رائد الناشي

وينك يالمصفيها زينب لحكَ عليها
جهبتني الزلم والخيل ترضه اختك تلاكَيها
ــــــــــــــــــــــــــــــــــــــ
ضاكت يالتزيح الضيم غيرك محد يحلهه
عبــاس الزلــم والخيــل جهبتني بمشاعلهه
تحــركَ خيمتي العدوان هاي شلون تقبلهه
هاي الخيل زلمه تريد حرمه شلون اجابلهه

جفوفك لايعطلنك ماتسمعني احشمنك
انهض ولو بس زنود ياعباس لاويها
ــــــــــــــــــــــــــــــــــــــ
الماتعرف شني العباس كوم اليوم علمها
خل نهر الفرات اليوم يشحط من كثر دمها
نكّس روسها بيمناك واجتفها بعمـــايمهــا
طشت يالتلم الخيل غيرك محــد يلمهــــا

كوم ورايتك شدهه وصلت يالفحل حدهه
وصلت حدك العدوان وينك يالمبجيها
ــــــــــــــــــــــــــــــــــــــ
ماتفزع لفتني الكوم متحزمه برواياها
وينك يالمعكَـر الخيل خل تطيك مكفاها
تتراكض حرم واطفال ياعباس ترضاها
فرت ماتوجد وين من النار منواها

شي بالنار محتركه شي انسحك مالحكه
شي تصيح عمه الغوث سوط الشمر واليها
ــــــــــــــــــــــــــــــــــــــ
هاي تصيح عمه الخيل بالميدان سحكتني
وذيج البلخيم وتصيح عمه النار حركتني
شلون الحكها وانه السوط ياعباس هد متني
شمــا ادنه ليهـــا النــــار بالصيوان لهبتني

شلون اتلاحك عيالي وانه النار بذيالي
يبن الخلص ابراهيم غيرك مايطفيها
ــــــــــــــــــــــــــــــــــــــ
يبن الخلص ابراهيـــــم من النار نجينه
ماتدري الجمر عباس جوه اجدام رجلينه
يالغافي عللمسنات غيـــر اتكفلت بينـــه
ماتنهض تطفي النار لاتلحك على عبينه

يلي اتكفلت بيه منك موش مرجيه
اختك تشتكيلك ليش ماتكعد تشكيها
ــــــــــــــــــــــــــــــــــــــ
هايامن كلت بحماي كوم الخيل وصلتهه
صاحو بالخيم فرهود زينب ماهم اخوتهه
ماضل خدر ياعباس عدها بس عبــايتهه
خويه اسمعهم يصيحون زينب وين خيمتهه

وصلت نارهم ليه بيها انجوت رجليه
ترضه اختك يراعي الزود تجوي النار رجليها
ــــــــــــــــــــــــــــــــــــــ
اكعد موش ساعت نوم ماتحلالك النومـــه
كوم اسحك ظهور الخيل يبن الشايعه علومه
ماترهم يبو النوماس منك خاليه الحــــومــه
سلبونه واخوك حسين منه انسلبت هدومـــه

ماخلو علي خيمه ماتلحك يبو الشيمه
شمتاني ورقيه الكوم سلبوها تراجيها
ــــــــــــــــــــــــــــــــــــــ
ريته خلافكم لاطال خويه العمر ماريــــده
هضمني الشمر ياعباس هاي سوايته مجيده
شال ايده ويطكني يريد جيفن شافني وحيــده
كتله حشمت عباس كال المشرعه بعيــــــده

بطلي ولاتحشمينه اخوج انكطعت يمينه
هاي سوايته منالناس ماواحد مسويها

الخادم

رائد الناشي


#اللهم_عجل_لوليك_الفرج

شلون ترضاها اعلى زينب يخو زينب حايره
نايم وخيل ال اميه اعلى المخيم دايره
****
حايره بلم اليتامه وحيلي ياخويه انهدم
شما المهـا تضيع مني ابين دخان الخيم
هنا يمن بيدك علمنه شلون هديت العلم
ها يفراس المنايه ويالمروض الغايره
*
نايم شلون وخواتك حالهن مـاينوصف
خـويه مـن طلعن يركضن لاكَن السبعين الف
بكثــر دخــان الخيــام وجــوهن مــاتنعــرف
وتــدري بربــات الدلال اعلــى الركض ماجـاسره
*
نـــار تلهب واليتــامـه لايــذه بســد العبـــا
اليركض منالنار خايف خيلهم تركض ورا
هنا ينايم ع الشريعه من صحت ماكَتلي هــا
لــوحــدي ورجـال مـاكـو وهـاي وادم كـافـره
***
بيـن سبعين الـف زلمه الغـوث يـاعبـاس اصيـح
حرمه متعوبه وجبيره ومن يطكَني السوط اطيح
يــاحـزام حسيــن اخبـرك طـايــح حسينك ذبيــح
بعـــــازة النـــاصر عضيــدك مــاتكَـــوم تنــاصــره
مادري شصار برقيــه وتاهت ابين الخيـول
امنـاها حسين عنـدي ومن يناشدنـي شكـول
ظلمه ماوجد طريجي وخيلهم بالطف تجول
حــرمه بين الخيل تفتــر بالعـرب مـاصــايــره
**
كَــوم من كـونك تهيس بيك يابــو الغيـره حيــل
حــارس يـريــدن خواتك جل علـى النســوان ليل
احسبني خويه دخيل عدك وأنت ابن حامي الدخيل
سكنــه يـــم بــاب المخيــم يــاجفيلــي منــاطــــره
**
توجهت صوب الشريعه وطلعن يصيحن وراي
ويــن يــم الخـدر زينب طالعــه بخـدرج تعــاي
كَلت اريـــدن للشريعـه وهــاي السياط كَفـــاي
رايحه لعبـــــاس بلكت حالـــي يكسـر خـــاطــره
**
حيل مابيــاش اجعدك خاويــه منالسوط الـــوي
يبن ابـوي شلون تـرضى كَبالنه يشتمون ابـوي
خيلهم عباس اخبرك داست اعلى ضلوع اخوي
وجـم فرس جـال اعلـى جسمه وداس صدره بحـافـره
**
احجيلي ياكفال خدري بطبتي لمجلس يزيد
ياهـو اليرافجني بــاجـر والدرب كلش بعيـد
ويــاهو اليشد المحامل والكفلنــي بلايه إيــد
والصبـــح عبــاس عنكــم ع الهــزيله مســافــره

