر انت بتفكر في شنو

عارض الهجمات بأدب ايوااااااا بأدب لانو معظم الناس متوقعة الردود السلبية والادب بخوف

فكر كثيرا وتكلم قليلا

لو قابلت شخصا لأول مرة انظر الية وجه لوجه ولاتتردد

لا تجعل لاحد نفوذ عليك لانو انت سيد نفسك

لا تتسامح مع من يخطئ في حقك الا وانت عاوز الحاجة دي

سيطر علي نفسك


حدد هدفك لانو الرؤية الواضحة بتختصر ليك كتير

واجة الاحقاد بأنك تنجح في كل حاجاتك

امتنع عن الجدال واحتفظ بأسرارك

ادرك ما في نفوس الاخرين وراقب لغة جسدهم جيدا لانو ممكن الزول يكذب في كلامو لكن حركات جسمو صعبه

لا تغضب ايوا لا تغضب

اصغي للحديث

لاحظ الاشخاص

احتفظ بهدوئك وخليك روييييييح

لا تسمح لاحد بان يكلمك فيما عزمت علي عدم الخوض فيه

ابق صافي الذهن في المواقف العدوانية عشان تقدر تفكر بشكل إيجابي

توقع الأذى من غيرك لانو نحنا ما ملائكة يا عزيزي

تعلم قراءة الوجوه

انصف الاخرين لانو ما كلهم شياطين

افهم وجهة نظر الاخرين

اذا أتممت القرائه وجب عليك ترك بصمتك بتعليك
عشان يصلك كل ما هو مفيد وجديد

#النفساني
#نفسية_غير
#oubai_adil

الكلام ده بيوجه دائماً للناس الصابرة صبر غير مُثمر ف غير موضعه، على علاقات وعادات و أنماط من الروتين ومستمرة ف صياغة المُبررات وحياكة الأسباب لأشياء بتمتص طاقات كبيرة وبتضيع أوقات وبتسبب الكثير من الأذى والاضطرابات النفسية.

‏*حالة اليأس وفقدان الأمل دي في كتير من الأحيان نعم م تحاول تقاومها* 😊❤️

توقف عن وضع الفواصل ف الأوقات التي كل م أنت تحتاجه هو أن تضع النقطة، لازم الإنسان مننا يتعلم يدي ضهره ف الأوقات المناسبة ولازم يتعلم ييأس ويرحل ويفقد الأمل ويغير الوجهة لو ف النهاية بتسحب منه وبتقوده لنتائج عكسية ومؤذية كمان…

من التشبيهات الجميلة السمعتها مؤخراً إنه الفرق بين الإنسان والحمار ، إنه الحمار ممكن يكرر نفس الحاجة ويسلك نفس الإتجاه ويواظب ع نفس المستويات بكل طاقته، لكن لأ ، الإنسان ربنا خلق جواهو اليأس عشان م يبعزق طاقته زي الحمار تاني وتالت ورابع ويحفظ طاقته لما هو أهم…👌🏻✨

اليأس زي أي شعور ف الإنسان ربنا واضعه لحكمة ورحمة ما و أحياناً هو المخرج الوحيد من حالات التبلد والانتظار والمحاولات الفي غير موضعها، فكرة إنك تعرف تيأس وتفقد الأمل بدري بدري في أشياء كثيرة من حولك ده بيوفر عليك مجهود وطاقة جبارة ووقت حيضيع منك لو فضلت مستمر ع نفس السياق

stop putting commas where only full stop will make sense…

( أحياناً اليأس هو كل م تحتاج )

في مستوى من اليأس بيتم إختزاله ووصفه في الممارسات العلاجية النفسية والإرشادية تحت مفهوم اليأس الخَلاق
‏Creative hopelessness

المستوى ده أحياناً بيمثل أعلى مراحل الحكمة والنجاة وده فكرة إنك تكون بتعرف تيأس من كل معافرة ومقاومة بتاكل من نفسيتك…

"تحتاج في كل مرة أن تذكر نفسك بأن الله لا يفعل شيئًا سيئًا، حاشاه .. المكان الذي تعيش فيه الآن هو أنسب مكانٍ لك، والمكان الذي ستعمل فيه مستقبلًا سيكون لك الأنسب حينها، ما تمنيت ولم يحدث كان خيرًا لك ألا يحدث ، وما خشيت حدوثه وحدث كان خيرًا لك أن يحدث .. فكم لله من لطف خفيّ."💙

الطريقه الطلعنا بيها من بيوتنا حتفضل جرح جوانا عمرو ما يبرأ .. حنغطغطو .. ونضاريهو ونلفو ونعمل فيها انو شفى وبقى كويس ، لكن مع اول هبشه فيهو بنلقاهو لسه بنزف ..
عدت الايام والأسابيع والشهور ، ولسه كل واحد فينا واقف في اليوم الجره فيهو شنطتو وخلى حياتو كلها وراهو ومرق ..
ايوه جربنا حياه جديده ، حاولنا نبدأ من تاني ولسه بنحاول .. بنفتش للسعاده في أصغر التفاصيل .. بنصنعها برانا وبنلاوي الدنيا ملاومة عشان نكمل ونضحك ونعيش من تاني ..
ماف زول فينا من جوه كويس .. ماف زول فينا مُستقر نفسياً .. ولا في زول فينا نسى الشافو والعاشو والقهر الحسينا بيهو ..
طيلة الشهور دي ، كم مره ومره العبره خنقتنا واتضارينا في ركن وفكيناها برانا وبعدها استغفرنا وقلنا " الحمدلله يارب .. ما اعتراض بس اغفر لينا ضعفنا " وقشقنا دموعنا ومرقنا للناس كأنو مافي شئ ..
وكم مره انهزمنا وانفعلنا بسبب تافه حيير كل الموجودين ..
طيلة الشهور دي فضل جوانا أمل بيزيد وينقص .. مابين راجعين ومابين نعتبر حياتنا الفاتت فصل وانتهى ، ونبدأ فصل جديد ..
طيلة الشهور دي واحنا في صراع داخلي عظيم مع نفسنا .. وانو كيف نخليها لسه واقفه وصالبه طولها وتفتش للنور جوه احلك ظلام ، وتلقى المخرج في كل سكة مقفوله ..

