Don’t. Get. Out! (2018)
**********************
IMDb….5.8
အရင်တုန်းက အခွေထိုးကြည့်ခဲ့ရတဲ့ Speed ဆိုတဲ့ ဘတ်စ်ကားပေါ်မှာ ဗုံးထောင်ထားတဲ့ကားကိုတော့
အနည်းနဲ့အများမှတ်မိကြဦးမှာပါ။
အခုတင်ဆက်ပေးမဲ့ ဇာတ်ကားလေးကလည်း အဲဒါမျိုးခပ်ဆင်ဆင် ရင်ခုန်စိတ်လှုပ်ရှားစေတဲ့
Feeling မျိုးရစေမဲ့ ဇာတ်ကားလေးတစ်ကားဖြစ်ပါတယ်။
ဇာတ်ကားနာမည်ကတော့ Don’t Get Out! ဖြစ်ပြီး IMDb Rating 5.8 အထိရရှိထားပါတယ်။
၂၀၁၈ ခုနှစ်တုန်းကထွက်ရှိခဲ့တာဆိုပေမဲ့ အခုပြန်ကြည့်ရင်တောင်မှ ကောင်းနေဆဲလို့ပြောလို့ရပါတယ်။
ဇာတ်ကားအစမှာ ကားလ်ဆိုတဲ့ အိမ်ခြံမြေစီမံကိန်းအကျိုးဆောင်တစ်ယောက်က
ကွာရှင်းလုဆဲဆဲမိန်းမဖြစ်သူနဲ့ ကလေးတွေဆီလာတဲ့ခရီးလမ်းကိုတွေ့ရမှာပဲဖြစ်ပါတယ်။
စစချင်းတုန်းကတော့ ၁၅ နှစ်ပြည့် မင်္ဂလာနှစ်ပတ်လည်မလို့ ချစ်ကြည်နူးတစ်တီတူးဖို့
စိတ်ကူးနဲ့လာခဲ့ပေမဲ့ မိန်းမဖြစ်သူက အဆင်မပြေတဲ့အတွက် ရန်ဖြစ်ပြီး ကလေးနှစ်ယောက်ကို
ကျောင်းပို့ဖို့ သူ့ကားနဲ့ထွက်လာခဲ့ပါတော့တယ်။
ဒါပေမဲ့ သိပ်မကြာခင်မှာ ဘယ်ကမှန်းမသိတဲ့ ဖုန်းတစ်လုံးက သူ့ကားပေါ်ရောက်နေပြီး
ဖုန်းဝင်လာခဲ့ပါတော့တယ်။
အဲ့ဒီဖုန်းကိုကိုင်လိုက်တဲ့အချိန်မှာ သူ့ကားပေါ်မှာ ဖင်ကြွလိုက်တာနဲ့ ပေါက်ကွဲမဲ့ဗုံးထောင်ထားကြောင်းသိခဲ့ရပြီး
ခြိမ်းခြောက်ငွေညှစ်တာကိုခံခဲ့ရပါတော့တယ်။
စစချင်းတုန်းကမယုံပေမဲ့ ကလေးတွေအသက်ကို မစွန့်စားရဲတဲ့အတွက် ကားလ်က
အဲဒီခြိမ်းခြောက်ငွေညှစ်သူရဲ့စကားအတိုင်း တသဝေမတိမ်းလိုက်နာခဲ့ပြီး နောက်ပိုင်းမှာ ရဲတွေပါ
ပါဝင်ပတ်သတ်လာတဲ့အခါမှာတော့ အရှုပ်အထွေးတွေဖြစ်ကုန်ပြီး ကားလ်နဲ့သူ့ကလေးတွေ
ဒီဗုံးရန်ကလွတ်ပါ့မလားဆိုတာကို ရင်တထိတ်ထိတ်နဲ့ရှုစားရမဲ့ဇာတ်ကားကောင်းလေးတစ်ကားပဲဖြစ်ပါတယ်။
(ဇာတ်လမ်းအညွှန်းနဲ့ ဘာသာပြန်သူကတော့ Saw Lay ပဲဖြစ်ပါတယ်…)
Credit.. 
ဇာတ်လမ်းအညွှန်း
@rv_at_channel
ဇာတ်လမ်းအညွှန်း (Burmese)
ဇာတ်လမ်းအညွှန်း သည် အရည်အချင်းမှန်မာလို ပြည့်စုံသည့် တယောက်ေတြအောင် မြင်ရတယောက် channel တစ်ခုဖြစ်သည်။ တကယ်လိုအချက်အလက်များ နောက်မှာ ဖော်ဘော်နှင့် ကျွမ်းကျင်းပြီး အငွေးကြောင်းလုပ်ကို မြေလွဲခဲ့တဲ့ လူငယ်အောင်မြင်ရန် ဖြစ်ပါသည်။ ဇာတ်လမ်းအညွှန်း သည် အိမ်ထောင်ဆောင်မြင်ရမည်သည်။ အခမဲ့ လွှဲပြည့်စုံများကို အခြားနှင့် ပြည့်စုံပါတက်ထားမည်ဖြစ်ပြီး ဇာတ်လမ်းအညွှန်းမှ အရမ်းမြစ်များ အသိပညာပညာများ ပြုလုပ်နိုင်သည်။ ဇာတ်လမ်းအညွှန်းကို စောင့်ကြည့်လိမ့်မည်တဲ့ သူများအို၏ အတိုင်းအခြားအသင်သည်အား စောင့်ကြည့်ရန် rv_at_channel အကြောင်းပေးခြင်းအဖြစ် လုပ်ကြည့်နိုင်နိုင်သည်။
ဇာတ်လမ်းအညွှန်း
14 Feb, 12:10
ဇာတ်လမ်းအညွှန်း
14 Feb, 12:10
All Hail (2022)
လိုက်မမီနိုင်အောင် တိုးတက်ပြောင်းလဲနေတဲ့၂၁ ရာစုမှာ လူငယ်လူရွယ်လေးတွေတောင် ဒုန်းစိုင်းခုတ်မောင်းကာ အပြေးလိုက်နေရချိန် အာဂျင်တီးနားနိုင်ငံ ဘွယ်နိုစိုင်းရက်စ်မြိုက မိုးလေ၀သ သတင်းတင်ဆက်သူကြီး မီဂဲလ် ဖလောရက်စ်ဟာ ကိုယ်တိုင်မိုးလေး၀သခန့်မှန်းပြီး ကိုယ်တိုင်တတင်ဆက်လာကာ အနှစ်၂၀ တိုင်အောင် အမှားမရှိဘဲ အမှားကင်းသူအဖြစ် ဂုဏ်သတင်ကျော်ဇောလှတယ်။
ဒါပေမဲ့ ခေတ်ရေစီးကြောင်းကြောင့် သူ့ရဲ့မိုးလေ၀သတင်းကို လူငယ်တွေပါ စိတ်၀င်စားလာအောင် ပေါ်ပင်တွေလုပ်ပြီး အင်စတာဂရမ်မော်ဒယ်တွေကိုပါ ထည့်သာ သူမပျော်ရွှင်နိုင်တော့။ ဖလောရက်စ်ဟာ အတိတ်က သူမတားဆီးနိုင်ခဲ့တာတွေကို နောင်တရကာ မိုးလေ၀သအကြောင်းကို နှိက်နှိက်ချွတ်ချွတ်ကိုယ်တိုင်လေ့လာရာကနေ စွဲလမ်းလာခဲ့ပြီး စွဲလမ်းမှုကြောင့် အောင်မြင်ကျော်ကြားလာခဲ့တယ်။ ထိုအောင်မြင်ကျော်ကြားမှုကြောင့်ပဲ သမီးကိုပါ ဂရုမစိုက်နိုင် ဖြစ်ခဲ့ရတယ်။
သူနှစ်ရှည်လပေါင်းများစွာ တည်ဆောက်ထားခဲ့တဲ့ career တစ်ခုလုံးဟာ ခန့်မှန်းချက်မှားပြီး မိုးသီးမုန်တိုင်းတိုက်ခဲ့ခြင်းကြောင့် အဆုံးသတ်ဖိုဖြစ်လာခဲ့တယ်။ အနှစ် ၂၀ လုံးမှန်နေခဲ့ပေမဲ့ တစ်ခါလေးမှားတဲ့အခါမှာတော့ လူတွေရဲ့ သရုပ်မှန်ပေါ်လာတော့တယ်။ ဘ၀မှာအခက်ခဲနဲ့ကြုံတွေ့မှ မိတ်ဆွေစိတ် မိတ်ဆွေတုကို ခွဲသိရပြီး ကိုယ်တိုင်မေ့ေလျာ့နေခဲ့တဲ့ အရေးပါတဲ့အရာတွေကိုပါ သိလာပြီး တန်ဖိုးထားဖိုဖြစ်လာတတ်တာကြောင့် ဖလောရက်စ်တစ်ယောက် အခက်ခဲတွေကို ဘယ်လိုရင်ဆိုင်ပြီး ရှေ့ဆက်ဘယ်လိုမျိုးတွေ ဆက်ဖြစ်မလဲဆိုတာကို ပေါ့ပေါ့ပါးပါးလေးနဲ့ ကြည့်ရှုလိုကောင်း ရိုက်ကူးတဲ့ စပိန်ကားကောင်းလေးတစ်ကားပါ။
Credit..
လိုက်မမီနိုင်အောင် တိုးတက်ပြောင်းလဲနေတဲ့၂၁ ရာစုမှာ လူငယ်လူရွယ်လေးတွေတောင် ဒုန်းစိုင်းခုတ်မောင်းကာ အပြေးလိုက်နေရချိန် အာဂျင်တီးနားနိုင်ငံ ဘွယ်နိုစိုင်းရက်စ်မြိုက မိုးလေ၀သ သတင်းတင်ဆက်သူကြီး မီဂဲလ် ဖလောရက်စ်ဟာ ကိုယ်တိုင်မိုးလေး၀သခန့်မှန်းပြီး ကိုယ်တိုင်တတင်ဆက်လာကာ အနှစ်၂၀ တိုင်အောင် အမှားမရှိဘဲ အမှားကင်းသူအဖြစ် ဂုဏ်သတင်ကျော်ဇောလှတယ်။
ဒါပေမဲ့ ခေတ်ရေစီးကြောင်းကြောင့် သူ့ရဲ့မိုးလေ၀သတင်းကို လူငယ်တွေပါ စိတ်၀င်စားလာအောင် ပေါ်ပင်တွေလုပ်ပြီး အင်စတာဂရမ်မော်ဒယ်တွေကိုပါ ထည့်သာ သူမပျော်ရွှင်နိုင်တော့။ ဖလောရက်စ်ဟာ အတိတ်က သူမတားဆီးနိုင်ခဲ့တာတွေကို နောင်တရကာ မိုးလေ၀သအကြောင်းကို နှိက်နှိက်ချွတ်ချွတ်ကိုယ်တိုင်လေ့လာရာကနေ စွဲလမ်းလာခဲ့ပြီး စွဲလမ်းမှုကြောင့် အောင်မြင်ကျော်ကြားလာခဲ့တယ်။ ထိုအောင်မြင်ကျော်ကြားမှုကြောင့်ပဲ သမီးကိုပါ ဂရုမစိုက်နိုင် ဖြစ်ခဲ့ရတယ်။
သူနှစ်ရှည်လပေါင်းများစွာ တည်ဆောက်ထားခဲ့တဲ့ career တစ်ခုလုံးဟာ ခန့်မှန်းချက်မှားပြီး မိုးသီးမုန်တိုင်းတိုက်ခဲ့ခြင်းကြောင့် အဆုံးသတ်ဖိုဖြစ်လာခဲ့တယ်။ အနှစ် ၂၀ လုံးမှန်နေခဲ့ပေမဲ့ တစ်ခါလေးမှားတဲ့အခါမှာတော့ လူတွေရဲ့ သရုပ်မှန်ပေါ်လာတော့တယ်။ ဘ၀မှာအခက်ခဲနဲ့ကြုံတွေ့မှ မိတ်ဆွေစိတ် မိတ်ဆွေတုကို ခွဲသိရပြီး ကိုယ်တိုင်မေ့ေလျာ့နေခဲ့တဲ့ အရေးပါတဲ့အရာတွေကိုပါ သိလာပြီး တန်ဖိုးထားဖိုဖြစ်လာတတ်တာကြောင့် ဖလောရက်စ်တစ်ယောက် အခက်ခဲတွေကို ဘယ်လိုရင်ဆိုင်ပြီး ရှေ့ဆက်ဘယ်လိုမျိုးတွေ ဆက်ဖြစ်မလဲဆိုတာကို ပေါ့ပေါ့ပါးပါးလေးနဲ့ ကြည့်ရှုလိုကောင်း ရိုက်ကူးတဲ့ စပိန်ကားကောင်းလေးတစ်ကားပါ။
Credit..
ဇာတ်လမ်းအညွှန်း
14 Feb, 12:09
Main Prem Ki Diwani Hoon (2003)
”အချစ်ကြောင့်ရူး”
========================================
လက်ပွားမင်းသားကြီး ရီသိက်ရိုရှန်းနဲ့ မင်းသမီးကြီး ကရီနာကပူးရ်တို
ငယ်ရွယ်စဉ်က တွဲဖက်ရိုက်ကူးခဲ့တဲ့ ၂၀၀၃ ခုနှစ်ထွက်
အချစ်ဟာသ ကလက်စစ်ရုပ်ရှင်ဟောင်းလေးကို
ဘောလိဝုဒ်ပရိသတ်တွေအတွက် ပြန်လည် တင်ဆက်ပေးချင်ပါတယ်။
ဇာတ်လမ်းလေးကတော့ ရိုးမလိုနဲ့ ဆန်းပါတယ်။
အိန္ဒိယကမိဘတွေရဲ့ မိဘအိမ်ထောင်ချပေးရင် သားသမီးခေါင်းငြိမ့်ဆိုတဲ့
ဓလေ့ကို ချိုးဖျက်ချင်နေတဲ့ ဆန်ဂျနာဆိုတဲ့ ကောင်မလေး။
ဆန်ဂျနာဟာ သူတင်မကဘဲ သူများတွေကိုပါ ကိုယ်ချစ်တဲ့သူကိုလက်ထပ်ဖို
တိုက်တွန်းနေပေမဲ့ သူ့အမေကတော့ သူ့ကို ပရမ်းဆိုတဲ့ ဥစ္စာပေါ၊
ရုပ်ချော သူဌေးလေးတစ်ယောက်နဲ့ ပေးစားဖိုအတွက် ကြိုးပမ်းလာခဲ့ပါတယ်။
ခေတ်ပညာတတ်မလေး ဆန်ဂျနာဟာ အစပိုင်းမှာ အချစ်ဟာသရုပ်ရှင်တွေရဲ့ထုံးစံ
ဇာတ်လိုက်ပရမ်းကို ဒုက္ခတွေပေး၊ ပြန်ပြေးအောင် ကြံစည်ပေမဲ့ ဥစ္စာပေါ
ရုပ်ချောရုံသာမက တော်ကီပါကောင်းတဲ့ ပရမ်းကို ကြွေစပြုလာတဲ့အချိန်မှာ
ဘယ်သူမှမထင်ထားတဲ့ကိစ္စတစ်ခုဖြစ်လာခဲ့ပြီး ပရမ်းနဲ့ ဆန်ဂျနာတို
ဆက်ကြုံတွေ့ရတဲ့ဖြစ်ရပ်တွေကို ဒီအချစ်ဟာသရုပ်ရှင်လေးထဲမှာ
မြင်တွေ့ခံစားကြရမှာဖြစ်ပါတယ်…။
(ဒီရုပ်ရှင်အတွက် အညွှန်းနဲ့ဘာသာပြန်ကတော့ CM Bollywood Team ပါ။)
Credit..
ဇာတ်လမ်းအညွှန်း
14 Feb, 12:08
Jungle Holocaust (1977)
(ကြမ်းကြမ်းတမ်းတမ်းပြကွက်တွေနဲ့ ကိုယ်လုံးတီးအခန်းတွေကြောင့် ကလေးငယ်တွေနဲ့ ရွံတတ်သူများအတွက် မဟုတ်ပါကြောင်း သတိလေးပေးလိုက်ပါရစေ)
မြန်မာ-အင်္ဂလိပ်ကပြား မင်းသမီး Me Me Lai ရဲ့ နောက်ထပ် လူသားစားကားကို တင်ဆက်ပေးလိုက်ပါတယ်။ ဇာတ်လမ်းလေးကတော့ ရေနံရှာဖွေသူ ရာ့ဖ်နဲ့ ရောဘတ်တို့ ၂ဦးဟာ မင်ဒါနာအိုကျွန်းမှာရှိတဲ့ ကင်းစခန်းကို လာရောက်ခဲ့ကြပါတယ်။ လေယာဥ်ဟာ အဆင်းကြမ်းတမ်းတာကြောင့် အနည်းငယ်ပျက်စီးသွားပါတယ်။ ရောဘတ်တို့ ၂ယောက် ကင်းစခန်းကို သွားကြည့်ချိန်မှာတော့ ပစ္စည်းရော လူတွေပါပျောက်ဆုံးနေကြတာကို သိလိုက်ရတယ်။ တောထဲမှာ အနည်းငယ် လှည့်ပတ်ရှာဖွေရင်း အလောင်းတစ်လောင်းကို တွေ့လိုက်ရချိန်မှာ သူတို့လူတွေကို လူရိုင်းမျိုးနွယ်စုက သတ်ဖြတ်သွားတယ်လို့ ယူဆလိုက်ကြပါတယ်။
လေယာဥ်မောင်းသူ ချာလီက ပြင်လို့ပြီးသွားပေမယ့် မှောင်တော့မှာမို့ မိုးလင်းမှ ထွက်ခွာဖို့ပြောပါတယ် ညအခါမှာ အတူပါလာသူ မိန်းကလေး စွမ်းဟာ အပေါ့သွားရင်း ပျောက်ဆုံးသွားတဲ့နောက်…
ပရိသတ်တို့ ကိုယ်တိုင်သာ ဆက်လက်ကြည့်ရှုပေးကြပါဦးလို့…
(ဒီဇာတ်ကားနဲ့အညွှန်းကို Mugiwara Ya မှ ပြန်ဆို ရေးသားထားပါတယ်)
Credit..
ဇာတ်လမ်းအညွှန်း
14 Feb, 12:07
Startup Never Give Up (2024) လွဲလွဲလေးပဲကောင်းပါတယ်
ရယ်မောပြုံးပျော်ပြီး အပန်းဖြေနိုင်ဖို အင်ဒိုနီးရှားဟာသကားလေးတစ်ခုကို မိတ်ဆက်ပေးလိုက်ပါတယ်။
ဒွန်နီဆိုတဲ့ကောင်လေးက အလုပ်ထုတ်ခံရလိုက် ပြန်လျှောက်လိုက်နဲ့ အလုပ်တွေတစ်ခုပြီးတစ်ခုလုပ်ပြီး
သံသရာလည်နေသူတစ်ဦးပါ။ သူ့မှာရာဖီဆိုတဲ့ ကျောင်းတက်နေဆဲ ညီငယ်လေးတစ်ယောက်ရှိပါတယ်။
ရာဖီကပဲ ထမင်းဟင်းချက်၊ အဝတ်လျှော်၊ အိမ်သန့်ရှင်းရေးလုပ်နဲ့ ကျောင်းတစ်ဖက်၊ စာတစ်ဖက် အလုပ်ရှုပ်နေရပါတယ်။
အခုလည်း သူလက်ရှိလုပ်နေတဲ့ မိတ္တူကူးတဲ့အလုပ်က အထုတ်ခံလာရပြန်ပါပြီ။
မိတ္တူကူးနေရင်း စက်ပျက်သွားတော့ သူဌေးကသူ့ကိုအလုပ်ထုတ်လိုက်တာပါ။
ဒွန်နီမှာ ဒေဝီလိုခေါ်တဲ့ သူငယ်ချင်းချောချောလှလှ ကောင်မလေးတစ်ယောက်ရှိပါတယ်။
သူ့ကိုမုန့်တွေလာပို၊ သူ့ညီငယ်လေးကိုထိန်းကျောင်းပေးနေသူလေးပေါ့။
သူတိုအိမ်ရဲ့အိမ်စရိတ်တွေ၊ မီတာခအကြွေးတွေပေးဖို ဒွန်နီက အလုပ်တစ်ခုလျှောက်ရပါတော့တယ်။
သူ့ရဲ့လုံခြုံရေး၊ ဝိတ်တာ၊ ရုံးစာရေး၊ ဒရိုင်ဘာ အကုန်လုပ်ဖူးတဲ့အတွေ့အကြုံနဲ့ မန်နေဂျာရာထူးကို
ခန့်လိမ့်မယ်ထင်ပေမဲ့ ဒီတစ်ခါလည်းလွဲသွားပြန်ပါတယ်။
ဒီလိုနဲ့ခေါင်းငိုက်စိုက်ချ ပြန်လာတုန်း သူ့ကို အနောက်က
အတင်းလိုက်အော်ခေါ်ပြီး အလုပ်တန်းခန့်ပါတော့တယ်။
အကြောင်းရင်းကတော့ သူဟာသူတိုသူဌေးမိန်းမရဲ့ မောင်လေးဖြစ်နေလို
အထက်ကသူ့ကို အလုပ်ခန့်ခိုင်းခြင်းရယ်ပါ။
သူကတော့ဒါကိုမသိဘဲ ပျော်ရွှင်စွာ အလုပ်ဝင်ပါတော့တယ်။
ဒွန်နီတစ်ယောက် ဒီအလုပ်မှာရော ဘယ်လောက်မြဲမလဲ၊
အလွဲတွေလုပ်ပြီးပဲ ထပ်အလုပ်ထုတ်ခံရဦးမလား၊
နောက်ဘာအလုပ်ထပ်ရှာရပါဦးမလဲ၊ သူ့ညီလေးနဲ့ သူတိုအိမ်စရိတ်ကိုရော
သူဆက်ထောက်ပံ့နိုင်ပါ့မလား၊ ဒေဝီနဲ့သူတိုရဲ့ဆက်ဆံရေးကရော
ဘယ်လိုလဲဆိုတာ ရယ်မောကြည့်ရှုရင်း ဆက်လက်အဖြေရှာကြည့်ကြပါဦး။
အညွှန်းနဲ့ ဘာသာပြန်တွေကတော့ CM Team ပဲဖြစ်ပါတယ်။
Credit..
ဇာတ်လမ်းအညွှန်း
14 Feb, 12:06
Kemah Terlarang: Kesurupan Massal aka The Forbidden Camp: Mass Possession 2024
“မသွားအပ်သော အရပ်”
ဖြစ်ရပ်မှန်အခြေခံထားတဲ့ အင်ဒိုနီးရှား ဟော်ရာဇာတ်လမ်းလေးကို တင်ဆက်လိုက်ပါတယ်
၂၀၁၆ မှာ တောထဲ စခန်းချခရီးထွက်ကြတဲ့ ကျောင်းသားတွေအုပ်စုလိုက်
မကောင်းဆိုးဝါး ဝင်ပူးခံရတဲ့အဖြစ်အပျက်ကို ပြန်လည်ပုံဖော်ထားတာလို
သိရပြီး ဇာတ်လမ်းအကျဉ်းကတော့ ရီနီဟာ အမောမခံနိုင်တဲ့
ပန်းနာရောဂါသည်ဆိုပေမဲ့ သူတိုကျောင်းက ကင်းထောက်လူငယ်တွေ
နှစ်စဉ်သွားကြတဲ့ တောတွင်းစခန်းချခရီးကို လိုက်မယ်ပြင်ရာမှာ
ဖြစ်ချင်တော့ နှစ်စဉ်သွားနေကျနေရာအစား တားမြစ်နယ်မြေတစ်ခုကိုမှ
ဇွတ်သွားကြဖို ဆုံးဖြတ်လိုက်ကြတဲ့အခါ ဘယ်လိုမျိုး
သွေးပျက်ခြောက်ခြားစရာ ခြောက်လှန့်မှုမျိုး ကြုံရမှာလဲ
ဒီဟော်ရာဇာတ်ကားလေးထဲမှာ ဆက်လက်ကြည့်ရှုပေးပါဦး
အညွှန်းနဲ့ ဘာသာပြန်ကတော့ CM Team မှ ဖြစ်ပါတယ်
Credit..
ဇာတ်လမ်းအညွှန်း
13 Feb, 09:30
Highlander: Endgame (2000)
Jacob Kell လို့ခေါ်တဲ့ လူဆိုးကို ဖြုတ်ချဖို့ အဖွဲ့ဖွဲ့ရမယ့် မသေနိုင်တဲ့ Connor MacLeod နှင့် Duncan MacLeod တို့အကြောင်းဖြစ်ပါတယ်။
Kell က အန္တရာယ်များတဲ့လူဖြစ်ပြီး လက်စားချေချင်နေပါတယ်။ ရုပ်ရှင်အတွင်းမှာ Connor နှင့် Duncan တို့က စိန်ခေါ်မှုများစွာကို ရင်ဆိုင်ခဲ့ရပါတယ်။
ဒါပေမယ့် သူတို့က တစ်ယောက်ကို တစ်ယောက် ကာကွယ်ဖို့နဲ့ သူတို့ အလေးထားတဲ့ လူတွေကို ကာကွယ်ဖို့ ဆက်လက် တိုက်ပွဲဝင်နေကြပါတယ်။
ဒီဇာတ်ကားက တိုက်ပွဲတွေချည်းပဲ မဟုတ်ပါဘူး။ မသေနိုင်တဲ့လူတွေ ၊ ကလဲ့စားချေခြင်းနှင့် MacLeodsေရဲ့အတိတ်တွေက ဘယ်လိုဘယ်ပုံသွင်းသည်ဆိုတဲ့ အယူအဆကို အမှန်တကယ်တူးဆွသွားတာပါ။
သူတို့ အမှားတွေ လုပ်ခဲ့ပုံတွေကို မှန်ကန်အောင် ကြိုးစားနေပုံတွေကို ပြသပါတယ်။ အက်ရှင်ဇာတ်ဝင်ခန်းတွေက ပြင်းထန်ပေမယ့် ဇာတ်ကားရဲ့ထူးခြားချက်ကတော့ ဇာတ်ကောင်တွေရဲ့ ရုန်းကန်လှုပ်ရှားမှုတွေပါပဲ။
ရှင်သန်ခြင်းအတွက်သာမက အသက် တာရှည်ခြင်း အကျိုးဆက်ကို ကိုင်တွယ်ဖြေရှင်းခြင်းလည်း ဖြစ်ပါတယ်။ အဆုံးမှာ Highlander: Endgame က ဓားတွေနဲ့တိုက်နေတဲ့ဇာတ်ကားတစ်ခုထက်ပိုတဲ့ရုပ်ရှင်ဖြစ်ပါတယ်။
ရွေးချယ်ရခြင်းတွေ နှင့် ခက်ခဲတဲ့အချိန်တွေကို ကျော်ဖြတ်နိုင်ဖို့ကျွန်တော်တို့ကိုကူညီပေးခဲ့တဲ့လူတွေအကြောင်းကိုခံစားရပါတယ် ကြည့်လို့ကောင်းပါတယ်။
(အညွှန်းနဲ့ဘာသာပြန်ကတော့ Banyar Aung ဖြစ်ပါတယ်။)
Credit..
ဇာတ်လမ်းအညွှန်း
13 Feb, 09:30
Eaten Alive (1980)
ဇာတ်လမ်း နာမည်မြင်လိုက်တာနဲ့ ဘယ်လိုကားမျိုးဆိုတာ မှန်းလို့ရနေမှာပါ
လူတွေဟာ မော်ဒန်ခေတ်မှာ နေနေကြပေမယ့် ကျောက်ခေတ်လိုနေထိုင်ကြတဲ့လူသားတွေလည်း ရှိနေပါသေးတယ်
စူပါမားကတ်ကနေ ရေခဲရိုက်အသားတွေဝယ်ချက်မယ့်အစား ဂူအောင်းသားတွေကတော့ ရရာအသားကို အစိမ်းစားသောက်ကြတယ် လူရရင် လူသား မရလည်းမြွေသား ဖွတ်သား ဖားသား ဘာလာလာဒေါင်းကြသူတွေပါ
ဇာတ်လမ်းအစမှာတော့ ရှီလာဆိုတဲ့ မိန်းကလေးဟာ သူ့အစ်မ ပျောက်သွားတဲ့ ကိစ္စကို စုံစမ်းရင်း အစ်မဖြစ်သူဟာ ဘာသာရေးအစွန်းရောက်တွေနဲ့ ပတ်သက်မိပြီး ကောက်ကောက်ပါအောင် လိုက်သွားကြောင်း သိလိုက်ရပါတော့တယ် ဒါနဲ့ရှီလာဟာ
မာ့ခ်ဆိုသူကို အဖော်အဖြစ်ခေါ်ပြီး New Guinea ကရွာလေးတစ်ရွာကို ရောက်ရှိလာပါတယ်
ဘာသာရေးအစွန်းရောက်ခေါင်းဆောင်ဟာ အဲ့ရွာကနေ ယုံကြည်သူနောက်လိုက်တွေကို ခေါ်ပြီး တောအလယ်မှာ ရွာတည်ပြီး သီးသန့်နေထိုင် ခြယ်လှယ်နေပါတော့တယ်
ခက်တာက အဲဒီရွာလေးဟာ လူသားစားအရိုင်းမျိုးနွယ်စုရဲ့ အန္တရာယ်ကိုလည်း ရင်ဆိုင်နေရပါတယ်
ရှီလာတစ်ယောက် သူ့အစ်မကို ပြန်လည်ရှာတွေ့ပြီး အိမ်အရောက် အပါခေါ်နိုင်မလား သူကိုယ်တိုင်ရော လွတ်မြောက်ပါ့မလားဆိုတာ ကြည့်ရှုခံစားလိုက်ကြပါ
ဒီဇာတ်လမ်းမှာထူးခြားတာက မြန်မာ-အင်္ဂလိပ်ကပြား မင်းသမီးMe Me Lai လည်း မုဆိုးမလေးနေရာက ပါဝင်ထားပါသေးတယ်
ဒီကားမှာစက်ဆုတ်ရွံရှာစရာ မြင်ကွင်းများကို ပေါ်ပေါ်ထင်ထင် ကွက်ကွက်ကွင်းကွင်းပြသထားတာကြောင့် အသည်းငယ်သူများ ကြည့်ရှုဖို့မသင့်တော်ပါဘူး ဝတ်လစ်စလစ်တွေအပြင် ဘာသာရေးအယူသည်းမှုကနေဖြစ်ပေါ်လာတဲ့ လိင်ခန်းတွေလည််း ပါဝင်သေးတာမို့ ၁၈ယောက်မပြည့်ဘဲ ကြည့်ရှုဖို့မသင့်ပါကြောင်း…။
Credit..
ဇာတ်လမ်းအညွှန်း
13 Feb, 09:29
Extras for Chasing The Dragon (2025)
ဟောင်ကောင်ကျွန်းရဲ့ တစ်ချိန်က အမှောင်လောကကို ပုံဖော်ထားတဲ့
ကားကောင်းလေး ဘာသာပြန်တင်ဆက်ပေးလိုက်ပါတယ်…
ငွေမည်းကို ငွေဖြူပြောင်းပြီး… ချမ်းသာပြီးသားသူတွေ ပိုပိုချမ်းသာလာတာဘာလို့လဲသိလား…
ဘာလို့လဲဆိုတော့ ငွေနဲ့ အာဏာကိုဝယ်ပြီး အာဏာနဲ့ ငွေကို ပြန်ဝယ်နေကြလို့ပါပဲ…
ဒီကားလေးက အဲ့ကွင်းဆက်ကို ရိုက်ပြထားတာပါ..
ဒီကားထဲမှာ ရွှီလဲ့ဆိုတဲ့ အမျိုးသားက ပိုင်ကျန့်နီဆိုတဲ့ ဟောင်ကောင်လုပ်ငန်းရှင်ကြီး
၄ ဦးထဲက တစ်ယောက်နဲ့ ဖူးစာဆုံပြီးတော့ ရာထူးလည်းတက် ဥစ္စာလည်းပေါခဲ့တာပေါ့…

တစ်ခုပဲရှိတယ် ဒါကတော့ ပိုင်ကျန့်နီရဲ့ လောင်းကစားဝိုင်းက
အရှုပ်တွေရှင်းပေးရတာနဲ့ သူ့အသက်ကို ကာကွယ်ဖို့ပဲ…
အဲ့ဒီမှာတင် ကိုယ်မွေးတဲ့မျောက် ကိုယ်မနိုင်တဲ့ ဇာတ်လမ်းပေါ်လာတာပဲ…
အကြောင်းတိုက်ဆိုင်ပြီး အားဟောက်ဆိုတဲ့ ညီလေးကောက်ရလိုက်ပြီး
ပိုင်ကျန့်နီကို ကာကွယ်ဖို့ ငှားရာကနေ…
လောင်းကစားဝိုင်း အတူတူလုပ်တဲ့အထိဖြစ်လာပြီးတော့…
နောက်ဆုံးမှာ သစ္စာဖောက်သွားမှာလား…
ညီအစ်ကိုတွေအဖြစ်နဲ့ပဲ ဆက်ရှိနိုင်မှာလား…
ဒီလို ငွေမည်းလောကကြီးကိုရော ဘယ်လိုမျိုးရှင်းနိုင်မှာလဲ
Credit..
ဇာတ်လမ်းအညွှန်း
13 Feb, 09:28
A Hundred Lies (2024)
IMDB: 6.5/10
ဒီတစ်ခါမှာတော့ Canadian Crime Drama ဇာတ်ကားတစ်ကားနဲ့
မိတ်ဆက်ပေးချင်ပါတယ်။ ၂၀၂၄ ခုနှစ်တုန်းက ထွက်ရှိခဲ့တာဖြစ်ပြီးတော့
ဒါရိုက်တာ Rouzbeh Heydari က ရိုက်ကူးပေးထားပါတယ်။
အဓိကသရုပ်ဆောင်တွေအဖြစ် Rob Raco, Dana Abraham,
Humberly González, Brandon McKnight တို့က ပါဝင်
ပေးထားပါတယ်။
ဇာတ်လမ်းအကျဉ်းကတော့ သီချင်းဆို၊သီချင်းရေးရတာကို ဝါသနာပါတဲ့
ရစ်ကီဟာ နာမကျန်းဖြစ်နေတဲ့မိခင်ကို ထောက်ပံ့ဖို့အတွက် ဘားတစ်ခုမှာ
စားပွဲထိုးနေရပါတယ်။ တစ်နေ့တော့ သူဟာ သီချင်းထုတ်လုပ်သူ
တစ်ယောက်နဲ့တွေ့ပြီးတော့ သီချင်းခွေထုတ်ဖို့ဖြစ်လာပါတယ်။
အဲဒီလိုနဲ့ သူ့ဘဝဟာ တစ်ဆစ်ချိုးပြောင်းလဲသွားပြီးတော့ ရုတ်တရက်
နာမည်ကြီးလာ၊ ပရိသတ်တွေရလာပါတယ်။
ဒါပေမယ့် ဒီအောင်မြင်မှုရဲ့နောက်ကွယ်မှာ မှောင်မိုက်တဲ့လျှို့ဝှက်ချက်တွေ
ရှိနေပါတယ်။ ဘယ်လိုလျှို့ဝှက်ချက်တွေလဲဆိုတာကိုတော့ ကိုယ်တိုင်ပဲ
ကြည့်ရှုလိုက်ပါ။ မထင်မှတ်ထားတဲ့ လောကဓံရဲ့ရက်စက်မှုတွေ၊
နေ့ချင်းညချင်းရလာတဲ့ အောင်မြင်မှုတွေကြားကနေ ရစ်ကီဘယ်လို
ရုန်းကန်ရမလဲ။ ဘယ်လိုလှည့်ကွက်တွေ ရှိနေမလဲ။
IMDb မှာ rating ကောင်းတစ်ခုကို ရရှိထားပြီးတော့ ကြည့်ရှုသူတွေကို
ရသပေါင်းစုံပေးစွမ်းနိုင်တဲ့ ဇာတ်ကားကောင်းတစ်ကားဖြစ်ပါတယ်။
Credit..
ဇာတ်လမ်းအညွှန်း
13 Feb, 09:27
Kadhalikka Neramillai 2025 (ပျောက်ဆုံးနေသောအချစ် )
ယိုဂီဘာဘူပါဝင်သရုပ်ဆောင်ထားတဲ့ ဒရာမာဇာတ်ကားအသစ်လေး ထွက်ရှိလို့လာပါပြီ။
ဒရာမာဆိုပေမဲ့ ယိုဂီဘာဘူရဲ့ ထုံးစံအတိုင်းပဲ ဟာသလေးတွေနှောပြီး
ကြည့်ရှုရမဲ့ ဇာတ်ကားကောင်းလေးတစ်ပုဒ်ဖြစ်ပါတယ်။
ရှရီယာဆိုတဲ့ကောင်မလေးဟာ ကလေးအရမ်းလိုချင်နေတဲ့သူဖြစ်ပြီးတော့
သူ့ကောင်လေးနဲ့ မင်္ဂလာဆောင်ပြီးတာနဲ့ တန်းပြီးတော့ ကလေးယူဖို့အတွက်
ဆုံးဖြတ်ထားတဲ့သူတစ်ယောက်ပေါ့။ ဒါပေမဲ့လည်း အသက်အရွယ်ကြောင့်ရော
သူ့ရောဂါအခြေအနေကြောင့်ပါ သူဟာ IVF (ခန္ဓာကိုယ်ပြင်ပတွင် သန္ဓေတည်စေခြင်း)
ပြုလုပ်ဖို့အတွက် ဒေါက်တာက အကြံပြုတဲ့အတိုင်းပဲ
IVFနည်းနဲ့ ကလေးယူဖို့ ကြိုးစားနေသူတစ်ယောက်ပါ။
ဆစ်ဒ်ဆိုတဲ့ကောင်လေးကတော့ ဒီလောကကြီးက လူသားတွေဟာ ကမ္ဘာဂြိုဟ်ကြီးအတွက်
ဝန်ထုပ်ဝန်ပိုးဖြစ်တယ်လို့ ထင်နေပြီး ကလေးမလိုချင်တဲ့သူတစ်ယောက်ပေါ့။
သူဟာလည်း ချစ်ရသူရှိပေမဲ့ ချစ်သူရဲ့ ဆန္ဒအတိုင်း စေ့စပ်ဖို့ စီစဉ်လိုက်ပေမဲ့
လက်ထပ်တာတွေ ကလေးယူတာမျိုးတွေကို မလုပ်ချင်သူတစ်ယောက်ပါ။
ဆစ်ဒ်မှာ ငယ်ငယ်လေးကတည်းက ဆိုးတူကောင်းဖက်ပေါင်းဖက်လာခဲ့တဲ့
သူငယ်ချင်းနှစ်ယောက်ရှိပါတယ်၊ ဂိုဒါနဲ့ စီသူလို့ ခေါ်ပါတယ်။
စီသူဟာ ဂေးတစ်ယောက်ဖြစ်ပြီး ကလေးမွေးချင်နေရာကနေ
သုက်ပိုးကို အေးခဲထားဖို့အတွက် အကြံပေါ်လာခဲ့ပါတော့တယ်။
ဒီမှာပဲ ငယ်ငယ်လေးကတည်းက ဘာမဆို အတူတူလုပ်ခဲ့ကြတဲ့သူငယ်ချင်းတွေပီပီ
စီသူဟာ သူသုက်ပိုးအေးခဲမဲ့ကိစ္စကို ဂိုဒါနဲ့ ဆစ်ဒ်ကိုပါ အပါခေါ်ပါတော့တယ်။
ဒီလိုနဲ့ ကလေးမလိုချင်တဲ့ ဆစ်ဒ်ရဲ့ အေးခဲထားတဲ့ သုက်ပိုးကနေ မျိုးပွားလာမှာလား ……..
ရှရီယာတစ်ယောက်ရော IVF ကုထုံးနဲ့အတူ သူလိုချင်တဲ့ ကလေးလေး ရရှိလာမှာလား …
ရှရီယာနဲ့ ဆစ်ဒ်တို့ကရော ဘယ်လို ဆက်စပ်မှုတွေ ရှိနေလဲ …. ဆိုတာကို
ကြည့်ရှုရမဲ့ ဇာတ်ကားလေးဖြစ်ပါတယ်။
(အညွှန်းနဲ့ ဘာသာပြန်ကတော့ ToMo~ ZweYan ~ V ~ Star တို့ဖြစ်ပါတယ်)
Credit..
ဇာတ်လမ်းအညွှန်း
13 Feb, 09:26
Fight Another Day (2024)
ဒီဇာတ်ကားလေးကတော့ ၂၀၂၄ မှာ ထွက်ရှိခဲ့တဲ့ အမေရိကန်
အက်ရှင်ဇာတ်ကားလေးပဲဖြစ်ပါတယ်။ ခရိုနိုကွန်းဆိုတဲ့
နည်းပညာနဲ့ဆေးဝါးကုမ္ပဏီကြီးက အနာဂတ်ကမ္ဘာကြီးကို
လွှမ်းမိုးထားပါတယ်။ သူတို့က စိတ်ငြိမ်ဆေး၊ စိတ်ကြွဆေး
အမျိုးမျိုးကိုလည်း တရားဝင်ထုတ်လုပ်နေသူတွေပါ။
သူတို့ရဲ့ တီဗီအစီအစဥ်ဖြစ်တဲ့ Fight Another Day အစီ
အစဥ်ကလည်း နာမည်ကြီးပါပဲ။
Fight Another Day ဆိုတဲ့ အစီအစဥ်ကတော့ အတိတ်ခေတ်
အဆက်ဆက်က ထင်ရှားသူတွေ၊ သူရဲကောင်းတွေ၊
စစ်သည်တော်တွေကို အချိန်ခရီးသွားစက်နဲ့ ဆင့်ခေါ်ပြီးတော့
အချင်းချင်း အခန်းတစ်ခုထဲထည့်ပြီး သေဆုံးတဲ့အထိ တိုက်ခိုက်
ခိုင်းတဲ့အစီအစဥ်တစ်ခုပါ။
ဒီလိုနဲ့ အတိတ်မှာ သေဆုံးသွားပြီဖြစ်တဲ့ နာမည်ကြီးရဲ အရာရှိ
တစ်ယောက်ဖြစ်တဲ့ ရိုင်ယန်ကိုလည်း အစီအစဥ်ကို ဆင့်ခေါ်
လိုက်ပါတော့တယ်။ ရိုင်ယန်ကတော့ အတိတ်ဘဝက
မတရားမှုတွေ အကြမ်းဖက်မှုတွေကို တိုက်ဖျက်တဲ့နေရာမှာ
နာမည်ကြီးတဲ့ ရဲအရာရှိတစ်ယောက်ပါ။
ဒီဇာတ်ကားလေးမှာတော့ ရိုင်ယန်တစ်ယောက် အနာဂတ်က
တီဗီအစီအစဥ်တစ်ခုမှာ ဘယ်လိုရှင်သန်ဖို့ကြိုးစားမလဲ၊
ဘာတွေဆက်ဖြစ်မလဲဆိုတာကို စိတ်ဝင်စားဖွယ်ရာ ကြည့်ရှုကြရမှာပါ။
Credit..
ဇာတ်လမ်းအညွှန်း
12 Feb, 10:39
The Wolves ( 2022 )
လေ့လာရေးခရီးထွက်လာတဲ့လေယာဥ်တစ်စီးဟာ
နှင်းခဲတွေထူထပ်ပိတ်ဖုံးနေတဲ့ဒေသတစ်နေရာမှာပျက်ကျခဲ့ပါတယ်။
လူအတော်အများ သေဆုံးကုန်ကြပြီး အနည်းငယ်ပဲကျန်ရစ်ခဲ့ပါတယ်။
ဝေးလံခေါင်ဖျားတဲ့ဒေသဖြစ်တာကြောင့်
ကယ်ဆယ်ရေးကိုမျှော်နေဖို့ရာကလည်း သိပ်မဖြစ်နိုင်လှပါဘူး။
နှင်းတောထဲမှာဆက်လက်ရှင်သန်ဖို့ရာ
ကိုယ့်အားကိုယ်ကိုးကြရဖို့ပဲရှိတဲ့လူတစ်စု ၊
လူအမျိုးမျိုးပါဝင်နေတဲ့အဲ့ဒီလူတစ်စုဟာ
အသက်ရှင်သန်ဖို့ဘယ်လိုကြိုးစားကြလေမလဲ။
သူတို့ကိုနောက်ထပ်အန္တရာယ်တစ်ခုကလည်းစောင့်မျှော်နေပါသေးတယ်။
အဲ့ဒါကတော့ ကြီးမားတဲ့ဗီဇပြောင်းဝံပုလွေတွေပါပဲ။
ဝံပုလွေရန်ကြောင့်သေဆုံးတဲ့သူတွေရှိလာတဲ့အခါ၊
ဗီဇပြောင်းဝံပုလွေတွေကို ရင်ဆိုင်ဖို့ဘယ်လိုလုပ်ကြမလဲ။
ရှင်ဖို့ထက် သေဖို့လမ်းကများနေတဲ့ ဒီအခြေအနေမှာ
ဘယ်သူတွေကဘယ်လို အသက်ရှင်လွတ်မြောက်လာမလဲဆိုတာ
စိတ်လှုပ်ရှားစွာ စောင့်စားကြည့်ရှုလိုက်ကြရအောင်။
Credit..
ဇာတ်လမ်းအညွှန်း
12 Feb, 10:39
Love Therapist ( 2017 )
အသဲကွဲရောဂါကိုခံစားဖူးကြပါသလား?
အသဲကွဲတဲ့အချိန်ကျရင် ဘယ်လိုရုန်းထွက်ကြလဲ?
လွတ်လွတ်လပ်လပ်နဲ့ လုပ်ချင်ရာလုပ်တန်တဲ့ ရှောင်ယာက
ချစ်ရတဲ့ခွဲခွါခြင်းခံရတော့ အသဲကွဲပြီး အသဲကွဲတာကို
အထူးကုတဲ့စိတ်ရောဂါဆရာဝန်ချန်ရန်ဆီရောက်လာတယ်
အချစ်ရှိရင် အခက်အခဲကနေကျော်ဖြတ်နိုင်တယ်
အချစ်ရှိတာရှိရင် ဒဏ်ရာကလုံးဝပျောက်ကင်းမှာ ဆိုတဲ့
ချန်ရန်ကအသဲကွဲရောဂါကိုကုသတဲ့နေရာမှာအရမ်းနာမည်ကြီးတယ်
နာမည်လည်းကြီးသလို ကုသတဲ့နည်းလမ်းကလည်းအတော်ကိုထူးဆန်းတယ်
တစ်ခြားဆရာဝန်တွေလို အိပ်ငွေ့ချမေးမြန်းတာမဟုတ်ဘဲနဲ့
လူနာနဲ့အတူအိပ်ပြီး အိမ်မက်ထဲမှာကုသပေးတာ
ရှောင်ယာရဲ့အိမ်မက်ထဲဝင်ပြီး သူရဲ့ဇာတ်လမ်းထဲဝင်ပြီး
အသဲကွဲရောဂါကိုကုသပေးခဲ့တာ
-ကုသနေစဥ် ရှောင်ယာရဲ့အိမ်မက်ထဲမှာဘာတွေဖြစ်ပျက်ကြမလဲ?
-ရှောင်ယာအချစ်ရေးကဘယ်လိုဖြစ်မလဲ
-ချန်ရန်က ရှောင်ယာရဲ့အသဲကွဲရောဂါကို ကုသပေးနိုင်မလား? စတာတွေကို
စိတ်ကူးယဉ်ဆန်ဆန် စိတ်ဝင်စားစရာကောင်းအောင်
ရိုက်ကူးထားတဲ့ဇာတ်လမ်းကောင်းလေးဖြစ်လို့
အားလုံးအတူတူကြည့်လိုက်ကြရအောင်နော်!
Credit..
ဇာတ်လမ်းအညွှန်း
12 Feb, 10:38
Emanuelle and the Last Cannibals (1977)
Genre – Adventure, Horror
(ရှေးခေတ် အီတလီကားဖြစ်လို့ ရှင်းလင်းသော လိင်မှုဆိုင်ရာပြကွက်များ ပါဝင်တဲ့အပြင် လူသားစားလူရိုင်းရုပ်ရှင် ဖြစ်တဲ့အတွက် သွေးထွက်သံယို အော်ဂလီဆန်စရာအခန်းများ ပါဝင်သောကြောင့် ကြည့်ရှုသူများအနေနဲ့ သတိချပ်စေလိုပါတယ်။)
ဂျာနယ်လစ်တစ်ဦးဖြစ်သူ အီမာနူရယ်ဟာ စိတ်ကျန်းမာရေးဆေးရုံအကြောင်း ဇာတ်လမ်းရေးဖို့
အသွင်ယူနေတုန်း ဆေးရုံကို လူသားစားလူရိုင်းတွေလက်ကနေ လွတ်မြောက်လာတဲ့
ကောင်မလေးတစ်ယောက် ရောက်ရှိလာပါတယ်။
တစ်ရက်ကျ ဒီကောင်မလေးဟာ သူ့ကို လိင်ပိုင်းဆိုင်ရာ အမြတ်လာထုတ်တဲ့
သူနာပြုတစ်ယောက်ရဲ့ ရင်သားကို ကိုက်ဖြတ်ပြီး စားသောက်လိုက်တော့
နာမည်ကြီးပြီး အီမာနူရယ်တစ်ယောက် သူ့ကို လေ့လာကြည့်တဲ့အခါ
ဒီကောင်မလေးကိုယ်ခန္ဓာကိုယ်ပေါ် ပါလာတဲ့အမှတ်အသားက မျိုးတုန်းသွားပြီလို့ ယူဆရတဲ့
အမေဇုန်လူရိုင်းမျိုးနွယ်တစ်ခုရဲ့ သင်္ကေတ ဖြစ်နေပါတယ်။
ဒီအတွက် အီမာနူရယ်ဟာ ဒီထက်ပိုကြီးမားတဲ့ဇာတ်လမ်း လိုက်နိုင်ဖို့
မနုဿပညာရှင် ပရော်ဖက်ဆာတစ်ယောက်ရယ် တောတွင်းလမ်းပြကောင်မလေးရယ်
သူနာပြုတစ်ယောက်ရယ် အမေဇုန်တောထဲမှာ နောက်ဆုံးလက်ကျန် လူသားစားမျိုးနွယ်တွေကို
လိုက်ရှာဖို့ စွန့်စားခန်းထွက်ကြရင်း ဘယ်လို ခြောက်ခြားစရာ အန္တရာယ်ဒုက္ခတွေနဲ့
တွေ့ကြမလဲဆိုတာကို ရင်တထိတ်ထိတ် ကြည့်ရှုရမှာပါ။
ကျွန်တော်တို့ ငယ်ငယ်တုန်းက နာမည်အင်မတန်ကြီးခဲ့တဲ့ လူသားစားလူရိုင်းကား
Cannibal Holocaust တောင် ၁၉၈၀ မှ ထွက်ခဲ့တာဖြစ်လို့
ဒီ အီတလီကားကို Reference ယူထားသလားလို့ ထင်မိချင်စရာပါပဲ။
Credit..
ဇာတ်လမ်းအညွှန်း
12 Feb, 10:37
Babu (2024)
“ဘာဘူ”
မာရသီစကားပြော ရိုမန့်တစ် အက်ရှင်ဇာတ်လမ်းလေးကို တင်ဆက်လိုက်ပါတယ်
တစ်ခါတုန်းက နယ်တစ်နယ်မှာ တရားမဝင်လုပ်ငန်းတွေခွင့်ပြုတဲ့
ခရိုင်မှူးတစ်ယောက်ရှိပြီး သူ့ကိုဆန့်ကျင်တဲ့လူတွေထဲမှာ
ချာရူဆိုတဲ့ ရဲရင့်လှပတဲ့ ကောင်မလေးလည်း အပါအဝင်ပါ
ခရိုင်မှူးရဲ့သားက သတ္တိခဲမလေး ချာရူကိုမှ
သဘောကျသွားခဲ့ပြီး အချစ်ဇာတ်လမ်းတစ်ခု ဖြစ်လာခဲ့တယ်
ခရိုင်မှူးကို ထောက်ခံတဲ့လူတစ်ယောက်က
သတင်းပေးလိုက်တဲ့အခါမှာတော့
ခရိုင်မှူးက သူ့သားနဲ့ ချာရူတိုရဲ့ ချစ်ခြင်းကိုခွဲခဲ့ပြီး
ချာရူရဲ့အဖေကလည်း ထူးဆန်းစွာနဲ့ သေဆုံးသွားတဲ့အခါမှာ
ဘယ်လို လက်စားချေဇာတ်လမ်းတစ်ပုဒ် ဖြစ်လာမှာလဲ ခံစားကြည့်ရှုလိုက်ပါဦး
အညွှန်းနဲ့ ဘာသာပြန်ကတော့ CM Bollywood Team မှ ဖြစ်ပါတယ်
Credit..
ဇာတ်လမ်းအညွှန်း
12 Feb, 10:36
Rupture (2016)
ရနေးဆိုတဲ့ အမျိုးသမီးဟာ ကွာရှင်းခံထားရတဲ့ မိန်းမတစ်ယောက်ဖြစ်ပြီး သားဖြစ်သူ အဲဗန်နဲ့အတူ ပျော်ရွှင်စွာနေထိုင်နေသူ…
အမည်မသိ လူတစ်စုဟာ သူတို့ မိသားစုကို အချိန်အကြာကြီး တိတ်တခိုး စောင့်ကြည့်နေခဲ့တယ်။ ဒါကိုတော့ သူတို့မသိရှာဘူး။
တစ်နေ့ ရနေးဟာ သူ့ရဲ့သားလေးကို ခင်ပွန်းဟောင်းဆီ သွားအပ်ပြီး လေထီးခုန်ဖို့ရာ ထွက်လာခဲ့တယ်။ လမ်းခုလတ်မှာ ကားဘီးပေါက်သွားတာကို လူတစ်ယောက်က ကူညီပေးသယောင်နဲ့ သူ့ကို ဖမ်းခေါ်သွားခဲ့တယ်။
ဘယ်နေရာမှန်းမသိတဲ့ အဆောက်အဦးတစ်ခုဆီ ရောက်သွားပြီး ထိုလူတစ်စုဟာ သူ့ကို စမ်းသပ်မှုတွေ ပြုလုပ်ပါတော့တယ်။ ဒီလူတစ်စုက ဘာတွေလဲ… ဘယ်လိုစမ်းသပ်မှုတွေ လုပ်သလဲ… ဘာအတွက်လုပ်ရသလဲဆိုတာတော့ အသည်းယားဖွယ် ကြည့်ရှုခံစားလိုက်ကြပါဦး။
(ဒီဇာတ်ကားနဲ့အညွှန်းကို Mugiwara Ya မှ ပြန်ဆို ရေးသားထားပါတယ်)
Credit..
ဇာတ်လမ်းအညွှန်း
12 Feb, 10:35
Ravenous (1999)
IMDB: 6.9/10
ဗိုလ်ကြီး ဂျွန်ဘွိုက်က အမေရိကန်မက္ကဆီကန် စစ်ပွဲမှာ တစ်ကိုယ်တည်းရန်သူရဲ့စခန်းကို သိမ်းနိုင်ခဲ့တယ်။ အထက်အရာရှိများက အဖြစ်မှန်ကိုသိရှိသွားသောအခါ ဗိုလ်ကြီးဘွိုက်ကို ရာထူးအတိုးပြပြီးဖောဒ့်စပန်ဆာကို အပြစ်ဒဏ်အနေနဲ့လွှတ်လိုက်ပါတယ်။ ဖောဒ့်စပန်ဆာမှာ တာဝန်ထမ်းဆောင်နေစဉ် ငတ်ပြတ်ပြီးရောက်လာသော ကိုလ်ဟွန်းဟုခေါ်သည့်လူစိမ်းတစ်ယောက်က ဖြစ်ကြောင်းကုန်စဉ်ကိုရှင်းပြသောအခါ ဂူထဲမှာငတ်ပြတ်ကြသဖြင့် လူသားစားကြသည့်အကြောင်းကို သိခဲ့ရသည်။ အဖွဲ့သားအချင်းချင်းသတ်ဖြတ်ရာမှ နောက်ဆုံးသုံးယောက်ကျန်ခဲ့သည့်အချိန်တွင် အသတ်ခံရမှာကြောက်သဖြင့်ကိုလ်ဟွန်းက ထွက်ပြေးလာခဲ့ကြောင်း ဂူထဲမှာကျန်ရစ်ခဲ့သူရှိကြောင်းပြောသဖြင့် ဗိုလ်ကြီးဘွိုက်တို့အဖွဲ့က ကယ်ဆယ်ရန်သွားကြလေသည်။ကယ်ဆယ်ရန်သွားရင်းမှ အဖြစ်မှန်ကိုသိရှိတဲ့အချိန်မှာ ဘာတွေဆက်ဖြစ်ကြမလဲ။ လူသားစားသုံးတဲ့သူတွေမှာ ဘယ်လိုမျိုးတွေဖြစ်လာကြမလဲဆိုတာ စိတ်ဝင်စားဖွယ်ကြည့်ရှုရမယ့်ဇာတ်လမ်းတစ်ပုဒ်ဖြစ်ပါတယ်။
Credit..
ဇာတ်လမ်းအညွှန်း
11 Feb, 12:11
Dragon Sword : Outlander ( 2021 )
အရင်ကတင်ဖူးတဲ့ To Be Immortal ဇာတ်ကားလေးရဲ့
အဆက်သဘောလေးပဲဖြစ်ပါတယ်
ဒီကားလေးက သိုင်းပညာနဲ့အဂ္ဂိရတ်ပညာကို
ရိုက်ပြထားတဲ့ကားကောင်းတစ်ကားပါပဲ
ကျင့်ကြံသူတွေဒုက္ခရောက်ပြီး အားလုံးသေဆုံးတော့မဲ့အချိန်မှာ
ဖုယန်နဲ့သူ့သူငယ်ချင်းတစ်စုဟာ ပြသနာကိုဖြေရှင်းဖိုလိုက်ရှာရင်း
တောအုပ်တစ်ခုထဲရောက်သွားခဲ့ပါတယ်တကယ်တော့
အဲ့တောအုပ်ဟာ သာမန်တောအုပ်တစ်ခုမဟုတ်ပါဘူး
လောကကြီးနဲ့အဆက်ဖြတ်ပြီး တသီးတခြားတည်ရှိနေတဲ့ ဝင်္ကပါတောအုပ်တစ်ခုပါ
သာမန်သူတွေလည်းမဝင်နိုင်သလို ဝင်ချင်လည်း
သားရဲမိစ္ဆာကောင်တွေကြောင့် အသက်မရှင်နိုင်ပါဘူး
ဒါပေမဲ့ဖုယန်ဟာ ထိုတောအုပ်ထဲကိုရောက်ရှိသွားခဲ့ပါတယ်
တောအုပ်ထဲက ကိုယ်ပိုင်ကမ္ဘာမှာနေထိုင်တဲ့ဂိုဏ်းမှ
အကြီးအကဲအမတမျိုးနွယ်ကလည်း ဖုယန်ကုသတိထားမိပြီး
သူ့တပည့်ကိုလိုက်ချဥ်းကပ်ခိုင်းပါတော့တယ်
တစ်ဖက်မှာလည်း အဂ္ဂိရတ်ပညာရှင် တန်းကျွင်းကလည်း
သူ့ပညာတွေအမွေပေးရန် ဖုယန်ကုအတင်းချဥ်းကပ်အကျပ်ကိုင်ပြီး သင်ပေးပါတော့တယ်
ကဲ ဖုယန်တစ်ယောက်လွတ်မြောက်နိုင်မလား?
အဂ္ဂိရတ်ပညာကိုလည် တစ်ဖက်ကမ်းခပ်တက်မြောက်နိုင်မလား?
သူဘာတွေကြုံတွေ့နေရမလဲ?
ဇာတ်လမ်းလေးထဲ စောင့်ကြည့်ပေးပါနော်
Credit..
ဇာတ်လမ်းအညွှန်း
11 Feb, 12:10
Money (2016)
ဒီဇာတ်ကားကတော့ လောကကြီးမှာ ရှိနေတဲ့ အထက်တန်းလွှာ အကြောင်းကို ရိုက်ပြထားတာပါ
ဂျူဟန်ဆိုတဲ့သူက ဆင်းရဲတဲ့ ဘဝကနေ အထက်တန်းလွှာ ရောက်ဖို့ အသည်းအသန်ကြိုးစားနေခဲ့ပါတယ်
ဒီလို အောင်မြင်မှုနောက်ကို လိုက်နေရာကနေ အောင်မြင်တဲ့ စီးပွားရေးလုပ်ငန်းရှင် အထက်တန်းလွှာက သူတွေနဲ့
ပါဝင် ပတ်သက်လာရတာဖြစ်ပါတယ်
အဲဒီလို ပတ်သက်လာရတဲ့အခါမှာ ဘယ်လိုတွေဖြစ်သွားမလဲ
အောင်မြင်မှုနောက်ကို လောဘတကြီးလိုက်နေတဲ့ ဂျူဟန်တစ်ယောက် ဒီပတ်ဝန်းကျင်မှာ အဆင်ပြေပါ့လား
သူကိုယ်တိုင်ရော ပြောင်းလဲသွားမှု တွေရှိမှာလားဆိုတာကို စိတ်ဝင်တစားကြည့်ရှုရမှာ ဖြစ်ပါတယ်
Credit..
ဇာတ်လမ်းအညွှန်း
07 Feb, 12:27
The Naughty List of Mr. Scrooge (2024)
ကောလိပ်မှာကတည်းက ထူးထူးဆန်းဆန်းလက်ဆောင်
လဲတမ်းဆော့ကြတဲ့ တက်ဘီတို့သူငယ်ချင်းတစ်သိုက်ဟာ
ကျောင်းပြီးသွားပြီးတော့ ဆယ်စုနှစ်တစ်ခုနီးပါးကြာမှ
သူငယ်ချင်းတစ်သိုက်ပြန်ဆုံပြီး ငယ်ဘဝကအတိုင်းအချိန်
ကုန်ကြဖို့စီစဉ်ကြပါတယ်။
တွေ့ဆုံပွဲမှာ ကောလိပ်မှာတုန်းကအတိုင်း လျှို့ဝှက်လက်ဆောင်
တွေလဲကြတဲ့အခါမှာ မထင်မှတ်ထားတဲ့လက်ဆောင်တွေ
ရလာကြပြီး ဘယ်လိုမျိုးအဖြစ်အပျက်တွေကြုံရမလဲဆိုတာကို
ကြည့်ရမယ့် Thriller ကားကောင်းလေးတစ်ကားဖြစ်လို့
လက်မလွှတ်တမ်းကြည့်ကြဖို့တိုက်တွန်းလိုက်ပါရစေဗျာ….
Credit..
ဇာတ်လမ်းအညွှန်း
07 Feb, 12:26
Nine Queens (2000)
IMDb Rating (7.9) / Rotten Tomatoes (92%)
ဝင်ငွေအရရော ပရိသတ်လက်ခံအားပေးမှုပါ အောင်မြင်မှုတွေရခဲ့တဲ့ အာဂျင်တီးနားရုပ်ရှင်ကိုတင်ဆက်ပေးပါရစေ။
ဂွမ်ဆိုတဲ့လူက စတိုးဆိုင်တွေမှာ ငွေအကြွေအမ်းဖို့ရှုပ်အောင်လုပ်တဲ့အကွက်နဲ့ လိုက်ပြီးလိမ်နေတဲ့ လူလိမ်အသေးစားတစ်ယောက်။
တစ်နေ့တော့ တစ်ဆိုင်ထဲမှာ နှစ်ခါလိမ်မိတာအတွက် ဝန်ထမ်းတွေကဝိုင်းဖမ်းမိသွားတဲ့အချိန် မာကိုဆိုတဲ့ လူလိမ်အကြီးစားတစ်ယောက်က ဝင်ကယ်သွားခဲ့တယ်။
ဒီမှာပဲ မာကိုက ဂွမ်ကို သူနဲ့အလုပ်တွဲလုပ်ဖို့စည်းရုံးပါတယ်။
နှစ်ယောက်ပေါင်းမိသွားချိန်မှာပဲ ဘုရင်မကိုးပါးဆိုတဲ့ ရှားပါးအဖိုးတန်တံဆိပ်ခေါင်းကို အင်ထုပြီးရောင်းရဖို့ အကြောင်းပေါ်လာခဲ့တယ်။
ဇာတ်အလှည့်အပြောင်းတွေနဲ့ စိတ်ဝင်စားဖွယ်တင်ဆက်ထားတာမို့ ခံစားကြည့်ရှုကြပါဦး။
(အညွှန်းနဲ့ဘာသာပြန်ကတော့ Pyae Phyo ဖြစ်ပါတယ်။)
Credit.
ဇာတ်လမ်းအညွှန်း
07 Feb, 12:25
Executioner’s Strange Talk ( 2022 )
သေဒဏ်ကျခံရတဲ့ အပြစ်သားတွေကိုခေါင်းဖြတ်ကွပ်မျက်ဖို့တာဝန်ယူရတဲ့
အာဏာပါးကွက်သားတွေမှာ စည်းမျဥ်းတစ်ခုရှိပါတယ်။
မွန်းတည့်မကျော်ခင်မှာ အပြစ်သားကို စီရင်ရတာပါပဲ။
စီရင်ချိန်ကျော်သွားခဲ့ရင် စည်းမျဥ်းကိုဖောက်ဖျက်မိသလိုဖြစ်ပြီး
သရဲဝိဉာဥ်တွေက လက်စားချေဖို့ပြန်လာတတ်ကြပါတယ်တဲ့။
အာဏာပါးကွက်သားတစ်ယောက်ဖြစ်တဲ့ရှဲ့ချီဟာ ပြစ်ဒဏ်စီရင်ရာမှာ
အချိန်ကျော်လွန်သွားရာကနေ စည်းမျဥ်းကိုဖောက်ဖျက်မိသွားပါတယ်။
သူကွပ်မျက်ခဲ့တဲ့သရဲမဟာ သူ့ကိုပြန်လာရှာရာကနေ ၊
သူတင်မက တစ်မြို့လုံးကို ကံဆိုးမှုတွေစတင်လွှမ်းခြုံလာတဲ့အခါ ၊
ခြောက်ခြားဖွယ်ရာဖြစ်ရပ်တွေဆက်တိုက်ဖြစ်လာတဲ့မခါမှာ..
မြို့ထဲကလူတွေကလည်း ရှဲ့ချီကိုဝိုင်းပြီးအပြစ်တင်ကြပါတော့တယ်။
သရဲတွေ မိစ္ဆာတွေ ကျိန်စာတွေပါဝင်နေတဲ့ ဒီပြဿနာကို
ဘယ်လိုဖြေရှင်းကြမယ်ဆိုတာကို
ဇာတ်လမ်းထဲမှာဆက်လက်ကြည့်ရှုလိုက်ရအောင်။
Credit..
ဇာတ်လမ်းအညွှန်း
07 Feb, 12:24
Lost on a Mountain in Maine (2024)
ခုတစ်ခေါက်တင်ဆက်ပေးမယ့် ဇာတ်ကားလေးကတော့ မိန်းပြည်နယ်
တောင်ပေါ်တစ်နေရာမှာ ပျောက်ဆုံးသွားခဲ့တဲ့ ကလေးငယ်တစ်ယောက်
အကြောင်းဖြစ်ရပ်မှန်ကို ပုံဖော်ရိုက်ကူးထားတဲ့ မှတ်တမ်းရုပ်ရှင်ကားလေးပဲ
ဖြစ်ပါတယ်….
တကယ့်အဖြစ်အပျက်ကို ဇာတ်လမ်းဖွဲ့ဖော်ပြထားတဲ့ ဇာတ်ကွက်တွေနဲ့
ဖြစ်ရပ်အတွင်း တကယ်ပါဝင်ခဲ့ကြသူတွေရဲ့ ပြောစကားတွေကို
ပေါင်းစပ်တင်ဆက်ထားတာဖြစ်လို့ ဇာတ်လမ်းတစ်ပုဒ်လိုရော
မှတ်တမ်းရုပ်ရှင်တစ်ကားလိုပါခံစားကြည့်ရှုနိုင်မှာဖြစ်ပါတယ်…
ဒုတိယကမ္ဘာစစ် စစ်ကြိုကာလက အဖြစ်အပျက်ဖြစ်တာနဲ့အညီ နိုင်ငံတကာ
အရေးတင်းမာပုံနေကို ရေဒီယိုသတင်းကနေတဆင့် အနုပညာမြောက်စွာ
တင်ပြထားပြီး ဆိုးရွားလာတော့မယ့်အခြေအနေတွေကို ခံစားမိနေတဲ့
ဖခင်တစ်ယောက်ရဲ့စိုးရိမ်ကြီးမှုတွေနဲ့ ဆယ်ကျော်သက်အရွယ်သား
တစ်ယောက်ရဲ့ လတ်ဆတ်တက်ကြွမှုတွေကြား ဖြစ်လေ့ဖြစ်ထရှိတဲ့
ပွတ်တိုက်မှုကိုလည်း ပီပီပြင်ပြင်ရိုက်ကူးတင်ပြထားပါတယ်
ထို့အပြင် တောင်ပေါ်မှာပျောက်ဆုံးခဲ့ရတဲ့သားဖြစ်သူအတွက် ဖခင်
တစ်ယောက်ရဲ့ ပူဆွေးကြီးရတဲ့ခံစားချက် ဖခင်ကို ကလန်ကဆန်လုပ်ခဲ့တဲ့
မိတဲ့သားတစ်ယောက်ရဲ့ စိတ်ခံစားချက် မိခင်တစ်ယောက်ရဲ့ မိမိရင်သွေးတွေ
အပေါ်နားလည်နိုင်စွမ်း သွေးချင်းတစ်ယောက်ရဲ့ ၅၂၈ အရင်းခံ အပြစ်မကင်း
ခံစားရမှုတို့ကိုလည်း ကွက်ကွက်ကွင်းကွင်း ပုံဖော်ပြသထားလို့ ဒရမ်မာ
ရုပ်ရှင်ကြိုက်နှစ်သူ ပရိသတ်များ သဘောကျနှစ်ခြိုက်မယ့်ရုပ်ရှင်ကားလေး
ဖြစ်ပါတယ်…
Donn Fendlerဆိုတဲ့ မြီးကောင်ပေါက် ၁၂ နှစ်သားလေးတစ်ယောက်ဟာ
အလုပ်ခရီးစဉ်ကနေပြန်လာတဲ့ ဖခင်နဲ့အတူငါးဖမ်းထွက်ဖို့ကို အမျှော်လင့်ကြီး
မျှော်လင့်လျက်ရှိပါတယ် ၎င်းရဲ့မျှော်လင့်ချက်တွေဟာ ကြာရှည်မခံ လက်တွေ့
ဖြစ်မလာခဲ့ဘဲ ဖခင်ရဲ့နောက်ခရီးတစ်ခုနဲ့အတူရိုက်ချိုးခံလိုက်ရပြီး
Donn Fendler တစ်ယောက် ဖခင် Donald အပေါ်မကျေမနပ်ဖြစ်ရပါတော့တယ်
Donald အနေနဲ့လည်း ၎င်းရဲ့ကတိပျက်မှုကို ပြန်လည်ဖာထေးဖို့ တောင်တက်
ခရီးစဉ်တစ်ခုအစားထိုးစီစဉ်ခဲ့ပေမဲ့ Donn တစ်ယောက်ကတော့ ကြေလည်
ကျေနပ်ခြင်းမရှိခဲ့ပါဘူး သို့ပေမဲ့လည်း တောင်တက်ခရီးစဉ်မှာတော့
Donn တစ်ယောက် လိုက်ပါလာခဲ့ပါတယ်
ခရီးစဉ်တစ်နေရာအရောက်မှာ ဖခင် Donald ရဲ့ပြန်ဆင်းကြဖို့ အဆိုပြုချက်ကို
ငြင်းဆန်ရင်း Donn တစ်ယောက် ညီဖြစ်သူ Ryan နဲ့ လမ်းပြတစ်ယောက်ကို
အဖော်လုပ်ကာ တောင်ထိပ်ရောက်တဲ့ထိ ဖခင်မပါဘဲ တက်ရောက်ခဲ့ပါတယ်
တောင်ထိပ်အရောက်မှာတော့ ရာသီဥတုဒဏ်မခံနိုင်တဲ့ ညီဖြစ်သူ Ryan နဲ့
အချင်းများကာ ထွက်ပြေးရင်း Donn တစ်ယောက် မြူဆိုင်းနေတဲ့ တောင်ပေါ်က
လိမ့်ကျကာ ပျောက်ဆုံးခဲ့ရပါတော့တယ် Fendler မိသားစုဟာ သားပျောက်ကို
ရှာဖွေဖို့ တတ်နိုင်သမျှအကူအညီတွေ များနိုင်သမျှများအောင်တောင်းခံရင်း
မိန်းပြည်နယ်ရဲ့ အကြီးဆုံးလူပျောက်ရှာပွဲအဖြစ်မှတ်တမ်းဝင်တဲ့အထိ
လူအများအပြားလာရောက် အကူအညီပေးခဲ့ကြပါတယ် သို့သော်လည်း
အပူချိန်ရေခဲမှတ်အောက်ရောက်အောင် အေးတတ်ကာ မိုးသီးမိုးပေါက်
ကြွေတတ်ပြီး မိုးကြိုးမုန်တိုင်းထန်တတ်တဲ့ Katahdin တောင်ပေါ်မှာ
တစ်ပတ်ကျော်ကြာပြီးတိုင် ရှာမတွေ့သေးသည့် Donn တစ်ယောက်
အသက်ရှင်နေနိုင်လိမ့်မယ်ဆိုတာကို Fendler မိသားစုကလွဲပြီး ဘယ်သူမှ
မယုံကြည်ကြတော့တဲ့နောက်မှာတော့…
Fendler မိသားစုတို့ Donn တစ်ယောက်ကို ပြန်တွေ့နိုင်မလား………
ပြန်မတွေ့ခဲ့ရင် ဘယ်လိုတွေဖြစ်သွားကြမလဲ………..
ပြန်တွေ့ခဲ့ရင်ရော ဘယ်လိုဘယ်ပုံပြန်တွေ့ကြမလဲ…………
အသက်ရှင်လျက်လား သေလျက်လား စတဲ့ မေးခွန်းတွေကိုတော့
ရုပ်ရှင်ချစ်သူများအနေနဲ့ ဒီကားလေးမှာပဲ ကြည့်ရှုခံစားအဖြေရှာကြည့်ကြဖို့
တိုက်တွန်းလိုက်ပါရစေဗျာ……………
Credit..
ဇာတ်လမ်းအညွှန်း
07 Feb, 12:24
Family Blood(2018)
Ellie လို့ခေါ်တဲ့ ဆေးစွဲတာကနေ နလန်ထူကာစ အမျိုးသမီးတယောက်က မြို့သစ်တခုကို
ဆယ်ကျော်သက်အရွယ် သူ့ကလေးနှစ်ယောက်နဲ့ ပြောင်းလဲ အခြေချနေဖို့ ဖြစ်လာပါတော့တယ်။

ဒါပေမယ့် ဘယ်လောက်ကြိုးစားကြိုးစား ဆေးမသုံးပဲ မနေနိုင်တာကြောင့် အခက်တွေ့နေရပါတယ်။
တနေ့ Christopher ဆိုတဲ့ လူနဲ့တွေ့တော့ သူ့ဘဝ တဆစ်ချိုးပြောင်းလဲလာပါတော့တယ်။
စွဲလမ်းမှုကို အခြားစွဲလမ်းမှုနောက်တမျိုးနဲ့ အစားထိုးမယ်ဆိုတာကနေ
Ellie က ဘယ်လိုမှ မဆိုင်တဲ့ပုံစံပြောင်းသွားတာကို စိတ်ဝင်စားဖွယ်ကြည့်ရမှာပါ။
Horror/ Thriller အမျိုးအစားဖြစ်တာကြောင့်
အဲဒီလို mystery ဆန်ဆန် ဇာတ်ကားမျိုးကို ကြိုက်တတ်တဲ့လူတွေ အတွက်ဇာတ်ကားကောင်းတခုဖြစ်မှာပါ။
Credit..
ဇာတ်လမ်းအညွှန်း
07 Feb, 12:22
Tee Yod 2 (2024)
IMDb Rating (7.1)
ထိုင်းနာမည်ကြီး horror ရုပ်ရှင် Tee Yod (Death Whisperer) ရဲ့ နောက်ဆက်တွဲ ရုပ်ရှင်ရပါပြီ။
2023 ခုနှစ်ကထွက်ရှိခဲ့ပီး horror ဖန်တွေ ကြားမှာ တော်တော်လေး နာမည်ကြီးသွားခဲ့တဲ့ Tee Yod (Death Whisperer) ဟာ မိသားစု တစ်စု အရမ်းကြမ်းတဲ့ စုန်းမနဲ့ ရင်ဆိုင်ရပုံကို ခြောက်ခြားဖွယ်ရာ ပြသထားခဲ့တာပဲ ဖြစ်ပါတယ်။
ပထမဇာတ်ကားရဲ့ အောင်မြင်မှုကြောင့် Tee Yod 2 ထပ်မံ ထွက်ရှိလာခဲ့ပြီး October လထဲမှာ ရုံတင်ပြသခဲ့တာပါ။
ဒီလို ပြသချိန်မှာလဲ Tee Yod 2 ဟာ အကြီးအကျယ်အောင်မြင်ခဲ့ပီးတော့ 10 နှစ်အတွင်း ထိုင်းမှာ ဝင်ငွေ အကောင်းဆုံး horror ရုပ်ရှင် ဖြစ်ခဲ့ပါတယ်။
ဇာတ်လမ်းကတော့
ပထမရုပ်ရှင်ထဲက ညီမဖြစ်သူ Yam သေဆုံးသွားပြီးနောက် သုံးနှစ်ကြာအချိန်ကို တွေ့ရမှာဖြစ်ပြီး Yam ရဲ့ အသက်ကို နုတ်ယူသွားခဲ့တဲ့ သရဲမကပဲ Yak တို့ မိသားစုကို ထပ်မံ ခြောက်လှန့်လာတဲ့အခါ Yak တို့ ဒီစုန်းမကြီးကို ဘယ်လိုအမြစ်ပြတ်အောင် နှိမ်နင်းသွားမလဲ ဆိုတာ ခြောက်ခြားဖွယ်ရာ ကြည့်ရှုကြရမှာ ဖြစ်ပါတယ်။
(ဘာသာပြန်ကတော့ Thiha Yan Naing ဖြစ်ပါတယ်။)
Credit..
