Sabitov ©️

“Paxtakor” - pley-offda! Bunday natija qayd etish uchun jamoaga birgina g’alaba kifoya bo’ldi.

Pley-offdagi dastlabki o’yinlar 3/4 mart, javob bahslari esa 10/11 mart kunlari bo’lib o’tadi.

@sabitov_co

Dunyodagi eng gʻalati va mantiqsiz qoidalari bor turnirning biz uchun muhim uchrashuv tugadi. «Paxtakor» yutdi.

Lekin oxirgi turda, natija muhim boʻlgan oʻyinda oʻyinlar bir vaqtda boshlanmagan. Raqiblar «Paxtakor»ning natijasini bilib maydonga tushishadi. UEFA buni koʻrsa, yigʻlasa kerak.

@gosportuz

Indoneziyaliklarni ranjitishda davom etyapmiz =)

1-surat Olimpiada yo’llanmasi qo’lga kiritilganda tayyorlangan edi, 2-surat esa bugungi o’yin uchun.

@sabitov_co

Masalan, Muhammadali O’rinboyevni ertaga “Paxtakor” - “Al Sadd” o’yinida ko’rishimiz mumkin edi. Lekin, OFK ning tartibsiz ishlashi oqibatida “Paxtakor” murabbiylari ham O’rinboyev kabi terma jamoaga nomzod futbolchilarga ko’p ham ishonch bildiravermaydi. Chunki, har doim ham uning xizmatidan foydalana olmasligini tushunadi — gohida OFK turnirlari, gohida O’FA ning yig’inlari sabab.

Futbolchini futbolchi qiladigan faktorlar faqat terma jamoa yig’inlari-yu terma libosidagi turnirlar emas. Uni klub tarbiyalaydi.

@sabitov_co

Har 2 yilda yangi reglament o’ylab topadigan OFKning naqadar no’noq tashkilotligini yana bir marta tushunish uchun U20 Osiyo kubogi va klublar o’rtasidagi Chempionlar Ligasi (Elit & 2) o’yinlarining bir davrda o’tkazilayotganidan bilishimiz mumkin. 18-19 yoshli futbolchilar allaqachon klublarida asosiy tarkib futbolchisiga aylanayotgan zamonaviy futbolda bunday musobaqalarni bir vaqtda o’tkazish - mantiqsizlik!

Osiyoda resurslar Yevropanikidan kam emas, ammo qit’a bunday oqibati o’ylanmagan strategiyasi bilan yana bir necha Xitoy va Saudiyaning milliardlik imkoniyatlarini boy beraveradi.

Shaxsiy fikrim, istalgan qit’a va mamlakatda klublar futboli yoshlar (akademiyalar) ustiga qurilishi kerak. Buning uchun musobaqalar taqvimi ham shunga moslashtirilgan bo’lishi shart.

@sabitov_co

Amaldagi chempion sifatida qatnashadigan musobaqamizda yangi Husanov, yangi Fayzullayevlarni kashf etishimizga ishonaman. Ertadan start. Omad!

@sabitov_co

U20 Osiyo kubogi. Dastlabki o’yin, 33-daqiqa. Avstraliya U20 termasi qo’shnilarimizni “azoblayapti”. Ertadan O’zbekiston ham bu turnirda o’z yurishini boshlaydi. Amaldagi chempion sifatida.

@sabitov_co

Husanov UEFA’ning Chempionlar Ligasi uchun bag’ishlangan rasmiy fotosessiyasida qatnashdi. Tez orada tarmoqlarda Abduqodir ishtirokidagi bir-biridan xilma-xil fotolar aylanishni boshlaydi.

@sabitov_co

@sabitov_co

HUSANOV GOL URDI!

@sabitov_co

Tushyapti.

@sabitov_co

Ma’lum bir futbolchida inqiroz bo’lsa, bundan chiqib ketish uchun o’sha futbolchiga ma’lum vaqt yoki uning atrofidagi muhit yangilanishi (masalan, jamoasini yoki futbolga bo’lgan o’z munosabatini o’zgartirishi) kerak.

Agar inqiroz jamoaviy bo’lsa, buning da’vosi katta ehtimol shu jamoani boshqarayotgan kishining iste’fosi bilan tugaydi.

“Siti” va Pepga tegishdirib yozayotgan bu xabarimni tugatgunimgacha Antoni La Ligadagi debyut golini uribdi. Birinchi abzasdagi gapimni isboti bo’lib beribdi. Qoyil =)

@sabitov_co

Pep shunisi bilan ham Pep. Hech kim kutmaganda, kelganiga 1 hafta ham bo’lmagan, tayinli mashg’ulot o’tkazishga ulgurmagan Husanovni “Chelsi”ga qarshi o’yinda asosiyda tushirib yuboradi. Bugun ko’pchilik (hatto, klub faoliyatini yaqindan yorituvchi manbalar ham) Abduqodirni asosiyda kutgandi, lekin Gvardioladan yana bir kutilmagan qaror. “Real” bilan o’yinda ham tarkib borasida yana ko’pchilikni hayron qoldirsa, sizlar hayron qolmanglar =)

@sabitov_co

Bizda odatda, o’zbek futboliga oid aksar tahlillar g’alabali o’yinlarga bag’ishlanadi. Aslida, yutqazilgan o’yinlar ko’proq tahlil va tanqidga muhtoj. Hali ham futbol senzuradan ancha holi hudud — klublarimizning xalqaro maydondagi natijalarining sabablari aniq o’rganilib, ular olib kelayotgan legionerlar-u, yarim mavsumga ham yetmaydigan rejalari va soliq to’lovchilar shakllantirgan smetasini kemirayotganlar haqida dadil dalillar bilan yozsa, gapirsa bo’ladi. Lekin, qilishmaydi. Chunki, jurnalistika va futbol qorishib ketdi. Nomi chiqqan jurnalist (nashr) borki, u yo bu shaklda futbol jamoalari (kishilari) bilan umumiy manfaatga ega bo’lib qoldi yoki shunchaki davlat tashkiloti ishchisi sifatida davlat amalga oshirayotgan loyiha(lar) noto’g’ri yo’lda ketayotgani haqida yoza olmaydi.

Mustaqil jurnalistika va adekvat analitika yo’q!

@sabitov_co

2025-yil o’zbek futboli uchun ilk rasmiy o’yin mag’lubiyat (va raqib darvozasi tomon birorta aniq zarba berilmagan o’yin) bilan boshlandi.

“Paxtakor”ning pley-offga chiqish imkoniyati endi faqat o’z qo’lida emas. Lekin doimgidek umid bor =)

Legionerlar sifati bo’yicha bir nimalar yozgim keldi-yu, ertaga shular Superligada 2-3 ta gol urib qo’yadigan bo’lsa, “mana biz olib kelgan legionerlar”, deb yozadiganlarni xafa qilgim yo’q.

@sabitov_co

Хусанов > Аканджи

GOAL24

“So’g’diyona” mavsumoldi yig’inni juda yomon o’tkazdi. Shaxsan o’zim Dubaydagi yig’inni ko’rib, bir tomondan achindim, bir tomondan uyalib ketdim. Jamoa “Rostov”ga 0:3, “Riga”ga 0:1, “Auda” (Latviya) jamoasiga 0:2 hisoblarida yengildi (uch o’yinda raqiblari darvozasiga aqalli bitta gol urmadi-ye). Aynan so’nggi o’yindagi latviyaliklarning 2 ta goli shunchaki jizzaxliklarning mavsumga hali umuman tayyor emasligini ko’rsatib qo’ydi — rabbona uslubida parashyut gol (video quyida), daxshat!

Qizig’i, jamoa kecha Dubaydan Antalyaga ko’chib o’tibdi, yig’inni o’sha yerda davom ettirarkan. Legionerlarga, yig’inlarga pul topayotgan klublarimiz stadion maysasini yangilashga kelganda cho’ntagini kovlab qolishi, yakunda chempionatda hechvaqoni qoyillatmay, kamiga legionerlari bilan sudlashib yurishi — kamida rivojlanayotganimiz belgisi emas. Shu klublarni, shu chempionatni maqtab yozadiganlarni ham rivojlanishimizga to’siq bo’layotganlar, deb bilaman. IMHO.

@sabitov_co

Hozir qayerda ekanligingiz emas, qayerga qarab intilayotganingiz, maqsad va orzularingiz muhimroq.

5 yil idish yuvib, ofitsiantlik qilgan Yensen, 1990-92 yillarda Stenford’da o’qiydi. 1993-yil “Nvidia”ga asos soladi. Hozirda bu kompaniyaning bozor kapitalizatsiyasi 3,16 trillion dollarga teng, tushunishingiz uchun bu — (!) 34 ta O’zbekiston (iqtisodiyoti) degani.

@sabitov_co

“Abduqodir Husanovning debyutidan keyin O’zbekiston Premyer Ligada futbolchisi o’ynagan 126-mamlakatga aylandi”, deb yozmoqda APL rasmiy sahifasi.

