Kiçik və Orta Biznesin İnkişafı Agentliyi - KOBİA @smbgovaz Channel on Telegram

Kiçik və Orta Biznesin İnkişafı Agentliyi - KOBİA

@smbgovaz

Azərbaycan Respublikasının Kiçik və Orta Biznesin İnkişafı Agentliyinin (KOBİA) rəsmi kanalı

- https://smb.gov.az
- https://twitter.com/smbgovaz
- https://facebook.com/smb.gov.az
- https://instagram.com/smb.gov.az
- https://linkedin.com/company/kobia

Kiçik və Orta Biznesin İnkişafı Agentliyi - KOBİA (Azerbaijani)

Kiçik və Orta Biznesin İnkişafı Agentliyi - KOBİA kanalı, Azərbaycan Respublikasının Kiçik və Orta Biznesin İnkişafı Agentliyi (KOBİA) tərəfindən idarə olunur. Bu kanal KOBİA-nın rəsmi əlaqə yayımıdır və təşkilatın fəaliyyətləri, xidmətləri, tədbirləri və layihələri haqqında ən son məlumatları təqdim edir.

KOBİA, Kiçik və Orta Biznesin İnkişafı üçün dövlət tərəfindən təsis edilmiş agentlikdir. Təşkilatın əsas missiyası, Azərbaycan Respublikasının iqtisadiyyatının inkişafına dəstək vermək və kiçik və orta ölçəkli bizneslərin inkişafını təmin etməkdir. KOBİA-nın məqsədi, kiçik və orta biznes sahiblərinə dəstək olmaq, onların fəaliyyətlərinin sürətli və effektiv şəkildə inkişaf etmələrinə kömək etməkdir.

KOBİA-nın rəsmi kanalında təşkilatın əlaqə məlumatları, ən son layihə və təqvimlər, tədbirlər və sərgilər haqqında məlumatlar, vəzifələrinin nəzarəti və digər strukturlar haqqında günlük yeniliklər paylaşılır. Kanal, KOBİA ilə bağlı ən aktual və məqbul məlumatları əldə etmək istəyən hər kəs üçün əvvələnən mənbədir.

Əgər siz də Kiçik və Orta Biznesin İnkişafı Agentliyinin fəaliyyətləri, xidmətləri və layihələri ilə bağlı ən son məlumatları əldə etmək istəyirsinizsə, smb.gov.az saytına daxil olaraq və ya sosial media platformalarında KOBİA-nın səhifələrini izləyərək daha çox məlumat əldə edə bilərsiniz. İş dünyasında güclü bir partnyor axtarır, ya da biznesinizi inkişaf etdirmək üçün dəstək axtarırsınızsa, KOBİA sizin üçün ən yaxşı seçimdir.

Kiçik və Orta Biznesin İnkişafı Agentliyi - KOBİA

22 Jan, 13:43

Sahibkarlar “UzBuild 2025” sərgisinə dəvət olunurlar

Bu ilin 25-27 fevral tarixlərində Daşkənd şəhərində 26-cı Özbəkistan Beynəlxalq İnşaat Sərgisi (“UzBuild 2025”) keçiriləcək.  Azərbaycan Respublikasının İxracın və İnvestisiyaların Təşviqi Agentliyinin (AZPROMO) məlumatına görə, tədbir iki sərgi məkanında – “Uzekspocenter” və “CAEx Uzbekistan” meydançalarında təşkil olunacaq. “UzBuild 2025” sərgisində iştirak etmək üçün link vasitəsilə qeydiyyatdan keçmək lazımdır.
40
Kiçik və Orta Biznesin İnkişafı Agentliyi - KOBİA

22 Jan, 06:35

2024-cü ildə 65 KOB subyektinə “Startap” şəhadətnaməsi verilib

2024-cü ildə 104-ü mikro və 5 kiçik sahibkarlıq subyekti olmaqla “Startap” şəhadətnaməsi almaq üçün Kiçik və Orta Biznesin İnkişafı Agentliyinə (KOBİA) ümumilikdə 109 müraciət daxil olub. Müraciətlərə “Startapın müəyyən olunması meyarları”na əsasən Ekspertlər Şurası tərəfindən baxılıb və 65 KOB subyektinə “Startap” şəhadətbaməsi verilib.

Ətraflı - https://bit.ly/3CrZarZ
84
Kiçik və Orta Biznesin İnkişafı Agentliyi - KOBİA

21 Jan, 12:24

Ölkədə suvarma məqsədi ilə təmizlənmiş tullantı sularının istifadəsinə dair yeni dövlət standartı qəbul edilib

Antiinhisar və İstehlak Bazarına Nəzarət Dövlət Xidmətinin tabeliyində olan Azərbaycan Standartlaşdırma İnstitutu (AZSTAND) tərəfindən AZS ISO 16075-1:2024 “Təmizlənmiş tullantı  sularının suvarma layihələrində  istifadəsi üzrə təlimatlar. Hissə 1: Suvarma üçün suyun təkrar istifadə layihəsinin əsas prinsipləri” yeni dövlət standartı qəbul edilib.

Bu dövlət standartının qəbulu sərbəst və məhdud suvarma üçün təmizlənmiş tullantı sularından istifadə məqsədilə hazırlanan layihələrin bütün elementləri, o cümlədən materiallar, tikinti və fəaliyyətlə bağlı təlimatların verilməsi məqsədini daşıyır.

Yeni dövlət standartı 2024-2027-ci illərdə “Su ehtiyatlarından səmərəli istifadəyə dair Milli Strategiya”nın həyata keçirilməsi üzrə Tədbirlər Planının 9.4.3-cü bəndinin, həmçinin “Su ehtiyatlarından səmərəli istifadənin təmin edilməsi ilə bağlı tədbirlər haqqında” Azərbaycan Respublikasının Prezidentinin Sərəncamı ilə yaradılmış Komissiyanın “Ölkə ərazisində təmizlənmiş tullantı sularının təkrar istifadəsi ilə bağlı keyfiyyət tələblərini müəyyən edən dövlət standartı layihəsinin işlənib hazırlanaraq təsdiq edilməsi”nə dair tapşırığının icrası, su təchizatı, meliorasiya, irriqasiya sistemləri, yağış və tullantı sularının axıdılması sahəsində fəaliyyətlərin və xidmətlərin müasir standartlarla təmin edilməsi məqsədilə qəbul edilib.

Sözügedən dövlət standartı “Su ehtiyatları və meliorasiya sahəsi”nin standartlaşdırılması üzrə Texniki Komitənin (AZSTAND/TK 48) iclasında müzakirəyə çıxarılıb və İnstitut tərəfindən qəbul edilərək Standartlaşdırma üzrə normativ sənədlərin Dövlət Fonduna daxil edilib. (Vergiler.az)
121
Kiçik və Orta Biznesin İnkişafı Agentliyi - KOBİA

21 Jan, 12:23

İsveçrədə 55-ci Davos Dünya İqtisadi Forumu keçirilir

Dünya İqtisadi Forumunun növbəti illik toplantısı İsveçrənin Davos şəhərində işə başlayıb və 24 yanvar tarixinədək davam edəcək.

Sayca 55-ci olan Forum bu dəfə “Ağıllı əsr üçün əməkdaşlıq” devizi altında toplaşıb.

Hər il olduğu kimi illik yığıncaqda dövlət və hökumət başçıları, əsas beynəlxalq təşkilatlar və Forumun 1000 tərəfdaş şirkətinin nümayəndələri, vətəndaş cəmiyyəti təmsilçiləri, gənc liderlər, sosial sahibkarlar və media iştirak edir.

Forumda 5 əsas istiqamət üzrə müzakirələr təşkil olunur:

İnkişafın yenidən dizayn edilməsi – Güclü və dayanıqlı iqtisadiyyatların qurulması üçün yeni inkişaf mənbələrini necə müəyyən edə bilərik?

İntellektual əsrdə sənayelər - Biznes liderləri öz sənayelərinin transformasiyasında qısamüddətli məqsədlərlə uzunmüddətli imperativlər arasında tarazlığı necə əldə edə bilərlər?

İnsan kapitalına investisiya - Dövlət və özəl sektor müasir və davamlı cəmiyyətin inkişafına töhfə verən insan kapitalının inkişafına və iş yerlərinin artmasına necə sərmayə qoya bilər?

Planetin mühafizəsi - İnnovativ tərəfdaşlıqlar, artan maliyyələşdirmə və aparıcı texnologiyaların tətbiqi vasitəsilə enerji, iqlim və təbiət məqsədlərinə nail olmağı necə sürətləndirə bilərik?

Etimadın bərpası - Getdikcə mürəkkəbləşən və sürətlə inkişaf edən dünyada cəmiyyətlər arasında dərinləşən fikir ayrılıqları, geosiyasi çoxqütblük və siyasi proteksionizmə doğru baş verən dəyişikliklər həm ticarətə, həm də investisiyalara mane olur. Maraqlı tərəflər həm beynəlxalq, həm də cəmiyyətlər daxilində əməkdaşlıq etmək üçün yeni həll yollarını necə tapa bilərlər?

Forum haqqında rəqəmlər
•  230+ sessiya
•  130-dan çox ölkədən 3000-ə yaxın iştirakçı
•  100-dən çox ölkədən 60 dövlət başçısı ilə 350 ictimai xadim gözlənilir
•  900-dən çox CEO və şirkət rəhbəri, 1600-ə yaxın biznes lideri

Forum çərçivəsində təşkil olunan müxtəlif sessiyaları canlı olaraq buradan izləmək olar: https://www.weforum.org/meetings/world-economic-forum-annual-meeting-2025/
110
Kiçik və Orta Biznesin İnkişafı Agentliyi - KOBİA

21 Jan, 09:37

Kənd təsərrüfatı və qida məhsullarının satışını həyata keçirmək istəyən mikro və kiçik sahibkarların nəzərinə!

Kiçik və Orta Biznesin İnkişafı Agentliyinin (KOBİA) təşkilatçılığı ilə mart ayından etibarən hər həftəsonu “KOB bazar” satış yarmarkası keçiriləcək. Məqsəd mikro və kiçik sahibkarların istehsal etdikləri məhsulların satışına dəstək olmaqdır. Kənd təsərrüfatı və qida məhsullarının satışının həyata keçiriləcəyi “KOB bazar”da iştirak etmək istəyən mikro və kiçik sahibkarlar üçün ödəniş nəzərdə tutulmur.

“KOB bazar”da məhsullarını satmaq istəyən mikro və kiçik sahibkarlar 17 fevral 2025-ci il tarixinədək Agentliyin saytındakı müvafiq formanı doldurmaqla müraciət edə bilərlər: https://smb.gov.az/az/contact-form/exhibition-form/1

📍Binəqədi rayonu, Koroğlu və Əcəmi Naxçıvani küçələrinin kəsişməsi
📞(+994 12) 404 04 01 (daxili 253).
110
Kiçik və Orta Biznesin İnkişafı Agentliyi - KOBİA

17 Jan, 07:48

AQEM-in Baş katibi KOBİA-da olub

Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov ölkəmizdə səfərdə olan Asiyada Qarşılıqlı Fəaliyyət və Etimad Tədbirləri üzrə Müşavirənin (AQEM) Baş katibi Kayrat Sarıbay ilə görüşüb. 

