Sint Nyi @sintnyinyi Channel on Telegram

Sint Nyi

13 Feb, 12:23

ကိုယ် ဒုက္ခရောက်ခဲ့စဥ်တုန်းက
ငါ ဒုက္ခရောက်နေတာ သိရဲ့နဲ့တောင်
ဘယ်သူမှ လာမကူညီကြဘူးဆိုပြီး
အသိတွေအပေါ် စိတ်ဆိုးခဲ့မိဖူးတယ်။

ဖြေရှင်းရင်းနဲ့ ပြန်အဆင်ပြေသွားတဲ့
အချိန် သူ့ဘက် ကိုယ့်ဘက်
ပြန်တွေးကြည့်မိတော့ မှ ရှက်မိတာ။

တကယ်ကလေ ..

" ကိုယ် ဒုက္ခရောက်တာကို
လာကူညီဖို့ ဘယ်သူ့မှာမှကို
တာဝန်မရှိတာပါ။ "

ကိုယ်လုပ်ရပ်တွေကြောင့်ပဲ
ဒုက္ခ တွေ့တွေ့ ၊
သူများ လာဒုက္ခပေးလို့ပဲ
ဒုက္ခ တွေ့တွေ့၊
ကံဆိုးလို့ပဲ ဒုက္ခတွေ့တွေ့၊
ဘာအကြောင်းကြောင့် ဒုက္ခတွေ့တွေ့

ကိုယ့်ရဲ့ဒုက္ခတွေက ကိုယ်နဲ့ပဲဆိုင်ပြီး
ကိုယ့်မှာပဲ တာဝန်ရှိတာပါ။

ကိုယ့်ဒုက္ခတွေကို လာကူညီဖို့ကလည်း
ဘယ်သူ့မှာမှ တာဝန်ရှိမနေပါဘူး။

ကိုယ့်မှာပဲ တာဝန်အပြည့်ရှိတာမလို့
ဒုက္ခရောက်နေရင် ဟိုလူ၊ ဒီလူ
လာကယ်တာကို မစောင့်ပါနဲ့။

အဲဒီ ဟိုလူ၊ ဒီလူတွေမှာလည်း
သူ့ဒုက္ခနဲ့ သူ ရှိနေကြတာပါ။

ဒုက္ခသေးတာ၊ ကြီးတာ၊
နည်းတာ ၊ များတာပဲကွာသွားတာပါ။

ဒီတော့ " ငါ ဒုက္ခရောက်တဲ့အချိန်
လာမကူရကောင်းလား " ဆိုပြီး
ဘယ်သူ့ကိုမှ စိတ်မဆိုးမိပါစေနဲ့။

ဘယ်သူ့ဆီကမှ ဘာမှမမျှော်လင့်ပဲ
ကိုယ့်ပြဿနာတွေ ကို
ကိုယ်တိုင် ပြေလည်အောင်ဖြေရှင်းပါ။

ကိုယ့်တာဝန် ကိုယ်ယူပါ။
ကိုယ့်အား ကိုယ်ကိုးပါ။

ဒါကိုမှ ကိုယ်ချင်းစာလို့
လာပြီး ကူပေးတဲ့ သူရှိတော့လည်း
Bonus လို့မှတ်လိုက်ပေါ့။

မျှော်လင့်ထားပြီး မရရင်
စိတ်ပင်ပန်း ရသလို
မမျှော်လင့်ပဲ ရပြန်ရင်လည်း
ပျော်ရတာမလို့

ဘယ်သူ့ဆီကမှ ဘာမှမမျှော်ပါနဲ့။
မမျှော်လင့်ဘဲနဲ့ ရလာတော့လည်း
ပိုပျော်ရတာပေါ့။

အခုကြုံနေရတဲ့ ဒုက္ခတွေ
ပြဿနာတွေအားလုံးရဲ့ အဖြေက
ဘယ်သူ့ဆီမှာမှ မရှိဘူး။
သင့်ဆီမှာ ပဲရှိတယ်။

အခုကြုံနေရတဲ့ ပြဿနာတွေကို
ဖြေရှင်းနိုင်မယ့်သူကလည်း
တခြားလူမဟုတ်ဘူး။
သင်ကိုယ်တိုင်ပဲ။

လက်ရှိဒုက္ခတွေ၊ ပြဿနာတွေ
အားလုံးကို ကိုယ့်အားကိုယ်ကိုးပြီး
အမြန်ဆုံး ဖြေရှင်း ပြေလည်နိုင်ကြပါစေဗျာ။

Sint Nyi
201.25

214

Sint Nyi

13 Feb, 12:23

" ကိုယ်တိုင် တောက်ပ ပါ။
တပါးသူကိုလည်း အလင်းပေးပါ"

အခုခေတ်လို အင်ဗာတာတွေမပေါ်ခင်
ကျွန်တော်တို့ ငယ်ငယ်တုန်းကဆိုရင်

အိမ်မှာ ရုတ်တရက် မီးပျက်သွားတဲ့အချိန်
မီးခြစ်နဲ့ ဖယောင်းတိုင် က အသက်ပါပဲ။

ဒီတော့ မီးမပျက်ခင်ကတည်းက
မီးခြစ်နဲ့ ဖယောင်းတိုင်ကို
အိမ်ရဲ့တနေရာရာမှာ ကြိုပြီး
ထားထားရပါတယ်။

မီးပျက်ပြီ ဆိုတာနဲ့ ကိုယ်က
ဘယ်နားရောက်နေရောက်နေ
အဲဒ်ိီ မီးခြစ်နဲ့ ဖယောင်းတိုင်
ထားထားတဲ့ နေရာကို
ဟိုစမ်း ဒီစမ်းနဲ့ မှန်းပြီး
ရောက်အောင် သွားကြရပါတယ်။

အမှောင်ထဲမှ စမ်းတဝါးဝါး နဲ့
မှန်းပြီး သွားနေရတဲ့အတွက်
ကိုယ်သွားနေကျ ကိုယ့်အိမ်မှာ နေရင်းနဲ့ကို ...
ဟိုဟာနဲ့ တိုက်မိ ဒီဟာနဲ့တိုက်မိကလည်း
ဖြစ်တတ်ပါ သေးတယ်။

ဒါပေမယ့် ခေါင်းထဲမှာတော့
ကိုယ့်ရဲ့ မီးခြစ်နဲ့ဖယောင်းတိုင်ရှိတဲ့
နေရာကို ပုံဖော်ထားပြီးသား။

မီးပျက်လို့ အမှောင်ကြီးထဲ
စိတ်ညစ်ပြီး ထိုင်နေတဲ့သူတွေလည်း
ရှိတတ်ကြပေမယ့်

ကိုယ်လုပ်စရာရှိတဲ့ အလုပ်တွေဆက်လုပ်ဖို့
အလင်းရောင်ကို မရှိမဖြစ် လိုအပ်နေတဲ့
လူတွေကတော့ မှောင်နေလည်း ဖယောင်းတိုင်နဲ့မီးခြစ်ဆီ
ရောက်အောင်သွားရတာပါပဲ။

အလင်းရောင်လိုချင်တော့လည်း
လမ်းမှာ ဘာနဲ့ပဲတိုက်မိ တိုက်မိ
ဆက်သွားကြတာပဲ။

တခါတလေ ကိုယ်ထားထားတဲ့နေရာမှာ မီးခြစ်နဲ့ဖယောင်းတိုင် ရှိမနေရင်လည်း
တခြား ထားမိမယ့်နေရာကို စဥ်းစားပြီး
မတွေ့တွေ့အောင် ရှာရပြန်ရော။

" အမှောင်ထဲမှာ စမ်းတဝါးဝါး
သွားလာကြရပေမယ့် ရှာဖွေနေတဲ့ သူက
အချိန်တန်ရင် တွေ့ကြတာပါပဲ။"

တချို့သဘောကောင်းတဲ့ သူတွေဆို
ကိုယ့်အိမ်မီးလင်းသွားလို့ ...

တခြားအိမ် ေတွေအတွက်ပါ
ဖယောင်းတိုင်မီး သွားပေးတာမျိုးတောင်
ရှိတတ် ကြပါသေးတယ်။

နေ့စဥ်ဘဝမှာ မီးပျက်တတ်သလို ...
ကျွန်တော်တို့ ဘဝတွေမှာလည်း
မီးပျက်တဲ့အချိန်တွေ ရှိတတ်ပါတယ်။

" ဘဝတခုလုံး အမှောင်ကျပြီး
အရာအားလုံး ဝေဝါးသွားတဲ့
အချိန်တွေပေါ့။"

စီးပွါးရေးတွေ
အမှောင်ကျသွားတာတွေ ရှိမယ် ..

လူမှုရေးတွေ အမှောင်ကျသွားတာ
တွေလည်း ရှိမယ်။ ...

အိမ်ထောင်ရေးတွေ
အမှောင်ကျသွားတာတို့ ...

အချစ်ရေးတွေ ...
အမှောင်ကျ သွားတာမျိုးတွေပေါ့။

ဘာဆက်လုပ်လို့ လုပ်ရမှန်း
မသိတော့တဲ့ အရမ်းမှောင်မိုက် နေတဲ့ အခိုက်အတန့် မျိုးတွေပေါ့။

အဲဒီလိုကြုံလာတဲ့အခါ
တချို့ကက ဘာလုပ်လို့လုပ်ရမှန်း
မသိဘဲ စိတ်ပျက်လက်ပျက်နဲ့
အမှောင်ထဲမှာ ဆက်ပြီးထိုင်နေတတ်
ကြတယ်။

တချို့လူတွေက ဘဝရဲ ဒီလို
အမှောင်ထဲမှာနေရတာ စိတ်ညစ်တယ်ကွာ
ဆိုတဲ့ ခေါင်းစဥ်တပ်ပြီး ..

အရက်တွေသောက်၊
ဆေးတွေချ၊
လောင်းကစားတွေ လုပ်ရင်းနဲ့
ပိုပြီးမှောင်မိုက် တဲ့ နေရာကို
ရောက်မှန်းမသိ ရောက်ကုန်ကြတယ်။

" စိတ်ညစ်လို့ ပေါက်ကရလုပ်တာက သက်သာမယ်ထင်ရပေမယ့် တကယ်က ပိုစိတ်ညစ်ရတာပါ "

ဒါကြောင့် ဘဝက မထင်မှတ်ထားပဲ
အမှောင်ထဲကျသွားခဲ့ရင် ...

အဲဒီနေရာမှာ ဆက်မနေပဲ
အလင်းရောင်ရှိမယ့် နေရာကို
စမ်းတဝါးဝါးနဲ့ သွားနေဖို့လိုပါတယ်။

လမ်းမှာ ခလုပ်တိုက်မိတာတွေရှိမယ်။

နံရံနဲ့ တိုက်မိ လို့နာကျင်ရတာတွေရှိမယ်။
ခုံတွေနဲ့တိုက်မိလို့ ချော်လဲတာလည်းရှိမယ်။

အဲဒီအချိန်တွေမှာ နာကျင်ရ၊ စိတ်ညစ်ရ၊
စိတ်ပျက်ရ၊ စိတ်မောရတတ်ပါတယ်။

ဘဝမှာ လမ်းပျောက်တဲ့အချိန်လောက်
စိတ်ပျက်စရာကောင်းတဲ့ အချိန်မရှိပါဘူး။
အတော်ခံရခက်ပါတယ်။

ဒါပေမယ့် အဲဒီလိုအချိန်တွေမှာ
လက်လျော့ပြီး ထိုင်မချလိုက်ဖို့
အရေးကြီးပါတယ်။

လာကယ်ချင်တဲ့သူ ကယ်ပါစေ
ဆိုပြီး မသေချာ မရေရာတဲ့ သူများကို အားကိုးစိတ်နဲ့ မမျှော်ပါနဲ့။

ရှေ့လမ်းခရီးက ဝါးတားတား
ဖြစ်နေပေမယ့်လည်း
ဆက်သွားနေပါ။ ဆက်လျှောက်နေပါ။

" အတိတ်ဆိုး တွေကို အမြန်ဆုံး
မေ့ပစ်နိုင်ပြီး ရှေ့ဆက်နိုင်တဲ့သူက
မြန်မြန် ပြန်အဆင်ပြေတတ်ပါတယ် "

မီးပျက်တဲ့အချိန် ဖယောင်းတိုင်နဲ့မီးခြစ်ကို
လိုက်ရှာသလို အခုလမ်းပျောက်နေတဲ့
အချိန်မှာလည်း လမ်းကိုတွေ့အောင်ရှာပါ။

တွေ့ဖို့ အချိန်တော့ ကြာကောင်း
ကြာ နိုင်ပေမယ့် ...
တွေ့ကိုတွေ့ပါလိမ့်မယ်။
ထိုင်မနေဖို့ဘဲ သတိပြုပါ။

အချိန်တန်ရင် လမ်းစ တခုကို
တွေ့ကို တွေ့လာ ပါလိမ့်မယ်။

ကိုယ့်အတွက် ကိုယ်
လမ်းစတစ်ခုတွေ့ပြီး လမ်းကြောင်းတစ်ခုအပေါ် ရောက်သွားပြီ ဆိုရင်လည်း ကိုယ့်အိမ်က ဖယောင်းတိုင်ကို ဘေးအိမ်တွေအတွက် သွားပေးသလိုမျိုး ...

ကိုယ့်ပတ်ဝန်းကျင်က ..
စိတ်ညစ်ပြီး အမှောင်ထဲမှာ
ထိုင်နေတဲ့သူတွေ အတွက်
အလင်းရောင် ဖြစ်စေပါ။

လမ်းပြပါ။ ဆွဲခေါ်ပါ။

" လောကမှာ တန်ဖိုးအရှိဆုံး လူသားတွေက
ကိုယ်ကိုယ်တိုင် ဖြောင့်မတ် မှန်ကန်စွာနဲ့ တောက်ပတတ်သလို သူတပါးအပေါ်မှာပါ အလင်းပေးနိုင်တဲ့သူမျိုးတွေ ပဲ "

အားလုံးပဲ ဒီလောကရဲ့ အလင်းများ
ဖြစ်လာနိုင်ကြပါစေဗျာ။

Sint Nyi
22.1.24
Memory Repost

167

Sint Nyi

13 Feb, 12:23

" မရှိ " ရင် ... ရှာပါ ။
" ရှိလာ " ရင် ... နှိမ့်ချပါ။
" ပိုလျှံ " ရင် ... မျှဝေပါ။

ဘဝက " ခဏ" ပဲမလို့ ...
ရှင်သန် နေတုန်း
ပျော်အောင်လည်း နေပေါ့။

Sint Nyi
25.1.25

105

Sint Nyi

13 Feb, 12:22

အဆင်အရမ်းပြေနေပါတယ် ဆိုတဲ့
မိသားစုဆိုတာ တကယ်ရှားပါတယ်။

မိသားစုရှိရင် ပြဿနာက ရှိတာပါပဲ။

မိသားစုဝင်တွေရဲ့ Characterအပေါ်
မူတည်ပြီး ပြဿနာ သေးတာ၊
ကြီးတာ၊ နည်းတာ၊ များတာပဲ
ကွာသွားတာ။

တချို့လူတွေအတွက်
ကိုယ်မွေးဖွားလာတဲ့
မိသားစုက " Blessing " ပေမယ့် ...

တချို့ လူတွေအတွက်တော့
မိသားစုဆိုတာ " Curse" ပါပဲ။

လူတစ်ဦးချင်း တစ်ယောက်ချင်း
တိုင်းမှာတောင် ပြဿနာတွေ
ရှိကြတာဆိုတော့ ...

အဲဒီလိုလူတွေ စုပြီးနေကြတဲ့
မိသားစုတွေမှာ ပြဿနာရှိတာက
မဆန်းပါဘူး။

" မိသားစုရှိရင် ပြဿနာ
ရှိကို ရှိတယ် "

အဲဒီ မိသားစု ပြဿနာတွေကလည်း
ရှောင်ပြေးလို့လည်း မရပြန်ဘူး။

နေ့စဥ် တစ်ယောက်ပြီးတစ်ယောက်
တမျိုးပြီး တမျိုးကို
ရင်ဆိုင်နေ ရကြရတာပါ။

လူဖြစ်တဲ့အတွက်
ပြဿနာတွေက မသေမချင်းကို
ရှိနေဦးမှာပဲ။

လက်ရှိဖြေရှင်းရမယ့်ပြဿနာတွေကို
ရှောင်ပြေးမိရင် ၊
အရင်က ပြဿနာ အဟောင်းတွေကော ၊
နောက်ထပ်လာမယ့် ပြဿနာ
အသစ်တွေကိုပါ တပြုံထဲ ဖြေရှင်း
ရတတ်လို့ ...

ပြဿနာ ဖြစ်လာရင်
အကောင်းဆုံး ရင်ဆိုင်ပါ။
ဖြေရှင်းပါ။ မကြောက်ပါနဲ့။

ပြဿနာကြုံရပြီဆိုရင် ပေါက်ကရတွေ
လျှောက်မလုပ်မိအောင် နေရင်းနဲ့
အထူးသဖြင့် ငွေကို ပိုပြီးရှာပါ။

" ဘာလို့လဲဆိုတော့ ငွေက
ပြဿနာအားလုံးကို မဟုတ်ပေမယ့်...
ပြဿနာ တော်တော်များများကို
ဖြေရှင်းနိုင်တဲ့ အစွမ်းရှိပါတယ်။ "

ငွေကော ၊ မေတ္တာတရားကော ၊
အရှုံးမပေးတဲ့ စိတ်ပါ ရှိခဲ့ရင်တော့
ကိုယ့်ရဲ့ Personal ပြဿနာတွေတင်မကဘူး
မိသားစုတစ်စုလုံးရဲ့ ပြဿနာတွေ
အများစုကိုပါ ဖြေရှင်းနိုင်
သွားပါလိမ့်မယ်။

စိတ်မညစ်နဲ့။
စိတ်မပျက်နဲ့။
မိသားစုရှိရင် ပြဿနာရှိကိုရှိတယ်။
မေတ္တာနဲ့ ငွေနဲ့ပေါင်းစပ်ပြီး အကောင်းဆုံး
ဖြေရှင်းနိုင်ဖို့ ကြိုးစားပါ။

Fighting

Sint Nyi
26.1.25

139

Sint Nyi

13 Feb, 12:22

" ကိုယ်မွေးဖွားလာတဲ့ မိသားစုကို
ရွေးချယ်လို့ မရပေမယ့် …

ကိုယ် ပေါင်းသင်းမယ့် ...
မိတ်ဆွေ သူငယ်ချင်းတွေ ကိုတော့
ရွေးချယ်လို့ ရပါသေးတယ် "။

တချို့ တချို့ သူစိမ်းတွေက
သွေးသားရင်းတွေ ထက်တောင်
ပိုကောင်း နေတတ်ပါတယ်။

" ကိုယ့်အတွက် အမြဲတမ်း
အဆင်အသင့် ရှိနေတတ်တဲ့
မိတ်ကောင်း ၊ ဆွေကောင်း
သူငယ်ချင်းကောင်းတွေကလည်း
ကိုယ့်ရဲ့ မိသားစုဝင်တွေပဲ မဟုတ်လား"။

Sint Nyi
28.1.25

138

Sint Nyi

13 Feb, 12:21

ယုံကြည်မှု ရဲ့နောက်မှာ
အခွင့်အရေး ပါလာတယ် "

ဒါနဲ့ အဲဒီအခွင့်အရေးကို
အကောင်းဆုံး ဆုပ်ကိုင်မိရင်းနဲ့
ဆင်းရဲတွင်းက လွတ်လာတာပါပဲတဲ့။

ကျွန်တော်ပြောပြနေတာ
သူ့အကြောင်းပေမယ့် ယူတတ်ရင်
အများကြီးပညာရနိုင်ပါတယ်။

" ဘာမှမရှိတဲ့ ကျွန်တော်တို့လို
ဆင်းရဲသားတွေ အတွက်
အကောင်းဆုံးအရင်းအနှီးက
ရိုးသားမှု ပါ။ "

" အဲဒီ ရိုးသားမှုကို ကြိုးစားမှု နဲ့
ပေါင်းစပ်လိုက်တော့ အဲဒီ
နောက်မှာ ယုံကြည်မှု ပါ
ပါလာတတ်တယ်။

ယုံကြည်မှု နောက်မှာ
ဘဝတိုးတက်ဖို့ အခွင့်အလမ်းရှိတယ်။

ရိုးသားနေရုံနဲ့ ရပ်နေလို့မရဘူး။

" ဘဝတိုးတက်ဖို့ဆိုရင်
အခွင့်အလမ်းပေါ်လာတဲ့အခါ
သူ့လိုပဲ ဖမ်းဆုပ်တတ်ဖို့
လိုတယ်ဆိုတာကို Message
ပေးချင်တာပါ "

အခုရေတွင်းတူး ၊ အခု
ရေကြည်သောက်ချင်လို့တော့
မရဘူးပေါ့။

အခု အချိန် အဆင်ပြေနေကြတဲ့သူတော်တော်များများရဲ့
နောက်ကွယ်မှာ ပေးဆပ်မှုတွေ ၊
ရိုးသားမှုတွေ ၊ အနစ်နာခံမှုတွေ
အများကြီးရှိနေတတ်ပါတယ်။

ရိုးသားတဲ့သူတွေ ကြီးပွါးတိုးတက်ဖို့
က သူများထက်ပိုခက်ပြီး အချိန်
ပိုကြာတတ်ပါတယ်။

ရိုးသားနေလို့ကို ခက်တာပါ။

ဒါပေမယ့် ဆက်ပြီးရိုးသားပါ။
အခွင့်အလမ်း ပေါ်လာပါလိမ့်မယ်။

အခွင့်အလမ်းဆိုတာ ဘဝမှာ
ခဏခဏတော့ ပေါ်မလာတတ်လို့
အခွင့်အလမ်းပေါ်လာတာနဲ့ ဖမ်းဆုပ်ဖို့
သတ္တိရှိပါ။

" ရိုးသားရတာ ပင်ပန်းပေမယ့်
ညအိပ်ပျော်တဲ့အတွက်
ဆက်ပြီးရိုးသားပါ။ "

ရိုးသားတာ အရမ်းကောင်းပေမယ့်
ရိုးသားတဲ့သူတိုင်းတော့
မကြီးပွါး မတိုးတက်ပါဘူး။

ရိုးသားတဲ့အပြင် ကိုယ်ကိုယ်ကို
မပျက်စီးအောင်နေရင်း နဲ့
အခွင့်အလမ်း တခုခု ပေါ်လာတဲ့အခါ
အမိအရ ဖမ်းဆုပ်တတ်တဲ့ သူတွေက
တိုးတက်ကြီးပွါးတတ် တယ်
ဆိုတာလေးကို သိသလောက်လေး
Sharing လုပ်ပေးလိုက်ပါတယ်။

Sint Nyi
31.1.25

65

Sint Nyi

13 Feb, 12:21

ဘယ်လောက်ပဲ ဆိုးနေဆိုးနေ
မိသားစုတာဝန်ဆိုတာကြီး
ပုခုံးပေါ်ရောက်လာတဲ့အခါ
မလိမ်မာချင်ပဲ လိမ်မာခဲ့ရတဲ့
လူဆိုးကြီးတွေ ဆိုတာ တကယ်ရှိပါတယ်။

သူ့ နာမည်က ဒီမို။
ကျွန်တော်နဲ့ ငါးတန်းအရွယ်
ကတည်းက ကျောင်းမှာ
ဆိုးဖော်ဆိုးဖက်။

ငယ်ငယ်လေးကတည်းက
အတူတူ ကျောင်းစည်းကမ်းကော၊
အိမ်စည်းကမ်းကော ဘာဆိုဘာမှ
မလိုက်နာတဲ့ ကောင်စားမျိုးတွေ။

အဲဒီခေတ်က ရန်ဖြစ်တဲ့ခေတ်။
အားနေရင် ရန်ပဲ ဖြစ်နေကြတာ။
ကိုယ့်အခန်းသား အချင်းချင်းဖြစ်ရင်ဖြစ်။
မဖြစ်ရင် သူများအခန်းနဲ့ဖြစ်။

သူများအခန်းနဲ့ မဖြစ်ရရင်
ကိုယ့်အောက်က Junior တွေနဲ့ ဖြစ်။

Junior တွေနဲ့ မဖြစ်ရရင်
တခြားကျောင်းတွေနဲ့ အားအားယားယား အသားလွတ် ချိန်းရိုက်ကြသေးတာ။

အခုခေတ်လို့ Entertainment တွေ
မရှိခဲ့တော့ ရန်ဖြစ်တာက ကျွန်တော်တို့ရဲ့
Entertainment ပဲ။

ဘာကိစ္စမမှ မရှိပဲနဲ့ကို ရန်လိုနေကြတာ။

မိဘတွေက ဘယ်လောက်ပဲဆုံးမ ဆုံးမ ၊ ကောင်းမလာကြတဲ့ တကယ့်
ကလေကချေ အပေအေတေလေးတွေပေါ့။

ဒီလိုနဲ့ ဆယ်တန်းပြီးကြတဲ့အချိန်မှာ
ဘဝအချိုးအကွေ့တွေက ကျွန်တော်တို့ နှစ်ယောက်လုံးအတွက် ကြမ်းလွန်းခဲ့တယ်။

ကျွန်တော်က တက္ကသိုလ်ပြီးတာနဲ့
" မိသားစုတာဝန် " ဆိုတာကြီးက
ပုခုံးပေါ်ရောက်လာတာနဲ့
ဆိုးချင်သေးတာ တောင်
ဆက်ပြီးဆိုးလို့ မရတော့ဘူး။

အမေက ပင်စင်ယူတော့မှာဆိုတော့
အိမ်ရဲ့ စားဝတ်နေရေးအတွက်
ကိုယ်အလုပ်လုပ်မှကို ရတော့မှာကိုး။
အချိုးတွေ စပြီးပြောင်းရတော့တာပေါ့။

သူက ကျတော့ ဆယ်တန်းပြီးတာနဲ့ ကို
မိသားစုတာဝန်ကြီးက
သူ့ ပုခုံးပေါ်ကျလာတာ။

သူဆယ်တန်းပြီးတဲ့အချိန်မှာပဲ
လောင်းကစား နှစ်လုံးထီကြောင့်
သူတို့မိသားစု ဘဝပျက်ခဲ့ရတယ်။

အိမ်ပိုင်ကနေ နေစရာမရှိတဲ့ဘဝ
ရောက်သွားပြီး စားဝတ်နေရေးကအစ အကုန်ခက်ခဲခဲ့ ကြတာပေါ့။

ဘယ်လောက်ဆိုးတဲ့ လူဆိုးတွေ
ဖြစ်ဖြစ် အတွင်းစိတ်ထဲမှာ လူစိတ်လေး
နည်းနည်း ကျန်နေသေးတဲ့သူတွေက
အဲဒီလို Critical Situation တွေ
ဖြစ်လာတဲ့အခါ အနည်းနဲ့အများတော့ ပြောင်းလဲကုန်တတ်ကြတာတော့
ကိုယ်တွေ့ပါပဲ။

မိသားစုတာဝန်ဆိုတာကြီး
ပုခုံးပေါ်ကျလာတဲ့ အချိန်
ငါဆက်ဆိုးနေရင် တစ်မိသားစုလုံး
ဘဝပိုပျက်ကုန်ကြမယ် ဆိုတဲ့
အသိတရာမျိုးပေါ့။

အဲဒီအသိလေးနဲ့ ပဲ ဒီကောင်
အလုပ်ရှာရင်း ပုသိမ်ကို
ရောက်သွားတယ်။

ပုသိမ်က ဟိုတယ်တစ်ခုမှာ
ဝိတ်တာ ဝင်လုပ်ရင်း စားပွဲထိုးရတယ်။

သူ့အတွက်က လိုချင်တာရနေတဲ့
ဘဝကနေ ဝိတ်တာ ဘဝ
ရောက်သွားတာဆိုတော့
ဘဝကပြောင်းပြန် လှန်ပစ်လိုက်သလိုပဲ ...

စားပွဲထိုးရတယ်။
ခုံတွေသယ်ရတယ်။
ပွဲရှိရင် ခုံတွေ မ ရတယ်။
ဆူတာဆဲတာ အကုန် ခံရတယ်။

ရတဲ့လစာလေးကို ကိုယ်တိုင်လည်း
နည်းနည်း သုံးရသလို
မိသားစုအတွက်လည်းရသလောက်
ထောက်ရတာပေါ့။

ဒီလိုနဲ့ သူ့အလုပ်ပေါ်မှာ
သူကြိုးစားတယ်။ ရိုးသားတယ်။

ကျွန်တော် အမြဲစာတွေထဲမှာ
ထည့်ထည့်ရေးနေတဲ့ အတိုင်း ...

" ဆင်းရဲသားတွေရဲ့ အကောင်းဆုံး
အရင်းအနှီးက ရိုးသားမှု " ဆိုတဲ့
စကားလေးအတိုင်း သူ စတင်ပြီး
ရိုးသားတယ်။

ဒီလိုနဲ့ သူရဲ့နှစ်ပေါင်းများစွာ ရိုးသားမှုနဲ့
လုပ်ရည်ကိုင်ရည်ကို သူ့ သူဌေးက
သဘောကျလာတော့ သူ့ကို
အခွင့်အရေးစပြီးပေးတယ်။

နောက်ထပ်နေရာတစ်ခုမှာ
လုပ်ငန်းသစ်တစ်ခု စမယ်။
မင်း ဦးစီးပေးနိုင်မလားလို့
ကမ်းလှမ်းလာတယ်။

ဒီခေတ်မှာတင်မဟုတ်ဘူး။
လွန်ခဲ့တဲ့ နှစ် (၂၀) ကျော်ကတည်းက
ရိုးသားတဲ့လူက ရှားပါးပစ္စည်း
ဖြစ်နေခဲ့တာပါ။

ရိုးသားကြိုးစားပြီး မပျက်စီးအောင်
နေတတ်တဲ့လူ အတွက်
အခွင့်အရေးဆိုတာ တချိန်မဟုတ်
တချိန်မှာ ရလာတာပါပဲ။

ဘဝ တိုးတက်ဖို့ဆိုရင်
ရိုးသားတာ ကောင်းတယ်။
ဒါပေမယ့် ရိုးသားနေရုံနဲ့ မပြီးဘူး။

ရိုးသားနေရင်းနဲ့
အခွင့်အလမ်းတွေ ပေါ်လာတဲ့အခါမှာ
ဖမ်းဆုပ်မိဖို့လည်းလိုပါတယ်။

အဲဒါနဲ့ အဲဒီအခွင့်အရေးကို
သူ အမိအရဆုပ်ကိုင်တယ်။

ဆရာ အဆင်ပြေသလိုပေး။
ကျွန်တော် ဦးစီးပေးမယ်ဆိုပြီး
အဲဒီအခွင့်အရေးကို သူအရယူခဲ့တယ်။

လုပ်ငန်းအသစ် စတင်ကြတယ်။
ရိုးသားမှုနဲ့ သူဆက်ပြီးသွားတယ်။
ကြိုးလည်းကြိုးစားတယ်။

ဒီလိုနဲ့ နှစ်(၂၀) ကြာသွားတဲ့အချိန်မှာ
သိန်းသောင်းဂဏန်းတန်တဲ့ ကိုယ်ပိုင်
လုပ်ငန်းတစ်ခု သူပိုင်ဆိုင်ထားရတယ်။

အခုထိလည်းလုပ်ငန်းကို
ပိုကြီးသထက်ကြီးအောင် ချဲ့နေတုန်းပဲ။

သူ နှစ်(၂၀) ရိုးသားကြိုးစားခဲ့တဲ့
အသီးအပွင့်တွေ သူကော ၊ သူ့မိသားစုကော
လက်တွေ့ ခံစားနေရပြီ။

သူ့မျိုးဆက်တွေ လည်း
သူခံခဲ့ရတဲ့ ဆင်းရဲဒုက္ခတွေရဲ့ ခါးသီးမှုကို
မခံစားရတော့ဘူး။

သူပြောတဲ့ ဆောင်ပုဒ်တစ်ခု
သဘောကျတယ်။

" ငါလုပ်နေတဲ့ အလုပ်မှာ
အရာအားလုံးငါနဲ့ ဆိုင်တယ် "ဆိုတဲ့
စိတ်ကို ငါထားတယ်တဲ့။

ဝိတ်တာလုပ်တုန်းကလည်း
ဝိတ်တာနေရာမှာပဲ မနေဘူး။

Kitchen မှာ ဘာလိုလဲ
ငါဝင်လုပ်တယ်။ ဝင်ကူတယ်။
ကူရင်းနဲ့ ငါချက်တတ်သွားတယ်။

အဲကွန်းပျက်တယ်။
ငါ့အလုပ်မဟုတ်ဘူး။
ဒါပေမယ့် သူများပြင်နေရင်
ငါလိုက်ကူပေးတယ်။
ငါပြင်တတ်သွားတယ်။

စာရင်းဇယားတွေ ငါ့အလုပ်မဟုတ်ဘူး။
သူတို့မနိုင်တဲ့အခါ
ငါကူလူပ်ပေးတယ်။
ငါပင်ပန်းပေမယ့် ငါလုပ်တတ်သွားတယ်တဲ့။

အဲလိုနဲ့ ဝန်ထမ်းဘဝပေမယ့်
အလုပ်တိုင်းကို ငါ့အလုပ်လို
သဘောထားပြီး စေတနာထားပြီး
လုပ်ပေးတဲ့အတွက် ငါ့ကို
သူဌေးကအစ ယုံကြည်တယ်။

" ရိုးသားမှုနောက်မှာ
ယုံကြည်မှုပါလာတယ် ...

56

Sint Nyi

13 Feb, 12:21

" ဒုက္ခ " ကတော့ လူတိုင်း
ကြုံကြရတာပါပဲ။

အဲဒီ အထဲမှာမှ ...

" မိဘကို ရိုသေစွာပြုတတ်တဲ့သူတွေ " ..

"ကျေးဇူးရှင်ကို ကျေးဇူးသိတတ်တဲ့သူတွေ "..

" ကိုယ်ချင်းစာတရား ထားတတ်တဲ့သူတွေ " ..

" ပေးကမ်းစွန့်ကြဲတတ်တဲ့သူတွေ " နဲ့

" သမ္မာအာဇီဝ နဲ့ရှာစားကြတဲ့သူတွေ " က ...

ဒုက္ခရောက်ကြတာချင်း အတူတူဆိုရင်တောင်မှ ..
အဲဒီ ဒုက္ခတွေ အောက်မှာ
နစ်မြုပ်မသွားဘဲ ...

ဒုက္ခတွေရဲ့ အထက်မှာပဲ
အမြဲ နေရတတ်တာတော့ အမှန်ပါပဲ။

Sint Nyi
3.2.25

50

Sint Nyi

13 Feb, 12:21

" မလုပ်မိခဲ့တဲ့ အရာတွေ အတွက်
ပြန်တွေးတိုင်း " နောင်တ"ရမိပါတယ်" တဲ့။

ဒါနဲ့ဆို ဒီစကားကိုပြောတာ
လူ သုံးယောက်ရှိသွားပြီ။

အဲဒီ သုံးယောက်စလုံးကလည်း
မိဘ ဆုံးသွားတာနဲ့ ပတ်သက်ပြီး
စကားဆက်မိရင်း ပြောသွားကြတာ။

မိဘတွေ ရှိနေတုန်း ငွေနောက်ကို
သဲကြီးမဲကြီး လိုက်မိပြီး
မိဘ ကိုအချိန် မပေးနိုင်တော့တဲ့သူနဲ့။

မိဘနဲ့ ကိုယ့်မိသားစုနဲ့ ယှဥ်လာတော့
မိသားစုကို ဦးစားပေးတာများသွားပြီး
မိဘကို ချောင်ထိုးမိတဲ့သူနဲ့။

အဖေ့အတွက် ငွေရှာရင်း
ငွေတွေရှိလာတော့ အဖေမရှိတော့တဲ့သူနဲ့။

တစ်ယောက်တစ်မျိုး ဝမ်းနည်းစရာ
ဇာတ်လမ်းလေးတွေပေါ့။

ငွေတွေ ဖိရှာရင်း ငွေတွေ ရှိလာတော့
ငွေထက် တန်ဖိုးပိုရှိတဲ့သူတွေ
မရှိကြတော့ဘူး။

လူအမျိုးမျိုး၊ မိဘအမျိုးမျိုးရှိတာ
ဆိုတော့ မိဘတွေ ကိုယ့်အပေါ်
ကောင်းတာ ၊မကောင်းတာ
ခဏထား။

မရှိတော့ရင် နောင်တ မရလောက်တဲ့
အထိတော့ တာဝန်ကျေဖို့လိုပါတယ်။

ကိုယ့်အပေါ် သူတို့ ကောင်းကောင်း၊
မကောင်းကောင်း ၊
ကိုယ်လည်း သူတို့အပေါ်
ချစ်တာ မချစ်တာ ခဏထား။

သူတို့ မရှိတော့တဲ့အခါ ...

သူတို့အကြောင်းပြောမိတိုင်း
ဒါလေးတောင် မလုပ်ပေးခဲ့ရပါလား
ဆိုပြီး နောင်တ မရဖို့အတွက်
အခုတတ်နိုင်တာလေးတွေ
လုပ်ပေးပါ။

ဘဝမှာ ကျွန်တော်တို့တွေကို
တသသနဲ့ နောင်တရ စေမှာက..

ကျွန်တော်တို့ လုပ်ခဲ့မိတဲ့အရာတွေထက်
ကျွန်တော်တို့ မလုပ်ခဲ့မိတဲ့ အရာတွေပဲ
ဆိုတာကို သိထားဖို့လိုပါတယ်။

Sint Nyi
6.2.25

51

Sint Nyi

13 Feb, 12:21

အစွန်းရောက် သွားရင်
ဘယ်အရာမှ မကောင်းတော့ဘူး။

လူမှုရေး၊ စီးပွါးရေး ၊ အိမ်ထောင်ရေး ၊
အချစ်ရေး စတာတွေ အားလုံးပေါ့။

ဘဝဆိုတာကြီးက ချိန်ခွင်လိုပဲ …

သူ့ဘက် ၊ ကိုယ့်ဘက် ၊
ဟိုဘက် ၊ ဒီဘက် အမြဲမျှတနေမှ
ရေရှည်မှာ အဆင်ပြေတာ ။

အရာအားလုံးကို Balance မျှအောင်
ထားနိုင်မှ ဘဝဆိုတာက
ပိုပြီး အဓိပ္ပာယ်ရှိတာ …

ကိုယ့်ရဲ့ ဆန္ဒတွေ ၊ လောဘတွေကြောင့်
တစ်ဖက်မှာ ချနင်းပေးလိုက်ရတဲ့၊
တန်ဖိုးဖြတ်လို့မရတဲ့ ဘဝတွေ
ရှိနေတတ်တယ်ဆိုတာ သတိပြုဖို့တော့
လိုပါတယ်။

Sint Nyi
6.2.25

51

Sint Nyi

13 Feb, 12:21

" ကြောင်စုန်းလိုလူ "

ငယ်ငယ်က အိမ်မှာ ကြောင်တစ်ကောင်
မွေးဖူးတယ်။

အဲဒီကြောင်က ဖြူဖြူဖွေးဖွေးလေးဆိုတော့
ဖြူဖွေး လို့ပဲ အိမ်ကခေါ်ကြတယ်။

ဖြူဖွေးကလည်း လိမ်မာတော့
တစ်အိမ်လုံး သူ့ကိုချစ်ကြတာပေါ့။

ဒါနဲ့ ဖြူဖွေး တစ်ရက် အပြင်သွားရင်းနဲ့
ဘယ်က မှန်းမသိတဲ့ကြောင်နဲ့
အိပ်မိပြီး ဇီးရလာပြီး
သိပ်မကြာဘူး ကြောင်ပိစိလေး
ငါးကောင် မွေးပါလေရော။

ဖြူဖွေးကလည်း သူ့ကလေးပိစိလေးတွေကို
တော်တော်ချစ်ပုံရတယ်။

လျှာလေးနဲ့ယက်လိုက်၊ နို့တိုက်လိုက်နဲ့
အနားကနေ လုံးဝမခွါဘူး။

ဒါနဲ့ တစ်ရက် ကျောင်းကပြန်လာတော့
လုံးဝ မထင်မှတ်ထားတဲ့
တသက်မမေ့နိုင်စရာ မြင်ကွင်း
တစ်ခုကို မြင်လိုက်ရတယ်။

ဖြူဖွေးက သူမွေးထားတဲ့
ကလေးတွေကို ပြန်ကိုက်စားထားတာ
သုံးကောင်က ခေါင်းပဲကျန်တယ်။

ကျန်တဲ့တစ်ကောင်ကိုက စားလက်စနဲ့
လူတွေရှေ့မှာကို အေးဆေးဆေးဆေး
ဆက်စားနေတာ။

ဒါနဲ့ နောက်ဆုံး ကျန်တဲ့ တစ်ကောင်ကို
ဆက်မစားတော့ အောင် အနားမှာ
ရှိတဲ့ ရေခွက်နဲ့ ကောက်ပေါက်လိုက်တော့
ထွက်ပြေးသွားတယ်။

ဒါနဲ့ အိမ်မှာ အလုပ်တွေ လာကူပေးတဲ့
အန်တီကြီးကို ဒီအကြောင်းမေးလိုက်တော့
အဲဒါ " ကြောင်စုန်း " တဲ့။

" ကြောင်စုန်း " တွေက သူ့ကလေးတွေကို
သူပြန် စားတတ်တယ်တဲ့။

သူပြောတာ ဟုတ်သော်ရှိ
မဟုတ်သော်ရှိ အဲဒီကလေးဘဝတုန်းက
" ကြောင်စုန်း " ဆ်ိုတာကို ပထမဆုံး
မျက်ဝါးထင်ထင်ကို မြင်တွေ့ခဲ့ရပါတယ်။

ဒါနဲ့ နှစ်တွေ အများကြီးကြာသွားပြီး
အသက်တွေ ကြီးလာတော့လည်း
လူ့လောက ကြီးရဲ့
" ကြောင်စုန်း " တွေကို အများကြီး
ထပ်တွေ့ရပြန်ရော။

အိမ်က "ကြောင်စုန်း " ဖြူဖွေးက
သူတို့ကိုယ်တိုင်မွေးထားတဲ့
ကလေးတွေကို စားသလို ...

လူ " ကြောင်စုန်း" တချို့က
သူတို့ကိုယ်တိုင် မွေးထားတဲ့
မွေးကင်းစ ကလေးတွေကို
တစ်ရက် တစ်သောင်းနဲ့
တောင်းစားတဲ့လူတွေ နေပူထဲ
လိုက်ပြစားဖို့ ငှားတတ်ကြတယ်။

တချို့ " ကြောင်စုန်း" တွေက
ကိုယ့်သားသမီးတွေကို ပွဲစျေးမှန်သမျှမှာ
ကိုယ်တိုင် ထိုင်တောင်းစားဖို့
ခိုင်းတတ်ကြတယ်။

တချို့ " ကြောင်စုန်း" တွေကျတော့
ကိုယ်မွေးထားတဲ့ သား၊သမီးတွေကို
ပြန်ပြီး အဓမ္မ ပြုကျင့်ကြတယ်။

တချို့ " ကြောင်စုန်း" တွေကျတော့လည်း
ကိုယ့်သားသမီးကို လိုလိုချင်ချင်နဲ့
ပြည်ပကို Yaung စားကြတယ်။

ဒီရက်ပိုင်း FB မှာတက်လာတဲ့
လူကုန်ကူးခံရတော့မယ့် ကောင်မလေး
ပို့စ်နဲ့ပတ်သက်ပြီး ညီလေးတစ်ယောက်က
အကို တစ်ခုခုရေးပေးပါဦးပြောတော့ ..

အိမ်က " ကြောင်စုန်း" ဖြူဖွေး
အကြောင်းကိုပဲ ပြန်ပြီး သတိရသွားတယ်။

ဖြူဖွေး ဘာလို့ သူ့သားသမီးတွေကို
ပြန်စားလဲ အဖြေရှာ မရသလို
ကိုယ့်သားသမီးတွေကို တာဝန်ယူ
ပြုစုပျိုးထောင်ရမယ့်အစား ...

အသုံးချပြီး အမြတ်ထုတ်နေကြတဲ့
" ကြောင်စုန်း" လိုလူတွေကို
မြင်တော့လည်း ဘာပြောရမှန်းကို
မသိတော့ပါဘူး။

မိဘကိုယ်တိုင်က လိုလိုချင်ချင်
လုပ်ခိုင်းနေတာ ဘေးလူက
ဘာပြောလို့ရမှာလဲ။

လောကကြီးမှာ " ကြောင်စုန်း" နဲ့တူတဲ့
မိဘဆိုတာ တကယ်ရှိတယ်။

အဲဒီ " ကြောင်စုန်း" တွေကို ဘာလို့
ဒီလိုလုပ်သလဲစဥ်းစားရင် အဖြေက
တစ်ခုတည်းပဲ။

"ကြောင်စုန်း " ဖြစ်နေလို့ကို
" ကြောင်စုန်း" အလုပ်လုပ်တာပါ။

တချို့ တချို့တွေအတွက်
မိဘဆိုတာ " Blessing " ပေမယ့်
တချို့ တချို့အတွက်တော့
မိဘဆိုတာ " Curse " ပါပဲ။

လက်ရှိရှိနေတဲ့ ကိုယ့်မိဘတွေက
ကိုယ့်ကို ဂရုမစိုက်တာတို့၊
မချစ်ဘူးလို့ ခံစားရတာတို့တွေးမိရင်
သူတို့တွေ " ကြောင်စုန်း " ဖြစ်မနေတာကိုပဲ
တော်ပါသေးရဲ့ ဆိုပြီး ကျေးဇူးတင်သင့်တယ်။

အဲဒီ " ကြောင်စုန်း" မိဘတွေကို
ကျွန်တော်တို့ ဘာမှလုပ်လို့မရပေမယ့်
ကိုယ်တိုင် " ကြောင်စုန်း" မဖြစ်ဖို့ကိုပဲ
သတိထား ဆင်ခြင်လို့ပဲရပါတယ်။

" ကြောင်စုန်း" တွေက " ကြောင်စုန်း"
အလုပ် လုပ်နေသလို
ကိုယ်တွေလည်း " ကြောင်စုန်း" လိုလူ
မဖြစ်ဖို့ ပိုပြီးဂရုစိုက်ကြတာပေါ့ဗျာ။

Sint Nyi
7.2.25

57

Sint Nyi

13 Feb, 12:20

ဒီတော့ သန့်ရှင်းတဲ့ငွေ၊
မသန့်ရှင်းတဲ့ငွေ ဘယ်လိုသတ်မှတ်မလဲ။

သူများတွေတော့ အဓိပ္ပာယ်အမျိုးမျိုး
ဖွင့်ကြပါလိမ့်မယ်။

ကျွန်တော်တော့ ကိုယ့်နည်း
ကိုယ့်ဟန်နဲ့ သန့်ရှင်းလား၊
မသန့်ရှင်းဘူးလား သတ်မှတ်ထားတာ
ရှိတယ်။

လူတစ်ယောက် ခင်ဗျားဘာအလုပ်လုပ်လဲ
မေးလာရင် "ကျွန်တော်က
ဘာလုပ်ပါတယ် " လို့ ကိုယ့်အလုပ်ကို
လိပ်ပြာသန့်သန့်နဲ့ ဖြေနိုင်ရင်
သန့်ရှင်းတဲ့ငွေပါ။

ဝိတ်တာလား။
အရောင်းဝန်ထမ်းလား။
ခေါက်မုန့်ရောင်းတာလား။
မုန့်ဟင်းခါးရောင်းတာလား။
ရေသန့်ပို့တာလား။

" ကိုယ်လုပ်နေတဲ့ အလုပ်ကို
ကိုယ့်မိသားစုအရှေ့၊
လူအများအရှေ့၊ ကိုယ်ကိုးကွယ်တဲ့
ဘုရားအရှေ့မှာ တစ်မျိုးတည်း
ဂုဏ်ယူစွာ ပြောနိုင်ပြိီဆိုရင်
အဲဒီအလုပ်က သန့်ရှင်းတဲ့အလုပ်
အဲဒီငွေက သန့်ရှင်းတဲ့ငွေပါ။ "

မသန့်ရှင်းတဲ့ငွေ ရှာတဲ့လူက
အမြဲဖုံးကွယ်ရပါတယ်။

ကျွန်တော်ကတော့ မူးယစ်ဆေးဝါး
ရောင်းပါတယ်၊
ကျွန်မကတော့ အိမ်ထောင်သည်
သူများယောက်ကျားဆီက ခြူစားပါတယ်လို့
လူအများအရှေ့၊ ကိုယ့်မိသားစုအရှေ့မှာ
ဂုဏ်ယူပြီး ပြောရဲတဲ့သူမှ မရှိတာ။

ကိုယ်ငွေရှာနေတဲ့နည်းက
တဖက်သားကို ထိခိုက်နေရင်
မသန့်ရှင်းတော့ပါဘူး။

ကိုယ်ရှာတဲ့ငွေတွေ အထဲမှာ
သူများမျက်ရည်တွေပါနေရင်၊
သူများဘဝတွေ ပါနေရင်
မသန့်ရှင်းတော့ပါဘူး။

ဒါကြောင့် ငွေဘယ်လောက်
ရှာနိုင်လဲဆိုတာထက် ငွေဘယ်လို
ရှာနေလဲကို သတိပြုပါ။

ကိုယ်ရှာနေတာ သန့်ရှင်းတဲ့ငွေလား။
မသန့်ရှင်းတဲ့ငွေလား။
ကိုယ်သိပါတယ်။

မသန့်ရှင်းတဲ့နည်းနဲ့က
ငွေရှာရတာပိုလွယ်ပါတယ်။

ငွေများများရပြီး မြန်မြန်
ပြန်ကုန်မယ့်အပြင် င်ိုကြွေးခြင်း၊
ဝမ်းနည်းခြင်းတွေပါ အဆစ်ပါလာမှာပါ။

မယုံရင်ရှာကြည့်ပါ။
ကိုယ်တွေ့ မြန်မြန်ပြန်ကုန်ဖူးလို့ပြောပြတာ။

သန့်ရှင်းတဲ့နည်းလမ်းနဲ့
ငွေရှာနေတဲ့သူတိုင်းက
ဂုဏ်ရှိပါတယ်။

စားပွဲထိုးဖြစ်ဖြစ်၊ ဆိုက်ကားဆရာဖြစ်ဖြစ်၊
စပယ်ယာဖြစ်ဖြစ် ၊ စျေးသည်ဖြစ်ဖြစ်
ဂုဏ်ရှိပါတယ်။

ရိုးရိုးသားသားအလုပ်လုပ်ပြီး
ရလာတဲ့သန့်ရှင်းတဲ့ငွေက
နည်းပေမယ့် ငိုကြွေးခြင်းတွေ၊
ဝမ်နည်းခြင်းတွေ၊
ပူလောင်ခြင်းတွေ မပါလာလို့
ညဘက်ကောင်းကောင်း
အိပ်ပျော်ပါတယ်။

သန့်ရှင်းတဲ့နည်းနဲ့ ရှာလာတဲ့ငွေတိုင်းက
ကြာကြာခံသလို ညဘက် အေးချမ်းစွာ
အိပ်ပျော်တယ် ဆိုတာလေးကို
သိသလောက်လေး Sharing
လုပ်ပေးတာပါ။

Sint Nyi
LOVE စာအုပ်
မသန့်ရှင်းတဲ့ငွေမှ
ကောက်နှုတ်ချက်အချို့

60

Sint Nyi

13 Feb, 12:20

ကိုယ့်ကိုယ်ကို ချစ်ရကောင်းမှန်း
မသိခဲ့ချိန်တုန်းက ကိုယ့်ဘဝထက်
သူများ ဘဝတွေကိုပဲ ဦးစားပေးခဲ့မိတော့
ကိုယ့်ဘဝက " ဖြတ်လျှောက်" ဘဝကနေကို
တက်မလာတော့ဘူး။

ဟို့လူ့ဘဝထဲ ခဏဝင်ပြီး
"ဖြတ်လျှောက် "လုပ်လိုက်။

ဒီလူ့ဘဝထဲ ခဏဝင်ပြီး
" ဖြတ်လျှောက်" လုပ် လိုက်နဲ့
အလုပ်တွေ ရှုပ်နေရင်း
ကိုယ်ကိုယ်တိုင်က Main Character
ဆိုတာကို မေ့သွားပြီး
အဖြည့်ခံ သက်သက်ဖြစ်ခဲ့ဖူးတယ်။

တဖြည်းဖြည်းနဲ့ ခံရတာတွေ၊
နာကျင်ရတာတွေ များများလာသလို ၊
မပြည့်စုံခြင်းတွေလည်း များများ
လာတော့မှ ကိုယ့်ကိုယ်ကို ချစ်ပြီး
ပြန်တည်ဆောက်ဖို့ အသိက
ပြန်ဝင်လာခဲ့တာ။

အဲဒီတော့မှ ကိုယ့်ဘဝမှာ
ကိုယ့်ထက် ဘယ်သူစိမ်းကမှ
အရေးမကြီးဘူးဆိုတာကို သိလာခဲ့တာ။

"ဒီိလိုနဲ့ပဲ ကိုယ့်ဘဝထက်
တခြား ဘယ်ဘဝကိုမှ
ဦးစား မပေးဖြစ်တော့ဘူး။ "

သူများဘဝတွေထဲ ဝင်ပြီး
" ဖြတ်လျှောက် " လုပ်ရတာ
စိတ်ကုန်လာတော့ ...

ကျန်နေသေးတဲ့ ရှင်သန်ချိန်တွေမှာ
ဘယ်သူ့ ဘယ်သူကိုမှလည်း
ဖားယားပြီး ဆက်ဆံမနေချင်သလို...

ဘယ်သူ့ မျက်နှာမှလည်း
အရိပ်တကြည့်ကြည့် ကြည့်ပြီး
အသက် မရှင်ချင်တော့ဘူး။

ဘယ်သူတွေ ဘာတွေပဲပြောပြော
ကိုယ့်ဘဝမှာ ကိုယ်သာလျှင်
Main Character လို့ပဲခံယူပြီး

ကိုယ့်ကိုယ်ကို ချစ်တယ်။
ကိုယ့်ကိုယ်ကို ဂရုစိုက်တယ်။
ကိုယ့်ကိုယ်က်ို တည်ဆောက်တယ်။
ကိုယ့်ဘဝ အတွက်ကိုယ် ကြိုးစားတယ်။

အဲဒါတွေပြည့်စုံလို့ ပိုလျှံလာရင်
ကိုယ့်ပတ်ဝန်းကျင်ကို
နိုင်သလောက်မျှဝေဖြစ်တယ်။

ချစ်ခြင်းမေတ္တာက သိပ်ကောင်းတယ်။
ကိုယ့်ကိုယ်ကို ချစ်ပြီးမှ
သူတပါးကို ချစ်ရင်တော့
အကောင်းဆုံးပဲပေါ့။

ဒါကိုမှ လူတွေက ကိုယ့်ကို
Main Character Syndrone
ရှိနေတယ်လို့ပဲ ပြောပြော၊

ကိုယ့်ကိုယ်ကို ဗဟိုပြုပြီး
လည်ပတ်နေတဲ့လူ လို့ပဲဆိုဆို ၊

ကိုယ်ခံစားဖူးမှ ကိုယ်သိတာမလို့
ကိုယ့်ဘဝမှာတော့ ကိုယ်ကသာလျှင်
Main Character လုပ်တာ
အကောင်းဆုံးပဲလို့ ခံယူဖြစ်တယ်။

မင်းသား မဟုတ်ရင်တောင်
ဗီလိန် Main Character အဖြစ်နဲ့ပေါ့။ ...

Sint Nyi
11.2.25

66

Sint Nyi

13 Feb, 12:20

ဘယ်လူမျိုး၊ ဘယ်ဘာသာဖြစ်ဖြစ်၊
နောက်ဆုံး ဘာသာမဲ့ ဖြစ်နေရင်တောင်
စေတနာစိတ်နဲ့သူများကို ပေးလိုက်သမျှက
အချည်းအနှီးမဖြစ်တာတော့ အမှန်ပဲ။

တစ်နည်းနည်းနဲ့ ပြန်က်ိုအကျိုးရှိပါတယ်။

အဲဒါမို့ စကားကြုံတိုင်း

" ကိုယ့်မှာ ပ်ိုလျှံရင် လှူပါ။ကူညီပါ။
ကိုယ် ကူညီလိုက်လို့ အကူညီလိုနေတဲ့
သူတွေရဲ့ ဘဝတွေ မပြောင်းလဲ
သွားရင်တောင်ကိုယ့်ဘဝ
ပြောင်းလဲ လာလိမ့်မယ် " လို့
ခဏခဏ ပြောဖြစ် ရေးဖြစ်တာပါ။

သူများကို ပေးရင်းနဲ့
ကိုယ့်ဘဝ ပြောင်းလဲလာတာတော့
တကယ်ကိုယ်တွေ့ပဲ။

အဲဒါနဲ့ တစ်ရက် ကိုယ် လှူထားတဲ့ပို့စ်ကို
အမျိုးထဲက အဆင်မပြေတဲ့ တစ်ယောက်က
React လာပေးမှ သူများတွေကို
လှူထားတာတွေအပေါ် အရှက်ရမိပါတယ်။

အမျိုးအရင်းတွေ သွေးသားတွေ
အထဲကနေမှ အဆင်မပြေဘဲ
တကယ်ခက်ခဲနေတဲ့ သူပေါ့။

သူက လာလည်း အကူညီတောင်းတာ
မဟုတ်သလို၊ သူ့ဟာသူ Fb ပေါ်
တက်တဲ့အချိန် ကိုယ့်ပို့စ်ကို
သဘောကျလို့ React ပေးသွားတာ။

အဲဒီမှာ မှ အသိတစ်ခု ရသွားတယ်။

" ပိုလျှံလာတဲ့အချိန် အဝေးကြီးက
လူတွေထက် ကိုယ့်အနီးဆုံးက
လူတွေကိုလည်း ကူညီသင့်တယ်
ဆိုတာကိုပေါ့ "

ဒါနဲ့ပဲ လစဥ် ကိုယ်လှူမယ့် အထဲကနေ
ကိုယ့်အမျိုးတွေ၊ သွေးသားတွေထဲက
အဆင်မပြေတဲ့ မိသားစုကို
တတ်နိုင်သလောက်လေး စပြီးတော့
ပေးဖို့ စီစဥ်ဖြစ်တယ်။

ဘယ်သူ့ကိုမှ ကူညီဖို့ "တာဝန်"မရှိပေမယ့်
"ဝန်တာ"ထားပြီး နိုင်တာလေးကူညီ
ပေးလိုက်တော့လည်း

သူ့အတွက် ပိုပြီအဆင်ပြေသွားလား
မသိပေမယ့် ကူညီပေးလိုက်တဲ့ကိုယ်တော့
အရင်ကထက် အလုပ်တွေ
သိသိသာသာ ပ်ိုပြီး အဆင်ပြေလာတာတော့
ကိုယ်တွေ့ပါပဲ။

တခါတလေ ကျွန်တော်တို့တွေက
အမေကျော်ပြီး ဒွေးတော်လွမ်းတဲ့
အဖြစ်တွေ ဖြစ်မှန်းမသိ ဖြစ်တတ်ကြပါတယ်။

ပ်ိုလျှံလာတဲ့အခါ အပြင်လူတွေကို လိုလိုလားလား လှူချင် ၊
ကူချင် ၊ ပေးချင် ၊ကမ်းချင် ကြပေမယ့်
ကိုယ့် ဆွေမျိုးသားချင်းတွေကို
ကူညီဖို့ မေ့လျော့နေတတ်ကြတယ်။

သူတပါးကို ကူညီတာ၊
လှူတာ ကောင်းပါတယ်။

" ဒါပေမယ့် ကိုယ့်မိသားစု ဆွေမျိုးတွေထဲက
ခက်ခဲကြပ်တည်းနေတဲ့ သူတွေကို
ဘာအကျိုး မှ မမျှော်လင့်ဘဲ
ကူညီဖို့လည်း လိုအပ်ပါတယ် "

ကူညီပြီးရင်လည်း ငါကပေးထားတာ
ကျွေးထားတာ ထောက်ပံ့ထားတာဆိုတဲ့
စိတ်မျိုး မဝင်ဖို့လည်း မိမိကိုယ်ကို
သတိထားပေါ့။

ပိုလျှံ လာတဲ့အခါ ပတ်ဝန်းကျင်ကိုလည်း
ကူညီဖို့လိုသလို
ကိုယ့်ဆွေမျိုးသားချင်းကို
လည်း ကူညီထောက်ပံ့ဖို့ မမေ့ဖို့ကို
သတိပေးတဲ့အနေနဲ့
သိသလောက်လေး Sharing
လုပ်ပေးလိုက်ပါတယ်။

Sint Nyi
11.2.24
Memory

77

Sint Nyi

13 Feb, 12:19

" Hi ခန်း နဲ့ HIV အသိပေးစာ "

ဒီရက်ပိုင်း HIV နဲ့ပတ်သက်တဲ့
NGO တစ်ခုမှာ အလုပ်လုပ်နေတဲ့
ဆရာဝန် ညီမလေးတစ်ယောက်နဲ့ ..

