سما سوريا Sama Syria

#يسعد_اوقاتكم
بحسب شركة ميتا التغييرات على موقع الازرار بخدماتهم من اليسار لليمين على منصات (مسنجر وفيسبوك واتساب)
مؤقت حتى ينتهو من التحديثات باول السنه
رح نلاحظ على مسنجر وفيسبوك انتقال ازرار متل التعليقات او التفاعل وكافة الازرار من اليسار الى اليمين او العكس على بعض المنصات (يعني زر اللايك بدو يصير يسار والتعليق يمين🤣، والمسنجر لكل صار بيعرف كيف هو)
يا رب عجل بتحديثاتهم قلبو راسنا🙃
#جعفر_بدران
تابعو القناة ليصلكم كل جديد

#هام
بسبب الضغط
اي بنت عم تتعرض للابتزاز وفيه وسائط +١٨ او كلمات غير أخلاقية او عم تتعرض للتهديد
فقط ابلغو على الوسائط لمسنجر او واتساب او تلغرام خلال ساعات بتروح الحسابات
اي صور او شتائم او تهديد بيمشي الحال والشركات مجرد ما تطلع على المحتوى بتسكر الحساب
#جعفر_بدران

تابعو القناة حتى يصلكم كل جديد

اخر تحديث للمسنجر بياخد جائزة افشل تحديث لسنة 2024
حبيتوه؟

صباح الخير لاحلى ناس
اما المبتزين الي فاقو على حسابات طايرة وأجهزة فارغه وحرمان من خدمات شركات وسائل التواصل الاجتماعي فلا صباح لهم لانهم ما عادو موجودين🤣
ومنهم فايق رح يلاقي دعاوى باسمه يوم الاحد من اصحاب حق عرفوه ومنهم ما عاظ بيقدر يشتغل على اي موقع

انك تفكر اذا انت خارج سوريا ما حدا بقربك انت غلطان كتير رح اعطيك كم سيناريو رح يصير فيك
اذا انت بتركيا فرح يتم ترحيلك لانه فيك توكل محامين بتركيا وترسل دعاويك من خلال المكتب القنصلي
اذا انت بروسيا كمان المحامي بيستقبل دعوى مع توكيل اله ليلاحقك او ببساطه عن طريق الانتربول طبعا بعرف انو الانتربول ما بيدخل الا بالقصص التقيله بس شو بدك اتقل من شخص ضاحك على ٥٠ بنت وعم يبتزهم
ويلي مفهمكم انه الدول الأوروبية بتحميكم كتير (الدول الأوروبية الي ما بترضاه لشعوبا ما بترضاه لغير شعوبا يعني انت وقت عم تزعج شخص باي دوله وتصلك دعوى لا تفكر انو ممكن تحميك الدوله الأوروبية لا ببساطه بترتاح منك)

ويلي عم يعمل حساب وهمي على اساس هو البندوق بسوريا صدقني انت ضاحك على حالك يا رجل🤣

#يسعد_اوقاتكم
#جعفر_بدران

#نصيحة_تقنيه
منتشر على الانستغرام بكثافة اعلانات حول التداول وكتير عم انسأل حوله
لا حدا ينجر ورا الدعايات الرنانه الي بتحفزك على التداول

عالم كتير عم تخسر ما عم تربح والناس الي عم تشوفك انها عم تربح هيي قابضه مبالغ اجرة هي الاعلانات (كل المؤثرين بياخدو مبالغ اجار الاعلان لهي الأمور وبتعمول على اساس دورة مجانيه او مدفوعه اجار هاد الاعلانزالس عم يصل لل60 الف دولار) متل ريلز على الانستغرام بشوفك شخص لابس لبس حلو وعم يخبرك انو عامل دورة تداول مجانيه من خلالها ممرق اعلانات للمنصة الي راعيته
ولا حدا يقلي ما صارت معاه (بعرف مئات الأشخاص الي لما يشوفو ستوريات لاي شخص بيشتغل بالاعلان عن التداول مباشره بخلوون يحطو مصاريهم ويخسروهم)
هيك شغلات انعملت اصلا لتخسر اكتر ما تربح من خلال تطميعك بالثراء الوهمي
لا تصدقو اي شي بتشوفوه
#انتبهوا
الخسارات اكبر من المرابح بمليار مره بهيك قصص
#جعفر_بدران
تابعوني على قناتي على تلغرام

