تجمع طلاب صناع المستقبل - FMSG

⭕️تم قفل الاستمارة

وبالتوفيق للجميع

#تجمع_طلاب_صناع_المستقبل
#FMSG

نِصف ساعة إضافة عشان خاطر تنورونا في التجمع🔥🌟

أن تأتي متأخراً خير من أن لا تأتي 💥

#تجمع_طلاب_صناع_المستقبل
#FMSG

⭕️🛑
تنويه:
سيتم إغلاق استمارة التقديم غداً في تمام الساعة التاسعة مساءً بتوقيت السودان.

سارعوا بالإنضمام لنا💯✅

#تجمع_طلاب_صناع_المستقبل
#FMSG

انتباااااه❗❗❗❗



هل تسعى لترك بصمة في عالم الغد؟ إذاً هذه هي فرصتك
كن جزء من التغيير! وانضم إلينا الآن!!

مبادرة طلاب صناع المستقبل تفتح أبوابها لاستقبال أعضاء جدد في المكاتب الاتية:

⭕مكتب الاعلام:

الاهتمام بمنصات التجمع بحيث يكون هناك محتوى ثابت يتم تقديمه والعمل على تطوير قنوات وصفحات التجمع بما يتماشى مع العصر.


⭕مكتب شؤون الطلاب:

المكتب المسؤول عن الشؤون الأكاديمية للتجمع والمحرك الأساسي لقنوات الإسناد الاكاديمي في التجمع.

⭕مكتب الانتاج الفكري (البحث والتخطيط)

مكتب المشاريع الذي يضع الخطط المستقبلية وتنفيذ المشروعات.

⭕مكتب الموارد البشرية:

يهتم بسير العمل داخل المكاتب وتقييمه وتقديم التقارير.

رابط الإستمارة:
https://forms.gle/5tsqd2UnLyTxxMX1A

مستقبلك بين يديك! ساهم في صناعة مستقبل أفضل من خلال مبادرة طلاب صناع المستقبل. تقدم بطلبك الآن في المكاتب التي تهمك🤍💙.

#تجمع_طلاب_صناع_المستقبل
#FMSG

أبطالنا حمدلله على السلامة 💚

محطة طال انتظارها، في طريقكم إليها لم تكن سكة الحديد مستقيمة، وليست الشوارع بذاك الأسفلت الجيد أو المرن، كانت سكة مليئة بالعثرات، التردد، الخوف، الألم والأمل إذا اختصرناها فهي التناقضات.

لكن 

كنتم قدر التحدي والصعوبات، كنتم وما زلتم أبطال هذه الحقبة، ترفع لكم القبعات ويقف المسرح مصفقاً بكل حماس لمحطتكم القادمة بكل حب وامتنان وفخر!

وفي الختام 💙

الفترة القادمة هي فترة استراحة المحارب والاستجمام، دعو مامضى خلفكم، استمتعوا استرخوا وفكروا بكل هدوء وحب وحماس في المحطة القادمة وكونو أصاحب محطتكم لا أحد سواكم.

بالتوفيق للجميع 🤲💙

#أبطال_٢٤
#FMSG

وصلت إلى مرحلة التخرُّج بسلام
وبارك لك الأهل والخِلّان

ولكن!
بقيت أمامك خطوة واحدة لتحقيق الحلم
🔥بحث التخرُّج🔥

هل واجهتك مشاكل في كتابته؟

هل تحتاج إلى مساعدة في إعداد الخطة البحثية أو كتابة وتنسيق بحثك بدقة واحترافية؟

💥 الخدمات التي نقدمها:

إعداد خطة بحث متكاملة وفقًا للمعايير الأكاديمية.

كتابة الأبحاث بجودة عالية وبلغة علمية دقيقة.

تنسيق الأبحاث بما يتناسب مع متطلبات جامعتك.


بضمان:

الدقة والالتزام بالمواعيد.

مع إمكانية التعديل

سارع🫵🏻

📞و تواصل معنا الآن للحصول على خدمتك البحثية المثالية!
✉️ للتواصل عبر الواتساب
رقم الواتساب:+249923985556

طمنونا كيف كان الإمتحان؟

إلى أعزائي أبطال الشهادة السودانية الممتحنين لهذا العام ، الصابرين الصامدين رغم المشقات و الظروف التي لا تخفى على أحد ..


"سلاماً على العيون الساهرات بلا ملل وعلى النفس التي تحدت العلل وعلى العقل الذي اجتهد للوصول إلى السهل وجعل العلم ينتصر على الجهل وعلى الأيدي التي تكتب طوال الليل وعلى الظهر الذي تحمل الثقل"

لم يبقى إلا القليل ، و تذكروا أنتم أمل السودان و صناع مستقبله 💙

موفقين 💙

#سلسلة_بوصلة_الشهادة
#FMSG

#سلسلة_بوصلة_الشهادة
#FMSG

#سلسلة_بوصلة_الشهادة
#FMSG

#سلسلة_بوصلة_الشهادة
#FMSG

#سلسلة_بوصلة_الشهادة
#FMSG

#سلسلة_بوصلة_الشهادة
#FMSG

#سلسلة_بوصلة_الشهادة
#FMSG

لكل سفينة قبطان وانت قبطان سفينتك⛴️🌊!
وهاقد حانت سفينك ترسو على بر الأمان، ولكن قبل أي هدوء هناك ضياع وفترة تشتت لذالك صممنا لكم نصائح من أميز التلاميذ والأساتذة لكي ترسوا بأمان، كل هذا في سلسلة "بوصلة الشهادة" 🧭.
موعدنا اليوم الساعة ٦ مساءً بتوقيت السودان
كونو على استعداد

https://t.me/sdfmsg
#FMSG

لكل سفينة قبطان وانت قبطان سفينتك⛴️🌊!
وهاقد حانت سفينك ترسو على بر الأمان، ولكن قبل أي هدوء هناك ضياع وفترة تشتت لذالك صممنا لكم نصائح من أميز التلاميذ والأساتذة لكي ترسوا بأمان، كل هذا في سلسلة "بوصلة الشهادة" 🧭.

https://chat.whatsapp.com/L7oeJKdI2kFK4YmNyWnnP7

سيتم تحويل الورشة على قروب الواتساب.