Xaritaga qarasangiz, O’rta Osiyoda yaqqol ajralib turibmiz. Shuningdek, qit’amizda Arabiston va Hindiston yarimorollari, Mo’g’uliston, janubiy-sharqiy Osiyoning aksar mamlakatlari ham hali “tumanli albion”ni “zabt etishmabdi”. Shaxsan meni Hindiston hayron qoldirdi: Britaniyada millionlab hindlar va hindistonliklar bo’lsa-da, ular orasidan birorta APL darajasidagi futbolchi chiqmagan ekan, demak, futbol chindan ham hindlar uchun emas ekan.

#futbol #husanov

@sabitov_co

Bugun, umuman oxirgi haftalarda “DeepSeek” sun’iy intellekti (SI) haqida ko’p yozishyapti. Ishlatib ko’rdim, “ChatGPT”dan kuchliroq sifatlari ham bor, lekin o’zbek tilida hozircha JiPiTi nisbatan ravon va bexato javob qaytaryapti. Ma’lumotlar bazasiga kelsak, xitoyliklarning AI-boti kuchliroq ko’rindi, lekin, senzura juda kuchli, Xitoy hukumatiga va ularning “ishlari”ga oid savollarga javob bermayapti, kerak bo’lsa oqlab ham beryapti (quyida foto-isbot keltirilgan).

Bu raqobatning eng katta yutug’i shundaki, xitoyliklar bor-yo’g’i 6 million dollarga SI yaratish mumkinligini ko’rsatishdi, taqqoslash uchun amerikaliklar GPT uchun milliardlab dollar sarflashgan edi.

Doimgidek innovatsiyani Amerika qiladi, inqilobiy o’zgarishlar Xitoyda ro’y beradi. Elektromobillar, “yashil energetika” bo’yicha ham ixtirolar g’arbda, alternativlar esa sharqda yaratilgan edi.

O’zbekiston hukumatining sun’iy intellekt bo’yicha hozircha aniq strategiyasi yo’q. BAA da esa allaqachon sun’iy intellekt vazirligi va sun’iy intellekt universitetlari faoliyatini boshlashgan va amirliklar ham AQSh va Xitoy singari tez orada o’zining generativ SI va “katta til modellari”ni ishga tushirmoqchi.

#texnologiya #suniyintellekt

@sabitov_co

Ijobiy fikrlar ham bor:

Orif Tolipov: “Shu yig’in bo’lmaganda Katanetsning salomatligi masalasi kun tartibiga chiqmagan, balki martda rasmiy o’yinlar oldidan mavzu ko’tarilardi” (#)

Qahramon Aslanov: “Bugun birga maydonga tushgan futbolchilar hech qachon xuddi shu tarkibda rasmiy o’yinda o’ynamaydilar” (#)

Davron Fayziyev: “Bugun va umuman bu yig’inda terma jamoa yaqin zaxirasi ko’zdan kechirildi” (#)

Jaloliddin Qobiljonov: “Iordaniya terma jamoasi ham zo’r sparing raqib bo’lib berdi. Ikki taraf ham deyarli hamma futbolchilarga imkon berdi va o’z taktik sxemalarini sinab oldi” (#)

Tugadi.

@sabitov_co

Bugungi xulosalarim:

• Katanets shu paytgacha chaqirilmaganlarni chaqirmay to’g’ri qilgan ekan.

• Bugun na Katanetsning, na Kapadzening O’zbekistonini ko’rdik.

• Superligadagi manaman degan futbolchilarning darajasi hozirgi MTJ ga tortmaydi. Hamma umid legionerlarimizdan!

• Kapadzeni ham kelgusi o’yinlarda faqat individual harakatlar qutqaradi, xuddi Katanets kabi. Jamoaviy o’yin qurishga vaqt kam, umid ham.

@sabitov_co

Qozoq do’stlarimizning okeanortidagi “AyTi hayoti”, startap, umuman, hozirgi raqamli dunyoda qanday qilib “success story” yaratishga intilayotgani haqida ajoyib hujjatli film — https://www.youtube.com/watch?v=13sLnGKU71I

Bizda ham bir necha tadbirkorlar va yoshlar hozir Amerikada startaplar ustida ishlashayotganini bilaman. Bosib o’tiladigan yo’l deyarli o’xshash, shu bois, o’zgalarning xatosi/tajribasidan saboq olish — uzoq yo’lni qisqaroq qilishi mumkin. Ushbu videoda juda ko’p insaytlar bor. Tavsiya qilaman.

@sabitov_co

2009 йилги Чемпионлар Лигаси финали олдидан ечиниш хонасида Гвардиола шогирдларига «Гладиатор» филмини қўйиб берган экан. Уёғини футболчилардан бири ҳикоя қилади:

«Филм қандайдир баландпарвоз шиорга уланиб кетди, биз бошқача бўлиб қолгандик. Салга йиғлаб юборадиган даражада ҳиссиётлар жунбушга келганди. Ўйин бошланганда то ўзимизни босиб олгунимизча, «МЮ» уч марта гол уриши ҳам мумкин эди. Менимча, Пепнинг бундай ғояси унчалик тўғри қарор эмасди»

Хусановнинг дебюти олдидан ҳам негадир ўша ҳикояни эслагандим. Футболчига боғлиқ хабарлар кўпайгани мутлақо табиий, аммо ҳаммаси футболдан ҳам каттароқ даражага чиққанида, менимча, нотўғри. Абдуқодир, сени ватан кутади, Абдуқодир, сени бутун Ўзбекистон кузатмоқда, Абдуқодир, ортингда қирқ миллион ўзбек турибди ва ҳоказолар, умид қиламанки, Абдуқодир бундай чақириқларни ўқимаган.

Унинг хатоси голга сабаб бўлгач, кейинги тўлқин бошланди, Абдуқодир, бўш келма, Абдуқодир, ҳечқиси йўқ, Абдуқодир, сен биланмиз, эй, Абдуқодирни қувватла, қанақа ўзбексан? Умид қиламанки, Абдуқодир буларни ҳам ўқимаяпти.

Футболчининг энг кучлиси ҳам фақат футболдаги босимни кўтара олади. У ҳозир бизнинг эмас, жамоадошларининг, уни шу пайтгача танимаганларнинг ишончига кўпроқ мухтож - бу ўша ерда ҳал бўладиган масалалар. Биз шундоғам ишонамиз, биз учун ўша ерга тушганининг ўзи ҳам етарли, тамом. Жозе Моуриньо баъзи футболчиларга кескин танқидлар мотивация беришини, баъзилар эса доимий қувватлашга мухтож бўлиб, умуман ҳар бир футболчи турлича муносабат таъсирли бўлишини айтганди. Яъни айни пайтда Хусановга нима ёрдам беради, у бундай босимларни қандай енгиб ўтишга одатланган, унинг яқинлари яхшироқ билишади, навбат уларга.

Менимча, энди Хусанов биз учун максимум бир футболчи сифатида қолиши, ортиқча баландпарвоз шиорлар камида фойдасиз эканини тушунишимиз яхшироқ бўларди. У «Бунёдкор»дан Белоруссияга, кейин Францияга йўлни бизсиз босиб ўтди, ёнида биз йўқ эдик. Айни паллада ҳам унга биз керак эмасмиз.

@aslanov_futbol

@habikatura

Abduqodir til muammosini tezroq bartaraf etib olsa, qolgani joyida. Xatolarning aksari va diskomfortga asosiy sabablardan biri aynan — tushunmaslik yo tushuntirolmaslik bo’lishi mumkin.

Nima bo’lgan taqdirda ham, u APLga borgan, borgan-da ham ketma-ket 4 marta bosh sovrinni yutgan, amaldagi chempion safiga borib qo’shilgan ilk o’zbek bo’ldi. Biz, sen bilan, Abduqodir! Bo’shashma!

@sabitov_co

@tolipovorif

VAU! Husanov asosiyda! 🫡

@sabitov_co

“Who is Khusanov?”

Bu mem haqida bilmagan odam yo’q, yaqin soatlarda esa butun dunyoda Husanov haqida bilmagan futbol odami qolmasa kerak. Biz ham, aniqrog’i men va google bugun ishxonamizdagilarning “Who is Khusanov?”, degan savollariga javob berdik.