#نصيحة_تقنيه
لا تعتمدو على ذاكرة التخزين الداخلية بالحفاظ على معلوماتكم
اي شيء ممكن ينسخ نسخه احتياطيه على هارد خارجي او كرت ذاكره او مساحة سحابية الافضل لا تهملوه لان من الضروري نسخ احتياطي بشكل أسبوعي على الاقل
بعض الشركات متل ابل وجوجل بيسمحو بنسخ عدد كتير كبير من البيانات بشكل مجاني وهاد الشي كتير بساعد
مؤخرا كتير ناس خسرت بيانات مهمه بسبب الاعتماد على الذاكرة الداخلية وبسبب التطور الحاصل عم يصير اخطاء عم تخسر الناس البيانات الخاصة فيها بشكل كبير
حاولو انسخو كل بياناتكم حتى ما تضيع

#جعفر_بدران

شو قصة بنات البيغو كلهم عم يحكوني على انهم عم يتعرضو للابتزاز من شباب من برا
هلق لحسيتو على حالكم
نصيحة كل بنت مفكره انو عم تطلع مبالغ وانو هيي آمنه ، بتكون مخدوعه بحالا كتييير
ولا تفكري اذا ساعدتك مره ممكن نجيكي من فضيحة وعار على اهلك الي واهمتيهم بانك "مترجمه" او "مسوقه رقميه" عالميه
اطلعو بشرف ما بضيع شرفكم
#انتبهوا
#جعفر_بدران

برنامج الربح الجديد الي حكيت عنه قبل فتره بدأ يصل للمستخدمين
البرنامج بيشمل الربح من كل شيء بالصفحه مو بس الفديوهات والريلز
🤑🤑🤑🤑
كل شخص قدمتله طلب بدأ يوصله البرنامج🤝
#جعفر_بدران

#هام
كتير ناس عم تتسائل حول شو قصة تحديث الشروط والمعايير الي عم يظهر اول ما تفتح فيس او انستا او مسنجر
هي التحديثات رح تتطبق باول سنة 2025
هي معايير وشروط وقواعد شركة ميتا اجت حتى تكون اصرم وادق من المعايير السابقه
رح حط بالتعليقات على المجموعة بتلغرام مقارنه واضحه بين المعايير والشروط القديمه والجديده
ولكن من اهم التحديثات
بحسب تحديث معايير شركة ميتا سيتم منع اي مستخدم من استخدام خدمات الشركه في حال تم ازالة حسابه بعد بداية ٢٠٢٥
وسيتم تاكيد حسابات المستخدمين مع صورهم وفي حال كان حسابك وهمي ولم تقدم وثائق حقوق ملكية الاسم سيتم حظرك (اي شخص بيملك ملف شخصي او صفحه ما بيحمل وثيقة تحمل اسم الصفحه او ملف شخصي رح يتم حظرها)
ممكن كتير صفحات فيها ملايين المتابعين تنحذف للاسف

للاسف المعايير الجديدة صارمه
رح انشر تباعا اهم التحديثات على المعايير والقوانين والشروط والأحكام

#جعفر_بدران

#يسعد_اوقاتكم
قرار نشر مستشعر بصمه لسائقي السرافيس عند بداية ونهاية كل خط بالتزامن مع اجهزة GBS (هاد الشي بيضمن دقة الرحلات لكل سائق والوقت الي بيلزم كل سائق لاتمام رحلته وعدد الرحلات الي من المفروض كل سائق يمشي عليها)
هاد الشي رح يضمن التزام جميع مركبات النقل المسجله بعدد الرحلات اليومي
ورح يخفف الازدحام اليومي بالكراجات بشكل كتير كبير ورح يخفف تهرب كتير سائقين عن خطوطهم
التقنيه انخلقت لحل الازمات ان شاء الله هي التقنيات رح تحل ازمه كبيره عم نعاني منها يوميا