ပြည်တွင်းက HIV ကူးစက်နှုန်းတွေ
အရင်ကထက် ပိုများလာတဲ့အကြောင်း
ပြောဖြစ်တယ်။

လူငယ်အချင်းချင်း မတော်တဆ
အိပ်မိကြရင်းနဲ့ ကိုယ့်ကိုယ်ကို
မသင်ကာလို့ ဆိုပြီး ၊

ဆေးလာစစ်ကြည့်တော့မှ
HIV POSITIVE တွေထွက်ကြ
ငိုကြ ယိုကြတဲ့ မြင်ကွင်းက
နေ့တိုင်းလိုလို တွေ့နေရတယ်တဲ့။

သူပြောတဲ့အထဲမှာ (၁၉) နှစ်အရွယ်
လူငယ်လေးတွေပါပါလာတော့
ဒီအကြောင်းတော့ အသိပေးစာ
ရေးရမယ်ဆိုပြီး အတွေးဝင်လာတာပါ။

ART ဆေး လာသောက်ရတဲ့လူနှုန်းကလည်း
အရင်ကထက် နှစ်ဆလောက်ကို
များလာလို့ ကူးစက်နှုန်းက
စိတ်ပူရတဲ့ အနေအထားဖြစ်နေပြီဲတဲ့။

အဓိကကတော့ Chemsex တွေ
ခေတ်စားလာပြီးကတည်းက
ကူးစက်နှုန်း သိသိသာသာကြီးကို
တိုးလာတာပါတဲ့။

မူးယစ်ဆေး တစ်မျိုးမျိုးကို
သုံးပြီးတော့မှ အတူတူနေဖြစ်တာကို
Chemsex လို့ ခေါ်ပါတယ်။

အထူးသဖြင့် Hi ခန်းတွေထဲက
စကြတဲ့ ဇာတ်လမ်းမျိုးတွေနဲ့
ကူးစက်မှု မျိုးတွေပေါ့။

ဒီတော့ မသိသေးကြတဲ့
သူတွေအတွက် မနှစ်ကရေးဖြစ်တဲ့
Hi ခန်း အကြောင်းလေးကို ပြန်ပြီး
တင်ပေးပါမယ်။

Chemsex နေတဲ့လူ အများစုကို ဘာမှ
သွားပြောလို့မရတော့ပေမယ့်
ဒီစာက မလုပ်ဖြစ်သေးတဲ့သူတွေ
ဖတ်မိပြီး သတိထားဖို့ သတိပေးတာပါ။

Hi ခန်း ဆိုတာက အခု ခေတ်
အရမ်းခေတ်စားနေတဲ့ စိတ်အပန်းဖြေရာ နေရာတစ်ခု။

ကလပ်မှာလည်း Hi လို့ရတယ်။
ကလပ်မရှိရင်လည်း KTV
အခန်းတွေ မှာ Hi လို့ရတယ်။

Hi ဖို့အတွက် ဘာလိုလဲ ဆိုတော့
E လို့ခေါ်တဲ့ အက်စတာစီ ဆိုတဲ့
မူးယစ်ဆေးအပြားရယ်။

K လို့ခေါ်တဲ့ ကက်တမင်းဆေးအမှုန့်ရယ်။

Happy Water လို့ခေါ်တဲ့
အရည်ဖျော်ပြီးသောက်လို့ရတဲ့
ဘာမှန်းမသိတဲ့ Chemical အရည်တွေရယ်ပေါ့။

အဲဒီ E , K , Happy Water တစ်ခုမဟုတ်
တစ်ခုသုံးပြီး Hi ကြရတာပါ။

အဲဒီအထဲက E ဆိုတာက
ကျွန်တော်တို့ငယ်ငယ်လေး
ကတည်းကရှိတဲ့ Party Drug ။

သူက ဆေးအပြားလေး။
သောက်လိုက်ရုံပဲ။

သောက်ပြီးရင် အသ်ိစိတ်က
ပြင်ပ ကမ္ဘာကိုရောက်သွားပြီး
စည်းချက်နဲ့အတူ ကတယ်လို့ပြောပါတယ်။

ကိုယ်စိတ်ကူးထဲမှာ ပေါ်တဲ့အရာတွေ
မြင်တယ်၊ တွေ့တယ်၊
ရောက်သွားတယ်ပေါ့။

K က ကျတော့ အမှုန့်။

ခွဲခန်းမှာသုံးတဲ့ မေ့ဆေးတစ်မျိုး။

အဲဒီအမှုန့်ကို ပန်းကန်ပြားပေါ်တင်ပြီး ပိုက်လေးနဲ့တေ့ပြီး နှာခေါင်းနဲ့ရှုကြတာ။
ရုပ်ရှင်တွေထဲမှာ ကိုကင်းကို
နှာခေါင်းနဲ့ ရှုသလို ပဲ K အမှုန့်ကို
ပိုက်နဲ့ ရှုကြတာ။

E တစ်ပြားကို ငါးသောင်းကနေ
ရှစ်သောင်းကြား ရှိသလို
ကေတစ်ထုပ်ကိုလည်း ငါးသောင်းနဲ့ ရှစ်
သောင်းကြား Quality အပေါ်
မူတည်ပြီး စျေးအစားစားရှိတယ်။

ဒီတော့ " ရာမ " လိုစျေးမပေါဘူး။
သုံးတဲ့သူရဲ့ Limit များရင်
များသလောက် ငွေကုန်ပါတယ်။

ဒီလိုတွေရေးပြလို့ ဒီကောင်က
သူတော် ကောင်းလား လို့မေးစရာရှိတယ်။
မကောင်းပါဘူး။ $ ရမ်းဆိုးပါတယ်။

အရင်ကတည်းက မူးယစ်ဆေးတော့
တစ်ခါမှ မသုံးဖူးပေမယ့်
မူးယစ်ဆေးသုံးနေတဲ့ သူတွေတောင်
မစဥ်းစားမိတဲ့ ရက်စက်မှု တွေ
လူမဆန်မှု တွေ အကြိမ်ကြိမ် လုပ်ခဲ့ဖူးပါတယ်။

တခြား မကောင်းတာတွေလည်း
အများကြီး လုပ်ဖူးပါတယ်။

ဒါဆို ဒီဆေးတွေအကြောင်း
ဘာလို့သိနေလဲဆိုတော့ အရင်က
ပေါင်းတဲ့သူ ဆယ်ယောက်ရှိရင်
ရှစ်ယောက်က အဲဒါတွေသုံးတဲ့သူတွေပါ။

ဆေးသွားဝယ်ရင် လည်း
လိုက်ဖူးသလို ဆေးထိုင်ချနေကြရင်လည်း ဘေးမှာ ထိုင်စောင့်ပေးဖူးတော့
ကောင်းကျိုးဆိုးကျိုး အကုန်ကိုသိပါတယ်။

ဆေးအကြောင်း အကြမ်းဖျင်း
ပြောပြ ပြီးပြီဆိုတော့ ဘယ်လိုလူတွေ
သုံးကြလဲ ပြောပြပါမယ်။

လူအများစု က ဒီ E တွေ K တွေကို
လူငယ်တွေပဲ သုံးကြပြီး
ပျက်စီးနေကြတယ်လို့ ထင်ကြတယ်။

တစ်ကယ်က လူငယ်တွေအဓိက
သုံးနေတာ မဟုတ်ဘူး။

လူလတ်ပိုင်းနဲ့ အသက်လေးငါးဆယ်
ကိုယ့်အဖေအရွယ် ဘိုးတော်ကြီးတွေက
အစ သုံးနေကြတာပါ။

စီးပွားရေး လုပ်ငန်းရှင်တွေပါတယ်။
ဌာနဆိုင်ရာက လူတွေပါတယ်။
အဖွဲ့အစည်းတွေထဲက လူတွေပါတယ်။

Hi ခန်းတစ်ခါသွားရင်
ကုန်ကျစားရိတ်က အခန်းခတင်
တစ်ညကို အောက်ထစ် ဆယ်သိန်း ၊
သိန်း ၂၀ အနည်းဆုံး ကုန်ပါတယ်။

နယ်စပ်တွေက ကေတီဗီတွေဆို
အခန်းခတင် တစ်ညကို သိန်းငါးဆယ်
လောက် အောက်ထစ်ကုန်ပါတယ်။

ဆေးဖိုးက သက်သက်ပါ။
လူများရင်များသလို ပိုကုန်ပါတယ်။

ကိုယ်တိုင်လည်း အဲဒီအခန်းတွေထဲ
ရောက်ဖူးလို့ ပြောနိုင်တာပါ။
နယ်စပ်က မူးယစ်ဂိုဏ်းတို့
ကျားဖြန့်သမားတွေ အများစု
ညတိုင်းလိုလို သွားကြပါတယ်။

ဒီတော့ အဲဒ်ီလောက် အမောင့်ကို
ညတိုင်းဖြုန်းနေနိုင်တဲ့ အင်အားက
လူငယ်တွေမှာမရှိပါဘူး။
လူကြီးတွေမှာပဲ ရှိတာပါ။

လူငယ်တွေကတော့ ပိုက်ဆံလေးစု။
ကေတီဗီလေး သွား။ ကလပ်လေးသွား။ တစ်ခါတစ်လေ ကုန်းဆင်းလိုက်နဲ့
သူ့ဟာသူတော့ အပျော်ရှာကြတာပေါ့။

သူတို့ပိုက်ဆံ သူတို့အကုန်ခံပြီး
သူတို့ပျော်ရွှင်မှု သူတို့ဖန်တီး နေကြတာ
အပြစ်မဆိုပါဘူး။ လူတိုင်းမှာ လွတ်လပ်စွာရွေးချယ်ခွင့်ရှိကြတာပဲ။

မူးယစ်ဆေးမလုပ်ကြပါနဲ့ဆိုတဲ့
စကားတွေက ကျွန်တော်တို့ငယ်ငယ်
ကတည်းကကြားနေကျပါ။
အဲလိုပြောရုံနဲ့ မလုပ်တော့တာမှ
မဟုတ်တာ။

လုပ်နေကြတာပဲ။ တားလို့မှမရတာ။

ဒီတော့ အရက်သောက်သောက်
ဆေးချချ ဘာလုပ်လုပ် limit နဲ့ ထိန်းထိန်း သိမ်းသိမ်းလုပ်ဖို့ပဲ ပြောဖြစ်တယ်။

208

Sint Nyi

13 Feb, 12:19

အခုရေးပြချင်တာက.. အပေါ်မှာ ပြောသလို ဝင်ငွေကောင်းတဲ့ လူတွေအတွက်တော့ လုပ်ငန်းတွေလည်းရှိ ဝင်ငွေတွေလည်း ရှိနေတော့ ငွေ ကုန်တာ ပြသနာမရှိဘူး။

ဒီဟိုင်းခန်းမှာမကုန်လည်း
တစ်ခြားနေရာတွေမှာ အပျော်ရှာလို့
ရတယ်။

သူတို့တွေ အလုပ်တွေ လုပ်ခဲ့ကြပြီးပြီ။
ငွေတွေရှာခဲ့ကြပြီးပြီ။
ငွေတောက်လျောက်ဝင်နေတဲ့
လုပ်ငန်းတွေ ရှိခဲ့ကြပြီးပြီ။

တစ်လ သိန်းငါးရာ ဝင်လို့
တစ်လ သိန်းတစ်ရာဖိုးလောက်
သွားဟိုင်းတာ ပြသနာမရှိဘူး။

သူကိုယ်တိုင်ကျန်းမာရေး
ထိခိုက်တာကလွဲရင် တစ်ခြား
ဘယ်သူ့ကိုမှ မထိခိုက်ဘူး။

လူအများစုက ကိုယ့်ပတ်ဝန်းကျင်မှာရှိတဲ့
အရာကို အားကျတတ်တဲ့သူတွေချည်းပဲ။

သူများ အိုင်ဖုန်းကိုင်ရင် ကိုင်ချင်တယ်။ သူများ ကားစီးရင်စီးချင်တယ်။
သူများဟိုင်းခန်းသွားရင်
လိုက်ဟိုင်းချင်တယ်။ ဒါက သဘာဝပဲ။

ဘာတစ်ခုလိုလဲဆိုတော့
သူများကြိုးစားသလိုတော့
မကြိုးစားချင်ဘူး။

သူများတွေ နေရာတစ်ခုရောက်ဖို့
ခက်ခက်ခဲခဲ ကြိုးစားရုန်းကန်ခဲ့ရတာကို
အားမကျဘူး။

သုံးဖြုန်းပျော်ပါးနေတာလေးကိုပဲ
ကွက်မြင် ပြီးအားကျတယ်။
အဲဒါမှားနေတာ။

wake up guys။ မဟိုင်းနဲ့မပြောဘူး။
ဟိုင်းပါ။ ဒါပေမယ့် အလုပ်လုပ်ပါ။
ပိုက်ဆံရှာပါ။ ကြိုးစားပါ။

မအောင်မြင်သေးခင် phin မယားပါနဲ့။
ကိုယ့်ဝင်ငွေ ကို ကိုယ်အသိဆုံးပါ။

အခုပြသနာက ပိုက်ဆံက မရှိဘူး။
ဝင်ငွေ ကောင်းတဲ့သူတွေလို
ညတိုင်းဟိုင်းချင်တယ်။

အဲတော့ ဟိုင်းရ ရင်ပြီးရော
ဘာမဆို ပေးဆပ်မယ်ဆိုတဲ့
စိတ်ဓာတ်နဲ့ လူတွေပေါ်လာတယ်။

သူများ ယောက်ကျားလည်းမသိဘူး။
သူများ မိန်းမလည်းမသိဘူး။
ဟိုင်းရ ရင်ပြီးရော ဘယ်ခေါ်ခေါ်ဆိုတဲ့ လူတန်းစားတစ်ရပ် ပေါ်လာတယ်။

ဆေးတွေ တရားလွန်သုံးပြီး
လူမှန်းသူမှန်းတွေ မသိတော့ပဲ
တွေ့ကရာလူတွေနဲ့ ဟိုတယ်လိုက်အိပ်၊
အကာအကွယ်မပါဘဲ တူတူနေကြ
Chemsex တွေလုပ်ကြပြီး
HIV တွေကူးကြ။

အဲဒီအထဲမှာမှ ယုတ်မာတဲ့ကောင်တွေက
သူတို့မှာ ရောဂါရှိတာ သိသိကြီးနဲ့
တခြားလူတွေ ကူးအောင်ကို
တမင်လိုက်ဖြန့်ကြတယ်။

သာမန် အခြေအနေဆိုရင်
Sex လုပ်ရင် ကွန်ဒုံးလေးတော့ စွပ်ဖို့
အသိဝင်ကြပေမယ့် ဆေးတွေ
သုံးပြီး လူမှန်းသူမှန်း မသိကြတော့
ကွန်ဒုံးမပါဘဲလည်း ပြီးစလွယ်
Chemsex တွေလုပ်လာကြရော။

အဲဒီ Hi ခန်းထဲက HIV ပြဿနာက
Hi ခန်းထဲမှာ မပြီးသွားဘဲ
အပြင်မှာ ရှိတဲ့ အိမ်ကမိသားစုတွေကိုပါ
ပြန်ကူး အတော် $လုပ်တွေရှုပ်ကုန်ရော။

ဒါတွေကအခု တကယ်ဖြစ်နေတယ်။

မြန်မာတစ်နိုင်ငံလုံးမှာ HIV ဖြစ်လို့
ART ဆေးသောက်နေတဲ့ လူတွေရဲ့
45% က ရန်ကုန်က။

25% က မန္တလေးက။
အဲဒီနှုန်းက အရင်ကထက်စာရင်
နှစ်ဆလောက်တိုးလာဆိုတဲ့ သဘော။

အဲလိုတွေ ကူးဆက်ခံနေရတာကို
ကာယကံရှင် မိသားစုဝင် တွေက
မပြောရဲဘူး ။ ကြိတ်ခံနေကြတယ်။

ဆေးမသုံးတဲ့ အိမ်က မိသားစုတွေကိုပါ
အဲဒီလို HIV ကူးစက်မှုတွေ
များလာတော့ ဆရာဝန်တွေကပါ
မနေနိုင်ကြတော့လို့ ဒါတွေကူးစက်နေပါတယ် ထိန်းကြပါဦး ဆ်ိုပြီးကို စာတွေပါ
ရေးပြ နေကြ ရပါတယ်။

မသိတဲ့သူနဲ့ အိပ်ရင် ကွန်ဒုံးလောက်တော့ စွပ်ဖို့ အသိဥာဏ်လေးရှိရင်
ဒါမျိုးတွေ ဖြစ်မလာဘူး။

သွားတတ်၊ လာတတ်ရင် ၊
မူးလာလို့ ၊ High နေလို့ Sex လုပ်မယ်ဆိုရင်
ကွန်ဒုံးတော့ ကြိုပြီးဆောင်ထားကြပါ။

နောက်တခုက တချို့ လူငယ်တွေက
အရမ်း အောင်မြင်ချင်တယ်။
ကြိုးစားနေတဲ့လူငယ်တွေကို မဆိုလိုဘူး။

တစ်ပတ်မှာ သုံးရက်လောက်က
ဟိုင်းခန်းသွားတယ်။ လစ်တယ်။
ပျော်တယ်။ ငွေသုံးတယ်။

ပြီးရင် Hi ခန်းထဲမှာ သုံးဖြုန်းနေတဲ့
ဘိုးတော်တွေကို ကြည့်ပြီး
အောင်မြင်ချင်လာကြတယ်။

ကျွန်တော် ပြောပြချင်တာက ကိုယ့်ဘဝက
ဘာမှ အခြေမခိုင်သေးဘဲနဲ့
ဟိုင်း ခန်းသွားနေသရွေ့ အောင်မြင်မှုက
ဝေးနေတုန်းပါပဲ။
မတော်တဆ အောင်မြင်လာလည်း ခဏပဲ။
ရူးရင်ရူး မရူးရင် ပြန်မွဲကြတာပဲ။

လူငယ် တွေ ကိုချစ်လို့ အခုလို
ဝိုင်းဆဲမယ်မှန်းသိသိနဲ့ အဆဲခံပြီး
ရေးပြနေတာ။

အသိထဲမှာတင် ကေတီဗီဖွင့်ထားတဲ့
သူတွေ ဟိုင်းခန်းဖွင့်ထားတဲ့သူတွေ
အများကြီးပဲ။ ဒါရေးပြလို့
မုန်းကြမှာလည်းသိတယ်။
မုန်းလည်း မတတ်နိုင်ဘူး။

နေရာတစ်ကာ phin လိုက်ယားနေတာမဟုတ်ဘူး။

ချစ်လို့ အကိုတစ်ယောက်လို
ထိန်းထိန်းသိမ်းသိမ်း လုပ်ဖို့
ပြောပြနေတာပါ။
ခင်ဗျားတို့ကို ချစ်တဲ့သူတွေကပဲ
အမှန်တရားကို အမုန်းခံပြီးပြောပြကြတာ။

လူငယ်တွေ ပျော်တာပျော်ကြပါ။
ဒါပေမယ့် ကိုယ့်ဟာကို အဲဒီအထဲမှာ
မနစ်မွန်းပါစေနဲ့။

Sex လုပ်ရင် ကွန်ဒုံးမဖြစ်မနေသုံးပါ။
HIV ဖြစ်သွားရင် ART ဆေးသောက်ပြီး
လူတန်းစေ့နေလို့ရတာ မှန်ပေမယ့်
မဖြစ်တာတော့ အကောင်းဆုံးပဲလေ။

မဟိုင်းနဲ့မပြောဘူး။ သွားပါ။
ပျော်ပါ။ တော်ရုံလုပ်ပါ။
Limit ထားပါ။

ကိုယ်က သူများဝန်ထမ်းအဆင့်ပဲ
ရှိနေသေးရင် ကုမ္ပဏီပိုင်ရှင်
အဆင့်တွေနဲ့တန်းတူ သွား ဟိုင်းလို့တော့
မရဘူးပေါ့။

သူက တစ်ပတ်လုံးဟိုင်းနေလည်း
တစ်ပတ်လုံး သူဟိုင်းနေတဲ့အချ်ိန်
ငွေကဝင်နေတာ။

ကိုယ်က အဲလိုအနေအထား မဟုတ်ရင် လယ်ဗယ်တူ သွားမဟိုင်းနဲ့။

လူငယ်တွေ ဆေးမချကြပါနဲ့
မကောင်းဘူးမပြောချင်ဘူး။

တစ်ခုခု ကောင်းလို့ လူကြီးတွေကော
ကို့အဖေအရွယ်တွေပါ ကျန်းမာရေး
အထိခိုက်ခံပြီး ချနေကြတာ။

သူတို့ဟိုင်းနေတာကို အားကျရင်
သူတို့လို့ ငွေရှိအောင် လုပ်ငန်းရှိလာအောင် ဟိုင်းနေတဲ့အချိန်ကော

106

Sint Nyi

13 Feb, 12:19

အိပ်နေတဲ့အချိန်ပါ ငွေဝင်ဖို့
အလုပ်ကြိုးစားပါ။

ပိုက်ဆံရှိတဲ့သူတွေ ဘာလုပ်လုပ်
တင့်တည်တယ် ဆိုတာမမေ့နဲ့။

မကောင်းတာ လုပ်တာချင်း
အတူတူတောင် ပိုက်ဆံရှိတဲ့ကောင်
လုပ်တာ မှန်တယ်လို့ထင်ကြတဲ့ခေတ်။

ဘယ်နေရာမဆို ငွေမရှိရင်
မျက်နှာငယ်တာပဲ။

ဟိုင်းခန်းမှာလည်း ငွေမရှိရင်
ကုန်းလိုက်ဆင်းပြီး မျက်နှာငယ်ရတာပဲလေ။

ဒီတော့သုံးချင် ဖြုန်းချင်
ဟိုင်းချင်ရင် အလုပ်ပိုလုပ်။
ပိုကြိုးစား။ ပိုက်ဆံပိုရှာ။

သမ္မာအာဇီဝ ရှာနိုင်ရင်အကောင်းဆုံးပဲ။

လုပ်ငန်းအခြေ ခိုင်ပြီ။ အိမ်ရှိပြီ။
ကားရှိပြီ။ အရေးပေါ် မိသားစု
ကျန်းမာရေးအတွက် ဆေးကုဖို့
ငွေပိုငွေလျှံရှိပြီဆိုရင်
လုပ်ချင်တာ လုပ်တော့။

အဲလို မဖြစ်သေးဘူးဆိုရင်
ကိုယ့်ဘဝကိုယ်သိပါ။ ကိုယ့် Limit
ကိုယ်သိပါ။

သာမန် ဝန်ထမ်းဘဝနဲ့ သုံးချင်စွဲချင်ဟိုင်းချင်လို့ မရဘူးမဟုတ်ဘူး။ ရတယ်။

ဒါပေမယ့် ဒီဘဝက
တက်မှာတော့မဟုတ်ဘူး။

ဒီတော့ လူငယ်တွေ ဘာလုပ်လုပ်
limit ထားပါ။

ကိုယ်ကိုယ်ကို ကြိုက်သလောက်ဆိုး
သူများကို တော့မထိခိုက်စေနဲ့။

တွေ့ကရာလူနဲ့ အိပ်ရင် ကွန်ဒုံးသုံး။
ဒါဆို HIV ကိစ္စ ရင်အေးရမယ်။

Hi ခန်းထဲမှာ ပျော်ရင်းနဲ့
အောင်မြင်ချင်လို့ မရပါဘူး။

အခုအောင်မြင်နေတဲ့သူတွေ အကုန်လုံးက
အပျော်အပါး နောက်မလိုက်ဘဲ
အချိန်တစ်ခု ပေးဆပ်ခဲ့ကြလို့
အခုအချိန်အေးဆေးနေ နိုင်နေကြတာ။

အောင်မြင်တာကိုပဲ ကွက်မမြင်ပါနဲ့။

အောင်မြင်မှုတို့ ငွေကြေးတို့နောက်မှာ ပေးဆပ်မှုအမြဲရှိတယ်။

ပေးဆပ်ပြီး ကြိုးစားပြီး အောင်မြင်သွားမှ ပျော်ကြပါလို့ အမုန်းခံ
ရေးသားလိုက်ပါတယ်။

Sint Nyi
PEACE စာအုပ်
Hi ခန်း မှ ကောက်နှုတ်ချက်

85

Sint Nyi

22 Jan, 05:37

" ကိုယ်တိုင် တောက်ပ ပါ။
တပါးသူကိုလည်း အလင်းပေးပါ"

အခုခေတ်လို အင်ဗာတာတွေမပေါ်ခင်
ကျွန်တော်တို့ ငယ်ငယ်တုန်းကဆိုရင်

အိမ်မှာ ရုတ်တရက် မီးပျက်သွားတဲ့အချိန်
မီးခြစ်နဲ့ ဖယောင်းတိုင် က အသက်ပါပဲ။

ဒီတော့ မီးမပျက်ခင်ကတည်းက
မီးခြစ်နဲ့ ဖယောင်းတိုင်ကို
အိမ်ရဲ့တနေရာရာမှာ ကြိုပြီး
ထားထားရပါတယ်။

မီးပျက်ပြီ ဆိုတာနဲ့ ကိုယ်က
ဘယ်နားရောက်နေရောက်နေ
အဲဒ်ိီ မီးခြစ်နဲ့ ဖယောင်းတိုင်
ထားထားတဲ့ နေရာကို
ဟိုစမ်း ဒီစမ်းနဲ့ မှန်းပြီး
ရောက်အောင် သွားကြရပါတယ်။

အမှောင်ထဲမှ စမ်းတဝါးဝါး နဲ့
မှန်းပြီး သွားနေရတဲ့အတွက်
ကိုယ်သွားနေကျ ကိုယ့်အိမ်မှာ နေရင်းနဲ့ကို ...
ဟိုဟာနဲ့ တိုက်မိ ဒီဟာနဲ့တိုက်မိကလည်း
ဖြစ်တတ်ပါ သေးတယ်။

ဒါပေမယ့် ခေါင်းထဲမှာတော့
ကိုယ့်ရဲ့ မီးခြစ်နဲ့ဖယောင်းတိုင်ရှိတဲ့
နေရာကို ပုံဖော်ထားပြီးသား။

မီးပျက်လို့ အမှောင်ကြီးထဲ
စိတ်ညစ်ပြီး ထိုင်နေတဲ့သူတွေလည်း
ရှိတတ်ကြပေမယ့်

ကိုယ်လုပ်စရာရှိတဲ့ အလုပ်တွေဆက်လုပ်ဖို့
အလင်းရောင်ကို မရှိမဖြစ် လိုအပ်နေတဲ့
လူတွေကတော့ မှောင်နေလည်း ဖယောင်းတိုင်နဲ့မီးခြစ်ဆီ
ရောက်အောင်သွားရတာပါပဲ။

အလင်းရောင်လိုချင်တော့လည်း
လမ်းမှာ ဘာနဲ့ပဲတိုက်မိ တိုက်မိ
ဆက်သွားကြတာပဲ။

တခါတလေ ကိုယ်ထားထားတဲ့နေရာမှာ မီးခြစ်နဲ့ဖယောင်းတိုင် ရှိမနေရင်လည်း
တခြား ထားမိမယ့်နေရာကို စဥ်းစားပြီး
မတွေ့တွေ့အောင် ရှာရပြန်ရော။

" အမှောင်ထဲမှာ စမ်းတဝါးဝါး
သွားလာကြရပေမယ့် ရှာဖွေနေတဲ့ သူက
အချိန်တန်ရင် တွေ့ကြတာပါပဲ။"

တချို့သဘောကောင်းတဲ့ သူတွေဆို
ကိုယ့်အိမ်မီးလင်းသွားလို့ ...

တခြားအိမ် ေတွေအတွက်ပါ
ဖယောင်းတိုင်မီး သွားပေးတာမျိုးတောင်
ရှိတတ် ကြပါသေးတယ်။

နေ့စဥ်ဘဝမှာ မီးပျက်တတ်သလို ...
ကျွန်တော်တို့ ဘဝတွေမှာလည်း
မီးပျက်တဲ့အချိန်တွေ ရှိတတ်ပါတယ်။

" ဘဝတခုလုံး အမှောင်ကျပြီး
အရာအားလုံး ဝေဝါးသွားတဲ့
အချိန်တွေပေါ့။"

စီးပွါးရေးတွေ
အမှောင်ကျသွားတာတွေ ရှိမယ် ..

လူမှုရေးတွေ အမှောင်ကျသွားတာ
တွေလည်း ရှိမယ်။ ...

အိမ်ထောင်ရေးတွေ
အမှောင်ကျသွားတာတို့ ...

အချစ်ရေးတွေ ...
အမှောင်ကျ သွားတာမျိုးတွေပေါ့။

ဘာဆက်လုပ်လို့ လုပ်ရမှန်း
မသိတော့တဲ့ အရမ်းမှောင်မိုက် နေတဲ့ အခိုက်အတန့် မျိုးတွေပေါ့။

အဲဒီလိုကြုံလာတဲ့အခါ
တချို့ကက ဘာလုပ်လို့လုပ်ရမှန်း
မသိဘဲ စိတ်ပျက်လက်ပျက်နဲ့
အမှောင်ထဲမှာ ဆက်ပြီးထိုင်နေတတ်
ကြတယ်။

တချို့လူတွေက ဘဝရဲ ဒီလို
အမှောင်ထဲမှာနေရတာ စိတ်ညစ်တယ်ကွာ
ဆိုတဲ့ ခေါင်းစဥ်တပ်ပြီး ..

အရက်တွေသောက်၊
ဆေးတွေချ၊
လောင်းကစားတွေ လုပ်ရင်းနဲ့
ပိုပြီးမှောင်မိုက် တဲ့ နေရာကို
ရောက်မှန်းမသိ ရောက်ကုန်ကြတယ်။

" စိတ်ညစ်လို့ ပေါက်ကရလုပ်တာက သက်သာမယ်ထင်ရပေမယ့် တကယ်က ပိုစိတ်ညစ်ရတာပါ "

ဒါကြောင့် ဘဝက မထင်မှတ်ထားပဲ
အမှောင်ထဲကျသွားခဲ့ရင် ...

အဲဒီနေရာမှာ ဆက်မနေပဲ
အလင်းရောင်ရှိမယ့် နေရာကို
စမ်းတဝါးဝါးနဲ့ သွားနေဖို့လိုပါတယ်။

လမ်းမှာ ခလုပ်တိုက်မိတာတွေရှိမယ်။

နံရံနဲ့ တိုက်မိ လို့နာကျင်ရတာတွေရှိမယ်။
ခုံတွေနဲ့တိုက်မိလို့ ချော်လဲတာလည်းရှိမယ်။

အဲဒီအချိန်တွေမှာ နာကျင်ရ၊ စိတ်ညစ်ရ၊
စိတ်ပျက်ရ၊ စိတ်မောရတတ်ပါတယ်။

ဘဝမှာ လမ်းပျောက်တဲ့အချိန်လောက်
စိတ်ပျက်စရာကောင်းတဲ့ အချိန်မရှိပါဘူး။
အတော်ခံရခက်ပါတယ်။

ဒါပေမယ့် အဲဒီလိုအချိန်တွေမှာ
လက်လျော့ပြီး ထိုင်မချလိုက်ဖို့
အရေးကြီးပါတယ်။

လာကယ်ချင်တဲ့သူ ကယ်ပါစေ
ဆိုပြီး မသေချာ မရေရာတဲ့ သူများကို အားကိုးစိတ်နဲ့ မမျှော်ပါနဲ့။

ရှေ့လမ်းခရီးက ဝါးတားတား
ဖြစ်နေပေမယ့်လည်း
ဆက်သွားနေပါ။ ဆက်လျှောက်နေပါ။

" အတိတ်ဆိုး တွေကို အမြန်ဆုံး
မေ့ပစ်နိုင်ပြီး ရှေ့ဆက်နိုင်တဲ့သူက
မြန်မြန် ပြန်အဆင်ပြေတတ်ပါတယ် "

မီးပျက်တဲ့အချိန် ဖယောင်းတိုင်နဲ့မီးခြစ်ကို
လိုက်ရှာသလို အခုလမ်းပျောက်နေတဲ့
အချိန်မှာလည်း လမ်းကိုတွေ့အောင်ရှာပါ။

တွေ့ဖို့ အချိန်တော့ ကြာကောင်း
ကြာ နိုင်ပေမယ့် ...
တွေ့ကိုတွေ့ပါလိမ့်မယ်။
ထိုင်မနေဖို့ဘဲ သတိပြုပါ။

အချိန်တန်ရင် လမ်းစ တခုကို
တွေ့ကို တွေ့လာ ပါလိမ့်မယ်။

ကိုယ့်အတွက် ကိုယ်
လမ်းစတစ်ခုတွေ့ပြီး လမ်းကြောင်းတစ်ခုအပေါ် ရောက်သွားပြီ ဆိုရင်လည်း ကိုယ့်အိမ်က ဖယောင်းတိုင်ကို ဘေးအိမ်တွေအတွက် သွားပေးသလိုမျိုး ...

ကိုယ့်ပတ်ဝန်းကျင်က ..
စိတ်ညစ်ပြီး အမှောင်ထဲမှာ
ထိုင်နေတဲ့သူတွေ အတွက်
အလင်းရောင် ဖြစ်စေပါ။

လမ်းပြပါ။ ဆွဲခေါ်ပါ။

" လောကမှာ တန်ဖိုးအရှိဆုံး လူသားတွေက
ကိုယ်ကိုယ်တိုင် ဖြောင့်မတ် မှန်ကန်စွာနဲ့ တောက်ပတတ်သလို သူတပါးအပေါ်မှာပါ အလင်းပေးနိုင်တဲ့သူမျိုးတွေ ပဲ "

အားလုံးပဲ ဒီလောကရဲ့ အလင်းများ
ဖြစ်လာနိုင်ကြပါစေဗျာ။

Sint Nyi
22.1.24

803

Sint Nyi

20 Jan, 01:30

ကျွန်တော်တော့ မိုးပြိုမှာကို
တွေးပြီး မပူဘူး။

မိုးပြိုမယ်လို့ လိုက်ပြီး ဆော်သြနေကြတဲ့
အသံတွေလည်း နားမထောင်ဖြစ်ဘူး။

ကိုယ်တိုင်တောင် မနက်ဖြန်
အသက်ရှင်မယ်ဆိုတာ သေချာမသိကြတာ
ဘယ်နေ့ ဘာဖြစ်မလဲဆိုတာ
ပိုလို့တောင် မသေချာဘူး။

ဒီတော့ မိုးပြိုတာ မပြိုတာ ခဏထားဦး။

ကိုယ့်ဘက်ကတော့ ကိုယ်လုပ်စရာတွေ
လုပ်သင့်တာတွေကို
ဆက်လုပ်ရင်း ရှေ့ဆက်နေရမှာပဲ။

နေ့တိုင်း မြင်နေရတာတွေ
ကြားနေရတာတွေမှာတောင်
ပူစရာတွေ ဆင်ခြင်စရာတွေက
အဲ့လောက်များနေတာ။

မမြင်ရသေးတာတွေပါ တွေးပြီး
လိုက်ပူနေရရင် ဘယ်တော့မှ
စိတ်ချမ်းသာရမှာမဟုတ်ဘူး။

ကျွန်တော်တော့ ဘယ်သူတွေ
ဘာတွေပြောပြော ကိုယ်လုပ်စရာရှိတာလုပ်ရင်း
ဘာလာလာ ရင်ဆိုင်လိုက်မယ်
ဆိုတဲ့ စိတ်နဲ့ နှစ်သစ်ကိုဖြတ်သန်းဖို့ပဲ
စဥ်းစားထားတယ်။

ဒီတော့ မိုးပြိုပြို မပြိုပြို
အဆိုးပဲလာလာ
အကောင်းပဲလာလာ အရင်ကလိုပဲ
ဖြတ်ကျော်သွားနိုင်မယ်ဆိုတာ
ယုံကြည်ရင်း ရှေ့ဆက်ကြပါမိတ်ဆွေတို့။

Sint Nyi
27.12.24

786

Sint Nyi

20 Jan, 01:29

" တနေ့နေ့ "

ကျွန်တော်လည်း သာမန်ဝန်ထမ်း
ဘဝမှာ အလုပ်လုပ်ခဲ့ဖူးတော့
သာမန်ဝန်ထမ်းတိုင်း နေ့စဥ်
ကြုံတွေ့နေရတဲ့ ..

အထက်လူကြီးက ပေးတဲ့
Stress တွေ ..
ကိုယ့်ကိုကြည့်မရတဲ့ လုပ်ဖော်ကိုင်ဖက်တွေက
ပေးတဲ့ Stress တွေ...
Customer တွေပေးတဲ့ Stress တွေ ..

မိသားစု က ပေးတဲ့ Stress တွေ..

ဆင်းရဲမွဲတေလို့ ဖြစ်တဲ့ Stress တွေအကြောင်းကို ကောင်းကောင်းကြီးသိခဲ့ရပါတယ်။

အဲဒီ Stress အစုံက ခံစားဖူးတဲ့
လူတွေပဲ နားလည်ကြတာ။

အဆိုးဆုံးက လစာမလောက်တဲ့
ပြဿနာပဲ။

ဝန်ထမ်း လုပ်တဲ့ကာလတလျောက်လုံး
ခြိုးခြံခြွေတာ နေရင်းနဲ့တောင်
လစာလောက်တယ် ဆိုတဲ့လ
တလမှကို မရှိခဲ့ဖူးဘူး။

တချို့လတွေဆို ကိုယ့်လစာကို
(၂) လစာလောက် ကြိုပြီးပါ
ရောင်းစားထားရတယ်။

မှတ်မှတ်ရရ အမြန်လမ်းမှာ (၂)လ
တာဝန်ကျတုန်းကဆို ကိုယ်နေရတဲ့
မိုးမလုံတဲ့ ယိုင်နဲ့နဲ့ တဲလေးအထဲကနေ
အမြန်လမ်းပေါ်မှာ မောင်းသွားတဲ့
ကားအမျိုးအစား အစုံကို
စိတ်ပျက်လက်ပျက် ငေးကြည့်ပြီးတော့..

" ငါ့တသက်တော့ ဒီလိုကားမျိုးတွေ
ဘယ်တော့မှ စီးလာနိုင်တော့မှာ မဟုတ်ဘူး"
လို့ တွေးမိခဲ့ဖူးတယ်။

အဲဒီကာလကလည်း ကားဝယ်ဖို့မပြောနဲ့
ကားထဲထည့်တဲ့ဆီ (၅)ဂါလံ ဝယ်လိုက်ရင်ကို
ကိုယ့်လစာက ကုန်နေပြီ။

ဒါပေမယ့် " တနေ့နေ့တော့ " ငါလည်း
ကားစီးလာနိုင်ရင်လည်း စီးလာနိုင်မှာပေါ့လို့ပဲ
က်ိုယ့်ကိုယ်ကို နှစ်သိမ့်ခဲ့ရတာပေါ့။

ဝန်ထမ်းတစ်ယောက်အတွက်က
ကိုယ်ပိုင်အိမ် ၊ ကိုယ်ပိုင်ကား ၊ ကိုယ်ပိုင်လုပ်ငန်း
ပိုင်လာဖို့ဆိုတာ တော်တော်ကြီးကို
ဝေးပါတယ်။

ဒါပေမယ့်လည်း လိမ်ဖယ်လိမ်ဖယ်နဲ့
နောက်နှစ်ပေါင်း (၂၀) လောက်
ကြာသွားအချိန်ကျတော့ အရင်ကတွေးခဲ့ဖူးတဲ့
အဲဒီ " တနေ့နေ့ တော့" ဆိုတဲ့နေ့တွေကို
တကယ်ကြီး လက်တွေ့ ဖြစ်လာတာကို
ကြုံခဲ့ရတယ်။

အဲဒီ " တနေ့နေ့ " ရောက်လာတဲ့အချိန်မှာ
ကိုယ်အရင်က ငေးကြည့်ခဲ့ရတဲ့
ကားတွေ ထက်ပိုကောင်းတဲ့ကားတွေကို
စီးနိုင်လာခဲ့တယ်။

အဲဒီ " တနေ့ နေ့ " ရောက်လာတဲ့အချိန်မှာ
အရင်က ငေးကြည့်ခဲ့ရတဲ့ အိမ်တွေထက်
ကောင်းတဲ့ အိမ်တွေမှာ နေနိုင်လာခဲ့တယ်။

အဲဒီ " တနေ့နေ့ " ရောက်တဲ့အချိန်မှာ
အရင်က ကိုယ့်ကိုအထင်သေးခဲ့
စော်ကားခဲ့တဲ့ လူတွေက ...

ကိုယ်နဲ့ဘယ်မှာ ဘယ်လိုသိခဲ့ကြတာ
ဘယ်လို ရင်းနှီးခဲ့ကြတာဆိုပြီး ဂုဏ်ယူစွာနဲ့
တခြားလူတွေကို ပြန်ပြီး ပြောပြနေကြပြီ။

ကျွန်တော်လို ဘာမှမဟုတ်တဲ့
သာမန် လူတယောက်အတွက်
အဲဒီ " တနေ့နေ့ " ဆိုတာကို ရောက်ဖို့
နှစ်ပေါင်း (၂၀) လောက်ကြာသွားတယ်။

အဲဒါ ကျွန်တော်တော်လို့ တတ်လို့လည်း
မဟုတ်ဘူး။ လုပ်စရာရှိတာလေးတွေ
လုပ်နေရင်း မပျက်စီးအောင်နေရင်းနဲ့
အချိန်တန်တော့လည်း အဲဒီ
" တနေ့နေ့ " ဆိုတာကိုရောက်သွားတာပါပဲ။

မိတ်ဆွေတို့လည်း အဲဒီ " တနေ့နေ့ " ဆိုတာကို
ကြုံလာရလိမ့်မယ်။

ဒီတော့ အဲဒီ " တနေ့နေ့ " ဆိုတာကို
အမြန်ဆုံး ရောက်လာဖို့အတွက် ဆိုရင်

✅ကိုယ့်ကိုယ်ကို မပျက်စီးအောင်နေပါ။
ပျော်ပါ။ မပျက်စီးပါစေနဲ့။

✅ ရိုးသားပါ။ ကတိတည်ပါ။

လူတွေက ကိုယ့်နာမည်ကြားတာနဲ့
ဒီကောင် ကလိမ်ကကျစ်မဟုတ်ဘူးဆိုတဲ့
မှတ်ချက် ပေးလောက်တဲ့အထိ ရိုးသားပါ။
ဒါပေမယ့် မ " အ "ပါနဲ့။

✅ လူတွေကို စိတ်ရင်းနဲ့ကူညီပါ။

ဒါပေမယ့် ကိုယ့်ကိုယ်ကိုထက်တော့
ဘယ်သူ့ကိုမှ ပိုမသနားပါနဲ့။
ကိုယ်ကိုယ်ကို ထိခိုက်လောက်တဲ့အထိလည်း
သူများကို မကူညီပါနဲ့။
မထိခိုက်ရင်တော့ ကူညီပါ။

✅လောင်းကစားနဲ့ မူးယစ်ဆေးကို
အတတ်နိုင်ဆုံးရှောင်ပါ။

✅အပိုဝင်ငွေရဖို့ တပိုင်တနိုင်
တတ်နိုင်တာလေးလုပ်ပါ။

သမ္မာအာဇီဝအလုပ်အကုန်လုပ်ပါ။
တခုမဟုတ်တခု တော့ လုပ်နေပါ။

ကျွန်တော့အလှည့်တုန်းကတော့
အခုလို ဆောင်ရန် ရှောင်ရန်တွေ
ပြောပြပေးမယ့် သူတွေမရှိလို့
စမ်းတဝါးဝါးသွားရင်းနဲ့ ...

အဆင်ပြေလာတဲ့ " တနေ့နေ့ " ရောက်ဖို့ကို
နှစ်ပေါင်း (၂၀) လောက်ကြာသွားပါတယ်။

အဲဒါကလည်း ကိုယ့်ကို လမ်းပြမယ့်သူ၊
အားပေးမယ့်သူ ၊ သင်ပေးမယ့်သူမရှိလို့ပါ။

ဒါကြောင့်လည်း ကျွန်တော်
အခုလို မေတ္တာထားပြီး အခမဲ့
ပြန်ပြီး ပြောပြပေးနေတာပါ။

ဒီစာကိုဖတ်မိပြီး ဆင်ခြင်မိလို့ တချို့တလေ
(၁၀) နှစ်ကြာမယ့်ခရီးကို (၂) နှစ်လောက်နဲ့
ရောက်သွားတော့ လည်း ကောင်းတာပဲ
ဆိုတဲ့စိတ်နဲ့ ရေးပေးဖြစ်တာပါ။

" မေတ္တာ " လိုချင်ရင် "မေတ္တာ"
အရင်ပေးရတယ် ဆိုတဲ့အတိုင်း ..

မိတ်ဆွေတို့ဆီက ချစ်ခြင်းမေတ္တာကလွဲရင်
ကျန်တာကျွန်တော့အတွက် ဘာမှ
မလိုတာဖြစ်လို့ ကျွန်တော်သိတာလေးတွေ
ကြုံရတာလေးတွေကို မေတ္တာထားပြီး ပြန်ပြီး
Sharing လုပ်ပေးတာပါ။

ညီအကိုမောင်နှမတွေအားလုံးပဲ
ရှောင်စရာရှိတာတွေ ရှောင်
ဆောင်စရာရှိတာတွေ ဆောင်ရင်း
အဲဒီ " တနေ့နေ့ " ဆိုတဲ့နေ့လေးကို
အမြန်ဆုံး ရောက်နိုင်ကြပါစေလို့
ဆုတောင်းပေးလိုက်ပါတယ်ဗျာ။

I can do it .
I believe u can do it too.

Sint Nyi
1.1.25

597

Sint Nyi

20 Jan, 01:29

နှစ်သစ်ထဲကို ရောက်လာပြီဆိုတော့
လက်တွေ့ကျင့်သုံးလို့ တကယ်
အကျိုးရှိတဲ့ အလေ့အကျင့်လေး
တခု ပြောပြချင်တယ်။

ကျွန်တော်က လက်တွေ့သမားဆိုတော့ ဆိုရိုးစကားတို့ တဘောင်တို့ကို
ယုံတဲ့ အထဲမှာ မပါဘူး။
ကိုယ်မယုံပေမယ့် ယုံတဲ့လူတွေကိုလည်း
သွားတော့ မစော်ကားဘူးပေါ့။

ဒါပေမယ့် လွန်ခဲ့တဲ့ (၅) နှစ်အတွင်း ကိုယ်တိုင်ကျင့်သုံးမိရင်း ထူးခြားလို့ သတိထားလာမိတာလေး တခုတော့
ပြောပြချင်တယ်။

အဲဒါ " စကားနောက် တရားပါ " ဆိုတဲ့
ကိုယ့်ရဲ့ နှုတ်ထွက်စကားပဲ။

ဘယ်ရှုထောင့်ကပဲ ကြည့်ကြည့်၊
ကိုယ့်ကိုယ်ကို နေ့တိုင်းပြောနေတဲ့
ဝန်ခံနေတဲ့ ၊ နှုတ်ထွက်စကားကလည်း
အရေးကြီးတာကို သတိထားမိလာတယ်။

သူတပါးကို ကျိန်ဆဲတာကိုပြောတာမဟုတ်ဘူး။

ကိုယ်က သူများကို မုန်းလို့ ကွယ်ရာမှာ
ဘယ်လောက်ပဲ ဆဲနေပါစေ
သူများအပေါ်မှာ ဘာမှကို
သွားပြီး မထိခိုက်ပါဘူး။

သူ့ဟာနဲ့သူ အေးဆေးပဲ။

" ဒါပေမယ့် ကိုယ့်ကိုယ်ကို
ဝန်ခံနေတဲ့ ကိုယ့်ရဲ့ နေ့စဥ်
နှုတ်ထွက်စကားတွေ ကတော့ ကိုယ့်ရဲ့
ဘဝအပေါ်မှာ သက်ရောက်မှုက
ရှိတာ ကိုတော့ သွားတွေ့ရတယ် "

....

ကျွန်တော်တော့ အရင်ကဆို
" ပိုက်ဆံမရှိဘူး" တို့
" Thay ချင်တယ် " တို့
" စိတ်ညစ်တယ်တို့ " တို့
ဆိုတဲ့ စကားတွေ ကိုယ့်နှုတ်က
မသိဘဲနဲ့ အမွဲလိုလို ငြီးငြူ မိနေတာ။
ဝန်ခံမိနေတာ။

ပိုက်ဆံ မရှိဘူး။
ပိုက်ဆံမရှိဘူးဘဲ ငြီးနေရင်းနဲ့ကို
တကယ်ကြီးကို ပိုက်ဆံ မရှိတော့တာ။

ကားတိုက်လိမ့်မယ်
ကားတိုက်လိမ့်မယ် ပြောရင်း
ပြောရင်း တကယ်ကြီး ကားတိုက်တာ။

အဲဒါတကယ် ကိုယ်တွေ့။

ဒါနဲ့ ဆရာ တစ်ယောက်က
" ခင်ဗျားတို့ ဘဝမှာ ခင်ဗျားတို့
နှုတ်ထွက်စကားကို သတိထားပါ။
ကိုယ်ဝန်ခံတဲ့အတိုင်း ဘဝမှာ
တကယ် ဖြစ်တတ်တယ် " လို့
ပြောတာကြားပြီးတော့မှ
ကိုယ့်နှုတ်ထွက်စကားတွေကို
သတိထားပြီး ဆင်ခြင်မိတာ။

ကိုယ့်နှုတ်က ပြောတဲ့
နှုတ်ထွက်စကားတွေက ဘဝမှာ
သိပ်အရေးကြီးတယ်။

ကိုယ့်ကိုယ်ကို မကောင်းတာ
များများပြောလေ ၊ ဘဝမှာ
မကောင်းတာများများ ကြုံလေလေပဲ။

အဲဒါတကယ် ကိုယ်တွေ့ပါ။

ဒါနဲ့ပဲ ကိုယ့်နှုတ်ကနေ Positive ဖြစ်စေတဲ့
စကားတွေ၊ တည်ဆောက်စရာ
ဖြစ်စေတဲ့ စကားတွေ၊
အကျိုးရှိစေမယ့် စကားတွေ ပဲ
ပြောမိအောင် စပြီး သတိထားဖြစ်တယ်။

အဆင်မပြေ၊ ပိုက်ဆံမရှိရင်တောင်
မရှိဘူး မငြီးမိအောင် နေတယ်။

ကိုယ် မရှိတာကိုယ်ပဲသိတယ်။
ဒါကြီးကို ထုတ်ပြောပြီး ငြီးငြူစရာ
မလိုဘူး။ လက်တွေ့ဆန်ဆန်ပဲ
ပိုက်ဆံ ရှိလာအောင်ကြိုးစားမယ်ဆိုတဲ့
စိတ်ပဲမွေးလိုက်တော့
အရင်ထက်တော့ ပိုပြီး
အဆင်ပြေလာတာကို သွားတွေ့ရတယ်။

ဒါပေမယ့် တခုရှိတာက
ပါးစပ်ကနေ ကောင်းသော
နှုတ်ထွက် စကားတွေ ထိုင်ပြောနေပြီး
ဘာအလုပ်မှ မလုပ်ပြန် ရင်လည်း ...

ဖေ့ဘွတ်က ငွေဝင်ပါစေဆိုတဲ့
ပို့စ်တွေ ထိုင်ရှဲနေသလိုပဲ
အချိန်ကုန်ပြီး ဘာမှအကျိုးရှိမှာ
မဟုတ်ပါဘူး။

" အလုပ်လုပ်နေရင်းနဲ့
ကောင်းတဲ့နှုတ်ထွက်စကားတွေ
Positive နှုတ်ထွက်စကားတွေ ကို
ပြောနေဖို့ ဝန်ခံနေဖို့လိုတယ်ဆိုတာ
ပြောပြချင်တာပါ "

တခြားအရာတွေ အယုံကြည်
မရှိပေမယ့် " စကားနောက်တရားပါ "
ဆိုတဲ့အတိုင်း Positive နှုတ်ထွက်စကားက

ကိုယ့်ကိုယ်ကို တည်ဆောက်တဲ့နေရာမှာ အရမ်းအရေးကြီးတယ်ဆိုတာကို
နှစ်သစ်လက်ဆောင်စကားအနေ နဲ့
Sharing လေးလုပ်ပေးလိုက်ပါတယ်။

မင်္ဂလာရှိတဲ့ နှစ်သစ်လေး ဖြစ်ပါစေ ညီအကိုမောင်နှမတို့။

Sint Nyi
Memory Repost
31.12.23

329

Sint Nyi

20 Jan, 01:29

ကျန်တာတွေ အထင်မကြီးပေမယ့်
သူလက်တွေ့လုပ်ပြ တည်ဆောက်
ပြသွားတဲ့ အိမ်ထောင်ရေးက
အားကျစရာကောင်းပါတယ်။

ဒီတော့ အချစ်ရေး အချစ်ရာ
ကိစ္စတွေ နဲ့ပတ်သက်ရင်
ကျွန်တော့ဆီ လာလာမပြောကြပါနဲ့။

လာပြောလည်း " ပြတ်လိုက်ကြ "
" ကွဲလိုက်ကြ "
" အဲ့ကိစ္စတွေအတွက် အချိန်မပေးနိုင်ဘူး"
ဆိုတဲ့စကားတွေပဲ ကြားရမှာမို့
သူ့ဆီသာ ကြွကြပါ။

အခမဲ့တိုင်ပင်ဆွေးနွေးပေးတဲ့
ကိစ္စတွေကျွန်တော်မလုပ်လို့ပါ။
သူကစာနာတတ်တော့ တခါတလေ
ပြန်ပြောပေးပါလိမ့်မယ်။

အဲဒီ ငတက RS နဲပတ်သက်ပြီး
သူရဲ့အမြင်တွေ
အတွေးအခေါ်တွေကိုလည်း
စာအုပ်ထုတ်ထားတာ
နှစ်အုပ်ရှိပြီ။

ဒုတိယ စာအုပ်နာမည်တော့
မမှတ်မိဘူး။

ပထမတအုပ်က ဝက်ဝက်ကွဲ
ပေါက်တဲ့ " မဖတ်ရမြဲတတ်သည် "
တဲ့ ။

ကျွန်တော်တော့ အားနာလို့
တအုပ်ဝယ်ထားတယ်။
မြဲမှာစိုးလို့ မဖတ်ဖြစ်ဘူး။

မြဲချင်တဲ့လူတွေတော့ ဖတ်ကြည့်ပါ။
Review တွေလည်း တော်တော်
ကောင်းပြီး Best Seller ဝင်ထားပါတယ်။

အဲ့ငတ နာမည်က " ရာဇာဝိဇယ" တဲ့။

Sint Nyi
FUN
စာအုပ်မှ ကောက်နုတ်ချက်အချို့

290

Sint Nyi

20 Jan, 01:29

ကိုယ်တွေ တက္ကသိုလ်တက်တုန်းက
ကျောင်းကားတစီးတည်း စီးရတဲ့
ကောင်တွေကတကယ့် တယောက်တမျိုး
ငစားတွေ။

ကျောင်းစတက်တဲ့နေ့ ကျွန်တော်တို့
စမ်းချောင်းက ကျောင်းကားပေါ်မှာ
ယောက်ကျားလေးက (၁၅) ယောက်
လောက်ပါတယ်။

အဲဒီအထဲမှာ အနာဂတ်ရဲ့
ဖဲသမား အလောင်းအလျာလေးတွေကော
အရက်သမားအလောင်းလျာလေးတွေကော
လူမိုက်အလောင်းလျာ လေးတွေကော
ကိုယ်တွေလို ဖွန်ကြောင်တဲ့ကောင်တွေကော
အစုံကိုပါတာ။

အဲဒီ အထဲမှာမှ ဘာမှန်းမသိတဲ့
ကောင်တကောင်လည်း ပါလာတယ်။

ဖဲသမားလည်းမဟုတ်။
အရက်သမားလည်းမဟုတ်။
ရန်ကလည်းမဖြစ်။
ဆေးသမားလည်း မဟုတ်ပြန်ဘူး။

တကယ်ကို ဘာကောင်မှန်းမသိတာ။

လူက ဘာကောင်မှန်းမသိရပါဘူးဆို
ဝတ်တဲ့ပုံကိုလည်းကြည့်ဦး။

ကျောင်းယူနီဖောင်းက အဖြူနဲ့
စိမ်းပြာကို အဲ့ငတ က တမူထူးခြားပြီး
ဂျင်းဂျာကင် အပြာအထူကြီးကို
အမြဲဝတ်ထား သေးတာ။

နေပူပူမိုးရွာရွာ အဲဒီ ဂျာကင်ကြီးကို
လုံးဝမချွတ်ဘူး။ ပြီးတော့ ပုဆိုးကိုလည်း
ရင်ခေါင်းအထိတက် ဝတ်ထားတယ်။

ဒါနဲ့ပြီးလားဆိုတော့
မပြီးသေးဘူး။

အဲဒီခေတ်က သိန်း (၅၀) လောက်တန်တဲ့
GSM ဖုန်းကို ဖုန်းအိတ်အမဲလေးနဲ့
ထည့်ပြီး ရင်ခေါင်းအထိ တက်ဝတ်ထားတဲ့
ပုဆိုးမှာ လူမြင်အောင်
ချိတ်ထားသေးတယ်။

ချိတ်ရုံနဲ့ပြီးလားဆိုတော့ မပြီးပြန်ဘူး
သော့ချိတ် တွဲလောင်းလေးက
တန်းလန်းတန်းလန်းနဲ့ ချထားသေးတာ။

သူသူဌေးပါပေါ့။
ရုပ်ကြည့်တော့လည်း လူမိုက်ရုပ်နဲ့။

လုံးဝ Taw ဂေါ်လီ အထာ။

ကျောင်းကားတစီးလုံးမှာလည်း
အဲ့တကောင်ကိုပဲ ကြည့်မရတာ။

လူရှေ့သူရှေ့ရောက်ရင်
သူ့ရင်ဘတ်နားက ဖုန်းကြီး
ထုတ်ထုတ်ပြီး အသံအကျယ်ကြီးနဲ့ဆက်ဆက်ပြရတာ အမော။

တကယ့် Taw ဂေါ်လီ အထာ။

အစထဲက သူဌေးသားလိုလို
ဘာလိုလိုကောင်တွေဆို မနာလိုလို့
ကြည့်မရတော့ ဂွင်ထဲဝင်လာတဲ့နေ့တော့
" ကြိတ်မယ် " လို့ တေးထားတာ။

အဲ့ငတက လူကဲခပ်တော့ မညံ့ဘူး။
သူ့ကို တစီးလုံးက မျက်မုန်းကျိုးနေတာတော့
သူသိတယ်။

ဒါနဲ့ ကိုယ်တွေလူမိုက်အဖွဲ့ကို
သူ လာရောတယ်။
သူငယ်ချင်းတို့ နေကောင်းလား။
စားပြီး ပြီလား။
ဖုန်းဆက်ချင် ယူဆက်နော်တို့ဘာတို့။

ဒါနဲ့ နောက်ပိုင်းဘော်ဒါတွေ
ဖြစ်သွားကြတော့မှ
သူ့စိတ်ရင်းအမှန်ကိုသိရတာ။

အဲဒိီ ငတက ရုပ်နဲ့မလိုက်အောင်
စိတ်ထား နုတာဗျ။
ပေါင်းဖူးသမျှထဲမှာလည်း ဘာဆို
ဘာမှမလုပ်တတ်တဲ့ တကယ့်လူလိမ်မာ။

ကိုယ်တွေကျောင်းသားဘဝ
ရနတွေဖြစ်ကြ ချိန်းရိုက်ကြ
ဖွန်ကြောင်ကြ ဗရုတ်ကျနေကြတဲ့အချိန်
အဲ့ကောင်က ကိစ္စတခုထဲမှာပဲ Focus
ထားတာ။

အဲဒါ သူတဖက်သက်လိုက်နေတဲ့
သူ့ စော်ပဲ။

သူ့ တက္ကသိုလ်တက်တဲ့
ဘဝတလျှောက်လုံး
အဲဒီ စော်တယောက်အတွက်ပဲ
အချိန်ကုန်ခဲ့တာ။

လူတစ်ယောက်က လူတစ်ယောက်ကို
သုံးနှစ်သုံးမိုး လိုက်တာ အဲ့ကောင်
နဲ့မှကြုံဖူးတာ။

ကောင်မလေးက ငြင်းလို့
ကျောင်းထိပ်က တိုင်လုံးကြီးတွေနဲ့
ခေါင်းနဲ့ ပြေးဆောင့်တာတို့ ...

မိုးရေထဲ ငူငူငေါင်ငေါင်ကြီး
ကြေကွဲပြီး ထိုင်နေတာတို့ ...

ဖယ်ရီပေါ်ငိုပြီး ပါလာတာတို့ဆို
ဘယ်သူလဲဆိုတာ အနီးကပ်
သွားကြည့်စရာမလိုဘူး ။ သူပဲ။

ဖယ်ရီ တစီးလုံးကလည်း သူ့ကိုပဲ
အရိပ်တကြည့်ကြည့်
နေကြရတာ။

သူကြိုက်တဲ့ ကောင်မလေးကလည်း
ကောင်မလေးပဲ။

ဒီကောင် ကို လုံးဝ (လုံးဝ) မကြိုက်တာ။

ဒီငတက လည်း ဇွဲက တကယ်ရှိတာ။

အဲဒီ ဇွဲ မျိုးနဲ့ စီးပွါးရေးသာလုပ်
ခုချိန် သူဌေးကြီးအဆင့်ကို
ဖြစ်နေလောက်ပြီ။

ကောင်မလေးက ဘယ်လောက်ငြင်းငြင်း
တစက်မှကို လက်မလျှော့တာဗျ။

ကိုယ်တွေဆို သူစိတ်ပြောင်းအောင်
တခြား စော်တွေနဲ့ချိတ်ပေး။
ဒါလည်း မကြိုက်ဘူး။

သူမှ သူပဲ။

ဒီကောင် ဇွဲကောင်းသလို
သူကြိုက်တဲ့ ကောင်မလေး ကလည်း
ဇွဲကောင်းတယ်။

နင့်ကိုငါ မကြိုက်ဘူးက
မကြိုက်ဘူးပဲ။

အားနာပြီးလည်းမကြိုက်သလို
သနားပြီးလည်း မကြိုက်ဘူး။

ဘယ်နည်းနဲ့မှ မကြိုက်ဘူးက
မကြိုက်ဘူးပဲ။ ဒဲ့ပဲ။

ဒါနဲ့ တရက် ... အဲ့ကောင်
ကားပေါ်ကို ကဆုန်ဆိုင်း
ပြေးတက်ပြီး သားကြီးတို့
ငါအဖြေရပြီ ကွ အဖြေရပြီကွ
ဆိုပြီး ပြောတော့လည်း အံ့သြပြန်ရော။

မည်သို့ မည်ပုံ လုပ်လိုက်လဲတော့မသိ။
တကယ်ကြီး အဖြေရလာတာဗျား။
တကယ့် ဇွဲကတော့ မသေးတဲ့ ဘဲ။

ဒီကောင့်မှာ လေးစားစရာအချက်က
သူလိုချင်တဲ့ အရာကို မရရအောင်ကို
ယူတဲ့ ဇွဲပဲ။

ကိုယ်တွေဆို ကိုယ်တွေကို မကြိုက်လို့
ငြင်းပြီဆိုရင် လစ်ပဲ။

မကြိုက်ရင်နေပေါ့။
စော်တွေ အများကြီးပဲကို
နောက် တယောက်သွားကြောင်မှာပေါ့။

ဒီကောင်ကျတော့ မရဘူး။
ဒီကောင်မလေးမှ ဒီကောင်မလေး။
သူကလွဲရင် ကျန်တာ ဖွဲ ၊ဇကွဲ ၊ သဲပဲ။

တကယ်လည်း ဒီတယောက်ထဲကို
တသက်လုံး ချစ်သွားပြီး
ဒီတယောက်က ချစ်လာတဲ့အချိန်အထိ
စိတ်ရှည်ရှည်နဲ့ စောင့်ပြီး ရအောင်
လက်ထပ်ယူသွားတာတော့
တကယ်လေးစားတယ်။

ကျွန်တော့အမြင်တော့
အချစ်ရေးနဲ့ ပတ်သက်ရင်
ဒီကောင်က ဆရာအဆင့်မှာရှိနေတယ်။
သွားရှုပ်လို့ မရဘူး။

အခုဆို သူချစ်တဲ့သူနဲ့ ဘဝတခု
တည်ဆောက်ထားပြီး အရမ်း
ပျော်စရာကောင်းတဲ့မိသားစုလေးပါ
ပိုင်ဆိုင်နေပြီ။

( ကလေးနှစ်ယောက်လုံး အမေတူတာက
ပိုဝမ်းသာစရာကောင်းတယ်။ )

အမှန်အတိုင်း ပြောရရင်
အချစ်ရေးတို့ RS တို့နဲ့
ပတ်သက်ရင်တော့ သူ့အတွေးအခေါ်
အရေးအသားတွေက
တကယ်ကြီးကိုမိုက်ပါတယ်။

ကိုယ့်ကိုမချစ်မနှစ်သက်တဲ့သူက
ချစ်လာဖို့က တကယ်ကြီး မလွယ်တဲ့ကိစ္စ။

ပြန်ချစ်လာဖို့ ကြိုးစားရာမှာ Strategy တွေ
လိုတယ်။စိတ်ခွန်အားတွေ လိုတယ်။
ခံယူချက်တွေလိုတယ်။

154

Sint Nyi

20 Jan, 01:29

" လူ့တန်ဖိုး " ဆိုတာ
လူရဲ့ အတွင်းထဲမှာပဲရှိတယ်။

လူရဲ့ အတွင်းထဲက
" ကိုယ်ကျင့်တရား " က
" လူ့တန်ဖိုး " ပဲ။

လူရဲ့အတွင်းထဲက
" ကိုယ်ချင်းစာတရား" က
" လူ့တန်ဖိုး " ပဲ။

လူရဲ့အတွင်းထဲကမေတ္တာတရား က
" လူ့တန်ဖိုး " ပဲ။

အပေါ်ယံ အရာအားလုံး
ပြည့်စုံနေပေမယ့် တကယ့်
တန်ဖိုးဖြစ်တဲ့ ..

" မေတ္တာတရား " တွေ
" ကိုယ်ချင်းစာတရား " တွေ
" ကိုယ်ကျင့်တရား " တွေမရှိရင်
အလကားပဲ။

လူတစ်ယောက်ရဲ့တန်ဖိုးက
အဲဒီလူ ရဲ့အတွင်းမှာပဲရှိတယ်။

အဲဒါကို တန်ဖိုးရှိတဲ့လူအချင်းချင်းပဲ
မြင်ရတယ်။

Sint Nyi
5.1.25

160

Sint Nyi

20 Jan, 01:28

ဆရာတစ်ယောက် ဆုံးမတာလေး
အရမ်း သဘောကျမိတယ်။

" ကိုယ်က တနေရာရာမှ တော်နေ၊
တတ်နေခဲ့ရင်တောင် ...

ကိုယ်ဘယ်လောက် တော်ကြောင်းကို
လူတွေ အရှေ့မှာ
ကိုယ်ရည်မသွေးမိစေနဲ့တဲ့"

မင်းက တကယ်တော်တဲ့လူ ဆိုရင် ...

