سويرا Telegram Posts

المكان البي تشاوفنا
وضحكنة هواي
أمس مريتلة لوحديّ
وردت للبيت
أجيبه ويايّ ،

سادس ورمضان ✨✨🎀

بعدني امشي بتوالي الليل
يا هسة وبعد هسة

بعدني امشي بدرب مجهول
ويا درب الحبيب شما بعد ونسة

- الگاطع

وَأنتظرتَك
بين صَفنات الليّالي
وجرح دخان الجگاير
وبين لچماتي وحَسرتي
وحيرتي وكَسرة الخاطر
وبين مَدري
و وين صايَر ؟
وأنتظرتَك هلبَت تمُر طيف
إيضمضُم دموعي إعلّه باچر

"اكتِبله رسَاله ؟
شلون ، خاف انذل
وخاف يكَول راح ورجع يتوسَل
كابوُس القلق مَاخذني عُرض وطوُل
شو مَا متصل ، شو كَطع شو طوَل
يسّلب راحتي وعَافيتي من يغيب
لان بس الله يدري بداخَلي شمحتل .

انا الخواف يا دنيا
انا الخواف من كلشي
لو احلم حلم مو زين
انه ارجف كبل رمشي
احط بالباب الف رزه
وافز باليل الف فزه
وتفز روحي ..واكل للخوف
ضل بالبيت وانه امشي
لا مشغول يادنيا
وانتي معذبه احوالي
اعبر عالنهر عطشان
والمي مو على بالي


- الكاطع

سبب هذا الصار كله من ايدك
انتَ المن جاي بلسانك حجيت
عوفني اتركني كلت ماريدك ؟

وچنت تتأخر برَدك
واضل لوحّدي اخلي اعذار
ورَدك مايفرح الدم
اخاف ازعَل وما اهتم
چنت تنام قبلِي وانه اضل سهرَان
اتانِيك الصُبح ، حَتى الصُبح نلتم .

خَليني أَسولفلَك بَعد
يَا حال مِن بَعدك صِرت
غِصن و خَذوني مِن الشِجر
و ذَبوني يَم نار الهَجر
و اليوم باچِر أَحترِگ
عِشت بِطرِگ روحِي
و سِوادين العِشگ
و أَسأَل عَليك و تَيهِت
و أَسأَل منو و بِيمَن أَثق
و انسَدن بِوَجهي أَحِس كِل الطُرق
و أَلگى الأَسأَله و كَيفِت
و أَلگاهِن الچِلمات و يضيع الحَلك .

تخلّص يومَك وترجَع للفراش
وخوفك والقَلق يبدُون تَشريح
حَرُب بيَن المخدّة وراسَك تصِير
وصُوت التعِبوك بإذنك يصِيح
ما تِڪدر وصَعبة وتتعَب هُواي
حَياتك غلطَة يحتاجلها تَصحيح
دوّرلك طَريقة وحاوِل تنام
ترَى بس تُبقى ڪاعِد حظّك يطِيح