نرجو لكم دوام التوفيق والنجاح

#FMSG

متأكدة 90%
من كل البقاع
تخلو عن أحلامهم
غيروها
استصعبوها
جارت عليهم الحرب
وغيره
المهم ضغطتهم الظروف دي

مع وجود من حافظ على أحلامه ومحافظ عليها للآن

هل اللوم علينا أم على الظروف؟
هل كسرتنا الظروف ولا نحن الاستسلمنا ليها؟
هل الحرب دي خلاص بقت قادرة توقفنا؟

لمن نطرح أسألة كمثل معناها حنمسك الجانب المعنوي والنفسي أولًا
وهو كدا حنهدي النفسية حتى نبدأ الدراسة بكل جد

وما هي أسباب الزيادة أو النقصان؟

طيب
استعدادكم الدراسي+المعنوي
للسنة مختلف تمامًا كشيء طبيعي مع ظروف الحرب
بس السؤال البطرح نفسه
أنتَِ تبع الناس الزاد استعدادها أم القل؟

تقريبًا
تأخرت الورشة أو السيشن دا كتير فحسب التخطيط كان مفترض يبقى بداية ديسمبر بس أمر الله نافذ وحصل خير
وكما يقال
تقديمة الباب بتحلى
والأشياء المتأخرة تأتي لطيفة وفي ميقاتها❤️

قبلها
أنا مزن حسن وكما تلت السيرة الذاتية عني على البوستر فوق
حأكون معاكم اليوم في هذا السيشن الخفيف بإذنه

كلمة استعداد طبعًا دا السؤال البقى يِصبح عليكم قبل أصبحت كيف بالتأكيد
بل بقت مصدر رِهاب رِهاب ليكم
وهو حاصل
فخلونا نبدأ بيها

كيف حالكم؟
وبعبارةٍ أصح كيف استعدادكم؟

في البدء أهلًا بأبطال الشهادة السودانية للعام ٢٠٢٣
أو كما أُحب أن أدعوكم "أهلًا بعظماء الشأن" أو"أبطال الثامنِ والعشرين من ديسمبر"❤️

بسم الله الذي علم ورزق وهدى والصلاة والسلام على نبي الهُدى 🤍🌸

نسجل حضور في الخمس دقائق المتبقية..

مساء الخير حُبًا❤️

السلام عليكم ورحمة الله تعالى وبركاته 🤍

اعزائنا طلاب الصف الثالث ثانوي
او كما احب اسميكم الأبطال ،لأننا
عارفين و مقدرين قدر شنو انتو تعبتوا
و لكن خلاص ،انتظرتوا الكتير ما تبقي
إلا القليل و جا وقت الحصاد .💪🏼
و لأننا بنحبكم فعاملين ليكم حاجة
عشان تغير نفسياتكم شوية و تدخلوا
الامتحانات مبتهجين و نفسياتكم فل الفل
و تكونوا عارفين حتعملوا شنو في الامتحانات
و ما تقعوا في غلطات الطلاب القبلكم🤩
فجيناهكم بي لاقاء 🥳
مع مزن حسن محمد
كاتبة وطبيبة
جامعة عين شمس دبلوم التربية والسلوك
دبلوم الإرشاد النفسي
مرشدة نفسية تربوية أسرية
المنصات: منصة مع أنفسنا قليلاً
تجمع طلاب المستقبل
يوم الإثنين 23/12/2024
الساعة 8 مساءً
فتناكم عافية و موفقين في امتحاناتكم💜
سلاااااام 👋🏼

شبابنا الحلوين، سلام الله عليكم ورحمته ورضاه وبركاته، جيناكم تاني في رحلة جميلة مع آية أجمل، متذكرين وصايا لقمان الحكيم لي ولده؟
واحد منكم يتلو على مسامعنا الآيات بصوت جميل 💙
يا سلااام ياخ جزاك الله كل خير، اللهم بارك صوتك شجي يطيب النفس يا ابني.
زي ما قرأ علينا زميلكم، قال جل في علاه: {وَلَا تُصَعِّرْ خَدَّكَ لِلنَّاسِ وَلَا تَمْشِ فِي الْأَرْضِ مَرَحًا ۖ إِنَّ اللَّهَ لَا يُحِبُّ كُلَّ مُخْتَالٍ فَخُور}
دي الآية اللي حنقيف عليها الليلة، بالله ما وصية جميلة!
طيب، يلا نفسرها عشان نفهم لقمان دا عايز شنو، ذكرت في تفسير السعدي📗: { وَلَا تُصَعِّرْ خَدَّكَ لِلنَّاسِ } أي: لا تُمِلْهُ وتعبس بوجهك عن الناس، تكبُّرًا عليهم، وتعاظما.
{ وَلَا تَمْشِ فِي الْأَرْضِ مَرَحًا } أي: بطراً، فخراً بالنعم، ناسياً المنعم، معجباً بنفسك.
{ إِنَّ اللَّهَ لَا يُحِبُّ كُلَّ مُخْتَالٍ } مختال في نفسه وهيئته وتعاظمه، { فَخُور } متفاخر بقوله.
يعني لقمان عايز يقول لي ولده، إنت مهما بلغت من العلم والجاه لابد تتعامل مع الناس بطريقة كويسة بدون تكبر، ما تتجهم في وجوههم لمجرد إنو ربنا حباك بنعمة أفضل منهم، ولا تختال وتتعجب بنفسك أو تبالغ في تجميل هيئتك "زي لبس الملوك والسلاطين مثلاً"، تتفاخر بي كلامك وتوريهم إنك الزول الناقشها وتقلل من شأنهم وعلمهم، لا تنسى إنو ربنا هو الأنعم عليك بكل الحاجات دي ولابد تشكره عليها.
القصد من كلامه إنو يربي ابنه على التواضع بين الناس مهما بلغ من العلم، ويعلمه الشكر والحمد على النعم الأنعمها ربنا عليهو.
في كتاب للطنطاوي اسمه الوسيط، ذكر فيه تفسير كلمة "الصعر" وهو مرض يصيب البعير فيجعله معوج العنق، ما أجمل بلاغة القرآن!
يقول يحيى بن معين: ما رأيت أحداً مثل أحمد بن حنبل، صحبناه خمسين عاماً، فما افتخر علينا بشيء مما كان فيه من الخير والصلاح.
وكان رحمه الله يقول: نحن قوم مساكين.

فااا تواضعوا بين الناس واشكروا الله على ما آتاكم.
والسلام عليكم لحدي ما نتلاقى في رحلة جديدة، وآية أجمل إن شاء الله.

سبحانك اللهم وبحمدك أشهد أن لا إله أنت أستغفرك وأتوب إليك. 💙


#تجمع_طلاب_صناع_المستقبل
#FMSG.