بهي الحال كل رحلة رح تتسجل وقت البدء ووقت الإنتهاء
ورح تلزم السائق بعدد يومي من الرحلات ورح تخفض مخصصاته في حال عدم الالتزام كعقوبة اولى وبعدها ممكن ينفرض على السائق غرامات
التزام جميع السائقين بتسعيرة المحافظات لان حاليا اغلب السائقين بياخدو تلت اضعاف سعر الرحله
وعدم تهرب السائقين عن خطوطهم المسجله وفي حال تهرب ممكن ينفرض عقوبة
#جعفر_بدران

#يسعد_اوقاتكم
على الارجح فيه ثغره امنيه بتطبيق سيريتل كاش
عدد من الأشخاص اشتكو من نقص رصيدهم على التطبيق بدون استخدامه
حدا لاحظ نقصان مبالغ بحساباته وخاصة المسجلين كتجار
#جعفر_بدران

#يسعد_اوقاتكم
اغلب الناس حاليا عم يظهر الها مشكله والي هيي (ظهور منشورات قديمه اكتر من الحديثه واغلب الي عم ينشرو عم يلاحظو ضعف بالوصول)
هي مشكله حصلت نتيجة خطأ فني الي عم يواجه هي المشكله يحدث التطبيق او يستخدم تطبيق فيسبوك لايت
#جعفر_بدران

مشكلة عامه بفيسبوك لايت.
البعض ما عم يظهر اله المنشورات على الصفحات
او التفاعل أو التعليق
#جعفر_بدران

مشكلة عامة بمنصة #واتساب
عدم قدره المستخدمين على إجراء الاتصالات وخاصة الي مو محدثين نسخة الواتساب من زمان
بالإضافة لبطئ بارسال الرسائل واستقبالها

الي عم يقولو انو الواتس انحظر هي معلومه خاطئه لجلب التفاعل
حدثو اصدار التطبيق وكلشي بيرجع متل ما كان
#انتبهوا
#جعفر_بدران

#نصيحة
لا تستخدم حساب جوجل حاليا كحساب رئيسي لانشاء حسابات على المواقع واذا رابط حساب جوجل بفيسبوك وبتشتغل عليه فك ربطه والجأ لاي خيار غيره لان حاليا صار البريد هو أهم خيار للتاكيد بالنسبة لشركة ميتا وباقي المواقع

بسبب مشاكل مع شركات الاتصالات السورية ممكن تخسر بياناتك كلها بهاد الخطأ
يفضل استخدام حسابات غير جوجل حتى تامن بياناتك
متل حساب مايكروسوفت (يبدو المشكله مع جوجل مالها حل حاليا)
لهك رجاء اي شخص راح حساب جوجل تبعه ومعلق على الرقم لا يتعذب

#تنويه ٩٠٪ من الناس بتعمل حساب جوجل وبتربطه على المواقع بدون ما تستخدم خيارات الاسترداد لهك جماعة الي عاملين خيارات الاسترداد هاد المنشور مو الكم

#جعفر_بدران

#فكرة_خاطئة
اي شخص لما تقلو جوالك او كمبيوترك #مفيرس او ضغط على رابط خطر بالغلط بقول اخترقوني ورح امسح كلشي بالجهاز 🏃 بدون ما يكفي الحديث وكيف وصل الفيروس اله 😅

(متل ما صار مبارح بموضوع الرابط الي عم يصل على منصة تلغرام اي شخص ضغط بالغلط صار يركض يمسح ويغير كلمات سر حساباته وهو بدك تلقنه المعلومات)

• #البرمجيات الخبيثه الها انواع والاختراق هو نوع واحد من الاف الانواع
اذا انصاب جوالك او اي جهاز الك بفيروس فممكن يكون (فيروس خاص بإظهار الاعلانات بالخلفيه او لتعدين العملات الرقميه وهي ما بتخترق اي بيانات الك بس بتهدر قوة الجهاز الخاص فيك فقط ممكن تقصر عمر البطاريه او بتعمل ضغط معالجة او رابط اختراق من خلال الهندسه الاجتماعيه متل ما صار مبارح)