လူတွေကို မင်း တော်တဲ့အကြောင်း
လိုက်ပြောနေဖို့ မလိုဘူး။

မင်းပတ်ဝန်းကျင်က လူတွေက
မင်းလုပ်ရပ်ကို ကြည့်ပြီး
မင်းတော်ကြောင်း တတ်ကြောင်းကို
ထုတ်ပြီး ပြောလာကြလိမ့်မယ်တဲ့။

ပြီးတော့ ...

" လူညံ့တွေ အများစုကပဲ
သူများကို ချိုးနှိမ်ပြီးမှ ကိုယ်ရည်သွေး
တတ်ကြတာမလို့ ...

" သူများ မကောင်းကြောင်း
ကိုယ့် ကောင်းကြောင်း ပြောပြီး
ကိုယ်ရည်သွေးတဲ့ အလုပ်လည်း
ဘယ်တော့မှ မလုပ်မိစေနဲ့တဲ့ "

ဆရာ့စကားတွေ အခုထိ
မှန်နေတုန်းပဲမလို့ ပြန်ပြီး sharing
လုပ်ပေးလိုက်ပါတယ်။

Sint Nyi
6.1.25

227

Sint Nyi

20 Jan, 01:28

" လူတစ်ယောက်ကို
ငါး သွားပေးတာက အဲဒီလူကို
တစ်ရက်စာ ဗိုက်ပြည့်ဖို့ အစာကျွေးတာနဲ့
တူတယ်" တဲ့။

" အဲဒီလူကို တသက်စာ
ဗိုက်ပြည့်စေချင်ရင်တော့ ငါးမျှားနည်း သင်ပေးလိုက်ပါ "တဲ့ ။

ကျွန်တော်ဖတ်ဖူးတဲ့ English
စကားပုံထဲက စာသားလေးတခုပေါ့။

ကျွန်တော်တော့ ခြေအကောင်း
လက်အကောင်းနဲ့ တောင်းစားနေတဲ့
လူတွေကို ငွေမပေးဖြစ်ပေမယ့် ...

ရောင်းစားနေ တဲ့လူတွေကိုတော့
တတ်နိုင်တာ အားပေးဖြစ်တယ်။

ဖြစ်နိုင်ရင် သန်စွမ်းကျန်းမာပြီး
တောင်းစားနေတဲ့ လူတွေကို
ငွေပေးတဲ့ အလုပ်တွေ
သိပ်မလုပ်ပါနဲ့။

သက်ကြီးရွယ်အိုတွေ
စားဝတ်နေရေးအတွက်
တောင်းစားတာကို ကူညီချင်လို့
ပေးတာ ပြသနာမရှိပေမယ့် ၊

လမ်းပေါ်မှာ ကလေးချီပြပြီး
တောင်းတာတို့ ၊

ကလေးတွေ ပိုက်ဆံလိုက်
တောင်းတာတို့ဆို မပေးသင့်ပါဘူး။

ရှိတာလေး တခုခုကို
ရောင်းနေတာဆိုရင်တော့
အားပေးသင့်ပါတယ်။

ဘာလို့လဲဆိုတော့ သူတို့က
တောင်းစားတတ်တဲ့
အချောင်သမားတွေ မဟုတ်ကြလို့ပါ။

တယောက်ယောက်က
ငါးမျှားနည်း သင်ပေးသွားလို့
တတ်နိုင်သလောက်လေး
ရှိတာလေးတွေကို နေပူထဲမှာ
ရောင်းဖို့ကြိုးစားနေကြတာပါ။

သွားရင်းလာရင်း တတ်နိုင်သလောက်
လိုလို မလိုလို ဝယ်ပေးလိုက်ပါ။

ကိုယ်လည်း ကုသိုလ်ရသလို
နေပူထဲက သူတို့လည်း ဝမ်းဝတာပေါ့။

တောင်းစားတဲ့သူတွေထက်
ရောင်းစားတဲ့သူတွေကို ပိုပြီး
Support ပေးသင့်တယ်မဟုတ်လား။

156

Sint Nyi

20 Jan, 01:28

အသက် (၂၀) နဲ့ (၃၀) ကြားအရွယ်က
ဘဝမှာ အခက်ခဲဆုံးကာလတွေကို
ဖြတ်ကျော်ရတတ်တဲ့ အရွယ်ပဲ။

အဲဒီအရွယ်မှာ အမှားတွေ
အများကြီး လုပ်တတ်ကြတယ်...

အဲဒီ အရွယ်မှာ လမ်းတွေလည်း
ပျောက်တတ်ကြတယ်။

အဲဒီအရွယ်မှာ ချစ်ရတဲ့သူတွေလည်း
ဆုံးရှုံးရတတ်တယ်။

အဲဒီအရွယ်မှာ ကိုယ့်ကိုယ်ကို
ယုံကြည်မှုတွေလည်း ပျောက်ဆုံး
တတ်ကြသေးတယ်။

ပြီးတော့ ...

အမှားတွေကနေ သင်ယူတတ်လာ
ကြတာလည်း ဒီအရွယ်ပဲ။

အားနည်းချက်တွေကို ပြန်မြင်နိုင်
လာတာလည်း ဒီအရွယ်ပဲ။

မိတ်ဆွေစစ်တွေကို သိလာရမှာလည်း
ဒီအရွယ်ပဲ။

ဒီအရွယ်မှာပဲ ကိုယ်လုပ်ခဲ့မိတဲ့
အမှားတွေကို ပြန်မြင်လာပြီး ပြုပြင်ဖို့
ကြိုးစားလာတတ်ကြတာ။

ဒီအရွယ်ကို ရောက်ဖူးတဲ့လူတိုင်း
အနိမ့်၊ အမြင့် ၊ အတက်၊ အကျ
ကြမ်းတဲ့ ဒဏ်ကိုခံရကြတာပဲ။

ဒီတော့ စိတ်မညစ်နဲ့။
စိတ်ဓာတ်မကျနဲ့။

အချိန်တန်ရင် လမ်းအသစ်တွေ
တွေ့လိမ့်မယ်။

ကိုယ့်ကိုယ်ကို ပြန်ရှာတွေ့လိမ့်မယ်။

ကိုယ့်ကိုယ်ကို မပျက်စီးအောင်နေရင်း
ရပ်မနေပဲ ဆက်လျှောက်နေဖို့ပဲ
လိုတာပါ။

Keep going guys.

Sint Nyi
7.1.25

156

Sint Nyi

20 Jan, 01:28

လူတွေက " အသက်အရွယ်ကြောင့် "
ရင့်ကျက်လာကြတာ မဟုတ်ဘူး။

" အတွေ့အကြုံတွေကြောင့်" သာ
ရင့်ကျက် လာကြတာ။

အသက်အရွယ်က ပိုမိုမြင့်မားတဲ့
ဘဝကို ပို့ပေးတာ မဟုတ်ဘူး။

အတွေ့အကြုံတွေကပဲ
ပိုမိုမြင့်မားတဲ့ ဘဝကိုပို့ပေးတာ။

အဲဒီလို အတွေ့အကြုံတွေရဖို့
အလုပ်တွေ လုပ်နေဖို့ လိုတယ်။

ပတ်ဝန်းကျင် ကို လေ့လာနေဖို့
လိုတယ်။

ကိုယ့်အမှားတွေကနေ သင်ယူဖို့
လိုသလို ...

သူများတွေ ရဲ့အမှားတွေကနေလည်း
သင်ခန်းစာ ယူတတ်ဖို့လိုတယ်။

အခုလုပ်နေတဲ့ အလုပ်က ဝင်ငွေနည်းလို့
ဘာမှအကျိုးမရှိဘူးမထင်နဲ့။

အတွေ့အကြုံတွေ ရတယ်။
မိတ်ဆွေကောင်းတွေ ရမယ်။
တန်ဖိုးရှိတဲ့ အတွေးအခေါ်တွေလည်း
ရလာမယ်။

အလုပ်လုပ်ရင်း ငွေမစုမိလို့
စိတ်မညစ်နဲ့ စိတ်မပျက်နဲ့။

အခုရလာတဲ့ အတွေ့အကြုံတွေက
နောက်ထပ် Level တစ်ခုရောက်ဖို့အတွက် အရေးကြီးတဲ့ လောင်စာဆီ ပဲ။

Just keep going guys !

Sint Nyi
10.1.25

168

Sint Nyi

20 Jan, 01:27

ဘယ်လောက်ပဲ မဟုတ်မခံစိတ်
ရှိတဲ့လူ ဖြစ်ဖြစ် " ထားလိုက်ပါကွာ "
ဆိုပြီး လျှော်ပေးလိုက်သင့်တဲ့
အချိန်ဆိုတာ ရှိတယ်။

ကိုယ်က " ကျား" မှန်ရင် ကိုယ့်ကို
မခန့်လေးစား လာလုပ်တဲ့ ခွေးတိုင်းကို
ကိုယ်က "ကျား" ဖြစ်ကြောင်း
လိုက်ပြီးသက်သေ ပြနေဖို့မှမလိုတာ။

ခွေးကို နိုင်လို့လည်း ကျားအတွက် ဂုဏ်တက်စရာလည်း မရှိပါဘူး။

ခွေးကခွေး အလုပ်လုပ်ပြီး။
ကျားက ကျားအလုပ် လုပ်ရမှာပဲ။

ဒီတော့ ဆုံးမသင့်တဲ့ တချို့ကို
ဆုံးမပြီး ၊ ဥပေက္ခာပြုသင့်တဲ့တချို့ကို ဥပေက္ခာ ပြုပါ။

ခွေးသဘာဝ ကတော့ မနိုင်ရင်
အဝေးက ဟောင်တာပါပဲ။

အဲဒီလို ခွေးတွေ လိုက်ဟောင်နေတိုင်း
ထပြီး မဆုံးမပါနဲ့။
အချိန်ကုန်ပါတယ်။
အလုပ်ပျက်ပါတယ်။

ကိုယ့်ကို ကိုက်ဖို့အထိ အတင့်ရဲလာတဲ့
အဆင့် ရောက်မှ ထပြီး ဆုံးမလိုက်ပေါ့။

ကျွန်တော်တော့ တချို့ဟောင်နေတဲ့
ခွေးတွေကို အာရုံသိပ်မရဘူး။

ခွေး ကလည်း ခွေး အလုပ်လုပ်နေသလို
ကျားက လည်း ကျား အလုပ်လုပ်နေတာ
အကောင်းဆုံးပဲ။

Sint Nyi

189

Sint Nyi

20 Jan, 01:27

လူပျောက်ပို့စ်တွေ အရမ်းများလာလို့
သတိထားဖို့ ရေးပေးတာပါ။

ဒီကိစ္စကို ကာယကံရှင်မိသားစုက
လွန်ခဲ့တဲ့ သုံးရက်လောက်ကတည်းက
လာပြောပြပေမယ့် ...

ကာယကံရှင်တွေတောင်
အမှုဖွင့်တာတို့ ဘာတို့ မလုပ်တော့
ကိုယ့်ကိစ္စလည်းမဟုတ်ပါဘူးလေ
ဆိုပြီးနေနေခဲ့တာ။

ဒါပေမယ့် ဒီသုံးရက်အတွင်း လူပျောက်
ပို့စ်တွေများနေလို့ တချို့လူငယ်တွေနဲ့
မိဘတွေ သိစေချင်လို့တင်ပေးတာပါ။

ဖြစ်စဥ်က ကျွန်တော့အသိအမရဲ့
တူလေးက နေ့လည်ဘက်ကြီးကို
သင်တန်းတခုသွားဖို့ ကားစောင့်နေတုန်း
လူနှစ်ယောက်က တယောက်တဖက်စီ
လက်ကိုကိုင်ပြီး ကားပေါ်ဆွဲတင်
သွားပါတယ်။

ဒါနဲ့ကားပေါ်ရောက်တော့ သူတို့က
အဖွဲ့အစည်းတခုက လို့ပြောပြီး
မင်းမှာ ဆေးတွေပါလာတယ်
သတင်းရလို့ဖမ်းတယ်ပြောပါတယ်။

ဒါနဲ့ကလေးက ကျွန်တော့မှာ
ဘာမှမပါပါဘူးပြောပေမယ့်လည်း
စခန်းရောက်မှရှင်းဆိုပြီးတော့
လက်ကို လက်ပြန်ကြိုး တုပ်ပါတယ်။

ပြီးတော့ လူရှင်းတဲ့ ကုန်းတံတားတစ်ခုအောက်ကိုမောင်းသွားပြီးတော့
မင်းကေပေးထဲမှာပိုက်ဆံပါလား။

ပါရင် သိန်း (၃၀) ပေး ။ လွှတ်ပေးမယ်
ပြောပါတယ်။

တကယ်က အဖွဲ့အစည်း
အယောင်ဆောင်ပြီး ဖမ်းသွားတာပါ။

ကောင်လေးကမပါတော့ မပါရင်
အိမ်ကိုလှမ်းဆက်ဆိုပြီး အိမ်ကို
ဆက်ခိုင်းပါတယ်။

အိမ်ကိုဆက်တော့ အိမ်ကအဒေါ်ကို
ငွေတောင်းပါတယ်။

အဒေါ်ကလည်း သူ့တူ
ငွေလိမ်တောင်းတယ် ထင်ပြီး
မပေးနိုင်ဘူးပြောတော့ ကလေးကို
ဝိုင်းရိုက်ပါတယ်။

ထွက်ပြေးတော့ လိုက်ဖမ်းပြီး
လူသုံးယောက်သံတုတ် သုံးချောင်းနဲ့
ရိုက်မယ် တကဲကဲလုပ်နေလို့
ပြန်တောင်းပန်ရပါတယ်တဲ့။

ဒါနဲ့ နောက်ဆုံး အဒေါ်လုပ်တဲ့သူက
သိန်း(၂၀)နဲ့ညှိပြီး လွှဲပေးလိုက်မှ
တက်စီပေါ်တင်ပြီး လွှတ်ပေးပါတယ်။

ကလေးက အိမ်ရောက်တော့
အမှုဖွင့်မယ်ပြောပေမယ့်
အဒေါ်က သူတို့လိပ်စာ သိသွားမှာ
ကြောက်နေတာနဲ့ မဖွင့်ဖြစ်ဘဲ
ကျွန်တော့ဆီ လာပြောပြတာပါ။

တကယ်တမ်း ရေဆုံးမြေဆုံး
လိုက်ချင်ရင် သဲလွန်စတွေက
အများကြီးပါ။

ကေပေးလွှဲတဲ့ဖုန်းတို့။
ကားနံပတ်တို့။
သူတို့ဆက်တဲ့ဖုန်းတို့။
ပြီးတော့ သူတို့ရုပ်တွေကအစ
ကလေးက မှတ်မိပါတယ်။

ကာယကံရှင်ကိုယ်တိုင်က
အမှုမဖွင့်ချင်တာ ဖြစ်တော့
ဘေးလူက ဘာမှကူပေးလို့
မရပါဘူး။

သူတို့တောင် ဘာမှမလုပ်ကြတာ
ငါနဲ့လည်းမဆိုင်ဘူးလေလို့
နေနေပေမယ့် ဒီရက်ထဲကို
လူငယ်တွေအရမ်း ပျောက်နေတော့
ဒါနဲ့ ဆက်စပ်နေမလားတင်ပေးတာပါ။

လူငယ်တွေအပြင်ထွက်ရင်
သတိထားကြပါ။ အခုလို
ဖြစ်စဥ်ကြုံလာရင် ဘယ်လို
လုပ်ကြမလဲဆိုတာကို မိဘတွေနဲ့
ကြိုတင်တိုင်ပင်ထားပါ။

မဖြစ်ရင်ကောင်းပေမယ့်
ဖြစ်ခဲ့သည်ရှိသော် Plan တခုခု
လုပ်ထားပါ။ လာဖမ်းတုန်း
အော်သင့်ရင်အော်ပါ။

ဘေးလူတွေအနေနဲ့ကလည်း
အော်နေတဲ့လူငယ်တွေ့ရင်
ဝိုင်းကူညီဖို့ လည်းလိုပါတယ်။

ဖြစ်လာခဲ့ရင်လည်း
ငွေပေးခဲ့ရရင်လည်း သက်ဆိုင်ရာမှာ
အမှုဖွင့်ဖို့ လည်တိုကိတွန်းချင်ပါတယ်။

ဒါမှလည်း နောက်လူတွေ
ထပ်မကြုံတော့မှာပါ။

အခုကြုံခဲ့ရတဲ့ မိသားစုဝင်တွေရဲ့
အချက်အလက် ေတွ
အချိန်တွေ နေရာတွေကို Safety အရ
သက်သက်မဖော်ပြထားတာပါ။

Detail အကုန်ရှိပါတယ်။

အားလုံးပဲ သွားတာ လာတာ
သတိထားကြဗျာ။

207

Sint Nyi

20 Jan, 01:27

ကိုယ့်ခွက်ထဲမှာ " ပြည့်" မနေရင်
သူများခွက်ထဲကို " ဖြည့်" ပေးဖို့
ခက်သလို ...

ကိုယ့်လက်ထဲမှာ ငွေမရှိရင်
သူများကိုကူညီဖို့ကလည်း ခက်ပါတယ်။

အားနည်းတဲ့လူတွေကို ကူညီချင်ရင်
ကိုယ်တိုင် သန်မာလာအောင်
အရင်လုပ်။

" မရှိ" တဲ့လူတွေ ကို ကူည်ိီချင်ရင်
ကိုယ့်တိုင်"ရှိ" လာအောင် အရင်လုပ်။

" ကိုယ့်မှာမရှိရင် ဘယ်သူ့မှာမှ
မရှိဘူးဆိုတဲ့စိတ် " မွေးပြီး
ကိုယ့်ကိုယ်ကို အရင်တည်ဆောက်ပြီးမှ
သူများကို တည်ဆောက်ပေးပါမိတ်ဆွေ။

Sint Nyi
12.1.25

167

Sint Nyi

20 Jan, 01:27

နေပြည်တော်အိမ်မှာ နေတုန်းက
ဘေးကပ်ရပ်အခန်းမှာ အသက်(၇၀)
ဝန်းကျင် ဘွားတော်တစ်ယောက်
ရှိတယ်။

အမြဲတမ်းပြုံးပြုံး ပြုံးပြုံးနဲ့
အန်တီကြီး။

မနက်ဆိုစျေးသွားတယ်။
ဟင်းချက်တယ်။ နေ့လည်ရောက်တာနဲ့
သူ့သူငယ်ချင်း အန်တီကြီး
သုံးလေးယောက် ရောက်လာပြီဆို
တရားခွေဖွင့်ပြီး အတူတူ
တရားနာကြတော့တာပဲ။

အဲဒါက နေ့စဥ်အလုပ်။
ကိုယ်လည်း အပြင်က ပြန်လာတာနဲ့
အိမ်ပြန်ရောက်တာနဲ့ ဘေးအခန်းက
တရားသံကြားရင် ကြည်နူးရတယ်။
တကယ်စိတ်ချမ်းသာတာ။

ဒါနဲ့ တရက် ကျတော့ နေ့ခင်းဘက်ကြီး
ဘေးတိုက်မှာ မီးလန့်ပါလေရော။

ဒါနဲ့ အခန်းတွေအကုန်လုံးက
သယ်စရာရှိတာတွေသယ်ကြ
ပြေးကြနဲ့ ပွက်လောရိုက်နေတုန်း

အန်တီကြီးတို့ အခန်းက တရားခွေ
အကျယ်ကြီးဖွင့်ထားတော့ မီလောင်တာကို
မသိလိုက်ဘူးထင်ပါရဲ့။

ဒါနဲ့ ကိုယ်လည်း စိတ်ပူပြီး
တံခါးပြေးခေါက်တော့
တော်တော်နဲ့ ဖွင့်မလာတော့
ပိုပြီး စိတ်ပူသွားတာနဲ့ ဖြစ်ချင်တာဖြစ်ကွာ
ဆိုပြီး တံခါးကို ပုခုံးနဲ့ ပစ်တိုက်
လိုက်တော့ တံခါးကြီးက
ဝုန်းကနဲ့ပွင့်သွားတာနဲ့ ...

ဧည့်ခန်းထဲက တီဗ်ီမှာ တရားခွေ
အကျယ်ကြီး ဖွင့်ထားပေမယ့်
လူကျ တစ်ယောက်မှ မတွေ့ရဘူး။

ဒါနဲ့ စိတ်ပူပြီး အထဲက
အခန်းတံခါးဖွင့်ကြည့်တဲ့အချိန်

အိမ်ရှင်ဘွားတော်ကြီးက သူ့ရှေ့မှာ
ပိုက်ဆံ အပုံလိုက်ကြီး ချထားပြီး
ဖဲနှစ်ချပ်ကို ပယ်ပယ်နယ်နယ်ကြီး
ပွတ်နေတာဗျား။

ဒါနဲ့ ကိုယ်ကလည်း မမျှော်လင့်တဲ့
ဒီမြင်ကွင်းကြ်ိီး မြင်လိုက်ရတော့
ဘာပြောရမှနိးမသိ...

ဘွားတော်တသိုက်ကလည်း
မမျှော်လင့်ပဲ ဝင်လာတဲ ကိုယ့်ကိုမြင်လိုက်တော့ ဘာပြောရမှန်းမသိ

ဒါနဲ့ကိုယ်လည်း အားနာသွားပြီး
အန်တီ " မီး " .. " မီး " လို့ အလောတကြီး
ပြောတော့ အိမ်ရှင်ဘွားတော်က

" ရှမ်းကိုးမီး " လေတဲ့ ...

ကိုယ်လည်း $ ရမ်းရယ်ချင်ပေမယ့်
စိတ်ကို မနည်းထိန်းပြီး

အန်တီ အဲဒီ " မီး " ကို ခဏထား ..

" အခု ဘေးတ်ိုက်မှာ မီးလောင်နေတယ် "
ပြောတော့မှ " ဟယ် ဒုက္ခပါပဲ " ဆိုပြီး
ပိုက်ဆံတွေကို အလုအယက်
သိမ်းပြီး အောက်ပြေးဆင်းကြပါလေရော။

ဒါနဲ့ အောက်ရောက်တဲ့အချိန်
ဘေးတိုက်ကလည်း မီးငြိမ်းသွားပြီ
ကြားတော့မှ ...

စိတ်အေးလက်အေး ဖြစ်သွားလို့
ဘွားတော်ကို အဆင်ပြေလား
ဘာညာ သွားမေးတော့မှ
သူစိတ်ပျက်လက်ပျက် ဖြေသံကို
ကြားပြီး ကိုယ့်မှာ ရယ်ချင်စိတ်ကို
မနည်း ထပ်ထိန်းလိုက်ရတယ်။

သူပြောသွားတာက

"၇" (၂)ဆ နဲ့ စားရမယ့်
အလှည့်ကျမှ သားရယ် " တဲ့။

Fun စာအုပ်
Sint Nyi

223

Sint Nyi

20 Jan, 01:26

လူတွေက " ခပ်တန်းတန်း "
ဖြစ်သွားတာကိုပဲ မြင်တတ်ကြတာ။

တကယ်က…

" ခပ်တန်းတန်း" ဖြစ်သွားတာရဲ့
နောက်ကွယ်မှာ ...

" ခပ်လှမ်းလှမ်း " ကျော်မိသွားတဲ့
" စည်း " တွေ ရှိနေတာကိုလည်း
မြင်အောင်ကြည့်တတ်ဖို့ လိုပါတယ်။

Sint Nyi
16.1.25

239

Sint Nyi

20 Jan, 01:26

ကိုယ် ဒုက္ခရောက်ခဲ့စဥ်တုန်းက
ငါ ဒုက္ခရောက်နေတာ သိရဲ့နဲ့တောင်
ဘယ်သူမှ လာမကူညီကြဘူးဆိုပြီး
အသိတွေအပေါ် စိတ်ဆိုးခဲ့မိဖူးတယ်။

ဖြေရှင်းရင်းနဲ့ ပြန်အဆင်ပြေသွားတဲ့
အချိန် သူ့ဘက် ကိုယ့်ဘက်
ပြန်တွေးကြည့်မိတော့ မှ ရှက်မိတာ။

တကယ်ကလေ ..

" ကိုယ် ဒုက္ခရောက်တာကို
လာကူညီဖို့ ဘယ်သူ့မှာမှကို
တာဝန်မရှိတာပါ။ "

ကိုယ်လုပ်ရပ်တွေကြောင့်ပဲ
ဒုက္ခ တွေ့တွေ့ ၊
သူများ လာဒုက္ခပေးလို့ပဲ
ဒုက္ခ တွေ့တွေ့၊
ကံဆိုးလို့ပဲ ဒုက္ခတွေ့တွေ့၊
ဘာအကြောင်းကြောင့် ဒုက္ခတွေ့တွေ့

ကိုယ့်ရဲ့ဒုက္ခတွေက ကိုယ်နဲ့ပဲဆိုင်ပြီး
ကိုယ့်မှာပဲ တာဝန်ရှိတာပါ။

ကိုယ့်ဒုက္ခတွေကို လာကူညီဖို့ကလည်း
ဘယ်သူ့မှာမှ တာဝန်ရှိမနေပါဘူး။

ကိုယ့်မှာပဲ တာဝန်အပြည့်ရှိတာမလို့
ဒုက္ခရောက်နေရင် ဟိုလူ၊ ဒီလူ
လာကယ်တာကို မစောင့်ပါနဲ့။

အဲဒီ ဟိုလူ၊ ဒီလူတွေမှာလည်း
သူ့ဒုက္ခနဲ့ သူ ရှိနေကြတာပါ။

ဒုက္ခသေးတာ၊ ကြီးတာ၊
နည်းတာ ၊ များတာပဲကွာသွားတာပါ။

ဒီတော့ " ငါ ဒုက္ခရောက်တဲ့အချိန်
လာမကူရကောင်းလား " ဆိုပြီး
ဘယ်သူ့ကိုမှ စိတ်မဆိုးမိပါစေနဲ့။

ဘယ်သူ့ဆီကမှ ဘာမှမမျှော်လင့်ပဲ
ကိုယ့်ပြဿနာတွေ ကို
ကိုယ်တိုင် ပြေလည်အောင်ဖြေရှင်းပါ။

ကိုယ့်တာဝန် ကိုယ်ယူပါ။
ကိုယ့်အား ကိုယ်ကိုးပါ။

ဒါကိုမှ ကိုယ်ချင်းစာလို့
လာပြီး ကူပေးတဲ့ သူရှိတော့လည်း
Bonus လို့မှတ်လိုက်ပေါ့။

မျှော်လင့်ထားပြီး မရရင်
စိတ်ပင်ပန်း ရသလို
မမျှော်လင့်ပဲ ရပြန်ရင်လည်း
ပျော်ရတာမလို့

ဘယ်သူ့ဆီကမှ ဘာမှမမျှော်ပါနဲ့။
မမျှော်လင့်ဘဲနဲ့ ရလာတော့လည်း
ပိုပျော်ရတာပေါ့။

အခုကြုံနေရတဲ့ ဒုက္ခတွေ
ပြဿနာတွေအားလုံးရဲ့ အဖြေက
ဘယ်သူ့ဆီမှာမှ မရှိဘူး။
သင့်ဆီမှာ ပဲရှိတယ်။

အခုကြုံနေရတဲ့ ပြဿနာတွေကို
ဖြေရှင်းနိုင်မယ့်သူကလည်း
တခြားလူမဟုတ်ဘူး။
သင်ကိုယ်တိုင်ပဲ။

လက်ရှိဒုက္ခတွေ၊ ပြဿနာတွေ
အားလုံးကို ကိုယ့်အားကိုယ်ကိုးပြီး
အမြန်ဆုံး ဖြေရှင်း ပြေလည်နိုင်ကြပါစေဗျာ။

Sint Nyi
201.25

416

Sint Nyi

01 Jan, 07:29

" စာအရှည်ကြီးရေးတာ ကြည့်မရဘူး" ဆိုပြီး
တကူးတက လာမန့်လို့ ..

" ကြည့်မရရင် မဖတ်နဲ့လေ ။ မင်းကို
ချက်ဘောက်ကနေ လိုက်ပို့နေတာမှ
မဟုတ်တာ "လို့ တကူးတက
ပြန်မန့် လိုက်တော့ ...

" ဒါလေး စတာလေးတောင် မခံနိုင်ဘူးလား" တဲ့။

တချို့ ကြပ်မပြည့်တဲ့ လူတွေမှာက
" စတာနဲ့ စော်ကားတာကို ခွဲခြားနိုင်တဲ့
ဥာဏ်ရည်မျိုး " ရှိကိုမနေတာ။

ပျော်ပျော်နေတတ်တာ ကောင်းပေမယ့်
အခြေအနေ အချိန်အခါတော့
သိဖို့လိုတာပေါ့။

သူများတွေ ခွီနေကြတာလား။
စကား အကောင်းပြောနေတာလား။
ဝမ်းနည်းနေကြတာလား တော့
သိဖို့လိုတာပေါ့။

အခွီပို့စ်မှာ ကြိုက်သလောက်ခွီလို့ရပေမယ့်
အတည်တွေပြောနေတဲ့ အချိန်
$ Khwat လာမပြောင်မိဖို့တော့လိုတာပေါ့။

ကျွန်တော်ကတော့ စိတ်ရှည်သည်းခံပြီး
သဘောကောင်းတဲ့ အထဲမှာ
မပါတဲ့အတွက် ကိုယ့်အပေါ်
အထာမထား တဲ့လူတွေကို သိသိမသိသိ
ကိုယ်လည်းအထာ မထားပါဘူး။

ကိုယ့်ကို စော်ကားပြီးမှ
စတာပါ ပြောရင် ကိုယ်လည်း
ပြန်စော်ကားပြီး စတာပါပြောဖို့
ဝနိမလေးတဲ့ သူမျိုးပါ။

ပေါ်တင်ကြီး လာစော်ကားပြီးမှ
ဆဲခံရတော့မှ စတာလေးကို
စိတ်ဆိုးတာလား လာလုပ်လို့မရဘူး။

စတာ နောက်တာ မမှားဘူး။
အခြေအနေ အချိန်အခါတော့
ကြည့်ဖို့ ၊ သိဖို့ ၊ အသိဥာဏ်လေးတော့
ရှိဖို့ လိုတယ်ဆိုတာ ပြောချင်တာ။

962

Sint Nyi

01 Jan, 07:29

လူတိုင်း မှာ " ရှင်သန်စရာ အကြောင်းအရင်း "
ဆိုတာ ရှိတယ်။

ဘဝကိုနေ့တိုင်း အဓိပ္ပာယ်ရှိရှိနဲ့
ဆက်ပြီး ရှင်သန် နေရတဲ့အကြောင်းအရင်းပေါ့။

အဲဒါ ဆင်းရဲတာ ချမ်းသာတာ နဲ့
မဆိုင်ဘူး။

မီလျှံနာသူဌေးတွေ ၊
ကမ္ဘာကျော် အနုပညာရှင်တွေ တောင်
" ရှင်သန်စရာ အကြောင်းအရင်း "
မရှိတော့ရင် ဘဝကို
အရှုံးပေးသွားတတ်ကြပါတယ်။

" ရှင်သန်စရာ အကြောင်းအရင်း "
ရှိနေတဲ့လူတွေ ကျပြန်တော့လည်း
ခြေထောက် အောက်ပိုင်း
လုံးဝ မရှိတော့တာတောင်
ဘဝကို ခက်ခက်ခဲခဲနဲ့ အဆင်ပြေသလို ဆက်ပြီး
ဖြတ်သန်းပြီး ရှင်သန်နေတာ
မြင်ဖူးတယ်။

လူတိုင်းမှာ " ရှင်သန်စရာ အကြောင်းအရင်း "
ရှိရတယ်။ ရှိဖို့လည်း လိုအပ်တယ်။

ကျွန်တော့်တုန်းကတော့
မိသားစုမျက်နှာငယ်ပြီး ကျန်ခဲ့ကြမှာစိုးလို့
Thatမသေဖြစ်ခဲ့တာ။
အဲဒါက ကျွန်တော့ရဲ့
" ရှင်သန်စရာအကြောင်းအရင်း " ဖြစ်ခဲ့တယ်။

လူဖြစ်တဲ့အတွက်
လဲကျတဲ့အချိန်တွေရှိမယ်။

မွဲတဲ့အချိန်တွေရှိမယ်။

အသဲကွဲတဲ့အချိန်တွေရှိမယ်။
သစ္စာဖောက်ခံရတဲ့ အချိန်တွေလည်း
ရှိကြမှာပဲ။

အဲဒါတွေ ကြုံလာရင်
ပြိုလဲလို့ ရပါတယ်။
စိတ်ဓာတ်ကျလို့ လည်း ရတယ်။
ကြေကွဲ ဝမ်းနည်းလို့လည်း ရတယ်။

But ...

" ရှင်သန်စရာ အကြောင်းအရင်း "ကိုတော့
မေ့မသွားဖို့လိုပါတယ်။

ကိုယ့်ရဲ့ " ရှင်သန်စရာအကြောင်းအရင်း" က
မိဘတွေ ဖြစ်ချင်ဖြစ်မယ်။

ကိုယ့်မိသားစုဝင်တွေ ဖြစ်ရင်ဖြစ်မယ်။
ကိုယ့် သားသမီးဖြစ်ရင်ဖြစ်မယ်။
မွေးထားတဲ့ တိလေးတွေ ဖြစ်ရင်ဖြစ်မယ်။
တခုမဟုတ်တခုပေါ့။

တခါတလေ မခံနိုင်တဲ့ ဖိအားတွေ
နာကျင်မှုတွေကြုံလာရတဲ့အခါ
လူတွေက " ရှင်သန်စရာအကြောင်းအရင်း " ကို
မေ့သွားတတ်ကြပြိီး ဘဝကို လွယ်လွယ်နဲ့
အရှုံးပေးသွားတတ်ကြတယ်။

ဒုက္ခပြဿနာတွေ၊ ကိုယ်မဖြေရှင်းနိုင်တော့ဘူးလို့
ထင်ရတဲ့ အခက်အခဲ တွေကြုံလာခဲ့ရင်
ဘဝကိုလွယ်လွယ်နဲ့ အရှုံးပေးဖို့ မစဥ်းစားပါနဲ့။

ကိုယ့်ရဲ့ " ရှင်သန်စရာအကြောင်းအရင်း "
လေးတွေရှိတာကို ပြန်သတိရပါ။

သူတို့အတွက် ဆက်ပြီး ရှင်သန်ပါ။
သူတို့အတွက် ဆက်ပြီး အပင်ပန်းခံပါ။
ကိုယ့်ကြောင့် သူတို့တွေ မျက်မှာငယ်ပြီး
ကျန်ခဲ့ရမယ့် ဘယ်ကိစ္စကိုမှ မလုပ်မိပါစေနဲ့။

ဒီစာဖတ်ပြီးရင် ကိုယ်ရဲ့
" ရှင်သန်စရာအကြောင်းအရင်း" က
ဘယ်သူလဲဆိုတာကို မျက်စိထဲ
တန်းမြင်လာလိမ့်မယ်။

ဘဝက ဘယ်လောက်ပဲခက်ခဲ နေပါစေ
အဲဒီ " ရှင်သန်စရာအကြောင်းအရင်း" လေးတွေအတွက် ကြိုးစားပြီးရှင်သန်ဖို့ မမေ့ဖို့
အားပေးချင်ပါတယ် ညီအကိုမောင်နှမတို့။

Sint Nyi
24.12.23
Memory repost

702

Sint Nyi

01 Jan, 07:28

ဒီခေတ်မှာ ကောင်းကောင်း ကန်းကန်း
ဆိုင်တခုခု ဘော်ဒါတွေနဲ့သွားထိုင်လည်း
နှစ်သိန်း လောက်ကတော့ ကုန်တာပါပဲ။

အဲဒီလိုပဲ မွေးစရိတ်မတတ်နိုင်တဲ့မိသားစုအတွက်
ရိုးရိုးမွေးကလေးတစ်ဦး မွေးပေးရင်လည်း
နှစ်သိန်းဝန်းကျင် ကုန်တာပါပဲ။

ဆိုင်ထိုင်လို့ ကုန်မယ့် နှစ်သိန်းနဲ့
ကလေးမွေးတာလှူမယ့် နှစ်သိန်း ..

ဘယ်ဟာ ကို လုပ်သင့်လဲ ကိုယ့်ကိုယ်ကို
ပြန်မေးကြည့်တော့ ဘယ်အချိန်မေးမေး
အကြာကြီး စဥ်းစားစရာမလိုဘဲ အဖြေတခု
ထွက်လာတယ်။

" ဆိုင်လည်း ထိုင်ချင်တယ်။

လှူသင့်တာလည်း တတ်နိုင်သလောက်
လှူချင်တယ်။

ဒီတော့ ငါ ပိုက်ဆံပိုရှာရမယ်" ဆိုတဲ့
အဖြေပဲ ထွက်လာတယ်။

ဆိုင်ထိုင်တာက ဘော်ဒါတွေနဲ့
စကားတွေပြောကြ၊ စကြနောက်ကြနဲ့
ပျော်နေရတော့ နေ့စဥ်ကြုံတွေ့နေရတဲ့
ပြဿနာတွေ ဘဝအမောတွေ ပြေပါတယ်။

ပြောရ ရင်ကိုယ့်ရဲ့ ပျော်ရွှင်မှုတခုပေါ့။

အမြဲတမ်း ပျော်အောင် နေတာရယ်၊
အမြဲတမ်း ပတ်ဝန်းကျင်အတွက်
ပေးဆပ်နေတာမျိုးရယ် နှစ်ခုလုံးက
ကျွန်တော့ အတွက်တော့ အဆင်မပြေပြန်ဘူး။

ကျွန်တော်တော့ အဲဒီနှစ်ခုကြားထဲမှာ
Balance ဖြစ်အောင်နေရတာကို
ပိုကြိုက်တယ်။
သက်တောင့်သက်သာလည်း
ပိုရှိတယ်လို့ခံစားရတယ်။

လူဆိုတာ ကိုယ့်ကိုယ်ကို
ပျော်အောင်နေဖို့လည်း
လိုသလို..

ကိုယ့်ပတ်ဝန်းကျင်ကိုလည်း
တတ်နိုင်တာလေး ကူညီဖို့လည်း
လိုတယ်လို့တော့ တွေးမိတာပဲ။

ကျွန်တော်ကတော့ ကိုယ်စိတ်မချမ်းသာရင်
လူမှုရေးကော၊ စီးပွါးရေးကော ဘာမှ
အဆင်မပြေတတ်လို့ ကိုယ့်ကိုယ်ကို
စိတ်ချမ်းသာအောင် အရင် ထားတယ်။

ကိုယ်စိတ်ချမ်းသာရင် လူမှုရေးကော
စီးပွါးရေးကော အဆင်ပြေလာလို့
ကိုယ်ပတ်ဝန်းကျင်ကို နိုင်တာလေး
ပြန်ကူဖြစ်၊ လှူဖြစ်ပါတယ်။

ကိုယ်ကျိုးမကြည့်ဘဲ အများအကျိုးတွက်
လုပ်နေကြတဲ့ သူတွေကို တကယ်
လေးစားအားကျပေမယ်
ကျွန်တော်တော့ လူကောင်း
မဟုတ်တော့ အဲဒီအဆင့်ကို
မရောက်နိုင်သေးဘူး။

အတ္တကြီးတဲ့ ကျွန်တော်တော့
ကိုယ့်အတွက်ကို အရင်ကြည့်။

ကိုယ့်ကိုယ်ကို အရင်တည်ဆောက်။

ကိုယ့်ကိုယ်ကို စိတ်ချမ်းသာအောင်ထားပြီးမှ လိုအပ်တယ် ထင်တဲ့နေရာတွေကို
နိုင်သလောက်လေးပဲ ကူဖြစ်ပါတယ်။

ဘဝက အပျော်တွေချည်းပဲ
ရှာမနေသင့်သလို
တာဝန်တွေချည်းပဲလည်း လိုက်ယူတာမျိုး
မဖြစ်သင့်ဘူးလို့ ထင်တာပဲ။

ဒီတော့ ပျော်စရာရှိတာပျော်ပြီး
ကူစရာရှိတာ ကူရင်း
ဘဝကို လူကောင်းမဆန်ရင်တောင်
လူသားဆန်ဆန်ပဲ ဖြတ်သန်းဖြစ်တော့တယ်။

Sint Nyi
26.12.24

373

Sint Nyi

01 Jan, 07:28

ကျွန်တော်တော့ မိုးပြိုမှာကို
တွေးပြီး မပူဘူး။

မိုးပြိုမယ်လို့ လိုက်ပြီး ဆော်သြနေကြတဲ့
အသံတွေလည်း နားမထောင်ဖြစ်ဘူး။

ကိုယ်တိုင်တောင် မနက်ဖြန်
အသက်ရှင်မယ်ဆိုတာ သေချာမသိကြတာ
ဘယ်နေ့ ဘာဖြစ်မလဲဆိုတာ
ပိုလို့တောင် မသေချာဘူး။

ဒီတော့ မိုးပြိုတာ မပြိုတာ ခဏထားဦး။

ကိုယ့်ဘက်ကတော့ ကိုယ်လုပ်စရာတွေ
လုပ်သင့်တာတွေကို
ဆက်လုပ်ရင်း ရှေ့ဆက်နေရမှာပဲ။

နေ့တိုင်း မြင်နေရတာတွေ
ကြားနေရတာတွေမှာတောင်
ပူစရာတွေ ဆင်ခြင်စရာတွေက
အဲ့လောက်များနေတာ။

မမြင်ရသေးတာတွေပါ တွေးပြီး
လိုက်ပူနေရရင် ဘယ်တော့မှ
စိတ်ချမ်းသာရမှာမဟုတ်ဘူး။

ကျွန်တော်တော့ ဘယ်သူတွေ
ဘာတွေပြောပြော ကိုယ်လုပ်စရာရှိတာလုပ်ရင်း
ဘာလာလာ ရင်ဆိုင်လိုက်မယ်
ဆိုတဲ့ စိတ်နဲ့ နှစ်သစ်ကိုဖြတ်သန်းဖို့ပဲ
စဥ်းစားထားတယ်။

ဒီတော့ မိုးပြိုပြို မပြိုပြို
အဆိုးပဲလာလာ
အကောင်းပဲလာလာ အရင်ကလိုပဲ
ဖြတ်ကျော်သွားနိုင်မယ်ဆိုတာ
ယုံကြည်ရင်း ရှေ့ဆက်ကြပါမိတ်ဆွေတို့။

Sint Nyi
27.12.24

188

Sint Nyi

01 Jan, 07:28

" လုပ်ငန်းမပြီးခင် အမြတ်ငွေကို
ကြိုမသုံးပါနဲ့ "

ကိုယ်တွေ အရင်တုန်းက လုပ်ငန်းတခု
စာချုပ်ချုပ်ပြီးတာနဲ့ ငွေထုပ်ပိုက်ပြီး
လိုချင်တာတွေ အရင်လိုက်ဝယ်ခဲ့ဖူးတယ်။

ဥပမာ ဒီအလုပ်လုပ်လို့ သိန်း ၂၀၀
မြတ်မယ်ဆိုရင် အဲဒီအမြတ်ကို
အရင်ကြိုသုံးလိုက်တာ။

ကိုယ်တွေတုန်းက အခုလို
ပြောပြပေးမယ့်သူ မရှိတော့
ပျော်ပျော်ကြီးကို သုံးဖြုန်းခဲ့မိတာ။

အပေါင်းအသင်းတွေကလည်း
ကိုယ်လိုလူတွေဖြစ်နေတော့
အတူတူသုံးကြတာပေါ့။
ပြီးတော့လည်း အတူတူမွဲကြတာပေါ့။

အမြတ်ငွေကို ကြိုသုံးတာ
အရမ်းအန္တရာယ်များပါတယ်။

သုံးတာကိုပြောတာနော်။
ငွေပိုရဖို့ လုပ်ငန်းတွေ ထပ်ချဲ့တာ၊
Investment လုပ်တာကိုပြောတာ
မဟုတ်ဘူး။

ငွေလေး လက်ထဲနဲနဲရှိလာတာနဲ့
Phin ယားပြီး ကားမော်ဒယ်အမြင့်
ချိန်းတာတို့၊ တန်ဖိုးကြီးပြီး
ငွေပြန်ဖော်လို့မရတဲ့ ပစ္စည်းတွေဝယ်တာတို့ ၊
မလိုအပ်ဘဲဘဇိမ်ခံပစ္စည်းတွေဝယ်တာတို့ကို
ပြောချင်တာ။

ဒါတောင် လောင်းကစား၊
မူးယစ်ဆေးမပါသေးဘူး။

အမြတ်ကို ကြိုပြီးသုံးတာနဲ့တင်
နားကား နေပြီ။

ကိုယ့်အနေအထားက လုံးဝ
အခြေခိုင်နေပြီ ။
အိမ်လည်းရှိပြီ။ ကားလည်းရှိပြီ။
မိသားစုအရေးပေါ် ကျန်းမာရေးကိစ္စအတွက်
သိန်းထောင်ဂဏန်းလောက်လည်း
ဆောင်ထားနိုင်ပြီ။

ပုံမှန် လုပ်ငန်းကလည်းနေ့စဥ် အသားတင်
သိန်းဂဏန်း အနည်းဆုံး ဝင်နေပြီ
ဆိုရင်တော့ အမြတ်ကို ကြိုသုံးတာ
မသိသာပေမယ့် ...

အဲဒါတွေ မပြည့်စုံသေးဘဲ
အမြတ်ငွေကိုကြိုသုံးနေရင်
မကြာမီ နားကားပါမယ်။

အိမ်တစ်လုံးကို ခြောက်လလောက်
ဆောက်မှ ၂၀၀ လောက်မြတ်မှာကို
စာချုပ်ချုပ် ပြီးပြီးချင်း စရံရတဲ့ သိန်း၂၀၀
ကို Phin ယားပြီး ကားနောက်တစ်စီး
ပြေးဝယ်ဖူးပြီး နားကားဖူးလို့ပြောပြနေတာပါ။

အမြတ်ကို ကြိုသုံးမိထားတဲ့အတွက်
တကယ်လည်းဆောက်ရကော
လုပ်ငန်းခွင်မှာ ပြဿနာမရှိရင်တော့
ကိစ္စမရှိပေမယ့် ...

ပြဿနာပေါ်လာရင်တော့
စိတ်ဆင်းရဲ ဖို့သာပြင်ပေတော့။

ကိုယ်တွေတုန်းက ကြိုပြီး
ဇိမ်ခံမိတာတွေများတော့ အလုပ်နဲ့ပတ်သက်ရင်
အမြဲ ပူလောင်ခဲ့ရပါတယ်။

ကိုယ့်တုန်းက ပြောပြမယ့်သူမရှိဘူး။

အကြံပေးမယ့်သူမရှိတဲ့ အတွက်
ဆုံးရှုံးမှုတွေ လိုတာထက် ပိုများခဲ့ပါတယ်။

ဒါကြောင့် အခုမှလုပ်ငန်းငယ်လေးတွေ
စမယ့် သူတွေကို ကိုယ်တွေ့လေး
သိသလောက်လေးတွေ Sharing ပေးတာပါ။

လူတချို့က ဘဝမှာ တခါမှ
မရဖူးတဲ့ငွေအမောင့်တွေရလာတဲ့အခါ
မြောက်ကြွမြောက်ကြွနဲ့
Phin ယားတတ်ပါတယ်။

အဲဒီထဲမှာ ကျွန်တော်လည်းပါဖူးလို့
ပြောပြနေတာပါ။

ဒီတော့ ကိုယ့်လို မဖြစ်စေချင်လို့
လုပ်ငန်းကော လူကော အခြေမခိုင်၊
မပြည့်စုံသေးခင် ကြိုပြီး ဇိမ်မခံမိပါစေနဲ့။
လောင်တတ်တယ်ဆိုတာ ပြောပြတာပါ။

အမြတ်အစွန်းတွေကို အချိန်မတိုင်ခင်
ကြိုပြီးဇိမ်ခံတာ၊ ကြိုပြီးသုံးတာမျိုးမလုပ်ဘဲ
အချိန်တန်တဲ့အထိ သည်းခံစောင့်ပြီး ....

တိုးပွါးမယ့်နေရာတွေမှာ Invest လုပ်တာ၊
စုတာတွေ လုပ်ဖို့ သိသလောက်လေး Sharing လုပ်ပေးလိုက်ပါတယ်။

Sint Nyi
28.12.23
Memory Repost

182

Sint Nyi

01 Jan, 07:28

မနက်ဖြန် ဆိုရင် ( ၂၀၂၅ ) ရောက်ပြီ။

တချို့ကလည်း ပိုကောင်းမယ့်နှစ်လို့
ပြောကြတယ်။

တချို့ကလည်း ပိုဆိုးမယ့်နှစ်လို့
ပြောကြပြန်တယ်။

ဘယ်သူတွေ ဘာတွေပဲ ပြောပြော
သေချာတာ တခုကတော့ ...

ကျွန်တော်တို့ အားလုံး အရင်ကလိုပဲ
ကြုံလာသမျှကို ရင်ဆိုင်ရင်းအကောင်းဆုံး
ဆက်ပြီး ဖြတ်ကျော်ကြရဦးမှာပါ။

နောက်ပြန် လှည့်ကြည့်ရင်လည်း
လူချင်းတွေ့ပြီး စကားလေး ပြောမိရင်တောင်
ရောဂါကူးပြီး သေစေနိုင်တဲ့
ကပ်ရောဂါဆိုးကိုတောင် ကြံ့ကြံ့ခံကြရင်း
ဖြတ်ကျော်နိုင်ခဲ့ကြ သေးတာပဲ။

ဒီတော့ လာမယ့်နှစ်သစ်မှာ ကောင်းတာတွေပဲ
လာလာ ...

ဆိုးတာတွေပဲ လာလာ ကျွန်တော်တို့
အရင်နှစ်တွေကလိုပဲ ရယ်လိုက် ငိုလိုက်
ဝမ်းနည်းလိုက် ဝမ်းသာလိုက်နဲ့ ထပ်ပြီး
ဖြတ်ကျော်နိုင်ကြဦးမှာပါ။

ဒီတော့ ရယ်စရာရှိရင်
ရယ်ရင်း ရှေ့ဆက်ကြမယ်။

ပျော်စရာရှိရင် ပျော်ရင်း
ရှေ့ဆက်ကြမယ်။

ဝမ်းနည်းစရာရှိရင် ဝမ်းနည်းလျှက်
ရှေ့ဆက်ကြမယ်။

စိတ်ညစ်စရာရှိလည်း
စိတ်ညစ်ညစ်နဲ့ရှေ့ဆက်ကြမယ်။

ပျော်စရာတွေ ဆိုတာလည်း ခဏပဲ။
ရယ်စရာတွေ ဆိုတာလည်း ခဏပဲ။
ဝမ်းနည်းစရာတွေ ဆိုတာလည်း ခဏပဲ။

အဲဒီခဏလေးတွေ အားလုံးထဲက
ဘယ်ခဏလေးပဲ လာလာ
ကျွန်တော်တို့ လုပ်နိုင်တာတွေကို
အကောင်းဆုံးလုပ်ရင်း
ရှေ့ဆက်ကြရအောင်။

အခုလာမည့် နှစ်သစ်ကို အကောင်းဆုံး
ဖြတ်ကျော်နိုင်ဖို့ အတွက်
စိတ်တွေကို ကြိုပြီးပြင်ဆင်ကြရအောင်။

အရှေ့မှာ ဘာတွေပဲစောင့်ကြိုနေပါစေ
ကိုယ့်မိသားစု အတွက်...
ကိုယ်ချစ်ရတဲ့သူတွေ အတွက် ...
ကိုယ်တိုင်အတွက် ...
ဘာတွေပဲကြုံလာ ကြုံလာ
ရအောင်ဆက်လျှောက်မယ်လို့
စိတ်ကိုပိုင်းဖြတ်ထားပါ။

နှစ်သစ်မှာ အကောင်းဆုံးတွေကို မျှော်လင့်ရင်း
အဆိုးတွေ ကြုံလာခဲ့ရင်လည်း
ရအောင် ရင်ဆိုင်မယ်
ရအောင် ရှေ့ဆက်မယ်ဆိုတဲ့ စိတ်နဲ့
ဖြတ်ကျော်နိုင်ဖို့ ဒီစာလေးနဲ့
ခွန်အားပေးချင်ပါတယ်။

Keep Moving Forward .

အားလုံးပဲ။
Happy New Year ပါဗျာ

Sint Nyi
31.12.24

179

Sint Nyi

01 Jan, 07:27

" တနေ့နေ့ "

ကျွန်တော်လည်း သာမန်ဝန်ထမ်း
ဘဝမှာ အလုပ်လုပ်ခဲ့ဖူးတော့
သာမန်ဝန်ထမ်းတိုင်း နေ့စဥ်
ကြုံတွေ့နေရတဲ့ ..

အထက်လူကြီးက ပေးတဲ့
Stress တွေ ..
ကိုယ့်ကိုကြည့်မရတဲ့ လုပ်ဖော်ကိုင်ဖက်တွေက
ပေးတဲ့ Stress တွေ...
Customer တွေပေးတဲ့ Stress တွေ ..

မိသားစု က ပေးတဲ့ Stress တွေ..

ဆင်းရဲမွဲတေလို့ ဖြစ်တဲ့ Stress တွေအကြောင်းကို ကောင်းကောင်းကြီးသိခဲ့ရပါတယ်။

အဲဒီ Stress အစုံက ခံစားဖူးတဲ့
လူတွေပဲ နားလည်ကြတာ။

အဆိုးဆုံးက လစာမလောက်တဲ့
ပြဿနာပဲ။

ဝန်ထမ်း လုပ်တဲ့ကာလတလျောက်လုံး
ခြိုးခြံခြွေတာ နေရင်းနဲ့တောင်
လစာလောက်တယ် ဆိုတဲ့လ
တလမှကို မရှိခဲ့ဖူးဘူး။

တချို့လတွေဆို ကိုယ့်လစာကို
(၂) လစာလောက် ကြိုပြီးပါ
ရောင်းစားထားရတယ်။

မှတ်မှတ်ရရ အမြန်လမ်းမှာ (၂)လ
တာဝန်ကျတုန်းကဆို ကိုယ်နေရတဲ့
မိုးမလုံတဲ့ ယိုင်နဲ့နဲ့ တဲလေးအထဲကနေ
အမြန်လမ်းပေါ်မှာ မောင်းသွားတဲ့
ကားအမျိုးအစား အစုံကို
စိတ်ပျက်လက်ပျက် ငေးကြည့်ပြီးတော့..

" ငါ့တသက်တော့ ဒီလိုကားမျိုးတွေ
ဘယ်တော့မှ စီးလာနိုင်တော့မှာ မဟုတ်ဘူး"
လို့ တွေးမိခဲ့ဖူးတယ်။

အဲဒီကာလကလည်း ကားဝယ်ဖို့မပြောနဲ့
ကားထဲထည့်တဲ့ဆီ (၅)ဂါလံ ဝယ်လိုက်ရင်ကို
ကိုယ့်လစာက ကုန်နေပြီ။

ဒါပေမယ့် " တနေ့နေ့တော့ " ငါလည်း
ကားစီးလာနိုင်ရင်လည်း စီးလာနိုင်မှာပေါ့လို့ပဲ
က်ိုယ့်ကိုယ်ကို နှစ်သိမ့်ခဲ့ရတာပေါ့။

ဝန်ထမ်းတစ်ယောက်အတွက်က
ကိုယ်ပိုင်အိမ် ၊ ကိုယ်ပိုင်ကား ၊ ကိုယ်ပိုင်လုပ်ငန်း
ပိုင်လာဖို့ဆိုတာ တော်တော်ကြီးကို
ဝေးပါတယ်။

ဒါပေမယ့်လည်း လိမ်ဖယ်လိမ်ဖယ်နဲ့
နောက်နှစ်ပေါင်း (၂၀) လောက်
ကြာသွားအချိန်ကျတော့ အရင်ကတွေးခဲ့ဖူးတဲ့
အဲဒီ " တနေ့နေ့ တော့" ဆိုတဲ့နေ့တွေကို
တကယ်ကြီး လက်တွေ့ ဖြစ်လာတာကို
ကြုံခဲ့ရတယ်။

အဲဒီ " တနေ့နေ့ " ရောက်လာတဲ့အချိန်မှာ
ကိုယ်အရင်က ငေးကြည့်ခဲ့ရတဲ့
ကားတွေ ထက်ပိုကောင်းတဲ့ကားတွေကို
စီးနိုင်လာခဲ့တယ်။

အဲဒီ " တနေ့ နေ့ " ရောက်လာတဲ့အချိန်မှာ
အရင်က ငေးကြည့်ခဲ့ရတဲ့ အိမ်တွေထက်
ကောင်းတဲ့ အိမ်တွေမှာ နေနိုင်လာခဲ့တယ်။

အဲဒီ " တနေ့နေ့ " ရောက်တဲ့အချိန်မှာ
အရင်က ကိုယ့်ကိုအထင်သေးခဲ့
စော်ကားခဲ့တဲ့ လူတွေက ...

ကိုယ်နဲ့ဘယ်မှာ ဘယ်လိုသိခဲ့ကြတာ
ဘယ်လို ရင်းနှီးခဲ့ကြတာဆိုပြီး ဂုဏ်ယူစွာနဲ့
တခြားလူတွေကို ပြန်ပြီး ပြောပြနေကြပြီ။

ကျွန်တော်လို ဘာမှမဟုတ်တဲ့
သာမန် လူတယောက်အတွက်
အဲဒီ " တနေ့နေ့ " ဆိုတာကို ရောက်ဖို့
နှစ်ပေါင်း (၂၀) လောက်ကြာသွားတယ်။

အဲဒါ ကျွန်တော်တော်လို့ တတ်လို့လည်း
မဟုတ်ဘူး။ လုပ်စရာရှိတာလေးတွေ
လုပ်နေရင်း မပျက်စီးအောင်နေရင်းနဲ့
အချိန်တန်တော့လည်း အဲဒီ
" တနေ့နေ့ " ဆိုတာကိုရောက်သွားတာပါပဲ။

မိတ်ဆွေတို့လည်း အဲဒီ " တနေ့နေ့ " ဆိုတာကို
ကြုံလာရလိမ့်မယ်။

ဒီတော့ အဲဒီ " တနေ့နေ့ " ဆိုတာကို
အမြန်ဆုံး ရောက်လာဖို့အတွက် ဆိုရင်

✅ကိုယ့်ကိုယ်ကို မပျက်စီးအောင်နေပါ။
ပျော်ပါ။ မပျက်စီးပါစေနဲ့။

✅ ရိုးသားပါ။ ကတိတည်ပါ။

လူတွေက ကိုယ့်နာမည်ကြားတာနဲ့
ဒီကောင် ကလိမ်ကကျစ်မဟုတ်ဘူးဆိုတဲ့
မှတ်ချက် ပေးလောက်တဲ့အထိ ရိုးသားပါ။
ဒါပေမယ့် မ " အ "ပါနဲ့။

✅ လူတွေကို စိတ်ရင်းနဲ့ကူညီပါ။

ဒါပေမယ့် ကိုယ့်ကိုယ်ကိုထက်တော့
ဘယ်သူ့ကိုမှ ပိုမသနားပါနဲ့။
ကိုယ်ကိုယ်ကို ထိခိုက်လောက်တဲ့အထိလည်း
သူများကို မကူညီပါနဲ့။
မထိခိုက်ရင်တော့ ကူညီပါ။

✅လောင်းကစားနဲ့ မူးယစ်ဆေးကို
အတတ်နိုင်ဆုံးရှောင်ပါ။

✅အပိုဝင်ငွေရဖို့ တပိုင်တနိုင်
တတ်နိုင်တာလေးလုပ်ပါ။

သမ္မာအာဇီဝအလုပ်အကုန်လုပ်ပါ။
တခုမဟုတ်တခု တော့ လုပ်နေပါ။

ကျွန်တော့အလှည့်တုန်းကတော့
အခုလို ဆောင်ရန် ရှောင်ရန်တွေ
ပြောပြပေးမယ့် သူတွေမရှိလို့
စမ်းတဝါးဝါးသွားရင်းနဲ့ ...

အဆင်ပြေလာတဲ့ " တနေ့နေ့ " ရောက်ဖို့ကို
နှစ်ပေါင်း (၂၀) လောက်ကြာသွားပါတယ်။

အဲဒါကလည်း ကိုယ့်ကို လမ်းပြမယ့်သူ၊
အားပေးမယ့်သူ ၊ သင်ပေးမယ့်သူမရှိလို့ပါ။

ဒါကြောင့်လည်း ကျွန်တော်
အခုလို မေတ္တာထားပြီး အခမဲ့
ပြန်ပြီး ပြောပြပေးနေတာပါ။

ဒီစာကိုဖတ်မိပြီး ဆင်ခြင်မိလို့ တချို့တလေ
(၁၀) နှစ်ကြာမယ့်ခရီးကို (၂) နှစ်လောက်နဲ့
ရောက်သွားတော့ လည်း ကောင်းတာပဲ
ဆိုတဲ့စိတ်နဲ့ ရေးပေးဖြစ်တာပါ။

" မေတ္တာ " လိုချင်ရင် "မေတ္တာ"
အရင်ပေးရတယ် ဆိုတဲ့အတိုင်း ..

မိတ်ဆွေတို့ဆီက ချစ်ခြင်းမေတ္တာကလွဲရင်
ကျန်တာကျွန်တော့အတွက် ဘာမှ
မလိုတာဖြစ်လို့ ကျွန်တော်သိတာလေးတွေ
ကြုံရတာလေးတွေကို မေတ္တာထားပြီး ပြန်ပြီး
Sharing လုပ်ပေးတာပါ။

ညီအကိုမောင်နှမတွေအားလုံးပဲ
ရှောင်စရာရှိတာတွေ ရှောင်
ဆောင်စရာရှိတာတွေ ဆောင်ရင်း
အဲဒီ " တနေ့နေ့ " ဆိုတဲ့နေ့လေးကို
အမြန်ဆုံး ရောက်နိုင်ကြပါစေလို့
ဆုတောင်းပေးလိုက်ပါတယ်ဗျာ။

I can do it .
I believe u can do it too.

Sint Nyi
1.1.25

357

Sint Nyi

20 Dec, 01:55

" လူ့တန်ဖိုးက ငွေမဟုတ်ဘူးဆိုတဲ့
Mindset ရှိဖို့လိုတယ် "

ဒီမှာက ငွေရှိရင် ပြီးပြီဆိုတဲ့
Mindset က အရမ်း ကြီးစိုးနေတာ။

ငွေရှိတဲ့လူက တန်ဖိုးရှိတဲ့လူ။

ငွေမရှိတဲ့လူက တန်ဖိုးမရှိတဲ့လူ။

တန်ဖိုး အရမ်းရှိချင်ရင်
ငွေတွေ အများကြီးရှာ။

ငွေရှိရင် ပါးစပ်ပေါက်တွေကို
ငွေနဲ့ပိတ်လို့ရတယ် ဆိုတဲ့ Mindset က
များနေတာ။

" ငွေရှိတာ အရမ်းကောင်းတယ်။
ဒါပေမယ့် မှန်မှန်ကန်ကန် ရှာဖို့
လိုတယ်ဆိုတာကို ထောက်ပြချင်တာ။"

ရိုးရိုးသားသား သမ္မာအာဇီဝ နဲ့
ငွေရှိနေတဲ့ လူကောင်းတွေလည်း
အများကြီး ရှိသလို ...