غيّر عاداتك 📌

اذا السنة انتهت وانت لقيت روحك ما انجزت
حاجة، دا ما بيعني انك زول فاشل او ما ممكن
تنجح بل بسبب عاداتك السلبية وال هي كانت
عائق في انك تشتغل وتطور روحك 💔

وربما حاولت كتير انك تغيرها بس فشلت
او كمان نجحت فترة بسيطة وتاني اتعثرت
ووقعت تاني 😢

الموضوع حزيييين ياخ !
بس هل في حل سحري، ولا الحل شنو بالضبط؟

طيب تعال اوريك خطوات بسيطة تساعدك
اذا عايز تغيّر عاداتك …

اول حاجة خلي عاداتك دي ما تكون غير مغرية بالنسبة ليك، كيييف ؟
ما تعرض روحك ليها، حافظ انك تكون على بعد
منها، ممكن تعمل عقوبة لي روحك في حال
وقعت فيها😁
وفي نفس الوقت كافئ روحك لمن تنجز حاجة
كويسة وايجابية

وكمان برضو اذا عندك عادة جديدة وهي مفيدة
ومهمة بالنسبة ليك، بس في نفس الوقت صعبة
بالنسبة ليك

اربط عادة انت بتعملها مع عادة انت محتاج
تعملها :
يعني مثلاً انت عايز تشرب قهوة كل يوم الصباح
وفي نفس الوقت محتاج تقرا كتاب خلينا
نقول لمدة ٢٠ دقيقة

تقوم تعمل شنوووو؟😂
اعمل اتفاقية مع روحك انه حتشرب كباية
القهوة بعد ما تقرا الكتاب وبي كدا في الغالب
حنضمن اداء افضل شديد


والكلام دا كله جزء صغير جداً جداً من كتاب
“Atomic habits”
والممكن يساعدكم جداً في انكم كيف تشكلو
عاداتكم الايجابية الجديدة وتتخلصو من
السلبية 💙💙💙🫶
وبنصحكم بشدة تقروه

شاركنا بتعرف شنو عن العادات !!

#تجمع_طلاب_صناع_المستقبل
#FMSG.

يا جميل، سلام الله على قلبك حتى يبلغ إطمئنانه، وجمعة الخير تنعاد عليك بالخير واليمن والبركة.

كلنا عارفين الإطمئنان دا عندو دروب كتيرة بيجي بيها، لكن الليلة عايزة أتكلم ليكم عن حاجة واحدة بس، اللي هي شنووو؟
في زول عارف؟
خطرت في بالك فكرة يا اللابس النظارة إنت؟
طيب إنتِ يا أم طرحة عنابية؟
خلاص خلاص حأوريكم أنا، حأتكلم ليكم عن الإطمئنان اللي بيجي من باب الإيمان بالقضاء والقدر، عن آية ليها الأثر الطيب في نفس المؤمن، ذُكرت الآية دي في أمر القتال، لكن تقاس بيها كل أمور حياتنا طبعاً لأنها شاملة.


الآية دي يا أحباب الله، هي قوله تعالى: {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ}.
نعم، ذكر في تفسير ابن كثير في الجزء الأول من الآية (وَعَسَى أَنْ تَكْرَهُوا شَيْئًا.....)، فيما معناه أن القتال قد يبدو شر ولكن يعقبه النصر والظفر على الأعداء، وفي الجزء الثاني (وَعَسَى أَنْ تُحِبُّوا شَيْئًا.....)، أن المرء قد يحب شيئا وليس فيه خيرة ولا مصلحة، ومثل ذلك القعود عن القتال قد يعقبه استيلاء العدو على البلاد والحكم.
"زي الحاصل عندنا دا لو لا سمح الله الجيش قال ما عايزين ندافع ولا بطيخ، كان واطاتنا صبحت أكتر مما هي صبحانة هسي😅"
وجاء في تفسير القرطبي، قال الحسن في معنى الآية: لا تكرهوا المُلِمَّات الواقعة، فلرُب أمر تكرهه فيه نجاتك، ولرُب أمر تحبه فيه عطبك وهلاكك.

عندكم مزاج تقروا قصة حلوة ولذيذة" زيي كدا😎" في سياق تفسير القرطبي دا؟
العندو حماس يقيف حيلو🎉، أربعة بس؟
لا خلاص مافي قصة، فيكم الخير، كدا سبعة، أها مين يزود؟ 😅
يلا نحكي طيب باختصار عشان شكلكم مللتوا مني

كان يا مكان، في سالف العصر والزمان، كان في ملك عندو وزير مقرب منو شديد بيسوقو معاهو أي مكان، والوزير دا شخص حكيم، كل ما الملك دا تحصل ليهو حاجة كعبة الوزير يقول ليهو :"لعله خير"  فالملك يهدأ وينسى. في مرة من المرات الملك قطع إصبع من أصابعو فالوزير قال شنوو؟
"لعله خير"، الملك زعل وقال ليهو: وين الخير هسي، وقام سجنو ليك، تاااني الوزير قال: لعله خير 😅 راجل غريب صح؟
أها يوم الملك طلع رحلة صيد، وأثناء ما هو لاحق ليهو فريسة ابتعد من الحرس حقينو، و مر على ناس بيعبدوا في صنم "أظنو ديل زمن الجاهلية كانوا🙂"، الناس ديل كلبشوا ليك الملك وجابوهو قربان لي صنمهم دا "لمن عيونو رقرقن😅"، قام شيخ القبيلة انتبه إنو القربان دا عندو إصبع ماف، هاج ليك فيهم وفكاهو وطردو من القبيلة، مشى فرحااان إنو ربنا حلاهو بالسلامة، ولم وصل القصر قال للحراس فكوا لي الوزير دا، قام اعتذر ليك منو وحباهو في راسو وقال ليهو إنت زول أصيل و كلامك حكم ياخ وأنا عرفت الخير من قطع إصبعي دا، لكن أها وين الخير في سجنك ما فهمت؟
تتوقع الخير كان وين إنت يا أبو قميص أبيض؟
أيوااا بس، قال ليهو: لو ما كان سجنتني حتسوقني معاك الصيد، وكنت حأبقى قربان بدلك لأنو إصبعي ما مقطوع. 😅😹
بالله شوف الراجل دا حكيم كيف!
فاا شنو "لعله خير يا رفيق" 💙
وأبقوا عافية وطيبين لم نتلاقى في قصة تانية وآية أجمل.