رائد الناشي

#اللهم_عجل_لوليك_الفرج

الاخوة خدام الحسين جميعا ادعوكم الى التبرع لعوائلنا في لبنان هناك عائلة تحتاج مبلغ مالي لغرض الوصول الى العراق ونحن الان نسعى لجمع المبلغ فلاتقصروا ياخدام الحسين، وكل من يتمكن من المشاركة يتواصل معي خادمكم رائد الناشي او مع الاخ خادم الحسين سيد حسن العنكوشي

07867578515 رائد الناشي
+9647805516980 سيد حسن العنكوشي

https://youtu.be/-058UGiJACg?feature=shared

ع الوجه كمنه نحط جفوفنه
للستر خاف الغريب يشوفنه
ــــــــــــــــــــــــــــــــــــــ
نوگ هزلة ومامش عليها غطه
والضعون يسوگ بيها ابن الخطه
وين حامي ضعونه اعلينه بطه
شلون بيد الما رحمنه يعوفنه
ــــــــــــــــــــــــــــــــــــــ
نمشي ممشه نياگهم مانستريح
نخاف خاف گبالهم وحدة تطيح
وانتم ابين الموذر والذبيح
خلص طفكم واحنا هاي اطفوفنه
ــــــــــــــــــــــــــــــــــــــ
ناس تضحك ناس تشتمنه وتروح
وناس ترمي حجار من فوگ السطوح
واحنا مابين المجتف والينوح
والسياط انطبعت اعلى چتوفنه
ــــــــــــــــــــــــــــــــــــــ
بالنهار يصير مسراها الضعون
وعمده باوساط المدن بينه يجون
يساره واعلينه الخلگ يتفرجون
بلايه والي ونرتجف من خوفنه
ــــــــــــــــــــــــــــــــــــــ
بلا غطة وشي حافيه وشي اعلى نوگ
والهزل چتالكم بيهن يسوك
عمده كل ما يضعن يمر اعلى سوگ
بلايه غيره وبالسواگ يطوفنه
ــــــــــــــــــــــــــــــــــــــ
مالهم نخوه ويضربون الاسير
وبالطبول الناس تتلگه المسير
طحنه بيد الماكو عدهم مايصير
وانولينه ولا غيور يروفنه
ــــــــــــــــــــــــــــــــــــــ
بالشتم والضرب گضينه الطريج
وحالنه يبچي العدو گبل الصديج
درب غربه ومامش ويانه رفيج
وتاكل احبال السبي بجفوفنه
ــــــــــــــــــــــــــــــــــــــ
گبال باب الساعة وگفنه يزيد
مچتفين تشوفنه الوادم يريد
ويذبح بسجادكم طوگ الحديد
ويم هذاك الباب طال وگوفنه
ــــــــــــــــــــــــــــــــــــــ
وما انسى شما طولت بيه السنين
شلون للمجلس دخلنه مربطين
يزيد سبنه وضحك مروان اللعين
وسلت الكوفة علينه سيوفنه
ــــــــــــــــــــــــــــــــــــــ
يا آل هاشم ابد ما عالبال جان
يزيد بينه گبال مروان استهان
ويضرب شفاف السبط بالخيزران
وعاف ملتنه ونكر معروفنه

رائد الناشي

#اللهم_عجل_لوليك_الفرج

https://www.facebook.com/share/v/rCpxrREjUAAD7KWP/?mibextid=D5vuiz

https://www.facebook.com/profile.php?id=100064153598355&mibextid=ZbWKwL

https://youtu.be/jdeACXnAYfA?feature=shared

مايرضه الحادي ينزلجن
ودعنهم من فوگ النوگ
وراح نمر من يم الكافل
موش تجيبن طاري السوگ
ــــــــــــــــــــــــــــــــــــــ
ودعنهم من فوگ الهزل من بعيد وماكو ملاگه
يم عبدالله بروح الغالي هودي الدلال اعلى فراگه
يا ليله ولو شفتي الاكبر موش تطيحين من الناگه
جا موبس انتن تشتاگن انه وياجن هم مشتاگه

سلمن من بعيد
شيلن بس الايد
هاي انه تشوفني وياجن
دلالي عليهم محروگ
ــــــــــــــــــــــــــــــــــــــ
يارمله وباجر ع القاسم لو مر حادينه وشفتيه
بداعة عرسه وذني شموعة ماريد تطيحين عليه
گليله الله وياك وليدي وانتي اعلى الناگه وودعيه
ماريد تزيدين جروحه وهوه اللي بيه مكفيه