Butun hamkasblar “Siti” xarid qilayotgan bu yangi “noneym”ga jiddiy qiziqishdi: gugllashdi, o’qishdi, tanishishdi. Shu bahona O’zbekistonni, uning JCh-2026 saralashlaridagi imkoniyatlari haqida ham ko’proq ma’lumotlar olishdi. Kriketsevar hindistonlik hamkasbim “Chelsi” muxlisi bo’lgani uchun “Siti” va Gvardiola yosh futbolchilar borishi va porlashi uchun yaxshi joy emasligini Kol Palmer misolida rosa tushuntirishga urindi. Albatta, optimizm va patriotizm bilan Abduqodir raqobatdan qo’rqmasligini va o’sha Palmerlarga qarshi munosib o’ynab ketolishiga ko’p vaqt kerakmasligini aytib tortishdim. Ispaniyalik hamkasbim esa meni u bilan bir xil ismli adash deb hisoblab, “endi isming dunyoga mashhur bo’larkan-da”, deb hazillashdi. Indamadim, mayli, o’yinlari orqali O’zbekistonni va familyasining bir qismi bilan ismimni dunyoga tanitaversin, deb kulib qo’ydim ichimda =)

@sabitov_co

Андижон суди Россия-Украина урушида қатнашиб, 10 дан ортиқ украиналикни ўлдирганини тан олган Ўзбекистон фуқаросига 4 йил 2 ой муддатга озодликни чеклаш жазосини тайинлабди. Бу, худди, “уй қамоғи” дегандек гап - одатда ишлаб, тинч яшаб юрса, кечаси кўчага чиқмаса бўлди.

Бошқа бир ҳолатда эса Фарғонадаги суд Россия-Украина урушида беш ой қатнашган (қанча одамни ўлдиргани айтилмаган), бунинг эвазига Россия фуқаролигини олган ўзбекистонликка 5 йил муддатга озодликдан маҳрум қилиш жазосини тайинлаб, “жазони енгиллаштирувчи ҳолатларни ҳисобга олиб”, шартли 3 йил синов муддати белгилабди. Яъни, у ҳам ҳақиқий маънода барибир қамалмаган.

Таъкидланишича, униси ҳам, буниси ҳам ўз хоҳиши билан Ўзбекистонга қайтиб, ўзини ўзи Ўзбекистон ҳуқуқ-тартибот органларига топширган ва нега Россия армияси таркибида Украинага қарши жанг қилгани бўйича суд уларнинг айбини енгиллаштириш учун асосли деб тан олган важларни келтирган.

Сизга қандай билмадиму, лекин бу Ўзбекистон суд органлари томонидан Ўзбекистон фуқароларининг чет эллардаги жанговар ҳаракатлардаги иштирокини қўллаб-қувватлашга ўхшаб кўринди. Сиз ойлаб, йиллаб хорижий давлатда ёлланма жангчи бўлиб хизмат қиласиз, қанчадан-қанча одамларни ўлдирасиз, уйини куйдирасиз ва Ўзбекистонга бош эгиб келиб, “оилам оғир аҳволда эди, пулим йўқ эди, қийналиб кетгандим”, деб тан олсангиз, тамом, бағрикенг ўзбек суди сизга ҳеч қанақа уруш кўрмаган Ўзбекистон фуқароси каби обод ўлкада озод яшаш имконини яратиб беради. Худди “Россия армиясига қўшил, Украинага қарши жанг қил ва топган пулингга Ўзбекистонда мазза қилиб яша” деган махсус акцияга ўхшайди.

Балки улар Россиядан бекордан бекорга қайтмагандир? Ўзи Россия тарафдан урушда қанча ўзбекистонлик қатнашяпти - расмийларимизда бу ҳақда маълумот борми? Эртага уларнинг бари (омон қолганлари) Ўзбекистонга қайтса, судларимиз мана шундай шартли, юмшоқ жазо тайинлашда давом этаверадими? Умуман, бунинг миллий хавфсизлигимизга нисбатан оқибатлари ўйлаб кўрилганми - балки Россия уларни Ўзбекистонга топшириқ билан юбораётгандир? Ҳар ҳолда, Ўзбекистон Қуролли Кучларининг мингларча ҳарбий хизматчиларидан фарқли ўлароқ, улар ҳақиқий жанг майдонида бўлган, уруш кўрган, бўлганда ҳам, эҳтимолий душман сафида малака оширган одамлар.

Яна бир қизиқ масала шундаки, жаҳоннинг бошқа қайноқ нуқталардан “адашганини англаб”, бош эгиб қайтган қолган ўзбекистонликларга ҳам шундай бағрикенглик қилинармикин?

Mana shu yigit - Omar Abdulrahmon hozir Saudiya Arabistoni media terma jamoasi safida O’zbekistonga qarshi maydonda o’ynayotgan ekan.

Asli saudiyalik bo’lgan, “Al Hilol” tarbiyalagan va bir vaqtlar APL jamoalari qiziqqan sobiq BAA terma jamoasi futbolchisi ayni damda media futbolda. Qiziq.

@sabitov_co

Bugun ko’pchilik yilni sarhisob qilyapti. Men oxirgi 10 yilligimga birma-bir qarab chiqmoqchiman. Chunki, 10 yil oldin maktabni (9-sinf)ni tamomlab, katta hayotga qadam qo’ygandim.

2014: Maktabni “круглый” beshga bitirdim, o’zim istagan kollejga o’qishga kirdim;
2015: Haydovchilik guvohnomasini oldim;
2016: Photoshop va After Effects bilan ilk tanishuvimiz boshlandi;
2017: Kollejni bitirdim, universitetga kirolmadim. PES 2013 ning o’zbekchalashgan versiyasi bo’lmish “PesGoal”ni yaratdim;
2018: “PesGoal” proyektimdan keyin Uzinfocom’da ish taklif qilishdi, aqliy rivojlanishga qaratilgan o’yinlar ishlab chiqishda qatnashdim;
2019: Uzinfocom’dan ketdim, kibersport federatsiyasiga o’tdim, onside.uz’ga asos soldim;
2020: “Singrapurskiy”ga o’qishga kirdim;
2021: onside.uz’dan va kibersportdan ketdim, daryo.uz va My Freighter (avialogistika)da ish boshladim;
2022: My Freighter aviakompaniyaga aylandi — aviapark 0 tadan 5 tagacha samolyot bilan to’ldirildi. Uning qoshida Centrum Air nomli yo’lovchi tashish aviakompaniyasi yaratildi;
2023: Ilk marta xorijga sayohat qildim (ketma-ket to’rt davlatga). sports.uz bilan hamkorlikni boshladim, o’qishdan ta’til oldim, uylandim, farzandli bo’ldim;
2024: Grafik dizaynda “strong middle” (balki “senior”) darajasiga erishdim va to’liq frilanserlikka o’tdim. FIFA darajasidagi turnrda ishladim, klublar va terma jamoa bilan hamkorlik qildim. Ayni paytda Dubayda xalqaro tajriba izlab, “katta bozor”da o’z o’rnimni topish harakatidaman…

2034-yil tugayotganda shu xabarni belgilab, navbatdagi 10 yillik yutuqlarini/voqeliklarini yozish nasib qilsin.

#10yil #YetkazganigaShukur

@sabitov_co

Oxirgi ishlarimdan.

@sabitov_co

Bugungi ishxonadagi suhbatdan parcha:

- Yanvarda sani davlatingdagi jamoa o’rtoqlik o’yinini o’tkazish uchun bizni stadionga kelarkan (quyida o’sha stadionning suratlari bor).
- Milliy terma jamoami?
- Yo’q, “Sagdiana” (So’g’diyona) degan jamoa.
- Ha, yil boshida hamma klublarimiz chet elda yig’in o’tkazadi. “Paxtakor” Turkiyada bo’ladi (suhbatdoshim “Paxtakor”ni yaxshi tanigani uchun alohida ma’lumot sifatida aytib o’tdim).
- Sizlarda hamma jamoalarda byudjet zo’r shekilli. Bizda (Rossiyada) faqat TOP-klublar Dubayga, Turkiyaga borishadi, o’rtamiyonalar 2-3 yilda bir marta chetda yig’in qilishini aytmasa, sovuqda o’zini bazasida tayyorgarlik qilishga majbur.
- Ha, bizda futbolda pul ko’p =)

deb qo’yaverdim ichim tirnalib.

@sabitov_co

«Дорисиз жаннатларга кетган болалар». «Док-1 Макс» иши қурбонлари хотирасига бағишланади

«Док-1 Макс» иши — Ўзбекистонни ларзага солган ҳодиса. Унинг асоратлари дори-дармон, тиббиёт, ҳуқуқ-тарибот каби соҳалар учун ҳам оғир синов бўлди. Фожиага икки йил тўлиши муносабати билан «Газета.uz» шу дорилар сабаб вафот этган 68 боланинг сўнгги кунларини ёдга олади — улар унутилмаслиги керак.

https://www.gazeta.uz/uz/2024/12/29/dok-1-maks/

Telegram | Instagram | YouTube

Arab Ko’rfaz kubogi-2024. Saralashdagi guruhdoshlarimiz Qatar va BAA terma jamoalari 3 o’yin natijasiga ko’ra Quvayt va Omandan ortda qoldi va guruhda qolib ketdi. Terma jamoalar to’liq asosiy tarkib o’yinchilari bilan qatnashgan. BAAdan Holid Eysa, Yahyo Nodir, Suhayl, Fabio Limalar, Qatardan esa Afif, Almoez Ali, Lukas Mendesh kabi liderlar deyarli 270 daqiqa maydonda bo’lishgan.