ولله معلوماتك مو كتير مهمه لاي مطور فيروسات 😩 والي بدن معلوماتك صدقني معن كلشي عنك ( #جوجل - #ميتا)

مو كل ما قلت لواحد فيه فيروس يركض يمسح كلشي ترا كتير فيه انواع للفيروسات وطرق الاختراق 🤠
#جعفر_بدران

#هام
اي شخص عم ينبعتلو على تلغرام رساله انو اله صوره على موقع من خلال رابط لا تدخلو عليه واحظرو المستخدم فورا
#جعفر_بدران

ليش اغلب وسائل الاعلام السورية ومنصات الاخبار الكبيرة ما بتنقل الي عم يصير باللاذقية بشكل كامل

#يسعد_اوقاتكم
غالبا بيصل من كتير ناس اسأله (كيف بقدر امن حسابي من التعطيل والإختراق او كيف ممكن اضرب حساب شخص)
• بالنسبه للتامين الحسابات (ان كان #فيسبوك او #انستغرام او #اكس او #جوجل )
دايما بتقدر تامن حسابك من خلال كلمة سر ومصادقه ثنائيه وتفعل اكبر كم من خيارات المصادقة ولا تبعت اي رمز بيصلك لاي شخص بيطلبو مهما كان صديقك وهيك بتقدر تكون امن بشكل نسبي من #الاختراق

• اما اذا بدك تامن حساباتك حتى ما تتعطل من الشركه فلازم دايما تكون حريص على معايير المجتمع المفروضه من كل شركه
وحتى تكون امن
(التزم بعدم نشر صور او منشورات غير أخلاقية او ضد القوانين - لا تنشر صور اطفال انت وعم تلعب معهم بطريقه وترسل صور اطفال على مسنجر لا تنشر صور ومنشورات لحدا تاني - لا تنشر سلع او أدوية محرم بيعا على الانترنت - لا تشتم حدا و لا تدعم منظمات غير قانونيه - لا تحكي وتبعت صور غير اخلاقيه عبر مسنجر - لا تحط او تنحتل صفة اي شخص ...الخ)
وبالنسبه للحظر المؤقت من النشر والتعليق وأرسال الرسائل (لا تنقط هلى منشورات الاسعار "فيك تحط اي ايموجي احسن" لا تتفاعل بشكل سريع وتعلق اكتر من ٢٠ تعليق على منشور معين وانتبه بارسال الرسائل بمسنجر)

• وهون منجي للسؤال التاني كيف بينضرب الحساب والجواب يمكن وضح اذا انتهك حساب اي من المعايير الي فوق بلاغ واحد من اي طلب بروحه اما اذا ملتزم ضمن المعايير صدقني ولا رح تفيدك مليون بلاغ

#جعفر_بدران

#نصيحة_تقنيه
اغلب الناس عانوا او عم يعانوا من مشكلة الصرف السريع للبطاريه او تفريغ البطاريه المفاجئ
حتى نقدر ناخد افضل اداء للبطارية ونبعد عن مشكله التفريغ السريع مثلا من ١٠٠ ل٨٠ وخاصه على هواتف ابل
• لما يفرغ الهاتف لا تستخدمه بشكل مكثف قبل ما يصل لل٢٠٪
• نحاول نبعد الجهاز عن مصادر الحرارة العالية او شمس او المدافئ لفترات طويلة
• تراكم الغبار حول البطاريه مع مرور الوقت (لما يصير الهاتف يفرغ حاولو قبل ما تبدلو البطاريه نضفوها (خاصة للايفون)
• وجود تحديثات لكتير تطبيقات بالجهاز وهاد الشي بزيد استهلاك البطاريه وخاصة لهواتف #اندرويد
• وجود فيروس بالجوال
لمهم اخر شي فكر فيه انك تبدل البطاريه خاصة ايفون 😅

#جعفر_بدران

#هام
اغلب الناس الي عندها صفحات اليوم لما عم يدخلو على صفحاتهم ما عم يقدرو يدخلو يشوفوها (كانها طايره)
هي مشكله عامه كل الصفحات متل ما هيي
يبدو في اخطاء بالتحديثات
#انتبهوا ولا تشغلو بالكم كم ساعه وبتنحل القصه
#جعفر_بدران