گليله الله وياك
يبني وما انساك
يوليدي ومنا نتلاگه
يالقاسم مايطفي الشوگ
ــــــــــــــــــــــــــــــــــــــ
احجي وياجن واحجي بگلبي يازينب هم تصبرين
تظلين اعلى الهودج باجر لومر الحادي اعلى حسين
لو شفتي ظلوعه المهشومة يازينب شنهي تسوين
تودعينه منبعيد الغالي وانتي اعلى الناگه تگدرين

لو يمه يمر بيج
گلبج هم ينطيج
تخلينه وتمشين موذر
شلون يصير وداعج فوگ 
ــــــــــــــــــــــــــــــــــــــ
توصين النسوان وگلبج وينك ياعباس يصيح
خاف يمرونج ع الشاطي وخاف انتي اول وحدة تطيح
شيصبرج وانتي تشوفينه دمه منصبي عينه يسيح
عباس الخلاج بعينه ومايرضه تأذيج الريح

لو شلتي ايدج ليه
منين يجيب ايديه
تحتارين بذيج الساعة
شنهي الوي عباس يلوگ
ــــــــــــــــــــــــــــــــــــــ
شدن حيلي ورحمن حالي حرمه وعندي اطفال هواي
محتاره بصعدتجن باجر وماهوه العباس وياي
محد ويانه وكافلجن تدرن غافي بكتر الماي
انه اعليه اطفالي وانتن باجر هاي تصبر هاي

انه وداعة عون
ماظلتلي عيون
ينهد حيله اليبجي بسكته
ومايطلع صوته ومخنوگ
ــــــــــــــــــــــــــــــــــــــ
كافي وصية حسين العندي كل لحظة تجملني هموم
كل ساع تفز وتنشدني شو مامر عليه اليوم
شتجاوبها المثلي تشاهد نحر ابن امها يسيل دموم
حزو نحره  وداسو صدره لو نايم من غير هدوم

شنهو جوابي يصير
حگها المثلي تحير
ياهي الشافت مثل الشفته
جتال اهلي بظعني يسوگ
ــــــــــــــــــــــــــــــــــــــ
اخر وحده البيها اوصيجن بس وصية تشيب الراس
موش تجيبن طاري الكوفة من نمر يم العباس
وموش تگولن لو طبينه بحجار تشامرنه الناس
لاتحجن شي يلجم گلبه شيسوي المابيه انفاس

بس صيحن وفيت
ياعامود البيت
شنگلك وانت لخاطرنه
بالخيل نشوفك مسحوگ

رائد الناشي

#اللهم_عجل_لوليك_الفرج

عندما مر قران السبي على مصاحف النور
يتقدمه سبعة عشر اية رأسها رسول الشهادة
التفتت السبع الثاني مخاطبة وصي الكفالة
تقول :

مرينه اعلى جسمك لحظة وداع
بس مرة سبايه ومستعجلين..
الله وياك كتلك خويه عباس
طلع موكب خواتك ماكلت وين
اشو ماناشدتني اعللهزل ليش
ولاگتلي يزينب وين تردين
ومالحكنه نوكف نلطم عليك
وسلمنه اعلى جسمك واحنه ماشين..
نخيتك ماكمت مستحيه رديت
واكل للروح ميت لاتعتبين..
على كلن طلعنه بدك الطبول
ومشه موكب الروس وقائده حسين
وطلع موكب عزانه ومشه استعراض
موكب بس منصاته الدواوين..
وجمهور اليعاين موش جمهور
شماته تكول حسبالك مجانين..
نلطم يالطم زنجيلنه السوط
واللطامه زينب والنساوين..
الفشل كل الفشل من طبت السوك
شكثر صعبه اعلى بنت الهاشميين..
شفت نسوانهم تضحك يعباس..
كلها تكول حامي ضعونجن وين..
صدگ عافج يزينب ستر الخدور
وينه الگالج بحماي تمشين
صرت مجبورة ادنگ من ينشدون
افزعه شلون زحمة لماله جفين
وخلصنه العزه وانتهه الزنجيل
بس بظهورنه ظلت نياشين..
ونصبنالك عزه بنص الخرابات..
بس شلون تعزيت مساجين..
ونعيتلكم نواعي تشيب الراس
لما ماتت رقيه بكثر الونين..
ولمن حسيت راسك صاح كافيج..
عميتيها يزينب هيه بس عين..

رائد الناشي

#اللهم_عجل_لوليك_الفرج

حيهم يا عمام حسين طاح حسين من مهرة
واليتـه الزلــم ويريــد منكم واحــد يحضره
ــــــــــــــــــــــــــــــــــــــ
حيهم يا عمام حسين هذا حسينكم وحدة
طايح والزلم والخيل هدت لــي فرد هــدة
مـــا صح بالخلكَ نغـــار عنه العـــايل يرده
اول تالي هيج حسين حته اخوان ما عنده

الكلها تطيح جدامه
سلبو منه العمــــامه
ولا فزعت كَرابه وياه ولا من ناصر ينصره
ــــــــــــــــــــــــــــــــــــــ
مامش زلم بالصيوان ظلت حتــه احشمهــا
لزينب يهـل زينب ليش مــافزعت ولد عمهــا
ظل اعلى الرمل مطروح ابن سيد مكارمهــا
طاح وعنده بس نسوان ركضت ليه من خيمها