#تجمع_طلاب_صناع_المستقبل
#FMSG.

إلى طُلّاب الجامعات والشهادة الثانوية: أنتم الأبطال! 🌟

وسط زحمة الحياة وضغط المسؤوليات، يمكن أحيانًا تحسّوا إنّ الأحلام الكبيرة بعيدة، وإنّ الطريق طويل وصعب. لكن خلّوني أقول ليكم حاجة: كلّ بطل كانت بدايته خطوة صغيرة.

أنتم الآن في مرحلة فارقة، وكلّ لحظة بتقضوها في السعي والعِلم هي استثمار حقيقي في مستقبلكم. يمكن اليوم يكون شاقّ، والامتحانات تقيلة، والظروف ما بتساعد، لكن تذكّروا: التعب عمره ما يضيع، والإصرار دائمًا يصنع الفرق.

خطوة بخطوة، حتوصلوا لأهدافكم مهما كانت كبيرة.

ما تستسلموا مهما واجهتكم التحديات، لأنّ أقوى الناس هم البواجهوا الحياة بابتسامة وثبات.

آمِنوا بأنفسكم، لأنكم الوحيدين القادرين تفهموا أحلامكم وتسعوا لتحقيقها. نجاحكم مش بس هدية ليكم، لكنه مصدر فخر لكل الناس البتحبوهم.


كل صفحة بتقروها، كل محاضرة بتحضروها، كل دقيقة بتسهروا فيها عشان تمشوا لقدّام، دي لحظات حتفتخروا بيها يومًا ما.

آمن إنك تقدر تغيّر الواقع وتصنع مستقبل جديد. إنك تكون شعلة الأمل ونقطة التحوّل.

> "السماء ما النهاية، لأنها البداية!"
فكّر في نفسك كنجمة مضيئة، نورها مستمر مهما واجهت من صعوبات.



خلّوا طموحكم عالي زي السحاب، ومهما كان الحلم صعب، استمرّوا، لأنه حلمكم وإنتم الوحيدين القادرين تحققوه.

نحن نراهن عليكم ونثق فيكم. أنتم نجوم المستقبل الساطعة. استمروا في السعي، الطريق ممكن يطول، لكن الوصول أكيد. 🌟

#تجمّع_طُلّاب_صُنّاع_المستقبل
#FMSG

⭕️" آخر شهر للامتحانات ".

ده شهر الجدّ، شهر الحسم، والشّهر البتجمعوا فيه آخر طاقة وآخر أمل عشان تحققوا أحلامكم.

الأيّام دي ما عادية، لأنّها اللحظة الفاصلة بين السّنين الطّويلة دي ومستقبلكم الجاي.

عشان كده، خلونا نساعدكم تختموا المشوار ده بقوّة مع لقاء يجمعكم بـ ناس عاشوا نفس التَّجربة، و اتجاوزوا التَّحدي بنجاح و تفوّق كمان.!

معاااااانا و معااااكمممممم 🤩🔥:

⭐️ أسامة أحمد المصباح علي |97.1
الأوّل مشترك ، شهادة سودانية 2021
جامعة الخرطوم كليّة الهندسة.

⭐️ روان عمر علي محمد |96.6
شهادة سودانيّة 2020
طالبة هندسة كهرباء وإلكترونيات جامعة الخرطوم.


⭐️ عزة عبد الباقي نور الدائم محمد | 97.4
السّادس مشترك ، شهادة سودانيّة ٢٠٢٢
الاول مشترك على مستوى ولاية الجزيرة
جامعة الجزيرة كليّة الطِّبّ.

📍الزّمـان:
الاوّل من ديسمبر، الثامـنـ8ـة مساءًا.

📍المكــان:
على قناتنا هنااااا


مستنينكم ، ما تنسوا 😉🧡🔥

فـ أنتم أبطال هذه الحكاية .💪🔥

#تجمع_طلاب_صناع_المستقبل
#FMSG.

How to start Preparation for step 1 exam for preclinical or clinical student, recent or old graduate.

🔗 https://youtu.be/Z18WeQnr2R8



For more content:

YouTube channel

Telegram channel

Telegram Group

Whatsapp

Facebook

X

USMLE.. DR.HOZAIFA

Live stream finished (1 hour)

Live stream scheduled for Nov 22 at 20:00

صندوق الأسئلة 🔥

Live stream scheduled for Nov 22 at 19:09

https://t.me/sdfmsg?livestream=fdf2aadf13f603d86f

Here We go 🔥🙌🙌🙌

Live stream started

ضيفنااا بكرة 🔥🔥🔥🔥❤️

لو انت طالب أو خريج طِب، عندك أحلام كبيرة وما عارف تبدأ من وين؟

الفرصة دي معمولة عشانك!🤩🔥

في اللقاء ده، حنتكلم عن امتحان USMLE، بوابتك للزمالة الأمريكية، ونكشف أسرار النجاح خطوة بخطوة.🤩🔥

📌 شنو حتلقى في اللقاء؟

في اللقاء حنتكلم عن:
🔹 شنو هو امتحان الـ USMLE؟
🔹 كيف تستعد ليهو بطريقة صحيحة؟
🔹 الفرص الكبيرة اللي بيفتحها ليك بعد النجاح.
🔹 أهمية البحث العلمي وكيف ممكن يكون نقطة قوة ليك في مسيرتك.

وحيكون اللقاء مع:

📍حُذيفة مُحي الدّين المُبارك الفكي

📍جامعة ام درمان الاسلامية.

📍المستوى السنة الثالثة "الفصل السادس"

- United States medical licensing exam (USMLE) STEP 1 Holder

- Member of One of a Kind Students 32

- Volunteered multiple times with a patient support organization (PSO).

- Participated in several scientific research projects.

- YouTube Channel Creator, Produces educational content on medical knowledge, exam preparation, and insights for aspiring healthcare professionals.

و من تقديم:
مازن الحسن 🤩🔥🔥🔥


الزمان:
الجمعة 22 نوفمبررر.
المكان:
على قناتنا في التلجرام.