Görüşdə AQEM yanında İşgüzar Şuraya KOBİA-nın sədrliyi dövründə şura çərçivəsində həyata keçiriləcək tədbirlər müzakirə olunub.

Ətraflı - https://bit.ly/3CcRmKE
228
Kiçik və Orta Biznesin İnkişafı Agentliyi - KOBİA

16 Jan, 07:17

Özünüməşğulluq proqramının fəaliyyət sahələri üzrə zərflər siyahısına yeni istiqamətlər əlavə edilib

Əmək və Əhalinin Sosial Müdafiəsi Nazirliyinin tabeliyindəki Dövlət Məşğulluq Agentliyi tərəfindən icra olunan özünüməşğulluq proqramının əhatə etdiyi iqtisadi fəaliyyət sahələri üzrə zərflər siyahısına bir sıra yeni istiqamətlər də əlavə olunub.

Siyahıya:

•    “Qəssab dükanı”,
•    “Kotançılıq”,
•    “Özünəxidmət avtoyuma”,
•    “Avtodəmirçi və PDR (zədələrin boyasız təmiri) xidmətləri”,
•    “Avtorazval xidmətləri”

istiqamətləri də daxil edilib. 

İşsiz və işaxtaran şəxslər həmin sahələr üzrə də özünüməşğulluq proqramına müraciət edə və proqramın dəstəyi ilə bu sahələrdə öz kiçik bizneslərini qura biləcəklər.

Beləliklə, hazırda proqram çərçivəsində iştirakçılara kənd təsərrüfatı və istehsal-xidmət yönümlü 32 iqtisadi fəaliyyət sahəsi üzrə zərf təqdim edilir.

Həmçinin, proqram çərçivəsində təklif edilən digər zərflərin tərkibində dəyişiklik edilərək onlar daha da təkmilləşdirilib.

Özünüməşğulluq proqramı çərçivəsində təklif edilən biznes sahələri və avadanlıqların siyahısı ilə aşağıdakı linkə daxil olaraq tanış ola bilərsiniz: Özünüməşğulluq proqramı
234
Kiçik və Orta Biznesin İnkişafı Agentliyi - KOBİA

15 Jan, 13:55

“Uğurlu tərəfdaşlıqda xanım sahibkarlar” layihəsinə yenidən start verilib

Kiçik və Orta Biznesin İnkişafı Agentliyi (KOBİA), “Marsol Group” və İş adamları Cəmiyyətinin Milli Assosiasiyasının (İCMA) birgə təşkilatçılığı ilə icra olunacaq layihədə 70-dən çox xanım sahibkarın iştirakı nəzərdə tutulur.

Layihə çərçivəsində iştirakçılar üçün təlimlər, ofis və istehsalat ziyarətləri, dövlət qurumlarında görüşlər, master klaslar və s. təşkil olunacaq. Məqsəd qadın sahibkarların işgüzar əlaqələrini genişləndirmək, onların biznes biliklərini artırmaq, qadın sahibkarlar arasında əlaqələri genişləndirməkdir. 

Ətraflı - https://bit.ly/40xeixr
202
Kiçik və Orta Biznesin İnkişafı Agentliyi - KOBİA

14 Jan, 16:30

“Biznes akademiyası” layihəsinə start verilir

“Bakı KOB evi” və “Miniboss” biznes məktəbi arasında əməkdaşlığa dair Anlaşma Memorandumu imzalanıb.

Sənəddə “Bakı KOB evi”nin nəzdində fəaliyyət göstərən Startap İnkişaf Mərkəzinin imkanlarından istifadə, “Biznes akademiyası” layihəsi çərçivəsində uşaqların biznes sahəsində biliklərinin artırılması və maliyyə savadlığına dair təlimlərin keçirilməsi nəzərdə tutulur.  

Ətraflı - https://bit.ly/4jjTqBt
190
Kiçik və Orta Biznesin İnkişafı Agentliyi - KOBİA

14 Jan, 14:28

Konyalı Sənayeçi və İş Adamları Dərnəyinə üzv olan iş adamları ilə yerli sahibkarlar arasında görüş keçirilib

Görüşdə ölkəmizdə sahibkarlığa göstərilən dəstək tədbirləri barədə məlumat verilib, Azərbaycan və Türkiyə iş adamları arasında biznes və ticarət sahəsində əməkdaşlıq, investisiya qoyuluşu imkanları müzakirə olunub, müxtəlif sektorlarda fəaliyyət göstərən iş adamları arasında B2B görüşlər keçirilib.

Ətraflı - https://bit.ly/3C5y5uI
192
Kiçik və Orta Biznesin İnkişafı Agentliyi - KOBİA

14 Jan, 13:29

Yaşıl biznes necə olmalıdır?
187
Kiçik və Orta Biznesin İnkişafı Agentliyi - KOBİA

13 Jan, 11:35

KOBİA-nın ayırdığı qrant hesabına innovativ ideyasını təkmilləşdirən sahibkarın suvarmanı və su sərfini idarə edən ağıllı idarəetmə sistemi yalnız biznes deyil, həm də dayanıqlı və yaşıl iqtisadiyyat üçün faydalıdır. Gənc sahibkarın uğur hekayəsini təqdim edirik.
196
Kiçik və Orta Biznesin İnkişafı Agentliyi - KOBİA

13 Jan, 11:06

İşlərimizi yüngülləşdirəcək yeni startaplar

Ötən həftə Kiçik və Orta Biznesin İnkişafı Agentliyi (KOBİA) tərəfindən daha 6 KOB subyektinə “Startap” şəhadətnaməsi verilib. Ümumilikdə indiyədək 188 kiçik və orta biznes subyekti bu sənədi almaqla innovasiya fəaliyyətindən əldə etdikləri gəlirlər üzrə 3 il mənfəət və gəlir vergisi ödəmirlər. Məhz bunun sayəsində onlar innovativ inkişafa və kiçik bizneslərini böyütməyə daha çox maliyyə yönəldə bilirlər. İlin əvvəlində “Startap” şəhadətnaməsi alan sahibkarlar yeniliklərini “vergiler.az”ın oxucuları ilə bölüşüblər.

Ətraflı - vergiler.az
211
Kiçik və Orta Biznesin İnkişafı Agentliyi - KOBİA

11 Jan, 08:10

"Qarabağ KOB-ları layihəsi" 2024-cü ildə də uğurla icra olunub.
256
Kiçik və Orta Biznesin İnkişafı Agentliyi - KOBİA

10 Jan, 17:08

“Qarabağ KOB-ları” layihəsi çərçivəsində 2024-cü ildə Bakı, Gəncə, Bərdə, Goranboy, Füzuli, Laçın rayonunun Zabux və Zəngilan rayonunun Ağalı kəndlərində 70 KOB subyekti yaradılıb.
270
Kiçik və Orta Biznesin İnkişafı Agentliyi - KOBİA

10 Jan, 14:43

“Qarabağ KOB-ları layihəsi”nin 2024-cü ildə icrasına dair tədbir keçirilib

Kiçik və Orta Biznesin İnkişafı Agentliyinin (KOBİA), Dövlət Məşğulluq Agentliyinin, İnkişaf Korporasiyası və Milli Təhsil Texnologiya Mərkəzinin birgə tərəfdaşlığı, “Paşa Holding” MMC-nin maliyyə dəstəyi ilə reallaşdırılan "Qarabağ KOB-ları layihəsi"nin 2024-cü ildə icrasına dair tədbir keçirilib. 

Qeyd edilib ki, ayihə çərçivəsində 2024-cü ildə Bakı, Gəncə, Bərdə, Goranboyla yanaşı, Füzulidə, Laçın rayonunun Zabux və Zəngilan rayonunun Ağalı kəndlərində 70 KOB subyekti yaradılıb.

Ətraflı - https://bit.ly/4h3EA0t
266
Kiçik və Orta Biznesin İnkişafı Agentliyi - KOBİA

09 Jan, 16:04

Azərbaycan biznesin qeydiyyatında dünyada ən yaxşı təcrübələrdən birinə malikdir

2024-cü ildə biznesin qeydiyyatı sahəsində bir sıra əhəmiyyətli yeniliklər edilib. Bunlardan ən əhəmiyyətlisi xarici və yerli investisiyalı məhdud məsuliyyətli cəmiyyətlərin elektron dövlət qeydiyyatı prosedurlarının eyniləşdirilməsi, həmçinin yerli və xarici investisiyalı MMC-lərin təsis sənədlərində edilmiş dəyişikliklərin və qeydə alınmış faktların sonrakı dəyişikliyinin elektron qaydada qeydiyyata alınması imkanının yaradılmasıdır.

Ətraflı - vergiler.az
211
Kiçik və Orta Biznesin İnkişafı Agentliyi - KOBİA

09 Jan, 14:16

KOBİA yanında İctimai Şuranın yeni tərkibdə ilk iclası keçirilib

İclasda İctimai Şuranın sədri seçilib, şuranın gələcək fəaliyyətinə və 2025-ci il üzrə Tədbirlər Planına dair fikir mübadiləsi aparılıb.

Ətraflı - https://bit.ly/40rs84A
227
Kiçik və Orta Biznesin İnkişafı Agentliyi - KOBİA

09 Jan, 08:42

KOBİA-nın ticarət şəbəkələrinə çıxışa dəstək alətindən istifadə edərək Laçında istehsal olunan məhsulların satışını artıran sahibkarın uğur hekayəsini təqdim edirik.
215
Kiçik və Orta Biznesin İnkişafı Agentliyi - KOBİA

08 Jan, 09:21

Sahibkarları yanvar ayında KOBİA-nın təşkilatçılığı ilə keçiriləcək sahəvi görüşlərdə və ödənişsiz biznes təlimlərdə iştirak etməyə dəvət edirik.
245
Kiçik və Orta Biznesin İnkişafı Agentliyi - KOBİA

07 Jan, 07:20

Daha 6 KOB subyektinə “Startap” şəhadətnaməsi verildi

Kiçik və Orta Biznesin İnkişafı Agentliyi (KOBİA) tərəfindən daha 6 KOB subyektinə “Startap” şəhadətnaməsi verilib. Bununla da “Startap” şəhadətnaməsi almış KOB subyektlərinin sayı 188-ə çatıb.

Ətraflı - https://bit.ly/3Po6NCC
231
Kiçik və Orta Biznesin İnkişafı Agentliyi - KOBİA

29 Dec, 11:52

Azərbaycanda ilk KOB klaster şirkəti yaradılıb

Ölkədə ilk KOB klaster şirkəti olan “Frutena KOB klaster şirkəti” MMC artıq dövlət qeydiyyatına alınıb. KOB klaster şirkəti Quba rayonunun ərazisində alkoqolsuz içkilərin istehsalında istifadə ediləcək təbii meyvə konsentratı istehsal edəcək.