هضيمة وحيل موسهلة
بس نســــوان تفــزعلــه
وعلوياتكم بالبر ركضن والدرب عثرة
ــــــــــــــــــــــــــــــــــــــ
ركضن صوب ابو السجاد من فزعت الخيــالة
شـافنــه بهـــذاك الحـــال كَــامن يبجن لحــاله
ذنــي مدللات حسين مـــا يتحـــاجن بجــــاله
هسه حسينهن مــن طــاح صارن بيد جتـــاله

هسه الهضم كاتلهن
من طــاح المدللهن
ومن ينطر فجر للشام وراهن ع الهزل سفره
ــــــــــــــــــــــــــــــــــــــ
ركض وملافت وعثرات من الخيم للحـــومة
اطيحن من يطكَوني واحير انوب بالكَـــومة
وصلت يمه ولكيته يلوج والحر غير ارسومه
صدك نايم لكيت حسين بس شلونها النومة

شفته وعسن لاشفته
يتكَلب عــــزيز اخته
يصيح الماي اريد الماي كَلبه من العطش جمره
ــــــــــــــــــــــــــــــــــــــ
بس انه افزعت لحسين مــا صحت زلـم تنغــــر
خلصت الدرب لوعات نوبه انهض ونوب اعثــر
لكيته من التعب مكَطوع نفسه وميت من الحـر
الف وتسع مية صواب بيه وبعــد بيــــــه اكثــر

حرت يا جرح اضمدنه
اخ يصيـــح اسمعنـــه
اشدن يا جرح بحسين وبي من كل كتر طبرة
ــــــــــــــــــــــــــــــــــــــ
من فوك المهر للكاع طيحت شيخكــم صعبة
لا ظلت عشيــره ويــاه لا خـــوان لا صحبـــه
كبل الذبح يطلب مــاي محـــد يقبل يشربـــه
ومـن بعـد الذبح سلبوه وسحكت خيلـهم كلبه

طايح شيخكم زحمه
بيـد المــــالهم رحمـة
من كثر السحكَ بالخيل ضلوعه انطبكت بظهره

رائد الناشي

#اللهم_عجل_لوليك_الفرج

تنويه ✿

العلامة الاميني (قدس سره)
كان من عادته أن في ليلتي التاسع والعاشر من شهر محرم الحرام يخرج صدقة باسم صاحب الزمان (عجل الله فرجه) وكان يقول أن في هذه الليالي يكون قلب الحجة معتصرا بالألم والحزن ... إرسل هذه الرسالة إن استطعت لتكثر الصدقات في سلامة قلب صاحب الزمان روحي فداه

اسبــاع هجت مـن برز ذبــاحهــا
وصار فوگ من الصهيل صياحها
ــــــــــــــــــــــــــــــــــــــ
بـرز مدنف مايمــر خشمـه الهــوه
وگام يثني الفرس والفارس سوه
حار ومن حرورته الغوج  انچــوه
صولته اسرع من مهب ارياحهــا
ــــــــــــــــــــــــــــــــــــــ
ضيعت عين الشمس ذيج الصفوف
كلـه والعبـــاس وادم مــــا يشــوف
صرخ بيها ومن صرخ ماتت وگوف
واكثر مــن العدل صــار طيـاحهــــا
ــــــــــــــــــــــــــــــــــــــ
صفنه صارت بالـــوغه وعم السكـوت
وفوك صوت ابن الفحل مايعله صوت
علـى ظهور خيولهــا گــامت تمـــــوت
گبـــــل لا تنـــزل يجــــر ارواحهـــــــا
ــــــــــــــــــــــــــــــــــــــ
كــــام ينثر بالزلـــم نثـــر الدنــــان
وصفها صف ومايصح للظل مچان
نزلت مـــن خيــولهــا تريد الامــان
وگبل لا يحمـــل  تسلم سلاحهـــــا
ــــــــــــــــــــــــــــــــــــــ
گام يفرشهـا حـــدر جدمــه ويــــدوس
واليريد يفـــر يحط رجله اعلـــى روس
غدت تصطك الضروس اعلى الضروس
چلچلت مثــل الغيــــــوم وزاحهـــــــا
ــــــــــــــــــــــــــــــــــــــ
تراكضت والصايح اعلى من الصهيل
وانـذبـح حـاجوزهــــا وفـر الدخيــل
گضه هــواي بصــــارمه وظل القليل
وبيهــا مـاتت مـــن نزيف جراحهــا
ــــــــــــــــــــــــــــــــــــــ
يرعـــد بنصهـــا مثل ليث المخيــف
يصيد قادة ويعبر المـا بيــده سيف
سبع صــار اليشـرد وبخت الخفيف
عبرت الشــاطي ولحگها ولاحهــــا 
ــــــــــــــــــــــــــــــــــــــ
اصتكت وضكت وركت بالضرب
والهــوا ابينــاتها مـا ظن يطب
ال هاشم عدها تسيورة الحرب
ولبست بيوم الطفوف وشاحها

