SaraFarid_حياة طيبة

@sarafarid_psychologist

قناة ساره فريد معالج نفسي واستشاري أسري متخصصة في التعافي من الأزمات الحياتية والفقد والانفصال.
رسالتي نشر الوعي لبناء المناعة النفسية للمساعدة في التعامل وتجاوز الأزمات الحياتية والفقد ولعيش حياة طيبة ذات معني تستحق أن تعاش برغم مافيها من أزمات أو ألم.

SaraFarid_حياة طيبة (Arabic)

قناة ساره فريد معالج نفسي واستشاري أسري متخصصة في التعافي من الأزمات الحياتية والفقد والانفصال. إذا كنت تبحث عن الدعم النفسي والمساعدة في التغلب على الصعوبات والألم في حياتك، فإن هذه القناة هي المكان المناسب لك. رسالة ساره فريد هي نشر الوعي وبناء المناعة النفسية لمساعدتك في التعامل مع الصعوبات والتحديات التي قد تواجهها في حياتك اليومية. ستجد في هذه القناة مقالات ونصائح قيمة من متخصصة في التعافي النفسي والتطوير الشخصي. انضم إلينا الآن لتكون جزءًا من هذه المجتمع الداعم والملهم، واستعد لتجاوز الأزمات والألم والعيش حياة طيبة تستحق كل تفاصيلها الجميلة برغم كل شيء.

SaraFarid_حياة طيبة

04 Feb, 18:43

الأزمات اللي بنمر بيها…بتظهر المشاكل النفسية ومساحات الضعف اللي عندنا..
الأزمه في حد ذاتها مش هي المشكله…هي بتظهر المشكله
فعشان كده هي بتكون نقاط تحول في حياة الناس…لأن منها بيدوروا ويكتشفوا ويعالجوا ويسعوا..
وفي ناس هتصب كل غضبها علي المشكله ظنا إنها هي السبب…
فالفقد والمرض والموت والتخلي والخذلان والخيانه …وأيا كان المسمي للي حصل..
لما بتكون مستقر ومتوازن وسوي (في الجانب النفسي والعقلي والروحاني والجسدي)بدرجه ما(لاننا كلنا بنختلف محدش فينا متزن في كل الجوانب)…
هنتألم طبعا لأن دي مساحه طبيعيه بنمر بيها…وهناخد وقتنا ونحتوي التجربه والازمه دي ونكبر بيها…

ولما نكون عندنا مساحه ضعف هتظهر بشكل أقوي مع الأزمه…هيحصل الزلزله والصدمات

ففي جانب إيجابي …إنها جايه تشاور علي مساحه الإصلاح والنمو واللي محتاجه علاج…
وكمان هي بتساعدك تكمل وتجهز نفسك للي بعده…لأن الحياة مليانه تحديات مش هتقف علي الموقف او المشكله دي بس..

فرفقا بنفسك …

165

SaraFarid_حياة طيبة

03 Jan, 18:31

طبيعه الحياة حاليا وإنفتاح السوشيال ميديا علي خصوصيات وحياه الناس…بتزق بشكل لا إرادي في إتجاه المقارنات..
مع الأخد في الإعتبار إن ده نمط تربوي خاطىء وإجتماعي ..كلنا تقريبا تعرضنا له بشكل ما…
مقارنه الشكل،الشعر،لون البشرة، الوزن، الاداء الدراسي والرياضي،الإنجازات ،الزواج،الأطفال……سلسله لا تنتهي.

فعشان نوقف المقارنات ونحمي قلبنا وصحتنا النفسية…بيحتاج مجهود واعي مضاعف تقريبا…

محتاج تأكيد علي رحلتك الفرديه في الحياة..المتفرده جدا في طبيعتك وشخصيتك ومنظومه قيمك…
ما تعرضت له من تجارب وأحداث فرقوا في طبيعتك الداخليه وإستقباله وديناميكه حركتك وسعيك…

ما هو مناسب لك ويساعدك في رحلتك"وده خاضع بشكل كامل لحكمه الله ورزقه لك"..إحنا نفسنا منعرفش..ولا الأكثر منك علما ودرايه وحكمه يعلم..لأن ده له أبعاد كتيره جزء كبير منها غيبي..

