Syrian USMLE Experiences

Channel photo updated

تحياتي
أنا مضر خيربك خريج من جامعة تشرين و حاليا مقيم بقسم الأشعة بالمشفى الوطني باللاذقية.

قدمت فحص ستيب ٢ و الحمدلله جبت العلامة اللي كان بدي ياها

بس حبيت ضيف تجربة لانو استفدت كتير من تجارب الزملاء و انا عم حضر فحصي

مقارنة بالستيب ١ انا شفت الستيب ١ أصعب بكتير ولكن الستيب ٢ بوتّر اكتر لانو ما بيخلص و بحر الاسئلة اللي ممكن تجي هائل جدا جدا جدا
لهيك هدفي خلال التحضير كان اني حل اسئلة فقط بدون اي شي تاني.

طبعا اكيد بدون اي شك الستيب ١ قبل ال٢ بسهّل العملية كتير.

لما بلشت كان بدي تحضيري يكون
less is more
مصادر قليلة بس اهتم فيا منيح لانو تعلمت انو كترة المصادر ما بتساعدني ابدا ، كل شخص بيرتاح بطريقة معينة بالدراسة.

مدة التحضير : ٥ أشهر

المصادر اللي استخدمتا : يورلد - امبوس - nbme
ما استخدمت اي كتب او فيديوهات او انكي او ديفاين.
———————————-
اللي عملتو باختصار

-يورلد مرة وحدة كانت نسبة الصح 72%

-اخطاء يورلد مرة وحدة نسبة الصح كانت 50-70%

-كل أسئلة أمبوس مستوى ٢-٣-٤ ما حليت اسئلة مستوى ١-٥ ،نسبة الصح كانت 78%

-كلشي بقسم High Yield Exam Prep ب أمبوس study plans ( برأيي هدول ال٥٠٠-٦٠٠ سؤال مهمين جدا و بوقت قريب من الفحص ، قبل اسبوع مثلا )

-مكتبة أمبوس و أمبوس بشكل عام رائعين جدا و بنصح فين كتير، ولو انو في اسئلة فزلكة احيانا بس كنت حس وقتي عليه مفيد اكتر من اي شي تاني

-حليت الإحصاء و ال ethics و ال quality improvement مرتين من امبوس و مرتين من يورلد.

-حليت كم cms بس كيف ما كان بصراحة ما فيني اعطي رأيي فين .

-فحوصات التقييم كلا كانت بال250، ما عدا :
Uwsa 3 : 240 ما بنصح فيه
Nbme 14 : 243 بنصح فيه كتير

Old new free 120 : 81% مهم جدا
New free 120 : 86% مهم جدا

-حليت الnbmes مرتين تقريبا .

Amboss predicted: 252 (243-261)
———————————-

الفحص برايي عادي في شغلات صعبة في شغلات سهلة في شغلات وسط ، بيشبه الفري ١٢٠ و الnbmes الجداد ١٣-١٤

الوقت ما كان مشكلة، انا ما بحط مارك عالاسئلة بشكل عام لانو لما برجع بقرا السؤال برجع بفكر نفس التفكير و بوصل لنفس الجواب ، فكنت استغل الوقت الزايد بالبلوكات باني استريح .

في كمية معتبرة من الethics و الqi بظن هدول ساعدوني ارفع علامتي لاني حليتن كتير.

الفرق بين علامتي الحقيقية و المتوقعة بتوقع هو شغلتين :
1 ما غيرت ولا خيار بكل الفحص اول شغلة خطرت ببالي حطيتا و ما بقا غيرتا.
2 بالفحص كنت هادئ جدا ، بفحوصات التقييم كنت متوتر دائما

بالنهاية برايي العلامة الكويسة بالستيب ٢ بتعتمد ع فهم الشخص لنفسو و شو بفيدو و شو ما بفيدو ، ما في قالب محدد لذلك الواحد لازم يكون مرن و واعي .

نصيحة بتمنى الزملاء اللي رح يقدموه يفهموا بكير خلال التحضير : ما حدا يحاول "يخلّص" الستيب ٢ لانو ما بيخلص، الهدف انو الواحد يكون روبوت بحل الأسئلة.

نشالله الكل بجيب العلامة اللي بيتمناها. بالتوفيق.