رائد الناشي

#اللهم_عجل_لوليك_الفرج

حسين شــو رديت ظهرك لازمـه
ويـن اخوك الجان يرهب صارمـه
ــــــــــــــــــــــــــــــــــــــ
وحـــدك رديتلـي ومحـــــد وراك
وين اخـــوك البالحرب لازم كفاك
اسم الله يحسين الكمر بس لا جفاك
وغمض وفــزت االجانت النــايمة
ــــــــــــــــــــــــــــــــــــــ
هــاي اول مــره اشوفنك رجيـج
تنـازع وجنك يبــو الاكبر دريـج
وين اخوك و وين فرسانك هذيج
وويــن عــن حالك حبيب ووادمه
ــــــــــــــــــــــــــــــــــــــ
ليش ظهرك لازمة ودمعك يسيل
تميل وي الريـح لـو رادت تميـل
مـاعرفتك خويــه حسبالـي العليل
شنهي صار وهيج حيلك جاسمه
ــــــــــــــــــــــــــــــــــــــ
حسين شنهي السالفة وشنهي الخبر
رحت تمشي شلون رديت اتعثـــر
الشيب تارس وجهك ودمعك حمر
تصيح وا غــوثا وخــدك لاطمـه
ــــــــــــــــــــــــــــــــــــــ
شــاب عفتك والنهــر كلش جـريب
شلــون رديت ولحيتك كلهــــا شيب
خــويه حسبــالي رجع للطف حبيب
ثــاري اخــوك الراح حيلك هـادمه
ــــــــــــــــــــــــــــــــــــــ
شمـا انشدك شفتك همــومك تزود
ورحت للخيمة وشلت منها العمود
هــاي معنــاها جفيلــي بلا زنـود
وحتـه عينـــه منالسهم مـــا سالمة
ــــــــــــــــــــــــــــــــــــــ
ليه وديني ارد اشوفنه شيكــول
ياهو اليصعدني باجر ع الذلـول
ارد اكله الروحه كلش مو قبـول
ونومتك هساع مـوش مـوالمـه
ــــــــــــــــــــــــــــــــــــــ
شلون باجر طلعتي بـذاك الطريج
بيــن وادم غربــة مـابيهم صديج
يبن كشـاف الكرب لمــن تضيـج
بشدة طحنه وهاي وادم ظـــالمه
ــــــــــــــــــــــــــــــــــــــ
يبن كشاف الكرب والمعجزات
موش من طبعك على الذلة تبات
شلـون خويه تغمض وعندك خـوات
على الممشه وي الغـرب ماراهمه

رائد الناشي

#اللهم_عجل_لوليك_الفرج

فهرس القصائد المنشورة في القناة :

(1) يحسيـن وين اليوجعك دليني    
(2)بيش المّــك ... عندي بس هاي العبايه الساترتني
(3)سمعته آنه يون وتگربت ليه
(4)عيني اعلى الظعن وايدي اعلى گلبي
(4)اليـوم الاكبر شد عليها حزامه
(5)هله هله تصيح زيـنب گال اخوي افنيها
(6) أم البنين (عبــاس اوكــف خـل اشم جفــوفك
(7)هنـــايســايج ظعنــه ريض ومــر بهلنـــه
(8)ليش كل ما جفني يغمض وحلمت نكَعد سوه (العليلة)
(9)ياليل سلملي على اهلي الماخذوني
(10)عمت عيني الولد للموت زفيته (للقاسم)
(11)عبــاس عمـي بياكتـر صارتلك الرملـه وســاد
(12)طب ليها ابوفاضل خويه طب ليهــا
(13)يحسين العبايه النار لهبتها (نعي)
(14)وينك يالمصفيها زينب لحكَ عليها
(15)لاتودعنـي وتسـولف ع الـرحيل
(16)يرجليه يرجليه باجر ع الجمر تمشن يرجليه
(17)بس لا مأذيك الرمح عباس خويه شلــونك
(18)مناطرينك اليوم لو باجر تهل
(19)وين بظعنكم تردون يهل الرحم حاجوني
(20)نسيناك بسوالفنه ونسيناك بقصايدنه
(21)لاتكَلي مقصر وتحرك دليلي
(22) اصيح بصوت واركض وين ما ادري
(23)المن طالعه بهالليل تمشيـن
(24)ماتبجي بعد شمتانيه العين
(25)أبوذيات لولي النعم صاحب الزمان
(26) مقطوعة لأمير المؤمنين
(27) مقطوعة للأمام الحسين
(28)يحسيــن گـــالـولـــــي المجالس خفت
(29)الليلة جمعة .. الليلة بعيون اليتاني تلالي دمعة
(30)حبيت شكثر وادم
(31)راح اسولف وانته وصل السالفه
(32)اتمنه انامن واكعد بدكت باب
(33)قـــد قامت القيامـة عبــاس شد حزامه
(34)كون اول شمس باچر شمس وجهك
(35)گالولي بالجمعة الوعد تتلاگه وي محبوبك
(36)محملين وضعنــه شـــال عنك (ابوذية)
(37)من كثــر النشد يحسين حته النــوك ملنـي
(38)بويه الله وياك نيتك راشده
(39)وحگ قـــرآن البصدرك ويتبيـــه (ابوذية)
(40)مقطوعة للحسين
(41)لا تجيهـــم .. ذوله ماعدهم ضماير .. لاتجيهــــم
(42)رد منحني وايده اعلى ظهــره
(43)هاي اول ليلة اعيش بدونك
(44)لخد ابوي الرمل صار وساده    
(45)عباس اجاني الليل واشتاكيتلك
(46)من بعــد حظنك يبابــا نــايمه بحظن التـرابه
(47)يوميه عيني ويالدمع متصابحه
(48)مرينه اعلى جسمك لحظة وداع (نعي)
(49)علي ياهو اليشبهك حته تنقاس
(50)احبك مو حجاية وبس 
(51)مايرضه الحادي ينزلجن ودعنهم من فوگ النوگ
(52)كونو على حذر    قد سعرت سقر
(53)يرحولك فدوة اربعتهم (نعي لأم البنين)
(54)ليل ودربي ماشوفه منالدموع
(55)يابعد  لونـي يبويــه شلــونك
(56)اكعد نومتك هالوكت موحلوه
(57)عباس ضهضب واطربتله الحومه
(58)عيني بفركتك ماشافت النوم
(59)لزمت علينه المشرعة الخياله
(60)عالوجه كمنه نحط جفوفنه
(61)عباتج والخيم وثنينهن سترج
(62)شلون ترضاها اعلى زينب يخو زينب حايره
(63)خبر موتك لفاني وسال من عيني الدمع من دم
(64)مسلم نزل للحومة واتنخه بالعبــاس
(65)يالماكصرت لمن صحت عونك
(66)ترى الناس سكارى وما هم بسكارى
(67)الحكنه ياعباس ياوالينه
(68)سيدة الانتظار
(69)اغتاض وحاجته الراية ويحاجيها
(70)عبدالله هـــاي اخــر دللــول
(71)يزينب ماتت الخـوه عبـاس انذبح تـوه
(72)يعاكَر خيلها ويا مرهب الكَوم
(73) رسالة شوك ودتها العليلة
(74)كال نمشي وخايفة من حجايته
(75)يابعد عيني البلمثلث رايحة

