سُومرِيـات

@somryat1

• سُومّر حضــارة عِـشق .

سُومرِيـات (Arabic)

سُومرِيـات هو قناة تيليجرام تهتم بثقافة وتاريخ حضارة سومر القديمة. اسم القناة يشير إلى الحضارة العريقة التي نشأت في منطقة بلاد ما بين النهرين. السومريون كانوا شعبًا متقدمًا في مجالات مثل الزراعة والرياضيات والأدب والفنون. في قناة سُومرِيـات ، ستجد معلومات شيقة ومفيدة حول تاريخ هذه الحضارة الرائعة. ستتعرف على قصصهم وعاداتهم وتقاليدهم التي أثرت على العديد من الحضارات اللاحقة. إذا كنت تهتم بالتاريخ القديم وترغب في اكتشاف حضارات الأمس ، فإن قناة سُومرِيـات هي المكان المناسب لك. انضم إلينا في رحلة عبر الزمن إلى عالم سومر واستمتع بالمعرفة والثقافة التي ستحصل عليها من خلال متابعة هذه القناة الشيقة. اكتشف أسرار هذه الحضارة العريقة وشارك معنا في نشر الوعي بتاريخ البشرية القديم.

سُومرِيـات

28 Dec, 22:53

ضل وياي
اريدك والبقن چم يوم
وهالچم يوم صارن حَدك و حَدي
خليني أرد اشوفك
گمت احسَك طيف
يا عين التكض الطيف اليعدي
اخذني وياك اريدك
اريدك ما اريد الغير
كون بسدك اكعد واكعد بسِدي
لتخليني وحدي منين اعرف الناس
لا اكدر اعاشر لا خلگ عندي
احب شلون غيرك من اود شلون ؟
اني وياك كلش خلصت ودي
اخذني وياك مني شعندي باقي وياي
كلي وياك اخذني وكلشي لتودي .

141

سُومرِيـات

26 Dec, 23:47

رغم كل الأجَن منك
وصفت مرورتك حلوة
و كسرتك كسرَة الخطار
لازم تنحسب فدوة
رد و شوف ..
كل ونة بحنايا الروح
تتبدلك بغِنوة .

175

سُومرِيـات

22 Dec, 21:18

إخذني يمَك بعد
ما ضل كل عِذر لا تعتذر
ليل عمري وعمرك مخلص
بعد مابي صبر ، خل نلِم
أحلامنا ونحفظ صورهن
قبل لا ياخذهن بدربه الفَجر
وخل نلم الباقيات سنيني
وسنينك ونسويهن عُمر
وهنّ ميكفن عمر
ونبدي من جدَ وجديد
بواهس سنين الصغر
ولو وازانه الكبر
خلي تمشي ايامنا
بخطوة العاقل من عثر
مرة ورجع يمشي حَذر
خل نضم ارواحنا بيناتنا
ويه أسرارنا ولا نشتهر
وافتخر بيه ويه روحك
واني وي روحي اضل بيك افتخر
حِبني لتضل تعتذر
حبني واجبرني علىٰ حبك
الروح ما تعشك لَون ما تنجبر .

252

سُومرِيـات

16 Dec, 23:18

سواد الليل يبقىٰ
وتطفىٰ الألوان
واعيد بذكرياتك
والمشاهِد .

294

سُومرِيـات

10 Dec, 22:31

اريد أرچي علىٰ صَدرك
راسي تعبان ، واسولف
عن عذابي وغربة الروح .

381

سُومرِيـات

30 Nov, 23:03

تعال الليل ما يعبر
حياتي بدونك تبعثر
شلون انساك ، ليش انساك ؟
أحبَك من الأبهر و أعبد السَواك .

468

سُومرِيـات

24 Nov, 19:50

جفني بارد ع السَهر
بس گلبي نار
ليل .. وطيوفَك
عَلي هدّن نهَر .

546

سُومرِيـات

21 Nov, 18:47

الما يندل خيالي بروحي ماخلي
وما يرهم عليه ولو نفس جيته
التعداني بحلم يلگاني عابر ليل
الفجر گبل الشمس بعيوني وشلته
الما يشتاگلي ينترس حضنه فراگ
على الملگة من اسولف ماتذكرته
بيها وداع روحي يكفي كل الناس
خسرها الچان ظنّه الروح خاسرته .

588

سُومرِيـات

20 Nov, 19:27

حلفوني بعيني
ما گلت الصحيح
حلفوني بعينك
وما چذَبت .

536

سُومرِيـات

07 Nov, 21:21

" تُحاوطني ذكراكِ "

640

سُومرِيـات

05 Nov, 15:00

منين ما تندار أحبَك
بَحر ويحاوط جزيرة
يا طموحاتي الأخيرة
ويا مُعاناتي الچبيرة .

670

سُومرِيـات

02 Nov, 22:35

جيتَك بليلة شِتا
ظلمة ومُطرها رَشك
وشبعده صار الدرب
خوف ورعيد وثلج
وچفوف إديه زرك
بـ بابَك طحت .. ها گمت
ضميت إديه وردت
ع الباب بالروح أدك
بس گالوا إلمن تِدك ؟

712

سُومرِيـات

26 Oct, 18:04

تاخذني عليك
عيوني من تفوت
وأحِس بالروح تطلع
واني أرد بيها .

729

سُومرِيـات

10 Oct, 22:38

وداعتك مو اله چَفك
حاجبك لمّن ترفعه
نگوم ونرد السلام .