@sabitov_co

O’zbekiston chempionatlari tarixida maydonda (videoda) eng ko’p yulduzlar yig’ilgan o’yin shu bo’lsa kerak. Poytaxt klasikosi. Kelasi mavsum bu raqobat yana qaytishi mumkin.

@sabitov_co

Yalpi ichki mahsulot hajmi $141 mlrd (2023), aholisi 37.8 mln (2023) bo’lgan, iqtisodiy ko’rsatkichlari O’zbekistonga juda o’xshashib ketadigan Marokash davlati JCh-2030 uchun 6 ta shaharda 6 ta stadionni taklif qilgan (stadionlar surati yuqorida keltirilgan). Deyarli barcha inshootni yangidan qurish kerak.

Marokashlik hamkasbimning aytishicha, oldindagi 6 yil marokashliklar uchun juda og’ir yil bo’ladi - “1 oylik festival uchun 6 yillik hayotimizni, shu vaqtda topgan pullarimizni tikyapmiz, bu adolatsizlik. Bu yerda davlat shuncha ish o’rni bo’ladi, turist keladi, ishsizlik qisqaradi, deydi, lekin bu ma’lum klanlar va juda kam sonli odamlar uchun manfaatli”, dedi Marokashning kichik shaharchasidan kelgan suhbatdoshim.

@sabitov_co

Yarim tunda allanima ishlar bilan band bo’lib o’tirasan va to’satdan FIFA prezidentining storisida xuddi o’sha yarim tunlarning birida qilgan ishingga ko’zing tushadi.

@sabitov_co

Roppa-rosa 1 oy oldin oilam bilan Dubayga ko’chib keldim. Sabablar ko’p emas: o’z sohamda o’sish, FIFA bilan boshlangan xalqaro karyeramni davom ettirish uchun shu yerga keldim.

Frilans ishlarim borligi sababli kelishim bilanoq ishga tushib ketish rejalarimda yo’q edi. Shunday ham bo’ldi. Toshkentdan turib, 2 ta kompaniyadan intervyu uchun chaqiruv olgandim, kelishimning ilk haftasida shu suhbatlarga bordim. Lekin, ikkalasidan ham ijobiy javob olmadim (aniqrog’i hali ham javob kelmadi, pochtalariga, WhatsApp’lariga yozsam javob yo’q, o’ylashimcha, bu dubaychasiga “отказ” bo’lsa kerak).

2-haftada ish chiqdi — uy-joy oldi-sotdisi (Real Estate) bilan shug’ullanuvchi kompaniyada. 3 kun ishladim, orada boshqa joylardan ham suhbatlarga chaqirishdi va oxiri Dubaydagi LaLiga akademiyasida ishlash variantida qoldim.

Dubayga kelganimning 20-kunida ish boshlabman. Shu yerdagilarning aytishicha, bu zo’r natija emish. Ya’ni, yangi kelganlarning 3 hafta ichida ishga joylashib ketishi juda noyob xodisa ekan, lekin, shaxsan o’zim aksincha deb o’ylar ekanman — o’zbekistonliklar immigrant bo’lgan kuniyoq ish topishmasa, “odamlar nima deydi” sindromi ishlab ketadi. Keyinroq tushundimki, boshqa yurtlardan bu yerga keladiganlar kattaroq moliyaviy zaxira bilan kelishadi va 1-2 oy davomida shoshmasdan o’zlariga mos keluvchi sohalarda, lokatsiyalarda ish izlashadi. Buning o’ziga yarasha sabablari bor: 1) ish beruvchi ishchiga kamida 1 yillik viza qiladi va shu vaqt mobaynida ishchi boshqa kompaniyaga ishga o’tib keta olmaydi, o’tib ketgan taqdirda, vizaga oid qonunni buzadi va deport bo’lishi mumkin; 2) lokatsiya juda muhim, ish joyiga qatnash masalasi Dubayda juda dolzarb, jamoat transporti nisbatan qimmat, masofalarga qarab narxlar oshib boraveradi; 3) karyerada va mansabda (lavozimda) o’sish qilishni istayotganlar bir joyda uzoq vaqt ishlashi tavsiya etiladi, shuning uchun, ishga topshirayotganlar biryo’la nufuzliroq kompaniyaga yoki hech bo’lmaganda yaqin kelajakda yopilib ketmaydigan, kelajagi bor ishxonaga joylashishni xohlashadi.

Ishimga kelsak, futbol akademiyasi marketing (+sales) va operatsiyalar (operations) bo’limida grafik dizayner bo’lib ishlayapman. 1 ta yopiq, 4 ta ochiq maydoni bo’lgan akademiya shug’ullanuvchilar soniga ko’ra, Amirliklardagi eng katta futbol akademiyasi ekan. BAA o’smirlar va yoshlar terma jamoasiga futbolchilar yetkazib berish va professional futbol klublari uchun ham seleksiya maydoni bo’lib xizmat qilyapti. Murabbiylarning barchasi Ispaniyadan, bitta italiyalik murabbiy yaqinda “Al Nassr” U17 jamoasiga bosh murabbiy bo’lib tayinlanibdi (menimcha, u haqida eshitgansiz, sobiq “Milan”chi Luka Antonini).

Tarmoqlarda passiv bo’lib qolganimning asosiy sababi migratsiya va adaptatsiya edi. Sizlarda nima gap? Sovqotmayapsizlarmi? (=

@sabitov_co

💶 Odatda faqat katta maosh oluvchi futbolchi yo murabbiylarning topayotgan pullarini sanashga va ularni kunlik, soatlik yo daqiqalik ko’rinishda ko’rib va bundan hayratlanishga o’rganib qolganmiz. Bu safar ham hayratlanishga tayyor turing — O’zbekiston milliy terma jamoasi yetakchilaridan biri Abbosbek Fayzullayevnining Rossiyada olayotgan maoshini soatbayga hisoblasa 12.7 yevroga (13.4 dollarga) aylanmoqda. Hamyurtimiz o’z klubida eng sermahsul va yetakchi uch futbolchidan biri, ammo, eng kam maosh oluvchi futbolchilar uchligida ham aynan u turibdi.

💰 Ma’lumot uchun, Yevropaning aksar mamlakatlari va Qo’shma Shtatlarda eng past darajadagi “qora ishlar” uchun soatiga kamida 12 dollar etib belgilangan. Futbolchilar topayotgan pullarni-ku gapirish shart emas.

Albatta, barakasini bersin! Lekin, o’zbekistonliklar har qayerda (ayniqsa, Rossiyada) mehnatiga yarasha haq olishga haqlilar!

🍋 @FUTGOAL

O’tgan mavsum “Al Ayn”ni hech kim yenga olmaganda, bu ishni “Paxtakor” safarda uddalagandi, garchi o’sha natija deyarli hech nimani hal etmagan bo’lsa-da. Yakunda shu jamoa OChL chempioni bo’ldi.

Bu mavsum bo’lsa aksincha, al-aynliklarga raqib bo’lgan jamoa borki amirliklarni “ezg’ilab o’tyapti” (5 o’yinda 0 g’alaba, 1 durang, 4 mag’lubiyat). Bugun “Paxtakor” Elit OChLda kurashni davom ettirishi uchun ham “Al Ayn”ning noxush an’anasini bardavom qila olishi kerak.

@sabitov_co

Назаримда биз каби мамлакатлар учун йирик спорт табдирлари мезбонлиги бирламчи равишда улар баҳонасида яратиладиган ва аҳоли учун кейинчалик ҳам фойдали бўладиган инфратузилма иншоотлари билан аҳамиятли.

Агарки, бўлажак Ёшлар Осиё ўйинларига энди мезбон эмас эканмиз, бу спорт тадбири баҳонасида қурилиши бошланган мажмуалар, спорт шаҳарчаси қурилиши давом этиши, сифатли якунланиши муҳим.

Расмий баёнотдан шуни кутгандим ва кутганимдек ишлар давом этиши таъкидланибди. Майли, яхшиликка!

Shu yil sentyabr oyida olingan suratlar (#).

@sabitov_co

Olimpiya shaharchasining maketi. Aytishlaricha qurilish ishlari 60% ga tugallangan.

@sabitov_co

Osiyo olimpiya kengashi Yoshlar o’rtasidagi Osiyo o’yinlari mezbonligini Toshkentdan olib qo’ydi. Mezbonlik Bahraynga topshirildi. Sabablar aniq keltirilmagan, taxminlarga ko’ra bu moliyaviy yoki qurilayotgan obyektlar bilan bog’liq muammolar sabab.

Shaxsan menga Toshkent chetida qurilayotgan Olimpiya shaharchasining taqdiri va MOQ dagi yangi o’zgarishlarning bunga bo’ladigan reaksiyasi qiziq.