🧑🏽‍🦱(مصطفى): هسي أنا أقرأ كيف في الحر دا الكهرباء قطعت ! ولا كمان تقوم هسي الشبكة تقطع !
🧞‍♂: ياخ دا شنو الزول الماعنده مرونة دا !
🧑🏽‍🦱: دا شنو الصوت دا انا قاعد براي في الغرفة !
🧞‍♂: اي دا انا الجني الفي الزاوية انت ما عندك مهارة مرونة و تأقلم كيف عايش في السودان !!
🧑🏽‍🦱: بسم الله بسم الله بسم الله آآآآآآآآآآآآآآآ🏃🏾.
____

ايوه انت دا 🤣 ! خايف يطلع ليك جني زي ما طلع لمصطفى 😩 ! طيب ليه ماتخلي عندك مهارة مرونة وتأقلم ؟ ايوه حبه حبه وعادة مع عادة حتبني المهارة وحتكون كويس فيها✨.

مهارة التأقلم والمرونة واحدة من المهارات الناعمة البتخليك تواكب أي ظروف صعبة أو تغيير حصل ليك كأنك كنت فيه ، المهارة دي مهمة جدا لأنها بتزيد من جودة حيادتنا ومهمة لينا كسودانين عشان احنا عايشين في ظروف صعبة🌪️.

تعال اقول ليك تركاية بتخليك يكون عندك مرونة مهما كانت الظروف وهي إنك تخلى عندك هدف لأي حاجة ويكون هدف وقتي ماهدف انت حتاخده بعد فترة مثلاً؟ دخلت كورس حاسوب💻 فخلي هدفك انك تتعلم من الكورس وماتخلي هدفك أن الكورس يساعدك في الشغل مثلاً ، لو حصلت اي ظروف ليك انت حتواصل لانه هدفك تتعلم 🏆 .

برضو من الحاجات المهمة انه تخلى عندك معنى وراء اي شي بتعملها انا عايز اتعلم كذا عشان اساعد الناس وهكذا !

التركاية التانية في اوقات الظروف الصعبة اتبع خطوتين :

• اخد وقفة مع نفسك وفكر في الظرف الصعبة البتمر بيها زي قطعة الكهرباء او عدم استقرار النت 💡.

• شوف الفرص الممكن تعملها لو غيرت طريقتك مثلاً معدلك حيزيد لمن تتحدي السخانة وما تشتغل بيها وتقعد تقرأ، أو تكون مجهز نفسك لقطعة الشبكة ومحمل كل ال pdf او الترجمة اللي بتحتاجهم في القراية 🎯.

بالطريقة دي مرة بعد مرة بتلقى روحك ماشي مع الظروف كأنك جبل مايهزك ريح ⛰️🌬️.

اخد النصيحة مني ابدء اتعلم المهارة دي وطبقها عشان ما يطلع ليك جني مصطفى 🤣🏃🏾🏃🏾🏃🏾.


#تجمع_طلاب_صناع_المستقبل
#FMSG

الليلة الجمعة!!!

حصل شنو على القراية الاجلتها كلها ليوم الجمعة؟ قريت و لا لسه مسوف و متكاسل🙂

اتذكر انه نجاحك مربوط بيك، ايوا ح تتعب و تواجه صعوبات و تتوتر اي حاجة في البداية بتكون فيها صعوبة بس اسعى عشان توصل و تحقق حلمك، و اتذكر الآية "وَأَنْ لَيْسَ لِلإِنسَانِ إِلَّا مَا سَعَى * وَأَنَّ سَعْيَهُ سَوْفَ يُرَى * ثُمَّ يُجْزَاهُ الْجَزَاءَ الأَوْفَى"🤍


انت لسه قاعد؟ عد من واحد ل خمسة و قوم اقرا طوالي😉

#FMSG
#تجمع_طلاب_صناع_المستقبل

توضيح❗❗❗
ي شباب المنحة دي للناس المقيمة في ألمانية و بتعرف و متقنة للألمانية.

منحة مؤسسة فريدريش إيبرت الدراسية 2025 الممولة بالكامل للطلاب الدوليين

◀️اسم المنحة : مؤسسة فريدريش إيبرت

◀️الدولة المانحة: ألمانيا

◀️الدرجة العلمية: بكالوريوس، ماجستير، دكتوراه


◀️التخصصات:-

* الطب البشري
* طب الاسنان
* الطب البيطري
* الصيدلة
* التمريض
* الصحة العامه العلوم الطبية
* هندسة
* قانون
* اقتصاد
* الجغرافيا
* الكيمياء
* إدارة الاعمال
* علم الاجتماع
* التاريخ

◀️المستندات المطلوبة:-
- جواز سفر
- ⁠شهادة أخر مؤهل حصلت علية
- بيان شخصي حوالي 500 كلمة يوضح سبب تقديمك للمنحة
- خطاب تحفيز يوضح الهدف من الدراسة

◀️أخر موعد للتقديم: 30 نوفمبر 2024

#سلسله _المنح الدراسيه _4
#تجمع_طلاب_صناع_المستقبل
#FMSG

– منحة الحكومة الروسية المجانية للدراسة في روسيا 2025! شروطها سهلة ومزاياها كتيرة جداً

*مميزات المنحة والتمويل:*

أول حاجة، المنحة دي بتغطي ليك كل الرسوم الدراسية، يعني ما بتدفع ولا مليم! كمان بتوفر ليك سكن مجاني، وحتكون عندك سنة تحضيرية مجانية تتعلم فيها اللغة الروسية قبل ما تبدأ دراستك الجامعية. فوق دا كلو، في راتب شهري بيدوك ليهو علشان مصاريفك الشخصية. الميزة الكبيرة إنو ما في شرط معين لدرجاتك، وما محتاج لا شهادة توفل ولا آيلتس، يعني اللغة الإنجليزية أو الروسية ما شرط أساسي!

*معلومات عن منحة الحكومة الروسية:*

منحة الحكومة الروسية واحدة من أكبر المنح الدراسية في العالم. بتستقبل سنوياً 15,000 طالب من مختلف الدول، يعني فرصة عظيمة لو عاوز تمشي تدرس في واحدة من أقوى الجامعات العالمية. المنحة متاحة لكل الطلاب السودانيين والعرب، وفيها كل التخصصات اللي ممكن تتخيلها، من الطب، الهندسة، الأعمال، وحتى الفنون والتصميم.

*تفاصيل المنحة:*

- *الدولة:* روسيا
- *اسم المنحة:* منحة الحكومة الروسية
- *الدرجات العلمية:* بكالوريوس، ماجستير، دكتوراة
- *معدل القبول:* ما في معدل محدد مطلوب، يعني أي زول يقدر يقدم!
- *شهادة اللغة:* ما شرط، لا إنجليزية ولا روسية
- *آخر موعد للتقديم:* 15 يناير 2025

*الطلاب القادرين يقدمو للمنحة منو؟*

1. *طلاب الصف الثالث الثانوي (البكالوريا):* لو إنت في آخر سنة في الثانوية، تقدر تقدم للبكالوريوس.
2. *طلاب البكالوريوس:* لو إنت في الجامعة حالياً أو خلصت البكالوريوس، تقدر تقدم للماجستير.
3. *طلاب الماجستير:* نفس الكلام، لو إنت في آخر سنة ماجستير أو خلصت الماجستير، تقدر تقدم للدكتوراة.