إيمانك إن دايما الصوره ناقصه…مهما كنت واعي ومتأمل وحاولت تطلع بأبعاد و و و…هتظل أجزاء كتيره من الصوره والحكايه اللي بتحصل ناقصه لينا …

إيمانك إن كل واحد فينا بيخوض إختباره الخاص في الحياة..بمعطيات مختلفه وأسئله مختلفه ومدد ومساعده كذلك مختلفه…

إيمانك إن دي الدنيا…كل شىء قابل للتغيير..كل شىء له تمن مقابله…كل عطاء أو منع هو إختبار..مفيش ثبات ولا ديمومه لأي شىء..

إحنا مش في مقارنه مع أي حد..حتي مع نفسنا في أزمنه أو فترات مختلفه…

كل فتره وزمن لها معطياتها ورزقها ومعاييرها…

هنا ودلوقتي …بنتعامل مع المتاح ونستغله ونستفيد بيه بأقصي طاقتنا..
بنطلب من ربنا المدد والبصيره والبركه والهدايه…
بنكرم نفسنا بحُسن صحبتها وتقدير وجودنا وما وهبنا الله من عطاءات ونصبر عليها ونراعيها بهداوه ورحمه …
بنركز في إختبارانا…
ونكون رحمين بينا و رفقاءنا في رحلة الحياة…
نتزود للرحلة..ونصبر..
وندعي لينا جميعا نوصل بالسلامة..
الحمد لله..

437

SaraFarid_حياة طيبة

01 Jan, 10:36

باقي من الزمن ٧ ساعات ونتقابل في ورشة إغتنام البدايات..
إونلاين علي زووم..
للإشتراك واتس آب

01503399068

SaraFarid_حياة طيبة

31 Dec, 20:59

أول ليله في رجب..ربنا يبلغنا رمضان
فرصه التجهيز وتزكيه القلب إستعدادا لرمضان..
فرصه تدريب النفس علي القيام والصيام…
فرصه الدعاء والطلب واللجوء لله ومناجاه القريب اللطيف…
إستشعار رحمه الله وعطاءاته وتجدد الفرص..
عطاء لنفسنا ورحمه بينا واللي حوالينا نكرم نفسنا بالإحسان إليها..
اللهم جدد إيماننا وقلوبنا وأرزقنا القرب منك..
وأقبلنا
الحمد لله

444

SaraFarid_حياة طيبة

30 Dec, 15:52

يوم الأربعاء ١/١ مش هنتكلم عن التخطيط…
مش هنتكلم عن الأهداف…
هنتكلم عن البدايات..
عن قدرتنا علي التعامل معاها وإغتنامها…
اللي هيساعدنا نتجاوز أسرع…
اللي هيساعدنا نغير رؤيا وزاوية هتساعدنا نتحرك لسعه وبراح أكتر…

مين هيكون معانا؟

470

SaraFarid_حياة طيبة

30 Dec, 08:23

توضيحا لأخر جزئية من المنشور السابق..

عاده بتروحي تشتكي لزوجك ويكون من جواكي إحتياج إنه يجبر خاطرك…
سواء بحل المشكله..أو كلمتين حلوين..أو توضيح للأمر اللي عليه المشكله بشكل يهدي قلبك ويراضيكي..أو إنه يغير سلوك معين وطريقه عنده…أو ياخد موقف معين

بس من جواكي قوي..الأكثر أهميه يراضيكي ويطبطب عليكي ويتفهم ألمك ويجبر وجعك..

كل دي إحتياجات حقيقه مشروعه جدا…
ولكن..
إن كل تقل الإحتياجات دي ..بمشاعرها التقيله المؤلمه(اللي عاده بتكون قديمه ومتراكمه وليها تاريخ بينكم وأوقات بتبقي شايله مشاعر من مساحات تانيه اصلا غير الزواج)…

مش زوجك الوحيد اللي يقدر يساعدك فيها…وإنك تروحيله هو بكل الألم ده..ده اصلا جزء من المشكله..

