مواليد وأفراح اهل البيت

@abas74

يا علي

مواليد وأفراح اهل البيت (Arabic)

تقدم قناة 'مواليد وأفراح أهل البيت' على تطبيق تيليجرام مجموعة من أفضل المواد الإسلامية التي تتعلق بالولادة والاحتفالات في أسرة النبي محمد صلى الله عليه وسلم. تستضيف القناة المستخدمين للمشاركة في التجارب والذكريات المتعلقة بالمناسبات السعيدة لولادة أهل البيت. 'مواليد وأفراح أهل البيت' هي قناة مفيدة وتفاعلية للأفراد الذين يبحثون عن محتوى إسلامي يلهمهم ويثري حياتهم الدينية. بغض النظر عن انتمائك الديني، يمكنك الانضمام إلى هذه القناة للاستفادة من المعلومات الهامة والتجارب القيمة التي تشاركها أفراد من جميع أنحاء العالم. اسم المستخدم لتلك القناة هو 'abas74'، ويعكس ذلك التزام القناة بتقديم محتوى ذو جودة عالية وموثوقية. إذا كنت ترغب في الانضمام إلى تجربة فريدة وممتعة وتبادل المعرفة والتجارب مع مجتمع ديني وداعم، فلا تتردد في الانضمام إلى قناة 'مواليد وأفراح أهل البيت' على تطبيق تيليجرام الآن!

مواليد وأفراح اهل البيت

12 Jan, 20:10

ابو ذيات لميلاد سيدي ومولاي امير المؤمنين علي بن ابي طالب صلوات الله عليه

انا الزرعو طريجه احبال ... واشراك
او عليه كافر ايگولون ....... واشرك
لان عاف السقيفه الگلب ... واشراك
او يضل عبدك يحماي الحميه ....

يمن مثل العسل طرواك ... واصفى
مريض آنه او طبيبي اكتبك .. وصفه
امن اذكرك ابتشر وانسعد ... واصفه
مثل الگام توه امن المنيه ...

اليودك طاهر الميلاد ... والدر
يمن اصفى من الياقوت .. والدر
احبك يشهد العباس .... والدار
المابي اسمك اتحرم عليه ....

العشگ ما خله فوگ الگلب ... ينزار ( جنزار )
الليله ابمحفلك كل جرح .... ينزر
علي . يامن نعالك شرف ..... ينزار
اقبل روحي بالمولد هديه ......

يرايح للنجف مكتوب ...... وصله
گله افلان راد اوياك ... وصله
او باچر من يجي عزريل ... وصله
گله ايدير باله اشوي عليه ...

الكعبه اتشرفت بسمك .... والايات
يمثلك ما اجه ابنادم ...... ولا. يات
الك مو بس ولايه اهنا ..... ولايات
اعله گلبي او روحي واعيوني واديه

ابو فاطمة الطائي

https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

4,647

مواليد وأفراح اهل البيت

12 Jan, 19:36

دنيانه ســــــعيده ... بميلاده الصميـــــده
أفراح ومسرات .. أزف أجمل تحيات
بميلاده الصميـــــده
**
راعي المرجلة علي .. يا هو يوصله علي
كلش مكمـله علي .. سر البسـمله علي
بهجتنـــــــة الجبيرة ... علي ياهــــــو نظيرة
كل شيعي نشيده
**
أية محبتــــــه علي .. رحمـــة شوفته علي
حصن ولايته علي .. الجنة بأمـــرته علي
قسيم الجنة والنار ... حيدر سر الاسرار
أفضاله عديــــــدة
**

نوره كالشمس علي .. تهوى كل نفس علي
بكلبي منغرس علي .. بدونه ما أحس علي
علي مالك الآحساس..رحمة وغمرت الناس
أنواره مجيـــــــــده
**

قرأن وهدي علي .. أبو قلب النقي علي
همــــــي ينجلي علي .. أذا أذكـر علي علي
الصعاب أهوه عدلها .. المشاكل بأيده حلها
تنحل لو شديده
**

ميزان العــدل علي ..الحق بيه يمتثل علي
كل شدة يحل علي..و يخف الحمــــل علي
علي الحق بطريقــة .. نجــــاة لهل الخليقة
نهواه ونريـــــــده
**
صك المرحمــة علي .. يجــلي المظلمة علي
نور الخاتمــــــة علي .. ربك كرمــــــة علي
سراط ومحد يجــوز .. بس البايعــــة يفوز
صك الرحمة بأيده
**
شاعر أهل البيت
الشيخ عبد الحسين المنصوري

https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

4,538

مواليد وأفراح اهل البيت

12 Jan, 17:08

🌷مقطوعه🌷
بحق أمير المؤمنين ع

گـا لـولـي ألـمـن تـحـب
               گـلـتلـهـم بـكـل فـخـر

محبوبي نبض الـگـلب
                يخـتلـف عـن الـبـشـر

گـا لـولي شـو بآ لـغـت
               فـهِـمـنـه شنهو الـخبـر

شايل بروحك حـچـي
                مـعـروف مـن الـنـظـر

رادوا يـعرفـون العشگ
                وشـلـون حـبـي كـبــر

سـولـفـت عـن قصّتي
                 وبـيـهـه الكلام أنـدثـر

مـدري أشـگـولـن بـعـد
                حـيّـرنـي اوّل سـطــر

ابشخصه تـاه الـوصـف
            والسـانـي وَحـده اعـتـذر

مـايـنـوصـف يا خـلـگ
                شيوصفه فارس مـظـر

                                       *---------------*---------------*

خادم أمير المؤمنين ع
✍الشاعر رعد الجريخي

https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

4,806

مواليد وأفراح اهل البيت

12 Jan, 17:06

محبوبي ...بدروبي

اجمل شوك الگلوب
بس ابعشگك ايذوب
من حبك فلا اتوب.......ياحيدر
**
انه روحي بهيامك
مجنون   ابغرامك
بس اعشك كلامك.......بسماتي اله
علي قوه وأراده
ابيت الله العباده
بيبان السعاده.......معشوگي هله