*طيب الكليات المتاحة شنو يادكتور؟*

كل الكليات بدون استثناء متاحة! يعني أي مجال تفكر فيه، سواء كان:

- *الطب*
- *الهندسة بجميع تخصصاتها*
- *الصيدلة، العلاج الطبيعي*
- *إدارة الأعمال والاقتصاد*
- *العلوم الزراعية*
- *الآداب واللغات*
- *القانون*
وغيرها كتير!

*طيب المطلوب مني شنو؟*

1. صورة شخصية بخلفية بيضاء.
2. نسخة من جواز السفر ساري المفعول.
3. صورة من شهادة تخرج وبيان درجات آخر مؤهل حصلت عليه.
4. لو كنت في آخر سنة من الثانوية، لازم تقدم إثبات قيد.

#سلسله_المنح الدراسيه_3
#تجمع_طلاب_صناع_المستقبل
#FMSG

منح دراسية لعام 2024: فرص وتفاصيل التقديم

1. منحة تشيفنينج (المملكة المتحدة):

تمويل كامل للطلاب المتميزين.

التقديم: أغسطس - نوفمبر.



2. منحة إيراسموس موندوس (الاتحاد الأوروبي):

للدراسة في جامعات أوروبية.

التقديم: أكتوبر - يناير.



3. منحة فولبرايت (الولايات المتحدة):

فرصة للدراسة بأمريكا بتمويل كامل.

التقديم: فبراير - مايو.



4. منحة DAAD (ألمانيا):

منح للدراسة بالجامعات الألمانية.

التقديم: سبتمبر - ديسمبر.



5. منحة الحكومة التركية:

الدراسة بجامعات تركيا بتمويل كامل.

التقديم: يناير - فبراير.



6. منحة آيبيك (IAP) - اليابان:

تغطي تكاليف الدراسة والمعيشة.

التقديم: يناير - مارس.



7. منحة الحكومة الكندية:

فرصة للدراسة في كندا مع تمويل كامل.

التقديم: مارس - مايو.



8. منحة الحكومة النيوزيلندية:

تغطي تكاليف الدراسة والمعيشة.

التقديم: فبراير - يونيو.



9. منحة مبادرة التعليم العالمي (Global Education Initiative):

فرص دراسية في عدة دول.

التقديم: يونيو - سبتمبر.



10. منحة جامعة هونغ كونغ:

تغطي تكاليف الدراسة والبحث.

التقديم: سبتمبر - نوفمبر.


#سلسله_المنح الدراسيه_2
#تجمع_طلاب_صناع_المستقبل
#FMSG

حياكم الله يا رُفقاءً تجمع طلاب المستقبل💙.
عندكم حلم تسافروا وتتعلموا بره؟
لو قاعدين تحلموا بفرصة تقروا في جامعات عالمية، تعيشوا تجارب جديدة، وتتعلموا من ثقافات مختلفة، المنح الدراسية هي المفتاح السحري! تخيل معاي، تدرس مجاناً، وتعيش بره من غير ما تشيل هم المصاريف! في البوست ده، جمعت ليكم كل المعلومات عن أهم المنح العالمية، شنو المطلوب، ومتين تقدموا عشان تضمنوا فرصتكم وتبدأوا رحلتكم الأكاديمية. خليكم جاهزين عشان تحققوا أحلامكم وتخطوا خطوات كبيرة في مستقبلكم!


في الدليل الشامل دا حتتعرف على أهم المنح الدولية وكيفية التقديم عليها بالتفصيل، عشان تبدأ رحلتك نحو مستقبل مليء بالفرص والإنجاز

1. منحة تشيفنينج - Chevening Scholarship (المملكة المتحدة)

التفاصيل: تشيفنينج هي منحة دراسية بتمويل من الحكومة البريطانية للطلاب المتميزين من جميع أنحاء العالم. تغطي المنحة مصاريف الدراسة بالكامل مع توفير بدلات للمعيشة والسفر.

المطلوب للتقديم:

شهادة بكالوريوس.

خبرة عملية لا تقل عن سنتين.

إجادة اللغة الإنجليزية (بشهادة مثل IELTS).

خطاب توصية أكاديمي أو مهني.


موعد التقديم: التقديم مفتوح في أغسطس ويستمر حتى نوفمبر.

الرابط: Chevening Scholarship


2. منحة إيراسموس موندوس - Erasmus Mundus (الاتحاد الأوروبي)

التفاصيل: تهدف منحة إيراسموس موندوس إلى تعزيز التعليم العالي في أوروبا من خلال توفير تمويل كامل للطلاب للدراسة في جامعات أوروبية مختلفة.

المطلوب للتقديم:

شهادة بكالوريوس في مجال الدراسة المطلوب.

إتقان اللغة الإنجليزية أو لغة البلد المستضيف.

خطاب تحفيزي.

خطاب توصية.


موعد التقديم: يختلف حسب البرنامج، ولكن عادةً يبدأ التقديم في أكتوبر وينتهي في يناير.

الرابط: Erasmus Mundus


3. منحة فولبرايت - Fulbright Scholarship (الولايات المتحدة)

التفاصيل: منحة فولبرايت تُعد واحدة من أشهر المنح الدراسية التي توفر الفرصة للدراسة في الولايات المتحدة وتغطي تكاليف الدراسة والمعيشة بالكامل.

المطلوب للتقديم:

شهادة بكالوريوس.

خبرة عملية في مجال الدراسة.

إثبات إجادة اللغة الإنجليزية (TOEFL).

مقترح بحثي للطلاب الراغبين في الدراسات العليا.


موعد التقديم: التقديم يبدأ في فبراير وينتهي في مايو.

الرابط: Fulbright Scholarship


4. منحة DAAD - الهيئة الألمانية للتبادل الثقافي (ألمانيا)

التفاصيل: تقدم DAAD العديد من المنح الدراسية للطلاب الدوليين للدراسة في الجامعات الألمانية. تشمل التمويل الكامل بالإضافة إلى بدلات للمعيشة والسفر.