4 hektar ərazidə yerləşəcək zavodun 2025-ci ildə fəaliyyətə başlaması planlaşdırılır. Zavodda illik 4 min ton alma konsentratı istehsal edilməsi nəzərdə tutulur ki, bunun üçün 28-30 min ton almadan istifadə olunması proqnozlaşdırılır. KOB klaster şirkətinin fəaliyyəti üçün 15 milyon manat investisiya yatırılacağı və layihə çərçivəsində ilkin mərhələdə 30 nəfərin daimi işlə təmin ediləcəyi nəzərdə tutulur.

Artıq KOB klaster şirkətinin 10 iştirakçısı müəyyənləşdirilib. KOB klaster şirkətinin iştirakçılarının sayının artması nəzərdə tutulur. Bunun üçün Quba və ətraf rayonlarda fəaliyyət göstərən təsərrüfat sahibləri şirkətə müraciət edə bilərlər.

Ətraflı - https://bit.ly/40cP4UX
205
Kiçik və Orta Biznesin İnkişafı Agentliyi - KOBİA

29 Dec, 07:14

Bəzi xidmətlərin göstərilməsi ƏDV-yə 0 dərəcə ilə cəlb ediləcək

Məlum olduğu kimi, Azərbaycan Respublikasının Prezidenti cənab İlham Əliyev Milli Məclisin dekabrın 16-da qəbul etdiyi "Vergi Məcəlləsində dəyişiklik edilməsi haqqında" qanunu təsdiqləyib.

Vergi Məcəlləsinə biznesin vergi yükünün azaldılması və sahibkarlıq fəaliyyətinin təşviqi istiqamətində edilmiş mühüm dəyişikliklərdən biri qeyri-rezidentin sifarişi əsasında gəmiqayırma və gəmi təmiri müəssisələri tərəfindən gəmilərin, digər dəniz və su nəqliyyatı vasitələrinin, hidrotexniki qurğuların təmiri üzrə xidmətlərin göstərilməsinin ƏDV-yə “0” dərəcə ilə cəlb olunmasını nəzərdə tutur.

Gəmiqayırma və gəmi təmiri sənayesi Azərbaycan Respublikası üçün strateji əhəmiyyət daşımaqla ölkənin bu sahədə idxaldan asılılığının azaldılması, qeyri-neft sektorunun inkişafı və ixrac potensialının gücləndirilməsi, eləcə də donanmamızın müasirləşdirilməsi baxımından böyük əhəmiyyətə malikdir. Bu güzəştin tətbiqi ilə gəmi təmiri layihələri üzrə rəqabətədavamlı qiymətlərin formalaşacağı, sifarişçilərlə sıx əməkdaşlıq qurulacağı, yeni iş yerlərinin açılacağı, ölkənin regionda rəqabətli gəmi təmiri mərkəzinə çevriləcəyi gözlənilir. ("Vergiler.az")
177
Kiçik və Orta Biznesin İnkişafı Agentliyi - KOBİA

28 Dec, 14:42

Bayram günlərində mənşə sertifikatlarının verilməsinin fasiləsizliyi təmin olunacaq

İxrac olunan malların mənşə ölkəsinin müəyyən edilməsi üzrə ekspertizaların keçirilməsi və belə ekspertizaların nəticələrinə uyğun olaraq malın mənşə ölkəsini təsdiq edən sertifikatların verilməsində fasiləsizliyin təmin edilməsi məqsədilə Antiinhisar və İstehlak Bazarına Nəzarət Dövlət Xidməti (yalnız Bakı KOB Evində göstərilən xidmətlər üzrə), regional bölmələri, eləcə də Xidmətin tabeliyində fəaliyyət göstərən İstehlak Mallarının Ekspertizası Mərkəzi və regional bölmələri bayram günlərində - 3 və 4 yanvar 2025-ci il tarixlərində fəaliyyət göstərəcək. 

Dövlət Xidmətinin məlumatına görə, qeyd edilən tarixlərdə sahibkarlar, iş günlərində olduğu kimi, xidmətlərdən yararlanmaq üçün müraciət edə bilərlər.
163
Kiçik və Orta Biznesin İnkişafı Agentliyi - KOBİA

28 Dec, 14:42

İşçilərin minimum əməkhaqqı 2025-ci il yanvarın 1-dən 400 manatdan az ola bilməz

Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti minimum əməkhaqqından aşağı əməkhaqqı qeyd edilən əmək müqavilələrinə qanunvericiliyin tələblərinə uyğun olaraq dəyişiklik edilməsi ilə bağlı “Əmək və Məşğulluq” altsistemi üzərindən işəgötürənlərə müraciət edib.

Müraciətdə bildirilib ki, Prezident İlham Əliyevin 23 dekabr 2024-cü il tarixli Sərəncamına əsasən, minimum aylıq əməkhaqqının məbləği 2025-ci il yanvarın 1-dən 400 manat müəyyən edilib. Aylıq iş vaxtı normasını işləyən və əmək funksiyasını yerinə yetirən işçinin aylıq əməkhaqqı da 2025-ci il yanvarın 1-dən həmin məbləğdən az ola bilməz.

Ona görə də Dövlət Əmək Müfəttişliyi Xidməti minimum aylıq əməkhaqqından aşağı əməkhaqqı qeyd edilmiş əmək müqavilələrinə qanunvericiliyin tələblərinə uyğun olaraq dəyişiklik edilməklə “Əmək və Məşğulluq” altsisteminə daxil edilməli olduğunu işəgötürənlərin diqqətinə çatdırır.

Nazirliyin “Əmək və Məşğulluq” altsistemi vasitəsilə bu sahədə vəziyyətə mütəmadi nəzarət olunur. Əmək müqavilələrinə dəyişiklik edilməsi və ya xitam verilməsi barədə bütün məlumatlar həmin altsistemdə öz əksini tapır. Bu altsistem əmək müqavilələri üzrə müəyyən edilmiş bütün əməkhaqları üzrə məlumatları real vaxt rejimində izləməyə imkan verir.

Qeyd edək ki, İnzibati Xətalar Məcəlləsinin 192.3-cü maddəsinə əsasən, işçiyə minimum aylıq əməkhaqqından aşağı məbləğdə əməkhaqqı verilməsi inzibati məsuliyyətə səbəb olur.
150
Kiçik və Orta Biznesin İnkişafı Agentliyi - KOBİA

28 Dec, 13:41

KOBİA yanında İctimai Şuraya seçkilər keçirilib

“İctimai iştirakçılıq haqqında” Azərbaycan Respublikasının Qanununa və Kiçik və Orta Biznesin İnkişafı Agentliyinin (KOBİA) İdarə Heyəti sədrinin 4 sentyabr 2018-ci il tarixli əmri ilə təsdiq edilmiş “İctimai Şura haqqında” əsasnaməyə uyğun olaraq, KOBİA yanında İctimai Şuranın yeni tərkibinin müəyyən olunması üçün seçki keçirilib.

Ətraflı - https://bit.ly/3BPXOan
126
Kiçik və Orta Biznesin İnkişafı Agentliyi - KOBİA

28 Dec, 10:35

Azərbaycanda 2025-ci il “Konstitusiya və Suverenlik İli” elan edilib

Bu barədə Azərbaycan Prezidenti İlham Əliyev Sərəncam imzalayıb.

Sərəncam Azərbaycan Konstitusiyasının bəyan etdiyi niyyətlərdən biri kimi ərazi bütövlüyümüzün və suverenliyimizin tam bərpa olunduğunu, 2025-ci ildə Konstitusiyamızın qəbul edilməsinin 30-cu və Vətən müharibəsində Qələbəmizin 5-ci ildönümü nəzərə alınaraq imzalanıb.

Sənədə əsasən, Prezident Administrasiyası Azərbaycan Respublikasında 2025-ci ilin “Konstitusiya və Suverenlik İli” elan olunması ilə bağlı tədbirlər planına dair təkliflərini bir ay müddətində hazırlayıb Azərbaycan Prezidentinə təqdim etməlidir.

AZƏRTAC
150
Kiçik və Orta Biznesin İnkişafı Agentliyi - KOBİA

28 Dec, 10:35

Ölkədə süni intellekt sahəsinə aid dövlət standartları qəbul edilib

◼️Antiinhisar və İstehlak Bazarına Nəzarət Dövlət Xidmətinin tabeliyində olan Azərbaycan Standartlaşdırma İnstitutu (AZSTAND) tərəfindən AZS ISO/IEC TR 24028:2024 “İnformasiya texnologiyaları - Süni intellekt - Süni intellektin etimadı doğrultmasına dair icmal” və AZS ISO/IEC TR 24372:2024 “İnformasiya texnologiyaları - Süni intellekt (Sİ) - Sİ sistemləri üçün hesablama yanaşmalarının icmalı” dövlət standartları qəbul edilib.

◼️Sözügedən dövlət standartları Sİ sistemlərinin etimadı doğrultma mövzularını, o cümlədən bu sistemlərin əsas hesablama xüsusiyyətlərini, onlarda istifadə olunan vacib alqoritmlər və yanaşmaları müəyyən edir.

◼️Yeni dövlət standartlarının tətbiqində məqsəd Sİ sistemlərinin müxtəlif platformalar və sahələrdə düzgün işləməsi üçün ümumi qaydalar və təlimatların yaradılmasını, həmçinin qarşılıqlı şəkildə işləməsini təmin etməkdir.

ℹ️ Qeyd edək ki, yeni dövlət standartları “İnformasiya-kommunikasiya texnologiyaları” standartlaşdırma üzrə Texniki Komitədə (AZSTAND/TK 05) müzakirəyə çıxarılıb və İnstitut tərəfindən təsdiqlənərək Standartlaşdırma üzrə normativ sənədlərin Dövlət Fonduna daxil edilib.
134
Kiçik və Orta Biznesin İnkişafı Agentliyi - KOBİA

28 Dec, 09:18

Dəstək və xidmətlərimizlə 7 ildir sahibkarların xidmətindəyik.
119
Kiçik və Orta Biznesin İnkişafı Agentliyi - KOBİA

28 Dec, 07:43

Zəngilanda “KOB Fest” sərgi-satış yarmarkası keçirilib

2024-cü ilin sonuncu, sayca 10-cu “KOB Fest” sərgi-satış yarmarkası Zəngilan rayonunun Ağalı kəndində keçirilib. Yarmarkada Zəngilan, eləcə də ətraf şəhər və rayonlardan olan 60-a yaxın KOB subyektinin qida və qeyri-qida məhsulları, sənətkarların və yaradıcı şəxslərin əl işləri təqdim edilib və satışı həyata keçirilib.

2024-cü il ərzində təşkil olunmuş 10 “KOB Fest” sərgi-satış yarmarkası çərçivəsində 440-a yaxın KOB subyektinin məhsullarının tanıdılmasına və satışına dəstək göstərilib.

Ətraflı - https://bit.ly/40d7UeT
141
Kiçik və Orta Biznesin İnkişafı Agentliyi - KOBİA

27 Dec, 15:44

Türk Ticarət və Sənaye Palataları Birliyinin üzvləri “Bakı KOB evi”ndə

Ölkəmizə səfər çərçivəsində Türk Ticarət və Sənaye Palataları Birliyinin üzvləri və Türkiyə Palatalar və Birjalar Birliyinin prezidenti M.Rifat Hisarcıklıoğlu “Bakı KOB evi”ndə olub.