محبوبي حبيتك بنفاس العشگ
صليتك بحساسي وبگلبي اليدگ
ياحيدر وابحبك صدگني احترگ

بحلامي......گدامي

يمك شيعي محسوب
بس ابعشگك ايذوب
من   حبك فلا اتوب.....ياحيدر
***
انه وصفي بجمالك
جيت اعلن وصالك
مشغول ابخصالك.......ياباب العشگ

يم   ركن العداله
بيت الله   حلاله
بس حيدر اجاله.........يا گد الصدگ

ياحيدر عد عينك تلگاني وقف
وبحبك اتغزل ما يكفي الوصف
من عندك مولانه لو ردنه العطف

معشوگي.........بعروگي

كاتب أغلى محبوب
بس ابعشگك ايذوب
من حبك فلا اتوب......ياحيدر
***
شمعه   ابين   اديه
عندي اجمل هويه
حب حامي الحميه ......شيعي وافتخر

ما زل عنه هيهات
حبي   طاهر   الذات
تحله بمدحه الابيات........بالمحشر ذخر

اتغنه ابياتي اشكد يحلى المدح
وتحير من نورك   تفسير   الشرح
تنظيري وبگلبي بس انت التصح

حبيتك......ناديتك

گلبي ابسمك ايلوب
بس بعشگك ايذوب
من حبك فلا اتوب......ياحيدر
***
انه ..... گلبي يريده
حب صافي العقيده
بس اسمك قصيده........تارسني شعر

بده عقلي ابوداده
اجه يوم القياده
هلا واجمل سعاده......حيدرنه العمر

يا حيدر بعيوني بس حبك ضوه
وبشوگي لا قيس ولا ليله انچوه
عابرهم من حبي وماخذني الهوه

بحروفي......وطيوفي

ساعي وصلي مكتوب
بس ابعشگك ايذوب
من حبي فلا اتوب.......ياحيدر
***
تمت بعون الله تعالى الشاعر____يوسف_الفتلاوي

https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

4,928

مواليد وأفراح اهل البيت

20 Dec, 22:37

🌷هوسات 🌷
مولد السيده الزهراء ع

وي طير السعد يا سامعي أتغنه
وحضّر ياس هاي الليله والحنه
نـزلـت لـلأرض تـفـاحت الـجـنـه

(( ويـّاهـه والخير أتنزّل ويّـاهـه ))

*---------------------*----------------*

الما يفرح اكيداً يـنـدم ويخسر
الليله الـفـرح مـطلـوب للكوثـر
اليتعـذر أتـركـه وخلـه يـتـعـذر

(( والـزهـره اتـريـد الـوفّـايـه ))

*--------------------*----------------*

أحچيلك يسامـع وسـمـع الكلمه
الليله الـمـحـمـد تـمّـت الـنـعـمـه
وأمـلاك السمه أتهنيه مزدحمه

(( وتـيـصـح امـبـارك يـالـهـادي ))

*------------------------*------------------*

ابـمـيـلاد الـزچـيه الـروح فـرحانـه
الحزن شنهي الحزن سدّينه بيبانه
فـرحـنـه والـيـحبـنـه يـفـرح اويانه

(( انواليهه للموت الزهره انواليهه ))

✍خادم الزهراء🌷 ع
الشاعر رعد الجريخي

اسعد الله ايامكم

https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

16,454

مواليد وأفراح اهل البيت

20 Dec, 18:43

هليلة هليلة أنهني فاطمة
والمصطفى الهادي وحماي الحمه

1
من قلبنا للنبي هنينه
للوصي راعـي الشدد وفينه
الليلة عيد الزهرة عاد علينه
ياهلا وكل الهلا نادينه

ويانه فرحانه أملاك السمه
والمصطفى الهادي وحماي الحمه

2
الليلة فاطم نورت دنيانه
وناده جبريل الملك آذانه
بالمدينة استقبلوا الريحانة
جنة الفردوس جت ويانه

بيها العرش باها هاي العالمة
والمصطفى الهادي وحماي الحمه

3
بالفرح يوم الفرح نتلاكه
وكل محب للزهرة يهدي أشواكه
الليلة كل شيعة علي مشتاكه
هذا حبنه ومانريد افراكه

والليلة دعوانه خدمة فاطمة
والمصطفى الهادي وحماي الحمه

4
من الجنان انقطفت التفاحة
والقلب بالحب نشر أفراحه
بالسمه جبريل رف أجناحه
من بزغ نور الشرف مصباحه

قبل الخلق فاطم هي متممه
والمصطفى الهادي وحماي الحمه

5
بيها مابين الخلك نتباها
بالشدايد كل وكت ننخاها
فاطمة الزهراء ماننساها
نعيش وياها ونموت وياها

والله العمر كله ألها نقدمه
والمصطفى الهادي وحماي الحمه

6
هاذي فاطم بيمن انجازها
شما خدمنا والله مانوفيها
رابح الجنة التقرب ليها
وخاب كلمن ماتمسك بيها

محلاها وياها حسن الخاتمة
والمصطفى الهادي وحماي الحمه

بغداد
امجد صاحب الشطري

https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

15,144

مواليد وأفراح اهل البيت

20 Dec, 18:42

انولدت ابيت الوفه
زهره عد المصطفى

وصفكت حته السمه .. فاطمه يافاطمه
🛑🛑🛑🛑🛑🛑
نزلت الملائكه .. يم نبينه تباركه
وبالافراح تشاركه .. وبالورود محزمه
فاطمه يافاطمه
🛑🛑🛑🛑🛑🛑
من الاصل اول فرع .. نورج الزاهر يشع
تاج اسمج ينوضع .. للشرف والغانمه
فاطمه يافاطمه
🛑🛑🛑🛑🛑🛑
حته حور العين اجن .. يم خديجه هلهلن
بالزجيه اتوسلن .. وبالفرح متناغمه
فاطمه يافاطمه
🛑🛑🛑🛑🛑🛑
زهرة الله وكوثره .. الجنه بيها معطره
الدنيا بيها منوره .. روحي بيها هايمه
فاطمه يافاطمه
🛑🛑🛑🛑🛑🛑
الفرح گلبي رتّله .. بطور زهرائي حله
حبها ابد ماابدله .. بي عطر حامي الحمه
فاطمه يافاطمه
🛑🛑🛑🛑
الحبها الله يفظّله .. وبالقيامه يدلله
يصير بأعظم منزله .. الحور كلها تخدمه
فاطمه يافاطمه
🛑🛑🛑🛑
علي حسين المنصوري

https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

12,777

مواليد وأفراح اهل البيت

20 Dec, 18:41

رسم فجر السعاده اليوم اوداجه
يا محلى الفرح والليله نحتاجه
نزل جبريل بلغ بيها منهاجه