المطلوب للتقديم:

شهادة بكالوريوس.

معرفة جيدة باللغة الإنجليزية أو الألمانية حسب البرنامج.

خطاب تحفيزي.

خطط مستقبلية توضح كيف ستساهم دراستك في تطوير بلدك.


موعد التقديم: يبدأ التقديم عادة في سبتمبر وينتهي في ديسمبر.

الرابط: DAAD Scholarships


5. منحة الحكومة التركية - Türkiye Bursları (تركيا)

التفاصيل: منحة الحكومة التركية تغطي الدراسة في جامعات تركيا بتمويل كامل يشمل الرسوم الدراسية، السكن، والتأمين الصحي.

المطلوب للتقديم:

شهادة بكالوريوس أو ما يعادلها.

خطاب تحفيزي وخطة دراسية واضحة.

كشف درجات أكاديمي.

معرفة جيدة باللغة الإنجليزية أو التركية.


موعد التقديم: يبدأ التقديم في يناير وينتهي في فبراير.

الرابط: Türkiye Bursları


6. منحة آيبيك - IAP (اليابان)

التفاصيل: منحة تغطي تكاليف الدراسة والمعيشة في الجامعات اليابانية.

المطلوب للتقديم:

شهادة بكالوريوس.

معرفة جيدة باللغة الإنجليزية أو اليابانية.

خطاب تحفيزي.


موعد التقديم: يبدأ التقديم في يناير وينتهي في مارس.

الرابط: IAP Japan


7. منحة الحكومة الكندية

التفاصيل: توفر فرصة للدراسة في كندا بتمويل كامل.

المطلوب للتقديم:

شهادة بكالوريوس.

معرفة جيدة باللغة الإنجليزية أو الفرنسية.

خطاب تحفيزي.


موعد التقديم: مارس - مايو.

الرابط: Canadian Government Scholarships


8. منحة الحكومة النيوزيلندية

التفاصيل: توفر منح تغطي تكاليف الدراسة والمعيشة في نيوزيلندا.

المطلوب للتقديم:

شهادة بكالوريوس.

معرفة جيدة باللغة الإنجليزية.

خطاب تحفيزي.


موعد التقديم: فبراير - يونيو.

الرابط: New Zealand Scholarships


9. منحة مبادرة التعليم العالمي - Global Education Initiative

التفاصيل: توفر فرص دراسية في عدة دول.

المطلوب للتقديم:

شهادة بكالوريوس أو ما يعادلها.

معرفة جيدة باللغة الإنجليزية.


موعد التقديم: يونيو - سبتمبر.

الرابط: Global Education Initiative


10. منحة جامعة هونغ كونغ

التفاصيل: تغطي تكاليف الدراسة والبحث في جامعة هونغ كونغ.

المطلوب للتقديم:

شهادة بكالوريوس أو ما يعادلها.

معرفة جيدة باللغة الإنجليزية.

خطاب تحفيزي.


موعد التقديم: سبتمبر - نوفمبر.

الرابط: Hong Kong University Scholarships


نقاط مهمة:

تأكد من مراجعة المتطلبات الدقيقة لكل منحة لأن بعض البرامج قد تكون لديها شروط إضافية.

تابع المواقع الرسمية للمنح بانتظام للحصول على التحديثات.

لا تتردد في التواصل مع مكاتب المنح في الجامعات إذا كنت بحاجة لمساعدة.


ختاماً، ما تفوتوا الفرصة دي! المنح الدراسية هي البوابة لعالم جديد، ويومك اللي تبدأ فيه خطوة بسيطة ممكن يفتح ليك أبواب ما كنت تتخيلها. عشان كدا، جهزوا أوراقكم وابتدوا رحلتكم الأكاديمية. خليكم دايماً طموحين، وافتكروا: الأمل موجود، والفرص قدامكم. إن شاء الله، الكل يحقق أحلامه ويعود بالفائدة لبلدنا الغالي!
#سلسله_المنح الدراسيه_1
#تجمع_طلاب_صناع_المستقبل
#FMSG

افحصي، اكتشفي، أنقذي حياتك 💗

سرطان الثدي مش بس مرض، هو رسالة لجسمك تستدعي الانتباه والاهتمام. الكشف المبكر هو خط دفاعك الأول والأهم. إليكِ أهم ما يجب أن تعرفيه:
سرطان الثدي💗:

مقدمة:-
سرطان الثدي هو واحد من أكثر أنواع السرطانات شيوعًا بين النساء، ولكنه يمكن أن يصيب الرجال أيضًا. يتطور هذا النوع من السرطان عندما تبدأ خلايا الثدي بالنمو بشكل غير طبيعي، مما يؤدي إلى تكون أورام.
"-لأنكِ مننا وعيكِ يهمنا💗"
أنواع سرطان الثدي:

1. سرطان الثدي القنوي (Ductal Carcinoma): يبدأ في القنوات التي تحمل الحليب. يشمل النوع غير الغازي (سرطان القنوات داخل الثدي) والغازي (الذي ينتشر إلى الأنسجة المحيطة).


2. سرطان الثدي اللوبولي (Lobular Carcinoma): يبدأ في الغدد المسؤولة عن إنتاج الحليب. أيضًا يوجد نوع غير غازي وغازي.


3. سرطان الثدي الالتهابي: نوع نادر وأكثر عدوانية، يتسبب في احمرار وتورم الثدي.


4. أنواع أخرى: مثل سرطان الثدي المتعدد (الذي يظهر في عدة مناطق) وأنواع أخرى نادرة.



أسباب وعوامل خطر:

العوامل الوراثية: التاريخ العائلي والطفرات الجينية مثل BRCA1 وBRCA2.

العمر: زيادة الخطر مع تقدم العمر.

الهرمونات: التعرض لارتفاع مستويات الاستروجين، سواء من العوامل الطبيعية أو العلاج الهرموني.

نمط الحياة: السمنة، قلة النشاط البدني، وتناول الكحول.


أعراض سرطان الثدي:

كتل أو انتفاخات في الثدي أو تحت الإبط.

تغيرات في شكل الثدي أو حجمه.

إفرازات غير طبيعية من الحلمة.

احمرار أو تورم أو قشور على جلد الثدي.


طرق الوقاية:

الكشف المبكر: الفحص الدوري بالماموجرافي بدءًا من سن الأربعين أو وفقًا للتوصيات الطبية.

نمط حياة صحي: الحفاظ على وزن مناسب، ممارسة الرياضة، وتناول نظام غذائي متوازن.