798

سُومرِيـات

05 Oct, 22:27

سبعة العجايب لچَن
ثامن عجيبة أنتَ .

864

سُومرِيـات

24 Sep, 20:22

وأفرزن ريحتَك
من يا درب مريت
اليجي مشتاگ يثگل
والهوىٰ يدفعه .

1,090

سُومرِيـات

18 Sep, 19:38

عود لحَبيبك عود
كافي بَعد عود ..

1,014

سُومرِيـات

12 Sep, 18:45

شِلّي ؟
بأخبار الحبيبة الما تحِب
وشلي بالعين الوسيعة
الما تشوف بعيني
نظرات المُحب .

1,017

سُومرِيـات

09 Sep, 23:59

بديت اتعلق بنارك
وأحب كل الاطباع البيك
شجرة وعاشگ حجارك
اريد بروحك تضمني
مثل ما ضام أسرارك
أجيت أنتَ بوكت بي
گايل الدكتور حضرلك گبر
خلصان مشوارك
وعشت بعيونك الحلوات
ما غلطان الأختارك .

977

سُومرِيـات

31 Aug, 00:00

تعال اگطع نزال الليل
حِط بنحري چَم نجمة .

832

سُومرِيـات

27 Aug, 21:38

مو قصة بُعد بس اني ما اگدر
على فراگك لگيت عيوني تتوذر
لگيت البيه يتراجف ..
اليبقى لوحده ويه الليل يتكتر
اخافن مَحد يلمني اذا اتطشر
تفيض سيول ما ترحم
انه مضمضم بچي مدثر
يشيغ بگلبي واهس جام
و الگه گليبي يتفطر
و اخاف الگاك ما مهتم
و اضيع وانكسر وانطر
و اخاف الغربة تندلني
و اگود چفوفهم مضطر
وانه چفوفي متعودات
بس بچفوفك اتجرجر
دلمني بنحرك اشتمك
عطر و بنحرك اتعَطر .

830

سُومرِيـات

16 Aug, 21:54

774

سُومرِيـات

16 Aug, 21:48

أقنع الروح شيقنع النواظّر
إذا للساع وجهَك حاضِن العين
شيشلعَك ؟ نظر بالعين صاير
گمت كل يوم أكول لباچر أنساك
ويجي باچر وأكولن" گلت باچر " .

711

سُومرِيـات

09 Aug, 21:33

يَـ العلمتني شلون أحب
علمني أعوفك وأبتسم
دَليني كلش تَيهت
بيه بعد واهس عشگ
مو ذنبك بروحي الذَنب .

768

سُومرِيـات

05 Aug, 21:14

بنص هذا الضياع أنتَ المصبرني
تهَديني شوكت ما وكتي وتّرني
أنتَ العافية وأنتَ انتصار الذات
مو وياي أحسك .. لا جزء مني .

802

سُومرِيـات

03 Aug, 00:16

شلون أوصفك وأنتَ
دفتر واني كلمة
يلي ما جاسك فِكر باليل
ولا جاسك سهَر
يلي بين حواجبك
غفوة نهـر
يلي جرة سِما بعينك
خاف أفززها من اگلك
اني أحبك .

804

سُومرِيـات

01 Aug, 23:16

وصيت نفسي هواي
كلش تنسى رَسمك .

741

سُومرِيـات

30 Jul, 23:03

شگلك يا بَعد عيني
وأنتَ اقربلي من رمشي
حتى من أنعزل ع الناس
بوكت بي كاره الدنيا
‏چنت وياك أحب كلشي .

684

سُومرِيـات

30 Jul, 20:46

‏شنو انتَ ؟
ويا خمر فاض على جيدَك
حگه لمظفر يگلك
ارد اشمك من غميجَك
حگها يوميه الشمس
تغفىٰ على إيدك
انتَ يا شفاف يا لون البَنفسج
ياترف .. كل الضوة تبده بوريدك .

667

سُومرِيـات

28 Jul, 21:16

‏يجيني الليل وافرش ذكرياتك
وبالظلام اختل ، خاف يمر
فجر طَرواك ع الشباچ
أحط قمصانك وماريد
خيط من الشمس يدخل
وما دام بروحتك مرتاح
خلة فراگك يطول .

611

سُومرِيـات

27 Jul, 00:00

ما جابني لهل درب
غير الحَچي الينسمع
بعيونك الحلوة
ما أدري حُبك قدر
لو عشك لو نَزوة
يل تسوه ناسي وهَلي
شخَلاك ما تسوه ؟

606

سُومرِيـات

25 Jul, 22:26

شجابَك بعد هذا الوكت
وشفززت بشفايفَك ؟
عندي مشاعر ما غفن
لسَه ميدرن عايفك
وثنينه انبعنا حلم
وشچم دمع مستغربك
وشچم دمع ما شايفك
شفتك وما أدري شكو
مَدري شنو البچاني
ما أدري يا ذكرى اطلعت
وشسولفت قمصاني !
حَنيت لأيام الشته
وذيج الليالي الحارة
ولهفتنا غطتها السمه
و واحدنه مَحد جابره
وإتذكرت …
ذيچ الوعود المو صدك
وذاك الحچي الـ بالورق
صح الرسايل تنّسي
بس الي بيهن يبقى
شگد چنت محتاجك تجي
وما جيتني ولا چَنك
وشگد رسايل بالچذب
وديتها يحرگنك
وتندمت من عرَفت
ليل الله سواه منك .

599