يالهادي بفاطم هنينه
****
نشم ريحة الجنه بفاطمه العنوان
من بابج خديجه مبين البرهان
مولود الزجيه شع على الاكوان

يزهره بحبج نادينه
**
يا باب الخليقه ولسمه البيبان
من عندج اخذنه الحكمه والايمان
الما واله زجيه ناقص وخسران

يتندم تالي بدنياته
****
يا محلى الفرح ويانه يتعاله
مولود الزجيه اطهر اسلاله
هنياله الحضر هاليله هنياله

والمحفل لزهره اليله
*
شملنه اليله ملتم فرحة الزهره
فرحانه الملايك كلها والعتره
ويانه الخلك بالزهره مبتشره

والهادي استبشر بنواره
****
تمت بعون الله
خادمكم .......يوسف الفتلاوي

https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

12,919

مواليد وأفراح اهل البيت

24 Jun, 05:30

ابوذيات لأمير المؤمنين عليه السلام

( مرّسائل )

علي راكع وصدفه مرّسائل
تزكه وعلي شيحمل مرّسائل
يسامع مره شايف مرّسائل؟
التصدُق والصلا صارن سويه

(( قدما ))

▪علي من قبل آدم چان قدما
▪وإجت كل الصعاب عليه قدما
▪عظيم ولو وكف عالأرض قدما
▪چفوفه تخرق السبعه سويه

(( نصلاه ))

▪فكر حيدر مته يا يوم نصلاه
▪المكارم نصها للمختار نصلاه
▪تدري اشنزل بالقرآن نصلاه
▪صراط وتهتدي ليه البريه

(( من بيه ))

▪بس حيدر خليفه وغيره منبيه
▪عـالإســلام رب العــرش من بيه
▪گلب الهادي افتحه وشوف من بيه
▪إبنص گلب النبي حامي الحميه

(( وصلي ))

▪أمــر من خالق الدنيا وصلي
▪اسـلـم عـالنبي وآلــه وصلي
▪اريـد الزهره تنطيني وصلي
▪ويختمه المرتضى حامي الحميه

(( مندار ))

▪علي داره عظيمه وجزء مندار
▪الرسول البيها رحمه وعطف مندار
▪الكون بخنصر الظرغام مندار
▪يطيح بلايه چف حامي الحميه

#الشاعر_مصطفى_الشافعي

https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

39,846

مواليد وأفراح اهل البيت

22 Jun, 11:41

الما يوالي حيدره
خسران دنيه وآخره
ـــــــــــــــ
بعيد الغدير استبشرت دنيانا
شيعة علي بهذا النصر فرحانه
هاليله كل الكون صاح اويانه
والعاندت يوم الحشر خسرانه
والينه بس حيدر علي
خل يدري كلمن مادره
الما يوالي حيدره
خسران دنيه وآخره
ـــــــــــــ
شيعة وفرحنه امن الگلب نادينه
نحرگ اگلوب الراید ایعادینه
يل حبك احلى من العسل يروينه
للموت بس حيدر علي والينه
هالفتوه من رب العرش
يوم الغدير امصدره
الما يوالي حيدره
خسران دنيه وآخره
ــــــــــــــ
خل النواصب كلهم ايسمعونه
بالگلب حبك ثابت ايشوفونه
كالو روافض رادو ايكفرونه
من نلتقي بالمحشر ايعرفونه
والنار للكرهو علي
ابيوم القيامه امسعره
الما يوالي حيدره
خسران دنيه وآخره
ــــــــــــــــــــــــــــ
بيعتنه یم بابك علي اكتبناها
جلمه وفه وللموت ما عفناها
كل محب باسمك ياعلي يتباها
والروح يمك ياعلي جبناها
عشاگ الك يابالحسن
خل يجري بينه اشما جره
الما يوالي حيدره
خسران دنيه وآخره
ــــــــــــــــــــــــــــ
نحرگ اگلوب الناصبی ابصیحاتنه
باسمک حلت یابالحسن صفگاتنه
بیوم الغدير اتجددت بيعاتنه
وياك تكبريا علي فرحاتنه
خل يسمع الي ما سمع
شيعه وعدونه انمرمره
الما يوالي حيدره
خسران دنيه وآخره
ـــــــــــــــــــــــــــ
نعيم ابو باقر الساعدي

https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

36,467

مواليد وأفراح اهل البيت

21 Jun, 20:12

هوسات غديريه

علي قائد الامه والغدير اثبات
وبحيدر علي نزلت اهواي ايات
بأن هو الولي ويملي الارض رحمات
ها... والامه ابحيدر مرحومه
............
علي ابيوم الغدير ايصير قائدنه
علي من عنده احنه وهو من عدنه
وبيوم الحشر باجر يعبرنه
ها..... وابحيدر جنه ومضمونه
............
علي اول خليفه وابد مو رابع
حبه بالكَلب ماخذ جزء واسع
وابغيره تره ابتاريخ ماسامع
ها..... وبحيدر يكمل ايماني
............
علي صاحب البيعه وماكو ابد غيره
وعلينه اكتاب ربنه وصعب تفسيره
اول يبقه ابد ميجوز تغييره
.ها.... والحيدر معروفه البيعه
…………
حيدر للبشر رحمه وهدايه ودين
ومنو مثله ابو للحسن وي حسين
هو الأول وماتحتاج كل تبيين
ها..... والحيدر يشهد قرأنه