@sabitov_co

Ниҳоят, яна бир мавсум ортда қолди. Ғаройиботларга бой йил бўлди...

Турнир жадвалига тўхталадиган бўлсак, "Насаф" илк бор чемпионликни расмийлаштирди. ОКМК ўз тарихида энг яхши натижага эришди. "Бунёдкор" шахсий антирекордини янгилади. Черан "ўлиги" ҳам бошқалардан кучлироқ эканини исботлади. Тушунарсиз воқеалар гирдобида қолган "Пахтакор" медаллар зонасидан четда қолди. Мавсумни юқори нотада бошлаган "Локо" қуйи лигага кетди. Бир қатор ФИФА ҳакамлари йўқолиб қолди. Охирги тур "совға"ларга бой бўлди.

😉 Gvardiola Berdiyevga ikki estafetani muvaffaqiyatli topshirdi: mamlakat chempionligi va ayni vaqtdagi g’alabasiz o’yinlar seriyasi.

@sports_uz

❤️❤️❤️⚽️⚽️ @cheryuzbekistan

Superliga-2024 tugadi. Endi ayrim faktlarga yuzlansak:

• Eng yaxshi uy jamoasi - “OKMK” (29 ochko)
• Eng yaxshi safar jamoasi — “Nasaf” (25 ochko)
• Eng yaxshi start (dastlabki 5 tur) jamoasi — “Andijon” (11 ochko)
• Eng yaxshi finish (so’nggi 5 tur) jamoasi — “Navbahor” (13 ochko)
• Eng yosh jamoa (“Olimpik”dan tashqari) — “Paxtakor” (23.8 yosh)
• Eng ko’p legionerlarga ega jamoa — “Andijon” (8 ta)
• Eng qimmat tarkibga ega jamoa — “Paxtakor” (€11.1m)
• Eng arzon tarkibga ega jamoa (“Olimpik”dan tashqari) — “Qizilqum” (€3.3m)

Shaxsiy kuzatuvlarim bo’yicha “eng, eng, eng”larni ham yozib ketsam:

• Eng yorqin jamoa — “So’g’diyona”
• Eng passiv jamoa — “Paxtakor”
• Eng yaxshi legioner — Lyupche Doriyev
• Eng yaxshi futbolchi — Akmal Mozgovoy
• Eng yaxshi murabbiy — Ivan Boshkovich
• Superliga-2024 kashfiyoti — Ilyas Zeytullayev (“Bunyodkor” murabbiyi)

@sabitov_co

“We Global Football” nashri Osiyo terma jamoalarining 6-turdan keyin JCh-2026ga to’g’ridan-to’g’ri yo’llanma olish imkoniyatlari yangiladi. O’zbekistonning imkoniyatlari 84,8% dan 86,7% gacha yaxshilangan. Asosiy raqobatchilarimiz BAA da guruhda “kuchli ikkilik”dan o’rin olish uchun 12,6%, Qatarda esa 1% imkoniyat borligi ko’rsatilgan.

@sabitov_co

O’FA mediasi uchun tayyorlagan grafiklarimni portfolio sahifamga yukladim.

👉 https://www.behance.net/gallery/212918451/Uzbekistan-National-Team

Kelasi yildan xorij (terma) jamoalari uchun qilgan ishlarimni ham yuklash va sizlarga ulashish nasib qilsin. Shunga harakat.

@sabitov_co

Oktyabr-noyabr oyidagi FIFA kunlarida O’zbekiston milliy terma jamoasi maydonda 415 daqiqa o’tkazdi, shundan 360 daqiqa asosiy bo’limlar, 55 daqiqa esa kompensatsiya qilingan vaqt. O’rtacha bir o’yinda hakam tomonidan 13,75 daqiqa qo’shib berilgan.

Maydonda bo’lgan 415 daqiqamizning katta qismida — 278 daqiqa durang natija hukmronlik qildi. 57 daqiqa mag’lub holda o’ynadik, 80 daqiqa O’zbekistonning g’alabasi bilan o’tdi.

@sabitov_co

Koreya Falastinni yenga olmadi. Saudiya Indoneziyaga yutqazdi. Iordaniya Quvayt bilan, Avstraliya esa arang Bahrayn bilan ochkolarni bo’lishib oldi.

Hammasi shu tempda davom etsa, Osiyoda to’rtinchi bo’lib mundialga chiqsak kerak. Yaponiya keyingi turdayoq bu ishni rasmiylashtirib qo’yishi mumkin.

Umumiy jadval:
🇯🇵 — 16 ochko
🇮🇷 — 16
🇰🇷 — 14
🇺🇿 — 13
🇮🇶 — 11
🇦🇪 — 10
🇯🇴 — 9
🇦🇺 — 7
🇶🇦 — 7
🇮🇩 — 6
🇴🇲 — 6
🇸🇦 — 6
🇧🇭 — 6
🇨🇳 — 6
🇰🇼 — 4
🇵🇸 — 3
🇰🇬 — 3
🇰🇵 — 2

Garchi mag’lub bo’lgan bo’lsak ham, bu oyni yakunda Qatardan yaxshiroq o’tkaza oldik. Faqatgina noyabr oyidagi natijalarimizga ko’ra, jadvalda 6-o’rinni egalladik. Amirliklar uchun bu oy supersermahsul bo’ldi — 2 o’yin, 2 g’alaba, to’plar nisbati — 8:0.

Noyabr oyi uchun jadval:
🇦🇪 — 8:0 — 6 ochko
🇯🇵 — 7:1 — 6 ochko
🇮🇷 — 6:4 — 6 ochko
🇰🇷 — 4:2 — 4 ochko
🇮🇶 — 1:0 — 4 ochko
🇺🇿 — 3:3 — 3 ochko
🇴🇲 — 1:1 — 3 ochko
🇨🇳 — 2:3 — 3 ochko
🇮🇩 — 2:4 — 3 ochko
🇶🇦 — 3:7 — 3 ochko
🇦🇺 — 2:2 — 2 ochko
🇯🇴 — 1:1 — 2 ochko
🇧🇭 — 2:3 — 1 ochko
🇵🇸 — 1:2 — 1 ochko
🇰🇼 — 2:4 — 1 ochko
🇸🇦 — 0:2 — 1 ochko
🇰🇵 — 2:4 — 0 ochko
🇰🇬 — 2:6 — 0 ochko

@sabitov_co

Saudiya Arabistoni boshqaruviga Erve Renar qaytgach:

• Avstraliya 0:0 Saudiya
• Indoneziya 2:0 Saudiya

Futbolchilarni yaxshi biladigan, tanish va deyarli mahalliylashib ketgan murabbiyning sikl o’rtasida jamoaga kelishi — yaxshi ish emas-da, biz buni avvalgi saralash(lar)da o’z tanamizdan o’tkazganmiz.

@sabitov_co

Oldindagi to’rt o’yinda (ikki g’alaba orqali) 6 ochko ishlasak ham mundialga chiqishimiz mumkin, agar:

• BAA termasi 4 o’yinda 9 ochkodan kamroq ochko to’plasa (3 o’yinda g’alaba qozonmasa, “pishdi” BAA);
• Qatar shu 4 bahsda hatto bir ochko yo’qotsa biz uchun kifoya.

Katta ehtimol, uyda Qirg’iziston va Qatarni yengamiz. Safardagi o’yinlarda ko’proq omadga suyanamiz va minimal imkoniyatdan maksimum realizatsiyaga umid qilamiz.

@sabitov_co

Eslatma, faktlar va fikrlar:

• Bu KXDR asosiy raqobatchilarimiz Qatar va BAA dan ochko tortib olganini-yu, 4 kun oldin bugungi maydonda Eronga 2 ta gol urganini hamma unutib qo’ydimi darrov?!

• 2015-yilgi Osiyo kubogi ochilishi o’yinidagi 1-0, Nesterovning seyvlari…

• Xuddi shu yilning iyunida Pxenyandagi 2-4 mag’lubiyatimiz…

Xulosa: KXDR “podarka” jamoa bo’lmagan, har 4-5 yilda bu jamoada yaxshi avlod yetishib chiqishi oddiy holga aylangan.

* * *

• 6 o’yinda 13 ochko — 72.2%lik natija; hali hech qachon JCh saralashlarining hal qiluvchi bosqichlarida 6 ta o’yindan keyin bunday yaxshi qayd etmaganmiz;

• 2018-yilgi saralash siklidagi eng qimmatli ochkolarimizni neytral maydonda Suriyaga va Xitoydagi bahsda boy berganmiz; bugun shu holat ro’y bermadi, ya’ni, Babayanga yetishmagan jihat/ochkolar bugun Katanetsda bor;

• Qirg’iz Respublikasi Bishkekda Eron darvozasiga 2 ta gol urdi; MTJ ning qo’shnilarimiz ustidan xuddi shu hisobdagi g’alabasi va ko’rsatgan o’yini ko’p malomat qilingan edi.