تجنب العوامل الضارة: تقليل استهلاك الكحول والإقلاع عن التدخين.


الكشف المبكر:

1. الماموجرافي: الأشعة السينية للكشف عن التغيرات المبكرة.


2. الأشعة فوق الصوتية: لتحديد طبيعة الكتل.


3. الرنين المغناطيسي: للكشف عن الأورام في حالات معينة.



الكشف الذاتي: من المهم أن تقوم النساء بفحص ثديهن بانتظام. تشمل الخطوات:

مراقبة التغيرات في الشكل أو الحجم.

الضغط برفق للتحسس عن أي كتل.

إجراء الفحص بعد الدورة الشهرية.
طريقة الكشف الذاتي لسرطان الثدي

الكشف الذاتي هو أداة مهمة للتعرف المبكر على أي تغييرات في الثدي. إليك خطوات إجراء الفحص:

1. اختيار الوقت المناسب: يفضل القيام بالفحص بعد انتهاء الدورة الشهرية، عندما تكون الثديين في أقل حالة من الانتفاخ.


2. التحقق من الشكل الخارجي:

قفي أمام مرآة مع عدم ارتداء أي ملابس علوية.

راقبي الثديين بحثًا عن أي تغييرات في الشكل أو الحجم.

انتبهي لأي تغيرات في جلد الثدي (احمرار، تورم، أو قشور).



3. تحسس الثديين:

باستخدام الأصابع (يمكن استخدام ثلاث أصابع معًا)، قومي بتحسس الثدي من جميع الاتجاهات: أعلى، أسفل، وجوانب الثدي.

تأكدي من الضغط بلطف لتشعري بأي كتل أو تغيرات في النسيج.



4. التحسس تحت الإبط:

لا تنسي فحص المنطقة تحت الإبط، حيث يمكن أن تظهر كتل في تلك المنطقة أيضًا.



5. تسجيل الملاحظات:

إذا لاحظت أي تغيرات أو كتل غير طبيعية، قومي بتدوينها وراجعي طبيبك.




نصائح إضافية:

قومي بهذا الفحص مرة كل شهر لتعزيز الوعي بحالة ثدييك.

إذا كان لديك تاريخ عائلي من سرطان الثدي، قد تحتاجين إلى مراجعة طبيبك بشكل دوري للكشف المبكر.


الكشف الذاتي هو خطوة هامة، لكنه لا يغني عن الفحوصات الطبية المنتظمة.




العلاج: يتضمن العلاج عادة:

الجراحة: إزالة الورم أو الثدي بالكامل.

العلاج الكيميائي: استخدام الأدوية لتدمير الخلايا السرطانية.

العلاج الإشعاعي: استخدام الأشعة لاستهداف الخلايا السرطانية.

العلاج الهرموني: لعلاج الأنواع الحساسة للهرمونات.


خاتمة:
سرطان الثدي موضوع معقد يتطلب الوعي والتثقيف. الكشف المبكر والرعاية الذاتية هما مفتاح النجاح في العلاج والشفاء. من المهم استشارة الطبيب واتباع التوصيات الطبية للحفاظ على الصحة العامة.
#اكتوبر_الوردي
#توعيه _ بسرطان الثدي
#تجمع_طلاب_صناع_المستقبل
#FMSG

الشغف ما هو إلا مجرد كذبة!

كم مرة سمعنا الناس بيقولوا لينا: "دوروا على شغفكم" أو "امشوا ورا شغفكم"؟ بالنسبة لينا كطلاب، النصيحة دي ممكن تكون جذابة وتخلينا ننتظر شعور معين عشان نبدأ نتحرك. لكن الحقيقة؟ الشغف ده ممكن يكون مجرد وهم بيخلينا واقفين منتظرين وما بنتحرك لقدام.

الشغف، زي ما الناس بتصوره، بيخلي الواحد يحس إنه النجاح مربوط بشي واحد لازم نحبه حب شديد ونكرس ليه حياتنا كلها. لكن يا جماعة، الشغف ما شرط يكون موجود من البداية! هو شي ممكن نصنعه مع الزمن، بعد ما نبدأ نشتغل ونتعب على حاجاتنا.

طيب، نعمل شنو؟

بدل ما نقعد منتظرين الشغف يجي لينا، خلونا نبدأ بـالالتزام، ما الشغف! الالتزام معناه نواصل حتى لو ما في مزاج أو إحساس بالرغبة. زي أي عادة أو مهارة، الشغف بيجي مع التكرار ومع الوقت.

ابدأوا بخطوات صغيرة: ما ضروري نحقق قفزات كبيرة من الأول. مرات الشغف بيجي مع التفاصيل الصغيرة ومع الإحساس البسيط بالإنجاز.

واجهوا التحديات: لو شعرنا بالملل أو الإحباط، ده ما معناه إنه لازم نقيف. بالعكس، دي إشارة إنه نحن في الطريق الصح! التحديات بتقوينا، وكل مرة بنتجاوز تحدي بنحس بقوة أكتر.

كونوا صبورين: الشغف ما بيجي في يوم وليلة. لازم نكون مرنين ونتقبل إنه في أيام بتكون أقل إلهام. الأهم إننا نواصل، حتى لو الخطوات كانت بطيئة.


الإصرار أهم من الشغف

الشغف ما حاجة بننتظرها تجي، بل هو نتيجة للشغل والاجتهاد المستمر. فما نضيع وقتنا في البحث عن "الشغف المثالي". الأهم نبدأ نشتغل على تطوير نفسنا، ومع مرور الزمن حنحس بالشغف كناتج طبيعي للإنجازات اللي بنحققها.


في النهاية، حياتنا الدراسيه ما مربوطة بشي اسمه شغف، بل مربوطة بالمثابرة والعمل المستمر. النجاح بيجي مع الإصرار، والشغف الحقيقي هو الشي اللي بنصنعه بأنفسنا، ما الشي اللي بننتظره.

"النجاح ما في انتظار الشغف، النجاح في صناعته بالعمل والاجتهاد."

#تجمع_طلاب_صناع_المستقبل
#FMSG

Live stream finished (1 hour)

Live stream scheduled for Oct 12 at 20:00

صندوق جديد للأسئلة الموجهة للأستاذ حمدنا الله عبد الله ✨

Live stream started

تذكير 📌📌📌


اللقاء بإذن الله اليوم الساعة العاشرة مساء بتوقيت السودان.

نجهز أسئلتنا وما ننسى زملاننا!