Qonaqlara biznesə vahid məkanda xidmət mərkəzi olan KOB evi modeli barədə ətraflı məlumat verilib. Qeyd olunub ki, KOB evlərində dövlət və özəl qurumlar tərəfindən sahibkarlara 400-dən çox “G2B” və “B2B” xidmətlər göstərilir. Sahibkarların KOB evlərində göstərilən xidmətlərdən məmnunluq səviyyəsi 98% təşkil edir. KOB evlərində biznes üçün zəruri xidmətlərin vahid məkanda təqdim olunması sahibkarların vaxtına və əməliyyat xərclərinə qənaət etməsinə imkan verir.

Ətraflı - https://bit.ly/3ZRK1bo
189
Kiçik və Orta Biznesin İnkişafı Agentliyi - KOBİA

27 Dec, 10:13

“Bizdən Biznesə” startap müsabiqəsi çərçivəsində qaliblərə biznes planlarının reallaşdırılması üçün pul mükafatı təqdim edilib.
194
Kiçik və Orta Biznesin İnkişafı Agentliyi - KOBİA

25 Dec, 07:48

“Bizdən Biznesə” startap müsabiqəsinin nəticələri açıqlanıb

Startaplara dəstək məqsədilə Kiçik və Orta Biznesin İnkişafı Agentliyinin (KOBİA) tərəfdaşlığı ilə “AccessBank” QSC tərəfindən həyata keçirilən “Bizdən Biznesə” startap müsabiqəsinin qalibləri açıqlanıb.

Oktyabr ayında elan olunmuş müsabiqəyə startaplar və sahibkarlar tərəfindən bir ay ərzində 500-dən çox müraciət daxil olub. Münsiflər heyəti tərəfindən təqdim olunmuş layihələr arasından innovativ, kreativ, davamlılıq və gəlirlilik meyarlarına cavab verən 3 layihə qalib olaraq seçilib. I yerin sahibi “Climasel” soyutma panelləri istehsalı layihəsinin müəllifi Xəyalə Miriyeva, II yerin sahibi kənd təsərrüfatı və qida tullantılarının bioloji emaldan keçirərək alternativ heyvan mənşəli protein və yağ əlavələrinin istehsalı layihəsinin müəllifi Rafiq Mirzəyev, III yerin sahibi isə arı mumlu örtüklərin istehsalı layihəsinin müəllifi Fidan Əlisoy olub.

Ətraflı - https://bit.ly/3ZQEIJ6
273
Kiçik və Orta Biznesin İnkişafı Agentliyi - KOBİA

24 Dec, 11:39

Sosial sahibkarlıq nədir?
230
Kiçik və Orta Biznesin İnkişafı Agentliyi - KOBİA

23 Dec, 14:37

Püstə bağlarının hər hektarına görə birdəfəlik əkin subsidiyası ödəniləcək

◼️1 sentyabr 2024-cü il tarixindən 2025-ci il mayın 31-dək Abşeron-Xızı, Mərkəzi Aran, Mil-Muğan və Şirvan-Salyan iqtisadi zonalarında dəniz səviyyəsindən 150 metrdən yuxarı olmayan ərazilərdə salınacaq püstə bağlarının hər hektarına görə fermerlərə 3 min manat birdəfəlik əkin subsidiyası ödəniləcək.

◼️Kənd Təsərrüfatı Nazirliyinin məlumatına görə, subsidiya növü damcı suvarma sistemi quraşdırılmış, hektar üzrə ən azı 400 ting əkilmiş püstə bağlarına şamil edilir.
225
Kiçik və Orta Biznesin İnkişafı Agentliyi - KOBİA

23 Dec, 14:36

Yerli investisiyalı MMC-nin qeydiyyatı xarici investisiyalı MMC-nin qeydiyyatından fərqlidirmi?
184
Kiçik və Orta Biznesin İnkişafı Agentliyi - KOBİA

23 Dec, 13:53

Sahibkarlara “Dayaq” mükafatının təqdim olunması mərasimi. Bakı şəhəri, 16 dekabr 2024-cü il.
206
Kiçik və Orta Biznesin İnkişafı Agentliyi - KOBİA

20 Dec, 11:04

Ruanda nümayəndə heyəti “Bakı KOB evi”nin fəaliyyəti ilə tanış olub

Ölkəmizdə səfərdə olan Ruanda İnkişaf Şurasının Baş icraçı direktorunun müavini Culiana Muqanzanın rəhbərlik etdiyi nümayəndə heyəti “Bakı KOB evi”ndə olub.

Heyətə Kiçik və Orta Biznesin İnkişafı Agentliyinin (KOBİA) fəaliyyəti, o cümlədən Agentliyin strukturuna daxil olan KOB evləri barədə ətraflı məlumat verilib.

Diqqətə çatdırılıb ki, KOB evləri vahid məkanda sahibkarların dövlət xidmətlərinə əlçatanlığının təmin edilməsində mühüm rol oynayır. Burada dövlət qurumları ilə yanaşı, özəl sektor tərəfindən də biznesə xidmətlər təqdim edilir. Ölkənin 3 şəhərini əhatə edən KOB evlərinin sayının artırılması istiqamətində tədbirlər davam etdirilir.

Ətraflı - http://bit.ly/4iJL7hY
283
Kiçik və Orta Biznesin İnkişafı Agentliyi - KOBİA

06 Dec, 15:38

6-cı qrant müsabiqəsinin nəticələri açıqlandı

Mikro, kiçik və orta sahibkarlıq subyektlərinin təhsil, elm, tədqiqat və dəstək layihələrinin maliyyələşdirilməsi üçün elan edilmiş 6-cı qrant müsabiqəsinin nəticələri açıqlanıb. Kiçik və Orta Biznesin İnkişafı Agentliyi (KOBİA) tərəfindən keçirilmiş müsabiqəyə təqdim edilmiş layihələrdən 20-nin maliyyələşdirilməsi barədə qərar qəbul olunub. Qalib layihələrin hər birinə maksimum 20 min manata qədər maliyyə vəsaiti ayrılacaqdır.

Layihələrin ekspertizası məqsədilə yaradılmış Ekspert Komissiyasının dekabrın 6-da keçirilmiş iclasında qeyd edilib ki, müsabiqəyə KOB subyektləri tərəfindən 259 layihə təqdim edilib. KOB subyektlərinə məxsus layihələrin 111-i hüquqi, 148-i fiziki şəxslərə, o cümlədən 248-i mikro, 10-u kiçik, 1-i iri sahibkarlıq subyektlərinə məxsusdur. Müsabiqəyə təqdim olunmuş layihələrdən 90-ı təhsil, 22-si elm, 56-sı tədqiqat, 91-i dəstək layihələridir.

Ətraflı - https://bit.ly/3OJpfpa
112
Kiçik və Orta Biznesin İnkişafı Agentliyi - KOBİA

06 Dec, 12:45

Azərbaycan Könüllülərinin VII Həmrəylik Forumu çərçivəsində KOBİA-nın könüllüləri Fatimə Tağıyeva "İlin könüllüsü" və Sənəm Ağabalayeva "Fəal könüllü" mükafatına layiq görülüblər. Könüllülərimizi təbrik edirik!
101
Kiçik və Orta Biznesin İnkişafı Agentliyi - KOBİA

06 Dec, 12:11

Hüquqi şəxslərin dövlət qeydiyyatı sahəsində görülən işlər müzakirə edilib

İqtisadiyyat Nazirliyi yanında Dövlət Vergi Xidməti (DVX) və Kiçik və Orta Biznesin İnkişafı Agentliyinin (KOBİA) birgə təşkilatçılığı ilə onlayn görüş keçirilib. Kommersiya hüquqi şəxslərin dövlət qeydiyyatı sahəsində yeniliklərə həsr olunmuş görüşdə biznes subyektləri, KOB dostları və startapçılar iştirak ediblər.

DVX-nin Vergi ödəyicilərinin qeydiyyatı və uçotu baş idarəsinin əməkdaşı Aynur Hacıyeva təqdimatla çıxış edərək Dünya Bankı Qrupunun “Business Ready” hesabatının “Biznesə daxilolma” indikatoru üzrə həyata keçirilən yol xəritəsi çərçivəsində bir sıra yeniliklərin tətbiq edildiyini diqqətə çatdırıb. Təqdimat zamanı sahibkarlığın təşviqi və biznesə başlamaq üçün yaradılmış müasir qeydiyyat sistemləri, biznesin elektronlaşdırılması ilə bağlı tədbirlər, onlayn qeydiyyat sisteminin üstünlükləri barədə məlumat verilib. Bildirilib ki, onlayn qeydiyyatın tətbiqində məqsəd biznesə başlama prosedurlarının sadələşdirilməsi, vaxta qənaət, şəffaflığın təmin olunması, sahibkarlarla ünsiyyətinin minimuma endirilməsi və vətəndaş məmnunluğunun artırılmasıdır. Görüş iştirakçılarına vergi ödəyicilərinin elektron qeydiyyatı istiqamətində əldə edilmiş nəticələr, xarici investisiyalı MMC-lərin elektron qeydiyyatı və bu sahədə rəqəmsallaşmanın pozitiv dinamikası barədə məlumat verilib, onları maraqlandıran suallar cavablandırılıb.

Ətraflı - https://bit.ly/4g1gt1R
80
Kiçik və Orta Biznesin İnkişafı Agentliyi - KOBİA

06 Dec, 12:10

Zərgərlik məmulatları və qiymətli metallara dair yeni dövlət standartları qəbul edilib

Antiinhisar və İstehlak Bazarına Nəzarət Dövlət Xidmətinin tabeliyində olan Azərbaycan Standartlaşdırma İnstitutu (AZSTAND) tərəfindən yeni dövlət standartları qəbul edilib:

AZS ISO 15093:2024 “Zərgərlik məmulatları və qiymətli metallar - Yüksək saflıqlı qızılın, platinin və palladiumun təyini - ICP-OES üsulundan istifadə olunmaqla fərqlər üsulu”;

AZS 960:2024 (TS 7000:2018) “Zərgərlik məmulatları – Qiymətli metallardan və onların ərintilərindən hazırlanmış məmulatlar”;

AZS ГОСТ Р 52913:2024 “Brilyantlar. Təsnifat. Texniki tələblər”;

AZS ГОСТ Р 70183:2024 “Cilalanmış təbii zümrüdlər (zərgərlik daşları). Təsnifat. Çeşidlənmə və dəyərləndirmə ilə bağlı tələblər”;

Yeni dövlət standartları Standartlaşdırma üzrə normativ sənədlərin Dövlət Fonduna daxil edilib. Dövlət standartının tətbiqi müəssisə və təşkilatlara zərgərlik məlumatlarının yoxlanılması və sınaqdan keçirilməsi imkanı yaradacaq, həmçinin istehsal zamanı məhsulların keyfiyyətini və rəqabətqabiliyyətliliyini artıracaq.
61
Kiçik və Orta Biznesin İnkişafı Agentliyi - KOBİA

06 Dec, 12:09

İlk dəfə olaraq qaragilə bağlarına görə əkin subsidiyası veriləcək

2025-ci ildən başlayaraq Azərbaycanda ilk dəfə olaraq intensiv qaragilə (mavigilə) bağlarının salınmasına görə dövlət tərəfindən subsidiyalar ayrılacaq.