تجربة ستيب 2 للدكتور مضر خير بيك
خريج جامعة تشرين

الف مبروك للدكتور مضر و منتمناله دوام التفوق و النجاح

تجربة oet متواضعة


مدة التحضير: تقريبا ساعة باليوم او اقل حتى بس اجمالا لكل الفحص تقريبا اسبوع بيطلعو

الفحص : مالو علاقة ب ايا فحص بيختبر اللغة هو فحص بيختبر قدرتك ع انو تعمل كذا شغلة بنفس الوقت لذلك الفحص همو اكبر منه لان مافي مصدر تحضير اله اهم شي هو التدريب


الlistening: برايي اصعب شي بكل الامتحان حتى علامتي اجت عالحد 350 صعوبتو انو بدك تقرا وتسمع وتكتب بنفس الوقت وبحاسبو عالاغلاط تبع الspelling لذلك برايي اذا نفدت منو نفدت من كل الامتحان
حليت 2 sample تبع جاهشان
Sample 1 : 32
Sample 2 : 38
وقت شفت هيك العلامات قلت خلص صار لازم احجز وفعلا حجزت فورا



الreading: برايي وسط اقرب للصعب بس مو متل الlistening مشكلتو انو معت وطويل شوي بس بيمرق
حليت ٢ sample تبع جاهشان
Sample 1 : 33
Sample 2 : 35



الwriting : كتبت التجربة كرمال هاد البارت انا ماصححت مع البنشمارك لان ماعجبني طريقة تصحيحن لذلك اشتركت مع دكتور مصري اسمو هشام هي رقمه

+20 106 236 5271

اشتركت معو emergency بصححلك ٥ رسايل بنفس اليوم ب ٤٠$
هلق هو حلاوتو انو بصححلك بريكورد بقلك كيف انت غلطان وشو لازم تعمل
بس اهم شغلة انو ماتاخد كلامه personal بالعكس اسلوبو بخليك تنتبه لاغلاطك المرة الجاي
يعني بقلك يادكتور هي كم مرة صار غلطنا فيها امتحانا بكرا ولسا عم تغلط
ف سدقني بالامتحان وانت عم تكتب رح تسمعه صوته ب ادنك

First letter: did not read anything from what he gave just wrote it randomly got 200

2nd after listening to his notes
320

3rd 320
4th 280 هون غلطت بشغلة بالرسالة ف لذلك هيك نقصت
5th 350


الspeaking: كنت مفكرو كتير صعب وطلع فعلا اسخف واحد بس تطبق الكرايتيريا بتنجح

https://youtu.be/XIp7ctY92AU?si=iEV6mtOjvg2g6_So

https://youtu.be/QWCiqVIa4Nk?si=JqtVtxc9Oljip2Yw

هدول الفيدوهات بكفو لتفهم شو هية الكرايتيريا وكيف تقدم بكل بساطة برايي مافي داعي تشوف غيرن ابدا


في شغلة عملتا وبنصح فيها اذا واحد ماعندو وقت حضرت اول ٣ لحالن والspeaking عملتو بعد ٤ تيام صرت حضر فيو بس speaking يعني مابلشت speaking لحتى قدمت اول ٣

بالنسبة للديسكورد كانت شغلة بشعة انو ع فرق التوقيت كنت لما افتح الاقي الكل نايم ف حضرت مع رفقاتي مشكورين جميعا❤️


الفحص اكبر من همه لان ممل ومافي شي يندرس يعني بس بتحل sample وبتروح بتقدم

هي تجربتي المتواضعة مع الفحص واذا حدا عندو ايا سؤال فينو يسال بالتوفيق للجميع

تجربة OET للدكتور حسام حلاق

خريج جامعة حلب

الف مبروك للدكتور حسام و منتمناله دوام التفوق و النجاح

السلام عليكم

تجربة "OET" مع ECFMG pathway 1

حبيت أحكي لحتى نزيد بنك التجارب لهالقصتين.

بالنسبة للOET
امتحاني كان ب 1st of June
بلشت دراسة فعلية قبل 8 أيام
مدة الدراسة ساعتين باليوم.

اول شي تجربة إسراء جدا مفيدة شوفوها:

https://t.me/Usmle_Syria/522

Listening:
العلامة: 360
متوقع أكتر من هيك بكتير وتفاجأت فيا.

المصادر: حليت 6 نماذج من ملف جاشمان فقط.
مع شوية practice للقسم A من benchmark.

القسم بالنسبة لالي كان الاصعب بالتحضير(بس الأسهل كمهارة) لأنو لازم تكتب وتسمع وتقرأ سوا فهاد شي شوي بدو تدريب.

وبالامتحان فكرت انو بجيب فوق 450 لكن الواضح انو الاسئلة شوي tricky

انتبهو ع موضوع انو ال spelling mistakes بالبارت A عم يحاسبو عليهن.(واتوقع هاد سبب العلامة).