ဇာတ်လမ်းအညွှန်း
06 Feb, 13:16
Women from Rote Island (2024)
အမျိုးသမီးများအပေါ်မှာလိင်အကြမ်းဖက်ခြင်းဆိုတာက တစ်ကမ္ဘာလုံးက
နိုင်ငံတိုင်းမှာကြုံတွေ့နေရတဲ့ ဟိုးအရင်ခေတ်ကတည်းကနေ အခုလို
တိုးတက်ဖွံ့ဖြိုးတဲ့ခေတ်ကြီးအထိရောက်တဲ့တိုင်အောင် ဖြေရှင်းလို့
မရနိုင်သေးတဲ့ပြဿနာတစ်ခုဖြစ်နေပါသေးတယ်။
အဲ့ဒီလိုအကြမ်းဖက်မှုတွေကိုခံစားရတဲ့အမျိုးသမီးတွေရဲ့ခံစားချက်တွေ
သူတို့ကြုံတွေ့ခဲ့ရတဲ့အတွေ့အကြုံတွေနဲ့ ဒါကြီးကိုတွန်းလှန်ပြီး
ရှေ့ဆက်နိုင်ဖို့အတွက်ခွန်အားပေးပြီးရိုက်ကူးထားတဲ့ 2024 ခုနှစ်တုန်းက
ထွက်ရှိထားတဲ့ အင်ဒိုနီးရှားဇာတ်ကားလေးတစ်ကားကိုတင်ဆက်
ပေးလိုက်ပါတယ်။ဇာတ်ကားနာမည်ကတော့ Women From Rote Island
ဖြစ်ပြီး လက်ရှိ IMDb Rating 6.8 အထိရရှိထားပါတယ်။
ဇာတ်လမ်းအစမှာတော့ အောပါဆိုတဲ့အမျိုးသမီးရဲ့ခင်ပွန်းဆုံးပါးသွားတဲ့
အတွက် ဈာပနလုပ်ဖို့အချိန်တန်နေပေမဲ့ တစ်နယ်တစ်ကျေးမှာအလုပ်
သွားလုပ်နေတဲ့ သမီးကြီး မာသာ အိမ်ကိုပြန်မလာသေးတာကြောင့်
တစ်ပတ်ကြာတဲ့အထိရုပ်အလောင်းကြီးကိုမပုပ်သိုးအောင်ထားထားရတဲ့
အပြင် အသုဘလာရောက်တဲ့ ရပ်ရွာဆွေမျိုးတွေလည်း ရက်တွေကြာ
လာတော့အခက်တွေ့လို့နေကြပါတော့တယ်။
ဒါပေမယ့်သိပ်မကြာခင်မှာပဲ မာသာပြန်ရောက်လာခဲ့ပေမဲ့ အရင်တုန်းက
မဖြစ်ခဲ့ဖူးတဲ့စိတ်ဝေဒနာဖြစ်နေခဲ့ပါတော့တယ်။ဒါပေမယ့်လည်း
ဈာပနပွဲကိုအောင်မြင်စွာကျင်းပနိုင်ခဲ့ပြီး အောပါနဲ့ သမီးဖြစ်သူ မာသာ
ဘက်သာတို့နဲ့အတူဒီရွာလေးမှာပဲဆက်နေထိုင်ခဲ့ပါတော့တယ်။
ဒါပေမယ့် အိမ်မှာယောက်ျားသားလည်းမရှိတော့တဲ့ အောပါတို့အိမ်က
မသမာသူတွေအတွက်မျက်စိကျစရာဖြစ်ပြီး သမီးနှစ်ယောက်လုံး လိင်
အကြမ်းဖက်ခံခဲ့ရတဲ့အခါမှာတော့ အမေတစ်ယောက်အနေနဲ့ဘယ်လို
ရင်ဆိုင်ဖြေရှင်းသွားမလဲဆိုတာကို ရှုစားရမဲ့ ပညာပေး ဒရာမာဇာတ်ကားလေး
တစ်ကားပဲဖြစ်ပါတယ်။
Credit..
ဇာတ်လမ်းအညွှန်း
06 Feb, 13:15
He Ain’t Heavy (2024)
IMDB: 6.1/10
အခုတစ်ခေါက်တင်ဆက်ပေးမယ့် ရုပ်ရှင်ကားလေးကတော့
Drama အမျိုးအစားဇာတ်ကားလေးပဲဖြစ်ပါတယ်…
မူးယစ်ဆေးရဲ့သားကောင်ဖြစ်နေရတဲ့ မောင်တစ်ယောက်အတွက်
အစ်မတယောက်ရဲ့စွန့်လွှတ်အနစ်နာခံမှုတွေ မိခင်တယောက်ရဲ့
နာကျင်မှုတွေနဲ့ လူနေမှုဘဝအခက်အခဲတွေအကြောင်းကို ဒါရိုက်တာ
David Vincent Smith က ၎င်းရဲ့ ပွဲဦးထွက်ဇာတ်ကားအနေနဲ့
ပုံဖော်ပြသထားတာပဲဖြစ်ပါတယ်…
ဒီကားလေးဟာဆိုရင် ဒါရိုက်တာ David Vincent Smith ရဲ့
မိသားစုထဲက မူးယစ်ဆေးသားကောင်တယောက်ကို အခြေပြု
ရိုက်ကူးထားတာဖြစ်ပြီး မဲလ်ဘုန်းအပြည်ပြည်ဆိုင်ရာရုပ်ရှင်ပွဲတော်မှာ
ကနဦးပြသခဲ့ကာ ရုပ်ရှင်ဝေဖန်ရေးဆရာတွေရဲ့ မှတ်ချက်
ကောင်းတွေလည်း ရရှိခဲ့ပါတယ်
Max ဟာ ငယ်ဘဝစိတ်ဒဏ်ရာတွေကုစားဖို့ကြိုးစားရင်း
မူးယစ်ဆေးစွဲသွားတဲ့ လူငယ်တယောက်ဖြစ်ပါတယ်
ဆေးသုံးထားတဲ့အခါ မိသားစုအပြင် သူစိမ်းတွေကိုပါရန်
ပြုတတ်လာတဲ့ Max ဟာ ဆေးပြယ်ချိန်ဆိုရင်တော့ ဘာတွေ
လုပ်မိမှန်း မမှတ်မိတော့ပါဘူး…
တနေ့မှာတော့ ဒီအခြေအနေတွေကို ရပ်တန့်ဖို့ အစ်မဖြစ်သူ
Jade တယောက် မောင်ဖြစ်သူ Max ကိုအခန်းပိတ်ကာ
အတင်းဆေးဖြတ်ပေးဖို့ကြိုးစားပါတော့တယ်..
တချိန်တည်းမှာလည်း ရဲတပ်ဖွဲ့ဟာ Max ရဲ့ ရုတ်တရက်
ပျောက်ဆုံးနေမှုနဲ့အတူ Max နဲ့သက်ဆိုင်တဲ့အမှုတခုကို
လိုက်လံစုံစမ်းနေခဲ့ပါတယ်
အတင်းဆေးဖြတ်ပေးခံရတဲ့ Max တယောက် မူးယစ်နွံက
နေရုန်းထွက်နိုင်မလား…
ရဲတွေကရော Max ကို ဘယ်လိုကြောင့် လိုက်လံရှာဖွေနေရပါသလဲ
အစ်မဖြစ်သူ Jade တစ်ယောက်ရော အကြံစည်အောင်မြင်သွားမလား
စတဲ့ စတဲ့ မေးခွန်းတွေကိုတော့ ဒီကားလေးထဲမှာပဲ ဖော်ထုတ်
အဖြေရှာလိုက်ကြပါဦးခင်ဗျာ…………
Credit..
ဇာတ်လမ်းအညွှန်း
06 Feb, 13:14
Villains Inc (2024)
ဒီဇာတ်ကားကတော့ ဒါရိုက်တာ Jeremy Warner ရိုက်ကူးထားတဲ့
ဟာသအက်ရှင်ဇာတ်ကားလေး ဖြစ်ပါတယ်။
အဓိကသရုပ်ဆောင်တွေအဖြစ် Mallory Everton, Colin Mochrie,
Jason Gray တို့က ပါဝင်ထားပါတယ်။ ဇာတ်လမ်းအကျဉ်းကို
ပြောပြရရင် အစွမ်းရှိတဲ့သူတွေကြီးစိုးတဲ့ကမ္ဘာကြီးမှာ ဘိထရစ်၊
ကိန်းနဲ့ ဟယ်ရိုးတို့က အစွမ်းမရှိတဲ့သူတွေပါ။
သူတို့မှာ ကမ္ဘာကြီးကိုအုပ်စိုးမယ်ဆိုတဲ့ အိပ်မက်တစ်ခုရှိပါတယ်။
အဲဒီအိပ်မက်ကို အကောင်အထည်ဖော်ဖို့အတွက် အစွမ်းရှိတဲ့
လူဆိုးတွေဆီမှာ အလုပ်လုပ်ကြပြီးတော့ ပိုက်ဆံစုကြပါတယ်။
ဘာအစွမ်းမှမရှိတဲ့ သူတို့လိုသာမန်လူတွေက အစွမ်းရှိတဲ့သူတွေ
ကြားမှာ ဝင်ဆံ့ဖို့ကြိုးစားရင်း သူတို့ရဲ့ပေါက်ကရအလွဲတွေကို
ရယ်မောဖွယ်ကြည့်ရှုကြရမှာပါ။
ဒါ့အပြင် အက်ရှင်ခန်းတွေနဲ့ emotional ဖြစ်ရတဲ့အခန်းတွေပါ
ပါဝင်တာကြောင့် အစကနေအဆုံးထိ ရယ်နေရတာမျိုးမဟုတ်ပဲ
ရသမျိုးစုံကိုပေးစွမ်းတဲ့ ဇာတ်ကားမျိုးပါ။
IMDb မှာလည်း rating ကောင်းတစ်ခုကို ရရှိထားပြီးတော့
ပေါ့ပေါ့ပါးပါးလေးနဲ့ ကြည့်လို့ကောင်းပါတယ်။
Credit..
ဇာတ်လမ်းအညွှန်း
06 Feb, 13:14
State and Main (2000)
IMDb Rating (6.7) / Rotten Tomatoes (85%)
ဒါရိုက်တာ David Mamet မှ ရိုက်ကူးထားတဲ့ ဟာသဒရာမာဇာတ်ကားဖြစ်ပါတယ်။
ရုပ်ရှင်ရိုက်ကူးဖို့အတွက် မြို့ငယ်လေးတစ်မြို့ကို ရောက်လာခဲ့တယ် ရုပ်ရှင်အဖွဲ့သားတစ်ဦးက ဒေသခံတွေ နှင့် သူတို့ရဲ့ ထူးဆန်းတဲ့ ပြဿနာတွေကြားမှာ နှောက်ယှက်တဲ့ ဇာတ်လမ်းဖြစ်ပါတယ် ။
ဒီဇာတ်ကားက ရယ်စရာ ဒိုင်ယာလော့တွေနဲ့ ပြည့်နေတာပါပဲ။ ဒီဇာတ်ကားမှာ William H. Macy၊ Alec Baldwin နဲ့ Philip Seymour Hoffman တို့ ပါဝင်ပါတယ်။
သူတို့အားလုံးဟာ ဖျော်ဖြေမှုကောင်းကောင်းနဲ့တင်ဆက်နိုင်ပါတယ်၊ Macy က ရုန်းကန်နေရတဲ့ ဒါရိုက်တာအဖြစ် သရုပ်ဆောင်ထားပြီး Baldwin က ထင်ရှားကျော်ကြားသော သရုပ်ဆောင်တစ်ဦးဖြစ်ပြီး Hoffman သည် ပြည်တွင်းပြဇာတ်ရေးဆရာအဖြစ် သရုပ်ဆောင်ထားကြတယ်။
ဒီဇာတ်ကားက ဟောလိဝုဒ်မှာ ရယ်စရာကောင်းတဲ့ ဇာတ်ကားတစ်ကားဖြစ်ပြီး ရုပ်ရှင်ဖန်တီးမှုနောက်ကွယ်က ရူးသွပ်မှုတွေကို ပြသထားပါတယ်။
ရုပ်ရှင်လုပ်ငန်းနဲ့ မြို့ငယ်လေးအကြောင်း စိတ်ဝင်စားစရာကောင်းတဲ့ စိတ်ကူးစိတ်သန်းတွေနဲ့ ဟာသတွေ ရောစပ်ထားပါတယ်။
ယေဘူယျအားဖြင့်၊ State and Main သည် စာရေးကောင်းပြီး အရမ်းကောင်းတဲ့ သရုပ်ဆောင်မှုတွေနဲ့အရမ်းကြိုက်ချင်စရာဖြစ်နေတဲ့ ရုပ်ရှင်ဖြစ်ပါတယ်။
ရုပ်ရှင်နောက်ကွယ်အရာတွေကို ကြည့်ရတာ ပျော်စရာကောင်းတဲ့အတွက်စိတ်အပန်းဖြေဖို့အတွက်ဆိုကြည့်သင့်ပါတယ်။
(အညွှန်းနဲ့ဘာသာပြန်ကတော့ Banyar Aung ဖြစ်ပါတယ်။)
Credit..
ဇာတ်လမ်းအညွှန်း
06 Feb, 13:13
Baby John (2024)
IMDB: 6.2/10
အခုတစ်ခါ ပရိသတ်ကြီးကို တင်ဆက်ပေးမယ့်
ဇာတ်ကားသစ်လေးနဲ့ မိတ်ဆက်ပေးချင်ပါတယ် ဇာတ်ကားကအသစ်ပေမယ့်
ဇာတ်လမ်းကတော့ အဟောင်းပါပဲ
တောင်ပိုင်းမင်းသားဗီဂျေးရဲ့ပရိသတ်တွေဆို
သိကြမယ့် Theri တောင်ပိုင်းကားကို Remake ပြန်ရိုက်ထားတာဖြစ်ပါတယ်။
ဇာတ်လမ်းအကျဉ်းကတော့ တစ်ချိန်တုန်းက
လူဆိုးတွေအတွက် နတ်ဆိုး…
လူကောင်းတွေအတွက်တော့ နတ်ဘုရားအလား
နာမည်ကြီးခဲ့တဲ့ IPS အရာရှိတစ်ယောက်ရှိခဲ့ပါတယ်…..
လောလောဆယ် အဲ့အရာရှိဟာပျောက်ဆုံးနေပြီးတော့
ဘယ်ရောက်လို့ဘယ်ပေါက်မှန်းမသိခဲ့ပါဘူး…
အခုခေတ်မှာတော့ ဘေဘီဆိုတဲ့ကလေးမလေးနဲ့
ဘေဘီဆိုတဲ့အဖေတစ်ယောက် သားအဖနှစ်ယောက်ဟာ
ကော်ဖီဆိုင်လေးဖွင့်ပြီး ပျော်ရွှင်စွာဘဝကိုဖြတ်သန်းနေပါတယ်
ပျော်ရွှင်နေတဲ့ဘဝလေးထဲကို
ဘေဘီဂျွန်ရဲ့အတိတ်ကအရိပ်ကလိုက်လာတဲ့အခါမှာတော့….
မူရင်းကားရဲ့ရသကို မမှီရင်တောင်မှ မလျော့တဲ့ရသတွေပေးမှာမို့
အက်ရှင်ခန်းကောင်းကောင်းကြိုက်တဲ့ ပရိသတ်တွေအတွက်
ဒီဇာတ်ကားလေးကို တင်ဆက်ပေးလိုက်ပါတယ်
အညွှန်းနဲ့ဘာသာပြန်ကတော့ CM Bollywood Team ပဲ ဖြစ်ပါတယ်
Credit..
ဇာတ်လမ်းအညွှန်း
06 Feb, 13:12
Rambut Kafan (2024)
အောင်မြင်နေတဲ့ ကုမ္ပဏီပိုင်ရှင်သူဌေးဖြစ်သူ Anwar နဲ့ သူ့ဇနီးသည်က ကိုယ်ဝန်ပျက်ကျမှုကို ဆက်တိုက်ကြုံရပြီး ဇနီးသည်က နေမကောင်းဖြစ်သွားခဲ့တယ်။
တဖြည်းဖြည်းနဲ့ Anwar ရဲ့ သမီးဖြစ်သူ Tari က သူ့အမေ နေမကောင်းဖြစ်တာ သာမန်ရောဂါကြောင့်မဟုတ်ဘဲ တစ်ယောက်ယောက်အောက်လမ်းနည်းနဲ့ ပြုစားထားတာလို့ သံသယဝင်လာပါတော့တယ်။
Tari ရဲ့ သံသယဝင်သူကတော့ အမွေအိမ်ကို ရောင်းပြီးဝေစုခွဲဖို့ ပိုက်ဆံခဏခဏလာတောင်းတဲ့ သူ့အဖေရဲ့ညီ ဦးလေး Subhan ပါ။
ဒါပေမဲ့ Tari ထင်ထားသလို သူ့အမေကို အောက်လမ်းနည်းနဲ့ပြုစားနေတာ တကယ်ပဲ အမွေလိုချင်နေတဲ့ သူ့ဦးလေးလား ဒါမှမဟုတ် သူမသိထားတဲ့ သူ့အဖေစည်းစိမ်ချမ်းသာမှုတွေရဲ့ နောက်ကွယ်က မသမာတဲ့သမိုင်းကြောင်းတွေရှိနေလားဆိုတာကို ဒီ horrorဇာတ်လမ်းထဲမှာ သည်းထိတ်ရင်ဖိုဖွယ် ဆက်လက်ကြည့်ရှုနိုင်ပါတယ်။
(အညွှန်းနဲ့ဘာသာပြန်ကတော့ Thwal Htoo Zin ဖြစ်ပါတယ်။)
Credit..
ဇာတ်လမ်းအညွှန်း
05 Feb, 10:03
Executive Decision(1996)
Executive ရုပ်ရှင်ကားကို ၁၉၉၆ခုနှစ်ပြသခဲ့ပြီးတော့
ကျွန်တော်တို့ ငယ်ငယ်က အနည်းနဲ့အများကြည့်ဖူးကြတဲ့ အက်ရှင်ဇာတ်ကားတစ်ကားဆိုလည်းမမှားပါဘူး။ ဤရုပ်ရှင်မှာ မင်းသားကြီး Steven Seagal, Kurt Russelတို့သရုပ်ဆောင်ထားတဲ့အပြင် ထိုအချိန်က တက်သစ်စသရုပ်ဆောင်တွေဖြစ်တဲ့ John Leguizamo နဲ့ မင်းသမီး Halle Berry တို့ကလည်း ပါဝင်အားဖြည့်ထားပါသေးတယ်။ Harrison Ford သရုပ်ဆောင်ထားတဲ့ Air Force One ရုပ်ရှင်ကိုကြည့်ဖူးရင် ဒီလိုဇာတ်လမ်းနဲ့ ရင်းနှီးနေမှာပါ။
၁၉၉၀ ပြည့်နှစ်တွေတုန်းက အက်ရှင်ဇာတ်ကားအများစုရဲ့ ထုံးစံအတိုင်းပဲ အရှေ့အလယ်ပိုင်းက အစွန်းရောက်အကြမ်းဖက်သမားတွေဟာ ဒီရုပ်ရှင်ရဲ့ ဗီလိန်ပါပဲ။ ဒီအကြမ်းဖက်သမားတွေက ဂရိနိုင်ငံအေသင်မြို့ကနေ အမေရိကန်နိုင်ငံ ဝါရှင်တန် ဒီစီကို ပျံသန်းနေတဲ့ လေယာဥ်တစ်စီးမှာ လိုက်ပါလာပြီးတော့ လမ်းခုလတ်မှာ လေယာဉ်ပြန်ပေးဆွဲစီးနင်းလိုက်ပါတော့တယ်။ သူတို့က အမေရိကန်စစ်တပ် ဖမ်းဆီးထားတဲ့ သူတို့ရဲ့ခေါင်းဆောင်ကို ပြန်လွှတ်ပေးဖို့ လေယာဥ်ကိုပြန်ပေးဆွဲတယ် ပြောပေမယ့် ထောက်လှမ်းရေးအရာရှိ ဒေးဗစ်ဂရန့်(Kurt Russel)ကတော့ အဲဒီလိုမထင်ခဲ့ပါဘူး။ အဲဒီမှာ ဓားစားခံကယ်ဆယ်ရေး လုပ်ဆောင်မယ့် ဗိုလ်မှူး အော်စတင် ထရာဗစ် (Steven Seagal) နဲ့ပူးပေါင်းပြီး သူတို့ဓားစားခံတွေကို ဘယ်လိုကယ်တင်ကြမလဲ။ အကြမ်းဖက်သမားတွေရဲ့ ရည်ရွယ်ချက်ကရော တစ်ခုတည်းပဲလား။ ဘယ်လိုတွေရော အသက်တွေရင်းပြီး ကယ်ဆယ်ရမလဲဆိုတာကို လိုက်ပါကြည့်ရှု့ရမယ့် ရုပ်ရှင်ဇာတ်ကားတစ်ခု ဖြစ်ပါတယ်။ ၁၉၉၀ ကျော်က အက်ရှင်ဇာတ်ကားကောင်းတွေ ကြိုက်နှစ်သက်သူတွေ တစ်ဖန်ပြန်ကြည့်ရှု့သင့်တဲ့ ရုပ်ရှင်တစ်ကားဖြစ်ကြောင်းကို အကြံပြုလိုပါတယ်။
Credit..
ဇာတ်လမ်းအညွှန်း
05 Feb, 10:02
My Doctor’s Secret Life (2024)
Veronica West ရဲ့ ဘဝက ပြည့်စုံလွန်းပါတယ်။ သူက နာမည်ပျက်မရှိတဲ့ စိတ်ရောဂါကု ဆရာဝန်တစ်ယောက်ဖြစ်ပြီး သူမရဲ့ ချစ်သူကလည်း ကောလိပ်ကျောင်းဆရာဖြစ်ပါတယ်။
အိမ်ကောင်းကောင်းမှာ နေပြီး အလုပ်အကိုင်ကလည်း ကောင်းလွန်းလှတဲ့ အပြင် သူ့စာအုပ်ကလည်း ရောင်းအကောင်းဆုံး စာရင်းဝင် ဖြစ်နေပါတယ်။
ဒီလို အားလုံး ပြည့်စုံနေတဲ့ Dr. West ရဲ့ ဘဝမှာ ဘယ်သူ့ကိုမှ မပြောပြဖူးတဲ့ လျှို့ဝှက်ချက် တစ်ခု ရှိလို့နေပါတယ်။
သူ့အတိတ်က လျှို့ဝှက်ချက်က တစ်ရက်မှာ သူ့လက်ရှိကို လာပြီး နှောင့်ယှက်မယ်ဆိုတာ သူ မသိခဲ့ပါဘူး။
သူ့စာအုပ် လက်မှတ်ထိုးပွဲကနေ စလာတဲ့ နှောင့်ယှက်မှုတွေဟာ သူ့ရုံးခန်းကို ဖျက်ဆီးပြီး သူ့ချစ်သူကိုပါ အန္တရာယ်ပြုတဲ့အထိ ဖြစ်လာတဲ့အခါ Dr. West ဟာ သူ့ကို နှောင့်ယှက်နေတဲ့ လက်သည်ကို ရှာရပါတော့တယ်။
(အညွှန်းနဲ့ဘာသာပြန်ကတော့ Leonie ဖြစ်ပါတယ်။)
Credit
ဇာတ်လမ်းအညွှန်း
05 Feb, 10:00
Mother (2009)
ဒီရုပ်ရှင်ကတော့ Parasite ဒါရိုက်တာ Bong Joon Ho ရဲ့ နောက်ထပ် လက်ရာကောင်းလေးတစ်ခုဖြစ်တဲ့
Thriller Mystery genre လေးဖြစ်တဲ့ Mother ဆိုတဲ့ဇာတ်ကားလေးပဲ ဖြစ်ပါတယ်။
အဓိကသရုပ်ဆောင်တွေအနေနဲ့ တစ်ခေတ်တစ်ခါ မြန်မာပရိတ်သတ်တွေကြားမှာ ထယ်ဆောက်လို့နာမည်ကြီးခဲ့တဲ့
မင်းသား Won Bin, Nation’s mother လို့တောင် တင်စားလို့ရတဲ့ မင်းသမီးကြီး Kim Hye Ja,
DOTS ကားထဲမှာ ဆောဒယ်ယောင်းအနေနဲ့ သရုပ်ဆောင်ထားတဲ့ မင်းသား Jin Goo တို့ပဲ ဖြစ်ပါတယ်။
-ဇာတ်လမ်းအညွှန်း-
၂၈ နှစ်အရွယ် ဉာဏ်ရည်မမှီတဲ့ သားဖြစ်သူ ယွန်းဒိုဂျွန်း (Won Bin) နဲ့အတူနေတဲ့ အမေ (Kim Hye Ja) ဟာ
ဆေးဖက်ဝင်ဆေးပင်တွေနဲ့ တရားမဝင် အပ်စိုက်ကုထုံးကို ကုသပေးကာ နေထိုင်စရိတ်ရှာဖွေနေသူပဲဖြစ်ပါတယ်။
တစ်နေ့မှာတော့ ရပ်ကွက်ထဲက အထက်တန်းကျောင်းသူလေးတစ်ယောက် ရက်ရက်စက်စက်အသတ်ခံရမှုနဲ့
ပတ်သက်ပြီး ရဲတွေဟာ ယွန်းဒိုဂျွန်းကိုစွပ်စွဲထိန်းသိမ်းထားလိုက်တဲ့အခါ ယွန်းဒိုဂျွန်းရဲ့အမေတစ်ယောက်
သားဖြစ်သူအပြစ်မရှိကြောင်းကို သက်သေပြဖို့ သက်သေတွေကို ကိုယ်တိုင်ကြိုးစားရှာဖွေကာ ဘယ်လိုတွေ
လုပ်ကိုင်သွားမလဲ… ထိုခက်ခဲလှတဲ့အခြေအနေတွေကြား သားဖြစ်သူအပေါ် ထားရှိတဲ့ အမေတစ်ယောက်ရဲ့
ချစ်ခြင်းမေတ္တာကို ဒါရိုက်တာ Bong Joon Ho ရဲ့ လက်ရာဖြစ်တဲ့အလျောက် လှည့်ကွက်ပေါင်းများစွာနဲ့
လှလှပပလေး ဖော်ပြထားတာမို့လို့ ကြည့်ရှုပေးကြပါဦးနော်။
(ဇာတ်လမ်းအညွှန်းနဲ့ ဘာသာပြန်သူကတော့ Theint ပဲဖြစ်ပါတယ်…)
Credit..
ဒီရုပ်ရှင်ကတော့ Parasite ဒါရိုက်တာ Bong Joon Ho ရဲ့ နောက်ထပ် လက်ရာကောင်းလေးတစ်ခုဖြစ်တဲ့
Thriller Mystery genre လေးဖြစ်တဲ့ Mother ဆိုတဲ့ဇာတ်ကားလေးပဲ ဖြစ်ပါတယ်။
အဓိကသရုပ်ဆောင်တွေအနေနဲ့ တစ်ခေတ်တစ်ခါ မြန်မာပရိတ်သတ်တွေကြားမှာ ထယ်ဆောက်လို့နာမည်ကြီးခဲ့တဲ့
မင်းသား Won Bin, Nation’s mother လို့တောင် တင်စားလို့ရတဲ့ မင်းသမီးကြီး Kim Hye Ja,
DOTS ကားထဲမှာ ဆောဒယ်ယောင်းအနေနဲ့ သရုပ်ဆောင်ထားတဲ့ မင်းသား Jin Goo တို့ပဲ ဖြစ်ပါတယ်။
-ဇာတ်လမ်းအညွှန်း-
၂၈ နှစ်အရွယ် ဉာဏ်ရည်မမှီတဲ့ သားဖြစ်သူ ယွန်းဒိုဂျွန်း (Won Bin) နဲ့အတူနေတဲ့ အမေ (Kim Hye Ja) ဟာ
ဆေးဖက်ဝင်ဆေးပင်တွေနဲ့ တရားမဝင် အပ်စိုက်ကုထုံးကို ကုသပေးကာ နေထိုင်စရိတ်ရှာဖွေနေသူပဲဖြစ်ပါတယ်။
တစ်နေ့မှာတော့ ရပ်ကွက်ထဲက အထက်တန်းကျောင်းသူလေးတစ်ယောက် ရက်ရက်စက်စက်အသတ်ခံရမှုနဲ့
ပတ်သက်ပြီး ရဲတွေဟာ ယွန်းဒိုဂျွန်းကိုစွပ်စွဲထိန်းသိမ်းထားလိုက်တဲ့အခါ ယွန်းဒိုဂျွန်းရဲ့အမေတစ်ယောက်
သားဖြစ်သူအပြစ်မရှိကြောင်းကို သက်သေပြဖို့ သက်သေတွေကို ကိုယ်တိုင်ကြိုးစားရှာဖွေကာ ဘယ်လိုတွေ
လုပ်ကိုင်သွားမလဲ… ထိုခက်ခဲလှတဲ့အခြေအနေတွေကြား သားဖြစ်သူအပေါ် ထားရှိတဲ့ အမေတစ်ယောက်ရဲ့
ချစ်ခြင်းမေတ္တာကို ဒါရိုက်တာ Bong Joon Ho ရဲ့ လက်ရာဖြစ်တဲ့အလျောက် လှည့်ကွက်ပေါင်းများစွာနဲ့
လှလှပပလေး ဖော်ပြထားတာမို့လို့ ကြည့်ရှုပေးကြပါဦးနော်။
(ဇာတ်လမ်းအညွှန်းနဲ့ ဘာသာပြန်သူကတော့ Theint ပဲဖြစ်ပါတယ်…)
Credit..
ဇာတ်လမ်းအညွှန်း
05 Feb, 10:00
Mad Hairdressers (2025)
ဒီတစ်ခါမှာ CM ကနေဟာသဇာတ်လမ်းတိုတစ်ပုဒ်လေးနဲ့မိတ်ဆက်ချင်ပါတယ်။
လျိုကန့်ရှန်းလို့ခေါ်တဲ့လူကတော့ရပ်ကွက်ထဲမှာ အသံကောင်းဟစ်နိုင်ဆုံးဖြစ်ပြီး
တကယ်တမ်းမှာအဖြစ်မရှိတာကြောင့် ပတ်ဝန်းကျင်အသိုင်းအဝိုင်းကသူ့ကို
ဆန်ကုန်မြေလေးကိုခေါ်ကြတာပေါ့။သူ့မှာ သူအရမ်းချစ်ရတဲ့ဇနီးတစ်ယောက်ရှိပြီး
အဲ့ဇနီးကရင်သားကင်ဆာကြောင့်ဆုံးပါးသွားခဲ့တယ်။
ဇနီးသည်ဆုံးပါးသွားတာတောင်မှ ဘာလုပ်ရမှန်းမသိ
ဘာမှမလုပ်တတ်တဲ့လျိုကန့်ရှန်းတစ်ယောက်
အကြွားလုံးတစက်မှမရှိပဲ ဇနီးသည်နဲ့အတူဖွင့်ထားတဲ့
ကန့်ရှန်းလက်ရာဆံပင်ညှပ်ဆိုင်ကိုပြန်သွားခဲ့တာပေါ့။
ဒါပေမဲ့ဘာမှမလုပ်တတ်တဲ့အပြင် ဇနီးသည်ရှိစဉ်တုန်းကတချက်မှဝင်မကူပေးခဲ့တဲ့
လျိုကန့်ရှန်းတစ်ယောက်ပြဿနာတွေနဲ့ရင်ဆိုင်ရတော့ပါတယ်။
ဆိုင်ဌားခမပေးနိုင်လို့ အကြွေးတင်နေရပြီး ဇနီးသည်ရှိစဉ်ကပူးပေါင်းခဲ့တဲ့
ဆံပင်ထုတ်ကုန်ကုမ္ပဏီနဲ့လည်း စာချုပ်ဖောက်ဖျက်မှုကြောင့်
လျော်ကြေးပေးရတာတွေ ရင်ဆိုင်ရတဲ့အပြင် ဇနီးသည်ကဓါတ်ကင်ဖို့
ပိုက်ဆံမရှိတာကြောင့် အိမ်ကိုပါအပေါင်ထားခဲ့တာတွေပါ
ဆက်တိုက်ကြုံတွေ့ခဲ့ရပါတော့တယ်။ဒီလိုနဲ့တနေ့မှာတော့
အလှဆုံးဆံပင်ညှပ်ဆိုင်ပြိုင်ပွဲရွေးချယ်ပွဲကြီးကိုကျင်းပပြီးတော့ သူ့
ဆံပင်ညှပ်ဆိုင်ဖြစ်တဲ့ကန့်ရှန်းဆံပင်ညှပ်ဆိုင်လည်း ရွေးချယ်ပွဲထဲပါဝင်ခဲ့တာပေါ့။
ဒါပေမဲ့လည်း ကတ်ကြေးတောင်မကိုင်ရဲတဲ့လျိုကန့်ရှန်းတစ်ယောက်က
သူအရင်ကြွားထားတဲ့ ဆံပင်ညှပ်ဆရာရဲ့ခေါင်းဆောင်ဆိုတဲ့ကြွားလုံးနဲ့
ပိတ်မိပြီးအဲ့ရွေးချယ်ပွဲမှာ ဆိုင်ကိုယ်စားပြုဝင်ပြိုင်ဖို့ရာအကြောင်းဖန်လာပါတော့တယ်
Credit..
ဇာတ်လမ်းအညွှန်း
05 Feb, 09:59
Snowden (2016)
ရုပ်ရှင်ကို ဖြစ်ရပ်မှန်အပေါ် အခြေခံပြီး ရိုက်ကူးခဲ့ပါတယ်။ ၂၀၁၃ ခုနှစ်က လူတိုင်းပါးစပ်ဖျားမှာ ရေပန်းစားခဲ့တဲ့ စနိုးဒင် ဆိုတဲ့နာမည်ကို မှတ်မိကြဦးမယ် ထင်ပါတယ်။ အမေရိကန် အမျိုးသားလုံခြုံရေးအေဂျင်စီ(NSA) ကနေ တကမ္ဘာလုံးက ဆဲဖုန်းလ်တွေကို ထောက်လှမ်းဖို့ကြိုးစားနေမှုတွေ၊ နိုင်ငံအတွင်းက မက်ဆေ့တွေ အီးမေးလ်တွေကို တရားမဝင်စောင့်ကြည့်နေမှုတွေကို ဖွင့်ချပြီး ထွက်ပြေးသွားခဲ့တဲ့ CIA ဝန်ထမ်းဟောင်းတစ်ယောက်ပါ။
ဒီဇာတ်ကားဟာ ၂ နာရီကျော်ကြာတာတောင်မှ ခိုင်ခန့်တဲ့ ဇာတ်အိမ်၊ စပိုင်အေဂျင်စီတွေရဲ့ သဘောတရားတွေ၊ ခံစားချက်ပါတဲ့ စကားလုံးတွေ နဲ့ အချိန်ကိုမေ့သွားအောင် ဆွဲဆောင်သွားပါလိမ့်မယ်။ မထွက်ခင်က စိတ်ပူခဲ့သလို romance တွေ action တွေ လိုအပ်တာထက် ပိုနေတာကိုလည်း မတွေ့ရပါဘူး။ လူတိုင်းကြည့်ဖို့ ထိုက်တန်တဲ့ကားထဲမှာ ပါမှာပါ။ ထူးခြားချက်အနေနဲ့ နောက်ဆုံးခန်းမှာ စနိုးဒင်ကိုယ်တိုင် ဧည်သည်သရုပ်ဆောင်အနေနဲ့ မော်စကိုကနေ အပိတ်စကားပြောကြားသွားတာကို ကြည့်ရပါလိမ့်မယ်ခင်ဗျာ။ နောက်ပြီးတော့ စာတန်းထိုးပြီးချိန်မှာ သမိုင်းအချက်အလက်တွေကို မြန်မာပြန်ပေးထားတာမို့ အဆုံးထိကြည့်ဖို့လည်း မမေ့ပါနဲ့လို့။ ဘာသာပြန်သူဟာ နိုင်ငံရေးနယ်ပယ်ကမဟုတ်လို့ official အသုံးအနှုန်းများနဲ့ ကွဲလွဲသည်များရှိသော် နားလည်ပေးကြဦး ခင်ဗျ။
Credit..
ဇာတ်လမ်းအညွှန်း
05 Feb, 09:58
Veronica (2017)
IMDB: 6.6/10
ဖြစ်ရပ်မှန်သရဲကားမျိုးကြည့်ချင်တဲ့သူများရှိမလားမသိဘူး။
ဖြစ်ရပ်မှန်သရဲဇာတ်လမ်းတွေကြည့်ချင်တယ်ဆိုရင်တော့ ဒီဇာတ်ကားလေးကိုသာလက်မလွတ်တမ်းကြည့်လိုက်ပါ။
စပိန်နိုင်ငံ၊မက်ဒရစ်မြို့မှာ 1991၊ဇွန်လ ၂၅ရက်နေ့မှာဖြစ်ပွားခဲ့တဲ့ အမှုတွဲတစ်ခုအပေါ်အခြေခံပြီး ရိုက်ကူးထားတဲ့ ဖြစ်ရပ်မှန်သရဲဇာတ်လမ်းကောင်းလေးဖြစ်ပါတယ်။
ဖြစ်ရပ်မှန်ဇာတ်လမ်းဖြစ်သလို Horrorခန်းတွေလည်းအများအပြားပါဝင်တာမို့ Horrorပရိတ်တွေလည်းလက်မလွတ်သင့်ဇာတ်ကားမျိုးပါ။
မက်ဒရစ်မြို့မှာ ဗာရိုနီကာဆိုတဲ့ကောင်မလေးတစ်ယောက်ဟာ သူ့အဖေသေဆုံးပြီးနောက်ပိုင်း၊ အမေဖြစ်သူ အန်နာနဲ့ မွေးချင်သုံးယောက်ဖြစ်တဲ့ ညီကိုမောင်နှမတွေနဲ့အတူတူနေထိုင်ကြပါတယ်။
ဖခင်မရှိတဲ့နောက်ပိုင်း သားသမီးလေးယောက်ကိုရှာဖွေကျွေးနိုင်ဖို့ အမေဖြစ်သူမှာ နေ့မနားညမနား အိမ်တောင်မပြန်နိုင်ပဲစားသောက်ဆိုင်တစ်ခုမှာအလုပ်လုပ်ရရှာပါတယ်။
ဒီတော့ မိသားစုရဲ့ကိစ္စရေးရာတွေက အကြီးဆုံးဖြစ်သူ ဗာရိုနီကာ အပေါ်ကျရောက်လာပါတော့တယ်။
ဗာရိုနီးကာမှာ မွေးချင်းတွေဖြစ်တဲ့ ညီမနှစ်ယောက်နဲ့ အငယ်ဆုံးလေးဖြစ်တဲ့မောင်လေး အန်သိုနီတို့ရဲ့ကိစ္စအဝအဝကိုဆောင်ရွက်ပေးပြီးမှ မောင်နှမလေးယောက်တို့ကျောင်းအတူတူသွားကြပါတယ်။
ဒီလိုနဲ့ 1991ခုနှစ်၊ဇွန်လ ၁၂ရက်မှာ မက်ဒရစ်မြို့မှာ နေအပြည့်ကြတ်တာနဲ့ကြုံရပြီး စာသင်ကျောင်းတွေမှာ နေကြတ်ခြင်းသင်ခန်းစာကိုသင်ကြားပြီး၊နေကြတ်တာကိုလေ့လာကြပါတယ်။
ကျောင်းသားတွေအားလုံး နေကြတ်တာကိုထွက်ကြည့်နေကြချိန်မှာ ဗာကိုနီကာက သူ့သူငယ်ချင်းတွေနဲ့ ဝိဉာဏ်ခေါ်ကားချပ်ပြားကို ကစားမိခဲ့ကြပါတယ်။
ဗာရိုနီကာကတော့ သေဆုံးသွားတဲ့သူ့အဖေနဲ့စကားပြောလိုတာကြောင့် ဝိဉာဏ်ခေါ်ကားချပ်ပြားနဲ့ကစားခဲ့တာဖြစ်ပါတယ်။
အဲ့ဒီမှာတင်ပဲ ဝိဉာဏ်တစ်ကောင်ရောက်လာပြီး သူနဲ့အတူတူအိမ်ကိုကပ်ပါလာပါတော့တယ်။
အဲ့အခါမှာ ဝိဉာဏ်ကောင်က ဗာကိုနီကာနဲ့သူရဲ့မောင်နှမတစ်သိုက်ကိုစတင်ခြောက်လှန့်ပါတော့တယ်။
အဲ့အခအကြီးဆုံးလည်းဖြစ်တဲ့ ဗာရိုနီကာဟာ သူ့ရဲ့ညီမလေးတွေ၊မောင်လေးတွေ ဘေးကင်းဖို့အတွက် တာဝန်ယူရပါတော့တယ်
ဗာရိုနီကာအတူတူကပ်ပါလာတဲ့ ဝိဉာဏ်ဟာ သူ့အဖေပဲဖြစ်နေမလာ၊တခြားသူစိမ်းသူပဲဖြစ်နေမလား……။
ဗာရိုနီကာကလည်း သူ့မောင်လေး၊ညီမလေးတွေကို ဘေးကင်းအောင်ဘယ်လိုကာကွယ်သွားမလဲဆိုတာကိုတော့ ဒီဇာတ်လမ်းကလေးမှာ စိတ်ဝင်စားဖွယ်ရာဆက်လက်ကြည့်ရှု့ရမှာဖြစ်ပါတယ်။
Credit..
ဇာတ်လမ်းအညွှန်း
04 Feb, 10:31
Journey to the End of the Night (2024)
CM ပရိတ်သတ်ကြီးအတွက် ထူးထူးဆန်းဆန်းနဲ့စိတ်ဝင်စားစရာကောင်းတဲ့ဇာတ်လမ်းလေးတစ်ကားကို တင်ဆက်ပေးလိုက်ပါတယ်။
3 Body Problem လိုမျိုး မရောက်လာသေးတဲ့ရန်သူကကိုယ့်ကိုအရင်လက်ဦးအောင် တိုက်ခိုက်ထားရင် ဆိုတဲ့ခံစားချက်မျိုး ဘယ်နေရာသွားသွားမလုံခြုံဘူး အကုန်စောင့်ကြည်နေတယ်ဆိုတဲ့ ဇာတ်လမ်းမျိုးသဘောကျတဲ့သူတွေအတွက် ကြည့်ကောင်းစေမဲ့ဇာတ်ကားလေးပါ။
ဇာတ်လမ်းအကျဉ်းလေးကတော့ ၂၀၂၉ ခုနှစ်မှာ အမေရိကန်နိုင်ငံကို တရုတ်ကဓာတ်အားတွေပြတ်တောက်သွားအောင်လုပ်ပြီး ဘာသတင်းအချက်လက်မှမရပဲ သတင်းအမှောင်ဖုံးလိုက်ပါတယ်။
ဒါပေမဲ့အမေရိကန်စစ်တပ်ကနေ လူငယ်တွေကိုစစ်ထဲထည့်ပြီးတော့ ပြန်လာခုခံဖို့ကြိုးစားပေမဲ့ ဓာတ်အားတွေလုံးဝမရှိတော့ ကျောက်ခေတ်ပြန်ရောက်သွားသလိုပဲ လူတွေကအစာရေစာငတ်ပြတ်လာတယ်။
ဒီလိုဝရုန်းသုန်းကားအခြေအနေကနေ ထိန်းချုပ်ဖို့ဘယ်လိုမှမတတ်နိုင်တော့တဲ့အခြေအနေမှာ အမေရိကန်စစ်တပ်လဲတကွဲတပြားစီဖြစ်ကုန်ပါတယ်။
ဒီလိုကမ္ဘာပျက်သလိုအခြေအနေမျိုးမှာမှ လူတွေကလဲပုံမှန်မဟုတ်ပဲ ထူးဆန်းလာကြပါတယ်။ လူတွေက စစ်တပ်ကလူတွေကို ပြန်ပြီးတိုက်ခိုက်လာကြပါတယ်။
ကျူးကျော်လာတဲ့ တရုတ်တွေကလဲပုံမှန်လိုမျိုးမဟုတ်ကြပါဘူး။တရုတ်တွေလဲဒီလို ဓာတ်အားပြတ်တာတွေကြုံနေရတာကို ဘာလို့အမေရိကန်ကိုကျူးကျော်လာတာလဲဆိုတာ ဘယ်သူမှရှင်းမပြနိုင်ကြဘူး။
အမေရိကန်စစ်တပ်ထဲမှာတင်ကို ကျောက်ခေတ်လိုဖြစ်သွားတော့ဘယ်လိုမှတခြားနေရာတွေမှာဖြစ်ပျက်နေတာတွေကို မသိနိုင်ကြပါဘူး။
ဘာလို့ဒီလို ကိုယ့်လူအချင်းချင်း ပြန်တိုက်နေရတာလဲလူတွေကလဲ ဘယ်လိုဖြစ်ပြီးတော့ ဒီလိုအခြေနေကြီးမှာ ပုံမှန်မဟုတ်တာတွေဖြစ်လာရတာလဲဆိုတာကိုတော့ စိတ်ဝင်စားစရာကောင်းအောင်လို့ ဆက်လက်ပြီးကြည့်ရှုလိုက်ကြပါဦး။
(အညွှန်းနဲ့ဘာသာပြန်ကတော့ K.Hein ဖြစ်ပါတယ်။)
Credit..
ဇာတ်လမ်းအညွှန်း
04 Feb, 10:30
Thirteen Days (2000)
IMDb Rating (7.3) / Rotten Tomatoes (83%)
ဒီရုပ်ရှင်ကားလေးကတော့ ၁၉၆၂ ခုနှစ် သမ္မတကနေဒီလက်ထက်တုန်းက အမေရိကန်နဲ့ ဆိုဗီယက်ပြည်ထောင်စုအကြား နျူးကလီးယားစစ်ပွဲဖြစ်လုနီးနီးဖြစ်ပျက်သွားတဲ့ သမိုင်းကိုစိတ်ဝင်စားတဲ့သူတွေအတွက်
ကျူးဘားဒုံးကျည်အရေးအခင်းဆို လူတိုင်းသိကြမှာဖြစ်တဲ့ အဖြစ်အပျက်ကို ရိုက်ကူးထားတာပါ။
နိုင်ငံကြီးနှစ်နိုင်ငံအကြား အားပြိုင်ကြတာကို ကမ္ဘာက စောင့်ကြည့်ရင်း ရင်တမမနဲ့ ဘယ်တော့ အန်ကယ်ဆမ်နဲ့ ဆိုဗီယက်ခရူးရှက်တို့ ထိပ်တိုက်တွေ့မလဲဆိုတာ သည်းထိတ်ရင်ဖို ဖြစ်ရတဲ့အကြောင်းကို ရိုက်ကူးထားတာပါ။
ကိုယ်တွေ မြန်မာနိုင်ငံက အတွင်းရေးမှူးချုပ်ဦးသန့်က ကမ္ဘာ့ကုလသမ္မဂမှာ တာဝန်ထမ်းဆောင်နေတဲ့အချိန်ဆိုတော့ သူ့နာမည်တောင် ရုပ်ရှင်ထဲမှာပါသေးတယ်။
တကယ့်ကို သရုပ်ဆောင်ကောင်းတဲ့သူတွေနဲ့ သမိုင်းရဲ့ တကယ့်အဖြစ်အပျက်တစ်ခုကို အကောင်းဆုံးသရုပ်ဖော်သွားနိုင်တဲ့ ရုပ်ရှင်ကားလေးပါ။
(အညွှန်းနဲ့ဘာသာပြန်ကတော့ Bunny ဖြစ်ပါတယ်။)
Credit..
ဇာတ်လမ်းအညွှန်း
28 Jan, 12:50
The Sword with No Name (2009)
IMDB: 6.3/10
ဒီတစ်ခေါက်မှာတော့ CM fan တွေအတွက် နန်းတွင်းကားလေးတစ်ကားနဲ့မိတ်ဆက်ပေးလိုက်ပါရစေ
မြောင်ဆောင်း မိဖုရားကြီး အကြောင်း ဖြစ်ရပ်မှန်ကို အခြေခံပြီး ရိုက်ကူးထားတာဖြစ်ပါတယ်
Grand Prix Action Asia/ Best Action Asia Film စတဲ့ ဆုကြီးတွေကိုလည်းရရှိထားတဲ့ ဇာတ်ကားကောင်းတစ်ကားပါ
မင်းသမီးကြီး Soo-Ae နဲ့ Stranger ဇာတ်ကားက မင်းသား Cho Seung-Woo တို့ အဓိက ပါဝင်သရုပ်ဆောင်ထားပါတယ်
ဇာတ်လမ်းအကျဉ်း
ဂျာယောင်းဆိုတဲ့ အမျိုးသမီးဟာ ဂျိုဆွန်းရဲ့ မိဖုရားခေါင်ကြီး အဖြစ်ရွေးကောက်ခံရပါတယ်
သူမ မိဖုရားဖြစ်လာမှာ မလိုလားသူတွေဟာ လုပ်ကြံသူ မူမြောင်းကို ငှားရမ်းပြီး သူမကို လုပ်ကြံခဲ့တယ်
ဒါပေမယ့် မူမြောင်းဟာ အရင်တည်းက ဂျာယောင်းနဲ့ သိကျွမ်းခဲ့ပြီး ဂျာယောင်းကို တဖတ်သတ်ချစ်နေတဲ့သူဖြစ်လို့ လုပ်ကြံရမယ့်အစား ကယ်တင်ပေးခဲ့ပါတယ်
ဂျာယောင်းမိဖုရားကြီး ဖြစ်သွားတဲ့ အခါမှာလည်း နန်းစောင့်တပ်သားဝင်လုပ်ပြီး ဆက်တိုက်ကာကွယ်ပေးခဲ့တဲ့နောက်…
ထီးနန်းရဲ့ ရှုပ်ထွေးမှုတွေ နိုင်ငံရေး ပဋိပက္ခတွေကြားမှာ
သူချစ်တဲ့ မိဖုရားကြီးကို ဆက်လက်ကာကွယ်နိုင်မလားဆိုတာ ဒီဇာတ်ကားလေးမှာ ဆ်လက်ကြည့်ရှုကြပါနော်…။
*** 18+ ဇာတ်ဝင်ခန်းများပါဝင်တဲ့အတွက် မိသားစုနဲ့ တူတူကြည့်ရှုဖို့ မသင့်တော်ပါဘူး ***
( ဘာသာပြန်ပြီး အညွှန်းရေးသားထားသူကတော့ Seung ဖြစ်ပါတယ် )
Credit..
ဇာတ်လမ်းအညွှန်း
28 Jan, 12:49
How It Ends (2021)
*******************
How It Ends ကတော့ Comedy အမျိုးအစားဖြစ်ပြီး ကမ္ဘာပျက်ခါနီးမှာ
လိုင်ဇာဆိုတဲ့ကောင်မလေးက ဘဝမှာလုပ်စရာရှိနေသေးတာတွေကို နောက်ဆုံး
အနေနဲ့ လိုက်လံလုပ်ဆောင်ပုံကို ရိုက်ကူးပြသထားတာဖြစ်ပါတယ်။
လိုင်ဇာနဲ့ သူ့ရဲ့ ရုပ်နာမ် မရှိတဲ့ ငယ်ဘဝလိုင်ဇာလေးတိုဟာ မောင်နှမဝမ်းကွဲမန်ဒီရဲ့
ကမ္ဘာပျက်ပါတီကို အတူတူလမ်းလျှောက်လာရင်း လမ်းတစ်လျှောက်မှာ ကမ္ဘာ့နောက်ဆုံးနေ့ကို
ပုံစံအမျိုးမျိုးနဲ့ ဖြတ်ကျော်နေကြတဲ့လူတွေနဲ့လည်း တွေ့ကြုံကြရဦးမှာပါ။
မိသားစုဝင်တွေ၊ ရည်းစားဟောင်းတွေ၊ ချစ်ရသူတွေ ၊ မိတ်ဆွေသူငယ်ချင်းတွေဆီသွားပြီး
မပြောရသေးတဲ့စကားတွေ၊ မဖြေရှင်းရသေးတဲ့ကိစ္စတွေကို လိုင်ဇာတစ်ယောက်
ပြီးပြတ်အောင်လိုက်လံလုပ်ဆောင်ပုံကို ဟာသနှော ရိုက်ကူးထားတဲ့ ကားကောင်းလေးဖြစ်ပါတယ်။
(အညွှန်းကို July မှ ရေးသားထားပါတယ်)
Credit..
ဇာတ်လမ်းအညွှန်း
28 Jan, 12:48
Vice (2015)
***************
ဒီကားကတော့ မင်းသားကြီး Bruce wills နဲ့ the punisher နဲ့ the mist
တိုထဲက မင်းသားကြီး Thomas James တို့ ပါဝင်သရုပ်ဆောင်ထားတဲ့ action ,
sci fi ဇာတ်ကားကောင်းတစ်ကားဖြစ်ပါတယ်။
အပြင်လောကမှာလုပ်ရင် ရာဇဝင်မှုမြောက်ပြီး ဂျေးအောင်းရမယ့်ကိစ္စတွေကို တကယ်
လုပ်နေရသလို ခံစားရအောင် လူချမ်းသာတွေအတွက် ဖွင့်ထားတဲ့ အဆောက်အဦကြီးတစ်ခု ရှိပါတယ်။
အဲဒီ အဆောက်အဦကြီးထဲမှာတော့ လူတွေအတိုင်း တစ်ထပ်တည်းခံစားနိုင်တဲ့
စက်ရုပ်မလေးတွေက ဆားဗစ်ပေးရပါတယ်။ အဲဒီ လုပ်ငန်းကြီးကို ပိတ်ပစ်ချင်လို
အမြဲမျက်စောင်းထိုးနေတဲ့ စုံထောက်ကြီး Thomas James ရယ် ..
အဆောက်အဦပိုင်ရှင် Bruce wills ရယ် .. ဒီကြားထဲ မှတ်ဥာဏ်တွေပြန်ရလာလို
သူ့တည်ရှိမှူကို လက်မခံနိုင်တဲ့ ဆားဗစ်ပေးတဲ့ စက်ရုပ်မလေးရယ် ..
ဒီသုံးယောက် ဘယ်လို လွန်ဆွဲကြမလဲဆိုတာကို action ခန်းတွေပိုင်ပိုင်နိုင်နိုင်နဲ့
sci fi တွေရဲ့ ထုံးစံအတိုင်း တအံ့တဩကြီး ကြည့်ရမှာပါ .. ။
(အညွှန်းကို Jiyeon မှ ရေးသားထားပါတယ်)
Credit..
ဇာတ်လမ်းအညွှန်း
28 Jan, 12:47
Abnormal Attraction (2018)
********************************
ဒီတစ်ခါတော့ Abnormal Attraction ဆိုတဲ့ Adventure, Comedy ကားလေးနဲ့
မိတ်ဆက်ပေးချင်ပါတယ် .. ။ လူသားတွေနဲ့ မွန်းစတားတွေ အတူယှဉ်တွဲနေထိုင်ဖို့
ဖြစ်လာတဲ့အခါ လူသားနဲ့ မွန်းစတား ကြားက နားလည်မှုလွဲတာလေးတွေကို
ရိုက်ပြထားတာပါ …
ဇာတ်လမ်းအကျဉ်းချုပ်လေးကို နည်းနည်းလေး မိတ်ဆက်ပေးချင်ပါတယ် ..
ထူးဆန်းတဲ့ ရူးကြောင်ကြောင် လူတွေကို နှစ်သိမ့်ဆွေးနွေးပေးတတ်တဲ့ ဒေါက်တာနစ်ခ်ကို
ရေခဲခြစ်ရောင်းတဲ့ အန်ဒီက ဖမ်းသွားပြီး ..
မွန်းစတားတွေက လူတွေကိုနှိပ်စက်နေကျ စခန်းက အချုပ်ထဲမှာ ဖမ်းထားလိုက်ပါတယ် ..
နစ်ခ်ဟာ မွန်းစတားတွေကို လူတွေအပေါ် အမြင်ပြောင်းသွားအောင် ပြောနိုင်ခဲ့ပေမဲ့
သူတို့ အချုပ်ခန်းထဲကနေ ထွက်လာတဲ့အချိန်မှာ နစ်ခ်ရဲ့ သတို့သမီးလောင်းဖြစ်သူက
စခန်းကို လာတိုက်တာနဲ့ ကြုံပါတော့တယ် အဲဒီမှာ ပစ်ကြခတ်ကြရင်း
မထင်ထားတာတွေ ဖြစ်လာပါတယ် ..
နစ်ခ်နဲ့ သူ့သတို့သမီးလောင်းကြားမှာ သံသယတွေနဲ့ အဆင်မပြေဖြစ်နေတာ ကြာပါပြီ
အဲဒီအချိန်မှာတော့ နစ်ခ်တစ်ယောက် သူ့ရည်းစားကို ဘာတွေ ဖုံးကွယ်ထားလဲဆိုတာ
ပေါ်လာပါတော့တယ်…..
နောက်ဆုံးမှာ မထင်ထားတဲ့ မြှုပ်ကွက်တွေကို ဖော်ပြသွားတာမို့
စိတ်ဝင်စားဖို့ ကောင်းတဲ့ ဇာတ်ကားလို့ ညွှန်းပေးပါရစေ..
ဇာတ်လမ်းအညွှန်းနဲ့ ဘာသာပြန်သူကတော့ May Tharaphi Lwin ဖြစ်ပါတယ်..
Credit.
ဇာတ်လမ်းအညွှန်း
28 Jan, 12:46
Hidden(2022)
*************
ချာမီဂျောင်းနဲ့ဂျောင်ဟယ်ဆူတို့ဟာ အရမ်းချစ်ကြတဲ့သူငယ်ချင်းတွေဖြစ်ခဲ့ကြပါတယ်
မီဂျောင်းဟာ ဒုစရိုက်အဖွဲ့အစည်းတစ်ခုနဲ့ပတ်သတ်ဆက်နွယ်မှုရှိခဲ့ပြီး တစ်နေ့မှာ
လုပ်ကြံခံလိုက်ရပါတယ်…
အဲ့ဒီလိုနဲ့ မီဂျောင်းရဲ့သေဆုံးမှုကိုသူငယ်ချင်းဖြစ်သူဂျောင်ဟယ်ဆူကအရဲစွန့်ဖော်ထုတ်ဖို့ဖြစ်လာခဲ့ပါတယ်…
ဒုစရိုက်အဖွဲ့အစည်းရဲ့နောက်ကွယ်က
ပတ်သတ်ဆက်နွယ်နေတဲ့တရားခံကို ဉာဏ်အားခွန်အားသုံးပြီး ကိုယ့်နည်းကိုယ့်ဟန်နဲ့ရှာဖွေဖော်ထုတ်သွားပုံတွေကို
စိတ်ဝင်စားဖွယ်တွေ့မြင်ရမှာဖြစ်ပါတယ်…
ဒုစရိုက်အဖွဲ့အစည်းနဲ့ ပတ်သတ်ဆက်နွယ်နေတဲ့ မီဂျောင်းကိုသတ်လိုက်တဲ့တရားခံဟာ ဘယ်သူများဖြစ်နေမလဲ…
Credit..
ဇာတ်လမ်းအညွှန်း
28 Jan, 12:45
Shaolin (2011)
IMDb (6.9) / Rotten Tomatoes (74%)
ရှောင်လင်ဟာ အက်ရှင် ဒရမ်မာ ဇာတ်ကားအမျိုးအစားဖြစ်ပြီး ရင်ထဲစွဲကျန်စေမယ့် ဒရမ်မာဇာတ်ကွက်လေးတွေနဲ့ ပရိတ်သတ်ကို သဘောကျစေမှာပါ..
ဂျက်ကီချန်း ၊ အန်ဒီလူ ၊ ဖန်ပင်းပင်း၊ ဂျင်ဝူ ၊ နီကိုးလပ်(စ်)စီ ၊
ရှင်းယု နဲ့ ရှောင်ကွမ်ယု နာမည်ရအက်ရှင်သရုပ်ဆောင်ကောင်းတွေ ပါဝင်အားဖြည့်တင်ဆက်ထားတဲ့ ဇာတ်ကားကောင်းတစ်ကားလည်း ဖြစ်ပါတယ်..
အက္ရွင္မင္းသား အန္ဒီလူဟာ အင္အားႀကီးစစ္ဘုရင္ဟူက်င္းအျဖစ္နဲ႔ ဒီဇာတ္လမ္းေလးကို အနွစ္သာရရွိၿပီးရသျပည့္ဝတဲ့ ဒရမ္မာကားေကာင္းျဖစ္ေအာင္ ထိန္းေက်ာင္းသြားခဲ့တာကို ေတြ႕ရမွာပါ..
ဂျက်ကီချန်းကတော့ ရှောင်လင်ကျောင်းရဲ့ စာဖိုမှူးကြီးအဖြစ်သရုပ်ဆောင်ထားပြီး ထုံးစံအတိုင်း ဟာသတိုက်ကွက်လေးတွေနဲ့ ပရိတ်သတ်ကို ဆွဲခေါ်သွားဦးမှာပါ..
ဇာတ်လမ်းတည်ဆောက်ထားတာကတော့ အင်္ဂလိပ်ခေတ်အချိန်ကာလဖြစ်ပြီး တိုင်းပြည်အနှံ့မှာ အာဏာနဲ့နယ်မြေကိုရူးသွပ်နေတဲ့ စစ်ဘုရင်များကြီးစိုးနေပါတယ်..
ပြည်သူတွေအငတ်ဘေးဆိုက်နေပေမဲ့ အာဏာရှင်တစ်စုကတော့ ကြွယ်ဝချမ်းသာတဲ့စည်းစိမ်ဥစ္စာတွေနဲ့ လောဘအတောမသတ်နိုင်ဘဲ အချင်းချင်းနယ်မြေလုတိုက်ပွဲတွေကို ဆက်လက်ဆင်နွှဲနေကြပါတယ်..
စည်းစိမ်ဥစ္စာတွေ တန်ခိုးအာဏာတွေ အပြည့်ရှိနေပေမဲ့လည်း အာဏာလောဘစည်းစိမ်လောဘတွေကို အတောမသတ်နိုင်တဲ့ လူ့သဘာဝကိုလည်း သိသာထင်ရှားစေခဲ့ပါတယ်..
တစ်ချိန်က ကိုယ်နင်းခဲ့တဲ့ကြမ်းပြင်ဟာ နောင်တစ်ချိန်မှာကိုယ့်ရဲ့ခေါင်မိုးဖြစ်လာနိုင်တယ်ဆိုတဲ့အတိုင်း အလှည့်အပြောင်းကြီးမားတဲ့ လူ့ဘဝရဲ့ အမှန်တရားတွေကိုလည်း သံဝေဂရစေခဲ့ပါတယ်..
နောင်မှတတဲ့ နောင်တတရားဟာ မကောင်းတဲ့အရာလို့ အကြမ်းဖျင်းသိထားကြပေမဲ့ အမှန်ဘက်ကို ခြေလှမ်းစဖို့အတွက် မရှိမဖြစ်လိုအပ်တဲ့အရာဖြစ်တယ်ဆိုတာကိုလည်း မီးမောင်းထိုးပြထားတဲ့အတွက်..
ဘယ်လောက်ဆိုးသွမ်းခဲ့တဲ့လူဖြစ်ပါစေ နောင်တဆိုတာဖြစ်လာရင်တော့ အချိန်မှီပြန်ပြင်ဆင်နိုင်သေးတယ်ဆိုတဲ့အသိတရားကိုရရှိစေမှာပါ…
နိဂုံးချုပ်အနေနဲ့ပြောရရင်တော့ ရှောင်လင်ဇာတ်ကားဟာ တရုတ်ကွန်ဖူးအက်ရှင်ကြိုက်နှစ်သက်သူတွေအတွက် ဇာတ်ကားကောင်းတစ်ကားဖြစ်သလို ဒရမ်မာရသခံစားချင်သူတွေအတွက်လည်း လက်မလွှတ်သင့်တဲ့ရုပ်ရှင် ဖြစ်ပါတယ်..
လူဘဝရဲ့ လောကဓံအနိမ့်အမြင့်ကို ကြံ့ကြံ့ခံနိုင်စေဖို့ ဟောကြားခဲ့တဲ့ ဗုဒ္ဓရဲ့ ဒဿနတစ်ချို့လည်းပါဝင်တာမို့ ကြည့်ရှုသင့်တယ်လို့ပဲ တိုက်တွန်းချင်ပါတယ်။ ။
(ရုပ်ရှင်အညွှန်းနဲ့ဘာသာပြန်တင်ဆက်ထားသူကတော့ MgKing ပဲဖြစ်ပါတယ်။)
Credit..
ဇာတ်လမ်းအညွှန်း
27 Jan, 11:36
Into the Deep (2025)
နာမည်ကျော်ငါးမန်းရုပ်ရှင် Jaws ရဲ့မင်းသားကြီး Richard Dreyfuss
ပါဝင်သရုပ်ဆောင်ထားတဲ့ နောက်ထပ်ငါးမန်းရုပ်ရှင်တစ်ခုပဲ
ဖြစ်ပါတယ်။ ငါးမန်းကားဆိုပေမယ့် အက်ရှင်ခန်းတွေ၊
တိုက်ခိုက်တာတွေနဲ့ ပစ်ခတ်တာတွေကို အသားပေးရိုက်ကူးထားတဲ့
အက်ရှင်ကားဖြစ်ပါတယ်။
ကတ်ဆီဒီဟာ ကလေးဘဝတုန်းက မျက်စိရှေ့တင် ငါးမန်းကိုက်ခံ
ရပြီးသေဆုံးခဲ့တဲ့ဖခင်ကြောင့် ရေကိုလုံးဝကြောက်သွားခဲ့သူ
ဖြစ်ပါတယ်။ ဒါပေမဲ့ အဏ္ဏဝါဗေဒပညာရှင်ဖြစ်တဲ့ အဘိုးဖြစ်သူရဲ့
လေ့ကျင့်ပေးမှုကြောင့် ကတ်ဆီဒီတစ်ယောက် ငါးမန်းတွေကို
လေ့လာတဲ့ အဏ္ဏဝါဗေဒပညာရှင်တစ်ယောက်ဖြစ်လာခဲ့ပါတယ်။
တစ်ရက်မှာ လန်ဒန်အမျိုးသားပြတိုက်မှာအလုပ်လုပ်တဲ့ခင်ပွန်း
ဖြစ်သူဂရက်က သမုဒ္ဒရာအောက်က သမိုင်းဝင်ရွှေပြားတွေကို
ဆယ်ယူဖို့ ပြင်သစ်ကိုခရီးထွက်လာတဲ့အခါ ကတ်ဆီဒီလည်း
လိုက်ပါလာခဲ့ပါတယ်။ ကိုယ့်အကြောက်တရားကိုယ် ရင်ဆိုင်
ကျော်လွှားမယ်ဆိုတဲ့ ဆုံးဖြတ်ချက်နဲ့လိုက်လာတဲ့ကတ်ဆီဒီတစ်ယောက်
ဂရက်တို့အုပ်စုနဲ့အတူ လိုက်ရေငုပ်ချိန်မှာတော့ ငါးမန်းဖြူကြီးတွေနဲ့
တည့်တည့်တိုးပါတော့တယ်။
တစ်ချိန်တည်းမှာပဲ မှောင်ခိုသမားတွေရဲ့လှေက ကတ်ဆီဒီတို့ကို
ဖမ်းထားလိုက်ပြီး ငါးမန်းတွေရှိနေတဲ့ ရေအောက်ကမူးယစ်ဆေး
အထုပ်တွေကို အတင်းအကြပ်ဆယ်ယူခိုင်းချိန်မှာတော့ ငါးမန်းတွေ
အကြောင်းလေ့လာခဲ့တဲ့ကတ်ဆီဒီတစ်ယောက် သူလေ့လာထားတာတွေကို
အသုံးချပြီး ငါးမန်းဖြူကြီးတွေလက်ကနေ ဘယ်လိုလွတ်မြောက်အောင်လုပ်မလဲ။
မှောင်ခိုသမားတွေလက်ကရော ဘယ်လိုရုန်းထွက်မှာလဲဆိုတာ
ကြည့်ရှုရမှာပဲဖြစ်ပါတယ်။
Credit..
ဇာတ်လမ်းအညွှန်း
27 Jan, 11:35
Good Night, and Good Luck (2005)
ဆုပေါင်း ၃၉ ဆု၊ အော်စကာ ဆန်ကာတင် ၆ဆုအပါအဝင် ဆန်ကာတင်ပေါင်းတစ်ရာကျော် ဆွတ်ခူးထားတဲ့ ရုပ်ရှင်ဝါသနာအိုးတွေနဲ့ မစိမ်းတဲ့ဖြစ်ရပ်မှန်သမိုင်းဇာတ်ကားပါ၊
ဇာတ်လမ်းက ၁၉၅၀ ဝန်းကျင်တုန်းကဖြစ်ခဲ့တဲ့ အစီအစဉ်တင်ဆက်သူအက်ဒ်မော်ရိုးနဲ့ ကွန်မြူနစ်တွေကို မြေလှန်ပစ်ချင်နေတဲ့ အမတ် မက်ကာတီတို့ကြားက အပြန်အလှန်ခြေကန်မှုတွေကိုအဓိကထားဇာတ်အိမ်တည်ထားပါတယ်။
မော်ရိုးက ကိုယ့်အလုပ်ရဲ့အားသားချက်ကိုသုံးပြီး လူထုကို နိုင်ငံရေးအတွေးအခေါ်လူမှုရေးစသဖြင့်ပညာပေးတင်ဆက်ပေးနေသူပါ၊ မဟုတ်မမှန် မတရားတာတွေဆို သူနဲ့ သူ့မိတ်ဆွေလုပ်ဖော်ကိုင်ဖက်တွေက ရုပ်မြင်သံကြားကနေတဆင့် အတိုင်အဖောက်ညီညီဖော်ထုတ်ပါတယ် ။ မက်ကာတီကျ ရထားတဲ့အာဏာလေးနဲ့ ကွန်မြူနစ်ရှင်းထုတ်တယ်ဆိုတဲ့အမည်ခံနဲ့ ကိုယ်နဲ့မကြည် မကျေနပ်တဲ့လူတွေကိုပါ ဝါးလုံးယမ်းတာတွေလုပ်တတ်ပါတယ် ၊
ဒီကားမှာ ထိုနှစ်ဦးအပြင် အဲ့ခေတ်ကာလတုန်းက အမေရိကန်ရဲ့ ကွန်မြူးနစ်အယူသီးပုံတွေ ၊ရုပ်မြင်သံကြားအပေါ်လူတွေရဲ့အမြင်၊ မော်ရိုးတို့ သတင်းတင်ဆက်သူတွေရဲ့ခံယူချက်စတဲ့ လက်တွေ့ဖြစ်ရပ်တွေကိုအခြေခံရိုက်ကူးထားတာမို့ သမိုင်းရုပ်ရှင်တွေကိုစိတ်ဝင်စားသူတွေရဲ့ အသည်းစွဲပါပဲ ။
Credit..
ဇာတ်လမ်းအညွှန်း
27 Jan, 11:34
Motel Aquarium (2013)
***********************
လာတည်းသူ မရှိတဲ့ ဟိုတယ်တစ်ခုရယ် .. လျှို့ဝှက်ချက်တွေ အပြည့်နဲ့
မိန်းကလေးတစ်ယောက်အကြောင်းရယ်ကို ရိုက်ကူးထားတဲ့ 2013 ခုနှစ်မှာ
ထွက်ရှိထားတဲ့ Motel Aquarium ဇာတ်ကားလေး တင်ဆက်ပေးပါရစေ .. ။
ငယ်ငယ်က ကျောင်းတွင်းအကြမ်းဖက်ခံခဲ့ရလို့ စိတ်ဒဏ်ရာရနေတဲ့ မိန်းကလေးတစ်ယောက်
အားကိုးရာရှာပြီး ရည်းစားဖြစ်သူရဲ့ ဟိုတယ်မှာ အလုပ်လုပ်ရင်း သူမ နှစ်သက်တဲ့
ငါးလေးတွေကို မွေးမြူရင်း အချိန်ကုန်ဆုံးနေခဲ့ပါတယ် .. ။
တစ်ရက်မှာတော့ သူမရဲ့ဟိုတယ်မှာ ကျောင်းသူလေးတစ်စုက သူငယ်ချင်းဖြစ်သူကို
နှိပ်စက်နေတာကို တွေ့သွားတဲ့အခါ .. ငယ်ငယ်က သူမ ခံခဲ့ရတဲ့အကြောင်းတွေကို
မှတ်မိသွားပြီး နာကျင်လာပြီး အနိုင်ကျင့်ခံရတဲ့ကျောင်းသူလေးကို ဘယ်လိုကယ်မလဲ။
သူမရဲ့ စိတ်ဒဏ်ရာတွေကို ဘယ်လိုကျော်ဖြတ်သွားမလဲဆိုတာ ..
(၁၈+ အခန်းတချို့ပါဝင်တာကြောင့် မိသားစုနဲ့အတူ ကြည့်ရှုရန် မသင့်တော်ပါ။)
(အညွှန်းကို Estel မှ ရေးသားထားပါတယ်)
Credit..
ဇာတ်လမ်းအညွှန်း
27 Jan, 11:33
Golmaal Returns (2008)
“ပရမ်းပတာ”
တစ်ချိန်ကနာမည်ကြီးခဲ့တဲ့ Golmaal ဟာသ ဇာတ်လမ်းတွဲထဲက
ဒုတိယမြောက်ကားလေးကို ပရိသတ်တို့အတွက် ပြန်လည်တင်ဆက်ထားပါတယ်
ဒီကားထဲမှာ မင်းသားအဂျေး (Ajay Devgn) နဲ့ ဝါရင့်မင်းသမီးကရီနာကပူးတို့က
ခေါင်းဆောင်ပါဝင်ထားပြီး ၂၀၀၈ မှာ ဝင်ငွေအကောင်းဆုံးအိန္ဒိယရုပ်ရှင်စာရင်းထဲ ပါခဲ့တာပါ
ဇာတ်လမ်းအကျဉ်းကတော့ ဇာတ်လိုက်ကျော် ဂိုပယ်က စကားမပြောတတ်တဲ့
သူ့သူငယ်ချင်း လပ်ကီးရဲ့အစ်မဖြစ်သူ အက်တာနဲ့ အိမ်ထောင်ကျသွားခဲ့ပြီး
ငါးလုပ်ငန်းကုမ္ပဏီတစ်ခုမှာ လုပ်ကိုင်နေပါတယ်
သူ့မိန်းမအက်တာက တီဗွီဇာတ်လမ်းတွဲတွေအကြည့်များပြီး သူ့ယောကျ်ားကို
အိမ်ထောင်ရေးဖောက်ပြန်နေတယ်လို့ သံသယများနေတဲ့အပြင်
ရဲအရာရှိတစ်ယောက်ကလည်း သူတို့ကုမ္ပဏီက ငါးပုဇွန်တင်တဲ့
သင်္ဘောထဲမှာ မူးယစ်ဆေးတွေရှိနိုင်တယ်လို့ သင်္ကာမကင်းဖြစ်နေပြန်ပါတယ်
တစ်ရက်မှာ ဂိုပယ်က မီရာဆိုတဲ့ မိန်းကလေးတစ်ယောက်ကို ကယ်မိလိုက်ရာကနေစလို့
ဘယ်လိုပြဿနာတွေ တစ်ခုပြီးတစ်ခုဆက်တိုက်ဖြစ်လာမလဲ ဆိုတာကတော့ —-
အညွှန်းနဲ့ ဘာသာပြန်ကတော့ CM Bollywood Team မှ ဖြစ်ပါတယ်
Credit..
ဇာတ်လမ်းအညွှန်း
27 Jan, 11:33
Hit-and-Run Squad (2019)
၂၀၁၉ ခုနှစ်ထဲမှာ ထွက်ရှိထားတဲ့ Hit-and-Run Squad ဆိုတဲ့ကားလေးနဲ့
မိတ်ဆက်ပေးချင်ပါတယ်
အွန်းစီယွန်းဟာ ရဲမှူးကြီးပတ်ခ်ရဲ့ လာဘ်စားမှုကို လိုက်လံဖော်ထုတ်ရင်းနဲ့
သက်သေမခိုင်လုံတာကြောင့်တိုက်ပြေးအမှုတွေကိုင်တဲ့ဌာနကို
ရာထူးချရွှေ့ပြောင်းခံခဲ့ရပါတယ်..`
ထိုဌာနမှာအရမ်းတော်တဲ့ရဲတပ်သား ဆူမင်ဂျေးနဲ့တွေ့ဆုံခဲ့ပြီးတော့
တိုက်ပြေးအမှုတွေကို အတူတူဖြေရှင်းခဲ့ရင်းနဲ့
ပဟေဠိဆန်တဲ့အမှုတစ်ခုကို ကြုံတွေ့ခဲ့ရပါတယ်
သူတို့စုံစမ်းစစ်ဆေးရင်းနဲ့ အဲဒီတိုက်ပြေးမှူှူ့သေးသေးလေးဟာ အကြီးကြီးလာဘ်ပေးသူ
ဖော်မြူလာဝမ်းပြိုင်ကားကွင်းပိုင်ရှင် ဂျန်ဂျယ်ချောင်းနဲ့
ပတ်သက်နေတယ်ဆိုတာကို ရှာဖွေတွေ့ရှိလာပါတယ်
အွန်းစီယွန်းအနေနဲ့ သူ့နဂိုမိခင်ဌာနရဲ့တာဝန်ကိုထမ်းဆောင်ရင်းနဲ့ ပျက်စီးဆုံးရှုံးမှုတွေ
တွေ့ကြုံလာရချိန်မှာတော့ အရာအားလုံးဟာ ရှု့ပ်ထွေးကုန်ပါတော့တယ်
အရှောင်အတိမ်းတော်လွန်း အဆက်အသွယ်ကောင်းလွန်း
ကားမောင်းပြိုင်တာတော်လွန်းတဲ့
ဂျန်ဂျယ်ချောင်းကို ဘယ်လိုတွေ ဇာတ်လမ်းဇာတ်ကွက်ဆင်ပြီး
ဖမ်းဆီးကြမလဲဆိုတာကို ဒီကားမှာကြည့်ရှုရမှာပဲဖြစ်ပါတယ်
ကားမောင်းပြိုင်တဲ့အခန်းမှာလည်း
တိုက်လိုက်တဲ့ကားတွေမှ သောက်သောက်လဲပါပဲ :3
ကားမောင်းပြိုင်တာတွေရော ချတာတွေရော ရယ်စရာရော
ဝမ်းနည်းစရာရောပါတဲ့ ကြည့်လို့ကောင်းတဲ့ဇာတ်ကားတစ်ကားဆိုတော့ အာမခံပါတယ်
Credit..
