مصممة جرافيك | Salam Bshara

لون عام 2025:
شركة بانتون (Pantone) المتخصصة في صناعة الألوان وتحديد الألوان الموسمية لكل مجالات التصميم حول العالم، اختارت لون البني الموكاموس (Mocha Mousse) كلون العام 2025.

يتميز هذا اللون بالفخامة، وهو مستوحى من تدرجات الشوكولاتة الغنية. لذلك، من المتوقع أن نشاهد هذا اللون يطغى على مختلف التصاميم في عام 2025.

مصممة جرافيك | Salam Bshara pinned «سكربت الريل ⬇️ https://www.instagram.com/reel/DEF7RQNsv05/?igsh=MWFobnA3MnlpeTRtNw==»

بس الإبداع .. عمره ما بموت! 🫶

‏الحل؟

‏• نرفع وعي الناس بقيمة شغل المصمم. التصميم مش كبسة زر ، هو فكر وإبداع وتجربة.

‏•لازم المصممين يوقفوا عن المنافسة على الأسعار ويفكروا بجودة العمل.

‏•والأهم ، بدنا قوانين تحمي المبدعين، لأنه جد الوضع مش مقبول!

‏إذا بتطلع على وضع العمل الحر بمجال التصميم الجرافيكي، بتحس كأنك بحلم بس مش الحلم يلي بتتخيله ..!

‏زمان، وقت كنت تحكي إنك مصمم جرافيك ؛ الناس كانت تتخيلك قاعد بمكتب راقي، وكاسة قهوة جنبك، وفلوسك بالدولار ..!

‏لكن حالياً ..؟ كل يلي بشوفوه فيك هو شخص على اللابتوب ليل نهار، بيشتغل على 10 مشاريع بنفس الوقت لحتى يقدر يخلص الشهر.

‏المشكلة كمان بالمنافسة يلي ما إلها حدود. المنصات صارت مليانة ناس مستعدين يشتغلوا بسنت!
‏يعني لو بدك ترفع سعرك شوي لأن شغلك مميز، العميل بروح لحدا تاني ع السريع ومن غير مناقشه.

‏غير هيك، اغلب العملاء ما عادوا يفهموا قيمة التصميم ؛ صاروا يفكروا إنه أي واحد عنده لابتوب وبرامج التصميم هو مصمم.
‏بتسمع طلبات غريبة عجيبة زي: “بدنا شعار مثل شعار شركة عالمية، بس ميزانيتي 5 دولار ! "
⬇️

🎆 كل عام وأنتم مصممين مبدعين وملهمين❤️

سكربت الريل ⬇️

https://www.instagram.com/reel/DEF7RQNsv05/?igsh=MWFobnA3MnlpeTRtNw==

👌 كمصمم جرافيك او كمقدم خدمات ؛ هويتك البصرية هي يلي بتميزك!

‏بس عمرك فكرت قبل هيك إنك تستبدلها بحرف؟ 🤔

‏بـ هالثريد، راح نحكي ليش وجهك هو أقوى هوية بصرية ممكن تستخدمها، وكيف تبعد عن فكرة الشعارات الحروفية! 👇

https://x.com/salambshara/status/1872303050825843166?s=46

تفضلوا علينا

https://x.com/salambshara/status/1871534403056533921?s=46

الزبدة :

• إذا المشروع كبير ومعروف متطلباته بشكل واضح: الحساب على المشروع كامل هو الأفضل.

• إذا المشروع صغير أو فيه تغييرات كثيرة وغير واضح من البداية: الحساب بالساعة بيكون أكثر إنصافًا للطرفين.