#هام
كتير منا عم يتصل فيه حاليا ارقام سودانية، وما بعرف مين خطر بباله انو يقول هدول لسحب الرصيد او لاختراق الاجهزة " هاد كلام مو صحيح "
وبالنسبة للناس الي عم تقول فيه تداخل (الارقام الدوليه قطعا مستحيل تداخل مع ارقام دوليه تانيه مو لمجرد انو ارقام سوريا بتبدأ ب09 ممكن تداخل ارقامنا مع ارقام دولة تانيه)
هي المشكله خاصة فقط بالاحتيال (بيتصل بعض المحتالين بشكل عشوائي على ارقام اما لجمع معلومات او للخداع)

ولا بستغرب انو وضع المنطقه يكون سبب بهي القصه لمحاولة اختراق شركات الاتصالات الموضوع من المفترض ملاحقته بدقه من قبل مسؤولي امن الاتصالات بسوريا ولبنان
ويرجى عدم الرد وحظر اي رقم بيتصل عليك
#جعفر_بدران
انضمو للقناة ليصلكم كل جديد

مشكلة عامه بتفعيل باقات سيريتل
ما حدا عم يقدر يفعل اي باقه
شكلو فيه رفع اسعار جديد
لا عاد ترفع جوالك بالسما او تعيد تشغيله المشكله مو من جوالك
#جعفر_بدران

#هام
شكاوى من ضعف الوصول والتفاعل والمشاهدات على معظم منصات الشركه
الضعف بسبب تحديثات من الشركه واعطاء انتهاكات معايير للكثير من الصفحات باخر اسبوعين
وبسبب تخفيض وصول المحتوى العربي بشكل كبير
مين عم يعاني من نقصان بالمشاهدات والتفاعل والوصول
#جعفر_بدران

#يسعد_اوقاتكم
كتير منسمع عن الخوارزميات
#الخوارزميات إلها دور كبير بتشكيل الصورة يلي منشوفها عن واقعنا من خلال وسائل التواصل الاجتماعي. دايماً بتعرضلنا نوع المحتوى يلي منحب نقراه أو نشوفه وبتجمعنا مع ناس بيفكروا متلنا، وبهالطريقة منلاقي حالنا بفقاعة أفكار بتعزز معتقداتنا الشخصية.

مثلاً، إذا شخص اقتنع بنظرية معينة، الخوارزميات بتبلش تعرضله محتوى عن هالنظرية، ومع تعليقات من ناس بيفكروا نفس الشي. ومع الوقت، هالتفاعل بيصير صداقات ومجموعات تدعم نفس الفكرة، وبيصير في مجتمعات مبنية على معتقدات مشتركة.

لهيك دايما بنبه على ضرورة المراقبة خصوصي على الأطفال والشباب، ونفهم المجتمعات يلي عم تتشكل حواليهم.
#انتبهوا
#جعفر_بدران

#هام
تاخر ساعة بعض الهواتف الذكية تلقائيا بسبب عدم تحديث بعض الشركات للنظام التوقيت العالمي
يرجى ضبط الساعات على المنطقه الزمنيه +3
لتصبح الساعه 12 بدل11
يرجى عدم ضبط الساعه بشكل يدوي لكي لا بتعطيل توقيت التطبيقات او يسبب مشاكل
#جعفر_بدران

عطل عام بالوقت
تاخرت بعض الساعات على الأجهزة
الساعه هلق ١٢ مو ١١
#جعفر_بدران

#سؤال
كم تكلفة عمل جهازك على الشبكة السورية "جــمركه" وشو نوع الجوال
هل بتلاقي الرقم مناسب بالنسبة لسعر جهازك
الي ما بيعرف قدي لازم يدفع بس يطلبه من الرمز الي بالتعليقات
هاد المنشور الغرض منه استطلاع راي والتحقق من خطأ حاصل
#جعفر_بدران

هجوم سيبراني يطال الموقع الرسمي لسلاح الجو "الصهيوني"