Reading:
العلامة: 400
القسم سهل بس طويل وبدو نفَس
عملت 3 practices من ملف جاشمان

Speaking:
العلامة: 390
توقعت أقل لانو صار شوية hesitation بالمحادثة بس بعتقد لانو مشيت منيح عل criteria مشي الحال.
Criteria بتشوفهن ع موقع ال oet.

وكمان حضرت فيديوهات نضال عاليوتيوب جدا فادوني(شوفو بس أول 5 فيديوهات)
وتدربت مع صديقي بالسكن مرتين قبل الامتحان.

في ملف اسمو future lands فيو cards كتير ممكن تتدربو عليهن والملف فيو شغلات مفيدة.

Writing:
العلامة: 350
القسم كنت مالي اكل همو بنوب بالبداية

بس الي اجاني بالفحص كان جدا غريب
Referral from specialist to specialist.
ماكنت متدرب عليها.
وتوقعت أرسب بهالقسم لانو كتبت ٢٨٠ كلمة(وهاد دليل انو مابحسابو ع عدد الكلمات لكن الأفضل يكون تحت ٢٠٠) ومالحقت أراجع اللتر. توقعت أعيد الامتحان بسببو بس الحمد لله.

التدريب كان مع دكتور مصري اسمو هشام دلني عليه صديقي بشر شامي
حبيت اسلوبو
بيعملك 5 letters ب 40 $ واستفدت منو جدا
احكو معو حباب وكتير أكابر
هي رقمو
+201062365271

عملت اشتراك مع oet online بس ما بنصح فيون ابدا
اولا بتأخروا كتير (ممكن اكتر من يومين)
تانيا التقييم تبعن كان تقييم لغة وقواعد(الي بقدر أجيبو من chat gpt) فما بنصح فيون.


الامتحان سهل الى متوسط
أسهل جدا من التوفل
وعملتو ب برومترك بوسطن.

برأيي 10 ايام بمعدل ساعتين باليوم مع حدا يصلحلك ال letters تبعك
Would be more than enough.

بتمنى من الكل ينزل تجاربو بهاد الامتحان وب step3
انا جدا استفدت من تجربة الشباب اسراء وبشر وطارق ويزن
والشكر للشباب جميعا عالتجارب هي الي عم تخلي الطريق أوضح وأسهل يوم عن يوم.

تجربة الباثواي 1:

✅طلبت من النقابة تبعت حسن السيرة والسلوك من اسبوع ل ecfmg.
✅علامة ال oet طلعت ب 14 June
وقدمت عالباثواي وقت الي طلعت.

من شوي اجاني ايميل انو الباثواي approved.✅

بنصح الجميع يقدمو عهاد الباثواي
حسيتو أقل لبكة ومارح يكلفك كتير وقت.

تجربة OET + pathway 1 للدكتور أحمد ناولو خريج جامعة حلب

الف مبروك للدكتور أحمد و منتمناله دوام التفوق و النجاح

تجربة oet بتاريخ 20/3/2024
مدة التحضير ٢٠ يوم بمعدل دراسة ساعتين باليوم
اول شي عملتو تعرفت على سوابق و اجزاء الفحص عن طريق فيديو دكتور خالد
https://youtu.be/_lqAc47JFZc

Reading+listening :
بعد ما عرفت شو محتواهن و تقسيمن ووقت كل جزء و هيك..فورا فتحت على نماذج جاهشان وبلشت حل..مستواي تقريبا كان ثابت من الاول للاخير دون تحسن او تراجع😅
بالنسبة لهالقسمين اهم شي فين هو part a لهيك مهم التدريب عليه منيح..انا عدت كذا نموذج بقسم الreading كرمال هالبارت بس و حليت شوية نماذج benchmark listening part a
ما كتير ارتحت بنماذج بنشمارك لانو الحكي فين عشوائي و مو متل الفحص فما كتير بنصح فين الا اذا الشخص مستواه مو زيادة وحب يعمل تدريب اضافي
كمان في ملف مجمع كلمات بارت a listening لدكتور مصري اسمو هشام وبنصح فيه..الملف اونلاين ببعتو الدكتور على ما اذكر سعرو ١٢ دولار..بنصح فيه و بشدة كرمال التدريب على الspelling لانو اي خطأ كتابي بروح الجواب لو كان صح او مو مأثر عالمعنى
نفس الملف موجود عالغروبات بس بخط الايد وماكان واضح لهيك ما ارتحت فيه