Kənd Təsərrüfatı Nazirliyinin məlumatına görə, Aqrar Subsidiya Şurasının qərarına əsasən, 2024-cü il sentyabrın 1-dən 2025-ci il mayın 31-dək Şirvan-Salyan, Dağlıq Şirvan, Abşeron-Xızı və Lənkəran-Astara iqtisadi rayonlarında salınan intensiv qaragilə bağının hər hektarına görə fermerlərə 15 min manat birdəfəlik əkin subsidiyası veriləcək. Bu subsidiya mexanizmi hər hektarda ən azı 3,4 min tingin əkildiyi, damcı suvarma sistemi ilə təmin olunan qaragilə bağlarına şamil olunur.
58
Kiçik və Orta Biznesin İnkişafı Agentliyi - KOBİA

06 Dec, 11:46

KOB-ların yaşıl keçidinə dair KOBİA və Asiya İnkişaf Bankı arasında Memorandum imzalanıb

Kiçik və Orta Biznesin İnkişafı Agentliyi (KOBİA) və Asiya İnkişaf Bankı (AİB) arasında Azərbaycanda KOB-ların yaşıl keçidi və yaşıl inkişafına dair Anlaşma Memorandumu imzalanıb.

Memorandumda AİB tərəfindən KOBİA-nın irəli sürdüyü “KOB-ların yaşıl keçidi üçün Bakı İqlim Koalisiyası Bəyannaməsi”nə dəstək ifadə edilməklə, bəyannamədə öz əksini tapmış məsələlər, o cümlədən KOB-ların yaşıl keçidinə yönəlmiş fəaliyyətin birgə həyata keçirilməsi nəzərdə tutulur. Bu məqsədlə memorandumda KOB-ların yaşıl təşəbbüslərinin reallaşdırılmasına, bu sahədə bacarıqlarının artırılmasına və yaşıl maliyyəyə çıxışına birgə dəstəyin göstərilməsi, KOB-ların yaşıl keçidinə dəstək üçün normativ bazanın təhlili istiqamətində tədbirlərin görülməsi kimi istiqamətlərdə əməkdaşlıq öz əksini tapıb.

Ətraflı - https://bit.ly/49rKvsT
81
Kiçik və Orta Biznesin İnkişafı Agentliyi - KOBİA

05 Dec, 14:23

“Şamaxı rayonunun özəl investisiyalar üçün cəlbediciliyinin artırılması” layihəsi çərçivəsində biznes forum keçirilib

Şamaxı Rayon İcra Hakimiyyətinin, Kiçik və Orta Biznesin İnkişafı Agentliyinin (KOBİA) və Elm və Təhsil Nazirliyinin İqtisadiyyat İnstitutunun təşkilatçılığı ilə "Şamaxı rayonunun özəl investisiyalar üçün cəlbediciliyinin artırılması” layihəsi çərçivəsində biznes forum keçirilib.

Tədbirdə İqtisadiyyat İnstitutu tərəfindən 2024-cü il ərzində həyata keçirilmiş "Şamaxı rayonunun özəl investisiyalar üçün cəlbediciliyinin artırılmasına təşviq və dəstək mexanizmlərinin hazırlanması" layihəsi üzrə görülmüş işlər barədə məlumat verilib. Qeyd olunub ki, layihənin məqsədi Şamaxı rayonuna özəl investisiyaların cəlb edilməsi imkanlarının araşdırılması, rayona sərmayə qoyuluşunun artırılması üçün təşviq və dəstək mexanizmlərinin hazırlanması olub.

Ətraflı - https://bit.ly/3D1tBp7
126
Kiçik və Orta Biznesin İnkişafı Agentliyi - KOBİA

05 Dec, 10:38

İndiyədək İqtisadiyyat Nazirliyi tərəfindən 17 minə yaxın lisenziya verilib

İqtisadiyyat Nazirliyi tərəfindən “ASAN xidmət” mərkəzləri, KOB evləri və “Lisenziyalar və icazələr” portalı vasitəsilə sahibkarlara 2024-cü ilin 11 ayı ərzində 1848 lisenziya, indiyədək isə ümumilikdə 16 936 lisenziya verilib.

2024-cü ilin 11 ayı ərzində “Lisenziyalar və icazələr” portalının fəaliyyətinin təkmilləşdirilməsi, informasiya sistemlərinin portala inteqrasiyası istiqamətində işlər davam etdirilib və sahibkarlara portal vasitəsilə 1263 elektron lisenziya təqdim olunub. “Lisenziyalar və icazələr” portalının fəaliyyətə başladığı 01.03.2018-ci il tarixindən indiyədək portal vasitəsilə 5800-ə yaxın elektron lisenziya verilib.

Ümumilikdə verilmiş lisenziyaların 27%-i (4561) əczaçılıq fəaliyyəti, 22%-i (3787) tikintisinə icazə tələb olunan bina və qurğuların tikinti-quraşdırma işləri fəaliyyəti, 13%-i (2173) özəl tibb fəaliyyəti, 6%-i (1081) tikintisinə icazə tələb olunan və barəsində məlumatlandırma icraatı tətbiq olunan bina və qurğuların layihələndirilməsi fəaliyyəti, 6%-i (959) rabitə xidmətləri (əsasən sürətli poçt) və 26%-ni isə (4375) digər fəaliyyət növləri təşkil edib.

Ətraflı - https://bit.ly/41l46ZV
117
Kiçik və Orta Biznesin İnkişafı Agentliyi - KOBİA

05 Dec, 10:31

Naxçıvan Sənaye Parkı yaradılıb

Prezident İlham Əliyevin imzaladığı Fərmana əsasən, Naxçıvan Muxtar Respublikasında Naxçıvan Sənaye Parkı yaradılıb.

Fərmanla müəyyən edilib ki, Naxçıvan Sənaye Parkı sahibkarlıq fəaliyyətinin həyata keçirilməsi üçün zəruri infrastrukturu və idarəetmə qurumları olan, müasir texnologiyaların tətbiqi yolu ilə rəqabətqabiliyyətli məhsul istehsalı və xidmətlər göstərilməsi məqsədilə istifadə edilən, sahibkarların səmərəli fəaliyyətinə və inkişafına kömək edən ərazidir. Naxçıvan Sənaye Parkının fəaliyyətinin təşkili, onun idarə edilməsi və inkişafı ilə bağlı tədbirləri Azərbaycan Respublikası İqtisadiyyat Nazirliyinin tabeliyində İqtisadi Zonaların İnkişafı Agentliyi həyata keçirir.

Fərmana əsasən, Naxçıvan Sənaye Parkının fəaliyyətinin təşkili, ərazisinin istifadəyə yararlı vəziyyətə gətirilməsi, xarici və daxili infrastrukturun (elektrik və istilik enerjisi, qaz, su, kanalizasiya, rabitə, nəqliyyat, yanğından mühafizə, istehsal təyinatlı, inzibati, sosial və digər infrastruktur obyektləri) yaradılması üçün layihələndirmə işlərinin həyata keçirilməsini təmin etmək məqsədilə Azərbaycan Respublikasının 2024-cü il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan Agentliyə ilkin olaraq 500 min manat ayrılıb.

Ətraflı - https://bit.ly/41f3pBm
99
Kiçik və Orta Biznesin İnkişafı Agentliyi - KOBİA

05 Dec, 10:27

Sahibkarları dekabr ayında KOBİA-nın təşkilatçılığı ilə keçiriləcək sahəvi görüşlərdə və ödənişsiz biznes təlimlərdə iştirak etməyə dəvət edirik.

Ətraflı - https://bit.ly/3Nm51Rw
101
Kiçik və Orta Biznesin İnkişafı Agentliyi - KOBİA

05 Dec, 10:20

Rəqəmsallaşmaya töhfə verən yeni startaplar

Ötən həftə “Startap” şəhadətnaməsinin verilməsi üzrə Kiçik və Orta Biznesin İnkişafı Agentliyində (KOBİA) yaradılmış Ekspertlər Şurasının növbəti iclası keçirilib. İclasda KOB subyektlərindən daxil olmuş 15 müraciətə baxılıb və onlardan 8-nə “Startap” şəhadətnaməsinin verilməsi barədə qərar qəbul edilib. Bununla da “Startap” şəhadətnaməsi almış KOB subyektlərinin sayı 182-yə çatıb. “Startap” şəhadətnaməsi KOB subyektlərini şəhadətnaməni aldıqları tarixdən etibarən innovasiya fəaliyyətindən əldə etdikləri gəlirlər üzrə mənfəət və gəlir vergisindən 3 il müddətinə azad edir.

Ətraflı - https://bit.ly/3Bqqqql
109
Kiçik və Orta Biznesin İnkişafı Agentliyi - KOBİA

05 Dec, 05:39

"KOB könüllüləri"ni və könüllü fəaliyyətinə töhfə verən hər kəsi 5 dekabr - Beynəlxalq Könüllülər Günü münasibətilə təbrik edir, fəaliyyətlərində uğurlar arzulayırıq.
118
Kiçik və Orta Biznesin İnkişafı Agentliyi - KOBİA

04 Dec, 15:55

Kivi bağlarının salınması subsidiyalaşdırılacaq

2025-ci il mayın 31-dək salınacaq intensiv kivi bağlarının hər hektarına görə fermerlərə 9,6 min manat əkin subsidiyası veriləcək.

Kənd Təsərrüfatı Nazirliyinin məlumatına görə, bu dəstək mexanizmi Lənkəran, Astara, Masallı rayonlarında, eyni zamanda Lerik rayonunun dəniz səviyyəsindən 300 metr yüksəklikdən aşağıda yerləşən ərazilərində ən azı 650 tingin əkildiyi və damcı suvarma sistemi ilə təchiz olunan bağlara şamil olunacaq.

Qeyd olunan subsidiyalaşma mexanizmi fermerin intensiv kivi bağları salmaq üçün çəkdiyi xərclərin bir hissəsini qarşılamağa imkan verir.
138
Kiçik və Orta Biznesin İnkişafı Agentliyi - KOBİA

04 Dec, 15:54

Moruq bağlarının hər hektarına görə 3,2 min manat əkin subsidiyası ödəniləcək

Kənd Təsərrüfatı Nazirliyinin məlumatına görə, 2025-ci ilin 31 may tarixinədək ölkənin istənilən bölgəsində salınan intensiv moruq bağları üzrə hər hektara görə fermerlərə 3,2 min manat birdəfəlik əkin subsidiyası veriləcək. Subsidiya hər hektarda ən azı 4,7 min tingin əkildiyi, damcı sulama sistemi ilə təchiz olunmuş intensiv moruq bağlarına şamil ediləcək. Qeyd olunan şərtlərə uyğun gəlməyən intensiv moruq bağlarına görə isə suvarma sistemindən asılı olaraq iki fərqli subsidiyanın verilməsi nəzərdə tutulub.