الشاعر ياسر العارضي

https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

31,294

مواليد وأفراح اهل البيت

21 Jun, 14:37

هاليوم هالــــــيوم تنصيب الولي
للــــــدوم للــــدوم والينه علــــي
*
بحـــج الوداع ينـادي هاليوم هاليوم تنصيب الولي
أبحر الهجير الهـادي هاليوم هاليوم تنصيب الولي
خسران مــن يعادي هاليوم هاليوم تنصيب الولي
وربحان مـــن ينادي هاليوم هاليوم تنصيب الولي
للناس أمره أصبح جلي
**
نعلنهه هـــــــاي البيعه هاليوم هاليوم تنصيب الوالي
للموت شخصه انطيعه هاليوم هاليوم تنصيب الولي
حبه أبـــــــــــد منبيعه هاليوم قاليوم تنصيب الولي
بحبه أنتسمه الشيعـه هاليوم هاليوم تنصيب الولي
عالعالم أفخر بالولي
***
الباري ربنـه أختاره هاليوم هاليوم تنصيب الوالي
للدين تزهي أنــواره هاليوم هاليوم تنصيب الوالي
هــــــــز الكفر بتاره هاليوم هاليوم تنصيب الوالي
للوالي نبقه أنصاره هاليوم هاليوم تنصيب الوالي
غذوني بمحبته هلي
**
بارينـــه نصب حيدر هاليوم هاليوم تنصيب الوالي
والهادي كــال وحذر هاليوم هاليوم تنصيب الوالي
العاداك حيدر يخسر هاليوم هاليوم تنصيب الوالي
الوالاك باجر يفخــر هاليوم هاليوم تنصيب الوالي
من ينظر لوجهك علي
*
أنواره عالامه تشـــــع هاليوم هاليوم تنصيب الوالي
أختاره ربنه من الجمع هاليوم هاليوم تنصيب الوالي
نعلگ لهل فرحه شمـع هاليوم هاليوم تنصيب الوالي
خل النواصب تستمـــع هاليوم هاليوم تنصيب الوالي
حيدر شمس ما تنجلي
*
الشاعر موسى البديري

https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

28,459

مواليد وأفراح اهل البيت

20 Jun, 04:30

عيد الغدير الاغر.

قصيدة. السلام العالمي

غيّر التاريخ ياحيدر غديرك
واحنه بالدنيا ابد ماعدنه غيرك

ياعلي. انته حبنه الاولي
ياعلي. بيك همنه ينجلي
...................

الدنيا والتاريخ لا مو كد مقاسك
و أعله من سابع سمه ياعلي راسك

هليله. ياحيدر. صار محفل بيعتك
هالليله. بالفرحه. نرفع احنه رايتك
هالليله. فرحانه. من كلبهه شيعتك.
ياحيدر

الله من عالي السمه بلغ محمد
ارفع ايده وخلي كل الناس تشهد
ونستمع. لافتى الا علي
ياعلي. بيك همنه ينجلي
........................

انته بالانجيل مذكوره صفاتك
انته بالتوارة ذات النبي ذاتك

ياحيدر. من مثلك. ابو العتره الطاهره
ياحيدر. نتفاخر. يبو سبع الكنطره
ياحيدر. حادينه. انته دنيا واخره
ياحيدر

السلام العالمي اسسته انته
ولولا صوتك ياعلي هالدنيا سكته
والنعم. ياولي ونعم الولي
ياعلي. بيك همنه ينجلي
.....................

باول انفاسي وسمعت اسمك ولينه
بالولاده امي صاحت ياعلينه

مرجعنه. يالغالي. ياحضن رحمه ودفو
مرجعنه. قائدنه. يابو الحسين وكفو
مرجعنه. نتباهه. مثل شخصك وين اكو
ياحيدر

يا امان وكهف لكلوب الحياره
لله نتقرب بحبك والزياره
جاوبت. لو سألني سائلي
ياعلي. بيك همنه ينجلي
.....................

احله ما بالدنيا احنه اعله الولايه
ونندفن لو متنه يمك بالنهايه

ياحبنه. اليتجدد. مثل قرآن السمه
ياحبنه. ايظل يكبر. وداعة امنه فاطمه
ياحبنه. ونتأمل. بيك حسن الخاتمه
ياحيدر

المؤمن الله يميّزه عن المنافق
بحبك انت ياعلي نور المشارق

للحشر. خلي يسمع عاذلي
ياعلي. بيك همنه ينجلي

………

نسألكم الدعاء
حسين صادق العقابي

https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

24,951

مواليد وأفراح اهل البيت

19 Jun, 10:15

صار تنصيبك العيد العالمي
الما يحبــك ياعـلي مو آدمي
غَثـّت أشــباه الرجال
عطلة أولاد الحــلال
ــــــــــــــــــــــ
هواي عدنه أعياد بس هذا الوحيد
الله من سابع سمه معتبـره عيــد
هوه معنى العيد مو لـبس الجديد
كون تلبس لك جماعه إتحب يزيد

علي الأول حسب تقييم السـمه
وعيده الأول صار بأعلى القائمه
والنبي إبساعتها گال
عطلة أولاد الحـلال
ــــــــــــــــــــــ
حسب دستور السمه بأمر القدير
ربّك الخاطر علي إمعَطْل المسير
كلها تگعد تسمع الأمـر الخطـير
واضحه الفكره إفتِهَم حته البَعير

وافتهم بيعـة علـي حته الفَـرس
اتلاثه بس إهناك دَگ عدهم جَرَس
ما يريــد إلها ســؤال
عطلة أولاد الحــلال
ــــــــــــــــــــــ
صَعْدَت أقتـاب الإبــل ذاك الزمان
مــا يريـدلها نقاش .. و برلمان ..
علي إمصَوّت له النبي وصدّر بيان
ياهو زلمه ويرفض بـذاك المكان

كلها دَنْگت روسها وخضعت إله
هذا بارك له وهـذاك الـ قَبّله
لا شـكوك ولا جِـدال
عطلة أولاد الحــلال
ــــــــــــــــــــــ
هذا عيد الله الچبيـر الما يضيـع
لو تبايع .. لو ضميـرك بي تبيـع
چان يوم إثمنطعش منظَــر بديع
يصيح قنبر (هَنّي وإعبر عالسريع)

وچــان قنبر حيله ذاك الأولـي
عَشره عَشره أيعَبُّر إلبيعة علي
ودمعه مِنّ الفرحه سال
عطلة أولاد الحــلال
ــــــــــــــــــــــ
وحضرت إبمحفل علي كل الفئات
وبيــده جبرائيل حــط الفقرات
وچانت الآيــات كلــش واضحــات
عالولايـة نريــد يا ربي الثــبات

