˛ َِ𝘽َِ𝘶َِ𝘵َِ𝘵َِ𝘦َِ𝘳َِ𝙁َِ𝘭َِ𝘺 ٰہٰٖ🦋 “̯ Telegram Gönderileri

إزاي تنظم وقتك في رمضان وتنجز كل حاجة؟

رمضان بيكون فرصة ذهبية لإنجاز حاجات كتير لو نظمت وقتك صح، جرب الخطوات دي:

1- حدد أولوياتك
قبل ما تبدأ يومك، اعرف إيه الحاجات المهمة اللي لازم تخلصها.

2- قسم يومك لفترات
- بعد الفجر: الوقت الذهبي للتركيز، استغله في المذاكرة أو الشغل.
- الصبح لحد الظهر: لو عندك محاضرات أو شغل، حاول تنجز المهام اللي محتاجة مجهود عقلي.
- بعد العصر: وقت خفيف، استغله في المهام السهلة أو مراجعة سريعة.
- بعد الفطار: ريّح شوية، وبعدها أنجز أي حاجة محتاجة تركيز معتدل.
- قبل السحور: وقت هادئ، مناسب لمراجعة خفيفة أو تحضير المهام لليوم الجديد.

3- استغل طاقتك بحكمة
في الصيام، مستوى الطاقة بيكون منخفض، فابدأ يومك بالمهام الصعبة، وبعد الفطار اعمل الحاجات اللي محتاجة مجهود أقل.

4- نظّم أكلك ونومك
نام 6-8 ساعات، متوزعة بين الليل والقيلولة، وكل أكل صحي عشان تحافظ على نشاطك طول اليوم.

5- قلل السوشيال ميديا
متضيعش وقتك بين الفيديوهات والتصفح، استخدم الموبايل بذكاء، وحدد وقت معين ليه.

6- حافظ على عباداتك
رمضان فرصة عظيمة، فخصص وقت للقرآن، الصلاة، والأذكار، وخليها جزء من روتينك اليومي.

‏قد تصل بعض النساء إلَى الفردوس الأعلىٰ بقيامها بنفس مَهامِنا..

لأنَّها فطنت فاحتسبت؛ فلن يضيّع ربَّها أجرها.

فالنساء لهُن أجر الصيام، وأجر العمل في المنزل، وأجر إفطار الصائمين،

البيوت قائمة على صبر النساء وعَطائهن")

جدول متابعة الأعمال في رمضان 🌙

كل عام وأنتم إلي الله أقرب وتقبل الله منا ومنكم ✨️

لا تنسونا من صالح الدعاء :)

الجدول بجودة عالية للطباعة ✨️

https://www.facebook.com/100068402965089/posts/706160968340662/?mibextid=rS40aB7S9Ucbxw6v

- بمناسبة اقتراب شهر رمضان:
كل عام والأمة الإسلامية بخير🤍.

رمضان مينفغش تدخلُه وانتَ مش مخطط له كُله!

ليه اخطَط؟
عشان الشيطان بيخطَط لك من دلوقتِ، رمضان لسه مدَخلش والمُلهيات بيتحضرلها من دلوقتِ، مسلسلات، سهرات، سوشيال ميديا.. الخ، فـ انتَ بتبني لنفسك ارض صلبه تُقف عليها، انتَ الخطه اللي هتعملها دي هتوفر وقت وطاقه هيتهدروا في العشوائيه، فـ الخطه مُهمه 💘

ايه هي شروط الخطَه؟
١- تكون مُناسبه للظروف:
"مينفعش يكون شغلك واكل نص يومُك، او عندك دراسه، او ام وعندك اولاد، وتحطي خِطه مناسبه لواحده مش وراها اي حاجه، مش هتعرفي تمشي عليها فـ هتحسي بإحباط"
٢- تكون منطقيه:
"جو هختم كل يوم ختمَه، وهستغفر مليون مره، وهقرا كل يوم كتاب ديني، بلاش مِنه"
٣- المرونه:
"اعمل حسابَك انه طبيعي يحصل ظروف تبوظ جزء من خطتَك، المرونه هتخليك تكمِل عادي، لازم تستوعب ان الحياه مش تحت التحكُم دايمًا"
٤- ابعد عن المثاليه:
"حوار يانمشي ع الخطه ١٠٠٪ يابلاش منها خالِص مش هينفع في رمضان، ده شهر في السنه كلها، انت بتعمل الخطه وبتستعين بالله وبتحاول، تحقق كام دي مش موضوعنا"

طيب لو انتَ من النوع اللي لما بيخطط مبينفِذش؟
اقولك اعمل الخطه ولو نفِذت ١٠٪ مافيهاش خساره برده، انما متدخلش تايِه كده.

ضروري في رمضان تعمل حاجه معملتهاش قبل كده :))
شوف نقطة الضعف عندك واكسر فيها حاجِز، لو انتَ الصلاه عندك تمام، بس في الاذكار مبتعرفش تعدي الـ ١٠٠، اكسر الحاجِز مع عدد الاذكار، ومره كده خليهم ١٠٠٠ مثلًا، كسر الحواجز من الحاجات اللي هتفتحلك باب بعدين، بعد ماكُنت فاكر انها صعبه تصلي قيام كامل، كسرت الحاجِز واكتشفت انها تنفَع، طلعت من رمضان بـ قيام كامل كل يوم بإذن الله في حياتَك 💗..

واخيرًا: لو هتخرج من رمضان بحاجه، اخرج بالمجاهده، انت بتحاول وبس، اوعي تعبُد النتايِج اللي هو محستش بالصلاه فـ مش هصليها، محستش بأثر القران فـ مش هقراه، انت بتعمل خطه عشان بتحاول تتقرب الي الله، ايًا كانت النتيجه ايه، لحظة الهدايه ملهاش ميعاد، ممكن تجيلك في تدبر آيه، في صلاة ركزت فيها، في جلسة خلوه بتذكر فيها الله، فـ احنا بنسعي وبنستعين بالله وبنحسن الظن بالله انه يتقبل منا محاولاتنا فقط لاغير 🌸

#تنمية_وردية ~
المصادر: بودكاست وعي/ بودكاست ايه المشكله في رمضان.

- هي طفلتي ♡؛

لم لا تقيم الليل!

ألم تتلوث يداك بمعصية الله وغرقت في الدنيا! 

ألم يتشرب قلبك فتن طوال النهار؟

ألا تريد أن يتوب عليك؟

ألا تريد النجاة من فتن الدنيا؟

ألا تريد الهدايه، ألا تريد النصر والتأيد والعون والتوفيق! 

ألم يؤلمك قلبك علي حالك؟

ألك ملجأ ومشتكي غير بابه! 

الربّ ينادي!

هل من تائب، هل من مستغفر، هل من ذي حاجة

هلا لبيّتَ النداء!

أَكْثَرَ وَلَا تَمَلُّ

تُكْفَى همَّك، ويُكَفَّرُ لك ذنبَكَ.