البدايه عندك…
انتي تبقي واعيه بإحتياجاتك..
واعيه بمشاعرك وقادره تفرغيها وتتعاملي معاها …
قادره تستقبلي إحتياجاتك من مصادر متعدده(مش زوجك المصدر الوحيد)..
عندك يقين إن جبر ألمك ووجعك وخاطرك من الله أولا…ثم سبحانه وتعالي يجعل لده أسباب سواء زوجك او نفسك او أي مصادر تانيه…

وقتها هتروحي لزوجك أهدي…شبعانه بدرجه ما(من كل الاحتياجات اللي عندك) فلما هو ميبقاش مستعد يدي او في حاجه عنده..انتي اصلا مليانه بدرجه مش جعانه وواقعه ومتوتره وعلي أخرك..فعلي الاقل هتفهمي انه مش مستعد…

غير لما بتروحي وإحتياجك ناقص قوي…بتبقي زي اللي ميت من الجوع (متعصب ومتوتر ومش مستحمل حد يقوله كلمه)…
فأي حاجه تحصل أقل من توقعاتك..هتقلب بخناقه جديده…وتستمر السلسله

440

SaraFarid_حياة طيبة

28 Dec, 14:21

كلمتين للسيدات المتزوجات (إفتحي قلبك ليهم لو سمحتي)..
في الخناقات الزوجية …محتاجه تتعلمي ازاي تتخانقي من غير خساير..
طبيعي الحياة الزوجية فيها إختلاف…طباعك وخلقتك وتربيتك وطبيعتك غير زوجك…فالإختلاف طبيعي جدا ومتوقع أصلا

لكن من غير الطبيعي إننا يكون توقعاتنا علي الخناقات مش واقعيه…

اللي بيحصل إنك بتروحي محتاجه تطمني..يطبطب عليكي …يتم تفهمك…تتراضي..
بترجعي مخبوطه في الأمان…
اتقلب عليكي الترابيزه واتكسرت فوق دماغك كمان..
العلاقة مهدده…
مشاعرك المؤلمه اضربت في ١٠٠…

لإن للأسف بسبب العديد من المتغيرات…بيتم إستقباله من الراجل علي إنه..
نديه..
عِند..
عدم تقدير..
تطاول…
بتقلي منه…

فالأمر بيتحول تماما…لخناقة بين راجل وراجل..هيعلم عليكي فيها ..

وغالبا بنطلع من الإختلاف ده…الأرصده قلت كتير وبتحصل شروخ في العلاقة…

وانا مش هنا جايه اقولك تعملي إيه وإيه الحل…لأن كل علاقة مختلفه وليها ظروفها ومش كل حل ينفع لكل العلاقات…

لكن جايه أنبهك…حافظي علي مكانتك كأنثي ..خصوصا وقت الخناقة
لإن ضغطه المشاعر..وسوء الفهم..والشيطان هما الأكثر تواجدا علي الساحه..
ومساحه التعقل..والتفهم..والإستعانه بالله …غالبا بتبقي متراجعه شويه..

ساعدي نفسك تفرغي جزء من مشاعرك المؤلمه قبل ما تدخلي معاه في نقاش…
جددي نيتك وإستعيني بالله تتوصلي بقلب زوجك وعقله ويتوصل بينكم ويجنبكم الشيطان…
إختاري نيه طيبه وصادقه من الوصل والفهم والمحبه والألفه…
مش تعرفيه غلطه.. ،أو تبينيله قد إيه هو أذاكي..أو قد إيه هو ظالم ومش بيسمعك..
خدي وقتك وإتنفسي ورتبي هتكلميه في إيه وإستحضري رصيد سعيه ومجهوده وعلاقتكم وبناء البيت…

وتذكري إن أساس الجبر من الله…مش من زوجك
فمتروحيش بغضبك وألمك له عشان يجبرك…
الجبر من الله وحده…ثم يأذن الله أن يجريه كسبب علي بعض عباده..

وإفتكري كمان إن زوجك مش المصدر الوحيد لتلبيه إحتياجاتك…فبلاش تروحيله وإنتي جعانه قوي(هتروحي متعصبه وواقعه ومتوتره)فهتباني متشنجه وعصبيه وصوتك يعلي(والعقل يتلغي)…تلبيه إحتياجاتك مسؤليتك وهو من ضمن المصادر….
ومتسيبيش نفسك جعانه قوي كده…لبي إحتياجاتك بتوازن..