يابعد عيني البلمثلث رايحة
من ناكتج كالو يزينب طايحة
مشتاكلج يازينب شلـــونج
شو حاجبج طايح على عيونج
كالولي من طكوج وينك صايحة
ــــــــــــــــــــــــــــــــــــــ
بذيــج الخــرابة ونـارها الحراكــه
راس ابــو فــاضل وي اخيته تلاكه
مشتــاك ظل يســولف لمشتـــاكــه
ودموعه تجري وجاب طاري الناكه

عيونج يبعد عيون اخوج شلونها
كالولي زينب طايحه منضعونها
هـم توجعج يازينب متونج
شوحاجبج طايح على عيونج 
ــــــــــــــــــــــــــــــــــــــ
اول ملاكه ابينه بــلايه جفـــوف
وشلون اشبكج وانه كلش ملهوف
وشلون يمي ولون وجهج مخطوف
من جنت امرج مايمر كلبج خــوف

فوك التراب كبالي زينب كاعده
ومجتفـــة وتنحب نحيب الفـاكـده
يمج اخوج ومنخطف لونج
شو حاجبج طايح على عيونج
ــــــــــــــــــــــــــــــــــــــ
مشتاكلج بس الرمـــح يــاخذنــي
وابتعد بس الشــوگ ليج يردنـــي
فــوك المهــازل صعدتج تمردنــي
واتمنه راس الــرمح كون يهــدني

يــارمح موهين عليه فراكهـــا
هاي العزيزة ومدري ياهو الطاكها
الله يكون اعلى السبي بعونج
شو حاجبج طايح على عيونج    
ــــــــــــــــــــــــــــــــــــــ
اتمنــه كون يردلي جف أيــدي الراح
وانــزل واشبكج وافكك ايــدج وارتـاح 
بس شبــديـه الــراسه بيــد الذبـــــاح     
وجسمه اعلى شاطي العلكمي موذر طاح

عباسج مقصر يبعد العــافيــة
لو الف موته ولا اشوفج حافية
كل همي بس لا خيب ضنونج
شو حاجبج طايح على عيونج
ــــــــــــــــــــــــــــــــــــــ
يازينب منبعيد مايطفي الشوك
وما اكدر اوصلج وانه معلك فوك
يختلف ظهر الرمح عن ظهر النوك
مااكدر انزل منه والحادي يسوك

ماجنها بس كطعة المنحر كافيه
حته العيون البيها اشوفج طافيه
وشتسوه هاي الدنيا من دونج
شوحاجبج طايح على عيونج
ــــــــــــــــــــــــــــــــــــــ
لوملتـــي من النــاكه اميلن ويــاج
واتمنـه كـــون بسهم عيني اتلكــاج
ماشوف بس اسمع الصوت الطكاج
وهضمونــي من شدواحبال ييمناج

جدام اخوها انشد حبل بجفوفها
حسبالهم جي منذبح ماشوفها
يهضموني زينب من يهضمونج
شو حاجبج طايح على عيونج
ــــــــــــــــــــــــــــــــــــــ
ادري اليضيع شوفه كلش صعبة
بس ينوجع حيل اليشوف بكلبه
وشلون بل مثلي ويخلص دربه
فوك الرمح وظعونه بيد الغربة

والناس تنشد وين اخوها الجابها
حـاديهـا زينب يــاوكت سلابهــا
خجلان منج من ينشدونج
شو حاجبج طايح على عيونج


رائد الناشي

#اللهم_عجل_لوليك_الفرج

كال نمشي وخايفة من حجايته
وللصبح يــم الهــوادج بــايتـــه
كلت حته يشوفنــي
خاف ناوي يعوفنـي
وللصبـح يـم الهــوادج بـايتــه
ـــــــــــــــــــــــــــــــــــــــــــ
كعد يم عمتي وكلها باجر نشيل الصبــح
جلمة ماجنها وحجاها جنه دج كلبي برمح
خاف سكته يشيل باجر والموادع مايصح
والدمــــوع ولام كلش لليفك ريجه بجرح