أدى الى تعطيل الموقع الرسمي للكيان
واختراق بيانات حساسه من ارشيف البريد الالكتروني حديث
ومخططات خاصة بالطائرات والصواريخ ومعلومات هاصة بالدفاعات الجويه وخطط لعمليات مع الموساد
واسماء ومعلومات ضباط هامين
#جعفر_بدران

#هام
انتبهوا على المحتوى الي عم يظهر لاولادكم حاليا كل منصات وسائل التواصل الاجتماعي عم يتبعو سياسة اخفاء الحقيقه من خلال نشر ورفع وصول المنشورات الخاصة بالكيان وتخفيض وصول المحتوى العربي الي ما بيدعمهم (عم يظهرو اي عمل بيعملو بحقنا على انه حق مشروع وانهم ملائكه منزلين على الارض جايين يساعدو الشعوب)
عم نلاحظ تاثير كبير بالشارع العربي عم يكون رايهم داعم الهم (خاصة المراهقين والشباب)
هاد الموضوع لازم يكون من مسؤولية المدارس وقطاع التربية ووزارات التعليم العالي والاهل
#جعفر_بدران

انتشر باخر كم يوم حديث حول العاصفة الشمسية المتوقع على كوكب الارض وانها رح تكون من العواصف الاقوى الي مرت بالتاريخ
العواصف الشمسيه ظاهره من اصعب الظواهر على البيئه الرقميه والملاحة والانترنت والاجهزه وقطاع الكهرباء
ومن المفترض اتخاذ تدابير احترازية من قبل الافراد والحكومات للحد من تاثير هي الظاهرة
لانها بتاثر على الانترنت وبتضعف اداء المخدمات والأجهزة
وبتزيد من استهلاك بطاريه الاجهزة وبتزيد من حرارة الاجهزه
وبتاثر على دقة نظام الملاحه ونظام تحديد المواقع gps
وممكن تتلف بعض الأجهزة
بهيك حال الافضل عدم شحن الاجهزة لساعات طويله
واطفاء الاجهزة في حال الشعور بالحرارة لمدة مؤقته (٤دقائق)
والتقيد بالتدابير الاحترازيه الي بتصدرها الحكومات
#جعفر_يدران

تقرير MBC الأخير أسوأ تقرير اعلامي شفته بحياتي!
واللي مزعج أكتر إنهم عم يحذفوا أي نقد عليه على كل المنصات. مبارح حكيت عن أهمية الجمهور على السوشل ميديا، وما مرت 24 ساعة إلا والجمهور بالشرق الأوسط شاف ورد وكشف أكاذيبهم. هالتقرير يلي استحت تعمله أهم قناة تابعة للكيان الصهيوني فضح المجموعة واظهر توجهاتها وانهم مجموعة تابعه بشكل كامل للكيان الصهيوني هني والعربية وسكاي نيوز.
بتمنا من كل الدول العربية يعملوا متل العراق ويحظروا المجموعة ويغلقوا مكاتبها واولهم لبنان حان وقت.
والكل يشارك بحملة إلغاء متابعة MBC بالكامل.

اتاكدو من إنضمامكم لمجموعة تلغرام حتى تقدرو تتواصلو معي او لاحد الناس المختصة ببعض المجالات وتجاوبو على بعض الاسأله وتطورو من مهاراتكم وتعرضو خدماتكم التقنيه بدون انتهاك خصوصية اي عضو
https://t.me/jbjafarbdran

@jafarbdran

بسبب التحديثات على تطبيق مسنجر باحدث اصداراته صارت المحادثات كلها على جهة اليمين لبعض مستخدمي مسنجر باللغة العربية
ممكن تكون مشكلة وممكن تكون تحديث دائم علماٌ سبق وتراجعت عن هاد التحديث الشركه قبل عدة اشهر
#جعفر_بدران

