أحياء دقيقة سكيتشي 🦠🧪

السلام عليكم 🙋‍♂
كيفكم أصدقائنا 😃

بالنسبة لمسرى القناة، قررت أنو رح خليها متل ما هي تماماً و رح أفتح قناة ثانية خاصة للمعلومات الطبية، و رح أنشر عليها مجرد ما بلشت المباشرة بالاختصاص (يلي هو داخلية عامة بإذن الله) ❤️

الفكرة من القناة ببساطة أنو كل ما اكتشفت معلومة طبية جديدة (في سياق الممارسة العملية في المشفى) بنشرها عالقناة، منو انا بستفاد لما بدي أعمل مراجعة، و منو أنتو كمان بتستفادوا إن شاء الله 🌸
موفقين جميعاً 🌹

رابط القناة:

https://t.me/MediTalkk

السلام عليكم 🙋‍♂
كيفكم أصدقائنا 😃
بتمنى تكونوا بكامل الصحة و العافية ❤️

هي الرسالة هية رسالة ''تحويل مسار'' فالحمدلله انا (صاحب القناة الوحيد) تخرجت من كلية الطب البشري جامعة دمشق 😍
و بدي منكم تقررو مسرى القناة (الشي يلي رح تكون عليه القناة بالمستقبل)
رح اعمل استفتاء Poll حط ٣ مساري A و B و C . . و يلي حيكون عليه أكبر عدد من الأصوات رح اختارو .

المسرى A : إبقاء القناة كما هي فقط لفيديوهات الأحياء الدقيقة و السكيتشي و الالتزام بذلك
المسرى B : تغيير القناة الى قناة طبية بالمجمل ، يعني بنشر حالات سريرية و بناقش نقاط طبية قد تكون صعبة الفهم و ممكن أيضاً خواطر طبية
المسرى C : آراء و اقتراحات مختلفة غير ما سبق يتم إرسالها على حساب القناة @MohammadAzero

و شكراً جزيلاً لدعمكم المستمر 🌹

أحياء دقيقة سكيتشي 🦠🧪 pinned «السلام عليكم أصدقائنا 🙋‍♂ كامل فيديوهات سكيتشي (المداواة و الأحياء الدقيقة و حتى علم الأمراض) موجودين بهاد البوت 👇 : @MedicusiumBot بالواقع هاد البوت دهب 👌 فيو Kaplan و Pathoma و فيديوهات BnB و كمان بنك اسئلة UWorld و كامل كتب First Aid و كثير من المصادر…»

السلام عليكم أصدقائنا 🙋‍♂

كامل فيديوهات سكيتشي (المداواة و الأحياء الدقيقة و حتى علم الأمراض) موجودين بهاد البوت 👇 :

@MedicusiumBot

بالواقع هاد البوت دهب 👌
فيو Kaplan و Pathoma و فيديوهات BnB و كمان بنك اسئلة UWorld و كامل كتب First Aid و كثير من المصادر الطبية الممتازة 🔥

موفقين في دراستكم ❤️

طلب نشر لقناة يوتيوب مفيدة في الأحياء الدقيقة ❤️

السلام عليكم
انا طالبة طب بشري سنة رابعة اسمي صبا ،بقدم محتوى طبي بشرح فيه مادة المايكروبيولوجيا على شكل قصص كرتونية بالعربي ،نظرا لاني بدرس بتركيا فاعتمدت دايما بمصطلحاتي اذكر الكلمات الطبية باللاتيني اما عن الكلمات التركية فدايما لو ذكرتها اترجم مرادفتها بالعربي او بالانكليزي ..
هدفي افيد اكبر قدر ممكن من الطلاب العرب بدراسة المايكروبيولوجيا .
والقصص من تأليفي تماما وانا اخدت افكار sketchy micro الانكليزي اضافة الى بعض المعلومات الاضافية اخدتها من مصادر امتحان التخصص الطبي التركي (مترجمة الى العربي) و من مصادر ال usmle.
اتمنى تنشرو قناتي و هي غير ربحية مع طلاب الطب ليستفادو الكل 🤍
القناة على اليوتيوب
https://youtu.be/dhlWaz-8pZA?si=Auk50Skn18veb1XL
و القصص الكرتونية برسللها على التلغرام
https://t.me/+b1mc_9QhalAxZjI0

