🌹🥀ХАМИША БАХОР⚘🌷

📜Еттинчи кечада таровиҳ ўқиса, гўёки у Мусо (а.с.)ни топибди ва Мусо (а.с.)га Фиръавн ва Ҳомонга қарши ёрдам қилибди.

📜Саккизинчи кечада таровиҳ ўқиса, Аллоҳ таоло Иброҳим (а.с.)га бергандек савоб бергай.

📜Тўққизинчи кечада таровиҳ ўқиса, гўёки Аллоҳ таолога Пайғамбар (а.с.)нинг қилган ибодатларидек ибодат қилибдур.

📜Ўнинчи кечада таровиҳ ўқиса, Аллоҳ таоло унга дунё ва охиратнинг яхшилигини насиб қилгай.

Манба: Мажмаъул Мақсуд( фиқҳ китоби)

🌹🥀ХАМИША БАХОР⚘🌷

Таровеҳ намозининг фазилатлари ҳақида.

Али розияллоҳу анҳудан сўраганларида, ул жаноб шундай дебдурлар: “Пайғамбар ﷺдан моҳи Рамазонда таровиҳ ўқимоқ фазилатлари ҳақида сўрадилар. Расули акрам ﷺ шундай жавоб бердилар:

📜Биринчи кечада таровиҳ ўқиган мўмин онаси туққан кундагидек гуноҳдан чиққай.

📜Иккинчи кечада таровиҳни ўқиса, агар ота-онаси мусулмон бўлса, Аллоҳ таоло уларнинг гуноҳларини мағфират қилур.

📜Учинчи кечада таровиҳни ўқисалар, бир фаришта: “Холис қилғил амални, Аллоҳ таоло мағфират қилди”, – деб овоз қилгай, яъни Аллоҳ таоло илгариги гуноҳларингни кечди, деб овоз қилур.

📜Тўртинчи кечада таровиҳ ўқиса, Таврот, Инжил, Забур ва Қуръоннинг савобини топгайлар.

📜Бешинчи кечада таровиҳ ўқиса, Аллоҳ таоло хонаи Каъбанинг ичида, Мадинаи мунавваранинг масжидида ва Масжиди Ақсода намоз ўқигандек савоб бергай.

📜Олтинчи кечада таровиҳ ўқиса, Байту-л-Маъмурни тавоф қилган кишининг савобини бергай ва тошлару қумларнинг ҳаммаси унинг учун истиғфор айтгай.

(Давоми бор)

Манба: "Мажмаъул мақсуд"

Уламолар Рамазон ойини қандай ўтказишган

Рамазон ­ Қуръони карим ойидир. Бу ойда салафи солиҳларимиз барча ишларни йиғиштириб, муқаддас Каломни тадаббур ва тафаккур билан тиловат қилишга киришар, қаттиқ бел боғлар эдилар.

Имом Аъзам (р.а.) Ҳар куни бир марта Қуръон хатм қилар эдилар, Рамазонда эса ҳар куни икки марта хатм қилар эдилар. Бир марта кундузи, бир марта тунда.

Имом Зуҳрий (р.а.) Рамазон келганда “Рамазон Қуръон тиловат қилиш ва рўзадорларни таомлантириш ойидир”, деб айтар эдилар.

Имом Молик (р.а.) Рамазонда ҳадис ўқиш ва илм мажлисларини тарк этиб, Қуръон тиловатига астойдил киришар эдилар.

Асвад (р.а.) Рамазонда ҳар икки кечада, Рамазондан бошқа ойларда эса, ҳар олти кечада Қуръонни тўлиқ хатм қилар эдилар.

Қатода (р.а.) ҳар етти кечада, Рамазон келгач, уч кечада, Рамазоннинг охирги ўн кунлигида эса, ҳар кечада Қуръон хатм қилар эдилар.

Имом Шофеий (р.а.) ҳар Рамазонда олтмиш марта Қуръони каримни хатм қилар эдилар.

Имом Нававий (р.а.) шундай деганлар: “Қуръон Каримни бир ракатда хатм қилган инсонлар жуда кўп. Бу ишда Усмон ибн Аффон, Тамим ад-Дорий ва Саид ибн Жубайр (р.а.)лар пешқадамлардан ҳисобланади. Улар Аллоҳнинг Каломини Каъба ичида бир ракатда хатм қилишган”.

Имом Заҳабий (р.а.) айтадилар: “Бир неча кишилардан ривоят қилинганки, Абу Бакр ибн Айёш қирқ йил ҳар кеча-кундузда бир мартадан Қуръон хатм қилдилар. У зотга ўлим келганда сингиллари йиғлади. Шунда у зот сингилларига қараб: «Эй синглим, нега йиғлаяпсиз? Менга қаранг, анави бурчакда сизнинг акангиз ўн саккиз минг марта Қуръон хатм қилган», дедилар”.

Иброҳим Наҳаий (р.а.) Рамазонда Қуръонни ҳар уч кечада, Рамазоннинг охирги ўн кунлигида эса, ҳар икки кечада хатм қилар эдилар.

Ҳофиз ибн Асокир (р.а.) ҳар жума тўлиқ бир марта, Рамазон ойи кирганда эса, ҳар куни Қуръон хатм қилар эдилар.

Абдураззоқ (р.а.) айтади: “Суфён ас-Саврий (р.а.) Рамазон келганда барча ишларини тарк этиб, Қуръон тиловати билан машғул бўлар эдилар”.

Қуръонни уч кундан оз муддатда хатм қилишдан қайтарилган ҳадислар бор. Ваҳоланки, салафларимизни бир кечада хатм қилганлари ривоят қилинган. Буни қандай тушунамиз? Саволимизга Ибн Ражаб Ҳанбалий (р.а.)нинг ушбу гаплари жавоб бўлади. У зот айтадилар: “Қуръонни уч кундан оз муддатда хатм қилишдан қайтариқ доим хатм қилишга тегишлидир. Инсон умри давомида доимий хатми Қуръонни йўлга қўймоқчи бўлса, уч кундан оз муддатда хатм қилмайди. Лекин Рамазон ойи каби фазилатли кунлар, қадр кечасидек буюк кечалар, Маккаи Мукаррама каби улуғ жойларда бўлса, азиз вақт ва мўътабар жойларни ғанимат билиб, кўпроқ хатм Қуръон қилиш мустаҳабдир”.

Демак, биз ҳам рамазон ойида кўпроқ Қуръон тиловат қилишга ҳаракат қилишимиз зарур экан.

Аллоҳ барчамизга умримиз сўнгигача салафларимизга эргашиб, рамазондан унумли фойдаланишимизда ёрдамчимиз бўлсин!

Асадуллоҳ Муҳаммад тайёрлади

🌹🥀ХАМИША БАХОР⚘🌷

🍃ТЎРТ ХИЛ РЎЗА

📜 Биринчиси, субҳдан шомга қадар еб-ичмаслик. Бу Шариат тақозо қилган рўза.

📜 Иккинчиси, бемаъни, фойдасиз сўзларни сўзламаслик. Бу Тариқат тақозо қилган рўза.

📜 Учинчиси, бемаъни, фойдасиз сўзларни ҳатто кўнгилга, хаёлга келтирмаслик. Бу Маърифат тақозо қилган рўза.

📜Тўртинчиси, кўнгилни, хаёлни Аллоҳдан ўзгасига ёпишлик. Яъни, Аллоҳдан ўзга нарса бўлмаслиги. Бу Ҳақиқат тақозо қилган рўзадир.

Саййид Абдулқодир ЖИЙЛОНИЙ (қ. с.)

🌹🥀ХАМИША БАХОР⚘🌷