استسلمنا .. ويئسنا .. رجعنا عافرنا وفقدنا الشغف .. نجحنا وفشلنا .. فرحنا وزعلنا .. بكينا وضحكنا .. ووقعنا كتير شديد ، لكن في كل مره ربنا كان بيدينا القوه عشان نقيف ونعافر ونحاول من تاني .. وبيرزقنا الأسباب عشان نكمل ونواصل .. وبذكرنا كل مره انها ما النهاية ..
انو لسه عندنا نصيب حلو ..
لسه في ايام حلوه ..
لسه في جبر خاطر..
لسه في فرح..
لسه في وصول ..
ولسه في تلااااقي ..
وانو بإذن الله ماكان اخر وداع ..
لا للخرطوم .. لا لشوارعها .. لا لزحمتها .. ولا لتفاصيلها ..
ماكان اخر فراق لكل اهلنا الاتشتتو .. اخوانا البقو بعيدين .. حبايبنا الفتناهم من غير وداع .. جيرانا .. وحلتنا .. واصحابنا الكان اخر لقاء لينا بنقول فيهو " يلا ي خوانا لحدي بداية الاسبوع ان شاء الله" .. بس صباح السبت كان شايل لينا تفاصيل تانيه غير اللقاء ..
ماحيكون آخر وداع ..

#على_الهامش :
حتجي عليك لحظات حيخنقك الحنين خنق .. وحتتجمع عليك كل لحظات حياتك القديمه .. حتضعف .. حيتملكك الحزن .. وحتحس بشئ ثقيل قاعد على صدرك .. وقتها خت يدك على قلبك وقول :
رضيت يارب .. رضيت في وقت الرضا صعب عليّ شديد .. رضيت رضيت رضيت يارب .. كل الحصل ده قضاء منك .. وكل قضاء من عند الله حبيبي ، هو حبيبي 🤍..
حتهدأ .. وحتطمئن .. ونارك حتبرد ..
مالينا الا الرضا والصبر ..
وانو نسأل الله يطلعنا من كل المحن دي بالحسنات 🤍..

#ختاماً :
ماتضايقوا ولا تندموا عشان طلعتو من بلدكم حفاظاً على ارواحكم .. الرسولَ صلَّى اللَّهُ عليهِ وسلَّمَ كان بحب مكة شديد ، بس وقت زادت عليهو أذية قريش ربنا أمرو بالهجرة .. وهو طالع منها عليه الصلاة والسلام وقف على الحزوَرةِ فقالَ:
"واللَّهِ إنَّكِ لخيرُ أرضِ اللَّهِ، وأحبُّ أرضِ اللَّهِ إلى اللَّهِ، ولولا أنِّي أُخرِجتُ منكِ ما خرجتُ " (صحيح الترمذي ).

وربنا بعدها بشرو بقوله تعالى :
" إِنَّ الَّذِي فَرَضَ عَلَيْكَ الْقُرْآنَ لَرَادُّكَ إِلَىٰ مَعَادٍ ۚ "🤍..

فاللهم ونحن .. ونحن يا الله 🤲🏻..

#ختاماً_تاني :
الدعوه الثابته !
" أعادنا الله لمنازلنا وهُون علينا وعلى قُلوبنا وحشة البُعد وغفر لنا وعفى عنا لحظات عدم الصبر والتشاؤم والتجزع وربط على قلوبنا وجعل الأمل فينا حيَّاً باقياً "
اللهمّ حنانًا منكَ يلملم شتاتنا ويملأُ فراغَ قلوبِنا 🤍.
آمين. قبل نطلع .. كنا بنسأل :

متييين تضحك سما الخرطوم حبيبتنا ومتييين تصفا !💔

حالياً بقينا نسأل :
متييين تضحك سما السودان ومتييييين تصفا ! اه💔🇸🇩 .وبكرة حانقول متين تصفي سماء الخرطوم ونعود تاني.
منقووول

لو بتقدر تساعد ف حاجة سواء بسد حوجات أو نشر حوجات، فياريت تحصر بؤرة إنتباهك ف الاتجاه العملي وإطار المساعدة فقط.

‏أخيراً ، خفف ع نفسك بالفصلان وصرف إنتباهك ف شيء يهون عليك ويعيد تنظيم مُستقبلاتك الحسية ، ويفصلك من كآبة الواقع ويعيد إلتقاط أنفاسك من تسارع المشهد وإيلامه، وربنا يخفف علينا كلنا ويحفظنا ويحفظ آهالينا وآحبابنا وينصرنا ع كل ظالم وخائن🤲