#جراثيم
المتفطرات السلية Mycobacterium Tuberculosis
''للاسف الفيديو غير مترجم يلي بلاقي مترجم يتواصل معنا ذكاتكم @MohammadAzero''

تعديل: هي الفيديو مترجم .. شكراً ❤️:
https://youtu.be/kVU0sGJNNqQ

●ملخص الفيديو:
١. المتفطرات السلية من الجراثيم التي لا تتلون بشكل جيد بتلوين غرام
٢. لذلك يتم استخدام وسط زرع خاص ''آغار خاص'' و هو لوفنشتين جونسون
٣. هي جراثيم هوائية مجبرة
٤. تتكاثر المتفطرات السلية داخل البالعات
٥. عادةً ما تكون الإصابة البدئية في الفص المتوسط
٦. تؤدي الى تشكل معقدات غون
٧. تكون الإصابة البدئية خفيفة و تصبح كامنة
٨. و يكون عندها اختبار PPD الجلدي إيجابي
٩. و يصبح أيجابياً إيضاً بعد تلقي لقاح BCG
١٠. قد تتفعل الإصابة الكامنة في حال نقصان TNF
١١. لذلك و قبل إعطاء TNF Inhibitors ينبغي التأكد من عدم وجود سل كامن
١٢. تظهر الإصابة السلية المعاد تفعيلها عادةً في الفص العلوي لأن نسبة التهوية فيه عالية
١٣. أعراض إعادة التفعيل تتضمن: السعال،نفث الدم،و التعرق الليلي
١٤. قد يتظاهر السل بإصابة فقرية فيدعى داء بوتس
١٥. المعالجة تتضمن الريفامبين، الايزونيازيد، البيرازيناميد، الإيثامبيوتول (مجموعة في كلمة RIPE)

كل عام و أنتم بألف خير ❤️
بتمنى تكون هلقناة فادتكم بعالم الأحياء الدقيقة 🦠 و المداواة السريرية 💊
و إن شاء الله بتحققو أهدافكم 🔥

و دُمتم بألف خير 🌸

أحياء دقيقة سكيتشي 🦠🧪 pinned «السلام عليكم أصدقائنا 🤩 متل ما بتعرفو.. فريق سكيتشي مو بس أحياء دقيقة 🦠 و إنما في كمان قسم كبير الهم للأدوية Sketchy Pharma 💊 و فريق الفابيت مشكوراً ترجم كامل قسم المداواة و نسقهم بقائمة تشغيل مرتبة 👌 و هالفيديوهات مفيدين لمادة الأدوية بالسنة التالتة و لمادة…»

#جراثيم
البورديتيلا الشاهوقية Bordetella pertussis ''المسببة للسعال الديكي Whooping Cough''

#جراثيم
المستدمية النزلية Haemophilus influenzae

●ملخص الفيديو :
١. جراثيم سلبية الغرام
٢. لها شكل العصورات (بين العصيات و المكورات)
٣. يغطي اللقاح السلالة B منها
٤. تنمو على آغار الشوكولا يحوي العاملين V و X
٥. تنتقل عبر القطيرات التنفسية
٦. تسبب التهاب لسان مزمار Epiglittitis
٧. تسبب التهاب أذن وسطى Otitis Media
٨. تسبب التهاب سحايا Meningitis
٩. هناك خطر مضاعف للإصابة و المرض عند المستأصل طحالهم
١٠. يعطي اللقاح للأطفال بين عمر الشهرين و ال 18 شهر
١١. يستخدم السيفتراياكسون لعلاج التهاب السحايا ، و يستخدم الريفامبين للوقاية من التهاب السحايا