شمالــه كلبي يكلي كال نعوفهــا
وغبشه باجر نمشي عن لاشوفها
خاف بفراشي منبات
مــا يكعدنــي البنـــات
وللصبح يم الهوادج بايته
ــــــــــــــــــــــــــــــــــــــ
سولفو وانــه اعلى حالي اتنوع الهم من بعــد
من يصدلي تهيد روحي ومن يصد عني انمرد
كمت يتراوالـــي اشوفن درب وضعــون ونشد
خل الــم اغراضي هسه وللسفــــر خل استعــد

خل انامن حدر جدم الناكـه
خـاف من يمشون مانتلاكه
عــــذر مـــاخليله
مشي يريد امشيله
وللصبح يم الهوادج بايته
ــــــــــــــــــــــــــــــــــــــ
من الصبح ذاك ولهسه مغورجه عيوني وترف
الخايفه منالفركه روحه يصيـــر وي الهم ولف
المالــه وي الضعن محمل بالمــوادع ينعــرف
المثل ابـوي فراك وجهه بيـا سوالف ينوصف

المثل ابوي يريـــد حيل وداعه
ومن يسافر سنة تصير الساعة
المثلي الله يعينهـــــا
مـن تودع حسينها
وللصبح يــم الهـوادج بــايتــه
ــــــــــــــــــــــــــــــــــــــ
ماخذت شي من غراضي بس الهدوم وكمت
انــــه اول وحــدة بيهـــن للرحيـــل تـــولمت
كلت ماعطلنه بــاجر خـــاف يطلع مـن وكت
مافرشت فراش حدري وع الرمل يمهن نمت

كبل طرت الفجر باجر ماشي
خاف اعطلنه امن الم فراشي
انــه اول فـاطمــة
من الفواطم والمة
وللصبح يم الهوادج بايته
ــــــــــــــــــــــــــــــــــــــ
تفكــدت كـل المحـامل بالضعينــه اعلــى العـــــدد
وحـــاسب حســـاب الرضيــــع وخله هودج للمهد
شفت بس نـــوك الفواطم عوزهن هـــودج بعــــــد
وكمت احس ياروحي عندي وي الحزن باجر وعد

باجر تصبح غميجه جروحي
عود اروح وياهم اقنع روحي
راح ارد لداري
والحزن بكتاري
وللصبح يم الهوادج بايته
ــــــــــــــــــــــــــــــــــــــ
صعدن الخدر وظلن بس غراضي اعلى التراب
ويــاعزيزة ادنــه يمهــا تردنــي بدمـوع المصاب
شلت عبــدالله ارد اشمــه وكالــو تريـــده الربـاب
يجذب حجـاية يجون الينصلب حلمـه اعلى بــاب

البيده حلمه وياخذونه منيــده
ردت احبــابه اعلى باله بعيــده
راح اظل ابره الضعون
وادري بيهــم مــايجون
وللصبـــح يـــم الهــوادج بــايتــه
ــــــــــــــــــــــــــــــــــــــ
اسمعهن يصيحن خطية وحيلي كبل دموعي طاح
ومــوش بالله ويـــاج طلعن بالبواجــي وبالصياح
لانـــه ويــاهم خــذونــي ولا متت حتـه استراح
جــا بعــد يـاروحــي المن ظالــه وعبدالله راح

طلعو وطلعت الروح وياهم
والتفت للدار كلهم مــاهــــم
شلون اردن ليها
واهلي ماهم بيها
وللصبح يم الهوادج بايته

رائد الناشي

#اللهم_عجل_لوليك_الفرج

عيني اعلى الظعن وايدي اعلى گلبي
هسه يصيحلي ويگلي اركبي
الگاع منالفرح ماشايلتني
مكيفة وحاطة اغراضي اعله متني
من كثر الدمع ماشوف دربي
ــــــــــــــــــــــــــــــــــــــ
اگوم وياه  من يگوم وانوب لمن يگعد اگعد
بيني وبينه بس عيوني والباب واگولن حيل مبعد
حسين يروح ويرد وانه وياه عيوني تروح وترد
ماادري الظعن ياساعة ممشاه بيهم واستحي انشد

حرام الجان طبگ چفن العيون
اگولن خاف انام وخاف يمشون
من كثر الدمع ماشوف دربي
ــــــــــــــــــــــــــــــــــــــ
كل ما يرجب بنيه منالعزاز اهيس حيلي ينهد
اخذني المستحه وماكتله يحسين انه ويامن اصعد
بس لا نيته يخليني بالدار وصل يم غرفتي ورد
كلهم صعداهم وانه ظليت اصد للدار محد

اشوفه گبال عيني رايح وجاي
شو ماگالي تروحين وياي
من كثر الدمع ماشوف دربي
ــــــــــــــــــــــــــــــــــــــ
اشوفنه منصد ايمين ويسار خله البيت منهلنه
وابوي يون اشوفه لعمتي يروح وهي اتون اعلى ونه
اسمعه يگلها زينب فاطمة تموت اذا حمل ظعنه
چنهم راحو يخلوني وحسين نوا اعلى فراگ چنه

خلصت والضعون الفجر تنساگ
يروحي وكمت اشمن ريحة فراگ
من كثر الدمع ماشوف دربي
ــــــــــــــــــــــــــــــــــــــ
للاكبر فرفحت روحي وتعنيت گتله انه ابختكم
علي ياخويه شو ماشوف بالنوگ ناكه لهاي اختكم
هلي عاداتكم تحمون الدخيل وانه دخيله عدكم
اخذوني وياكم اسگي الخيل والنوگ بدربكم وافرشلكم