Speaking:
اول شي فتحت فيديوهات موقع oet official بالاضافة لفيديوهات دكتور نضال عاليوتيوب كرمال اعرف محتوى الفحص و الكرايتريا
https://m.youtube.com/channel/UCih5MCKZI46RLqAr_Puq-9A/featured
الفخص هو عبارة عن تطبيق هالكرايتريا اكتر بكتير من طلاقة الحكي او اللغة..لهيك مهم كتير التدريب عليهن وما يقول الواحد انو لغتي منيحة بدبر حالي..في كتير عالم بتستعمل تطبيق الديسكورد لتلاقي شريك تدرب معو او اذا عندا رفيق بدو يقدم بنفس الوقت بدربو سوا..انا دربت مع رفيقي و كمان دربت مع دكتورة اسما سارة بتعمل جلسات تدريب..كانت جيدة وممكن تساعد بحال ما لاقيتو شريك
في ملف اسمو future landing مجمع كروت حكي للتدريب فيكن تشوفوا بس هالكروت بلا تدريب او شريك متل قلتا..حاولت دور عالنت على فيدوهات لناس مدربين على هالكروت وناشرين بس يلي لاقيتن كتير قلال وما بنصح فين

Writing;
اهم و اصعب قسم بالفحص نظرا لانو شي كتير جديد ومو متعودين على نمطو بحياتنا
انا اول شي فتحت نماذج الموقع الرسمي و شفت كيف بكتبو وشو الصيغة وشو هي الtasks المطلوبة
بعدا كتبت شوي لحالي و قارنت كتابتي مع هالنماذج لحسيت صار عندي فكرة منيحة
سجلت كورس التصحيح عند oet online هنن بصلحو ٤ رسائل ب ٧٥ دولار..تصليحن جدا ممتاز و بنصح فيه بشدة بس بياكل وقت
ما حسيت انو تصحيح ٤ رسائل كفاني..خصوصي انو علاماتي كانت متفاوتة و تطلع وتنزل..لهيك حكيت مع الدكتور المصري هشام وكان عندو تصحيح ٥ رسائل كل يوم بصلح رسالتين..تصحيحو عجبني كتير كتير و حسيت فعلا مستواي تحسن على ملاحظاتو و جبت بهالقسم اعلى علامة بين الاقسام

ملاحظة: انا عملت فحص الielts ورقي و فحص الoet عالكومبيوتر و برايي عالكومبيوتر احسن و اسلس
يلي عندو سؤال انا جاهز وبالتوفيق للكل

تجربة OET للدكتور الحلبي بشر شامي
خريج جامعة حلب العريقة

الف مبروك للدكتور بشر و منتمناله دوام التفوق و النجاح

Microbiology
Gyno
بس ما بنصح حدا بمسك كل ال articles يدرسن لانو انا ما علت بقتنع بهالطريقة
عدا عن هيك كنت السؤال اللي ما بعرفو ادرس ال article تبعو
وهون بلشت
ال amboss هو مصدر حبار مو بس بحسسك انك عم تدرس وبحسسك بثقة بالنفس
وبحسسك انو عنجد عم يسد عندك ثغرات
الشي اللي كنت ادرسو بهالطريقة ما عاد كنت اغلط فيه
بلشت اعمل nbmes وكانو
Nbme 11 259
Nbme 12 257
Nbme 13 257
Nbme 14 241
هلق صراحة انا كنت عم اعملن مكررين صح بسك ان صرلي عامل الواحد فيهن ست شهور وعنجد كنت عم حس حالي ماني عم اتذكر لانو ما كنت ادرسن بعد ما حلن
وانا ما همني فيهن الا consistency لانو بعرف انو هيي المفتاح ووقت شفت انو انا كتير consistent حسيت انو ممكن اطرح من علامة كل nbme خمس علامات اسئلة حليتا اني متذكرا وهو سكوري وفعلا طلع هيك😂
🔴ال nbme 14 هو super bullshit و underpredictive بشكل رهيب ما الو علاقة بالامتحان سيء جدا صراحة
🔴UWSA 1 هو a very easy exam day and overpredictive by like 10 marks لهيك سيء
🔴 UWSA2 is superpredictive predicted my score accurately
🔴 UWSA 3 هو حرفيا under predictive by more than 10 marks هو الوحيد اللي حسسني بنفس شعور الضياع الدائم بين الخيارات الموجود بالامتحان
هو صح كتير صعب ومانو كويس ك مقياس بس بشابه شعور الحل بالامتحان بشكل فظيع
🔴كنت كل ما حل nbme امسك السوال اللي غلطان فيه وقول هل هاد انا غلطت فيه لانو عندي نقص معلومات
ازا كان الجواب اي ف بدرس السؤال وبدرس الموضوع كلو من ال article تبعو ب amboss
ازا كان الجواب لا ف برجع بعيد طريقة تفكيري بالسؤال بصوت عالي وبشوف وين كان الغلط بعملية تفكيري هل انا ما استبعدت الخيارات ونطيت للاجابة فورا
ام في شي ما قريتو
ام في شي هو كان قصدو فيه شي وانا فسرتو شي
ام انا عملت overthink
وبالنهاية حجزت ب 29/5/2024 ب budapest بهنغاريا
ال ethics وال hospital improvment امبوس كان مجهزني الن بشكل خارق ما وقفت عندن ابدا
كتير كانو سلسين
الاحصاء نفس الشي
لهيك كان عندي حيز كتير كبير باني كب اسئلة بمشكلتي اللي ما خلصت منها وهيي اني بفكر زيادة باسئلة تافهة
بقا كان عندي هامش امان بهي الاسئلة لانو عنجد امبوس عملني فيهن جدا متين
الحمدلله كلو توفيق من رب العالمين❤️
لولا اهلي الدكتور فراس العلي والدكتورة ريما حسين انا ما عمري نجحت❤️
رفقاتي حمزة وضياء ومازن ويزن وميرزا وابراهيم وحازم
كل الناس اللي حوالايي كانو نجاحي❤️
انا انسان عادي محاط بالناس الرائعين وموفق من رب العالمين❤️
الحمدلله❤️