387

SaraFarid_حياة طيبة

26 Dec, 17:55

الموضوع مش السنه الجديدة ولا الخطط اللي نفسنا نعملها…او اللي متعملتش بقالها كذا سنه..

الموضوع له علاقه بيك وبرؤيتك ومعتقداتك…
-إزاي نودع السنة القديمة…ونستعد ونجهز للسنة الجديدة..
-العقلية اللي محتاجين نتبناها..
-التركيز وتجميع النفس..

موعدنا إن شاء الله الأربعاء ١ يناير ٢٠٢٥ الساعه ٧.٣٠ مساء للساعه ١٠.٣٠ مساء بتوقيت القاهرة..

ورشة تفاعلية أونلاين(لكل اللي مقدرش يحضر معانا لايف والحضور للسيدات والرجال).

-الورشة تفاعلية علي برنامج زووم
حضروا أقلامكم الملونة والنوته اللي هتصاحبكم في رحلة التغيير…

منتظراكم..

للحجز والتسجيل التواصل واتس آب علي رقم
0150 3399068

390

SaraFarid_حياة طيبة

23 Dec, 11:05

بشكل استثنائي هيكون في لقاء لصحبة حياة طيبة الجمعه الجايه ٢٧ ديسمبر…هدفها استعدانا وتجهيزنا للعام الجديد ..
-العقليه اللي محتاجين نتبناها.
-تقفيل ملفات قديمة.
-التركيز وتجميع النفس.

لقاءات صحبة حياة طيبة هي لقاءات هدفها مساعدة السيدات والبنات لخلق مجتمع آمن يعزز لديها أساسيات الأنوثة والوعي والونس والتراحم.

لقاءنا في مدينه نصر ومتوفر ٤ أماكن
للإشتراك التواصل مع عفاف ،واتس آب علي رقم الحجز
01503399068

550

SaraFarid_حياة طيبة

10 Dec, 11:16

ولما يظهرلك من الدنيا أو الأحداث وجه قبيح(من الظلم والقسوة والإستغلال و…)
إفتكر إن إختيار الجمال والرحمه متاح وموجود وممكن تكون إنت مصدره..
وكل فكرة وعمل وكلمة تتضمن جمال ورحمه ولطف وعداله ونور..
هي إختيار هيفرق في الكون

707

SaraFarid_حياة طيبة

06 Dec, 11:41

إفتكر كويس ..
إنك تقدر ..ومن حقك ..
تصبر علي نفسك وتلبي إحتياجاتك من مصادر صافية وسليمة
(متظنش إن هيجرالك حاجه فتروح تتشعبط في طرق ومصادر مسممه)

797

SaraFarid_حياة طيبة

21 Nov, 19:23

نلقاكم علي خير غدا في تجمع صحبة حياة طيبة💚
لسه في فرصه للي تحب تشاركنا😊

192

SaraFarid_حياة طيبة

20 Nov, 20:47

باقي من الزمن يوم ونص ويتجدد اللقاء مع صحبة حياة طيبة🤩..

إيه نيتي من لقاءات صحبة حياة طيبة؟

نيتي وهدفي هو توفير مساحة للبنات والسيدات آمنة نقدر من خلالها نتواصل ونتونس ونستكشف اللي يساعدنا نقرب ونفهم ونشتغل بشكل عملي علي مفهوم الأنوثة…

كل مره من لقاءات صحبة حياة طيبة بنشتغل علي مفهوم معين…
المره اللي فاتت اشتغلنا علي مفهوم التقدير …
والمرادي مفهوم جديد 😍

ونس..وعي..مشاركة..والمرادي كمان هنشتغل Art therapy مع مي عبد الحي متخصصه في العلاج بالفن..

يعني جرعة ألوان ووصل وإستكشاف 😍

تقدري تكوني معانا وتشتركي من خلال الفورم

https://forms.gle/XE99JE2gjBwoDZcbA

1,007

SaraFarid_حياة طيبة

19 Nov, 21:51

لينك القناه للي يحب يشاركها

https://t.me/Sarafarid_Psychologist

850

SaraFarid_حياة طيبة

19 Nov, 19:55

إيه اللي نور معاكم واستفدتوه من لقاء يعني إيه أنوثة ؟

835

SaraFarid_حياة طيبة

19 Nov, 10:18

وبالنسبه للقائنا في صحبة حياة طيبة "لقاء خاص بالبنات والسيدات للصحية والونس والوعي ومعايشة معني ومفهوم جديد كل مره للأنوثة"