ဇာတ်လမ်းအညွှန်း
27 Jan, 11:32
Firefighters (2024)
********************
ကိုရီးယားနိုင်ငံ ဟုန်းဂျယ်ဒုံမှာ အမှန်တကယ် ဖြစ်ပျက်ခဲ့တဲ့ မီးလောင်မှုကို အခြေခံပြီး
ရိုက်ကူးထားတဲ့ “Firefighters” ဇာတ်ကားကြီး ထွက်ရှိလို့ လာပါပြီ။
Kwak Do Won, Joo Won, Lee Jun Hyuk, Oh Dae Hwan, Lee Yoo Yeong အစရှိတဲ့
နာမည်ကြီး သရုပ်ဆောင်တွေ အများအပြား ပါဝင်ထားတဲ့ ဒီကားလေးမှာတော့ ပြည်သူတွေရဲ့
အသက်အိုးအိမ်နဲ့ စည်းစိမ်တွေကို ကာကွယ်ဖို့အတွက် နေ့ရက်တိုင်းကို နောက်ဆုံးနေ့အဖြစ်
သတ်မှတ်ပြီး ရှင်သန်နေကြတဲ့ မီးသတ် သူရဲကောင်းတွေရဲ့ ဘဝကို မီးမောင်းထိုးပြီး ရိုက်ကူး ပြသထားပါတယ်။
ဇာတ်လမ်းအညွှန်း-
မီးသတ်တပ်ဖွဲ့ထဲကို လူသစ်အနေနဲ့ ဝင်ရောက်လာတဲ့ ချောအွန်း (Joo Won) ဟာ လုပ်ဖော်ကိုင်ဖက်ကို
ဆုံးရှုံးခဲ့ရတဲ့ အဖြစ်အပျက်ကြောင့် အပြစ်မကင်းတဲ့ စိတ်နဲ့ နေထိုင်နေခဲ့ရပါတယ်။
ဒီအချက်ကြောင့်ပဲ ချောအွန်းဟာ ရာထူးမြင့်တဲ့ နေရာကို တက်လှမ်းပြီး ကယ်ဆယ်ရေး တပ်ဖွဲ့ရဲ့
ညွှန်ကြားမှု စနစ်ကို ပိုမွန်ကောင်းမွန်အောင် လုပ်ဖို့ စိတ်ပိုင်းဖြတ်ခဲ့ပါတယ်။
ဒီအချက်တွေကြောင့်ပဲ အထက်လူကြီးနဲ့ ချောအွန်းတို့ကြားမှာ ကတောက်ကဆလေးတွေ ရှိလာခဲ့ပြီး
လုပ်ဖော်ကိုင်ဖက်ကို ဆုံးရှုံးခဲ့ရတဲ့ အဖြစ်အပျက်ကြောင့် တခြား မီးသတ် တပ်ဖွဲ့ဝင်တွေရဲ့ စိတ်ထဲမှာလည်း
အတွေး အမြင် ကိုယ်စီ ရှိလာကြပါတယ်။
ဒီလိုမျိုး ကတောက်ကဆလေးတွေ ရှိနေကြတဲ့ အခြေအနေမှာပဲ ဟုန်းဂျယ်ဒုံမှာ မီးလောင်မှုအကြီးကြီး
ဖြစ်ပွားခဲ့ပြီး လောင်မြိုက်နေတဲ့ မီးတောက်တွေကြားမှာ ပြည်သူတွေကို အသက်ပေး ကာကွယ်ရင်း
ကိုယ်ကျိုးစွန့်သွားကြမဲ့ သူရဲကောင်းတို့ရဲ့ ပုံရိပ်ကို မျက်ဝါးထင်ထင် မြင်တွေ့ရမှာမို့လို့ ကြည့်ရှူဖို့ ညွှန်းဆိုလိုက်ပါတယ်။
(ဇာတ်လမ်းအညွှန်းကိုတော့ Treasure Htet မှ ရေးသားပေးထားပါတယ်။)
Credit..
ဇာတ်လမ်းအညွှန်း
26 Jan, 12:00
Mr.Right (2016)
၂၀၁၆ ခုနှစ်ကထွက်ရှိခဲ့တဲ့ Mr.Right ကတော့ Romance ၊
Comedy နဲ့ Action အမျိုးအစားဖြစ်ပါတယ်။
ချစ်သူကသစ္စာဖောက်တာခံလိုက်ရတဲ့မာသာတစ်ယောက်
အသည်းကွဲနေတုန်းမှာပဲ ကုန်စုံဆိုင်တစ်ခုမှာ လူတစ်ယောက်နဲ့
တွေ့ဆုံရာကနေ အဲဒီလူရဲ့နာမည်ကိုတောင်မသိခဲ့ပေမယ့်
စိတ်တူကိုယ်တူရှိလွန်းတာကြောင့် စိတ်နှစ်ပြီးချစ်မိသွားခဲ့ပါတယ်။
မာသာတို့နှစ်ဉီးဟာ ပျော်ရွှင်စရာအချိန်တွေကိုအတူကုန်ဆုံးလာကြရင်း
တစ်ရက်မှာတော့ သူ့ရဲ့ဖူးစာရှင်ပဲလို့ထင်ထားတဲ့လူက သူ့ရှေ့မှာ
လူသတ်လိုက်တာကြောင့် မာသာဟာ ကြောက်လန့်ပြီး လမ်းခွဲဖို့
လုပ်ခဲ့ပါတယ်။ အပ်ဖ်ဘီအိုင်ကလည်း မာသာ့ဆီရောက်လာပြီး
သူနဲ့တွဲနေတဲ့လူဟာ ဖရန်စစ်ဆိုတဲ့နာမည်နဲ့ ပါရမီထူးတဲ့ကမ္ဘာကျော်
ကြေးစားလူသတ်သမားတစ်ယောက်ဖြစ်တယ်လို့ လာပြောခဲ့ပါတယ်။
ဒါပေမဲ့ မာသာဟာ ဖရန်စစ်အကြောင်းပိုသိလေလေ ဖရန်စစ်ကို
ပိုချစ်မိလာလေလေဖြစ်ခဲ့ပေမယ့် ဖရန်စစ်နောက်ကပါလာမယ့်
ရန်သူတစ်သီတစ်တန်းကြီးရဲ့လက်ကနေ မာသာတစ်ယောက်
အန္တရာယ်ကင်းကင်းလွတ်မြောက်နိုင်မလားဆိုတာကိုတော့
ဆက်လက်ကြည့်ရှုရမှာပဲဖြစ်ပါတယ်။
Credit...
ဇာတ်လမ်းအညွှန်း
26 Jan, 11:59
Golmaal: Fun Unlimited (2006)”ပရမ်းပတာ”
==================================
Mumbai Cop Universe ရဲ့ ပဲ့ကိုင်ရှင်
ဆရာကြီးရိုဟစ်ရှက်တီ ရိုက်ကူးထားပြီး
မင်းသားကြီး အဂျေး၊ 3 idiots ထဲက
ရာဂျူးသရုပ်ဆောင် ရှာမန်ဂျိုရှီ၊ ဒါ့အပြင် တခြား နာမည်ကြီးဟာသ
သရုပ်ဆောင်တွေလည်းပါဝင်တဲ့ Indian classic vibe ရမယ့်
ဟာသကားဟောင်းလေးကို ပရိသတ်တွေအတွက် တင်ဆက်ပေးချင်ပါတယ်။
ဒီရုပ်ရှင်ထဲမှာတော့ အဂျေးတို့အဖွဲ့ဟာ ဘရုတ်ကျလွန်းလို့
ကောလိပ်ကနေ နှင်ထုတ်ခံထားရတဲ့ ကျောင်းသားဟောင်းတွေဖြစ်ပါတယ်။
ကျောင်းထုတ်ခံထားရပေမဲ့ နေစရာအိမ်မရှိတဲ့အတွက် ကျောင်းထုတ်မခံရတဲ့
သူငယ်ချင်းအခန်းမှာ ကုပ်ကပ်နေရင်း ဘရုတ်ကျမှုတွေကို
မရပ်နိုင်တဲ့အတွက် အဲဒီသူငယ်ချင်းပါ ကျောင်းထုတ်ခံလိုက်ရပါတယ်။
အဲဒီလို ကျောင်းထုတ်ခံရလို့ နေစရာမရှိ ကြောင်ပျောက်နေတဲ့
သူငယ်ချင်းလေးယောက်ဟာ အကြွေးရှင်လိုက်လို့ ပြေးရင်းလွှားရင်း
မျက်မမြင် အဘိုးကြီးအဘွားကြီးစုံတွဲနေတဲ့အိမ်ကို ရောက်သွားခဲ့ပြီး
အဲဒီအဘိုးကြီးအဘွားကြီးစုံတွဲက မတွေ့ရတာ နှစ် ၂၀ ကျော်ပြီဖြစ်တဲ့
မြေးဖြစ်သူကို စောင့်နေမှန်းသိသွားတဲ့အချိန်မှာတော့
သူတို့အဖွဲ့ ဘယ်လိုတွေ အယောင်ဆောင်ပြီး
ဘယ်လိုဘရုတ်ဆက်ကျကြမလဲဆိုတာကို ဒီရုပ်ရှင်ထဲမှာ မြင်ကြရမှာပါ…။
(ဒီရုပ်ရှင်အတွက် အညွှန်းနဲ့ဘာသာပြန်ကတော့ CM Bollywood Team ပါ။)
Credit...
ဇာတ်လမ်းအညွှန်း
26 Jan, 11:58
George and the Dragon (2004)
ဒါရိုက်တာ Tom Reeve ကိုယ်တိုင်ရေးသားရိုက်ကူးထားပြီး
မင်းသား James Purefoy နဲ့မင်းသမီး Piper Perabo ပါဝင်
သရုပ်ဆောင်ထားတဲ့ ဟာသစွန့်စားခန်းဇာတ်ကားလေးဖြစ်ပါတယ်။
ဇာတ်လမ်းအကျဉ်း
**************
ပထမခရူးဆိတ်စစ်ပွဲပြီးဆုံးချိန်မှာ ပင်ပန်းနွမ်းနယ်နေတဲ့
သူရဲကောင်းတွေ၊ စစ်သားတွေနဲ့ ဘုန်းတော်ကြီးတွေဟာ
ဥရောပတစ်လွှားက မိမိတို့နေရပ်ကို အသီးသီးပြန်လာကြပါတယ်။
ရုပ်ရည်ချောမောတဲ့အင်္ဂလိပ်သူရဲကောင်းဂျော့ဂျ်ဟာ
ပါလက်စတိုင်းမှာတွေ့ကြုံခဲ့ရတဲ့ သွေးထွက်သံယိုမြင်ကွင်း
တွေကြောင့် အေးချမ်းတဲ့ဘဝမှာပဲနေထိုင်သွားဖို့ဆုံးဖြတ်ပြီး
အင်္ဂလန်ကိုပြန်လာခဲ့ပါတယ်။ ဂျော့ဂျ်ဟာ အခြေချနေထိုင်ဖို့
မြေကွက်ရှာဖွေရင်း စိတ်ပူပန်သောကရောက်နေရရှာတဲ့
ဘုရင်အက်ဒ်ဂါနဲ့တွေ့ပြီး ပျောက်ဆုံးနေတဲ့မင်းသမီးလေးလူနာကို
ရှာဖွေပေးဖို့ဖြစ်လာခဲ့ပါတယ်။ ဒါပေမဲ့ မင်းသမီးလေးကိုဖမ်းဆီး
သွားတာဟာ နဂါးတစ်ကောင်ဖြစ်နေပြီး နဂါးမကြီးဟာ
သေဆုံးသွားတဲ့အတွက် မင်းသမီးလေးလူနာက အကောင်
ပေါက်တော့မယ့်နဂါးဥလေးကိုကာကွယ်ပေးဖို့ ဆုံးဖြတ်ထားတဲ့
အခါမှာတော့ ဂျော့ဂျ်ရဲ့စွန့်စားခန်းတွေက တစ်ဖန်ပြန်လည်
စတင်လာပါတော့တယ်။
Credit...
ဇာတ်လမ်းအညွှန်း
26 Jan, 11:57
Let It Snow (2020)
Let it snow ဇာတ်ကားဟာ အချစ်၊ ကြည်နူးမှု၊ ပူဆွေးသောက အငြိုးအတေး စတဲ့ခံစားချက်မျိုးစုံကို
ပေါ်လွင်အောင် အသားပေးရိုက်ကူးထားတဲ့ ဇာတ်ကားလေးဖြစ်ပါတယ်။ ရင်သပ်ရှုမောဖွယ်ကောင်းလှတဲ့
ပတ်ဝန်းကျင်တွင် ချစ်သူနှစ်ဉီး၏ရိုမန်တစ်ဆန်ဆန်ချစ်ကြိုက်ခန်းများကိုကြည်နူးဖွယ်ရှုစားနိုင်သလို
စွန့်စားခန်းများကို ထိတ်လန့်အံ့သြဖွယ်ရာဖြစ်ရပ်ဆန်းများဖြင့် ကြောက်မက်ဖွယ်မြင်တွေ့ရမယ့်
ရသစုံလင်ဇာတ်ကားကောင်းလေးပါ။ သားသမီးကြောင့်ဖြစ်လာတဲ့ အမေတစ်ယောက်ရဲ့ပူဆွေးသောကကို
ရင်နင့်ဖွယ်တွေ့မြင်ခံစားနိုင်ပါတယ်။ နေရာဒေသအသစ်အဆန်းတွင် ဒေသခံတို့၏စကားကို လျစ်လျူမရှု
သင့်ကြောင်းနှင့် မတော်တဆပင်ဖြစ်လင့်ကစား ကိုယ့်ကြောင့်သူတစ်ပါးထိခိုက်သွားလျှင်တာဝန်ယူဖြေရှင်း
သင့်ကြောင်းတို့ကို ပညာပေးဆန်ဆန်ရိုက်ကူးထားပါတယ်။
အေးစက်သောနှင်းတောင်စောင်းတွင်ချစ်သူနှစ်ဉီး၏စကိတ်စီးစွမ်းရည်နှင့်နောက်ဆက်တွဲထိတ်လန့်စရာ
ဖြစ်ရပ်တို့ကို ဇာတ်ကားလေးထဲမှာ ကြောက်မက်ဖွယ်ရှူစားနိုင်ပါတယ်။
ဒါရိုက်တာကြီးStanislav Kapralovကဉီးဆောင်ရိုက်ကူးထားပြီး နာမည်ကျော်မင်းသမီး Ivanna Sakhno
နှင့်အခြားသရုပ်ဆောင်များစွာပါဝင်သည့် သည်းထိတ်ရင်ဖိုဇာတ်ကားကောင်းလေးဖြစ်ပါတယ်။
(ဒီဇာတ်လမ်းရဲ့ အညွှန်းနဲ့ဘာသာပြန်ရေးသားပေးသူကတော့ Mya Phyo Nandar ပဲဖြစ်ပါတယ်။)
Credit...
ဇာတ်လမ်းအညွှန်း
26 Jan, 11:55
The Age of Adaline (2015)
IMDb Rating (7.2)
ဒီရုပ်ရှင်ကတော့ မင်းသမီး Blake Lively ကို အလှပဆုံးမြင်တွေ့ရမယ့်ဇာတ်ကားဖြစ်ပြီး
Harrison Ford , Michiel Huisman တို့လိုမင်းသားတွေနဲ့ တွဲဖက်ရိုက်ကူးထားပါတယ်။
အချစ်ဒရမ်မာဆိုပေမယ့် သဘာဝလွန်စွမ်းအားနဲ့တွဲဖက်ရိုက်ကူးထားတာကြောင့်
တခြားရိုမန့်ကားတွေနဲ့မတူဘဲ အရသာတမျိုးနဲ့လူကြိုက်များကြတဲ့ကားပါ။
ဇာတ်လမ်းကတော့…
၁၉၃၀ ဝန်းကျင်ကာလမှာအစပြုပါတယ်…
Adaline ဆိုတဲ့ မိန်းမလှလေးတယောက်ဟာ ယာဉ်မတော်တဆမှုဖြစ်ပြီး ကောင်းကင်ကစွမ်းအားတခုကိုရရှိသွားပါတယ်…
ဒါကတော့ အသက်မကြီးလာတော့တာပါပဲ။
သူမဟာ အမြဲတမ်း ၂၉နှစ် အရွယ်တိုင်းရှိနေပြီးတော့ ခေတ်အဆက်ဆက်ကိုဖြတ်သန်းပါတော့တယ်။
ဒါပေမယ့် သူမဘဝဟာ အေးချမ်းနေတာတော့မဟုတ်ပါဘူး
သူမ အသက်မကြီးလာတာကို သတိထားမိသွားကြတဲ့ စစ်ဆေးစမ်းသပ်ချင်သူတွေလက်ထဲက လွတ်အောင်ပြေးရင်းလွှားရင်းနဲ့
သူမရဲ့မိသားစုဘဝကိုပါ ဖုံးကွယ်ထားခဲ့ရပါတော့တယ်။
သူမဟာ ခေတ်အဆက်ဆက်မှာ အသက်မကြီးခဲ့တာကြောင့် ဇာတ်မြုပ်ဖုံးကွယ်ခြင်းကိုသာ တွင်တွင်သုံးခဲ့ပြီး
သူမရဲ့ သမီးလေးကစလို့ ချစ်ရသူတွေပါမကျန် အဆက်ဖြတ်ရင်းနဲ့ ရင်နာတဲ့လမ်းကိုသာရွေးချယ်ခဲ့ရသူပါ။
ဒါပေမယ့် တချိန်မှာတော့ သူမအရမ်းချစ်ရတဲ့ချစ်သူတယောက်ကို ထပ်ရခဲ့ပြန်ပါတယ်…
ဒီတယောက်နဲ့တော့ သူမဘဝကို အမြဲတမ်းမြုပ်နှံတော့မယ်လို့ တွေးလိုက်ပြီး
မိဘအိမ်တွေထိရောက်သွားတဲ့အခါမှာတော့….
တကယ့်ရှော့ရစရာအဖြစ်အပျက်ကြီးက စောင့်ကြိုနေပါတော့တယ်။
လူတိုင်း အသက်အရွယ်မကြီးရင့်ဘဲ အရွယ်တင်နုပျိုချင်ကြတယ်မဟုတ်လား?
ဒါပေမယ့် တစ်ကယ်တမ်း အဲ့လိုဖြစ်ခဲ့မယ်ဆိုရင် ပျော်ရွှင်နိုင်မယ် ထင်ပါသလား?
” ရှင်သန်ခြင်းမှာလဲ နာကျင်ခြင်းတွေအမြဲရှိနေပါတယ်။ ”
Credit..
ဇာတ်လမ်းအညွှန်း
26 Jan, 11:54
The Calendar Killer (2025)
ဂျာမန်စကားပြော သည်းထိပ်ရင်ဖိုရုပ်ရှင်လေးကို တင်ဆက်ပေးလိုက်ပါတယ်။
နာမည်ကြီး ပြက္ခဒိန်လူသတ်သမားဟာ ကလာရာကို ပြန်ပေးဆွဲသွားပြီး ကလာရာ သတိပြန်ရလာတော့ နံရံပေါ်မှာ “၁၂ လပိုင်း ၆ ရက်နေ့ – သူ(သို့မဟုတ်) မင်း – နှစ်ယောက်ထဲက တစ်ယောက်သေရမယ်” လို့ သွေးနဲ့ရေးထားတာကို တွေ့လိုက်ရတယ်။
ကလာရာဆိုတာ နိုင်ငံရေးသမားတစ်ဦးရဲ့ ဇနီးသည်ဖြစ်ပြီး ရှေ့နေအလုပ်ထွက်ကာ အိမ်ထောင်ရှင်မအဖြစ် ယောကျာ်းစိတ်တိုင်းကျနေရတဲ့အပြင်
ဇနီးသည်ကို အရာဝတ္ထုလိုစိတ်တိုင်းကျခိုင်းစေပြီး အနိုင်ကျင့်တတ်တဲ့ သူ့ယောကျာ်းကတော့ စောနက ပြက္ခဒိန်လူသတ်သမား ခြိမ်းခြောက်ထားတဲ့ “သူ” ပါပဲ။
ဒီဇင်ဘာ ၆ ရက်နေ့မှာ ကူကယ်ရာမဲ့ထွက်ပြေးလာတဲ့ ကလာရာကို “ကူညီပါရစေ” ဖုန်းလိုင်းမှ ဂျူးလ်ဆိုတဲ့လူကကယ်တင်ပေးနိုင်မှာလား ဆိုတာကတော့..
အညွှန်းနဲ့ဘာသာပြန်ကတော့ Sike Tan ဖြစ်ပါတယ်။)
Credit..
ဇာတ်လမ်းအညွှန်း
25 Jan, 11:45
Festival of the Living Dead (2024)
1968 ခုနှစ်လောက်က ဖြစ်ခဲ့တဲ့ ဇွန်ဘီးကပ်ဆိုးမှာ သေဆုံးခဲ့သူတွေအတွက် အထိမ်းအမှတ်အနေနဲ့ ကျင်းပပေးတဲ့ Living Dead ပွဲတော်ကြီး..
ဒီပွဲတော်ကြီးကို သွားရောက်ဖို့အတွက် လက်မှတ်ကို အက်ရှ်ရဲ့ မွေးနေ့လက်ဆောင်အဖြစ် သူ့ကောင်လေး ကယ်ဗင်က ပေးလိုက်တဲ့အခါ..
ကယ်ဗင်နဲ့ အက်ရှ်တို့နဲ့အတူ သူတို့သူငယ်ချင်းတွေအဖွဲ့လိုက် ပွဲတော်ကို သွားရောက်ခဲ့ကြတယ်..
ဇွန်ဘီးကပ်ဆိုးမှာ သေဆုံးခဲ့သူတွေအတွက် ကျင်းပပေးတဲ့ပွဲကြီးမှာ တကယ့်ဇွန်ဘီးတွေ ပါဝင်လာတဲ့အခါ..
အက်ရှ်တို့အဖွဲ့ဟာ ဒီကပ်ဆိုးကနေ လွတ်မြောက်ဖို့ တကယ့်ဇွန်ဘီးအစစ်တွေနဲ့ ထိပ်တိုက်ရင်ဆိုင်ခဲ့ရပါတယ်..
တဖန်ပြန်လည်ဖြစ်ပေါ်လာတဲ့ ဇွန်ဘီးကပ်ဆိုးကြီးကနေ ဘယ်သူတွေ လွတ်မြောက်သွားမလဲ? ဘယ်သူတွေ သေဆုံးသွားမလဲ? ဆိုတာကြည့်ရှုလိုက်ကြပါဉီး..
(အညွှန်းနဲ့ဘာသာပြန်ကတော့ Su Mon ဖြစ်ပါတယ်။)
Credit..
ဇာတ်လမ်းအညွှန်း
25 Jan, 11:44
28 Days (2000)
IMDb Rating (6.1)
“28 Days” ဇာတ်ကားဟာ ၂၀၀၀ ခုနှစ်က ရိုက်ကူးခဲ့တဲ့ ဒရာမာနဲ့ ဟာသရောစပ်ထားတဲ့ ဇာတ်ကားတစ်ကားဖြစ်ပါတယ်။
ဇာတ်လမ်းထဲမှာတော့ ဂွမ် ဟာ ပါတီပွဲတွေ၊ အရက်တွေနဲ့ ဘဝကို ဖြတ်သန်းနေသူဖြစ်ပါတယ်။ ဒါပေမယ့် တစ်နေ့မှာ သူမဟာ မတော်တဆမှုတစ်ခုကို ဖန်တီးမိပြီး နောက်ဆုံးမှာ ပြန်လည်ထူထောင်ရေးစင်တာကို ရောက်ရှိသွားပါတယ်။
ဒီနေရာမှာ ဂွမ် ဟာ သူမရဲ့ ဘဝကို ပြန်လည်သုံးသပ်ပြီး ကိုယ့်ကိုယ်ကို ပြန်လည်ရှာဖွေရတဲ့ ခရီးကို စတင်ပါတယ်။
ဇာတ်ကားထဲမှာ ဂွမ် ရဲ့ ဇာတ်ရုပ်ဟာ ပြောင်းလဲမှုတွေ၊ စိန်ခေါ်မှုတွေကို ရင်ဆိုင်ရပြီး သူမရဲ့ အားနည်းချက်တွေကို လက်ခံပြီး ကျော်လွှားနိုင်တဲ့ ဇာတ်ကောင်တစ်ယောက်ဖြစ်လာပါတယ်။
သူမရဲ့ ခံစားချက်တွေ၊ ရုန်းကန်မှုတွေကို ဇာတ်ကားက ရိုးရိုးသားသား ဖော်ပြထားပါတယ်။
ဒီဇာတ်ကားဟာ ပြန်လည်ထူထောင်ရေးနဲ့ ကိုယ့်ကိုယ်ကို ပြန်လည်ရှာဖွေတဲ့ ဇာတ်လမ်းကို ရိုးရှင်းစွာနဲ့ စိတ်ဝင်စားဖွယ်ရာ ဖော်ပြထားတဲ့ ဇာတ်ကားတစ်ကားဖြစ်ပါတယ်။
Sandra Bullock ရဲ့ သရုပ်ဆောင်မှုက ဇာတ်ကားကို ပိုမိုအသက်ဝင်စေပြီး ဇာတ်ကားကြည့်ပြီးရင် ကိုယ့်ဘဝကို ပြန်လည်သုံးသပ်မိစေမယ့် အတွေးတွေကို ပေးစွမ်းနိုင်ပါလိမ့်မယ်။
(အညွှန်းနဲ့ဘာသာပြန်ကတော့ Ivy Noe ဖြစ်ပါတယ်။)
Credit
ဇာတ်လမ်းအညွှန်း
23 Jan, 12:17
Condor Hero (2025)
ဆရာကြီးကျင်းရုံရဲ့ condor hero trilogy ထဲက နာမည်ကြီးဝတ္တုတပုဒ်ဖြစ်တဲ့
The Return Of Condor Heroes ကို 2025 မှာ Movie Version အဖြစ်
ပြန်လည်ရိုက်ကူးတင်ဆက်ထားခြင်းဖြစ်ပါတယ် ရန်ကော်အဖြစ်
Zhao Huawei ၊ ရှောင်လုံနွီ (ဂူးဂူး) အဖြစ်နဲ့ Wang Zijun တို့က
အဓိက ပါဝင်သရုပ်ဆောင်ထားပါတယ် သိုင်းဇာတ်လမ်းစစ်စစ် တွေရှားပါးနေတဲ့ခေတ်မှာ
အခုလို နာမည်ကြီး Novel တစ်ပုဒ် ကို Movie Version
အဖြစ် ပြန်လည်တင်ဆက်လာတဲ့ ဒီဇာတ်လမ်းလေးအပေါ်မှာ
သိုင်းချစ်သူတို့ သဘောကျမကျ ကတော့ ကိုယ်တိုင်သာ
ဇာတ်လမ်းလေးကိုကြည့်ပြီး ဆုံးဖြတ်ကြရမှာပဲဖြစ်ပါတယ်
ဇာတ်လမ်းကတော့ ကျိုးရင်းမရဏသိုင်းကိုပြောင်းပြန်ကျင့်ခဲ့လို့ရူးသွပ်သွားတဲ့
အနောက်ပိုင်းအဆိပ်ဘုရင်အိုးရန်ဖုန်းက ရန်ကော့ကို
မွေးစားပြီးပျိုးထောင်ပေးခဲ့တဲ့နေရာကစပါတယ်။

အိုးရန်ဖုန်းမွေးစားထားတဲ့ရန်ကော့ကို ကောကျင့်တို့ရှာတွေ့သွားပြီးတော့
ချွမ်ကျန်းဂိုဏ်းမှာသိုင်းပညာသင်ဖို့အပ်ခဲ့တယ်။ ရန်ကော့ရဲ့အဖေရန်ခန်းရဲ့လုပ်ရပ်တွေကြောင့်
ရန်ကော့ကိုမုန်းနေကြတဲ့ချွမ်ကျန်းဂိုဏ်းသားတွေကြောင့်
ရန်ကော့ကလူသတ်မှုနဲ့အပြစ်တင်စွပ်စွဲခံရပြီး ပြေးလွှားရင်းနဲ့
တားမြစ်နယ်မြေမှာရှိတဲ့ ရှောင်လုံနွီဆီရောက်သွားခဲ့ပါတယ်။
ဒီလိုနဲ့ရန်ကော့ရဲ့ဘဝခရီးကိုစတင်ပါတော့တယ်
ရုပ်ရှင်ဗားရှင်းမှာ ဘယ်လိုကွဲပြားတဲ့တင်ဆက်ပုံတွေနဲ့
တင်ဆက်မလဲ…ဒီထဲမှာရော 2025 ရသေ့က မျက်စိစည်းသွားဦးမလားဆိုတာ……။
Credit...
ဇာတ်လမ်းအညွှန်း
23 Jan, 12:16
Vama Veche Retreat (2024)
Retreat Vama Veche” ဆိုတဲ့ရိုမေးနီးယားရုပ်ရှင်က Eva ဆိုတဲ့
ဇာတ်ကောင်ဟာ သူ့ရဲ့မေ့မရနိုင်တဲ့ဘဝဇာတ်လမ်းကို ပြန်ပြောပြတဲ့
ပုံစံအဖြစ်ရိုက်ကူးထားတဲ့ကားလေးဖြစ်ပါတယ်။
ဇာတ်လမ်းလေးရဲ့အစကိုတော့ Evaနဲ့ သူ့အချစ်ဆုံးသူငယ်ချင်း
နှစ်ယောက်တို့ရဲ့ သူငယ်ချင်းဆက်ဆံရေးနဲ့အစပြုထားပါတယ်။
Evaဟာ သူမင်္ဂလာဆောင်ဖြစ်မဲ့အချိန်ကျရင်Vamaဆိုရဲ့ရွာလေးကို
အတူတူပြန်လာကြမယ်လို့ ကတိပေးခဲ့ပါတယ်။
ကတိပေးထားတဲ့အတိုင်းကမ်းခြေရွာလေးကို သုံးယောက်သား
ပြန်သွားဖြစ်တဲ့အခါ Evaတို့က မထင်မှတ်ထားတဲ့အရာတစ်ခုနဲ့
ကြုံတွေ့ခဲ့ရပါတော့တယ်။
အကြောင်းကတော့ Evaဟာ ငယ်စဥ်ကတည်းက ချစ်ခဲ့ရပြီး
အကြောင်းပြချက်မရှိဘဲ ပျောက်ကွယ်သွားခဲ့တဲ့ မေ့မရနိုင်ခဲ့တဲ့
ငယ်ချစ်ဦးနဲ့ပြန်တွေ့ခဲ့ရလို့ပါပဲ။ သူ့ငယ်ချစ်ဦးကလည်း
မိန်းမရနေပြီးသားဖြစ်နေပါတယ်။ အဲ့လိုနဲ့ Eva က အကြောင်း
ပြချက်မပေးဘဲ ပျောက်ကွယ်သွားရခြင်းရဲ့အမှန်တရားကို
သိရဖို့ကြိုးစားပါတော့တယ်။
Evaက အမှန်တရားကို သိရဖို့ဘယ်လိုအခက်အခဲတွေနဲ့ကြုံတွေ့ရမှာလဲ။
အမှန်တရားကို လက်ခံနိုင်ခဲ့သလား စတာတွေကို ကြည့်ရှူခံစားရမယ့်
အပြင် comedy ကားလေးဖြစ်တာမိုလို့ တစ်ကားလုံးမပျင်းရဘဲ
သူငယ်ချင်းသုံးယောက်ရဲ့ ဘဝအခက်အခဲပြဿနာတွေကို
ပေါ့ပေါ့ပါးပါးနဲ့ ကြည့်နိုင်မဲကားလေးလည်းဖြစ်ပါတယ်။
Credit.
ဇာတ်လမ်းအညွှန်း
23 Jan, 12:15
Ek Anchaahi Jalan (2025)
“လောင်မြိုက်ခြင်းအပိုင်းအစ”
နာမည်ကြီးမဟုတ်ပေမဲ့ ညှိအားခပ်ပြင်းပြင်းနဲ့
တောင့်တင်းဖြောင့်ဝင်းနေတဲ့
မင်းသမီးချော ရီဗာချောင်ဒရီ အထူးသရုပ်ဆောင်ထားပါတယ်။
ရီတီကာဆိုတဲ့ကောင်မလေးက ငယ်ငယ်ကတည်းက ဖခင်မရှိတော့ဘဲ
အမေဖြစ်သူစောင့်ရှောက်မှုအောက်ပဲ ကြီးပြင်းလာခဲ့သူ။
အချိန်တန်အရွယ်ရောက်လာတော့ မိဘသဘောတူတဲ့သူကို ရွေးချယ်လက်ထပ်ခဲ့တယ်။
မိဘသဘောတူလိုယူကြတာဆိုပေမဲ့ အိမ်ထောင်ဘက်ဖြစ်သူ
အာကာ့ရှ်က ရီတီကာ့ပေါ်မှာ အရိပ်တကြည့်ကြည့်နဲ့ ချစ်ပေးတဲ့သူမျိုးပေါ့။
အာကာ့ရှ်ရဲ့ ဂရုစိုက်မှု အလေးထားမှုတွေက ရီတီကာ့အတွက်တော့
စိတ်ရှုပ်စရာလိုမျိုးဖြစ်နေတတ်ပြန်ရော။ တစ်နေ့တော့
ရီတီကာ့သူငယ်ချင်း အစ်ရှာနီတစ်ယောက် ရီတီကာတိုအိမ်ကိုလာနေတဲ့အချိန်မှာတော့…။
*ချစ်ခန်းနမ်းခန်းတွေကြမ်းတာမို အသက်မပြည့်သေးသူများ လက်ရှောင်ကြပါ။*
(အညွှန်းနဲ့ဘာသာပြန်ကတော့ CM Bollywood Team ဖြစ်ပါတယ်)
Credit....
ဇာတ်လမ်းအညွှန်း
23 Jan, 12:14
Razakar: The Silent Genocide of Hyderabad (2024) လွတ်မြောက်မှုဘယ်ဆီ
ဒီတစ်ခါမှာတော့ သမိုင်းရာဇဝင်ကြိုက်နှစ်သက်သူ
ပရိတ်သတ်တို့အတွက် သမိုင်းကြောင်းနောက်ခံ
အက်ရှင်ဒရမ်မာလေးကို တင်ဆက်ပေးလိုက်ပါတယ်။
ငွေဟာဒုတိယဘုရားသခင်လို့ ပြောကြတဲ့အတိုင်း
သာမန်လူတွေဟာ ငွေကိုတပ်မက်ကြသလို နိုင်ငံတွေအနေနဲ့လည်း
အရာအားလုံးရယူနိုင်ပါတယ်ဆိုတဲ့
လက်နက်အာဏာကို တပ်မက်ကြပြန်ပါတယ်။
၁၉၄၇ ဩဂုတ် ၁၅ မှာအိန္ဒိယဟာ လွတ်လပ်ရေးရခဲ့ပေမဲ့
ဟိုင်ဒရာဘတ်ပြည်နယ်မှာတော့ မတည်ငြိမ်မှုတွေရှိနေဆဲပါ။
နိုင်ငံရဲ့တခြားနေရာတွေက လွတ်လပ်ရေးပွဲဆင်နွှဲနေကြပေမဲ့
ဗြိတိန်ဟိုင်ဒရာဘတ်ပြည်နယ်ကတော့
နီဇမ်တွေရဲ့ထိန်းချုပ်မှုအောက်ကျရောက်နေသလို
ဟင်ဒူတွေကလည်း ရာဇာကာတွေရဲ့ဖိနှိပ်မှုကိုခံနေကြရတဲ့အခါ
Credit....
ဇာတ်လမ်းအညွှန်း
23 Jan, 12:13
Snowman (2022)
မိမိတို့ငယ်ဘ၀မှာကြုံတွေ့ခဲ့ရတဲ့အရာတွေဟာ လူသားတစ်ယောက်ဘယ်လိုရှင်သန်ရပ်တည်မလဲဆိုတာကို ပုံသွင်းပေးနိုင်တယ်ဆိုတာကို ယုံပါသလား။
ငယ်စဉ်ကတည်းက ကိုယ့်ရှေ့မှာတင် အမေဖြစ်သူကိုရက်ရက်စက်စက်ရိုက်နှက် ၊ ကိုယ့်ကိုလည်း နေ့စဉ်နေ့တိုင်းအပြစ်လွတ်တယ်မရှိအောင် ဆူပူကျိန်းမောင်းတတ်တဲ့ဖခင်ဆိုးကိုရထားတဲ့ကလေးတစ်ယောက်ဆိုရင်ရော ပုံမှန်လူတစ်ယောက်လိုကြီးပြင်းလာနိုင်ပါမလား။
နှင်းတောကြီးထဲမှာ လူတွေတစ်ယောက်ပြီးတစ်ယောက်လိုက်သတ်နေတဲ့နှင်းလူသားလို့ခေါ်ကြတဲ့စိတ္တဇလူသတ်သမားတစ်ယောက်ရှိတယ်။
သူ့ကိုတစ်နေ့ကျ ကနေဒါရဲတွေကဖမ်းမိလိုက်တယ်။ ဒါပေမယ့် ထိုသူကရောနှင်းလူသားအစစ်ဟုတ်ပါရဲ့လား။
နှင်းလူသားဆီမှာအသတ်ခံလိုက်ရသူတစ်ယောက်ရဲ့ဇနီးဖြစ်သူကရော ပြစ်ဒဏ်ချမှတ်ချက်ကိုပေါ့လျော့ပေးတတ်တဲ့ကနေဒါနိုင်ငံဥပဒေကိုမမျှော်ကိုးတော့ပဲ ခင်ပွန်းဖြစ်သူအတွက်ဘယ်လိုလက်စားချေသွားမလဲ ဒါတွေကိုစောင့်ကြည့်သွားရမှာဖြစ်ပါတယ်။
အချိန်ပေးရတန်တဲ့ကားတစ်ကားဟုတ်သလားဆိုတာတော့ ပရိသတ်ကြီးကိုယ်တိုင်သာစောင့်ကြည့်လိုက်ပါ။
(အညွှန်းနဲ့ဘာသာပြန်ကတော့ Phu Thet Khin ဖြစ်ပါတယ်။)
credit..
ဇာတ်လမ်းအညွှန်း
23 Jan, 12:12
The Damned (2025)
ကမ္ဘာကြီးရဲ့ မြောက်ဝင်ရိုးစွန်းအနီးက စကင်န်ဒီနေးဗီးယန်းဒေသ
တစ်ဝိုက်ဟာ ရာသီဥတုပြင်းထန်လွန်းတဲ့ဒေသဖြစ်သလို
ဆောင်းတွင်းရောက်ပြီဆိုတာနဲ့ နေ့တာအရမ်းတိုတောင်းပြီး
နေကိုမမြင်ရလောက်တဲ့အထိ အေးခဲတဲ့အပြင် ပတ်ဝန်းကျင်ကြီး
တစ်ခုလုံးကလည်း အေးခဲလို့ပါပဲ။
ဒီလိုရေခဲပြင်အပြည့်နဲ့ အေးခဲနေတဲ့ရာသီဥတုကြီးထဲမှာ
ငါးဖမ်းထွက်နေကြသူတွေလည်းရှိနေပါတယ်။
မစ္စအီဗာ ဟာ ခင်ပွန်းဖြစ်သူ ဆုံးပြီးနောက်မှာ ငါးဖမ်းစခန်းကို
ဆက်လက်ဦးစီးပြီး လည်ပတ်နေသူတစ်ယောက်ပေါ့၊
ငါးဖမ်းထွက်ဖို့တာဝန်ကိုတော့ ပဲ့ထိန်းဖြစ်သူ မက်ဂနာ နဲ့
အဖွဲ့သားတွေက တာဝန်ယူပါတယ်။
တစ်ရက်မှာတော့ ငါးဖမ်းထွက်ဖို့ပြင်ဆင်နေရင်း မလှမ်းမကမ်းက
ရေခဲကျောက်ဆောင်တွေကြားမှာ သင်္ဘောတစ်စီးပျက်စီး
ဒုက္ခရောက်နေတာကိုတွေ့လိုက်ရပါတော့တယ်။
ဒီနစ်မြုပ်သွားတဲ့ သင်္ဘောကြီးရဲ့ ကံကြမ္မာဆိုးက မစ္စအီဗာတို့ရဲ့
တံငါသည်စခန်းလေးကို လာရိုက်ခတ်တဲ့အခါမှာတော့ ….
ဒီဇာတ်ကားလေးကတော့ ၂၀၂၄ ခုနှစ်ထွက် Thriller ဆန်ဆန်
ရုပ်ရှင်ဇာတ်ကားလေးပဲဖြစ်ပါတယ်။
စကင်န်ဒီနေးဗီးယန်း ဒေသက ခက်ခဲကြမ်းတမ်းတဲ့ ဘဝနေထိုင်မှု
ပုံစံတွေကို ကွက်ကွက်ကွင်းကွင်း ရိုက်ကူးထားပြီးတော့ အေးခဲ
ခက်ထန်တဲ့ဘဝတွေကြားထဲက နွေးထွေးမှုလေးကို လှစ်ဟပြီး
တင်ဆက်ပြသရင်း Thriller အရသာ စစ်စစ်ကို ကြည့်ရင်းတွေးရင်းနဲ့
ခံစားမိစေမဲ့ ဇာတ်ကားကောင်းလေးတစ်ကားဖြစ်ပါတယ်ခင်ဗျာ။
Credit...
ကမ္ဘာကြီးရဲ့ မြောက်ဝင်ရိုးစွန်းအနီးက စကင်န်ဒီနေးဗီးယန်းဒေသ
တစ်ဝိုက်ဟာ ရာသီဥတုပြင်းထန်လွန်းတဲ့ဒေသဖြစ်သလို
ဆောင်းတွင်းရောက်ပြီဆိုတာနဲ့ နေ့တာအရမ်းတိုတောင်းပြီး
နေကိုမမြင်ရလောက်တဲ့အထိ အေးခဲတဲ့အပြင် ပတ်ဝန်းကျင်ကြီး
တစ်ခုလုံးကလည်း အေးခဲလို့ပါပဲ။
ဒီလိုရေခဲပြင်အပြည့်နဲ့ အေးခဲနေတဲ့ရာသီဥတုကြီးထဲမှာ
ငါးဖမ်းထွက်နေကြသူတွေလည်းရှိနေပါတယ်။
မစ္စအီဗာ ဟာ ခင်ပွန်းဖြစ်သူ ဆုံးပြီးနောက်မှာ ငါးဖမ်းစခန်းကို
ဆက်လက်ဦးစီးပြီး လည်ပတ်နေသူတစ်ယောက်ပေါ့၊
ငါးဖမ်းထွက်ဖို့တာဝန်ကိုတော့ ပဲ့ထိန်းဖြစ်သူ မက်ဂနာ နဲ့
အဖွဲ့သားတွေက တာဝန်ယူပါတယ်။
တစ်ရက်မှာတော့ ငါးဖမ်းထွက်ဖို့ပြင်ဆင်နေရင်း မလှမ်းမကမ်းက
ရေခဲကျောက်ဆောင်တွေကြားမှာ သင်္ဘောတစ်စီးပျက်စီး
ဒုက္ခရောက်နေတာကိုတွေ့လိုက်ရပါတော့တယ်။
ဒီနစ်မြုပ်သွားတဲ့ သင်္ဘောကြီးရဲ့ ကံကြမ္မာဆိုးက မစ္စအီဗာတို့ရဲ့
တံငါသည်စခန်းလေးကို လာရိုက်ခတ်တဲ့အခါမှာတော့ ….
ဒီဇာတ်ကားလေးကတော့ ၂၀၂၄ ခုနှစ်ထွက် Thriller ဆန်ဆန်
ရုပ်ရှင်ဇာတ်ကားလေးပဲဖြစ်ပါတယ်။
စကင်န်ဒီနေးဗီးယန်း ဒေသက ခက်ခဲကြမ်းတမ်းတဲ့ ဘဝနေထိုင်မှု
ပုံစံတွေကို ကွက်ကွက်ကွင်းကွင်း ရိုက်ကူးထားပြီးတော့ အေးခဲ
ခက်ထန်တဲ့ဘဝတွေကြားထဲက နွေးထွေးမှုလေးကို လှစ်ဟပြီး
တင်ဆက်ပြသရင်း Thriller အရသာ စစ်စစ်ကို ကြည့်ရင်းတွေးရင်းနဲ့
ခံစားမိစေမဲ့ ဇာတ်ကားကောင်းလေးတစ်ကားဖြစ်ပါတယ်ခင်ဗျာ။
Credit...
ဇာတ်လမ်းအညွှန်း
22 Jan, 09:42
Ghosts of Amityville (2022)
ဇာတ်လမ်းအညွှန်း
မိတဆိုးလေးဖြစ်သွားရှာတဲ့ သမီးငယ်ကိုခေါ်ပြီး ဖခင်ဖြစ်သူဟာ လူသူမနီးတဲ့ မြို့စွန်တစ်နေရာကို စိတ်အပြောင်းအလဲဖြစ်စေဖို့အတွက် ထွက်လာခဲ့ပါတယ်။ သမီးငယ်ကို အဖော်ပြုပေးချင်ပေမဲ့ အလုပ်က အရေးတကြီးလှမ်းခေါ်တာကြောင့် သမီးငယ်ကိုထားခဲ့ပြီး အလုပ်ကိုပြန်သွားတဲ့အခါမှာ ကျန်ခဲ့တဲ့သမီးဖြစ်သူတစ်ယောက် ဘယ်လိုအရာတွေနဲ့ ရင်ဆိုင်တွေ့မလဲဆိုတာကတော့...
Credit..
ဇာတ်လမ်းအညွှန်း
22 Jan, 09:42
Circle of Deception (2021)
====================
ဇာတ်ကြောင်းလေးမပြောခင်မှာ ဒီဇာတ်လမ်းရဲ့မူလဝတ္ထုကိုရေးတဲ့ Ann Rule အကြောင်းကိုအရင်ရှင်းပြမှဖြစ်ပါမယ်။
Ann Rule ဆိုတာက တစ်ကယ်ဖြစ်ပျက်ခဲ့တဲ့မှုခင်းတွေအကြောင်းကို ဝတ္ထုရေးတဲ့ မှုခင်းဝတ္ထုစာရေးဆရာမကြီးတစ်ဦးပါ။
သူရေးခဲ့တဲ့ ” Stranger beside me” ဝတ္ထုဆိုရင် ၁၉၇၀ကာလကအမေရိကန်မှာနာမည်ကြီးခဲ့တဲ့ကွင်းဆက်လူသတ်သမား
Ted Bundy နဲ့ သူကြုံတွေ့ခဲ့ရတဲ့အကြောင်းကိုရေးဖွဲ့ခဲ့ထားပြီး ၁၉၈၆, ၁၉၈၉ , ၂၀၀၀, ၂၀၀၈ခုနှစ်တွေထပ်မံပဲနှိပ်ထုတ်ဝေ
ခဲ့ရတဲ့အထိ အောင်မြင်မှုရခဲ့ပါတယ်။
အခုဇာတ်ကားလေးကလည်း ၂၀၁၃ခုနှစ်မှာထုတ်ဝေခဲ့တဲ့ “Practice to Deceive”ဝတ္ထုကိုမှီငြမ်းရိုက်ကူးထားတာပါ။
အိမ်ထောင်ရေးမှာမပျော်ရွှင်ဖြစ်နေပြီး ယောကျ်ားဖြစ်သူကိုသဘောမကျတော့တဲ့ Branny Douglas တစ်ယောက်
သူ့သူငယ်ချင်း Peggy Sue Thomasကိုကြည့်ပြီးအားကျနေတာပေါ့။ Peggyဆိုတာက အလှမယ်ဟောင်းဖြစ်သလို
ယုံကြည်မှုအပြည့်ရှိပြီးလွတ်လပ်တဲ့လူ။ ပြီးတော့ ချမ်းသာတဲ့သူ့ချစ်သူ Jim Hudleရဲ့ ဂရုစိုက်မှုကိုခံနေရတော့ Branny
တစ်ယောက်အားကျပြီး ကိုယ့်ရဲ့အိမ်ထောင်ရေးကိုကိုယ်တိုင်ဖြိုခွဲပစ်လိုက်ပါလေရော။ ဒါပေမယ့် Branny မသိလိုက်တာက
Peggy ရဲ့ တစ်ဖက်ခြမ်းမှာဖုံးကွယ်ထားတဲ့အရာတွေ။ ဒီလိုနဲ့ အိမ်ထောင်ကွဲပြီးဘဝပျက်နေတဲ့ Branny နဲ့ Peggy က ဘယ်လို
ဇာတ်လမ်းတွေပတ်သက်လာမှာလဲ ဘာတွေဆက်ဖြစ်လာမှာလဲဆိုတာကိုတော့ စောင့်ကြည့်ရမှာပါ။
ဇာတ်လမ်းလေးက တစ်ကယ့်ဖြစ်ရပ်ကိုမှီငြမ်းရိုက်ထားတာဖြစ်တဲ့အပြင် plot လေးနဲ့ဆိုတော့ မှုခင်းဇာတ်လမ်းလေးပီသတဲ့
ကားလေးလို့ဆိုရတော့မှာပါ။
(ဒီဇာတ်လမ်းရဲ့ အညွှန်းကို Chit Tee မှရေးသားပေးပြီး၊ ဘာသာပြန်ရေးသားပေးသူများကတော့ Chit Tee, Chuck Chuck တို့ပဲဖြစ်ပါတယ်။)
Credit..
ဇာတ်လမ်းအညွှန်း
22 Jan, 09:41
White Night (2009)
“ငါ စာအုပ်ထဲမှာ ဖတ်ဖူးတယ်။ ဘယ်အပြစ်မဆို (၁၅)နှစ်ကြာရင် အပြစ်ကြေတယ်တဲ့။
ငါတို့ နောက်(၁၅)နှစ်ကြာမှ ပြန်တွေ့ကြရအောင်”
– ဒီစကားကို လီဂျီအာက ကင်ယိုဟန်ကို ပြောခဲ့တာပါ။
သူတို့ နှစ်ယောက်ရဲ့ ကလေးဘဝက ကြမ်းတမ်းခဲ့ပါတယ်။
ကင်ယိုဟန်ရဲ့ အဖေဖြစ်သူ တစ်ညမှာ အသတ်ခံခဲ့ရပြီး လီဂျီအာရဲ့ အမေဖြစ်သူက လူသတ်မှုအတွက် အဓိက သံသယရှိသူ ဖြစ်လာပါတယ်။
တစ်ဖက်မှာလည်း ကင်ယိုဟန်ရဲ့ အမေက ခင်ပွန်းဖြစ်သူ အသတ်ခံရပြီးချိန်မှာပဲ အလုပ်သမား ကန်ဂျယ်ဒိုနဲ့ ဖောက်ပြန်ခဲ့ပါတယ်။
သပွတ်အူလို ရှုပ်ထွေးနေတဲ့ ဆက်ဆံရေးတွေကြားက လူသတ်မှုကို စုံစမ်းရသူကတော့ စုံထောက်ဟန်ဒုန်ဆူပါ။
စုံစမ်းနေရင်း တန်းလန်းမှာပဲ သံသယရှိသူ လီဂျီအာရဲ့ အမေဟာ ကိုယ့်ကိုယ်ကို အဆုံးစီရင်သွားပါတော့တယ်။
“ဘဝမှာ အချိန်အခါ ဆိုတာရှိတယ်။ ကိုယ်လုပ်ချင်တဲ့ အရာတွေကို လုပ်လို့ရတဲ့ တစ်ခုတည်းသော အချိန်အခါ”
ဒီစကားကို ပြောခဲ့တဲ့ စုံထောက်ဟန်ဟာ သံသယရှိသူ သတ်သေသွားလို့ အမှုပိတ်ကာမှ
အမှုအတွက် မသင်္ကာစရာတွေကို ရှာတွေ့လာတဲ့အတွက် အမှုကို သဲကြီးမဲကြီးလိုက်ရင်း ဆုံးရှုံးမှု ကြီးကြီးမားမားကြုံလိုက်ရပါတယ်။
သူ ဘယ်လိုပဲ ကြိုးစားကြိုးစား အဖြေကိုရှာမရခဲ့တဲ့ အမှုဟာ ပဟေဠိဆန်ဆန်ကျန်နေခဲ့ပါတယ်။
ဒီလိုနဲ့ (၁၄)နှစ်ကြာတဲ့အခါမှာ ကင်ယိုဟန်ရဲ့ အမေနဲ့ ဖောက်ပြန်ခဲ့တဲ့ လူသတ်မှုနဲ့ ဆက်နွယ်နေသူ ကန်ဂျယ်ဒို သေဆုံးခဲ့ရာကနေ
လွန်ခဲ့တဲ့(၁၄)နှစ်က အမှုဟာ တစ်ပတ်ပြန်လည်လာခဲ့ပါတယ်။
ဒီအမှုကို လက်လျှော့ထားခဲ့တဲ့ စုံထောက်ဟန်တစ်ယောက် ဒီတစ်ကြိမ်မှာရော အမှုကို ဖြေရှင်းနိုင်မလား၊ တရားခံကိုရော ဖမ်းနိုင်မလား၊
(၁၅)နှစ်ပြည့်တဲ့အခါ ပြန်ဆုံကြဖို့ ကတိထားခဲ့တဲ့ လီဂျီအာနဲ့ ကင်ယိုဟန်တို့ရော ကတိအတိုင်း ပြန်ဆုံနိုင်ကြပါ့မလား၊
ဒီမေးခွန်းကိုတော့ ဒီကားလေးမှာ ကြည့်ရှုရင်း အဖြေရှာနိုင်ပါတယ်။
တောင်ကိုရီးယားနိုင်ငံရဲ့ ထိပ်တန်း မင်းသမီးတွေဖြစ်တဲ့ မမ Son Ye Jin၊ Lee Min-jung၊
မင်းသားကြီးတွေ ဖြစ်တဲ့ Han Suk-kyu နဲ့ Go Soo တို့ ပါဝင်ထားတာ ဖြစ်ပါတယ်။
Nude scene တွေ ပါဝင်တဲ့အတွက် R-19+ အဖြစ် သတ်မှတ်ခံထားရတဲ့ ကားလည်း ဖြစ်ပါတယ်။
IMDB rating – 6.5/10 ရရှိထားပြီး
Blue Dragon Award နဲ့ အကောင်းဆုံး အမျိုးသမီး မျက်နှာသစ် သရုပ်ဆောင်ဆုတို့ကို ရရှိထားတဲ့ ကားကောင်းလေးပဲ ဖြစ်ပါတယ်။
အညွှန်း နဲ့ ဘာသာပြန်ကတော့ Milo ပဲ ဖြစ်ပါတယ်။
Genre….. Mystery, Romance, Thriller
Credit..
ဇာတ်လမ်းအညွှန်း
22 Jan, 09:40
Future Date (2024)
IMDb Rating (6.7)
လက်ရှိခေတ်ကာလကို နှစ်ပေါင်းများစွာကျော်လွန်သွားတဲ့အခါမှာ ကမ္ဘာကြီးဟာ မပျက်စီးရုံတမယ် ကပ်ဘေးဆိုက်ခဲ့ပါတယ်။
ပြင်းထန်တဲ့ရာသီဥတုနဲ့ ကပ်ဘေးမျိုးစုံဆိုက်ခဲ့တဲ့ကမ္ဘာကြီးရဲ့ မျက်နှာပြင်ပေါ်မှာ လူတွေဟာမနေနိုင်တော့ဘဲ မြေအောက်မှာ ထောင်အလား အခန်းငယ်နဲ့ ကိုယ်စီနေကြရပါတယ်။
တစ်ချိန်ထဲမှာ ရိုင်းနဲ့ ရီယာဆိုသူဟာ အချင်းချင်း ကိုယ်စီစိတ်ဒုက္ခဖြစ်နေကြတဲ့ လူငယ်လေးတွေပါ။
အလုပ်အဆင်ပြေပေမယ့် သောကပြည့်နေတဲ့ ရီယာ၊ ဂေါ်မစွံတဲ့ ရိုင်းတို့ဟာ အွန်လိုင်းဒိတ်လုပ်တဲ့ အက်ပ်တစ်ခုရဲ့ ပြိုင်ပွဲမှာ ပြိုင်ပွဲဝင်တွေအဖြစ်ရွေးချယ်ခံလိုက်ရပါတယ်။
ဒီလိုနဲ့ ရိုင်းနဲ့ ရီယာတို့ ပြိုင်ပွဲမှာအနိုင်ရသွားပြီး ပြိုင်ပွဲရဲ့မထင်မှတ်ထားတဲ့ဆုကို ရသွားကြမလား ဒါမှမဟုတ် toxic relationship နဲ့ပဲ ဘဝကို ခါးခါးကြီးဖြတ်သန်းရမလားဆိုတာ
ဒီဇာတ်ကားထဲမှာ ရင်ခုန်စိတ်လှုပ်ရှားစွာ ဒရာမာဆန်ဆန် မျှော်လင့်စောင့်စားရမှာပဲဖြစ်ပါတယ်။
(အညွှန်းနဲ့ဘာသာပြန်ကတော့ Mark ဖြစ်ပါတယ်။)
Credit..
ဇာတ်လမ်းအညွှန်း
22 Jan, 09:39
Utopia (2024)
မက်သရူးက အမေရိကန် အထူးတပ်ဖွဲ့ဝင်တစ်ယောက်ဖြစ်ပြီး
အမြဲတမ်းလိုလို စစ်ဆင်ရေး ထွက်နေရသူတစ်ယောက်ပါ။
တစ်နေ့မှာတော့ သူ စစ်ဆင်ရေးထွက်နေတဲ့အချိန်မှာ ဇနီးဖြစ်သူကို
ယူတိုးပီးယား ဆိုတဲ့ အဖွဲ့အစည်းကနေ ဖမ်းခေါ်သွားပါတော့တယ်။
ယူတိုးပီးယားအဖွဲ့ဟာ ကမ္ဘာအနှံ့က အမျိုးသမီး ချောချော
လှလှလေးတွေကို စုဆောင်းပြီး ဥာဏ်ရည်တုနည်းပညာသုံးပြီး
ဇီဝရုပ်ကို ပြုပြင်ပြီးတော့ အထက်တန်းလွှာတွေကို လိင်ပိုင်းဆိုင်ရာ
ဖျော်ဖြေပေးတဲ့ လုပ်ငန်းမှာ ပြန်အသုံးချနေတာဖြစ်ပါတယ်။
မက်သရူးရဲ့ မိန်းမဖြစ်သူ အလက်စစ်နဲ့ တခြားမိန်းကလေးပေါင်း
များစွာကိုလည်း ဖမ်းခေါ်ထားပြီးတော့ မှတ်ဥာဏ်တွေဖျောက်ပစ်ပြီး
သူတို့လုပ်ငန်းထဲမှာ ပြန်အသုံးချနေတာပါ။
ဒီလိုနဲ့ပဲ မိန်းမဖြစ်သူ ပျောက်သွားတဲ့အခါ မက်သရူးတစ်ယောက်
မစ္စတာဝိုက် အနေနဲ့ ရင်းနှီးမြှုပ်နှံသူအဖြစ် ဟန်ဆောင်ပြီး ယူတိုးပီးယားကို
လာခဲ့ပါတော့တယ်။ မစ္စတာ ဝိုက်တဖြစ်လည်း မက်သရူးတစ်ယောက်
သူ့မိန်းမကို ကယ်ထုတ်သွားနိုင်မလား၊ ယူတိုးပီးယား ဆိုတဲ့ အဖွဲ့
အစည်းကြီးနဲ့ သူတို့ရည်ရွယ်ချက်ကရော ဘာလဲဆိုတာကို
အက်ရှင်ခန်းတွေအပြည့်နဲ့ ရှုစားရမှာဖြစ်ပြီး အမျိုးသမီး
ချောချောလေးတွေရဲ့ လိင်ပိုင်းဆိုင်ရာပြကွက်တွေ အများအပြား
ပါဝင်တာကြောင့် မိသားစုနဲ့အတူ ကြည့်ရှုဖို့တော့ မသင့်တော်ကြောင်းပါခင်ဗျာ။
Credit..
ဇာတ်လမ်းအညွှန်း
22 Jan, 09:38
You Shall Not Sleep Tonight (2024)
ဇာတ်ကားရဲ့ နာမည်အတိုင်းပဲ ကြည့်ပြီးရင် ညဘက်အိပ်ဖို့တောင်
စိတ်ဂယောင်ခြောက်ခြားဖြစ်စေနိုင်တဲ့ 2024 ခုနှစ်ထွက် Horror
အမျိုးအစား ဇာတ်လမ်းလေးပါ။
ဒီဇာတ်လမ်းလေးမှာတော့ ဗီရိုထဲမှာ မကောင်းဆိုးဝါးတစ်ကောင်
ရှိနေတယ်လို့ အိပ်မက်မက်တတ်တဲ့ သားလေးကို အဖေဖြစ်သူက
ပုံတိုပတ်စလေးတွေပြောပြပြီး ကြောက်စိတ်ကို ရင်ဆိုင်ရဲအောင်
ကူညီပေးပုံနဲ့ အစပြုထားပါတယ်။
တခြား Horror ဇာတ်ကားတွေနဲ့ မတူညီတဲ့အချက်က ဒီ ၁နာရီ
ဝန်းကျင်ပဲကြာတဲ့ ဇာတ်ကားထဲမှာ မတူညီတဲ့ Horror
ဇာတ်လမ်းလေးတွေကို ညှပ်ထည့်ပြီး ရိုက်ကူးထားတာပါ။
ဇာတ်လမ်း ဇာတ်ကွက်အရလည်း ပြေပြေပြစ်ပြစ်ရှိပြီးတော့
စကားများများမပြောဘဲ တစိမ့်စိမ့်တွေးရင်း အသက်ဝင်လှတဲ့
သဲထိတ်ရင်ဖို ဇာတ်ဝင်ခန်းတွေကို ရှုစားကြရမှာပါ။
Credit..
ဇာတ်လမ်းအညွှန်း
21 Jan, 12:21
The Hurricane Heist (2018)
အခု ပရိတ်သတ်ကြီးအတွက် The Hurricane Heist ဆိုတဲ့ကားလေးကို မိတ်ဆက်ပေးချင်ပါတယ်
ဝေနဲ့ ဘရိဇ်တို့ ညီအစ်ကိုနှစ်ယောက်က မုန်တိုင်းခဏခဏဝင်လေ့ရှိတဲ့ မြို့လေးမှာ ဖခင်ဖြစ်သူနဲ့နေထိုင်ကြပါတယ်
တစ်နေ့မှာ မုန်တိုင်းတစ်ခုကြောင့် ဖခင်ဖြစ်သူကို ဆုံးရှုံးလိုက်ရပါတယ်
နောက် နှစ်ဆယ့်ငါးနှစ်အကြာမှာတော့ အစ်ကိုဖြစ်သူဘရိဇ်က မြို့လေးမှာပဲ အဟောင်းပြင်ဆိုင်လေးတစ်ဆိုင် ဖွင့်ထားပြီးညီဖြစ်သူဝေလ်ကတော့ မုန်တိုင်းတွေကို ကြောက်တဲ့ မိုးလေဝသပညာရှင်ဖြစ်လာခဲ့ပါတယ်
ကေဆီကော်ဗင်လို့အမည်ရတဲ့ မိန်းကလေးကတော့ငွေအဟောင်းတွေကို ဖျက်ဆီးဖို့ သယ်လာပေးရတဲ့ အရာရှိပါ
တစ်နေ့မှာ တန်မီလို့အမည်ပေးထားတဲ့ မုန်တိုင်းက ဒီမြို့လေးကိုထပ်ဖြတ်ဖို့ အကြောင်းဖန်လာပါတယ်
အဲ့ဒီအချိန်မှာပဲ ဒီမုန်တိုင်းကို အသုံးချပြီးနိုင်ငံတော်ဘဏ္ဌာတိုက်ကို ဖောက်ဖို့ကြိုးစားနေတဲ့သူတွေလည်း ရှိနေပြန်ပါတယ်
အဲ့ဒီအရှုပ်တွေကြား ဘရိဇ်တစ်ယောက်ပါသွားတဲ့အခါ…
ကေဆီနဲ့ ဝေလ်တို့ နှစ်ယောက်ပေါင်းပြီး မုန်တိုင်းကြားက ဘရိဇ်နဲ့ ကျန်တဲ့ ဓါးစာခံတွေကိုကယ်ထုတ်နိုင်မှာလား
ဒါမှမဟုတ် လူဆိုးတွေကပဲ ပိုက်ဆံတွေနဲ့ လွတ်သွားမလား
လောဘဇောတက်လာတဲ့အခါ ကိုယ့်အရင်းနှီးဆုံးမိတ်ဆွေတောင် စိတ်ပြောင်းသွားနိုင်ကြောင်း…
အစ်ကိုဖြစ်သူအသက်အန္တရာယ်နဲ့ကြုံတွေ့လာရတဲ့အခါ မိမိရဲ့အကြောက်တရားကို ကျော်လွှားဖို့ ကြိုးစားခဲ့တဲ့ ညီဖြစ်သူရဲ့ မေတ္တာတရား စတာတွေကို မြင်တွေ့ခံစားရမှာပါ
ဒီဇာတ်ကားကို The Mummy 3 နဲ့ Dragon Heart ကိုရိုက်ကူးခဲ့တဲ့ Rob Cohen ကရိုက်ကူးထားတာဖြစ်ပါတယ်
(ဇာတ်လမ်းအညွှန်းနဲ့ဘာသာပြန်သူကတော့ မမမေမြတ်သူပါ)
Credit..
ဇာတ်လမ်းအညွှန်း
21 Jan, 12:21
Barefoot (2014)
IMDb Rating (6.5)
ဒီဇာတ်ကားလေးကတော့ Comedy နဲ့ Dramaကိုရောစပ်တဲ့နေရာမှာလူသိများတဲ့ ဒါရိုက်တာ Andrew Fleming ရိုက်ကူးထားတာဖြစ်ပြီး
Evan Rachel Wood နဲ့ Scott Speedman တို့က အတွဲညီညီ သဘာဝကျကျသရုပ်ဆောင်ထားကြပါတယ်
Romance နဲ့ comedy ကိုအချိုးကျကျလေး ချစ်စရာကောင်းအောင် ပေါင်းစပ်ထားတဲ့
ခေတ်သစ်နတ်သမီးပုံပြင်လေးတစ်ခုလို့ပြောရင်လည်း ပုံကြီးချဲ့ရာမကျဘူးလို့ ရဲရဲကြီး အာမခံပါတယ်
ဇာတ်လမ်းကတော့
လူကုံထံမိသားစုကလာတဲ့ ခပ်ဆိုးဆိုးဂျေးနဲ့တစ်သက်လုံးနီးပါးအိမ်ထဲမှာအပိတ်ခံထားရပြီး
လောကကြီးအကြောင်းဘာမှနားမလည်တဲ့ ချစ်စရာဒေစီလေးရဲ့ စင်ဒရဲလားဆန်ဆန် အချစ်ဇာတ်လမ်းလေးတစ်ပုဒ်ဖြစ်ပါတယ်
Japanese anime waifu တွေ Korea မင်းသမီးလှလှလေးတွေထက်ပိုပြီး ချစ်စရာမကောင်းရင်တောင်
သူတို့ထက်လျော့စရာအကြောင်းမရှိဘူးလို့ပြောရလောက်အောင် မင်းသမီးလေးရဲ့ cuteness overload ဖြစ်နေမှုက
အမေရိကန်ဇာတ်ကားတစ်ကားအနေနဲ့ တကယ်အံ့အားသင့်စရာကောင်းလောက်အောင်ပါပဲ
ကြည့်ရတာ ပေါ့ပေါ့ပါးပါးလေးဆိုပေမယ့် တကယ့်ကို Emotional ဖြစ်စရာ Dialogue တွေကြောင့်
ရည်းစားဟောင်းကို ပြန်လွမ်းမိတဲ့အထိ ဟက်ထိသွားနိုင်ပြီး
ရည်းစားမရှိတဲ့လူတွေလည်း နွားပွဲစားရှေ့ရောက်သလို တစ်ချိန်လုံးသွားကြီးဖြီးပြီးကြည့်ရင်ကြည့်
မဟုတ်ရင် စောင်ကိုက်ပြီးကြည့်ရမယ့် ဇာတ်ကားကောင်းလေးတစ်ခုဆိုတာအာမခံပါတယ်။
(ရုပ်ရှင်အညွှန်းနဲ့ဘာသာပြန်ကို Nice Guy မှ တင်ဆက်ထားပါတယ်။)
Credit..
ဇာတ်လမ်းအညွှန်း
21 Jan, 12:20
The Contender (2000)
IMDb Rating (6.9) / Rotten Tomatoes (77%)
ဒီကားလေးက နိုင်ငံရေးသမားတွေရဲ့ ညစ်ကွက် လှည့်ကွက် ၊ ကြုံတွေ့ရတဲ့ သုခဒုက္ခတွေအပြင်၊ ပါတီစွဲ၊ ဖိုဝါဒီကြီးစိုးမှုတွေကို ဇာတ်အိမ်ကောင်းကောင်းနဲ့တည်ဆောက်ထားတာဖြစ်ပါတယ်။
အော်စကာဆုအတွက်လည်း ဆုနှစ်ခုဆန်ခါတင်ခဲ့ပြီး တခြားဆုတွေလည်းရခဲ့ပါတယ်။
အမေရိကန်ရဲ့ဒုသမ္မတသေဆုံးပြီးတဲ့နောက်မှာ ဒုသမ္မသစ်ရွေးချယ်ဖို့ ဆီးနိတ်အမတ်လိန်းဟန်ဆန်ကို သမ္မတကနေ အဆိုပြုလိုက်ပါတယ်။
ထုံးစံအရ အက်ဖီအိုင်ကနေ နောက်ကြောင်းစစ်ဆေးရေးပြုလုပ်ရမှာဖြစ်ပြီး “House”လို့ခေါ်တဲ့ အောက်လွှတ်တော်က ကော်မတီကျင်းပပြီး အတည်ပြုပေးရမှာဖြစ်ပါတယ်။
ဒါပေမဲ့ လိန်းက မိန်းမတစ်ယောက်ဖြစ်နေတဲ့အတွက် ကော်မတီသဘာပတိရိုင်ရန်ကစဦးဆောင်ပြီး လျှို့ဝှက်စုံစမ်းမှုတွေပြုလုပ်ပြီး လိန်းကိုဝိုင်းတိုက်ခိုက်ကြပါတယ်။
စုံစမ်းမှုကနေ လိန်းကောလိပ်ကျောင်းသူဘ၀မှာ လိင်ကိစ္စကြမ်းရမ်းခဲ့တဲ့ပုံတွေပါ ပေါ်ပေါက်လာတဲ့အခါ လိန်းတစ်ယောက် ကော်မတီမှာ ဘယ်လိုခုခံမလဲ စိတ်၀င်တစားကြည့်ရှုရမှာပါ။
(အညွှန်းနဲ့ဘာသာပြန်ကတော့ Soe Thiri swe ဖြစ်ပါတယ်။)
Credit..
ဇာတ်လမ်းအညွှန်း
21 Jan, 12:18
Explosive Chase ( 2024 )
ရိုးသားကြိုးစားတဲ့တက္ကစီသမားလေးရှန့်ရှဟာ သူ့ရဲ့လူပွေလူရှုပ်သူငယ်ချင်းရဲ့
အရှုပ်ထုပ်တွေကို ခဏခဏလိုက်ရှင်းရပါတယ်။ တစ်နေ့မှာ
သူဌေးသမီးပန်းချီဆရာမလေးရာလိ နဲ့ဆုံတွေ့ပြီး
သူ့ကိုမကောင်းတဲ့ယောင်္ကျားလို့အထင်ခံလိုက်ရတယ်။
ဒီလိုနဲ့သူတို့မှာပန်းရောင်လွှမ်းတဲ့ရန်ငြှိုးလေးတွေရှိသွားကြတယ်။
အဲဒီအချိန်မှာပဲ ရှန့်ရှဟာ သူငယ်ချင်းရဲ့ပြဿနာကိုလိုက်ဖြေရှင်းပေးရင်
ကုမ္ပဏီကြီးတစ်ခုရဲ့စိန်ပျောက်မှုထဲမှာ ရောပါသွားခဲ့တယ်။
အစ်ကိုခွင်းဆိုတဲ့သူနဲ့ ဘယ်ကပေါ်လာမှန်းမသိတဲ့ လူမိုက်တွေရဲ့လိုက်သတ်တာကိုခံရတယ်။
အပြစ်မရှိတဲ့ရှန့်ရှမှာတော့ ဘာကြောင့်သူလိုက်သတ်ခံနေရတာလဲဆိုတာကို မသိပါဘူး။
မင်းသားရဲ့အူကြောင်ကြောင်ရုပ်နဲ့ ကပျက်ကချော်လုပ်ရပ်တွေနဲ့
အတော်လေးကိုရယ်ရတဲ့ အက်ရှင်ဟာသကားလေးဖြစ်ပါတယ်။
Credit..
ဇာတ်လမ်းအညွှန်း
21 Jan, 12:18
American Meltdown (2024)
အိုလီဗီယာဆိုတဲ့ အမျိုးသမီးလေးက အိမ်တွင်းအပြင်အဆင်
ဒီဇိုင်နာအဖြစ်နဲ့ ဘဝကို ရိုးရှင်းစွာဖြတ်သန်းနေသူဖြစ်ပါတယ်။
တစ်ရက်မှာတော့ သူ အလုပ်လုပ်နတဲ့ ကုမ္ပဏီရဲ့ ပေါ်လစီ အရ
သုံးလ လောက် အလုပ်နားရဖို့ဖြစ်လာတဲ့အခါမှာ အိမ်ငှားရမ်းခတွေ
ပေးဖို့အတွက် အခက်အခဲဖြစ်လာပါတော့တယ်။
တစ်ပူပေါ်နှစ်ပူဆင့် ဆိုသလို သူ့အိမ်ကလည်း ဖောက်ထွင်း
ခံလိုက်ရတာမို့ အိုလီဗီယာတစ်ယောက် ခေါင်းဆင်နင်းခံနေရပါပြီ။
အဲဒီအချိန်မှာပဲ မာရီ ဆိုတဲ့ ဗင်ကားတစ်စီးနဲ့ နိုင်ငံအနှံ့ပတ်နေတဲ့
ခါးပိုက်နှိုက်မလေး တစ်ယောက်နဲ့ ဆုံမိပါတော့တယ်။
ဒီဇာတ်ကားလေးမှာတော့ နိုင်ငံကြီးတွေက ကော်ပိုရိတ်ကြီးတွေရဲ့
စီးပွားရေးအမြတ်ထုတ်မှုတွေ၊ သာမန်လူတန်းစားတွေ ကြုံတွေ့
ကြရတဲ့ ခက်ခဲမှုတွေကို မီးမောင်းထိုးတင်ဆက်ထားပြီးတော့
အိုလီဗီယာတို့ ဒီအခက်အခဲတွေကို ဘယ်လိုဖြေရှင်းမလဲဆိုတာ
စိတ်ဝင်တစားကြည့်ရှုကြရမှာပါ။
Credit..
ဇာတ်လမ်းအညွှန်း
21 Jan, 12:17
Welcome Week: A College Horror Anthology (2024)
ဒီတစ်ခါမှာတော့ CM ပရိသတ်တွေအတွက်
psycho horror လူသတ်ကားတစ်ကားကို ယူဆောင်လာပါတယ်။
Director တွေအဖြစ် Blake Douglas, Ethan Gomez-Zahnley နဲ့
Lenny Ibarra တို့က ရိုက်ကူးပေးထားပြီးတော့ Jack Mayer,
Logan Weisberg, Rachel Sullivan တို့က ပါဝင်သရုပ်ဆောင်
ပေးထားပါတယ်။
ဇာတ်လမ်းအကျဉ်းကို ပြောပြရရင် တက္ကသိုလ်တစ်ခုကို
အသစ်ပြောင်းလာကြတဲ့ Andrew နဲ့ Josh တို့ရဲ့ ပထမဆုံးအပတ်မှာတင်
ကျောင်းဝင်းထဲမှာ လူသတ်မှုဖြစ်သွားပါတယ်။ သူတို့နှစ်ယောက်ဟာ
အခန်းဖော်တွေဖြစ်ကြပြီးတော့ သူတို့ရဲ့သူငယ်ချင်းတစ်ယောက်ကို
လူသတ်သမားက ပြန်ပေးဆွဲသွားခဲ့ပါတယ်။
အဲဒီလိုနဲ့ အဲဒီသူငယ်ချင်းကိုပြန်ကယ်ဖို့ သူတို့အတူတူကြိုးစားကြရင်း
Andrew ရဲ့ ကျိန်စာဆန်ဆန် မိသားစုနောက်ကြောင်းတွေကို Josh ကို
ပြောပြပါတယ်။ သူတို့ရဲ့သူငယ်ချင်းကို လူသတ်သမားလက်ထဲကနေ
ပြန်ကယ်နိုင်ခဲ့ရဲ့လား Andrew ရဲ့ မိသားစုကျိန်စာကရော ဘာလဲ
ဆိုတာတွေကို ဒီဇာတ်ကားထဲမှာ သည်းထိတ်ရင်ဖို ကြည့်ရှု
ကြရမှာဖြစ်ပါတယ်။ Story က စိတ်ဝင်စားဖို့ကောင်းပြီးတော့
Horror vibe ကို ပေးစွမ်းနိုင်တဲ့ ဇာတ်ကားကောင်းတစ်ကားဖြစ်ပါတယ်။
Credit..
ဇာတ်လမ်းအညွှန်း
20 Jan, 11:43
Don Q (2024)
၂၀၂၄ ခုနှစ်ထွက် Don Q ဇာတ်ကားဟာ အမေရိကန်နိုင်ငံက
အီတလီရပ်ကွက်တစ်ခုမှာ နေထိုင်တဲ့ Don Q ဆိုတဲ့
အီတလီလူမျိုးတစ်ယောက်အကြောင်း ရိုက်ကူးထားတာ
ဖြစ်ပါတယ်။
သူက သူ့ဘာသာသူ မာဖီးယားခေါင်းဆောင်တစ်ယောက်လို့
ထင်နေပြီ သူနေထိုင်တဲ့ အီတလီရပ်ကွက်လေးကို စောင့်ရှောက်ဖို့
ကြိုးစားနေသူတစ်ယောက်ပါ။
တစ်နေ့တော့ သူ့ရပ်ကွက်ထဲကို ထောင် နှစ် ၂၀ကျပြီး ပြန်ရောက်လာတဲ့
တကယ့်မာဖီးယားခေါင်းဆောင် ရောက်လာတဲ့အခါမှာ ဘယ်လိုတွေ
ဖြစ်ပြီး ဘယ်လိုဖြေရှင်းကြမလဲ အဆုံးသတ်က ဘယ်လိုဖြစ်မလဲ
ဆိုတာ စိတ်ဝင်စားဖွယ် ကြည့်ရမဲ့ Crime, comedy, drama
ဇာတ်ကားလေးဖြစ်ပါတယ်။
Credit..