انا الدكتور علي فراس العلي طالب بكلية الطب البشري بجامعة طرطوس بالسنة الخامسة
نجحت بال step1 بتاريخ 14/12/2022 وتجربتي لامتحان ال step 1 مكتوبة
والحمدلله ربّ العالمين كتبلي اني انجح بال step 2 بسكور كتير حلو
بالبداية انا بعد نتيجة ال step 1 انقطعت تماما 3 اشهر قبل ما بلش step2 لانو كان عندي امتحانات الفصل الاول بالسنة الرابعة اللي اتاجل فيها كذا امتحان بسبب الزلزال
اول ما خلصنا امتحانات بلشت وكان بتاريخ 15/3/2023 بالبداية انا بلشت UWorld بس وبلشت حل بطريقة السستمات وهي شغلة كانت كتير غلط
واول غلطة غلطتها بطريقي بدراسة step 2
🔴نصيحة بعد عن الدراسة بنمط الsystems خلال بداية دراستك وحاول تعود حالك تدرس subject based
لانو الدراسة بنمط السيستمات كان عندي شعور انو هيي بتخلي مخك اقل مرونة وتكيف مع نمط الاسئلة الواسع اللي ممكن تشوفو بالامتحان
خلال اول فترة من دراستي اللي امتدت خلال الفصل التاني بالسنة الرابعة كنت ادرس بلوك باليوم من UW ولما خلصت هي الفترة كنت مخلص تقريبا 35% من اسئلة ال UW
انقطعت على امتحانات الفصل التاني بالسنة الرابعة لمدة شهرين كالعادة ورجعت بلشت بالشهر التامن
وكفيت اليوورد كلو وحليت ال CMS forms
🔴ال CMS forms هنن شي كتير بدائي وبسيط بعلمك عن مفاهيم تعتبر اساسيات ولا يتشعب للتفاصيل
يعني بالعامية هو اسهل بكتير من اي شي ممكن تشوفو بالامتحان حتى نمط اسئلتو كتير مباشر وسهل
بس بضل مهم تدرسو
صراحة ما كتير حسيت فيه بفائدة بس بالجو العام انو هو مهم بس انا حسيتو عبارة عن مجموعة اساسيات موجودة باي مصدر انت درستو قبل
هلق بعد ما خلصت ال CMS forms عاول الشهر العاشر عملت ال OLD FREE 120 وجبت فيه 85% وال convertor قلي انو هيي above 250 بقا كنت حاسس اني جاهز ادخل بال dedicated وعملت قرار متسرع وحجزت امتحاني ب 20/12/2023 بمدينة amesterdam بهولندا
بعد ما حجزت دخلت بال dedicated
🔴وهي تاني غلطة خلال دراستي (لا تحجز ابدا قبل ما تعمل 3 nbmes وتجيب فيهن كلن فوق 250 لانو ال consistency هيي اهم من انك تجيب العلامة مرة وتطلع وتنزل كتير مهم انك تعرف تحافظ عليها).
🔴اي self assestment مكتوب ببدايتو old هو زبالة
+ ال nbmes قبل ال 11 overpredictive تقريبا بعشر علامات.
هون بلشت بال dedicated وصرت ادرس subjects بدال systems وفورا لمست الفرق بعدين بلشت اعمل nbme
nbme 9: 237
nbme 10:243
Nbme 11:236
Nbme 12: 224