ربــي يرزقنــه الولاء الـ مَيْثَمِي
إي غديري آنه وحسيني وفاطمي
و ديني هذا الإحتفال
عطلة أولاد الحــلال
ــــــــــــــــــــــ

مهدي التقي

https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

23,161

مواليد وأفراح اهل البيت

19 Jun, 09:09

لمناسبة_عيد_الغدير

يا حيدر ويا حيدر   ويا   حيدر
يلعيدك     ايسمونه    عيد الاكبر

***

هنياله     كلمن   يفرح    بتنصيبه
اكتبله   ميمر   فايزي     وتجليبه
عيد الولايه   وصك نجاة نجيبه
من چفوف ابو الحسنين ما يتأخر

****

واليت   حيدر    والنبي     والعتره
خادم   زغير   اباب   بيت   الزهره
صاحب بخت والله اليبارك عمره
بالمحفل الليله اليهني ويحضر

****

عيد   الامامه    وهالأمر      رباني
مرسوم كوني    مو   أمر ديواني
حيدر   الاول   ما   يصير    الثاني
هوه الچبير وهمه كلهم اصغر

*

انصر اللهي الينصره   وهم اخذل
كلمن يبغضه وما يواليه     الكل
حيدر علي مكتوب لتگول   أكمل
كامل مثل طه الامام الاطهر

**

بالمائده   التصريح سبعه   وستين
الايه الكريمه   ويا شرح    يا تبيين
بلغ   ي طه    بهالأمر كمل    الدين
الله اليگول المرتضى خط أحمر

**

الف   الحمد لله     والينه      الحيد
والما يعجبه ايروح من عدنه بعيد
لولد الحلال اليوم مخصوص العيد
فرحة عمرنه اليوم حيدر حيدر

كلمات الخادم / رعد الفريجي

https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

22,416

مواليد وأفراح اهل البيت

18 Jun, 18:57

هوسات لامير المؤمنين ع

علي ومحتار شكتب بيك .. حيل السالفه اتحير
يالــجـــبريل گــــدامــــك .. يطـلـع كلـش ازغير
الناس اتسير اعله الـناس .. وانتـه الربك اتسير
يالربـك فاتحــلك بـابه

------

الناس اصناف ياحيدر .. لكــن انتــه صنـــفك غير
يمسوي للفقره اجيوب .. وتارس حوصلة كل طير
خيـر الوادم اشـــويون .. وانته يفيـض چفك خير
يمشبع الوادم ماعونه

----

يقيسونه علي اويه افلان .. وانه ابنبــي ماقيسه
عيسى وچيه حيه الميت .. الوادم عاجه ابعيسى
علي ولومــات هذا الكون .. يحيـه لمـن ايجـيسه
ويــرد الكون بعافــيته
------
حيدر تركي الكربلائي

https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

21,974

مواليد وأفراح اهل البيت

18 Jun, 17:14

مولود للامام علي {ع}{طورماهر الشبلي عباس عباس للخوه سند}ابو ادم الحلي

للموت للموت // تُبقَه إنتَ الوَلي ـــ للموت للموت نِهتِفْ ياعلي
ياعلي يشهَد إلك يوم الغدير// نـِزَل تـَعيـيـنـَك علي من القـَدير
ربنه بالقرآن أنـزل عَالبشير// يامُحمَد علي من بعــــــدَك أمير
من نـِزلـَتْ هـالآيه ـــــــــ الحيدر سَلم الرايـــه
يابو الزهره كِــلها ــــــــــ لـلأمــــه بـَلـِغـــــها
بعـدَك ياهــــــاديها ــــــــــــ إيضل حيدر واليها
ربَك أَعلَن إعلان ـــــــــــــ خَـتْسمعَه هـَالأكوان
مَـتـلـوك الـرايــــــــه إلا الحيــــــــــــدر بَعـدَك
للناس للناس بـَلِغ يالـنَبي /// للموت للموت نهتف ياعلي
إبهالأَمر بـَلغ الهادي الأُمته // وكال أبو الحسنين واجِب بَيعِتَه
وكـال خسرانَه الـكـوم العادِتَه //وبالقيامه تـِنجَه حيــدر شيعتَه
وإحنَه الصوته إسمعـنًه ـــــــــــــ للمرسول وطـِعـْنـَه
إتمسكنَه إبحامي الجار ــــــــــــــ صِحنَه الوالي الكرار
وَيـــــــاه إنضل أنصارـــــــــــــــــ خـِدامَه إزغار إكبار
هــــــذا العهد إنطينـــاه ــــــــــــــــ أنصار إنضل وَيـــاه
الحيـــــــدر والينه إمـــــــوقعين إحنَه إبـدمــــــــــنـَه
بِعناد بِعناد كـِلـمـَن ناصبي /// للموت للموت نهتف ياعلي
عَهـَد هذا إحنَه وَقعنَه إبدِمَه//إوياك دِنيا وآخره حامي الحِمَه
مانُعوفـَك مانُعوف الفاطمه // لوعَلينه تِـنكـلُب أرض وسِمه
خَـل تِـسمع عدوانَـك ـــــــــــ إنضَل للموت أنصارك
مَهما بينَــــه إيعملون ـــــــــــ لاوالله مَـيـكـــــــدرون
حـُـبك من أصل الدين ــــــــــ وبِـيـــــه إحنه مِتْـمَسكين
ولايمنَه لا لـَتـــلـــــــوم ــــــــــــــ مَـنعـوفـَــه إحنه إبيوم
لا لـَتـلـــومــــونَه إعشـكـنـــــاه هـــــــــــوَ إولدَه
عِشاك عِشاك نُبقَه لِلوَصي //للموت للموت نهتف ياعلي
نُبقه خِدامَه نِضَل وللأبــَــد // وعَالولايه ثـابتين إعله العَهَـد
إوياه دِنيا وآخره هـذا عَهَد //وبِالحَشُر حُبه يِضَل أعظم سَنَـد
هـُــوَ اليشفَع إلنَه ـــــــــــ ويـــدَخـِلْـنـَـه الجـَــنَه
رَبنَه هـُــوَ العَـلاه ــــــــــــــ صَك الغـُفران إنطاه
وبيه إحنه إتـْشَرَفـنَه ـــــــــــــــ وبِيه عِزنا وشَرفـنـَه
نادينَه إمن الأصلاب ـــــــــــــــــ والينَه داحي الباب
واشلون إنعوفـَــــــــه وبـِيـــــــــــــدَه صَك الجَنَه
أفديه أفديه إبكل عمري وهَلي /// للموت للموت ياعلي