اذا كل الاحبهم عني ماشين
المن ظلتي ابين الحياطين
من كثر الدمع ماشوف دربي
ــــــــــــــــــــــــــــــــــــــ
انوب لوالدي بدمعي تعنيت اشوفن شنهي رايه
اجر بروحي گوه ومن الدموع بللت العباية
صدگ يابويه گتله تعوفني تريد وحدي لهل رزايه
گال انتي عليلة وخايف عليج طويله السفره هايه

العليل يريد وادم تگعد ويا
المرض يابويه كتله بظلتي هنا
من كثر الدمع ماشوف دربي
ــــــــــــــــــــــــــــــــــــــ
ماثگل عليكم واخذ اغراض شويه ومو ثگلية
وامشي وياك ممشه يسابگ النوگ طيبة وموعليلة
واذا بالهودج اركب ماخذ مجان من گد مانحيله
واجيبن تربتك وافرش مصلاك لو عبدالله اشيله

اخذني وياك اسكت اخواني الزغار
بس ماريدك تخليني بالدار
من كثر الدمع ماشوف دربي
ــــــــــــــــــــــــــــــــــــــ
رقيه تحاجي عمي تگله جا ليش ابوي الباب سدها
صعدنه اعلى الهوادج واختي بالدار ماصعدت بعدها
تنزل وانه اشوفن عمي عباس شما تنزل يردها
يعمي تگله اريدن فاطمة وياي خطيه تظل وحدها

يعمي وخاف يكتل فاطمة النوح
خليها بمجاني وياكم تروح
من كثر الدمع ماشوف دربي
ــــــــــــــــــــــــــــــــــــــ
يأشرن بالهوادج وانه بالبيت ااشرلهن بديه
ابجي عليهن بنيات الحسين وهن يبجن عليه
گالت رايحين ورادت تموت على الهودج رقيه
وسكنه تصيح ريضن يالعفيفات ظلت عدنه اخيه

راحن وانه راحت روحي بالنوگ
عمت عيني وبعد جدامهن سوگ
من كثر الدمع ماشوف دربي

رائد الناشي

#اللهم_عجل_لوليك_الفرج

رسالة شوك ودتها العليلة
تسلم على حسين وتشتكيله
تكــول بهذا الكتاب
متت من كعدة الباب
يهلي فراكَكم مـــابيه حيلـه
ــــــــــــــــــــــــــــــــــــــ
بسم الله ابدي وبسمك الثاني
يمن بالدار انوح عليه خلاني
اكتبلك رسالة بدمعي واحزاني
وغير الدمع بويه شعنده المتاني

اريد اطيك مكتــوب
واكلك وحشه الغروب
والمفارك شلون يكضي ليله
ــــــــــــــــــــــــــــــــــــــ
من الكَاعدة بدرب الخذه الغالي
للخلانـي حال الضيم يا حـالي
شلونك يالصورك ساكنه ببالي
رد بويه لمجانك لايظل خالي

يبويه خلافك البيت
مثل ملكَه الزواتيت
يهيج الدمع ويزود مسيله
ــــــــــــــــــــــــــــــــــــــ
اذا تنشدني عن الحال مو طيبة
يبويه شلون حال المالها حبيبة
يومية بضعون الرايحة مجلبة
وارد من الطريج لدارك مشيبة

والمــاراحت ويــاك
ولاهـــا الشيب بجفــاك
وعليها هدومها صارت ثجيلة
ــــــــــــــــــــــــــــــــــــــ
وبعد شخباركم يهلي الجفيتوني
بعدني ببالكم يو لا نسيتــــونـي
لهسه رسومكم مطبوعة بعيوني
ولهسه بحلكي جلمة ياهلي اخذوني

بعدني اتذكر شلون
مشت جدامي الضعون
واذكر من صحت عدكم دخيله
ــــــــــــــــــــــــــــــــــــــ
يهلي اشكيلكم من طالت المـــدة
ينطر الفجر وانه اعلى هل كِعدة
واركض من اشوفن ضعن يتعده
وطاح الباب من الروحة والرده

نشف ماي البالعيون
هلي ليمت تردون
الجدم بفراكم بالكَوه اشيله
ــــــــــــــــــــــــــــــــــــــ
اذا جاكم كتابي وكون تقرونه
عن عبدالله اريد انشدكم شلونه
يبويه بهيده كلش من تكعدونه
وكلوله شكثر مشتاكه لعيونه

كلولـه اختك تكـــول
يبعــدالله دللـــول
شلونك يالاخذ حيلي برحيلة
ــــــــــــــــــــــــــــــــــــــ
سلام لعمتـي بدمـوعـي كاتبتـه
عزيزة كَلب اخوها الما مفاركتـه
اريد اشكيلهـــا الضيــم التحملته
وعليك انشدها خاف تضم عليه انت

واكلها بدمعة العين
يعمه شلونه الحسين
خافن وادمه الظلت جليلة
ــــــــــــــــــــــــــــــــــــــ
يبويه الروح حيل لعمي ملهوفة
كله تكول ليمت فاطمة تشوف
قبله بهامته وسلم على جفوفه
عليكم مدري ليش الكلب بي خوفه

كل لعمي عباس
العليلة تكول لاباس
بس يدير باله اعلى العقيلة

رائد الناشي

#اللهم_عجل_لوليك_الفرج