ပေါက်ကရတွေလုပ်၊ ခိုးစား၊ လိမ်စား ၊
ပိုင်းလုံးလုပ် ၊ သူများအသိုက်အမြုံကိုဖျက်၊
အပူစာစားပြီး ငွေရှိနေတဲ့
လူယုတ်မာတွေလည်း အများကြီးပဲ။

အဲဒီလိုလူတွေကို သူတို့ကတော့
ပိုက်ဆံ ချမ်းသာလို့ ငါ့ထက်ပိုပြီး
တန်ဖိုးရှိတယ် ထင်ပြ်ီး ကိုယ့်တန်ဖိုးကို
နှိမ့်ချပြီး ဆက်ဆံနေကြတာမျိုး
မဖြစ်စေချင်တာ။

ဒီလိုပြောလို့ ချမ်းသာတဲ့လူတွေကို
မလေးစားရဘူး ပြောချင်တာမဟုတ်ဘူး။

ငွေရှိရှိ မရှိရှိ လူလူချင်း ဘယ်သူ့ကိုမဆို
Respect ထားပါ။

ကိုယ့်ထက် ငွေရှိတိုင်း အထင်ကြီး
လေးစားဖို့မလိုသလို ကိုယ့်လောက်
ငွေမရှိတဲ့လူကိုလည်း နှိမ့်ချဆက်ဆံဖို့မလိုဘူး။

" ဘယ်သူကမှ ကိုယ့်ထက်တန်ဖိုးပိုပြီး
ရှိမနေသလို ဘယ်သူကမှ ကိုယ့်ထက်
ပိုပြီး တန်ဖိုးမဲ့မနေတာကို
သိစေချင်တာ။ "

သူတို့က ငွေပိုရှိလို့ ငါတို့ထက်
ပိုတန်ဖိုးရှိတယ်ဆိုတဲ့ အတွေးတွေ
ရှိဖို့ မလိုဘူး။

ပိုက်ဆံရှိရှိ မရှိရှိ
လူတိုင်းက တန်ဖိုးရှိတယ်။

ပိုက်ဆံရှိတိုင်း အကျင့်စာရိတ္တ
ကောင်းတယ်လည်း မထင်စေချင်သလိ
ဆင်းရဲနေလို့လည်း အကျင့်စာရိတ္တ
ပျက်စီး မနေပါဘူး။

လူ့တန်ဖိုးက ငွေမဟုတ်ဘူးဆိုတဲ့
Mindset က ကိုယ်တိုင်မှာ မရှိရင်
ကိုယ့်မျိုးဆက်မှာလည်း ရှိလာမှာ
မဟုတ်လို့ ...

အဲဒီ Mindset မျိုး
ကိုယ့်မှာရှိဖို့ရယ် ကိုယ့်မျိုးဆက်မှာလည်း
ရှိဖို့ လိုတယ်ဆိုတာ ပြောပြချင်တာ။

လူလူချင်း အတူတူပဲ။
လူ့တန်ဖိုး က ငွေ မဟုတ်ဘူး။

ငွေရှိရှိ မရှိရှိ လူစိတ်ရှိပြီး
မေတ္တာတရားရယ်
ကိုယ်ချင်းစာတရားရယ် လက်ကိုင်ထားတဲ့
လူကမှ လူတွေအထဲမှာ
သာ၍ တန်ဖိုးရှိတဲ့လူပဲ။

Sint Nyi
20.12.24

896

Sint Nyi

18 Dec, 12:56

အိပ်ယာကို ထချင်တဲ့ အချိန်မှ
ထနိုင်ဖို့ အတွက် ...

မထချင်ဘဲ ကြိတ်မှိတ်ပြီး
ထခဲ့ရတဲ့ နေ့တွေကို အရင်
ဖြတ်ကျော် ရတတ်တယ်။

စားချင်တာကို စျေးမကြည့်ဘဲ
ဝယ်စားနိုင်ဖို့ အတွက် ...

စားချင်စိတ်ကို ကြိတ်မှိတ်သည်းခံရတဲ့
နေ့တွေကို အရင်ဖြတ်ကျော်ရတတ်တယ်။

သွားချင်တဲ့ ခရီးကို ချက်ချင်း
ထသွားနိုင်ဖို့အတွက် ...

သွားချင်ရဲ့နဲ့ ကြိတ်မှိတ်ပြီး
အလုပ်တွေ လုပ်နေရတဲ့ နေ့တွေကို
အရင် ဖြတ်ကျော်ရတတ်တယ်။

" ကိုယ်ဖြစ်ချင်တာတွေ ဖြစ်ဖို့
ကိုယ် မလုပ်ချင်တာတွေကို
အရင်လုပ်ပြီး ပေးဆပ်ရတာ
လောကသဘာဝပဲ။ "

အခု " အသာစံပြီး "
နောက်မှ " အပင်ပန်းခံ " မလား။

ဒါမှမဟုတ် ..

အခု " အပင်ပန်းခံပြီး "
နောက်ပိုင်းမှာ " အသာစံ " ချင် တာလား။

သင်စိုက်တဲ့အတိုင်း သင်ရိတ်ရမှာမို့
အဖြေက သင့်မှာပဲ ရှိပါတယ် မိတ်ဆွေ။

Sint Nyi
18.12.24

879

Sint Nyi

17 Dec, 15:35

" ကိုယ်နိုင်တဲ့တာဝန်ပဲ ယူပါ "

ကလေး ဆေးကုဖို့ ငွေလိုနေလို့
ငါးသိန်းလောက်ချေးပေးပါ ဆိုပြီး
Fb အကောင့်တုတခု နဲ့ ငွေလာချေးတယ်။

ကျွန်တော်ကတော့ ထုံးစံအတိုင်း
နှုတ်၏ ဆောင်မခြင်းကလွဲရင်
ငွေကြေးဘယ်သူ့ကိုမှ မကူညီနိုင်ကြောင်း
ပြောလိုက်တာပေါ့။

ဒါနဲ့ နောက်သုံးရက်လောက်ကြာတော့
စာပြန်ပို့လာတယ်။

အကို မကူညီလို့ ကလေး ဆုံးသွားပြီတဲ့။
အဲဒါလာပြောတာ ။
ဝဋ် မလည်ပါစေနဲ့တဲ့။

ဒေါသကို တော်တော်ထိန်း
လိုက်ရတယ်။

သူလည်း ကလေးတကယ်ဆုံးလို့
စိတ်ထိခိုက်ပြီး ပြောမိပြောရာ
ပြောတာနေမှာပါလေ ဆိုပြီး
သည်းမခံစဖူး သည်းခံလိုက်တယ်။

ကလေးဆုံးတဲ့ ကိစ္စသာ မဟုတ်ရင်
မိုးမွှန်အောင် ဆဲမိတော့မှာ။

တချို့လူတွေက သူတို့ရဲ့ ကံဆိုးမှုတွေ၊
ပေါ့ဆမှုတွေ၊ တာဝန်မဲ့ မှုတွေကို
သူတပါးပေါ် လွှဲချ တတ်ကြတယ်။

လူတိုင်းတော့ အကူညီ လိုဖူးကြသလို
အကူညီလည်း တောင်းဖူးကြတာပဲ။
ရတဲ့အခါလည်း ရသလို
မရတဲ့အခါလည်း မရဘူးပေါ့။

" ကျွန်တော် အမြဲပြောနေကျ စကားရှိတယ်။
လူတွေကို အကူညီ သွားတောင်းလို့ရတယ်၊
မကူညီရင်တော့ စိတ်ဆိုးလို့မရဘူး " ဆိုတာ ..

တကယ်က လူတိုင်းကို ကူညီဖို့
ဘယ်သူ့မှာမှ တာဝန်မရှိပါဘူး။
" ကိုယ့်ကိစ္စကိုယ့်မှာပဲ တာဝန်ရှိကြတာပါ "

ကိုယ့်မှာရှိနေတဲ့ လူမှုရေး၊
စီးပွါးရေးပြဿနာ တွေ အားလုံးက
ကာယကံရှင် ကိုယ်တိုင်မှာပဲ တာဝန်ရှိတာပါ။

ဒါကို သူ့ကလေးဆုံးတာ ကိုယ်က
မကူညီလို့ဆိုပြီး သက်သက်ကြီး
စိတ်မကောင်းဖြစ်အောင် လာပြောတော့
တကယ်လည်း စိတ်မကောင်းဖြစ်မိရုံ
လောက်ပါပဲ။

Guilty ဖြစ်ပြီး ဝမ်းနည်းကြေကွဲတာမျိုးတော့
မဖြစ်မိပါဘူး။

" ငါ့မှာ လူတိုင်းကို ကူညီရမယ့်
တာဝန်မှ မရှိတာ " ... လို့ ခံယူထားမိလို့
ခဏလေးနဲ့ နေလို့ထိုင်လို့ ပြန်အဆင်ပြေ
သွားတယ်။ တတ်နိုင်တာတော့ ကူညီမယ်။
မတတ်နိုင်ရင်တော့ ငြင်းရမှာပဲ။

သူစိမ်းတယောက်ကပဲ ဒီနေ့ သိန်းငါးဆယ်
အကြွေး ဆပ်ရတော့မယ်။

အဲဒါ ချေးပေးပါ။ မပေးရင် မနက်ဖြန်
မနက် that သေတော့မယ်
ဆိုတာမျိုးလည်း ကြုံဖူးတယ်။

Good Luck လို့ ပဲပြောလိုက်မိတော့တယ်။

" တချို့လူတွေက အကူညီကို
ခြိမ်းခြောက်ပြီး လည်းတောင်းတတ်ကြတယ်။"

ဒါမျိုးတွေ ကြုံလာရတာ များတော့
အခုနောက်ပိုင်းတော်တော် လည်း
အားမနာတတ်တော့ဘူး။

ကူညီနိုင်ရင် ကူညီလိုက်ပြီး၊
မကူညီနိုင်ရင်လည်း တခါထဲငြင်းဖြစ်တယ်။
လူတိုင်းကိုတော့ ဘယ်သူကမှ
မကူညီနိုင်ဘူးလို့ပဲ ခံယူဖြစ်တော့တယ်။

မိတ်ဆွေတို့လည်း အလားတူ
ကိစ္စမျိုးတွေ ကြုံလာခဲ့ရင်
ငါမကူညီလိုက်လို့ သူတို့တခုခု
ဖြစ်သွားတာဆိုပြီးအရမ်း
စိတ်မကောင်းမဖြစ်ပါနဲ့။

စိတ် မမာတဲ့သူဆိုရင် နေရင်းထိုင်ရင်း
ငါမကူညီလို့ သူတို့ ပိုဒုက္ခ ရောက်သွားတယ်။
သေသွားတယ်ဆိုပြီး ယူကြုံးမရ
ဖြစ်တတ်ပါတယ်။

အဲဒီလို မဖြစ်ပါနဲ့။
ကူညီနိုင်တာ ကူညီပြီး မကူညီနိုင်ရင်
ငြင်းပါ။

သူများကိစ္စကို သိသိမသိသိ
တာဝန်ယူတတ်တာ ကောင်းပေမယ့်
ကိုယ်မနိုင်တော့တဲ့အခါ " တာဝန် " ကနေ
" ဝန်တာ " ဖြစ်လာတတ်ပါတယ်။

ဒီတော့ ကူညီနိုင်တာ ကူညီပြီး။
မကူညီနိုင်ရင် ငြင်းပါ။ လူတိုင်းကို
ဘယ်သူမှ မကူညီနိုင်တာကို အမြဲ သတိပြုပါ။

ကိုယ်နိုင်တဲ့ တာဝန်ပဲယူပါ။

အခုလို အားလုံးခက်ခဲနေတဲ့အချိန်
သူများပြဿနာတွေကို တာဝန်ယူ
အချိန်ပေးပြီးကူညီနေကြတဲ့လူတွေ
အဖွဲ့အစည်း တွေကို အထူး
လေးစားလျှက်။

Sint Nyi
15.12.23
Memory Repost

827

Sint Nyi

17 Dec, 15:33

ကိုယ်တွေလည်း အရာအားလုံးကို
Positive တွေပဲ အမြဲတွေးနေ မြင်နေပြီး
လုံးဝ စိတ်မညစ်တတ်တာတော့လည်း
မဟုတ်ပါဘူး။

အလုပ်ကိစ္စ တွေ အဆင်မပြေတဲ့အခါ
လုပ်ငန်းခွင်် ပြဿနာတွေကြုံတဲ့အခါတွေမှာ
စိတ်ညစ်ရတာမျိုးတွေတော့ ရှိတာပေါ့။

တခါတလေ ကိုယ်အရမ်းစားချင်တဲ့
အစားအသောက် ကုန်သွားလို့
မစားရရင်တောင် ကြံဖန်စိတ်ရှုပ်ပြီး
စိတ်ညစ် တတ်ပါသေးတယ်။

လူပဲလေ။
စက်ရုပ်မှ မဟုတ်ကြတာ။

ဖြစ်သမျှ အရာရာတိုင်းကို
အမြဲတမ်းကြီး အကောင်းတော့
ဘယ်မြင်နိုင်မှာလဲ။

စိတ်ညစ်စရာ စိတ်ရှုပ်စရာက
ရှိတာပါပဲ။

ဒါပေမယ့် လည်း
လူအများကို ဥိးဆောင်နေတဲ့သူရဲ့
နေရာမှာနေရတဲ့ အခါမျိုးတွေကျတော့

ကိုယ့်မိဘအသိုင်းအဝိုင်းတွေ
ကိုယ့်လက်အောက်ငယ်သားတွေ
အရှေ့မှာ ကိုယ်ကထိုင်ပြီး စိတ်ညစ်ပြ
ပြိုလဲပြ၊ ညည်းတွားပြလို့
ဘာအကျိုးမှမှ မရှိတာ။

" ကိုယ့် အနားမှာက
ကိုယ်စိတ်ညစ်ကြောင်း ပြောပြရင်
ကိုယ့်ထက် စိတ်ညစ်သွားမယ့်သူတွေရယ် "

" ကိုယ်စိတ်ညစ်နေလို့ ဝမ်းသာသွားမယ့်
သူတွေရယ်ပဲ ရှိလို့ စိတ်ညစ်စရာဆိုရင်
ကိုယ့်ဟာကိုယ်ပဲ ကြိတ်ဖြေရှင်းရင်းနဲ့
အဆင်ပြေ သွားတာများပါတယ်။ "

ဘာပြဿနာမှ မရှိဘဲ အရာအားလုံးကို
အမြဲတမ်း အကောင်းမြင်နေတဲ့သူ
မရှိပါဘူး။

ရှိတဲ့ ပြဿနာတွေကို တယောက်တည်း
ကြိတ် ဖြေရှင်းနေရင်းနဲ့
ဖြေရှင်းရပါ များလာတော့
ဒီပြဿနာလည်း အရင်ဟာတွေလိုပဲ
ငါအေးဆေး ရှင်းနိုင်မှာပါဆိုတဲ့
Confidence တွေရလာတာပါ။

ပြဿနာတွေကို ဘယ်သူ့မှကို
အပူမပေးဘဲ တယောက်ထဲ
ကိုင်တွယ်ဖြေရှင်း တတ်သွားတဲ့
လူတွေကို တချို့လူတွေက
ပြဿနာမရှိဘဲ အပူပင်ကင်းတဲ့ လူတွေလို့
ထင်တတ်ကြပါတယ်။

တကယ်တော့ ပြဿနာမရှိတဲ့လူဆိုတာ
လုံးဝ မရှိပါဘူး။

လူချမ်းသာလည်း ပြဿနာရှိသလို
လူဆင်းရဲလည်း ပြဿနာရှိတာပါပဲ။

လူတိုင်းမှာကို ပြဿနာ ရှိပါတယ်။

အဲဒီထဲမှာမှ ...
သန်မာတဲ့လူတွေက ကိုယ့်ပြဿနာကို
ဘယ်သူ့ကိုမှ လျှောက်ပြောပြမနေဘဲ
ကြိတ်ပြီး ဖြေရှင်းတယ်။

မရတော့တဲ့အဆုံးမှ စိတ်ချရတဲ့
လူတစုနဲ့တိုင်ပင်ပြီးတူတူ
ဖြေရှင်းကြတာပေါ့။

ပြောချင်တာက ...

ပြဿနာ ဆိုတာက လူတိုင်းမှာ
ရှိကြတာပဲ။ ထုတ်ပြကြတာနဲ့
မပြကြတာပဲကွာတာပါ။

ငါ့မှာပဲ ဒီပြဿနာတွေဖြစ်နေတယ်ဆိုပြီး
စိတ်မညစ်နဲ့။

လူမှန်ရင် ပြဿနာ ရှိကိုရှိတယ်။

ပြဿနာရှိလို့ မပျော်နိုင်ဘူးဆိုရင်
ဘယ်တော့မှ ပျော်ရတော့မှာမဟုတ်ဘူး။

ပြဿနာတွေရှိလည်း ပျော်ဖို့မမေ့ပါနဲ့။

ရှိတဲ့ ပြဿနာတွေကို ခေါင်းအေးအေးထား
ဖြေရှင်းရင်းနဲ့ ကိုယ့်ကိုယ်ကိုလည်း
ပျော်အောင်နေပါ။

ဒီပြဿနာလည်း အရင်က
ပြဿနာတွေလိုပဲ ငါဖြေရှင်းနိုင်ဦးမှာပါ
ဆိုတဲ့စိတ်နဲ့ နေ့ရက်တိုင်းကို
ဖြတ်ကျော်ပါ။

ဘယ်ပြဿနာမဆို အချိန်တန်ရင်
ပြီးသွားတာပါပဲ။

အရမ်း Stress မများနဲ့။
U can do it !

Sint Nyi
17.12.24

572

Sint Nyi

16 Dec, 04:54

" ကိုယ့်ကိုယ်ကို မပျောက်ဆုံးပါစေနဲ့ "

ခွင့်လွှတ်ခြင်း အကြောင်း
ရေးချင်ခဲ့တာ ကြာပြီ။

ခွင့်လွှတ်ခြင်းအကြောင်း သူများကို
ပြောရတော့မယ်ဆိုရင် ကိုယ်တိုင် ကလည်း
ခွင့်လွှတ်တတ်ဖို့ လိုတာမလို့
အချိန်ယူခဲ့တာပါ။

ကျွန်တော်ကတော့ ကိုယ်ကိုယ်တိုင်
မလုပ်နိုင်တဲ့အရာတွေ ကို
သူများကို လုပ်ခိုင်းနေတာမျိုးက
Useless ဖြစ်တယ်လို့မြင်လို့ပါ။

ကိုယ်ရေးတဲ့ စာတွေအတိုင်း ၊
ကိုယ်ကသူများတွေကို အကြံပေးနေတဲ့အတိုင်း ကိုယ်တိုင်နေ နိုင်ပြီဆိုမှ
သူများကိုပြောဖြစ်တာများပါတယ်။

ကိုယ်တိုင်က မဟုတ်တာလုပ် နေပြီး
မင်းတို့ မဟုတ်တာမလုပ်ကြနဲ့ ဘာညာ
လျောက်ပြောပြီး အာမချောင်ချင်တာပါ။

ခွင့်လွှတ်ခြင်း အကြောင်းရေးဖို့
အရမ်းကို ခွင့်လွှတ်ဖို့ ကြိုးစားခဲ့ရတယ်။
ကိုယ့်အပေါ် အမှားတွေ လုပ်သွားတဲ့လူတွေ
အများကြီးရှိတယ်။

လိမ်သွားတဲ့သူတွေရှိတယ်။

ချောက်ထဲကျအောင် တွန်းချ
သွားတဲ့သူတွေ ရှိတယ်။

နောက်ကျောဓားနဲ့ ထိုးသွားတဲ့
သူတွေရှိတယ်။
သစ္စာဖောက်သွားတဲ့သူတွေ ရှိတယ်။
နိမ့်ကျနေတုန်း ထိုးနှက်ခဲ့သူတွေရှိတယ်။

အစုံပဲပေါ့။

အသိ တယောက်ဆို
မတော်တဆ ယာဥ်တိုက်မှုဖြစ်တာ။

သူမောင်းတဲ့ ကားက လိုင်းကားတစ်စီးကို
တိုက်တယ်။ နောက်မှာတွယ်စီးနေတဲ့
ကောင်လေးတစ်ယောက် ဆုံးသွားတယ်။

သူလဲထောင်ကျတယ်။
ပြစ်ဒဏ်ခံယူပြီးပေမယ့် သူ့အတိတ်မှာ
သူအမြဲပိတ်မိပြီး အဲဒီနေ့က
ငါကားမမောင်းခဲ့ရင်ကောင်းမယ်ဆိုပြီး
သူ့ဟာသူ အခုထိ ခွင့်မလွှတ်နိုင်ဘူး
ဖြစ်နေတုန်းပဲ။

နောက်တစ်ဦးက မိတ်ဆွေ မိသားစု။

သူတို့ အပျော်ခရီးထွက်နေရင်းနဲ့
သူတို့ကလေးလေး ရေနစ်ပြီးဆုံးသွားတယ်။

သူ သေချာမကြည့်လို့ဆိုပြီး တသက်လုံး
သူ့ဟာသူ ခွင့်မလွှတ်တော့ဘူး။
အဲဒီကိစ္စပဲ တနုံနုံတွေးနေရင်းနဲ့
ကိုယ့်ဟာကိုယ် အပြစ်တင်ရင်း
အတိတ်ထဲမှာ နေ့တိုင်းနေထိုင်နေတယ်။
နေ့စဥ် ဝမ်းနည်းပူဆွေးနေရတယ်ပေါ့။

ကျွန်တော်ကိုယ်တိုင်လည်း
ခွင့်မလွှတ်နိုင်တဲ့ သူတွေအများကြီးရှိခဲ့ဖူးတယ်။

ငယ်ငယ်လေးကတည်းက
Broken Family ဖြစ်ခဲ့ရတာကိုကော ...

သားသုံးယောက် မျက်နှာမငယ်အောင်
ငွေလိုတိုင်း အမေ ငွေသွား ချေးတဲ့အခါ
အမေ့ကို ရစရာမရှိအောင် ပြောတဲ့
အဒေါ်ကိုကော..

ကျွန်တော့ အကြွေး သိန်း ၇၀၀ မပေးဘဲ
ထွက်ပြေးနေတဲ့ လူလိမ်ကိုကော ပေါ့။

ဒါတွေ က အချိန်တွေ ကြာလာတဲ့အချိန်
အားလုံးကို ခွင့်လွှတ်နိုင်ခဲ့ပါတယ်။

လွယ်တော့ မလွယ်ကူပေမယ့်
ခွင့်လွှတ်လိုက်တဲ့ အချိန်
အေးချမ်းမှုကို စပြီးခံစားရတာ
မိမိကိုယ်တိုင်ပါပဲဆိုတာ သိခဲ့ရတယ်။
အကုသိုလ်မ များတော့ဘူးပေါ့။

ဖြစ်ပြီးတာတွေက အတိတ်မှာပြီးခဲ့ပြီ။

လူတိုင်းမှားဖူးတယ်။
အတိတ်ကို ထားခဲ့ဖို့ ကြိုးစားကြည့်ပါ။
အတိတ်ထဲမှာ နာကျင်စရာတွေ
အများကြီးပေမယ့် ယူတတ်ရင်
သင်ခန်းစာတွေ ရပါတယ်။

နာကျင် စရာတွေကို ခဏခဏ ပြန်မတွေးပါနဲ့။
သင်ခန်းစာတွေကိုပဲ ယူပြီး
ပစုပ္ပန်နဲ့ အနာဂတ်မှာ ဆင်ခြင်
နေထိုင်သွားဖို့လည်း လိုပါတယ်။

အဲဒီအားလုံးထဲမှာ အချိန်အရမ်းယူပြီး
ခွင့်လွှတ်ခဲ့ရသူ တစ်ဦးရှိတယ်။

ကျန်တဲ့သူတွေကို ခွင့်လွှတ်နိုင်ပေမယ့်
အဲဒီ တဦးကို ခွင့်လွှတ်ဖို့ အရမ်း
ခက်ခဲပြီး အချိန်အတော်ယူခဲ့ရတယ်။

အဲဒီလူက ကျွန်တော်ကိုယ်တိုင်ပါပဲ။

သူတစ်ပါးကို ခွင့်လွှတ်ဖို့
အရမ်းမခက်ခဲပေမယ့် မိမိကိုယ်မိမိ
ခွင့်လွှတ်ဖို့ကို အချိန်အရမ်းယူခဲ့ရပါတယ်။

ကိုယ်ကိုယ်တိုင် သိသိကြီးနဲ့လုပ်ခဲ့တဲ့
အမှားတွေ နဲ့ မသိဘဲနဲ့လုပ်ခဲ့မိတဲ့ အမှားတွေ
အကြောင်းက ကိုယ့်ဟာကိုယ် အသိဆုံးပါ။

ကိုယ်လုပ်ခဲ့လို့သူတစ်ပါး
ဒုက္ခကြီးကြီး ကော သေးသေးကော
ရောက်ခဲ့ကြတာ အများကြီးပဲ။

လူများအမြင်မှာ ကိုယ်က
ကောင်းအောင်နေပြပေမယ့်
ကိုယ်လုပ်ခဲ့တဲ့ အမှားတွေ
ဘယ်သူမှမသိရင်တောင်
ကိုယ့်ဟာကိုယ်သိတယ်။

အဲဒါက ခွင့်လွှတ်ဖို့ ခက်တယ်။

ကျွန်တော်ဆို လူတစ်ယောက်လက်ကို
ပုဆိန်နဲ့ khote ဖူးတယ်။

ကျော်တက်ပြီး ဆဲသွားတဲ့ဆိုင်ကယ်တစ်စီးကို
သိသိကြီးနဲ့ ကားနောက်ကနေ ဝင်တိုက်ဖူးတယ်။

ရန်ဖြစ်လို့ အုတ်ခဲနဲ့ထုလိုက်တာ
အရေးပေါ်ရောက်သွားပြီး
စာမေးပွဲပါမဖြေလိုက်ရတဲ့ သူရှိခဲ့ဖူးတယ်။

ကိုယ့်အပေါ်ချစ်ခဲ့ကြသူတွေအပေါ်
ချစ်မှန်းသိတော့ အကြိမ်ပေါင်းများစွာ
အနိုင်ယူခဲ့ဖူးတယ်။

ကိုယ့်ကို အရမ်းချစ်တဲ့သူတွေ အပေါ်မှာ
အများကြီး မှားယွင်း ခဲ့ဖူးတယ်။

အမှားတွေအားလုံးကို
ပြန်မြင်လာတဲ့အချိန်ကျတော့
အရာအားလုံးနောက်ကျနေပြီ။

ကိုယ့်ဟာကိုယ်ခွင့်လွှတ်ဖို့
အရမ်း ခက်ခဲသွားပြီ။

ငါ့ကြောင့် ငါ့ကြောင့်ဆိုပြီး
အပြစ်တင်မိတယ်။
ခွင့်မလွှတ်နိုင်ခဲ့ဖူး။

" အချိန်တစ်ခုရောက်လာတော့
သိလာရတာက တစ်ချို့အမှားတွေက
ပြန်ပြင်လို့မရဘူး။
ထပ်မ မှားအောင် သင်ခန်းစာယူလို့ပဲ
ရတော့တယ်။ "

လူတိုင်းမှားဖူးကြပါတယ်။
အမှားများတာနဲ့ နည်းတာပဲရှိတာ။
အမှားကြီးတာနဲ့ သေးတာပဲကွာတာ။

တစ်ချို့အမှားတွေက
လုံးဝပြင်ဆင်လို့မရဘူး။

အဲဒါမျိုးတွေကြုံနေရပြီဆိုရင် အတိတ်မှာ တဝဲလည်လည် မဖြစ်နေပါနဲ့။

ဖြစ်ပြီးတာ ပြန်ပြင်လိူ့မရပေမယ့်
အဲဒီကနေ အကောင်းဆုံးသင်ခန်းစာယူပြီး
ဘဝကိုရှေ့ဆက်နေဖို့လိုပါတယ်။

ခွင့်လွှတ်သင့်တဲ့သူကို ခွင့်လွှတ်လိုက်ပါ။
မလွှတ်သင့်တဲ့သူကို ဘဝထဲက ထုတ်ပစ်လိုက်ပါ။

ဒါပေမယ့် မိမိကိုကိုယ်တော့

589

Sint Nyi

16 Dec, 04:54

မဖြစ်မနေ ခွင့်လွှတ်ဖို့လိုကိုလိုပါတယ်။

အမှားများစွာကနေ သင်ယူလာကြတဲ့
သူတွေကပဲ Better Person ဖြစ်လာကြတာပါ။

အတိတ်က အမှားတွေက ပြင်လို့မရဘူး။
ဒါပေမယ့် ဒီအမှားတွေကပဲ သင်ခန်းစာတွေယူပြီး
ပိုကောင်းတဲ့ အနာဂတ်ကို ဖန်တီးလို့ရပါတယ်။

ကိုယ့်လို မှားနေတဲ့သူတွေကို မမှားအောင်
သင်ခန်းစာတွေ Sharing လုပ်ပေးလို့ရတယ်။

အဓိက က ကိုယ့်ဟာကို
ခွင့်လွှတ်ပြီး ဘဝကိုအကောင်းဆုံး
နေထိုင်ဖြတ်သန်းသွားဖို့လိုပါတယ်။

ကိုယ့်အတွက် အဆင်ပြေလာရင် ကိုယ့်ပတ်ဝန်းကျင်က လူတွေကို အကောင်းဆုံးနေထိုင်ဖြတ်သန်းဖို့ ဆက်ကူညီလို့ရတာပေါ့။

အခု ၂၀၂၅ ရောက်တော့မယ်။

နှစ်သစ်မှာ စိတ်သစ် လူသစ်နဲ့
ဘဝအသစ်ကို ဖြတ်သန်းဖို့စပြီး
အားယူပါတော့။

ဒီနှစ်ထဲမှာ ဖြစ်ပျက်ခဲ့သမျှတွေ
အားလုံးပြီးသွားပြီ။

ခွင့်လွှတ်လို့ရတဲ့ သူတွေကို
ခွင့်လွှတ်လိုက်ပါ။

ကိုယ့်အတွက်ကိုယ် အေးချမ်းဖို့
သူများကိုခွင့်လွှတ်တယ်လို့ ယူဆပြီးတော့ပေါ့။

ပြီးတော့ မိမိကိုယ်မိမိ
ခွင့်မလွှတ်နိုင်တာတွေရှိရင်လည်း
စပြီးခွင့်လွှတ်ပါ။

ပြီးခဲ့တာတွေက ပြီးသွားပြီ။
အတိတ်ကို ပြန်သွားပြီး ပြင်လို့မရတော့ဘူး။

အတိတ်က အမှားတွေ ကနေ
သင်ခန်းစာယူပြီး ပိုကောင်းတဲ့
လူတယောက်အဖြစ်နဲ့ နှစ်သစ်ကို
စတင်ဖြတ်သန်းပါ။

အတိတ်ကို ပြင်လို့မရပေမယ့်
အနာဂတ်ကို ပုံသွင်းဖို့လူတိုင်းမှာ
အခွင့်အရေးရှိပါတယ်။

LOVE စာအုပ်
Sint Nyi
ကိုယ့်ကိုယ်ကို မပျောက်ဆုံးပါစေနဲ့ မှ
ကောက်နှုတ်ချက်အချို့

659

Sint Nyi

15 Dec, 02:12

သိန်း ဘယ်လောက်တန်တဲ့ အင်္ကျီတို့
သိန်း ဘယ်လောက်တန်တဲ့ နာရီတို့ထက်

မင်းရဲ့ ကိုယ်ကျင့်တရားက
သိန်းဘယ်လောက် တန်လဲဆိုတာက
ပို အရေးကြီးပါတယ်။

" ခန္ဓာကိုယ်ရဲ့ အပေါ်ယံ
အဆင်တန်ဆာတွေက လူ့တန်ဖိုး
မဟုတ်ပါဘူး။

ခန္ဓာကိုယ်ရဲ့ အတွင်းက
အရာသည်သာ လူ့တန်ဖိုးအစစ်ပါ။ "

ပစ္စည်းဥစ္စာ ပိုင်ဆိုင်မှုက
ပစ္စည်း ဥစ္စာပိုင်ဆိုင်မှုပဲ။

ကိုယ်ကျင့်တရားနဲ့ လူ့တန်ဖိုးက
သပ်သပ်ပါ။

ငွေကြေးနဲ့ ပစ္စည်းဥစ္စာပိုင်ဆိုင်မှုများလို့
လူကတန်ဖိုးပိုရှိသွားတာ မဟုတ်ဘူး။

" လူ့တန်ဖိုးက ပိုင်ဆိုင်မှုတွေ
အပေါ်ယံ အသုံးအဆောင်ပစ္စည်းတွေနဲ့
သတ်မှတ်ရတာ မဟုတ်ဘူး။

ကိုယ်ကျင့်တရားနဲ့ သတ်မှတ်ရတာ။"

ကိုယ်ကျင့်တရားမကောင်းရင်
ဘာပဲဝတ်ဝတ် ရုပ်မထွက်ဘူ။

ကိုယ်ကျင့်တရား ကောင်းတဲ့လူကျတော့လည်း
စွပ်ကျယ်ပဲ ဝတ်ထားရင်တောင်
တန်ဖိုးကရှိနေပြန်ရော။

အပေါ်ယံအရာတွေကိုအားမကျပါနဲ့။

အတွင်းထဲကအရာတွေကိုပဲ အားကျ
အတုယူပါ။

ကိုယ်ကျင့်တရားကောင်းတဲ့
လူဆင်းရဲက အရာအားလုံးရှိပြီး
ကိုယ်ကျင့်တရားမရှိတဲ့ လူချမ်းသာထက်
အများကြီး ပိုတန်ဖိုးရှိပါတယ်။
Sint Nyi
27.11.24

568

Sint Nyi

15 Dec, 02:12

ကျွန်တော် သဘောအကျဆုံး Rapper ကြီး
ပြောသွားတဲ့ Speech တစ်ခုကို
အရမ်းသဘောကျတယ်။

ပွဲတစ်ခုမှာ ကျေးဇူးတင်စကား
ပြောခိုင်းတော့ သူပြောတာက ..

" ငါ့ကိုယ်ငါ ကျေးဇူးတင်တယ် လို့
အရင်ဦးဆုံးပြောချင်တယ် "တဲ့ ...

" ငါ့အပေါ်မှာ ယုံကြည်ပေးလို့လည်း
ငါ့ကိုငါ ကျေးဇူးတင်တယ်။ "

" အလုပ်တွေ အရမ်းကြိုးစားတဲ့အတွက်လည်း
ငါ့ကိုယ်ငါ ကျေးဇူးတင်တယ်။ "

" နားရက်မရှိဘဲ အလုပ်တွေလုပ်တဲ့
အတွက်လည်း ငါ့ကိုယ်ငါ ကျေးဇူးတင်တယ်။"

" ဘယ်တော့မှ အရှုံးမပေးမိတဲ့အတွက်လည်း
ငါ့ကိုယ်ငါ ကျေးဇူးတင်တယ်။"

" သူများကို ပေးချင်ကမ်းချင်စိတ်နေရှိတဲ့
အတွက်လည်း ငါ့ကိုယ်ငါကျေးဇူးတင်တယ်။"

" လုပ်မိခဲ့တဲ့ အမှားတွေကို အမှန်
ပြန် ပြင်ချင်စိတ် ရှိနေသေးလို့လည်း
ငါ့ကိုယ်ငါ ကျေးဇူးတင်တယ်။ "

" အမြဲတမ်း ငါ့အတွက်ငါ မပြောင်းလဲပဲ
ရှိနေပေးလို့ ငါ့ကိုငါ ကျေးဇူးတင်တယ် တဲ့။

အဲဒီ Speech ကြားကြားချင်း
ဒီဘဲကြီးကို တော်တော်သဘောကျတယ်။

ကျွန်တော်တော့ သူပြောတာတွေကို
မာနကြီးတယ် Proud ဖြစ်တယ်
Confidence so high နေတယ်လို့
မမြင်ဘူး။

Self Appreciation လို့ပဲ မြင်တယ်။

သူပြောတာကို နားထောင်ပြီးတော့
ကျွန်တော်တို့ အများစု မေ့လျော့နေတဲ့
အရာတစ်ခုကိုလည်း သတိထားမိသွားတယ်။

ကျွန်တော်တို့တွေက တစ်ကမ္ဘာလုံးက
လူတွေကို Appreciate တွေလုပ်
ကျေးဇူးတွေတင်၊ အသိအမှတ်တွေ
ပြုတတ်ကြပေမယ့် ကိုယ့်ကိုယ်ကို
Appreciate လုပ်ဖို့ ကျေးဇူးတင်ဖို့ကျတော့
မေ့မေ့နေတတ်ကြတယ်။

ကျေးဇူးတင်ထိုက်သူတွေကို
ကျေးဇူးတင်တတ်တာ
အရမ်းကောင်းပေမယ့် မိမိကိုယ်ကို
ကျေးဇူးတင်တတ်ဖို့ ကလည်း
သိပ် အရေးကြီးတယ်။

သူတပါးကို ချီးမွမ်းခြင်း ကျေးဇူးသိတတ်ခြင်းက
အရမ်းကောင်းသလို မိမိကိုယ်ကို ချီးမွမ်းဖို့
ကျေးဇူးတင်ဖို့ကလည်း ထပ်တူ
အရေးကြီးပါတယ်။

မမေ့ပါနဲ့။

ကျော်ဖြတ်လာတဲ့ ကာလတလျောက်
အနိမ့်အမြင့် အတက်အကျတွေမျိုးစုံကို
ဘေးလူတွေရဲ့ ပံ့ပိုးမှုတွေ
စိတ်ခွန်အားတွေ ၊ စာပေလေ့လာမှုတွေနဲ့
ဖြတ်ကျော် ခဲ့ရပေမယ့်

တကယ်တမ်း ဒီခရီးကြမ်းတွေကို
ကိုယ်ကိုယ်တိုင်က လျောက်ချင်စိတ်မရှိဘူး။
ဘာမှလည်း လုပ်ချင်စိတ်မရှိဘူးဆိုရင်

ဘေးလူက ဘယ်လောက်ကူညီနေပါစေ
အလုပ်မဖြစ်ပါဘူး။

အဝေးကြီးမကြည့်နဲ့။

ကိုဗစ်ကာလတုန်းက လုပ်ချင်ချင်
မလုပ်ချင်ချင် Mask တပ်၊
Vaccine ထိုးပြီး ကျော်ဖြတ်ခဲ့လို့ကို
အခုစာကို ဖတ်နေနိုင်သေးတာပါ။

ကိုယ့်ကိုယ်ကို လျှော့မတွက်ပါနဲ့။
ကိုယ်ကိုယ်ကို အထင်မသေးပါနဲ့။

အရမ်းတော်တဲ့လူတွေ ၊အရမ်းချမ်းသာတဲ့
လူတွေ မဖြတ်ကျော်နိုင်ခဲ့တဲ့
သေခြင်းတရားကိုတောင် ရအောင်
ဖြတ်ကျော်ပြီး အခုအချိန်ထိ ရှင်သန်
ကျန်ရစ်ခဲ့ နိုင်တာနဲ့ တင်
တော်တော်ကို တော်နေပါပြီ။

ငါကဘာမှ မဟုတ်ဘူးမတွေးပါနဲ့။
ဘာမှမဟုတ်ဘူး။ ပျော့ညံ့တဲ့လူဆိုရင်
ဒီအချိန်ထိ ရှင်ကျနိနေရစ်ခဲ့မှာကို
မဟုတ်ပါဘူး။

ဒီလောက်ဆိုးတဲ့ ကိုဗစ်ကာလကိုတောင်
ကျော်ဖြတ်နိုင်ခဲ့တာ လက်ရှိ ပြသနာတွေ
အခက်အခဲတွေကိုလည်း သင်ကျော်ဖြတ်နိုင်ဦးမှာပါ။

အခု နှစ်သစ်လည်း ရောက်ခါနီးပြီ။

ဒီလောက်ခက်ခဲနေတဲ့ ကာလကြီးမှာ
သူများအပေါ်မယုတ်မာဘဲ။
ကလိမ်ကကျစ်မကျဘဲ ရိုးရိုးသားသားနဲ့
လုပ်ကိုင်စားရင်း ရှင်သန်နေနိုင်သေးတာကိုက
တကယ် တော်တဲ့ လူပီသတဲ့လူ
ဖြစ်နေပါပြီ။

ပြဿနာအခက်အခဲကတော့ရှိမှာပဲ။
ဒါလည်း အရင်ကလို ဖြေရှင်းနိုင်ဦးမှာပါ။
စိတ်မပူပါနဲ့။ လုပ်စရာရှိတာဆက်လုပ်နေပါ။

ပြီးတော့ ကိုယ့်ကိုယ်ကိုလည်း လျှော့မတွက်နဲ့ဥိီး
ကိုယ့်ကိုယ်ကို ကျေးဇူးတင်ဖို့လည်း မမေ့နဲ့။

သင့်ဘဝရဲ့ နောက်ဆုံးအချိန်ထိ
ရှိနေမယ့်သူကလည်း သင်ကိုယ်တိုင်ပဲမလို့
ကိုယ်ကိုယ်ကို နေ့တိုင်းချစ်ဖို့လည်း
မမေ့ပါနဲ့။

Happy Sweet December ပါဗျား။

Just thank yourself and keep going !

Sint Nyi
1.12.24

729

Sint Nyi

15 Dec, 02:12

အရမ်းတွေတိုင်ပတ်ခဲ့တဲ့ အချိန်တွေမှာ
ကျောင်းက သင်ပေးခဲ့တဲ့ English စာက
ဘဝမှာ သိပ်အသုံးဝင်တာ တွေ့ခဲ့ရတယ်။

အတန်း ပညာတတ်လားဆိုတော့
ကျွန်တော်လည်း ဆယ်တန်းလေးအောင်။
ဖုတ်လိုက် ဖုတ်လိုက်နဲ့ ဘွဲ့လေးဘာလေး
ရခဲ့တာပေါ့။

ကျောင်းပြီးလို့ ဘာတွေတတ်လဲဆိုတော့
ဘာမှမတတ်ဘူး။

မတတ်တာကလည်း ကိုယ်အသုံးမကျလို့
စာမလုပ်လို့။

ကိုယ်တွေကျောင်းကပြီးလို့ ပြည်ပမှာ
Programmer လုပ်ပြီး
ဒေါ်လာ ထောင်ဂဏန်း သောင်းဂဏန်းနဲ့
အလုပ်လုပ်ပြီး ကမ္ဘာပတ်နေတဲ့ သူငယ်ချင်းတွေအများကြီးပဲ။

ဘွဲ့ရတာ ရကြတာပဲ။
ဘွဲ့ကို ဘယ်လိုနည်းနဲ့ ပေးဆပ်ပြီး
ယူခဲ့လဲကွာသွားတာပေါ့။

ကွန်ပျူတာ တက္ကသိုလ်ရဲ့ စာသင်နှစ်
တစ်နှစ်မှာတင် A ခန်းကနေ H အထိဆိုပြီး
အမှတ်အပေါ်မူတည်ပြီး
အခန်းတွေအမျိုးမျိုးခွဲထားပါတယ်။

ကိုယ်တွေလို နောက်ဆုံးအခန်းမှာနေပြီး
စာလည်းမလုပ် ဂျလေဘီလုပ်ပြီး
ခိုးချလိုက် ဘာလိုက်နဲ့ အောင်လာတဲ့
ကောင်တွေရှိ သလို ..

စာသေချာလုပ်၊ Program တွေ Run
ရင်းနဲ့ Hon တွေ Master တွေ PHD တွေ
ရသွားတဲ့လူတွေလည်း အများကြီးပဲ။
တခြားကျောင်းတွေလည်း အဲလိုပါပဲ။

ကျောင်းပြီးလို့ဘာမှ မတတ်တာ
အများစုပေမယ့် တတ်သွားတဲ့
လူတွေလည်းရှိကြတာပဲ။

ကိုယ်တွေ့အရတော့ အောက်ဆုံးအချိန်
ရောက်နေတုန်းက ဘဝမှာ
ငယ်ငယ်ကတည်းက သင်ခဲ့ရတဲ့
English စာက အရမ်းအရေးကြီးတာကို
သိခဲ့တာပဲ။

ဒီ English စာတတ်လို့ပဲ
ပြည်ပ Website ကနေ ပစ္စည်းလေးတွေ
မှာပြီး ပြည်တွင်းမှာရောင်းပြီး
အကြွေးလေးတွေ ဆပ်နိုင်ခဲ့တာ။

ဒီ English စာကို နားလည်လို့ပဲ
Foreigner မိတ်ဆွေကောင်းတွေရပြီး
ဘဝရဲ့အခက်ခဲဆုံးအချိန်တွေကို
သူတို့ရဲ့ English လိုအားပေးတဲ့စကားတွေက
ခွန်အားယူပြီး ကျော်ဖြတ်ခဲ့ရတာ။

ဒီ English စာကြောင့်ပဲ ခက်ခဲနေတဲ့ကာလမှာ
မလေးရှားတို့ စင်ကာပူထိ တယောက်ထဲ
သွားပြီး စျေးသွားရောင်းနိုင်ခဲ့တာ။

ကျောင်းပညာတတ်ဖို့ မတတ်ဖို့
ဘွဲ့ရဖို့ မရဖို့က တော့ ဝင်မပြောလိုပေမယ့်
ကျွန်တော်တော့ ကျောင်းကသင်ပေးခဲ့တဲ့
English စာကြောင့် ခက်ခဲနေတဲ့
ကာလမှာ သိပ်အဆင်ပြေခဲ့တယ်
ပြောပြတာ။

ပညာတတ်တာ ကောင်းတယ်။
ပိုက်ဆံရှိတာလည်း ကောင်းတယ်။
အတန်းပညာမတတ်ပဲ ပိုက်ဆံရှိနေလည်း
ကောင်းတာပဲ။
လူစိတ်ရှိနေသရွေ့ အားလုံးကောင်းတာပဲ။

ပညာကော ၊ ငွေကော ၊
လူစိတ်ကောရှိတဲ့ သူတွေကတော့
အကောင်းဆုံး ထဲက အကောင်းဆုံး
လူသားတွေပဲပေါ့ဗျာ။

Sint Nyi
2.12.24

414

Sint Nyi

15 Dec, 02:11

" စိတ်ဓာတ်ကျနေတဲ့ လူငယ်တွေဖတ်ဖို့ "

မနေ့က အသက် ၂၄ နှစ် အရွယ်
ညီလေးတစ်ယောက် စာပို့လာတယ်။

ကျွန်တော် အသက် ၂၄ ဖြစ်နေပြီ
အခုထိ ရေရေရာရာ ဘာမှ မရှိသေးဘူးတဲ့။
ဝန်ထမ်းဘဝပဲ ရှိသေးတယ်တဲ့။

အကိုတို့ဆိုရင်ကော ဘယ်အရွယ်မှာ
စပြီး ကိုယ်ပိုင်လုပ်ငန်းတွေလုပ်ပြီး
အဆင်ပြေလာတာလဲတဲ့။

အခုကာလ လူငယ်တော်တော်များများနဲ့
ဆုံလို့ စကားပြောဖြစ်ရင် ဒီလို
အကြောင်းအရာတွေ တွေ့တွေ့နေရတာ
များပါတယ်။

တချို့က ကျောင်းမပြီးလို့
ကိုယ့်ကိုယ်ကို အားမရဘူး။
တချို့က ဝန်ထမ်းလစာလေးနဲ့
ေလာက်င အောင်သုံးနေရလို့
ကိုယ့်ကိုယ်ကို အားမရဘူး။

တချို့က မိဘပိုက်ဆံနဲ့
ထိုင်စားနေရတော့ ကိုယ့်ကိုယ်ကို
Guilty ဖြစ်ပြီး အားမရ ဖြစ်တယ်။

တချို့ကျတော့ မိဘက တတ်နိုင်လို့
နိုင်ငံခြားမှာကျောင်းသွားတက်နေတဲ့
ရွယ်တူ သူငယ်ချင်းတွေကို ကြည့်ပြီး
သွားမတက်နိုင်တဲ့ ကိုယ့်ကိုယ်ကို
အားမရဖြစ်တယ်။

အမျိုးမျိုးပဲ အစုံတွေ့နေရတယ်။

အဓိက အကြောင်းအရာက အတူတူပဲ။
ကိုယ့်ကိုယ်ကို အားမရတာ။

ကျွန်တော်ပြောပြမယ်။

လူတစ်ယောက်နဲ့ တစ်ယောက်
ေအာင်မြင်တဲ့ အချိန်က လုံးဝ မတူကြပါဘူး။ တစ်ချို့က ငယ်ငယ်ရွယ်ရွယ်နဲ့
အောင်မြင်တယ်။ တချို့က အသက်ကြီးပြီး
ငါးဆယ်လောက်ရောက်မှ အောင်မြင်တယ်။

အသက် ၂၄ ဆိုတာ တကယ်တော့
လူ့ဘဝ အစပဲရှိပါသေးတယ်။

ကျွန်တော် နဲ့သိတဲ့ အခုအဆင်ပြေနေကြတဲ့ ဆယ်ယောက်လောက်မှာ ကိုးယောက်လောက်က အသက် ၂၄ မှာ အဆင်မပြေကြသေးပါဘူး။

နေရာတခု မ သေးဘူးပဲ ပြောရမှာပေါ့။

တချို့က ၂၄ မှာ အိမ်ထောင်ကျ သွားတယ်။
တချို့က ၂၄ မှာမှ ကိုယ်ပိုင်လုပ်ငန်းလေး
စတယ်။ လုပ်ငန်းအဆင်ပြေတာ မပြေတာ
ခဏ ထား လုပ်ငန်းစခဲ့ကြတဲ့ အချိန်ကိုပြောတာ။

ဟော.. တချို့ဆို အသက် ၂၄ မှာ
အကြွေးတောင်သိန်း ၃၀၀ လောက်တင်နေပြီ။

တချို့က အသက် ၂၄ မှာ
လောကကြီးမှာ မရှိကြတော့ဘူး။
လူငယ်တွေက နှိုင်းယှဥ်တတ်ကြလို့
နှိုင်းယှဥ်ပြ ကြည့်တာပါ။

Justin Bieber တို့ Taylor Swift တို့က
အသက် 24 မှာ ကမ္ဘာကျော်ပြီး
ချမ်းသာအောင်မြင် နေပေမယ့်
KFC ပိုင်ရှင် Colonel Sanders က
အသက် ၄၀ မှာ တာယာကုမ္ပဏီတစ်ခုမှာ
တာယာအရောင်းစာရေး ဝင်လုပ်နေတဲ့
လခစားဝန်ထမ်းဖြစ်နေတုန်းပဲ။

သူ့ဝန်ထမ်းဘဝ ထွက်ပြီး လုပ်သမျှ
လုပ်ငန်းသေးသေးသေးလေးတွေ
အကုန်လုံး ရှုံးတာ သူ့အသက် ၆၅ အထိပဲ။

အသက် ၆၅ မှာ အစိုးရပင်စင် လစာ
တစ်လကို ၁၀၅ ဒေါ်လာ နဲ့ ရပ်တည်ခဲ့ရတယ်။

အသက် ၆၅ နှစ်နော်။ ၂၄ နှစ် မဟုတ်ပါဘူး။

သူ့အသက် ၆၉ နှစ်အရွယ်မှာ သူ့ရဲ့
ကမ္ဘာကျော်လာမယ့် ကြက်ကြော်ကို စားသောက်ဆိုင်တွေကိုလိုက်ပြီး
ကြော်ငြာတယ်။ ချက်ပြတယ်။

ပြီးတော့ သူ့ဆီကနေ Fanchise စနစ်နဲ့
ယူဖို့ လိုက်ပြီး မားကတ်တင်းဆင်းတယ်။

ခရိီးဝေးတွေ သူကိုယ်တိုင်ကားမောင်းတယ်။
ကားနောက်ခန်းထဲမှာ သူအိပ်ခဲ့တဲ့ရက်တွေရှိတယ်တဲ့။ Wikipedia မှာရှာဖတ်ကြည့်လို့ရပါတယ်။

သူမွေးတဲ့ခုနှစ်က ၁၈၉၀ ခုနှစ်။
သူ့လုပ်ငန်း စပြီးအောင်မြင်တာ ၁၉၆၀ ခုနှစ်။

အသက် ၇၀ မှာအောင်မြင်တာပါ။
သူသေဆုံးချိန် မှာ အသက် ၉၀။
ကျန်ရှိနေတဲ့ အနှစ်နှစ်ဆယ်လုံး ကို သူအေးအေးဆေးဆေး နေထိုင်
ဖြတ်သန်းသွားနိုင်တယ်။

အခု KFC ကိုမသိတဲ့သူမရှိဘူး။
သူ့မျိုးရိုးစဥ်ဆက်ပါ ချမ်းသာနေကြပြီ။

ဒါဆို ပြောစရာရှိတယ်။

အဲဒါက အမေရီးကားမှာမလို့လေတို့
ဘာတို့ပေါ့။ စနစ်မတူပါဘူး။
အစိုးရမတူပါဘူး။ ကျွန်တော်လက်ခံပါတယ်။

ဒါပေမယ့် မဖြစ်နိုင်တာတော့ မဟုတ်ပြန်ဘူး။
မဖြစ်နိုင်ဘူးလို့လည်း ကျိန်းသေ မပြောနိုင်ဘူး။

အမေရီးကားမှာ အသက် ၆၀ ဖြစ်သွားလို့
ကိုယ့်ဟာကိုယ် အသက်ကြီးပြီ။
ပင်စင်လေးနဲ့ အနားယူ သွားတဲ့ လူတွေလည်း
သန်းနဲ့ချီရှိနေတာပဲ။

ငါ ဘာမှဖြစ်မလာနိုင်တော့ ပါဘူးလို့
ယုံကြည်သွားကြသူတွေပေါ့။

ဒါပေမယ့် ကာနယ် ဆန်းဒါးက
အဲလိုမခံယူထားဘူး။

သူ့အသက်က သူ့အောင်မြင်မှုရဲ့
အဆီးအတားအဖြစ်မခံဘူး။ သူ့မှာ သူများထက် ထူးခြားချက်ရှိတယ်။

သူ့ Biography ကိုလေ့လာ ရင် လုပ်သမျှ
စီးပွားရေးတွေ ရှုံးလိုက် ။ မီးလောင်လိုက်။
တိုင်တွေပတ်ခဲ့တာ အသက် ၆၀ ကျော်အထိပဲ။

ဒါပေမယ့် သူ တခုမဟုတ်တခု ကိုအမြဲ
ဆက်လုပ်နေတယ်။ ဒါအရေးကြီးဆုံးပဲ။

လူတစ်ယောက် ဘာလုပ်ငန်းလုပ်လို့
အောင်မြင်လဲ ဆိုတာကို လိုက်မကြည့်နဲ့။
သူဘယ်လိုစိတ်နဲ့လုပ်ပြီး အောင်မြင်သွားလဲ
ကိုကြည့်ပါ။

သူ့ဘဝအကြောင်းကို ဖတ်ပြီး
သင်ယူလိုက်ရတာ..

သူက သူလုပ်စရာရှိတာ ကို
ဘယ်သူတွေဘာပြောပြောဆက်လုပ်နေတာ။

အိုတယ်ပြောနေလည်း ဆက်လုပ်နေတာပဲ။
လုပ်ငန်းတွေ ရှုံးနေလည်း သူလုပ်စရာရှိတာ
ဆက်လုပ်နေတာပဲ။

နင့်ကြက်ကြော် ဘသူမှစားမှာမဟုတ်ဘူး
ပြောကြလည်း သူလိုက်ရောင်း နေတာပဲ။

အချိန်တန်တဲ့အချိန် သူ့ရဲ့
ဘာအကြောင်းနဲ့မှ ကြိုးစားတာကို
မရပ်ချင်လိုက်တဲ့ စိတ်ကြောင့် သူက
ကမ္ဘာကျော်ခဲ့တယ်။
မီလျံနာတစ်ယောက်ဖြစ်ခဲ့တယ်။

ဒါကြောင့် ကျွန်တော်ပြောချင်တယ်။

အခုအချိန် သင်က အသက် ဘယ်အရွယ်ပဲ
ဖြစ်နေ ဖြစ်နေ။ အကြွေးတွေ
ဘယ်လိုပဲရှိနေနေ။
ဝန်ထမ်းဘဝနဲ့ လစာနဲနဲ လေးနဲ့
ရုန်းကန်နေရပါစေ။

အချိန်တခုဆိုတာရှိတယ်။
အဲဒီအချိန် က လူတစ်ယောက်နဲ့တစ်ယောက်
မတူဘူး။

တချို့ကငယ်ငယ်ရွယ်ရွယ်နဲ့ အဲဒီ
အောင်မြင်တဲ့အချိန်ကို ခံစားခွင့်ရကြတယ်။

တချို့က အသက်ကြီးလာမှ အဲဒီ

291

Sint Nyi

15 Dec, 02:11

အောင်မြင်တဲ့ အချိန်ကို ခံစားခွင့်ရတယ်။

လူသန်း ၇၀၀၀ ကျော်မှာ
လူ တစ်ယောက်နဲ့တစ်ယောက်က
လက်ဗွေရာတောင် မတူတာ။
အောင်မြင်တဲ့အချိန်က တူဖို့ ပိုလို့တောင်
ဝေးသေးတယ်။

ဒီတော့ စိတ်ဓာတ်မကျနဲ့။
ကိုယ့်ကိုယ်ကို အားမရ မဖြစ်နဲ့။
လုပ်နေတဲ့အလုပ်နဲ့ ဝင်ငွေကို အားမရ မဖြစ်နဲ့။

ငွေကိုစိစစ်ပြီးသုံးပြီး လုပ်ရမယ့်
အလုပ်ကို အကောင်းဆုံးပြီး
မြောက်အောင်လုပ်ပါ။
ဘာမှမလုပ်ဘဲတော့ မနေပါနဲ့။

တခုမဟုတ်တခု လုပ်နေတဲ့
သူတွေအတွက် အောင်မြင်မှုက
ရှိကိုရှိပါတယ်။

ဘယ်လောက် ကျရှုံးနေနေ
အားမလျှော့ပဲ တစ်ခုမဟုတ်တစ်ခု
ဆက်ကြိုးစားနေဖို့ပဲလိုတာပါ။

Fighting. U can do it.

Sint Nyi
PEACE
5.12.22

247

Sint Nyi

15 Dec, 02:11

ကိုယ်ကို ဖောင်းထုတဲ့ မန့်တွေ
ပို့စ်တွေတွေ့ရင် စိတ်မဆိုးဘူးလားဆိုတော့
ဆိုးတာပေါ့ ...

ဘာလို့ အရေးတယူလုပ်ပြီး
လိုက်မတုန့်ပြန်တာလဲ ဆိုတော့
OTS တွေကို အတန်းရှင်း
မပေးချင်ရုံ သက်သက်ပါပဲ။

ကျွန်တော် ကတော့ ရှင်းတယ်။

လူတွေကို Class နှစ်မျိုးပဲခွဲတယ်။

ငါနဲ့အဆင်ပြေရင် ငါ့အပေါ်ကောင်းရင်
လူကောင်း။
ငါနဲ့အဆင်မပြေဘူး ငါ့အပေါ်
မကောင်းဘူးဆို OTS ပဲ။

ဒီတော့ ကိုယ့်ဘက်က ဘာတင်တင်
အငုံ့စိတ်နဲ့ လိုက်တိုက်ခိုက်တာတွေ
နောက်ကွယ်မှာ ဖောင်းထုတာတွေ
ပြန်သိရရင် ..

အရေးတယူလုပ်ပြီး အဖက်မလုပ်နေတော့ဘူး။

သြ .. ဒီ OTS က ပလိန်းကြီး
လာပြီး အတန်းရှင်းရှာနေပါလား ဆိုပြီး
ဘလော့လိုက်တာပဲ။

နောက်ကွယ်မှာ ပြောတဲ့ကိစ္စတိုင်းက
ဘယ်ကိစ္စကမှ ဘောင်မဝင်ဘူး။

မှန်တဲ့ လူတွေမှာက မျက်နှာချင်းဆိုင်ပြီး
ပြောရဲတဲ့ သတ္တိရှိတယ်။

ကိုယ်လည်းမကျေနပ်တာရှိရင်
ဒဲ့မေးတယ်။ နောက်ကွယ်မှာ
ညှောင်ညှောင်ညှောင်ညှောင် မလုပ်ဘူး။
ဘောင်မဝင်လို့။

ကိုယ့်နောက်ကွယ်မှာ
ပြောနေတဲ့ကိစ္စတွေ ဘယ်ကိစ္စမှ
အရေးတယူလုပ်မနေဘူး။

ဒီတော့အကို့ကိုတော့ ဘယ်သူက
ဘယ်လိုပြောနေတယ်။

အကို့ပို့စ်တွေကို ဘယ်သူက
ဘယ် caption နဲ့ ရှဲပြီးလှောင်နေတယ်တွေ
လည်း လာမပြောဖို့ မေတ္တာရပ်ခံပါတယ်။

ကျွန်တော့မှာ အဲလို OTS တွေအတွက်
တကယ်အချိန်မရှိတာပါ။

မှန်တဲ့သူက ရှေ့ကနေပေါ်တင်ပြောရဲလို့
နောက်ကွယ်က ဘောင်မဝင်တဲ့ OTS
ကြောင့်နဲ့ တန်ဖိုးရှိတဲ့အချိန်တွေ
အကုန်မခံချင်ရုံသက်သက်ပါပဲ။

246

Sint Nyi

15 Dec, 02:11

" ရှောင်စရာ ရှိတာတွေကို ရှောင်ပြီး
လုပ်စရာရှိတာတွေကို ဆက်လုပ်နေရင်
ဖြစ်သင့်တာလေးတွေ ဖြစ်လာတတ်တယ် "

ကျွန်တော့ရဲ့ ငယ်ဘဝအိပ်မက်က
အခန်းလေး တစ်ခန်း ဝယ်နိုင်ဖို့ပဲ။

ငယ်ငယ်ကတည်းက တိုက်ခန်းတစ်ခန်းထဲမှာ မိသားစုလိုက်ကြီး ဖြစ်သလိုစုပြီး
နေခဲ့ရတော့ ကိုယ်ပိုင်အခန်းလေး
တစ်ခန်းတော့ အရမ်းကိုလိုချင်ခဲ့မိတာ။

တယောက်ထဲ အိမ်တအိမ်လိုချင်တာရဲ့
အဓိက ရည်ရွယ်ချက်က နားအေးပါးအေး
နေချင်တာ။

မနက်အစောကြီး နိုးနေတတ်တဲ့
မားသားကြီးဖွင့်တဲ့ တီဗီသံ အကျယ်ကြီးတွေ

ပလုပ်ကျင်းရင် ဂလူးဂလူးနဲ့
အသံအကျယ်ကြ်ီးမြည်တဲ့ အကိုအကြီးရဲ့
ပလုပ်ကျင်းသံတွေ။

လမ်းလျှောက်ရင် ခြေဆောင့်လျှောက်
တတ်တဲ့ အကိုအလတ်ရဲ့ခြေသံတွေရဲ့
ကင်းစင်ရာနေရာလေး တနေရာပေါ့။

အိမ်လိုချင်တဲ့ အိပ်မက်အပြင် တခြား
အပိုဆုလေး အနေနဲ့ ဘာလိုချင်လဲဆိုတော့
အိပ်ယာအစောကြီး မထဘဲ
အိပ်ရေးဝဝ အိပ်ချင်တာ။

အဲဒီနှစ်ချက်ရှိရင် ဘဝက ပြည့်စုံပြီလို့
ခံယူခဲ့တာ။

ဒါကလည်း ဆယ်ကျော်သက်
လူငယ်တိုင်းရဲ့ အိပ်မက်ပါပဲ။

ဒါပေမယ့် လိုင်းကားစီးပြီး
ကျောင်းတက်ပြီး အိမ်က လက်ဖြန့်
တောင်းနေရတဲ့ ဆယ်ကျော်သက်
လူငယ်လေးဆိုတော့လည်း အိမ်လိုချင်တဲ့
အိပ်မက်က လည်း အိပ်မက်သက်သက်ပါပဲ။

လက်တွေ့မှာတော့ အမေ့အိမ်ရှိလို့သာ
နေရထိုင်ရ အဆင်ပြေနေတာ။

အမေ့အိမ်မှာသာ ကပ်မနေပဲ
ငှားနေရမယ်ဆို အိမ်လခနဲ့တင်
လုံးလည်ချာလည်လိုက်နေမှာ။

ဒီလိုနဲ့ ကျောင်းပြီးတယ်။
လုပ်ငန်းခွင် တန်းဝင်ရတယ်။

အလုပ်က နေပြည်တော်မှာဆိုတော့
အမေ့အိမ်က လွတ်ပြီ။

ဒါပေမယ့် ရတဲ့ ဝန်ထမ်းလိုင်းခန်းက
လူပျိုဆောင်ဆိုတော့ အခန်းတခန်းထဲ
လူခြောက်ယောက် နေရပြန်ရော။

အမေ့အိမ်ထက်တောင် ပိုဆိုးနေတယ်။
အိမ်မှာမှ အချိန်တခုဆို အိပ်ကြသေးတယ်။
အဆောင်မှာက တညလုံးမူးတဲ့လူ
ရှိရင်ပိုဆိုး။

ရတဲ့လစာကလည်း တလလုံးနေမှ
တစ်သောင်းခွဲ ဆိုတော့ အဲဒါလေးနဲ့
တလလုံး မနည်းလောက်အောင်
စားနေရတော့ အိမ်ပိုင်ဖို့ အိပ်မက်ဆိုတာ
ဝေးပြီးရင်း ဝေးပေါ့။

ဒါပေမယ့် ခေါင်းထဲမှာ အဲဒီအိပ်မက်ကို
အမြဲ ထည့်ထားဖြစ်တယ်။

ပိုက်ဆံရှိတဲ့တနေ့ ငါအိမ်ဝယ်ကိုဝယ်မယ်
တိုက်ခန်းသေးသေး ကျဥ်းကျဥ်းလေး
ဖြစ်ဖြစ် ရတယ်။ အိမ်ဖြစ်ရင်ပြီးရောပေါ့။

အဲဒီ အသက်အရွယ် ၂၀ ကျော်က
မက်ခဲ့တဲ့ အိပ်မက်ကလေ ကျောထောက်
နောက်ခံ ရှိတဲ့လူတွေအတွက်
ကြိုးစားနေတဲ့လူတွေ အတွက်တော့
လေးငါးနှစ် နဲ့ ရခဲ့ပေမယ့် ...