ဇာတ်လမ်းအညွှန်း
20 Jan, 11:42
The Red Virgin (2024)
IMDB: 6.7/10
ဒီတစ်ခါမှာတော့ သမိုင်းထဲမှာတကယ်ရှိခဲ့ပြီး အသက် ၁၈နှစ်
အရွယ်မှာတင် ဘဝဇာတ်သိမ်းခဲ့ရတဲ့ လူငယ်ပါရမီရှင်
စပိန်သူလေး Hildegart Rodríguez Carballeira အကြောင်း
ရုပ်ရှင်ကိုတင်ဆက်ပေးလိုက်ချင်ပါတယ်။
ဒီ Hildegart ဆိုတဲ့ကောင်မလေးရဲ့ဘဝဟာ မွေးဖွားလာကတည်းက
တော်တော် စိတ်ဝင်စားစရာကောင်းတာပါ။
ဘာလို့စိတ်ဝင်စားစရာကောင်းသလဲဆိုရင် Hildegart ရဲ့
အမေဖြစ်သူ Aurora ကြောင့်ပါပဲ။ Aurora က အများသူငှာလို
အိမ်ထောင်ပြု-ယောက်ျားယူ-ကလေးမွေး ဒီလိုနည်းလမ်းမျိုးနဲ့
Hildegartကို မွေးဖွားခဲ့တာမဟုတ်ပါဘူး။
Aurora ဟာ ပိုမိုတိုးတက်တဲ့ လောကကြီးကို သူ့ရင်သွေးကနေ
စတင်ပြီးတည်ဆောက်မယ်ဆိုတဲ့ ရည်မှန်းချက်နဲ့ Hildegart ကို
ပရောဂျက်တစ်ခုလိုမျိုး တိတိကျကျစီစဥ်ပြီးမွေးဖွားခဲ့တာပါ။
(ဒါကို eugenic အယူဝါဒလို့ခေါ်ပါတယ်။) Aurora ဟာ သူ့သမီးကို
သာမန်ထက်ထူးအောင် ထက်အောင် မွေးကတည်းက တိတိကျကျ
ကြပ်မတ်လေ့ကျင်သင်ကြားပေးလေတော့ Hildegart ဟာ အသက်
၁၆နဲ့တင် ရှေ့နေဘွဲ့ရပြီး သတင်းစာတွေထဲမှာ လိင်မှုရေးရာနဲ့ဆိုင်တဲ့
ဆောင်းပါးတွေရေးသားလို့နေပါပြီ။
ဒီလိုနဲ့ ဗိုင်းကောင်းကျောက်ဖိ Hildegartဟာ မိခင်ရဲ့အုပ်ထိန်းမှု
အောက်ကနေတစ်ဆင့် စပိန်ဆိုရှယ်လစ်ပါတီဝင် တစ်ဦးဖြစ်လာခဲ့ပြီး
နိုင်ငံရေးလှုပ်ရှားသူတစ်ဦးပါဖြစ်လာခဲ့ပါတယ်။
အဘက်ဘက်ကနေ လိုလေသေးမရှိအောင် ပြီးပြည့်စုံထက်မြက်
နေပေမဲ့ ကံမကောင်းအကြောင်းမလှတဲ့ Hildegartဟာ အသက် ၁၈နဲ့
တင်သေဆုံးခဲ့ရတာပါ။
ရုပ်ရှင်ထဲမှာလည်း သူသေဆုံးတဲ့အခန်းကနေ စတင်ရိုက်ကူးပြထားတာပါ။
Hildegartဆိုတဲ့ကောင်မလေး ဘယ်လိုသေဆုံးသွားခဲ့ရတာလဲ
ဆိုတဲ့မေးခွန်းနဲ့ ဇာတ်လမ်းကိုသယ်လာပြီး စပိန်နိုင်ငံ သက်ဦးဆံပိုင်
ဘုရင်စနစ်ကျဆုံးတဲ့ကာလရဲ့ နိုင်ငံရေးအခြေအနေတွေနဲ့ တော်လှန်ရေး
လှုပ်ရှားမှုတွေကိုပါထင်ဟပ်အောင် မီးမောင်းထိုးပြထားတဲ့အတွက်
အချိန်ပေးကြည့်ရတာနဲ့တန်စေမဲ့ ရုပ်ရှင်ကားတစ်ကားဖြစ်ကြောင်း
ညွှန်းဆိုလိုက်ချင်ပါတယ်။
Credit..
IMDB: 6.7/10
ဒီတစ်ခါမှာတော့ သမိုင်းထဲမှာတကယ်ရှိခဲ့ပြီး အသက် ၁၈နှစ်
အရွယ်မှာတင် ဘဝဇာတ်သိမ်းခဲ့ရတဲ့ လူငယ်ပါရမီရှင်
စပိန်သူလေး Hildegart Rodríguez Carballeira အကြောင်း
ရုပ်ရှင်ကိုတင်ဆက်ပေးလိုက်ချင်ပါတယ်။
ဒီ Hildegart ဆိုတဲ့ကောင်မလေးရဲ့ဘဝဟာ မွေးဖွားလာကတည်းက
တော်တော် စိတ်ဝင်စားစရာကောင်းတာပါ။
ဘာလို့စိတ်ဝင်စားစရာကောင်းသလဲဆိုရင် Hildegart ရဲ့
အမေဖြစ်သူ Aurora ကြောင့်ပါပဲ။ Aurora က အများသူငှာလို
အိမ်ထောင်ပြု-ယောက်ျားယူ-ကလေးမွေး ဒီလိုနည်းလမ်းမျိုးနဲ့
Hildegartကို မွေးဖွားခဲ့တာမဟုတ်ပါဘူး။
Aurora ဟာ ပိုမိုတိုးတက်တဲ့ လောကကြီးကို သူ့ရင်သွေးကနေ
စတင်ပြီးတည်ဆောက်မယ်ဆိုတဲ့ ရည်မှန်းချက်နဲ့ Hildegart ကို
ပရောဂျက်တစ်ခုလိုမျိုး တိတိကျကျစီစဥ်ပြီးမွေးဖွားခဲ့တာပါ။
(ဒါကို eugenic အယူဝါဒလို့ခေါ်ပါတယ်။) Aurora ဟာ သူ့သမီးကို
သာမန်ထက်ထူးအောင် ထက်အောင် မွေးကတည်းက တိတိကျကျ
ကြပ်မတ်လေ့ကျင်သင်ကြားပေးလေတော့ Hildegart ဟာ အသက်
၁၆နဲ့တင် ရှေ့နေဘွဲ့ရပြီး သတင်းစာတွေထဲမှာ လိင်မှုရေးရာနဲ့ဆိုင်တဲ့
ဆောင်းပါးတွေရေးသားလို့နေပါပြီ။
ဒီလိုနဲ့ ဗိုင်းကောင်းကျောက်ဖိ Hildegartဟာ မိခင်ရဲ့အုပ်ထိန်းမှု
အောက်ကနေတစ်ဆင့် စပိန်ဆိုရှယ်လစ်ပါတီဝင် တစ်ဦးဖြစ်လာခဲ့ပြီး
နိုင်ငံရေးလှုပ်ရှားသူတစ်ဦးပါဖြစ်လာခဲ့ပါတယ်။
အဘက်ဘက်ကနေ လိုလေသေးမရှိအောင် ပြီးပြည့်စုံထက်မြက်
နေပေမဲ့ ကံမကောင်းအကြောင်းမလှတဲ့ Hildegartဟာ အသက် ၁၈နဲ့
တင်သေဆုံးခဲ့ရတာပါ။
ရုပ်ရှင်ထဲမှာလည်း သူသေဆုံးတဲ့အခန်းကနေ စတင်ရိုက်ကူးပြထားတာပါ။
Hildegartဆိုတဲ့ကောင်မလေး ဘယ်လိုသေဆုံးသွားခဲ့ရတာလဲ
ဆိုတဲ့မေးခွန်းနဲ့ ဇာတ်လမ်းကိုသယ်လာပြီး စပိန်နိုင်ငံ သက်ဦးဆံပိုင်
ဘုရင်စနစ်ကျဆုံးတဲ့ကာလရဲ့ နိုင်ငံရေးအခြေအနေတွေနဲ့ တော်လှန်ရေး
လှုပ်ရှားမှုတွေကိုပါထင်ဟပ်အောင် မီးမောင်းထိုးပြထားတဲ့အတွက်
အချိန်ပေးကြည့်ရတာနဲ့တန်စေမဲ့ ရုပ်ရှင်ကားတစ်ကားဖြစ်ကြောင်း
ညွှန်းဆိုလိုက်ချင်ပါတယ်။
Credit..
ဇာတ်လမ်းအညွှန်း
20 Jan, 11:41
Purgatory Station (2024)
ရှေ့နေဂျိုး တစ်ယောက် ဘာတွေဘယ်လိုဖြစ်သွားတယ်မသိ…
နိုးလာတော့ မဲမှောင်နေတဲ့ ကွန်တိန်နာကြီးထဲမှာ တစ်ယောက်တည်း
ပြန်ပေးဆွဲခံထားရတယ်ဆိုတာ သူ့ကိုယ်သူသိလိုက်ရတယ်…
ပြန်ပေးသမားက ငွေလိုချင်လို့မဟုတ်ဘဲနဲ့ ဂျိုးကူညီပေးနေတဲ့
စီးပွားရေးလုပ်ငန်းစုနဲ့ ရန်ကြွေးရှိတဲ့သူဖြစ်နေတယ်…
ဒီလုပ်ငန်းနဲ့ဆက်မလုပ်ဘဲနဲ့ ဖော်ကောင်လုပ်ပေးဖို့ သူ့ကိုအချိန်
၈ နာရီပေးတယ်…
မလုပ်ပေးနိုင်ရင် ချစ်တဲ့သူတွေအကုန် အသတ်ခံရမယ့်အခြေအနေမှာ
ဂျိုးတစ်ယောက် ဘယ်လိုရင်ဆိုင်ဖြေရှင်းသွားမလဲ…
ချစ်တဲ့သူတွေကို ကယ်တင်ပြီး သူကိုယ်တိုင်ရော အမှန်တကယ်
လွတ်မြောက်နိုင်ပါ့မလား…
ပြန်ပေးသမားအစစ်အမှန်ကရောဘယ်သူဖြစ်မလဲ…
Credit..
ဇာတ်လမ်းအညွှန်း
20 Jan, 11:41
Carol (2015)
IMDb Rating (7.3) / Rotten Tomatoes (94%)
ဒီတစ်ခေါက်ကတော့ Patricia Highsmithe ရဲ့ The price of Salt Novel ကိုပြန်လည်ရိုက်ကူးထားတဲ့ rating မြင့်ဇာတ်လမ်းကောင်းတစ်ကားပါ။
ဒီကားကိုဒါရိုက်တာ Todd Haynes ခေါင်းဆောင်ရိုက်ကူးထားပြီး မင်းသမီးကြီး Cate Blanchett , Rooney Mara တို့ပါ၀င်ပါတယ်။
မင်းသမီးနှစ်ယောက်လုံး Oscar Nominations ၀င်ခဲ့တာမို့လို့ သရုပ်ဆောင်ကိုတော့အထူးတလည်ပြောပြစရာတောင်မလိုတော့ပါဘူး။
လူတိုင်းလူတိုင်းဘ၀မှာ ကိုယ်တိုင်ရဲ့တည်ရှိမှုကိုမေးခွန်းပြန်ထုတ်စေနိုင်တဲ့တစ်စုံတစ်ဦးကတော့ရှိစမြဲပဲ။
ဘာအကြောင်းပြချက်ကြီးကြီးမားမားမှမရှိပါပဲနဲ့ ဒီတစ်ယောက်ကိုမှအလိုလိုတောင့်တနေမိတာမျိုး။
နားလည်မပေးနိုင်တဲ့ချစ်သူကောင်လေး ၊ ငြီးငွေ့ဖွယ်အလုပ်တို့ထဲပိတ်မိနေသူ အသက်၂၀ သာရှိသေးတဲ့မိန်းမငယ်လေးတစ်ဦးအတွက်တော့ ကယ်ရိုလ်ဆိုတဲ့လူကုန်ထံအသိုင်းအဝိုင်းမှ သက်လတ်ပိုင်းအမျိုးသမီးက အဲ့လိုဖြစ်တည်မှုတစ်ခုဖြစ်လာခဲ့တယ်။
စူးရဲရဲအကြည့်၊ နီရဲရဲနှုတ်ခမ်းတို့နဲ့ ရင့်ကျက်တဲ့အလှတရားပိုင်ရှင် ကယ်ရိုလ်နေရာမှာသရုပ်ဆောင်တဲ့ မင်းသမီးကြီး Cate Blanchett ကအသံနဲ့တင်ဖမ်းစားနိုင်စွမ်းရှိတာမို့ကောင်လေးရောကောင်မလေးပါလက်မလွှတ်သင့်ပါဘူး။
age-gap relationship တွေကိုမှကြိုက်ပါတယ်ဆိုတဲ့သူတွေဆို ပိုလို့တောင်ကြည့်သင့်ပါသေးတယ်။
1950s ခုနှစ်ပိုင်းတွေမှာ LGBTQ ဆက်ဆံရေးတွေအပေါ်လူတွေရဲ့အမြင်၊ ခေါင်းစဉ်တပ်ခွင့်မရှိတဲ့ဆက်ဆံရေးတစ်ခုအနေနဲ့ ဒီအမျိုးသမီးနှစ်ဦးအတွက်အဆုံးသတ်ရောကောင်းနိုင်ပါ့မလား ဒါတွေကိုတော့ကိုယ်တိုင်ပဲကြည့်လိုက်ကြနော်။
(အညွှန်းနဲ့ဘာသာပြန်ကတော့ Phu Thet Khin ဖြစ်ပါတယ်။)
Credit..
ဇာတ်လမ်းအညွှန်း
20 Jan, 11:39
Brave New World 2024
ဇာတ်လမ်းအကျဉ်း နည်းပညာကုမ္ပဏီတစ်ခုမှာ ဆယ်နှစ်ကြာအလုပ်လုပ်ခဲ့တဲ့ နံပါတ် ၁၁ ဝန်ထမ်း Bai Sheng ဟာ အစ်ကိုကြီး Hao ဆိုသူရဲ့ စနက်ကြောင့် ကုမ္ပဏီမှ ထုတ်ပယ်ခြင်းခံခဲ့ရပါတယ် Bai Sheng ဟာ လက်ထဲမှာ ဆုပ်ကိုင်ထားပြီး ထုတ်ယူလို့မရနိုင်တဲ့ သူပိုင်ဆိုင်တဲ့ ငွေ ၈ သန်းကို ပြန်ရဖို့အတွက် ကုမ္ပဏီမှာ ရက် ၁၀၀ ကြာ ရှိနေရမှာပါ ဒါကြောင့် Bai Sheng ဟာ ကုမ္ပဏီထဲကို ပြန်ဝင်နိုင်ဖို့ လိမ်လည်မှုတစ်ခုပြုလုပ်ခဲ့ပြီး သူ့ကို အလုပ်မှထုတ်ပယ်ခဲ့တဲ့ Zhang Jian ဆိုသူရဲ့ အကြိမ်ကြိမ်တားဆီးမှုတွေကြားမှာ မထင်မှတ်ဘဲ ကုမ္ပဏီအတွင်းမှာ အလုပ်လုပ်နိုင်မယ့် အခွင့်အရေးကို ရရှိသွားခဲ့ပါတယ် Bai Sheng က သူ့ရဲ့အကြံအစည်တွေကို ဖုံးကွယ်ထားနိုင်မယ်လို့ ထင်နေချိန်မှာပဲ ကြီးကြပ်ရေးမှူး Zhou Wang ဆိုသူ ပေါ်ထွက်လာပြီး သူ့ကို စောင့်မျှော်နေတဲ့အရာက ပိုကြီးမားတဲ့လှည့်စားမှုတစ်ခု ဖြစ်နေမှန်း သိလိုက်ရတဲ့အခါ ...
Credit..
ဇာတ်လမ်းအညွှန်း
20 Jan, 11:38
Viduthalai Part 2 (2024)
======================
အသစ်ထွက်ရှိလာတဲ့ မင်းသားကြီး Vijay Sethupathi ရဲ့
အက်ရှင်ရုံကားအသစ်ကို အမြန်ဆုံးတင်ဆက်ပေးလိုက်ပါတယ်
Viduthalai Part 1(2023) ရဲ့ အဆက်ဖြစ်ပြီး ဗီဂျေးက
တော်လှန်ရေးခေါင်းဆောင်တစ်ယောက်အဖြစ်
ပြန်လည်ပါဝင်ထားကာ Soori, Manju Warrier တို့က အားဖြည့်ထားပါတယ်
ပီရူမယ်ဆိုတာ အစတုန်းက သာမန်ကျောင်းဆရာလေးတစ်ယောက်ဖြစ်ပြီး
ကာရူပန်ဆိုတဲ့ စာမတတ်တဲ့ ကောင်လေးတစ်ယောက်ရဲ့စကားကြောင့်
လူတန်းစား သာတူညီမျှရှိရေးကို သူသဘောပေါက်လာခဲ့တယ်
ယုတ်မာရိုင်းစိုင်းတဲ့အထက်တန်းလွှာတစ်စုရဲ့ နိုင်ထက်စီးနင်းလုပ်မှုကြောင့်
ကာရူပန်ဒုက္ခရောက်တဲ့အခါမှာ အတတ်နိုင်ဆုံးကယ်ဖို့ကြိုးစားခဲ့ပေမဲ့
တရားဥပဒေကိုယုံမိလို့ ကာရူပန်ကိုဆုံးရှုံးလိုက်ရတဲ့နောက်မှာ
စိတ်ပိုင်းဖြတ်ပြီး သူ့လူတွေရဲ့ခေါင်းဆောင်တစ်ယောက်နေရာကို သူဘယ်လိုရောက်လာခဲ့လဲ
ဒီအကြောင်းတွေ တဖြည်းဖြည်းနားလည်လာတဲ့ ကူမာရီဆာဆိုတဲ့
ရဲကရော ဘယ်လမ်းကို ရွေးချယ်သွားမလဲ ဆိုတာကတော့ —–
အညွှန်းနဲ့ ဘာသာပြန်ကတော့ CM Bollywood Team မှ ဖြစ်ပါတယ်
Credit..
ဇာတ်လမ်းအညွှန်း
19 Jan, 11:32
Thuppakki (2012) “ပစ်မှတ်”
IMDb – 8.1/10
ပြောထားတဲ့အတိုင်း ဗီဂျေးအသည်းစွဲ အိန္ဒိယရုပ်ရှင်ချစ်ပရိသတ်ကြီးအတွက် ဗီဂျေးစုစည်းမှုအနေနဲ့
ဗီဂျေးရဲ့ ဝေဖန်သံတွေနဲ့အတူ ဝက်ဝက်ကွဲအောင်မြင်ခဲ့တဲ့ ရုံတင်ကား အဟောင်းတစ်ကားကို
တင်ဆက်ပေးလိုက်ပြန်ပါပြီဗျ။
မင်းသမီးလေးကလည်း တောင်ပိုင်းကားတွေရော မြောက်ပိုင်းကားတွေမှာပါပါဝင်တဲ့
ခင်ဗျားတို့ရော ကျွန်တော်ရောချစ်ရတဲ့ ဘိုင်ရာဘာမင်းသမီးလို့
နာမည်ကြီးတဲ့ မင်းသမီးချောလေး ကာဂျဲအက်ဂါဝဲပဲဖြစ်ပါတယ်၊ ကွန်မန်ဒိုမင်းသား
ဗီဒရွတ်လည်းပါဝင်အားဖြည့်ထားတာမို့ အဟောင်းထဲက အကောင်းတောင့်တနေတဲ့ ပရိသတ်ကြီးအကြိုက်တွေ့မဲ့ကားပါ

ဗီဂျေးက ကတ်ရှ်မီးကနေ မွမ်ဘိုင်းကို ခွင့်နဲ့ပြန်လာခဲ့တဲ့စစ်သားတစ်ယောက်၊ ရထားဘူတာမှာပဲ
မိသားစုက လာကြိုပြီး စေ့စပ်ကြောင်းလမ်းဖို့ရာအရေး အလျင်စလိုတန်းခေါ်ချင်းခံရရော။
အဲဒီမှာ မင်းသမီးကို တွေ့တွေ့ချင်း ဆောက်နဲ့ထွင်းဆိုသလို မကြိုက်နိုင်ဘူး ဟိုလိုဖြစ်တယ်
ဒီလိုဖြစ်တယ်နဲ့ ကြေးများ။မင်းသမီးရဲ့ တကယ့်စရိုက်အမှန်ကိုမြင်သွားတော့ လွတ်တဲ့ငါး
ကြီးရုံမက မိုနာ့ချ်ထဲမှာ ဖြတ်လျောက်ပါတဲ့ ဂေါ်ဇီလာကြီးလောက် ဖြစ်နေပါရောလား။
ဒီမှာတင်ပဲ တစ်ယောက်နဲ့တစ်ယောက် ရန်စကလေးတွေနဲ့ ဇာတ်လမ်းစတော့တာပေါ့။
ဒါက ဒရာမာတဖြတ်။
တစ်နေ့ ဗီဂျေးလမ်းမှာသွားနေတုန်း ဘတ်စ်ကား ဗုံးဖောက်ခွဲခံရတာနဲ့ကြုံ။
လက်သည်ကို ဖမ်းမိလိုက်ပေမဲ့ အကြောင်းကြောင်းတွေကြောင့် လွတ်သွားရာကနေ
မီးခိုးကြွက်လျောက်လိုက်တဲ့အခါမှာ မထင်မှတ်ထားတာတွေဖြစ်။ဒါက အက်ရှင်တဖြတ်။
ဒီလို အချစ် ဒရာမာ အက်ရှင်ဇာတ်ကြမ်းကားကြီးကို ကြည့်ရှုကြပါဦး ချစ်သောရုပ်ရှင်ချစ်ပရိသတ်အပေါင်းတို့။
(အညွှန်းနဲ့ ဘာသာပြန်ကတော့ V~ Zwe ~ Alex ~ BpL ~ ToMo ~ Yunniတို့ပဲဖြစ်ပါတယ်)
Credit.
ဇာတ်လမ်းအညွှန်း
19 Jan, 11:32
Vanishing on 7th Street (2010)
လူစည်ကား ပုံမှန်လည်ပတ်နေတဲ့ မြို့လေးတမြို့မှာ တနေ့ မထင်မှတ်ထားတာတွေ ဖြစ်လာတဲ့အခါ။
ဘယ်သူမှ ဖော်ထုတ်လို့မရတဲ့ အကြောင်းအရာ တခုခုကြောင့် မီးတွေပျက် လူတွေ ရုတ်တရက် ထူးဆန်းစွာ ပျောက်ဆုံးသွာပါတယ်။
ကားတွေ အဝတ်တွေ ပိုင်ဆိုင်မှုတွေ စားသောက်ကုန်တွေ ဘယ်အရာမှ မပျောက်ပဲ လူတွေပဲ ပျောက်သွားတာပါ။
အသက်ရှင်ကျန်သူ လူတချို့က အလင်းမရှိတဲ့နေရာမှာ အရိပ်တွေက လူတွေကို ဖမ်းစားနေတယ်ဆိုတာ သိလာတဲ့အခါ ဘယ်လိုဆက်လုပ်ကြမလဲ။
ရှင်ကျန်သူ လူတချို့တည်းကမှ ဂျာနယ်လစ် လုခ်၊ သူနာပြု ရို့စ်မယ်ရီ၊ ၁၂ အရွယ်ကောင်လေး ဂျိမ်းစ်နဲ့ ရုပ်ရှင်ဆရာ ပေါလ်တို့
မီးစက်နဲ့ လည်ပတ်နေတဲ့ ဘားလေးတခုမှာ စုံကြတဲ့အခါ။
ဓါတ်ဆီကလဲ ကုန်နေပြီ၊ ဓါတ်ခဲတွေလဲ မရှိတော့ သွားယူဖို့ကလဲ မဖြစ်နိုင် အမှောင်ထုကြီးစိုး လာတဲ့ အနေထားမှာ
လူတွေ ဘာလို့ ပျောက်ကုန်ရတာလဲဆိုတဲ့ အကြောင်းပြချက်ကို ရှာမှ ရှင်သန်နိုင်ဖို့ ဖြစ်လာပါတော့တယ်။
Mystery/ Thriller အမျိုးစားဖြစ်ပြီးတော့ ဇာတ်ကားတခုလုံး ဇာတ်ရှိန် မြင့်မြင့်နဲ့ ရင်တဖိုဖိုကြည့်ချင်ရင်တော့
ဒီဇာတ်ကားက တကယ်ကို ကောင်းတဲ့ ဇာတ်ကားပါ။
Rating တွေလဲ ကောင်းတာမလို့ ကြည့်ရှုခံစားကြည့်ပါအုံးလို့ပဲ အကြံပေးလိုက်ပါတယ် ခင်ဗျာ။
Credit..
ဇာတ်လမ်းအညွှန်း
19 Jan, 11:31
Kahar: Kapla High Council (2024)”တိုက်ပွဲ”
=================================
2024 ခုနှစ်မှာထွက်ရှိခဲ့ပြီး Fight scenes တွေရော
ဇာတ်လမ်းရော ရေလည်မိုက်တဲ့ မလေးရှားရုပ်ရှင်လေးကို
ပရိသတ်တွေအတွက် တင်ဆက်ပေးချင်ပါတယ်။
ဒီရုပ်ရှင်ကိုတော့ ၂၀၀၅ ခုနှစ်မှာ စပြီး ဇာတ်အိမ်တည်ထားတာပါ။
ကူဒရတ်ဆိုတဲ့ ကောလိပ်ရဲ့ စည်းမျဉ်းတွေက ထူးခြားပါတယ်။
အဲဒီကောလိပ်မှာ တက်တဲ့ ကျောင်းသားတွေကို ဟယ်ရီပေါ်တာထဲကလို
House တွေခွဲထားပြီး House တစ်ခုကို ကိုယ်စားပြုခွင့်ရတဲ့ကျောင်းသားက
အထက်ကောင်စီဆိုတဲ့အဖွဲ့ထဲကို ဝင်ခွင့်ရပါတယ်။
ကိုယ့်ရဲ့ House ရဲ့ ကိုယ်စားပြုချင်တဲ့ ကျောင်းသားတွေဟာ
လက်ရုံးရည်ချင်းယှဉ်ပြိုင်ရတာဖြစ်ပြီး ကိုယ်စားပြုဖြစ်ခွင့်ရရင်
အခွင့်အရေးတွေလည်း အများကြီးရပါတယ်။
ဒီရုပ်ရှင်ရဲ့ ဇာတ်လိုက် ကာဟာကတော့ အဲဒီကောလိပ်ကို
သူ့ဆန္ဒမပါဘဲရောက်လာတဲ့ ခပ်အေးအေးကျောင်းသားလေးပါ။
ကာဟာက ဘာမှမထူးချွန်ပေမဲ့ သူ့ရဲ့ အဖေနဲ့ အစ်ကိုကတော့
အဲဒီကောလိပ်ရဲ့သမိုင်းမှာအထူးချွန်ဆုံးကျောင်းသားတွေဖြစ်ခဲ့ကြသူတွေပါ။
အဲဒီလို အဖေရဲ့ဖိအားတွေ အစ်ကိုရဲ့ဖိအားတွေကို ထမ်းပိုးထားရတဲ့ကာဟာတစ်ယောက်
သူ့ရဲ့ခံနိုင်ရည်ကိုကျော်လွန်သွားချိန်မှာတော့ ထိန်းချုပ်မှုတွေလွတ်သွားပြီး
လုံးဝမတူတဲ့သူတစ်ယောက်အဖြစ် ပြောင်းလဲသွားပုံ၊
နောက်ဆက်တွဲကိစ္စွတွေကြုံတွေ့ရပုံတွေကို ဒီရုပ်ရှင်ထဲမှာမြင်တွေ့ကြရမှာဖြစ်ပါတယ်…။
(ဒီရုပ်ရှင်ကိုတော့ V, ToMo နဲ့ Zwe Yan တို့က ဘာသာပြန်တင်ဆက်ပေးထားပါတယ်။)
Credit..
ဇာတ်လမ်းအညွှန်း
19 Jan, 11:30
Bodyguard 3 ( 2025 )
သာမန်ရုပ်ရည်နဲ့ကောင်းထျန်းတစ်ယောက်ဟာ ရုပ်ချောချောကောင်မလေးတစ်ယောက်ကို
ရည်းစားတော်ထားရတော့ သည်းသည်းလှုပ်အရမ်းချစ်ပါတယ်။
တစ်နေ့မှာ ကောင်မလေးကကျွန်းတစ်ကျွန်းပေါ်အပန်းဖြေခရီးထွက်နေတဲ့အချိန်မှာ
လူတစ်စုဖမ်းသွားတာကိုခံရပါတယ်။ ကောင်မလေးကိုတစ်သက်လုံးစောင့်ရှောက်ပါမယ်လို့
ကတိပေးထားတဲ့ ကောင်းထျန်းဟာ ကောင်မလေးကိုရေကုန်ရေခန်းလိုက်ရှာပါတော့တယ်
ရည်းစားလေးကိုလိုက်ရှာရင်းနဲ့မှ ဒီအဖွဲ့အစည်းက လူကုန်ကူး၊မူးယစ်ဆေးအရောင်းအဝယ်၊
ရှေးဟောင်းပစ္စည်းမှောင်ခိုအရောင်းအဝယ်စတဲ့
တရားမဝင်တဲ့အလုပ်တွေအကုန်လုပ်တဲ့အဖွဲ့ဆိုတာသိလိုက်ရပါတယ်။
ဒီလူဆိုးအဖွဲ့ကိုသက်တော်စောင့်လေးတစ်ယောက်ကဘယ်လိုအလွဲတွေကြားမှာ
တွန်းလှန်နိုင်ပါ့မလားဆိုတာကို ကြည့်လိုက်ပါဦးနော်။
Credit..
ဇာတ်လမ်းအညွှန်း
19 Jan, 11:29
Beasts of No Nation (2015)
**************************
IMDb….7.7/10, Rotten…92%
စစ်ကားကြိုက်ပရိတ်သတ်တွေအတွက် ဒီကားက တကယ့် ဂန္တဝင်ကားလို့တောင်ပြောလို့ရမယ်ထင်တယ်…
အာဂူးဆိုတဲ့ကောင်လေးတစ်ယောက်ရှိတယ်…ကလေးအရွယ်ပဲရှိတဲ့ဒီကောင်လေးရဲ့စိတ်မှာ
ဆော့လိုက် ပျော်လိုက်နောက်လိုက်ပေါ့…သို့ပေမဲ့ အာဂူးတို့နေတဲ့ အာဖရိကမှာ ပြည်တွင်းစစ်ဖြစ်နေတယ်…
ပြည်တွင်းစစ်ဆိုတဲ့အတိုင်း ပြည်သူတွေက ဒုက္ခသည် အဖြစ်နဲ့ အရေအတွက်အပေါင်းများစွာ တည်ရှိနေတယ်…
ကလေးဘဝအာဂူးလေးရဲ့ မရှိမဲ့ရှိမဲ့ ပျော်ရွှင်စရာကမ္ဘာဟာ တိုက်ပွဲကြားထဲ အဖေနဲ့ အစ်ကို သေဆုံးခဲ့ပြီး
အမေနဲ့ ညီမလေးကလည်း ဘယ်ဆီသို့ပေါက်ရောက်မှန်းမသိတော့ပါ…
အာဂူးလေးကိုယ်တိုင်လည်း တောထဲထွက်ပြေးရင်း အဖွဲ့အစည်းတစ်ခုရဲ့ စစ်သည်တော်တစ်ဦးဖြစ်လာခဲ့တယ်…
ဒီကားက တကယ့်ဖြစ်ရပ်မှန်ကိုအခြေပြုရိုက်ကူးထားတာပါ…
ပြည်တွင်းစစ်ရဲ့ ဆိုးကျိုးကြောင့် ကလေးတစ်ယောက်ရဲ့ ဆင့်ကဲပြောင်းလဲပုံတွေကိုအကောင်းမွန်ဆုံးရိုက်ပြထားပါတယ်…
အကုန်လုံးနီးပါးက အသက်(၁၈)နှစ်အောက်တွေဖြစ်တဲ့အပြင် တချို့တွေဆို တော်တော်ကြီးကိုငယ်တယ်…
သို့ပေမယ့် ရန်သူတစ်ယောက်ရဲ့လည်ပင်းကိုလှီးဖို့ဝန်မလေးသလို မကောင်းမှုအားပေးအရပ်သားလို့ယူဆရတဲ့မိန်းမတွေနဲ့
ကလေးတွေကိုလည်း အေးစက်စက်မျက်လုံးနဲ့ နဖူးကိုသေနတ်နဲ့တေ့ပြီး မောင်းဖြုတ်ဖို့ လည်း ဝန်မလေးကြပါဘူး…
စစ်ကားကြိုက်တဲ့သူမဟုတ်ရင်တောင် ဒီကားကို ကြည့်စေချင်ပါတယ်…
တစ်ခုခုတော့ သင်တို့ ရသွားနိုင်ကောင်းပါရဲ့…
Credit
ဇာတ်လမ်းအညွှန်း
19 Jan, 11:28
တရုတ်သမိုင်းမှာလည်း ချင်ဘုရင် Qin Shi Huang ကို လုပ်ကြံဖို့ Jing Ke ဆိုသူဟာ ကြိုးစားခဲ့ပါတယ်။
(သူကတော့ ချင်ဘုရင်ကို တိုက်ခိုက်ရာမှာ မအောင်မြင်ဘဲ သက်တော်စောင့်များရဲ့ လက်ချက်နဲ့ သေဆုံးခဲ့ပါတယ်။)
ဘာပဲဖြစ်ဖြစ် အော်စကာဆုဆန်ကာတင်စာရင်းဝင်တဲ့အပြင်
တခြားဆုတွေလည်း ရရှိခဲ့တဲ့ Hero ဇာတ်ကားဟာ
Hero သူရဲကောင်းဆိုတဲ့ အဓိပ္ပာယ်ကို ရှုထောင့်တခုကနေ ဖွင့်ဆိုပြနိုင်တဲ့ရုပ်ရှင်လို့ ညွှန်းချင်ပါတယ်။
(သူကတော့ ချင်ဘုရင်ကို တိုက်ခိုက်ရာမှာ မအောင်မြင်ဘဲ သက်တော်စောင့်များရဲ့ လက်ချက်နဲ့ သေဆုံးခဲ့ပါတယ်။)
ဘာပဲဖြစ်ဖြစ် အော်စကာဆုဆန်ကာတင်စာရင်းဝင်တဲ့အပြင်
တခြားဆုတွေလည်း ရရှိခဲ့တဲ့ Hero ဇာတ်ကားဟာ
Hero သူရဲကောင်းဆိုတဲ့ အဓိပ္ပာယ်ကို ရှုထောင့်တခုကနေ ဖွင့်ဆိုပြနိုင်တဲ့ရုပ်ရှင်လို့ ညွှန်းချင်ပါတယ်။
ဇာတ်လမ်းအညွှန်း
19 Jan, 11:28
Hero (2002)
IMDB: 7.9/10
Hero (သူရဲကောင်း) ဆိုတာ
ဘယ်လိုလူမျိုးတွေကို ရည်ညွှန်းပါသလဲ?
တဦးတယောက်ကနေ ပြိုင်ဘက်အများကြီးကို အလဲထိုးအနိုင်ယူသူတွေကို ခေါ်ပါသလား?
ကိုယ်ကျိုးကို မငဲ့ဘဲ အများအတွက်
စွန့်လွှတ်စွန့်စားသူများကို ဆိုလိုပါသလား?
Hero (2002 film) ကို ကြည့်ပြီးရင်တော့
အဖြေတခုခု ထွက်လာနိုင်ပါတယ်။
Hero ရုပ်ရှင်ကို စပြီးကြည့်ဖူးစက ယုတ္တိမတန်တဲ့ သာမန်တရုတ်သိုင်းကားတကားလို့ပဲ ထင်ခဲ့မိပါတယ်။
နောက်ကြောင်းက ခဏခဏပြန်ပြ၊
ဒီကြားထဲစိတ်ကူးထဲမှာပါ သိုင်းကွက်တွေထုတ်နဲ့ … အလေးအနက်မကြည့်မိခဲ့ပါဘူး။
နောက်ပိုင်းမှာ အော်စကာ ဆန်ကာတင်စာရင်းမှာ
နိုင်ငံခြားဇာတ်ကားအနေနဲ့ ပါလာတော့မှ စိတ်ဝင်စားသွားလို့ သေချာပြန်ကြည့်ဖြစ်ပါတယ်။
စွမ်းအားလွန်သိုင်းကွက်တွေကို ဖယ်ပြီးကြည့်မယ်ဆိုရင်
အနှစ်သာရရှိတဲ့ ဇာတ်ကားလို့မြင်မိပါတယ်။
ဒီဇာတ်လမ်းမှာ ချင်မင်းဆက်ကို တည်ထောင်တဲ့
Qin Shi Huang ရဲ့ ဆင့်ခေါ်မှုနဲ့
အမည်မရှိဓားသမား (သုည)ဟာ
နန်းတွင်းကို ဝင်ရောက်ခစားခဲ့ပါတယ်။
နန်းတွင်းကို ဝင်ရောက်ပြီး ဘုရင်ကြီးနဲ့ စကားပြောခွင့်ရဖို့အတွက်
သုညဟာ ဘုရင်ကြီးရဲ့ အသက်အန္တရာယ်တွေကို ခြိမ်းခြောက်နေတဲ့
လူစွမ်းကောင်းသုံးယောက် (Long Sky, Flying Snow, Broken Sword) ကို နှိမ်နှင်းခဲ့ရတယ်လို့ ဆိုပါတယ်။
*Spoiler alert!*
သာမန်လူဆိုရင် ခြေလှမ်းတရာအကွာလောက်မှာ နေရပေမယ့်
သုညဟာ ဘုရင်ကြီးရဲ့ရန်သူတော်တွေကို သူဘယ်လိုနှိမ်နှင်းခဲ့တယ်ဆိုတာ
ပြန်ပြောင်းပြောရင်း ဘုရင့်အနားကို
တဖြည်းဖြည်းချင်း နီးကပ်ခွင့်ရခဲ့ပါတယ်။
ဒီအချိန်မှာ ဘုရင်ကြီးသိလာတာက
သုညဟာလည်း သူ့ကိုလုပ်ကြံဖို့အတွက်
အကွက်ချပြီး အနားကပ်ခွင့်ရအောင် ကြံခဲ့တယ်ဆိုတာပါပဲ။
တကယ်တော့ သုညဟာ ချင်ဘုရင်ကျူးကျော်သိမ်းပိုက်ခဲ့တဲ့ ကျောက် (Zhao) နိုင်ငံသားတဦးဖြစ်ပြီး
ချင်ဘုရင်ကို လက်စားချေခွင့်ရဖို့ စီမံကိန်းဆွဲကြံစည်ခဲ့သူပဲ ဖြစ်ပါတယ်။
ဒါကို ချင်ဘုရင်သိလိုက်တဲ့အချိန်မှာ သူ့အတွက် နောက်ကျနေပါပြီ ….
သူ့ရဲ့သက်တော်စောင့်တပ်နဲ့ အလှမ်းဝေးပြီး သုညရဲ့ ဓားစွမ်းအရဆိုရင်
ဘုရင်ကြီးအနေနဲ့ အသက်ဆုံးရှုံးဖို့ပဲ ရှိပါတော့တယ်။
ဒီအချိန်မှာ အံ့အားသင့်စရာကောင်းတာက
သုညဟာ ချင်ဘုရင်ကို လုပ်ကြံဖို့ အကြံအစည်ကို စွန့်လွှတ်လိုက်တာပါပဲ။
သုညအနေနဲ့ သူကြံစည်ခဲ့တဲ့ အခွင့်အရေးဟာ
လက်တကမ်းကို ရောက်လာပေမယ့်
ဘာကြောင့်များ စွန့်လွှတ်လိုက်ပါသလဲ …?
ဒီအချက်ဟာ ဇာတ်ကားရဲ့ အနှစ်သာရပါပဲ ……
…………………………………………
ဇာတ်အိမ်တည်ရာကာလဟာ တရုတ်နိုင်ငံအနေနဲ့ တိုင်းပြည်ငယ်လေးတွေအဖြစ် ဖရိုဖရဲဖြစ်နေချိန် ဖြစ်ပါတယ်။
ဘာသာစကား၊ ယဉ်ကျေးမှု အမျိုးမျိုးကွဲနေတဲ့ နိုင်ငံငယ်တွေကို
ချင်ဘုရင်ဟာ သိမ်းပိုက်စုစည်းခဲ့ပါတယ်။
တိုင်းပြည်ဟာ စုစည်းလာပေမယ့် ချင်ဘုရင်အတွက်တော့
ရန်သူတွေ များလာပါတယ်။
အဲဒီထဲမှာ ကျောက်နိုင်ငံသားတွေဖြစ်တဲ့ သုည၊
‘ဓားကျိုး’ နဲ့ ‘နှင်း’ဇနီးမောင်နှံ ပါဝင်ပါတယ်။
သူတို့ဇနီးမောင်နှံဟာလည်း တချိန်က ချင်ဘုရင်ကို လုပ်ကြံဖို့
နန်းတော်အတွင်းကို ဝင်ရောက်တိုက်ခိုက်နိုင်ခဲ့ဖူးပါတယ်။
ဘုရင်ကို လုပ်ကြံနိုင်လုနီးပါး ဖြစ်ခဲ့ပေမယ့်
ဓားကျိုးဟာ စိတ်ကူးပြောင်းသွားပြီး ဘုရင်ကို မသတ်ဘဲ လှည့်ပြန်ခဲ့ဖူးပါတယ်။
သူဟာ သုညရဲ့ အစီအစဉ်ကိုသိရတော့လည်း တားပါသေးတယ်။
တားမရတော့ သုညကို မြေကြီးမှာ စာတလုံးပဲ ရေးပြပါတယ်။
အဲ့ဒါကတော့ တို့နိုင်ငံ (Our Land) ဆိုတဲ့ စကားလုံးပဲ ဖြစ်ပါတယ်။
ဒီစာလုံးကပဲ သုညရဲ့ စိတ်ကူးကို ပြောင်းလဲပေးခဲ့ပြန်ပါတယ်။
သူတို့ဟာ လူသားပီပီ ပုဂ္ဂလဓိဌာန်ခံစားချက်ကို ရှေ့တန်းတင်ပြီး လက်စားချေဖို့ ကြံစည်ခဲ့ကြပေမယ့်
အဲဒီကိစ္စထက် အရေးကြီးသောအရာကို သူတို့မြင်ခဲ့ကြပါတယ်။
ဒါကတော့ ချင်ဘုရင်စုစည်းတည်ဆောက်နေတဲ့ သူတို့နိုင်ငံတော်ပဲ ဖြစ်ပါတယ်။
ဘာသာစကားအပြင် အလေးတင်းတောင်းချိန်တွယ်တာကအစ ကွဲပြားနေတဲ့ သူတို့နိုင်ငံဟာ
ချင်ဘုရင်စုစည်းတည်ဆောက်မှ ရတော့မယ်ဆိုတာ သူတို့သိမြင်လာပါတယ်။
ဒါကြောင့်ပဲ သူတို့ရဲ့ နာကြည်းမှုတွေကို မြိုသိပ်ခဲ့ပါတယ်။
နောက်ဆုံးမှာ သူတို့ရဲ့ အသက်တွေကိုပါ စွန့်လွှတ်တဲ့အထိ ပေးဆပ်နိုင်ခဲ့ပါတယ်။
ဒါဟာ Hero ဇာတ်ကားမှာ ပြဌာန်းခဲ့တဲ့ သူရဲကောင်းဆိုတဲ့ အဓိပ္ပာယ်ပါပဲ။
တကယ်တော့ သူရဲကောင်းဆိုတာ အလုံးစုံကို အနိုင်ယူနိုင်မှ၊ စွမ်းအားပြနိုင်မှ မဟုတ်ပါဘူး။
မိမိစွမ်းဆောင်နိုင်စွမ်းဟာ လက်တကမ်းမှာ ရောက်နေသည့်တိုင်အောင်
ရေရှည်အတွက် အများကောင်းကျိုးအတွက်
မိမိဆန္ဒ မိမိဘဝကို အနစ်နာခံစွန့်လွှတ်ခဲ့သူများဟာလည်း hero များပဲ ဖြစ်ပါတယ်။
ဒါရိုက်တာ ကျန်းယီမူး (Zhang Yimou) ရဲ့ လက်ရာဖြစ်တဲ့ ဒီဇာတ်ကားနဲ့ ပတ်သက်လို့
အငြင်းပွားဖွယ်ရာတွေ ရှိခဲ့ပါတယ်။
တချက်ကတော့ ဓားကျိုးရေးပြခဲ့တဲ့ Tianxia ဆိုတဲ့စာလုံးရဲ့ အဓိပ္ပာယ်နဲ့ ပတ်သက်လို့ ဖြစ်ပါတယ်။
နောက်တချက်ကတော့ ဒါဟာစိတ်ကူးယဉ်သက်သက်ပဲ လက်တွေ့မဖြစ်နိုင်ဘူးလို့ ငြင်းကြပါတယ်။
IMDB: 7.9/10
Hero (သူရဲကောင်း) ဆိုတာ
ဘယ်လိုလူမျိုးတွေကို ရည်ညွှန်းပါသလဲ?
တဦးတယောက်ကနေ ပြိုင်ဘက်အများကြီးကို အလဲထိုးအနိုင်ယူသူတွေကို ခေါ်ပါသလား?
ကိုယ်ကျိုးကို မငဲ့ဘဲ အများအတွက်
စွန့်လွှတ်စွန့်စားသူများကို ဆိုလိုပါသလား?
Hero (2002 film) ကို ကြည့်ပြီးရင်တော့
အဖြေတခုခု ထွက်လာနိုင်ပါတယ်။
Hero ရုပ်ရှင်ကို စပြီးကြည့်ဖူးစက ယုတ္တိမတန်တဲ့ သာမန်တရုတ်သိုင်းကားတကားလို့ပဲ ထင်ခဲ့မိပါတယ်။
နောက်ကြောင်းက ခဏခဏပြန်ပြ၊
ဒီကြားထဲစိတ်ကူးထဲမှာပါ သိုင်းကွက်တွေထုတ်နဲ့ … အလေးအနက်မကြည့်မိခဲ့ပါဘူး။
နောက်ပိုင်းမှာ အော်စကာ ဆန်ကာတင်စာရင်းမှာ
နိုင်ငံခြားဇာတ်ကားအနေနဲ့ ပါလာတော့မှ စိတ်ဝင်စားသွားလို့ သေချာပြန်ကြည့်ဖြစ်ပါတယ်။
စွမ်းအားလွန်သိုင်းကွက်တွေကို ဖယ်ပြီးကြည့်မယ်ဆိုရင်
အနှစ်သာရရှိတဲ့ ဇာတ်ကားလို့မြင်မိပါတယ်။
ဒီဇာတ်လမ်းမှာ ချင်မင်းဆက်ကို တည်ထောင်တဲ့
Qin Shi Huang ရဲ့ ဆင့်ခေါ်မှုနဲ့
အမည်မရှိဓားသမား (သုည)ဟာ
နန်းတွင်းကို ဝင်ရောက်ခစားခဲ့ပါတယ်။
နန်းတွင်းကို ဝင်ရောက်ပြီး ဘုရင်ကြီးနဲ့ စကားပြောခွင့်ရဖို့အတွက်
သုညဟာ ဘုရင်ကြီးရဲ့ အသက်အန္တရာယ်တွေကို ခြိမ်းခြောက်နေတဲ့
လူစွမ်းကောင်းသုံးယောက် (Long Sky, Flying Snow, Broken Sword) ကို နှိမ်နှင်းခဲ့ရတယ်လို့ ဆိုပါတယ်။
*Spoiler alert!*
သာမန်လူဆိုရင် ခြေလှမ်းတရာအကွာလောက်မှာ နေရပေမယ့်
သုညဟာ ဘုရင်ကြီးရဲ့ရန်သူတော်တွေကို သူဘယ်လိုနှိမ်နှင်းခဲ့တယ်ဆိုတာ
ပြန်ပြောင်းပြောရင်း ဘုရင့်အနားကို
တဖြည်းဖြည်းချင်း နီးကပ်ခွင့်ရခဲ့ပါတယ်။
ဒီအချိန်မှာ ဘုရင်ကြီးသိလာတာက
သုညဟာလည်း သူ့ကိုလုပ်ကြံဖို့အတွက်
အကွက်ချပြီး အနားကပ်ခွင့်ရအောင် ကြံခဲ့တယ်ဆိုတာပါပဲ။
တကယ်တော့ သုညဟာ ချင်ဘုရင်ကျူးကျော်သိမ်းပိုက်ခဲ့တဲ့ ကျောက် (Zhao) နိုင်ငံသားတဦးဖြစ်ပြီး
ချင်ဘုရင်ကို လက်စားချေခွင့်ရဖို့ စီမံကိန်းဆွဲကြံစည်ခဲ့သူပဲ ဖြစ်ပါတယ်။
ဒါကို ချင်ဘုရင်သိလိုက်တဲ့အချိန်မှာ သူ့အတွက် နောက်ကျနေပါပြီ ….
သူ့ရဲ့သက်တော်စောင့်တပ်နဲ့ အလှမ်းဝေးပြီး သုညရဲ့ ဓားစွမ်းအရဆိုရင်
ဘုရင်ကြီးအနေနဲ့ အသက်ဆုံးရှုံးဖို့ပဲ ရှိပါတော့တယ်။
ဒီအချိန်မှာ အံ့အားသင့်စရာကောင်းတာက
သုညဟာ ချင်ဘုရင်ကို လုပ်ကြံဖို့ အကြံအစည်ကို စွန့်လွှတ်လိုက်တာပါပဲ။
သုညအနေနဲ့ သူကြံစည်ခဲ့တဲ့ အခွင့်အရေးဟာ
လက်တကမ်းကို ရောက်လာပေမယ့်
ဘာကြောင့်များ စွန့်လွှတ်လိုက်ပါသလဲ …?
ဒီအချက်ဟာ ဇာတ်ကားရဲ့ အနှစ်သာရပါပဲ ……
…………………………………………
ဇာတ်အိမ်တည်ရာကာလဟာ တရုတ်နိုင်ငံအနေနဲ့ တိုင်းပြည်ငယ်လေးတွေအဖြစ် ဖရိုဖရဲဖြစ်နေချိန် ဖြစ်ပါတယ်။
ဘာသာစကား၊ ယဉ်ကျေးမှု အမျိုးမျိုးကွဲနေတဲ့ နိုင်ငံငယ်တွေကို
ချင်ဘုရင်ဟာ သိမ်းပိုက်စုစည်းခဲ့ပါတယ်။
တိုင်းပြည်ဟာ စုစည်းလာပေမယ့် ချင်ဘုရင်အတွက်တော့
ရန်သူတွေ များလာပါတယ်။
အဲဒီထဲမှာ ကျောက်နိုင်ငံသားတွေဖြစ်တဲ့ သုည၊
‘ဓားကျိုး’ နဲ့ ‘နှင်း’ဇနီးမောင်နှံ ပါဝင်ပါတယ်။
သူတို့ဇနီးမောင်နှံဟာလည်း တချိန်က ချင်ဘုရင်ကို လုပ်ကြံဖို့
နန်းတော်အတွင်းကို ဝင်ရောက်တိုက်ခိုက်နိုင်ခဲ့ဖူးပါတယ်။
ဘုရင်ကို လုပ်ကြံနိုင်လုနီးပါး ဖြစ်ခဲ့ပေမယ့်
ဓားကျိုးဟာ စိတ်ကူးပြောင်းသွားပြီး ဘုရင်ကို မသတ်ဘဲ လှည့်ပြန်ခဲ့ဖူးပါတယ်။
သူဟာ သုညရဲ့ အစီအစဉ်ကိုသိရတော့လည်း တားပါသေးတယ်။
တားမရတော့ သုညကို မြေကြီးမှာ စာတလုံးပဲ ရေးပြပါတယ်။
အဲ့ဒါကတော့ တို့နိုင်ငံ (Our Land) ဆိုတဲ့ စကားလုံးပဲ ဖြစ်ပါတယ်။
ဒီစာလုံးကပဲ သုညရဲ့ စိတ်ကူးကို ပြောင်းလဲပေးခဲ့ပြန်ပါတယ်။
သူတို့ဟာ လူသားပီပီ ပုဂ္ဂလဓိဌာန်ခံစားချက်ကို ရှေ့တန်းတင်ပြီး လက်စားချေဖို့ ကြံစည်ခဲ့ကြပေမယ့်
အဲဒီကိစ္စထက် အရေးကြီးသောအရာကို သူတို့မြင်ခဲ့ကြပါတယ်။
ဒါကတော့ ချင်ဘုရင်စုစည်းတည်ဆောက်နေတဲ့ သူတို့နိုင်ငံတော်ပဲ ဖြစ်ပါတယ်။
ဘာသာစကားအပြင် အလေးတင်းတောင်းချိန်တွယ်တာကအစ ကွဲပြားနေတဲ့ သူတို့နိုင်ငံဟာ
ချင်ဘုရင်စုစည်းတည်ဆောက်မှ ရတော့မယ်ဆိုတာ သူတို့သိမြင်လာပါတယ်။
ဒါကြောင့်ပဲ သူတို့ရဲ့ နာကြည်းမှုတွေကို မြိုသိပ်ခဲ့ပါတယ်။
နောက်ဆုံးမှာ သူတို့ရဲ့ အသက်တွေကိုပါ စွန့်လွှတ်တဲ့အထိ ပေးဆပ်နိုင်ခဲ့ပါတယ်။
ဒါဟာ Hero ဇာတ်ကားမှာ ပြဌာန်းခဲ့တဲ့ သူရဲကောင်းဆိုတဲ့ အဓိပ္ပာယ်ပါပဲ။
တကယ်တော့ သူရဲကောင်းဆိုတာ အလုံးစုံကို အနိုင်ယူနိုင်မှ၊ စွမ်းအားပြနိုင်မှ မဟုတ်ပါဘူး။
မိမိစွမ်းဆောင်နိုင်စွမ်းဟာ လက်တကမ်းမှာ ရောက်နေသည့်တိုင်အောင်
ရေရှည်အတွက် အများကောင်းကျိုးအတွက်
မိမိဆန္ဒ မိမိဘဝကို အနစ်နာခံစွန့်လွှတ်ခဲ့သူများဟာလည်း hero များပဲ ဖြစ်ပါတယ်။
ဒါရိုက်တာ ကျန်းယီမူး (Zhang Yimou) ရဲ့ လက်ရာဖြစ်တဲ့ ဒီဇာတ်ကားနဲ့ ပတ်သက်လို့
အငြင်းပွားဖွယ်ရာတွေ ရှိခဲ့ပါတယ်။
တချက်ကတော့ ဓားကျိုးရေးပြခဲ့တဲ့ Tianxia ဆိုတဲ့စာလုံးရဲ့ အဓိပ္ပာယ်နဲ့ ပတ်သက်လို့ ဖြစ်ပါတယ်။
နောက်တချက်ကတော့ ဒါဟာစိတ်ကူးယဉ်သက်သက်ပဲ လက်တွေ့မဖြစ်နိုင်ဘူးလို့ ငြင်းကြပါတယ်။
ဇာတ်လမ်းအညွှန်း
18 Jan, 10:58
Alarum (2025)
ရမ်ဘိုမင်းသားကြီး Sylvester Stallone နဲ့ မင်းသား Scott Eastwood အဓိက ပါဝင်သရုပ်ဆောင်ထားတဲ့ Action/Crime ဇာတ်လမ်းတစ်ပုဒ်ဖြစ်ပါတယ်။
ဇာတ်လမ်းအကျဉ်းကတော့ တစ်ချိန်က စပိုင်လုပ်ခဲ့ဖူးတဲ့ ဂျိုးဟာ ဒီအလုပ်ကနေ ကင်းကင်းကွာကွာနေခဲ့တာ 5 နှစ်ရှိနေပါပြီ။
ဒါပေမဲ့ သူ့ရဲ့ ဇနီးဖြစ်သူ လော်ရာကလည်း စပိုင်တစ်ယောက် ဖြစ်တဲ့အတွက် သူတို့နှစ်ယောက်ဟာ လူမသိသူမသိ နေထိုင်ရပါတယ်။
တစ်နေ့ သူတို့ အပန်းဖြေခရီးထွက်တဲ့ နေရာမှာ ဟယ်လီကော်ပတာတစ်စင်း ပျက်ကျခဲ့ပါတယ်။
ဒါကို စပိုင်ဟောင်းပီပီ စူးစမ်းမိတဲ့ ဂျိုးဟာ လေယာဉ်မှူးသေဆုံးမှုက သွေးရိုးသားရိုးမဟုတ်တာကို ချက်ချင်းသိလိုက်ပါတယ်။
သို့ပေမဲ့ ပြဿနာက လေယာဉ်ပေါ်က ဆက်သွယ်ရေးကိရိယာက မပျက်စီးသေးတော့ ဂျိုးရဲ့ အသံကို တစ်ဖက်က ကြားလိုက်တာပါပဲ။
ဒီလိုနဲ့ ပျောက်သွားပြီလို့ ယူဆရတဲ့ အာချီဘောလ်အမည်ခံ ဂျိုးတစ်ယောက် အသက်ရှိနေသေးတာကို သူ့ရဲ့ အေဂျင်စီဟောင်းက သိသွားပြီး ထွက်သွားသူကို အရှင်မထားတဲ့ သူတို့ ထုံးစံအရ ဂျိုးကို လိုက်လံရှင်းထုတ်ပါတော့တယ်။
(အညွှန်းနဲ့ဘာသာပြန်ကတော့ Act Molemy ဖြစ်ပါတယ်။)
Credit..
ဇာတ်လမ်းအညွှန်း
18 Jan, 10:57
Once Upon A Time in Madras(2024)
မဒရပ်စ်မှ ဇာတ်ရှုပ်များ
ဒီတစ်ခါ CM Bollywood ပရိသတ်ကြီးကိုတင်ဆက်ပေးချင်တဲ့
ဇာတ်ကားလေးကတော့ တမီလ်သည်းထိပ်ရင်ဖို
စိတ်ဝင်စားဖွယ် ဇာတ်လမ်းဇာတ်သွားလေးနဲ့ ရင်ခုန်စရာဇာတ်လမ်းလေးဖြစ်ပါတယ်
ဇာတ်လမ်းအစမှာ အငြိမ်းစားစစ်အရာရှိကြီးတစ်ယောက်က
ဘဝကို ငြိမ်းချမ်းစွာဖြတ်သန်းနေရင်း သူ့အိမ်က
သရက်ပင်မှာသရက်သီး လာလာခိုးတဲ့ ရပ်ကွက်ထဲက
ကလေးကို စိတ်တိုပြီး သေနတ်နဲ့ထုတ်ပစ်လိုက်တာ
ကလေးကသေသွားပါတယ်…
ကံကောင်းချင်တော့ သေနတ်ကျည်ဆံအလောင်းမှာမတွေ့လို့
အငြိမ်းစားကြီးလည်း အမှုမပတ်အောင် သေနတ်ကို မြစ်ထဲပစ်ချလိုက်ပါတယ်။
အဲ့မှာပဲ မြစ်ကမ်းတစ်နေရာမှာ လူတစ်ယောက်က
အဲ့သေနတ်ကိုဆယ်မိပြီး ဒဇာတ်လမ်းက အစပြုခဲ့တာပါ…
ဒီအရှုပ်ထုပ်နဲ့တပြိုင်နက် ပိုက်ဆံအရေးတကြီးလိုအပ်နေတဲ့
လူတွေရဲ့ဇာတ်လမ်းကလည်း တစ်ပါထဲ ရောယောင်ပါဝင်လာပါတယ်…
.ဒါတွေအကုန် ဘာတွေဆက်စပ်နေလဲဆိုတာ ပရိသတ်ကြီးပဲ
ကြည့်ရှုရင်း အဖြေရှာနိုင်ဖို့
ဘာသာပြန်တင်ဆက်ပေးလိုက်ပါတယ်
အညွှန်းနဲ့ဘာသာပြန်ကတော့ CM Bollywood Team ကပဲ ဖြစ်ပါတယ်
Credit..
ဇာတ်လမ်းအညွှန်း
18 Jan, 10:56
Us or Them (2024)
ဒီ Us or Them ဆိုတဲ့ ရုပ်ရှင်ကတော့ ဘယ်လိုဇာတ်လမ်းမျိုးဖြစ်မလဲဆိုတာကို ခေါင်းစဉ်ကနေတန်းမှန်းကြည့်ဖို့ခက်ခက်မှာပဲ။ Genre အနေနဲ့ကတော့ Action, Thriller, Mystery ဆန်တဲ့ဘက်ကိုရောက်ပါတယ်။
ဇာတ်လမ်းအကျဉ်း
လူငယ်ဘဝကတည်းက သူငယ်ချင်းဖြစ်လာကြတဲ့ဂျုဒ်နဲ့ အန်တီတို့ဟာ မိသားစုနဲ့အတူခရီးတစ်ခုသွားကြပါတယ်။
ဖြစ်ပုံကတော့ ဂျုဒ်က သူကစားတဲ့ အွန်လိုင်းဂိမ်းတစ်ခုမှာ မဲပေါက်သွားတယ်ဆိုပြီး ဂိမ်းစီစဉ်သူတွေက အပျော်ခရီးသွားလက်မှတ်ကို မိသာစုးလိုက်ဖိတ်ခဲ့ပါတယ်။
ဒီလိုနဲ့ ခရီးရောက်တော့ စမ်းတဝါးဝါးနဲ့ သူတို့ကို စီစဉ်သူတွေက ဆုကြောင်းအပြင် ဘာတွေချီးမြှင့်မလဲဆိုတာကို မသိဘဲ ခရီးမှာပျော်ကြတာပေါ့။
ဒီလိုနဲ့ စီစဉ်ပေးထားတဲ့ ဟိုတယ်နေထွက်ပြီး ဂိမ်းစီစဉ်သူတွေရှိရာကို လျှို့ဝှက်အစည်းအဝေးတစ်ခုသွားတက်ဖို့ ဂျုဒ်နဲ့အန်ဒီတို့ထွက်လာခဲ့ပါတယ်။
ဖြစ်ချင်တော့ စီစဉ်သူတွေဟာ သူတို့ကို ဂိမ်းတစ်ခုနဲ့ထပ်မံမိတ်ဆက်လိုက်ပါတယ်။
ဒီဂိမ်းကို လူနှစ်ယောက်အစုံလိုက်ရှိမှသာ ဆော့လို့ရမှာဖြစ်ပြီးတော့ ဂိမ်းရဲ့ ပွဲစဉ်တစ်ခုချင်းစီကိုနိုင်ရင် ပိုက်ဆံကို ထပ်ထပ်ကွမ်းနေအောင်ဆတိုးပြီးရလာမှာပါ။
ဒါပေမဲ့ သတိထားစရာတစ်ခုကတော့ ပွဲစဉ်တစ်ခုခုဆော့တိုင်းကိုယ့်ဘက်ကနေလည်းပြန်ရင်းရတဲ့အရာတွေရှိပါတယ်။
ဒီလိုမျိုး ဂိမ်းစီစဉ်သူကနေ မိတ်ဆက်ပေးလိုက်တဲ့အချိန်မှာ ဂျုဒ်က ငွေမက်သွားပြီး အန်ဒီ့ကို အသည်းအသန်ဆော့ဖို့ သိမ်းသွင်းပါတယ်။
သူတို့သူငယ်ချင်းနှစ်ယောက်ဆော့ဖြစ်သွားပေမယ့်လည်းနောက်ဆုံးမှာတော့ တစ်ယောက်မှာအသက်ရှင်နိုင်မှာကို မသိသေးတဲ့ သူငယ်ချင်းနှစ်ယောက် ဘယ်လိုဖြစ်သွားမလဲဆိုတာကို ရင်တလှုပ်လှုပ်နဲ့ စောင့်မျှော်ကြည့်ရှုရမှာပဲဖြစ်ပါတယ်။
(အညွှန်းနဲ့ဘာသာပြန်ကတော့ Mark ဖြစ်ပါတယ်။)
Credit..
ဇာတ်လမ်းအညွှန်း
18 Jan, 10:55
White Fox Love Affair ( 2023 )
အခုတင်ဆက်ပေးမယ့်ဇာတ်ကားကတော့ မိစ္ဆာမျိုးနွယ်ကိုအခြေတည်ထားတဲ့ဇာတ်လမ်းလေးပါ….
ဝူရှန်းဂိုဏ်းမှာ ဖန်တီးထားတဲ့မိစ္ဆာသန့်စင်ဓာတ်လုံးကို မြေခွေးမိစ္ဆာ
ညီအစ်မနှစ်ယောက်ခိုးယူရင်း အစ်မဖြစ်သူ ပိုင်စူးစူးက မတော်တဆ စုပ်ယူလိုက်မိသွားခဲ့တယ်…
ဓာတ်လုံးရဲ့တန်ပြန်မှုကြောင့် အရာအားလုံးကိုမေ့ပြီးဝူရှန်းတောင်အောက်က
ဝူယိုးရွှာငယ်လေးက စိတ်ထားဖြူစင်တဲ့သမားတော်လေး
ဟယ်အန်းရှန်းက ကယ်တင်ခြင်းကိုခံခဲ့ရတယ်….

ဟယ်အန်းရှန်းကတော့ ကျင့်စဥ်တွေကိုစိတ်ဝင်စားတတ်ပြီး သတ္တဝါအားလုံးကို
ကယ်တင်တတ်တဲ့စိတ်ထားဖြူစင်တဲ့သမားတော်လေးတစ်ယောက်ပေါ့…
အရာအားလုံးကိုမေ့နေတဲ့ မြေခွေးမိစ္ဆာမလေး ပိုင်စူးစူး နဲ့
စိတ်ထားဖြူစင်တဲ့သမားတော်လေး ဟယ်အန်းရှန်းတို့
လူနဲ့ မိစ္ဆာအတူမနေရ သတ်မှတ်ထားတဲ့ လောကကြီးထဲမှာ ရှေ့ဆက်ဘယ်လိုဆက်ဖြစ်ကြမလဲ……
မိစ္ဆာသန့်စင်ဓာတ်လုံးကြောင့် အတိတ်မေ့တာကရောပျောက်ကင်းသွားမှာလား….
မိစ္ဆာသန့်စင်ဓာတ်လုံးပျောက်ဆုံးသွားတဲ့
ဂိုဏ်းတွေကြားကရှုပ်ထွေးမှုတွေရောဘယ်လိုဖြေရှင်းကြမလဲဆိုတာ….
ချစ်ခြင်းမုန်းခြင်းတွေကြား လိုက်ပါစီးမြောပေးကြပါဦးနော်….
Credit..
အခုတင်ဆက်ပေးမယ့်ဇာတ်ကားကတော့ မိစ္ဆာမျိုးနွယ်ကိုအခြေတည်ထားတဲ့ဇာတ်လမ်းလေးပါ….
ဝူရှန်းဂိုဏ်းမှာ ဖန်တီးထားတဲ့မိစ္ဆာသန့်စင်ဓာတ်လုံးကို မြေခွေးမိစ္ဆာ
ညီအစ်မနှစ်ယောက်ခိုးယူရင်း အစ်မဖြစ်သူ ပိုင်စူးစူးက မတော်တဆ စုပ်ယူလိုက်မိသွားခဲ့တယ်…
ဓာတ်လုံးရဲ့တန်ပြန်မှုကြောင့် အရာအားလုံးကိုမေ့ပြီးဝူရှန်းတောင်အောက်က
ဝူယိုးရွှာငယ်လေးက စိတ်ထားဖြူစင်တဲ့သမားတော်လေး
ဟယ်အန်းရှန်းက ကယ်တင်ခြင်းကိုခံခဲ့ရတယ်….

ဟယ်အန်းရှန်းကတော့ ကျင့်စဥ်တွေကိုစိတ်ဝင်စားတတ်ပြီး သတ္တဝါအားလုံးကို
ကယ်တင်တတ်တဲ့စိတ်ထားဖြူစင်တဲ့သမားတော်လေးတစ်ယောက်ပေါ့…
အရာအားလုံးကိုမေ့နေတဲ့ မြေခွေးမိစ္ဆာမလေး ပိုင်စူးစူး နဲ့
စိတ်ထားဖြူစင်တဲ့သမားတော်လေး ဟယ်အန်းရှန်းတို့
လူနဲ့ မိစ္ဆာအတူမနေရ သတ်မှတ်ထားတဲ့ လောကကြီးထဲမှာ ရှေ့ဆက်ဘယ်လိုဆက်ဖြစ်ကြမလဲ……
မိစ္ဆာသန့်စင်ဓာတ်လုံးကြောင့် အတိတ်မေ့တာကရောပျောက်ကင်းသွားမှာလား….
မိစ္ဆာသန့်စင်ဓာတ်လုံးပျောက်ဆုံးသွားတဲ့
ဂိုဏ်းတွေကြားကရှုပ်ထွေးမှုတွေရောဘယ်လိုဖြေရှင်းကြမလဲဆိုတာ….
ချစ်ခြင်းမုန်းခြင်းတွေကြား လိုက်ပါစီးမြောပေးကြပါဦးနော်….
Credit..
ဇာတ်လမ်းအညွှန်း
18 Jan, 10:54
I Am Dragon (2015)
IMDB: 6.8/10
နဂါးလေးကိုမှ ချစ်မိနေပါပြီဆိုတဲ့ CMပရိသတ်တို့အတွက် Animationကောင်းကောင်းနဲ့
Positive review တွေပိုင်ဆိုင်ထားတဲ့ IMDb-6.8ရ ရုရှားနဂါးကားလေး တင်ဆက်ပေးချင်ပါတယ်။
တောင့်တောင့်ဖြောင့်ဖြောင့် six pack နဲ့ နဂါးလေးရယ် လှရက်လွန်းလှတဲ့ မင်းသမီးလေးရယ်ကို ငမ်းရတာနဲ့တင် အတော်တန်တဲ့ ရုပ်ရှင်လေးဆိုတော့
ရုရှားအဆင်လေး ပြောင်းကြိုက်ချင်သူတွေအတွက်တော့ ကြည့်သင့်တဲ့ရုပ်ရှင်လေးဖြစ်ပါကြောင်း….
တစ်ချိန်က နဂါးတွေကြီးစိုးနေစဉ်ကာလမှာ မြို့ငယ်လေးတစ်မြို့က လူတွေက ရွာကအပျိုချောတွေကို နဂါးကြီးကို ဆက်သရပါသတဲ့။
ဒီမိန်းကလေးတွေကို နဂါးစာအဖြစ် ဆက်သနေရတာဟာ ဒီမြို့လေးအတွက်တော့ ဓလေ့ထုံးစံတစ်ခုလိုဖြစ်လာခဲ့ပါတယ်။
သိပ်ချစ်တတ်တဲ့ လူငယ်တစ်ယောက် မပေါ်လာခင်ပါပဲ။
ဒီလူငယ်လေးကတော့ နဂါးကိုဆက်သရတော့မယ့်ချစ်သူမိန်းကလေးကို အရပြန်လုဖို့ စိတ်ပိုင်းဖြတ်ခဲ့ပေမဲ့ အလာကောင်းပေမဲ့ အခါနှောင်းသွားခဲ့ရပါတယ်။
ချစ်သူကို ကယ်ဖို့မမီလိုက်တဲ့ ဒေါသဇောနဲ့ပဲ အချစ်ကြီးတဲ့လူငယ်လေးက နဂါးကြီးကို လှံနဲ့ပစ်ခွင်းအနိုင်ယူပြီး နဂါးသတ်သမားဘွဲ့ကို ခံယူလိုက်ပါတော့တယ်။
နှစ်တွေကြာတော့ နဂါးဆိုတာ တကယ်ရှိတယ်တောင်မထင်ရတော့တဲ့အထိ ဒဏ္ဍာရီတစ်ပုဒ်သာသာဖြစ်လာတာပေါ့။
အခုလက်ရှိမှာတော့ ဒီနဂါးသတ်သမားရဲ့မျိုးဆက်ဖြစ်တဲ့ အီဂါဆိုတဲ့လူငယ်လေးဟာ မြို့ကိုအုပ်စိုးတဲ့မင်းသားကြီးရဲ့ သမီးထွေးနဲ့ လက်ဆက်ဖို့ပြင်နေပါတယ်။
ငယ်ရွယ်ပြီး မရင့်ကျက်သေးတဲ့ နဂါးတွေ နတ်သမီးပုံပြင်တွေကြားမှာ မွေ့လျော်နေတဲ့သမီးဖြစ်သူကို သူရဲကောင်းမျိုးဆက်လက်အပ်ချင်တဲ့မင်းသားကြီးနဲ့
တစ်ဖက်က သူရဲကောင်းအဘိုးရဲ့အရှိန်အဝါနဲ့ ဂုဏ်မောက်နေတဲ့အီဂါတို့ကြား နေရကြပ်နေတဲ့ မီယိုဆာလ်ဗာမင်းသမီးလေးတစ်ယောက်
လက်ထပ်ပွဲမှာ နဂါးခေါ်သီချင်းဆိုပြီးနောက်မှာ နဂါးကြီးက ဂူကြီးတစ်ခုထဲကို ခေါ်သွားတာခံလိုက်ရတဲ့အခါ…
ကျင်းထဲမှာ မီယာနဲ့တွေ့တဲ့ အမည်မသိကောင်လေးက ဘယ်သူလဲ။
မီယာကိုခေါ်လာတဲ့နဂါးကြီးကရော ဘယ်ရောက်သွားလဲ။
နဂါးသတ်သမားမျိုးဆက်ဆိုပြီး လက်စွမ်းပြချင်တဲ့အီဂါတစ်ယောက်ကရော မီယာကိုကယ်တင်ဖို့ ဘယ်လိုကြိုးစားသွားမလဲဆိုတာ ရှုစားကြပါဦး။
(အညွှန်းနဲ့ဘာသာပြန်ကတော့ Mary Christ ပဲဖြစ်ပါတယ်)
Credit..
ဇာတ်လမ်းအညွှန်း
18 Jan, 10:53
Back In Action (2025)
====================
ဒီရုပ်ရှင်ကတော့ 2025 ရဲ့ထိပ်တန်းနာမည်ကြီးသရုပ်ဆောင်တွေနဲ့ စတင်ထားတဲ့
Nonstop အက်ရှင်ကားကောင်းတစ်ကားပါ…Jamie Fox , Cameron Diaz ,
Andrew Scott စတဲ့ နာမည်ကြီးအမြောက်အမြားပါဝင်ထားပါတယ်….
CIA ရဲ့ ထိပ်တန်းစပိုင် ၂ ယောက်ဖြစ်တဲ့ အမ်မလီနဲ့ မတ်ဟာ ရုရှားတွေဆီကနေ…
ကမ္ဘာအနှံ့က အရေးပါတဲ့ နယူးကလီယားဓာတ်ပေါင်းဖို.ဆည်ကြီးတွေ
ဓာတ်အားပေးရုံတွေ စတဲ့အရာတွေကိုထိန်းချုပ်နိုင်တဲ့ သော့တစ်ချောင်းကို ခိုးလာပါတယ်…
ဒီသော့ကိုပြန်အပ်ဖို့ အပြန်လမ်း လေယာဉ်ပေါ်မှာ အမ်မလီဟာ
မတ်ကြောင့် ကိုယ်ဝန်ရသွားကြောင်း သိရာကနေ..စီးလာတဲ့လေယာဉ်ပါ ချောက်ချခံလိုက်ရပြီး
ရန်သူဘက်က တိုက်ခိုက်တာကိုခံရတာကြောင့်
လေယာဉ်ပျက်ကျသွားပါတယ်…သော့ပါပျောက်သွားပြီး သူတို့နှစ်ယောက်လုံး သေလူဟန်ဆောင်က
ဇာတ်မြှုပ်နေလိုက်ကြပါတယ်
ဒါပေမယ့် ၁၅ နှစ်ကြာအပြီး သားနဲ့သမီးနဲ့ သာမန်မိသားစုလေးတစ်ခုရလာချိန်မှာ…
အတိတ်ကသူတို့ရဲ့ ဘဝဇာတ်ကြောင်းတွေ ပြန်လိုက်လာတဲ့အတွက်
စွန့်လွှတ်ခဲ့တဲ့ သူလျှိုဘဝကိုပြန်သွားရပါတော့တယ်..
Credit..
ဇာတ်လမ်းအညွှန်း
17 Jan, 10:48
Suffocating Love ( 2024 )
IMDB: 6.2/10
ဒီနေ့မှာတော့ ထိုင်ဝမ်ဇာတ်ကားကောင်းလေးကို ဘာသာပြန်တင်ဆက်ပေးလိုက်ပါတယ်….
“ကြေကွဲလွယ်တဲ့ငါ့ရဲ့ အစိတ်အပိုင်းတစ်စချင်းစီကို ချစ်ရတဲ့ နင် ပင်ပန်းမှာပဲ” ဆိုတဲ့ စကားလေးအတိုင်းပါပဲ…
အချစ်နဲ့ပတ်သက်တဲ့အခါမှာ လူတစ်ယောက်နဲ့ တစ်ယောက် အကြိုက်မတူ…
ဗီဇမတူ… ခံယူချက်ချင်းမတူ.. အမြင်တွေမတူကြတဲ့အခါမှာတော့…
ချစ်စခင်စမှာတော့ တွယ်တာမြတ်နိုးပြီး အပြန်အလှန် နားလည်ပေးနိုင်သလောက်…
တဖြည်းဖြည်း အနေကြာလာရင် ပိုချစ်ရတဲ့သူက ပိုပြီး ခံစားရတတ်ပါတယ်….