يوم الجمعة الجاية..هيكون موعدنا من ٢ ل٨ مساء في مدينه نصر
ودي تفاصيل اليوم والأشتراك

https://forms.gle/XE99JE2gjBwoDZcbA

1,054

SaraFarid_حياة طيبة

18 Nov, 22:03

Live stream finished (2 hours)

SaraFarid_حياة طيبة

18 Nov, 19:12

Live stream started

SaraFarid_حياة طيبة

18 Nov, 18:57

دقايق ونبدأ إن شاء الله هنكون علي زووم وكمان لايف ستريم هنا للي مناسبه اكتر التليجرام

930

SaraFarid_حياة طيبة

18 Nov, 14:48

وده لينك اللقاء
Sara Farid is inviting you to a scheduled Zoom meeting.

Topic: الأنوثة
Time: Nov 18, 2024 09:00 PM Cairo

Join Zoom Meeting
https://us02web.zoom.us/j/89918564725?pwd=suN9gJ7dhyxlRL7TD3bSXUeUTUZTgz.1

Meeting ID: 899 1856 4725
Passcode: 231952

---

One tap mobile
+13092053325,,89918564725#,,,,*231952# US
+13126266799,,89918564725#,,,,*231952# US (Chicago)

---

Dial by your location
• +1 309 205 3325 US
• +1 312 626 6799 US (Chicago)
• +1 346 248 7799 US (Houston)
• +1 360 209 5623 US
• +1 386 347 5053 US
• +1 507 473 4847 US
• +1 564 217 2000 US
• +1 646 931 3860 US
• +1 669 444 9171 US
• +1 669 900 6833 US (San Jose)
• +1 689 278 1000 US
• +1 719 359 4580 US
• +1 929 436 2866 US (New York)
• +1 253 205 0468 US
• +1 253 215 8782 US (Tacoma)
• +1 301 715 8592 US (Washington DC)
• +1 305 224 1968 US

Meeting ID: 899 1856 4725
Passcode: 231952

Find your local number: https://us02web.zoom.us/u/kbpOcqmCAd

865

SaraFarid_حياة طيبة

18 Nov, 14:48

إن شاء الله النهاردة نلتقي علي زووم الساعه ٩ مساء بتوقيت مصر وهنتكلم يعني إيه أنوثة؟
اللقاء للبنات والسيدات فقط اجهزوا في الموعد عشان اللقاء مترتب علي بعضه فمحدش يفوته البدايه عشان دي مهمه جدا😊
مشروبكم المفضل واللي تقدر تبقي فاتحه الكاميرا نتوصل ببعض أكتر يكون أفضل .
في انتظاركم 💚

اللينك في المشاركه الجايه

563

SaraFarid_حياة طيبة

17 Nov, 19:44

إيه الأنشطه اللي لما بتعمليها بتحسي إنك عايشه أنوثتك؟

565

SaraFarid_حياة طيبة

16 Nov, 20:51

يعني إيه أنوثة؟
سؤال اتكرر منكم خلال مناقشاتنا الفتره اللي فاتت..ومش حابه اكتبه كبوست فيلا بينا نتقابل زووم يوم الأتنين اللي جي إن شاء الله ١٨ نوفمبر الساعه٩ مساء نتكلم عن يعني أنوثه…اللقاء مقتصر علي السيدات والبنات.

581

SaraFarid_حياة طيبة

16 Nov, 18:44

إيه المشاعر اللي بتمنعك تتوصلي بأنوثتك وتعيشيها؟

557

SaraFarid_حياة طيبة

15 Nov, 17:39

"صحبة حياة طيبة "مساحة مخصصه للبنات والنساء اللي محتاجين صحبة متفاهمه وأمنه …
قادرين فيها نتشارك بحرية وأمان وتراحم ..
نستمتع ونجرب حاجات جديدة..
نتعلم ازاي نتوصل بنفسنا ونقرب لأنوثتنا وفطرتنا..
نتواصل ونتشارك مع بنات وسيدات شبهنا نتونس ببعض بتراحم ووعي..