نصيحة: وقت تساوي اتفاق، وضّح شروطك بخصوص التعديلات أو الوقت الإضافي، حتى لو كنت تحاسب على المشروع كامل، لحتى ما تدخل بتفاصيل بتضرّك 🫶

ولأني زمان ما شوفت تصاميمكم

تعالوا شاركوني آخر اعمالكم هون ⬇️

https://x.com/salambshara/status/1867609485251936731?s=46

لكن من وجهة نظري الإنجاز الحقيقي هو يلي بتحس فيه داخلك، بغض النظر إذا شاركته أو لا.
و السوشيال ميديا أضافت بُعد جديد للتقدير العلني، يلي بيشبع حاجة الإنسان للاعتراف الاجتماعي، لكنه مش بديل عن الرضا الذاتي ابداً . 👍

أسباب ارتباط النجاح بالسوشيال ميديا:


1.التأثير الاجتماعي: الناس صار عندها ميل لمشاركة إنجازاتها عشان تحصل على التقدير، الدعم، أو حتى الإلهام من غيرها.
2.الفرص المهنية: السوشيال ميديا وسيلة قوية للتسويق الشخصي وبناء شبكة علاقات، وهذا بيساعد في فتح أبواب جديدة.
3.التوثيق: عرض الإنجازات صار زي دفتر يوميات رقمي يوثق فيه الشخص مراحل نجاحه.
4.الثقافة الحالية: مجتمعنا الحديث يعزز فكرة “إذا ما شفناه، ما صار”، وهذا زاد أهمية الظهور.

⬇️ النجاح اليوم صار مرتبط بالظهور على السوشيال ميديا بسبب التحولات يلي صارت في أسلوب حياتنا وتفاعلنا مع العالم.
السوشيال ميديا صارت منصة مش بس للتواصل، بالعكس صارت كمان لعرض الإنجازات، بناء العلامات الشخصية، وإلهام الآخرين.

❓سؤال للنقاش :

ليش صار النجاح اليوم مرتبط بالظهور على السوشيال ميديا؟!

‏هل فعلاً ما عاد في قيمة للإنجاز إذا ما شاركته؟

مصممة جرافيك | Salam Bshara pinned «لما يطلب العميل تسليم مشروعه بأسرع وقت ممكن، هذا الطلب يُعرف بـ “خدمة التسليم السريع” أو “Rush Service”، وهو مفهوم منتشر في مختلف المجالات، خصوصاً في التصميم الجرافيكي، التصوير، البرمجة، والطباعة. السبب الرئيسي وراء زيادة السعر في هذه الحالة هو أن تسليم…»

وبس هيك والله 🫡

أهم النصائح للتعامل مع العميل:

1. وضع سياسة واضحة مسبقاً:

وضّح للعميل منذ البداية في عقد العمل أو الاتفاق أن التسليم السريع يتطلب زيادة في السعر.

2. المرونة في التفاوض:

إذا كان العميل يعترض على السعر، حاول إيجاد حل وسط مثل تسليم مبدئي للجزء الأهم من المشروع.

3. التأكد من قدرتك على الالتزام:

قبل الموافقة على المشروع المستعجل، تأكد من أنك قادر على الالتزام بالجودة والوقت المطلوبين

الأسباب الرئيسية لزيادة السعر

لما يطلب العميل تسليم مشروعه بأسرع وقت ممكن، هذا الطلب يُعرف بـ “خدمة التسليم السريع” أو “Rush Service”، وهو مفهوم منتشر في مختلف المجالات، خصوصاً في التصميم الجرافيكي، التصوير، البرمجة، والطباعة.

السبب الرئيسي وراء زيادة السعر في هذه الحالة هو أن تسليم المشروع في وقت قصير يتطلب تخصيص وقت إضافي واستثنائي للعمل، غالباً على حساب مشاريع أو التزامات أخرى ⬇️

سؤال سريع ونشوف إجاباتكم ⬇️

شوفوا آخر مشروعين هون 🥹

https://www.behance.net/salamjbshara

اكتر نسبة تصويت كانت ( مش ملاقي عملاء )

طيب ركز معي ؛
إذا كنت فريلانسر وبدك تحصل على عملاء لمجال شغلك، أكيد الموضوع مش سهل، بس بنفس الوقت مش مستحيل؛ امشي معي خطوة بخطوة ورح تشوف النتيجة بعينك :

1. عرف عن حالك وزبط بروفايلك
أول خطوة، لازم يكون عندك بروفايل مرتب على منصات مواقع التواصل الاجتماعي؛ أو مواقع العمل الحر، خلي البروفايل يعكس شغلك، خبراتك، وأعمالك السابقة. ضيف صور، فيديوهات، أو حتى تقييمات إذا عندك.