Aqrar Subsidiya Şurasının qərarına əsasən, birdəfəlik əkin subsidiyası üçün müəyyən olunmuş şərtlərə uyğun gəlməyən, lakin müasir suvarma sistemi ilə təchiz olunan intensiv moruq bağları üzrə hər hektara görə fermerlərə 310 manat, müasir suvarma sistemi ilə təchiz olunmamış intensiv moruq bağları üzrə isə fermerlərə 250 manat subsidiya veriləcək.
127
Kiçik və Orta Biznesin İnkişafı Agentliyi - KOBİA

04 Dec, 13:38

Startap və sahibkarların 79 layihəsinin icrasına 1,4 milyon manat ayrılıb

Hər il Kiçik və Orta Biznesin İnkişafı Agentliyi tərəfindən keçirilən qrant müsabiqələri çərçivəsində startaplar və sahibkarların innovasiya, texnologiya və rəqəmsallaşma sahəsində layihələrinə maliyyə dəstəyi göstərilir.

Bu barədə Agentliyin İdarə Heyətinin sədri Orxan Məmmədov Bakıda keçirilən “Caspian Innovation” Forumunda çıxış edərkən deyib.

Onun sözlərinə görə, bugünədək keçirilən qrant müsabiqələri nəticəsində startap və sahibkarların ümumilikdə 79 layihəsinin icrasına 1,4 milyon manat maliyyə vəsaiti ayrılıb.

“Qrant müsabiqəsi sahibkarlara həm maliyyə dəstəyi, həm də təcrübə və şəbəkə qurmaq üçün imkanlar yaradır. Qalib olan layihələr sonrakı mərhələdə digər maliyyə qurumlarından qrantlar və investisiyalar əldə edə bilirlər”, - Orxan Məmmədov bildirib.
121
Kiçik və Orta Biznesin İnkişafı Agentliyi - KOBİA

04 Dec, 13:37

“E-KOB evi” portalının yaradılması üzrə işlər yekunlaşır

Sahibkarların işini dövlət qurumları və digər sahibkarlarla əlaqələndirəcək, sahibkarlara göstərilən xidmətləri və digər funksiyaları özündə cəmləşdirəcək elektron sistem - “E-KOB evi” portalının yaradılması üzərində işlər artıq yekunlaşmaq üzrədir.

Bu barədə Kiçik və Orta Biznesin İnkişafı Agentliyinin İdarə Heyətinin sədri Orxan Məmmədov Bakıda keçirilən “Caspian Innovation” Forumunda çıxış edərkən deyib.

Onun sözlərinə görə, sahibkarlar müxtəlif dövlət qurumlarının onlara göstərdikləri “G2B” xidmətlərinə görə ödəniləcək dövlət rüsumu, xidmət haqları və digər ödənişləri “e-KOB evi” portalı üzərindən həyat keçirə, “B2B” çərçivəsində müxtəlif növ maliyyə, bank, sığorta xidmətlərindən istifadə edə biləcəklər.
123
Kiçik və Orta Biznesin İnkişafı Agentliyi - KOBİA

04 Dec, 13:37

Sahibkarlar beynəlxalq konqresə dəvət olunurlar

2025-ci ilin 8-9 aprel tarixlərində Qazaxıstanın Almatı şəhərində “Farma Qazaxıstan və Mərkəzi Asiya” 3-cü beynəlxalq konqres və sərgisi keçiriləcək.

İxracın və İnvestisiyaların Təşviqi Agentliyinin (AZPROMO) məlumatına görə, konqres və sərgi haqqında ətraflı məlumatla tədbirin rəsmi səhifəsindən (pharmaqazaqstan.com) tanış olmaq olar.

Tədbirdə iştirak etmək istəyən Azərbaycan sahibkarları aşağıdakı telefon nömrəsi və ya elektron poçt vasitəsi ilə əlaqə saxlaya bilərlər:

Tel.: +44 207 394 3090 (əlavə 325)

E-mail: [email protected]

Əlaqələndirici şəxs: İrina Voyxovskaya.
127
Kiçik və Orta Biznesin İnkişafı Agentliyi - KOBİA

03 Dec, 17:58

Göyçayda keçirilən "KOB Fest" sərgi-satış yarmarkası dekabrın 5-dək davam edəcək.
156
Kiçik və Orta Biznesin İnkişafı Agentliyi - KOBİA

03 Dec, 12:17

Sayca 9-cu “KOB Fest” sərgi-satış yarmarkası Göyçayda keçirilir

Regionlarda fəaliyyət göstərən mikro, kiçik və orta sahibkarlıq subyektlərinin məhsul və xidmətlərinin tanıdılması və satış imkanlarının genişləndirilməsi məqsədilə Kiçik və Orta Biznesin İnkişafı Agentliyinin (KOBİA) təşkilatçılığı ilə bölgələrdə keçirilən “KOB Fest” sərgi-satış yarmarkaları davam edir. Növbəti “KOB Fest” Göyçay rayonunda keçirilir. Sabir bağının ərazisində təşkil olunmuş və üç gün davam edəcək yarmarkada Göyçay, eləcə də ətraf şəhər və rayonlardan 70-ə yaxın KOB subyektinin məhsul və xidmətləri təqdim olunur. Yarmarkaya çıxarılan məhsullar arasında kənd təsərrüfatı və sənaye məhsulları, o cümlədən un məmulatları, tekstil, sərinləşdirici içkilər, suvenirlər, meyvələr, arıçılıq məhsulları, sənətkarların və yaradıcı şəxslərin əl işləri üstünlük təşkil edir.

Ətraflı - https://bit.ly/49g5r6d
188
Kiçik və Orta Biznesin İnkişafı Agentliyi - KOBİA

30 Nov, 10:21

Azərbaycan sahibkarlarının məhsulları “MÜSİAD EXPO” və “Halal Expo” sərgilərində

Azərbaycan sahibkarları İstanbulda keçirilən “MÜSİAD EXPO” və “Halal Expo” sərgilərində iştirak ediblər.

Türkiyəyə səfər çərçivəsində KOBİA nümayəndələri Dünya Halal Sammitinə də qatılıblar.

Ətraflı - https://bit.ly/3VheJsK
276
Kiçik və Orta Biznesin İnkişafı Agentliyi - KOBİA

16 Nov, 17:22

“KOB-ların yaşıl iqtisadiyyatda rolu” mövzusunda panel müzakirə
69
Kiçik və Orta Biznesin İnkişafı Agentliyi - KOBİA

16 Nov, 15:53

COP29 çərçivəsində “KOB-ların yaşıl iqtisadiyyatda rolu” mövzusunda panel müzakirə təşkil olunub

COP29 çərçivəsində “KOB-ların yaşıl iqtisadiyyatda rolu” mövzusunda panel müzakirə keçirilib. Kiçik və Orta Biznesin İnkişafı Agentliyinin (KOBİA) təşkilatçılığı ilə keçirilən tədbirdə yaşıl keçidin KOB-lar üçün faydası, ətraf mühitə biznesin məsuliyyətli yanaşması, iqlim maliyyələşdirilməsi, yaşıl bizneslərin yaradılması üçün sahibkarların ehtiyacları barədə fikir mübadiləsi aparılıb.

Tədbirdə KOB-ların yaşıl transformasiyasının qlobal və milli səviyyədə birgə əməkdaşlıqla mümkün olduğu qeyd edilib və KOB ekosisteminin bütün maraqlı tərəfləri KOBİA-nın irəli sürdüyü “KOB-ların yaşıl iqlim keçidi üçün Bakı Koalisiyası Bəyannaməsi”nə qoşulmağa dəvət olunublar.

Ətraflı - https://bit.ly/4fPDkNd
84
Kiçik və Orta Biznesin İnkişafı Agentliyi - KOBİA

14 Nov, 14:08

KOBİA və “Invest Bulgaria” Agentliyi əməkdaşlıq edəcək

Kiçik və Orta Biznesin İnkişafı Agentliyi (KOBİA) və Bolqarıstan Respublikasının “Invest Bulgaria” Agentliyi arasında əməkdaşlığa dair Anlaşma Memorandumu imzalanıb.

Sənəddə ticarət və investisiya imkanları, biznesyönümlü tədbirlər barədə qarşılıqlı məlumat mübadiləsi, KOB-lar arasında əlaqələrin genişləndirilməsi üçün müxtəlif əməkdaşlıq formalarının yaradılmasının təşviqi və mövcud platformaların inkişaf etdirilməsi, dövlət-özəl tərəfdaşlığı üzrə layihə və proqramlar çərçivəsində əməkdaşlıq və bu sahədə imkanların araşdırılması kimi məsələlər nəzərdə tutulur.

Ətraflı - https://bit.ly/3UT60gd
153
Kiçik və Orta Biznesin İnkişafı Agentliyi - KOBİA

14 Nov, 08:05

KOBİA-nın təşəbbüsü ilə hazırlanmış “KOB-ların yaşıl iqlim keçidi üçün Bakı Koalisiyası Bəyannaməsi”ni ITC və SEBRAE öz həmrəyliyini ifadə edərək imzalayıblar.
147
Kiçik və Orta Biznesin İnkişafı Agentliyi - KOBİA

13 Nov, 11:32

COP29 çərçivəsində KOB-ların yaşıl keçidinə dəstək məqsədilə əməkdaşlığa dair sənədlər imzalanıb

Bakıda keçirilən BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyası - COP29 çərçivəsində KOB-ların yaşıl keçidinin təşviqinə və bu sahədə əməkdaşlığa dair sənədlər imzalanıb.

“Mavi zona”da təşkil olunmuş imzalanma mərasimində “KOB-ların yaşıl iqlim keçidi üçün Bakı Koalisiyası Bəyannaməsi” imzalanması üçün beynəlxalq qurum və təşkilatlar üçün açıq elan edilib. İlk olaraq bəyannaməni Beynəlxalq Ticarət Mərkəzi, Braziliyanın Mikro və Kiçik Müəssisələrə Dəstək Xidməti, KOBİA və BMT-nin iqlim dəyişikliyi üzrə yüksək səviyyəli çempionu Nigar Arpadarai imzalayıblar.

Qeyd edək ki, KOBİA-nın təşəbbüsü ilə hazırlanmış “KOB-ların yaşıl iqlim keçidi üçün Bakı Koalisiyası Bəyannaməsi” qlobal səviyyədə KOB-ların yaşıl iqtisadiyyata keçidi üzrə birgə səylərin birləşdirilməsi məqsədini daşıyır.

Ətraflı - https://bit.ly/4foln8M
159
Kiçik və Orta Biznesin İnkişafı Agentliyi - KOBİA

13 Nov, 07:21

Beynəlxalq Ticarət Mərkəzinin nümayəndələri "Bakı KOB evi"ndə olublar

Bakıda keçirilən BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında - COP29-da iştirak etmək üçün Azərbaycanda səfərdə olan Beynəlxalq Ticarət Mərkəzinin (ITC) nümayəndələri "Bakı KOB evi"ndə olublar.

Kiçik və Orta Biznesin İnkişafı Agentliyinin (KOBİA) və “Bakı KOB evi”nin nümayəndələri tərəfindən ITC-nin nümayəndələrinə sahibkarlara vahid məkanda xidmət mərkəzi olan KOB evinin fəaliyyəti barədə məlumat verilib.