يوم الجمعة الجاية إن شاء الله ٢٢ نوفمبر من الساعة ٢ ظهرا ل٨ مساء بمدينة نصر..

للحضور والحجز …

https://forms.gle/XE99JE2gjBwoDZcbA

606

SaraFarid_حياة طيبة

14 Nov, 20:43

إيه الأسباب اللي تخليكي تقرري تتوصلي بأنوثتك وتعيشيها؟

421

SaraFarid_حياة طيبة

13 Nov, 20:28

إيه المكاسب اللي ممكن تحققيها لو اتوصلتي وعيشتي أنوثتك؟

465

SaraFarid_حياة طيبة

11 Nov, 20:36

إمتي بتلاحظي إنك متسربعه وعماله تجري(حتي وانتي قاعده في مكانك) تخلصي مسؤلياتك؟
وتأثير ده إيه علي جسمك ونفسيتك؟

558

SaraFarid_حياة طيبة

11 Nov, 13:50

في مدينه نصر🌿
لقائنا اللي جي من #صحبة_حياة_طيبة
إن شاء الله يوم الجمعه ٢٢ نوفمبر في يوم كامل زي ما طلبتوا وقربنا المكان كمان..
مساحة من الونس والدعم والوعي والأمان..
تعالي إنضمي لينا في يوم الرعاية ااذاتية والوصل مع
المجموعة ونفسك..

اشتركي وإملي الفورم

https://forms.gle/XE99JE2gjBwoDZcbA

642

SaraFarid_حياة طيبة

10 Nov, 16:01

من اللي وصلك واللي إنتي مصدقاه..

يعني إيه إنوثة؟

320

SaraFarid_حياة طيبة

09 Nov, 15:23

إيه المعوقات اللي بتمنعك إنك تعيشي انوثتك؟

351

SaraFarid_حياة طيبة

23 Oct, 16:34

بعتذر عن لقاء لايف اليوم ..أشوفكم علي خير الأسبوع اللي جي.

SaraFarid_حياة طيبة

17 Oct, 09:36

صباحكم جميل..
إيه النقاط اللي فرقت معاكم أو طلعتوا بيها من لايف إمبارح…سواء حضرتوا مباشر او سمعتوا التسجيل؟

637

SaraFarid_حياة طيبة

16 Oct, 20:47

#تسجيل_لايف مفهوم الحياة الطيبة

647

SaraFarid_حياة طيبة

16 Oct, 20:36

Live stream finished (40 minutes)

SaraFarid_حياة طيبة

16 Oct, 19:57

يلا بينا هنكمل

615

SaraFarid_حياة طيبة

16 Oct, 19:56

Live stream started

SaraFarid_حياة طيبة

16 Oct, 19:51

Live stream finished (1 minute)

SaraFarid_حياة طيبة

16 Oct, 19:50

Live stream started

SaraFarid_حياة طيبة

16 Oct, 19:50

Live stream finished (34 minutes)

SaraFarid_حياة طيبة

16 Oct, 19:15

Live stream started

SaraFarid_حياة طيبة

16 Oct, 19:15

يلا بينا هنبدأ عن مفهوم الحياة الطيبة
تقدروا تشاركوا هنا مشاركتكم وأسئلتكم

534

SaraFarid_حياة طيبة

16 Oct, 19:05

١٠ دقايق ونبدأ إن شاء الله

509

SaraFarid_حياة طيبة

16 Oct, 09:08

صباحكم جميل النهارده لقائنا لايف إن شاء الله علي القناة الساعه ١٠ مساء وهنتكلم عن مفهوم الحياة الطيبة…إزاي نقدر نعيش حياتنا برغم ما فيها من تحديات ومشاكل.

248

SaraFarid_حياة طيبة

13 Oct, 09:27

#سلسلة_العلاج_النفسي
(سلسلة بتجاوب علي الأسئلة اللي بتدور حول عمليه العلاج النفسي-وبتحاول تساعدك تفهم ايه هو العلاج النفسي وإمتي بتحتاجه؟وازاي يساعدك؟)

٤
من الأسئله والأفكار اللي بتدور في أذهان البعض وبستقبلها ..بيوصلني منكم:

أنا عملت ذنوب/أخطاء كتير ولو اتكلمت مع المعالج هيشوفني شخص سىء ويقول عليا….
مش هقدر أفتح اللي جوايا أو أقول المشاكل اللي عندي..