ဒီကားလေးထဲက ဇာတ်လိုက်မင်းသားလည်း ဒီလိုပါပဲ…
သဘာဝတရားကြီးကို မြတ်နိုးတဲ့ သက်သတ်လွတ်ပဲစားတဲ့
ပိုင်ကျားချီဆိုတဲ့ ကောင်မလေးကို ချစ်တုန်းက…
သူအရမ်းကြိုက်လွန်းတဲ့ ကြက်သား ဝက်သားတွေကို စတေးနိုင်ခဲ့တယ်…
သူမကြိုက်တဲ့ စာအုပ်တွေကို ဖတ်လာပြီး…
ပိုင်ကျားချီနဲ့အတူ ဘုရားကျောင်းတက်ဖို့ထိကိုလည်း ဝန်မလေးခဲ့ဘူး…
ဒါပေမယ့်လည်း… တဖြည်းဖြည်း ကြာလာတော့
ပိုင်ကျားချီတောင်းဆိုတာတွေက သူ့အတွက် ဖိအားတွေဖြစ်လာပြီး…
ဖိအားပြေလျော့ဖို့အတွက် ကျောင်းနေဖက်ဟောင်း
လင်အန်းရွှမ်နဲ့ ဖောက်ပြန်တဲ့ အဆင့်ထိဖြစ်လာတော့တယ်…
သိတဲ့အတိုင်းပဲ ခြံခုန်တဲ့နွားဆိုတာက စည်းဘယ်လောက်ပဲ
တားထားပါစေ ခြံပြင်မရောက်ရောက်အောင် ခုန်ထွက်တဲ့အမျိုး…
ဒါပေမယ့် ပိုင်ကျားချီကို အသိမပေးဘဲတွဲလာပြီး…
နောက်ဆုံး အသိပေးလမ်းခွဲဖို့လုပ်တဲ့နေ့မှာတော့….
မင်းသားဘဝမှာ မယုံကြည်နိုင်လောက်တဲ့ ကိစ္စတစ်ခုနဲ့ ကြုံတွေ့ပြီးတော့…
သူဟာ မျဉ်းပြိုင်လောကမှာ နောက်အမျိုးသမီးတစ်ယောက်ရဲ့ ရည်းစားအဖြစ် နိုးထလာခဲ့ပါတယ်…
ကဲ ဒီအချစ်ဝင်္ကပါထဲက သူရုန်းထွက်နိုင်မှာလား…
နောက်ပြီး ဘာလို့ မျဉ်းပြိုင်လောကကို ရောက်သွားတာလဲ….
နောက်ပြီး ဒီအမျိုးသမီး ၃ ယောက်ကရော ဘယ်လိုတွေပတ်သက်နေတာလဲ….
ဒီကားလေးကြည့်ပြီး ဘာအတွေးလေးရနိုင်မှာလဲ…
ဆိုတာ သိရအောင် CM နဲ့အတူ ကြည့်ဖို့ ဖိတ်ခေါ်လိုက်ပါတယ်
Credit..
ဇာတ်လမ်းအညွှန်း
17 Jan, 10:47
Dosen Ghaib: It’s Nighttime or You Already Know (2024)
ဒီအင်ဒိုနီးရှားဇာတ်လမ်းက နာမည်ကြီးခဲ့တဲ့ သရဲကျောင်းဆရာအကြောင်းကို inspire ယူပြီး ကျောင်းပညာရေးစနစ်အတွင်းက အကြမ်းဖက်မှုကို ရိုက်ကူးထားပါတယ်။
Plot summary:
Amelia (Ersya Aurelia), Emir (Rayn Wijaya), Maya (Annette Edoarda) နဲ့ Fattah (Endy Arfian) တို့ သူငယ်ချင်းလေးယောက်အဖွဲ့က စည်းကမ်းအရမ်းတင်းကြပ်လို့ ကျောင်းသားတိုင်းကြောက်ကြတဲ့ ဆရာ Pak Bakti ရဲ့ စိတ်ပညာအတန်းစာမေးပွဲကို ကျလို့ အတန်းပြန်တက်ကြရတယ်။
ဆရာ Bakti ရဲ့ စာသင်နှစ် 20 သက်တမ်းတစ်လျှောက်မှာ သူတို့လေးယောက်က ပထမဦးဆုံး စာမေးပွဲကျဖူးတဲ့ ကျောင်းသားတွေဖြစ်လို့ Bakti က မကျေနပ်ဘူး။
အတန်းပြန်တက်ဖို့ သူတို့လေးယောက်တည်းကို စာပြန်သင်ရတဲ့အခါ ဆရာ Bakti က ချိန်းထားတဲ့ ည 7 နာရီထက် နောက်ကျပြီးမှ ရောက်လာခဲ့တယ်။
ဘယ်တော့မှ နောက်မကျတတ်တဲ့ဆရာက ထူးထူးဆန်းဆန်း အတန်းလာတာနောက်ကျနေပေမဲ့ Amelia တို့ သူငယ်ချင်းအဖွဲ့လည်း ဆရာစာသင်တာကို ဆက်နားထောင်နေခဲ့တယ်။
ဒါပေမဲ့ ရုတ်တရက် Group chat မှာ ဆရာ Bakti အက်ဆီးဒင့်ဖြစ်ပြီး ဆုံးသွားပြီဆိုတဲ့ သတင်းတက်လာတော့ Amelia တို့ လေးယောက်လုံး သူတို့ရှေ့မှာ ရပ်နေတဲ့ဆရာရဲ့ မူမမှန်ထူးခြားမှုတွေကို မြင်လာပြီး အတန်းထဲကထွက်ပြေးဖို့ ကြိုးစားကြပါတော့တယ်။
ဒီဇာတ်လမ်းက Jump scares နဲ့ သည်းထိတ်စရာအခြေအနေတွေကို ကောင်းကောင်းအသုံးချထားကြောင်း Critics တွေက မှတ်ချက်ချထားပြီး သရုပ်ဆောင် Egi Fedly ရဲ့ နက်နဲမှုရှိတဲ့ ဆရာ Bakti ကာရိုက်တာကို ပေါ်လွင်အောင်သရုပ်ဖော်ပြနိုင်မှုအတွက်လည်း ချီးကျူးထားကြပါတယ်။
ဒီ horror ဇာတ်လမ်းမှာ ဆရာတွေရဲ့ ကျောင်းသားတွေအပေါ် စာသင်နည်းစနစ်က ကျောင်းသားတွေရဲ့ စိတ်ကျန်းမာရေးအပေါ် အကျိုးသက်ရောက်မှုကြီးမားတာကို ဖော်ပြထားပြီး ဆရာ- တပည့်ကြားက ဆက်ဆံရေးကိုမြှင့်တင်ပြီး ကျောင်းသားတွေရဲ့စိတ်ကျန်းမာရေးကို ထိခိုက်စေတဲ့ တင်းကြပ်တဲ့ စာသင်နည်းစနစ်တွေကို ပယ်ဖျက်ဖို့ သင်ခန်းစာပေး ရိုက်ကူးထားတဲ့ သရဲကားကောင်းတစ်ပုဒ်ပဲ ဖြစ်ပါတယ်။
(အညွှန်းနဲ့ဘာသာပြန်ကတော့ Thwal Htoo Zin ဖြစ်ပါတယ်။)
Credit..
ဇာတ်လမ်းအညွှန်း
17 Jan, 10:46
Cloud (2024)
IMDb Rating (6.4) / Rotten Tomatoes (92%)
Cloud (2024) သည် IMDB (6.4) နှင့် RT 92% ရရှိထားသော ဒစ်ဂျစ်တယ်နှင့် ရုပ်ပိုင်းဆိုင်ရာ ဖြစ်ရပ်မှန်များ ပေါင်းစည်းထားသည့် စိတ်ဝင်စားဖွယ်ရာရုပ်ရှင်တစ်ကားဖြစ်ပါတယ်။
ကမ္ဘာကြီးတွင် လူသားတို့၏အတွေ့အကြုံ အနာဂတ်သည် မည်သို့မည်ပုံ ဖြစ်လာနိုင်သည်ဟူသော ဆန်းကြယ်သော ရူပါရုံကို တင်ဆက်ထားသည့် အနာဂတ်ထင်ကြေးပေး ခန့်မှန်းချက်များကို ပုဂ္ဂိုလ်ရေးဆိုင်ရာ စူးစမ်းမှုတို့ဖြင့် ပေါင်းစပ်ထားသောကြောင့် နက်နဲသော ဒဿနရုပ်ရှင်ကားကောင်းတစ်ကားဖြစ်ပါတယ်။
ဇာတ်လမ်းအကျဉ်း
ယိုရှီ ဆိုတဲ့ကောင်လေးဟာ သာမန်စက်ရုံကအလုပ်သမားတစ်ယောက်ပါ။
ပြီးတော့ အပြင်ကနေ ပစ္စည်းတွေကိုလျှော့ဈေးနဲ့ဝယ်ပြီး အွန်လိုင်းကနေပြန်ရောင်းတာလည်းလုပ်ပါတယ်။
ဒါပေမဲ့ နောက်ကျတော့ စွန့်ဦးစီးပွားရေးလုပ်ချင်စိတ်နဲ့ အလုပ်ကနေထွက်ပြီး အဲ့အွန်လိုင်းပစ္စည်းရောင်းတဲ့ဘက်ကိုပဲ လှည့်လိုက်ပါတော့တယ်။
ရည်ရွယ်ချက်ကတော့ မျိုးမျိုးမြတ်မြတ်ရချင်တဲ့အတွက်ပဲဖြစ်ပါတယ်။
တစ်ရက်မှာတော့ သူဟာ ဒီဇိုင်နာအိတ်အတုတွေကိုဝယ်မိပြီး အတုမှန်းမသိ အစစ်မှန်းမသိဘဲပြန်ရောင်းလိုက်မိပါတော့တယ်။
အဲ့ဒီနောက် ဝယ်သူတွေက ဒေါသပုန်ထလာတဲ့အချိန်မှာတော့ ယိုရှီတစ်ယောက် အသက်အန္တရာယ်ပါကြုံရလာပါတော့တယ်။
(အညွှန်းနဲ့ဘာသာပြန်ကတော့ Khant Sett Naing ဖြစ်ပါတယ်။)
Credit..
ဇာတ်လမ်းအညွှန်း
17 Jan, 10:45
The Whole Truth (2016)
Keanu Reeves ရဲ့ 2016 တုန်းက ထွက်ခဲ့တဲ့ Crime/Thriller ရုပ်ရှင်ဖြစ်ပါတယ်။
ရုပ်ရှင်ဇာတ်အိမ်ကို အမှုတစ်ခုအပေါ် အခြေတည်ထားပြီး ဇာတ်လမ်းအသွားအလာကလည်း မြန်တာမို့လို့ ပျင်းဖို့မကောင်းပါဘူး။ ဇာတ်လမ်းထဲမှာ Keanu Reeves ဟာ Richard Ramsey ဆိုတဲ့ တော်ပြီး ထက်တဲ့ ရှေ့နေနေရာက သရုပ်ဆောင်ထားပါတယ်။ သူ့အမှုတိုင်း လိုလို ကို ကောင်းကောင်း ကိုင်တွယ်နိုင်ပေမယ့် သူ့အသိ Boone Lassiter ရဲ့ သားဖြစ်တဲ့ Mike Lassiter ရဲ့ အမှုမှာတော့ အကြပ်ရိုက်နေရပ်တယ်။ ဘာလို့လဲဆိုတော့ Mike က သူ့အဖေကို ပြန်သတ်ခဲ့လို့ ဖြစ်ပါတယ်။
အဲဒါအပြင် Mike က ဘယ်သူ့ကိုမှ စကားမပြောပါဘူး။ သူ့ရှေ့နေ ဖြစ်တဲ့ Richard ကိုတောင် စကားလုံးဝ မပြောတော့ရှေ့နေRichard တစ်ယောက် အမှုကို ကိုယ်တွယ်ဖို့ အတော်ခေါင်းစားလာပါတယ်။ သူ့အသိ ရှေ့နေမလေးရဲ့ အကူအညီနဲ့ နောက်ဆုံးမှာ Mike စကားပြောလာခဲ့ပေမယ့် မထင်မှတ်ထားတဲ့ ဆိုးရွားတဲ့အဖြစ်အပျက်တွေကိုလည်း သိလာရပါတယ်။
Credit..
ဇာတ်လမ်းအညွှန်း
17 Jan, 10:45
Rifle Club (2024)
ခပ်ကြမ်းကြမ်းမှကြိုက်တဲ့ ဘောလိဝုဒ်ပရိသတ်ကြီးအတွက်
ဇာတ်လမ်းနာမည်အတိုင်း အပစ်အခတ်အတိုက်အခိုက်ခန်းတွေ
တ၀ကြီးကြည့်ရမဲ့ မလေယာလမ်စကားပြော
အက်ရှင်ဇာတ်လမ်းတစ်ပုဒ်နဲ့ မိတ်ဆက်ပေးချင်ပါတယ်။
ဒီဇာတ်လမ်းရဲ့ ထူးခြားချက်တစ်ခုကတော့ Hanumankind လို့
လူသိများတဲ့ အိန္ဒိယ Rapper အဆိုတော်ရဲ့ ပွဲဦးထွက်ရုပ်ရှင် ဖြစ်နေတာပါပဲ။
ဇာတ်လမ်းကို လက်နက်မှောင်ခိုသမား ဒုစရိုက်ဂိုဏ်းခေါင်းဆောင်ကြီး
ဒါယာနမ်ရဲ့သားအငယ်ဖြစ်သူဘီချူ မွေးနေ့ပွဲကျင်းပနေတာနဲ့ အစပျိုးထားပါတယ်။
အဲဒီနေ့ညမှာပဲ လူရမ်းကားလေးဘီချူ မတော်တဆ
သေဆုံးသွားတာကနေ တကယ့်ပြဿနာ စတော့တာပါပဲ။
ဘီချူတိုနေထိုင်ရာမြိုနဲ့အဝေးက အိန္ဒိယအနောက်ပိုင်း တောင်တန်းဒေသတစ်နေရာမှာတော့
မုဆိုးတွေစုပေါင်းဖွဲစည်းထားတဲ့ “Rifle Club” ဆိုတဲ့ သမိုင်း၀င်အသင်းအဖွဲတစ်ခုရှိပါတယ်။
တစ်နေ့တော့ ရုပ်ရှင်မင်းသားတစ်ယောက်ဟာ သူ့ရုပ်ရှင်အတွက် လေ့လာရေးအဖြစ်
အဲဒီကလပ်ကို ရောက်ရှိလာပါတယ်။ ဖြစ်ချင်တော့ သူရောက်ပြီး သိပ်မကြာခင်မှာပဲ
ဒါယာနမ်ရဲ့လက်နက်မှောင်ခိုဂိုဏ်းနဲ့ Rifle Club က
အဖွဲ၀င်တွေရဲ့ တကယ်တိုက်ပွဲအစစ်နဲ့ ကြုံတွေ့ရပါတော့တယ်။
အဲဒီသူသေကိုယ်သေတိုက်ကျတဲ့ ရန်ပွဲကြီးမှာ ဘယ်သူက အနိုင်ရသွားမလဲ၊
Rifle Club ကို မှောင်ခိုဂိုဏ်းသားတွေ လာရောက်ရန်မူရတဲ့ အဓိကအကြောင်းအရင်းက
ဘာဖြစ်မလဲ ဆိုတာကို ဇာတ်လမ်းဇာတ်ကွက် အပြောင်းအလဲများနဲ့အတူ စိတ်၀င်တစား ကြည့်ရှုရမှာ ဖြစ်ပါတယ်။
(ဒီဇာတ်လမ်းအတွက် အညွှန်းနဲ့ဘာသာပြန်ကတော့ Cym~ToMo~V~KKKZ ဖြစ်ပါတယ်။)
Credit..
ဇာတ်လမ်းအညွှန်း
17 Jan, 10:44
Conjuring The Cult (2024)
David ဆိုတဲ့ သက်လတ်ပိုင်းအရွယ် ဖခင်တစ်ယောက်ဟာ သမီးဖြစ်သူက ကိုယ့်ကိုယ်ကိုယ်စီရင်ပြီး နှုတ်ဆက်ထွက်ခွာသွားတာကို မြင်တွေ့လိုက်ရပါတယ်။ သမီးဖြစ်သူကို ဆုံးရှုံးလိုက်ရတာကို လက်မခံနိုင်တဲ့အခါ လူမှုကူညီရေးအဖွဲ့တစ်ခုမှာ အသင်းဝင်အနေနဲ့ ပါဝင်လိုက်ပါတယ်။ သူ့ရဲ့ သမီးဖြစ်သူကို လွမ်းဆွတ်ကြောင်း ပြန်တွေ့ခွင့်ရချင်ကြောင်းစတဲ့ ရင်ဖွင့်သံတွေကိုနားထောင်ပြီးတဲ့နောက် ထူးဆန်းတဲ့အမျိုးသမီးတစ်စုက ကူညီလိုကြောင်း ကမ်းလှမ်းလာခဲ့ပါတယ်။ ဒီအမျိုးသမီးတွေရဲ့ ကမ်းလှမ်းချက်ကို David က လက်ခံမှာလား။ သမီးဖြစ်သူ Masha ကရော ဘာကြောင့် ကိုယ့်ကိုယ်ကိုယ် စီရင်သွားခဲ့တာလဲဆိုတာတွေကို အတူကြည့်လိုက်ကြရအောင်လားဗျာ။
Credit..
ဇာတ်လမ်းအညွှန်း
16 Jan, 10:48
Man with No Past (2025)
ဒီတစ်ခေါက်တင်ဆက်ပေးမယ့် ဇာတ်ကားလေးကတော့
Action/Drama အမျိုးအစားဇာတ်ကားလေးပဲဖြစ်ပါတယ်
တည်းခိုခန်းတစ်ခုမှာ အိပ်မက်ကနေ နိုးထလာတဲ့ Ryder
တစ်ယောက်ဟာ မိမိအမည်ကိုမိမိတောင် မသိရှိဘဲ
ပြန်စုံစမ်းရတဲ့အထိ အတိတ်ပျောက်ဆုံးနေသူတစ်ယောက်ပါ
ရောမခေတ်နဲ့ နာဇီပါတီကြီးစိုးချိန်ကာလကို မြင်ယောင်နေရင်း
အိပ်မက်ထဲမှာ မြင်နေကျမျက်နှာတွေကို အပြင်မှာပါ မသဲကွဲ
ပြန်မှတ်မိချိန်မှာတော့ Ryder တစ်ယောက်အဖြေရှာဖို့
ဖြစ်လာပါတော့တယ်…
တစ်ချိန်တည်းမှာလည်း Ryder ကို မသင်္ကာတဲ့ရဲအရာရှိ
တစ်ယောက်ဟာ ကိုယ့်နည်းကိုယ့်ဟန်နဲ့ စုံစမ်းရင်း Ryder
အကြောင်း ဘယ်လိုမှရှာမတွေ့တဲ့နောက်မှာတော့…
ဒီဇာတ်ကားလေးမှာဆိုရင် ရောမခေတ်၊ နာဇီပါတီကြီးစိုးစဉ်
ကာလနဲ့ လက်ရှိမျက်မှောက်ကာလကို ပူးတွဲပုံဖော်ထားမှုဟာ
ဆွဲဆောင်မှုရှိလှပြီး နိုင်ငံရေးစီးပွား ရေးစစ်ရေးဆိုင်ရာတွေကိုလည်း
အကျဉ်းရုံးပြသထားတာကာ သဘာလွန်ဖြစ်ရပ်တွေနဲ့လည်း
ဖြည့်စွက်ထားလို့ ရသစုံတဲ့ အက်ရှင်ကားလေးဖြစ်ပါတယ်
အက်ရှင်မှာဆိုရင်လည်း ရောမခေတ်အက်ရှင် စစ်ပွဲအက်ရှင်
မြို့ပြအက်ရှင်အကုန်လုံး ပေါင်းစပ်ပြသထားတာဖြစ်လို့
အက်ရှင်ချစ်ပရိသတ်များ အကြိုက်တွေ့နိုင်မှာ သေချာပါတယ်…
အချိန်ကာလယန္တရားကို အပြိုင်ချိတ်ဆက်ကာ Ryder
တစ်ယောက်အကြောင်းကို ဘယ်လိုပုံဖော်ပြသွားမလဲ…….
Ryder ဆိုတာကရော ဘယ်သူလဲ…………..
ဘာကြောင့် အတိတ်ပျောက်ဆုံးနေရတာလဲ………
ဘာကြောင့်အိပ်မက်တွေမြင်မက်နေရတာလဲ………..
သဘာဝလွန်စွမ်းအင်တွေကရော ဘာအတွက်ပါရတာလဲ……
စသည့် စသည့် ပဟေဠိတွေကိုတော့ ဒီဇာတ်ကားလေးကြည့်ရင်
အဖြေရှာကြည့်နိုင်ဖို့ ရုပ်ရှင်ချစ်သူပရိသတ်များကို ညွှန်းပေး
လိုက်ရပါတယ်ဗျာ…..
Credit..
ဇာတ်လမ်းအညွှန်း
12 Jan, 10:08
Aap Mujhe Achche Lagne Lage 2002 မင်းနဲ့မှချစ်တတ်ပြီပေါ့
အဟောင်းပေမဲ့ရွှေဆိုပြီး 2000 ခုနှစ်များဆီက အချစ်ဇာတ်လမ်းလေးတွေကို
သဘောကျသူတို့အတွက် မင်းသားကြီး Hrithik Roshan ရဲ့အချစ်
အမုန်း ရင်သပ်ရှုမောစရာလေးတွေအပြင် အက်ရှင်ပါ
ပါဝင်တဲ့ဇာတ်လမ်းလေးတစ်ခုနဲ့ မိတ်ဆက်ပေးပါရစေ။
ဆက်ပနာဟာ မြေအောက်လောကခေါင်းဆောင်ကြီးရဲ့ သမီးချောလေးပါ။
အများအမြင်မှာတော့ အဖေနဲ့အစ်ကိုရယ် အစ်ကို့မိန်းမရယ်ရဲ့ စောင့်ရှောက်မှုအောက်မှာ
အပူအပင်ကင်းစွာကြီးပြင်းလာရတဲ့ မင်းသမီးလေးပေါ့။
ဒါပေမဲ့သူ့ဘဝဟာ စာသင်ရင်လည်းအိမ်မှာခေါ်သင်ရ၊ အပြင်ထွက်လည်ပတ်ခွင့်လည်းမရှိတဲ့အပြင်
သူ့အဖေတို့ရဲ့ ကလဲ့စားချေသတ်ဖျက်မှုတွေကို မြင်နေကြားနေရတဲ့
လှောင်အိမ်ထဲက မင်းသမီးလေး ဖြစ်လို့နေပါတယ်။
သူ့ယောက်မဖြစ်သူကို သူဒီဘဝမှာနေမပျော်ကြောင်း၊ ဘယ်လောက်ကြာအောင်
နေရမယ်မသိကြောင်းပြောရင် မကြာခင် သူ့ကိုကယ်တင်မယ့်
မင်းသားလေးရောက်လာမှာမို့ စိတ်ရှည်ပါဆိုပြီးပဲ နှစ်သိမ့်ခံနေရပါတယ်။
သူ့ရဲ့မွန်းကြပ်မှုကနေ ထွက်ပြေးဖို့တစ်နေ့ သူ့ငယ်သူငယ်ချင်းရဲ့ မင်္ဂလာဆောင်ကို
ခိုးထွက်လာခဲ့လေရဲ့။ ဖြစ်ချင်တော့ သူ့အဖေရဲ့ရန်သူတော်တွေဆီက
လိုက်လံတိုက်ခိုက်ခံရပါတော့တယ်။ အဲဒီအချိန်မှာ ကောလိပ်ကျောင်းသားလေး
ရိုဟစ်က တွေ့ပြီးကယ်တင်လိုက်ရာကစ သူတို့တွေ့ဆုံခဲ့ပါတယ်။
နောက်တစ်နေ့သတင်းစာမှာ ဆက်ပနာအကြောင်းပါလာမှ ရိုဟစ်ဟာ
သူဘယ်သူဆိုတာသိပြီး တွေ့ဖို့နည်းလမ်းရှာပါတော့တယ်။
ဆက်ပနာကတော့ အဲဒီနေ့အဖြစ်အပျက်ပြီးတည်းက အိမ်ထဲကခြေတစ်လှမ်းတောင်မထွက်ဖို့
အမိန့်ပေး ပိတ်လှောင်ခံထားရတာပါ။ အဲဒီအပြင်သူ့အဖေက သူ့သမီးကို အိမ်ထောင်ပြုပေးပြီး
အဝေးပို့ဖို့ပါ စီစဉ်နေပါတော့တယ်။
ဒီလိုနဲ့ ရိုဟစ်က နည်းလမ်းစဉ်းစားပြီး သူတို့အိမ်မှာ
လုပ်တဲ့ဆုတောင်းပွဲမှာ ဒရမ်သမားလေးအနေနဲ့လိုက်ပါသွားလေရဲ့။
ရိုဟစ်အနေနဲ့ သူမြင်မြင်ချင်းချစ်မိသွားတဲ့ မင်းသမီးလေးနဲ့ ရှေ့ဆက်နိုင်ပါ့လား၊
သူ့အဖေတွေ အစ်ကိုတွေနဲ့ ဘယ်လိုဖြေရှင်းကိုင်တွယ်မလဲ၊ ဆက်ပနာကရော
လှောင်အိမ်စံမင်းသမီးလေးဘဝက လွတ်မြောက်ဖို့
ဘယ်လိုကြိုးပမ်းအားထုတ်မလဲဆိုတာ ကြည့်ရှုအဖြေထုတ်ပေးကြပါဦး။
အညွှန်းနဲ့ ဘာသာပြန်တွေကတော့ CM Bollywood Team ပဲဖြစ်ပါတယ်။
Credit..
ဇာတ်လမ်းအညွှန်း
12 Jan, 10:07
The Unbelievable (The Cases of Disappearances) 2022
မြူခိုးရွာဟာ မျိုးရိုးစဥ်ဆက်နှစ်ပေါင်းထောင်ချီ နဂါးဘုရင်ကို ကိုးကွယ်လာခဲ့ပြီး ၊
နဂါးဘုရင်ရဲ့ကောင်းချီးနဲ့စောင့်ရှောက်မှုကိုရရှိထားတယ်လို့လက်ခံထားကြပါတယ်။
တစ်ရက်မှာ လူတစ်ယောက်ထူးဆန်းစွာ သေဆုံးသွားပြီး ကံကြမ္မာဆိုးကမြူခိုးရွာလေးကို
စတင်ရိုက်ခတ်လာပါတော့တယ်။
သေဆုံးသွားတဲ့သူဟာ နဂါးဘုရင်ကိုအပြစ်ပြုမိလို့ ဒဏ်ခတ်ခံရတယ်လို့ဆိုကြတဲ့အခါ…
အစွဲအလမ်းတွေ ယုံကြည်ကိုးကွယ်မှုတွေကိုမယုံကြည်တဲ့ ဝမ်ကျဲဟာ
တကယ့်အမှန်တရားကိုရှာဖို့ကြိုးစားပါတော့တယ်။
အဲ့အချိန်မှာပဲ သူ့ရဲ့မွေးစားအဖေဖြစ်သူပါ ထူးဆန်းစွာသေဆုံးသွားပြန်ပါတယ်။
နောက်တော့ ရွာလေးဟာ ထူးဆန်းတဲ့ဗီဇပြောင်း မကောင်းဆိုးဝါးသတ္တဝါတွေရဲ့
တိုက်ခိုက်ခြင်းကိုခံရပြီး၊ တစ်ရက်ပြီးတစ်ရက် သေသူတွေတိုးလာတဲ့အခါ….
အယူသီးတဲ့ရွာသားတွေဟာ ဒီပြဿနာကိုဘယ်လိုဖြေရှင်းလေမလဲ။
ဝမ်ကျဲတို့ကရော ဗီဇပြောင်းသတ္တဝါတွေကိုဘယ်လိုရင်ဆိုင်လေမလဲ။
ရွာကိုရော ဒီကပ်ဘေးကနေ ကယ်တင်နိုင်ပါ့မလားဆိုတာကို
ဇာတ်လမ်းထဲမှာ စိတ်လှုပ်ရှားစွာ အဖြေရှာကြည့်ကြရအောင်။
Credit..
ဇာတ်လမ်းအညွှန်း
12 Jan, 10:06
After Life (1998)
~ IMDb – 7.6/10, RT – 89%, Meta – 91% ~
Hirokazu Kore-eda ရဲ့ ပထမဆုံး Maborosi အပြီးရိုက်ခဲ့တဲ့ ဒုတိယမြောက်ရုပ်ရှင်ပါ။ ရုပ်ရှင်ကတော့ သူ့နာမည်အတိုင်း သေပြီး တမလွန်မှာ စောင့်ဆိုင်းရင်း ရွေးချယ်မှုလုပ်ရတဲ့အကြောင်းပါ။ ဒီလို Theme နဲ့ အင်္ဂလိပ်ကားတချို့လည်းထွက်ပြီးခဲ့သလို မကြာသေးခင်က ထွက်ခဲ့တဲ့ကိုရီးယားဇာတ်လမ်းတွဲ Light Shop မှာတောင် ဒီရုပ်ရှင်ရဲ့ တချို့အငွေ့အသက်တွေမြင်ရပါတယ်။ နာမည်သိပ်မရခဲ့ဘူးထင်ရပေမဲ့လည်း နောက်ထပ်ကိုးကားဖြစ်တည်လာဖို့အတွက် တော်တော်ပေါက်မြောက်ခဲ့တဲ့ ဇာတ်လမ်းပါပဲ။ တမလွန်ကို တင်ဆက်ပုံကလည်း ထူးခြားတယ်။ ဘယ်လိုထူးခြားလဲတော့ ကိုယ်တိုင်ပဲကြည့်ကြည့်လိုက်ပါ။
Kore-eda ဟာ ဒီဘက်ခေတ်ရဲ့ Yasujirō Ozu အမွေကိုဆက်ခံတဲ့ ဒါရိုက်တာလို့ တထစ်ချယုံကြည်ထားတာနဲ့အတူပဲ Kore-eda ရဲ့တင်ဆက်ပုံအကြောင်းကို အိုဇုကိုဖယ်ပြီး ပြောဖို့ ကျွန်တော့်အတွက်တော့မဖြစ်နိုင်ပါဘူး။ ပထမဆုံး Maborosi မှာ Hirokazu Kore-eda ဟာ အိုဇုအငွေ့အသက်ကို တော်တော်ဖမ်းယူခဲ့သလို ဒီရုပ်ရှင်မှာလည်း အိုဇုရဲ့ သူတို့ဂျပန်ရိုးရာတွေကို တမြတ်တနိုးတင်ဆက်မှုကို ဖမ်းယူထားသေးတာပါပဲ။ အိုဇုကိုပိုနားလည်လာလေ သူတို့ရဲ့ဆင်တူမှုကို ပိုဖမ်းမိလာလေဖြစ်လာမယ့် အချက်တွေတော့များပါတယ်။ အိုဇုဟာ ဘယ်လိုအကြောင်းအရာတွေပဲ တင်ဆက်တင်ဆက် သူ့ရုပ်ရှင်တွေမှာ ကျွန်တော်တို့ဂျပန်ဆိုတဲ့အငွေ့အသက်အပြည့်ရသလို သူ့ရုပ်ရှင်တစ်ကားလုံးမှာလည်း ဂျပန်ယဉ်ကျေးမှုနဲ့ရိုးရာက ထုံမွှမ်းနေပါတယ်။ သူ့တင်ဆက်ပုံကိုကလည်း ဂျပန်လူနေမှုတစ်ခေတ်ရဲ့မရှိမဖြစ် ဖြစ်ခဲ့တဲ့ အခုထိတန်ဖိုးထားကြဆဲ Tatami Mat တတမိဖျာကို ဂုဏ်ပြုထားတဲ့တင်ဆက်ပုံမျိုးဖြစ်ခဲ့တယ်။ ပြောရရင် အိုဇုရုပ်ရှင်တွေဟာ သူ့ခေတ်သူ့အခါမှာ ဂျပန်အဆန်ဆုံးလို့ ခံစားရတဲ့ ရုပ်ရှင်တွေဖြစ်ခဲ့တယ်။
Kore-eda ကလည်း ဒီဘက်ခေတ်ရဲ့ အဲဒီလိုလူပါပဲ။ Kore-eda ရဲ့ After Life ကလည်း တမလွန်ကို ပြတဲ့ရုပ်ရှင်ပေမဲ့ အိုဇုနဲ့ထပ်တူ ဒီယဉ်ကျေးမှုအငွေ့အသက်တွေကို ဖမ်းနိုင်သလောက်ဖမ်းထားတဲ့ ရုပ်ရှင်ပါပဲ။ After Life ဟာ ဂျပန်ကားစစ်စစ်တစ်ကား Kore-eda ကား စစ်စစ်တစ်ကားဆိုတာတော့ သေချာပါတယ်။
(ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်)
Credit..
ဇာတ်လမ်းအညွှန်း
12 Jan, 10:05
Good Neighbours (2024)
ဇာတ်လမ်းအကျဉ်းကတော့ တိတ်ဆိတ်ပြီးလူသူနည်းလမ်း
ပတ်ဝန်းကျင်မှာနေထိုင်ချင်တဲ့ တမီရှားတို့မိသားစုဟာ
အလှမ်းဝေးရွာတစ်ရွာကိုပြောင်းလာကြတယ်။
ယောက်ျားကလည်းအဆင်ပြေ၊သားကလည်းပျော်ရွှင်နေတော့
သူတို့အတွက်အတော်ကိုစိတ်ချမ်းသားတဲ့နေရာလေးဖြစ်တာပေါ့။
တစ်နေ့မှာသူတို့အိမ်ဘေးနားကိုအိမ်နီးနားချင်းအသစ်တွေ
ပြောင်းလာတယ်။ တမီရှားကလည်းအိမ်နီးနားချင်းကောင်း
ပီသချင်တဲ့အတွက် သွားနှုတ်ဆက်တဲ့အခါ အိမ်ရှင်လိင်မယားနဲ့
ထူးဆန်းတဲ့ပုံစံကိုမြင်လိုက်ရတယ်။
လူသူနည်းတဲ့ဒီလိုနေရာမှာလွတ်လွတ်လပ်လပ်နေချင်မှာပဲ
လို့ထင်ပြီး အဲ့ဒီအိမ်ရှင်လင်မယားကို သူတို့အိမ်မှာ ညစားစာဖို့
ဖိတ်လိုက်တဲ့အခါမှာတော့…..
Credit..
ဇာတ်လမ်းအညွှန်း
12 Jan, 10:03
Spithood (2024)
Horror ကားကြိုက်တဲ့သူတွေအတွက် ဇာတ်ကားကောင်းလေးတစ်ကား
လာပါပြီ။
ဇာတ်လမ်းအကျဉ်း
***********
စိတ်ကျန်းမာရေး ဆေးရုံကြီးတစ်ခု .. လုံးဝ ပိတ်မသွားခင်
နောက်ဆုံးညတစ်ည ..
အဲဒီညမှာ အစောင့် မေဆန်နဲ့ သူ့ရဲ့ ရည်းစားဖြစ်သူ အက်ရှလေတို့ဟာ
သူတို့ရဲ့ နောက်ဆုံး ဂျူတီညအတွက် ပြင်ဆင်နေခဲ့ကြပါတယ်။
ဒါပေမဲ့ သူတို့ဆီကို နောက်ဆုံး စိတ်ကျန်းမာရေး လူနာတစ်ယောက်
ရုတ်တရက် ရောက်လာခဲ့တယ်။ အဲဒီလူနာက အမျိုးသမီး
ငါးယောက်ကို သတ်ခဲ့တဲ့ မှတ်တမ်းနဲ့ ရောက်လာတဲ့ လူနာ။
ဖြစ်ချင်တော့ အဲဒီညမှာပဲ အဲဒီလူနာက သူ့ရဲ့ အချုပ်ခန်းထဲကနေ
လွတ်သွားပါတယ်။ အဲဒီနောက် ဆေးရုံတစ်ခုလုံး ဘာတွေ ဆက်ဖြစ်မလဲ ..
ဆိုတာကိုတော့ ဇာတ်ကားထဲမှာ ရင်တမမနဲ့ စောင့်ကြည့်ရမှာ
ဖြစ်ပါတယ်။
( ဘာသာပြန်နဲ့ အညွှန်း BZW ဖြစ်ပါတယ်။)
Credit..
ဇာတ်လမ်းအညွှန်း
12 Jan, 10:03
Number 24 / Nr. 24 (2024)
ဒုတိယကမ္ဘာစစ်အတွင်း နာဇီတွေကိုတော်လှန်တဲ့အရေးမှာ ရွပ်ရွပ်ချွံချွံပါဝင်ခဲ့တဲ့ နော်ဝေနိုင်ငံသား Gunnar Sonstepyဖြစ်သူရဲ့ နော်ဝေနိုင်ငံလွတ်လပ်ရေးအတွက် ဘယ်လိုတွေကြိုးစားပမ်းစားတော်လှန်ခဲ့တယ်ဆိုတာကို တင်ပြထားတဲ့ စစ်ပွဲနောက်ခံ နော်ဝေရုပ်ရှင်တစ်ပုဒ်ပဲဖြစ်ပါတယ်
Credit..
ဇာတ်လမ်းအညွှန်း
11 Jan, 10:04
The Hitman’s Bodyguard (2017)
IMDb Rating (6.9)
2017 ရဲ့ အကောင်းဆုံး Action Comedy တွေထဲက တစ်ခုပါ။
IMDb 6.9 နဲ့ Box Office မှာ ထိပ်ဆုံးရောက်နေပါတယ်။
ဇာတ်လမ်းအကျဉ်းကတော့ ဘီလာရု သမ္မတဟောင်း ဗလာဒီဆလက် ဒူကိုဗစ်ချ်ကို
နိုင်ငံတကာရာဇဝတ်မှုတရားရုံးက တရားစွဲထားချိန်မှာ
သူ့ကို အပြစ်ရှိကြောင်း သက်သေထွက်ဆိုမယ့်သူ မရှိပါဘူး။
ဒူကိုဗစ်ချ်ရဲ့လူတွေက သက်သေမှန်သမျှကို လိုက်ပြီး နှုတ်ပိတ်နေလို့ပါ။
ဝါရင့်ကြေးစားလူသတ်သမားကြီး ဒဲရီးယပ် ကင်ကိတ်ကတော့
နောက်ဆုံးမှာ အပေးအယူလုပ်ပြီး သက်သေထွက်ဖို့ သဘောတူလိုက်ပါတော့တယ်။
အဲဒီအတွက် သူ့ကိုကာကွယ်ပေးဖို့ အေသုံးလုံးအဆင့် အထူးသက်တော်စောင့်
မိုက်ကယ် ဘရိုက်စ်ကို အကူအညီတောင်းရတဲ့အခါမှာ
လူသတ်သမားနဲ့သက်တော်စောင့် ရန်သူဟောင်းကြီး နှစ်ယောက် အတူလက်တွဲရပါတော့တယ်။
သူတို့အတိတ်မှာ ပြဿနာခဏဏတက်ထားတာမို့ လုံးဝမတည့်ပဲ
ရန်တစောင်စောင်နဲ့ ထောင်ကနေ တရားရုံးခရီးကို
ဒူကိုဗစ်ချ်ရဲ့ လူသတ်သမားများစွာကို ဖြတ်ကျော်ပြီး အရောက်သွားရတဲ့အခါ……
သက်တော်စောင့်ဘရိုက်စ်ဟာ အရာရာကို တွက်ဆပြီး ပြင်ဆင်လုပ်တတ်သူ၊
ကင်ကိတ်ကတော့ တုံးတိုက်တိုက် ကျားကိုက်ကိုက်နည်းလမ်းက ပိုကောင်းတယ်ယူဆသူ၊
သူတို့ နှစ်ယောက်ရဲ့ အလွဲတွေ ဟာသတွေနဲ့ အက်ရှင်ခပ်ကြမ်းကြမ်းတွေကို
တစ်ကားလုံး အလန်းစား သရုပ်ဖော်ထားတာမို့ အရမ်းကောင်းတယ်လို့ပဲ ညွှန်းချင်ပါတယ်။
ဒီကားရဲ့ အဆက် Hitman’s Wife’s Bodyguard (2021) ကိုလဲ CM မှာ ကြည့်လို့ရပါတယ်။
Credit..
ဇာတ်လမ်းအညွှန်း
11 Jan, 10:03
Hide N Seek (2024)
“တူတူပုန်းတမ်း”
အသစ်ထွက်ရှိထားတဲ့ တေလဂူးလျှို့ဝှက်သည်းဖို
မှုခင်းဇာတ်လမ်းကောင်းလေးကို တင်ဆက်ပေးလိုက်ပါတယ်
ဇာတ်လမ်းအကျဉ်းကိုပြောရရင် တစ်ညသောအချိန်မှာ
ပစ္စည်းပို့သမားတစ်ယောက် ခေါင်းကိုတုတ်နဲ့ အရိုက်ခံရပြီး
သေဆုံးသွားတာကနေ စပါတယ်
ဒါကိုအလောင်းစစ်ဆေးရာမှာ ဆိုင်ကယ်မှောက်လို့ ထိခိုက်ပြီးသေဆုံးရတယ်လို့
အတည်ပြုခဲ့ပေမယ့် ရဲစခန်းကိုရောက်လာတဲ့
အမည်မသိစာတစ်စောင်မှာ လူသတ်မှုလို့ ပြောထားပါတယ်
နောက်တစ်ခါ ဆေးကျောင်းသားတစ်ယောက်ဖြစ်တဲ့ ရှီဗာတို့
ဆေးကျောင်းမှာ သူငယ်ချင်းဖြစ်သူ တိုက်ပေါ်ကခုန်ချသေကြောင်းကြံသွားတဲ့အခါမှာတော့
အမည်မသိလူက ဒီတစ်ခါမှာတော့ ဒါကိုလူသတ်မှုဖြစ်ကြောင်း မီဒီယာကိုသတင်းပို့လိုက်ခဲ့အခါမှာ
ဘယ်လိုအဖြေရှာကြမှာလဲ တရားခံကို ဘယ်လိုဖော်ထုတ်ကြမှာလဲ
ပရိသတ်တို့ကပဲ ဆက်လက်ကြည့်ရှုပေးပါဦး
အညွှန်းနဲ့ ဘာသာပြန်ကတော့ KKKZ ~ V ~ Zwe Yan ~ ToMo တို့မှ ဖြစ်ပါတယ်
Credit..
ဇာတ်လမ်းအညွှန်း
11 Jan, 10:02
Aire: Just Breathe (2024)
(2024) မှာ ထွက်ရှိခဲ့တဲ့ “Aire: Just Breathe” ဆိုတဲ့ ဇာတ်ကားကတော့ ကမ္ဘာမြေကြီးဟာ ညစ်ညမ်းမှုတွေကြောင့် ပျက်စီးသွားခဲ့ချိန်မှာ ကမ္ဘာပေါ်မှာသာ ကျန်နေခဲ့သူ တာန်ယာနဲ့ လူလုပ်အသိဥာဏ် ဗီဒါတို့ကို ဦးတည်ထားတဲ့ သိပ္ပံစိတ်ကူးယဥ် ဇာတ်ကားလေးတစ်ခု ဖြစ်ပါတယ်။
သက်ရှိသတ္တဝါဆိုလို့ ခွေးတစ်ကောင်ကြောင်တစ်မြီးတောင်မှ မမြင်ရတော့တဲ့ ကမ္ဘာဂြိုလ်ပေါ်မှာ တာန်ယာဟာ လူသားမျိုးဆက် မျိုးသုဥ်းမသွားအောင် AIဖြစ်တဲ့ ဗီဒါအကူအညီနဲ့ ဖန်လုံအိမ်လို့ ခေါ်ရမယ့် သူတို့ရဲ့ ဂေဟကမ္ဘာ အသေးစားလေးထဲမှာ ကြိုးစားလျက် ရှိပါတယ်။ AI အကူအညီနဲ့သာ အဖော်ပြု တောက်လျှောက်နေထိုင်ခဲ့တဲ့ တာန်ယာတို့နေထိုင်ရာကို အမျိုးသားတစ်ယောက် ဆိုင်းမဆင့်ဘုံမဆင့် ရောက်လာခဲ့ပါတော့တယ်။
ဒီအချိန်မှာ ဖြစ်လာတဲ့ ရှုပ်ထွေးမှုတချို့ကြောင့် လူသားဖြစ်သူ သူစိမ်းနဲ့ လူလုပ်အသိဥာဏ်ဖြစ်တဲ့ ဗီဒါတို့ရဲ့ အားပြိုင်မှုတစ်စွန်းတစကိုလည်း မြင်နိုင်ပါတယ်။
ဆိုတော့ လေထုညစ်ညမ်းလွန်နေတဲ့ ကမ္ဘာဂြိုလ်ပေါ်က သိပ္ပံပညာရှင် တာန်ယာ၊ လူလုပ်အသိဥာဏ် ဗီဒါနဲ့ သူစိမ်းလူသားတို့ကြားက Sci-fi dramaကို ကြည့်ရှုခံစားနိုင်မှာပဲ ဖြစ်ပါတယ်။
Credit..
ဇာတ်လမ်းအညွှန်း
11 Jan, 10:01
Haunted Heart (2024)
IMDB: 5.1+/10
“အချစ်ကျူးတော့ရူး” ဆိုတဲ့စကားပုံကို သရုပ်ဖော်ပြသသွားတဲ့
လှပတဲ့ပန်းချီကားလေးတစ်ချပ်ကနေ အကျည်းတန်တဲ့မြင်ကွင်းတွေ
အဖြစ်ပြောင်းလဲသွားရတဲ့ အချစ်ဒရာမာဇာတ်ကားကောင်းလေး
တစ်ကားကိုတင်ဆက်ပေးလိုက်ပါတယ် ဇာတ်ကားနာမည်ကတော့
Haunted Heart ဖြစ်ပြီး လက်ရှိ IMDb Rating 5.1 အထိရရှိ
ထားပါတယ်။သရုပ်ဆောင်တွေအနေနဲ့လည်း အရင်ခေတ်တုန်းက
အောင်မြင်ကျော်ကြားခဲ့တဲ့မင်းသားချောတစ်လက်ဖြစ်တဲ့ Matt Dillon နဲ့
အက်ရှင် သည်းထိပ်ရင်ဖို ဒရာမာကျရာဇာတ်ရုံပီပြင်အောင်သရုပ်ဆောင်
နိုင်တဲ့မင်းသမီး Aida Folch တို့ပါဝင်သရုပ်ဆောင်ထားတဲ့အတွက်
Casting ပိုင်းကလည်းပြောနေစရာကိုလိုမှာမဟုတ်ပါဘူး။
ဒီဇာတ်လမ်းလေးရဲ့အစကတော့ အဲလက်စ်ဆိုတဲ့ကောင်မလေးတစ်ယောက်
အသိတစ်ယောက်ရဲ့အဆက်အသွယ်နဲ့ဂရိမှာရှိတဲ့ ကျွန်းလေးတစ်ကျွန်းပေါ်က
စားသောက်ဆိုင်မှာဧည့်ကြိုအနေနဲ့အလုပ်လျှောက်ဖို့လာရာကနေစတာပါပဲ။
ဖြစ်ချင်တော့ရောက်သွားတဲ့အခါမှာ သူ့အသိကရှိမနေတော့တဲ့အပြင်
အကြောင်းအမျိုးမျိုးကြောင့် တစ်ပတ်လောက်တောင်နောက်ကျပြီး
ရောက်လာခဲ့တယ်ဆိုတော့ ဧည့်ကြိုရာထူးကတော့သူ့အတွက်မဖြစ်နိုင်
တော့ပါဘူး။ဒါပေမယ့်စားပွဲထိုးနေရာလွတ်သေးတဲ့အပြင် အဲလက်စ်မှာလည်း
နောက်ပြန်လှည့်လို့မရတဲ့အခြေအနေဖြစ်နေတဲ့အတွက် ဆိုင်ပိုင်ရှင်မက်စ်နဲ့
ညှိနှိုင်းပြီးပဲ အလုပ်ဝင်လုပ်ဖြစ်ခဲ့ပါတော့တယ်။ဒီလိုနဲ့ကြာလာတော့ အဲလက်စ်နဲ့
မက်စ်တို့လည်းရင်းနှီးသွားပြီး အချစ်ကြိုးတွေသွယ်လာခဲ့ရာမှ ဘယ်သူက
အချစ်ကြီးတတ်ပြီး အငြိုးကြီးတဲ့လူဖြစ်နေမလဲဆိုတာတွေကို စိတ်ဝင်စားစရာ
ဒရာမာဇာတ်လမ်းလှလှလေးနဲ့ သည်းထိပ်ရင်ဖိုအနည်းငယ်ကိုပေါင်းစပ်
ရိုက်ကူးထားတဲ့ ဇာတ်ကားကောင်းလေးတစ်ကားပဲဖြစ်ပါတယ်။
Credit..
ဇာတ်လမ်းအညွှန်း
11 Jan, 10:00
Princess Halle and the Jester (2024)
ဒီတစ်ခါတော့ သားသားမီးမီးတို့ အကြိုက်ဖြစ်မယ့် ဒဏ္ဍာရီ
ပုံပြင်ဆန်ဆန် ဇာတ်ကားလေးတစ်ခုနဲ့ မိတ်ဆက်ပေးပါရစေ။
ဟိုးရှေးရှေးတုန်းက အက်စတိုရီးယန်းဆိုတဲ့ တိုင်းပြည်ကြီးမှာ
ဘုရင်ကြီးဗစ်တာဆိုပြီး ရှိခဲ့ပါတယ်။
မိဖုရားကြီးက မင်းသမီးလေး ဟယ်လီကို မွေးဖွားပြီးတဲ့အခါမှာပဲ
သေဆုံးသွားခဲ့ပါတယ်။ ဒီလိုနဲ့ ၁၉ နှစ်သမီး အရွယ် ရောက်လာခဲ့တဲ့
မင်းသမီးလေးဟာ နန်းတော်ထဲမှာချည်းပဲ နေနေရတာ မကြိုက်သူမို့
ရုပ်ဖျက်ပြီး နန်းတော်ပြင်ကို တိတ်တိတ်လေး ခိုးထွက်လေ့ရှိပါတယ်။
တစ်နေ့ကျတော့ ဘုရင်ကြီးဟာ နောက်မိဖုရား မြှောက်ဖို့အတွက်
စီစဉ်ပါတော့တယ်။ အဲဒီတော်ဝင်မင်္ဂလာပွဲ နေ့မှာပဲ မှင်စာတွေက
သူတို့နန်းတွင်းထဲထိ ရောက်လာတိုက်ခိုက်ပြီးတော့ ဘုရင်ကြီးကို
ဖမ်းခေါ်သွားပါတယ်။ မင်းသမီးလေးက ပွဲအတွက် ပျော်တော်ဆက်ဖို့
ရောက်နေတဲ့ လူရွှင်တော် ကောင်လေး ဟင်နရီ နဲ့ အတူ မှင်စာတွေ
လက်ထဲကနေ လွတ်အောင် ထွက်ပြေးသွားနိုင်ခဲ့ပါတယ်။
ထွက်ပြေးတိမ်းရှောင်ရင်း ဟင်နရီတို့ ရွာကို လိုက်သွားခဲ့တဲ့ မင်းသမီးလေး
ဟယ်လီဟာ မင်းသမီးသရုပ်မှန်ကို ဖုံးကွယ်ရင်း မှင်စာတွေကို
ဘယ်လို ပြန်ပြီး လက်တုံ့ပြန် တိုက်ခိုက်မလဲဆိုတာကိုတော့
အိပ်ရာဝင်ပုံပြင်လေး တစ်ခုလို ရိုက်ကူးတင်ဆက်ပြထားပါတယ်။
Credit..
ဇာတ်လမ်းအညွှန်း
11 Jan, 09:59
Hitman’s Wife’s Bodyguard (2021)
IMDb Rating (6.9)
ရုံတင်တုန်းက မပါတဲ့အခန်းတွေကို ပြန်ထည့်ပေးထားတဲ့ BluRay Extended Version နဲ့ ပြန်လည်တင်ဆက်လိုက်ပါတယ်။
ဒီကားကတော့ မြေနိုးကြီးရဲ့သက်တော်စောင့် ဇာတ်လမ်း အပိုင်း ၂ ဖြစ်ပါတယ်။
ရှေ့မှာထွက်ထားတဲ့ အပိုင်း ၁ ရုပ်ရှင်ကား The Hitman’s Bodyguard (2017) ကိုကြည့်ထားရင်တော့ ပိုချိတ်ဆက်မိပါမယ်။
ဒီအပိုင်းမှာတော့ ကင်ကိတ်ကြီးက ထောင်ကထွက်ပြေးပြီး
မိန်းမနဲ့အကြည်ဆိုက်နေချိန်၊ သက်တော်စောင့် လိုင်စင်
မရှိတော့တဲ့ ဘရိုက်စ်က တိုင်ပတ်နေပါတယ်။
ဒါနဲ့ စိတ်ပြေလက်ပျောက် အနားယူဖို့ ထွက်လာချိန်မှာပဲ
ကင်ကိတ်ကြီးကိုမာဖီးယားတွေဖမ်းထားတယ်ဆိုပြီး
သူ့မိန်းမ ဆိုညာက လာခေါ်တဲ့အချိန်မှာ လူသတ်သမား၊
သက်တော်စောင့်၊ လူလိမ်မ သုံးယောက်တွဲပြီး
ပေါက်ကရတွေလုပ်ရင်းနဲ့ ကမ္ဘာကြီးကို ကယ်တင်ရမယ့်
လမ်းစပေါ် ရောက်သွားပြန်ပါတော့တယ်။
ပထမကားက သရုပ်ဆောင်တွေဖြစ်တဲ့ Ryan Reynolds နဲ့ မားသားဖက်ခါ Samuel L. Jackson နဲ့ Salma Hayek တို့အဓိကပါဝင်ထားပြီး
ဒီကားမှာတော့ Morgan Freeman လဲအားဖြည့်ထားပါသေးတယ်။
ဝါရင့်တွေချည်း အခွီတွေထိုင်လုပ်နေတာမလို့ ကြည့်ရတာ လုံးဝမိုက်တဲ့ အက်ရှင်ဟာသကားကြီးပါပဲ။
Credit..
ဇာတ်လမ်းအညွှန်း
10 Jan, 12:51
Hyena Road (2015)
IMDB: 6.5/10
ဒီဇာတ်ကားလေးကတော့ ၂၀၁၅ မှာထွက်ရှိခဲ့တဲ့ War/Drama
အမျိုးအစား ဇာတ်ကားလေးပဲဖြစ်ပါတယ် ဒီဇာတ်ကားထဲမှာဆိုရင်
အမေရိကန်ဦးဆောင်တဲ့ အာဖဂန်စစ်ပွဲထဲက ကနေဒါစစ်ဆင်ရေး
တပ်ဖွဲ့တွေအကြောင်း စိတ်လှုပ်ရှားဖွယ်မြင်တွေ့ရမှာဖြစ်ပြီး ခေတ်သစ်
စစ်ပွဲတွေရဲ့ မရိုးရှင်းလှတဲ့ ဗျူဟာမြောက်လုပ်ငန်းစဉ်တွေအကြောင်း
ကိုလည်း ကြိုးစားတင်ပြထားတာ တွေ့ရမှာပဲဖြစ်ပါတယ်..
တောခွေးလမ်းမဟာ အာဖဂန်နစ္စတန်နိုင်ငံ ကန်ဒဟာဒေသမှာ
စစ်ဆင်ရေး ဖော်ဆောင်ရတဲ့ ကနေဒါတပ်ဖွဲ့များ ဖောက်လုပ်ခဲ့တဲ့
ဗျူဟာမြောက်ထောက်ပို့လမ်းကြောင်း တခုဖြစ်ပါတယ်
ကန်ဒဟာဒေသဟာ တာလီဘန်တို့လှုပ်ရှားကြီးစိုးရာ ဒေသဖြစ်တဲ့
အပြင် တောင်စွယ်၊ တောင်ကုန်း၊ လျှို ချောက်များဖြင့် ကြမ်းတမ်းတဲ့
မြေမျက်နှာသွင်ပြင်ရှိရာ ဒေသဖြစ်လို့ တောခွေးလမ်းမကြီးကို
၂၀၀၆ ကနေ ၂၀၁၁ အထိ ၅ နှစ်ကြာအချိန်ယူတည်ဆောက်ခဲ့ရပါတယ်..
ဒီရုပ်ရှင်မှာတော့ စနိုက်ပါသမားဖြစ်တဲ့ Ryan Sanders နဲ့ သူ့အဖွဲ့ဟာ
တောခွေးလမ်းမ ဆောက်လုပ်ရေးလုပ်ငန်းကို တာလီဘန်တို့
နှောင့်ယှက်ခြင်းဘေးကနေ ကာကွယ်စောင့်ကြပ်ပေးရတဲ့အဖွဲ့
ဖြစ်ကြပါတယ်…
တဖက်မှာလည်း စစ်ဘက်ဆိုင်ရာထောက်လှမ်းရေးအရာရှိ
Pete Mitchell ဟာ တောခွေးလမ်းမ ပြီးစီးအောင်ဖောက်လုပ်နိုင်ဖို့
ထောက်လှမ်းရေးနည်းအတိုင်း ဒေသခံများနှင့် ရင်းနှီးမှုယူကာ
ဗျူဟာဖော်ဆောင်နေခဲ့ပါတယ်..
လမ်းမကို စောင့်ကြပ်နေရင်း တနေ့မှာတော့ Ryan Sanders တို့
အဖွဲ့ဟာ တာလီဘန်တို့ရဲ့ ချုံခိုတိုက်ခိုက်မှုကို ခံရပါတော့တယ်
အင်အားမမျှတဲ့ စနိုက်ပါသမားအုပ်စုဟာ တာလီဘန်တွေကို ခံပစ်
ထားနိုင်ဖို့ အနီးအနားက ဟာဂျီဘာဘာရွာထဲ ဝင်ပြေးရပြီး ရွာတစ်နေရာ
အရောက်မှာတော့ ထူးထူးဆန်းဆန်းမျက်လုံးတွေနဲ့ အဘိုးအို
တစ်ယောက်က ၎င်းတို့စနိုက်ပါအဖွဲ့ကို တာလီဘန်တို့လက်မှ
လွတ်အောင်ဝှက်ပေးခဲ့ပါတယ်…
ဒီအကြောင်းကို ထောက်လှမ်းရေးအရာရှိ Pete Mitchell တစ်ယောက်
သိရှိသွားရာမှာတော့…
ဒီရုပ်ရှင်ကားလေးဟာ ခေတ်သစ်စစ်ပွဲတွေရဲ့ စစ်ဘက်အရပ်ဘက်ဆိုင်ရာ
ဗျူဟာတွေအကြောင်းနဲ့ စစ်ပွဲရဲ့ ပကတိဂုဏ်ယူစရာမရှိပုံတွေ
မြေစာပင်ဖြစ်ရတဲ့အရပ်သားတွေရဲ့ အကျပ်အတည်းနဲ့ဆင်းရဲဒုက္ခ
တွေကို အရင်းအတိုင်းတင်ပြထားလို့ စစ်ဆန့်ကျင့်ရေးရုပ်ရှင်ကား
တကားအနေနဲ့လည်း ကြည့်ရှုခံစားနိုင်မယ့် ဇာတ်ကားကောင်းလေး
ဖြစ်တာကြောင့် ရုပ်ရှင်ချစ်ပရိသတ်များ လက်မလွတ်ရလေအောင်
ညွှန်းဆိုပေးလိုက်ရပါတယ်ခင်ဗျာ…..
Credit..
ဇာတ်လမ်းအညွှန်း
10 Jan, 12:50
Preminchoddu 2024 ငယ်နုသူတို့ရဲ့ချစ်မာယာ
IMDb -8.0/10
အချစ်ကိုမထိတွေ့ဖူးတဲ့ ဆယ်ကျော်သက်အရွယ်
အပျိုဖြန်းလေးတွေဆိုတာ သစ်ရွက်လေးလှုပ်ရင်တောင်
ရယ်မောမိတတ်တဲ့ စိတ်ကစားတတ်တဲ့အရွယ်ပေါ့။
ဒီအချိန်မှာ ဆယ်ကျော်သက်အချစ်ကို ကိုးကွယ်လို့ နှလုံးသားက ဦးနှောက်ရဲ့
ဝေဖန်ပိုင်းခြားနိုင်စွမ်းကို ဖုံးလွှမ်းသွားတဲ့အခါ ဖြစ်လာတတ်တဲ့
ပြဿနာတွေကို မီးမောင်းထိုး ရိုက်ကူးပြထားတဲ့ ညီမလေးဖတ်ဖို့
တေလဂူဗားရှင်း ရုပ်ရှင်ဇာတ်လမ်းလေးကို တင်ဆက်ပေးလိုက်ပါပြီ။
လာလာစာဆိုတဲ့ကောင်မလေးဟာ သူငယ်ချင်းတွေကြားမှာ
မအူမလည်နဲ့ ခိုင်းဖတ် တောက်တိုမယ်ရလေးပေါ့။
တက္ကသိုလ်ဆိုတော့ ထုံးစံအတိုင်းပဲ အကြီးတန်းတွေက
စော်လေးတွေကိုမြင်ရင် ပါးစပ်အငြိမ်မနေ ကျီစယ်နှောင့်ယှက်တတ်တာ
အစဉ်အလာကြီးလိုဖြစ်နေတော့ လာလာစာတစ်ယောက်
အတော်လေး စိတ်ညစ်နေတဲ့အချိန် ကာမဲဆိုတဲ့ စီနီယာက
သူ့ဘက်ကရပ်တည်ပေးတာမြင်တော့ ကာမဲကို ဟီးရိုးကြီးလိုမြင်သွားတာပေါ့။
ဖြစ်ချင်တော့ အကြီးတန်းထဲက ဇိုးစော်ကြီးက ကာမဲကိုကြူဖို့ လာလာစာကနေ
တစ်ဆင့်ဆက်သွယ်ရာကနေ နဂိုကတည်းက ကာမဲကိုရင်ထဲမှာကြိတ်ပြီး
အမှတ်တွေပေးနေတဲ့ လာလာစာတစ်ယောက် ကာမဲရဲ့ ယောက်ျားမာယာသဲကိုးဖြာထဲကို ငြိတွယ်မိသွားချိန်မှာတော့….
(အညွှန်းနဲ့ဘာသာပြန်ကတော့ CM Bollywood Team မှပဲဖြစ်ပါတယ်)
Credit..
ဇာတ်လမ်းအညွှန်း
10 Jan, 12:49
The House on Laura Anne Dr. (2024)
2024 ထွက် Horror ရုပ်ရှင်အသစ်ဇာတ်ကားတစ်ကားတင်ပေးထားပါတယ်
ဇာတ်လမ်းအကျဥ်း
လင်မယားနှစ်ယောက်ဟာ ဘဝကို အသစ်ပြန်စတင်ဖို့အတွက် ဖလော်ရီဒါက အိမ်အသစ်လေးဆီကို ပြောင်းလာခဲ့ပါတယ်။ ဒါပေမဲ့လည်း ရောက်ပြီးပြီးချင်းမှာပဲ ထူးဆန်းတာတွေ စတင်ကြုံလာရပြီး သူတို့ ရောက်နေတဲ့ အိမ်က ဘယ်လိုနေရာကြီးလဲဆိုတာကို သိသွားတဲ့အခါမှာတော့….။ ရင်ခုန်စိတ်လှုပ်ရှားစွာနဲ့ ရှုစားကြပါဦးခင်ဗျာ
Credit..
ဇာတ်လမ်းအညွှန်း
10 Jan, 12:48
Cunk on Life (2024)
She's back and ready to take on life.
ဒီတစ်ခုကတော့ လူသိများတဲ့ Charlie Brooker ရဲ့ British mockumentary television series ဖြစ်တဲ့ Cunk on Earth နဲ့ Cunk on Britain တို့လိုမျိုး ဘ၀နဲ့ပတ်သက်ပြီး သက်ဆိုင်ရာပညာရှင်တွေကို အူကြောင်ကြောင်မေးခွန်းတွေနဲ့ အင်တာဗျူးပြမယ့် film တစ်ခုပါ။
ဒီတစ်ခုမှာဆိုရင် ဘ၀နဲ့ပတ်သက်တဲ့ကိုးကွယ်ယုံကြည်မှုတွေ နာမည်ကြီးပန်းချီပညာရှင်တွေအတွေးအခေါ်ပညာရှင်တွေ Big-Bang theory ၊Existentialism၊Nihilismတွေ အခုလူသားတွေဘ၀မှာအချိန်နဲ့အမျှပါ၀င်လာနေတဲ့ AI တွေအပေါ်အထင်အမြင်တွေပါပြီး ကန့်ရဲ့ပုံစံအတိုင်းပဲ မျက်နှာတည်ကြီးနဲ့ တလွဲဆံပင်ကောင်းမေးခွန်းတွေနဲ့ ပုံဖော်သွားမှာကို တ၀ကြီးကြည့်ရှုရမှာပါ။
Credit.
She's back and ready to take on life.
ဒီတစ်ခုကတော့ လူသိများတဲ့ Charlie Brooker ရဲ့ British mockumentary television series ဖြစ်တဲ့ Cunk on Earth နဲ့ Cunk on Britain တို့လိုမျိုး ဘ၀နဲ့ပတ်သက်ပြီး သက်ဆိုင်ရာပညာရှင်တွေကို အူကြောင်ကြောင်မေးခွန်းတွေနဲ့ အင်တာဗျူးပြမယ့် film တစ်ခုပါ။
ဒီတစ်ခုမှာဆိုရင် ဘ၀နဲ့ပတ်သက်တဲ့ကိုးကွယ်ယုံကြည်မှုတွေ နာမည်ကြီးပန်းချီပညာရှင်တွေအတွေးအခေါ်ပညာရှင်တွေ Big-Bang theory ၊Existentialism၊Nihilismတွေ အခုလူသားတွေဘ၀မှာအချိန်နဲ့အမျှပါ၀င်လာနေတဲ့ AI တွေအပေါ်အထင်အမြင်တွေပါပြီး ကန့်ရဲ့ပုံစံအတိုင်းပဲ မျက်နှာတည်ကြီးနဲ့ တလွဲဆံပင်ကောင်းမေးခွန်းတွေနဲ့ ပုံဖော်သွားမှာကို တ၀ကြီးကြည့်ရှုရမှာပါ။
Credit.
ဇာတ်လမ်းအညွှန်း
10 Jan, 12:47
The Body (2012) El cuerpo
IMDb Rating (7.6) / Rotten Tomatoes (79 %)
စပိန်စကားပြော ဇာတ်ကားတစ်ကားဖြစ်တဲ့ The Body (စပိန်ဘာသာဖြင့် El Cuerpo) ဟာ
လျှို့ဝှက်သည်းဖိုဇာတ်ကားကောင်းများစွာထဲမှာ တစ်ခုအပါအဝင်လည်း ဖြစ်ပါတယ်။
လျှို့ဝှက်သည်းဖိုဇာတ်ကားတွေရဲ့ ထုံးစံအတိုင်း လှည့်ကွက်များစွာ ကြုံတွေ့ရမှာကို ကြိုသိနေသည့်တိုင်အောင်
တစ်ခုကိုဖွင့်ချလိုက်တိုင်း နောက်ထပ်လှည့်ကွက်တစ်ခုက ထပ်ပေါ်လာတဲ့ Russian Doll ဆန်ဆန် ဇာတ်လမ်းတစ်ခုဖြစ်ပါတယ်။
ဇာတ်လမ်းရဲ့ နာမည်အတိုင်း ရင်ခွဲရုံကနေ ထူးဆန်းစွာ ပျောက်ဆုံးသွားတဲ့ အလောင်းကောင်တစ်ကောင်နဲ့ စတင်ထားပါတယ်။
ထိုအလောင်းကတော့ ထက်မြက်ပြီး ကုမ္ပဏီများစွာကို ဦးစီးချုပ်ကိုင်နေတဲ့ မေကာ ဖြစ်ပြီးတော့ သူ့ထက်ငယ်ရွယ်တဲ့
အဲလက်စ် နဲ့ လက်ထပ်ထားသူလည်းဖြစ်ပါတယ်။ မေကာ နှလုံးရောဂါဖောက်ပြီးသေဆုံးတဲ့ညမှာပဲ အလောင်းထားရှိရာ ရေခဲတိုက်ရဲ့ညစောင့်
အိန်ဂျယ်တောရက်စ်ဟာ ညကြီးမင်းကြီး ရင်ခွဲရုံကနေ တောအုပ်ကို ကြောက်လန့်တကြီး ထွက်ပြေးလာရင်းနဲ့
ကားလမ်းပေါ်အတက်မှာ ကားတစ်စီးက ဝင်တိုက်သွားခဲ့ပါတယ်။
ကားတိုက်ခံရတဲ့ဒဏ်ကြောင့်ပဲ ထိုညစောင့်က ကိုမာဝင်သွားခဲ့ပြီးတော့ သူ ထွက်မပြေးခင်မှာ
ရဲတပ်ဖွဲ့ကို ဆက်သွယ်ခဲ့တယ်ဆိုတာ သိလိုက်ရပါတယ်။ ထိုအခြင်းအရာကို စုံစမ်းဖို့ ရင်ခွဲရုံကို
ရောက်လာတဲ့ စုံထောက်ကြီး ဟိုင်မီနဲ့အဖွဲ့ဟာ မေကာရဲ့အလောင်း ထူးဆန်းစွာပျောက်ဆုံးနေမှန်း မျက်ဝါးထင်ထင် တွေ့လိုက်ရပါတယ်။
တစ်ဖက်မှာတော့ အဲလက်စ်က သူ့ရဲ့ အငယ်အနှောင်းဖြစ်တဲ့ ကာလာနဲ့ တွေ့ဆုံပြီး မေကာ့ကို အစဖျောက်ပစ်လိုက်ကြောင်း
ပြောပြနေပါတယ်။ ထိုအချိန်မှာပဲ မေကာရဲ့အလောင်း ရင်ခွဲရုံကနေ ပျောက်ဆုံးသွားတဲ့အကြောင်း အဲလက်စ်ကို
အကြောင်းကြားလာပါတယ်။
အဲလက်စ် ရင်ခွဲရုံကို ရောက်လာတဲ့အချိန်မှာ စုံထောက်ကြီးဟိုင်မီက စစ်ဆေးမေးမြန်းနေရင်းနဲ့
အဲလက်စ်အနေနဲ့ မေကာ့ကို မရှိတော့တဲ့လူတစ်ယောက်လို သုံးနှုန်းပြောဆိုနေတာ သတိထားမိပြီး သံသယဝင်လာပါတယ်။
အဲလက်စ်ကို ဆက်လက်စစ်ဆေးဖို့ ရင်ခွဲရုံမှာပဲ ထိန်းသိမ်းထားတဲ့အချိန် ရေခဲတိုက်ထဲက အသံတစ်ခု ကြားရလို့
သွားကြည့်တဲ့အချိန်မှာ သူနေ့ခင်းက မေကာသောက်မယ့်ဝိုင်ခွက်ထဲကို ထည့်ခဲ့တဲ့ TH-16 တံဆိပ်ကပ်ထားတဲ့
အဆိပ်ဆေးပုလင်းကို သော့ဖျက်ထားတဲ့ လော့ဒ်ကာတစ်ခုထဲမှာ တွေ့လိုက်ရပါတယ်။
သောက်ပြီး ၈ နာရီကြာမှ အစွမ်းပြတဲ့ TH-16 ဟာ သဲလွန်စတစ်စုံတစ်ရာ ရှာမတွေ့ဘဲ
နှလုံးရောဂါဖောက်ပြီး သေဆုံးအောင် ပြုလုပ်နိုင်တဲ့ ဆေးပုလင်းတစ်ခုဖြစ်နေပါတယ်။
အဲလက်စ်အနေနဲ့ သူ တိတ်တဆိတ် ကြံစည်ထားတဲ့ ဒီဆေးပုလင်းကို သူမျက်စိရှေ့ရောက်အောင် ပို့နိုင်သူဟာ
တခြားသူမဟုတ်ဘဲ သေဆုံးဟန်ဆောင်ပြီး သူ့ကို အကွက်ဆင်ဖမ်းမယ့် မေကာပဲလို့ တစ်ထစ်ချ ယုံကြည်နေပါတယ်။
စုံထောက်ကြီး ဟိုင်မီရောက်လာတဲ့အချိန်မှာတော့ အဲလက်စ်ရဲ့ အိတ်ကပ်ထဲက TH-16 ကို တွေ့ပြီးတော့
တစ်ခုခုကို ဖုံးကွယ်ထားမှန်းသိသာနေတဲ့ အဲလက်စ်ကို အလွတ်မပေးဖို့ အကြောင်းပြချက်တစ်ခု တိုးလာခဲ့ပါတယ်။
ဇာတ်လမ်းက ဒီနေရာအရောက်မှာပဲ မေကာက တကယ် မသေဘဲ အဲလက်စ်ကို ထောင်ချောက်ဆင်ဖို့
ကြိုးစားနေတာလား၊ စုံထောက်ကြီးဟိုင်မီကရော အဲလက်စ်ရဲ့ မသမာမှုကို ဖော်ထုတ်နိုင်မှာလား၊
အဲလက်စ်အနေနဲ့ ဒီအခြေအနေက အကောင်းဆုံး ဘယ်လိုရုန်းထွက်နိုင်မလဲ ဒါမှမဟုတ်
ဒီကိစ္စတစ်ခုလုံးက သဘာဝလွန်ဖြစ်ရပ်ဆန်းတစ်ခုပဲလား ဆိုတဲ့ မေးခွန်းများစွာကို တောင်းဆိုလာပါတော့တယ်။
တွက်ရခက်တဲ့ပုစ္ဆာရှည်တစ်ပုဒ်ကို တစ်စချင်းစီဆွဲထုတ်ဖြေရှင်းသွားသလိုပဲ ဇာတ်လမ်းအစကနေ အဆုံးအထိ
စိတ်အာရုံကို ဖမ်းစားသွားမယ့်ဇာတ်လမ်းတစ်ပုဒ်ကို CM ကနေ ပရိသတ်ကြီးအတွက် တင်ဆက်ပေးလိုက်ပါတယ်။
(ရုပ်ရှင်အညွှန်းနဲ့ဘာသာပြန်ကို Sai Sumali မှ တင်ဆက်ထားပါတယ်။)
Credit.
ဇာတ်လမ်းအညွှန်း
10 Jan, 12:45
Wolf Hollow (2024)
အောစတောင်းမြို့လေးက ကျေးလက်ဒေသမြို့ငယ်လေးတစ်ခု။ ရေးနဲ့ ဘာ့ထ်တို့ ညီအစ်ကိုတတွေမှာ ညီဖြစ်သူ ရေးက နယူးယောက်မှာ အနုပညာကျောင်းတက်ဖို့ ထွက်သွားတဲ့နောက် အစ်ကိုဖြစ်သူတို့ မိသားစုနဲ့ အဆက်အသွယ်ဖြတ်သွားခဲ့ပါတယ်။ အဲဒီအချိန်တွေမှာပဲ သူတို့ဟာ အောစတောင်းမြို့လေးက ထူးဆန်းတဲ့ သတ္တဝါတစ်ကောင်ကြောင့် လူအသေအပျောက် များနေခဲ့ချိန်။
ကုတ်ရာခြစ်ရာ ပြတ်ရာတွေကြောင့် Wolf Hollowလို့နာမည်တွင်နေတာပေါ့။ ဒီကိစ္စတွေဖြစ်တာများတဲ့ ဘာ့ထ်နဲ့ ရေးတို့မိဘစဉ်ဆက် ပိုင်ဆိုင်ခဲ့တဲ့ သားရဲအိမ်ကြီးကို တစ်နေ့မှာ ရေးတို့ရိုက်ကူးရေးအဖွဲ့ဟာ ရုပ်ရှင်ရိုက်ဖို့ ရောက်လာကြရာကနေ ဘာတွေဆက်ဖြစ်ကြမလဲဆိုတာ သဲထိတ်ရင်ဖို ကြည့်ရှုကြရမှာပဲဖြစ်ပါတယ်။ သတ္တဝါဆန်းတစ်ကောင်ကြောင့် အသက်မသေအောင် တောတောင်ထဲ ပြေးကြလွှားကြ ရင်ဖိုဖွယ် ဇာတ်လမ်းတွေကို ကြိုက်တတ်တဲ့လူတွေ ကြည့်သင့်တဲ့ရုပ်ရှင်မျိုးပေါ့။
(အညွှန်းနဲ့ဘာသာပြန်ကတော့ Pyae Phyoဖြစ်ပါတယ်။)
Credit..