Xulosa: JCh’ga chiroyli futbol ko’rsatib, muxlislarining yuraklarini og’ritmay chiqadigan Osiyodagi yagona jamoa bu — Yaponiya! Qolganlarning darajasi bir-biriga juda yaqin. Minimal hisoblar va og’ir g’alabalardan noliyotganimiz rivojlanayotganimizdan darak aslida. IMHO.

@sabitov_co

Tushunmayapman, ko’pchilik Katanetsdan norozi va uning ketishini istayapti. O’yin sifati va murabbiyning uslubi tanqid qilinyapti, lekin murabbiy faqat natija uchun javobgar ekanligini unutib qo’yyapti. Chiroyli futbol o’ynab, nechta mundiallarni “tushimizda” ko’rdik. Agar sog’lig’i bo’yicha bo’lmasa, Srechko ketmasligi va boshlagan ishini oxirigacha yetkazib qo’yishi kerak.

@sabitov_co

Nisbatan sifatsiz maydonda o’tadigan o’yinlarda omad ko’p narsani hal qiladi. KXDR aynan shunga tayandigan jamoa ekanligini Eron bilan o’yinda guvohi bo’lgandim — notekis maydon sabab koreyaliklar to’pni bir-birlariga faqat havolatib uzatish orqali juda ko’p marta “omad”ga murojaat etishdi va bunda aniqlikka juda katta e’tibor berilgan. “Omad faqat kuchlilarga kulib boqadi”, degan naqlga va Masharipovning aytgan gapiga (“kuchli jamoalar ketma-ket 2 o’yinda yutqazmaydi”) ishonsak, bugun guruhimiz autsayderidan 3 ochko olishimiz shart.

Omad, O’zbekiston!

@sabitov_co

O’zbekiston va Katanetsning 20 o’yinlik mag’lubiyatsiz seriyasi 6 (x2) daqiqa qo’shilgan o’yinning so’nggi daqiqasidagi gol evaziga tugadi. Bu o’yin va undagi bahsli hakamlik hali ko’p eslanadi…

@sabitov_co

Qatar JChga chiqadi, chiqmasa olib chiqishadi.

@sabitov_co

Bu jamoa Katanetssiz yaxshiroq o’ynay oladi, lekin Shomurodovsiz yo’q. Xuddi Osiyo kubogidagi ssenariy: ishlanmagan pozitsion hujumlar, Masharipov va Fayzullayev tomon havodan beriladigan uzatmalar…

Endi ham kambek uchun individual harakatlar yetarli emas, butun jamoa uyg’onishi kerak va bizga maydonda sof hujumchi zarur, mayli u Abdixoliqov bo’lsa ham.

@sabitov_co

#MatchDay Oʻyin kuni

🌎 JCh-2026 saralashi
🇶🇦 Qatar 🆚 Oʻzbekiston 🇺🇿
🗓 14-noyabr | 21:15
🏟 “Jassim bin Hamad” stadioni. Doha

💳 Uzcard | ⚡️ t.me/FAUzbekistan

Navbatdagi o’yin Qatarga qarshi. Post va beksteyj.

@sabitov_co

Chempionlar ikkinchi o’yinda ham urdunliklarga yengildi. Bunisi endi jiddiy! OChL 2 da munosib natija qayd eta olmayotganini — bor-e’tiborini Superligaga qaratayotgani bilan izohlab kelgan jamoa bugun nima derkan?!

Aslida bu mavsum milliy chempionatimiz juda erta tugab qolgani xalqaro maydondagi natijalarimizda aks etayapti. I davradan keyin chempionlik uchun kurash jiddiy kechgani yo’q, aksincha, go’yoki hech bir jamoa chempion bo’lishni istamagandek taassurot uyg’otdi. Ha, futbolimiz o’syapti, lekin ichki chempionatda kamida turg’unlik, agar pasayish bo’lmasa. “Andijon” va “Nasaf”ga hurmat saqlagan holda aytaman, qolganlarning kuchsizlanishi fonida ikki yangi chempionning paydo bo’lgani — aldamchi intriga!

@sabitov_co

Srechko Katanetsning imzosi haqida ko’p gapirishardi, kamida grafikalarda uning bo’lishi qandaydir signal bo’lsa kerak. Bu tarkibni aynan u tanlab, tasdiqlaganini ham anglatadi.

Tarkibga kelsak, shaxsan menda e’tiroz yo’q. Asosiysi — o’yinlargacha yigitlar jarohatlarsiz va yaxshi formada yetib kelishsin.

@sabitov_co

🇺🇿#MilliyJamoa noyabr oyidagi FIFA kunlarida JCh-2026 saralash bosqichi doirasida 14-noyabr kuni Dohada Qatarga qarshi, 19-noyabrda esa Vyentyan shahrida KXDRga qarshi uchrashuvda maydonga tushadi.

Bosh murabbiy tomonidan yigʻinga jalb etilgan futbolchilarning roʻyxati bilan tanishing.

💳 Uzcard | ⚡️ t.me/FAUzbekistan

Bilasiz, bu mavsumda o’zbek jamoalari orasida faqatgina “Nasaf” bilan hamkorlik qildim (ishlarim bilan bu yerda tanishishingiz mumkin). Natijani ko’rib turibsizlar — tarixda ilk marta chempionlik! Umuman, 2 yildan beri “Nasaf” uchun final va chempionlik o’yinlarida qilingan ishlarim “uvol ketmagan” hali, hammasida g’alaba.

Yaqinda O’FA bilan ham ish boshladik va ilk o’yindayoq tarixda qilmagan ishimizni qildik — Toshkentda BAA ni yengdik. Nasib qilsa, oxirigacha birgalikda tarix yaratishda davom etamiz va o’sha Amerikasiga ham boramiz.

Sifatli, kreativ dizaynlar va tarixiy yutuqlar kerak bo’lsa, kelaverasizlar =)

@sabitov_co

“Paxtakor” katta o’zgarishlarga muhtoj. Jamoaga tizimli ishlaydigan murabbiy kerak; klub kechagina futbolchilikni yakunlaganlar uchun eksperiment maydonchasi bo’lishni bas qilib, xususiylashtirishni yo tezlashtirish kerak yoki to’xtatib, to’la hokimiyatga qaytishi zarur.

P/S: shaxsan o’zim xususiylashtirish tarafdoriman, lekin, klubdan keladigan iqtisodiy manfaat yetarli darajada emasligini ham tushunaman.

@sabitov_co

PFL mediasidan ko’prog’ini kutgandim…

Butun mavsumni yaxshi o’tkazgan jamoa, oxiriga kelganda biroz dangasalik qilibdi, afsus.

@sabitov_co

⚡️ “Nasaf”da yangi tarix, yangi sovrin! Tabriklayman!

P/S: yuqoridagi dizaynlarga ham baho berib ketarsiz =)

@sabitov_co

UzFHM mavsumning hal qiluvchi o’yinida ham bizni eslashsin deganmi — “Lokomotiv” - “Nasaf” uchrashuviga Axrol Risqullayevni bosh hakam etib tayinlabdi. Sobiq “Nasaf” futbolchisi o’yinning 35-daqiqasida o’ziga bo’lgan e’tirozi uchun “Loko” o’yinchisini chetlatibdi. O’tgan turdagi bahsli penalti va epizodlardan keyin bunday ishlarning davom etishi “Nasaf” va uning muxlislariga ham yoqmasa kerak. Haqli chempionlikni mana shunday xunuk epizodlar “bejab” qo’yishi — muxlislar o’rtasida ko’p shubha-gumonlarni keltirib chiqaraveradi.

P/S: “Nasaf” chempionlikka haqli. Bu jamoa hozirgi kunda o’z maqsadiga yetishida kimningdir yordamiga muhtoj ham emas.

@sabitov_co

🏆 2002-yildan beri Toshkentdan “chiqmagan”, vodiydagilarning “hushini olayotgan” O’zbekiston chempionati bosh sovrini bugun tarixda ilk marta vohaga yo’l olishi mumkin.

@sabitov_co

Твиттерга (Х) ўтамиз ва октябрь ойи энг яхшиси бўлиши учун Абдуқодирга овоз берамиз. 👇🏻

https://twitter.com/Ligue1/status/1851972390424842386?t=ScMwwx9WmEie3PCS2bxkcg&s=19

⚡️ Терма жамоа аъзоларининг ички чемпионатларда урган голлари.