وعشان نجاوب علي الفكره والتخوف ده محتاجين نتطرق للعلاقة اللي بتنشأ بين المعالج والشخص اللي بيطلب خدمه العلاج(متلقي الخدمة).

وبتسمي في المساحه دي بالعلاقة العلاجية وبيكون ليها طبيعه وأساس وحدود مختلفه عشان تساعد الطرفين ان يحصل الجزء العلاجي والشفائي والتغيير..

فالعلاقة العلاجية هي المساحة اللي بين المعالج ومتلقي الخدمه خلال الجلسات وبتكون مبنيه علي:

١-السرية:

كل مايشاركه متلقي الخدمة يخضع للسرية ولا يتم مشاركته مع أي أطراف إخري..إلا في بعض الحالات الخاصه اللي بيتم الإتفاق مع متلقي الخدمه عليها..كالميول الإنتحاريه.

٢-عدم الحكم:
كل ما يشاركة متلقي الخدمة من موضوعات او أفكار أو مواقف أو أحداث أو مشاعر أو سلوكيات يخضع لعدم الحكم عليه تماما..
وده بيساعد إن متلقي الخدمه نفسه يتخلي عن أحكامه عن نفسه ويقدر يشوف ويعبر ويطلع اللي جواه بحريه ويكون واعي بيه..

٣-القبول:
متلقي الخدمة بكل كيانه وشخصه وتفاصيله ومنظومه قيمه مقبول ومرحب بيه في هذا المساحه ليتكلم عنها ويشاركها…

٤-التفهم:
يقدم المعالج مساحه هائله من التفهم لمتلقي الخدمه لقدراته وسرعته وأحلامه ونجاحاته وإخفاقاته وتجاربه وألمه ومحاولاته .

٥-إستبدال مفهوم الصح والخطأ بمفهوم الفاعليه والعطل:

كثيرا ما يحاوب متلقي الخدمه تقييم أفعاله وأفكاره ومشاعره هل هي صحيحه أم خاطئه ،في العلاقة العلاجيه نستبدل هذا المفهوم لمفهوم الفاعليه والعطل..هل هذه الأفكار أو المشاعر أو السلوكيات تساعد متلقي الخدمه علي المستوي طويل الأمد أم تعطله وتزيد من مشاكله…

٦-المسؤلية المشتركة:
فمسؤليه التعافي والعلاج مشتركه بين المعالج ومتلقي الخدمة ومن خلال العلاقة العلاجية بيتم توضيح المسؤليه المشتركه بين المعالج ومسؤلياته ودوره …ودور ومسؤليه متلقي الخدمه..

فلكل طرف من الطرفين مسؤليات وللوصول للفائده والهدف من عمليه العلاج نحتاج أن يساعد متلقي الخدمه بدوره ومسؤلياته وليس فقط المعالج..

***وبعد بيان أساسيات العلاقة العلاجية فهنلاقي إن من اساسيات اللي بيحصل في الجلسات هو عدم الحكم علي متلقي الخدمه أو أفكاره أو مشاعره أو سلوكيات عملها أو تجربه مر بيها أو طريقه بيعبر عنها…
وتفهم وقبول ما جاء به لمشاركته والعمل عليه أيا كان عنوانه او وصفه بالنسبه لمتلقي الخدمه..

فمهما كان اللي جواك مع بناء العلاقة العلاجيه وبإختيار معالج مناسب هتقدر تشاركه بقبول وثقه وأريحيه.

ولمتابعه باقي أجزاء السلسله من خلال #سلسلة_العلاج_النفسي

316

SaraFarid_حياة طيبة

13 Oct, 09:23

SaraFarid_حياة طيبة pinned «#سلسلة_العلاج_النفسي (سلسلة بتجاوب علي الأسئلة اللي بتدور حول عمليه العلاج النفسي-وبتحاول تساعدك تفهم ايه هو العلاج النفسي وإمتي بتحتاجه؟وازاي يساعدك؟) ٣ من الأسئلة اللي بتتطرح .. انا بقالي سنين قافل علي اللي جوايا وعارف إنه مأثر عليا..بس مش قادر أفتحه؟…»