ဇာတ်လမ်းအညွှန်း
09 Jan, 13:34
Martyrs (2015)
ဒီဇာတ်လမ်းဟာ ဒါရိုက်တာ Pascal Laugier ရဲ့ ၂၀၀၈ ခုနှစ်ထွက်ရုပ်ရှင်ကို အမည်မပြောင်းလဲဘဲ
Remake ပြန်လည် ရိုက်ကူးထားတာဖြစ်ပါတယ်.။
လူစီဟာ ကလေးဘဝအရွယ်မှာ သူ့ကို ညှင်းပန်းနှိပ်စက်နေတဲ့ လူတစ်စုရဲ့လက်ထဲကနေလွတ်မြောက်လာခဲ့သူဖြစ်ပါတယ်.။
သူ့ကို နှိပ်စက်ရာ အကျဉ်းခန်းကို ရဲတွေကို ညွှန်ပြနိုင်ခဲ့ပေ့မယ်
ထူးဆန်းစွာပဲ ခြေရာလက်ရာတစ်ခုမှမကျန်တဲ့ အဆောက်အဦးတစ်ခုသာ ဖြစ်နေခဲ့ပါတယ်။
နောက်တော့ လူစီဟာ စိန့်မေရီမိဘမဲ့ကလေးကျောင်းမှာ ကြီးပြင်းခဲ့ရပြီး သူ့ရဲ့အချစ်ဆုံးသူငယ်ချင်းအန်နာကိုလည်း အဲဒီမှာပဲ တွေ့ဆုံခဲ့ပါတယ်.။
ငယ်ရွယ်တဲ့အရွယ်မှာ ကြုံတွေ့ခဲ့ရတဲ့ စိတ်ဒဏ်ရာတွေကြောင့် မကောင်းဆိုးဝါးတွေကို အမြဲတမ်းမြင်ယောင်နေပြီး
စိတ်ကူးနဲ့လက်တွေ့ကို မခွဲခြားနိုင်တဲ့ စိတ်ရောဂါကို နှစ်ရှည်လများ ခံစားခဲ့ရပါတယ်။
အန်နာတစ်ယောက်သာ သူ့အတွက် ဘဝသဲကန္တာရထဲက အိုအေစစ်လေးတစ်ခုဖြစ်ခဲ့ပါတယ်။
၁၀ နှစ်အကြာ လူစီအရွယ်ရောက်လာတော့ သူ့ကိုဖမ်းဆီးသွားသူ မိသားစုကို ရှာတွေ့ခဲ့ပါတယ်။
နှစ်များစွာကြာမြင့်ခဲ့ပေမယ့် သူ့ကို ညှင်းပန်းနှိပ်စက်ခဲ့သူရဲ့ မျက်လုံးတွေကို မှတ်မိနေခဲ့ပါတယ်။
တစ်မိသားစုလုံးကို ကျူပင်ခုတ်ကျူငုတ်မကျန် သတ်ဖြတ်ခဲ့ပြီးနောက် သူ့သူငယ်ချင်း အန်နာကို ဖုန်းဆက်ပြီး အကြောင်းကြားခဲ့ပါတယ်။
အန်နာရောက်လာတဲ့အချိန်မှာ မသေချာမရေရာတဲ့ထင်ကြေးတစ်ခုတည်းနဲ့ မိသားတစ်စုလုံးကို သတ်ဖြတ်ခဲ့တဲ့ လူစီကို
ခွင့်မလွှတ်နိုင်ခဲ့ဘဲ သူ့အပေါ် ဆက်မကူညီနိုင်တော့ကြောင်းပြောကာ ထွက်သွားဖို့ ပြင်ခဲ့ပါတယ်.။
သူ့ကို နှိပ်စက်ခဲ့တဲ့သူတွေအပေါ် လက်စားပြန်ချေလိုက်ရင် သူမြင်နေရတဲ့ မကောင်းဆိုးဝါးနဲ့ စိတ်ဒဏ်ရာတွေပျောက်ကွယ်သွားမယ်လို့ လူစီကတော့ တစ်ထစ်ချယုံကြည်နေပါတယ်။
တကယ်တမ်းမှာတော့ သူ့စိတ်သူမထိန်းနိုင်ဘဲ ကိုယ့်ကိုယ်ကို ပြန်ရန်မူလာချိန်မှာတော့ အန်နာကပဲဖေးမကူညီခဲ့ရပြန်ပါတယ်။
နောက်တော့ အလောင်းတွေကို ဖျောက်ဖျက်ပြီး အခင်းဖြစ်တဲ့အိမ်ကို နဂိုမူလအတိုင်း ခြေရာလက်ရာမပျက် ပြန်လည်ထားရှိတဲ့အချိန်မှာပဲ လျှို့ဝှက်မြေအောက်ခန်းတစ်ခုကို တွေ့ရှိခဲ့ပါတယ်…
လူစီထင်ထားသမျှ အားလုံးမှန်နေခဲ့ကြောင်း သိရှိခဲ့ပြီးနောက် ဆမ် ဆိုတဲ့ ကလေးမလေးကိုပါ ရှာတွေ့ခဲ့ပါတယ်..။
အန်နာက လူစီအိပ်ပျော်နေတုန်း ၉-၁-၁ ကို ဖုန်းခေါ်ဆိုထားခဲ့တဲ့အတွက် လူတစ်စုက အိမ်ကို ချဉ်းကပ်လာခဲ့ပါတယ်။
ကိစ္စက သူတို့ထင်မှတ်ထားသလို သာမန်ပြန်ပေးဆွဲ ညှင်းပန်းနှိပ်စက်မှုမျိုးမဟုတ်ဘဲ နောက်ကွယ်မှာ အဖွဲ့အစည်းတစ်ခုရှိနေမှန်းသိလိုက်ရပါတယ်.။
လူတွေကို ညှင်းပန်းသတ်ဖြတ်ရင်းနဲ့ လူသားမျိုးနွယ်ရဲ့ အကြီးမားဆုံးသောလျှို့ဝှက်ချက်ကို ရှာဖွေမယ့်
လူတစ်စုရဲ့ ရည်ရွယ်ချက်က အကြောင်းမဲ့သတ်ဖြတ်တာထက် ပိုပြီးကျောချမ်းစရာကောင်းလွန်းနေတဲ့အချက်ကလည်း
ဒီဇာတ်ကားကို လက်မလွှတ်ဘဲကြည့်ရှုသင့်တဲ့ အကြောင်းရင်းတစ်ခု ဖြစ်နေပါတော့တယ်။
Credit..
ဇာတ်လမ်းအညွှန်း
09 Jan, 13:33
Wrong Numbers (2024)
Jackက အောင်မြင်တဲ့စီးပွားရေးသမားတစ်ယောက်ဖြစ်သလို အရမ်းချစ်ရတဲ့ ဇနီးဖြစ်သူနဲ့ သားလေးတစ်ဦးတို့ကိုပိုင်ဆိုင်ထားသူတစ်ယောက်ပါ။
တစ်နေ့မှာတော့ အမ်မာဆိုသူကောင်မလေးတစ်ယောက်ဟာမဆီမဆိုင် ဂျက်ခ်ကိုစကားစပြောရာကနေ One night standတဲ့အထိကိုဖြစ်သွားကြပါတော့တယ်။
အဲ့လိုဖြစ်သွားရာကနေ နောက်ဘယ်လိုတွေရှုပ်ထွေးလာမလဲဆိုတာကိုတော့ romantic dramaဆန်ဆန် ကြည့်ရှုရမှာပဲဖြစ်ပါတယ်။
(အညွှန်းနဲ့ဘာသာပြန်ကတော့ Myat Noe Yamone ဖြစ်ပါတယ်။)
Credit..
ဇာတ်လမ်းအညွှန်း
05 Jan, 13:13
The Recipe (2010)
Genre – Drama, Romance, Mystery
IMDB – 6.6/10
အမြီး ၉ ချောင်း မြေခွေးအလန်းစားကြီး Lee Dong-Wook ရဲ့
၂၀၁၀ ခုနှစ်တုန်းက လွမ်းဆွတ်ကြည်နူးဖွယ်ရာ ဇာတ်လမ်းလေး
တစ်ပုဒ် တင်ဆက်ပေးလိုက်ချင်ပါတယ်။ အတိအကျ
ပြောရမယ်ဆို ပဲပိစပ်ဟင်းရည် ဒွမ်ဂျန်ဆိုတဲ့ ရိုးရာ ဟင်းတစ်ခွက်ကို
အသုံးချပြီး Marketing ကောင်းကောင်းထည့်ပြီး ဖန်တီးထားတာပဲ
ဖြစ်ပါတယ်။ ဇာတ်လမ်းကလည်း အစပိုင်းမှာ စိတ်လှုပ်ရှားဖွယ်
မှတ်တမ်းရုပ်ရှင်အထာနဲ့ တဖြည်းဖြည်းချင်း ဇာတ်ကို ပံ့ပိုးထားပြီး
နောက်ပိုင်းမှ လျှို့ဝှက်ချက်တွေကို ဇာတ်ထုပ်ပြန်ဖြည်တဲ့ စတိုင်မျိုးပါ။
ဇာတ်လမ်းလေးကတော့ တောင်ကိုရီးယားမှာ လူ ၁၂ ယောက်ကို
သွေးအေးအေးနဲ့သတ်ဖြတ်ပြီး အာဏာပိုင်တွေလက်အောက်က
နှစ်ပေါင်းကြာရှည်စွာ ထွက်ပြေးတိမ်းရှောင်နေတဲ့ လူသတ်သမားကြီးက
တောထဲတောင်ထဲက စားသောက်ဆိုင်လေးထဲ ရဲတွေလာဖမ်းတာကို
အသာတကြည်နဲ့ ပြန်မခုခံပဲ အေးဆေး အဖမ်းခံခဲ့ပါတယ်။ အဲဒါနဲ့
သေဒဏ်ပေးခါနီး နောက်ဆုံးဆန္ဒကို ပြောပါဆိုတော့ ဘာပြောတယ်
ထင်လဲ…”အဲဒီဆိုင်က ဒွမ်ဂျန်ဟင်းရည် သောက်ချင်တယ်” တဲ့ဗျာ။
အဲဒါနဲ့ သေခါနီးလူတစ်ယောက်ရဲ့နောက်ဆုံးဆန္ဒက ထူးထူးခြားခြား
ဒီဒွမ်ဂျန်ကို သောက်ချင်ရအောင် ဘာတွေများ ထူးခြားနေလို့လဲဆိုပြီး
သတင်းထောက်ကြီးဟာ အဖြေကိုလိုက်ရှာတဲ့အချိန် နောက်ကွယ်က
လွမ်းဆွေးဖွယ် အချစ်ဇာတ်လမ်းလေးတစ်ပုဒ်နဲ့ ထူးခြားတဲ့
ဟင်းအမယ်တွေကို သိရှိလိုက်ရပါတော့တယ်…..။
သရုပ်ဆောင်တွေဆိုလည်း အများနဲ့မစိမ်းလောက်ဘူးထင်ရတဲ့
နာမည်ကြီး ဇာတ်ပို့မင်းသားကြီး Seung-ryong Ryu က သတင်း
ထောက်နေရာက သရုပ်ဆောင်ထားပြီး Goblin သေမင်းတွေ အမြီး
၉ ချောင်းမြေခွေး စသဖြင့် အသက်ကြီးပေမယ့် မပျက်စီးသေးတဲ့
အာဂျီးရှီး Lee Dong-Wook နဲ့ တည်ငြိမ်တဲ့အလှပိုင်ရှင် မင်းသမီး
Lee Yo-Won တို့ ပါဝင် သရုပ်ဆောင်ထားတာလည်း ဖြစ်ပါတယ်။
ကြည့်ရင်းနဲ့ ပဲပိစပ်ဟင်းရည်လေး သွားရည်ကျပြီး မျက်ရည်သုတ်ကြရတာပေါ့ဗျာ။
Credit...
Genre – Drama, Romance, Mystery
IMDB – 6.6/10
အမြီး ၉ ချောင်း မြေခွေးအလန်းစားကြီး Lee Dong-Wook ရဲ့
၂၀၁၀ ခုနှစ်တုန်းက လွမ်းဆွတ်ကြည်နူးဖွယ်ရာ ဇာတ်လမ်းလေး
တစ်ပုဒ် တင်ဆက်ပေးလိုက်ချင်ပါတယ်။ အတိအကျ
ပြောရမယ်ဆို ပဲပိစပ်ဟင်းရည် ဒွမ်ဂျန်ဆိုတဲ့ ရိုးရာ ဟင်းတစ်ခွက်ကို
အသုံးချပြီး Marketing ကောင်းကောင်းထည့်ပြီး ဖန်တီးထားတာပဲ
ဖြစ်ပါတယ်။ ဇာတ်လမ်းကလည်း အစပိုင်းမှာ စိတ်လှုပ်ရှားဖွယ်
မှတ်တမ်းရုပ်ရှင်အထာနဲ့ တဖြည်းဖြည်းချင်း ဇာတ်ကို ပံ့ပိုးထားပြီး
နောက်ပိုင်းမှ လျှို့ဝှက်ချက်တွေကို ဇာတ်ထုပ်ပြန်ဖြည်တဲ့ စတိုင်မျိုးပါ။
ဇာတ်လမ်းလေးကတော့ တောင်ကိုရီးယားမှာ လူ ၁၂ ယောက်ကို
သွေးအေးအေးနဲ့သတ်ဖြတ်ပြီး အာဏာပိုင်တွေလက်အောက်က
နှစ်ပေါင်းကြာရှည်စွာ ထွက်ပြေးတိမ်းရှောင်နေတဲ့ လူသတ်သမားကြီးက
တောထဲတောင်ထဲက စားသောက်ဆိုင်လေးထဲ ရဲတွေလာဖမ်းတာကို
အသာတကြည်နဲ့ ပြန်မခုခံပဲ အေးဆေး အဖမ်းခံခဲ့ပါတယ်။ အဲဒါနဲ့
သေဒဏ်ပေးခါနီး နောက်ဆုံးဆန္ဒကို ပြောပါဆိုတော့ ဘာပြောတယ်
ထင်လဲ…”အဲဒီဆိုင်က ဒွမ်ဂျန်ဟင်းရည် သောက်ချင်တယ်” တဲ့ဗျာ။
အဲဒါနဲ့ သေခါနီးလူတစ်ယောက်ရဲ့နောက်ဆုံးဆန္ဒက ထူးထူးခြားခြား
ဒီဒွမ်ဂျန်ကို သောက်ချင်ရအောင် ဘာတွေများ ထူးခြားနေလို့လဲဆိုပြီး
သတင်းထောက်ကြီးဟာ အဖြေကိုလိုက်ရှာတဲ့အချိန် နောက်ကွယ်က
လွမ်းဆွေးဖွယ် အချစ်ဇာတ်လမ်းလေးတစ်ပုဒ်နဲ့ ထူးခြားတဲ့
ဟင်းအမယ်တွေကို သိရှိလိုက်ရပါတော့တယ်…..။
သရုပ်ဆောင်တွေဆိုလည်း အများနဲ့မစိမ်းလောက်ဘူးထင်ရတဲ့
နာမည်ကြီး ဇာတ်ပို့မင်းသားကြီး Seung-ryong Ryu က သတင်း
ထောက်နေရာက သရုပ်ဆောင်ထားပြီး Goblin သေမင်းတွေ အမြီး
၉ ချောင်းမြေခွေး စသဖြင့် အသက်ကြီးပေမယ့် မပျက်စီးသေးတဲ့
အာဂျီးရှီး Lee Dong-Wook နဲ့ တည်ငြိမ်တဲ့အလှပိုင်ရှင် မင်းသမီး
Lee Yo-Won တို့ ပါဝင် သရုပ်ဆောင်ထားတာလည်း ဖြစ်ပါတယ်။
ကြည့်ရင်းနဲ့ ပဲပိစပ်ဟင်းရည်လေး သွားရည်ကျပြီး မျက်ရည်သုတ်ကြရတာပေါ့ဗျာ။
Credit...
ဇာတ်လမ်းအညွှန်း
05 Jan, 13:12
Inkheart (2008)
IMDB: 6.1/10
တချို့ပုံပြင်တွေဟာ ဖတ်ရုံပဲဆိုပေမယ့် တချို့ပုံပြင်တွေဟာ အသက်ဝင်လာနိုင်ပါတယ်….
အဲ့လို အသက်ဝင်အောင် လုပ်နိုင်စွမ်းရှိတဲ့ ပုံပြောဆရာတွေလည်း ရှိခဲ့တယ်…
အသံထွက်ဖတ်ပြီး ဇာတ်ကောင်တွေ၊ အဖြစ်အပျက်တွေကို ဆင့်ခေါ်နိုင်တဲ့သူတွေပေါ့။

မော်တီမာလည်း အဲဒီအစွမ်းကို မွေးရာပါ လက်ဆောင်အနေနဲ့ ရရှိခဲ့ပါတယ်။
ဒါပေမဲ့ သူက အဲဒီအစွမ်းကိုမသိပဲ အသံထွက်ဖတ်ပြီး ပုံပြင်ထဲက လူဆိုးတွေကို ဆင့်ခေါ်မိတဲ့အခါမှာ လူဆိုးတွေရဲ့တိုက်ခိုက်တာလည်းခံရ၊
သူ့ဇနီးလည်း ပုံပြင်စာအုပ်ထဲကိုရောက်ရှိသွားပြီး မော်တီမာ တစ်ယောက်ဒုက္ခရောက်သွားတယ်။
သူ့ဇနီးရောက်သွားတဲ့ပုံပြင်စာအုပ်ကို နှစ်နဲ့ချီ လိုက်ရှာနေရင်း တစ်နေ့မှာတော့ အတိတ်ရဲ့ တစ္ဆေတွေဟာ သူ့အိမ်တံခါးကို လာခေါက်ပါတော့တယ်။
သူ့ရဲ့ဇနီးကို စာအုပ်ထဲကနေ ပြန်ခေါ်နိုင်မလား၊ စာအုပ်ထဲက လူဆိုးတွေကပဲ တကယ့်လောကကြီးမှာ ကြီးစိုးသွားမလား ဆိုတာတော့ Mummy ကားတွေနဲ့ နာမည်ကြီးခဲ့တဲ့ မင်းသား Brendan Fraser ဦးဆောင်ပါဝင်ထားတဲ့ ဒီ Old but Gold ဇာတ်ကားကောင်းလေးကိုကြည့်ရင်း အဖြေထုတ်ကြတာပေါ့ဗျာ……
(ဇာတ်ကားနဲ့အညွှန်းကို Sai Thurein Lynn မှ ပြန်ဆိုရေးသားထားပါတယ်)
Credit...
ဇာတ်လမ်းအညွှန်း
05 Jan, 13:11
Upstream ( 2024 )
IMDB: 6.2/10
အသက်(၄၅)နှစ်အရွယ်ပရိုဂရမ်မာတစ်ယောက်ဟာ ကုမ္ပဏီမှာ(၁၀)နှစ်ကျော်လုပ်ခဲ့ပေမယ့်
လူငယ်တွေလောက်မလုပ်နိုင်တော့လို့ အလုပ်ဖြုတ်ခံလိုက်ရတဲ့အခါ
အသက်အရွယ်နဲ့အတွေ့အကြုံအရ သတ်မှတ်လစာများတဲ့အတွက်
ဘယ်ကုမ္ပဏီမှမခန့်ချင်ပဲ အလုပ်ရှာရခက်နေပါတယ်။
သူဟာ မိသားစုအားလုံးကိုထောက်ပံ့နေရတဲ့သူဖြစ်တဲ့အတွက်
ဖိအားတွေအများကြီးနဲ့ အကြပ်ရိုက်နေပါတယ်။
ကြံရာမရဖြစ်နေတဲ့အချိန်မှာ Delivery ကောင်လေးတစ်ယောက်နဲ့တွေ့ပြီး
Deliအလုပ်ကိုလုပ်ကြည့်ဖို့ဆုံးဖြတ်လိုက်ပါတယ်။

တကယ်တမ်းလုပ်ကြည့်တဲ့အခါကျမှ Deliveryအလုပ်ဟာမလွယ်ကူမှန်းသိလိုက်ရတယ်။
ဒါပေမယ့်လဲ မိသားစုအတွက် သမီးလေးရဲ့အနာဂတ်အတွက် ရှိတဲ့မာနတွေကိုချထားပြီး
ကြိုးစားပြီးလုပ်သွားတဲ့အကြောင်းကိုရိုက်ထားတဲ့ အလုပ်ကြိုးစားတဲ့သူတွေ
အားလုံးကိုဂုဏ်ပြုတဲ့အနေနဲ့ ရိုက်ထားတဲ့ဇာတ်လမ်းလေးပဲဖြစ်ပါတယ်။
Credit
ဇာတ်လမ်းအညွှန်း
05 Jan, 13:10
Solar Flower (2023)
“နေမထွက်တဲ့ ကမ္ဘာမှာဆိုရင်တောင် ကျွန်တော့်ဘဝမှာ သိမ်းထားချင်မိတဲ့ အိပ်မက်တစ်ခုရှိတယ်”
သိပ်မကြာခင်ကမှ ထောင်ကလွတ်လာပြီး လူမိုက်ခေါင်းဆောင်နမ်ဂယူရဲ့လက်အောက်မှာ မိုတယ်အလုပ်ကို ကြိုးစားသင်ယူရင်း
ဘဝကို ခက်ခက်ခဲခဲဖြတ်သန်းနေရတဲ့ ဆွန်းယော့ဟာ နေမထွက်တဲ့ကမ္ဘာက ပန်းလေးတစ်ပွင့်လိုပါပဲ
ဘယ်လောက်ပဲ ပင်ပန်းခက်ခဲနေပါစေ တစ်ဦးတည်းသော ညီမလေးအတွက်ဆိုပြီး ကြိုးစားရုန်းကန်နေခဲ့ပေမဲ့
တစ်ဖက်မှာ သူကိုယ်တိုင်သတိမထားမိတဲ့ ရင်နင့်စရာအမှန်တရားတစ်ခု ရှိနေပါတယ်
အဲဒီလိုနဲ့ အနှိပ်စက်ခံ အဖိနှိပ်ခံရင်း ဘဝကိုကြိုးစားရုန်းကန်နေတဲ့ ဆွန်းယော့တစ်ယောက်
ဆွန်းဂျူဆိုတဲ့ကောင်မလေးနဲ့ တွေ့ဆုံပြီးတဲ့အခါမှာတော့ သူ့ရဲ့ဘဝက တစ်ဆစ်ချိုးပြောင်းလဲဖို့ အကြောင်းဖန်လာပါတော့တယ်
ဆွန်းယော့ရဲ့ဘဝတစ်ဆစ်ချိုးဟာ ပိုကောင်းတဲ့အရာတွေနဲ့စောင့်ကြိုနေမလား
ဒါမှမဟုတ် မှောင်မိုက်နေပြီးသားဘဝကို ပိုပြီးကံဆိုးမိုးမှောင်ကျစေမလားဆိုတာကိုတော့ ဇာတ်လမ်းထဲမှာ ဆက်လက်ကြည့်ရှုလိုက်ကြပါဦးနော်
အညွှန်း နဲ့ ဘာသာပြန်ကတော့ Hmwe Thet Winn ပဲ ဖြစ်ပါတယ်
Credit..
ဇာတ်လမ်းအညွှန်း
05 Jan, 13:09
Iron Sky (2012)
ဒုတိယကမ္ဘာစစ်ကြီးအတွင်းမှာ နာဇီတချို့ဟာ
လရဲ့အမှောင်ခြမ်းမှာ ခံတပ်တခုသွားတည်ဆောက်ပြီး
ဟီလီယမ်-၃ ဓာတ်ငွေ့တွေကို တူးဖော်ရင်း နှစ် ၇၀ ကျော်
ပုန်းအောင်းနေခဲ့ပါတယ်။ တနေ့မှာအမေရိကန်သမ္မတရဲ့
ရွေးကောက်ပွဲ ပရိုမိုရှင်းတဖြစ်လဲ လဆင်းသက်ရေးယာဉ်
တစီးက သူတို့စခန်းကို မတော်တဆတွေ့သွားတဲ့အခါမှာတော့
ကမ္ဘာကြီးကို နာဇီတို့ရဲ့စစ်လက်နက်အသစ် ဂိုတာဒန်မယ်ယာဉ်ကြီးနဲ့
အတူတူ ပြန်လည်ဆင်းသက်ပြီး ဂျာမန်စတုတ္ထအင်ပါယာကြီးရဲ့
ကျူးကျော်စစ်စဖို့ အကြောင်းဖန်လာပါတော့တယ်။
ဒီဇာတ်ကားမှာ Marvel နဲ့ Disney တို့မတိုင်ခင်
သူ့ခေတ်သူ့အခါရဲ့ ကွန်ပျူတာပြုလုပ်ချက် တွေအနေနဲ့
အတော်လေးကောင်းမွန်သလို နိုင်ငံကြီးတွေရဲ့အကြောင်း
မသိမသာ လှော်ထားတဲ့ဟာသတွေ နာဇီတွေနဲ့ပန်းကန်ပြားပျံ
သီအိုရီတွေ စသဖြင့်တွေ့ကြရမှာဖြစ်လို့ CMပရိတ်သတ်ကြီးက
ရှုစားအားပေးကြပါဦး……
Credit..
ဇာတ်လမ်းအညွှန်း
05 Jan, 13:08
Dragon Fight (1989)
သင်တို့ ကလေးဘဝကို ပြန်တွေးကြည့်ရင် အဓိကပေါ်လာမယ့် တရုတ်မင်းသားတွေဆို ဂျက်လီ၊ ဂျက်ကီချမ်းနဲ့ စတီဖင်ချောင်ပဲရှိတယ်မလား။ သူတို့၃ယောက်ဟာ ဒီနိုင်ငံမှာ ဗီစီဒီခေတ်ကတည်းက လူတွင်ကျယ်လုပ်ခဲ့ကြသလို တခြားနိုင်ငံတွေအထိလည်း ထိုးဖောက်နိုင်ခဲ့တဲ့သူတွေပါပဲ။ ဂျက်လီနဲ့ ဂျက်ကီချမ်းဟာ The Forbidden Kingdom (2008) မှာမှ စတွဲရိုက်ဖြစ်ပေမဲ့ ချောင်နဲ့ ဂျက်လီကတော့ 1989 ကတည်းက အခုကားနဲ့ တွဲရိုက်ဖြစ်ခဲ့ပါတယ်။ ဂျက်ကီချမ်းနဲ့ ချောင်ကတော့ King of Comedy (1999) မှာ ဆုံဖူးသလို Gorgeous (1999) မှာလည်း ဆုံဖူးပါတယ်။ The Founding of a Republic (2009) ဆိုတဲ့ ပေါ်လစီကားမှာတော့ ၃ယောက်စလုံးပါပေမဲ့ ဘောင်မဝင်လို့ ထည့်မတွက်တော့ပါဘူး။
Dragon Fight (1989) မှာတော့ ဂျက်လီဟာ သူ့ဟန်အတိုင်း လူရိုးလူအ ကွန်ဖူးတော်တဲ့ကောင်နေရာက သရုပ်ဆောင်ထားပြီး စတီဖင်ချောင်ကတော့ သူ့ဟန်နဲ့ကွဲပါတယ်။ ဟာသတော့လုပ်ပေမဲ့ စောက်ပေါလုံးလုံးတော့ မဟုတ်သေးပါဘူး။ ဂျက်လီနဲ့ သူ့အဖွဲ့ဟာ အမေရိကကို သိုင်းစွမ်းရည်ပြပွဲအတွက်လာခဲ့ကြပါတယ်။ သူ့သူငယ်ချင်းက တရုတ်ပြည်မပြန်ဘဲ ထွက်ပြေးနေခဲ့ဖို့ ဆုံးဖြတ်လိုက်ပြီး သူက သူ့သူငယ်ချင်းကို နားဝင်ချရာကနေ သူပါကျန်ခဲ့ပါတယ်။ ဒီလိုနဲ့ သူ့သူငယ်ချင်းအမှုကနေ သူ့ပတ်ပြီး သူဟာ ဝရမ်းပြေးလုံးလုံးဖြစ်ရာက သွားစရာနေရာမရှိဖြစ်သွားပါတယ်။ ဒီမှာချောင်နဲ့တွေ့ပြီး ချောင်ရဲ့အကူအညီနဲ့ သူနေစရာနဲ့ အလုပ်ရသွားခဲ့ပါတယ်။ ဒီနောက်မှာတော့ အမေရိကန်လူဆိုးဂိုဏ်းဝင်ဖြစ်နေတဲ့ သူ့သူငယ်ချင်းနဲ့ သူပြန်တွေ့ပြီး ချောင်ကပါ အဲဒီလူဆိုးဂိုဏ်းနဲ့ သွားပတ်သက်မိတဲ့အခါမှာ ဂျက်လီဟာ ကွန်ဖူးစကေးတွေကို ပြဖို့ အကြောင်းဖန်လာခဲ့ပါတယ်။
(ဒီဇာတ်ကားနဲ့အညွှန်းကို W မှ ပြန်ဆို ရေးသားထားပါတယ်)
Credit..
ဇာတ်လမ်းအညွှန်း
04 Jan, 11:44
Romeo Must Die (2000)
IMDB: 6.1/10
တော်တော်များများကြည့်ဖူးပြီးသားဖြစ်မယ်ထင်ပါတယ်….
တရုတ်Action ဇာတ်လမ်းပေါင်းများစွာ ရှိပါတယ်…သူတို့အားသန်ရာ ကိုယ်ခံပညာတွေနဲ့ သရုပ်ဖော်ကြပေမဲ့ ဂျက်လီကားတွေကိုပိုနှစ်သက်မိတယ်… သူ့အက်ရှင်ခန်းတွေက လှတယ် သေသပ်တယ်..သတ်ဖြတ်ခန်းတွေဆိုရင်တောင်မှ ရက်စက်ကြမ်းကြုတ်တဲ့ဟာမျိုးပါတာရှားတယ်…ဂျက်လီတတ်တဲ့ကိုယ်ခံပညာတွေလေ့လာကြည့်တော့ Wushu,Chinese Martial Artနဲ့Baguazhangဖြစ်ပါတယ်…Wushuနဲ့ Martial Artကို ကြားဖူးပေမဲ့ Baguazhangကိုတော့ နည်းနည်းစိမ်းနေတယ် U tube မှာ Baguazhang fight techniques လို့ရိုက်ရှာကြည့်တော့ videoလေးတွေတင်ထားတယ်….ဒါကိုကြည့်လိုက်မှ ဂျက်လီရဲ့အက်ရှင်ခန်းတွေဒါ့ကြောင့်လန်းတာကိုးလို့ မှတ်ချက်ချမိတယ်…Bagua ကိုယ်ခံပညာကအရမ်းကိုလှတယ် တုန့်ပြန်တိုက်ခိုက်ပုံတွေက ကကြိုးကကွက်တွေဆင်နေသလားထင်ရလောက်အောင်လှနေပေမဲ့ ရန်သူကိုမြေပြင်ပေါ် အသာလေးလှဲသိပ်နိုင်လောက်အောင်စွမ်းအားကြီးတာသွားတွေ့ရတယ်…တိပ်ခွေခေတ်တုန်းက ကြည့်ခဲ့ရပြီး ကျွန်တော့လို အကြည်လေးနဲ့ခံစားချင်သူတွေအတွက်တင်ပေးလိုက်ပါတယ် ပိုစတာကြည့်ရုံနဲ့ဇာတ်လမ်းကိုသိကြမှာဖြစ်လို့ အညွှန်းမရေးတော့ပါဘူး မကြည့်ကြသေးဘူးဆိုရင်လည်း နီးစပ်ရာမေးပြီး ကောင်းမယ်ထင်ရင်ဒေါင်းကြည့်ကြပေါ့ဗျာ
Credit.
ဇာတ်လမ်းအညွှန်း
04 Jan, 11:43
From Embers (2024)
မိသားစုနဲ့အတူ ကြည့်ဖို့ Family ဇာတ်ကားကောင်းလေး
တစ်ခုကို CM ပရိသတ်ကြီးနဲ့ မိတ်ဆက်ပေးချင်ပါတယ်။
ဒီဇာတ်ကားမှာ ခင်ပွန်းသည်က ဓာတ်ခွဲခန်း မီးလောင်ပေါက်ကွဲမှာ
သေဆုံးသွားပြီးနောက်ပိုင်း အော်တစ်ဇင်သားငယ်နဲ့အတူ
ဘဝကို ရုန်းကန်ကြိုးစားနေတဲ့ လီလီရှုဆိုတဲ့ အမျိုးသမီး၊
အရက်စွဲနေတဲ့ အနုပညာဂီတသမား တစ်ယောက် ဖြစ်သလို
သမီးတစ်ယောက်ဖခင်ဖြစ်တဲ့ မာတီ။ လီလီအနေနဲ့ ခင်ပွန်းဖြစ်သူ
သေဆုံးပြီးနောက်ပိုင်း အသက်အာမခံ ပရီမီယံကြေး ထုတ်ယူဖို့
ကြိုးစားရာကနေ ခင်ပွန်းဖြစ်သူ သေဆုံးခဲ့ရမှုဟာ သာမန်ပေါက်ကွဲမှု
မဟုတ်ဘဲ သံသယဖြစ်ဖွယ် အချက်တွေကို သိလာပြီးနောက်ပိုင်း
အမှုမှန် ပေါ်ပေါက်ဖို့အတွက် ကြိုးစားရင်း ဘယ်လိုအခက်အခဲတွေ
ရင်ဆိုင်ရမလဲ။ ဘယ်လိုအန္တရာယ်တွေ စောင့်ကြိုနေမလဲဆိုတာ
အားပေးကြည့်ရှုလိုက်ကြပါဦးလို့…။
Credit.
ဇာတ်လမ်းအညွှန်း
04 Jan, 11:42
Aaragan (2024) “ဆန်းကြယ်သော ဘ၀ခရီး”
ဘောလိဝုဒ်ရုပ်ရှင်ပရိသတ်ကြီးအတွက် တမီလ်ဇာတ်လမ်းကောင်းတစ်ပုဒ်နဲ့ မိတ်ဆက်ပေးချင်ပါတယ်။
အိမ်ထောင်တစ်ခုထူထောင်မဲ့ ချစ်သူနှစ်ဦးရဲ့ ရုန်းကန်ရတဲ့
ဘ၀ခရီးလမ်းကို ဒရာမာနှောပြီး ခပ်ဆန်းဆန်း ရိုက်ကူးထားတာပါ။
အခုခေတ်ဇာတ်လမ်းဖြစ်ပေမဲ့ ဇာတ်လမ်းအစမှာတော့ ရာဇ၀င်ဇာတ်ကြောင်းတစ်ခုနဲ့ အစပျိုးထားပါတယ်။
တိုင်းပြည်တစ်ပြည်က ဘုရင်တစ်ပါးမှာ သားတော်နှစ်ပါးရှိပြီး
သားတော်ကြီးက လက်ရုံးရည် နှလုံးရည်ပြည့်၀သလောက်
သားတော်ငယ်ကတော့ သွေးကြောင်တဲ့ အရည်အချင်းမရှိသူပါ။
တစ်နေ့မှာ စစ်မက်ဖြစ်ပွားရာက ဘုရင်နဲ့သားတော်ကြီး ဆုံးပါးသွားပြီး
သားတော်ငယ်ကတော့ တောထဲထွက်ပြေးသွားပါတယ်။
အဲဒီမှာ သားတော်ငယ်ဟာ ပရောဟိတ်ကြီးတစ်ပါးနဲ့ဆုံပြီး တပည့်ခံခဲ့ပါတယ်။
တစ်နေ့မှာတော့ ပရောဟိတ်ကြီးရဲ့အသက်ကို ကယ်ပေးခဲ့တာကြောင့်
ပရောဟိတ်က သားတော်ငယ်ကို လိုရာဆုတစ်ခု တောင်းခိုင်းခဲ့ပါတယ်။
အဲဒီသမိုင်းကြောင်းဟာ ခေတ်သစ်ဘ၀မှာ အိမ်ထောင်ထူထောင်ကြမဲ့
ဆာရ်ဗန်နာနဲ့ မာဂီနီလာတို့ ချစ်သူနှစ်ဦးနဲ့ ဘယ်လိုဆက်စပ်နေမလဲ၊
ချစ်သူနှစ်ဦးရဲ့အိမ်ထောင်ရေးမှာ ဘယ်လိုအခက်အခဲတွေ ကြုံရမလဲ၊
ဘယ်လိုထူးဆန်းတာတွေ တွေ့ရမလဲဆိုတာကို စိတ်၀င်စားစရာ
ဆက်လက်ကြည့်ရှုရမှာ ဖြစ်ပါတယ်။
(အညွှန်းနဲ့ဘာသာပြန်တွေကတော့ Cym~KKKZ~ToMo~V တို့ ဖြစ်ပါတယ်။)
Credit..
ဇာတ်လမ်းအညွှန်း
04 Jan, 11:42
The Initiated: Written from the Shadows (2024)
IMDb Rating (5.8)
ဒီဇာတ်ကားဟာ လျှို့ဝှက်ဆန်းကြယ်နဲ့ သည်းထိပ်ရင်ဖိုဇာတ်ကား အမျိုးအစားနှစ်ခုရောထားသည့် ဇာတ်ကားတစ်ကားဖြစ်ပါတယ်။
ဂျာနယ်လစ်ဟောင်းတစ်ယောက်ဖြစ်သူ ဖရန့်ခ်က အတိတ်ကအကြောင်းအရာအချို့ကိုလည် မေ့ပျောက်နေပြီး ဇာတ်မြှုပ်ကာ ပုန်းကွယ်နေရာမှ
တစ်နေ့ သူ၏အိမ်ရှေ့တွင် ဖောက်ထုတ်ခံထားရသည့် မျက်လုံးတစ်စုံနှင့် သွေးစွန်းထားသော စာတစ်စောင်ရောက်လာပါတော့တယ်။
ထို့အတူ လူသတ်နည်းဆင်တူသော လူသတ်မှုတွေလည်း တစ်နေ့တစ်ခြားတိုးလာရာ ဖရန့်ခ်တစ်ယောက် တရားခံရှာဖို့ကြိုးစားရင်း မေ့ပျောက်နေသော အတိတ်များပြန်လည်ပေါ်လာသောအခါ
ဘာတွေဆက်ဖြစ်လာမလဲဆိုတာကို ကြည့်ရှူခံစားရမည့် ဇာတ်ကားတစ်ကားဖြစ်ပါတယ်။
(အညွှန်းနဲ့ဘာသာပြန်ကတော့ Eunice ဖြစ်ပါတယ်။)
Credit..
ဇာတ်လမ်းအညွှန်း
04 Jan, 11:41
Canadian, Sniper (2023)
ကမ္ဘာကြီးဟာ စစ်ပွဲတွေနဲ့ကင်းသွားတဲ့နေ့ရယ်လို့မရှိဘူးထင်ရတယ်။
ဒီကားလေးကတော့စစ်မှုထမ်းသက်ပြည့်လို့မွေးရပ်မြေကိုပြန်လာတဲ့ စစ်ပြန်တစ်ယောက်ကြုံရတဲ့ အဖြစ်အပျက်တစ်ချို့နဲ့ သူကြုံခဲ့ရတဲ့စစ်ပွဲရဲ့ဒဏ်ရာဒဏ်ချက်တွေကမျက်မှောက်ထိပါလာပြီးသူ့ကိုဘယ်လိုတွေခံစားသက်ရောက်စေရသလဲတွေ့ရပါမယ်။
ဒီဇတ်ကားရဲ့ရည်ရွယ်ချက်က စစ်သားတွေခံစားရလေ့ရှိတဲ့ Post Traumatic Stress Disorder ဆိုတဲ့ “ကြောက်စရာကောင်းတဲ့ ဒါမှမဟုတ်စိတ်ဖိစီးစရာအဖြစ်အပျက်ကြောင့်ဖြစ်လာတဲ့စိတ်ကျန်းမာရေး အခြေအနေကို” ပြချင်တာဖြစ်တယ်လို့ဆိုပါတယ်။
ဒါရိုက်တာက သူ့သူငယ်ချင်းတစ်ယောက်စစ်တပ်ထဲဝင်ပြီး အာဖဂန်နစ္စတန်မှာ တာဝန်တစ်ကြိမ်ထမ်းဆောင်ပြီးအိမ်ပြန်လာတဲ့အချိန် သူ့ကိုယ်သူသတ်သေသွားတာကိုတွေ့လိုက်ရတဲ့အတွက် ဒီဇာတ်ကားကို ရေးသားရိုက်ကူးဖို့ ဖြစ်လာတယ်လို့ဆိုပါတယ်။
စနိုက်ပါသမားတစ်ယောက်ရဲ့စနိုက်ပါကို ပစ်ခတ်လေ့ကျင့်နေချင်တဲ့စိတ်ကိုလည်းပြထားပါတယ်။
အာဖဂန်နစ္စတန်စစ်ပြန်တစ်ယောက်ရဲ့ သဘာဝကိုချစ်တတ်တဲ့စိတ်ကိုလည်မသိမသာဖော်ပြထားတာတွေ့ရပါမယ်။
ကြိုက်တာကဇာတ်ညွှန်းပါ။ဇတ်ကွက်နည်းနည်းစကားလုံးနည်းနည်းနဲ့ ဇာတ်ကားကိုပုံဖော်နိုင်တဲ့ဇတ်ညွှန်းရေးတဲ့သူရဲ့ကျွမ်းကျင်ပိုင်နိုင်မှုကိုချီးကျူးမိပါတယ်။
စစ်မှုထမ်းတာပြီးလို့တပ်ကထွက်တယ်ဆိုတာသိသာအောင်နောက်ခံစကားပြောတာနဲ့သိစေတာမျိုးအဖေဖြစ်သူရဲ့နောက်ခံအကြောင်းအရာတွေကိုစကားနည်းနည်းနဲ့ပုံဖော်သွားတာမျိုးစစ်မှုထမ်းပြီးတဲ့နောက်
ဘာလို့မွေးရပ်မြေကနေဒါမြောက်ပိုင်းကိုပြန်လာရတယ်ဆိုတာကိုပုံဖော်ပြတာမျိုးကဇတ်ကွက်အများကြီးပြစရာမလိုပဲဇတ်ရည်လည်စေတာမျိုးပါ။
ကြိုက်တဲ့အချက်တွေအများကြီးပေမယ့်spoil တာဖြစ်မှာမို့ဒီလောက်ပဲပြောလိုက်ပါမယ်။
စစ်နဲ့ပါတ်သက်ပြီးအင်မတန်ထိမိတဲ့အတွေးအခေါ်တွေခံယူချက်တွေတစ်ချို့ကိုလည်း ပါးပါးလေးချပြထားပါတယ်။
နောက်ထပ်ကြိုက်တာက ရိုက်ချက်တွေပါ သမရိုးကျထက်ဆန်းတဲ့လှတဲ့ရိုက်ချက်တွေနဲ့ကနေဒါမြောက်ပိုင်းရဲ့အလှကဇာတ်ကားရဲ့ဆွဲဆောင်မှုတစ်မျိုးဖြစ်လာပါတယ် ။
တေးဂီတကလည်း သမရိုးကျဇတ်ကားတွေနဲ့ကွဲထွက်နေပြီး ဇာတ်ကားနဲ့လိုက်ဖက်အောင် ဖန်တီးထားတာတွေ့ရပါမယ်။
ဇာတ်ကောင်စရိုက်သရုပ်ဖော်တာကိုကြိုက်တယ်အတွေးစတွေပေးလို့တွေးရတာလည်းကြိုက်မယ် စစ်မှန်တာလည်းကြိုက်တယ်ဆိုရင်တော့ သမရိုးကျစစ်ကားတွေနဲ့ ကွဲထွက်နေတဲ့ဒီဇတ်ကားကိုကြည့်ဖို့ညွှန်းချင်ပါတယ်။
ကနေဒါမင်းသားဖရန်ဆွာအားနို ( François Arnaud) ကစစ်ပြန်ကနေဒီယန်စနိုက်ပါသမားနေရာကသရုပ်ဆောင်ထားပါတယ်။
ဒါရိုက်တာမိုက်ကယ် ကန်ဒင်စကိုင်း (Michael Kandinsky )ကရေးသား ရိုက်ကူးထားပါတယ်။
ရုပ်ရှင်ပွဲတော်တွေမှာ ပရိသတ်အကြိုက်ဆုနဲ့ အကောင်းဆုံးဒါရိုက်တာဆုရထားတဲ့ဇတ်ကားဖြစ်ပါတယ်။
(အညွှန်းနဲ့ဘာသာပြန်ကတော့ Khin Sakar Khin ဖြစ်ပါတယ်။)
Credit.
ဇာတ်လမ်းအညွှန်း
04 Jan, 11:40
Old Cannon Death Squad (2024)
အသက် ၅၀ ကျော် ပင်စင်ယူပြီး တရုတ်နိုင်ငံမှ ကောင်းသာ၊ ဝူလိဝေ၊
ကျင်းရှီတို့ဟာ အရှေ့တောင်အာရှမှ နိုင်ငံတစ်နိုင်ငံကို ခရီးထွက်လာပါတယ်။
မထင်ထားဘဲ အရင်က မိတ်ဆွေဟောင်း ဟွားရုံရဲ့ သမီးဟွားချူးချန်ကို
နယ်မြေ ဒုစရိုက်အဖွဲ့က တရားမဝင်ဖမ်းဆီးပြီး ငွေအများအပြားတောင်းနေတာ သိခဲ့ပါတယ်။
ဟွားချူးချန်က သူငယ်ချင်းနဲ့ ခရီးထွက်ချိန်မှာ ဘားတစ်ခုမှာ မေ့ဆေးပေးခံရပြီး ဖမ်းခံရတာ ဖြစ်ပါတယ်။
ကောင်းသာ၊ ဝူလိဝေ၊ ကျင်းရှီတို့ဟာ ခရီးစဉ်ကို ရပ်လိုက်ပြီး ဟွားရုံနဲ့အတူ ရဲစခန်းမှ
ာ အမှုဖွင့်ခဲ့ပေမဲ့ ရဲတွေကလည်း ဒုစရိုက်သမားတွေနဲ့ ပူးပေါင်းပြီး
ယုတ်မာမှုတွေ လုပ်နေတာ သိခဲ့ရပါတယ်။ စိတ်ပျက်သွားတဲ့ သူတို့ဟာ
မတတ်နိုင်တဲ့အဆုံး ကိုယ့်ဘာသာ ကယ်ဆယ်ဖို့ လုပ်ရပါတော့တယ်။
အသက်ကြီး ကယ်ဆယ်ရေးအဖွဲ့ဟာ ဒုစရိုက်အဖွဲ့ကြီး တစ်ခုလုံးကို တိုက်ခိုက်နိုင်ပါ့မလား ……
ကယ်ဆယ်ရေး ခရီးစဉ်တစ်လျှောက် ဘယ်လို အန္တရာယ်မျိုးတွေနဲ့ ကြုံတွေရမလဲ……
ဆိုတာကို ဆက်လက်ကြည့်ရှုလိုက်ရအောင်နော်။
Credit..
ဇာတ်လမ်းအညွှန်း
03 Jan, 10:00
Secret Reunion (2010)
ကိုးရီးယားနိုင်ငံရဲ့အောင်မြင်တဲ့ထုတ်လုပ်မှုတစ်ခုဖြစ်တဲ့ ဒီကားလေးက ဆောင်းကန်ဟိုနဲ့ ကင်ဒေါင်ဝန်တို့ main role အနေနဲ့ပါဝင်ထားတဲ့ ဟောလိဝုဒ်ကားဆန်ဆန် spy,thriller ကားလေးဖြစ်ပါတယ်။
အေးဂျင့် လီဟန်ဂူဟာ နိုင်ငံရေးဌာနတစ်ခုမှာတာဝန်ထမ်းဆောင်နေပြီး မိသားစုကိုကောင်းကောင်းမထောက်ပံ့နိုင်တဲ့အတွက် အ်ိမ်ထောင်နဲ့ကွဲနေသူပါ။
သူ့ရဲ့ မစ်ရှင်ကတော့မြောက်ကိုရီးယားခေါင်းဆောင်ကိုသစ္စာဖောက်တဲ့သူတွေကိုသတ်ဖြတ်နေတဲ့ အရိပ် ဆိုတဲ့လူသတ်သမားကိုလိုက်လံဖမ်းဆီးရခြင်းပါ။
မစ်ရှင်ကျရှုံးခဲ့တဲ့အတွက်အထက်လူကြီးနဲ့ကတောက်ကဆဖြစ်ကာ လီဟန်ဂူအလုပ်ထွက်ခဲ့ရပါတယ်။
ကင်ဒေါင်ဝမ်ကတော့ မြောက်ကိုရီးယားရဲ့သူလျှို ဂျီဝန်အဖြစ်သရုပ်ဆောင်ထားပြီး အရိပ်ရဲ့အမိန့်ကိုလိုက်နာရသူပါ။
နူးညံတဲ့နှလုံးသားပိုင်ရှင်ဂျီဝန်ဟာ ရန်သူကိုညှာတာမိရာကနေ တိုင်းပြည်ရဲ့သစ္စာဖောက်ဖြစ်ခဲ့ပါတယ်။
၆နှစ်ကြာတဲ့အခါ ကိုယ်ပိုင်အေဂျင်စီထောင်ပြီး ထွက်ပြေးနေတဲ့နိုင်ငံခြားသူဇနီးတွေကိုရှာဖွေပေးနေသူ လီဟန်ဂူဟာ ဆုငွေရလိုမှုနဲ့ရဲဌာနကအလိုရှိသူကိုဖမ်းဆီးရင် ဆောက်လုပ်ရေးလုပ်ငန်တစ်ခုမှာအလုပ်လုပ်နေတဲ့ ဂျီဝန်နဲ့ဆုံခဲ့ပါတယ်။
ဇနီးသည်နဲ့သမီးလေးဆီပြန်ဖို့ငွေလိုနေတဲ့ဂျီဝန်ဟာ လီဟန်ဂူရဲ့အေဂျင်စီမှာအလုပ်လုပ်ရင်း လီဟန်ဂူရဲ့တိုက်ခန်းမှာပဲနေထိုင်ခဲ့ပါတယ်
တစ်ယောက်ကိုတစ်ယောက်သတိထားရင်းနဲ့အနေကြာလာတဲ့အခါမှာ ညီအကိုသံယောဇဉ်တွယ်လာခဲ့ပါတယ်။
နျူးကလီးယားပြဿနာနဲ့နှစ်နိုင်ငံဆက်ဆံရေးတင်းမာလာပြီးလုပ်ကြံသတ်ဖြတ်မှုတွေပြန်လည်အစပြုလာချိန်မှာတော့ သူတို့နှစ်ယောက်ကြားဆက်ဆံရေးတွေဘယ်လိုဆက်ဖြစ်ကြမလဲ..
ဂျီဝန်ကရော သူ့မိသားစုနဲ့ပြန်လည်ပေါင်းစည်းနိုင်ပါ့မလား..ဆိုတာကိုစိတ်ဝင်စားဖွယ်ကြည့်ရှုရမှာပါ
(ဇာတ်လမ်းအညွှန်းနဲ့ဘာသာပြန်က ကြာဖြူလွင်ပါ)
Credit..
ကိုးရီးယားနိုင်ငံရဲ့အောင်မြင်တဲ့ထုတ်လုပ်မှုတစ်ခုဖြစ်တဲ့ ဒီကားလေးက ဆောင်းကန်ဟိုနဲ့ ကင်ဒေါင်ဝန်တို့ main role အနေနဲ့ပါဝင်ထားတဲ့ ဟောလိဝုဒ်ကားဆန်ဆန် spy,thriller ကားလေးဖြစ်ပါတယ်။
အေးဂျင့် လီဟန်ဂူဟာ နိုင်ငံရေးဌာနတစ်ခုမှာတာဝန်ထမ်းဆောင်နေပြီး မိသားစုကိုကောင်းကောင်းမထောက်ပံ့နိုင်တဲ့အတွက် အ်ိမ်ထောင်နဲ့ကွဲနေသူပါ။
သူ့ရဲ့ မစ်ရှင်ကတော့မြောက်ကိုရီးယားခေါင်းဆောင်ကိုသစ္စာဖောက်တဲ့သူတွေကိုသတ်ဖြတ်နေတဲ့ အရိပ် ဆိုတဲ့လူသတ်သမားကိုလိုက်လံဖမ်းဆီးရခြင်းပါ။
မစ်ရှင်ကျရှုံးခဲ့တဲ့အတွက်အထက်လူကြီးနဲ့ကတောက်ကဆဖြစ်ကာ လီဟန်ဂူအလုပ်ထွက်ခဲ့ရပါတယ်။
ကင်ဒေါင်ဝမ်ကတော့ မြောက်ကိုရီးယားရဲ့သူလျှို ဂျီဝန်အဖြစ်သရုပ်ဆောင်ထားပြီး အရိပ်ရဲ့အမိန့်ကိုလိုက်နာရသူပါ။
နူးညံတဲ့နှလုံးသားပိုင်ရှင်ဂျီဝန်ဟာ ရန်သူကိုညှာတာမိရာကနေ တိုင်းပြည်ရဲ့သစ္စာဖောက်ဖြစ်ခဲ့ပါတယ်။
၆နှစ်ကြာတဲ့အခါ ကိုယ်ပိုင်အေဂျင်စီထောင်ပြီး ထွက်ပြေးနေတဲ့နိုင်ငံခြားသူဇနီးတွေကိုရှာဖွေပေးနေသူ လီဟန်ဂူဟာ ဆုငွေရလိုမှုနဲ့ရဲဌာနကအလိုရှိသူကိုဖမ်းဆီးရင် ဆောက်လုပ်ရေးလုပ်ငန်တစ်ခုမှာအလုပ်လုပ်နေတဲ့ ဂျီဝန်နဲ့ဆုံခဲ့ပါတယ်။
ဇနီးသည်နဲ့သမီးလေးဆီပြန်ဖို့ငွေလိုနေတဲ့ဂျီဝန်ဟာ လီဟန်ဂူရဲ့အေဂျင်စီမှာအလုပ်လုပ်ရင်း လီဟန်ဂူရဲ့တိုက်ခန်းမှာပဲနေထိုင်ခဲ့ပါတယ်
တစ်ယောက်ကိုတစ်ယောက်သတိထားရင်းနဲ့အနေကြာလာတဲ့အခါမှာ ညီအကိုသံယောဇဉ်တွယ်လာခဲ့ပါတယ်။
နျူးကလီးယားပြဿနာနဲ့နှစ်နိုင်ငံဆက်ဆံရေးတင်းမာလာပြီးလုပ်ကြံသတ်ဖြတ်မှုတွေပြန်လည်အစပြုလာချိန်မှာတော့ သူတို့နှစ်ယောက်ကြားဆက်ဆံရေးတွေဘယ်လိုဆက်ဖြစ်ကြမလဲ..
ဂျီဝန်ကရော သူ့မိသားစုနဲ့ပြန်လည်ပေါင်းစည်းနိုင်ပါ့မလား..ဆိုတာကိုစိတ်ဝင်စားဖွယ်ကြည့်ရှုရမှာပါ
(ဇာတ်လမ်းအညွှန်းနဲ့ဘာသာပြန်က ကြာဖြူလွင်ပါ)
Credit..
ဇာတ်လမ်းအညွှန်း
03 Jan, 09:59
Graveyard Shark (2024)
အက်ဘီဟာ သဘာဝနယ်လွန် သတ္တဝါတွေ ပဟေဠိတွေကို အဖြေရှာဖို့ ကြိုးစားနေတဲ့သူပါ။ တစ်ချိန်တည်းမှာပဲ ဝီလ်စ်ဘိုရိုပွိုင့်ရဲ့ သင်္ချိုင်းမြေမှာ သင်္ချိုင်းငါးမန်းက သတ်ဖြတ်နေတယ်ဆိုတဲ့ ကောလဟာလတွေလဲ ပျံ့နှံ့နေပါတယ်။
သင်္ချိုင်းငါးမန်းလက်က လွတ်လာတဲ့ အသက်ရှင်ကျန်ရစ်သူတွေလဲရှိပြီး အဆိုပါ အသက်ရှင်သူတွေအတွက် အပတ်စဥ်တွေ့ဆုံပွဲလေး လုပ်လေ့ရှိပါတယ်။ ဒီကောလဟာလတွေကို အဖြေရှာဖို့ ဆွေးနွေးပွဲကို ဦးဆောင်တဲ့ ဒေါက်တာက အက်ဘီ့ကို လာရှာပါတယ်။ အက်ဘီလဲ အလုပ်ကို လက်ခံလိုက်ပြီး သင်္ချိုင်းငါးမန်းနောက်ကို လိုက်ဖို့ ပြင်ပါတော့တယ်။
ရုပ်ရှင်က အနည်းငယ် budget ဆန်ပြီး 18+ အခန်းတွေနဲ့ စကားပြောကြမ်းတာလေးတွေ ပါတာကို သတိပြုစေချင်ပါတယ်
Credit..
ဇာတ်လမ်းအညွှန်း
03 Jan, 09:58
Anul.Nou.care.n-a.fost (2024)
ဇာတ်ကားရဲ့ နာမည်နဲ့ အဓိပ္ပာယ်ကတော့ ရိုမေးနီးယားဘာသာစကားကို
မြန်မာလိုပြန်ရရင် နှစ်သစ်မဟုတ်တဲ့
နှစ်သစ်လို့ပဲ မြန်မာလိုအနီးစပ်ဆုံးပြန်ရပါလိမ့်မယ်။
ဘယ်လိုအရာတွေက ကမ္ဘာတစ်ဝှမ်းနှစ်စဉ်ဆင်နွှဲနေတဲ့
ခရစ္စမတ်နဲ့ နှစ်သစ်ကူးအခါသမယတို့ကို အကျည်းတန်စေခဲ့တာလဲ?
ဇာတ်လမ်းအကျဉ်း
ရိုမေးနီးယားရဲ့ အချုပ်အချာအာဏာကို ဆိုရှယ်လစ်လမ်းစဉ်အရ
အုပ်ချုပ်မှုထိန်းသိမ်းအပြီးမှာ တိုင်းပြည်တစ်ဝှမ်းနဲ့
မြို့ကြီးအချို့မှာ ရုတ်ရုတ်သဲသဲတွေဖြစ်လို့နေပါတယ်။
ခရစ္စမတ်ဆုတောင်းစကားပြောဖို့ ရိုက်ကူးထားတဲ့ ဗီဒီယိုတစ်ခုထဲက
မင်းသမီးတစ်ဦးဟာ ဘက်ပြောင်းသွားတာမို့ နိုင်ငံတော်ရုပ်သံတီဗီလိုင်းမှာ ထည့်သွင်းလွှင့်တင်ဖို့
မဖြစ်နိုင်တာကြောင့် အစားထိုးဖို့ ရုပ်ချင်းဆင်တဲ့ အမျိုးသမီးတစ်ဦးနဲ့အစားထိုးဖို့လိုလာပါတယ်။
တစ်ဖက်မှာလည်း နိုင်ငံတော်အကြီးအကဲကို တီဗီမှာကြည့်ရင်း ရုတ်ရင်းကြမ်းတမ်းစွာ
မိန်းမဖြစ်သူနဲ့အတင်းအဖျင်းပြောရင်းက သားဖြစ်သူကြားသွားပြီး
ဖာသာတစ်ယောက်ဆီစာထဲ ထည့်ရေးလိုက်တဲ့အခါ…
Credit..
ဇာတ်လမ်းအညွှန်း
03 Jan, 09:58
Thunder Chase ( 2021 )
မိုးကြိုး (Thunder) ဟာ နိုင်ငံခြားမှာ ပုဂ္ဂလိက လုံခြုံရေးအဖြစ်
တာဝန်ထမ်းဆောင်ခဲ့တဲ့ စစ်မှုထမ်းဟောင်းတစ်ယောက်ပါ။
သူ့သား လီယို (Leo) ဟာ နိုင်ငံခြားက ဂိုဏ်းတွေရဲ့ သားကောင်အဖြစ်
အသုံးချခံရပြီး လူသတ်အမဲလိုက်ကစားပွဲမှာ စည်းကမ်းချက်တစ်ခုအဖြစ် အသုံးပြုခံရပါတယ်။
မိုးကြိုးနဲ့ သူ့သူငယ်ချင်း နှစ်ယောက်ဟာ လိုအပ်တဲ့ ပစ္စည်းကိရိယာတွေကို
ယူဆောင်ပြီး နိုင်ငံခြားက တောအုပ်ထဲကို ဝင်ရောက်ခဲ့ပြီး တိုက်ပွဲတွေ အကြိမ်ကြိမ် ဖြစ်ပွားခဲ့ပါတယ်။
သားဖြစ်သူကို ကယ်တင်နိုင်ခဲ့ပေမယ့် ညီဖြစ်သူက ဓားစာခံဖြစ်သွားပါတယ်။
ဒီလိုခက်ခဲတဲ့အခြေအနေမှာတော့ မိုးကြိုးဟာ သူ့အသက်နဲ့ လဲလှယ်ဖို့ ဆန္ဒရှိခဲ့ပါတယ်။
အဲဒီအချိန်မှာပဲ သူကယ်တင်ခဲ့ဖူးတဲ့ အမျိုးသမီးတစ်ယောက် ပေါ်လာခဲ့ပါတယ်။
သူမဟာ အမဲလိုက်သတ်ဖြတ်ရေး အဖွဲ့အစည်းရဲ့ ခေါင်းဆောင်ဖြစ်နေတာ ပေါ်လွင်လာခဲ့ပါတယ်။
သူမက ကယ်တင်ဖို့ လာတာလား၊ ဒုက္ခပေးဖို့လာတာလား။
ဒါမှမဟုတ် သွေးဆာနေတဲ့ ရန်သူကို ရင်ဆိုင်ရတဲ့အခြေအနေကို ပြောင်းလဲနိုင်မှာလား
Credit..
ဇာတ်လမ်းအညွှန်း
03 Jan, 09:57
Shaft (2019)
IMDb Rating (6.4) / Rotten Tomatoes (34%)
နက်ဖလစ်ကနေ ဆမ်မြူရယ် ဂျက်ဆန် ကားတစ်ကား အပိုင်း ၂ ရပါပြီ။
Hitman bodyguard တုန်းက ရခဲ့တဲ့ ရသမျိုး ပြန်ရတာပါပဲ။
အခွီတွေရယ် အက်ရှင်ရယ် ပေါင်းထားတာပါ။ တကယ်ကို ကြည့်လို့ကောင်းပါတယ်။
ဇာတ်လမ်းအကျဉ်း
ရှက်ဖ်ထ်ဆိုတဲ့ ရဲဟောင်းကြီးဟာ ပေပေတေတေ လူ့ခွစာ အလွတ်စုံထောက်အဖြစ် အသက်မွေးပါတယ်။
သူ့ကို သည်းမခံနိုင်တော့လို့ စွန့်ပစ်သွားတဲ့ သူ့မိန်းမနဲ့အတူ သူ့သားလေး ပါသွားခဲ့တယ်။
၂၅ နှစ်လောက် ကြာချိန်မှာတော့ သူ့ရဲ့ သားက အက်ဖ်ဘီအိုင်မှာ အလုပ်ရသွားပါတယ်။
တစ်နေ့မှာတော့ အက်ဖ်ဘီအိုင်ကရော ရဲတွေရော မလိုက်နိုင် အမှုကြီးတစ်ခုကို ရှက်ဖ်ထ်ရဲ့ သားက ကိုုယ်တိုင်လိုက်ဖို့ ရှက်ဖ်ထ်ကို အကူအညီလာတောင်းပါတော့တယ်။
သူတို့ သားအဖနှစ်ယောက် နယူးယောက် ဟာလမ်မှာ ဘယ်လိုတွေသောင်းကျန်းပြီး ဘယ်လိုတလွဲတွေ လုပ်ကြမလဲ ကြည့်ရမှာပါ။
(အညွှန်းနဲ့ဘာသာပြန်ကတော့ Littleneo ဖြစ်ပါတယ်။)
Credit..
IMDb Rating (6.4) / Rotten Tomatoes (34%)
နက်ဖလစ်ကနေ ဆမ်မြူရယ် ဂျက်ဆန် ကားတစ်ကား အပိုင်း ၂ ရပါပြီ။
Hitman bodyguard တုန်းက ရခဲ့တဲ့ ရသမျိုး ပြန်ရတာပါပဲ။
အခွီတွေရယ် အက်ရှင်ရယ် ပေါင်းထားတာပါ။ တကယ်ကို ကြည့်လို့ကောင်းပါတယ်။
ဇာတ်လမ်းအကျဉ်း
ရှက်ဖ်ထ်ဆိုတဲ့ ရဲဟောင်းကြီးဟာ ပေပေတေတေ လူ့ခွစာ အလွတ်စုံထောက်အဖြစ် အသက်မွေးပါတယ်။
သူ့ကို သည်းမခံနိုင်တော့လို့ စွန့်ပစ်သွားတဲ့ သူ့မိန်းမနဲ့အတူ သူ့သားလေး ပါသွားခဲ့တယ်။
၂၅ နှစ်လောက် ကြာချိန်မှာတော့ သူ့ရဲ့ သားက အက်ဖ်ဘီအိုင်မှာ အလုပ်ရသွားပါတယ်။
တစ်နေ့မှာတော့ အက်ဖ်ဘီအိုင်ကရော ရဲတွေရော မလိုက်နိုင် အမှုကြီးတစ်ခုကို ရှက်ဖ်ထ်ရဲ့ သားက ကိုုယ်တိုင်လိုက်ဖို့ ရှက်ဖ်ထ်ကို အကူအညီလာတောင်းပါတော့တယ်။
သူတို့ သားအဖနှစ်ယောက် နယူးယောက် ဟာလမ်မှာ ဘယ်လိုတွေသောင်းကျန်းပြီး ဘယ်လိုတလွဲတွေ လုပ်ကြမလဲ ကြည့်ရမှာပါ။
(အညွှန်းနဲ့ဘာသာပြန်ကတော့ Littleneo ဖြစ်ပါတယ်။)
Credit..
ဇာတ်လမ်းအညွှန်း
03 Jan, 09:54
Kromoleo: The Haunting (2024)
၁၉၈၀ ကျော်ခုနှစ်များမှာ အင်ဒိုနီးရှားနိုင်ငံအတွင်း ဆေးမှင်ကြောင်နဲ့လူမိုက်တွေ ပဟေဠိဆန်ဆန်အသတ်ခံခဲ့ရပြီးတစ်တိုင်းပြည်လုံးတုန်လှုပ်ခြောက်ခြားခဲ့ကြရပါတယ်။
အဲ့ဒီလူမိုက်တွေဟာ အောက်လမ်းနည်းအတတ်တွေနဲ့ဆက်စပ်နေပြီး ကျည်ပြီးဓားပြီးသူတွေလို့လည်းပြောစမှတ်တွင်ခဲ့ကြတယ်။
သူတို့တွေကို ဘယ်သူတွေက သတ်နိုင်ခဲ့ကြလဲ ဘာအကြောင်းကြောင့်လဲဆိုတာတွေဟာ အဖြေမပေါ်ခဲ့ပဲ တိမ်မြုပ်ပျောက်ကွယ်သွားခဲ့ပါတယ်။
နောက်ဆယ်နှစ်အကြာမှာတော့ ဇီယာဆိုတဲ့ ကောင်မလေးဟာ မိခင်ဖြစ်သူဈာပနအတွက် ငယ်ဘ၀ကတည်းက စွန့်ခွာခဲ့တဲ့သူတို့ရွာလေးကိုပြန်ရောက်လာခဲ့ပါတယ်။
ရွာကလူတွေဟာ သူ့ကိုမြင်တာနဲ့မျက်စိပျက်မျက်နှာပျက်ရှောင်ဖယ်ပြေးကြသလို တစ်ဦးတည်းသော သွေးရင်းဖြစ်တဲ့ အဘိုးဖြစ်သူကလည်း ဈာပနပြီးတာနဲ့ဇီယာကို
ချက်ချင်းပြန်လွှတ်ဖို့စိတ်စောနေပါတယ်။
အဲ့ဒီအချိန်မှာပဲရွာလယ်ကွက်လပ်မှာ သူကြီးဖြစ်သူက ရွာသားတွေကိုစုဝေးပြီးတော့ မှာတမ်းချွေခဲ့ပါတယ်။
အဲ့ဒါကတော့ ရွာသားတွေအားလုံး ဒီညမှာအပြင်မထွက်ဖို့၊ ပြူတင်းပေါက်နားမှာမနေဖို့၊ တံခါးတွေလုံလုံခြုံခြုံပိတ်ထားဖို့နဲ့
ဘယ်သူတံခါးလာခေါက်ခေါက်ဖွင့်မကြည့်ဖို့ပါပဲ၊ အဲ့ဒါတွေအပြင် ”သူတို့” ဆိုသူတွေနဲ့ထိပ်တိုက်မတိုးမိအောင် ကံဆိုးသူတွေကတော့
အဲ့ဒီ ”သူတို့” ကိုမျက်လုံးချင်းဆုံမကြည့်ဖို့မှာခဲ့ပါတယ်။
ရွာသားတွေ ဒီလောက်အထိ အထိတ်တလန့်ဖြစ်စေရအောင် ဘယ်လိုအန္တရာယ်တွေရှိနေလို့လဲ?
”သူတို့” ဆိုတဲ့ပုဂ္ဂိုလ်တွေကရော ဘယ်သူတွေဖြစ်မလဲ?
လွန်ခဲ့တဲ့ ဆယ်နှစ်က ဖြစ်ရပ်တွေနဲ့ ဒီကနေ့ရွာကိုပြန်ရောက်လာတဲ့ ဇီယာဟာ အခုကျရောက်လာမယ့်အန္တရာယ်တွေနဲ့ဘယ်လိုပတ်သက်နေမလဲဆိုတာတွေကို
ခြောက်ခြားဖွယ်ပဟေဠိတွေနဲ့သည်းထိတ်ရင်ဖိုကြည့်ရှုရမှာဖြစ်ပါတယ်။
၂၀၂၄ မှာပေါက်ကား တစ်ကားဖြစ်ခဲ့တဲ့ ဟော်ရာကား Vina: Before 7 Days ဒါရိုက်တာရဲ့လက်ရာပဲဖြစ်ပါတယ်။ (Vina ကအကြည်မထွက်သေးပါဘူး)
Credit..
ဇာတ်လမ်းအညွှန်း
02 Jan, 11:11
Get Smart(2008)
***************
IMDb…….6.5
ဒီကားကို မကြည့်ခင် သင်တို့ သတိလေးပေးချင်တယ်…
ဥပမာ အိမ်မှာ မိသားစုဝင် ၅ယောက်လုံး ရှိတယ်ထား..သင်က ဒီကားကိုကြည့်ဖို့ ပြင်ဆင်ပြီဆိုရင်
ကျန်တဲ့ ၄ယောက်ပါ TV ရှေ့ကို ခေါ်ကြည့်သင့်တယ်….လင်မယား ၂ ယောက်တည်းဆိုလည်း
၂ယောက်လုံး ကြည့်ဖြစ်အောင်ကြည့် တစ်ယောက်တည်း ကြည့်မိရင် အံကြိတ်ပြီး တခိခိရယ်တဲ့ကိုယ့်ကို
ကျန်တဲ့သူတွေက ရူးများသွားတာလား ခေါင်းချောင်သွားတာလားဆိုတဲ့အတွေးနဲ့ကြည့်တာခံရလိမ့်မယ်
ကျွန်တော့်ချစ်သူလေးကတော့ “ကို”တော့ရူးသွားပြီ
တံတားလေးပို့ရတော့မယ်လို့ ပြောသွားတယ်……
ဒီကားရဲ့မင်းသား Steve Carell ကိုတော့အားလုံးရင်းနှီးပြီးသားဖြစ်မှာပါ…မင်းသမီးချောလေး Hathaway ရယ်
Dwayne Jonson(The rock)ရယ်ပါဝင်ထားလေတယ်…မျက်နှာတွေပြူးပြဲပြ ရွံ့စရာအကွက်တွေနဲ့ပြ
အိုဗာတင်းဟာသကွက်တွေ လို့မထင်လိုက်နဲ့ …
Steve carell က အထူးအေးဂျင့်တွေအတွက်သတင်းစုဆောင်းတဲ့သူတစ်ယောက် ပြောရရင် ရုံးစာရေး
ဆိုပါတော့ ဒါပေမဲ့ သူ့ရဲ့အိပ်မက်က အေးဂျင့်ဖြစ်ချင်တာပဲ….တစ်နေ့တော့ နျူကလီးယားလက်နက်အတွက်
အရေးကြီးယူရေနီယမ်တွေအခိုးခံရတော့ အကြမ်းဖက်အဖွဲ့တွေမရိပ်မိအောင် တစ်ခါမှ လူဆိုးတွေနဲ့မဆက်ဆံဖူးတဲ့
Steve Carell နဲ့ မျက်နှာခွဲစိတ်ပြုပြင်ထားတဲ့ မင်းသမီးချော Hathaway ရယ်ကို လွှတ်လိုက်တယ်…..
သင်တို့ကတော့ ထင်လိမ့်မယ် ရုံးစာရေးကိုလွှတ်တယ်ဆိုတော့ ဘာစကေးမှမရှိဘူး အလွဲတွေနဲ့
ကြည့်ရဆိုးမယ်လို့ပေါ့ .. အဲဒါဆို လုံးဝလွဲသွားလိမ့်မယ် သူက အေးဂျင့်ဖြစ်ချင်တာဆိုတော့ အကုန်
လေ့ကျင့်ထားတယ် တိုက်ရည်ခိုက်ရည်တွေနဲ့ အားလုံးကို မှတ်မိတတ်တဲ့ သူ့ဦးနှောက်ကို ပေါင်းစပ်လိုက်တော့
အတော်လေးအလုပ်ဖြစ်တယ်…. ရယ်စရာတွေကလည်း သဲထိတ်ရင်ဖိုခန်းလေးတွေမှာ အပိုအလိုမရှိ
ထည့်ထားလေတော့ တခွီးခွီးရယ်ရတာ.. ရိုက်ချက်တွေကလည်း အတော်လန်းတယ်….
ကိုင်း ခံစားကြည့်လိုက်ဦးဗျ မောပန်းနွမ်းနယ်နေတဲ့ ခင်ဗျားတို့
နှလုံးသားနဲ့ ဦးနှောက်ကို လန်းဆန်းစေချင်ရင်တော့ ဒီကားကိုကြည့်လိုက်
ကျွန်တော်ပြောတာ မလွန်ဘူးဆိုတာ သင်တို့ ဇာတ်ကားအစ
၁၀ မိနစ် လောက်ကတည်းက သဘောပေါက်သွားလိမ့်မယ်……
Credit..
ဇာတ်လမ်းအညွှန်း
02 Jan, 11:10
Welcome Wedding (2024)
မင်္ဂလာပွဲ
ဒီတစ်ခါတင်ဆက်ပေးမယ့်ဇာတ်ကားကတော့
ဘောလိဝုဒ်ပရိသတ်ကြီးတို့ ပေါ့ပေါ့ပါးပါးကြည့်ရှုနိုင်မယ့်
ဟာသအချစ်ဇာတ်လမ်းတစ်ခုဖြစ်ပါတယ်ဗျ။
ဒီကားမှာတော့ မင်းသားဖြစ်သူပရမ်းဟာ အမေရိကမှ
ပညာသင်ပြီးပြန်လာတဲ့ သူဌေးသားလေးဖြစ်ပါတယ်။
သူ့အဖေဟာ သားအပေါ်က မျှော်လင့်ချက်ကြီးလွန်းပြီး
ပြန်လာတာနဲ့ကုမ္ပဏီကိုလွှဲပေးဖို့ပြင်နေသူပါ။
ဘုန်းတော်ကြီးတစ်ပါးရဲ့ဟောပြောချက်အရ
ပရမ်းရဲ့ပထမဆုံးခြေလှမ်းဟာ ကုမ္ပဏီမှာဖြစ်မှ
ကြီးပွားတိုးတက်မယ်လို့ တစ်ထစ်ချယုံကြည်ထားပေမဲ့
သားတော်မောင်က ရုံးကိုမလာဘဲ အိမ်ပြန်သွားလို့ စိတ်ဆိုးနေပါတယ်။
ပရမ်းကတော့ လူငယ်ပီပီ ဟောပြောချက်ကိုမယုံကြည်တာကြောင့်
အဖေနဲ့သားကြားမှာ အလောင်းအစားတစ်ခုလုပ်ခဲ့ကြပါတော့တယ်။
ဘယ်လိုအလောင်းအစားလုပ်ပြီး ဘယ်လိုအခြေအနေအခက်အခဲတွေတွေ့ရမလဲ..
ဘယ်လိုလှည့်ကွက်တွေလာမလဲဆိုတာကိုတော့ ဇာတ်လမ်းတလျှောက်ကြည့်ရှုခံစားပေးပါဦးဗျာ။
( ဘာသာပြန်နဲ့အညွှန်းကတော့ CM Bollywood Team မှ ရေးသားထားပါတယ် )
Credit..
ဇာတ်လမ်းအညွှန်း
03 Dec, 12:10
The Crocodile Hunter: Collision Course (2002)
IMDb Rating (5.4) / Rotten Tomatoes (53%)
သဘာဝတောရိုင်းတိရိစ္ဆာန်များအပေါ် တန်ဖိုးထားချစ်ခင်မှုနှင့် စွန့်စားခန်းတွေကိုရိုက် ပြသထားတဲ့ ရသစုံရစေမယ့် ရုပ်ရှင်ဖြစ်ပါတယ်။
တကယ်ကောင်းတဲ့ရိုက်ကူးမှုတွေနှင့် သဘာဝတွေစီကို ခြေတစ်လှမ်းခြင်းစီ သွားနေတဲ့ Steve Irwin နှင့် ဇနီး Terri Irwin တို့ရဲ့ စွန့်စားခန်းက ရယ်ရမယ့် ဇာတ်လမ်လေးတွေနဲ့ ရောယှက်ပြီး ပရိသတ်ကို ရင်ခုန်ပျော်စေမှာပါ။
ရုပ်ရှင်ထဲမှာ CIA ရဲ့ အရေးကြီးဒေတာများပါဝင်သွားတဲ့ ဂြိုဟ်တုတစ်လုံး ကျသွားပြီး ဒေတာတစ်စိတ်တစ်ပိုင်း ကြောင့်ပဲ စတင်လာတဲ့ ပြဿနာတွေကို ရင်ဆိုင်ရပါတော့တယ်။
Magda Szubanski က ကြမ်းတမ်းတဲ့ လယ်သမားတစ်ယောက်ဖြစ်ပြီးတော့ သရုပ်ဆောင်ပီပြင်လှပါတယ်၊
Steve ရဲ့သဘာဝတောရိုင်းတိရိစ္ဆာန်များကို ထိန်းသိမ်းရတဲ့ အခက်အခဲများနှင့် သူ၏ “Crikey!” catchphrase များသည် ရုပ်ရှင်ကို ပိုမိုပေါ့ပါးစေစွာကြည့်လို့ကောင်းစေပါတယ်။
ဇာတ်လမ်းဇာတ်ကွက်များအပေါ်မှာ အလေးထားမှုနည်းသော်လည်း Steve Irwin ၏ မတက်မကျအတိုးမပျက် သဘာဝကို အားကျပြီးသွားချင်တဲ့ စိတ်နှင့်
ဇာတ်လမ်းထဲမှာ ရိုးသားမှုတွေအပြည့်နဲ့ပဲရိုက်ထားတော့ ကြည့်ဖို့အတွက် ဆွဲဆောင်နေတော့တာပဲ။
သဘာဝကိုထိန်းသိမ်းကာကွယ်ဖို့အရေးပါကြောင်း ရိုက်ကူးပြသထားပေမယ့်လည်း အလွန်ကြည့်လို့ကောင်းတဲ့ဇာတ်ကားပါ။
(အညွှန်းနဲ့ဘာသာပြန်ကတော့ Banyar Aung ဖြစ်ပါတယ်။)
Credit..
ဇာတ်လမ်းအညွှန်း
03 Dec, 12:09
Old Men in New Cars: In China They Eat Dogs II (2002)
ဒိန်းမတ်ထောင်ကနေ ထွက်လာတဲ့ ဟာရန်းက ဆေးရုံတက်နေတဲ့ သူ့မွေးစားအဖေ မွန့်ကို သွားတွေ့ခဲ့တယ်။ မွန့်ဟာ သေခါနီးနောက်ဆုံးဆန္ဒအဖြစ် သူ့သားအရင်းနဲ့ တွေ့သွားချင်ခဲ့တာကြောင့် သူ့ရဲ့ မွေးစားသား ဟာရန်းက သားအရင်းရှာပုံတော်ကို ဖွင့်ခဲ့ရပါတယ်။ မွန့်ရဲသား လူဗစ်က လက်ရှိမှာ ဆွီဒင်ထောင်ထဲမှာ ထောင်ကျနေတာကြောင့် ဟာရန်းက သူ့မိတ်ဆွေ စာဖိုးမှူးနှစ်ယောက်ဖြစ်တဲ့ ပီတာနဲ့ မာတင်တို့ကို ခေါ်ပြီး ထောင်ဖောက်ဖို့ ကြိုးစားခဲ့ကြတယ်။
အဖေနဲ့သား ပထမဆုံးအကြိမ် တွေ့ဆုံခဲ့ကြပြီး ဖခင်ဖြစ်သူမွန့်ဟာ အသည်းအစားထိုးဖို့ ပိုက်ဆံလိုတာကြောင့် ဟာရန်းတို့တတွေဟာ ဘဏ်ကို ဓားပြတိုက်ဖို့ ကြိုးစားခဲ့ကြတယ်။ ဘဏ်ဓားပြတိုက်နေစဉ်မှာ မေလီနဲ့ ဆုံတွေ့ခဲ့ပြီး သူတို့အဖွဲ့ဟာ အုတ်အော်သောင်းနင်းနဲ့ ဘယ်လိုတွေ တလွဲတချော် လုပ်ကြမလဲဆိုတာကို ဟာသဆန်ဆန် ကြည့်ရှုရမယ့် အက်ရှင်ကားတစ်ကားပဲ ဖြစ်ပါတယ်။
Credit..