الشاعر ابو ادم الحلي

https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

19,659

مواليد وأفراح اهل البيت

18 Jun, 17:13

ابو ذيات وهوسات للغدير

علامك شاهر سيوفك علينه
ويخايب بالولاية احنه علينه
وإذا عندك علي يشبه علينه
(من إتجيب حماي الحميه)

ياشمس الولاية بزود شيعي
والهذا الخبر عالناس شيعي
أضل لاخر نفس للموت شيعي
(وأضل خادم لبن حامي الحميه)

هوسات//
علي بر الأمان بكل وكت تلكــــاه
ويحضر للمحب لو ساعة الينخاه
فاز إلي يـحبه وفاز مـــــن والاه
(ينجيها للشيعه إبحبه)

ٱمن يالموالي يالتحب حيدر
ٱمن بالقبر لتخاف من منــكر
حيدر بالقبر يشفع وبالمحشر
(يودينه للجنه إبصكه)

أمر رب العرش عالمصطفه أنزل
بــلغ يارســول الله علــي الأول
فاز إلي قبـل والذي ما يـــــقبل
(متفيده الكوم الخوانه)

الشاعر أبو آدم الحلي

https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

18,711

مواليد وأفراح اهل البيت

18 Jun, 17:09

قصيده تنصيبيه غديريه

بتنصيبك علي هالفرحه نحييها
بسم يوم الغدير ونحتفل بيها

١

بسم يوم الغدير الفرحه نعقدها
بكل عام اليمر احنه نجددها
الانس والجان حيدر صار سيدها
وبسمه الأمنيات احنه نسميها
٢

تنصيبك الحجه ياعلي الكبره
عالعالم نطشها خضرت حضره
الماوالاك ياحيدر خسر عمره
والوالاك يعني الجنه شاريها
٣

واجب نحتفل والعيد رباني
وكل مؤمن يعايد مؤمن الثاني
يضل عيد الغدير بشرف عنواني
واصوات الفرح واجب نعليها

٤

اطلب حاجتك بالعيد واترجه
بحيدر والولايه بالحشر تنجه
كل الخير بثمنطعش ذوالحجه
فرحتنه الچبيره بي نخليها
٥

حيدر من گبل متنصب بهايه
وأعلنها الرسول ونزلت الآيه
من عالم الذر منطينها احچايه
ومانخلف أحچايه وأحنه منطيها

لاتنسون والدي ووالدتي وأبني عباس من الرحمه والمغفره
خادمكم رياض الرسل الجابري

https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

18,826

مواليد وأفراح اهل البيت

18 Jun, 17:08

دارمي وهوستين في ذكرى عيد الغدير

للنجف خل انروح يم الصميده
نبايع علي الكرار ونقبل أيده

نحبه الحيدر الكرار مو هاليوم من چنه
ذراري بعالم الأرواح بالأصلاب بايعنه
وأمنه بالمهد يا ناس محبته بفخر غذتنه
من چانت تسهر وتلولي

بالذر وقعت واخترت حامي الجار
واليوم بغديره جيت ما محتار
أجددله العهد وأنتخبه للكرار
أبصمله بالعشره وروحي

الشاعر
قاسم حتروش البلداوي
خادمكم
أسألكم الدعاء 🤲🤲🤲🤲🤲🤲

https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

20,545

مواليد وأفراح اهل البيت

18 Jun, 17:02

السلام عليكم ورحمه الله وبركاته
سوف انشر مواليد وافراح عيد الغدير الاغر شارك الربط 👇👇 https://t.me/joinchat/AAAAAEFVSMd2pvMFlLPXYg

16,324

مواليد وأفراح اهل البيت

25 Mar, 14:10

لميلاد الامام المجتبى عليه السلام

نور الحسن شع بالسمه
انهني النبي اوحامي الحمه
وانهني امه فاطمه __ ابميلاده ابميلاده
__

عل عتره هل اجمل وجه في احله مصباح
ابيت النبي عطر الفرح من كل كتر فاح
اوصوت البشاره امن السمه يا هل خلگ صاح :
سلطان الگلوب انولد سلطان الارواح

نوره تشعشع عل ارض
لجله الفرح واجب فرض
اقروله آيات الحفظ __ ابميلاده ابميلاده
__

نبعث تهانينه ابشغف للساده والآل
وابهل الولاده الزاهره نقراله موال
يحوي احاسيس او عشگ مامر عله البال
ولرض البقيع الطاهره انوديله مرسال

من هل عيون العاشگه
نبعث مشاعر صادگه
يل گلبي مثلك ما لگه __ ابميلاده ابميلاده
__

الليله نهني المصطفى وانطش الورود
وانگله يل محمود اجاك اوليد محمود
من زغره الله امنصبه شيخ اعله لوجود
نوره مثل نور الشمس ماحدته احدود

هاذه الحسن راعي الهلا
كله مهابه او مرجله
شيخ السلف من يوصله __ ابميلاده ابميلاده
__

وانگل لبو الحمله علي عل خير ياحيد
ابرمضان گبل العيد الك الله وهب عيد
وجه الحَسَن بيه الحُسُن عن يوسف ايزيد
هنيال البشوفه حضه وايقبل الأيد

هليله مامش كل وسن
نهتف علي يابو الحسن
امبارك ابعيد الحسن __ ابميلاده ابميلاده
__

والفاطمه انهني ابفرح وانطش الازهار
نعلگ شمعنه وبالحفل نقره اجمل اشعار
يم الحسن هذا الحسن من مثله ماصار
غارن الحور ابشوفته او منه الورد غار

اقسم قسم بل قل هو
منه الشمس تاخذ ضوه
وجه الحسن هو الدوه __ ابميلاده ابميلاده
__

امبارك يشيعه مولده شيخ الدواوين
بهجة اعيون الكل محب فخر الموالين
هاذه كريم الآل اله مدوها ليدين
نادو امبارك يل حسن ياقرة العين