Ətraflı - https://bit.ly/48PcWAN
164
Kiçik və Orta Biznesin İnkişafı Agentliyi - KOBİA

06 Nov, 15:29

ESG üzrə vahid platformanın və milli standartın təqdimatı
274
Kiçik və Orta Biznesin İnkişafı Agentliyi - KOBİA

06 Nov, 12:58

ESG üzrə vahid platformanın və milli standartın təqdimatı ilə bağlı konfrans keçirilib

Biznes Mühiti və Beynəlxalq Reytinqlər üzrə Komissiyanın və KOBİA-nın təşkilatçılığı, ABB və “Azercell Telecom” MMC-nin dəstəyi ilə ekoloji, sosial və korporativ idarəetmə (ESG) üzrə vahid platformanın və milli standartın təqdimatı ilə bağlı konfrans keçirilib.

Qeyd edilib ki, ESG üzrə vahid platforma daima yenilənən və ESG ilə əlaqəli hərtərəfli məlumat və materialları birləşdirən resurs mərkəzi rolunu oynayacaq. Platforma bizneslərin cari vəziyyəti, dayanıqlılığı, ESG hesabatlılığı üzrə indikator və məlumatları təmin etməklə, xarici investorların cəlb edilməsinə xidmət edəcək. Tərəfdaşlar ESG ilə əlaqəli xidmətlərini bu platforma üzərindən biznes subyektlərinə təqdim edə biləcək, bizneslər isə ESG üzrə təcrübəli mütəxəssis və peşəkar şirkətlərə çıxış imkanı əldə edəcəklər.

Ətraflı - https://bit.ly/4eil3a7
272
Kiçik və Orta Biznesin İnkişafı Agentliyi - KOBİA

06 Nov, 07:25

Yeni üzüm bağlarının salınmasına dəstək mexanizmləri həyata keçirilir

Bu il sentyabrın 1-dən 2025-ci il mayın 31-dək salınacaq üzüm bağlarının hər hektarına görə fermerlərə 8 min manat birdəfəlik əkin subsidiyası ödəniləcək.

Kənd Təsərrüfatı Nazirliyinin məlumatına görə, qeyd olunan məbləğ Quba-Xaçmaz iqtisadi rayonu istisna olmaqla digər rayonlarda süfrə üzüm sortlarından, Qarabağ, Şərqi Zəngəzur, Şəki-Zaqatala, Gəncə-Daşkəsən, Dağlıq Şirvan və Qazax-Tovuz iqtisadi rayonlarında texniki üzüm sortlarından olan tinglərin əkildiyi, sahəsi azı 2 hektar olan, “Aqrar sığorta haqqında” Azərbaycan Respublikasının Qanununa müvafiq olaraq sığortalanmış üzüm bağlarına görə ödəniləcək.

Aqrar Subsidiya Şurasının qərarına əsasən, 2021-ci ilin sentyabrından bu ilin sentyabrına kimi salınan üzüm bağlarının hər hektarına görə 700 manat əkin subsidiyasının ödənilməsi nəzərdə tutulur. 2021-ci ilin sentyabrından əvvəlki tarixlərdə salınan bağlara görə isə fermerlərə hər hektara görə 250 manat subsidiya ödəniləcək.

Yeni üzüm bağlarının salınmasının subsidiyalaşdırılması fermerlərin bağların salınmasına çəkdiyi xərcin bir hissəsinin dövlət tərəfindən qarşılanması deməkdir və bu dövlət dəstəyi mexanizmi ölkədə üzüm bağlarının sahəsinin genişlənməsinə əhəmiyyətli təsir göstərəcək.
227
Kiçik və Orta Biznesin İnkişafı Agentliyi - KOBİA

04 Nov, 14:10

Ətraf mühit, sosial və korporativ idarəetmə üzrə milli standart qəbul olunub

“Bakı KOB evi”ndə Kiçik və Orta Biznesin İnkişafı Agentliyinin (KOBİA) təşkilatçılığı ilə yeni qəbul edilmiş ekoloji, sosial və korporativ idarəetmə (ESG) üzrə milli standarta dair brifinq keçirilib.

Azərbaycan Standartlaşdırma İnstitutunun və KOBİA-nın nümayəndələri ESG üzrə milli standartın məzmunu və biznes üçün faydası barədə məlumat verib, media nümayəndələrinin suallarını cavablandırıblar.

Ətraflı - https://bit.ly/4fyZnrA
284
Kiçik və Orta Biznesin İnkişafı Agentliyi - KOBİA

01 Nov, 06:49

Xaçmaz rayonu, "KOB FEST" sərgi-satış yarmarkası, 25-27 oktyabr 2024-cü il.
329
Kiçik və Orta Biznesin İnkişafı Agentliyi - KOBİA

30 Oct, 14:12

“Bizdən biznesə” startap müsabiqəsi keçirilir

Startaplara dəstək məqsədilə yeni layihəyə - “Bizdən biznesə” startap müsabiqəsinə start verilib. Dövlət-özəl əməkdaşlığı çərçivəsində “AccessBank” QSC tərəfindən həyata keçiriləcək layihənin tərəfdaşı Kiçik və Orta Biznesin İnkişafı Agentliyidir (KOBİA).

Layihənin məqsədi innovasiyaları stimullaşdırmaq, yeni bizneslərə imkanlar yaratmaq, startapların biznes ideyalarını reallaşdırmasına dəstək olmaq, KOB-lara mentorluq və maliyyə dəstəyinin göstərilməsi, davamlı inkişaf və cəmiyyətə müsbət təsir potensialı olan perspektivli biznes konsepsiyaların araşdırılması və uğurlu sahibkar şəbəkəsinin formalaşdırılmasına töhfə verməkdir. Layihədə sahibkarlar və startaplar iştirak edə bilərlər. Artıq müraciətlərin qəbuluna başlanılıb. Münsiflər Heyəti tərəfindən seçiləcək qaliblərin layihələrinin icrası üçün maliyyə vəsaiti ayrılacaqdır.

Ətraflı - https://bit.ly/40sVXSH
380
Kiçik və Orta Biznesin İnkişafı Agentliyi - KOBİA

29 Oct, 15:59

Kənd Təsərrüfatı Nazirliyi ərzaqlıq buğda istehsalçılarına müraciət edib

2025-ci il məhsulu üçün müasir suvarma sistemləri ilə təchiz olunan sahələrdə ərzaqlıq buğda əkininə dair Kənd Təsərrüfatı Nazirliyi (KTN) ilə müqavilələrin bağlanması müddəti noyabrın 1-də başa çatır.

Nazirliyin məlumatına görə, öz sahələrində pivot suvarma sistemi quraraq ərzaqlıq buğda əkini aparmaq istəyən fermerlər qeyd olunan tarixədək KTN-ə müraciət edərək, müvafiq müqaviləni imzalamalıdırlar.

Qeyd edək ki, “Ərzaqlıq buğda ilə özünütəminetmə səviyyəsinin yüksəldilməsinə dair bir sıra tədbirlər haqqında” Azərbaycan Respublikası Prezidentinin 2022-ci il 19 iyul tarixli 1754 nömrəli Fərmanına əsasən, istehsalın etibarlı təşkili ilə əlaqədar tədbirlər 2024-cü ildə də davam etdirilib. 2024-cü ilin məhsulu üçün müqavilə imzalanmış 29 təsərrüfatda 23765 hektar pivotaltı sahədə ərzaqlıq buğda əkini aparılıb. Növbəti təsərrüfat ilində ərzaqlıq buğda əkini sahələrinin daha da genişləndirilməsi nəzərdə tutulur. (Vergiler.az)
284
Kiçik və Orta Biznesin İnkişafı Agentliyi - KOBİA

29 Oct, 12:59

Cəlilabad və Göyçayda sahibkarlarla görüş keçirilib

Kiçik və Orta Biznesin İnkişafı Agentliyinin (KOBİA) təşkilatçılığı ilə Cəlilabad rayonunda qadın sahibkarlığının inkişafı mövzusunda görüş keçirilib. Tədbirdə aidiyyəti dövlət qurumlarının nümayəndələri və 40-a yaxın sahibkarlıq subyekti iştirak edib.

Qadın sahibkarların dəstəklənməsi, onların üzləşdiyi çətinliklərin və həlli yollarının müzakirə olunması, sahibkarlığa dəstək göstərən qurumların xidmətləri barədə məlumatlandırma məqsədilə təşkil edilmiş görüşdə müvafiq təşkilatların nümayəndələri və sahibkar qadınlar arasında fikir mübadiləsi aparılıb.

Ətraflı - https://bit.ly/4fnMKzu
276
Kiçik və Orta Biznesin İnkişafı Agentliyi - KOBİA

28 Oct, 13:19

Bu il 220 biznes planın hazırlanması üçün sahibkarlara və biznesə başlamaq istəyənlərə dəstək göstərilib

Cari ilin yanvar-sentyabr aylarında Kiçik və Orta Biznesin İnkişafı Agentliyi (KOBİA) tərəfindən 220 biznes plan hazırlanaraq sahibkarlara və biznesə başlamaq istəyən şəxslərə təqdim edilib. Bu biznes planlar Bakı şəhəri və ölkə regionlarında istehsal və xidmət sahələrində yeni biznesin qurulması və ya mövcud sahibkarlıq fəaliyyətinin genişləndirilməsini nəzərdə tutur. Biznes planların əksəriyyəti Bakı iqtisadi rayonunu əhatə edir. Növbəti yerlərdə isə Gəncə-Daşkəsən, Qazax-Tovuz, Quba-Xaçmaz, Şəki-Zaqatala, Qarabağ və digər iqtisadi rayonlar dayanır. Biznes planlardan 73-ü qadın sahibkarlar üçün hazırlanıb. Ümumilikdə isə indiyədək KOBİA sahibkarlar üçün 1555 biznes planın hazırlanmasına dəstək göstərib.

Ətraflı - https://bit.ly/3BZKtvQ
142
Kiçik və Orta Biznesin İnkişafı Agentliyi - KOBİA

28 Oct, 06:02

Qubada sahibkarlarla görüş keçirilib

Quba İş Adamlarına Dəstək (QİAD) platformasının təşkilatçılığı ilə Qubada 250-dən çox sahibkarın, eləcə də dövlət qurumlarının nümayəndələrinin iştirakı ilə görüş keçirilib.

Tədbir bölgədə iqtisadi və işgüzar əlaqələrin, sahibkarlar arasında əməkdaşlıq imkanlarının genişləndirilməsi, biznes fəaliyyətinin təşviqi, ticarətin artırılması, bölgəyə xarici investisiyaların cəlb olunması, bununla da regionun inkişafına dəstək məqsədilə təşkil edilib.