🥃 Неъматовга яна 3 та гол қолди биринчи ўринга чиқиб олишига)

@sports_uz

❤️❤️❤️⚽️⚽️ @cheryuzbekistan

Rodrining o’tgan mavsumdagi sovrinlari:

• Yevro-2024
• Premyer-Liga
• UEFA Superkubogi
• Klublar o’rtasidagi JCh

Individual
• Yevroning eng yaxshi futbolchisi

Vinining o’tgan mavsumdagi sovrinlari:

• La Liga
• Chempionlar Ligasi
• Ispaniya Superkubogi

Individual
• YChLning eng yaxshi futbolchisi

Note: yangi o’zgartirishlarga ko’ra, “Ballon D’or” endilikda yil uchun emas, mavsumdagi natijalarga qarab beriladi (yuqorida shu sababli ham UEFA Superkubogi-2023/24 inobatga olinyapti) va birinchi navbatda futbolchining shaxsiy yutuqlari, keyin esa jamoaviy natijalari inobatga olinadi.

@sabitov_co

Bu yildan e’tiboran “Ballon D’or”ni tashkil etishda bevosita UEFA ham ishtirok etadi. 2023-yil 3-noyabrdagi kelishuvga ko’ra shunday. Demak, baholash kriteriyalarida UEFA turnirlariga alohida ustuvorlik berilishi tabiiy. Shu yil yozda ushbu tashkilot bayrog’i ostidagi eng nufuzli turnir — Yevropa chempionati o’tkazildi va ushbu musobaqaning eng yaxshi futbolchisi deb — Rodri e’tirof etilgan edi.

@sabitov_co

Flik “shaxmat”da Ancheni yutdi. Jamoa kerak paytda himoyalandi, kerak vaqt hujumda faollashdi. Omad ham “Barsa”ga biroz yonbosgandir, ammo, yozilmagan qoida ham shunday - “omad kuchlilarga kulib boqadi”…

@sabitov_co

Anchelotti shu joyda “yedi”. Ofsaydni ushlashdagi klass hozircha uchrashuv natijasini belgilab beryapti.

@sabitov_co

Masalan, VAR futbol ilmiga yana bitta ilm qo’shilishiga sababchi bo’lyapti. Shu texnologiya sharofati ila Flik bugun “ofsayd chizig’i” metodikasidan ishonch bilan foydalanyapti. Zamon bilan hamnafas murabbiy!

@sabitov_co

Klasiko va UFC ga oid eng tezkor va ishonchli xabarlar Sports.uz’da:

👉 @sports_uz

Bedor oqshom — xayrli o’tsin!

Sport sohasida xalqaro karyera qilish istagida bo’lganlarga ish topish uchun eng yaxshi sayt: https://hub.globalsportsjobs.com/vacancies/

Ayni paytda dunyo bo’ylab sport sohasida 4258 ta bo’sh ish o’rni bor ekan. Eng katta talab Amerikada. 2026-yilgi Jahon chempionati tashkiliy qo’mitasi va uning hamkor kompaniyalarida yollanma (frilans) ishchi kuchiga talab katta.

@sabitov_co

Eng ko’p vaqt sarflagan ishingiz qaysi deb so’rashsa, mana shu ishimni ko’rsatgan bo’lardim. Taxminan 13 soat monitor qarshisida, pauzasiz ishlaganman.

Ozgina montaj/tuzatish ishlaridan keyin nihoyat ushbu moushn-grafikani portfolio sahifamga ham yuklashga erishdim: https://www.behance.net/gallery/211086265/Uzbekistan-Olympic-(U23)-teams-pathway

Agar Behance’dan ro’yxatdan o’tgan bo’lsangiz, layk va ulashishlar so’rab qolaman. Bu juda muhim. Bilaman, ha deb, portfolio-portfolio, deyaverib boshingizni qotiryapman. Tez orada nega portfolioga bunchalik ko’p e’tibor qaratayotganim sababini bilasizlar, Xudo xohlasa.

@sabitov_co

Noyabr oyida FIFA reytingida bizdan yuqorida turgan Qatarni yutishni uddalasak, shuningdek, Iroq - Iordaniya bahsida iroqliklar g’alaba qozona olishmasa, katta ehtimol 28-noyabr kuni yangilanadigan reytingda Osiyoda 6-o’ringa ko’tarilib olarkanmiz.

Ma’lumot uchun, ushbu bosqichda 6 jamoaga to’g’ridan-to’g’ri JCh-2026 yo’llanmasi beriladi. Reyting tomondan ham TOP-6 da bo’lishimiz ko’p narsani anglatadi =)

@sabitov_co

Noyabr oyidagi o’yinlarda ham raqiblardan 4 ochko olishimizni kutyapman. Kamida 4.

@sabitov_co

Superliga > OChL 2 — nachora “Nasaf”ning bugungi kundagi prioriteti shunday. Jamoa tezroq O’zbekiston chempioni bo’lib qo’ya qolgani yaxshi edi, aks holda liga sovrini uchun xalqaro maydondagi qimmatli ochko, obro’ va mukofot pullari ko’kka sovurilyapti. Bugungi mag’lubiyat sabab qarshiliklar guruhda 3-o’ringa tushib ketdi.

Shu tariqa 6-tur Dubayda “Shabab Al Ahli”ga qarshi o’yin pley-off yo’llanmasi uchun finalga aylansa kerak.

@sabitov_co

“Paxtakor” OChL Elitda ikki ochkosi bilan yo’llanma beruvchi “kuchli sakkizlik”da 8-o’rinda. “Nasaf” bugun “Al Hussein”ni safarda mag’lub etishni uddalasa, pley-off masalasini deyarli hal qiladi — 3 o’yinda 7 ochko + ketma-ket o’z uyida “Al Hussein” va “Al Quvayt” jamoalari bilan o’yinlar.

@sabitov_co

Bugun “Paxtakor” Iroqda “Al Shorta” mehmoni bo’ladi. G’alaba va uch ochko yordamida “sherlar” chorak final yo’llanmalari beriladigan sakkizlikdagi o’rinini mustahkamlab qo’yishi kerak.

@sabitov_co

“Yevropalashib” borayotganimizni sizlar ham sezyapsizlarmi? =)

@sabitov_co

​Vanihoyat, o’zim uchun portfolio-sayt ochishga vaqt topa oldim. Endilikda kamina tomonidan tayyorlangan ishlarni sabitov.co da topishingiz mumkin. Saytga blog qism ham qo’shdim, hozircha ma’lumotlar faqat ingliz tilida.

Bunday saytlar nega kerak? Qisqa qilib xalqaro karyera uchun, desa bo’ladi. Katta kompaniyalar shaxsiy portfolio-sayti bor ijodkorlarni alohida qadrlaydi, bunga o’zim ko’p guvoh bo’lganman.

Umidim va maqsadim — portfolioni eng yaxshi ishlar bilan kengaytirib borish. Qadriyatlarimiz mos keluvchi mahalliy va xorijiy kompaniyalar bilan hamkorlikka doim ochiqman. Quyida menga tegishli barcha sahifalarni keltiraman:

Shaxsiy portfolio-sayt: https://sabitov.co
Behance sahifam: https://www.be.net/husansabitov
LinkedIn sahifam: https://www.linkedin.com/in/husansabitov
Instagram sahifam: http://instagram.com/sabitov_co
X (sobiq Twitter) sahifam: https://www.x.com/husansabitov

@sabitov_co

Kelajakda nasib qilib bola yulduz bo‘lib ketsa ijtimoiy tarmoqlarda rosa aylanadigan rasm bo‘lgan a, to‘g‘rimi? Rasmga hayp bo’ladigan izoh ham tayyor: «Palon yil oldin 2024 yilda olingan surat. To‘lqinbekov hali 17 yosh paytidayoq Messi uning iste’dodini payqab o‘yinini ko‘rgani borgan ekan»

Shunga o‘xshashroq matn bilan bu rasm tarqalsa shu postni ham bir eslab qo‘yarsiz.

Gap shundaki, Britaniyaning eng nufuzli va jiddiy nashrlaridan biri The Guardian an’anaviy Next Generation 2024 – jahon futbolidagi eng yaxshi 60 nafar yosh iqtidor sohibi ro‘yxatini e‘lon qilibdi. Undan suratdagi oq formali yigit — «Bunyodkor» va O‘zbekiston yoshlar terma jamoasi himoyachisi Azizbek To‘lqinbekov ham joy olgan.

To‘lqinbekov «Barselona»ning asosiy jamoasida o‘ynayotgan iste’dodlari bo‘lgan Pau Kubarsi, Mark Bernal va Lamin Yamal bilan bir qatorda 2007 yilda tug‘ilgan eng istiqbolli futbolchilar safiga kirdi.

«O‘zbekistonda ushbu yosh futbolchining ajralib turishi oson emas, chunki mamlakatda iqtidorli futbolchilar ko‘p. Ammo To‘lqinbekov o‘tgan yili 17 yoshgacha bo‘lgan o‘smirlar o‘rtasidagi jahon chempionatida nom qozongan edi. To‘lqinbekov to‘p bilan xotirjam harakatlanadi, o‘yinni a’lo darajada o‘qiydi, himoyada o‘zini qulay his qiladi, lekin yarim himoyada ham o‘ynay oladi», deb yozadi The Guardian.