وابصيحه وحده نبتدي
يا مالكي او يا قائدي
عيدك امبارك سيدي __ ابميلاده ابميلاده
__

ابو فاطمة الطائي

https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

33,806

مواليد وأفراح اهل البيت

25 Mar, 14:09

هلا ابمولد امامي سيد الساده
هلا ابمولد امامي سيد الساده
___

يوم اخمسطعش رمضان شع النه
تجلّي رحمة الرحمن والمِنّه
عطر وجهه يشابه ريحة الجنه
الله انطاه جلال او بالحُسُن زاده

هلا ابمولد امامي سيد الساده
___

تشبگه فاطمه مستبشره ابشوفه
ابحضنها والعباة اعليه ملفوفه
ساعه اتشم رگبته ساعه بچفوفه
وادموع الفرح عل وجنه تتهاده

هلا ابمولد امامي سيد الساده
___

حيدر هل مسيه ابتشرن ارسومه
ميلاد الحسن عنّه جله اهمومه
كواكب هل سمه واشموسه وانجومه
فرحانه او تغني يوم ميلاده

هلا ابمولد امامي سيد الساده
___

علي اتعنه النبي والحسن بيمينه
او شمّه والد الزهراء بجبينه
رفع چفه ابدعاء او ناجه بارينه
يگلي الحيدره سمي انت ويلاده

هلا ابمولد امامي سيد الساده
___

نزل وحي السمه او جايب ريحانيه
يگلي احنه _ الحسن _ هل ولد سمينه
نطيناه المهابه او شِيخه منطينه
وقائد الله راده ايصير عل قاده

هلا ابمولد امامي سيد الساده
___

ابو فاطمة الطائي

https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

30,227

مواليد وأفراح اهل البيت

25 Mar, 14:08

مولودللامام الحسن {ع} ابو ادم الحلي
مِيلادَك إِمبارَك /////////////////// فَرحانَه أنصارَك
يَالمُجتبَه يَالمُجتبَه يَالمُجتبَه
يافَرحة أهل البيت/إبمولدك لَمَن جيت /الأكـلوب مِنسَرَه
مَسرور هـــــادينه /وحيـــــدَرَه والينه / والطاهره الحُرَه
جبريل حيــــــــاهُم /هَاليوم هَنــــــــاهُم /يامَحله هَالبُشرَه
يــــاأول الأنــــــــوار/من حيدر الكرار/ ومن فاطمه الزهرَه
من جَـدَك أنوارَك /////////////////// فَرحانَه أنصارَك
يالمجتبه يالمجتبه يالمجتبه
أحبابك إجتمعَت /بالمولــــــد وفُـرحَت /وتِعلن الفَرحتها
تعلنها للأفراح /والجوري والقـــــــداح / يَالحسن نِـثرَتها
نِثــرتَها للأوراد /والشمعَة الميــــــــــلاد /بالفَرح عِلكــتها
وهَنَت الحامي الجار / وللمُصطفه المُختار /للزهره هَنتها
إمعيدَه أحبابَك //////////////// فَرحانه أنصارك
يالمجتبه يالمجتبه يالمجتبه
طِيبِتَك من أُمَـــــــك /عِــــزِتَك من جَدَك /تِحمِل عَزِم حيدر
مِنهو الذي إيوصفَك /مِن يوصَل الحَدَك /ياشاعر اليكـــــدَر
هَيبَة مُحمَد بيك /وإنته الذي إمعـــليك /الخالِق الأكبر
يَالبِالكَرَم مَوصوف /بين الخَلـك معروف/مـــايوم تـِتعَذَر
معروف بأحسانك //////////////////فرحانه انصارك
يالمجتبه يالمجتبه يالمجتبه
جَفَك بَحَر للخير /واليكصِدَك مَيحير /لو بابك إيـــدكها
يَالتكضي للحاجات /والشِدَه والكلفات /إنتَ الذي إتفلها
ياسيدي الشِدات /يالحسن والصعبات /يــَـمْ عِتبِتَك حَلها
عَلَمَك داحي الباب /للضيف تِفتَح باب /وبابَك فَـلاتسدها
باب الفَرَج بابك ///////////////// فرحانه انصارك
يالمجتبه يالمجتبه يالمجتبه
وبمولــــِدك جينَه /إحنه يَواليــــــنَه /بابك نــِـــــــدك إحنَه
إنمدلَك الأيدين /وبجاه أخوك إحسين /الحاجات تكضي إلنه
هَالحاجه بالمَولِد /نِطلُب يـــــَــبو إمحمد /خــِـــــــدام تِـقـبـلنَه
لَن نِدري بِالمَحشَر/ وَيْ أُمــَـــــك الكوثَر/إهناك تِحضرنـَـه
ومَتعوف خِدامَك /////////////// فَرحانه أنصارك
يالمجتبه يالمجتبه يالمجتبه
خادم الحسين {ع} ابو ادم الحلي

https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

28,714

مواليد وأفراح اهل البيت

24 Feb, 17:54

هوسات للمهدي المنتظر عج
¤¤¤¤¤¤¤¤¤¤¤¤¤¤¤¤¤¤
يا محلى الفرح نرسمهه بالزينه
هاي ارواحنه وشوف الوفه البينه
هاك اخذ النبض مكتوب مهدينه

ونهني احسين ابميلاده
●●●●●●●●●●●●●●●●●●●●●
عجيبه لساني صاير يلهج بأسمك
اتوضه واسولف سيدي ابرسمك
نحلفك يا بوصالح بالظلع وامك

يالمهدي ابسيفك صفيهه
●●●●●●●●●●●●●●●●●●●●●●
من وجهه الكريم يبين الاحساس
يانبع الحياة اشكد يروي الناس
شفت بالغيره صاير يشبه العباس