https://youtube.com/playlist?list=PL-nBzS9vlt72ATYklk7ou_sZ308gfIj_T

السلام عليكم أصدقائنا 🤩
متل ما بتعرفو.. فريق سكيتشي مو بس أحياء دقيقة 🦠
و إنما في كمان قسم كبير الهم للأدوية Sketchy Pharma 💊
و فريق الفابيت مشكوراً ترجم كامل قسم المداواة و نسقهم بقائمة تشغيل مرتبة 👌
و هالفيديوهات مفيدين لمادة الأدوية بالسنة التالتة و لمادة المداواة بالسنة الخامسة 🔥
و هي رابط ال Playlist 👇
موفقين و بأعلى العلامات يارب ❤️

#جراثيم
الشعيات الاسرائيلية Actinomyces Israelii
لمشاهدة الفيديو مترجم من قبل فريق الفابيت :
https://youtu.be/H3so80TQJzI

#جراثيم
العقديات الرئوية Streptococcus Pneumoniae
العقديات المخضرة Streptococcus Viridans
''الفيديو إعادة نشر لأن القديم كان ضعيف الجودة و بدون ترجمة''
لمشاهدة الفيديو مترجم من قبل فريق الفابيت :
https://youtu.be/WYHJcMRktx0

كل عام و أنتم بألف خير 💛
بتمنى تكون هلقناة فادتكم بعالم الأحياء الدقيقة 🦠
و دمتم سالمين 🌺

#جراثيم
المطثيات الصعبة Clostridium Difficile
''المسببة لالتهاب القولون الغشائي الكاذب''
لمشاهدة الفيديو مترجم من قبل فريق الفابيت :
https://youtu.be/XoYJORBGYgs

●ملخص الفيديو:
١. هي جراثيم إيجابية الغرام
٢. لا هوائية مجبرة
٣. مولدة للأبواغ
٤. تحدث بسبب الاستخدام المفرط للصادات
٥. الكليندامايسين أكثر هذه الصادات المسببة للمرض
٦. تنتج نوعين من الذيفانات A و B
٧. الذيفان A يستهدف الحافة الفرشاتية و يؤدي الى إسهال مائي
٨. الذيفان B يستهدف الهيكل الخلوي 'الأكتين' و يؤدي الى تشكل الأغشية الكاذبة
٩. تشخص بالكشف عن الذيفان في البراز
١٠ تعالج بالفانكومايسين الفموي
١١. و يمكن علاجها بالميترونيدازول

#جراثيم
اليرسينيا Yersinia
لمشاهدة الفيديو مترجم من قبل فريق الفابيت :
https://youtu.be/Pn6o0bStJvE

#جراثيم
المطثيات الكزازية C. Tetani
لمشاهدة الفيديو مترجم من فريق الفابيت :
https://youtu.be/akIUKLGbSvw
تعديل : للاسف يبدو أنو الفيديو المترجم نحذف من اليوتيوب بسبب حقوق النشر.. إذا حدا بيعرف رابط بديل بيحتوي على الفيديو يبعتلنا هون ذكاتكم :
https://t.me/MohammadAzero

●ملخص الفيديو:
١. جراثيم إيجابية الغرام
٢. لا هوائية مجبرة
٣. مكونة للأبواغ
٤. تنتقل عن طريق المسامير الصدئة و الجروح
٥. مسؤولة عن الضحكة الساركيدية (الشيطانية)
٦. تؤدي الى شلل تشنجي Spastic Paralysis
٧. يعمل ذيفانها عبر قطع بروتين SNARE
٨. و بالتالي تثبيط خلايا رينشو
٩. و هذا ما يؤدي الى تثبيط إطلاق الغابا و الغلايسين