ဇာတ်လမ်းအညွှန်း
03 Dec, 12:09
The Adventurers (2017)
The Advanturesရုပ်ရှင်ဇာတ်ကားဟာ
၂၀၁၇ခုနှစ်တွင်ဖြန့်ချိခဲ့သောတရုတ်အက်ရှင်ရုပ်ရှင်ဇာတ်ကားဖြစ်ပါတယ်
Rating အနေနဲ့ IMDB 5.6 ရရှိထားသောဇာတ်ကားကောင်းတစ်ပုဒ်ဖြစ်ပြီး
ပါဝင်သရုပ်ဆောင်ထားသူများကတော့
Andy Lau, မင်းသမီးချော Shu Qi ,Zhang Jingchu ,Tony Yang တို့ဖြစ်ပါတယ်
ဇာတ်လမ်းအကျဉ်းကတော့ နာမည်ကြီးသူခိုးတစ်ယောက်ဖြစ်တဲ့
ကျန်းတန်းတစ်ယောက်ချစ်သူနှင့်လက်ထပ်ရန်
သူခိုးအဖြစ်မှအနားယူခါနီး မွေးစားအဖေလိုသဘောထားသူ
ကျင်းကန်းအတွက် သစ်တောမျက်လုံးအမည်ရှိကျောက်ကို
နောက်ဆုံးခိုးယူပေးခဲ့ပါတယ်။သို့သော်သစ္စာဖော်မှုကြောင့်အဖမ်းခံရပြီး
ထောင် ၅နှစ်ကျသွားခဲ့ပါတယ်။သူထောင်မှလွတ်မြောက်လာသောအခါ
သူ့ကိုသစ္စာဖောက်သူကဘယ်သူလဲဆိုတာရှာဖွေပါတော့တယ်၊
သူတစ်ကယ်ပဲရှာဖွေတွေ့သွားမှာလား……
နောက်ကွယ်ကဘယ်သူရှိနေလဲဆိုတာ…….
Credit..
ဇာတ်လမ်းအညွှန်း
03 Dec, 12:08
Black Bags (2024)
ဒီရုပ်ရှင်က Thriller ရုပ်ရှင်အမျိုးအစားဖြစ်ပေမဲ့
သွေးထွက်သံယိုတွေနဲ့ ကြမ်းတမ်းနေတာမျိုးမဟုတ်ဘဲ
အေးအေးလူလူနဲ့ ကျောထဲကစိမ့်လာစေတဲ့ Thriller အမျိုးအစား
ဖြစ်တာမို့လို့ အဲဒီလိုရုပ်ရှင်မျိုးသဘောကျတဲ့သူတွေအတွက်
လက်မလွှတ်သင့်တဲ့ရုပ်ရှင်တစ်ကား ဖြစ်ပါတယ်။
ဇာတ်လမ်းအစကိုတော့ တက်စ် မက်ကာသီဆိုတဲ့ ကိုယ်ဝန်သည်
အမျိုးသမီးလေးတစ်ယောက်နဲ့ စထားပါတယ်။
သူနဲ့သူ့အမျိုးသားက ကိုယ်ပိုင်အိမ်ခြံဝန်းခပ်ကျယ်ကျယ်ကိုမှ
ဈေးသက်သက်သာသာနဲ့ နေချင်တဲ့သူတို့ရဲ့အိပ်မက်အတိုင်း
ဘွန်းန်ဆိုတဲ့နယ်မြို့လေးမှာနေကြပေမဲ့ အမျိုးသားဖြစ်သူက
အလုပ်ကိစ္စနဲ့ ခရီးအမြဲထွက်နေရလို့ အိမ်မှာမရှိတာများပါတယ်။
အဲဒီလို အိမ်ကျယ်ကြီးမှာ တစ်ယောက်တည်းနေရတဲ့ တက်စ်က
ကိုယ်ဝန်က အချင်းပါးတဲ့ပြဿနာကြောင့် မြို့ပေါ်ကို နှစ်ပတ်
တစ်ခါတက်ပြီး ဆေးညွှန်းသွားယူရပါတယ်။
သွားတဲ့အခါတိုင်း အမျိုးသားဖြစ်သူက စိတ်မချဘူးဆိုတာကြောင့်
ကိုယ်တိုင်ကားမမောင်းဘဲ ဘတ်စ်ကားစီးရာကနေ ဇာတ်လမ်းစတာ
ဖြစ်ပါတယ်။
ဗိုက်တစ်လုံးနဲ့ ဆေးတွေထည့်ထားတဲ့အိတ်ကိုသယ်ပြီး
ကားစီးတဲ့တက်စ်တစ်ယောက် ကားပေါ်မှာ ဘေးချင်းကပ်ထိုင်တဲ့
အမျိုးသမီးနဲ့ စကားပြောရင်း ခင်မင်သွားပါတယ်။
သူတို့ဆင်းရမယ့်နောက်ဆုံးဂိတ်ကိုရောက်တဲ့အခါ ဘေးနားက
အမျိုးသမီးက အိပ်ပျော်နေတဲ့အတွက် သူ့ဘာသူအောက်ဆင်းပြီး
ကားဗိုက်ထဲကခရီးဆောင်အိတ်ကိုယူကာ အိမ်ပြန်လာပါတော့တယ်။
ဒါပေမဲ့ အိမ်ပြန်ရောက်ပြီးမကြာခင်မှာပဲ သူ့အိမ်တံခါးကို ဘဲ
လ်လာတီးလို့ ထွက်ဖွင့်ပေးတဲ့အခါမှာ သူနဲ့ကားပေါ်မှာခင်ခဲ့တဲ့
အမျိုးသမီးဖြစ်နေပါတယ်။
အဲဒီအမျိုးသမီးက သူ့ရဲ့ခရီးဆောင်အိတ်ကို တက်စ်က မှားယူ
သွားတဲ့အတွက် သူ့အိတ်ကို ပြန်လာယူတာလို့ပြောပါတယ်။
သူတို့ရဲ့ ချွတ်စွပ်ဆင်တူနေတဲ့ အိတ်အမည်းနှစ်လုံးထဲမှာမှ တက်စ်ရဲ့
အမှားကြောင့် မတော်တဆမှားယူမိခဲ့တာလား…
အိတ်လေးတစ်ခါမှားယူမိတာနဲ့ ဘယ်လိုပြဿနာတွေတက်လာမလဲ
ဆိုတာကို ဒီရုပ်ရှင်မှာ မမြန်လွန်း မနှေးလွန်းတဲ့ ဇာတ်ရှိန်နဲ့တကွ
စောင့်ကြည့်ရမှာဖြစ်ပါတယ်။
Credit..
ဇာတ်လမ်းအညွှန်း
03 Dec, 12:07
Avenging Angelo (2002)
Director ကြီး Martyn Burke ရိုက်ကူးထားတဲ့ Action/Comedy/Crimeဇာတ်ကားကောင်းလေးပါ
မင်းသားကြီး Sylvester Stallone နဲ့ မင်းသမီးကြီး Medeleine Stowe တို့အဓိကပါဝင်သရုပ်ဆောင်ထားပါတယ်
ဇာတ်ကားလေးကတော့ ဖရန်ကီ ဆိုတဲ့ သစ္စာရှိသက်တော်စောင့်ကောင်လေးဟာ အန်ဂျလို ဆိုတဲ့မာဖီးယား ဂိုဏ်ခေါင်းဆောင်ကြီးရဲ့လက်စွဲတော်ပေါ့ဖအေနဲ့သားလိုဆက်ဆံမှုမျိုးရှိကြတာပေါ့…..ဒီလိုနဲ့တစ်နေ့မှာ အန်ဂျလို ဟာသူသေတော့မှာကိုသိနေတဲ့အတိုင်း ဗီဒီယိုမှတ်တမ်းနဲ့သူ့ကိုအဖေမှန်းတောင်မသိတဲ့ သူ့ရဲ့သမီးကိုအမှာစကားထားခဲ့ပါတယ်…..အန်ဂျလို လုပ်ကြံခံရပြီးသေသွားတော့ ဖရန်ကီ ဟာသူ့သမီးရှိရာကိုသွားပြီးဖြစ်ကြောင်းကုန်စင်ပြောပြပြီး……
နှစ်ယောက်ပေါင်းပြီး ပြန်လက်စားခြေမယ့်အစီအစဉ််တွေကိုဘယ်လိုလုပ်ကြမလဲ…..မသိနိုင်တဲ့နောက်ကွယ်ရိုမန့်တစ်ဆန်တဲ့ ဇာတ်လမ်းလေးကရောဘယ်လိုများလဲဆိုတာကိုတော့…..
ဒီဇာတ်ကားလေးကို အညွှန်းရေးပြီးဘာသာပြန်ပေးထားတာကတော့ Leo ပဲဖြစ်ပါတယ်
Credit..
ဇာတ်လမ်းအညွှန်း
03 Dec, 12:06
Kanguva (2024) “ကံကြမ္မာပဟေဠိ”
(HD RIP ဖြစ်တာကြောင့် WEB DLလောက် ကြည်နေဦးမှာမဟုတ်တဲ့အတွက်
ကြည်တောက်ရှင်းမှကြည်ချင်သူတွေအဖို့ စောင့်ဖို့ အကြံပြုလိုပါတယ်)
၂၀၂၄ မှာထွက်ထားတဲ့ အိန္ဒိယ တမီးလ် Fantasy Action ရုပ်ရှင်ဖြစ်ပြီး
မင်းသားဆူရီယာရဲ့ သရုပ်ဆောင်ချက်တွေအတွက် မှတ်ချက်ကောင်းတွေရထားတဲ့
ရုပ်ရှင်ဆိုလည်း မမှားပါဘူး။
ဒီရုပ်ရှင်ဟာ ၂၀၁၉ မှာ စတင်ကြေညာခဲ့တာဖြစ်ပေမဲ့
ကိုဗစ်ကြောင့် အချိန်ရွှေ့လိုက်ရကာ
၂၀၂၄ ရောက်မှ ပရိသတ်ရှေ့ကို ရောက်လာတာဖြစ်ပါတယ်။
အိန္ဒိယနယ်စပ်နားလေးမှာ ဦးနှောက်လုပ်ဆောင်ချက်တွေကို
စောင့်ကြည့်လေ့လာပြီး စူပါပါဝါအကြောင်း စမ်းသပ်မှုတွေလုပ်နေတဲ့
ရုရှားဇီဝဆေးသုသေသနအဖွဲ့တစ်ဖွဲ့ရှိပါတယ်။
တစ်နေ့ သူတို့ဆီကနေ ဇေတာဆိုတဲ့ကလေးတစ်ယောက် ထွက်ပြေးလွတ်မြောက်သွားခဲ့ပါတယ်။
တစ်ဖက်မှာတော့ ဖရန့်စစ်နဲ့ သူ့သူငယ်ချင်းက ရဲတွေဆီကနေ ငွေလက်ခံပြီး
သူတို့အလိုရှိတဲ့သူကို လိုက်ဖမ်းပေးတဲ့အလုပ်လုပ်ပါတယ်။
တစ်နေ့ သူတို့ပစ်မှတ်ကို ဖမ်းနေတုန်း မတော်တဆ လက်လွန်ကာ သတ်မိသွားပါတယ်။
ဒီပစ်မှတ်က နောက်ခံတော်တော်တောင့်တာမို့ ဘယ်သူမှမသိခင်
အသာလေးလစ်ထွက်လာဖို့လုပ်နေတုန်း ဇေတာနဲ့တိုးပါတယ်။
ဒါပေမဲ့ ကလေးဆိုတော့ သူတို့ရုပ်တွေကို မှတ်မိလောက်မှာမဟုတ်ဘူးဆိုပြီး
ပေါ့ပေါ့တန်တန်တွေးကာ ထွက်ပြေးလာကြပါတယ်။
ဇေတာက သူတို့တွေကို တကယ်ပဲ မမှတ်မိနိုင်ဘူးလား။
သူနဲ့ ဖရန့်စစ်ကြားမှာရော ဘာပတ်သတ်မှုတွေရှိနေသေးတာလဲ ဆိုတာကိုတော့…
(အညွှန်းနဲ့ဘာသာပြန်တွေကတော့ Eaindra, ToMo, Linn, Zwe, Yunni တို့ပဲဖြစ်ပါတယ်)
Credit..
ဇာတ်လမ်းအညွှန်း
02 Dec, 14:44
The Huntresses (2014)
မမ Ha Ji-Won အဓိက ပါဝင်သရုပ်ဆောင်ထားတဲ့ The Huntress ဆိုတဲ့ movie လေးကို တင်ဆက်ပေးလိုက်ပါတယ် ။
ဇာတ်လမ်းအကျဉ်း
ဆရာကြီးမူမြောင်ကတော့ နန်းတော် စုံစမ်းရေးအရာရှိအဖြစ်ကနေ အလုပ်ဖြုတ်ခံရတဲ့ နန်းတွင်းအရာရှိဟောင်းတစ်ယောက်ပါ
အလုပ်ပြုတ်ပြီးနောက်မှာတော့ အတိုက်ခိုက် ကျွမ်းကျင်တဲ့ တပည့်မ သုံးယောက်နဲ့ ကြေးစား စုံထောက် အလုပ်ကို လုပ်ကိုင်နေတာပါ
တစ်ရက်မှာတော့ နန်းတွင်းအရာရှိတစ်ယောက်က
ဘုရင်အတွက် လူတစ်ယောက်နဲ့ ပစ္စည်းတစ်ခု ရှာပေးဖို့ အလုပ်အပ်ခဲ့ပါတယ်
တိုက်ဆိုင်စွာနဲ့ အဲ့အလုပ်ဟာ မူမြောင်ရဲ့ တပည့် ဂျင်အို့အဖေရဲ့ သေဆုံးမှုနဲ့ ဆက်စပ်နေခဲ့ပါတယ်
နန်းတွင်းအရာရှိတွေနဲ့ ပက်သက်နေတဲ့ နိုင်ငံတော်အမှုကို သူတို့ ဘယ်လိုစုံစမ်းကြမလဲ
ကြေးစား မိန်းကလေး ၃ယောက်ရဲ့ အလွဲလေးတွေနဲ့ အက်ရှင်ခန်းတွေကို ဒီဇာတ်ကားလေးမှာ ဆက်လက်ကြည့်ရှုကြပါရှင်…။
( အညွှန်းရေးသားထားသူကတော့ Seung ဖြစ်ပါတယ် )
Credit...
မမ Ha Ji-Won အဓိက ပါဝင်သရုပ်ဆောင်ထားတဲ့ The Huntress ဆိုတဲ့ movie လေးကို တင်ဆက်ပေးလိုက်ပါတယ် ။
ဇာတ်လမ်းအကျဉ်း
ဆရာကြီးမူမြောင်ကတော့ နန်းတော် စုံစမ်းရေးအရာရှိအဖြစ်ကနေ အလုပ်ဖြုတ်ခံရတဲ့ နန်းတွင်းအရာရှိဟောင်းတစ်ယောက်ပါ
အလုပ်ပြုတ်ပြီးနောက်မှာတော့ အတိုက်ခိုက် ကျွမ်းကျင်တဲ့ တပည့်မ သုံးယောက်နဲ့ ကြေးစား စုံထောက် အလုပ်ကို လုပ်ကိုင်နေတာပါ
တစ်ရက်မှာတော့ နန်းတွင်းအရာရှိတစ်ယောက်က
ဘုရင်အတွက် လူတစ်ယောက်နဲ့ ပစ္စည်းတစ်ခု ရှာပေးဖို့ အလုပ်အပ်ခဲ့ပါတယ်
တိုက်ဆိုင်စွာနဲ့ အဲ့အလုပ်ဟာ မူမြောင်ရဲ့ တပည့် ဂျင်အို့အဖေရဲ့ သေဆုံးမှုနဲ့ ဆက်စပ်နေခဲ့ပါတယ်
နန်းတွင်းအရာရှိတွေနဲ့ ပက်သက်နေတဲ့ နိုင်ငံတော်အမှုကို သူတို့ ဘယ်လိုစုံစမ်းကြမလဲ
ကြေးစား မိန်းကလေး ၃ယောက်ရဲ့ အလွဲလေးတွေနဲ့ အက်ရှင်ခန်းတွေကို ဒီဇာတ်ကားလေးမှာ ဆက်လက်ကြည့်ရှုကြပါရှင်…။
( အညွှန်းရေးသားထားသူကတော့ Seung ဖြစ်ပါတယ် )
Credit...
ဇာတ်လမ်းအညွှန်း
02 Dec, 11:55
I Am Sam (200)
IMDb 7.6 နဲ့ ဆုတော်တော်များများရရှိထားတဲ့ ကားကောင်းလေးတစ်ကားပါပဲနော်။
ဇာတ်လမ်းလေးကတော့ ဦးနှောက်ဖွံ့ဖြိုးမှုနည်းတာကြောင့် ခုနှစ်နှစ်သားမှတ်ဉာဏ်ပဲရှိတဲ့ ဆမ်ဆိုတဲ့ လူတစ်ယောက်က သူ့ခုနှစ်နှစ်သမီးလေးအတွက် ဖခင်ကောင်းတစ်ယောက်ဖြစ်လာနိုင်ရဲ့လား၊
သူ့သမီးလေးကို ပျိုးထောင်နိုင်တဲ့ စွမ်းရည်ရှိရဲ့လားဆိုတာ တရားရုံးမှာ တရားရင်ဆိုင်ရတဲ့အကြောင်းလေးပါ။
ဆမ်ရဲ့ရှေ့နေ ရီတာပြောတာက လူတစ်ယောက်ရဲ့ ဉာဏ်ရည်အတိုင်းအတာက သူ့ရဲ့ချစ်နိုင်စွမ်းအပေါ်သက်ရောက်မှုမရှိဘူးတဲ့။
ဒါပေမယ့် တစ်ဖက်မှာကျ ကိုယ်တိုင်က ၇ နှစ်သားမှတ်ဉာဏ်ပဲရှိတဲ့ ဖခင်တစ်ယောက် ကော်ဖီတောင်ဖျော်တတ်ဖို့အကြာကြီးကြိုးစားခဲ့ရတဲ့ ဖခင်တစ်ယောက်က
သမီးကို လူလားမြောက်လာအောင် လူ့အဖွဲ့အစည်းထဲက လူတစ်ယောက်ဖြစ်လာအောင် ဘယ်လိုများပျိုးထောင်နိုင်မှာလဲပေါ့။
တစ်ဖက်က တရားရုံးရှေ့နေက ပြောတယ် လူစီက အရာအားလုံးနဲ့ထိုက်တန်တယ် ဒါပေမယ့် အဲ့တာကို မင်းပေးနိုင်ရဲ့လားတဲ့။
ဖခင်မေတ္တာကို ကွက်ကွက်ကွင်းကွင်းမြင်ရမယ့် ကားလေးပါနော်။ ရိုးရိုးဖခင်တစ်ယောက်တောင် မဟုတ်ပဲ ခုနှစ်နှစ်သားဉာဏ်ရည်နဲ့ ဖခင်တစ်ယောက်ပေါ့။
Cast တွေအနေနဲ့က ဆမ်အဖြစ် Sean Penn , ရှေ့နေမမရီတာအနေနဲ့က Michelle Pfeiffer လူစီအနေနဲ့ကတော့ အားလုံးသိကြတဲ့ Elle Fanning ရဲ့အစ်မ Dakota Fanning ပါ။
သူ့အစ်မရဲ့ ၃ နှစ်အရွယ်ငယ်ဘ၀အတွက်ကို ညီမလေး Elle ကသရုပ်ဆောင်ထားတာပါတဲ့။ဒီကားနဲ့ စပေါက်ခဲ့တဲ့အပြင် ဆုပါရခဲ့တာမို့ သရုပ်ဆောင်ကတော့ ပြောစရာမလိုပါဘူး။
ကြည့်မိလို့ နောင်တရမယ့်ကားမျိုး မဟုတ်လို့ ကြည့်ကြည့်လိုက်ကြပါနော်။
(အညွှန်းနဲ့ဘာသာပြန်ကတော့ Phu Thet Khin ဖြစ်ပါတယ်။)
Credit..
ဇာတ်လမ်းအညွှန်း
02 Dec, 11:54
Dahmer (2002)
IMDb Rating (5.6) / Rotten Tomatoes (73%)
အမေရိကန်နိုင်ငံတစ်ခုလုံးကိုသာမက ကမ္ဘာကိုပါတုန်လှုပ်သွားစေခဲ့တဲ့ကွင်းဆက်လူသတ်သမား ဂျက်ဖရီဒါးမားအကြောင်း ရိုက်ကူးထားတဲ့ဖြစ်ရပ်မှန်နာမည်ကြီးဇတ်ကားဖြစ်ပါတယ်။
ဂျက်ဖရီဒါးမားကို ၁၉၆၀ခုနှစ်မှာမီဝေါကီး ဝစ္စကွန်ဆင်ပြည်နယ်မှာမွေးဖွားခဲ့ပါတယ်။သူက အသက်၁၈ နှစ်အရွယ်မှာပထမဆုံးလူသတ်မှုကိုကျူးလွန်ခဲ့ပါတယ်။
ဂျက်ဖရီဒါးမားဟာ ၁၉၇၈ ကနေ ၁၉၉၁ အတွင်း အရွယ်ရောက်ပြီးယောကျာ်းနဲ့ ယောကျာ်းလေးငယ်ပေါင်း (၁၇) ယောက်ကိုသတ်ခဲ့ပါတယ်။
ဒါးမားကသူ့ရဲ့သားကောင်တွေကို ဂေးဘားတွေစျေးဝယ်စင်တာတွေဘတ်စကားမှတ်တိုင်တွေမှာရှာပြီးလိင်ကိစ္စဒါမှမဟုတ် ပိုက်ဆံနဲ့ဖျားယောင်းပြီးသူ့အခန်းကိုခေါပြီး သတ်ဖြတ်ပါတယ်။
အလောင်းကောင်နဲ့မဖွယ်မရာလုပ်ပြီးတဲ့အခါလောင်းကိုတစ်စစီဖျက်ပြီး စွန့်ပစ်ပါတယ်။ ဦးခေါင်းတွေလိင်အဂ်ါတွေနဲ့ကိုယ်ခန္ဓာအစိပ်အပိုင်းတစ်ချို့ကို အမှတ်တရပစ္စည်းအဖြစ်နဲ့သိမ်းထားတတ်ပါတယ်။
လူသားကိုလည်းစားကြည့်သလို တစ်ချို့သူတွေကိုတော့ခေါင်းကိုDrillနဲ့ဖောက်ပြီးဇွန်ဘီးလိင်ကျွန်လုပ်ပြီးမှသတ်ဖြတ်ပါတယ်။
သူရဲ့သားကောင်တွေကိုသတ်တာနဲ့အလောင်းဖျက်တဲ့ဖြစ်စဥ်အဆင့်ဆင့်မှာ ဓါတ်ပုံမှတ်တမ်းတင်တတ်ပါသေးတယ်။သူဟာ ၁၉၈၁ – ၁၉၈၂ နဲ့ ၁၉၈၆ မှာလည်း အများပြည်သူရှေ့မဖွယ်မရာပြမှုတွေနဲ့ဖမ်းခံရပါတယ်။
၁၉၉၂မှာဖမ်းခံရပြီး လူသတ်မှု(၁၅)မှုအတွက် စွဲချက်တင်ခံရပြီးထောင်ဒဏ် ၉၅၇နှစ် ပြစ်ဒဏ်ချမှတ်ခံရပါတယ်။
အရက်စွဲနေတဲ့အပြင် လိင်စိတ်မူမမှန်တာရှိနေပြီး လိင်တူချင်းတပ်မက်ရာမှလိုအင်မပြည့်တဲ့အတွက် ဒေါသအလျောက်လူစသတ်မိပြီး လူသတ်တာကိုစွဲလမ်းသွားရာက တစ်ဆင့်ထက်တစ်ဆင့်
လူမဆန်တဲ့ဖြစ်ရပ်တွေနဲ့ဆန်းပြားတဲ့အမူအကျင့်တွေကိုလုပ်လာတာဖြစ်တယ် ။
သူရဲ့တိုက်ခန်းကိုရှာဖွေတဲ့အခါသူ့ရဲ့အအေးခန်းသေတ္တာထဲကလူခေါင်းပြတ်တွေနှလုံးတွေကတော့လုပ်သက်(၁၇)နှစ်ရှိတဲ့ရဲတွေကိုတောင်ကြောက်ရွံ့တုန်လှုပ်ပြီး
တစ်သက်တာမေ့မရတဲ့မြင်ကွင်းဖြစ်သွားစေခဲ့ပါတယ်လို့ ရဲတွေကပြောပြခဲ့ပါတယ်။
သူ့ကိုလွှတ်ပေးရင်တောင် သူကဒီလိုပဲဆက်သတ်နေမှာပဲလို့သူကရဲတွေကိုဖြေခဲ့ပါတယ်။ထောင်ကျပြီး (၂)နှစ်ကြာတဲ့အခါမှာ ထောင်သားတစ်ယောက်ကရိုက်သတ်တဲ့အတွက် ၁၉၉၄ မှာ ဂျက်ဖရီဒါးမားသေဆုံးခဲ့ပါတယ်။
ဂျက်ဖရီဒါးမားနဲ့ပါတ်သက်လို့စာအုပ်တွေလည်းထွက်ထားသလိုရုပ်ရှင်နဲ့တီဗွီစီးရီးစ်မတွေလည်းထွက်ရှိထားပါတယ်။
Dahmer( 2002) ရုပ်ရှင်ကတော့အစောဆုံးထွက်လာတဲ့ရုပ်ရှင်ဖြစ်ပါတယ်။ဒီဇတ်ကားက ဂျက်ဖရီဒါးမားအဖြစ်သရုပ်ဆောင်တဲ့ Jeremy Renner( ဂျယ်ရမ်မီရမ်းနား) ကိုအောင်မြင်တဲ့သရုပ်ဆောင်တစ်ယောက်ဖြစ်စေခဲ့ပါတယ်။
“ယောကျာ်းလေးတွေပဲ ဘာစိတ်ပူစရာရှိလဲ ထောင်အပြင်တန်းမရှိဘူး“ပြောတတ်ကြပေမယ့် လိင်စိတ်မူမမှန်သူတွေရှိနေတတ်တာကို ဒီဇတ်ကားကမီးမောင်းထိုးပြထားပါတယ်။
(အညွှန်းနဲ့ဘာသာပြန်ကတော့ Khin Sakar Khin ဖြစ်ပါတယ်။)
Credit..
ဇာတ်လမ်းအညွှန်း
02 Dec, 11:52
The Founder (2016)
IMDb Rating (7.2) / Rotten Tomatoes (80 %)
ဒီဇာတ်ကားကတော့ ကမ္ဘာပေါ်မှာ မသိသူမရှိအောင် နာမည်ကြီးတဲ့
McDonald’s ဟမ်ဘာဂါဆိုင် တည်ထောင်သူ Ray Kroc အကြောင်း
ရိုက်ကူးထားတဲ့ဖြစ်ရပ်မှန် Biography ရုပ်ရှင်ကားကြီးဖြစ်ပါတယ်
အသက်၅၂နှစ်အရွယ် ယောကျာ်းတစ်ယောက်
အောင်မြင်မှုရဖို့ဘယ်လိုကြိုးစားခဲ့ရတယ်ဆိုတာကို
ရိုက်ကူးတင်ဆက်ထားတာပါ….
အောင်မြင်ဖို့အတွက် အသက်အရွယ်တွေက အဓိကမကျနေပါဘူးဆိုတာ
KFC နဲ့ McDonald တည်ထောင်သူတွေကိုကြည့်ရင် အားကျမိမှာမလို့
ဒီလိုဇာတ်ကားတွေကို လူတိုင်းကြည့်ရှုသင့်ပါတယ်။
Credit..
ဇာတ်လမ်းအညွှန်း
02 Dec, 11:51
Aankhen (2002)
IMDb Rating (7.4) / Rotten Tomatoes (71%)
Bollywood Thriller/Comedy ဇာတ်ကားကောင်းလေးတစ်ကားနဲ့မိတ်ဆက်ပေးပါ့မယ်။
မင်းသားကြီး Amitabh Bachchan၊ Akshay Kumer၊ Arjun Rampal၊ Paresh Rawal တိုနဲ့ မင်းသမီးချော Sushmita Sen တို့ပါဝင်သရုပ်ဆောင်ထားပြီး (8 Nominations) လည်းရထားပါသေးတယ်။
ဇာတ်ကားလေးကတော့ ဘဏ်နေဂျာတစ်ယောက်ဖြစ်တဲ့ မစ္စတာ ရဂျ်ပွတ် ဟာတစ်နေ့မှာတော့ အလုပ်ကနေထုတ်ခံလိုက်ရပါတယ်။
သူ့ဘဝတစ်ခုလုံးကို ဘဏ်မှာပဲမြှပ်နှံထားတဲ့ ရဂျ်ပွတ် ဟာဘဏ်ကိုစိတ်အနာကြီးနာပြီး ပြန်ပြီးလက်စားခြေဖို့ဆုံးဖြတ်လိုက်ပြီး နည်းလမ်းပေါင်းစုံစဉ်းစားပါတော့တယ်။
ဒီလိုနဲ့ တစ်ကမ္ဘာလုံးမှာတစ်ခါမှမလုပ်ဖူး မဖြစ်ဖူး မကြုံဖူးတဲ့ပုံမျိုးနဲ့ ဘဏ်ဓားပြတိုက်ဖို့ဆုံးဖြတ်လိုက်ပါတော့တယ်။
အဲဒီမှာပဲ မျက်မမြင်သုံးယောက်ကိုလိုက်ရှာပြီး အဲဒီမျက်မမြင်သုံးယောက်ကိုလေ့ကျင့်ပေးမယ့်ဆရာမနဲ့ပေါင်းပြီးတော့ ဘဏ်ကိုနေ့ခင်းကြောင်တောင်ကြီး ဓားပြတိုက်ဖို့အစီအစဉ်ဆွဲပါတော့တယ်။
ဒီလိုနဲ့ ဘဏ်ကိုဓားပြတိုက်ရင်း ဘယ်လိုအခက်အခဲတွေ၊ ဘယ်လိုလေ့ကျင့်မှုတွေနဲ့ ဘယ်လိုစီစဉ်သွားမလဲဆိုတာကိုကြည့်ရှုရင်းနဲ့
သူလေ့ကျင့်ပေးထားတဲ့ မျက်မမြင်သုံးယောက်ကရော သူစီစဉ်သလိုဖြစ်ပါ့မလား ဆိုတာကိုတော့ဆက်လက်ကြည့်ရှုလိုက်ကြပါဦး။
မင်းသားကြီး Amitabh Bachchan ကိုယ်တိုင်းအဓိကပါဝင်သရုပ်ဆောင်ထားတာဆိုတော့ ပြောစရာမလိုတော့ဘူးပေါ့။
(အညွှန်းနဲ့ဘာသာပြန်ကတော့ Leo ဖြစ်ပါတယ်။)
Credit..
ဇာတ်လမ်းအညွှန်း
02 Dec, 11:50
Killer Ex (2024)
အပျင်းပြေကြည့်လို့ကောင်းမဲ့ Killer Ex ဆိုတဲ့ ဘက်ဂျက်အက်ရှင်ဇာတ်ကားလေး
တစ်ကားကိုတင်ဆက်ပေးလိုက်ပါတယ်။ ဘက်ဂျက်ဆိုတဲ့အတိုင်းပဲ

မင်းသားမင်းသမီးတွေကနာမည်မကြီးသလို ရိုက်ချက်တွေ အက်ရှင်ခန်းတွေက
ဇာတ်ကားကြီးတွေလောက်တော့ သိပ်မကောင်းပေမဲ့ သူ့ဟာနဲ့သူတော့
အပျင်းပြေကြည့်လို့ကောင်းတဲ့ အခြေအနေမှာ ရှိပါတယ်။
ဒီဇာတ်ကားမှာအဓိကပေးချင်တဲ့ Message ကတော့ လူတိုင်းမှာအတိတ်တွေရှိပြီး
အဲ့ဒီအတိတ်တွေကတစ်ခါတစ်လေမှာ ကိုယ့်ဆီမှာပြန်လိုက်လာတတ်တဲ့အတွက်
တတ်နိုင်သလောက် မကောင်းတဲ့အတိတ်တွေကို မဖန်တီးဖို့ ပြောချင်တာပဲဖြစ်ပါတယ်။
ဗစ်တာဆိုတဲ့လူက လူသတ်ပြီးတော့ အသက်မွေးဝမ်းကြောင်းလုပ်တဲ့ လူတစ်ယောက်ဖြစ်ပြီး
သူ့အလုပ်မှာလည်း သူကအရမ်းတော်တဲ့သူတစ်ယောက်ဖြစ်ပါတယ်။ ဒါပေမယ့်ကြာလာတော့
လူသတ်ရတာကိုစိတ်ကုန်လာပြီး မိသားစုလေးထူထောင်ကာ တည်ငြိမ်တဲ့ဘ၀ကိုဖြတ်သန်းဖို့
စီစဉ်ခဲ့ပါတော့တယ်။အဲ့ဒါကြောင့် သူ့ချစ်သူ လုပ်ဖော်ကိုင်ဖက်ကောင်မလေးကို သူနဲ့အတူ
ဒီလောကထဲကထွက်ပြီး အတူတူအခြေချဖို့နားချခဲ့ပေမဲ့ ကောင်မလေးဘက်က လက်မခံခဲ့တာကြောင့်
သူ့ဘာသာသူခွဲထွက်ကာ ပျော်ရွှင်သာယာတဲ့မိသားစုဘ၀လေးကိုထူထောင်ခဲ့ပါတော့တယ်။
ဒါပေမယ့်တစ်နေ့မှာတော့ ဇာတ်ကားနာမည်အတိုင်း သူ့ရဲ့လူသတ်သမားရည်းစားဟောင်းလေးနဲ့
ပြန်တွေ့ဖို့ကံကြမ္မာပါလာခဲ့ပါတော့တယ်။ သူ့ရည်းစားဟောင်းကို လူတွေလိုက်သတ်နေတဲ့အတွက်
သူ့ဆီမှာအကူအညီလာတောင်းတာဖြစ်ပြီး ဗစ်တာလည်းသံယောဇဉ်လက်ကျန်လေးနဲ့
ပြန်လည်ကူညီရင်းနဲ့မှ သူ့နောက်လိုက်လာတဲ့အတိတ်ကိုဘယ်လိုရင်ဆိုင်သွားမလဲဆိုတာကို
ကြည့်ရှုရမဲ့ဇာတ်ကားတစ်ကားပဲဖြစ်ပါတယ်။
(အညွှန်းကို Saw Lay မှ ရေးသားထားပါတယ်)
Credit..
ဇာတ်လမ်းအညွှန်း
01 Dec, 11:06
Derailed (2002)
အက်ရှင်မင်းသားကြီးဗန်ဒိန်းရဲ့ ကားဟောင်းတစ်ကားကို တင်ဆက်ပေးလိုက်ပါတယ်။
ဗန်ဒိန်းက လျှို့ဝှက်အေးဂျင့်တစ်ယောက်။ နားရက်မှာပဲ သူ့ကိုတိတ်တဆိတ်တာဝန်ပေးလာတာကလူတစ်ယောက်ကို မြူးနစ်ဆီ ရထားနဲ့ခေါ်သွားဖို့။ရထားပေါ်ကျမှ သူခေါ်လာတဲ့လူက လူချည်းသက်သက်မဟုတ်ဘဲ လူပေါင်းသန်းနဲ့ချီပြီးသေကြေပျက်စီးစေနိုင်တဲ့အရာတစ်ခုကို သယ်လာမှန်းသိလိုက်ရပြီး အဲဒီအရာနောက်ကိုလိုက်နေတဲ့လက်မရွံ့အဖွဲ့ကလည်း ရထားကို ပြန်ပေးဆွဲတဲ့အခါမှာတော့…။
(အညွှန်းနဲ့ဘာသာပြန်ကတော့ Pyae Phyoဖြစ်ပါတယ်။)
Credit
ဇာတ်လမ်းအညွှန်း
01 Dec, 11:06
The President’s Barber (2004)
******
IMDb… 7
သရုပ်ဆောင်ကြီး Song Kang Ho နဲ့ Moon So Ri တို့ အဓိက ပါဝင်သရုပ်ဆောင်ထားတဲ့
သမ္မတနဲ့ တစ်ရပ်ကွက်ထဲမှာ နေထိုင်ရင်း သမ္မတရဲ့ ဆံသဆရာ ဖြစ်လာတဲ့ ဇာတ်လမ်းလေးနဲ့
မိတ်ဆက်ပေးပါရစေ။
ဆံပင်ညှပ်ဆိုင်လေး ဖွင့်ရင်း လုပ်ကိုင်စားသောက်နေတဲ့ သာမန် အညတရ ဆံသဆရာ
ဆောင်းဟန်မိုရဲ့ ဆံပင်ညှပ်ဆိုင်ကို ရုတ်တရက်ဆိုသလိုပဲ ဗဟို ထောက်လှမ်းရေး ဌာနက အရာရှိ တစ်ဦး
ရောက်ရှိလာပြီး ဆောင်းဟန်မိုဟာ ဒီရပ်ကွက်ထဲမှာ အချိန်အတော်ကြာ နေလာတဲ့သူ ဖြစ်တာကြောင့်
မြောက်ကိုရီးယားသူလျှိုကို ဖမ်းပေးရမယ်ဆိုပြီး အမိန့် ထုတ်သွားခဲ့တယ်။
အဲဒီ အမိန့်အတိုင်းအတိုင်းလည်း သူလျှိုကို အမိအရ ဖမ်းဆီးပေးနိုင်ခဲ့တဲ့ အပြင် ရိုးသားကြိုးစားတယ်ဆိုပြီး
သမ္မတကြီးက ဆောင်းဟန်မိုကို အိမ်ပြာတော်မှာ ရာထူးတစ်နေရာပေးလိုက်တော့တယ်။
အဲဒီအချိန်ကစလို့ ဆောင်းဟန်မိုတို့ မိသားစုရဲ့ဘဝဟာ အမှတ်မထင် တစ်ဆစ်ချိုး ပြောင်းလဲသွားခဲ့တယ်။
အိမ်ပြာတော်အထိ ခြေဆန့်နိုင်ခဲ့တဲ့ သာမန် ဆံသဆရာ တစ်ယောက်ရဲ့ဘဝဟာ ရှေ့လျှောက်
ဘာတွေဆက်ဖြစ်လာမလဲဆိုတာကိုတော့ ဇာတ်ကားထဲမှာ ဆက်လက် ရှူစားလိုက်ကြရအောင်ပါ။
(ဇာတ်လမ်းအကျဉ်းကို Treasure Htet မှ ရေးသားပေးထားပါတယ်။)
Credit..
******
IMDb… 7
သရုပ်ဆောင်ကြီး Song Kang Ho နဲ့ Moon So Ri တို့ အဓိက ပါဝင်သရုပ်ဆောင်ထားတဲ့
သမ္မတနဲ့ တစ်ရပ်ကွက်ထဲမှာ နေထိုင်ရင်း သမ္မတရဲ့ ဆံသဆရာ ဖြစ်လာတဲ့ ဇာတ်လမ်းလေးနဲ့
မိတ်ဆက်ပေးပါရစေ။
ဆံပင်ညှပ်ဆိုင်လေး ဖွင့်ရင်း လုပ်ကိုင်စားသောက်နေတဲ့ သာမန် အညတရ ဆံသဆရာ
ဆောင်းဟန်မိုရဲ့ ဆံပင်ညှပ်ဆိုင်ကို ရုတ်တရက်ဆိုသလိုပဲ ဗဟို ထောက်လှမ်းရေး ဌာနက အရာရှိ တစ်ဦး
ရောက်ရှိလာပြီး ဆောင်းဟန်မိုဟာ ဒီရပ်ကွက်ထဲမှာ အချိန်အတော်ကြာ နေလာတဲ့သူ ဖြစ်တာကြောင့်
မြောက်ကိုရီးယားသူလျှိုကို ဖမ်းပေးရမယ်ဆိုပြီး အမိန့် ထုတ်သွားခဲ့တယ်။
အဲဒီ အမိန့်အတိုင်းအတိုင်းလည်း သူလျှိုကို အမိအရ ဖမ်းဆီးပေးနိုင်ခဲ့တဲ့ အပြင် ရိုးသားကြိုးစားတယ်ဆိုပြီး
သမ္မတကြီးက ဆောင်းဟန်မိုကို အိမ်ပြာတော်မှာ ရာထူးတစ်နေရာပေးလိုက်တော့တယ်။
အဲဒီအချိန်ကစလို့ ဆောင်းဟန်မိုတို့ မိသားစုရဲ့ဘဝဟာ အမှတ်မထင် တစ်ဆစ်ချိုး ပြောင်းလဲသွားခဲ့တယ်။
အိမ်ပြာတော်အထိ ခြေဆန့်နိုင်ခဲ့တဲ့ သာမန် ဆံသဆရာ တစ်ယောက်ရဲ့ဘဝဟာ ရှေ့လျှောက်
ဘာတွေဆက်ဖြစ်လာမလဲဆိုတာကိုတော့ ဇာတ်ကားထဲမှာ ဆက်လက် ရှူစားလိုက်ကြရအောင်ပါ။
(ဇာတ်လမ်းအကျဉ်းကို Treasure Htet မှ ရေးသားပေးထားပါတယ်။)
Credit..
ဇာတ်လမ်းအညွှန်း
01 Dec, 11:05
Palayam PC (2024)
“တာဝန်”
အသစ်ထွက်ရှိလာတဲ့ မလေယာလမ် မှုခင်းရုပ်ရှင်တစ်ကားကို တင်ဆက်ပေးလိုက်ပါတယ်

ဒီကားမှာဆိုရင် အမှုစုံစမ်းစစ်ဆေးရေးကိုချည်း အသားပေးတာမဟုတ်ဘဲ
ရဲတစ်ယောက်ရဲ့ ကိုယ်ရေးကိုယ်တာဘဝကိုလည်း ဟာသဆန်ဆန်ပုံဖော်ထားတာ တွေ့ရမှာပါ
ချန်ဒရေတာဆိုတဲ့ ရဲအရာရှိတစ်ဦးဟာ ဘာမှမမက်မမောဘဲ
အစွဲအလမ်းခံယူချက်သိပ်မရှိတဲ့လူဖြစ်ပြီး ဟီးရိုးရဲတွေနဲ့ ဆန့်ကျင်ဘက်ပါပဲ
ရဲဆိုပေမဲ့ ဇနီးသည်အတွက် ဈေးခြင်းတောင်းဆွဲဈေးဝယ်ပေးလိုက်၊
သားဖြစ်သူကိုအချိန်ပေးလိုက်နဲ့ အေးအေးလူလူ ရှိလှတဲ့ chill guy တစ်ဦးပါ
ဒါ့အပြင် တွေ့ကရာလူကိုလည်း ပိုက်ဆံအလကားပေးရလောက်အောင်
သဘောကောင်းပြီး ညဂျူတီပုံမှန်ထမ်းဆောင်နေတဲ့ ဘဝကနေ
တကယ့်တာဝန်ကြီးကြီးတစ်ခုအဖြစ် အမျိုးသမီးတစ်ယောက်ကို
ကာကွယ်ပေးရဖို့ဖြစ်လာတဲ့အခါ ဘယ်လိုဇာတ်လမ်းတစ်ပုဒ် ဖြစ်လာမှာလဲ ဆိုတာကတော့
အညွှန်းနဲ့ ဘာသာပြန်ကတော့ CM Bollywood Team မှ ဖြစ်ပါတယ်
Credit..
ဇာတ်လမ်းအညွှန်း
01 Dec, 11:03
Goodrich (2024)
IMDb – 6.3/10
RT – 78% (6.2/10)
ဇာတ်လမ်းအကျဉ်း
အန်ဒီဂွတ်ရစ်ချ် (Michael Keaton) ဟာ ပန်းချီပြခန်းလေးတစ်ခုကို ဦးစီးနေတဲ့ အလုပ်စွဲနေသူတစ်ဦးဖြစ်ပါတယ်။မိသားစုကိုလဲ ဂရုမစိုက်သလို အငြင်းလဲ အင်မတန်သန်သူဖြစ်ပါတယ်။ အဲဒါတွေကြောင့်ပဲ ပထမအိမ်ထောင်နဲ့ကွဲကွာခဲ့ရပြီး ဒုတိယလက်ရှိအိမ်ထောင်နဲ့လဲ အဆင်မပြေလှပါ။ တစ်ညမှာတော့ လက်ရှိဇနီးက ဆေးဖြတ်စခန်း (ရုပ်ရှင်ထဲကအသုံးအနှုန်းကတော့ ပြန်လည်ထူထောင်ရေးစခန်း)ကနေ ဖုန်းလှမ်းဆက်ပြီး ရက်ပေါင်း ၉၀ စခန်းဝင်မယ့်အကြောင်းကို ပြောပြချိန်မှာတော့ သူတစ်သက်နဲ့တစ်ကိုယ် မလုပ်ဖူးတာတွေ စလုပ်ရပါတော့တယ်။ တစ်ချိန်တည်းလိုလိုမှာပဲ နဂိုကတည်းက ယိုင်နဲ့နေတဲ့ ပန်းချီပြခန်းကလည်း အကျပ်အတည်းတွေ ရင်ဆိုင်နေရပြီး ရုန်းကန်နေရပါတယ်။
လက်ရှိအိမ်ထောင်နဲ့မွေးထားတဲ့ အမွှာနှစ်ယောက်ကို ကြည့်ပေးဖို့ ပထမအိမ်ထောင်နဲ့ရထားတဲ့ လက်ရှိကိုယ်ဝန်ဆောင်နေတဲ့သမီး ဂရေ့စ် (Mila Kunis) ကို အကူအညီတောင်းရပါတော့တယ်။ နောက်ဆုံးမှာတော့ဇာတ်လိုက်ကြီး အန်ဒီတစ်ယောက် သမီးဂရေ့စ် တစ်သက်လုံးမရဘူးတဲ့ အဖေအဖြစ် ပြောင်းလဲသွားနိုင်မလား ၊ ပန်းချီပြခန်းလုပ်ငန်းလေးကို အသက်ပြန်ဆက်နိုင်မလား၊ ဆေးစွဲနေတဲ့ ဇနီးကကော အိမ်ပြန်လာပါ့မလားဆိုတာတွေကို ရှုစားကြည့်ပါ။
မသိသူမရှိလောက်တဲ့ ဝါရင့်မင်းသားကြီး Michael Keaton ဦးးဆောင်ပါဝင်ထားပြီး Mila Kunis, Carmen Ejogo တို့က ဇာတ်ရံပေးထားပါတယ်။
အညွှန်းနဲ့ ဘာသာပြန် Tlone ဖြစ်ပါတယ်
Credit
ဇာတ်လမ်းအညွှန်း
01 Dec, 11:02
The Judge (2014)
IMDb Rating (7.4)
ရင်ဘတ်ကြီးကိုဖွင့် နှလုံးသားကို စွင့်ပြီး ခံစားချင်သူတွေအတွက် ဒီဇာတ်ကားဟာ အကောင်းဆုံးကားတစ်ကားဖြစ်ပါတယ်.
ပြကွက်တစ်ကွက်ချင်းစီမှာ အရေးကြီးတဲ့ စနစ်တကျခြယ်သမှုတွေနဲ့ တင်ဆက်ထားပါတယ်..
ဇာတ်လမ်းကြာချိန်ကလည်း နှစ်နာရီ ခွဲလောက်ဖြစ်တဲ့အတွက် အချိန်ကြာမြင့်စွာအရသာခံကြည့်ရှုရမယ့်ကားတစ်ကားဖြစ်ပြီး
ကြည့်ပြီးချိန်မှာ ရင်ဘတ်ထဲ ခံစားချက်တွေကျန်ခဲ့စေမယ့်အပြင် နောက်တစ်ခါထပ်ကြည့်ချင်လောက်အောင် ကောင်းလှပါတယ်..
kids တွေက ပါဝါရိန်းဂျား..men တွေက DC တွေ Marvel တွေကြိုက်တယ်ဆိုရင် ဒီကားက Legend တွေကြည့်တဲ့ကားလို့ သတ်မှတ်ပေးပါရစေ…
Iron Man မင်းသား Robert Downey Jr က ဒီကားထဲမှာ ထက်မြက်တဲ့ရှေ့နေတစ်ယောက်ပါ..
သူ့ရဲ့ထူးခြားတဲ့အကျင့်က အပြစ်ရှိသူတွေဖက်ကပဲ ရှေ့နေလိုက်ပေးတာပါ..
သူ့မှာ ဇနီးနဲ့ သမီးတစ်ယောက်ရှိတယ်..
တစ်နေ့ တရားရုံးမှာ အမှုတစ်ခုရှေ့နေလိုက်နေရင်း သူ့အစ်ကိုအကြီးဆုံးဆီက သူ့အမေဆုံးပြီဆိုတဲ့ ဖုန်းဝင်လာပါတယ်..
ဒါနဲ့သူ့အမေ အသုဘကိစ္စအတွက် သူ့ရဲ့နယ်မြို့လေးကို ပြန်ခဲ့သည်ပေ့ါ..
ညီအစ်ကိုသုံးယောက်ရှိတဲ့အထဲမှာမှ အလတ်ကောင်ဖြစ်သူက တရားသူကြီးတစ်ဦးဖြစ်သူ ဖခင်နဲ့မတည့်လို့ အိမ်ကိုမပြန်ခဲ့တာနှစ်ပေါင်းအတော်ကြာပါပြီ.
ပြန်ရောက်တဲ့အချိန်ကနေစလို့ အသုဘကိစ္စပြီးလို့ ပြန်မယ့်အချိန်ထိ အဖေနဲ့သား တကျက်ကျက်ပါပဲ..
ဒီလိုနဲ့အဖေနဲ့ရန်ဖြစ်ပြီး အိမ်ပြန်ဖို့ လေယာဉ်ပေါ်အတက်..
အစ်ကိုအကြီးဆုံးဆီကဖုန်းဝင်လာပြန်တာက..
သူတို့အဖေတရားသူကြီး လူသတ်မှုနဲ့ ရဲစခန်းရောက်နေလို့ပါတဲ့…
ဒီဇာတ်လမ်းဟာ မှုခင်း ဒရာမာကားလို့ ဆိုထားပေမယ့် ဒီထက် အများကြီးအများကြီး အတွေးတွေ ပေးနိုင်မယ့်ကားတစ်ကားဖြစ်ပါတယ်..
ရိုးရှင်းတဲ့ ရိုက်ချက်တွေနဲ့ သားအဖတွေကြားဆက်ဆံရေးတွေ ..
လူ့အသိုင်းအဝိုင်းနဲ့ တရားဥပဒေအပေါ် လေးစားမှု မလေးစားမှု..တရားဥပဒေရဲ့အရေးပါမှုတွေ..
ကံတရားတစ်ပတ်လည်ပုံတွေကို အချိတ်အဆက်ကောင်းကောင်းနဲ့ ရိုက်ပြထားပါတယ်
၂၀၁၄ မှာ ထွက်ခဲ့တဲ့ကားတစ်ကားဖြစ်ပြီး IMDb – 7.4 Google users – 94% Rotten tomatoes – 48% တို့ဖြစ်ကြပါတယ်.
နောက်ဆုံးဇာတ်လမ်းပြီးစာတန်းထိုးတဲ့အခါ… The Scientist ဆိုတဲ့ သီချင်းလေးကိုလည်း နားထောင်ဖြစ်အောင်နားထောင်ဖို့ တိုက်တွန်းလိုက်ပါတယ်..။
(ရုပ်ရှင်အညွှန်းနဲ့ ဘာသာပြန်ကို Zuel Khant Thwin မှ တင်ဆက်ထားပါတယ်။)
Credit..
ဇာတ်လမ်းအညွှန်း
01 Dec, 11:02
The Count of Monte-Cristo (2024)
IMDb Rating (7.7) / Rotten Tomatoes (100%)
ကမ္ဘာကျော်ပြင်သစ်စာရေးဆရာကြီး အဲလက်ဇ်ဇန်ဒရာဒူးမတ်စ်ရဲ့ နာမည်ကျော်၀တ္ထုကို ပြင်သစ်တွေ ပြန်လည်ရိုက်ကူးထားတဲ့ ဇာတ်လမ်းကောင်းတစ်ပုဒ်ပါပဲ။
လွန်ခဲ့တဲ့နှစ်ပေါင်း ၁၈၀ လောက်က၀တ္ထုဆိုပေမယ့်လည်း ကမ္ဘာတစ်ဝှမ်းမှာ ဘာသာစကားပေါင်းများစွာနဲ့ ဘာသာပြန်ဆိုခံခဲ့ရပြီး adaptation များစွာရှိတဲ့ အလွန်အောင်မြင််ခဲ့တဲ့၀တ္ထုပါ။
TV series တွေ Movie တွေ Musical တွေ များစွာရှိတဲ့အပြင် ဂျပန်မှာအရမ်းလူကြိုက်များတာကြောင့် Manga နဲ့ Anime တွေပါထွက်ရှိထားပါတယ်။
ဒီ၀တ္ထုကတော့ ပြင်သစ်စစ်ဘုရင်ကြီးနပိုလီယမ် အယ်လာဗ်ကျွန်းကို ပထမအကြိမ်ပြည်နှင်ဒဏ်ပေးခံရချိန် ၁၈၁၅ ၀န်းကျင်မှာဇာတ်အိမ်တည်ထားပါတယ်။
နပိုလိုယမ် ကျွန်းကထွက်ပြေးလာချိန်မှာ အပ်ဒ်မွန်ဒန်းတစ်စ်ဆိုတဲ့ လူငယ်လေးက ဆုံးခါနီးသူ့ကပ္ပတိန်ရဲ့စေခိုင်းမှုအရ နပိုလီယမ်နဲ့အတူပြည်နှင်ခံရတဲ့ ဗိုလ်ချုပ်ကြီးဘာထရန်ဆီ အထုပ်တစ်ခုပို့ဆောင်ပေးလိုက်ပါတယ်။
ဒီဗားရှင်းမှာတော့ ဒန်တစ်စ်က ရေနစ်နေတဲ့ အမျိုးသမီးတစ်ယောက်ကို ကပ္ပတိန်အမိန့်ကိုဆန့်ကျင်ပြီး ကယ်တင်လိုက်ရာက စပါတယ်။
ဖြစ်ချင်တော့ အဲ့အမျိုးသမီးဆီမှာ နပိုလီယမ်ရဲ့စာတစ်စောင်ရှိနေပြီး သင်္ဘောကပ္ပတိန်ဒန်ဂလာစ်က အဲ့တာကိုသိသွားပါတယ်။
သူတို့မာဆေးကိုပြန်ရောက်တော့ ဒန်ဂလာစ်က သင်္ဘောပိုင်ရှင်ကို ဒန်တစ်စ်ရဲ့ အမိန့်မနာခံမှုအကြောင်း ပြောတော့ ပိုင်ရှင်က အမျိုးသမီးငယ်ကိုကယ်ခဲ့တဲ့ ဒန်တစ်စ်ကို ချီးကျူးပြီး ကပ္ပတိန် ခန့်အပ်လိုက်ပါတယ်။
သူ့ရဲ့ချစ်သူမာဆီဒတ်နဲ့ လက်ထပ်ချင်တဲ့အိမ်မက်လည်း ပြည့်သွားပြီမို့ ချစ်သူနှစ်ယောက် အပျော်ကြီးပျော်နေတာပေါ့။
ဒါပေမယ့် သူတို့လက်ထပ်ပွဲနေ့မှာ မနာလိုဖြစ်နေတဲ့ ဒန်ဂလာစ်ရဲ့ တိုင်တန်းမှုကြောင့် ဥပဒေအရာရှိဒယ်ဗီဖော့တ်ရဲ့ လက်မှတ်နဲ့ နပိုလီယန်ထောက်ခံသူလို့ယူဆရတဲ့ အပ်ဒ်မွန်ဒန်တစ်စ်ကို ဖမ်း၀ရမ်းနဲ့အတူ အဖမ်းခံလိုက်ရပါတယ်။
ဖြစ်ချင်တော့ အရာရှိက ဒန်တစ်စ်ကယ်ခဲ့တဲ့အမျိုးသမီးရဲ့ အစ်ကိုဖြစ်နေပြီး သူ့ဂုဏ်သတင်းထိခိုက်မှာစိုးတာကြောင့်သူ့အသိဖြစ်တဲ့အပြင် ဒန်တစ်စ်ရဲ့ သူငယ်ချင်းဖာနန်ဒယ်မောဆဲကို ဒန်တစ်စ်အပြစ်ရှိကြောင်းထွက်ဆိုပေးဖို့တစ်ဖက်လှည့်နဲ့တိုက်တွန်းပါတယ်။
ဖာနန်ကလည်း ဒန်တစ်စ်ရဲ့ဇနီးလောင်းမာဆီဒတ်ကို တစ်ဖက်သတ်ချစ်နေသူဖြစ်တာကြောင့် အချစ်အတွက်သူငယ်ချင်းကိုသစ္စာဖောက်ကာ ဗီဖော့တ်နဲ့ပေါင်းကြံပါတော့တယ်။
ကိုယ့်ကိုယ်ကျိုးအတွက် ဂုဏ်သတင်းအတွက် အချစ်အတွက် အခြားတစ်ယောက်ကို ထိုးချလိုက်ကြတဲ့ လူသုံးယောက်ကြောင့် အပ်ဒ်မွန်က ဘ၀ပျက်ပြီး ၂၂ နှစ်အရွယ်မှာတင် ချတိုဒိစ်ကျွန်းမှာ အကျဉ်းချခံလိုက်ရပါတော့တယ်။
လေးနှစ်အကြာမှာ ထောင်ဖောက်ဖို့ကြိုးစားရင်း သူ့အခန်းကို မှားရောက်လာတဲ့ ဖာသာဖာရီယာနဲ့တွေ့ခဲ့ပါတယ်။
ဖာရီယာက ပထမခရူးဆိတ်စစ်ပွဲတုန်းက သူရဲကောင်းတွေရဲ့ နောက်ဆုံးကျန်ရစ်သူကာဒီနယ်စပါတာရဲ့ တပည့်ဖြစ်ပြီး ဒန်တစ်စ်ကို သူတို့လွတ်ဖို့ကြိုးစားနေတဲ့နှစ်တွေအတွင်း သိသမျှသင်ပေးခဲ့ပါတယ်။
ဒန်တစ်စ်လွတ်လာတော့ သူ့ချစ်သူမာဆီဒတ်က ဖာနန်နဲ့လက်ထပ်ပြီး အခြားကိုပြောင်းသွားပြီဆိုတာသိလိုက်ရတဲ့အပြင် ဖခင်ဆုံးသွားတာပါသိတော့ စိတ်အနာနာကြီးနာသွားပြီး ဖာရီယာပြောခဲ့တဲ့ ကမ္ဘာပေါ်မှာမရှိဖူးသေးတဲ့ အကြီးမြတ်ဆုံးရတနာတစ်ပါးကိုသွားရှာပါတော့တယ်။
အဲ့ဒီမှာ ကမ္ဘာကြီးကို လက်ဖဝါးပေါ်တင်ပြီး ကစားနိုင်သွားတဲ့ ယောကျာ်းတစ်ယောက်ရဲ့ ပုံပြင်စပါတယ်။
မွန်တီခရစ်စတိုမြို့စားကြီးအနေနဲ့ ပြန်လာခဲ့ပြီး သူ့အပေါ်မှားယွင်းစွာချောက်ချခဲ့တဲ့ လူသုံးယောက်ကို လက်စားချေမယ့် အစီအစဉ်ကိုစတင်အကောင်အထည်ဖော်ပါတော့တယ်။
Rating ကလည်း IMdb 7.7/10 နဲ့ Rotten tomotoes 100% ရရှိထားပြီး Budget EUR 42.9 million နဲ့ 2024 အတွက်ပြင်သစ်ရဲ့ အကုန်အကျအများဆုံးရုပ်ရှင်ဖြစ်တာမို့ ကြည့်မိလို့နောင်တမရပါဘူးနော်။
သစ္စာဖောက်မှု၊ ကလဲ့စားနဲ့ ချစ်ခြင်းတွေကို အလှပဆုံးပုံဖော်ထားတဲ့ Adaptation ကောင်းတစ်ပုဒ်ဖြစ်တဲ့အပြင် ဘာသာပြန်ကိုလည်း အတတ်နိုင်ဆုံးတော့ အကောင်းဆုံးဖြစ်အောင် လုပ်ပေးထားတာမို့ ရှုစားကြည့်လိုက်ကြပါဦးရှင့်။
(အညွှန်းနဲ့ဘာသာပြန်ကတော့ Phu Thet Khin ဖြစ်ပါတယ်။)
Credit..
ဇာတ်လမ်းအညွှန်း
30 Nov, 12:04
Her 2024 သူပြောတဲ့သူမတို့ဘဝဇာတ်ကြောင်း
Women centricဖြစ်တဲ့ရုပ်ရှင်တွေ
သဘောကျသူတွေအတွက် 2024 ထွက်
မလေယာလမ်ရုပ်ရှင်လေးတစ်ပုဒ်ကို တင်ဆက်ပေးချင်ပါတယ်။
ူ
အခုဒီကားလေးထဲမှာတော့ မတူညီတဲ့လူတန်းစားအလွှာက
အမျိုးသမီး ၅ ယောက်ရဲ့နေထိုင်မှုဘဝ ပတ်ဝန်းကျင်က
သူတို့အပေါ်အမြင်နဲ့ သူတို့ရဲ့နေ့စဉ်ရုန်းကန်လှုပ်ရှားမှုတွေအကြောင်းကို တင်ဆက်ထားတာဖြစ်ပါတယ်။
အခုခေတ်ဟာ ကျားမတန်းတူ ရင်ဘောင်တန်း လှုပ်ရှားနေတဲ့ခေတ်ဆိုပေမဲ့
လူအများစုရဲ့ မသိစိတ်တစ်နေရာမှာ အမျိုးသမီးတွေဟာ အမျိုးသားတွေနဲ့ယှဉ်ရင်
တစ်ဆင့်နိမ့်နေတယ်ဆိုတဲ့ ဖိုဝါဒီအကြွင်းကျန်အယူအဆတွေ ကိန်းအောင်းနေဆဲပါပဲ။
ဒီအတွက်နဲ့ အမျိုးသမီးတွေမှာ အနည်းနဲ့အများဆိုသလို ရုပ်ပိုင်းဆိုင်ရာ စိတ်ပိုင်းဆိုင်ရာ
နစ်နာမှုတွေ ပတ်ဝန်းကျင်ရဲ့ ဝေဖန်မှု ဖိနှိပ်မှုတွေ၊ မိန်းမဆိုတာ ကိုယ့်ဘာသာမရပ်တည်နိုင်ပါဘူး၊
လင်ယောက်ျားကိုအားကိုးမှပဲတင့်တယ်မှာ အစရှိသဖြင့် ဒီလိုဝေဖန်မှုတွေကို
အနည်းနဲ့အများ ခံစားရတာချည်းပါပဲ။
ဒါတွေရဲ့အကျိုးဆက်အနေနဲ့ သူတို့ရခဲ့တဲ့ စိတ်ဒဏ်ရာတွေ
ကိုယ့်ကိုယ်ကိုယ်ယုံကြည်မှုမရှိတာ၊ စိတ်မလုံခြုံတာတွေကို
ဒီကားလေးမှာ အတော်လေးပေါ်လွင်အောင် ရိုက်ကူးထားတာ မြင်ရမှာပါ။
ဒီရုပ်ရှင်လေးမှာ အမျိုးသမီးတွေလည်း လေးစားခံရမှု ဂရုစိုက်မှု
အမြတ်တနိုးတန်ဖိုးထားမှုတွေနဲ့ ထိုက်တန်ပါတယ်ဆိုတာကို
castတွေရဲ့ အကောင်းဆုံးသရုပ်ဆောင်ချက်တွေနဲ့ တစေ့တစောင်း
တင်ပြထားတာဖြစ်လို့ ကြည့်ရှုသင့်တဲ့ ဇာတ်ကားကောင်းလေးအဖြစ် ညွှန်းလိုက်ပါတယ်။
(အညွှန်းနဲ့ဘာသာပြန်ကတော့ CM Bollywood Team မှပဲဖြစ်ပါတယ်)
Credit.
ဇာတ်လမ်းအညွှန်း
30 Nov, 12:03
Ghosted (2023)
ကပ္ပတိန်အမေရိကမင်းသား ခရစ်အီဗန်နဲ့ မင်းသမီး အန်နာဒအာမက်စ်တို့ရဲ့ ဟာသ အက်ရှင်ကားအသစ်လာပါပြီ။ ဇာတ်လမ်းကတော့ ရိုးရှင်းပေမဲ့ ဟာသတွေ၊ ဧည့်သည်သရုပ်ဆောင် နာမည်ကြီးတွေ အများကြီးသုံးထားတာမို့ ကြည့်ရတာ တန်တဲ့ ရုပ်ရှင်ပါပဲ။ အစက ခေါင်းဆောင်မင်းသမီးနေရာမှာ စကားလက်ဂျိုဟန်ဆန်ကိုရွေးထားပေမဲ့ အချိန်ညှိမရတာကြောင့် အန်နာဒအာမက်စ်ကလေး ပါလာတာပါပဲ။
ကိုးလ်ဟာ သူ့မိသားစုနဲ့အတူ ခြံစိုက်စားနေတဲ့ လူရိုးတစ်ယောက်ပေါ့။ တစ်နေ့မှာတော့ ကမ္ဘာလှည့်ပြီး အနုပညာပစ္စည်းတွေ စုဆောင်းရှာဖွေရတဲ့ ကောင်မလေးတစ်ယောက်နဲ့ တစ်ရက်ချိန်းတွေ့မိပြီး ချစ်ကြိုက်သွားခဲ့ပါတယ်။ အဲဒီကောင်မလေးက သူ့ကိုတစ်ရက်တည်းနဲ့ ပလစ်ပြီး လန်ဒန်ထွက်သွားတဲ့အချိန်မှာ နောက်ကလိုက်သွားခဲ့တယ်။ လန်ဒန်မှာ သူ့ကို နာမည်ကြီး စပိုင်တစ်ယောက်နဲ့မှားပြီး လူဆိုးဂိုဏ်းက မှားဖမ်းတဲ့အခါ သူ့ကောင်မလေးကမှ စပိုင်အစစ်ဖြစ်နေပြီးလာကယ်တာကြောင့် သူတို့နှစ်ယောက်အတူ စွန့်စားခန်းတွေ အလွဲလွဲအချော်ချော်နဲ့ ဖွင့်ရပါတော့တယ်…
(ဒီဇာတ်ကားနဲ့အညွှန်းကို Mr. Anderson မှ ပြန်ဆို ရေးသားထားပါတယ်)
Credit
ဇာတ်လမ်းအညွှန်း
20 Nov, 10:19
Deathwatch (2002)
IMDb Rating (5.9)
ပထမကမ္ဘာစစ်ကာလကို အခြေခံပြီးရိုက်ထားတဲ့ သည်းထိပ်ရင်ဖိုဇာတ်လမ်းတစ်ပုဒ်ဖြစ်ပါတယ်။
ပထမကမ္ဘာစစ်အတွင်း ဗြိတိသျှစစ်သားအချို့ အဖွဲ့ကွဲ၍ ဂျာမန်ရှေ့တန်းတပ်စခန်းတစ်ခုကိုရောက်သွားသောအခါ တပ်စခန်းမှာ ဂျာမန်စစ်သားတစ်ဦးကို ဖမ်းဆီးရရှိခဲ့ပါတယ်။
ဗြိတိသျှစစ်သားများက ပုန်းခိုနေနိုင်မည့် နောက်ထပ်ဂျာမန်တပ်သားတွေကို ရှာဖွေရင်း ထူးဆန်းတဲ့အဖြစ်ပျက်တွေတစ်ခုပြီးတစ်ခုဖြစ်ကာ အဖွဲ့သားအချင်းချင်းရန်လိုမှုတွေ စတင်ဖြစ်ပွါးလာပါတယ်။
ရန်သူ့နယ်မြေမှာ လမ်းပျောက်နေတဲ့ ဗြိတိသျှတပ်သားအဖွဲ့ အန္တရာယ်ကင်းကင်းနဲ့ပြန်ထွက်သွားနိုင်ပါ့မလား သူတို့အဖွဲ့ကိုနှောင့်ယှက်နေတဲ့
ထူးဆန်းတဲ့အရာကရော ဘာဖြစ်မလဲ စသည်ဖြင့် သည်းထိပ်ရင်ဖိုကြည့်ရမည့် ဇာတ်ကားတစ်ကားဖြစ်ပါတယ်။
အညွှန်းနဲ့ဘာသာပြန်ကတော့ Eunice ဖြစ်ပါတယ်။)
Credit..
IMDb Rating (5.9)
ပထမကမ္ဘာစစ်ကာလကို အခြေခံပြီးရိုက်ထားတဲ့ သည်းထိပ်ရင်ဖိုဇာတ်လမ်းတစ်ပုဒ်ဖြစ်ပါတယ်။
ပထမကမ္ဘာစစ်အတွင်း ဗြိတိသျှစစ်သားအချို့ အဖွဲ့ကွဲ၍ ဂျာမန်ရှေ့တန်းတပ်စခန်းတစ်ခုကိုရောက်သွားသောအခါ တပ်စခန်းမှာ ဂျာမန်စစ်သားတစ်ဦးကို ဖမ်းဆီးရရှိခဲ့ပါတယ်။
ဗြိတိသျှစစ်သားများက ပုန်းခိုနေနိုင်မည့် နောက်ထပ်ဂျာမန်တပ်သားတွေကို ရှာဖွေရင်း ထူးဆန်းတဲ့အဖြစ်ပျက်တွေတစ်ခုပြီးတစ်ခုဖြစ်ကာ အဖွဲ့သားအချင်းချင်းရန်လိုမှုတွေ စတင်ဖြစ်ပွါးလာပါတယ်။
ရန်သူ့နယ်မြေမှာ လမ်းပျောက်နေတဲ့ ဗြိတိသျှတပ်သားအဖွဲ့ အန္တရာယ်ကင်းကင်းနဲ့ပြန်ထွက်သွားနိုင်ပါ့မလား သူတို့အဖွဲ့ကိုနှောင့်ယှက်နေတဲ့
ထူးဆန်းတဲ့အရာကရော ဘာဖြစ်မလဲ စသည်ဖြင့် သည်းထိပ်ရင်ဖိုကြည့်ရမည့် ဇာတ်ကားတစ်ကားဖြစ်ပါတယ်။
အညွှန်းနဲ့ဘာသာပြန်ကတော့ Eunice ဖြစ်ပါတယ်။)
Credit..
ဇာတ်လမ်းအညွှန်း
20 Nov, 10:18
Mon Mon Mon Monsters (2017)
IMDB: 6.3/10
ဒီဇာတ်ကားကတော့ တရုတ်ဇွန်ဘီဇာတ်ကားလေးဖြစ်ပြီး
သွေးထွက်သံယိုပြကွက်ကြမ်းတွေ ပါတာမို့ ရွံတတ်သူများ မကြည့်သင့်ပါဘူး။

ဇာတ်လမ်းအကျဉ်းလေးကတော့ အတန်းထဲက အဆင့် ၁ ကျောင်းသားကို
ကျောင်းလူမိုက် အဖွဲ့က အတန်းကြေးတွေခိုးပါတယ်လို့ စွပ်စွဲခံရအောင်လုပ်ပြီး
တစ်တန်းလုံးရှေ့မှာ အရှက်ခွဲခဲ့ပါတယ်။
အဲဒီမှာအတန်းပိုင်က အဆင့် ၁သမားကိုရော ကျောင်းလူမိုက်တွေကိုပါ အဖွဲ့ဖွဲ့ပေးလိုက်ပြီး
လူမှုကူညီရေးအလုပ်တွေ ဝင်လုပ်ဖို့ ဒဏ်ပေးလိုက်ပါတယ်။
သူတို့အဖွဲ့သွားလုပ်ရတဲ့ တိုက်ခန်းက လူသားစား မကောင်းဆိုးဝါးတွေ ရှိတယ်လို့
နာမည်ကြီးနေတဲ့ တိုက်ခန်းဖြစ်နေတာပါ။
အဲဒီတိုက်ကနေ တကယ်ပဲ မကောင်းဆိုးဝါး တစ်ကောင်ကို ဖမ်းမိလာပြီး
လူမိုက်အဖွဲ့ပီပီ ပေါက်ကရနှိပ်စက်နည်းတွေ မျိုးစုံသုံးပြီး အဲဒီဇွန်ဘီမကောင်းဆိုးဝါးကို နှိပ်စက်ခဲ့ပါတယ်။
ထိုအခါဇွန်ဘီအစ်မဖြစ်သူက သူ့ညီမဇွန်ဘီကို လိုက်ရှာနေရင်းနဲ့
အထက်တန်းကျောင်းသားတွေရဲ့ လက်ချက်ဖြစ်ကြောင်း သိသွားတဲ့အခါ
ကလဲ့စားချေ သတ်ဖြတ်မှုတွေ လုပ်လာလို့ ကိုယ်မွှေးခဲ့တဲ့မီးကို ကိုယ်ပြန်ငြှိမ်းရတော့မယ့်
လူမိုက်အဖွဲ့နဲ့ အဆင့်တစ်ကောင်တို့ဟာ လူသတ်ဇွန်ဘီမနဲ့ ထိပ်တိုက်ရင်ဆိုင်ရပါတော့တယ်။
Credit..
ဇာတ်လမ်းအညွှန်း
20 Nov, 10:17
Adithattu 2022 လောကဓံ
ဒီကားကတော့ ငါးဖမ်းသမားတွေရဲ့ ကမ်းမမြင်
လမ်းမမြင်ပင်လယ်ပြင်ထဲဒုက္ခခံရပုံတွေကို
ရင်တလှပ်လှပ်နဲ့ကြည့်ရှူရမှာပါ
အတွေ့အကြုံရင့်ဆရာတစ်ယောက်နဲ့ ငါးဖမ်းသမား၇ယောက်တို့
ပင်လယ်နက်ထဲ ငါးဖမ်းထွက်ကြပါတယ်
ငါးဖမ်းသမားတွေအဖို့ကတော့ငါးမရတဲ့အပိုင်းတွေလည်းရှိတာကြောင့်
ငါးမရ ပိုက်ဆံမရဘဲအိမ်ပြန်ရတဲ့နေ့တွေက
သူတို့အတွက်တော့ကံမကောင်းတဲ့နေ့ပဲပေါ့
ကိုယ်စီအခက်အခဲတွေနဲ့ စက်လှေပေါ်တက်လာကြတဲ့ သူတို့ ..
အရင်ကသူတို့ရဲ့ အရမ်းတော်တဲ့ငါးဖမ်းခေါင်းဆောင်တစ်ယောက်ရှိပါတယ်
ရှေ့ဆောင်လမ်းပြကောင်းလို့ ဘာတစ်ခုမှစိတ်ပူစရာမရှိဘဲ
ခရီးအတွက်လည်းဘေးကင်း လူလည်းအဆင်ပြေပေမဲ့
အကျိုးအကြောင်းရေရေရာရာမရှိဘဲ အဲဒီခေါင်းဆောင်က
ကြိုးဆွဲချသတ်သေသွားပါတယ်
အလောင်းကတွေ့တဲ့သဲလွန်စနဲ့ အသတ်ခံရတယ်ဆိုပြီး
ငါးဖမ်းသမားတွေကတော့ မှတ်ယူထားတာပေါ့
အသစ်တက်လာတဲ့ခေါင်းဆောင်နဲ့တော့ သူတို့တွေအဆင်မပြေကြပါဘူး
နေရာတကာပိတ်ပင်ပြီး လက်ပေါက်ကပ်တဲ့အနေအထားကြောင့်
ကတောက်ကဆလေးတွေရှိကြတယ်
ဒါပေမဲ့လည်းတစ်ခရီးတည်းအတူထွက်လာဖို့အကြောင်းဖန်လာတော့
လှေပေါ်မှာဘယ်လိုကံဆိုးမှုတွေဖြစ်လာမလဲ
သေဆုံးသွားတဲ့သူတို့ခေါင်းဆောင်ကရော
သွေးရိုးသားရိုးလားဆိုတာ အဖြေရှာလိုက်ပါဦး
( အညွှန်းနဲ့ ဘာသာပြန်တွေကတော့ Yunni ~ V ~ Linn ~ KKKZ တို့ပဲဖြစ်ပါတယ် )
Credit..
ဇာတ်လမ်းအညွှန်း
20 Nov, 10:16
Trapped (2002)
၂၀၀၀ ခုနှစ်အစောပိုင်းက ထွက်ရှိထားတဲ့ Crime/Thriller ရုပ်ရှင်ကားကို Cherlize Theron, Kevin Bacon, Courtney Love နဲ့ Dakota Fanning တို့က ဦးဆောင်ပါဝင်ထားပါတယ်။
ဇာတ်လမ်းကတော့ Karen နဲ့ Will Jennings တို့ စုံတွဲမှာ Abby ဆိုတဲ့ ကလေး တစ်ယောက်ရှိပါတယ်။ Willကတော့ နာမည်ကြီး မေ့ဆေးဆရာဝန်တစ်ယောက်ဖြစ်ပြီး အလုပ်အရမ်းများတတ်သူပါ။ Karen ကတော့ အိမ်ထောင်ရှင်မ တစ်ယောက်ဖြစ်ပြီး တစ်ရက်မှာ Will တစ်ယောက် ဆေးဘက်ဆိုင်ရာ ညီလာခံ သွားတက်နေတုန်း Karen နဲ့ Abby တို့ သားအမိ နှစ်ယောက်ထဲ ကျန်ခဲ့ပါတယ်။
Abby လေးကို အိမ်ထဲထိဝင်ပြီး ပြန်ပေးသမားတွေက ပြန်ပေးဆွဲကာ Will နဲ့ Karenကိုလည်း ဖမ်းခေါ်ထားပါတယ်။ သူတို့ အစီအစဥ်အတိုင်း ၂၄နာရီ ပြည့်တဲ့အထိ မနေပေးရင် Abby လေးရဲ့ အသက်နဲ့ ခြိမ်းခြောက်ခဲ့ပါတယ်။ လင်မယားနှစ်ယောက်ဟာ သူတို့ သမီးလေးကို ကယ်တင်ဖို့ ပြန်ပေးသမားတွေရဲ့ အကြံအတိုင်း လိုက်လုပ်ကြရပါတော့တယ်။
Credit..