هون انا كنت كل nbme يدمرني ووصلت فيي لحتى اني ادرس 8 بلوكات باليوم
اي نعم انا كنت ادرس 8 بلوكات باليوم يعني كل يوم كل امتحان وما لقيت اي نتيجة
🔴مهما كنت مجتهد وقدراتك عظيمة مستحيل تلمس اي نتيجة ازا عم تجتهد بشكل غبي وانا هاد اللي كنت عم اعملو
كنت حرفيا ادرس حوال 17 ساعة باليوم وكل nbme يطلع اقل من اللي قبلو
وكانت متوسطي باليوورد بالحل التاني بهي الفترة حوالي 89%
قبل ما سافر على هولندا بخمس ايام قلت لاهلي انا ما بدي قدم انا ماني جاهز
بكل بساطة اهلي عملو الشي اللي غيرلي حياتي
قالولي ليش ما بدك تسافر
سافر سياحة سوح بهولندا وشوفا
وازا قبل الامتحان بساعة حسيت حالك مو جاهز الغي الامتحان من اصلو وكفيها سياحة مافي امتحان بالدني اغلى عندنا منك
سافرت على هولندا وكفيت الاجتهاد بغباء وال 8 بلوكات باليوم وبهالوقت انا كنت مخلص اليوورد شي مرتين قبل الامتحان غير المرة الاساسية
قبل الامتحان بخمس ايام عملت ال nbme 13 وطلع 234
طبعا هون انا فورا لغيت الامتحان وكنت بقمة الضياع والانهيار وما الي حيل قوم من التخت حتى
اهلي خلوني سوح بهولندا اجباري عني وشوفا وحسسوني اني مقدم الامتحان ومحقق الانجاز
رجعت من هولندا لعند رفقاتي اللي حرفيا كانو محسسيني وقتا انن مبسوطين فيني اكتر من هلق كاني مقدم وجاي مو لاغي الامتحان وجاي
كل هالشغلات خلتني عنجد صدق انو ما صار شي
كل هالناس اللي وجودن بحياتي كان دافع اساسي وعامل اساسي
🔴نجاحك كتير اسهل بوجود نوعية من الناس حواليك اللي بحبوك وقلبن بساعك وبيدعموك عنجد نجاحك هو الناس اللي حواليك
بعد ما رجعت قدمت امتحانات الفصل الاول بالسنة الخامسة وانقطعت شهر تماما ارتحت فيه وكان شهر صعب كتير نفسيا فيه كتير شعور بالفشل
بعد نهاية الامتحانات رجعت بلشت بتاريخ 3/3/2024 بس بلشت وانا اخد قراري اني ادرس بذكاء مو بحشو الذهن
بدي ادرس تلت ساعات بذكاء احسن من ال 15 اللي كنت ادرسن بغباء
اول خطوة عملتا انو استوعبت انو اليوورد ما بجيبك فوق ال 235 ازا بتبلعو خلص هو بيعطيك لحد ال 235
وانا اصلا كنت هون كتير عايدو بقا قررت استغنى عنو تماما وبلش بامبوس
ضليت حل 5 بلوكات امبوس باليوم لحد ما مليت وصرت حل 3
اللي كان يساعدني حل بهالكميات الاسئلة المشتركة مع اليوورد
بقا المواضيع اللي اضطر ادرسا اقل نسبيا من اللي مانو عامل يوورد
ال subject اللي انزل فيه عن ال 80 بالمية كنت ادرس كل ال articles اللي متعلقة فيه
عملت هيك بشغلتين