ကျွန်တော့လို့ သာမန်လူအတွက်ကတော့
အသက် (၃၃) နှစ်အရွယ်မှာမှ ကိုယ်ပိုင်
အခန်းကျဥ်းလေး ရခဲ့တာပါ။

ဘဝက တက်လိုက် ကျလိုက်
သုံးလိုက် ကုန်လိုက်နဲ့
(၁၃) နှစ်ကျော်ကြာသွားခဲ့ပါတယ်။

ကျွန်တော်က ဘယ်လိုကြိုးစားလို့
ဘယ်လို တွေ ရုန်းကန်လို့
ကိုယ်ပိုင်အိမ်ရသွားတာ
ခင်ဗျားတို့လည်း ကြိုးစားကြပါလို့
ကျွန်တော်လျှောက် မပြောချင်ဘူး။

ဘာလို့လည်းဆိုတော့ ကိုယ်က
ငပျင်းမလို့ ဘဝကို သူများတွေလို
နေ့မအိပ် ညမအိပ်လည်း
လည်းကြိုးစားခဲ့တာမှ မဟုတ်တာ။

ကျောင်းပြီးလို့ နေပြည်တော်ကအလုပ်ကို
သံသေတ္တာတလုံးအဝတ်သုံးစုံနဲ့ စရောက်တဲ့
နေ့ကတည်းကကျွန်တော် လုပ်သွားတာ
နှစ်ခုပဲရှိတယ်။

တခုက ကိုယ့်ကိုယ်ကို
မပျက်စီးအောင် သတိထားပြီးနေတယ်။

လူငယ်သဘာဝ ကျန်တာဆိုးချင်တာ
ဆိုးပေမယ့် မူးယစ်ဆေး၊ လောင်းကစားကိုတော့
စမ်းသပ်ပြီးတောင် မလုပ်မိအောင်နေပါတယ်။

ကိုယ့်အိပ်မက်လေး အကောင်အထည်
ပေါ်လာဖို့က ဘယ်သူမှ လာလုပ်ပေးမှာမှ
မဟုတ်တာ။

ကိုယ့်ဟာကို လုပ်ရမှာကို
အကောင်ထည်ဖော်ရမယ့် ကိုယ်ကိုယ်တိုင်က
အရမ်းပျက်စီးနေ ၊
အရမ်း Control လွတ်နေလို့မှ မရတာ။
ဒီတော့ အဲဒါတွေ ရှောင်ပါတယ်။

နောက်တခုကလည်း ဘာမှ
ကြီးကြီးကျယ်ကျယ် မဟုတ်ဘူး။

ဘဝတိုးတက်ဖို့ တခုမဟုတ်
တခုကို လုပ်နေဖြစ်တာလေးပါပဲ။

ဝန်ထမ်းလုပ်ရင်းနဲ့ အကျိုးဆောင်လုပ်တယ်။
ငါးလလောက်အထိ အခန်းအရောင်းမပြောနဲ့
အငှားတောင် မရဖူးဘူး။

နှစ်နှစ်လောက်နေမှ မြေကွက်လေး
တကွက် ကနေ ပွဲခ နည်းနည်းရတယ်။
ဆိုင်ကယ်လေး ဝယ်တယ်။
ဟိုရောင်း ဒီဝယ် သေးသေးလေးတွေ
လုပ်ကြည့်တယ်။

မြတ်လိုက်ရှုံးလိုက်နဲ့ပါပဲ။
ဒါပေမယ့် ဘဝအစက သံသေတ္တာ
တစ်လုံးထက်တော့ ပိုင်တာလေးတွေ
တိုးတိုးလာတယ်ပေါ့ဗျာ။

ဟိုစပ်စပ် ဒီစပ်စပ်လေးတွေ လုပ်လာတော့
မွေ့ယာလေး ၊ ပန်ကာလေး ဗီဒိုလေးတွေ
ဝယ်နိုင်လာတယ်ပေါ့ဗျာ။

အဲလိုပဲ အရမ်းမပျက်စီးအောင်နေရင်း
လုပ်စရာရှိတာလေးတွေ လုပ်သွားလိုက်တာ
(၁၃) နှစ်ကြာတဲ့ အချိန်မှာ အိမ်ပိစိလေး
အရစ်ကျနဲ့ ဝယ်နိုင်တယ်ပေါ့ဗျာ။

သူများထက် တော်လို့လည်းမဟုတ်ဘူး။
တတ်လို့ လည်းမဟုတ်ဘူး။

ရှောင်စရာရှိတာ ရှောင်ပြီး
လုပ်စရာရှိတာကို ဆက်လုပ်နေရင်
ဖြစ်သင့်တာလေးတွေ ဖြစ်လာတတ်တယ်
ဆိုတာကို ပြောပြချင်တာ။

ကျွန်တော့အတွက်ကတော့
အဓိက အဲဒီအချက်နှစ်ချက်ပဲ။

ကိုယ်ကိုယ်ကို မပျက်စီးအောင်
ရှောင်စရာရှိတာရှောင်တယ်။

ဘာတွေပဲကြုံလာ ကြုံလာ
ကိုယ်လုပ်စရာရှိတာကို တခုမဟုတ်တခု
ဆက်လုပ်နေတယ်။

ကိုယ်က တည်ဆောက်လိုက်၊
ကိုယ်လုပ်လို့ပဲ ပြိုပျက်သွားလိုက်။

ကိုယ်ကတည်ဆောက်လိုက်
သူများက လာဖြိုဖျက်သွားလိုက်နဲ့
ဘဝက လုံးလည်ချာလည်လိုက်နေတာပေါ့။

ဒါပေမယ့်လည်း မပျက်စီးအောင်နေရင်း
တခုမဟုတ်တခုကို ဆက်ပြီး လုပ်နေရင်းနဲ့
အချိန်တခုကို ရောက်လာတော့လည်း
လိုချင်တဲ့အိပ်မက်လေး အကောင်အထည်
ပေါ်လာခဲ့ပါတယ်။

ခင်ဗျားတို့ထက် တော်လို့ တတ်လို့

226

Sint Nyi

15 Dec, 02:11

ကြိုးစားလို့ ရသွားတာမဟုတ်ပါဘူး။

ကျွန်တော်လည်း ခင်ဗျားတို့လို့
သာမန်လူပါပဲ။

ကျွန်တော် အိပ်မက် အကောင်အထည်
ပေါ်လာတာက ကျွန်တော်ကျင့်သုံးခဲ့တဲ့
အချက်နှစ်ချက် ကြောင့်ပါပဲ။

✅ကိုယ့်ကိုယ်ကို မပျက်စီးအောင်နေပါ။

✅ဘာပဲကြုံလာရ ကြုံလာရ ကိုယ်လုပ်စရာရှိတာ
တခုမဟုတ်တခုကို ဆက်ပြီးလုပ်နေပါ။

အဲဒီနှစ်ချက်ပါပဲ။

ရှောင်စရာ ရှိတာတွေကို ရှောင်ပြီး
လုပ်စရာရှိတာကို ဆက်လုပ်နေရင်
ဖြစ်သင့်တာလေးတွေ ဖြစ်လာတတ်တယ်
ဆိုတာကို ကိုယ်တွေ့အတွေ့အကြုံလေးနဲ့
ပြန်ပြီး Sharing လုပ်ပေးလိုက်ပါတယ်။

Sint Nyi
11.12.24

315

Sint Nyi

15 Dec, 02:11

အရာရာအားလုံး ပိုအဆင်ပြေလာဖို့အတွက်
ခဏတာ နာကျင်ခံစားရတဲ့အချိန်ဆိုတာ
လူတိုင်းမှာ ရှိတတ်တယ်။

ဥပမာပေးရ ရင် ကိုယ်ဝန်ဆောင်မိခင်တွေ
ကိုယ်ဝန်စရှိကတည်းက ကလေးမွေးပြီးတဲ့အထိ
ခံရတဲ့ ဒုက္ခလိုမျိုးတွေပေါ့။

ကိုယ်ဝန်စရှိပြီဆိုကတည်းက
ကလေးလေးဗိုက်ထဲမှာ အဆင်ပြေဖို့
မိခင်က အစားအသောက်တွေ
အနေထိုင်တွေ စပြီး ဆင်ခြင်ရတယ်။

ကိုးလကျော်ကျော်လုံး ကိုက်ခဲတဲ့ဒုက္ခတွေ၊
ဖောယောင်တဲ့ ဒုက္ခတွေ၊
နေထိုင်မကောင်းတဲ့ ဒုက္ခတွေကို
ခါးစည်းပြီး ခံရကြတယ်။

ဒါက အစပိုင်း ဒုက္ခပဲရှိသေးတယ်။

မွေးတဲ့နေ့ ခံရတဲ့ ဒုက္ခကပိုလို့တောင်
ဆိုးပါသေးတယ်။

ခွဲမွေးရင်လည်း ခါးထုံဆေးထိုးတဲ့အချိန်တို့
ဆေးစမ်းတဲ့အချိန်တို့ ဗိုက်ခွဲတဲ့ အချိန်တို့က တော်တော် ခံစားရတာပဲ။

ရိုးရိုးမွေးဆိုရင် ပိုဆိုးတာပေါ့။

တချို့ဆို မွေးတော့မလိုလိုနဲ့
သုံးလေးရက်လောက် ဗိုက်တွေနာပြီးမှ
မွေးတာ။ အဲဒီသုံးလေးရက်ခံရတဲ့
နာကျင်မှုကို စဥ်းစားသာကြည့်တော့။

ဒါပေမယ့်လည်း

မွေးပြီး ရင်ခွင်ထဲ ပိုက်ထားတဲ့အချိန်
ကျရင်တော့ သူတို့ရရှိတဲ့စိတ်ကျေနပ်မှုက
ခံခဲ့ရတဲ့ နာကျင်မှုတွေအားလုံးကို
မေ့လျော့သွားစေပါတယ်တဲ့။

အဲဒီအချိန်ကတော့ မိခင်တွေအတွက်
တကယ့် ပျော်ရွှင်စိတ်ချမ်းသာဆုံး
အချိန်ပဲပေါ့။

ကျွန်တော်တို့ ဘဝတွေမှာလည်း
အဲဒီလိုပဲ ဒုက္ခဆင်းရဲ ပြသနာတွေကို
မဖြတ်သန်းချင်ဘဲ ဖြတ်သန်းရတဲ့
ကာလဆိုတာ ရှိပါတယ်။

တချို့က အဲဒီကာလကို ခဏတာကြုံရတယ်။
တချို့က အကြာကြီး ကြုံရတယ်။

အဲဒီလို ပြဿနာအခက်အခဲ တွေကို
ကြုံရတဲ့သူတိုင်း နာကျင်ကြ ရပါတယ်။
ခံစားရ ကြပါတယ်။ အားငယ် ကြပါတယ်။

လူဖြစ်တဲ့အတွက် ဘဝက
အချိုတွေချည်းပဲ ရတာမှ မဟုတ်တာ။

ချဥ်တာကော၊ ဖန်တာကော၊
ခါးတာကော အကုန်ကြုံရမှာပါ။

အဲဒီလိုကြုံရတဲ့ ကာလတွေကို
တချို့ကမခံနိုင်လို့ ဘဝကို
အရှုံးပေးသွားတတ်ကြတယ်။

တချို့ကကျတော့ မခံနိုင်လို့
လုပ်မိလုပ်ရာ လုပ်ရင်း ပိုနက်တဲ့
ဒုက္ခတွင်းထဲကျသွားကြတယ်။

ငွေမရှိလို့ လုပ်မိလုပ်ရာလုပ်ရင်း
ဆေးရောင်းလို့ ထောင်ကျသွားတာတို့။

ငွေမရှိလို့ လိမ်ညာစားသောက်လို့
ထောင်ကျသွားတာတို့။

ဆင်းရဲလို့ ချမ်းသာမလားချဲထိုးရင်း
ပိုဆင်းရဲသွားကြတာမျိုးတွေပေါ့။

" သည်းခံသင့်တဲ့ ဒုက္ခတွေကို
သည်းမခံဘဲ လုပ်မိလုပ်ရာလုပ်ရင်၊
ဒုက္ခပေါ် ဒုက္ခ ဆင့်သွားတတ်ပါတယ် "

ဒုက္ခက လူတိုင်းရောက်ဖူးပါတယ်။

အဲဒီလို ဒုက္ခ ရောက်နေတဲ့အချိန် သည်းခံပြီး
လမ်းမှန်ပေါ် ပြန်တက်ဖို့ လိုပါတယ်။

ဒုက္ခရောက်လို့ ခဏတာပြေလည်မလားဆိုပြီး
ပေါက်ကရလုပ်မိရင် အပူပေါ်အပူဆင့်ပြီး
ပိုပြီး ဒုက္ခများတတ်ပါတယ်။

ကိုယ်ဝန်ဆောင်တွေ မီးဖွားမယ့်ရက်အထိ
ဒုက္ခတွေကို ကြိတ်မှတ်ပြီး
ကြိုးစားဖြတ်သန်းကြတဲ့စိတ် ကို
အတုယူသင့်ပါတယ်။

ကိုယ်ဝန်ဆောင်မိခင်တိုင်းမှာက
" ငါ ဘာတွေ ကြုံရကြုံရ
ဘာအခက်အခဲရှိရှိ ဒီကလေးကို
အထိခိုက်မခံပဲရအောင် မွေးမယ် " ဆိုတဲ့
ပြတ်သားတဲ့စိတ် သူတို့မှာ ရှိကြပါတယ်။

အခက်ခဲ ဒုက္ခတွေ တွေ့နေတဲ့သူတွေလည်း
အဲဒီလို ပြတ်သားတဲ့စိတ်မျိုး
ရှိဖို့လိုအပ်ပါတယ်။

" ငါ အခု ဒုက္ခတွေ့နေတယ်။
ဒါပေမယ့် ပိုဒုက္ခမရောက်အောင်
ငါကြိုးစားနေထိုင်မယ်။

အခု ဒုက္ခတွေကလည်းခဏပဲ။
အချိန်တန်ရင်ပြီးသွားမှာပဲ" ဆိုတဲ့
စိတ်မျိုးထားတတ်ရပါမယ်။

ဘဝရဲ့အမှောင်ဆုံးသော အချိန်
ရောက်သွားရင် တချို့က
လမ်းဆုံးသွားပြီထင်ပြီး ဘဝကို
အဆုံးသတ်သွားတတ်ကြတယ်။

အဲဒါက မှားနေတယ်။

အမှောင်ဆုံးအချိန်ထက်
မှောင်တာမှ မရှိတော့တာ။

အရှေ့မှာ ပိုပိုပြီး လင်းလာဖို့ပဲရှိတော့တာပါ။
ဒုက္ခတွေကို သည်းခံပြီး
ဆက်လျှောက်နေဖို့ပဲလိုပါတယ်။

ဘဝရှိရင် ဒုက္ခရှိမှာပဲ။
နည်းတာများတာ သေးတာကြီးတာပဲ
ကွာသွားတာ။

ဘယ်ဒုက္ခမဆို သည်းခံပြီးဖြေရှင်းရင်
အချိန်တန်ရင် ပြေလည်သွားတာပဲ။

ဒုက္ခတွေ့တိုင်းသာ ပေါက်ကရလုပ်နေရင်
ပိုပြီးဒုက္ခရောက်တတ်ပါတယ်။

စိတ်ရှည် သည်းခံပြီး ဖြေရှင်းပါ။
အချိန်တန်ရင် အရင်ဒုက္ခတွေလိုပဲ
ဖြတ်ကျော်နိုင်ဦးမှာပါ။

အားမလျှော့နဲ့။
Fighting !

11.12.23
Memory Repost
Sint Nyi

393

Sint Nyi

07 Dec, 13:31

အလုပ်ကို လုပ်ချင်ချင် မလုပ်ချင်ချင်
နေ့ကော ညကော ပင်ပင်ပန်းပန်းနဲ့
ကြိုးစားပြီး လုပ်ရတဲ့ Work Hard ကာလ
ဆိုတာ လူတိုင်းမှာရှိတယ်။

ဘယ်သူမှ သဘောမကျကြတဲ့
ငွေအတွက် ကိုယ်က အလုပ်လုပ်ပေးရပြီး
ငွေကကိုယ့်ကို ခိုင်းစားတဲ့ကာလ တခုပေါ့။

သူဌေးတွေမှာလည်း Work hard ကာလ
ဆိုတာ ရှိသလို ဝန်ထမ်းတွေမှာလည်း
အဲဒီ Work hard ကာလဆိုတာ ရှိတယ်။

အဲဒီ Work hard ကာလကို
ကျော်လွန် သွားတော့မှ...

ငွေ အရင်းအနှီးတွေ၊
အတွေ့အကြုံတွေ လုံလုံလောက်လောက်
ရသွားတော့မှ Work Smart ကာလဆိုတာကို
ရောက်တာ။

Work smart ကာလမှာကျတော့
ငွေအရင်းအနှီးနဲ့ အတွေ့အကြုံ
ရှိနေပြီ ဆိုတော့ Work Hard ကာလကလို
အရမ်း မပင်ပန်းတော့ဘူး။

ရှိထားတဲ့ငွေကို ရထားတဲ့
အတွေ့အကြုံနဲ့ ဥာဏ်ရှိရှိ
ပြန်ပြီး ခိုင်းစားရတာမျိုးပေါ့။

ငွေကို ကိုယ်က ပြန်ပြီး ခိုင်းစားနိုင်ဖို့
ငွေကကိုယ့်ကို ခိုင်းတာကို အရင်ခံရတတ်တယ်
ဆိုတာကို ပြောပြချင်တာပါ။

အခု ငွေအတွက် အလုပ်လုပ်နေရလို့
စိတ်ဓာတ်မကျနဲ့။ အားမလျော့နဲ့။

အချိန်တန်ရင် ငွေကို ပြန်ခိုင်းစားနိုင်ဖို့
အတွေ့အကြုံနဲ့ အရင်းနှီးစုနေရတယ်
ဆိုတဲ့စိတ်နဲ့ ဆက်လျှောက်ပါ။

တနေ့ ငွေကို ပြန်ပြီး
ခိုင်းစားနိုင်လာပါလိမ့်မယ် 💪

Sint Nyi
23.11.24

853

Sint Nyi

07 Dec, 13:30

" ကိုယ့်ကိုယ်ကို သိအောင်အရင်လုပ်ပါ "

လူအများစုက သူတို့ချစ်ရတဲ့သူတွေအကြောင်း
သူတို့ လေးစားရတဲ့လူတွေအကြောင်းသာ
သိအောင်လုပ်ကြဖို့ စိတ်ဝင်စားတာ..

ကိုယ့်ကိုယ်ကို သိအောင်လုပ်ဖို့ကိုတော့
သူများအကြောင်းလောက် သိပ်ပြီး
စိတ်မဝင်စားတတ်ကြဘူးဗျ။

တကယ်က သူများအကြောင်းထက်
ကိုယ့်အကြောင်းတွေ
ကိုယ့်အားသာချက် ၊ အားနည်းချက်
အကြောင်းတွေကို သိအောင်လုပ်ဖို့က
အရမ်း အရေးကြီးတယ်။

လူတိုင်းမှာတော့ အားနည်းချက်၊
အားသာချက် ရှိကြတာပဲ။

အားနည်းချက် လုံးဝ မရှိတဲ့သူဆိုတာ
မရှိဘူး။
အားနည်းချက် နည်းတဲ့သူရယ်၊
များတဲ့သူရယ်ပဲ ရှိတာပါ။

ငါးကို အပင်တက် ခိုင်းလို့မရသလို၊
မျောက်ကို လည်းရေထဲမှာ
နေခိုင်းလို့ မရပါဘူး။

ငါးဖြစ်နေတဲ့အတွက် ရေထဲမှာနေတာ
သူ့အတွက် အကောင်းဆုံးဖြစ်သလို
မျောက်ကလည်း အပင်တွေပေါ် နေတာ
သူ့အတွက် အဆင်ပြေဆုံးပဲ။

ငါးက အပင်တက်ချင်လို့
ဘာ သင်တန်းတွေပဲတက်တက်
မျောက် ဖြစ်မလာသလို ...

မျောက်ကလည်း ဘာသင်တန်းတွေ
တက်တက် ငါး ဖြစ်မလာပါဘူး။

သူ့ အားနည်းချက် ၊ အားသာချက် နဲ့ သူပဲ။

လူတွေလည်း ဒီလိုပဲ။

ကိုယ်က ဘယ်နေရာမှာ အားသာလဲ
အားနည်းလဲ ကိုယ့်ဟာကို
သိအောင်လုပ်ဖို့ လိုပါတယ်။

ကိုယ့်ဟာကိုယ်တောင် မသိပဲနဲ့
သူများတွေပြောတာတွေပဲ လျှောက်လုပ်နေရင်
ငွေကုန်မယ်။ အချိန်ကုန်မယ်။
စိတ်ဓာတ်လည်း ကျလာမယ်။

မျောက်တွေကိုကြည့်ပြီး အားကျနေတဲ့
အပင်တက်ချင်တဲ့ ငါးလိုဖြစ်နေမယ်။

မိမိကိုယ်မိမိ အရင်လေ့လာပါ။ သုံးသပ်ပါ။

ကိုယ်က စီမံခန့်ခွဲတာ တော်တဲ့သူလား။
ခေါင်းဆောင်နိုင်စွမ်း ရှိတဲ့သူလား။

ဒါမှမဟုတ် ခေါင်းဆောင်ကပေးတဲ့
တာဝန်ကို မြေပြင်မှာ အကုန် Manage
လုပ်နိုင်တဲ့ သူလား။

စျေးရောင်းတာ တော်တဲ့သူလား။
နှစ်ဦးနှစ်ဘက်ကို ညှိနှိုင်းပေးတာ
တော်တဲ့သူလား။
ဒါမှမဟုတ် စာရင်းအင်း နိုင်တဲ့သူလား။

ကိုယ့်ဟာကို သိဖို့လိုတယ်။

ကိုယ့်ဟာကို မသိသေးရင်
သိတဲ့အထိ မိမိကိုယ်ကို ပြန်လေ့လာပါ။

ကိုယ့် အားသာချက်ကို သိမှ
အဲဒီ အားသာချက်ကို ပိုဇောက်ချ
Upgrade လုပ်ပြီး ဘဝတိုးတက်ဖို့ လုပ်ရမှာ။

ကိုယ့်အားနည်းချက်ကို သိတော့မှ
ငါဒီနေရာတွေ အားနည်းတော့ ဒါမျိုးတွေ
မလုပ်သင့်ဘူး ဆိုပြီး ဆင်ခြင်နိုင်မှာ။

ကျွန်တော်ဆို ငယ်ငယ်ကလေးထဲက
အင်ဂျင်နီယာ ဖြစ်ချင်တာ။

ပြဿနာက သင်္ချာကို သေအောင်
ညံ့တယ်။

ဆယ်တန်းမှာလည်း သင်္ချာ တစ်ဘာသာထဲ
အမှတ် ၄၀ နဲ့အောင်လာတယ်။
ကျန်တဲ့ ဘာသာတွေ ၆၅ အောက်
တစ်ခုမှမရှိတော့ GTC လျှောက်ဖို့
အမှတ်က အေးအေးဆေးဆေး မှီတယ်။

သင်္ချာ ချာတူးလန် တဲ့လူက
အင်ဂျင်နီယာ ဖြစ်ချင်ရင်
ကိုယ့်သေတွင်း ကိုယ်တူးမိသလို
ဖြစ်မှာသိလို့ GTC မလျှောက်ခဲ့ဘူး။

အဲဒီလို ကိုယ့်အကြောင်း
ကိုယ်သိနေဖို့တော့ လိုတာပေါ့။

ကိုယ်က ဘယ်နေရာတွေတော်လဲ။
ဘယ်နေရာတွေ အားနည်းလဲ သိရင် ဘဝကတော်တော် အဆင်ပြေနေပြီ။

အားနည်းချက် မရှိတဲ့သူမရှိဘူး။
အားနည်းချက်ရှိတဲ့သူက
မအောင်မြင်ဘူးဆိုတာ လည်းမဟုတ်ဘူး။

" အားနည်းချက်က လူတိုင်း ရှိကြတယ်။
အဲဒါကို Focus မထားပဲ
ကိုယ့်အားသာချက်ကို ပိုကောင်းလာဖို့
အားစိုက်တဲ့သူက အဆင်ပြေသွားကြတာ
ပိုများတယ် "

ဒါကြောင့် သူများတွေပြောတာ
အရင်လျှောက်မလုပ်ခင် ကိုယ့်ကိုကိုယ်
ဘာကောင်လဲ အရင်သိအောင် လုပ်ပါ။

ကျွန်တော်တို့တွေက ကိုယ်ချစ်တဲ့လူတွေ
အကြောင်းတွေ၊ ကိုယ့်အနားကလူတွေ
အကြောင်းတွေ၊ ကိုယ်လေးစားရတဲ့
ပုဂ္ဂိုလ်တွေအကြောင်းတွေကို သိဖို့
ကြိုးစားကြပေမယ့် ..

ကိုယ့်ကိုယ်ကို သိအောင်လုပ်ဖို့
မေ့မေ့နေတတ်ကြတယ်။

သူများအကြောင်းတွေထက်
ကိုယ့်ကိုယ်ကို ဘာလဲ သိဖို့
ကိုယ့်အားသာချက် အားနည်းချက်က
ဘာလဲသိအောင်လုပ်ဖို့ လိုပါတယ်။

ကျွန်တော်တို့ အများစုကြုံတွေ့နေရတဲ့
ပြဿနာ အများစုကလည်း ကိုယ့်ကိုယ်ကို
မသိကြလို့ ဖြစ်နေကြတာ များပါတယ်။

ကိုယ့် အားသာချက်၊ အားနည်းချက်ကို
အရင် သိအောင်လုပ်ပါ။
သိတော့မှ အဲဒီအပေါ်မှာ Upgrade လုပ်သွားပါ။

ဒါဆိုရင် လမ်းပျောက်နေတဲ့ ပြသနာတွေ တော်တော်များများ ပြေလည်သွားလိမ့်မယ်။

အားနည်းချက်က ရှိမှာပဲ။
အားသာချက်ကို ပိုအာရုံစိုက်ဖို့ပဲ လိုတာ။

Sint Nyi
26.11.24
Repost

606

Sint Nyi

07 Dec, 13:30

သိန်း ဘယ်လောက်တန်တဲ့ အင်္ကျီတို့
သိန်း ဘယ်လောက်တန်တဲ့ နာရီတို့ထက်

မင်းရဲ့ ကိုယ်ကျင့်တရားက
သိန်းဘယ်လောက် တန်လဲဆိုတာက
ပို အရေးကြီးပါတယ်။

" ခန္ဓာကိုယ်ရဲ့ အပေါ်ယံ
အဆင်တန်ဆာတွေက လူ့တန်ဖိုး
မဟုတ်ပါဘူး။

ခန္ဓာကိုယ်ရဲ့ အတွင်းက
အရာသည်သာ လူ့တန်ဖိုးအစစ်ပါ။ "

ပစ္စည်းဥစ္စာ ပိုင်ဆိုင်မှုက
ပစ္စည်း ဥစ္စာပိုင်ဆိုင်မှုပဲ။

ကိုယ်ကျင့်တရားနဲ့ လူ့တန်ဖိုးက
သပ်သပ်ပါ။

ငွေကြေးနဲ့ ပစ္စည်းဥစ္စာပိုင်ဆိုင်မှုများလို့
လူကတန်ဖိုးပိုရှိသွားတာ မဟုတ်ဘူး။

" လူ့တန်ဖိုးက ပိုင်ဆိုင်မှုတွေ
အပေါ်ယံ အသုံးအဆောင်ပစ္စည်းတွေနဲ့
သတ်မှတ်ရတာ မဟုတ်ဘူး။

ကိုယ်ကျင့်တရားနဲ့ သတ်မှတ်ရတာ။"

ကိုယ်ကျင့်တရားမကောင်းရင်
ဘာပဲဝတ်ဝတ် ရုပ်မထွက်ဘူ။

ကိုယ်ကျင့်တရား ကောင်းတဲ့လူကျတော့လည်း
စွပ်ကျယ်ပဲ ဝတ်ထားရင်တောင်
တန်ဖိုးကရှိနေပြန်ရော။

အပေါ်ယံအရာတွေကိုအားမကျပါနဲ့။

အတွင်းထဲကအရာတွေကိုပဲ အားကျ
အတုယူပါ။

ကိုယ်ကျင့်တရားကောင်းတဲ့
လူဆင်းရဲက အရာအားလုံးရှိပြီး
ကိုယ်ကျင့်တရားမရှိတဲ့ လူချမ်းသာထက်
အများကြီး ပိုတန်ဖိုးရှိပါတယ်။
Sint Nyi
27.11.24

425

Sint Nyi

07 Dec, 13:30

ကျွန်တော် သဘောအကျဆုံး Rapper ကြီး
ပြောသွားတဲ့ Speech တစ်ခုကို
အရမ်းသဘောကျတယ်။

ပွဲတစ်ခုမှာ ကျေးဇူးတင်စကား
ပြောခိုင်းတော့ သူပြောတာက ..

" ငါ့ကိုယ်ငါ ကျေးဇူးတင်တယ် လို့
အရင်ဦးဆုံးပြောချင်တယ် "တဲ့ ...

" ငါ့အပေါ်မှာ ယုံကြည်ပေးလို့လည်း
ငါ့ကိုငါ ကျေးဇူးတင်တယ်။ "

" အလုပ်တွေ အရမ်းကြိုးစားတဲ့အတွက်လည်း
ငါ့ကိုယ်ငါ ကျေးဇူးတင်တယ်။ "

" နားရက်မရှိဘဲ အလုပ်တွေလုပ်တဲ့
အတွက်လည်း ငါ့ကိုယ်ငါ ကျေးဇူးတင်တယ်။"

" ဘယ်တော့မှ အရှုံးမပေးမိတဲ့အတွက်လည်း
ငါ့ကိုယ်ငါ ကျေးဇူးတင်တယ်။"

" သူများကို ပေးချင်ကမ်းချင်စိတ်နေရှိတဲ့
အတွက်လည်း ငါ့ကိုယ်ငါကျေးဇူးတင်တယ်။"

" လုပ်မိခဲ့တဲ့ အမှားတွေကို အမှန်
ပြန် ပြင်ချင်စိတ် ရှိနေသေးလို့လည်း
ငါ့ကိုယ်ငါ ကျေးဇူးတင်တယ်။ "

" အမြဲတမ်း ငါ့အတွက်ငါ မပြောင်းလဲပဲ
ရှိနေပေးလို့ ငါ့ကိုငါ ကျေးဇူးတင်တယ် တဲ့။

အဲဒီ Speech ကြားကြားချင်း
ဒီဘဲကြီးကို တော်တော်သဘောကျတယ်။

ကျွန်တော်တော့ သူပြောတာတွေကို
မာနကြီးတယ် Proud ဖြစ်တယ်
Confidence so high နေတယ်လို့
မမြင်ဘူး။

Self Appreciation လို့ပဲ မြင်တယ်။

သူပြောတာကို နားထောင်ပြီးတော့
ကျွန်တော်တို့ အများစု မေ့လျော့နေတဲ့
အရာတစ်ခုကိုလည်း သတိထားမိသွားတယ်။

ကျွန်တော်တို့တွေက တစ်ကမ္ဘာလုံးက
လူတွေကို Appreciate တွေလုပ်
ကျေးဇူးတွေတင်၊ အသိအမှတ်တွေ
ပြုတတ်ကြပေမယ့် ကိုယ့်ကိုယ်ကို
Appreciate လုပ်ဖို့ ကျေးဇူးတင်ဖို့ကျတော့
မေ့မေ့နေတတ်ကြတယ်။

ကျေးဇူးတင်ထိုက်သူတွေကို
ကျေးဇူးတင်တတ်တာ
အရမ်းကောင်းပေမယ့် မိမိကိုယ်ကို
ကျေးဇူးတင်တတ်ဖို့ ကလည်း
သိပ် အရေးကြီးတယ်။

သူတပါးကို ချီးမွမ်းခြင်း ကျေးဇူးသိတတ်ခြင်းက
အရမ်းကောင်းသလို မိမိကိုယ်ကို ချီးမွမ်းဖို့
ကျေးဇူးတင်ဖို့ကလည်း ထပ်တူ
အရေးကြီးပါတယ်။

မမေ့ပါနဲ့။

ကျော်ဖြတ်လာတဲ့ ကာလတလျောက်
အနိမ့်အမြင့် အတက်အကျတွေမျိုးစုံကို
ဘေးလူတွေရဲ့ ပံ့ပိုးမှုတွေ
စိတ်ခွန်အားတွေ ၊ စာပေလေ့လာမှုတွေနဲ့
ဖြတ်ကျော် ခဲ့ရပေမယ့်

တကယ်တမ်း ဒီခရီးကြမ်းတွေကို
ကိုယ်ကိုယ်တိုင်က လျောက်ချင်စိတ်မရှိဘူး။
ဘာမှလည်း လုပ်ချင်စိတ်မရှိဘူးဆိုရင်

ဘေးလူက ဘယ်လောက်ကူညီနေပါစေ
အလုပ်မဖြစ်ပါဘူး။

အဝေးကြီးမကြည့်နဲ့။

ကိုဗစ်ကာလတုန်းက လုပ်ချင်ချင်
မလုပ်ချင်ချင် Mask တပ်၊
Vaccine ထိုးပြီး ကျော်ဖြတ်ခဲ့လို့ကို
အခုစာကို ဖတ်နေနိုင်သေးတာပါ။

ကိုယ့်ကိုယ်ကို လျှော့မတွက်ပါနဲ့။
ကိုယ်ကိုယ်ကို အထင်မသေးပါနဲ့။

အရမ်းတော်တဲ့လူတွေ ၊အရမ်းချမ်းသာတဲ့
လူတွေ မဖြတ်ကျော်နိုင်ခဲ့တဲ့
သေခြင်းတရားကိုတောင် ရအောင်
ဖြတ်ကျော်ပြီး အခုအချိန်ထိ ရှင်သန်
ကျန်ရစ်ခဲ့ နိုင်တာနဲ့ တင်
တော်တော်ကို တော်နေပါပြီ။

ငါကဘာမှ မဟုတ်ဘူးမတွေးပါနဲ့။
ဘာမှမဟုတ်ဘူး။ ပျော့ညံ့တဲ့လူဆိုရင်
ဒီအချိန်ထိ ရှင်ကျနိနေရစ်ခဲ့မှာကို
မဟုတ်ပါဘူး။

ဒီလောက်ဆိုးတဲ့ ကိုဗစ်ကာလကိုတောင်
ကျော်ဖြတ်နိုင်ခဲ့တာ လက်ရှိ ပြသနာတွေ
အခက်အခဲတွေကိုလည်း သင်ကျော်ဖြတ်နိုင်ဦးမှာပါ။

အခု နှစ်သစ်လည်း ရောက်ခါနီးပြီ။

ဒီလောက်ခက်ခဲနေတဲ့ ကာလကြီးမှာ
သူများအပေါ်မယုတ်မာဘဲ။
ကလိမ်ကကျစ်မကျဘဲ ရိုးရိုးသားသားနဲ့
လုပ်ကိုင်စားရင်း ရှင်သန်နေနိုင်သေးတာကိုက
တကယ် တော်တဲ့ လူပီသတဲ့လူ
ဖြစ်နေပါပြီ။

ပြဿနာအခက်အခဲကတော့ရှိမှာပဲ။
ဒါလည်း အရင်ကလို ဖြေရှင်းနိုင်ဦးမှာပါ။
စိတ်မပူပါနဲ့။ လုပ်စရာရှိတာဆက်လုပ်နေပါ။

ပြီးတော့ ကိုယ့်ကိုယ်ကိုလည်း လျှော့မတွက်နဲ့ဥိီး
ကိုယ့်ကိုယ်ကို ကျေးဇူးတင်ဖို့လည်း မမေ့နဲ့။

သင့်ဘဝရဲ့ နောက်ဆုံးအချိန်ထိ
ရှိနေမယ့်သူကလည်း သင်ကိုယ်တိုင်ပဲမလို့
ကိုယ်ကိုယ်ကို နေ့တိုင်းချစ်ဖို့လည်း
မမေ့ပါနဲ့။

Happy Sweet December ပါဗျား။

Just thank yourself and keep going !

Sint Nyi
1.12.24

325

Sint Nyi

07 Dec, 13:30

အရမ်းတွေတိုင်ပတ်ခဲ့တဲ့ အချိန်တွေမှာ
ကျောင်းက သင်ပေးခဲ့တဲ့ English စာက
ဘဝမှာ သိပ်အသုံးဝင်တာ တွေ့ခဲ့ရတယ်။

အတန်း ပညာတတ်လားဆိုတော့
ကျွန်တော်လည်း ဆယ်တန်းလေးအောင်။
ဖုတ်လိုက် ဖုတ်လိုက်နဲ့ ဘွဲ့လေးဘာလေး
ရခဲ့တာပေါ့။

ကျောင်းပြီးလို့ ဘာတွေတတ်လဲဆိုတော့
ဘာမှမတတ်ဘူး။

မတတ်တာကလည်း ကိုယ်အသုံးမကျလို့
စာမလုပ်လို့။

ကိုယ်တွေကျောင်းကပြီးလို့ ပြည်ပမှာ
Programmer လုပ်ပြီး
ဒေါ်လာ ထောင်ဂဏန်း သောင်းဂဏန်းနဲ့
အလုပ်လုပ်ပြီး ကမ္ဘာပတ်နေတဲ့ သူငယ်ချင်းတွေအများကြီးပဲ။

ဘွဲ့ရတာ ရကြတာပဲ။
ဘွဲ့ကို ဘယ်လိုနည်းနဲ့ ပေးဆပ်ပြီး
ယူခဲ့လဲကွာသွားတာပေါ့။

ကွန်ပျူတာ တက္ကသိုလ်ရဲ့ စာသင်နှစ်
တစ်နှစ်မှာတင် A ခန်းကနေ H အထိဆိုပြီး
အမှတ်အပေါ်မူတည်ပြီး
အခန်းတွေအမျိုးမျိုးခွဲထားပါတယ်။

ကိုယ်တွေလို နောက်ဆုံးအခန်းမှာနေပြီး
စာလည်းမလုပ် ဂျလေဘီလုပ်ပြီး
ခိုးချလိုက် ဘာလိုက်နဲ့ အောင်လာတဲ့
ကောင်တွေရှိ သလို ..

စာသေချာလုပ်၊ Program တွေ Run
ရင်းနဲ့ Hon တွေ Master တွေ PHD တွေ
ရသွားတဲ့လူတွေလည်း အများကြီးပဲ။
တခြားကျောင်းတွေလည်း အဲလိုပါပဲ။

ကျောင်းပြီးလို့ဘာမှ မတတ်တာ
အများစုပေမယ့် တတ်သွားတဲ့
လူတွေလည်းရှိကြတာပဲ။

ကိုယ်တွေ့အရတော့ အောက်ဆုံးအချိန်
ရောက်နေတုန်းက ဘဝမှာ
ငယ်ငယ်ကတည်းက သင်ခဲ့ရတဲ့
English စာက အရမ်းအရေးကြီးတာကို
သိခဲ့တာပဲ။

ဒီ English စာတတ်လို့ပဲ
ပြည်ပ Website ကနေ ပစ္စည်းလေးတွေ
မှာပြီး ပြည်တွင်းမှာရောင်းပြီး
အကြွေးလေးတွေ ဆပ်နိုင်ခဲ့တာ။

ဒီ English စာကို နားလည်လို့ပဲ
Foreigner မိတ်ဆွေကောင်းတွေရပြီး
ဘဝရဲ့အခက်ခဲဆုံးအချိန်တွေကို
သူတို့ရဲ့ English လိုအားပေးတဲ့စကားတွေက
ခွန်အားယူပြီး ကျော်ဖြတ်ခဲ့ရတာ။

ဒီ English စာကြောင့်ပဲ ခက်ခဲနေတဲ့ကာလမှာ
မလေးရှားတို့ စင်ကာပူထိ တယောက်ထဲ
သွားပြီး စျေးသွားရောင်းနိုင်ခဲ့တာ။

ကျောင်းပညာတတ်ဖို့ မတတ်ဖို့
ဘွဲ့ရဖို့ မရဖို့က တော့ ဝင်မပြောလိုပေမယ့်
ကျွန်တော်တော့ ကျောင်းကသင်ပေးခဲ့တဲ့
English စာကြောင့် ခက်ခဲနေတဲ့
ကာလမှာ သိပ်အဆင်ပြေခဲ့တယ်
ပြောပြတာ။

ပညာတတ်တာ ကောင်းတယ်။
ပိုက်ဆံရှိတာလည်း ကောင်းတယ်။
အတန်းပညာမတတ်ပဲ ပိုက်ဆံရှိနေလည်း
ကောင်းတာပဲ။
လူစိတ်ရှိနေသရွေ့ အားလုံးကောင်းတာပဲ။

ပညာကော ၊ ငွေကော ၊
လူစိတ်ကောရှိတဲ့ သူတွေကတော့
အကောင်းဆုံး ထဲက အကောင်းဆုံး
လူသားတွေပဲပေါ့ဗျာ။

Sint Nyi
2.12.24

505

Sint Nyi

27 Nov, 02:35

လူတိုင်းကတော့ အမြတ်လိုချင်လို့
လုပ်ငန်းတွေ လုပ်ကြတာပဲ။

ဒါပေမယ့် မမြတ်ပေမယ့်လည်း
လည်ပတ်နေရင် ရပါပြီဆိုပြီး
လုပ်နေကြတဲ့ လုပ်ငန်းတွေ
အများကြီးရှိပါတယ်။

ကျွန်တော်မလေးရှားမှာ ဆိုင်သေးသေးလေး
ဖွင့်လိုက်သေးတယ်။

ကိုယ်က ငွေအရင်းအနှီးစိုက်
စိတ်ချရတဲ့ Partner ကလူစိုက်ပေါ့။

ဒါနဲ့ အဲ့ဆိုင်လေးက (၆) လကြာတဲ့အထိ
အမြတ်မပြောနဲ့ အရင်းတောင်ပြန်မရဘူး။

ဒါနဲ့ ကိုယ့် Partner က ကို့ကိုအားနာပြီး
အမြတ်မရတော့ ဆိုင်ပိတ်လိုက်မလား
ဆိုပြီး တိုင်ပင်တယ်။

ကျွန်တော်က ဆက်ဖွင့်ဖို့ပဲ
ပြောဖြစ်တယ်။

အခုထိလည်း အဆင်မပြေပါဘူး။

အမြတ်လည်း မပေါ်တဲ့အပြင်
ရင်းထားတဲ့ အရင်းလည်း ပြန်မရသေးဘူး။
ဘာလို့ ဆက်ဖွင့်ဖြစ်လဲဆိုတော့
အဲဒီဆိုင်လေး ရှိနေခြင်းအားဖြင့် ဝန်ထမ်းတွေ
လစဥ်လစာ ရနေတယ်။

ပြီးတော့ အဲဒီနားကလူတွေ
မနက်စာ စားရတာ အဆင်ပြေမယ်။

တနေ့စာ ချက်ထားတာတွေ ရောင်းမကုန်ရင်
အနီးအနားက Homeless တွေကို
ကျွေးတော့ သူတို့လည်း အဆင်ပြေတယ်။

စီးပွါးရေး သဘောအရပဲ
အဆင် မပြေပေမယ့် ဒီဆိုင်ရှိနေလို့
လူတချို့ အဆင်ပြေနေတော့လည်း
ပြီးတာပါပဲဆိုပြီး လိုတာလေးတွေ
ဆက်ပံ့ပိုးရင်းနဲ့ မပိတ်ဖြစ်တာ။

ဆံပင်ညှပ်ဆိုင်လည်း အဲလိုပဲ။

ထင်သလောက် မြတ်လားဆိုတော့ မမြတ်ဘူး။
ငှားခနဲ့ ဝန်ထမ်းစားရိတ်နဲ့က
လုပ်ရတာနဲ့ ပြန်ရတာနဲ့ တွက်ကြည့်ရင်
ROI မကိုက်ဘူး။

ဒါပေမယ့် ဒီဆိုင်ရှိနေလို့လည်း
ဝန်ထမ်း ဆယ်ယောက်ကျော်
လစာရနေတယ်ဆိုတော့လည်း
ခေါင်းရှုပ်ရပေမယ့် ဆက်လည်ပတ်နေတာပါပဲ။

တချို့အလုပ်တွေကပိုင်ရှင်အတွက်
ငွေကြေးအားဖြင့် မမြတ်ပေမယ့်
ဒီလုပ်ငန်းရှိလို့ လူတချို့အလုပ်ရပြီး
လည်ပတ်နေတာကလည်း ငွေကြေးမဟုတ်တဲ့
တခြား အမြတ်တော့ ထွက်တာပဲလို့ပဲ
တွေးရတာပေါ့။

စီးပွါးရေးလုပ်တာ ဘယ်သူမဆို
မြတ်ချင်ကြ ပေမယ့်လည်း
ဒီခေတ် ဒီအချိန် ဒီကာလမျိုးမှာ
မမြတ်ရင်ရတယ်။ လည်ပတ်ရင်
တော်ပါပြီဆိုပြီး Run နေကြတဲ့လုပ်ငန်းတွေ
အများကြီးရှိနေပါတယ်။

ဒီခေတ်မှာ အဆင်မပြေတာက
သင်တယောက်ထဲတော့လည်း
မဟုတ်ဘူးဆိုတာ ပြောပြချင်တာ။

ကျွန်တော်တို့တွေမှာလည်း တိုင်ပတ်နေတဲ့
လုပ်ငန်းတွေရှိတယ်။

တော်သေးတာက လုပ်ငန်းတစ်ခုထဲမှာ
Invest မလုပ်ထားဘဲ လုပ်ငန်းသေးသေး
လေးတွေအများကြီး လျောက်လုပ်ထားတော့
တခုရှုံးနေပေမယ့် တခြားတခု
အဆင်ပြေနေတော့ ခံသာနေတာပါ။

ဒီခေတ်ကြီးမှာ လုပ်ငန်းတစ်ခုထဲနဲ့
ရပ်တည်ရတာ တဖြည်းဖြည်းနဲ့ခက်လာပါပြီ။

ဒီတော့ ဖြစ်နိုင်ရင်တော့
အလုပ်တခုထဲမှာ ရပ်တည်တာထက်
နှစ်ခုသုံးခု မှာ ခြေလှမ်းလှမ်းနိုင်ရင်
ပိုကောင်းပါတယ်။

စီးပွါးရေးလုပ်တာ မြတ်ချင်လို့
လုပ်ကြတာမှန်ပေမယ့် တခါတလေကျတော့
ငွေမမြတ်ပေမယ့် ကိုယ့်ပတ်ဝန်းကျင်ကလူတွေ
အဆင်ပြေသွားကြတာလည်း အမြတ်ပါပဲ
ဆိုတာ ညီအကိုမောင်နှမတွေ
အတွက် သိသလောက်လေး Sharing
ပြန်လုပ်ပေးလိုက်ပါတယ်။

လုပ်ငန်းကိုင်ခန်းများ
အဆင်ပြေကြပါစေဗျာ။

615

Sint Nyi

27 Nov, 02:34

ကိုယ်အဆင်မပြေတဲ့ အချိန်
ကိုယ်ကျင်လည်နေတဲ့ ပတ်ဝန်းကျင်ကို
သတိထားဖို့ လိုအပ်ပါတယ်။

ကျွန်တော် ငွေရေးကြေးရေး နဲ့ပတ်သက်ပြီး
ဆင်းရဲ ဒုက္ခရောက်ခဲ့တုန်းက
အဆင်ပြေနေ ချမ်းသာနေတဲ့
လူတွေနဲ့ ခပ်ဝေးဝေးမှာနေခဲ့ဖူးတယ်။

သူတို့အဆင်ပြေနေ ချမ်းသာနေတာကို
မနာလိုလို့တော့ မဟုတ်ဘူး။

သူတို့အောင်မြင် ချမ်းသာတာ ကြည့်ပြီး
ကိုယ့်ကိုယ်ကို သိမ်ငယ်ပြီး အားမလို
အားမရ ဖြစ်ဖြစ်လာ လို့။

အဲဒီအချိန် တုန်းကတော့ ကို့ထက် ဆင်းရဲပြီး
လမ်းဘေးမှာ စားစရာမရှိတဲ့သူတွေ ကို
ရှိတဲ့အထဲကနေ ဆန်လေး ဆီလေး
ဝေမျှရင်းနဲ့ ဖြတ်သန်းခဲ့ဖူးတယ်။

သြော် .. ငါသူတို့လောက် အခြေနေ
မဆိုးသေးပါဘူးလေဆိုတဲ့ စိတ်နဲ့
ပြန်ရုန်းကန်ဖို့ အားအင်တွေ ရလာတယ်။

ကိုယ်အရမ်းခက်ခဲနေတဲ့အချိန်
ကိုယ့်ထက်အဆင်ပြေနေတဲ့
သူများဘဝတွေကို လိုက်မော့ကြည့်ပြီး
အားကျ နေရတာထက် ...

ကိုယ့်ထက် ခက်ခဲနေတဲ့ ဘဝတွေကို
ကြည့်ပြီး ငါဒီလောက်တော့
မဆိုးသေးပါဘူးလေဆိုပြီး
ကြံဖန်ပြီး အားပြန်ယူရတာပေါ့။

အဆင်မပြေတဲ့ အချိန်မှာ
ကိုယ့်ထက် သာနေတဲ့လူတွေနဲ့
လိုက်ပြီး Compare လုပ်လေလေ
ကိုယ်ပဲ စိတ်ပင်ပန်းလေ စိတ်ဓာတ်ကျလေလေ
ဖြစ်တတ်လို့ ...

အဆင်မပြေတဲ့အချိန်တွေမှာ
ကိုယ့်ထက် နိမ့်ကျနေတဲ့ ဘဝတွေအနားမှာ
ကျင်လည်ရင်း သူတို့ကိုကူညီရင်းနဲ့
ဘဝတက်လမ်းကို ပြန်ရှာတာ
ပိုပြီး စိတ်အဆင်ပြေတတ်တယ်ဆိုတာ
Sharing လုပ်ပေးလိုက်ပါတယ်။

Sint Nyi
Memory Repost
22.11.21

470

Sint Nyi

27 Nov, 02:34

အလုပ်ကို လုပ်ချင်ချင် မလုပ်ချင်ချင်
နေ့ကော ညကော ပင်ပင်ပန်းပန်းနဲ့
ကြိုးစားပြီး လုပ်ရတဲ့ Work Hard ကာလ
ဆိုတာ လူတိုင်းမှာရှိတယ်။

ဘယ်သူမှ သဘောမကျကြတဲ့
ငွေအတွက် ကိုယ်က အလုပ်လုပ်ပေးရပြီး
ငွေကကိုယ့်ကို ခိုင်းစားတဲ့ကာလ တခုပေါ့။

သူဌေးတွေမှာလည်း Work hard ကာလ
ဆိုတာ ရှိသလို ဝန်ထမ်းတွေမှာလည်း
အဲဒီ Work hard ကာလဆိုတာ ရှိတယ်။

အဲဒီ Work hard ကာလကို
ကျော်လွန် သွားတော့မှ...

ငွေ အရင်းအနှီးတွေ၊
အတွေ့အကြုံတွေ လုံလုံလောက်လောက်
ရသွားတော့မှ Work Smart ကာလဆိုတာကို
ရောက်တာ။

Work smart ကာလမှာကျတော့
ငွေအရင်းအနှီးနဲ့ အတွေ့အကြုံ
ရှိနေပြီ ဆိုတော့ Work Hard ကာလကလို
အရမ်း မပင်ပန်းတော့ဘူး။

ရှိထားတဲ့ငွေကို ရထားတဲ့
အတွေ့အကြုံနဲ့ ဥာဏ်ရှိရှိ
ပြန်ပြီး ခိုင်းစားရတာမျိုးပေါ့။

ငွေကို ကိုယ်က ပြန်ပြီး ခိုင်းစားနိုင်ဖို့
ငွေကကိုယ့်ကို ခိုင်းတာကို အရင်ခံရတတ်တယ်
ဆိုတာကို ပြောပြချင်တာပါ။

အခု ငွေအတွက် အလုပ်လုပ်နေရလို့
စိတ်ဓာတ်မကျနဲ့။ အားမလျော့နဲ့။

အချိန်တန်ရင် ငွေကို ပြန်ခိုင်းစားနိုင်ဖို့
အတွေ့အကြုံနဲ့ အရင်းနှီးစုနေရတယ်
ဆိုတဲ့စိတ်နဲ့ ဆက်လျှောက်ပါ။

တနေ့ ငွေကို ပြန်ပြီး
ခိုင်းစားနိုင်လာပါလိမ့်မယ် 💪

Sint Nyi
23.11.24

366

Sint Nyi

27 Nov, 02:34

အကူအည်ီ လာတောင်းလို့ရပါတယ်။

မကူညီနိုင်လို့ ငြင်းတဲ့အခါကျရင်
စိတ်မဆိုးဘူး ဆိုရင်ပေါ့။

ကိုယ့်အပေါ် ကောင်းဖူးတဲ့လူတွေကို
တတ်နိုင်သလောက် ပြန်ပြီး
ကူညီပေးပေမယ့် ...