#نصيحة_تقنية
بعد كل منشور عن الأمان، بتوصلني رسائل كيف ممكن نتأكد إنو الموقع أو التطبيق آمن بدون ما نوقع بالمشكلة.
بالنسبة للحسابات: لما بدك تسجل دخول على أي تطبيق أو موقع خارجي يمكن يكون غير آمن، استخدم حساب وهمي (متل فيسبوك أو جي ميل). مو ضروري تسجل بحسابك الأساسي بالمواقع الغير آمنه واللي ممكن تكون خطيرة، وبهيك إذا كان التطبيق أو الموقع مو آمن، ما بتخسر حسابك الرئيسي وبيكون عندك فضول لتجربته. 😅

المواقع: إذا حابب تجرب موقع بشكل آمن، انسخ الرابط وادخل على متصفح جوجل واستخدم وضع التصفح المتخفي. الصق الرابط وتأكد من أمنه، لأنه بوضع التصفح المتخفي، المتصفح بيخفي كل المعلومات الشخصية، وخلّي بالك ما تحط معلومات حساباتك الرسمية.

• التطبيقات: لا تحمل تطبيقات أو ألعاب أو برامج تعديل صور من متاجر غير رسمية، ولا تستخدم نسخ معدلة أو مهكرة، لأن معظم هالتطبيقات هدفها إما الاختراق أو الربح بطرق غير شرعية (متل استخدام تشغيل الاعلانات بالخليفة متل تطبيقات الصور ونقل البيانات والتطبيقات متل شيرات... )

#جعفر_بدران

#هام
#الابتزاز مؤخرا عم يوقع كتير ناس بمشاكل كبيره بسبب انتشار ظاهرة اختراق الحسابات ، وخاصه الناس الي ارتبطوا فتره او صار بينن محادثات خاصه او حساسه او راحت حساباتهم منهم بطريقه معينه
بعد كل اشي عم شوفو من مواضيع مختلطه الافضل

• البنات وخاصه المحجبات في حال صار بينك وبين اي صديقه لالك صور بعد ما تخلصي المحادثه احذفيها من مسنجر (في حال راح الحساب من ايدك ما فيه شي يكون بخوف عليه)

• الملف الشخصي اذا حميتيه وقفلتيه ووافقتي على كل طلبات الصداقه ما رح تكوني استفدتي شي (اذا بدك تقفلي ملفك اتاكدي اغلب الي فيه بس بتعرفيون ) واذا كنتي بتخافي على صورك بالستوريات لا تنشريون مشان لا تنفعلي اذا حدا اخدهم

• لما تحكي اي شخص بعلاقه اخر شي فكري تعمليه انو تحكي معه مكالمة جنس الكترونيه لان تاكدي باي لحظه رح يستخدمها ضدك

• اذا شخص نشر الك صور مفبركه او حقيقة على اي موقع لا تمسحي الصوره الأصليه عن حساباتك وفيكي تحكي معي او مع اي شخص بتثقي فيه حتى يمسحلك هيي

• لا تنجرو ورا بعض المجموعات الي عم تروج للاشغال برواتب مغريه لان تاكدي هي الرواتب عحساب شرفك ورح تضلي تحت رحمتن الى يوم يبعثون

باخر الكلام خلوا دايما عندكم وعي لاي شي بتعملوه على الإنترنت لان صدقوني قد ما طولت القصص مخبايه رح تنكشف فمانكم مجبرين لتكونو تحت رحمة اي شخص.
#انتبهوا
#جعفر_بدران
تابعوني على القناة لتصلكم كل التحديثات

#هام
سيتم ايقاف شحن باقات الانترنت لخطوط الراوتر ٤ ايام من الغد
كل شخص باقات الراوتر رح تخلص يجدد الباقه قبل الساعه ١٢ ص
#جعفر_بدران

تم حل المشاكل الي حصلت اليوم بفيسبوك وانستغرام بعد تواصل مع الفرق المختصه بالشركة
المشاكل كانت
توقف لبعض الحسابات
حذف منشورات بالملفات الشخصية
حذف بعض حسابات انستغرام
عدم قدرة بعض المستخدمين على تسجيل الدخول
عدم قدرة المستخدمين على تبديل الحسابات الى الصفحات العامه
وعدم ظهور تحديث لاخر الاخبار
الي لسا ما انحلت معه المشاكل يعلق او يحكيني
#جعفر_بدران