تجربة Step 2 للدكتور علي العلي

طالب سنة خامس جامعة طرطوس

الف مبروك للدكتور علي و منتمناله دوام التفوق و النجح

Channel photo updated

بعدين بلشت وخلصت اليورلد هون كنت متفرغ فخلصت البقيان علي يعني النص ب شهرين واول نص اخد سنة
خفت اكون نسيت القديم بس ما حسيت نسيت شي ففقط عدت اخطائي مع المارك كويسشن وانا كنت كتير اعمل مارك فكمان اخذو شهر
بعدين هون كبيت اليورلد لانو خلص قرب وقت الفحص ولازم اعود حالي احل متل الفحص الحقيقي يلي هو قريب لل nbme
وال CMS ( يلي يعدوا جدا سهلين بس بعودك تفكر متل طريقة يلي بحطو الاسئلة )
اغلب الفورمات علاماتي بآخر ال 80ات وال ٩٠ات وفي منن كنت احلن
كلن صح فكانت نفسيتي مرتاحة

وضفت عليهن بنك Amboss لل Quality improvement & ethics
وكمان في بقسم ال study plan بنك لل screening & vaccination جدا جدا فخمين فادوني كتير للفحص وكمان في قسم 200 high yield concepts كتير بنصح فيهم وحرام واحد يروح على الفحص من دون ما يدرسن
المهم بعد ما خلصت قررت احجز للفحص بس انصدمت انو اسمي تخرجت وما عطوني لامانع من السفر 🙂 فكنت ناوي قدم قبل رمضان بس بسبب هلشي اجلت لبعد العيد حتى اخد تأجيل على الاختصاص لذلك ضروري كتير تكونوا متوقعين اي شي وكتير زعجني هلشهر الزيادة لانو بلشت احس بملل فظيع

المهم
بعدين بلشت بل NBMEs
وكانو هيك كل واحد اقدمو اترك شي يومين ثلاثة تصحيح وبعدين بلش بلبعدو وكانو كلآتي
NBME 9 250
NBME 10 250
NBME 11 250 🙃
Nbme 12 250 🙂
Lectureo 250 🫠
هون ما بقا اتحمل قلت بقا لازم اعرف شو المشكلة هون كان اجمل شغلة عملتها وبنصح الكل يعملها وهي انو كل سؤال بتخربط فيه بل
NBME & CMS
تاخد سكرين شوت وتحطن بمكان واحد وهاد يلي عملتو
وقضيت تقريبا اسبوع بس عم عيد اخطائي واحلل نقاط ضعفي وفعلا بعدين قدمت ال NBME 13 جبت 263
Nbme 14 262
وفعلا حسيت شقد كان مهم اراجع كل اخطائي وافهم وين مشاكلي كانو
بعدين هون كان بقيان لفحص شي اسبوع ونص جربت حل UWSA 1وجبت ٢٥٨ بس ما حبيتو ابدا لانو طريقة صياغة الاسئلة ما بتشبه ال Nbme ابدا قلت بجرب التاني يلي بقولو عليه بلعادة احسن طلع نفس الشي ما تحملت حتى كملو عملت بس بلوكين فورا كبيتو لانو جد طريقة صياغة الاسئلة بتضيع ولا بتشبه الفحص او ال NBME ابداً

والمهم وقبل ما اسافر لتقديم الفحص وعملت ال FREE 120 وكان 83% هون كتير ارتحت لانو حسب ريديت اغلب يلي بجيبو هيك بكون علامتن فوق ال ٢٦٠ هون ارتحت نوعا ما وكان تقريبا ال free 120 هو اقرب شي للفحص

المهم يوم الفحص كان صراحة حسيتو سهل بلاقسام يلي إلها مصادر تندرس منها متل الباطنة والجراحة والنسائية والنفسي بس كانت المشكلة انو كان مليان كتير اسئلة ال QI يلي حرفيا ما بعرف كيف بنحلو رغم درست ال AMBOSS بس جد ما بعرف حسيت شي كتير جديد والمشكلة مافي مصدر معين لدراستن وكتير زعجني هلشي يعني تقريبا في شي ٥ بكل بلوك او اكتر ما بقا اتذكر بس اشوفه انقهر انو يا اخي اختبروني شي بلطب مو بشغلات بالمشافي و سيناريوهات غريبة
بس بشكل عام جدا قريب على ال Free 120 ماعدا انو كان مليان QI على حظي

المهم بس بشكل عام ما حسيت الفحص صعب حتى ال ٩ ساعات ماحسيت فيهم الوقت اكثر من كافي كان في بلوكات يزيد شي معي ٢٠ دقيقة
فما تاكلو هم الوقت
كنت متوقع اجيب متل اخر اختباراتي التقيمية وال free 120 مابعرف ليش نزلت علامتي اقل بعشر علامات بس كلو قسمة ونصيب والحمد الله على كلشي

نصائح

١. الفحص ما تستهينو فيه جد بدو تحضير متل عادة ما تتهاونو فيو والعلامة جدا مهمة خاصة بعد ما صار الستيب 1 pass & fail
فإذا مالك جاهز لا تستعجل