လူချင်းလည်း မတွေ့ဖူး၊ မမြင်ဖူး
ဘာကျေးဇူးမှလည်း မရှိဖူးတဲ့လူတွေက
ငွေရေးကြေးရေးတို့ ၊ တခြားကိစ္စတို့
အကူညီလာတောင်းရင်တော့

မကူညီနိုင်ရင် မကူညီနိုင်ဘူးပဲ
တခါတည်း ငြင်းဖြစ်ပါတယ်။

အဲဒါ ယုံတာ မယုံတာနဲ့ မဆိုင်ပါဘူး။
ကိုယ်လုပ်ပေးနိုင်တာ မလုပ်ပေးနိုင်တာနဲ့ပဲ
ဆိုင်လို့ပါ။

လူတွေဆီက ကိုယ်လည်း
ဘယ်အရာမှ မျှော်လင့်မထားသလို

လူကောင်းမဟုတ်တဲ့ ကိုယ့်ဆီကလည်း
ဘယ်အရာမှကို မျှော်လင့်မထားစေချင်ပါဘူး။

Sint Nyi
25.11.24

264

Sint Nyi

27 Nov, 02:33

သိန်း ဘယ်လောက်တန်တဲ့ အင်္ကျီတို့
သိန်း ဘယ်လောက်တန်တဲ့ နာရီတို့ထက်

မင်းရဲ့ ကိုယ်ကျင့်တရားက
သိန်းဘယ်လောက် တန်လဲဆိုတာက
ပို အရေးကြီးပါတယ်။

" ခန္ဓာကိုယ်ရဲ့ အပေါ်ယံ
အဆင်တန်ဆာတွေက လူ့တန်ဖိုး
မဟုတ်ပါဘူး။

ခန္ဓာကိုယ်ရဲ့ အတွင်းက
အရာသည်သာ လူ့တန်ဖိုးအစစ်ပါ။ "

ပစ္စည်းဥစ္စာ ပိုင်ဆိုင်မှုက
ပစ္စည်း ဥစ္စာပိုင်ဆိုင်မှုပဲ။

ကိုယ်ကျင့်တရားနဲ့ လူ့တန်ဖိုးက
သပ်သပ်ပါ။

ငွေကြေးနဲ့ ပစ္စည်းဥစ္စာပိုင်ဆိုင်မှုများလို့
လူကတန်ဖိုးပိုရှိသွားတာ မဟုတ်ဘူး။

" လူ့တန်ဖိုးက ပိုင်ဆိုင်မှုတွေ
အပေါ်ယံ အသုံးအဆောင်ပစ္စည်းတွေနဲ့
သတ်မှတ်ရတာ မဟုတ်ဘူး။

ကိုယ်ကျင့်တရားနဲ့ သတ်မှတ်ရတာ။"

ကိုယ်ကျင့်တရားမကောင်းရင်
ဘာပဲဝတ်ဝတ် ရုပ်မထွက်ဘူ။

ကိုယ်ကျင့်တရား ကောင်းတဲ့လူကျတော့လည်း
စွပ်ကျယ်ပဲဝတ်ဝတ် LV ပဲဝတ်ဝတ်
နောက်ဆုံး အင်္ကျီဝတ်မထားရင်တောင်
တန်ဖိုးကရှိနေပြန်ရော။

အပေါ်ယံအရာတွေကိုအားမကျပါနဲ့။

အတွင်းထဲကအရာတွေကိုပဲအားကျ
အတုယူပါ။

ကိုယ်ကျင့်တရားကောင်းတဲ့
လူဆင်းရဲက အရာအားလုံးရှိပြီး
ကိုယ်ကျင့်တရားမရှိတဲ့ လူချမ်းသာထက်
အများကြီး ပိုတန်ဖိုးရှိတယ်ဆိုတာကို
ပြောပြတာပါ။

Sint Nyi
27.11.24

384

Sint Nyi

12 Nov, 06:07

လူတိုင်းမှာ " မကျင်လည်သင့်တဲ့
ပတ်ဝန်းကျင် " ဆိုတာ ရှိတယ်။

ကျွန်တော့ကို အရမ်းချစ်တဲ့
သူငယ်ချင်း တစ်ယောက်ရှိတယ်။

ဘဝရဲ့အောက်ဆုံးကျနေတဲ့အချိန်
ဘာမှမရှိတော့တဲ့အချိန်၊ ဘယ်သူမှ
ကိုယ့်အနားမှာ မရှိတဲ့ အချိန်မှာ
ဒီသူငယ်ချင်း နဲ့ သိခဲ့ရတယ်။

သူက ကုမ္ပဏီပိုင်ရှင်၊
နိုင်ငံခြားသား တစ်ယောက်။
မြန်မာအမျိုးသမီးနဲ့ အိမ်ထောင်ကျတယ်။

စိတ်ဓာတ်လည်း အရမ်းကောင်းတယ်။
တွေ့ဖူးသမျှထဲမှာ အလုပ်
အလုပ်ဆုံး လူသားပဲ။

ခေါင်းထဲမှာ အလုပ်ရယ်၊ မိသားစုရယ်၊
သူငယ်ချင်းတွေရယ်ပဲ ရှိတဲ့လူ။

ကုမ္ပဏီပိုင်ရှင် စီးပွါးရေးသမားဆိုတော့
Network အရမ်းကောင်းတယ်။

ဒိတိဒိတ်ကြဲ သူဌေးတွေနဲ့ တဝိုင်းထဲထိုင်ပြီး
သွားလာ စားသောက်နေတဲ့သူမျိုး။
အားလုံးကလည်း သူ့ကိုရိုးသားကြိုးစားလို့
ချစ်ကြတယ်။

သူနဲ့ ခင်သွားတော့ သဘောကောင်းတဲ့သူပီပီ
ကိုယ့်ကို သူသွားတဲ့ နေရာတွေ
ခေါ်ချင်လာတယ်။

သူတက်တဲ့ပွဲတွေ အတူတူလိုက်တက်ဖို့
ဖိတ်ချင် တယ်။
သူသိတဲ့ လူတွေနဲ့ မိတ်ဆက်ပေးချင်တယ်။

မိတ်ဆွေကောင်းပီပီ သူ ကျင်လည်နေတဲ့
သူဌေး အသိုင်းအဝိုင်းမှာ ကိုယ့်ကို
ဝင်ဆံ့ စေချင်တာ။

ပွဲတွေတက်ပြီး သူ့လိုပဲ
Networking လုပ်စေချင်တာ။

ဒါပေမယ့် အဲဒီအချိန်က
သူခေါ်တဲ့အချိန်တိုင်း ကျွန်တော်
ငြင်းဖြစ်ခဲ့တယ်။

ကိုယ်က ဘာကောင်မှမှ မဟုတ်တာ။

စီးပွါးရေးလုပ်တာ Networking
လိုပေမယ့် ကိုယ်တိုင်ကလည်း
အနေအထား တစ်ခုရှိနေဖို့လည်း
လိုအပ်ပါသေးတယ်။

အထူးသဖြင့်စီးပွါးရေး အသိုင်းအဝိုင်း
တခု ထဲဝင်ဖို့ဆို လိုအပ်ချက် ပိုများပါတယ်။

အဲဒီအချိန်က မွဲနေတဲ့အချိန်ဖြစ်နေတော့
သူဖိတ်တိုင်း ငြင်းပါတယ်။ မသွားဖြစ်ဘူး။

ဘာဖြစ်လို့လဲဆိုတော့
" ကိုယ် မကျင်လည်သင့်တဲ့
ပတ်ဝန်းကျင် " ဖြစ်နေလို့။

မကျင်လည်သင့်တဲ့ ပတ်ဝန်းကျင်မှာ
အရင်က ချမ်းသာချင်ယောင်ဆောင်ပြီး
ကျင်လည် ခဲ့ဖူးတယ်။

မကြာဘူး ဝန်တွေပိလာပြိီး မွဲသွားတာပါပဲ။

ဒီတော့သင်ခန်းစာရသွားပြီး
တဆင့်ချင်းဆီ သွားတာကသာ
အကောင်းဆုံး ဆိုတာသိသွားတာ။

တစ်သောင်း ပဲသုံးနိုင်ရင် တစ်သောင်းပဲ
သုံးတဲ့ပတ်ဝန်းကျင်မှာ ကျင်လည်တာ
ပိုကောင်းပါတယ်။

တစ်သိန်းပဲ သုံးနိုင်ရင်
တစ်သိန်း သုံးတဲ့ပတ်ဝန်းကျင်မှာ
ကျင်လည်တာက ပိုကောင်းတယ်။

တစ်သောင်းပဲ သုံးနိုင်တာကို
Networking လုပ်ချင်ဇော၊
လူဝင်ဆံ့ချင်ဇောနဲ့ တစ်သိန်းသုံးတဲ့
ပတ်ဝန်းကျင်ကို ဝင်တိုးမိရင်
ကြာကြာမခံဘူး။ မွဲတော့တာပဲ။

အသိုင်းဝိုင်းတစ်ခု ပတ်ဝန်းကျင်တစ်ခုကို
ဝင်တော့မယ်ဆိုရင် အဲဒီအချက်ကို
သေချာ သေချာ သတိထားသင့်တယ်။

သတိမထားမိပဲ မကျင်လည်သင့်တဲ့
အသိုင်းအဝိုင်းတခုမှာ ဝင်ကျင်လည်းရင်းနဲ့
မွဲသွားတဲ့သူတွေ တကယ်ရှိတယ်။

ကိုယ်က တစ်ရက် တစ်သောင်း
သုံးန်ိုင်ရင် တစ်သောင်းပဲ သုံးကြတဲ့
ပတ်ဝန်းကျင်မှာ နေတာ အကောင်းဆုံးပဲ။

တစ်ရက် တစ်သောင်း ပဲ သုံးနိုင်တာကို
တစ်ရက် တစ်သိန်းသုံးတဲ့ ပတ်ဝန်းကျင်မှာ
သွားပြ်ိးကျင်လည်လို့ မရတာတော့မဟုတ်ဘူး။

စိတ်နိုင်ရင် ရတယ်။

အားကျတတ်တဲ့စိတ်နဲ့ အတုခိုးတဲ့စိတ်
နည်းရင် အိုကေတယ်။
စိတ်နိုင်ရင် အားလုံးအဆင်ပြေတယ်။

မနိုင်ရင် မွဲပါမယ်။ လောင်ပါမယ်။
သိမ်ငယ်ပါမယ်။

အဲဒီတော့ စိတ်ကို control နိုင်ဖို့
တော်တော် လိုပါတယ်။

စိတ်မနိုင်ရင်တော့ သွားမကျင်လည်ပါနဲ့။ ကောင်းကျိုးထက် ဆိုးကျိုးများပါတယ်။

သူဌေးနဲ့ ပေါင်းလို့ သူဌေးဖြစ်သွားတဲ့သူထက်
သူဌေးခိုင်းဖက်ဖြစ်သွားတဲ့လူက
ပိုများပါတယ်။

ဒါကြောင့် ကိုယ်ကျင်လည်နေတဲ့
ပတ်ဝန်းကျင်ကို သေချာဆန်းစစ်ပါ။

စိတ်ပျော်ရွှင်မှုတွေ ပေးနေတဲ့
ပတ်ဝန်းကျင်လား။

Toxic တွေပေးတဲ့ ပတ်ဝန်းကျင်လား။
ကျန်းမာရေး ထိခိုက်စေမယ့်
ပတ်ဝန်းကျင်လား။
ငွေကုန်ပြီး အကျိုးမရှိတဲ့
ပတ်ဝန်းကျင်လား။

သေချာဆန်းစစ်ပါ။

တခါတလေကျ ဘေးနားကပြောပေးမယ့်
သူမရှိရင် ကိုယ်ကျင်လည်နေတဲ့
ပတ်ဝန်းကျင်ကို ဆန်းစစ်ဖို့
မေ့နေတတ်ပါတယ်။

ဒါကြောင့် ဒီပို့စ်လေးနဲ့ သင်ဘယ်ပတ်ဝန်းကျင်မှာ ကျင်လည်နေလဲဆိုတာကို သိသလောက်လေးချစ်တဲ့စိတ်နဲ့ သတိပေးရေးသားလိုက်ပါတယ်။

LOVE
Sint Nyi

841

Sint Nyi

12 Nov, 06:07

မူးယစ်ဆေးနဲ့ လောင်းကစားလိုပဲ လူ တွေရဲ့ အောင်မြင်မှု ကို ဟန့်တားတဲ့နောက်အရာတစ်ခုရှိသေးတယ်။

အဲဒါ အမွေ ပဲ။

မူးယစ်ဆေးနဲ့ လောင်းကစားက တရားမဝင်ဘူး။ လုပ်ချင်ရင်တောင် ခိုးလုပ်ရတာမျိုး။

အမွေက ကျတော့ တရားဝင်။ မွေးရာ ပါ ရပိုင်ခွင့်။ သားသမိီးတွေက မိဘချမ်းသာရင် ချမ်းသာသလို ရမယ့်အမောင့်ကို ကြိုသိထားတာမျိုး။

ရ လာမှာလေး ကို တစ်မျော်မျော်နဲ့ အချိန်တွေကုန်ကုန်လာတယ်။

တစ်ချို့က ရလာမည့် ဟာကိုထိုင်စောင့်ရင်း ကြိုးစားစရာရှိတာတွေ မကြိုးစားတော့ပဲ အေးအေးလူလူ ပေါ့ပေါ့တန်တန် ဖြတ်သန်းသွားကြတယ်။

ရလာတဲ့အခါ ငွေကိုစီမံခန့်ခွဲတတ်ရင် တော်သေးပေမယ့် မစီမံမခန့်ခွဲတတ်ပဲ အမွေရလာခဲ့ရင် ဘာတွေ လုပ်ပစ်မယ်ဆိုပြီး တစ်သက်လုံး စိတ်ကူးယဥ်သမျှတွေ လျောက်လုပ်ရင်း မွဲသွားတာလည်း မြင်ဖူးတယ်။

အမွေ မျှော်ရင်လည်း ရလာတဲ့အခါ ငွေကိုစီမံခန့်ခွဲတတ် တိုးပွားအောင်လုပ်တတ်ဖို့ ပြင်ဆင်လေ့လာဖို့ လိုသေးတယ်ဆိုတာ သတိပြုမိတာပေါ့။

ဘာမှ ရစရာမရှိတဲ့သူကတော့ အေးတယ်။ ညီအစ်ကိုမောင်နှမချင်း လည်း စိတ်ဝမ်း ကွဲစရာမရှိဘူး။ မခေါ်နိုင် မပြောနိုင်တွေ မဖြစ်ကြ တော့ဘူး။

အသိ မိသားစုတွေဆို သူတို့အမေ က သူ့သားသမီးခြောက်ယောက် စိတ်ဝမ်းမကွဲအောင် သူတို့နေတဲ့ အိမ်ကြီးကို ကန်ထရိုက်တိုက် ဆောက်ပြီး သားသမီးတွေကို တစ်ယောက်တစ်ခန်းပေးသွားတယ်။

ကြီးစဥ်ငယ်လိုက်ပေါ့။ အကြီးဆုံးက အောက်ထပ်တွေရတယ် အငယ်တွေက အပေါ်ထပ်တွေ အဆင့်ဆင့်ပေါ့။ တစ်ကယ်က အဲလို ပေးကတည်းက စပြီး စိတ်ဝမ်းက ကွဲနေပြီ။

အငယ်ဆုံးက ငါးလွှာရောက်သွားတယ်။ဒါပေမယ့် မိဘပဲလေ သူပိုင်တဲ့ဟာ သူလုပ်ချင်တာလုပ်သွားတာ ဘာမှမရတာ ထက်တော့ အဆင်ပြေကြတာပေါ့။

အဲဒီလို နေလာကြပေမယ့် အမေဆုံးသွားတော့ ကျန်ရှိနေသေးတဲ့ အတွင်းပစ္စည်းတွေကိုကျတော့ ပြသနာတက်ကြပြန်ရော။

သားသမီးတွေစိတ်ထဲမှာ မိဘဟာက ငါတို့အားလုံးမျှမျှတတ ပိုင်တယ်ဆိုတဲ့စိတ်ရှိ တတ်ကြတယ် ။ ဒါလည်းမ မှားပါဘူး။ လောကကြီးမှ ကျင့်သုံးနေတဲ့ မျှတမှု ရှုထောင့်က ကြည့်ရင်ပေါ့။

အဲလိုမျိုးက မျှတတဲ့မိဘနဲ့ဆို ကျန်ရစ်တဲ့ ညီအစ်ကိုမောင်နှမတွေ အတွက် ပြသနာမရှိပေမယ့် တစ်ဥိးတစ်ယောက်ကို ပိုပိုသာသာချစ်တတ်တဲ့ မိဘတွေနဲ့ဆို မိဘသေ တာနဲ့ အကုန် စိတ်ဝမ်းကွဲသွားကြတာ များတယ်။

အမွေက ထိုက်မှရတာတဲ့။ အဲဒီစကားတကယ်မှန်တယ်။

မန်းလေးက သူငယ်ချင်းတစ်ယောက်ဆို ဆရာဝန်။ တစ်ဦးတည်းသောသား။ မိဘတွေကအရမ်းချမ်းသာတယ်။ သိန်းကို သိန်းနဲ့ချီချမ်းသာတယ်။ အသက် ၃၀ မှာ စောစောစီးစီး မမျော်လင့်ပဲ ဆုံးသွားရှာတယ်။ ဘာမှ မခံစားသွားလိုက်ရဘူး။

နောက်တစ်ဦးကျတော့ အမွေရချင်လို့ ဘိုးတော်ကြီးကို ယူထား ပြီး သည်းခံကြိတ်မှိတ် ပေါင်းပေမယ့် ဘိုးတော်ကြီးမရှောခင် အရင်ရှောသွားတဲ့ စော်ကြီးကို မြင်ဖူးတယ်။

နောက်တစ်ယောက်ကျတော့ ဘိုးတော်ကြီးအရင် ရှော သွားပေမယ့် စျာပန ကျမှ သူ့လိုပဲ နောက်ထပ်မိန်းမ နှစ် ယောက်လောက်ပေါ်လာပြီး အမွေတွေခွဲကြ အမှုတွေဖြစ်ကြနဲ့ ဗြောင်းသတ်နေကြတာမျိုး။

သူတစ်ပါးရှာထားတဲ့ စည်းစိမ် ဥစ္စာ အမွေကို ကိုယ့်လုပ်အားမပါပဲ လိုချင်မိရင် မျော်မိရင် လောင်တတ်ပါတယ်။

ပြီးတော့ ကိုယ်စွမ်းကိုယ်စလည်း လျော့ပါတယ်။ ကိုယ်တိုင်လုပ်ရင် အဲဒီထက် အဆပေါင်းများစွာ ချမ်းသာနိုင်တယ်ဆိုတာကိုမမေ့ပါနဲ့။

ကိုယ်ဟာကိုယ် လျော့မတွက်ပါနဲ့။

ဘယ်သူ့ဆီကမှဘာမှမမျော်လင့်ပါနဲ့ဆိုတာ မိဘဆီကလည်းပါတယ်။

ဘယ်သူ့ဆီကမှ ဘာမှမမျော်လင့်တတ်တဲ့သူက အရမ်းအေးချမ်းတာကို မှတ်ထားပါ။

ကိုယ့်ဘဝအတွက် ကိုယ်တိုင်ကြိုးစားပါ။

ဘယ်ဆီနေမှန်းမသိတဲ့အမွေကို မျော်ရင်း
အမွေထက် တန်ဖိုးရှိတဲ့ ဘယ်တော့မှ ပြန်မရနိုင်မယ့် '' အချိန် '' တွေ ကို အကုန်မခံပါနဲ့။

ဘာအမွေမှရစရာမရှိတဲ့ သူတွေကတော့ မျော်စရာ ဘာမှမရှိတဲ့အတွက် ပိုကြိုးစားပါ။ အလုပ်လုပ်ပါ။ဘဝ တိုးတက်မယ့်အခွင့်အရေးတွေ့ရင် အမိအရဆုပ်ကိုင်ပါ။

ထပ်ပြောပါရစေ။

ဘယ်သူ့ဆီကမှ ဘယ်အရာ ကိုမှမမျော်လင့်တဲ့သူက စိတ်အချမ်းသာဆုံးလူသားဆိုတာ မမေ့ပါနဲ့။
။

645

Sint Nyi

12 Nov, 06:07

" အောင်မြင်မှုကို အကို ဘယ်လို
အဓိပ္ပါယ်ဖွင့်လဲ တဲ့ "

ကျွန်တော် သတ်မှတ်ထားတဲ့
အောင်မြင်မှုက အဆင့် (၃) ဆင့် ရှိတယ်။

" မိမိကိုယ်ကို မပျက်စီးအောင် နေနိုင်တာကို
ပထမ အဆင့်အောင်မြင်မှု လို့
ကျွန်တော်တော့ ခံယူဖြစ်တယ် "

ဒီခေတ်ကြီးမှာ မပျက်စီးအောင်
နေထိုင်နိုင်ရင်ကို တော်တော်
ခရီးရောက်နေပြီ။

" ကိုယ့်ကြောင့် သူတပါး ဒုက္ခ
မရောက်တော့ဘူးဆိုရင် ဒုတိယ အဆင့်
အောင်မြင်ပြီ လို့ သတ်မှတ်ဖြစ်တယ် "

" ကိုယ့်လုပ်ရပ်ကြောင့် ကိုယ့်မိဘ
အသိုင်းအဝိုင်း မျက်နှာမငယ်ရဘဲ
ဂုဏ်ယူ နေရပြီဆိုရင်တော့ အမြင့်ဆုံး
အောင်မြင်မှုလို့ ကျွန်တော်တော့
သတ်မှတ်ဖြစ်တယ် "

ပစ္စည်းဥစ္စာတွေ ပြည့်စုံနေပြီး
ကိုယ့်လုပ်ရပ်ကြောင့် ကိုယ့်မိဘအသိုင်းဝိုင်း
မျက်နှာငယ်နေရရင်လည်း အဲဒီ
အောင်မြင်မှုက အလကားပဲလို့
ကျွန်တော်တော့ မြင်တယ်။

စည်းစိမ်ဥစ္စာတွေ ရှိသည်ဖြစ်စေ
မရှိသည် ဖြစ်စေ ကိုယ့်ကြောင့်
ကိုယ့်လုပ်ရပ်တွေကြောင့်
ကိုယ့်မိဘတွေ ဂုဏ်ယူနေရပြီဆိုရင်
အကြီးမားဆုံး အောင်မြင်တဲ့သူလို့
ကျွန်တော်တော့ သတ်မှတ်ဖြစ်တယ်။

တခြားလူတွေ က အောင်မြင်မှုကို
ဘာတွေနဲ့ပဲ အဓိပ္ပါယ်ဖွင့်ဖွင့် ...

ကျွန်တော်ကတော့
" Making my parents proud is my biggest achievement " လို့ပဲ သတ်မှတ်ထားတယ်။

Sint Nyi
1.11.23
Memory Repost

330

Sint Nyi

12 Nov, 06:07

" အနိမ့်အမြင့် အတက်အကျ "

ဘဝဆိုတာကြီးက ကိုယ်ကြိုးစားတိုင်းသာ
အောင်မြင်ချင်မှ အောင်မြင်တာ

ကိုယ်မမှားဘဲနဲ့ ဆုံးရှုံးသွားတာမျိုးကတော့
တကယ် ရှိတယ်။

၂၀၁၉ မှာ အိတ်ပေါင်း (၅၀၀၀) ကျော်နဲ့
အရှိန်အဟုန်ကောင်းကောင်းနဲ့
လည်ပတ်နေတဲ့ ဆိုင်လေး ..

၂၀၂၁ မှာ ကိုယ်လည်း ဘာမှမမှားဘဲနဲ့
အကုန် ပြောင်သလင်းခါပြီး
ဆိုင်ပါ ပိတ်ခဲ့ရတယ်။

အဲဒီအချိန်မှာမှ ကိုယ့်ဘက်က
ဘယ်လောက် ကြိုးစား ကြိုးစား
ကိုယ့်ဘက်က ဘယ်လိုပဲ မှန်နေပါစေ
နေရင်းထိုင်ရင်း ဆုံးရှုံးသွားတာတွေလည်း
ရှိပါလားဆိုပြီး သိခဲ့ရတယ်။

ကိုယ့်ဘဝကတော့ အနိမ့်အမြင့်
အတက်အကျတွေချည်းပဲဆိုတော့
ခံနိုင်ရည် ရှိနေပေမယ့် အခုမှ
အနိမ့်အမြင့်အတက်အကျတွေကို
ကြုံရမယ့် ညီအကိုတွေအတွက်
ပြောပြချင်တာပါ။

ဘဝမှ ကိုယ်မမှားဘဲနဲ့
သဘာဝဘေးတို့ စစ်ဘေးတို့ကြောင့်လည်း
ဥစ္စာပစ္စည်းတွေ ဆုံးရှုံးသွားရတဲ့အချိန်တွေ
ကြုံရတတ်တယ်။

အဲဒီလိုကြုံလာတဲ့အခါ
ကိုယ့်ကိုယ်ကိုလည်း အပြစ်မတင်နဲ့။
ဘယ်သူ့ကိုမှလည်း အပြစ်မတင်နဲ့။

ဘဝမှာ ဆိုးဆိုးဝါးဝါးတွေ ကြုံလာတဲ့အခါ
ဘာမှမတတ်နိုင်ဘဲ ထိုင်ကြည့်နေကြရတဲ့
ကိုဗစ်ကာလလို အခိုက်အတန့်မျိုးတွေက
တကယ်ကြုံရတတ်တယ်။

ဘယ်သူ့ကိုဘယ်သူမှ မကယ်နိုင်ဘဲ
ဖြစ်ချင်တာသာ ဖြစ်တော့ကွာဆိုပြီး
ထိုင်ကြည့်နေရတဲ့ အခိုက်တန့်မျိုးတွေပေါ့။

အခြေအနေပေါ်မှာ Control
မလုပ်န်ိုင်တော့တဲ့အခါ ဘယ်သူ့ ဘယ်သူကို
ထိုင်အပြစ်တင်နေတာထက် ကိုယ်လုပ်စရာရှိတာကို
အကောင်းဆုံး လုပ်နေတာ ပိုကောင်းပါတယ်။

ကျွန်တော်ကတော့ ကိုယ်မလုပ်နိုင်တဲ့အရာကို
သူများကိုလုပ်ခိုင်းတဲ့အထဲမှာ မပါဘူး။

ငါလို ဘာမှမဟုတ်တဲ့ကောင်တောင်
ဒီလိုပြန်ထနိုင်တာ ...
မင်းလည်း ပြန်မထနိုင်စရာ မရှိဘူးလို့ပဲ
အားပေးတတ်တဲ့သူပါ။

၂၀၁၉ မှာ အဆင်ပြေခဲ့ပေမယ့် ..

၂၀၂၁ မှာ ဘာမှမကျန်တော့ပေမယ့် ...

၂၀၂၃ မှာ အရင်ထက်ပိုကောင်းတဲ့
နေရာတစ်ခုကို ဖန်တီးနိုင်ခဲ့ပါတယ်။

ကျွန်တော့ ကိုယ်တွေ့ အတွေ့အကြုံအရတော့
ကိုယ့်ကိုယ်ကို မပျက်ဆီးအောင်နေပြီး
ကိုယ်လုပ်စရာရှိတာကို ပုံမှန်လေး
လုပ်သွားတတ်တဲ့ လူတွေက ...

မတော်တဆ ဆုံးရှုံးမှုတွေ ကြုံခဲ့ရင်တောင်
အရင်ထက် ပိုကောင်းတဲ့အရာတွေကို
ပြန်ရနိုင်တယ်ဆိုတာ ကို ပြန်ပြီး
Sharing ပြန်လုပ်ပေးချင်တာ။

ဘဝက ပြန်ထ နေသရွေ့
တကယ်မရှုံးပါဘူး မိတ်ဆွေ။

287

Sint Nyi

12 Nov, 06:06

ဘန်ကောက်က ဘန်ကောက်ပါပဲ။

ဒီတခါ အဖေ့ကို ဆေးခန်းလိုက်ပြတာ
တနေကုန်ဟိုသွား ဒီသွားနဲ့ဆိုတော့
တော်တော်လည်း ညောင်းကြတာပေါ့။

ဒါနဲ့ အဖေက ငါအရမ်းညောင်းနေပြီ။
Foot မာဆက်ပို့ပေးပါဆိုတော့
တိုင်က စပြီး ပတ်ပြီ။

ကိုယ်တွေတည်းတဲ့ Soi 24 နားမှာက
ကောင်းကောင်းကန်းကန်း
ခြေထောက်နှိပ်တဲ့ မာဆက်ကမရှိဘူး။

ညောင်းကလည်း အရမ်းညောင်းနေတော့
Foot မာဆက်တွေရှိတဲ့ မြို့ထဲဘက်လည်း
မသွားချင်တော့ဘူး။

ဒါနဲ့ပဲ မထူးပါဘူး။

ဒီနားက တခုခုပဲ ပို့လိုက်မယ်ဆိုပြီး
Noe ကြီးကြီး ဆော်ကြီးတွေ ရှိတဲ့
မာဆက်ထဲကို ဖားသားကြီးကို
ခေါ်ချသွားလိုက်တယ်။

ဝင်ခါနီး ဖားသားကြီးက
" မင်းဟာက ဟုတ်ပါ့မလား " မေးတာပေါ့။

တနေကုန် ပတ်ထားရတာ
ညောင်းလည်း တော်တော်ညောင်းနေပြီလေ။

ဒါနဲ့ပဲ ကြည့်ပြီး ရွှီးရတာပေါ့။
မတတ်နိုင်တော့ဘူး။

" ဒါက ရိုးရိုးမာဆက်ပါ အဖေပေါ့။
သား ဘန်ကောက်ရောက်တိုင်း
လာနေကျပဲ။ အကုန်အဆင်ပြေတယ်။ "
ဘာညာ နဲ့ ဖောရှောလုပ်လိုက်တော့
ဖားသားကြီးလည်း " အေးအေး ပြီးရော " ဆိုပြီး
အရှေ့ကနေ ဝင်ချသွားတာပေါ့။

ကိုယ်လည်း အထဲ ရောက်မှ အခြေနေ
မဟန်တာကို သိလိုက်ရတာ။

အဝင်လိုက်တာနဲ့ မြင်နေကျ ရိုးရိုး မာဆက်တွေလို
ခုံတွေတန်းစီထားတာ မျိုးမဟုတ်ဘူးဗျ။

တစ်ကိုယ်စာ အခန်းလေးတွေဗျား။

ဖားသားကြီးကတော့ ဘာမှမသိဘူး။
စော်ကြီးတဗွေ ခေါ်တဲ့အခန်းထဲ
လိုက်ချသွားပါလေရော။

အဲ့အချိန်မှ မဟုတ်ဘူးအဖေ။
ပြန်ကြရအောင်လို့လည်း
ပြော့လို့က မကောင်းတော့ဘူး။

ဒါနဲ့ကိုယ်လည်း မထူးဘူးကွာဆိုပြီး
Noe ခပ်ကြီးကြီး ဆော်ကြီးတဗွေနောက်
ကောက်ကောက်ပါအောင်
လိုက်သွားပါလေရော။

ဖြစ်ချင်တော့ ဖားသားကြီးနဲ့
ကိုယ်နဲ့က ဘေးချင်းကပ် အခန်းကျတယ်။

ဒါနဲ့ အခန်းထဲလည်းရောက်ရော
စော်ကြီး က စပြီးနှိပ်တော့တာပေါ့။

ခြေထောက်ကို စပြီး နှိပ်တယ်။
နှိပ်ရင်းနဲ့ စကားတွေ ဟိုပြောဒီပြောပေါ့။

သူကလည်းထိုင်းလိုပြော ကိုယ်ကလည်း
မြန်မာလိုကော အင်းဂလိပ်လိုကော
ပြောကြတာ။

သူပြောတာလည်း ကိုယ်နားမလည်တော့
သူဘာပြောပြော ကိုယ်က ချိုင်းချိုင်း
လို့ပြောပြီး ရယ်လိုက်တယ်။

ချိုင်း ချိုင်း ဆိုတာက ထိုင်းလို
ဟုတ်တယ် ဟုတ်တယ်ပေါ့။

သူကလည်း မခေဘူး။

ကိုယ်ဘာပြောပြော သူလည်း
ချိုင်းချိုင်း ပြန်ပြောပြီးရယ်တာပေါ့။

လေပေးက အဲလိုဖြောင့်တာ။

ဒါနဲ့ နှိပ်တာ ဆယ်မိနစ်လောက်လည်း
ကြာရော ဆရာမကြီးက
မားကတ်တင်း စဆင်းပါလေရော။

လက်ကလေးနဲ့ ဒီလိုလေး 👉 👌
စပြီး လုပ်ပြပြီး ပါးစပ်က ဘွန်းဘွန်းဆိုပြီး
ပြောပါလေရော။

ကိုက နပ်တယ်။
မိန်းချိုင်း ဘွန်းဘွန်းပေါ့။

ချိုင်းက ဟုတ်တယ်ဆို
မိနိးချိုင်းက မဟုတ်ဘူးပေါ့။

မိန်းချိုင်းဘွန်းဘွန်း ဆိုတော့
ဘွန်းဘွန်း မလုပ်ချင်ဘူးပေါ့။

သူကလည်း အိုကေနားခ ဆိုပြီး
ဆက်ပြီး နှိပ်ပါလေရော။

အဲဒီအချိန် ကိုယ်က ခေါင်းနားပန်း
စပြီးကြီးပြီ။

ဟိုဘက်အခန်းမှာက ဖားသားကြီး။

ဖားသားကြီးကို နှိပ်နေတဲ့စော်ကြီးက
ဖားသားကြီးကို အဲလိုသွားလုပ်ပြရင်
ငါတော့ နားကားပြီလို့ တွေးတုန်းပဲ
ရှိသေးတယ်။

ဖားသားကြီး အခန်းဘက်က
ဝုန်းဝုန်း ဒိုင်းဒိုင်း အသံတွေ ကြားရပါလေရော။

ဒါနဲ့ ဟိုဘက် အခန်းဘက်ကို ပြေးဝင်ပြီး
ကြည့်လိုက်တော့ စော်ကြီးက
ဖားသားကြီး ဘောင်းဘီကိုဆွဲ ချွတ်
နေတာ။

ဖားသားကြီးကလည်း သူ့ဘောင်းဘီကို
ပြန်ဆွဲပြီး အော်ဆဲ။

ရုန်းရင်းဆန်ခတ်တွေ ဖြစ်ပြီး
ပွဲတွေကို ပျက်နေတာပဲ။

ရယ်ကလည်း ရယ်ချင်။

ကြောက်ကလည်းကြောက်နဲ့ဆိုတော့
ပိုက်ဆံတွေရှင်း၊ ဆရာမကြီးတွေကို
မုန့်ဖိုးတွေပေးပြီး ထွက်ချလာတာပေါ့။

လမ်းရောက်မှ အဖေ ဘာဖြစ်တာလဲမေးတော့
အဲ့ ဟာမက နှိပ်နေရင်းနဲ့
ငါ့ကို ပုလွေ မှုတ်တဲ့ပုံလုပ်ပြတော့
ငါလည်း နိုးနိုး လို့ပြောလိုက်တယ်တဲ့။

ဒါနဲ့ ခဏနေတော့ " ဘွန်းဘွန်း " ဆိုပြီး
ပြောတော့ " တုတ်တုတ် " စီးဖူးလား
မေးတယ်ထင်လို့ Yes Yes ပြောလိုက်တာ..

ငါ့ ဘောင်းဘီကို အတင်း
ဆွဲချွတ်တော့တာပဲဆိုပြီး စိတ်တွေ
ဆိုးတာ ဆိုးတာ ဆိုတာဗျာ တလမ်းလုံးကို
စကားကို မပြောတော့ဘူး။

တော်တော်ဆိုးတဲ့ ဘွန်းဘွန်း ကိစ္စ။

ငါ့ညီကိုတို့လည်း ဘိုးတော်
ဘွားတော်တွေ မိသားစုတွေပါရင်
Noe ကြီးကြီး ဆော်ကြီးတွေရှိတဲ့
မာဆက်ဆိုရင် ရှောင်ဖို့ရယ်

" ဘွန်းဘွန်း" ဆိုတာ " သုံးဘီးဆိုင်ကယ်
တုတ်တုတ် " မဟုတ်ဘူးဆိုတာရယ်ကို
သားငယ်တို့ အသိကြွယ်ဖို့
Knowledge Sharing လုပ်ပေးလိုက်ပါတယ်။

ဘန်ကောက် အတွေ့အကြုံလေးတွေ
ရှိရင်လည်း ဗဟုသုတ ရအောင်
ပြောသွားကြဦး။

304

Sint Nyi

12 Nov, 06:06

လူငယ်တွေကို ပညာရေးနဲ့ ထပ်တူနီးနီး
သင်ပြပေးသင့်တဲ့ အရေးကြီးတဲ့ အရာ
(၂) ခု ရှိသေးတယ်။

တစ်ခုက " ကိုယ်ချင်းစာတရား" ရယ် ၊
နောက်တစ်ခုက " ငွေကြေးစီမံခန့်ခွဲတတ်မှု "
ရယ်ပါ။

ပညာရေးမှာ မိုးပျံအောင်ထူးချွန်နေပါစေ
ငွေကြေးမစီမံတတ်ရင် ဘယ်လောက်တော်တော်
ဒုက္ခတွေ့ တတ်တာပါပဲ။

ပညာတော်တယ်။
ငွေကြေးလည်း အဝင်အထွက်မျှအောင်
စီမံတတ်တယ်။

ဒါပေမယ့် " ကိုယ်ချင်းစာတရား "
မရှိပြန်တော့လည်း လူ့ပတ်ဝန်းကျင်အတွက်
ဘာမှ အကျိုးမရှိပြန်ဘူး။

အခန့်မသင့်ရင် ပတ်ဝန်းကျင်ကိုပါ
ဒုက္ခ ပြန်ပေး တတ်ပြန်ရော။

သားသမီးတွေ ကို ငယ်ငယ်လေး
ကတည်းက ပညာရေးအပြင်
ငွေကြေးစီမံတတ်ဖို့ကော၊ သူတစ်ပါးအပေါ် ကိုယ်ချင်းစာတရားထားတတ်ဖို့ကော
သင်ပေးသင့်ပါတယ်။

ကျောင်းအများစုက စာပဲ
သင်ပေးကြတာများပါတယ်။

ငွေကြေး စီမံခန့်ခွဲတာ၊
ရှိတဲ့ငွေလေးကို စုတတ်ဖို့။
သုံးတာနဲ့ဖြုန်းတာ။
ဝင်ငွေနဲ့ ထွက်ငွေ မျှဖို့ ဆိုတာ
မိဘတွေ က သင်ပေးရမှာပါ။

ငယ်ငယ်လေးကတည်းက
အဲလိုပုံသွင်းထားရင် ကြီးလာတဲ့အခါ
တော်တော်ကို Control လုပ်တတ်
သွားကြပါလိမ့်မယ်။

ကိုယ်တွေတုန်းက မသင်ယူခဲ့မိလို့
ကြီးမှ အလူးအလဲ လိုက်သင်ယူနေရတော့
ပိုပင်ပန်းတာပေါ့။

ကိုယ်ချင်းစာတရားထားတတ်ဖို့ ကလည်း
ကျောင်းမှာ သင်ပေးတာ နည်းပါတယ်။

မိဘကပဲ သင်ပေးရမှာ။

ကိုယ့်ထက်နိမ့်ကျတဲ့သူကို
လေးလေးစားစား ဆက်ဆံဖို့၊
ကိုယ့်အပေါ်ကို သူများလာလုပ်ရင်
မကြိုက်တဲ့ အရာတွေကို
သူများအပေါ်လည်း သွားမလုပ်မိစေဖို့ တွေပေါ့။

ပိုကောင်းတဲ့ ကမ္ဘာကြီးဖြစ်လာဖို့က
တော်တော် ဝေးပါသေးတယ်။

ဒါပေမယ့် ကိုယ့်မျိုးဆက်ကို
ကိုယ့် ထက်ပိုကောင်းတဲ့ ပတ်ဝန်းကျင်နဲ့ ဘဝကောင်းကောင်း လေးမှာ နေစေချင်ရင် ...

လူငယ်တွေကို " ပညာရေးအပြင် ကိုယ်ချင်းစာတရား ထားတတ်ဖို့ရယ်၊
ငွေကြေးစီမံခန့်ခွဲတတ်ဖို့ရယ်ပါ
သင်ပေးဖို့လိုအပ်တယ် " ဆိုတာလေး Sharing လုပ်ပေးလိုက်ပါတယ်။

7.11.23
Memory Repost
Sint Nyi

247

Sint Nyi

12 Nov, 06:06

လမ်းဘေး ခွေးလေးတွေအတွက်
အိမ်ရှေ့မှာ ခွေးအိမ်လေး
ကိုယ်တိုင် ဆောက်ပေးတဲ့ အမတစ်ယောက်
ပို့စ်မှာ လှိုက်လှိုက်လှဲလှဲနဲ့
လေးစားပါတယ်လို့ ဝင်မန့်ဖြစ်တယ်။

ကျွန်တော်က တော်ရုံ ပို့စ်တွေမှာ
လေးစားပါတယ်။ အားကျပါတယ်လို့
ဘယ်တော့မှ ဝင်မရေးတတ်ဘူး။

Pet လေးတွေကို သနားကြင်နာတတ်တဲ့
သူတွေကိုတွေ့ရင်တော့ ဘယ်လိုကို
ချစ်ခင်လေးစားမိမှန်းမသိဘူး။

သူတို့လုပ်ရပ်အပေါ်အရမ်း သဘောကျပြီး
ဘေးကနေ ပီတိဖြစ်နေတာ။

ကျွန်တော်ကတော့ လူ့တန်ဖိုးကို
သူ့ပိုင်ဆိုင်ထားတဲ့အရာတွေ၊
သူရရှိထားတဲ့ အောင်မြင်မှုတွေနဲ့
မတိုင်းတာဖြစ်ဘူး။

" ကျွန်တော်သတ်မှတ်ထားတဲ့
လူ့တန်ဖိုးက ...

ဒီလူရှိနေလို့ သူ့ပတ်ဝန်းကျင်
ဘယ်လောက်အကျိုးရှိသွားလဲ "
ဆိုတာနဲ့ တိုင်းတာဖြစ်တယ်။

အဲဒါ ကျွန်တော်သတ်မှတ်ထားတဲ့
" လူ့တန်ဖိုး " ရဲ့ စံနှုန်းပဲ။

လူတစ်ယောက်မှာ အရာအားလုံး
ရှိနေပြီးတော့ သူ့ကြောင့် သူ့ပတ်ဝန်းကျင်
တနည်းနည်းနဲ့ ထိခိုက်နေပြီ၊
ဆုတ်ယုတ်ပျက်စီးနေပြီဆိုရင် အဲဒီလူက
အလကားလူပဲ။

ပိုင်ဆိုင်မှု ဘာမှမရှိပေမယ့်
သူရှိနေလို့ သူ့ပတ်ဝန်းကျင်လေး
အေးချမ်းနေတယ်။

သူရှိနေလို့ သူ့နေတဲ့လမ်းလေး
သန့်ရှင်းနေတယ်။

သူကူညီနေလို့ သူ့ပတ်ဝန်းကျင်က
လူတွေကော Pet လေးတွေပါ
အကျိုးရှိနေတယ်ဆိုရင်
အဲဒီ လူက တန်ဖိုးရှိတဲ့ လူပဲ။

ကျွန်တော်တော့လူ့တန်ဖိုးကို ရာထူးတွေ
ဂုဏ်တွေ စည်းစိမ်တွေနဲ့
မတိုင်းတာဘူး။

လူ့တန်ဖိုးကို ကိုယ်ချင်းစာတရားရယ်
မေတ္တာတရားရယ်နဲ့ပဲ
တိုင်းတာဖြစ်တော့တယ်။

286

Sint Nyi

12 Nov, 06:06

ဘေးလူတွေကို လိုက်ကြည့်ပြီး
စိတ်ဓာတ် မကျပါနဲ့။

ဒီခေတ်ကြီးမှာ မပျက်စီးသွားအောင်
နေထိုင်နိုင်ရင်ကို တော်တော်
အောင်မြင်နေပြီ လို့ပြောလို့ရတယ်။

ပျက်စီးစရာလမ်းစတွေ ဒီလောက်များတဲ့
ခေတ်ကြီးမှာ ကိုယ့်ကိုယ်ကို
မပျက်စီးအောင် နေထိုင်နိုင်ခြင်းကလည်း
အောင်မြင်မှု တစ်ခုပါပဲ။

ဒီတော့ အရမ်းအဆင်ပြေ
အရမ်း အောင်မြင်နေကြတဲ့
ဘေးလူတွေကို ကြည့်ပြီး
စိတ်ဓာတ်မကျနဲ့။
လုပ်စရာရှိတာ ဆက်လုပ်နေပါ။

မပျက်စီးအောင်နေရင်း
လုပ်စရာရှိတာ ဆက်လုပ်နေရင်
တဖြေးဖြေးနဲ့ အခုထက်ပိုပြီး
အဆင်ပြေလာပါလိမ့်မယ်။

Keep Going.

378

Sint Nyi

12 Nov, 04:39

လူတိုင်းကတော့ အမြတ်လိုချင်လို့
လုပ်ငန်းတွေ လုပ်ကြတာပဲ။

ဒါပေမယ့် မမြတ်ပေမယ့်လည်း
လည်ပတ်နေရင် ရပါပြီဆိုပြီး
လုပ်နေကြတဲ့ လုပ်ငန်းတွေ
အများကြီးရှိပါတယ်။

ကျွန်တော်မလေးရှားမှာ ဆိုင်သေးသေးလေး
ဖွင့်လိုက်သေးတယ်။

ကိုယ်က ငွေအရင်းအနှီးစိုက်
စိတ်ချရတဲ့ Partner ကလူစိုက်ပေါ့။

ဒါနဲ့ အဲ့ဆိုင်လေးက (၆) လကြာတဲ့အထိ
အမြတ်မပြောနဲ့ အရင်းတောင်ပြန်မရဘူး။

ဒါနဲ့ ကိုယ့် Partner က ကို့ကိုအားနာပြီး
အမြတ်မရတော့ ဆိုင်ပိတ်လိုက်မလား
ဆိုပြီး တိုင်ပင်တယ်။

ကျွန်တော်က ဆက်ဖွင့်ဖို့ပဲ
ပြောဖြစ်တယ်။

အခုထိလည်း အဆင်မပြေပါဘူး။

အမြတ်လည်း မပေါ်တဲ့အပြင်
ရင်းထားတဲ့ အရင်းလည်း ပြန်မရသေးဘူး။
ဘာလို့ ဆက်ဖွင့်ဖြစ်လဲဆိုတော့
အဲဒီဆိုင်လေး ရှိနေခြင်းအားဖြင့် ဝန်ထမ်းတွေ
လစဥ်လစာ ရနေတယ်။

ပြီးတော့ အဲဒီနားကလူတွေ
မနက်စာ စားရတာ အဆင်ပြေမယ်။

တနေ့စာ ချက်ထားတာတွေ ရောင်းမကုန်ရင်
အနီးအနားက Homeless တွေကို
ကျွေးတော့ သူတို့လည်း အဆင်ပြေတယ်။

စီးပွါးရေး သဘောအရပဲ
အဆင် မပြေပေမယ့် ဒီဆိုင်ရှိနေလို့
လူတချို့ အဆင်ပြေနေတော့လည်း
ပြီးတာပါပဲဆိုပြီး လိုတာလေးတွေ
ဆက်ပံ့ပိုးရင်းနဲ့ မပိတ်ဖြစ်တာ။

ဆံပင်ညှပ်ဆိုင်လည်း အဲလိုပဲ။

ထင်သလောက် မြတ်လားဆိုတော့ မမြတ်ဘူး။
ငှားခနဲ့ ဝန်ထမ်းစားရိတ်နဲ့က
လုပ်ရတာနဲ့ ပြန်ရတာနဲ့ တွက်ကြည့်ရင်
ROI မကိုက်ဘူး။

ဒါပေမယ့် ဒီဆိုင်ရှိနေလို့လည်း
ဝန်ထမ်း ဆယ်ယောက်ကျော်
လစာရနေတယ်ဆိုတော့လည်း
ခေါင်းရှုပ်ရပေမယ့် ဆက်လည်ပတ်နေတာပါပဲ။

တချို့အလုပ်တွေကပိုင်ရှင်အတွက်
ငွေကြေးအားဖြင့် မမြတ်ပေမယ့်
ဒီလုပ်ငန်းရှိလို့ လူတချို့အလုပ်ရပြီး
လည်ပတ်နေတာကလည်း ငွေကြေးမဟုတ်တဲ့
တခြား အမြတ်တော့ ထွက်တာပဲလို့ပဲ
တွေးရတာပေါ့။

စီးပွါးရေးလုပ်တာ ဘယ်သူမဆို
မြတ်ချင်ကြ ပေမယ့်လည်း
ဒီခေတ် ဒီအချိန် ဒီကာလမျိုးမှာ
မမြတ်ရင်ရတယ်။ လည်ပတ်ရင်
တော်ပါပြီဆိုပြီး Run နေကြတဲ့လုပ်ငန်းတွေ
အများကြီးရှိနေပါတယ်။

ဒီခေတ်မှာ အဆင်မပြေတာက
သင်တယောက်ထဲတော့လည်း
မဟုတ်ဘူးဆိုတာ ပြောပြချင်တာ။

ကျွန်တော်တို့တွေမှာလည်း တိုင်ပတ်နေတဲ့
လုပ်ငန်းတွေရှိတယ်။

တော်သေးတာက လုပ်ငန်းတစ်ခုထဲမှာ
Invest မလုပ်ထားဘဲ လုပ်ငန်းသေးသေး
လေးတွေအများကြီး လျောက်လုပ်ထားတော့
တခုရှုံးနေပေမယ့် တခြားတခု
အဆင်ပြေနေတော့ ခံသာနေတာပါ။

ဒီခေတ်ကြီးမှာ လုပ်ငန်းတစ်ခုထဲနဲ့
ရပ်တည်ရတာ တဖြည်းဖြည်းနဲ့ခက်လာပါပြီ။

ဒီတော့ ဖြစ်နိုင်ရင်တော့
အလုပ်တခုထဲမှာ ရပ်တည်တာထက်
နှစ်ခုသုံးခု မှာ ခြေလှမ်းလှမ်းနိုင်ရင်
ပိုကောင်းပါတယ်။

စီးပွါးရေးလုပ်တာ မြတ်ချင်လို့
လုပ်ကြတာမှန်ပေမယ့် တခါတလေကျတော့
ငွေမမြတ်ပေမယ့် ကိုယ့်ပတ်ဝန်းကျင်ကလူတွေ
အဆင်ပြေသွားကြတာလည်း အမြတ်ပါပဲ
ဆိုတာ ညီအကိုမောင်နှမတွေ
အတွက် သိသလောက်လေး Sharing
ပြန်လုပ်ပေးလိုက်ပါတယ်။

လုပ်ငန်းကိုင်ခန်းများ
အဆင်ပြေကြပါစေဗျာ။

462

Sint Nyi

26 Oct, 11:11

အရင်က လူတွေ မုန်းမှာ ကြောက်တယ်။

လူတိုင်းက သူများချစ်တာပဲ
ခံချင်ကြတာ ဆိုတော့ ဒါလည်းထူးတော့
မထူးဆန်းပါဘူး။

" နောက်ပိုင်း နားလည်လာတာက
ကျွန်တော်တို့က ဒီလောကကြီးမှာ
ဥာဏ်ရည်မမှီတဲ့ လူတွေ၊ လူမဆန်တဲ့လူတွေ၊
လူလို့တောင် မခေါ်ထိုက်တဲ့
ရက်စက်ယုတ်မာတဲ့ လူတွေ နဲ့ လည်း
ယှဥ်တွဲပြီး နေထိုင်နေကြရတာပါ။"

အဲဒီအတွက် ကိုယ်က ကောင်းနေရင်
မကောင်းတဲ့သူတွေက ကိုယ့်ကို
mone ကြမှာပါ။

အတွေး အမြင်မှ မတူကြတာ။

" ကိုယ့်ထက် နိမ့်ကျတဲ့သူတွေကို
နှိပ်စက်တတ်တဲ့သူတွေကို ကျွန်တော်တို့
အများစုက သဘောမကျကြသလို၊

အဲဒီလို နှိပ်စက်အနိုင်ကျင့်တတ်တဲ့
လူတွေကလည်း သနားကြင်နာတတ်တဲ့
လူတွေကို ကြိုက်ကြမှာ မဟုတ်ပါဘူး "

ဒါက ရှင်းရှင်းလေးပါပဲ။

အဲဒီလိုကိုယ့်ကို မကြိုက်တဲ့သူတွေ
mone တဲ့ သူတွေက ကိုယ့်အလုပ်တွေမှာ၊
ပတ်ဝန်းကျင်တွေမှာ အမြဲလိုလို
ရှိနေတတ်ကြပါတယ်။

" တချို့က သူတို့ကြိုက်တာကို
သင်မကြိုက်လို့ Mone မယ်။

တချို့က သင်ကြိုက်တဲ့အရာကို
သူတို့ မကြိုက်လို့ သင့်ကို mone မယ်။ "

အဲဒီလိုလူတွေက အခုကော၊
နောင်ကော မသေမချင်းကြုံနေကြရဦးမှာ။

လူတွေ mone မှာ မကြောက်ပါနဲ့။

လူတချို့ သင့်ကို mone တာက ပုံမှန်ပါပဲ။
ဘာမှပြုပြင်စရာမလိုပါဘူး။

လူတချို့က mone ကြတာပြဿနာမရှိပေမယ့်
လူအများကြီးက mone နေရင်တော့
တခုခုတော့ မှားနေပါပြီ။
ပြုပြင်ဖို့ အဖြေရှာကြည့်ပါ။

လူတချို့mone တာလောက်ကတော့
စိတ်ထဲကိုထည့် မနေပါနဲ့။

mone တဲ့စိတ်နဲ့ကြည့်တဲ့မျက်လုံးတွေကို
လိုက်ပြင်ပေးလို့မှ မရတာ။

ကိုယ်က ကောင်းနေရင်
မကောင်းတဲ့သူတွေ မုန်းကြတာကပုံမှန်ပါပဲ။
အရမ်း လိုက်ခံစားမနေနဲ့။
အလုပ်ပျက်တတ်တယ်။

ကိုယ့်ကို အသားလွတ် လာ mone တဲ့
သူတွေကို Ignore လုပ်
Block လုပ်ပြီး ကိုယ့်အနားက
ကိုယ့်ကိုချစ်တဲ့သူတွေနဲ့ပဲ ဘဝကိုပျော်ရွှင်စွာဖြတ်သန်းပါ။

mone တဲ့သူတွေချစ်လာဖို့ ကြိုးစားရင်း
ကုန်သွားမယ့် အချိန်တွေကို ၊ ချစ်တဲ့သူတွေ အတွက်ပဲပေးလိုက်တာ ပိုကောင်းပါတယ်။

Sint Nyi
Memory Repost
24.10.23

988

Sint Nyi

26 Oct, 11:11

" ဆိုးပါ။ ရပ်သင့်တဲ့အချိန်မှာ ရပ်ပါ။
ဘယ်သူ့ကိုမှ မထိခိုက်ရင်တော့
အကောင်းဆုံးပေါ့ "

လူငယ် တစ်ယောက်နဲ့ စကားပြောနေရင်း
သူက ရုတ်တရက် " အကိုက
ဘယ်အရွယ်မှာ စပြီးအောင်မြင်တာလဲ "
ဆိုပြီး မေးတယ်။

သူဘာလို့မေးလဲ ကျွန်တော်သိတယ်။

သူ့အမြင်မှာကျွန်တော်က ငယ်ငယ်ရွယ်ရွယ်
နဲ့အဆင်ပြေနေတယ်လို့ ထင်နေပုံရတယ်။

ကျွန်တော် သူ့ကို ပြုံးပြရင်း သူ့အသက်ကို
ပြန်မေးတော့ " (၂၈) နှစ် " ပါတဲ့။

" အကြွေးကော ရှိလား " မေးတော့
" မရှိပါဘူး " တဲ့။

ဒီတော့မှ အကို့ အသက် (၂၈) မှာတုန်းက
အကြွေးချည်းပဲ သိန်း (၃၀၀၀) လောက်
တင်နေပြီ။

သူများဆီက ငွေချေးပြီး အလုပ်စလုပ်ရင်း
ငွေကို မစီမံ မခန့်ခွဲတတ်လို့ရယ် ၊
ငွေလေး ရှိလာတဲ့အချိန်
အသုံးနဲ့ အဖြုန်းကို မခွဲတတ်လို့ရယ်၊
အလိမ်ခံရတာရယ်နဲ့
တင်ခဲ့တဲ့ အကြွေးတွေပေါ့။

အဲဒီကာလ ရွှေစျေးက (၁၀) သိန်းလောက်ပဲ
ဆိုတော့ ရွှေ (၃) ပိဿာဖိုးလောက်
အကြွေး ရှိတယ်။

အခုရွှေစျေးနဲ့တွက်ရင် (၂၈) နှစ်နဲ့
သိန်း သောင်းကျော် အကြွေးတင်နေတာ။

" ညီလေးက အကြွေးမရှိတော့
အက်ို့ထက်အများကြီး သာပါသေးတယ် " လို့
ပြောလိုက်တော့ သူစိတ်သက်သာရာ
ရသွားတယ်။

လူငယ်အရွယ်တွေက အရမ်း Compete and
Compare လုပ်တတ်ပါတယ်။

ကျွန်တော်တော့ လူငယ်တွေနဲ့
တွေ့လို့ စကားပြောဖြစ်ရင်
ကိုယ်တော်ကြောင်း တတ်ကြောင်း
ဘယ်လိုတွေ ကြိုးစားခဲ့ကြောင်းတွေ
ပြောပြရတာထက် ...

ကိုယ်ဘယ်လို တိုင်ပတ်ခဲ့လဲဆိုတဲ့
အကြောင်းကို အရင်ပြောပြီး
အားပေးဖြစ်တယ်။

ငါလည်းမင်းအရွယ်က မင်းထက်တောင်
ပေါက်ကရတွေလုပ်ပြီး ခွေးဖြစ်ခဲ့တာပဲ။

ငါတို့လည်း မင်းတို့လို
ဆိုးခဲ့ မိုက်ခဲ့တာပဲ။

ဒါပေမယ့် ဆိုးချိန်တန် ဆိုးပြီး
ရပ်သင့်တဲ့အချိန် ရပ်လိုက်တော့
ဘဝက အဆုံးထိတော့ မရောက်သွားဘူးပေါ့။

" လူဆိုတာ ဆိုးရမယ့်အချိန်မှာဆိုးပြီး
အလုပ်လုပ်ရမယ့်အချိန်မှာ
အလုပ်လုပ်ရမှာပဲ "

အလုပ် တကယ် လုပ်ရမယ့် အချိန်မှာ
ကိုယ့်ကိုယ်ကို မပျက်စီးအောင်နေရင်း
ပုံမှန်လေးနေရင် သာမန်ဘဝကိုရမယ်။

ပုံမှန်ထက်ပိုကြိုးစားပြီး Risk တွေ
ယူရဲရင် ၊ အချိန်တန်တော့ ပုံမှန်ထက်
အဆင်ပြေတဲ့ ဘဝကိုရလာမှာပဲ
ဆိုတဲ့ မက်ဆေ့မျိုးကို ပိုပြောဖြစ်တယ်။

လူငယ်ဘဝက ဘဝရဲ့ ပျော်စရာ
အကောင်းဆုံး ကာလတွေပါ။

အဲဒီကာလကြီးမှာ ကိုယ်တွေက
စိတ်ကြိုက် ဆိုးခဲ့ မိုက်ခဲ့ ကဲခဲ့ပြီးမှ
လူငယ်တွေကို မဆိုးကြပါနဲ့လည်း
မပြောချင်ပါဘူး။

ဆိုးတာဆိုးပါ။
ရပ်သင့်တဲ့အချိန်ရပ်ပါ။
အလုပ်လုပ်ရမယ့်အချိန်မှာအလုပ်လုပ်ပါ။

အလုပ်လုပ်နေရင်းနဲ့မှ
မူးယစ်ဆေး၊ လောင်းကစား ကိစ္စကို
ရှောင်နိုင်ရင် သာမန်ဘဝကိုရမယ်။

အဲဒါတွေရှောင်တဲ့အပြင် သူများထက်
ပေးဆပ်ရင် ၊ Risk ယူရင်၊ ကြိုးစားရင်
ပိုအဆင်ပြေတဲ့ ဘဝကိုရလာမယ်။

ဘဝက ရိုးရှင်းပါတယ်။

ကိုယ်စိုက်တဲ့အတိုင်း ကိုယ်ရိတ်ရင်ရိတ်၊
ဒါမှမဟုတ် မိဘစိုက်ထားတာကို
ထိုင်ရိတ် ကြရတာ။

ကိုယ့်တုန်းကတော့ မိဘက
စီးပွါးရေးအပင်ကြီး စိုက်မထားဘဲ
ပညာရေးနဲ့ ဥာဏ်ပညာပဲ စိုက်ပေးထားခဲ့တော့
စီးပွါးရေးမှာတော်တော် ရုန်းခဲ့ရတာပေါ့။

ငါ့ညီတို့ ညီမတို့လည်း
မိဘက စီးပွါးရေး အပင်ကြီး
စိုက်ပေး မထားခဲ့ရင်လည်း
စိတ်ဓာတ်ကျစရာ စိတ်ပျက်စရာတော့
မလိုပါဘူး။

လျှောက်ရမယ့်လမ်းက သူများထက်တော့
ကြမ်းမှာဆိုတော့ သူများတွေနဲ့
Campare လိုက်မလုပ်မိပါစေနဲ့။

ကိုယ့်အလုပ်မှာ စေတနာထားပြီး
ကိုယ်လုပ်စရာရှိတာ၊
ကိုယ်လုပ်နိုင်တာကို အကောင်းဆုံးလုပ်ပြီး
ရှေ့ဆက်ပါ။

ခရီးက ကြမ်းပေမယ့် ရောက်တဲ့လူတွေက
ရောက်သွားကြတာပဲ။

လဲကျလိုက်တိုင်း ပြန်ပြန်ထပြီး
ဆက်လျှောက်နေတဲ့ သူအတွက်
ပန်းတိုင်ကရှိပါတယ်။ အချိနိတန်ရင်
ရောက်ကိုရောက်ပါလိမ့်မယ်။

မပျက်ဆီးအောင်နေရင်း ဆက်သွားနေပါလို့
အားပေးချင်တယ်။

ဒီတော့ လူငယ်တွေနဲ့တွေ့တိုင်း
လူတွေရဲ့ဘဝပေး အခြေအနေတွေရယ်၊
အဆင်ပြေလာကြတဲ့ အချိန်တွေရယ်က
တစ်ယောက်နဲ့တစ်ယောက် လုံးဝ
မတူကြလို့ ဘယ်သူ့ ဘယ်သူနဲမှ
Compare မလုပ်ဖို့ရယ်။

ဆိုးတာဆိုးပါ ရပ်သင့်တဲ့အချိန်ရပ်ပြီး
အလုပ်လုပ်ရမယ့်အချိန်မှာ အလုပ်လုပ်
ဖို့ရယ်ကို ပိုပြီး အားပေးဖြစ်တော့တယ်။

ဆိုးပါ။ ရပ်သင့်တဲ့အချိန်မှာရပ်ပါ။
ဘယ်သူ့ကိုမှ မထိခိုက်ရင်တော့
အကောင်းဆုံးပေါ့။

758

Sint Nyi

22 Oct, 02:19

" Idea ကောင်း "

Idea ကောင်း တွေက
ဥာဏ်ကောင်းတဲ့ လူတွေ
ချမ်းသာတဲ့လူတွေ ရဲ့ ခေါင်းထဲကိုပဲ
ရွေးပြီးရောက်တတ်တာမျိုး မဟုတ်ပါဘူး။

လူတိုင်းလိုလိုရဲ့ ခေါင်းထဲကို အချိန်မရွေး
သူ့အလိုလို ရောက်လာ တတ်တာပါ။

သတိထား မိကြတာနဲ့
သတိမထား မိကြတာဘဲ ကွာပါတယ်။

" ဒီ Idea လေး မိုက်တယ်။
ငါလုပ်ရင် ကောင်းမယ် " လို့တွေးနေတုန်း
သူများက အရင် ထလုပ်သွားလို့
ဟာတာတာ ဖြစ်သွားတဲ့ ခံစားချက်မျိုး
ရဖူးရင် ကျွန်တော်ပြောတာကို
နားလည်လိမ့်မယ်။

အဲဒီလို Idea ကောင်းလေးတွေက
ကျွန်တော်တို့ ခေါင်းထဲကိုပဲ Limited Edition
အနေနဲ့ သူ့အလိုလို ဝင်လာတာ
မဟုတ်ပါဘူး။

သူများတွေ ခေါင်းထဲကိုလည်း အဲဒီအတိုင်း
တပုံစံထဲပဲ Same idea တွေ ဝင်တတ်ပါတယ်။

Idea ဝင်လာတဲ့အချိန်မှာ
စိတ်ကြည်လင်နေတဲ့လူက သတိထားမိပြီး
စိတ်မကြည်လင်တဲ့လုက သတိမထားမိတာပါ။

လူတိုင်းလိုလို အဲဒ်ီလို idea ကောင်းတွေ
ခဏခဏ ရတတ်ကြပေမယ့် Idea ရတဲ့
လူတိုင်းလိုလိုတော့ အဆင်ပြေသွားကြတာ
မဟုတ်ပါဘူး။

" အဲဒီ Idea ကို အချိန်ကိုက်
အကောင်ထည် ဖော်သွားနိုင်တဲ့
လူတချို့ကမှ အဆင်ပြေသွားကြတာပါ။"

အသိတွေ ထဲမှာ ပတ်ဝန်းကျင်ကို
အရမ်း လေ့လာတတ်တဲ့ အကို
တစ်ယောက်ရှိတယ်။

သူနဲ့စကား ပြောတိုင်း
ဘယ်သူတွေက အရင်က ဘယ်လိုဆင်းရဲတာ။
ဒါပေမယ့် Idea ကောင်းရတာနဲ့
အဲဒီ Idea ကိုအကောင်ထည်ဖော်ရင်းနဲ့
အခုဆို အရမ်းချမ်းသာသွားပြီ။ ဆိုတဲ့
အကြောင်းကို သူ့ဆီက အမြဲကြားရတယ်။

တကယ်လည်း သူ့ပတ်ဝန်းကျင်က
ဘယ် သူဌေးတွေ ဘယ်လို Ideaရပြီး
ဘာစီးပွါးရေးထလုပ်ပြီး ဘယ်လို
ချမ်းသာသွားတယ် ဆိုတဲ့အကြောင်း
သူတကယ် သိတယ်။

ဂျက်မား ရဲ့ Idea နဲ့ ဘဝအကြောင်းလည်း
သူသိတယ်။
အီလွန်မက်စ် Idea နဲ့ ဘဝအကြောင်းလည်း
သူသိတယ်။

သူ့ပတ်ဝန်းကျင် ကလူတွေနဲ့
သူလေ့လာနေတဲ့ လူတွေရဲ့ Idea တွေအကြောင်း
သူသိပေမယ့် သူ့ Idea တွေကို
အကောင်ထည်ဖော်ဖို့ ကျတော့
ဟိုအကြောင်းပြ ဒီအကြောင်းပြလုပ်နေတော့
သူ့ဘဝကတော့ အရင် ဆယ်နှစ်လောက်တုန်းက
ပုံစံအတိုင်းပဲ ဘာမှ မပြောင်းလဲသွားဘူး။

ဒီလောက်တွေ အတွေ့အကြုံတွေ
Idea ကောင်းတွေ ၊
ဗဟုသုတတွေ ကြွယ်နေတဲ့လူက
ဘာလို့ တိုးတက်သင့်သလောက် မတိုးတက်လဲ
အဖြေရှာကြည့်လိုက်တော့

သူက အောင်မြင်နေတဲ့လူတွေ
အကြောင်းကော ၊ အောင်မြင်နေတဲ့
စီးပွါးရေး Idea တွေအကြောင်းကော
အကုန်သိသလို သူ့မှာလည်း အရမ်းကောင်းတဲ့
Idea တွေရှိပေမယ့် ...

အဲဒီ Idea တွေကို အကောင်ထည်ဖော်ဖို့
သတ္တိ သူ့မှာ မရှိဘူး။

" ဖြစ်မလာခဲ့ရင် ဆိုတဲ့အတွေးက
သူ့ကို အမြဲဆွဲချနေတယ် "

ဒီတော့ သူစဥ်းစားထားတာတွေကို
သူ့လိုပဲ Idea ရသွားတဲ့လူ
တဦးဦးက ထလုပ်သွားလိုက်
အဆင်ပြေသွားလိုက် သူကျန်ခဲ့လိုက်နဲ့။

အခုထိကို တိုးတက်သင့်သလောက်
မတိုးတက်လာသေးဘူး။

Idea တွေရှိပြီး အကောင်အထည်
မဖော်တာက ဘာနဲ့တူလဲဆိုတော့
ထီထိုးထားပြီး ထီလတ်မှတ်ကို
လွှင့်ပစ်လိုက်တာနဲ့ အတူတူပဲ။

ကိုယ် ရထားတဲ့အခွင့်အရေးကြီးကို
လွှင့်ပစ်လိုက်တော့ အဲဒီအခွင့်အရေးကို
ကောက်ရတဲ့ တခြားသူက ပွသွားသလိုပေါ့။

Idea ကောင်းတွေက ကိုယ့်တယောက်ထဲ
ခေါင်းထဲကိုဝင်လာတယ်လို့ မထင်ပါနဲ့။

သူများတွေ ဆီလည်း ဝင်တတ်ပါတယ်။

ခေါင်းထဲကို idea ကောင်းဝင်လာတာနဲ့
အကောင်ထည်ဖော်သင့် မသင့် စဥ်းစားပါ။
အသိ တချို့နဲ့ တိုင်ပင်ပါ။

လုပ်နိုင်စွမ်းလည်း ရှိတယ်။ အချိန်လည်း
ရှိတယ်ဆိုရင် ဖြစ်ဖြစ် မဖြစ်ဖြစ်
ထပြီး အကောင်အထည်ဖော်ပါ။

အကြောင်းအမျိုးမျိုးကြောင့် မှန်းထားသလို
မဖြစ်လာရင်တောင် အတွေ့အကြုံတော့
ရလာမှာ အသေချာပါပဲ။

ဒီတော့ ကျွန်တော့ အမြင်အရတော့
Idea ကောင်းတစ်ခု ရှိတိုင်း အောင်မြင်တာ
မဟုတ်ဘူး။

အဲဒီ Idea ကောင်း ကို အချိန်ကိုက်
သူများထက်အရင် အကောင်အထည်
ဖော်နိုင်တဲ့လူအများစုပဲ
အဆင်ပြေသွားတတ်ကြတယ်ဆိုတာ
သိသလောက်လေး Sharing လုပ်ပေးလိုက်ပါတယ်။

Idea ကောင်းတွေကို အမြန်ဆုံး
အကောင်အထည် ဖော်နိုင်ကြပါစေဗျာ။

816

Sint Nyi

14 Oct, 12:28

ကျောပဲပေးပြီး နောက်ကနေ
" အိုကေနားစား " ခိုင်းတာ။

ဒါနဲ့ နဲနဲတော့ မသင်ကာဖြစ်လာပြီ။
Whying ပေါ့။

ထိုင်းမှာ ဒီလိုပဲ " အိုကေနားစား "
ကြတာလားပေါ့။ သူက ဒီလိုပိုဇစ်ရှင်နဲ့ပဲ
" အိုကေနားစား " ချင်တာလားပေါ့။

ဒါနဲ့ စိတ်က အတော် အဆင်မပြေတော့ဘူး။
ခုနက ညစ်စုတ်စုတ်ကောင်လေး
နှစ်ယောက် ပြုံးနေတဲ့ပုံက မျက်စိထဲ
ဖြတ်ခနဲ ပြေးမြင်မိလာရော။

အဲဒီပုံက သူငယ်ငယ်က ပုံလားပေါ့။

မီးကလည်း မှိန်မှိန်လေးပဲ ဖွင့်ထားတာ။

ဒါနဲ့ သူ့အောက်ပိုင်းကို ကိုင်ချင်စိတ်တွေ
မတရားဖြစ်လာရော။ အဲတော့
အတင်းလိုက်ကိုင်တော့ သူကလည်း
အတင်းရုန်းတာပေါ့။

ဘာလဲဟပေါ့။ တခုခုတော့ တခုခုပဲ။

အခြေနေက လုံးဝမကောင်းတော့ဘူး။
လော်ကြီးနဲ့ ဖြစ်နေဖို့က သေချာသလောက်
ဖြစ်နေပြီ။ မြွေကိုက်ပြီ။

အခြေနေက မြွေ ကိုက်တာတင်
မဟုတ်တော့ဘူး။
မြွေအကောင်လိုက်ကြီး
ဝင် ခွေနေလောက်တာ။
ကိုယ့်မြွေထက်တောင် ထွားရင်ထွားနေမှာ။

ရင်ထဲမှာ ပန်းတွေမပွင့်တော့ဘူး။
ဒူးရင်းသီးတွေ သီးကုန်ပြီ။

ဘုရားကယ်ပါ။ သားမှားပြီပေါ့။
ဒီတိုင်းကြီး Phin ပြောင်နဲ့
ထွက်ပြေးလို့ကလည်းမရဘူး။
အဝတ်စားတွေက ဝတ်ရအုန်းမှာ။

နောက်တစ်ခုက ဓာတ်လှေခါးအရှေ့က
တံခါးကိုဖွင့်မယ့် ကဒ်သော့။

အိုကေမနားစားရပဲ ချွေးအတောင့်လိုက်
ကျလာပြီ။
ကိုယ်ရိပ်မိသွားတာကို ဟိုတစ်ယောက်
မသိအောင် ဟန်မပျက်ကလည်း
နမ်းနေရသေးတယ်။

ဒါနဲ့ အကြံတစ်ခုရလာတယ်။

"ကွန်ဒို " ကိုဖောက်ပလိုက်တယ် လက်နဲ့။

ဟာ " ကွန်ဒို " ပေါက်သွားပြီပေါ့။
သူကလည်း " ဟ ဘာမှမလုပ်ရသေးပဲ
ဘလိုပေါက်တာလဲ " တဲ့။

" ကွာလတီ မကောင်းတာဖြစ်မယ် ဘေဘီ"
ပြောပြီး " ခနနေအုန်း ကွန်ဒို အသစ်
အရှေ့ကဆိုင်မှာ ခဏ ဆင်းဝယ်မယ်"
ဆိုပြီး ရုပ်တည်နဲ့ ဘောင်းဘီ
ကောက်ဝတ်တာပေါ့။

သူလဲ တကယ် ထင်ပြီး
" မြန်မြန်ပြန်လာခဲ့ ဘေဘီ ဘာညာ "
ဆိုပြီး သော့ကဒ်လေး ထုတ် ပေးပါလေရော။

ဒါနဲ့ ဝမ်းသာနေတဲ့ရုပ်မဖြစ်အောင်
မနည်းမျက်နှာ ပိုးကိုသတ်ရင်း သော့လေးကို
ယူပြီး ရုပ် အရမ်းပေါက်မှာဆိုးလို့

ရှူးဖိနပ်စီးနေရင် မသင်ကာဖြစ်နိုင်လို့
ရှူးဖိနပ်မစီးပဲ သူ့ရဲ့အိမ်တွင်းစီး
ဖိနပ်လေး စီးထားလိုက်တယ်။

ဖိနပ်က အရေးမကြီးဘူး
ပြန်ဝယ်လို့ရတယ်။

ထွက်ပြေးဖို့က အရေးကြီးတယ်။

မတော်လို့ မေ့ဆေးပေးပြီး
ကျောက်ကပ် ထုတ်ထားတာတို့
လူဆိုးဂိုဏ်းတို့ကို ရောင်းစားရင်
ဘဝက ဂိမ်းသွားနိုင်တယ်။

ခုမှ အသိတရားတွေ ကြောက်စိတ်တွေ
ဆက်တိုက်ဝင်လာတာ။

ဒါနဲ့သော့ကို ခပ်တည်တည်ယူ။
အိမ်တွင်းစီး ဖိနပ်လေးစီးပြီး
ဓာတ်လှေခါးကိုစီး။

ဓာတ်လှေခါးရှေ့က တံခါးကိုရောက်တော့
တံခါးကိုကဒ်နဲ့ ဖွင့်ပြီးတာနဲ့
ကဒ်ကြီးကို အထဲကိုပစ်ထည့်
တံခါးပိတ်ပြီး တန်းနေအောင်
ပြေးရတော့တာပေါ့။

ဘဝမှာ မှတ်မှတ်ရရ စမန်ထမိလို့
နားကားတော့ မလိုဖြစ်တဲ့ အတွေ့အကြုံပဲ။

တကယ့် Suprise အကြီးစားပဲ။
ထပ်ပြီး မကြုံချင်တဲ့ Suprise မျိုး။

တစ်ခြား Suprise တွေ သဘောကျပေမယ့်
ဒီလို Suprise တော့ ဂင်ချားနား မဖြစ်ဘူး။

တော်တော်နဲ့ ပြန်မလာတော့ သူလည်း
အခြေနေမှန်ကိုသိသွားပြီး Instagram
ကနေ စာအရှည်ကြီး မက်ဆေ့တွေပို့ပြီး
ကျွန်တော့ကိုဆဲပါလေရော။
ကျွန်တော်လည်း ဘလော့လိုက်တာပေါ့။😁

( LGTB များကိုစော်ကားလိုစိတ်
အလျဥ်းမရှိပါဘူး။
ဘန်ကောက်က အများစုက
လေဒီဘိုင်း ဆိုရင် အရင်
ပြောပြကြတာ များပါတယ်။
ဒါပေမယ့် တစ်ခါတစ်လေ
ဒီလိုမပြောတဲ့သူမျိုးလည်းရှိတတ်တာကို
သိစေချင်တာပါ။)

နောင်လာနောက်သားတွေကို
ပြောပြချင်တာက အိုကေနားစား
ခါနီး အရင်စစ်ဆေးပါ။
မေးပါ။

ကိုယ်မသိတဲ့ နိုင်ငံတစ်ခုမှာ
မိန်းကလေးအစစ် နဲ့ ဒိတ်ရင်တောင်
သူခေါ်တဲ့နေရာကို လိုက်သွားဖို့ဆိုစဥ်းစားပါ။

ဂိုဏ်းတွေနဲ့ချိတ်ဆက်ပြီး
ကလီစာတွေ ထုတ်ရောင်းတာတို့
လူက်ို ရောင်းစားတာတို့..