Ətraflı - https://bit.ly/4fmSJnU
135
Kiçik və Orta Biznesin İnkişafı Agentliyi - KOBİA

26 Oct, 07:47

Xaçmazda Zəfər Parkının ərazisində keçirilən "KOB FEST" sərgi-satış yarmarkası oktyabrın 27-dək davam edəcəkdir.
188
Kiçik və Orta Biznesin İnkişafı Agentliyi - KOBİA

25 Oct, 13:59

Xaçmazda “KOB FEST” sərgi-satış yarmarkası keçirilir

Mikro, kiçik və orta sahibkarlıq subyektlərinin məhsul və xidmətlərinin tanıdılması və satış imkanlarının genişləndirilməsi məqsədilə ölkə regionlarında təşkil olunan “KOB FEST” sərgi-satış yarmarkası bu dəfə Xaçmaz rayonunda keçirilir. Kiçik və Orta Biznesin İnkişafı Agentliyinin (KOBİA) təşkilatçılığı ilə Zəfər Parkının ərazisində keçirilən yarmarkada Xaçmaz, eləcə də ətraf şəhər və rayonlardan olan 60-a yaxın KOB subyektinin məhsul və xidmətləri təqdim edilir və satılır. Yarmarkaya KOB subyektləri tərəfindən çıxarılan məhsullar arasında kənd təsərrüfatı və sənaye məhsulları, un məmulatları, tekstil, sərinləşdirici içkilər, suvenirlər, arıçılıq məhsulları, sənətkarların və yaradıcı şəxslərin əl işləri üstünlük təşkil edir.

“KOB FEST” çərçivəsində mədəni-əyləncəli proqram da təşkil olunub. Sərgi-satış yarmarkası oktyabrın 27-dək hər gün saat 10:00-dan 18:00-dək fəaliyyət göstərəcək.

Ətraflı - https://bit.ly/3UpUPLP
206
Kiçik və Orta Biznesin İnkişafı Agentliyi - KOBİA

25 Oct, 07:19

Yaşıl biznes necə olmalıdır?

Bu yaxınlarda qəbul edilmiş AZS 962:2024 “Yaşıl biznesin idarəedilməsi sistemləri” dövlət standartı bizneslərin hansı istiqamətdə hansı yaşıl prinsipləri tətbiq edə biləciyini göstərməklə, həm də faydalı təlimat rolunu oynayır. Yeni standartın tətbiqi bizneslərin, o cümlədən KOB-ların yaşıl biznes modelinə keçidini asanlaşdırmaqla qlobal bazarda daha rəqabətqabiliyyətli olmasına imkan verəcək. KOB-ların ətraf mühitə təsirinin minimuma endirilməsini, resurslardan səmərəli istifadəni və ekoloji məsuliyyəti artırmağı nəzərdə tutan yeni standart, həmçinin ekoloji innovasiyaların stimullaşdırılmasına xidmət edəcəkdir.

Dövlət-özəl sektor əməkdaşlığı çərçivəsində Kiçik və Orta Biznesin İnkişafı Agentliyinin (KOBİA) təşəbbüsü və dəstəyi ilə hazırlanmış yeni standart beynəlxalq müstəvidə ilk belə təcrübələrdəndir.

Ətraflı - https://bit.ly/3UmreTw
178
Kiçik və Orta Biznesin İnkişafı Agentliyi - KOBİA

24 Oct, 14:05

Sahibkarlar iqtisadi konqresə dəvət olunurlar

Bu ilin 21-22 noyabr tarixlərində Rusiya Federasiyasının Sankt-Peterburq şəhərində BRICS dövlətlərinin VI Beynəlxalq Bələdiyyə Forumunun İqtisadi Konqresi keçiriləcək.

İxracın və İnvestisiyaların Təşviqi Agentliyinin (AZPROMO) məlumatına görə, "Əhalinin sağlamlığının qorunması" mövzusuna həsr olunacaq konqresin işgüzar proqramında ekologiya, turizm, dayanıqlı inkişaf, təhsil, mədəniyyət, gənclər siyasəti, idman, diplomatiya və digər istiqamətlərdə sessiyaların təşkil edilməsi nəzərdə tutulub. Tədbir çərçivəsində B2B və B2G görüşlərin keçirilməsi planlaşdırılır.

Forumda iştirak etmək istəyən Azərbaycan sahibkarları aşağıdakı elektron poçt və ya telefon nömrəsi vasitəsi ilə əlaqə saxlaya bilərlər:

E-mail: [email protected]

Tel.: +7 (961) 615-89-19
185
Kiçik və Orta Biznesin İnkişafı Agentliyi - KOBİA

24 Oct, 14:04

Növbəti “İnvestisiya səyahəti” tədbiri Zaqatala rayonunda keçirilib

Bakı Fond Birjasının, Kiçik və Orta Biznesin İnkişafı Agentliyinin (KOBİA) və investisiya şirkətlərinin iştirakı ilə Zaqatalada “İnvestisiya səyahəti” layihəsi çərçivəsində tədbir təşkil olunub.

Qiymətli kağızlar bazarına dair məlumatlılıq səviyyəsinin yüksəldilməsi, regionlarda bu sahəyə marağın artırılması və biznes ictimaiyyətinin diqqətinin kapital bazarına yönəldilməsi istiqamətində tədbir çərçivəsində Bakı Fond Birjasının Listinq Məsləhət Proqramının imkanları, eləcə də investisiya şirkətlərinin kapital bazarında investor olmağın üstünlükləri və qiymətli kağız buraxılışında anderraytinq xidməti mövzularında təqdimatlar keçirilib, iştirakçıların sualları cavablandırılıb.

Qeyd edək ki, bu, sayca on üçüncü belə tədbirdir. Mütəmadi olaraq keçirilən “İnvestisiya səyahəti” tədbirlərinin məqsədi regionlarda fəaliyyət göstərən biznes subyektlərini alternativ maliyyələşmə mənbəyi olan qiymətli kağızlar bazarı barədə məlumatlandırmaqdır.
180
Kiçik və Orta Biznesin İnkişafı Agentliyi - KOBİA

22 Oct, 08:06

Oman və Qətərin işgüzar dairələri ilə əməkdaşlıq imkanları müzakirə edilib

KOB sahəsində əməkdaşlıq imkanlarını müzakirə etmək və 5-ci Duqum Forumunda iştirak məqsədilə Azərbaycan Respublikasının Oman Sultanlığındakı Səfirliyinin dəstəyi ilə Kiçik və Orta Biznesin İnkişafı Agentliyinin (KOBİA) nümayəndələri Omanda səfərdə olublar.

KOBİA nümayəndələri Maskat şəhərində KOB İnkişaf Fondu və KOB İnkişaf İdarəsində görüşlər keçirib, 5-ci Duqum Forumuna qatılıblar.

Qətərə səfər zamanı isə Qatar İnkişaf Bankının tabeliyində Qətər İxracın İnkişafı, Maliyyə və Təşviq Agentliyi və Qətər İş Adamları Assosiasiyası ilə görüşlər keçirilib, Azərbaycan-Qətər Dəyirmi Masası təşkil olunub.

Ətraflı - https://bit.ly/4dUy1Le
240
Kiçik və Orta Biznesin İnkişafı Agentliyi - KOBİA

21 Oct, 14:03

Dohada Azərbaycan və Qətər iş adamlarının iştirakı ilə dəyirmi masa keçirilib

Qətərin paytaxtı Doha şəhərində Kiçik və Orta Biznesin İnkişafı Agentliyinin (KOBİA) və Qətər Ticarət və Sənaye Palatasının təşkilatçılığı, “Marsol Group” və İş adamları Cəmiyyətinin Milli Assosiasiyasının (İCMA) dəstəyi, Azərbaycan və Qətər iş adamlarının iştirakı ilə Dəyirmi Masa təşkil olunub.

Tədbirdə Azərbaycan və Qətərin sənaye, turizm, xidmət, İKT və s. sektorlarında fəaliyyət göstərən 60-dan çox iş adamı iştirak edib.

Tədbir çərçivəsində Azərbaycan və Qətər iş adamları arasında B2B görüşlər keçirilib, əməkdaşlıq imkanları müzakirə edilib.

Ətraflı - https://bit.ly/4dXaVDI
207
Kiçik və Orta Biznesin İnkişafı Agentliyi - KOBİA

20 Oct, 07:20

4-cü Azərbaycan Beynəlxalq Qarabağın Bərpa, Yenidənqurma və İnkişafı Sərgisi (“Rebuild Karabakh”), 15-17 oktyabr 2024-cü il.
248
Kiçik və Orta Biznesin İnkişafı Agentliyi - KOBİA

18 Oct, 12:55

6-cı qrant müsabiqəsinə layihə təqdim etmək istəyən KOB-lar üçün vebinar təşkil olunub

KOB subyektlərinin təhsil, elm, tədqiqat və dəstək layihələrinin maliyyələşdirilməsinə dair elan edilmiş 6-cı qrant müsabiqəsi ilə bağlı məlumatlandırıcı tədbir keçirilib. Kiçik və Orta Biznesin İnkişafı Agentliyinin (KOBİA) təşkilatçılığı ilə keçirilən onlayn tədbirdə müsabiqə ilə bağlı sahibkarlıq subyektlərinə ətraflı məlumat verilib, onları maraqlandıran suallar cavablandırılıb.

70-dən çox KOB subyektinin iştirakı ilə təşkil olunmuş tədbirdə KOBİA-nın Biznesə xidmətlər departamentinin əməkdaşları müsabiqənin şərtləri və layihələrin qiymətləndirilməsi prosesi barədə təqdimatlarla çıxış ediblər.

Ətraflı - https://bit.ly/3Ys7KPH
310
Kiçik və Orta Biznesin İnkişafı Agentliyi - KOBİA

18 Oct, 11:27

Zaqatala rayonu, "KOB FEST" sərgi-satış yarmarkası, 11-13 oktyabr 2024-cü il.
257
Kiçik və Orta Biznesin İnkişafı Agentliyi - KOBİA

18 Oct, 07:58

Ölkədə korporativ yaşıl biznesin idarəedilməsi sistemləri üzrə yeni dövlət standartı qəbul edilib

İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin tabeliyində olan “Azərbaycan Standartlaşdırma İnstitutu” PHŞ tərəfindən AZS 962:2024 “Yaşıl biznesin idarəedilməsi sistemləri” yeni dövlət standartı qəbul edilib.

Yeni dövlət standartı özündə müəssisə və təşkilatların ətraf mühitə mənfi təsirlərini minimuma endirmək, resurslardan səmərəli istifadə etmək və ekoloji məsuliyyət xüsusiyyətlərini ehtiva edir.

Bundan əlavə, müvafiq standart təşkilatların idarəetmə sistemlərində yaşıl maliyyə idarəetməsi, dayanıqlı təchizat zənciri, ekoloji dayanıqlılıq və ekoloji innovasiyalar kimi əsas prinsiplərin tətbiqini stimullaşdıracaq.

Sözügedən dövlət standartı “Sustainable Development Goals” (SDGs) tərəfindən təqdim edilən standart layihəsi çərçivəsində “Uyğunluğun qiymətləndirilməsi” (AZSTAND/TK 08) və “Ekologiya” standartlaşdırma üzrə Texniki Komitələrdə (AZSTAND/TK 09) müzakirə edilib, ümumi razılıq əsasında qərar qəbul edilərək təsdiq edilməsi üçün İnstituta təqdim olunub.
273

2025 All Right Reserved

Disclaimer: The content displayed on this website is solely provided by the respective Telegram channels. We hold no ownership or responsibility for the content shared by these channels.