٢ كتير مهم تفهم شغلة انو شقد ما تمكنت من المصادر برأي الشخصي اعلى علامة ممكن تجيبها بل NBME هي بل 260s اذا ما عملت اخطاء سخيفة
اكتر من هيك برأي مستحيل إلا اذا شلفت صح او معدية عليك حالات بحياتك العملية وهاد الشي شبه مستحيل بسوريا لانو جد في اسئلة كتير لاحظت شقد ما درست ما بتحس ممكن تجاوب عليها وفي متل هلنمط بلفحص بس ما كتار يعني يمكن اذا فتحت النت ادامك مارح تعرف تحلن يعني الخيارات بشبهو بعض وماخرج اصلا تعرف كيف تبحث عن الجواب يمكن اذا جبت كذا دكتور كبار بلعمر كل واحد يقول جواب شكل 😅
يعني الشغلة بدها حظ وتوفيقات

٣ اهم الشغلة ما تنسى انو نفسك عليها حق وقت بدك ترتاح ارتاح وانبسط غير شكل الحياة ما كلها دراسة واصلا طول حياتنا بدنا نقضيها هيك فما تقول بخلص وبكرة برتاح عطي كلشي وقته لانو كل ما كبرت مارح ترتاح صدقني 😂 انبسط وادرس وعيش حياتك مع تخطيط لمستقبلك

اذا في حدا عندو سؤال رح حاول اجاوب عليه وبلتوفيق

انا فراس الشهابي خريج حديث من جامعة حلب قدمت الستيب ون pass بلسنة الخامسة
بعدين بعد فحص الستيب ١ ب ٥ شهور بلشت تحضير للستيب ٢ بشكل متقطع لوقتنا هادا يعني شي سنة ونص

هلق التحضير ما كان بشكل كامل ابداً كانت في كتير فترات طويلة من الانقطاع بسبب ظروف شخصية وستاجات بلجامعة الاميركية ببيروت وستاجات بمشافي داخل اميركا وفترة قصيرة من الانقطاع بسبب الفحص الوطني

فكان تحضيري على قسمين
قسم التحضير الغير متفرغ بسبب الامور يلي عملتها وهو بحدود السنة
وقسم ستة اشهر تحضير متفرغ للفحص بعد تقديمي للفحص الوطني

القسم الاول


بلشت بلاشتراك بل uworld وهو المصد الاول والاهم متل كل التجارب و هو حرفياً كل معلومة مهمة لازم تنفهم وتنحفظ ولكن نمط الاسئلة فيه لا تشبه الفحص نهائياً يعني اذا عودنا حالنا نحل بلفحص متل طريقة ال world u
هاد الشي بضر اكتر ما بفيد بس المعلومات فيه والشرح فيه رائعة لبناء المعلومات يلي بتلزم للفحص

هلق خلال هلسنة كتير كانت متقطعة وهاد الشي غلط بس يعني كانت عندي الاولويات للستاجات لانو بس تخرجت بتقل قيمة الستاج وظروف شخصية بتطلع بشكل غير متوقع وفترة بسيطة للفحص الوطني ( رح احكي بعدين كيف العالم تنسق للوطني )
وكمان يعني معي وقت مالي مستعجل فإذا أخرت التقديم ما رح تكون هلمشكلة الكبيرة

هلق خلال هلسنة فقط خلصت ٥٠٪؜ من اليورلد فلازم يبن معكم شقد التحضير كان بسيط 😅
المهم بعدين اجا الوطني وانا برأي يلي درس الستيب ون و حتى لو ما بلش بل ستيب ٢ ما تعطو وقت ما بستاهل ابدا يعني انا عطيت اسبوعين لكل كتلة يعني تقريبا شهر فقط دراسة دورات من بيتا وجبت 83 مع انو كانت على سنتا جدا صعبة مقارنة مع السنوات القبل وبلأخص السنة يلي قبلنا يلي كانت دورات وصراحة ندمان انو عطيتو وقت اسبوعين لكل كتلة 😅 اغلب الاجابات حليتها بسبب معلوماتي وكمان بفضل بيتا لانو عودني كيف افكر متل الدكاترة يلي بتحط الاسئلة لانو للاسف احيانا اذا جاوبت متل ما درست بلستيبات بتخربط 😅 فلذلك الدورات مهمة حتى تفهم بعض الشغلات يلي لازم تخالف طريقة تفكير الستيبات 🙂
المهم بعد ما خلصت الوطني هون بلش التحضير الجدي وكانت المصادر كلآتي


U world ال ٥٠٪؜ يلي بقيانة علي مع ال mark questions وال incorrect

CMS
NBME 9 >14
Amboss
Free 120
mehelman pdfs للمراجعة السريعة

تجربة ستيب تو للدكتور فراس الشهابي
خريج جامعة حلب

ألف مبروك للدكتور فراس و منتمناله دوام التفوق و النجاح