သူ့ဘဲနဲ့ ပေါင်းပြီး မင်းငါ့ဆော်ကို
ဘာလုပ်တာလဲဆိုပြီး ရိုက်ပုတ်ပြီး
ရှိတာအကုန်ယူ ငွေညှစ်တဲ့ ဇာတ်လမ်း
တွေလည်း အများကြီးရှိပါတယ်။

ပြည်ပမှာဆို သတိထားပြီး
အိုကေနားစားကြပါ။

အိုကေနားစားရင်လည်း
ဘယ်သူနဲ့ နားစား နားစား
" ကွန်ဒို " မဖြစ်မနေဝယ်ထားကြပါ
Safety First အရေးကြီးတယ်။

အိုကေနားစားပါ ညီအကိုတို့။

အဲဒီလို Dating အတွေ့အကြုံအလွဲလေးတွေ
ရှိရင်လည်း မန့်သွားကြပါဦး။

902

Sint Nyi

14 Oct, 12:28

" ကျွန်တော်နဲ့ ဘန်ကောက်မှ
မြွေ အလိမ္မာယ် ဆရာမလေး "
(၁၈ နှစ်အောက် မဖတ်ရ)

serious ပို့စ်တွေရေးနေရတာများလို့
အားလုံးကို ပျော်စေချင်လို့
ဘန်ကောက် မှာ လွဲခဲ့တဲ့ အလွဲလေးတစ်ခု
ပြန်ပြီး ပြောပြ ပေးမယ်။

ဒါမျိုး အတွေ့အကြုံတွေက ရေးပေးမှ
နောင်လာ နောက်သားတွေ အတုယူ
သတိထားလို့ရအောင်ပါ။

သက်သက်ကြီးမှားချင်တယ်
ဆိုတဲ့သူတွေလည်း စနစ်တကျ
မှားလို့ရအောင်ပေါ့။

အချိန်က 2017 ခုနှစ်။

အဲဒီတုန်းက ကိုယ်ကပိုက်ဆံမရှိဘူး။
မွဲနေတဲ့ အချိန်။ ဝင်ငွေကောင်းနေတဲ့
ဘော်ဒါတွေက သူတို့သွားချင်တယ်
လိုက်ခဲ့ပေး ။ ငါတို့ကို Guide လုပ်ပေး။
စားရိတ် အကုန်စိုက်ပေးမယ်ဆိုတော့
အလကားရလို့ ဘန်ကောက် လိုက်သွားတာ။

အဲ့ဒီအချိန်က ဘတ်စျေးကလည်း
တစ်ဘတ်ကို မြန်မာငွေ ၄၀ကျပ်။
အရမ်းစျေးမကြီးတော့ ဘော်ဒါတွေက
စိုက်ပေးကြတယ်။

သူငယ်ချင်း ကလည်း ၇ ယောက်လောက်
ဆိုတော့ မနက်ပိုင်းလည်ကြ
ပတ်ကြဝယ်ကြပေါ့။

ညနေရောက်တော့ သူတို့က
သောက်ချင်လာတော့ ဘားတစ်ခုကို
လိုက်ပို့ပေးခဲ့ပြီး ကိုယ့်ဟာကို
Starbuck သွားထိုင်ပြီး ဖုန်းသုံးနေတာပေါ့။

ဒါနဲ့ ဘေးဝိုင်းက ထိုင်းဆော်လေးတစ်ယောက်က
" ဆဝါဒီခ ဘယ်နိုင်ငံကလာတာလဲ " ဆိုပြီး
အင်းဂလိပ်လို စကားလာပြောပါလေရော။

စော်အနေအထားကိုကြည့်တော့ အသားဖြူဖြူ အရပ်မြင့်မြင့် ရုပ်ကလည်း အတော်လှတာ။ တော်တော် ခွဲစိတ်ထားတယ်ထင်ရတယ်။

ဆော်လေးက စကားလာ စပြောတယ်
ဆိုတော့ သွေးကနားထင်ရောက်ပြီလေ။
တယ်ဟုတ်တဲ့ ငါပါလားပေါ့။

တကယ်က အဲ့တုန်းကကိုယ့်ပုံက
အခုလို မဟုတ်သေးဘူး။
ပိန်ပိန်သေးသေး ညစ်စုတ်စုတ်လေး။
ခုလို မချောသေးဘူး😌။

ဒါနဲ့ နာရီဝက်လောက် စကားပြောတော့
သူက Miss ပြိုင်ပွဲလည်း ဝင်ဖူးတယ်
ဆိုပြီး Instagram က ပြိုင်ပွဲဝင်ခဲ့တဲ့
ပုံတွေထုတ်ပြတာပေါ့။

ကိုယ်ကလည်း ခေသူမှ မဟုတ်တာ။

သူတစ်ပုံ ထုတ်ပြတိုင်း
Wow .. Wow .. Amazing
ဗျူးတီးဖိုးတွေ လုပ်ရင်းနဲ့
Insta မှာလည်း Follow ထားလိုက်တာပေါ့။
ပုံတွေကလည်း တကယ့် အလန်းတွေ။

ဒါနဲ့ သေချာအောင်တော့ မေးလိုက်တယ်။

ဇိမ်မယ် လေးတော့မဟုတ်ဘူး မလား
ဆိုတော့ စိတ်တော့နဲနဲ ဆိုးသွားပုံရပေမယ့်
ဇိမ်မယ် မဟုတ်ကြောင်း ဆေးရုံတစ်ခုမှာ
အလုပ် လုပ်နေတဲ့အကြောင်းပြောပြပြီး
ဆေးရုံမှာ အလုပ်လုပ်တဲ့
ပုံတွေပါ ထုတ်ပြတာပေါ့။

(ဇိမ်မယ် ဆိုရင်လည်း အထင်သေးလို့
မဟုတ်ပါဘူး။ အလုပ်တိုင်းကို
Respect ပေးပါတယ်။ ကိုယ်မလုပ်ချင်တဲ့
အရာနဲနဲလေးထဲက တစ်ခုမလို့ ရှောင်မလို့)

ဇိမ်မယ်လေး လည်းမဟုတ်ဘူး ဆိုတော့
ဂင်ချားနားပြီ ။
အိုကေ နားစားလို့ရပြီပေါ့ဆိုပြီး
ကြိတ်ပျော်နေတာ။

ဒါနဲ့ ခဏနေတော့ သူ အိမ် ပြန်တော့မယ်တဲ့ ။
ကိုယ်က လည်းဘာရမလဲ ခေသူမှမဟုတ်တာ။

ဘယ်မှာ နေတာလဲ ကိုယ် လိုက်ပို့မယ် ။
စိတ်မချဘူးပေါ့😆။

ဟဲဟဲ။

ဒါနဲ့ သူမောင်းတဲ့ ကားပေါ်ထိုင်လိုက်သွားရင်း
စကားတွေ ဟိုပြော ဒီပြော
ဖောရှော လုပ်ပြီး အိမ်အထိ
လိုက်ချသွားတာပေါ့။

သူ့ကားနဲ့ သူ့အိမ် ပြန်တာကို
စိတ်မချဘူးဆို ပြီး ဘေးကနေ
ရုပ်တည်နဲ့လိုက်စီးတာ တော်ရုံ
မျက်နှာပြောင်ရုံနဲ့ မရဘူး။

ဒါနဲ့ သူ့ အိမ်အောက် ရောက်တော့
ပြန်ဖို့ နှုတ်ဆက် နေတုန်းမှာပဲ သူက
အပေါ်လိုက်ပြီး ကော်ဖီ သောက်မလား
သူကမေးတော့ ...
အင်းပေါ့။

သိပ် သိပ်သောက်ချင်တာပေါ့။
ရင်ထဲမှာ ပန်းတွေက အလိုလိုပွင့်နေပြီ။

ဒါနဲ့ ခြေနေက ကောင်းနေပြီဆိုတော့
ဘော်ဒါတွေကို ဖုန်းဆက်ပြီး
သားကြီးတို့ ငါနောက်ကျရင် ကျမယ်။

ပြန်လာချင်မှလည်း ပြန်လာမယ်။
စိတိမပူကြနဲ့လို့ လှမ်းပြောလိုက်တာပေါ့။
ဟိုကောင်တွေကလည်း
မူးနေပြီ ကိုယ့်ကို အာရုံမရတော့ဘူး။

ဒီလိုနဲ့ အိမ်ထဲ ဝင်ကြတာပေါ့။

သတိထားမိတာ တစ်ခုက
ဓာတ်လှေခါးဆီကို သွားတဲ့
မိန်းတံခါးက ကဒ်နဲ့ တို့မှ ပွင့်တာ။
ကဒ်မပါရင် အဝင်အထွက် လုပ်လို့မရဘူး။

ဒါနဲ့သူက သူ့ကဒ်ထုတ်ပြီး တို့ပြီး
ဓာတ်လှေခါး စီးပြီး သူ့အခန်းဆီ
သွားကြတာပေါ့။

အခန်းထဲလဲရောက်ရော
ကိုယ်ကကော်ဖီသောက်ရင် ရင်အရမ်း
တုန်လို့ ကော်ဖီလုံးဝ မသောက်ပေမယ့်

သူဖျော်ပေးတဲ့ ကော်ဖီလေးဆိုတော့လည်း
ရင်တုန်လည်း တုန်စမ်းကွာဆိုပြီး
ပြုံးပြုံးကြီး သောက်ရင်း စကား
ဆက်ပြောကြတာပေါ့။

ခဏနေတော့ သူက ရေချိုးခန်းထဲ
ဝင်သွားတော့ ကျနော်လည်း
အခန်းထဲပတ်ပြီး စပ်စုတာပေါ့။

သူ့ရဲ့ဘွဲ့ယူနေတဲ့ပုံတွေ ၊
အစိုးရ ယူနီဖောင်း နဲ့ပုံတွေ
မိသားစု ပုံတွေလည်း တွေ့တာပေါ့။

အဲဒီလို ပုံတွေအများကြီးထဲမှာမှ
ဆယ်နှစ်ဝန်းကျင် ကောင်လေး နှစ်ယောက်
ပုခုံးဖက်ပြီး ပြုံးရယ်နေကြတဲ့
ပုံလေးလည်း မှတ်မှတ်ရရ
တွေ့မိသေးတယ်။

မောင်ဝမ်းကွဲလေးတွေ နေမှာပေါ့။
ကိုယ့်လို ညစ်စုတ်စုတ်လေး တွေပါပဲ။
သူနဲ့တခြားစီ။

ဒါနဲ့သူ ရေချိုးခန်းက ထွက်လာတော့
ကိုယ်က စပြီးနမ်းလိုက်တာပေါ့။

နမ်းနေရင်း လက်က ဟိုကိုင်ဒီကိုင်
လုပ်တော့ အပေါ်ပိုင်း အကုန်ရတယ်။

ခါးအောက်မရဘူး။ လက်က်ို
လာလာချူပ်တာ။

ဒီဆော်က မြို့ကြီးမှာနေပြီးတော့
အတော်ရှက်တတ်ပါလားပေါ့။

ဒါနဲ့ ဝယ်ထားတဲ့ " ကွန်ဒို " တွေဘာတွေ
စနစ်တကျ ဝတ် ပြီးတော့
" အိုကေနားစား" ဖို့လုပ်ကြတာပေါ့။

( ကတော့ ကတော့ နော်။
အယဥ်ကျေးဆုံး စာလုံးတွေရွေးချယ်ပြီး
ပြောပြပေမယ့် ကြိုပြီး ကတော့ထားတာ။ )

" အိုကေနားစား " ခါနီး ကျတော့
သူက မျက်နှာချင်းဆိုင် ပိုဇစ်ရှင် မရဘူး။

650

Sint Nyi

12 Oct, 06:53

" ဓာတ်ပုံတောင် တွဲမရိုက်သင့်တဲ့လူ "

ညီအကိုလိုချစ်ရတဲ့ အကိုတစ်ယောက်က
ညစာဖိတ်ကျွေးလို့ သူချိန်းတဲ့ဆိုင်မှာ
သွားတွေ့ ဖြစ်တယ်။

သူကနောက်တဦးကိုလည်း ကိုယ်နဲ့အတူတူ
စားဖို့ ဖိတ်ထားတာ အဲဒီဆိုင်ရောက်မှ
သိတယ်။

သူဖိတ်ထားတဲ့လူက ကိုယ်ဘယ်လိုမှ
ပေါင်းသင်းလို့မရနိုင်တဲ့သူမျိုး။

ပေါင်းသင်းဖို့မပြောနဲ့ ဓာတ်ပုံတောင်
တွဲမရိုက်ချင်တဲ့ သူမျိုး။

သူကောကိုယ်ကော ဝင်ငွေ
အသင့်အတင့် ဝင်နေကြတဲ့လူတွေပေမယ့်
သူသွားနေတဲ့ လမ်းကြောင်းနဲ့
ကိုယ်သွားနေတဲ့လမ်းကြောင်းက
ဆန့်ကျင်ဘက်ပဲ။

ဒါနဲ့ ရောက်လာတော့လည်း
ထပြန်လို့ မကောင်းတာနဲ့ ခဏစကားပြော
ညစာစားပြီး ပြန်ဖို့ လုပ်တော့
ညစာဖိတ်ကျွေးတဲ့အကိုက ပုံလေး
အတူတူ ရိုက်ကြဖို့ ပြောရော။

ဒီဘဲနဲ့ အတူတူတောင် တဝိုင်းထဲ
မထိုင်ချင်တာ ...သူနဲ့ထိုင်နေတဲ့ကိုယ့်ပုံကြီး
Social Media ပေါ်တက်သွားမှာတော့
မဖြစ်ချင်ဘူး။

ထိုင်နေတဲ့လူကို အားမနာပေမယ့်
ဖိတ်တဲ့အကိုကိုတော့ ညီအကိုလိုဖြစ်နေတော့
အားနာတာနဲ့ ပုံတော့မရိုက်ချင်ကြောင်း

မဖြစ်မနေ ရိုက်ရင်တောင် မတင်ဖို့တော့
မေတ္တာရပ်ခံလိုက်တော့ သူလည်း
လက်ခံပါတယ်။

နောက်မှ အဲဒီအကို ပြောလို့ ပြန်သိရတာက
သူလည်း အဲဒီလူကို ချိန်းထားတာတော့
မဟုတ်ဘူး။

အဲဒီဘဲက ကိုယ်တွေကို ဂျင်းထည့်ဖို့
အကြံအစည်နဲ့ သူ့ဟာသူ အတင်း
နေရာမေူပြီး လိုက်လာတာတဲ့။

ကိုယ်တွေလည်း ဘာကောင်မှတော့
မဟုတ်ပါဘူး။ ဒါပေမယ့်
ကိုယ်က ဘာကောင် မှမဟုတ်တာက
ကိစ္စ မရှိပေမယ့် ..

Character နဲ့ Personality မကောင်းတဲ့
လူတွေနဲ့ အတူတူ ပုံတွဲရိုက်တာတို့
အတူတူ သွားလာ စားသောက်တာတို့ဆိုရင်
တော့ ကိစ္စရှိသွားပါပြီ။

ကိုယ်က လူနည်းနည်းသိတဲ့လူဆိုရင်
ပိုဆိုးပြီး။

သူနဲ့ကိုယ်ကို တွဲပြီးမြင်သွားတဲ့လူတွေက
သြော် ဒီဘဲတွေက တဖွဲ့ထည်းပဲ
ထင်သွားကြမှာဖြစ်လို့ ကိုယ်ပါရောပြီး
ပုလင်းတူ ဘူးစို့ လို့အထင်ခံရနိုင်ပါတယ်။

ကျန်တဲ့နေရာတွေမှာ ပတ်ဝန်းကျင်ကို
ဂရုမစိုက်ပဲ နေချင်သလို နေပေမယ့်
ကိုယ်နဲ့ သွားလာစားသောက်မယ့်
လူတွေကို တော့ သတိထားပြီး
ရွေးချယ်ပေါင်းသင်းဖြစ်တယ်။

လူယုတ်မာတွေ၊ ကလိမ်ကကျစ်တွေ
Personality မကောင်းတဲ့လူတွေနဲ့ဆို
တူတူထိုင်ဖို့ မပြောနဲ့။

ပွဲတခုတည်းမှာ အတူတူ တက်တဲ့ပုံ
မပါအောင်ကို သတိထားဖြစ်တယ်။

ပုံမရိုက်တာကလည်း ကြ်ီးကျယ်တာ
မဟုတ်ပါဘူး။

လမ်းဘေးက ဆိုက်ကားဆရာအစ
တောင်းစားတဲ့သူ အဆုံး
အားလုံးနဲ့ ပုံရိုက်တတ်ပေမယ့်
အဲဒီလို ကလိမ်ကကျစ်တွေဆိုရင်တော့
ဘယ်လောက်ပဲ အလုပ်အကိုင်အခွင့်အလမ်း
ရမှာပဲ ဖြစ်ဖြစ်၊

သူတို့နဲ့ ပေါင်းသင်းလို့ ဘဝကအခုထက်
အများကြီးတိုးတက်သွားမယ်ဆိုရင်တောင်
ဝေးဝေးကပဲရှောင်ပါတယ်။

ကိုယ်တည်ဆောက်ထားတဲ့ ကိုယ့်နာမည်က
ဘာမဟုတ်တဲ့ လူတွေနဲ့ပုံတွဲရိုက်မိလို့
တူတူထိုင်စားမိလို့နဲ့ ယုန်ထင်
ကြောင်ထင် အထင်မခံနိုင်တာပါ။

ဘဝမှာ ဓာတ်ပုံတောင် တွဲမရိုက်သင့်တဲ့
လူတွေဆိုတာ တကယ်ရှိတယ်။

မဖြစ်မနေ အကြောင်းကြောင်းကြောင့်
အတူတူထိုင်ရပြီ
ဓာတ်ပုံ တွဲရိုက်ရပြီဆိုရင်လည်း Social Media
မှာ မတင်မိဖို့လည်းလိုပါတယ်။

တခါတလေ ကိုယ်နှစ်ရှည်လများ
တည်ဆောက်ခဲ့တဲ့အရာတခုက
ကိုယ်သတိမထားမိတဲ့ပုံလေးတစ်ပုံကြောင့်
အထင်အမြင်လွဲခံရနိုင်တယ်ဆိုတာကို
သတိထားဖို့ သိသလောက်လေး
Sharing လုပ်ပေးလိုက်ပါတယ်။

632

Sint Nyi

12 Oct, 06:53

အရောင်းအဝယ်တွေမှာ စျေးဆစ်ပြီး
မယူတာမျိုးတွေလည်း ကြုံရတတ်တယ်။

အခန်းတစ်ခန်း ရောင်းတုန်းကဆိုရင်
ကြိုက်တယ် စျေးညှိပြီးယူမယ်ဆိုပြီး
စျေးတွေ ဆစ်ပါလေရော။

ဒါနဲ့ ညှိကြရင်းနဲ့ သူပေးတဲ့စျေးနဲ့
ရောင်းမယ်လည်း သဘောတူလိုက်ရော
ဒါဆို ငွေယူပြီး ပြန်လာခဲ့ပါမယ်ဆိုပြီး
ပေါ်မလာတော့ဘူး။

နောက်တခါကျတော့ ကိုယ်
အကျိုးဆောင် ဝင်လုပ်တုန်းက
ကြုံတာ။

ဝယ်သူနဲ့ ရောင်းသူကို တွေ့ပေးပြီး
စျေးတွေ လည်းညှိကြပြီးမှ
ငွေသွားယူမယ် ပြန်လာခဲ့မယ်
ပြောပြီး ပေါ်မလာတော့တာ
တစ်ခါ။

အဲဒီတစ်ခါကဆို ကိုယ်ပါ
ကြားထဲကနေ အားနာရတာ။

နောက်တစ်မျိူး ကျတော့
ကိုယ်နဲ့သူနဲ့ စျေးတစ်ခုနဲ့
အရောင်းအဝယ် အကုန်
သဘောတူညီမှုရပြီးပြီ။

စာချူပ်ချုပ်ပြီးလို့ ငွေပေးငွေယူလုပ်တဲ့
အချိန်မှာမှ အားမနာတမ်း သိန်း(၂၀)လောက်
စျေးထပ်ဆစ် တာမျိုး။

တော်တော် Awkward ဖြစ်ရတဲ့
အခြေနေမျိုးတွေပေါ့။

ကိုယ်ကတော့ ကိုယ့်အပေါ် အားမနာတဲ့လူကို
ပြန်ပြီး အားမနာတတ်တော့
လုံးဝ တစ်ကျပ်မှ မလျှော့ပေးလိုက်ဘူး။

အဲဒါမျိုးတွေ ကြုံပြီးကတည်းက
အခန်းကြိုက်လို့ အရောင်းအဝယ်အတွက်
စျေးညှိချင်တယ်ဆိုရင် စရံငွေကိုင်ပြ်ီးလာခဲ့ပါ။

အလုပ်သဘောအရ
စရံငွေ မပါပဲ စျေးမဆစ်ဖို့
ကြိုပြောဖြစ်တယ်။

ယူမယ် ဝယ်မယ် သေချာရင်
စရံငွေကိုင်ခဲ့ ဒီဘက်ကလည်း
စရံပေးစာချူပ် အရှေ့ချပြီး စျေးစကား
စကားပြောဖြစ်တယ်။

လူကြီး လူကောင်းတွေကတော့
စျေးဆစ်ပြီးရင် ပေးတဲ့စျေးအတိုင်း
ယူကြတာ များပါတယ်။

ဂျလုံးပလုံးတွေပဲ အာတွေချောင်ပြီး
စျေးတွေဆစ်ပြီး တကယ် ရောင်းတဲ့အခါကျ
အတိတ်မေ့သလို ရွှေပျောက်သလိုလုပ်ပြီး
ရှော်သွား တတ်ကြတာ။

အဲဒီလူတွေကိုလည်း မှတ်ထားတယ်။
လမ်းမှာတွေ့ရင် စျေးဆစ်ပြီး မဝယ်တဲ့လူ
ဆိုပြီး လက်ညှိုးထိုးပြဦးမှာ။

အဲလိုမျိုးတွေ ကြုံခဲ့ဖူးတော့
ကိုယ်အရောင်းအဝယ် လုပ်တဲ့အခါကျ
အားမနာတတ်တော့ဘူး။

" အလုပ်ကို အလုပ်နဲ့တူအောင်
တိတိကျကျပဲ လုပ်တယ်။
အားမနာသင့်တဲ့အရာဆို အားမနာဘူး။"

အခန်းလာ မကြည့်ပဲနဲ့ ဘယ်သူမှန်း
ဘာမှန်း မသိရပဲ ဖုန်းလေးဆက်ပြီး
" စျေးကလျော့ဦးမလား " ဆိုတာမျိုးမေးရင်

" အခန်း အရင်လာကြည့်ပါ။
ကြည့်ပြီးလို့ ကြိုက်ရင် စရံငွေယူလာခဲ့
စျေးစကား ပြောကြတာပေါ့ " လို့
ဖြေဖြစ်တယ်။

တချို့က အဲဒါကို ချေတယ် ထင်ကြတယ်။
ကိုယ့်အတွက်တော့ အဲဒါချေတာ
မဟုတ်ပါဘူး။

အလုပ်ကို အလုပ်နဲ့ တူအောင်
လုပ်တာပါ။

ရလာတဲ့ သင်ခန်းစာတွေအရ
အချိန်ကုန် အလုပ်ရှုပ်သက်သာဖို့
လမ်းကြုံ အပျင်းပြေ လာကြည့်ပြီး
ပေါက်ကရစျေးတွေ ပေးမယ့်လူတွေကို
လူစစ်ချလိုက်တဲ့ သဘောပါပဲ။

အသိ မဟုတ်ရင် ဘယ်သူကမှ
အခန်း မကြည့်ပဲ မဝယ်ကြပါဘူး။

ကိုယ်ကလည်း အဲဒီလို လူရွေးပြီး
သေချာစိစစ်ပြီး သေချာပြပေးတော့
တကယ်ဝယ်မယ့် သူတွေနဲ့ပဲ
တွေ့တာများတယ်။

အဲဒီလို သေချာလူစစ်ပြီး ဝန်ဆောင်မှုကိုလည်း
ကိုယ့်ဘက်က အပြည့်အဝ ပေးလိုက်တော့
ကိုယ့်ဆီကဝယ်တဲ့လူတွေနဲ့ကိုယ်က
မိတ်ပျက်သွားတာ မရှိဘူး။

မိတ်ကောင်းဆွေကောင်းတွေ
ဖြစ်သွားကြတာ များတယ်။

ဒီတော့ အရောင်း အဝယ်တွေမှာလည်း
လူအစုံနဲ့ တွေနိုင်ရလို့ ကိုယ့်ဘက်ကလည်း
အာချောင်တဲ့လူတွေအတွက်နဲ့
စိတ်မရှုပ် အာရုံမနောက်ချင်ရင် ..

အလုပ်ကို အလုပ်နဲ့ တူအောင်လုပ်ဖို့ရယ်
အားမနာဖို့ရယ်ကို
ကြုံခဲ့ဖူးတဲ့ အတွေ့အကြုံလေးတွေ
ဗဟုသုတရဖို့ ပြန်ပြီး Sharing
လုပ်ပေးတာပါ။

544

Sint Nyi

12 Oct, 06:53

စုနိုင်သွားတယ်။

အဲဒီ " နာတတ်တဲ့စိတ်" က ကျွန်တော်နဲ့တော့ အတော်အဆင်ပြေတယ်။

အတွေးဆိုးတွေ စိတ်ရိုင်းတွေ
ဝင်လာတာကို တားလို့မရပေမယ့်
ထိန်းလို့ရတယ် ဆိုတာရယ်
စိတ်ကို နိုင်တဲ့သူက အရာရာကို
အောင်နိုင် တတ်တဲ့အကြောင်း
သိသလောက် လေး Sharing ပြန်လုပ်ပေးတာပါ။

Sint Nyi

345

Sint Nyi

12 Oct, 06:53

" နာတတ်တဲ့ စိတ်မွေးပါ "

စိတ်မိုက်စိတ်ရိုင်းတွေ ခဏခဏ
ဝင်မိနေလို့ ဘယ်လို လုပ်ရမလဲ
အကြံပေးပါဦး ဆိုပြီး ညီလေး တစ်ယောက်
စာပို့လာတယ်။

ညီလေးမှ မဟုတ်ဘူး အကိုလည်း
တွေးတာကတော့ တွေးနေမိတာပဲလို့၊
အကို့ အတွေးတွေဆို ညီလေးထက်တောင်
ပိုမိုက်ရိုင်းလောက်တယ် လို့
ပြန်ပြီး ဖြေဖြစ်လိုက်တယ်။

ဒါလည်းတကယ်ပဲ။

လူ့စိတ်ဆိုတာ ကိုယ့်ဟာကိုယ်
နေရင်းနဲ့ လည်း ပေါက်ကရ အတွေးတွေ
စိတ်မိုက်ရိုင်းတွေ သူ့ဟာသူ
ဝင်လာတတ်တာပဲလေ။

ဝင်မလာအောင် လုပ်ဖို့ဆိုတာ
တော်တော်ခက်မယ်လို့ ထင်ပါတယ်။

ကျွန်တော့ အမြင်အရပြောရရင်
အဲဒီစိတ်ကို ဝင်မလာအောင် တားဖို့
မလွယ်ကူပါဘူး။

အဲဒီဝင်လာတဲ့အတွေးကို
ဆက်မတွေးမိအောင်တော့
ပြောင်းပစ်လို့ရတယ်။
ပြီးတော့ အကောင်အထည်မဖော်မိအောင်
ချုပ်ထိန်းလို့လည်း ရတယ်။

အဲဒီစိတ်ကို မထိန်းနိုင်လို့ လူတချို့တွေ
ဒုက္ခရောက်နေကြရတယ်။

ပိုက်ဆံ ရှိတဲ့သူတွေကော၊
မရှိတဲ့သူတွေကော၊ ရာထူးရှိတဲ့သူတွေကော၊
မရှိတဲ့သူတွေကော အသက်ကြီးငယ်
ကျားမ မရွေး စိတ်မနိုင်ရင် ဒုက္ခရောက်ကြတာပဲ။

" စိတ် " က စာလုံးတစ်လုံးတည်းပေမယ့်
အဲဒီ စိတ် ကို နိုင်သွားရင် ဘဝမှာ
ဆုံးရှုံးခြင်းတွေ၊ ပူလောင်ခြင်းတွေ ၊
ပြသနာတွေ တော်တော် များများ
လျော့သွားပါလိမ့်မယ်။

လောင်းကစား စွဲတာလည်း စိတ်ပဲ။
မူးယစ်ဆေး စွဲတာလည်း စိတ်ပဲ။
ဘာတွေ့တွေ့ ဝယ်ချင်တာလည်း စိတ်ပဲ။
ချစ်ချင် မုန်းချင်တာလည်း စိတ်ပဲ။

အဲဒီစိတ် တစ်ခုထဲနဲ့
ဘဝတစ်ခုလုံးကို ပျက်စီးသွားအောင်
လုပ်လို့ရသလို ဘဝတစ်ခုလုံး
အောင်မြင်အောင်လည်း လုပ်လို့ရတယ်။

(ရိုးသားစွာ) အောင်မြင်နေကြတဲ့
လုပ်ငန်းရှင်တွေကို ကြည့်လိုက်ရင်
စိတ်နိုင်တဲ့သူတွေ များကြပါတယ်။

လိုချင်တာလား။ လိုအပ်တာလား။
ဝယ်မိရင်တိုးပွါးမှာလား။ ဆုတ်ယုတ်မှာလား။
ကိုယ့်ကိုကိုယ် အမြဲတမ်း
ပြန်မေးနေကြတဲ့ လူတော်တွေပေါ့။

ကျွန်တော်တွေ့ဖူးတဲ့
(ရိုးသားစွာ) အဆင်ပြေ အောင်မြင်နေကြတဲ့
သူတွေ တော်တော် များများက ငွေကြေးနဲ့ ပတ်သက်ရင် စိတ် အရမ်းနိုင်ကြတယ်။

ဒီခေတ်မှာ စိတ် မနိုင််လို့လည်း မရဘူး။
ငွေရှာတာထက် ရှာထားတဲ့ငွေကို
ထိန်းသိမ်းရတာ ပိုခက်လာတာကိုး။

လူအများစုက ငွေမရှိခင်တော့ ရှိချင်စိတ်နဲ့
ကြိုးစားပြီး ငွေရှာတယ်။ ရှိလာတော့လည်း
ရှိတာလေးကို သုံးချင် ဖြုန်းချင်လာတယ်။

ကိုယ့်စိတ်ကိုယ် Control
မလုပ်နိုင်တော့တာမျိုးပေါ့။

ငွေရှိလာရင် အောက်ခြေလွတ်
လာတာလည်း စိတ်ပဲ။
ဘဝင် မြင့်လာတာလည်း စိတ်ပဲ။
ဘဝမေ့ လာတာလည်း စိတ်ပဲ။

ကိုယ်တိုင်လည်း အပေါ်က ပြောခဲ့တာတွေ
အကုန် လုပ်ခဲ့ဖူးတယ်။အဲဒါကြောင့်
ခဏပဲ အဆင်ပြေပြီး ပြန် မွဲသွားတာ။

အဲဒီကနေမှ စိတ်ကို Control လုပ်ဖို့
တော်တော်သင်ခန်းစာ ရလိုက်တယ်။

"ငွေရှာတာထက် ရှိထားတဲ့ငွေကို
ထိန်းသိမ်းရတာ ပိုခက်တာ သိသွားတယ်။
အဲဒီ ထိန်းသိမ်းထားတဲ့ငွေကို
ပိုပြီးတိုးပွါးအောင်လုပ်ဖို့က
ပိုခက်တယ်ဆိုတာ သဘောပေါက်လာတယ်။"

ငွေလေးနည်းနည်း ရှိလာတာနဲ့
ဝယ်ချင် သုံးချင် သူများတွေကို
အားကျချင်တဲ့ စိတ်တွေကို ထိန်းနိုင်သွားရင်
ငွေကြေးနဲ့ ပတ်သက်ပြီး
ေတာ်တော်စိတ်အေး သွားရလိမ့်မယ်။

ငွေသုံးချင်တဲ့စိတ် လိုပဲ ချစ်တဲ့စိတ်၊
မုန်းတဲ့စိတ် ၊ လိုချင်တဲ့စိတ် ၊
အိပ်ချင်တဲ့စိတ် အကုန်လုံးကိုလည်း
သတိနဲ့ ထိန်းချုပ်ဖို့ လိုပါတယ်။

ကိုယ်ကမတွေးရင်တောင် ခေါင်းထဲကို
အဲဒီစိတ်တွေက သူ့အလိုလိုဝင်လာတတ်တယ်။ ကောင်းတာတွေကော
မကောင်းတာတွေ ကောပေါ့။

မကောင်းတာတွေ ဝင်လာတာကတော့
ပိုများတတ်တယ်။

အဲဒီဝင်လာတဲ့ မကောင်းတဲ့စိတ်တွေကို
နိုင်သွားဖို့ကလည်း ဘယ်သူကမှ
လာပြီးလုပ်ပေးလို့ မရပြန်ဘူး။

ကိုယ့်ဟာကိုယ်ပဲလုပ်မှ ရမှာ။

ကိုယ်တိုင်လည်း ဘာသာရေးမလိုက်စားလို့
တရားသဘောအရတော့ သေချာ
မရှင်းပြတတ်ဘူး။

ကိုယ်တိုင် လည်း စိတ်မထိန်းနိုင်လို့
ခဏခဏ တိုင်ပတ်ခဲ့ဖူးတော့ ဒီနောက်ပိုင်း
စိတ်ထိန်းနိုင်ဖို့ ဘယ်လိုလုပ်ဖြစ်လဲ
ဆိုတာလေးတော့သိသလောက်လေး
ပြောပြပါမယ်။

စိတ်မနိုင်တဲ့အကြိမ်အရည်အတွက်များလေ
ဆုံးရှုံးမှူက ပိုများလေလေ ဖြစ်လာတော့
အဲဒီစိတ်တွေကို နိုင်ဖို့ " နာတတ်တဲ့ စိတ် " ကို
စပြီး မွေးဖြစ်တယ်။

ဥပမာပေးရရင် ...

သုံးဖြုန်းရတာ ကြိုက်တယ်။
ငွေကို Control လုပ်ပြီး မသုံးတတ်ဘူး။
ရှာနိုင်တာထက် ပိုသုံးချင်တဲ့စိတ်ကို
မထိန်းနိုင်ဘူး။

အဲဒီတော့ ခဏလေးနဲ့ မွဲသွားတယ်။

အကြွေးတင်တယ်။ တိုင်ပတ်တယ်။
စော်ကားခံရတယ်။ ငိုကြွေးရတယ်။
စိတ်ပင်ပန်းရတယ်။

အဲဒီတော့မှ " နာတတ်တဲ့စိတ် "
မွေးဖို့ စပြီးကြိုးစားတယ်။

ေနာက်ထပ် အဲလို အခြေအနေတွေ
ထပ်ပြီး မဖြတ်သန်းချင်တော့ဘူး။
အဲဒီလို သုံးရင် အဲဒီလိုမွဲမယ်
ဆိုတာ သိသွားပြီ။

မဆင်မခြင် ထပ်သုံးရင်ထပ်မွဲမယ်နော်
ဆိုပြီး " နာတတ်တဲ့စိတ် " ထည့်လိုက်တယ်။

နောက်ကို ငွေသုံးခါနီး စဥ်းစားတယ်။
သုံးသင့်လား ။ လိုအပ်လား။
မလိုအပ်ဘူးလား။

မလိုအပ်တာတွေ ဝယ်တာများရင်
လိုအပ်တာတွေပါ ထုတ်ရောင်းရမယ် ဆိုတဲ့
" နာတတ်တဲ့စိတ်" ဝင်သွားပြီ။

ဒီတော့ မလိုအပ်တာ တွေမဝယ်ဖြစ်တော့ဘူး။

လိုအပ်တာဆိုရင်တောင် တကယ်လိုလို့လား
ဆိုပြီး စဥ်းစားတတ်သွားတယ်။

အရင်က ကိုယ်ရှာတာထက်
ပိုသုံးတတ်တဲ့သူက နာတတ်တဲ့စိတ်
ရှိလာတော့ ကိုယ်ရှာနိုင်တာရဲ့
တစ်ဝက်လောက်ကို ရအောင်

600

Sint Nyi

12 Oct, 06:52

" သေးသေးက စ။ ဖြေးဖြေး သွား။
ကိုယ့်အလုပ်အပေါ်ပဲကိုယ် အာရုံထား ။ "

ကျွန်တော် လုပ်ငန်းလေးတစ်ခု
စလုပ်ခါနီးတုန်းက ကျွန်တော့် ဆရာဆီမှာ
အကြံဥာဏ် တောင်းခဲ့ဖူးတယ်။

အဲဒီမှာသူ ကိုယ့် အခြေနေကိုကြည့်ပြီး
လိုက်နာရမယ့် အချက် (၃)ချက်
သင်ပေးခဲ့တယ်။

အဲဒီအချက်တွေက ကျွန်တော့အတွက်တော့
အခုထိ မှန်နေတုန်းပဲဆိုတော့ တချို့တွေ
အတွက် အကျိုးရှိမယ် ထင်လို့
Sharing ပြန်လုပ်ပေးချင်ပါတယ်။

✅ " သေးသေးလေးနဲ့ စတင်ပါ "

ကိုယ်က ရှိစုမဲ့စုလေးတွေ နဲ့
လုပ်ငန်း စမှာ ဆိုရင် သေးသေးလေးနဲ့
စတင်ပါတဲ့။

ဒါမှ တစ်ခုခု ချွတ်ချော်ခဲ့ရင်
ဆုံးရှုံးမှု မကြီးမားမှာတဲ့။

ဘယ်သူမှ ကိုယ့်လုပ်ငန်းကို
သေးသေးလေးလို့ ပြောတာ
မခံချင်ကြပေမယ့် အခု အောင်မြင်နေတဲ့
လုပ်ငန်းစုကြီးတွေကို ကြည့်လိုက်ရင်
ဂိုထောင်သာသာကနေ International
ကုမ္ပဏီကြီးတွေ ဖြစ်လာကြတာပဲတဲ့။

You can always go big any time တဲ့။

မင်းလုပ်ငန်းက လည်ပတ်သွားပြီဆိုရင်
အချိန်မရွေး အကြီးကြီး ဝုန်းကနဲ့
ထလုပ်လိုက်လို့ ရပါတယ် တဲ့။

ဒါပေမယ့် သေးသေးကနေ စသွားပြီး
ချဲ့သွားတာ ပိုကောင်းတယ်တဲ့။

✅ " Step by Step တစ်လှမ်းချင်းစီ ဖြေးဖြေးသွား "

သေးသေးလေး နဲ့စ။

ပြီးရင် ဖြေးဖြေးသွားပါတဲ့။

အောင်မြင်ချင် လွန်းအားကြီးပြီး
မြန်မြန်တွေ ခြေလှမ်းကျဲ တာက
အလှမ်းမတော်ရင် ချော်လဲကျ နိုင်တယ်တဲ့။

ကိုယ့်ရဲ့ ရောင်းအားကိုကြည့်။

Customer ရဲ့အသံက်ိုနားထောင်။
ကိုယ့်အားနည်းချက်တွေကို လေ့လာပြီးမှ
ပိုကောင်းအောင် ပြင်ဆင်ပါတဲ့။

အခြေခိုင်ပြီ ဆိုမှ ခပ်သွက်သွက်သွားပေါ့တဲ့။

✅ " လုပ်ငန်းတူ လုပ်လာတဲ့သူတွေအပေါ်
အာရုံမထားနဲ့။ Copy မကူးနဲ့။ "

လုပ်ငန်းတစ်ခု အဆင်ပြေအောင်မြင်လာရင်
ကိုယ်နဲ့လုပ်ငန်းတူ လုပ်တဲ့သူတွေ
ဆိုင်တွေ ပေါ်လာလိမ့်မယ်။

ဒါပေမယ့် မင်းအောင်မြင်ချင်ရင်
အဲဒီလူတွေကို အာရုံမထားနဲ့တဲ့။

ကိုယ့်အလုပ်ပဲ ကိုယ်ဆက်လုပ်နေပါတဲ့။

လုပ်ငန်းတူ ပေါ်လာရင်
သူများကို တိုက်ခိုက်ဖို့ထက် ကိုယ့်
လုပ်ငန်းအပေါ် ကိုပဲ ပိုပြီးအာရုံစိုက်ပါတဲ့။

ပြီးတော့ ကိုယ့် Customer တွေအပေါ်မှာ
ပိုပြီး ဂရုစိုက်တဲ့။

" သူများကို တိုက်ခိုက်တဲ့ လုပ်ငန်းတွေက
ရေရှည်မှာ ကျရှုံးတာများပြီး
ကိုယ့်အလုပ်ပဲကိုယ် အကောင်းဆုံးလုပ်သွားတဲ့ လုပ်ငန်းတွေက ရေရှည်မှာ ပိုအောင်မြင်တယ်တဲ့။ "

စီးပွါးရေးဆရာကြီး ဆရာမကြီးများ
အတွက် ဒီအချက်တွေကတော့
မှန်ချင်မှမှန်ပါလိမ့်မယ်။

ဒါပေမယ့် အခုပြောသွားတဲ့ အချက်
(၃) ချက်စလုံး က ကျွန်တော့်အတွက်တော့
အရမ်းမှန်ကန်နေလို့ လုပ်ငန်းစမယ့်
ညီငယ် ညီမငယ်တွေအတွက်
သိသလောက်လေး ပြန်ပြီး Sharing
လုပ်ပေးလိုက်ပါတယ်။

သေးသေးက စ။
ဖြေးဖြေး သွား။
ကိုယ့်အလုပ်အပေါ်ပဲကိုယ်
အာရုံထား ။

Sint Nyi
3.10.24

305

Sint Nyi

12 Oct, 06:52

ကျောထောက်နောက်ခံရှိတဲ့လူတွေရဲ့ဘဝနဲ့
မရှိတဲ့ လူတွေ ရဲ့ဘဝက အများကြီး
ကွာခြားတာတော့ အမှန်ပဲ။

ကျောထောက်နောက်ခံရှိတဲ့လူတွေရဲ့
ဘဝက အမြန်လမ်းပေါ်က ကိုယ်ပိုင်
ကားတွေနဲ့တူတယ်။

ကားထဲမှာကလည်း ဆီက အပြည့်။
လက်ထဲမှာလည်း သုံးဖို့ငွေက
အလုံအလောက် နဲ့ ဆိုတော့
လမ်းပေါ်ကို နည်းနည်း အာရုံစိုက်ပြ်ိီး
မောင်းလိုက်တာနဲ့ လိုရာခရီးကို
အေးအေးလူလူမောင်းသွားလို့ရတယ်။

ကျောထောက်နောက်ခံမရှိတဲ့လူတွေရဲ့
ဘဝကကျတော့ ရွာထဲကနေ ကတ္တရာလမ်းပေါ်
တက်မောင်းချင်တဲ့ ဆိုင်ကယ်အစုတ်လေးနဲ့
တူတယ်။

ကတ္တရာလမ်းပေါ် ရောက်ဖို့အရေးကိုတောင်
လယ်ကွင်းတွေထဲ ဖြတ်မောင်းလိုက်
ကန်သင်းရိုးတွေပေါ် ဖြတ်မောင်းလိုက်
ဗွက်တောတွေထဲ ဖြတ်မောင်းလိုက်
ဗိုင်းခနဲ ပစ်လဲလိုက် ...

မရမက ပြန်ထ ပြီးပြန်မောင်းလိုက်
ဆီပြတ်သွားလိုက် ၊ တွန်းလိုက် ...

ဘီးပေါက်သွားလိုက် တွန်းလိုက်နဲ့
ကတ္တရာ လမ်းပေါ်ရောက်ဖို့တောင်
မနည်းကြိုးစားနေရတယ်။

အဲဒီလို ပင်ပင်ပန်းပန်း ကြိုးစားရင်းနဲ့
လမ်းကောင်းပေါ်ရောက်ပြန်တော့လည်း
ချက်ချင်း မောင်းလို့မရသေးပြန်ဘူး။

လမ်းတလျောက် ဗွက်တွေထဲဖြတ်
လယ်ကွင်းတွေထဲ ဖြတ်ထားလို့
ချိန်းကြိုးတွေထဲကော ဘီးကြားတွေထဲကော
အထပ်လိုက်ဝင်နေတဲ့ ရွှံ့တွေကို
အချိန်ပေးပြီး သန့်ရှင်းရေးလုပ်ရပြန်ရော။

မလုပ်ရင် အဲဒီဗွက်တွေ ရွှံ့တွေကြောင့်
ကောင်းကောင်းလည်း မောင်းရဦးမှာ
မဟုတ်ပြန်ဘူး။

အဲဒါတွေကိုအချိန်ပေးပြီး သန့်ရှင်းရေး
လုပ်၊ ဆီလေးထပ်ရှာဝယ်ထည့် ပြီးတော့မှ
လမ်းအကောင်းပေါ်မှာ စပြ်ိီးမောင်းရကြတာ။

ဒါတောင် ဆိုင်ကယ်တွေ တက်မောင်းလို့ရတဲ့
ကတ္တရာ လမ်းအဟောင်း ပဲရှိသေးတာ။
ကားတွေ တက်လို့ရတဲ့
အမြန်လမ်းမဟုတ်သေးဘူး။

ကျောထောက်နောက်ခံ ရှိတဲ့လူတွေနဲ့
မရှိတဲ့လူတွေရဲ့ ဘဝ အဲဒီကားရဲ့ ဖြစ်တည်မှုနဲ့
ဆိုင်ကယ်အစုတ်လေးရဲ့ ဖြစ်တည်မှု
လောက်ကို အများကြီး
ကွာခြားပါတယ်။

ဒါပေမယ့် အဲဒီလို ဖြစ်တည်မှုတွေ ကွာခြားလို့
ဆိုင်ကယ်နဲ့လူက သူသွားချင်တဲ့
ပန်းတိုင်ကို မရောက်နိုင်တော့တာလည်း
မဟုတ်ပြန်ဘူး။

ဇွဲ မလျော့ရင် ရောက်နိုင်ပါတယ်။

အချိန်တစ်ခုတော့ လိုတယ်ဆိုတာကို
ပြောပြချင်တာ။

လိုရာခရီးကို ကားနဲ့သွားလို့ မြန်မြန်
ရောက်တာမှန်ပေမယ့် ဆိုင်ကယ်
အစုတ်နဲ့သွားလည်း အချိန်တန်ရင်
ရောက်မှာပါပဲ။

အဲဒါကို ငါ့မှာ သူတို့လို ကားမှမရှိတာ။

ကျောထောက်နောက်ခံမှ မရှိတာဆိုပြီး
စိတ်ဓာတ်တွေကျပြီး ဗွက်တောထဲမှာ
ရပ်နေရင်တော့ ဘယ်မှ ရောက်မှာ
မဟုတ်ပါဘူး။

ကားမရှိတာကိုယ့်အပြစ်လည်း
မဟုတ်သလို ကိုယ့်မိဘတွေရဲ့
အပြစ်လည်း မဟုတ်ဘူး။

ကားရှိနေတဲ့လူတွေရဲ့ဘဝတွေကိုလည်း
မင်းတို့က ကားရှိလို့ ဒီလောက် ခရီး
ရောက်နေတာပါကွာ ဆိုပြီး မုန်းဖို့လည်း
မလိုအပ်ပါဘူး။

အဓိက ကိုယ်လုပ်စရာရှိတာက
ရှိတာလေးနဲ့ ဖြစ်အောင်လုပ်ဖို့ပဲ။

ဆိုင်ကယ် မှောက်ရင် ပြန်ထောင်မယ်။
ပျက်ရင်ပြင်မယ်။
ဆီပြတ်ရင် တွန်းမယ်။
အဓိကက လမ်းအကောင်းပေါ် ရောက်ပြီး
လိုရာပန်းတိုင်ကို ရောက်ဖို့ပဲ။

ကမ္ဘာပေါ်မှာရှိတဲ့ လူတွေရဲ့ ၇၀%
လောက်ကလည်း ကိုယ်တွေလိုပဲ
ကျောထောက်နောက်ခံ မရှိကြတဲ့လူက
များပါတယ်။

အဲဒီလို လူတွေအများကြီးထဲမှာမှ
ရပ်မနေတဲ့ လူတချို့က ကြိုးစားရင်း
ရုန်းကန်ရင်းနဲ့ လိုရာပန်းတိုင်ကို
ရောက်သွားရင်း အဆင်ပြေလာကြတာပါ။

ကျောထောက်နောက်ခံ မရှိတဲ့ဘဝက
သူများထက် အဆပေါင်းများစွာ
ပိုပြီးပင်ပန်းပါမယ်။

ခက်ခဲပါမယ်။
ဆင်းရဲပါမယ်။
ဒုက္ခတွေလည်း ခဏခဏ တွေ့ပါမယ်။

အဲဒါတွေကို ကြံ့ကြံံခံ့ပြီး
လိုရာခရီးရောက်အောင်သွားနိုင်တဲ့
လူတွေရဲ့ မျိုးဆက်တွေကတော့
ကိုယ်တွေလို ဒုက္ခတွေထပ်ပြီး
မဖြတ်သန်းရတော့ဘူးပေါ့။

အခုကျောထောက်နောက်ခံမရှိလို့
စိတ်ပင်ပန်းဆင်းရဲရတဲ့ ဒဏ်တွေကို
ကိုယ့်မျိုးဆက်တွေ သားသမီးတွေကိုပါ
မခံစားစေချင်ရင် ကိုယ်ဘက်က
ပိုကြိုးစားပါ။

ရပ်မနေတဲ့လူတွေအတွက်
ပန်းတိုင်ဆိုတာ ဝေးနေရင်တောင်
ရှိနေပါသေးတယ်ဆိုတာကို
ကျောထောက်နောက်ခံမရှိတဲ့
ကိုယ်တွေလို ဘဝတူ ညီအကိုမောင်နှမ
တွေအတွက်ပြန်ပြီး Sharing
လုပ်ပေးလိုက်ပါတယ်။

Keep going Brothers & Sisters 💪

Sint Nyi
4.10.24

219

Sint Nyi

12 Oct, 06:52

ကျွန်တော် သတိထားမိသလောက်
ကျွန်တော် အပါအဝင် လူ
တော်တော်များများမှာ Version နှစ်မျိုးစီ
ရှိတတ်ကြတယ်။

" သာမန်ဗားရှင်းနဲ့ လူဆိုးဗားရှင်း "

သာမန် ဗားရှင်းကတော့
သာမန်လူတွေ နေ့တဓူဝ ဖြတ်သန်းသလိုပဲ
အလုပ်လုပ် စရာရှိရင်လုပ်တယ်။

စားတယ်။ သောက်တယ်။
သွားတယ်။ လာတယ်။

တချို့ကိစ္စတွေမှာ
နည်းနည်းပါးပါး အားနာတယ်။

တခါတလေ တဖက်သားအတွက်
နဲနဲပါးပါး တွေးပေးတယ်။

တခါတလေ စိတ်ကောင်း
ဝင်တတ်တဲ့ လူကောင်းဗားရှင်းပေါ့။

.....

နောက် ဗားရှင်းတစ်ခုက
လုံးဝ အကြမ်းစား " လူဆိုးဗားရှင်း" ။

ကိုယ့်ကို နာကျင်အောင် လာလုပ်ပြီဆိုတာနဲ့
ရေမြေဆုံး လိုက်ပြီး ဝုန်းတတ်တဲ့ဗားရှင်း ။

တချို့က အဲဒီဗားရှင်းကို မကောင်းဘူးထင်ပြီး
လုံးဝထွက်မလာအောင် အရမ်းချုပ်ထိန်း
တတ်ကြပြီး သာမန်ဗားရှင်းနဲ့ပဲ တဘဝလုံး
ဖြတ်သန်းတတ်ကြတယ်။

အဲဒါလည်းကောင်းပေမယ့်
အနိုင်ကျင့်တတ်တဲ့လူနဲ့တွေ့ရင်
ခံလာရတာများတယ်ဗျ။

ကျွန်တော်တော့ လူဆိုးဗားရှင်းနဲ့
ဘဝကို ပိုပြီး ဖြတ်သန်းဖြစ်တယ်။

ကိုယ်ကြိုက်တာ ကိုယ်လုပ်မယ်။
သူများကို မထိခိုက်ဖို့ရယ်
မယုတ်မာဖို့ရယ်ပဲ သတိထားတယ်။

ကိုယ့်ဘက်ကလည်း ဘယ်သူ့ကိုမှ
ရန်သွားမစသလို ကိုယ့်ကို ထိလာရင်လည်း
တဆုံး လုပ်တတ်တဲ့ လူဆိုး ဗားရှင်းပေါ့။

အဲဒီအချိန်ကျရင် လုံးဝလည်း
အားမနာဘူး။ မသနားဘူး။

ကိုယ့်ကိုနာအောင်လုပ်ရင် ကိုယ်လည်း
နာစေလိုတဲ့စိတ်နဲ့ကို ပြန်လုပ်ဖြစ်တယ်။

လာဆွဲရင် ဆွဲတဲ့သူကိုပါ လုပ်မိတဲ့အထိ
ကြမ်းတမ်း သွားတတ်တာ။

အဲဒီ Version တခါ တခါ ဝင်လာလိုက်တိုင်း
မကောင်းတာတွေချည်း ဖြစ်ပေမယ့်။

အဆိုးထဲက အကောင်း တခုက ကိုယ့်ရဲ့
လူဆိုးဗားရှင်းကို ကြုံဖူး ကြားဖူးတဲ့လူတွေက
အနိုင် လာမကျင့်ရဲ ကြတော့ဘူး။

သူက သူ့ဟာသူ အေးဆေးနေတာ။
သွားမလုပ်နဲ့။

သူ့သွားထိရင် တဆုံးလုပ်တယ်ဆိုပြီး
အနိုင်လာကျင့်ဖို့ ကြံနေတဲ့လူ
အချင်းချင်းတွေကိုပါ သတိပေးကုန်ကြရော။

အဲဒီလို Version နှစ်ခုရှိနေတာ
တချို့အတွက်တော့ မကောင်းပေမယ့်
ကျွန်တော်တော့ အဆင်ပြေတယ်။

လူ့ရဲ့သဘောသဘာဝကိုက
ငြိမ်နေရင်ပိုပြီး အနိုင်ကျင့်ခံရတတ်တယ်။

သာမန်လူတွေကို သာမန် Version နဲ့
ဆက်ဆံ တာ အဆင်ပြေပေမယ့်။

လူလိမ်၊လူရှုပ်၊ လူယုတ်မာ၊
အနိုင်ကျင့်တတ်တဲ့ လူတွေနဲ့ကျတော့
လူဆိုး Version နဲ့မှ အဆငိပြေတာ။

အဲလိုလူတွေကို သာမန် Version နဲ့
ဆက်ဆံမိရင် နာဖို့သာပြင်။
အနိုင်ကျင့်လို့ကိုပြီးတော့မှာ မဟုတ်ဘူး။

သူတို့ လုပ်သမျှကို မေတ္တာထားပြီး
သည်းခံလေလေ ပိုပြီး အနိုင့်ကျင့်လေလေပဲ။

သူတို့အပေါ် အားနာတတ်လေလေ
ပိုပြီး အခွင့်ရေးယူတတ်ကြလေလေပဲ။

" လူအများစု ဘာကြောင့်အနိုင်ကျင့်ခံ
နေရလဲဆိုတော့ လာအနိုင်ကျင့်တာကို
ငြိမ်ပြီးခံနေကြလို့ပဲ။ "

" အနိုင်ကျင့်တာကို ငြိမ်ပြီးခံလေလေ
ပိုပြီး အနိုင်ကျင့်ခံရလေလေပဲ "

ဒီတော့ အဲလိုအနိုင်ကျင့်တဲ့လူတွေကို
သာမန် Version နဲ့ဆက်ဆံရင်
ဘဝတလျောက် ခံရပြီသာမှတ်တော့။

အဲဒီလို လူတွေနဲ့က လူဆိုး ဗားရှင်း On ထားမှ
တော်ကာ ကျတာ။

ငါ့ကို တစ်ချက် ထိမိရင်
လေးငါးချက် ပြန် Khanbရမယ် ဆိုတဲ့
Message ကို လာအနိုင်ကျင့်တတ်တဲ့
တစ်ကောင်ကောင်ကို စံပြအနေ နဲ့
လုပ်ပြထား ပေးလိုက်ရင်
ကျန်တဲ့သူတွေပါ လာမထိရဲကြတော့ဘူး။

အရာရာတိုင်းကို သည်းခံတာ
မေတ္တာထားနိုင်တာ အကောင်းဆုံးပေမယ့်

သည်းခံတာ မေတ္တာထားတာကို
အခွင့်ကောင်းယူတတ်တဲ့ လူတွေကလည်း
သပ်သပ်ရှိတတ်လို့ ကိုယ်တော့ ဒီနောကိပိုင်း
ဗားရှင်းနှစ်မျိုးနဲ့လူတွေကို ဆက်ဆံလိုက်တာ
အဆင်ပြေသွားတယ် ။

တခါတလေ လူဆိုး ဗားရှင်းလည်း On
သင့်ရင် On ဖို့လိုတယ်ဆိုတဲ့
အတွေ့အကြုံလေးတွေကို ပြန်ပြီး
Sharing လုပ်ပေးလိုက်ပါတယ်။

258

Sint Nyi

12 Oct, 06:51

ဒီလိုအချိန်အထိ ကောင်းကောင်းမွန်မွန်
နေနိုင်နေတာကလည်း မိဘတွေ
ကျေးဇူးကြောင့် အများကြီးပါတယ်။

မိဘတွေ အမွေပေးထားတဲ့
ပညာရေးတွေ၊ ရိုးသားမှုဂုဏ်တွေ
ခဏထားဦး ...