Ha, yana bir gap, unutmaslik kerakki «Gardian» bergan ro‘yxatdagi futbolchilarning yarmidan ko‘pi kelajakda zo‘r bo‘lib ketmaydi. Masalan 2019 yilgi ro‘yxatda o‘zbekistonlik Jasurbek Jaloliddinov ham o‘rin olgandi. 5 yil ichida Jaloliddinov erishgan eng katta yutuq bu yaqinda oila qurgani bo‘ldi. Umid qilamizki, To‘lqinbekovda natijalar boshqacha bo‘ladi.

O‘zi bu post yuqoridagi surat kelajakda yaxshi bir tarixiy rasmga aylanish imkoniyatiga ega ekani uchun yozildi. Azizbekka kelgusi faoliyatida omad.

@gosportuz

🌎 JCh-2026 saralashi. 4-tur bahslari yakunlandi.

💳 Uzcard | ⚡️ t.me/FAUzbekistan

Boshqa tomondan Eronning mag’lubiyati guruhda to’g’ridan-to’g’ri yo’llanmalar uchun yana bitta jiddiy raqobatchini yaratadi. Bu bizga kerak emas. O’zbek-fors o’rtasiga begonalar (ayniqsa, Qatarning) kirmagani yaxshi =)

@sabitov_co

Qatar Eron darvozasiga gol urdi va agar bugun forslar g’alaba qozona olmasa, kamida 1 oy guruhda yakka peshqadam bo’lib turamiz. Zo’r-a =)

@sabitov_co

G’A-LA-BA!

O’yin yomon emas, faqat eski dard —realizatsiyada muammo. Oktyabr oyida +4 ochko jamg’ardik. Kelasi oyda Qatar va KXDR (Laosda) mehmoni bo’lamiz.

@sabitov_co

#MilliyJamoa BAAga qarshi oʻyinni ushbu tarkib bilan boshlaydi 📋

💳 Uzcard | ⚡️ t.me/FAUzbekistan

⚡️Ўзаро ўйинлар тарихи!

😤Устунлик рақиб томонда, лекин бу статистикаларни тўғирлаб қўйиш вақти келди.

💪Бугун "Бунёдкор" стадионида БАА биринчи марта енгилади!

@sports_uz

❤️❤️❤️⚽️⚽️ @cheryuzbekistan

Bugun futbolchilarimiz 100% g’alaba uchun o’ynashiga shubham yo’q. Biroq, BAA terma jamoasi bunga 200% kuch bilan harakat qiladi, ular bunga majbur ham aslida. Chunki, hozirgacha:

• O’zbekiston o’z uyida KXDRni yutdi;
• BAA o’z uyida KXDRni yuta olmadi;
• O’zbekiston o’z uyida Eronga yutqazmadi;
• BAA o’z uyida Eronga yutqazdi.

Ko’rib turganingizdek, amirliklarni guruhdagi (2-o’rin uchun) asosiy raqobatchisi bilan to’g’ridan-to’g’ri solishtirganda start juda muvaffaqiyatsiz bo’ldi va bugungi g’alaba bilan ular buni to’g’rilashga harakat qilishadi. Mag’lub bo’lishsa, jadvalda 5-o’ringacha tushib ketish xavfi yuqori. Shu bois, g’alaba ishtiyoqi raqiblarimizda biznikidan ko’p bo’lsa ko’pki, aslo kam emas. Bu esa katta ehtimol bugun BAA dan hujumkor futbol ko’ramiz degani.

Hujumkor arab futboliga qarshi eng samarali yechim bu — sifatli to’p nazorati. Markazda “qattiqroq” turib, qisqa paslarda yaxshi ishlasak, o’ylagan natijamizga erisha olamiz, Xudo xohlasa.

@sabitov_co

#MatchDay Oʻyin kuni

🌎 JCh-2026 saralashi
🇺🇿 Oʻzbekiston 🆚 BAA 🇦🇪
🗓 15-oktyabr | 19:00
🏟 “Bunyodkor” stadioni

💳 Uzcard | ⚡️ t.me/FAUzbekistan

⚡️Чипталар онлайн сотувга қайтди. 👇🏻

https://iticket.uz/ru/events/concerts/11133aas/32318

🌧 Ёмғирнинг ёғишини қаранг, зўр-а!:)

Mana shu komplektdan rasmiy bahslarda foydalanmadik. Bir tomondan bunga ehtiyoj ham yo’q, agar futbolimizda merchendayzing (fan shoplar) yetarli darajada rivojlangan bo’lganida, balki, shunda uy-safar formalaridan tashqari qo’shimcha 3-komplekt liboslari haqida o’ylash mumkin bo’lardi.

@sabitov_co

“Ko’kda yaxshiroq o’ynaymiz”, deb yozmoqda Jamoliddin aka Bobojonov O'zbekistonning BAA ga qarshi ko'k libosda maydonga chiqishiga munosabat bildirib.

Oq va ko’k liboslardagi oxirgi besh o’yin natijasini bir yerga jamladik. Bu ma’lumotni darhol irimchi do’stingizga yuborib qo’ying =)

@sabitov_co

Osiyo grandlariga qarshi bahslarda “quruq” o’ynash bo’yicha qiziq fakt: qit’amizning eng oldi 5 ta terma jamoasi (Avstraliya, Yaponiya, Janubiy Koreya, Eron, Saudiya Arabistoni)ga qarshi o’yinlarda “nolga o’ynagan” taymlarimiz seriyasini hisoblab chiqdim. Kuni kecha Eron bilan qayd etgan natijamiz mutlaq rekord ekan:

1. Eron; ketma-ket 5 ta taymda darvozamizga gol ura olmagan va bu seriya hamon davom etyapti (21.11.2023 — …)
2. Eron; ketma-ket 3 ta taymda darvozamizga gol ura olmagan (2012-2015)
3. S. Arabistoni; ketma-ket 3 ta taymda darvozamizga gol ura olmagan (2004-2005)

Avstraliya, Yaponiya va Janubiy Koreya terma jamoalari bilan o’yinlarda maksimum ketma-ket 2 ta taymda darvozamiz dahlsizligini saqlay olgan ekanmiz.

- - -

Butun tariximizdagi “quruq” taymlar bo’yicha eng uzun seriyani Gong Kongga qarshi qayd etganmiz. Gongkongliklar 2006-yildan beri, aniqrog’i 5 o’yin (10 taym) davomida darvozamizga gol ura olmay kelayapti. Keyingi eng yaxshi seriyamiz Qirg’iziston, Iroq va KXDR bilan o’yinlarda yuz bergan: 8 ta taym davomida gol o’tkazmaganmiz. Yuqoridagi grafikda batafsil ro’yxat bilan tanishishingiz mumkin.

- - -

Tan olish kerak, Katanets murabbiyligida terma jamoamiz o’zidan kuchli raqiblarga qarshi bahslarda nafaqat yutqazmaslikni, balki, gol o’tkazmaslikni ham yaxshi o’zlashtirmoqda. Endi navbat g’alabalarga!

@sabitov_co

Kim payqadi, kim yo’q, bu yerda krizis menejmentning “hidi kelyapti”. Eron bilan o’yindan keyin muxlislar bilan biroz tortishib qolgan Jalol qo’lini ko’targancha go’yoki ulardan uzr so’rab, tabassum bilan barchasi joyida ekanligiga ishora qilyapti. Fondagi hayqirayotgan Jalol esa barchani “podderjka”ga chaqiryapti.

O’FA “malades”, ba’zida kreativ yondashuv talab etadigan g’oyalar inqirozli holatlardan chiqish ustiga qurilishi — bu juda normal va maqtovga arzigulik holat. Dizayner ham “malades”, albatta =)

@sabitov_co

🇺🇿 #MilliyJamoa 15-oktyabr kuni JCh-2026 saralash bosqichi doirasida Birlashgan Arab Amirliklarini qabul qiladi.

🇺🇿 Oʻzbekiston 🆚 BAA 🇦🇪
🗓 15-oktyabr | 19:00
🏟 “Bunyodkor” stadioni

💳 Uzcard | 1️⃣ t.me/FAUzbekistan

KXDR o’tgan tur Qatardan (2:2), bugun esa BAA dan (1:1) ochko tortib olmoqda. JChga chiqsak, bizga yaxshilik qilganlarni unutib qo’ymasligimiz kerak =)

Masalan, shu davlatni qachondir kimgadir foydasi tegishiga shaxsan men ishonmasdim-da)

@sabitov_co

VAR’dagilar bizning g’alabamizni futbolchilarimizdan hakamdan ko’ra ko’proq xohlagan o’yinda nursiz durang qayd etildi.

Zaxira va tarkibdagi raqobat kuchsizligi sabab bugun 40 daqiqa forslardan bir kishi ko’p bo’la turib g’alaba qozona olmadik.

@sabitov_co