2. وسع شبكة علاقاتك
ما تستحي تسأل الناس يلي حواليك إذا بيعرفوا حدا محتاج لخدماتك. شارك شغلك على السوشيال ميديا، خلي الناس تعرف شو بتعمل. وكل ما زادت دائرة معارفك، زادت فرصك.

3. اعرض شغلك على السوشيال ميديا
استخدم إنستغرام، فيسبوك، تيك توك، وحتى تويتر لعرض شغلك. إذا كنت مصمم، شارك تصاميمك. إذا كنت كاتب، انشر مقالاتك. خلي شغلك يحكي عنك.

4. قدم عروض مغرية بالبداية
عشان تقدر تحصل على أول عميل، ممكن تعمل خصومات بسيطة ، هيك العميل رح يشعر إنه استفاد، وممكن يرجعلك مرة ثانية.

5. اشتغل على الجودة والالتزام
لما تحصل على عميل، ركّز على تقديم خدمة ممتازة. الالتزام بالمواعيد والجودة العالية هم المفتاح لحتى العملاء يثقوا فيك ويرجعوا يتعاملوا معك أو ينصحوا فيك غيرهم.

6. استثمر في تطوير مهاراتك
العالم بيتطور، وما حد بيحب يتعامل مع حدا ما بتطوّر. خد دورات، تابع كل جديد في مجالك، وطور مهاراتك لحتى تضل مميز.

7. اطلب تقييمات ومراجعات
بعد ما تخلص الشغل مع العميل، اطلب منه يكتب تقييم أو يشارك رأيه. هاي التقييمات بتساعد العملاء الجدد يعرفوا عن جودة شغلك.

8. ركز على التسويق الشخصي
كمقدم خدمة ، أنت براند نفسك؛ حاول تقدم نفسك بطريقة احترافية وأنيقة، سواء بالكلام، أو بالمظهر، أو حتى بطريقة تواصلك مع الناس.

9. لا تيأس
الطريق مش سهل، وأحياناً بتحتاج وقت طويل لحتى تحصل على عملاء. لكن إذا التزمت وحافظت على شغفك، أكيد رح توصل.

الزبدة :
كونك فريلانسر يعني إنت صاحب شغلك ومدير نفسك. استغل وقتك، ركز على نقاط قوتك، وضل واثق بنفسك. العملاء موجودين، بس بدهم شوية تعب لحتى تلاقيهم!

صباح الخير 🌞

مصممة جرافيك | Salam Bshara pinned «شو اكتر مشكلة بتواجهك كمقدم خدمات ( فريلانسر ) ؟»

مجموعة خطوط جديدة ⬇️✅

شاركوني آخر اعمالكم هون ⬇️

https://x.com/salambshara/status/1819068169731912008?s=46

‏لازم تعرف تقيّم شغلك صح
‏مش عيب تسأل فريلانسرز تانين عن الأسعار أو حتى تعمل بحث صغير عن السوق قبل تحدد أسعارك ، دايمًا خليك واثق بشغلك وما ترخص لا من تعبك ولا من حالك ، ودائماً حط ببالك إنو الجودة والتميز إلهم سعرهم، وما تقبل تقلل من قيمة شغلك لحتى بس تجيب شغل ؛ خلي عندك تسعيرة واضحة لكل خدمة بتقدمها، هيك بتكون الأمور مرتبة وواضحة.

‏ودائماً حاول توازن بين السعر وجودة الشغل لحتى تستمر بالسوق وتكبر شغلك 😉💚