မိဘ တွေ ကျန်းကျန်းမာမာနဲ့
ရှိနေပေးနေတာကိုကသားသမီးတွေအတွက်
အကြီးမားဆုံးသော ဆုလာဘ် ပဲ။

မိသားစုထဲမှာ တစ်ဦးဦး
ကျန်းမာရေး ဆိုးဆိုးရွားရွားသာ
ဖြစ်နေခဲ့ရင် ကိုယ်တွေလည်း
အိတ်ပေါက်နဲ့ ဖားကောက်သလိုပဲ
အရှေ့ကရှာ၊ နောက်ကကုန်နဲ့
တိုးတက်ဖို့တော်တော် ခက်ဦးမှာ။

ဒီလိုပြောလို့ မိသားစုဝင်ကို
ဆေးကုပေးနေရတဲ့ လူတွေကို မတိုးတက်
ဘူး ပြောချင်တာ မဟုတ်ဘူး။

တိုးတက်သင့်သလောက် ခရီး
မရောက်ဘူးပြောချင်တာ။

ကျွန်တော်တို့ မြန်မာနိုင်ငံက
မိဘအများစုက သားသမီးတွေကို
ပညာအမွေ၊ ရိုးသားမှုဂုဏ် အမွေတွေ
ပေးဖို့ အတွက် အာရုံစိုက်ကြပေမယ့်
ကျန်းမာရေးအမွေ ထားခဲ့ဖို့ကိုကျတော့
သတိမေ့နေတတ်ကြတယ်။

ကျွန်တော်ဆို ကျန်းမာရေးအတွက်
အားကစားလုပ်တယ် အစားအသောက်
အရမ်းဆင်ခြင်တယ်။

ဘာလို့လဲဆိုတော့ နံပတ်တစ်ကတော့
ကိုယ့် ကျန်းမာရေးကောင်းမှ
ငွေပိုရှာနိုင်မယ်။

ကိုယ်ကျန်းမာရေးကောင်းမှ
ရှာထားတာကို ဇိမ်ခံနိုင်မယ် ကဲနိုင်မယ်။

ကိုယ် ကျန်းမာရေးကောင်းမှ
ကိုယ့်မိဘ စိတ်ချမ်းသာမယ်။
ကိုယ့်သားသမီးလည်း စိတ်ဖြောင့်ဖြောင့်နဲ့
အလုပ်လုပ်နိုင်ကြမယ်။

ဒီခေတ်က ရောဂါကြီးကြီးမားမား
တစ်ခုဖြစ်လိုက်တာနဲ့ တသက်လုံး
ရှာထားသမျှက ခဏနဲ့ ကုန်သွားတာပဲ။

အနေထိုင် အစားသောက်
ဆင်ခြင်တဲ့ လူတွေတောင်
ထင်မထားတဲ့ရောဂါတွေ ထထဖြစ်နေတာ
အနေထိုင် အစားသောက်
မဆင်ခြင်လို့ကတော့ ရောဂါဖြစ်ဖို့
အခွင့်အလမ်းက ပိုများပါတယ်။

ငါ့ဟာငါ နေချင်သလိုနေမယ်
ငါ့ကျန်းမာရေး ထိချင်ထိပစေဆိုပြီး
မဆင်မခြင်နေတာက ဘယ်သူ့ကိုမှ
မထိခိုက်ဘူးလို့ မထင်ပါနဲ့။

မိသားစုဝင်တွေကို ထိခိုက်ပါတယ်။
ငါ့ဟာငါ ဆေးလိပ်သောက်တာ
ဘယ်သူ့ကို မှမထိခိုက်ဘူး ထင်ရင်
မှားပါမယ်။

မိသားစုကို ထိခိုက်ပါတယ်။

ကင်ဆာ ထဖြစ်ရင် ကိုယ့်သားသမီးတွေ
မိသားစုဝင်တွေကပဲ ကုရတာပါ။

ကုဖို့ ငွေအလုံအလောက်ရှိရင်တောင်
အချိန်တွေပေးပြီး ပြုစုရသေးတာ ..
ငွေမရှိရင် ငွေလည်းရှာရ ပြုလည်းပြုစုရနဲ့
ပိုလို့တောင် ဒုက္ခများပါတယ်။

အဖေပြောတဲ့ စကားရှိတယ်
ငါသာ ကုရင်းနဲ့ မွဲသွားမယ့်ရောဂါဖြစ်ရင်
မင်းတို့ကို ပေးမသိဘူးတဲ့။
ငါ့ဟာငါ ရှင်းသွားမှာတဲ့။

တချို့ရောဂါတွေက ကုရင်းကုရင်းနဲ့
လူနာလည်း လုံးပါးပါးမယ်။
ကုနေတဲ့မိသားစုလည်း မွဲပြီး ကျန်ခဲ့တာတဲ့။
မင်းတို့ကို အဲလိုအဖြစ်မခံနိုင် ဘူးတဲ့။

သူလို ဆရာဝန်ကပါ အဲဒါမျိုးပြောတော့
ကိုယ်တွေက ပိုလို့တောငိ ကိုယ့်ကျန်းမာရေး
ကိုယ်ဂရုစိုက်ဖို့ သတိထားဖြစ်တယ်။

ပြီးတော့ သူတို့ကျန်းမာရေးအတွက်ကော
ကိုယ့်သားသမီး တွေ ကျန်းမာရေးအတွက်ပါ
ငွေပိုရှာဖြစ်တယ်။

ကျွန်တော့ သားလေးနေမကောင်းဖြစ်ပြီး
ဆေးရုံတင်ရတဲ့အချိန်
ဆေးကုပေးဖို့ ငွေရှိတာတောင်
သူနာကျင်ခံစားနေရတာကို ဘာမှ
မလုပ်ပေးနိုင်ပဲ ထိုင်ကြည့်နေရတာကို
စကြုံတဲ့ နေ့ကတည်းက ...

" ကမ္ဘာပေါ်မှာ အဆိုးဆုံး ဒုက္ခက
ကိုယ်ချစ်ရတဲ့လူတွေ ဝေဒနာ
ခံစားနေရတာကို ဘာမှမလုပ်ပေးနိုင်ပဲ
ထိုင်ကြည့်ရတဲ့ဒုက္ခ ဆိုတာကို
ကောင်းကောင်း နားလည်သွားတယ်။"

ကိုယ်လည်းအဲလို ကျန်းမာရေးကိစ္စကြောင့်
ဆေးရုံမှာ ဝေဒနာခံစားနေရရင်လည်း
ကိုယ့်သားသမီးတွေ ကိုယ့်ကို အဲလို
ထိုင်ကြည့်ပြီး မပူလောင်စေချင်ဘူး။

ဒီတော့ အဓိကပြောချင်တာက
ကိုယ့်ကျန်းမာရေးကိုယ် ဂရုစိုက်ကြပါ။

" ငါ့ဟာဟာ နေချင်သလိုနေမယ်
ဘယ်သူမှ မထိခိုက်ဘူးလို့
လွယ်လွယ်လေး ထင်ပေမယ့်
တကယ် ဖြစ်လာခဲ့ရင် ခံရမှာ
ကိုယ်တယောက်ထဲ မဟုတ်ပါဘူး။

ကိုယ့်မိသားစုဝင်တွေနဲ့
သားသမီးတွေ ပါ ခံကြရမှာပါ။ "

မိဘတွေ သားသမီးတွေကို
အကောင်းဆုံး ပေးနိုင်တဲ့အမွေက
ပညာရေးတွေ၊ စည်းစိမ်ဥစ္စာတွေ ၊
ရိုးသားမှုဂုဏ်တွေ အပြင်
ကျန်းမာခြင်းအမွေ ကိုလည်းပေးခဲ့ဖို့
လိုတယ်ဆိုတာလေးကို ပြောပြချင်တာပါ။

မိဘတွေကျန်းမာနေတာကလည်း
သားသမီးတွေအတွက် အကောင်းဆုံး
ဆုလာဘ်တစ်ခုဆိုတာကို
သိသလောက်လေး Sharing
လုပ်ပေးလိုက်ပါတယ်။

သီတင်းကျွတ်ကာလမှာ
အားလုံးပဲ ပိုမိုကျန်းမာကြွယ်ဝ
ပြည့်စုံကြပါစေဗျာ။

Sint Nyi
11.10.24

413

Sint Nyi

29 Sep, 03:35

သန့်ရှင်းလား မသန့်ရှင်းလား
သတ်မှတ်ထားတာရှိတယ်။

လူတစ်ယောက်က ခင်ဗျား
ဘာ အလုပ်လုပ်လဲ မေးလာရင်
ကျွန်တော်က ဘာလုပ်ပါတယ်လို့
ကိုယ့်အလုပ်ကို လိပ်ပြာသန့်သန့်နဲ့
ဖြေနိုင်ရင် သန့်ရှင်းတဲ့ငွေပါ။

ဝိတ်တာလား။ အရောင်းဝန်ထမ်းလား။
ခေါက်မုန့်ရောင်းတာလား။
မုန့်ဟင်းခါးရောင်းတာလား။
ရေသန့်ပို့တာလား။

" ကိုယ်လုပ်နေတဲ့ အလုပ်ကို
ကိုယ့်မိသားစုရှေ့၊ လူအများရှေ့၊
ကိုယ့်ဘုရားအရှေ့မှာ တစ်မျိုးတည်း
ဂုဏ်ယူစွာပြောနိုင်တာက သန့်ရှင်းတဲ့အလုပ်နဲ့
သန့်ရှင်းတဲ့ငွေပါ။ "

မသန့်ရှင်းငွေရှာတဲ့သူက
အမြဲဖုံးကွယ်ရပါတယ်။

ကျွန်တော်ကတော့ မူးယစ်ဆေးဝါး
ရောင်းတယ်လို့ လူအများရှေ့၊
ကိုယ့်မိသားစုရှေ့ ကိုယ့်ဘုရားရှေ့မှာ
ဂုဏ်ယူပြီး ပြောတဲ့သူမှ မရှိတာ။

ကိုယ်ငွေရှာတဲ့နည်းက
တဖက်သား ထိခိုက်ပျက်ဆီးပြီး
မျက်ရည်ကျနေရင်
မသန့်ရှင်းတော့ဘူးလို့ ယူဆပါတယ်။

ကိုယ်ရှာတဲ့ငွေတွေထဲမှာ
သူများမျက်ရည်တွေပါနေရင်
မသန့်ရှင်းပါဘူး။
ကိုယ်နဲ့ ကိုယ့်မိသားစု ငွေရပြီးအဆင်ပြေပေမယ့်
ကိုယ့်ကြောင့် သူများဘဝတွေ ပျက်သွားရင်
မသန့်ရှင်းတော့ပါဘူး။

ဒါကြောင့် ငွေဘယ်လောက်
ရှာနိုင်လဲဆိုတာထက် ေငွဘယ်လိုရှာနေလဲကို
ကြည့်ပါ။

ကိုယ်ရှာနေတာ သန့်ရှင်းတဲ့ငွေလား။
မသန့်ရှင်းတဲ့ငွေလား။ ကိုယ်သိပါတယ်။

မသန့်ရှင်းတဲ့နည်းနဲ့ ငွေရှာလို့ရပါတယ်။
ငွေ များများ မြန်မြန်ရပေမယ့်
မြန်မြန်လည်း ပြန်ကုန်မယ့်အပြင် မိသားစုထဲမှာ
ငိုကြွေးခြင်း၊ ဝမ်းနည်းခြင်းတွေပါ
အဆစ်ပါလာမှာပါ။ မယုံရင် ရှာကြည့်ပါ။

ကိုယ်တွေ့မြန်မြန် ပြန်ကုန်ဖူးလို့ ပြောပြတာပါ။

သန့်ရှင်းတဲ့နည်းနဲ့ ငွေရှာနေတဲ့သူတိုင်းက
ဂုဏ်ရှိပါတယ်။

စားပွဲထိုးလည်း ဂုဏ်ရှိပါတယ်။
ဆိုက်ကားဆရာလည်း ဂုဏ်ရှိပါတယ်။
စပယ်ယာလည်း ဂုဏ်ရှိပါတယ်။
စျေးသည်လည်း ဂုဏ်ရှိပါတယ်။

ရိုးရိုးသားသား အလုပ်လုပ်ပြီးရလာတဲ့
သန့်ရှင်းတဲ့ငွေက နည်းပေမယ့်
ငိုကြွေးခြင်းတွေ ဝမ်းနည်းခြင်းတွေ
ပူလောင်ခြင်းတွေ မပါလာလို့ ညဘက်ကောင်းကောင်းအိပ်ပျော်ပါလိမ့်မယ်။

မသန့်ရှင်းတဲ့နည်းနဲ့ရှာတဲ့ငွေက
ခဏနဲ့ ပြန်ကုန်တတ်သလို
သန့်ရှင်းတဲ့နည်းနဲ့ ရှာလာတဲ့ငွေက
ကြာကြာခံပြီး ညဘက်အေးချမ်းစွာ
အိပ်ပျော်တယ်ဆ်ိုတာကို ကိုယ်တွေ့
အတွေ့အကြုံလေးနဲ့
သိသလောက်လေး ပြန်ပြီး
sharing လုပ်ပေးတာပါ။

Sint Nyi
1.9.24

978

Sint Nyi

29 Sep, 03:35

" သန့်ရှင်းတဲ့ ငွေနဲ့
မသန့်ရှင်းတဲ့ ငွေ "

ကားထဲမှာ သိန်းရာဂဏန်းလောက်
အမြဲ ဆောင်ထားနိုင်တဲ့ အထိ
ပြေလည်ခဲ့တဲ့ ကာလတစ်ခုရှိခဲ့ဖူးတယ်။

ငွေပေါတယ် ဆိုပါတော့။

ငွေလေးရှိလာတော့ ပေါက်ကရတွေ
စပြီးလုပ်လာတယ်။

အေးအေးဆေးဆေး ကောင်းရောင်း
ကောင်းဝယ် လုပ်စားနေရင်ရတာကို
မကျေနပ်ပဲနဲ့ လောဘတက်လာပြီး
မသန့်ရှင်းတဲ့ စီးပွါးရေးတွေလည်း
လုပ်မိလာတယ်။

အဲဒီလို အလုပ်တွေလုပ်တော့
ငွေတွေတော့ ပိုရလာတာပေါ့နော်။

ဒါပေမယ့် စိတ်တော့ မအေးချမ်းရဘူး။
ရလာတဲ့ငွေက မသန့်ရှင်းရင်
ကြာကြာမခံတတ်ဘူး ဆိုတာကို
နားမလည်ခဲ့တာ။

သူများကို ဂျင်းထည့်ပြီး ရလာတဲ့ငွေတို့ ၊
ခိုးရာပါ ပစ္စည်းရောင်းလို့ရတဲ့ငွေတို့ ရဲ့
သဘာဝအတိုင်း ဘယ်တော့မှ
ကြာကြာ မခံတတ်ဘူး။

ကျန်းမာရေးနဲ့ ပြန်ကုန်ရင်ကုန် ၊
မကုန်ရင် ပြန်အလိမ်ခံရလို့ကုန်၊
သဘာဝ ဘေးအန္တရာယ်နဲ့ကုန်ရင်ကုန်
တနည်းနည်းနဲ့ ပြန်ကို ကုန်တာ
ကိုယ်တွေ့ပဲ။

အဲဒီလို ပြန်ပြီး မကုန်ရင်လည်း
ပိုက်ဆံတွေရှိပြီး မအေးချမ်းရတဲ့ဘဝ
ရောက်ရပြန်ရော။

မိသားစုအပူ၊ ကျန်းမာရေးအပူ၊
လူမှုရေးအပူ အပူမျိုးစုံ ပေါ့။

ပိုက်ဆံတွေရှိတယ်။
ဒါပေမယ့် ဘယ်တော့မှ လက်ထဲမှာ
အဖတ်မတင်ဘူး။

အမြဲလိုလို ငွေလိုနေတယ်။ လောင်တယ်။
တိုင်ပတ်တယ်။ ငွေအများကြီးနဲ့
လည်ပတ်နေရင်းနဲ့ ကို တကယ်ကြီးကို
တိုင်ပတ်နေတာ။

အဲဒီအချိန်ထိ သန့်ရှင်းတဲ့ငွေ၊
မသန့်ရှင်းတဲ့ငွေ ရှိတယ်ဆိုတာ
လုံးဝ မသိခဲ့ဘူး။

ငွေကငွေပဲ။ ဘယ်လိုရှာရှာ
ငွေရှိဖို့ပဲ လိုတယ်လို့ပဲ အရင်က
ထင်ခဲ့မိတာ။

ဘယ်အချိန်မှ သိလဲဆိုတော့
မွဲသွားတဲ့အချိန်မှ သိတာ။
မွဲသွားတဲ့အချိန်မှ ကိုယ့်ပတ်ဝန်းကျင်က
ကိုယ့်လိုပဲ မသန့်ရှင်းတဲ့ငွေနဲ့
စီးပွားရှာနေတဲ့သူတွေလည်း ကိုယ့်လိုပဲ
တိုင်ပတ်ပတ် သွားကြတာကို မြင်ရတာ။

တချို့ကမူးယစ်ဆေးရောင်းတယ်။
တချို့က လူလိမ် ။ တချို့က သူခိုး။
အမျိုးမျိုးပေါ့။

ကိုယ်သိရသလောက်တော့
အဲဒီလိုနည်းနဲ့ ငွေရှာနေတဲ့လူတွေ
တော်တော်များများက တစ်ယောက် တမျိုး
တစ်ခုမဟုတ် တစ်ခုပူလောင်မှုတွေ
ကြုံကြရတာပါပဲ။

အဲဒီမှာမှ သဘောပေါက်လိုက်တာ။

" လွယ်လွယ်နဲ့ရတဲ့ မသန့်ရှင်းတဲ့ငွေက
ဘယ်တော့မှ ကြာကြာမခံတတ်ဘူး "
ဆိုတာရယ်။

" မသန့်ရှင်းတဲ့နည်းနဲ့ ငွေရှာရင်
အဲဒီမသန့်ရှင်းတဲ့ ငွေနဲ့အတူ
ဝမ်းနည်းခြင်းတွေ၊ ပူဆွေးခြင်းတွေ၊
ငိုကြွေးခြင်းတွေပါ ပါလာတတ်တယ် "
ဆိုတာကို လက်တွေ့ နားလည်သွားတာ။

ဒီလိုပြောလို့ ပြဿနာအမျိုးမျိုး
ကြုံနေရတဲ့သူတွေ ၊ ခက်ခဲကြပ်တည်း
နေတဲ့သူတွေက ရှာတဲ့ငွေမသန့်ရှင်းလို့လို့
ပြောချင်တာမဟုတ်ဘူး။

လူတိုင်းတော့ ပြသနာတွေရှိကြတာပဲ။
ပြဿနာတိုင်းက ရှာတဲ့ငွေ
မသန့်ရှင်းလို့ဖြစ်တာ မဟုတ်ပါဘူး။

" လူအမျိုးမျိုး ပြဿနာ အထွေထွေပေမယ့်
တချို့ပြဿနာတွေရဲ့အရင်းအမြစ်က
မသန့်ရှင်းတဲ့ငွေ ကြောင့်လည်း
ဖြစ်တတ်တယ်ဆိုတာ သတိပေး ချင်တာ။"

တခြားအကြောင်း အရာတွေ
ဘေးပယောဂတွေ
ကံဆိုးလို့ပဲ ဖြစ်ဖြစ်
ပြဿနာဆိုတာ ကြုံတွေ့ရနိုင်သလို

ငွေရှာတဲ့ နည်းမှားခဲ့ရင်လည်း
အဲလိုကြုံရတတ်တယ် ဆိုတာပြောပြချင်တာ။

" မတရားတဲ့နည်းနဲ့ ဖြစ်ဖြစ်
မသန့်ရှင်းတဲ့နည်းနဲ့ ဖြစ်ဖြစ် ရလာတဲ့ငွေက
ပူလောင်တတ် တယ်။
ပိုဒုက္ခရောက်တယ်ဆိုတာကို highlight
လုပ်ပေးချင်တာ။ "

ဒါနဲ့ သုညမက အနှုတ်ပြသွားတဲ့ကာလ
ရောက်မှ မသန့်ရှင်းတဲ့နည်း
နဲ့ စီးပွားမရှာတော့ဘူးလို့ ဆုံးဖြတ်ခဲ့တယ်။

အရင်က လိမ်တယ်။ ညာတယ်။
ကလိမ်ကကျစ်လုပ်တယ်။
ဂျင်းထည့်တယ်။ ရရစားစားလုပ်ခဲ့တယ်။

ဘဝပြန်စတဲ့အချိန် အဲဒါတွေ
လုံးဝ မလုပ်မိအောင် ထိန်းချုပ်တယ်။

" ဘာလို့လဲဆိုတော့ အဲလိုမသန့်ရှင်းတဲ့ငွေက
ရလာလည်း ခဏနဲ့ ပြန်ကုန်ရင်ကုန်
မကုန်ရင် ငိုကြွေးခြင်းတွေ
ဝမ်းနည်းခြင်းတွေ ကိုယ့်ဘဝထဲ
ရောက်လာတော့မယ်ဆိုတာ သိသွားတာ။"

အခုလည့်း အဲဒီ အတွေ့အကြုံကို
ချစ်တဲ့စိတ်နဲ့ ပြန်ပြီး Sharing
လုပ်ပေးချင်တာပါ။

အခုလည်း သူတော်ကောင်းကြီး
မဟုတ်သလို ချမ်းလည်း မချမ်းသာပါဘူး။

ငွေနည်းနည်းရှိပေမယ့် သန့်ရှင်းလို့
ညဘက် အိပ်ပျော်တယ်။

ငွေကြောင့် ငိုရတာမျိုး ကိုယ့်အတွက်မရှိတော့သလို
ကိုယ့်မိသားစုအတွက်လည်း မရှိတော့ဘူး။

လည်တော့ လည်ရတာပေါ့။
ဒါပေမယ့် ကလိမ်ကကျစ်မကျဘူး။
ညာမစားဘူး။

စီးပွားရေးလုပ်တာ မလည်လို့မရဘူး။
မလည်ရင် ဂျင်းထည့်မယ့် ကောင်တွေချည်းပဲ။ လည်ဖို့လိုကိုလိုတယ်။

အဲဒီလည်တာက သူများကိုလိမ်ဖို့
မဟုတ်ဘူး။ အလိမ်မခံရအောင်တော့ လည်တယ်။
မလည်ရင် ဝါးစရာသွားတောင်ကျန်မှာ
မဟုတ်ဘူးလေ။ အကုန်ချွတ်ယူသွားကြမှာ။

ကိုယ့် ပတ်ဝန်းကျင်မှာလည်း
မသန့်ရှင်းတဲ့နည်းတွေနဲ့ စီးပွားရှာပြီး
စီးပွားဖြစ်နေတဲ့သူတွေ ရှိကြလိမ့်မယ်။

တချို့တွေ သိသိကြီးနဲ့ ဖြစ်ဖြစ်
မသိဘဲဖြစ်ဖြစ် ငွေရရင်ပြီးရောဆိုပြီး
ရှာနေကြလိမ့်မယ်။

အားမကျမိပါစေနဲ့။

မကြာခင် ပြန်မွဲရင်မွဲ။
မမွဲရင် ငွေထုပ်ပိုက်ပြီး လောင်နေကြရမှာပါ။
အပြင်ပန်းမှာ အဆင်ပြေသယောင်
နေနေရပေမယ့် အတွင်းထဲမှာ
ငိုကြွေးခြင်းတွေ ဝမ်းနည်းခြင်းတွေ
ရှိကိုရှိနေတယ်။

ပျော်ရလည်းခဏပဲ။
လောင်ရတဲ့အချိန်က ပိုများတတ်တယ်။

ဒီတော့ သန့်ရှင်းတဲ့ငွေ
မသန့်ရှင်းတဲ့ငွေကို ဘယ်လိုသတ်မှတ်မလဲ?

သူများတွေတော့ အဓိပ္ပါယ်
အမျိုးမျိုးဖွင့်ကြပါလိမ့်မယ်။

ကျွန်တော်တော့ ကိုယ့်နည်းကိုယ့်ဟန်နဲ့

694

Sint Nyi

29 Sep, 03:35

" မလုပ်သင့်တာတွေ လုပ်ရင်
မဖြစ်သင့်တာတွေ ဖြစ်မှာပဲ " ဆိုတာ
ဒီနောက်ပိုင်း ပိုပိုပြီး သိလာရတယ်။

လွန်ခဲ့တဲ့ (၂) နှစ်လောက်က
အသိ အမတစ်ယောက် ဆီကနေ
လူတစ်ယောက်က သိန်း (၂၀၀၀)
လိမ်သွားတယ်။

သူလည်း နည်းမျိုးစုံနဲ့ပြန်တောင်းတယ်။
လုံးဝမပေးဘူး။ တိုင်ချင်ရာတိုင်။
တရားစွဲချင်စွဲဆိုပြီး ပြောလွှတ်တယ်။

သူ့မှာလည်း ယုံကြည်မှုနဲ့ စိတ်ချရတယ်ဆိုပြီး
ချေးမိကာမှ ဘယ်လိုတောင်းတောင်း
ပြန်မရတော့ တော်တော်ကို စိတ်ထိခိုက်
နေရှာတာ။

အဆက်အသွယ်ကလည်း မရှိ
ချေးသွားတဲ့လူက အဖွဲ့အစည်းတခုနဲ့
ပတ်သက်နေတာဆိုတော့ ငွေတောင်းရင်း
အန္တရာယ် ပြန်ပေးမှာတောင် ကြောက်နေရတယ်။

အဲဒီတုန်းက သူလာတိုင်ပင်တော့လည်း
ပြောပြဖြစ်တယ်။

" သူများဥစ္စာ မတရားယူရင်
အပူစာပဲ။
အဲဒီ အပူစာကို စားတဲ့လူတွေက
ကောင်းစားလည်း ခဏပ။

ကြာကြာ မခံတတ်ဘူး။
ဒုက္ခရောက်ရင် ရောက်
ဘဝပျက်ရင် ပျက်။
ဒါမှမဟုတ် ငွေရှိပြီး ပူလောင်တဲ့ဘဝမှာ
မအေးချမ်းပဲ နေရတတ်တယ် " လို့
ပြောပြဖြစ်တယ်။

ဒါနဲ့ အဲဒီ အလိမ်ခံရတဲ့အမ မနေ့က
ဆက်သွယ်လာတယ် အခုထိလည်း
ငွေတော့ ပြန်မရသေးဘူး။

အဲဒီလိမ်သွားတဲ့ အမျိုးသမီးရဲ့
သူ့ယောက်ကျားကတော့
ဆေးမှုနဲ့ ထောင်ကျသွားတယ်။

သူလည်း ကျန်းမာရေး မကောင်းလို့
ဆေးရုံ တက်လိုက်ဆင်းလိုက်လုပ်ရင်း
လုံးပါးပါး နေပြီတဲ့။

အဲဒီလို တွေဖြစ်နေတော့ သူ့ငွေ
တောင်းရမှာတောင် အားနာတယ်
ပြောလို့ အားမနာနဲ့ ငွေ ခုထိမရသေးရင်
တရားစွဲဖို့ ပဲ တိုက်တွန်းလိုက်တယ်။

မလုပ်သင့်တာတွေ လုပ်ရင်
မဖြစ်သင့်တာတွေ ဖြစ်မှာပဲ။

" သူများကို လိမ်ညာလှည့်ပတ်ပြီး
သူများ မျက်ရည်ကျအောင်လုပ်ပြီး
စားရတဲ့ အရာတွေက အပူစာပါ။"

အဲဒီ အပူစာ ကို မယုံလို့
စားရဲတဲ့သူတွေတော့ အခုထိ
စားနေကြတာပဲ။

ကြုံဖူးလို့ ယုံတဲ့ ကိုယ်တွေလို လူတွေကတော့
ကိုယ်လည်းမစား တော့ဘူး။
ကိုယ့်မိသားစု ကိုလည်း
မကျွေးမိအောင် သတိထားပြီး
အသိတွေကိုလည်း မစားမိဖို့
အမြဲသတိပေးတတ် သွားကြတယ်။

သိသိကြီးနဲ့ စားမိရင်လည်း
ပြန်ပြီး ခံရမယ့်အချိန်ကျရင်
ဘယ်လို ကောင်းမှုတွေလုပ်လုပ်
ဘယ်လို ယတြာတွေ ချေချေ
ရှောင်လွှဲလို့ လုံးဝမရနိုင်တော့ဘူး။

မကောင်းမှုတွေ ကို
ကောင်းမှုတွေနဲ့ မျှချေ ကျသွားအောင်
သင်္ချာ တွက်သလို ဘဲစားဘဲချေ
ချေလိုကိလို့ ရတာမှမဟုတ်တာ။

မကောင်းတာ လုပ်တဲ့အတွက်
အဲဒီအကျိုးအပြစ်ကို ခံကိုပြန်ခံရမှာပဲ။

မခံချင်ရင် မလုပ်မိအောင်
နေလို့ပဲရတယ်။

ကိုယ်တိုင်လည်း ဖြစ်ဖူးသလို
အသိတွေထဲမှာလည်း
အဲဒီလိုတွေ လိမ်ညာစားသောက်
ကလိမ်ကကျစ်ကျရင်း ရလာတဲ့
အပူစာ ကိုစားမိရင် ဘဝပျက်သွားကြတာ
ခဏခဏ ကြုံနေရလို့ အပူစာကို
ရှောင်သင့်ကြောင့် သိသလောက်လေးတွေ
ပြန်ပြီး Sharing လုပ်ပေးလိုက်ပါတယ်။

Sint Nyi
4.9.24

290

Sint Nyi

29 Sep, 03:35

" လှေ ပေါက်နေမှန်းသိရင်
အမြန် ဖာပါ "

တချို့လူတွေရဲ့ လှေတွေ
ဖြည်းဖြည်းချင်း မြုပ်သွားတာကို
ဘေးကနေ ထိုင်ကြည့်နေရတဲ့
အချိန်တွေ ရှိခဲ့ဖူးတယ်။

လှေ ကပေါက်နေတယ်။
ဖာရမယ့်နေရာလည်း ဘေးလူက မြင်လို့
ပြောပြပေးထားတယ်။
ဖာတာကျ သူ့ဟာသူ ဖာမှရမှာ။
ဘေးလူက ဝင်ပြီး ဖာပေးလို့ မရဘူး။

သူ့လှေက အပေါက်ပေါက်ပြီး
ရေတွေ စိမ့်ဝင်နေတယ်။

မဖာရင် ကြာတာနဲ့ မြုပ်တော့မှာလည်း
သူသိတယ်။ အဲဒါကို သိသိကြီးနဲ့ မဖာပဲ
မပြုပြင်ပဲ နေတယ်။

သိပ်မကြာဘူး လုံးဝမြုပ်သွားတယ်။

မျက်စိရှေ့မှာတင် အဲလို
မြုပ်မယ်မှန်းသိသိနဲ့ ထိုင်ကြည့်နေခဲ့ရတဲ့
လှေတွေ မနည်းဘူး။

တချို့လှေတွေက ဝင်ငွေ ထွက်ငွေ
မထိန်းသိမ်းနိုင်ပဲ လက်ဖွာလို့ မြုပ်တယ်။

တချို့လှေတွေက Toxic Relationship
ကြောင့်မြုပ်တယ်။

တချို့လှေတွေကျပြန်တော့
လောင်းကစေားတွေ မူးယစ်ဆေးတွေ ကြောင့်၊

တချို့လှေတွေက အပေါင်းအသင်းကြောင့် ၊ အကြောင်းအရင်း အမျိုးမျိုးနဲ့ မြုပ်မြုပ်
သွားကြတယ်။

ကိုယ့်လှေက ပေါက်နေပြီဆိုတာ သိရင်
အမြန်ဆုံး ဖာသင့်ပါတယ်။

ငွေသုံးကြမ်းမိလို့ လှေမြုပ်လုလု ဖြစ်နေရင်
အသုံးအစွဲကို ဆင်ခြင်တဲ့နည်းနဲ့ ဖာပါ။

Toxic Relationship ကြောင့် လှေက
မြုပ်လုလု ဖြစ်နေပြီ ဆိုရင်
လမ်းခွဲတဲ့နည်းနဲ့ ဖာပါ။

လောင်းကစား မူးယစ်ဆေးကြောင့်
ကိုယ့်လှေက မြုပ်ခါနီးဖြစ်နေပြီဆိုရင်
အမြန်ဆုံးဖြတ်တဲ့နည်းနဲ့ ဖာရမှာပါ။

ဘေးလူတွေက လှေပေါက်တဲ့နေရာကို
လက်ညှိုးထိုးပြပြီး လှေ ပေါက်နေတယ်နော်
လို့ပဲ သတိပေးလို့ရတာ။

ကိုယ်လှေကို ကိုယ်တိုင်ပဲ
ဖာလို့ရပါတယ်။

ဘေးလူက ဝင်ပြီး ဖာပေးလို့မရသလို
ဝင်ပြီး ကယ်ပေးလို့မရဘူး။

ကိုယ်တွေလည်း ကိုယ်တိုင်မြုပ်ဖူးလို့
မြုပ်ခါနီးလှေတွေ တွေ့ရင် တတ်နိုင်သလောက်တော့
သတိပေးဖြစ်ပါတယ်။

ဖာတာ မဖာတာတော့
ကာယကံရှင်တွေရဲ့သဘောပေါ့။

" မှားမှန်းသိရင် အမှန်ပြင်တာတော့ "
အကောင်းဆုံးပေမယ့်
တချို့အမှားတွေက Expire ဖြစ်သွားရင်
ဘယ်လိုပြင်ပြင် ပြင်လို့မရတတ်လို့
" မှားမှန်းသိရင် မြန်မြန်ပြင်ဖို့ "
သတိပေးရေးသား လိုက်ပါတယ်။

219

Sint Nyi

29 Sep, 03:33

ကျွန်တော်က ခွေးအရမ်းချစ်တယ်။

ဒါပေမယ့် Hachiko ဆိုတဲ့ ဖြစ်ရပ်မှန်
ခွေးဇာတ်လမ်း ကြည့်ပြီးကတည်းက
ဘယ်ခွေးဇာတ်လမ်းမှ မကြည့်ဖြစ်တော့ဘူး။

မျောက်လိမ္မာကားလည်း မကြည့်တော့ဘူး။
ဆင်လိမ္မာကားလည်း မကြည့်တော့ဘူး။

ဖြစ်နိုင်ရင် ဘာတိရိစ္ဆာန် လိမ္မာကားမှ
မကြည့်ဘူး။

ဇာတ်လမ်းတွေရဲ့သဘာဝအရ
လွမ်းအောင် ဆွေးအောင် ရင်ထဲဟာတာတာ
ဖြစ်အောင်ရိုက်တာဆိုတော့
ဇာတ်သိမ်းမလှတဲ့ကားတွေကြည့်မိပြီ ဆိုရင်
ရင်ထဲမှာ တစ်ပတ် နှစ်ပတ်လောက်အထိ
ကို နေလို့မကောင်းဖြစ်နေရော။

ဒါနဲ့ နောက်ဆို အဲလိုတွေ ဇာတ်လမ်းတွေကို
ရှောင်ဖို့ သတိထားဖြစ်သွားတယ်။

သာမန် ရုပ်ရှင်ကားလေး တစ်ကား
ကြည့်ရုံနဲ့ ပျော်နေတဲ့ Positive vibe တွေ
ချက်ချင်း ညှိုးကျသွားပြီး Negative
Feeling ကြီးဝင်ချလာတာကို လုံးဝ
သဘောမကျဘူး ဖြစ်သွားကတည်းက
ကိုယ်ကြည့်မယ့် ရုပ်ရှင်တွေ
ကိုယ်ဖတ်မယ့် စာအုပ်တွေကို အရမ်း
သတိထားဖြစ်သွားတယ်။

ဒီလိုပြောလို့ ခွေးဇာတ်ကားမကြည့်ရဘူး
ပြောချင်တာ မဟုတ်ဘူး။

ကိုယ်က အရမ်းချစ်တတ်ရင်
ရုပ်ရှင်ထဲမှာ အရမ်းချစ်ကြပြီး
သေကွဲကွဲမယ့် ရုပ်ရှင်မျိုးတွေကြည့်တာ
ရှောင်ဖို့ ပြောချင်တာ။

ရုပ်ရှင်ကို အပန်းဖြေဖို့
စိတ်ပျော်ရွှင်ဖို့ Dopamine ထွက်ဖို့
ကြည့်သင့်တယ် ပြောချင်တာပါ။

အဲဒီမှာ သတိထားမိတာက
Positive Vibe ရဖို့အတွက်ကလည်း
လူတွေနဲ့ပေါင်းသင်းဆက်ဆံရတာ
တစ်ခုပဲ သတိထားရမှာမဟုတ်ဘူး။

ကိုယ်ဖတ်နေတဲ့ စာတွေ
ကိုယ်ကြည့်နေတဲ့ ရုပ်ရှင်တွေ
ကိုယ်ကျင်လည်နေတဲ့ ပတ်ဝန်းကျင်တွေကိုလည်း
သတိထားမိဖို့ လိုပါတယ်။

ကိုယ့်ဟာကိုယ်တောင်
စိတ်အဆင်ပြေအောင် မနည်း
နေထိုင်နေကြရတဲ့ ကာလကြီးမှာ
အဲဒီလို Negative တွေ မတော်တဆတောင်
ဝင်မလာဖို့ သတိထားသင့်ပါတယ်။

ကျွန်တော်တော့ ကိုယ့်စိတ်ကိုကော
ကိုယ့် ကျန်းမာရေး ကိုကော
ကိုယ် ပျော်ရွှင်နေဖို့ကိုကော
အရမ်း ဂရုစိုက်ဖြစ်တယ်။

ကိုယ့်စိတ် အဆင်မပြေရင်
အလုပ်ကော လူမှုရေးရော
စီးပွါးရေးကော ပရဟိတကော ဘာမှကို
အဆင်မပြေတော့ဘူး။

ကိုယ့်စိတ်က အဓိကဆိုတော့
ကိုယ့်ကိုယ်ကို ပျော်ရွှင်ဖို့
စိတ်ချမ်းသာဖို့ အရမ်းဂရုစိုက်တယ်။
ဒီတော့မှ ကိုယ့်ပတ်ဝန်းကျင်ကို
ပြန်ပြီး ကြည့်ပေးလို့ရတယ်။

ကိုယ်တိုင် စီးပွါးရေးအဆင်မပြေရင်
သူများကိုလည်း ကူညီပေးလို့ မရသလို

ကိုယ်တိုင်စိတ် အဆင်မပြေရင်လည်း
ဘယ်လိုလုပ်သူများကို အကောင်းမြင်ပြီး
Positive Energy ပေးနိုင်မလဲ။

ကိုယ်က ဘူနေရင် ၊ စိတ်မကြည်ရင်
ငွေကြေးအဆင်မပြေရင်
ကိုယ့်ပတ်ဝန်းကျင်က လူတွေ
အပေါ်မှာလည်းအဲဒီ Effect တွေက
သွားပြီး ထိတာပဲ။

ဒီတော့ ကိုယ့်ကိုယ်ကို
သေချာ ဂရုစိုက်တယ်။ ကိုယ့်အတွေးတွေ
ကိုယ့်ခေါင်းထဲဝင်လာမယ့် အရာတွေကို
စိစစ်ပြီးမှ အဝင်ခံတယ်။

ကိုယ့် စိတ်အခြေနေကို
မကောင်းဖြစ်စေမယ့် လူတွေနဲ့လည်း
ဝေးဝေးနေတယ်။

ကိုယ့်စိတ်နဲ့
ကိုယ့်ပတ်ဝန်းကျင်ထဲကို
Negative ပေးနိုင်မယ့် ဘယ်အရာနဲ့မဆို
ဝေးဝေးက ရှောင်တယ်။

အားမနာဘူး
မသနားဘူး။

အတ္တကြီးတယ် ပဲပြောပြော
တကိုယ်ကောင်းဆန်တယ်ပဲ ပြောပြော
ကိုယ့်စိတ်အဆင်ပြေမှ Positive Vibe ရပြီး
ကိုယ့်ပတ်ဝန်းကျင်ပါ အဆင်ပြေတာမလို့
ကိုယ့်စိတ်ကို အဆင်မပြေစေမယ့်
အရာတွေနဲ့ ခပ်ဝေးဝေးပဲ
နေဖြစ်တော့တယ်။

182

Sint Nyi

29 Sep, 03:33

ဘဝမှာ ကိုယ့်အပြစ်ကြောင့် မဟုတ်ပဲ
ဆင်းရဲမွဲတေ သွားတာမျိုးတွေဆိုတာ
တကယ်ရှိတယ်။

တချို့က သဘာဝဘေး အန္တရာယ်ကြောင့် ...
တချို့က မိသားစုထဲက
လောင်းကစားသမားကြောင့် ...
တချို့က မိသားစုဝင် တစ်ဦးဦးရဲ့
ကျန်းမာရေးစရိတ်ကြောင့် အမျိုးမျိုးပေါ့။

ကျွန်တော်ကိုယ်တိုင်လည်း
အဲဒီ လို အဖြစ်မျိုးကြုံခဲ့ဖူးတယ်။

ကိုယ့်ရဲ့ဝင်ငွေထွက်ငွေကို
မချိန်တတ်ပဲ အခြေမခိုင်ပဲ ကြိုပြီး
ဇိမ်ခံ မိလို့ ယိုင်နဲ့နဲ့ ဖြစ်နေချိန်မှာ
ရေကြီးတာနဲ့ ကြုံတော့ လုံးဝ
ကုန်းကောက်စရာမရှိအောင်
မွဲခဲ့ဖူးတယ်။

ကိုယ်မွဲတာကတော့ ကိုယ်ညံ့တာတဝက်
ရေဘေးကြောင့် တဝက်ဆိုတော့
ခံသာသေးပေမယ့် ...

ဘာအမှားမှလည်း မလုပ်ထားမိပဲ
စစ်ဘေးတွေ၊ မီးဘေးတွေ၊ ရေဘေးတွေ
ကြောင့် ရှိသမျှအရာအားလုံး
ဆုံးရှုံးသွားရတဲ့ လူတွေဆို
ပိုလို့တောင် ခံရခက်ကြမှာပါ။

" ငါတို့ဘာများ မှားသွားလို့လဲ။"
" ငါတို့ အရင်ဘဝက သူများကို
ဘာလုပ်ခဲ့မိလို့လဲ။"
" ငါတို့ဒီလောက် ကောင်းအောင်
နေထိုင်နေတာတောင် ဘာလို့
ဒီလိုအဖြစ်ဆိုးမျိုး ကြုံရတာလဲ "
စတဲ့ မေးခွန်းတွေ မေးမိကြမှာပဲ။

ကိုယ့်တုန်းကလည်း ငါဘာအပြစ်
လုပ်မိလို့ ငါ့မှာရှိတာတွေ အကုန်
ရေထဲပါသွားတာလဲလို့ ခဏခဏ
တွေးမိပြီး ကိုယ့်ကိုယ်ကို
အပြစ်ခဏခဏ တင်မိတယ်။

" ငါက မရှိသင့်တဲ့နေရာမှာ
ရှိနေမိလို့ အခုလိုကြုံတာလား။"

" ငါ့ဘဝကို ဘယ်လိုပြန်စရမလဲ "
စတဲ့မေးခွန်းပေါင်းများစွာနဲ့ ..

ကြိတ်မနိုင်ခဲမရဖြစ်ပြီး အကြွေးတွေနဲ့
အိပ်မပျော်ခဲ့ရတဲ့ညတွေ များခဲ့တာပဲ။

ကိုယ့်တုန်းက ရေကြီးလို့ ပါသွားတာ
ပိုင်ဆိုင်မှုအကုန်နီးနီးဖြစ်သလို
သူများဆီက ချေးထားတာတွေပါ
ရေထဲ ပါသွားတော့ မွဲရုံမကဘူး
အကြွေးပါတင်ပြီး ကျန်ခဲ့တာ။

ဒီကြားထဲ တရားစွဲခံရတာကနှစ်မှု။

ဘဝက တော်တော်ကြီးကို
ပျက်သွားခဲ့တာ။

ဒါနဲ့ နည်းမျိုးစုံစဥ်းစားတယ်
" ဘာလို့ငါ့ကျမှ ဒါတွေ
ကြုံရတာလဲ "

" ငါ့မှာ ဘာအပြစ်ရှိလို့လဲ"

အမျိုးမျိုးတွေးပေမယ့် အဖြေမရ
ခဲ့ပါဘူး။

စိတ်က ဘယ်အချိန်မှ ပြန်အဆင်ပြေလဲ
ဆိုတော့ " ကဲထားလိုက်တော့ "

" ဘာကြောင့်ဖြစ်ဖြစ် ငါထိုင်စိတ်ညစ်
မနေတော့ဘူ။ ထိုင်စိတ်ညစ်ပြီး
ကိုယ့်ကိုယ်ကို အပြစ်တင်နေလို့ကော
ဘာမှမှမထူးတာ။ "

" လူမသေ ငွေမရှားဘူး။
လူမသေသေးသရွေ့ ငွေက
ပြန်ရှာလို့ရတယ်။" ဆိုတဲ့စိတ်လေးနဲ့
ကိုယ်ကိုယ်ကို အားတင်းပြီး
ရှေ့ဆက်ရတာပေါ့။

" ရွေးချယ်စရာ ဘာမှမရှိတော့တဲ့အခါ
ဆက်ပြီးသန်မာဖို့ကိုပဲ ရွေးချယ်ပါ "
ဆိုတဲ့ ကျွန်တော့ ဆောင်ပုဒ်အတိုင်း
တခြားရွေးစရာလည်း လမ်းမရှိတော့
ဆက်ပြီးပဲ သန်မာရတော့တာပေါ့။

ရှိသမျှအကုန်ဆုံးရှုံးသွားတဲ့
အချိန်မှာ ဘဝကို ပြန်စဖို့
အရင်ဆုံးလိုအပ်တဲ့ အရာက
" စိတ်ဓာတ်ပါ။"

အရင်ကလည်း ငါသုညက
စခဲ့တာပဲ။ နေရာတစ်ခု အထိရောက်ပြီးမှ
သုည ပြန်ရောက်သွားတာ။

အခုလည်း သုညကပြန်စမယ်
အရင်ထက် သာတဲ့ Level ရောက်တဲ့အထိ
ငါပြန်ကြိုးစားမယ်ဆိုတဲ့
အကောင်းမြင်ပြီး သန်မာတဲ့စိတ်လေး
လိုအပ်ပါတယ်။

ဖြစ်လာသမျှကို ငါမကောင်းလို့
အတိတ်ဘဝက ဘာလုပ်မိလို့ဆိုပြီး
ကိုယ့်ကိုယ်ကို အပြစ်တင်နေတာထက်

အရာအားလုံးက ကောင်းဖို့
ဖြစ်လာတာ။ ငါဒီထက်ကောင်းတဲ့
ဘဝကို ရဖို့ ဒါတွေ ကြုံခဲ့ရတယ်
ဆိုတဲ့ Mindset ကို ရအောင်ထားပါ။

ဘဝပြန်တည်ဆောက်ရမယ့် ကာလက
ခဏလေးမဟုတ်ပါဘူး။
နှစ်နဲ့ချီကြာမှာ မလို့ စိတ်ဓာတ်ကို
အထူးသန်မာအောင် ထားနိုင်ဖို့
လိုပါတယ်။

ကျွန်တော် အမြဲပြောနေကျစကားလိုပဲ
ဘဝမှာ အမှောင်ဆုံးအချိန်
ရောက်ခဲ့ပြီးပြီဆိုရင် ဒီထက်
ပိုမှောင်လာစရာမှ မရှိတော့တာ။

ရှေ့လျှောက်ဒီထက်ပိုပြီး
လင်းလာဖို့ပဲ ရှိတော့မှာပါ။

ကျွန်တော် ကိုယ်တွေ့အတွေ့အကြုံ
အရတော့ လုံးဝမွဲပြာကျသွားတဲ့ဘဝကနေ
အရင်ထက် ဆယ်ဆလောက်သာတဲ့
ဘဝကို ပြန်ရနိုင်တာတော့ ကိုယ်တွေ့ပါ။

မွဲသွားတဲ့ အချိန်မှာမှ
အပေါင်းအသင်း မိတ်ဆွေကောင်းတွေ
ရလာတယ်။

မွဲသွားတဲ့ အချိန်မှာမှ
အရင်ထက်ငွေကို စိစစ်ပြီး
သုံးတတ်လာတယ်။

မွဲသွားတဲ့ အချိန်မှာမှ
ကိုယ်ချင်းစာတတ်လာတယ်။

မွဲသွားတဲ့ အချိန်မှာမှ
အလုပ်ကိုပိုကြိုးစားပြီး
ငွေကိုစုတတ်လာတယ်။

လူတိုင်းရဲ့ဘဝမှာ ခဏတာ
မွဲတဲ့အချိန်ဆိုတာ ကြုံရတတ်တယ်။

အဲဒီအချိန်က လောကကြီးက
လူတစ်ယောက်ကို အောက်သက်ကြေဖို့
ပြုပြင်ပေးတဲ့ အကောင်းဆုံး အချိန်ပဲ။

အဲဒီအချိန်လေးမှာ သေသေချာချာ
ဘဝအကြောင်းကို သင်ယူပြီး
အမူအကျငိ့ဆိုးတွေကို ပြင်လိုက်နိုင်တဲ့လူ
အများစုက မွဲတာမရှည်တော့ဘူး။

ခဏလေးနဲ့ အရင်ထက်သာတဲ့
ဘဝကို ပြန်ရတတ်ကြတယ်။

ကျွန်တော်လည်း ခဏတာမွဲဖူးတဲ့
ကာလမှာမှ ငွေသုံးကြမ်းတဲ့
အကျင့်တွေ၊ လက်ဖွာတဲ့အကျင့်တွေ၊
ကတိမတည်တဲ့ လုပ်ရပ်တွေ၊
လိမ်ညာပြောတတ်တဲ့ အကျင့်တွေ
အကုန်လုံးကို ပြင်နိုင်ခဲ့တာ။

မမွဲလိုက်ရင် အဲဒီအကျင့်ဆိုးတွေကြောင့်
အခုလို အဆင်ပြေနေတဲ့ ဘဝကို
ဘယ်တော့မှ ရောက်လာမှာ မဟုတ်ဘူး။

ဒီတော့ သဘာဝဘေးအန္တရာယ်ကြောင့်ပဲ
ဆင်းရဲဆင်းရဲ၊
ကိုယ့် အပြစ်ကြောင့်ပဲ
ဆင်းရဲဆင်းရဲ၊
သူတပါး အပြစ်ကြောင့်ပဲ
ဆင်းရဲဆင်းရဲ သွားပါစေ ...

ဒါတွေအားလုံးက ပိုကောင်းဖို့
ဖြစ်လာတာ ...

ဒါတွေကြောင့်သာ ငါပိုပြီး
သန်မာလာတာ ...

ဒါတွေကြောင့်သာ အရင်ထက်
အဆပေါင်းများစွာ သာတဲ့ဘဝကို
ငါရတော့မှာ ဆိုတဲ့စိတ်ကိုမွေးပါ။

ကိုယ့်ကိုယ်ကို ချစ်ပါ။
ကိုယ့်ကိုယ်ကို မပျက်စီးအောင်နေပါ။
ကိုယ့်ကျန်းမာရေးကို ဂရုစိုက်ပါ။

191

Sint Nyi

29 Sep, 03:33

ငွေရေးကြေးရေး ကတိတည်ပါ။

အပူစာရှောင်ပါ။
သမ္မာအာဇီဝ အလုပ်အကုန်လုပ်ပါ။
ကိုယ်ချင်းစာတရား ထားပါ။
သူတပါးကို တတ်နိုင်တာကူညီပါ။

ကျွန်တော်တော့ မွဲနေတဲ့ကာလအတွင်း
အကောင်းမြင်စိတ်ထားပြီး
အဲဒီလိုအချက်တွေ တတ်နိုင်သလောက်
လုပ်ရင်းနဲ့အခုဆို အရင်ထက် ဆယ်ဆမက
ကောင်းတဲ့ ဘဝကိုပြန်ရနေပါပြီ။

ကျွန်တော့လို ဘာမှမဟုတ်တဲ့လူတောင်
သုညမက အနှုတ်ပြနေတဲ့ ရေဘေးဒုက္ခသည်
ဘဝကနေ အခုလို လူအယောက်
ထောင်ဂဏန်းကို ကူညီနိုင်တဲ့လူ
ဖြစ်နေတာ ...

မိတ်ဆွေတို့လည်း မဖြစ်လာနိုင်စရာ
မရှိပါဘူး။

မဖြစ်လာသေးတာပဲရှိတာပါ။

ဒီလိုဒီဘဝရောက်ဖို့ အရေးကြီးဆုံး
လိုအပ်တာက စိတ်ပါ။

ရေဘေးမကလို့ ဘာကြီးပဲလာလာ
ငါကျော်ဖြတ်နိုင်တယ်။
အရင်ထက်သာတဲ့ဘဝကို ရတဲ့အထိ
ငါကြိုးစားမယ်။

အဲဒီအချိန်ကျမှ ငါဘယ်လိုဖြတ်သန်း
ခဲ့လဲဆိုပြီး ဒီစာရေးတဲ့ဘဲလို စာတွေရေးပြီး
လူတွေကို ပြန်အားပေးပစ်မယ်
ဆ်ုတဲ့စိတ်ကိုမွေးပါ။

ကျွန်တော်လိုလူတောင် လုပ်နိုင်တာ
တခြားလူလည်း လုပ်နိုင်မှာပါ။

ကျွန်တော်ပြောနေကျစကားတစ်ခွန်း
ရှိတယ်။

" စိတ်ကိုနိုင်အောင်လုပ်။
စိတ်ကိုနိုင်တဲ့လူက အရာအားလုံးကို
နိုင်တယ် " ဆိုတဲ့ အတိုင်း ..

မိမိစိတ်ကို အမြဲတမ်း
အကောင်းဘက်ကတွေးပြီး
ဘဝကို အကောင်းဆုံးအစက
ပြန်ကြိုးစားဖို့ ကိုယ်တွေ့ဖြစ်ရပ်
လေးနဲ့ ပြန်ပြီး အားပေးလိုက်ပါတယ်။

ရွေးချယ်စရာဘာမှမရှိတော့တဲ့အခါ
ဆက်ပြီးသန်မာဖို့ကိုပဲ ရွေးချယ်ပါ
ညီအကိုမောင်နှမတို့။

Sint Nyi

196

Sint Nyi

29 Sep, 03:33

သင့်မှာ အိပ်စရာနေရာရယ် ၊ ဝတ်စရာ
အဝတ်တွေရယ် ၊ နောက်နေ့အတွက်
စားစရာတွေလည်း ရှိနေသေးရင် ၊

" သင်က ကမ္ဘာပေါ်မှာရှိတဲ့ လူဦးရေ
၇၅% ထက် ချမ်းသာ နေပါသေးတယ် "

----------------------------------------------

သင့် ပိုက်ဆံအိတ်ထဲမှာ ပိုက်ဆံလည်း
ရှိပြီးတော့ ကိုယ်သွားချင်တဲ့ နေရာကို
သွားလို့ ရနေသေးတယ်ဆိုရင် ၊

" သင်က ကမ္ဘာ့လူဦးရေထဲက ၁၈% သော
ကြွယ်ဝတဲ့ လူတွေ စာရင်းထဲမှာ ပါနေပါပြီ "

----------------------------------------------

သင်က ဒီနေ့ အသက်ရှင်နေတယ်၊
ကျန်းမာနေတယ် ဆိုရင် ၊

" မကျန်းမာကြလို့ ဒီအပတ်ထဲမှာ
သေဆုံးကြတော့မယ့် လူသန်းပေါင်းများစွာထက် အများကြီး ကံကောင်းနေပါသေးတယ် "

----------------------------------------------

ကျွန်တော် အခုရေးနေတဲ့စာကို
သင်ဖတ်နိုင် နေသေးတယ်ဆိုရင် ၊

" မျက်စိ မမြင်ရလို့ ဒီစာကို မဖတ်နိုင်ကြတဲ့
သူတွေနဲ့ စာသင်ကြားခွင့် မရကြလို့
စာမဖတ်တတ်ကြတဲ့ လူသားပေါင်း
သန်း(၃၀၀၀) ထက် သင်အများကြီး
ကံကောင်း နေပါသေးတယ် "

" ဘဝဆိုတာ ကိုယ့်မှာမရှိတဲ့ အရာတွေကို
Complain တက်ပြီး စိတ်ပျက်ဝမ်းနည်း နေဖို့မဟုတ်ဘူး။"

" ကိုယ့်မှာရှိနေတာကို တန်ဖိုးထားပြီး
နေ့ရက်တိုင်း ပျော်ပျော်ရွှင်ရွှင်နဲ့
ဖြတ်သန်းတာကိုမှ ဘဝလို့ခေါ်တာပါ"

#Translated By Sint Nyi

( ကိုယ်တိုင်ခွန်အားရတဲ့ စာလေးမလို့
အခုကာလမှာ ဒုက္ခသုက္ခတွေ ကြုံနေကြရတဲ့
လူတွေလည်း စိတ်ခွန်အားရဖို့
တတ်သလောက်လေး ဘာသာပြန်ပေးလိုက်ပါတယ် )

174

Sint Nyi

29 Sep, 03:32

" တော်ပါသေးရဲ့ "

တိုက်ဟောင်းတစ်ခုရဲ့ ဝရံတာက
အုတ်ခဲကျိုးတစ်ခု ကိုယ့်ကားပေါ် ကို
ပြုတ်ကျလာတယ်။

ဆင်းကြည့်တော့ အနောက်လေကာမှန်က
ကြေမွနေပြီ။ " တော်ပါသေးရဲ့ "။
ကား စဝယ်ကတည်းက A insurance မှာ
အာမခံထားမိလို့ ။

ကားထိသွားပေမယ့် ကားဆီသွားနေတဲ့အချိန်
လူအပေါ်ကိုမကျတာကလည်း
" တော်ပါသေးရဲ့ "။

ပြီးတော့ ကားမှန် အပေါ် ကျတာတောင်
စျေးအသက်သာဆုံး ဖြစ်တဲ့
အနောက် မှန်ပေါ်ပဲကျတာ ကလည်း
အာမခံကုမ္ပဏီအတွက်
" တော်ပါသေးရဲ့ "။

ကားအမိုး တစ်ခုလုံးကလည်း မှန်လိုမျိုး
အချပ်လိုက်ကြီး။

အဲဒ်ီအပေါ်ရော အရှေ့လေကာမှန်
အပေါ်ရော မကျတာကလည်း
" တော်ပါသေးရဲ့ " ။ မဟုတ်ရင်
သူတို့အတွက် ပိုပြီး စျေးကြီးဦးမှာ။

သူ့ဟာသူ ရပ်ထားတဲ့ ကားပေါ်
တိုက်တစ်ခုက အုတ်ခဲကျိုးကြွေကျ
တာကလည်း သဘာဝဘေးအန္တရာယ်ပဲ။

သဘာဝဘေး အန္တရာယ်ဆိုတာ
ကာကွယ်လို့ပဲ ရတယ်။
ရှောင်လွှဲလို့ မရဘူး။

လူတိုင်းအပေါ် အချိန်မရွေး
ကျရောက်လာ နိုင်တယ်။

ကိုယ့်ကားပေါ် အုတ်ခဲကျတာတောင်
စိတ်မကောင်း ခဏဖြစ်မိတာ
ကားကောအိမ်ရော ရေထဲမျောသွားတဲ့လူတွေ
ဘယ်လောက်ခံစားရမလဲ လို့
ပိုပြီး ကိုယ်ချင်းစာမိသွားတယ်။

အရာအားလုံးက ကောင်းဖို့
ဖြစ်လာတာလို့ ကျွန်တော်က ခံယူထားတော့
ဒီရက်ပိုင်း ဒီကားနဲ့ အပြင်လျှောက်သွားရင်
တခုခုကို ဖြစ်တော့မှာမလို့ ကားကော လူကော
အနားပေးဖို့ ဖြစ်လာတာနေမှာပါလ်ို့ပဲ
Positive ဘက်က တွေးဖြစ်လိုက်တယ်။

အခက်အခဲတွေ၊ပြဿနာတွေ၊ ဒုက္ခတွေ
သဘာဝဘေးတွေ၊ စစ်ဘေးတွေကို
ဘယ်သူကမှတော့ မကြုံချင်ကြပါဘူး။

ဒါပေမယ့် မဖြစ်ချင်တာတွေလည်း
ဖြစ်ကြရတဲ့ လောကကြီးမှာ
မဖြစ်ချင်တာတွေ ဖြစ်လာတဲ့အခါ ...

" တော်ပါသေးရဲ့ " ဆိုတဲ့စကားလေး
ပြောပြီး ကိုယ့်ကိုယ်ကို စိတ်ခွန်အားပေးဖို့လည်း
လိုအပ်ပါတယ်။

ဒုက္ခဆင်းရဲတွေ ၊ပြဿနာတွေ ကြုံလာရတဲ့အခါ
ကိုယ့်ထက် အဆင်ပြေနေတဲ့လူတွေနဲ့
နှိုင်းယှဥ်ပြီး ကိုယ့်ကိုယ့်ကို
အပြစ်တင် ဝမ်းနည်းပြီး စိတ်ညစ်နေတာထက်

ကိုယ့်ထက်ဆိုးတဲ့ အခြေအနေက
လူတွေကို ကိုယ်ချင်းစာပြီး
" တော်ပါသေးရဲ့ " ဆိုတဲ့
Positive အတွေးမျိုးနဲ့
ဖြတ်သန်းရင် ပိုပြီးပေါ့ပါးသွားတတ်ပါတယ်။

ဘေးအန္တရာယ် ဒုက္ခ သုက္ခ ပြသနာတွေက
အချိန်မရွေး လူတိုင်း ကြုံတွေ့ရနိုင်ပါတယ်။

ကြုံလာတဲ့အခါ ထိုင်ပြီးစိတ်ညစ်နေတာထက်
လက်ရှိအခြေနေကို အကောင်းမြင်စိတ်ထားပြီး
" တော်ပါသေးရဲ့ "ဆိုတဲ့စိတ်နဲ့
အကောင်းဆုံး ဖြတ်ကျော်နိုင်ဖို့လိုပါတယ်
ဆိုတာလေး တွေးမိလို့ ပြန်ပြီး
Sharingလုပ်ပေးလိုက်ပါတယ်။

244

Sint Nyi

29 Sep, 03:32

အခုနောက်ပိုင်း ပျော်ပျော်နေပြီး
ခွီတာတွေများတော့ ဘော်ဒါတစ်ယောက်က
လာပြောတယ်။

အဲလိုပေါက်ကရတွေ ရှဲပြီး ခွီနေရင်
လူဘယ်လို လေးစားတော့မလဲဲ တဲ့။

လေးစားတာ ခံချင်မှတော့
လူအထင်ကြီးအောင် နေပြမှာပေါ့။

ကိုယ်မကောင်းတာ ကိုယ်ပဲသိပါတယ်။

အဲဒီလို မကောင်းတဲ့ ကိုယ့်အပေါ်
လူတွေက လေးလေးစားစား
လာ ဆက်ဆံရင်တောင်မနေတတ်လို့
ဘာကောင်မှ မဟုတ်ကြောင်း
အမြဲလိုက်ရှင်းပြ ဖြစ်ပါတယ်။

သိတဲ့လူတွေကော မသိတဲ့လူတွေကော
ကိုယ့်ကို ရင်းရင်းနှီးနှီး ပေါ့ပေါ့ပါးပါး
ဆက်ဆံတာပဲ ခံချင်တာပါ။

လူကောင်း မဟုတ်လို့
လူလေးစားတာ မခံချင်ပါဘူး။

ကိုယ့်ကို ချစ်တဲ့လူတွေရဲ့
အကိုလို မောင်နှမလို ပေါ့ပေါ့ပါးပါး
ဆက်ဆံလို့ရတဲ့သူပဲ ဖြစ်ချင်တာပါ။

အိမ်မှာရှိတဲ့ ပေါက်ကရတွေ
ဟာသတွေ ပြောပြီး ရွှတ်နောက်နောက်
နေတတ်တဲ့ အကိုကြီးတစ်ယောက်လို
သဘောထားရင် ရပါပြီ။

ကိုယ်လည်း ဘာကောင်မှ မဟုတ်လို့
မလေးစားပါနဲ့ ရင်းရင်းနှီးနှီး နေရင်ရပါပြီ။

ကိုယ့်ကို ကြည့်မရတဲ့သူတွေ ကတော့
ထင်ချင်သလိုထင်ပါ။ I don't care ပါ။

ကိုယ်လည်း ဘယ်သူ့ကိုမှ
မစော်ကားမိအောင် နေသလို
အစော်ကားလည်း လုံးဝ မခံပါဘူး။

မယုတ်မာပေမယ့် ရက်စက်တတ်လို့
ပျော်ပျော်နေတာကို ငပေါလို့ထင်ပြီး
လာထိမိရင် မီးပွင့်တတ်ပါတယ်။

ဒီတော့ ... ရင်းရင်းနှီးနှီးနေလို့ရပါတယ်။
မစော်ကားမိဖို့လည်း ကြိုပြီး
သတိပေးထားတာပါ။

တချို့က ကိုယ့်အထာကို သိကြပေမယ်
ရေးမှသိမယ့် သူတွေရှိလို့ မီးမပွင့်ခင်
ထပ်ပြီး အသိပေး ရေးပေးလိုက်တာပါ။

Sint Nyi
21.9.24

203

Sint Nyi

Sint Nyi (Burmese)

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi

Sint Nyi