واگماطه انفل ابترتيله
●●●●●●●●●●●●●●●●●●●●●●
يوسف الفتلاوي

https://t.me/joinchat/AAAAAEFVSMd2pvMFlLPXYg

36,263

مواليد وأفراح اهل البيت

24 Feb, 16:49

يمن اسمك سهم چتال… بعداك
شوكت ترجع مرار الريگ.. بعداك
اذا تنتظر امر باريك.. بعدك
المحب مل الصبر يبن الزچية
&&&&&
مو منه بمصالح.. باع دينه
وكلمن شاذ نهجه.. باعدينه
والك يالمهدي بيعه.. باع ادينه
رفعناها يبن حامي الحمية
&&&&&&&&
محمدالعبّودي

https://t.me/joinchat/AAAAAEFVSMd2pvMFlLPXYg

29,889

مواليد وأفراح اهل البيت

24 Feb, 16:47

هالليله افراح او سهر هالليله
مولد امامي المنتظر هالليله
صلاوات صلاوات على الامام المنتظر
__

خير العمل         ميلاده حل
اهلا وسهلا مرحبا نادينه

حب او فرح       گلبي انشرح
هنيالي بيك ابهل مسه مهدينه

مهدي الامم      بيه انرسم
لوحة امل والها ابشغف تانينه

كحلة مقل        من الازل
سواه ربي من عدن . مو طينه

ميلاده فرحة كل محب ميلاده
اعياده تغفر كل ذنب اعياده
حملناه حملناه اسمه حرز من الخطر
صلاوات صلاوات على الامام المنتظر
__

ابدلالي اله.     كاتب هله
ناقشها بضلوعي نقش هل كلمه

يوم انولد.         كلشي انسعد
ارض او سمه شمس او گمر والنجمه

حسنه ترف        ما ينوصف
حور العيون اتصد اله او مبتسمه

هسه او قبل.      ماله مثل
سبحان ربي الصوره ابهل رسمه

مو مثله يوسف بالحسن مو مثله
هو احله من جنة عدن هو احله
عطر فاح. عطر فاح ميلاده والله اجمل خبر
صلاوات صلاوات على الامام المنتظر
__

ابشعبان اجه        هل مرتجه
بخمسطعش شعت علينه انواره

يا هيبته.       يا طلعته
سبحان ربي البي جعل اسراره

كل الورد.       يمه يرد
ويگله اهلا يا اعز ابشاره

اهلا يمن.         جنة عدن
نزلت على مهده او غدت خطاره

تتبارك ابهز المهد تتبارك
امبارك تگله يا سند متبارك
تناغيه تناغيه يا محله وياك السهر
صلاوات صلاوات على الامام المنتظر
__

عيد الله هل      جاب الامل
او عترة محمد اصبحت مسروره

ابفرحه او هنه         الوحي اعتنه
الدار الرساله جايب الها انذوره

املاك اجت          بسمه الهجت
افواجا او كلها تريد اتزوره

شي قبّله.       شي يحمله
شي شايل ازهاره او يناطر دوره

ايهنون جده المصطفى ايهنونه
بعيونه نور الله صفه بعيونه
تسابيح تسابيح كل ملك يم مهده ذكر
صلاوات صلاوات على الامام المنتظر
__

وجناته دُر           بيهن سحر
كل القصائد نوخت يم بابه

كل قافيه.         مو كافيه
توصف جماله لا وحگ اكتابه

رب السمه             بيده ارسمه
خله الوجود ابكل كيانه ايهابه

الكل شرع         هو الدرع
قرآن الله قد لبس جلبابه

بل مهدي دين الله احتمه بالمهدي
بي يبدي بيه الخاتمه بي يبدي

الايات الايات بي لاذت او كلها فخر
صلاوات صلاوات على الامام المنتظر
__

ربي اسالك              واتوسلك
فرحتنه بل مهدي يرب كملها

عجل اله             او طف كربله
خل تبرد اجروحه او يصح طب الها

ابشوفته            خل شيعته
اتعيد او تسهر للصبح اي خلها

تنسه الهظم       اوذاك الظلم
واتعيش ويه ابن الحسن قائدها

اتشوفه صبح او بالمسيه اتشوفه
اطوفه يا گبر الزچيه اتطوفه
يمولاي يمولاي عجل بعد ما ضل صبر
صلاوات صلاوات على الامام المنتظر
__

ابو فاطمة الطائي

https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

29,637

مواليد وأفراح اهل البيت

23 Feb, 14:13

سيد الكـــــــون انولد هليله
بالفرج كلنه اليـــوم ندعيله
هلا بالمهدي هلا
ــــــــــــــــــ***ــــــــــــــ
هلا ياصاحب زماني
تحققت كل الاماني
ونورك اليله غزاني - هلا يامهدينه

نور الدنيه ابوجوده
اليله ماكو قطعه سوده
نكشخ اليله اعله موده - بلكت يمر بينه

الدنيه اذا ضاكـت بيك تشكيله
بالفـــــــرج كلنه اليـــوم ندعيله
هلا بالمهدي هلا
ــــــــــــــــــــ***ــــــــــــــــــــ
اليوم عيد المهدي عيدي
بالفرح يادنـــــــيه زيدي
امبايــــع او رافعله ايدي - بجيته نتبارك

الفرح ضيف اليله عدنه
ياهــــلا بجيت عشگـنه
بطلعتك يكمل فرحـــنه - نصير من أنصارك

من عمرنه ياناس نطيله
بالفرج كلنه اليوم ندعيله
هلا بالمهدي هلا
ــــــــــــــــــــ***ــــــــــــــــــ
ياهـلا بفرحـة الزهــره
الانتشر بالدنيه عطـره
والارض سواها خظره - من شرف غالينه

فرحـت اليله النــــوارس
فرح عدنه وعدنه واهس
من الفـرح بيض الملابس - من انولد والينه

مولد يعــم بفــــراح نحيله
وبالفرج كلنه اليوم ندعيله
هلا بالمهدي هلا
ـــــــــــــــــــ***ــــــــــــــــ
طلعتك بالكـي قـريبه
يوسف يرد من مغيبه
عاشگ ايلاگي حبيبه - وشوك بينه ازياده

نحسب نريدك تجينه
تلمنه بيديك الحنينه
وتعطف بعطفك علينه - ياحنين الساده

بنص الاگلوب البيت نبنيله
وبالفرج كلنه اليوم ندعيله
هلا بالمهدي هلا
ـــــــــــــــــــ***ـــــــــــــــــ
محمد المشعلاوي

https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة

26,749