ဇာတ်လမ်းအညွှန်း
20 Nov, 10:16
Stalker (2021)
ဈေးသက်သက်သာသာနဲ့ ခေါင်မိုးထပ်အိမ်ကို ပြောင်းသွားပြီးတဲ့နောက်
ဟာနူး (Kim Ga Bin)တစ်ယောက် မမျှော်လင့်ထားတဲ့အရာတွေကြုံရပါတော့တယ် ..
ထူးဆန်းတဲ့ အိမ်က ဖြစ်ရပ်တွေ ..
သူ့နောက်ကို နောက်ယောင်ခံလိုက်နေတဲ့ အောက်ထပ်အိမ်က လူတစ်ယောက် ..
ဒါတွေက ဘယ်လိုပတ်သက်နေကြလဲ
ဟာနူးကရော ဘာဆက်လုပ်သွားမလဲဆိုတဲ့ အဆုံးသတ်ကို
ရင်တမမနဲ့ သည်းထိတ်ရင်ဖိုကြည့်ရှုသွားရမဲ့ horror ကားလေးပဲဖြစ်ပါတယ် ..
(အညွှန်းကို Alice မှ ရေးသားထားပါတယ်)
Credit..
ဇာတ်လမ်းအညွှန်း
20 Nov, 10:15
Get Fast (2024)
အပျင်းပြေ အက်ရှင်ကားကြည့်ရှုချင်သူတွေအတွက် အသစ်ထွက်ရှိလာတဲ့ Get Fast ဆိုတဲ့ဇာတ်ကားသစ်လေးကိုတင်ဆက်ပေးလိုက်ပါတယ်။နာမည်ကြီးမင်းသားမင်းသမီးတွေမပါပေမဲ့ အက်ရှင်ခန်းတွေကိုအကြမ်းစားဖြစ်အောင် အားထုတ်ရိုက်ကူးထားတဲ့အတွက် လက်ခံပေးလို့ရတဲ့အနေအထားရှိတဲ့ကားတစ်ကားလို့ပြောလို့ရပါတယ်။ဇာတ်လမ်းတွေကဘယ်ကနေစတာလဲဆိုတော့ သူခိုးတစ်ယောက်နဲ့ဗစ်ဆိုတဲ့ လုယက်မှုတွေလုပ်တဲ့တွဲဖက်နှစ်ယောက်က နာမည်ကြီးလူဆိုးကြီးတစ်ယောက်ရဲ့ပိုက်ဆံတွေကိုသွားခိုးမိရာကနေစတာပါပဲ။အဲ့ဒီပိုက်ဆံတွေကိုတော့ရခဲ့ပေမဲ့ ဗစ်ကတော့ကျန်ခဲ့ပြီး လူဆိုးတွေလက်ထဲမှာအဖမ်းခံလိုက်ရပါတော့တယ်။အဲ့ဒါကြောင့် အဲ့ဒီသူခိုးကဗစ်ကိုပြန်ကယ်ဖို့ကြိုးစားရင်းနဲ့ ရေခဲမုန့်ရောင်းတဲ့ကောင်လေးတစ်ယောက်နဲ့ဖူးစာပါကုန်ပြီး ဇာတ်လမ်းတွေပိုပိုရှုပ်လာတဲ့အခါမှာတော့ ဘယ်လိုအက်ရှင်တွေ ဘယ်လိုဇာတ်လမ်းဇာတ်ကွက်တွေကို အကောင်းစားရိုက်ကူးပြသထားမယ်ဆိုတာကိုကြည့်ရှုခံစားရမဲ့အက်ရှင်ကားတစ်ကားပဲဖြစ်ပါတယ်။
Credit..
ဇာတ်လမ်းအညွှန်း
19 Nov, 11:25
Operation Blood Hunt (2024)
သွေးစုပ်ဖုတ်ကောင်တွေ သမန်းဝံပုလွေတွေနဲ့ထူးထူးခြားခြားရိုက်ကူးထားတဲ့ Operation Blood Hunt ဆိုတဲ့သဘာ၀လွန်ဇာတ်ကားတစ်ကားကိုတင်ဆက်ပေးလိုက်ပါတယ်။အရမ်းကြီးကြမ်းကြမ်းတမ်းတမ်း အကောင်းစားတော့မဟုတ်ပေမဲ့ သူ့အနေအထားနဲ့သူတော့ ကြိုးစားအားထုတ်ပြီးရိုက်ကူးထားတဲ့အတွက် အပျင်းပြေကြည့်လို့ကောင်းမဲ့ဇာတ်ကားတစ်ကားပဲဖြစ်ပါတယ်။ဇာတ်လမ်းအစမှာတော့ ကျွန်းတစ်ကျွန်းပေါ်မှာရုပ်ပျက်ဆင်းပျက်သေဆုံးနေတဲ့ ရေတပ်သားတွေကိုတွေ့ရမှာဖြစ်ပြီး သိပ်မကြာခင်မှာပဲ ဘားတစ်ခုမှာ သိက္ခာတော်ရဆရာလို့ခေါ်တဲ့လူတစ်ယောက်ကိုအစိုးရကလူတွေက အဲ့ဒီကျွန်းပေါ်ကိုစေလွှတ်ဖို့လာခေါ်ခဲ့ပါတော့တယ်။သူတစ်ယောက်တည်းသွားရမှာမဟုတ်ပဲ တခြားအဖွဲ့သားတွေပါပါပေမဲ့ အဲ့ဒီကျွန်းပေါ်ကထူးဆန်းတဲ့အဖြစ်တွေကိုတော့ သူနဲ့စစ်တပ်ကတခြားအကြီးအကဲတွေသာသိထားခဲ့ပါတယ်။သူတို့ကိုစေလွှတ်လိုက်တဲ့အဓိကတာဝန်က ကျွန်းပေါ်ကရေတပ်သားတွေကိုရှာဖွေကယ်ဆယ်ဖို့ဆိုပေမဲ့ တကယ်တမ်းမှာ ကျိန်စာသင့်နေတဲ့ရွှေတွေခိုးဖို့ဖြစ်နေတဲ့အခါမှာတော့ အဲ့ဒီကျွန်းကြီးပေါ်မှာဘယ်လိုကြောက်မယ်ဖွယ်ရာတွေကို သူတို့အဖွဲ့ကြုံတွေ့ရမလဲဆိုတာကို ရှုစားရမဲ့ဇာတ်ကားတစ်ကားပဲဖြစ်ပါတယ်။
Credit..
ဇာတ်လမ်းအညွှန်း
19 Nov, 11:24
Point Break (1991)
IMDb….7.3
1991 မှာရိုက်ခဲ့တဲ့ Point Break ဇာတ်ကားမှာတော့mငယ်ရွယ်ပျိုမြစ်တဲ့ Keanu Reeves ရဲ့ …
စွန့်စားခန်းတွေကို မြင်တွေ့ရမှာဖြစ်ပါတယ်။ အခုမှ အလုပ်ထဲ စဝင်ခါစ…သင်တန်းသားဘဝမှာ…
အကောင်းဆုံးရမှတ်တွေနဲ့ အက်ဖ်ဘိီအိုင်အေးဂျင့်တယောက်ဖြစ်တဲ့ အသက် ၂၅ နှစ်အရွယ် ဂျွန်နီယူတာ ဟာ…
ဘဏ်ဓားပြတိုက်မှုတွေ စုံစမ်းတဲ့ ဌာနမှာ စတင်တာဝန်ထမ်းဆောင်ရတယ်။ အဲဒီအချိန်တိုက်ဆိုင်တယ်ပြောရမလား..
အမေရိကန်သမ္မတဟောင်း မျက်နှာဖုံးတွေကို စွပ်ပြီး ဘဏ်တွေကို ဓားပြလိုက်တိုက်တဲ့ အကြီးစားအမှုကြီးဖြစ်ခဲ့တယ်။
စနစ်ကျလွန်းတဲ့ လှုပ်ရှားမှုတွေနဲ့အတူ အတွေ့အကြုံတွေများလွန်းတဲ့ ဘဏ်ဓားပြအဖွဲ့ဟာ…
အချိန်တိုအတွင်း လှုပ်ရှားနိုင်ခဲ့တာမို့ ရဲဌာနတစ်ခုလုံး ခေါင်းမီးတောက်နေတယ်။ သဲလွန်စဆိုလို့…
လောက်လောက်လားလားမကျန်ခဲ့…ဒီအဖွဲ့ဟာ ရေလွှာလှိုင်းစီးသမားတွေဖြစ်နိုင်တယ်ဆိုတဲ့…
ထင်မြင်ချက်သဲ့သဲ့လေးပဲကျန်ခဲ့တယ်။ အဲဒီနောက် ဂျွန်နီယူတာဟာ ပင်လမ်းကမ်းခြေမှာ အသွင်ယူရင်း…
တစ်ဖွဲ့လုံးကို ဖမ်းဖို့ကြိုးစားပါတော့တယ်။
ဇာတ်လမ်းအညွှန်းနဲ့ဘာသာပြန်သူကတော့ Zuel Khant Thwin ဖြစ်ပါတယ်။
Credit..
ဇာတ်လမ်းအညွှန်း
19 Nov, 11:23
The Three Pests ( 2024 )
ဒီတစ်ခေါက်မှာတော့ လုံးဝကို ရယ်မော ပျော်ရွှင်စေမယ့်
ဟာသကားလေးကို ဘာသာပြန်တင်ဆက်ပေးလိုက်ပါတယ်….
ဇာတ်လမ်းလေးကတော့ ဆေးဝါးစက်ရုံမှူးတစ်ယောက်ရဲ့
ကောင်းမှူနဲ့ အရူး ၃ ကောင်စုဝေးသွားတာပါပဲ…
ပထမအရူးကတော့ သိုင်းလောကအရူးပါ…
သိုင်းလောကဆိုတဲ့စကားလုံးကို ပါးစပ်ကမချတဲ့ ငွေတိုးချေးသမားပါပဲ…
သူက ယုံကြည်စိတ်နဲ့ စက်ရုံမှုးကို ငွေသိန်း ၂၀ ချေးခဲ့ပေမယ့်…
ငွေမဆပ်နိုင်ရင် ဆေးဝါးစက်ရုံရဲ့ ဂျင်ဆင်းရိုင်းကို ပေးမယ်ကတိပေးထားပေမယ့်…
လူသေလို့ အကြွေးပျက်သွားတဲ့ အဖြစ်မျိုး ကြုံရပြန်တယ်…

နောက်အရူးတစ်ယောက်ကတော့ စက်ရုံမှူးရဲ့ လောင်ကစားမက်တဲ့ သားရူးပါပဲ…
သူကလည်း လောင်းကစားကြွေးကို ခြေတစ်ဖက်ရင်းရတော့မယ့်အခြေအနေမှာပဲ…
သူလည်း ဂျင်ဆင်းရိုင်းနဲ့ အကြွေးဆပ်မယ်ပြောထားပြီး
မြွေပါလည်းဆုံး သားလည်းဆုံးတဲ့ဘဝရောက်နေပြန်တယ်…
နောက်ဆုံးအရူးကတော့…စက်ရုံက အလုပ်သမားဟောင်း
အဖေကြီးဆေးဖိုးကို တောင်းဖို့ကြိုးစားရင်းနဲ့ …
စက်ရုံမှူးအမွေအရှုပ်ထုပ်ကြားထဲရောက်သွားတာ…
သုံးယောက်လုံး ဦးတည်ချက်ကတော့…
သိန်း ၂၀ တန်တဲ့ ဂျင်ဆင်းရိုင်းကိုရယူဖို့ပါပဲ…
ဘဝမှာ ပထမဆုံး ပစ္စည်းခိုးရမှာဆိုတော့
ဘာတွေဘယ်လိုပြင်ဆင်ကြ လွဲကြတယ်ဆိုတာကို….
ဟာသအနေနဲ့ ကြည့်ရှုရမယ့် ကားကောင်းလေးမို့
အတူရယ်မောဖို့ ဖိတ်ခေါ်လိုက်ပါတယ်…
Credit..
ဇာတ်လမ်းအညွှန်း
19 Nov, 11:23
Thorns of Love (2023)
IMDB: 7.3/10
Kentaro ဆိုတဲ့ ရည်းစားကောင်လေး ပစ်သွားတာခံလိုက်ရတဲ့ စာကြည့်တိုက်ဝန်ထမ်းဖြစ်တဲ့ ရိုးရိုးအေးအေးကောင်မလေး Tomita Momo က
သူ့ရည်းစားဟောင်း Kentaro ရဲ့ ကောင်မလေးအသစ်ကို social media ပေါ်ကနေ တွေ့ခဲ့တယ်။
Kentaro ရဲ့ လက်ရှိရည်းစားဖြစ်တဲ့ Riko က Momo နဲ့ ဆန့်ကျင်ဘက် ရဲရင့်၊ confidence ရှိပြီး ပြင်တတ်ဆင်တတ် အလန်းစားကောင်မလေးတစ်ယောက်ပေါ့။
Momo က သူ့ရည်းစားဟောင်းရဲ့ ကောင်မလေးအသစ် Riko ကို မနာလိုအားကျပြီး Riko လို ဖြစ်ချင်ရာကနေ တစ်နေ့မှာ Riko နဲ့ဆုံပြီး စကားပြောဖိုကြိုးစားခဲ့တယ်။
ရည်းစားချင်းတူနေတဲ့ ကောင်မလေးနှစ်ယောက် စစချင်းမှာ အချင်းချင်း အမြင်မကြည်ရာကနေ နှစ်ယောက်သား ပူးပေါင်းမိချိန်မှာတော့
မထင်မှတ်ထားတဲ့ချိတ်ဆက်မှုတွေပေါ်လာပြီး သူတိုနှစ်ယောက်ရဲ့ဆက်ဆံရေး ဘယ်လိုပြောင်းလဲလာမလဲဆိုတာကို plot ကောင်းကောင်းနဲ့ ကြည့်ရှုရမှာပဲ ဖြစ်ပါတယ်။
(အညွှန်းနဲ့ဘာသာပြန်ကတော့ Thwal Htoo Zin ဖြစ်ပါတယ်။)
Credit..
ဇာတ်လမ်းအညွှန်း
19 Nov, 11:22
Rage (2014) Tokarev
ပေါလ်မက်ဂွိုင်းယားဟာ ငယ်စဉ်ဘ၀ကနာမည်ကျော်ဂန်းစတားတစ်ယောက်ဖြစ်ခဲ့ဖူးပေမယ့် အတည်တကျမိသားစုဘ၀ထူထောင်တော့မယ်ဆိုတဲ့အချိန်မှာ
ရာဇဝတ်မှုအားလုံးကိုစွန့်ပစ်ခဲ့ပြီး တရားဝင်စီးပွားရေးသမားတစ်ယောက်ဘ၀ကိုခံယူခဲ့ပါတယ်။
အခုချိန်မှာတော့ ချစ်စဖွယ်ဆယ်ကျော်သက်သမီးငယ်၊ သဘောကောင်းဖြူစင်တဲ့ဇနီးသည်မိန်းမလှလေးတစ်ယောက်နဲ့ ဂုဏ်သရေရှိလုပ်ငန်းရှင်တစ်ယောက်ဖြစ်နေခဲ့ပါပြီ။
ဒါပေမယ့်လည်း ပေါလ်ရဲ့ဘ၀ကို ကျွမ်းထိုးမှောက်ခုံဖြစ်စေမယ့် ကြမ္မာဆိုးဟာ သမီးငယ်ရဲ့ ၁၆ နှစ်ပြည့်မွေးနေ့ မတိုင်ခင်လေးမှာဖြစ်ပေါ်လာခဲ့ပါတယ်။
အဲ့ဒါကတော့ သူတို့အိမ်မှာ လူကြီးတွေမရှိတဲ့အချိန်လက်နက်ကိုင်လူတစ်စုက ကျူးကျော်ဝင်ရောက်ခဲ့ပြီး သမီးဖြစ်သူ ကေ့တလင်းကိုပြန်ပေးဆွဲဖမ်းခေါ်သွားခဲ့ပြီး မကြာခင်မှာပဲ အသက်မဲ့အလောင်းအဖြစ်ပြန်ရှာတွေ့ခဲ့ရတာပါပဲ။
သူ့နောက်ကြောင်းကိုသိတဲ့ ရဲတပ်ဖွဲ့ကရော သူ့မိတ်ဆွေတွေရော သူကိုယ်တိုင်ကပါ ဒီဖြစ်စဉ်ဟာ သူ့ရဲ့ဂန်းစတားအတိတ်ကအရိပ်တွေနဲ့
ဆက်စပ်နေမယ်လို့ပဲယူဆကြတဲ့အတွက် ပေါလ်အနေနဲ့အခုချိန်မှာငြိမ်းချမ်းနေပြီဖြစ်တဲ့ဘ၀ကိုစွန့်လွှတ်ပြီးမြေအောက်လောကကိုပြန်လည်မြေလှန်ဖို့ဖြစ်လာပါတော့တယ်။
Credit..
ဇာတ်လမ်းအညွှန်း
19 Nov, 11:21
Ma Da: The Drowning Spirit (2024)
မာဒါဆိုတာ ဗီယက်နမ်နိုင်ငံရဲ့ရေနဲ့နီးစပ်တဲ့အရပ်၊ ရေလုပ်ငန်းနဲ့အသက်မွေးဝမ်းကျောင်းကြတဲ့ဒေသတွေမှာ လက်ဆင့်ကမ်းလာတဲ့ မိရိုးဖလာတစ္ဆေပုံပြင်ထဲက တစ္ဆေတစ်ကောင်ပါ။
လူတစ်ယောက်ဟာ ရေနစ်သေဆုံးခဲ့ပြီး သူ့အလောင်းကို ဆယ်ယူမယ့်သူမရှိပဲ ရေထဲမှာပဲလမ်းဆုံးသွားခဲ့ရင် အဲ့ဒီလူရဲ့ဝိဉာဉ်ဟာ မာဒါ ဖြစ်သွားပါသတဲ့။
မာဒါဟာ သူနဲ့လိပ်ပြာတူသူတွေကိုဖမ်းယူလူစားလဲဖို့ကြိုးစားလေ့ရှိပြီး သူ့ကိုတစ်နည်းနည်းနဲ့စော်ကားခဲ့ရင်လည်း အရှင်မထားတတ်ဘူးလို့ဆိုပါတယ်။
ဘယ်လိုပဲဖြစ်ဖြစ် ယုံကြည်သူတွေကတော့ တကယ့်ကိုသက်ဝင်စွာနဲ့ ကိုယ်တွေ့ဆိုတဲ့ ဇာတ်လမ်းတွေကို အခုချိန်ထိ လက်ဆင့်ကမ်းကြတုန်းပါပဲ။
ဇာတ်လမ်းကတော့ လိုင် ဆိုတဲ့အလောင်းဆယ်တဲ့အလုပ်နဲ့အသက်မွေးဝမ်းကျောင်းတဲ့ အမျိုးသမီးတစ်ယောက်ကို အခြေခံပါတယ်။
လိုင်ရဲ့သမီးလေးဟာ သူတို့ပတ်ဝန်းကျင်မှာ မကြာသေးခင်ကမှ သတ်သေသွားခဲ့ပြီး မာဒါဖြစ်သွားတယ်လို့ သတင်းထွက်နေတဲ့
အမျိုးသမီးတစ်ယောက်ရဲ့ အရုပ်ကလေးကို ကောက်ယူလာခဲ့မိရာကစပြီး မာဒါရဲ့ခြောက်လှန့်မှုတွေကို တစ်ဖြည်ဖြည်းခံလာရပါတယ်။
အစပိုင်းမှာ လိုင်က အယုံအကြည်မရှိပေမယ့် သူ့ပတ်ဝန်းကျင်ကလူတွေတစ်ယောက်ပြီးတစ်ယောက်ရေနစ်သေဆုံးမှုတွေကြုံလာရုံတင်မက
သူ့သမီးလေးကိုပါ မာဒါဖမ်းယူသွားတယ်ဆိုတာ ယုံကြည်လောက်တဲ့ အနေအထားမျိုးတွေ့ကြုံရချိန်မှာတော့ သူ့အသက်နဲ့လဲပြီးကယ်တင်ဖို့ကြိုးစားရပါတော့တယ်။
တစ္ဆေတစ်ကောင်ရဲ့ဖမ်းစားမှုကိုခံရပြီးဖြစ်တဲ့ သူ့သမီးလေးကိုကယ်တင်နိုင်ပါ့မလား?
မာဒါရဲ့လက်က လွတ်နိုင်တဲ့သူရှိသေးရဲ့လား ဒါမှမဟုတ် ဒီတစ္ဆေကိုဘယ်လိုအနိုင်ယူဖို့ကြိုးစားမလဲဆိုတာ ဆက်လက်ရှုစားကြပါ။
ဗီယက်နမ်နိုင်ငံရဲ့ ရိုးရာယုံကြည်သက်ဝင်မှုတွေ၊ အစီအရင်တွေ၊ အဆောင်လက်ဖွဲ့တွေ ဝေဝေဆာဆာနဲ့တင်ဆက်ထားပြီး ကြောက်စရာကောင်းသလို စိတ်ဝင်စားဖို့လည်းကောင်းတဲ့ ထူးထူးခြားခြားဇာတ်ကားသစ်ဖြစ်ပါတယ်။
(အညွှန်းနဲ့ဘာသာပြန်ကတော့ Alias ဖြစ်ပါတယ်။)
Credit..
ဇာတ်လမ်းအညွှန်း
18 Nov, 10:41
Monster Summer (2024)
Monster Summer ဇာတ်ကားဟာ ၂၀၂၄ ခုနှစ်ထွက်
PG13 adventure, mystery, horror ပုံစံ ဇာတ်ကာလေးပဲ
ဖြစ်ပါတယ်။ ဒီဇာတ်ကားလေးကို Trailler လေး ဖွင့်ကြည့်မိရင်
Stranger Things လို Vibes မျိုး ခံစားရမှာဖြစ်ပြီး ဇာတ်လမ်းလေး
ကလည်း ဒီလို Vibe မျိုး ခံစားနေရမှာပဲ ဖြစ်ပါတယ်။
အမြည်းပြောပြရရင် Noah တို့ နေထိုင်တဲ့ ကျွန်းလေး နွေရာသီဆို
လူတွေ လာလာလည်ကြတဲ့ Vacation ကျွန်းလေးမှာ တစ်နေ့ကျတော့
ဘာကြောင့်မှန်းမသိ ဆယ်ကျော်သက်ကလေးတွေ တစ်ယောက်ပြီး
တစ်ယောက် ထူးဆန်းတဲ့ အဖြစ်အပျက်တွေနဲ့ ကြုံတွေ့လာပါတယ်။
သူ့ဖခင်လို စွန့်စားခန်းစာရေးဆရာဖြစ်ချင်တဲ့ Noah တစ်ယောက်
ဒီ လျှို့ဝှက်စရာကိစ္စတွေကို အငြိမ်းစား ရဲစုံထောက်တစ်ယောက်နဲ့အတူ
ဖော်ထုတ်ဖို့ ကြိုးစားရင်း ပြဿနာတွေက ပြေလည်သွားမလား
ပိုကြီးလာမလား လျှို့ဝှက်ချက်တွေနဲ့ အနောက်မှာ ဘာတွေ
ရှိနေမလဲ စတာတွေကို Mystery ဆန်ဆန် ကြည့်ရမဲ့ ဇာတ်ကား
ကောင်းလေးတစ်ကားပဲ ဖြစ်ပါတယ်။
Credit..
ဇာတ်လမ်းအညွှန်း
18 Nov, 10:41
Alien Apocalypse (2023)
သိပ္ပံစိတ်ကူးယဥ်ရုပ်ရှင်ကားတစ်မျိုးပါ။ Proxima B ကနေ ပြန်လာတဲ့ယာဥ်ပေါ်မှာ ဂြိုလ်သားနမူနာ ပါလာပါတယ်။
ဒါကို စမ်းသပ်ချင်စောနဲ့ သိပ္ပံပညာရှင်စီလက်စ်က ယူစမ်းလိုက်တဲ့အခါမှာ သက်ရှိနေတဲ့စက်ရုပ်ဂြိုလ်သားဖြစ်နေတာကို သွားတွေ့ပါတယ်။
စမ်းသပ်နေရင်းနဲ့မှ အမှားတစ်ခုဖြစ်သွားပြီးတော့ ဒီဂြိုလ်သားဟာ ကမ္ဘာ့အော်ဂဲနစ်နဲ့ ထိတွေ့နိုင်သွားတဲ့အခါမှာတော့..။
ဓာတ်ခွဲခန်းက သိပ္ပံပညာရှင်တွေအနေနဲ့ ဒီဂြိုလ်သားကို ရသမျှနည်းလမ်းနဲ့ တားဆီးကြရပါတော့တယ်။
(အညွှန်းနဲ့ဘာသာပြန်ကတော့ Thy Santa ဖြစ်ပါတယ်။)
Credit..
ဇာတ်လမ်းအညွှန်း
18 Nov, 10:40
Hot Frosty (2024)
IMDB: 5.8/10
Christmasမှာ ကြည့်ဖို့ Christmasကားလေးတွေရှာနေရင်တော့
2024မှာထွက်ထားတဲ့ rating5.8ရှိတဲ့ Hot Frosty ဆိုတဲ့
ကားလေးရှိနေတယ်နော်။
ဒီကားလေးကတော့ Hope Spring မြို့လေးမှာမှော်ဆန်ဆန်ဖြစ်ခဲ့တဲ့
အဖြစ်အပျက်လေးကိုရိုက်ပြထားတဲ့ကားလည်းဖြစ်ပါတယ်။
Kathy ဆိုတဲ့မိန်းကလေးတစ်ယောက်ကသူရဲ့ယောကျာ်းဆုံးပါး
သွားပြီးကတည်းက ကိုယ့်ဟာကိုယ်တောင်ဂရုမစိုက်နိုင်တော့ဘဲ
အလုပ်တွေသာဖိလုပ်နေခဲ့ပါတယ်။ တစ်ခုသောညမှာတော့ သူမက
ခန္ဓာကိုယ်တောင့်တောင့်တင်းတင်းနဲ့ နှင်းလူသားရုပ်တစ်ရုပ်ကို
သူမရဲ့လည်စည်းအနီလေးစည်းပေးပြီးအိမ်ပြန်သွားခဲ့ပါတယ်။
အဲ့ညအချိန်မှာပဲ နှင်းလူသားရုပ်ဟာ မှော်ဆန်ဆန်နဲ့ အသက်ဝင်
ရှင်သန်လာခဲ့ပါတယ်။
နောက်တစ်နေ့မနက်မှာ နှင်းလူသားနဲ့ Kathyတို့တွေ့ကြတဲ့အခါ
ဘာတွေဆက်ဖြစ်သွားမလဲ….
ဘယ်လိုအခက်အခဲတွေနဲ့ကြုံတွေ့ရမလဲ….
နှင်းလူသားကလဲအရည်ပျော်သွားမှာလား….
Hot Spring မြို့ရဲ့ရိုးသားနွေးထွေးမှုတွေရယ် ရဲအရာရှိHunterရဲ့မြို့ကို
ကြိုးစားပြီးကာကွယ်ပေးချင်တဲ့စိတ်ထားတွေရယ် အချစ်နဲ့မထိတွေ့
ရတာကြာပြီဖြစ်တဲ့Kathyတို့ရဲ့အကြောင်းတွေကို စောင်ထဲကွေးပြီး
ကြည့်လိုကောင်းမဲ့ကားဖြစ်တဲ့အပြင် မိသားစုနဲ့ပါကြည့်လို့ရမယ့်
ကားကောင်းလေးဖြစ်ပါတယ်။
Credit..
ဇာတ်လမ်းအညွှန်း
18 Nov, 10:39
Frozen Stiff (2002)
IMDB: 8.3/10
Frozen Stiff ဆိုတဲ့ရုပ်ရှင်ကားက အစမှာတော့ ရိုးရိုး ခရီးစဉ်လေးထင်ရပေမယ့် Jason London နဲ့ Elizabeth Berkley တို့အတွက်တော့
ဟာသနဲ့ စွန့်စားခန်းတွေအပြည့်ဖြစ်လာတဲ့ ရင်ခုန်စရာ ခရီးစဉ်တစ်ခုပါပဲ။
ဒါရိုက်တာ Gary Griffith က ရိုက်ကူးထားပြီး အက်ရှင်၊ ဟာသနဲ့ စိတ်လှုပ်ရှားမှုတွေ ကြောင့် သင့်ကိုသဘောကျစေမယ့် ဇာတ်ကားကောင်းတစ်ခုပါ။
ဇာတ်လမ်းအရ သူတို့စတဲ့ ခရီးစဉ်က ရိုးရိုး မီးရထားခရီးပါ။ ဒါပေမယ့် ခရီးစဉ်အစပိုင်းမှာပဲ ဟာသအဖြစ်အပျက်တွေ တစ်ခုပြီးတစ်ခုကို ဖြစ်လာပါတော့တယ်။
လူတိုင်းကလည်း အမျိုးမျိုးတွေဖြစ်လာတဲ့အခါ Jason London က သူ့ရဲ့ အမိုက်စား စွန့်စားခန်းကိုပဲ အက်ရှင်အပြည့်ဖြည့်ပြီးတော့ ရိုက်ကူးဖော်ပြထားပုံက ကြည့်ရှုသူတွေအတွက် လုံးဝ ရယ်နေစေရပါတယ်။
Elizabeth Berkley ကလည်း တခန်းချင်းစီမှာ သရုပ်ဆောင်ချက်တွေ ထက်ထက်မြတ်မြတ်မို့ အပီအပြင် ကြည့်ကောင်းပါတယ်။
အက်ရှင်နဲ့ ဟာသကားတွေကို သဘောကျတဲ့သူတွေအတွက် ဒီဇာတ်ကားက ကွက်တိ ဖြစ်ပါလိမ့်မယ်။
(အညွှန်းနဲ့ဘာသာပြန်ကတော့ Banyar Aung ဖြစ်ပါတယ်။)
Credit..
ဇာတ်လမ်းအညွှန်း
18 Nov, 10:38
Revu (2024)
IMDB: 8.8
Revu 2024 “ရီဗူ”
ကြီးစိုးရတဲ့အာဏာကို တပ်မက်တဲ့စိတ်ဖြစ်လာတဲ့နေရာတိုင်းမှာ
အနည်းနဲ့အများတော့ တိုက်ပွဲဆိုတာ ဖြစ်လာတတ်တာပဲတဲ့ ။
အခုတစ်ခါတင်ဆက်ပေးမယ့် တေလဂူရုပ်ရှင်လေးကတော့
အမှိုက်ကစပြဿာဒ်မီးလောင်ဆိုငလိုပဲ ဘာရယ်မဟုတ်တဲ့ပြဿနာလေးက
သွေးချောင်းစီးရတဲ့အဖြစ်ရောက်သွားတဲ့ ပါလာရီဗူဆိုတဲ့
ကမ်းရိုးတန်းရွာငယ်လေးက အဖြစ်ဆိုးတစ်ခုပေါ့။
အန်ဒရာပရာဒတ်ရှ်နားမှာ ဝေးလံခေါင်ဖျားကမ်းရိုးတန်းပေါ်က
ရီဗူဆိုတဲ့ရွာငယ်လေးရှိပါသတဲ့။ ပင်လယ်နဲ့နီးတဲ့ရွာဆိုတော့
စိတ်ကြမ်းလူကြမ်း တံငါသည်တွေ မုဆိုးတွေများတဲ့ရွာငယ်လေးဖြစ်ပြီး
ခိုက်ရန်ဖြစ်ပွားမှုတွေရှိတတ်တာကတော့ အဆန်းမဟုတ်ဘူးပေါ့။
ဘာရယ်မဟုတ်တဲ့ ပြိုင်ဆိုင်မှုတွေနဲ့ ထစ်ခနဲဆို တုတ်ဆွဲဓားဆွဲကြတဲ့ဒီရွာလေးမှာ
လွန်ခဲ့တဲ့နှစ်ပေါင်းများစွာက သွေးချောင်းစီးရတဲ့အထိ ဖြစ်ဖူးပါသတဲ့။
ရန်ပွဲတွေနဲ့ အသားကျနေတဲ့ ရီဗူရွာသားတွေတောင် ပြန်ကြားရင်ထိတ်လန့်ရတဲ့
ဒီအဖြစ်ဆိုးက ဘယ်ကနေစခဲ့တာလဲ။ တစ်ယောက်စကားတစ်ယောက်နားနဲ့
ပျံ့နှံ့နေတဲ့ဒီဖြစ်ရပ်ဆိုးအကြောင်းမှာ ဘယ်ဟာကအမှန်လဲ။
ဘာမဟုတ်တဲ့အကြောင်းကိစ္စတစ်ခုမှာ ဒေါသဆိုတာဖက်တွယ်လာချိန်မှာ
ဘယ်လောက်ထိ ပျက်စီးခြင်းတွေသယ်ဆောင်လာမလဲဆိုတာ ရှုစားကြပါဦး။
(အညွှန်းနဲ့ဘာသာပြန်ကတော့ CM Bollywood Team မှပဲဖြစ်ပါတယ်)
Credit..
ဇာတ်လမ်းအညွှန်း
18 Nov, 10:37
Blood 2022
မကောင်းဆိုးဝါးဝင်ပူးပြီးသွေးဆာနေတဲ့သားဖြစ်သူအတွက် မိခင်ကစွန့်ပစ်မလားအနားမှာဆက်ထားမလားဆိုတာကြည့်ရမဲ့ဟော်ရာရုပ်ရှင်ဇာတ်ကားကောင်းလေးပါ
review AT
Credit
ဇာတ်လမ်းအညွှန်း
17 Nov, 10:22
Tiger Wolf Rabbit ( 2024 )
IMDB: 6.5/10
ကလေးခိုးခံရတဲ့အတွက် ရင်ကွဲနေရတဲ့ အမုန်းတရားတွေနဲ့ပြည့်နေတဲ့
လူ(၃)ယောက်ရဲ့ ကလေးရှာဖွေတဲ့ ခရီးစဉ်အကြောင်းကို
ရိုက်ထားတဲ့ဒရာမာဇာတ်ကားလေးပဲဖြစ်ပါတယ်။
ဘာမှမသက်ဆိုင်တဲ့ သာမန်မိဘ(၃)ယောက်ဟာ တူညီတဲ့ရည်ရွယ်ချက်တစ်ခုအတွက်
အတူဆုံလာခဲ့ကြတယ်။ သူတို့ကတစ်လမ်းလုံးမှာ တစ်ယောက်နဲ့တစ်ယောက်
သံသယတွေနဲ့ မှန်းဆရင်းကနေ တစ်ဖြည်းဖြည်းတစ်ယောက်နဲ့တစ်ယောက်ယုံကြည်လာခဲ့ကြတယ်။

အများအမြင်မှာတော့ အသက်မဲ့တဲ့အကြည့်တွေနဲ့ ကလေးပျောက်ဆုံးသွားတဲ့
မိဘတွေလို့ထင်ကြပေမယ့် တကယ်တမ်းတော့ သူတို့ဟာ ကိုယ့်သားသမီးအတွက်
ခေါင်းမာတဲ့၊ သန်မာတဲ့၊ ဇွဲမလျှော့တဲ့ မိဘတွေဖြစ်ကြောင်းကိုပြသွားခဲ့ပါတယ်။
အခက်အခဲတွေ အန္တရာယ်တွေအမျိုးမျိုးကျော်ဖြတ်ရတဲ့
သူတို့ရဲ့ကလေးပျောက်ရှာတဲ့ခရီးဟာ အဆုံးမှာဘယ်လိုရလာဒ်တွေကစောင့်ကြိုနေမှာလဲ။
ဇာတ်လမ်းတွဲတွေမှာ ပီပြင်တဲ့သရုပ်ဆောင်ချက်တွေကြောင့်ချီးကျူးခံရတဲ့
မမZhao Li Ying က ဒီရုပ်ရှင်မှာပါ သူ့ရဲ့သရုပ်ဆောင်စွမ်းရည်တွေကိုချပြထားပါတယ်။
Credit..
ဇာတ်လမ်းအညွှန်း
17 Nov, 10:21
Paltan (2018)
တောင်းဆိုမှုတွေကြောင့် အဟောင်းထဲက အကောင်းစားရုပ်ရှင်တစ်ကားကို တင်ဆက်ပေးလိုက်ပါတယ်။
Om Shanti Om (2007)က ဗီလိန်လူချောကြီး အာဂျွန်ရမ်ပယ်လ်၊ နွားရုပ်ကလေးလုပ်ပေးတဲ့
အစ်ကိုကြီးအဖြစ် သရုပ်ဆောင်ခဲ့တဲ့ Ramaiya Vastavaiya (2013)က ဆိုနူးဆွတ်၊
ထာ၀ရထက်တစ်ရက်ဆိုပြီး နာမည်ကြီးခဲ့တဲ့ Sanam Teri Kasam(2016)က မင်းသားဟာရှ်ဗာဒန်ရိန်း
မင်းသားကြီး တိုက်ဂါးရှရော့ဖ် စတဲ့ ဒိတ်ဒိတ်ကြဲမင်းသားတွေ ပါဝင်ထားတဲ့ ရုပ်ရှင်။
1967ခုနှစ်က တရုတ်နဲ့ အိန္ဒိယစစ်တပ်ကြား နယ်စပ်ကပဋိပက္ခ။
တပ်စုအသစ်တစ်ခုရောက်လာတိုင်း မော်စီတုန်းရဲ့ မော်ဝါဒက စစ်သေနကနည်းဗျူဟာတွေနဲ့
ရန်လာစကြတဲ့ တရုတ်စစ်တပ်ကို စိတ်ဓာတ်ရေးရာအရ ပြန်အနိုင်ယူဖို့ကြိုးစားကြတဲ့ တပ်စုအသစ်။
ပြတ်သားတဲ့ ဗိုလ်ချုပ်ရောက်လာချိန်မှာ နှစ်ဖက်တပ်တွေ အခြေအနေတင်းမာကုန်ပြီး
တစ်ဘက်နဲ့ တစ်ဘက် စစ်မြှူနေကြပုံကို အသည်းတလှပ်လှပ်နဲ့ခံစားကြည့်ရှုကြရမှာပါ။
(အညွှန်းနဲ့ဘာသာပြန်ကတော့ Yunni ~ V ~ KKKZ ~ Linn ~ Thaw တို့ပဲဖြစ်ပါတယ်)
Credit..
ဇာတ်လမ်းအညွှန်း
17 Nov, 10:20
The Vanishing of Sidney Hall (2017)
IMDb Rating (6.8)
The Perks of Being a Wallflower ရဲ့မင်းသားချော Logan Lerman ,မင်းသမီးချော Elle Fanning , Margaret Qualley စတဲ့တက်သစ်စတွေကို
ဝါရင့်တွေဖြစ်တဲ့ Kyle Chandler , Michelle Monaghan တို့နဲ့ တွဲဖက်ပွဲထုတ်ခဲ့ပြီး
Rating ကောင်းကောင်း ဝေဖန်မှုကောင်းကောင်းရရှိခဲ့တဲ့ Drama/Mystery/ Romance ဇာတ်ကားလေးဖြစ်ပါတယ်။
ဇာတ်လမ်းကတော့…
Sidney Hall ဆိုတဲ့စာရေးဆရာတစ်ယောက်ကို အခြေပြုတည်ထားတာဖြစ်ပြီး
ဒီဇာတ်ကားမှာ Sidney Hall ရဲ့ ဘဝကို ဆယ်ကျော်သက်အရွယ်၊ လူလတ်ပိုင်းနဲ့ သူပျောက်ဆုံးသွားတဲ့ အပိုင်းဆိုပြီး ၃ပိုင်းခွဲပြီး တင်ပြထားပါတယ်။
ဆယ်ကျော်သက်အရွယ်မှာ ဖြစ်ပျက်ခဲ့တာတွေ၊ လူလတ်ပိုင်းမှာဖြစ်ပျက်ခဲ့တာတွေကို အပြန်အလှန် ရိုက်ကူးပြထားပြီး
အောင်မြင်တဲ့စာရေးဆရာဖြစ်လာပြီးတဲ့နောက်မှာတော့ ထူးဆန်းစွာပျောက်ဆုံးသွားပါတယ်။
အဲဒီမှာပဲ သူ့ရဲ့ပျောက်ဆုံးမှုကိုလိုက်ခြေရာခံခဲ့တဲ့ Fraincis ဆိုသူပေါ်လာပြီး လိုက်လံဖော်ထုတ်ပါတော့တယ်။
Sidney Hall ဘာကြောင့်ပျောက်ဆုံးသွားရတာလဲ၊
သူဆယ်ကျော်သက်အရွယ်မှာ၊လူငယ်ဘဝမှာဘာတွေဖြစ်ပျက်ခဲ့လဲ၊
Francis ကရောဘာကြောင့်လိုက်လံစုံစမ်းရတာလဲ၊
ဘယ်လိုမြုပ်ကွက်တွေ ရှိနေမလဲဆိုတာကိုတော့ Mystery ရသအပြည့်နဲ့ရှာဖွေကြရမှာပါ။
Credit..
ဇာတ်လမ်းအညွှန်း
17 Nov, 10:19
Mormon Mom Gone Wrong: The Ruby Franke Story (2024)
လူတွေမှာဘာသာရေးလိုက်စားတဲ့အတိုင်းအတာတစ်ခုဟာ အစွန်းရောက်သွားပြီဆိုရင် တခြားအာဏာရှိကြိုးဆွဲတတ်တဲ့လူအောက်မှာ လွယ်လင့်တကူပဲအယုံသွင်းခံရလာပြီး Manipulation လိုသလိုအသုံးချကြိုးဆွဲခြယ်လှယ်ခံရပါတော့တယ် ဒီဇာတ်ကားဟာ အသုံးချသူနဲ့အသုံးချခံလူနှစ်ယောက်ရဲ့တကယ့်ဖြစ်ရပ်မှန်ကိုပြန်လည်အသက်သွင်းတဲ့ကားဖြစ်ပါတယ်
Parenting နဲ့ပတ်သက်ပြီး Vloggingလုပ်တဲ့ Youtuber ရူဘီဖရန်ကီဟာ သန်းနဲ့ချ်ီတဲ့ဖော်လိုဝါတွေပိုင်ဆိုင်ထားပြီး ပြီးပြည့်စုံတဲ့မိသားစုကိုတည်ဆောက်နိုင်တယ်လို့ ဂုဏ်သတင်းမွှေးနေတဲ့အမျိုးသမီးပေါ့ တစ်ရက်မှာတော့ သူမရဲ့သားသမီးအုပ်ထိန်းမှုနည်းစနစ်ဟာ တင်းကျပ်တာထက်ပိုပြီးမကောင်းတဲ့ဘက်ကိုဥိီးတည်နေတာကို အွန်လိုင်းကြည့်ရှုသူအချို့ကရိပ်စားမိလာပြီး စုပေါင်းတရားစွဲဆိုဖို့ပြင်ဆင်ကြပါတော့တယ်
အဲ့ဒီအချိန်ကစလို့ သိပ်ကိုPerfectဖြစ်ချင်တဲ့မိန်းမရဲ့ဘဝဟာ ဆောက်တည်ရာမရဖြစ်လာခဲ့ပြီး ဂျိုဒီလို့ခေါ်တဲ့ အကြံပေးဆရာဝန်မနဲ့တွေ့ဆုံမိပါတော့တယ် သူအကြီးအကျယ်အထင်ကြီးပြီးယုံကြည်နေတဲ့ ဒီကုထုံးဆရာဝန်ဟာ ဘာသာရေးကိုအသုံးချပြီး သူ့ဘဝကိုဘယ်လောက်အထ်ိသက်ရောက်မှုဖြစ်စေတယ်ဆိုတာကိုတော့ ဆက်လက်ခံစားကြည့်ရှုကြပါအုံးနော်…..
Credit..
ဇာတ်လမ်းအညွှန်း
17 Nov, 10:18
God Is a Bullet (2023)
ဖြစ်ရပ်မှန်တွေကို အခြေခံထားပြီး Teran Boston ရဲ့ အရောင်းရဆုံးဝတ္ထုဖြစ်ခဲ့တဲ့ “God Is a Bullet” ကို ရုပ်ရှင်အနေနဲ့အသက်သွင်းထားတဲ့ ရုပ်ရှင်တစ်ခုဖြစ်ပါတယ်။
ဇာတ်လမ်းအကျဉ်းကတော့ စုံထောက်ဘော့ဘ်က သူ့မိန်းမဖြစ်သူနဲ့ ကွာရှင်းထားပြီး သမီးဖြစ်တဲ့ဂါဘီနဲ့ ခွဲနေနေရတာပါ။ ဒါပေမဲ့ တစ်နေ့မှာတော့ သူတို့အိမ်ကို စေတန်ဂိုဏ်းတစ်ခုက ဝင်စီးပြီး မိန်းမနဲ့ သူ့ရဲ့နောက်ယောက်ျားကို ဘဝပြောင်းပေးသွားတဲ့အပြင် သမီးဖြစ်တဲ့ဂါဘီကိုပါ ပြန်ပေးဆွဲသွားပါတယ်။
ဘယ်ကဘယ်လို စလိုက်လို့လိုက်ရမှန်းမသိတဲ့အချိန်မှာ တစ်ချိန်က စေတန်ဂိုဏ်းဝင်ဖြစ်ခဲ့ပြီး ထွက်ပြေးလာခဲ့တဲ့ ကေ့စ်က စေတန်ဂိုဏ်းလက်ချက်ဆိုတာကို သိပြီး ဘော့ဘ်ကိုကူညီဖို့ကမ်းလှမ်းခဲ့ပါတယ်။ အဲဒီမှာ သူတို့နှစ်ယောက်ပေါင်းပြီး စေတန်ဂိုဏ်းကိုခြေရာခံရင်း ဂါဘီကို ကယ်တင်ဖို့ကြိုးစားကြပါတော့တယ်။
ဇာတ်လမ်းက ဒီအပေါ်ကိုအခြေခံထားပေမဲ့ စေတန်ဂိုဏ်းနဲ့မတွေ့ခင်ကြားထဲတင် ပေအတော်ရှည်တယ်ပြောရမယ်။ ဇာတ်ကောင်တွေကို စိတ်ဝင်စားစရာကောင်းအောင် တဖြည်းဖြည်းတည်ဆောက်သွားပြီးမှ လူဆိုးကြီးနဲ့ပေးတွေ့တာမျိုးပေါ့။ ဘော့ဘ်က အမြဲတမ်းစားပွဲခုံထိုင်တဲ့ လူရိုးလူအေးကြီးဖြစ်ခဲ့ပေမဲ့ သမီးဇောနဲ့ တက်တူးတွေထိုး ဂန်းတွေပါကိုင်ပြီး စေတန်ဂိုဏ်းသားတွေကို အမဲလိုက်တဲ့ မုဆိုးအဖြစ်အသွင်ပြောင်းသွားတယ်။ ဇာတ်ကောင်တစ်ကောင်ကို လူပုံစံပါကွဲသွားလောက်တဲ့ထိ အချိုးအကွေ့ကြီးတစ်ခုနဲ့ တိုက်မိစေလိုက်တာပါပဲ။
ကေ့စ်နေရာက Maika Monroe ကလည်း ဆေးဖြတ်ခါစ စိတ်ကျန်းမာရေးသိပ်မကောင်းတဲ့ ကောင်မလေးနေရာကနေ အကောင်းဆုံးသရုပ်ဆောင်ထားနိုင်ပါတယ်။ Nicolaj Coster- Waldau ကလည်း GOT တုန်းက Jaime Lannister ဇာတ်ရုပ်နဲ့ ကွဲထွက်တဲ့ ဇာတ်ကောင်မျိုးနေရာကနေ Facial Expression ကောင်းကောင်းသရုပ်ဆောင်ထားပါတယ်။ Jamie Foxx ကတော့ Jamie Foxx အထာနဲ့ပဲ ပါဝင်လာပါတယ်။
Cast တွေကိုတော့ အပြစ်ရှာစရာသိပ်မရှိပေမဲ့ ဇာတ်လမ်းက အစမှာအေးပြီး ရုတ်တရက်ထပူသလို အပူအအေး သိပ်မမျှဘူးလို့ ပြောနိုင်ပါတယ်။ စေတန်ဂိုဏ်းဘက်ကို ပိုပိုသာသာလေး ဇွတ်လူမိုက်လုပ်ခိုင်းထားပြီး ကြမ်းပြခိုင်းတာကတော့ သိပ်အားမရစရာအချက်ပါ။ ပစ်တာခတ်တာတွေ နဲ့ အက်ရှင်ခန်းတွေပီပြင်တာကတော့ ဒီရုပ်ရှင်ရဲ့ကောင်းကွက်တစ်ခုထဲအပါအဝင်ဖြစ်ပါတယ်။ ဒီရုပ်ရှင်ကိုကြည့်မယ်ဆိုရင်တော့ ဇာတ်ဝင်သီချင်းတွေကို သေချာလေး နားထောင် ခံစားကြည့်ပါလို့အကြံပေးချင်ပါတယ်။
(ဒီဇာတ်ကားနဲ့အညွှန်းကို Min Thant Bo မှ ပြန်ဆို ရေးသားထားပါတယ်)
Credit..
ဇာတ်လမ်းအညွှန်း
17 Nov, 10:18
Veteran 2 (2024)
IMDB: 7/10
12:12 The Day၊ The Point Men ထဲက Hwang Jung Min နဲ့ Connection,
Love Next Doorထဲက Jung Hae In တို့ ပါဝင်ထားပြီး ကြည့်ရှုသူ 7သန်းကျော်ခဲ့တဲ့
Crime,Action ဇာတ်ကား Veteran 2 ထွက်ရှိလို့ လာပါပြီ။
ဇာတ်လမ်းအညွှန်း
မိသားစုကိုတောင် အချိန်မပေးနိုင်တဲ့အထိ မိုးလင်းမိုးချုပ် အလုပ်များကြတဲ့
ဆောဒိုချော (Hwang Jung Min) တို့ရဲ့ မှုခင်းတပ်ဖွဲ့ကို ခေါင်းစားအောင် လုပ်မဲ့
ကွင်းဆက် လူသတ်သမားဟာ သူရဲ့ နောက်ထပ် ပစ်မှတ်ကို ညွှန်ပြထားတဲ့ ဗွီဒိယို တစ်ခုကို
အင်တာနက်ပေါ်မှာ တင်ခဲ့ပြီး တစ်ကမ္ဘာလုံးကို တုန်လှုပ်အောင် ဖန်တီးလိုက်ပါတယ်။
တရားမျှတမှုကို လက်ကိုင်ထားတဲ့ ရဲဝန်ထမ်း ပေါက်စ ဘတ်ဆွန်းအူ (Jung Hae In)ရဲ့
လုပ်ရည်ကိုင်ရည်ကို သဘောကျသွားတဲ့ ဝါရင့် စုံထောက် ဆောဒိုချောဟာ ဘတ်ဆွန်းအူကို
သူတို့ အဖွဲ့နဲ့ လာရောက်ပူးပေါင်းဖို့ ဖိတ်ခေါ်ခဲ့ပြီး လှည့်ကွက်များတဲ့
ကွင်းဆက်လူသတ်သမားကို ဘယ်လို ဖမ်းဆီးသွားမလဲဆိုတာ ကြည့်ရှုခံစားလိုက်ကြရအောင်ပါ။
(ဇာတ်လမ်းအကျဉ်းကို Treasure Htet မှ ရေးသားပေးထားပါတယ်။)
Credit..
IMDB: 7/10
12:12 The Day၊ The Point Men ထဲက Hwang Jung Min နဲ့ Connection,
Love Next Doorထဲက Jung Hae In တို့ ပါဝင်ထားပြီး ကြည့်ရှုသူ 7သန်းကျော်ခဲ့တဲ့
Crime,Action ဇာတ်ကား Veteran 2 ထွက်ရှိလို့ လာပါပြီ။
ဇာတ်လမ်းအညွှန်း
မိသားစုကိုတောင် အချိန်မပေးနိုင်တဲ့အထိ မိုးလင်းမိုးချုပ် အလုပ်များကြတဲ့
ဆောဒိုချော (Hwang Jung Min) တို့ရဲ့ မှုခင်းတပ်ဖွဲ့ကို ခေါင်းစားအောင် လုပ်မဲ့
ကွင်းဆက် လူသတ်သမားဟာ သူရဲ့ နောက်ထပ် ပစ်မှတ်ကို ညွှန်ပြထားတဲ့ ဗွီဒိယို တစ်ခုကို
အင်တာနက်ပေါ်မှာ တင်ခဲ့ပြီး တစ်ကမ္ဘာလုံးကို တုန်လှုပ်အောင် ဖန်တီးလိုက်ပါတယ်။
တရားမျှတမှုကို လက်ကိုင်ထားတဲ့ ရဲဝန်ထမ်း ပေါက်စ ဘတ်ဆွန်းအူ (Jung Hae In)ရဲ့
လုပ်ရည်ကိုင်ရည်ကို သဘောကျသွားတဲ့ ဝါရင့် စုံထောက် ဆောဒိုချောဟာ ဘတ်ဆွန်းအူကို
သူတို့ အဖွဲ့နဲ့ လာရောက်ပူးပေါင်းဖို့ ဖိတ်ခေါ်ခဲ့ပြီး လှည့်ကွက်များတဲ့
ကွင်းဆက်လူသတ်သမားကို ဘယ်လို ဖမ်းဆီးသွားမလဲဆိုတာ ကြည့်ရှုခံစားလိုက်ကြရအောင်ပါ။
(ဇာတ်လမ်းအကျဉ်းကို Treasure Htet မှ ရေးသားပေးထားပါတယ်။)
Credit..
ဇာတ်လမ်းအညွှန်း
16 Nov, 09:31
Martin (2024)
“ဆင်ရိုင်း”
အသစ်ထွက်ရှိလာတဲ့ ကန်နားဒါးစကားပြော
ပရိသတ်အကြိုက်အက်ရှင်ဇာတ်ကြမ်းတစ်ပုဒ်ကို တင်ဆက်ပေးလိုက်ပါတယ်
ဇာတ်လမ်းအစမှာ ပါကစ္စတန်ရဲတပ်ဖွဲ့က အိန္ဒိယလူမျိုး
လူသန်ကြီးတစ်ယောက်ကို လုံခြုံရေးအထပ်ထပ်နဲ့ ဖမ်းဆီးခေါ်ဆောင်လာတယ်
တိရစ္ဆာန်အရိုင်းတစ်ကောင်လို အန္တရာယ်များတဲ့ အဲဒီလူရဲ့ ကိုယ်ထဲမှာလည်း
ဆေးတချို့ပျံ့နှံ့နေပြီး သူဘယ်သူလဲ ဘယ်ကလာတာလဲ
တစ်စွန်းတစ်စမှ မသိလောက်အောင် မှတ်ဉာဏ်ပျောက်ဆုံးနေတဲ့လူ
ဒီလိုလုံခြုံရေးအဆင့်မြှင့်ထားတဲ့ ကြားထဲက ထွက်ပြေးလွတ်မြောက်သွားတဲ့အခါမှာ
သူ့ရဲ့ အတိတ်၊ ရည်ရွယ်ချက်နဲ့ သူ့ကိုဒီလိုဖြစ်သွားအောင်လို့
ဘယ်သူကဘာလုပ်ခဲ့လဲဆိုတာ စတင်ရှာဖွေစုံစမ်းရင်း ဘယ်လိုစွန့်စားခန်းတွေ ဖြစ်လာဦးမှာလဲ
ကြမ်းကြမ်းရမ်းရမ်း အက်ရှင်အသားပေးတဲ့ အိန္ဒိယအက်ရှင်ဇာတ်လမ်းအထာအတိုင်း
တင်ဆက်ထားတဲ့ ဒီကားလေးမှာ ဆက်လက်ကြည့်ရှုကြပါဦး
အညွှန်းနဲ့ ဘာသာပြန်ကတော့ CM Bollywood Team မှ ဖြစ်ပါတယ်
Credit..
ဇာတ်လမ်းအညွှန်း
16 Nov, 09:31
The Wait (2023) La espera
IMDb Rating (6.1)
2023 ခုနှစ်ထွက် စပိန်ဇာတ်ကားလေးတစ်ကားဖြစ်တဲ့ The Wait ဆိုတဲ့ကားလေးနဲ့မိတ်ဆက်ပေးချင်ပါတယ်။
Rings(2017) ဇာတ်ကားကို ရိုက်ကူးခဲ့တဲ့ ဒါရိုက်တာ F. Javier Gutiérrez က ဒီကားလေးကိုရိုက်ကူးထားတာဖြစ်ပါတယ်။
ဇာတ်လမ်းအညွှန်းကတော့ Eladio ဟာ Don Francisco ပိုင်ဆိုင်တဲ့ အမဲလိုက်တဲ့ခြံအကျယ်ကြီးမှာခြံစောင့်အဖြစ်လုပ်ကိုင်လျက်ရှိပါတယ်။
သူ့မှာ မိန်းမနဲ့ သားလေးတစ်ယောက်လဲရှိပါတယ်။
အမဲလိုက်သမားတစ်ဦးရဲ့ လာဘ်ထိုးတဲ့ငွေကို သူ့ပိုင်ရှင်မသိအောင် လက်ခံပြီးနောက်ပိုင်းမှာ သူ့ဘ၀ကအရင်လိုမဟုတ်တော့ပဲ ဘာတွေဆက်ဖြစ်လာမလဲဆိုတာကို စောင့်ကြည့်ရမှာဖြစ်ပါတယ်။
တစိမ့်စိမ့်တွေးပြီးကြောက်ဖို့ကောင်းမယ့် ဇာတ်ကားဆိုလဲမမှားပါဘူး။
(အညွှန်းနဲ့ဘာသာပြန်ကတော့ Ivy Noe ဖြစ်ပါတယ်။)
Credit..
ဇာတ်လမ်းအညွှန်း
16 Nov, 09:30
The Legend of Bhagat Singh (2002)
အိန္ဒိယနိုင်ငံတော်လှန်ရေး သူရဲကောင်း ဘဂတ်စင့် အကြောင်းရိုက်ကူးထားတဲ့ မှတ်တမ်းရုပ်ရှင်ဖြစ်ပါတယ်
မျက်နှာဖြူအင်္ဂလိပ်လက်အောက်ကနေ အိန္ဒိယနိုင်ငံကြီး လွတ်လပ်ရေး ရဖို့ ကြိုးစားကြရာမှာ ပေးဆပ်မှုတွေ မျက်ရည်တွေ သွေးမြေကျခဲ့ရမှုတွေကို သမိုင်းအတိုင်းရိုက်ကူး ပုံဖော်ထားတဲ့ ဇာတ်ကားကောင်းတစ်ခုပါ ၂၀၀၂ ခုနှစ်က ထွက်ရှိခဲ့တာ ဖြစ်ပြီး လူတွေ ရဲ့ နှလုံးသားထဲဝင်ရောက်ခဲံပြီး အောင်မြင်ခဲ့တဲ့ ဇာတ်ကား တစ်ကားဖြစ်ပါတယ်
Credit
ဇာတ်လမ်းအညွှန်း
16 Nov, 09:28
The Post-Truth World ( 2023 )
မီဒီယာတွေက အမှန်ပြောနေတာလား…တရားစီရင်ချက်တိုင်းက ဖြောင့်မတ်မှန်ကန်နေလား….
ဒီအဖြေမသိတဲ့ ပုစ္ဆာနှစ်ပုဒ်ကို The Post Truth World ဆိုတဲ့
ကားလေးက စဉ်းစားစရာတချို့ပေးသွားမှာပါ….
ဇာတ်လမ်းလေးကတော့ တက်လမ်းတွေအပြည့်ရှိတဲ့ ဘေ့စ်ဘောကစားသမားလေး
ကျန်းကျန်ယိတစ်ယောက်က သူ့အိပ်မက်ကို အကောင်အထည်ဖော်မယ့်
အမေရိကန် ကစားသမားအဖွဲ့ထဲ ပါဝင်ခွင့်ရချိန်မှာပဲ….
သူချစ်ရတဲ့ ချစ်သူ သေဆုံးသွားခဲ့ပြီး…
သူကလည်း လူသတ်သမားအဖြစ်နဲ့ သံတိုင်အနောက်ကို ရောက်သွားခဲ့ပါတယ်…
၇ နှစ် ကြာတဲ့အထိ သေဒဏ်ပေးမယ် တစ်သက်တစ်ကျွန်းချမယ်နဲ့
မပြတ်သားနိုင်တဲ့ ဆုံးဖြတ်အမိန့်ကို စောင့်ရင်း…
လျိုလီမင် ဆိုတဲ့ မီဒီယာသမား တစ်ဦးကို အသုံးချပြီး
ထောင်အပြင်ကို ထွက်ပြေးနိုင်ခဲ့ပြီး… သူသဲလွန်စတွေကိုရှာဖွေခဲ့တယ်….
ထူးဆန်းတာက သူအသုံးချတဲ့ မီဒီယာသမားကလည်း သူ့အမှုကို
ပြန်လည်တူးဆွပြီး သူအပြစ်မဲ့ကြောင်းကို သက်သေရှာနေတာတဲ့….
သူတို့ချင်း ယုံကြည်မှုရပြီး ပူးပေါင်းမိမှာလား…
တကယ်ပဲ ကျန်းကျန်ယိက သူအပြစ်မရှိကြောင်း သက်သေပြဖို့ ထွက်ပြေးခဲ့တာလား…
သူတကယ်ပဲ အပြစ်မရှိဘူးလား….နောက်ပြီး လျိုလီမင်ကရော
ဘာလို့ ဒီအမှုကို ပြန်တူးဆွတာလဲ…ရဲဖက်ဆိုင်ရာနဲ့ တရားရုံးကတော့
ကျန်းကျန်ယိက လူသတ်သမားလို့ တစ်ထစ်ချဆုံးဖြတ်ခဲ့တာပဲ…
ဒါက မှားယွင်းနေခဲ့တာလား…
ဒီအမှုကို ပြန်တူးဆွလို့ ဘာနောက်ဆက်တွဲတွေ ကြုံတွေ့ရဦးမှာလဲ…
စိတ်ဝင်စားစရာ ဇာတ်ကားကောင်းလေးမို့ CM ချစ်ရတဲ့ ပရိသတ်တို့လည်း
အတူကြည့်ပြီး ဦးနှောက် အလုပ်ပေးလိုက်ကြရအောင်
Credit..
ဇာတ်လမ်းအညွှန်း
16 Nov, 09:28
Alien Country (2024)
Alien Country ဆိုတဲ့ဇာတ်ကားက သိပ္ပံ-ရုပ်ရှင်တွေကြိုက်သူတွေ၊ စွန့်စားခန်းတွေကြိုက်သူတွေအတွက် အကြိုက်တွေ့စေမှာပါ။
ဒီကားကို ဒါရိုက်တာ Bailey Kobe က ရိုက်ထားတာဖြစ်ပြီး အဓိကသရုပ်ဆောင်တွေက Nadine Crocker နဲ့ Marc Menchaca ပါ။
သူတို့ရဲ့ သရုပ်ဆောင်မှုက အရမ်းသဘာဝကျပြီး ဇာတ်လမ်းထဲမှာ ခံစားချက်တွေ ပြည့်ပြည့်ဝဝကိုဖော်ပြထားတယ်ဆိုတာ သိသာပါတယ်။
ဇာတ်လမ်းကတော့ လူသားတွေရော ဂြိုလ်သားတွေရော စိန်ခေါ်မှုတွေ ရင်ဆိုင်ရတဲ့အကြောင်းပါပဲ။
လူသားတွေအနေနဲ့ နိုင်ငံတစ်ခုထဲကို တစ်ခါမှမရောက်ဖူးသလို စွန့်စားသွားရင်း ဂြိုလ်သားတွေ့လာရတယ်။
သူတို့ရဲ့ စွမ်းအားတွေက တော်တော်အမိုက်စားကြီးမို့မြင်လိုက်တာနဲ့တင် ဝိုး ဆိုပြီး ဖမ်းစားသွားမှာပါပဲ။
Kobe ရဲ့ ရိုက်ကူးပုံစံကလည်း မြင်ရတာနဲ့ ရင်ထဲရောက်အောင် ဖန်တီးထားတာမို့ ရိုက်ချက်တွေ အရမ်းမိုက်သလို သည်းထိတ်ရင်ဖိုဖြစ်ဖို့လည်းကောင်းပါတယ်။
Alien Country ဟာ စွန့်စားခန်းတစ်ခုဖြစ်တဲ့အပြင် သည်းထိတ်ဖွယ် ကြည့်ရှုခံစားနိုင်တဲ့ဇာတ်ကားကောင်းလေးပါ၊
ရင်ထဲကျန်နေစေမယ့် စွန့်စားခန်းတွေ၊ ထိတ်လန့်မှုတွေနဲ့ ဖမ်းစားသွားမှာ အသေအချာပါပဲ..
(အညွှန်းနဲ့ဘာသာပြန်ကတော့ Banyar Aung ဖြစ်ပါတယ်။)
Credit..
ဇာတ်လမ်းအညွှန်း
16 Nov, 09:27
Kali: Avenging Angel (2024)
ဒီတစ်ခေါက်မှာတော့မင်းသမီးတစ်ယောက်တည်း ရှယ်ကြမ်းပြမဲ့
ပြင်သစ် အက်ရှင်ဇာတ်ကားတစ်ခုကို တင်ဆက်ပေးလိုက်ချင်ပါတယ်။
လီဆာဟာ မကြာသေးခင်ကမှ သားဖြစ်သူကိုဆုံးရှုံးထားရတာကြောင့်
စိတ်ပိုင်းဆိုင်ရာ ပြန်လည်ထူထောင်နေရတဲ့ ပြင်သစ်အကြမ်းဖက်
တိုက်ဖျက်ရေးတပ်ဖွဲ့ဝင်ဟောင်း တစ်ဦးပါ။
သူ့ခင်ပွန်းဖြစ်သူ အဲရစ်ဟာလည်း သူ့လို အေးဂျင့်တစ်ဦးဖြစ်တာမို့
နိုင်ငံရပ်ခြားမှာ စစ်ဆင်ရေးတွေသွားရောက်ဆောင်ရွက်နေရသူပါ။
တစ်နေ့မှာ လီဆာရဲ့ ခင်ပွန်းဖြစ်သူ အဲရစ်ဟာ ဘရာဇီးနိုင်ငံ ရီယိုမြို့ရဲ့
ပြင်သစ်သံရုံးရှေ့မှာ သေနတ်နဲ့ ပစ်သတ်တာခံလိုက်ရပါတယ်။
သားဖြစ်သူကိုဆုံးရှုံးထားရပြီး တစ်ဦးတည်းသောကျန်တဲ့
ခင်ပွန်းကလည်း အသတ်ခံလိုက်ရတော့ လီဆာလည်း အရူးမီးဝိုင်း
သလိုဖြစ်တော့တာပါပဲ။ ဒီလိုနဲ့ သူ့ခင်ပွန်းအတွက်လက်စားချေဖို့
ဘရာဇီးကိုလိုက်သွားပြီး တစ်စတစ်စစုံစမ်းရင်းကနေမှ မထင်
မှတ်ထားဘဲ လူပေါင်းများစွာကို အသက်အန္တရာယ်ပေးနေတဲ့
နောက်ကွယ်ကအမှုကြီးတစ်ခုကို သိရှိသွားရပါတော့တယ်။
လီဆာတစ်ယောက်တည်း တစ်ဆင့်ပြီးတစ်ဆင့် ဖော်ထုတ်ရင်းနဲ့
နောက်ကွယ်ကကြိုးကိုင်ထားတဲ့ လက်မည်းကြီးကို လက်စားချေဖို့
ကြိုးပမ်းပုံကို စိတ်ဝင်စားဖွယ် ကြည့်ရှုရမှာပဲဖြစ်ပါတယ်။
ဒီတော့ အဲရစ်ကဘာကြောင့်သေသွားရတာလဲ၊ အံ့ဩလောက်စရာ
အမှုကြီးကရော ဘာများဖြစ်မလဲ၊ ဒီကိစ္စကိုဘယ်သူက ကြိုးကိုင်
ထားပြီး ဘယ်သူတွေပါဝင်ပတ်သက်နေမလဲဆိုတာကို ဇာတ်လမ်း
ထဲမှာပဲဆက်လက်ကြည့်ရှုလိုက်ကြပါဦး။
Credit..
ဇာတ်လမ်းအညွှန်း
15 Nov, 10:00
Simon Says (2006)
ခုတ်တာ ထစ်တာတွေ .. သတ်တာ .. ဖြတ်တာတွေ ကြိုက်တဲ့
Horror ပရိတ်သတ်အတွက် တစ်ကားလုံး ရင်တထိတ်ထိတ်နဲ့ ကြည့်ရမယ့် ဇာတ်ကားပါ။
ကျောင်းသားငါးယောက်အဖွဲတစ်ဖွဲ့ဟာ တောထဲကို စခန်းချ ခရီးထွက်ဖို့ ရောက်လာကြတယ်။
အဲဒီတောထဲမှာ လူသတ်သမား ညီအကို နှစ်ယောက်နေထိုင်တယ်။
အဲဒီညီအကိုနှစ်ယောက်ဟာ သူတို့ရဲ့ မိဘတွေကိုတောင် သတ်ပစ်ထားတဲ့ ညီအကိုတွေ …
ဒီတော့ ဘာတွေ ဆက်ဖြစ်မလဲဆိုတာတော့ ဇာတ်ကားထဲမှာ ကြည့်ရှု ခံစားလိုက်ကြပါစို့။
ကိုယ့်အနေနဲ့ အသည်းနုတယ် ဆိုရင် ဒီကားကို လုံး၀ မကြည့်ဖို့ ပြောလိုက်ပါရစေ။
(အညွှန်းကို BZW မှ ရေးသားထားပါတယ်)
Credit..
ဇာတ်လမ်းအညွှန်း
15 Nov, 09:59
Justice (2024) Napad
IMDb Rating (6.3)
ဒီဇာတ်လမ်းလေးကတော့ပိုလန် စုံထောက်ဇာတ်လမ်းလေးပါ။
Soviet union လက်ထပ်တုန်းက အနားယူသွားတဲ့ စုံထောက်ဟောင်းတစ်ယောက်ကို ရက်ရက်စက်စက်လူသတ်ပြီးလုယက်သွားတဲ့
ဘဏ်ဓားပြတိုက်မှုတစ်ခုကို အစိုးရကတိုက်ရိုက်သူ့ကို စုံစမ်းခိုင်းပြီး ရာထူးဟောင်းပြန်ပေးမယ်ဆိုပြီးပြောခဲ့ပါတယ်။
ဇာတ်လမ်းက Slow burn ဖြစ်ပြီး character တွေရဲ့ စရိုက်ကိုသေသေချာချာပြနိုင်ပါတယ်။
စုံထောက် thriller ကြိုက်တဲ့သူတွေအတွက်ကြည့်သင့်တဲ့ဇာတ်ကားလေးပါ။
(အညွှန်းနဲ့ဘာသာပြန်ကတော့ Nikobaby ဖြစ်ပါတယ်။)
Credit..
ဇာတ်လမ်းအညွှန်း
15 Nov, 09:58
Maa Nanna Superhero (2024)
IMDB: 8.6/10
Maa Nanna Superhero 2024 (အဖေ့အတွက်သူရဲကောင်းကျွန်တော်)
အဖေနဲ့သားကြားက သံယောဇဉ်ကို အကောင်းဆုံး ပုံဖော်ရိုက်ကူးထားတဲ့
တေလဂူရုပ်ရှင်လေးတစ်ကား တင်ဆက်ပေးချင်ပါတယ်။
အဖေအရင်းရယ် မွေးစားအဖေရယ် သူတို့ရဲ့သားရယ်
သူတို့ 3 ယောက်ကြားက အလွဲလေးတွေအပြင်
အရယ်အငိုရသစုံခံစားရစေမယ့် ဇာတ်ကားကောင်းလေးတစ်ကားပါ။
ရင်ခွင်ပိုက်အရွယ် ကလေးငယ်လေးနဲ့ တစ်ကိုယ်တော်အဖေပရာကတ်ရှ်တစ်ယောက်
သားလေးကိုမိဘမဲ့ဂေဟာမှာ ခဏအပ်ထားပြီး ကားသမားအနေနဲ့
ပုံသေအလုပ်ရဖို့ အော်ဒါလိုက်သွားပါတယ်။
ကံဆိုးချင်တော့ သူမောင်းရတဲ့ကားက ဆေးခြောက်သယ်လာတဲ့ကားဖြစ်လို့
မူးယစ်မှောင်ခိုမှုနဲ့ ထောင်ဒဏ်နှစ်နှစ်ဆယ်ကျသွားပြီး နှစ်နှစ်ဆယ်ကြာမှပဲ
ထောင်ကပြန်လွတ်လို့ သားဖြစ်သူကို လိုက်ရှာပါတော့တယ်။
တစ်ဖက်က သားဖြစ်သူဂျွန်နီကလည်း မွေးစားအဖေရဲ့စတော့ရှယ်ယာကြွေးကိုဆပ်လိုက်
ဟိုကအကြွေးပြန်တင်လိုက်နဲ့ သံသရာလည်နေပေမဲ့ အဖေ့ကို အပြစ်မမြင်တဲ့သူပေါ့။
ဒီလိုနဲ့ ကံကြမ္မာဇာတ်ဆရာရဲ့အလိုကျ ဒီ လူ 3 ယောက် ဆုံဆည်းဖို့ ဖြစ်လာတဲ့အခါ….
(အညွှန်းနဲ့ဘာသာပြန်ကတော့ CM Bollywood Team မှပဲဖြစ်ပါတယ်)
Credit..
ဇာတ်လမ်းအညွှန်း
15 Nov, 09:57
Jaque Mate (2024)
အက်ရှင်ကားစောင့်မျှော်နေသူတွေအတွက် အသစ်ထွက်ရှိတဲ့
စပိန် ဟာသ အက်ရှင်ဇာတ်ကားလေးတစ်ကားကိုတင်ဆက်
ပေးလိုက်ပါတယ်။အက်ရှင်နဲ့ဇာတ်လမ်းဇာတ်ကွက်တွေက
အရမ်းအကြမ်းကြီးမဟုတ်ပေမဲ့ သူ့ဟာနဲ့သူတော့ အပျင်းပြေ
ကြည့်လို့ကောင်းတဲ့အတွက် နားနားနေနေပေါ့ပေါ့ပါးပါးကြည့်လို့
ကောင်းတဲ့ဇာတ်ကားလေးတစ်ကားဖြစ်မှာပါ။
ဇာတ်ကားနာမည်ကတော့ Checkmate ဖြစ်ပြီး စပိန်နိုင်ငံကျော်
မင်းသားမင်းသမီးတွေပါဝင်သရုပ်ဆောင်ထားပါတယ်။
ဒူကဲဆိုတဲ့လူက နိုင်ငံတကာထောက်လှမ်းရေးအေးဂျင့်ဟောင်း
တစ်ယောက်ဖြစ်ပြီး တာဝန်ကြောင့်သူ့အစ်ကိုသေဆုံးခဲ့ပြီး
နောက်မှာတော့ ရာထူးကနေအနားယူခဲ့ပါတယ်။ဒီလိုနဲ့ ၃ နှစ်ဆိုတဲ့
အချိန်တစ်ခုကြာသွားခဲ့ပြီးနောက်မှာတော့ သူ့အစ်ကိုရဲ့သမီး
သူ့တူမဟွာနာက သူ့ဆီရောက်လာခဲ့ပါတော့တယ်။ဖြစ်ချင်တော့
သူ့တူမရောက်လာတဲ့နေ့မှာပဲ သူ့အိမ်တိုက်ခိုက်ခံခဲ့ရပြီး သိပ်မကြာခင်
မှာပဲတူမဖြစ်သူကိုလူဆိုးတွေကဖမ်းဆီးသွားပါတော့တယ်။
သူ့တူမကိုပြန်ရွေးဖို့အတွက် ဆီးချိုရောဂါပျောက်တဲ့ဆေးနဲ့
ပတ်သတ်တဲ့အချက်အလက်တွေကိုသွားခိုးပြီးလာလဲခိုင်းတဲ့
အခါမှာတော့ သူ့ရဲ့အရင်တုန်းကအသိအကျွမ်းအဖွဲ့ဝင်တွေကို
ပြန်စုဆောင်းပြီး တူမဖြစ်သူကိုပြန်ရွေးဖို့ကြိုးစားပုံတွေကို အက်ရှင်
ဒရာမာ ဟာသစုံစုံလင်လင်နဲ့ ကြည့်ရှုခံစားရမှာပဲဖြစ်ပါတယ်။
Credit..
ဇာတ်လမ်းအညွှန်း
15 Nov, 09:56
Forsaken (2015)
IMDB – 6.4
နာမည်ကြီးသရုပ်ဆောင် Kiefer Sutherland ရဲ့ ဇာတ်ကားကောင်းလေးတစ်ကားပါ။
ဇာတ်လမ်းအကျဉ်းက နာမည်ကြီးသေနတ်သမား ဂျွန်ဟန်နရီက
10 နှစ်ကြာပြီးတဲ့နောက်မှာ သူ့မွေးရပ်မြေဖြစ်တဲ့
Fowler ဆိုတဲ့မြို့လေးကို ပြန်ရောက်လာတယ်။
အတိတ်တုန်းကတိုက်ပွဲမှာ ရက်စက်စွာသတ်ဖြတ်ခဲ့တဲ့ သူ့စွမ်းဆောင်ရည်တွေကြောင့်
သူပြန်ရောက်ရောက်ချင်းမှာ မြို့သူမြို့သားတွေဟာ အံ့ဩထိတ်လန့်မိကြသလို
သူတို့အတွက် မျှော်လင့်တစ်ခုရှိလာပြီဆိုတဲ့ ခံစားချက်မျိုးလည်းရှိနေကြတယ်။
အကြောင်းကတော့ မက်ကာဒီဆိုတဲ့လူက လယ်မြေတွေကို
မြို့သူမြို့သားတွေဆီက အတင်းအဓ္ဓမဝယ်နေတယ်။
မရောင်းချင်တဲ့သူတွေကို သူ့အောက်က လက်မရွံသေနတ်သမားတွေနဲ့ ဖြေရှင်းခိုင်းတယ်။
ဘယ်သူကမှ မက်ကာဒီနဲ့ ရင်မဆိုင်ချင်ကြဘူး။
အကြောင်းတစ်စုံတစ်ရာကြောင့် သေနတ်ကို ရာသက်ပန်စွန့်လွှတ်ထားတဲ့ ဂျွန်ဟင်နရီဟာ
မက်ကာဒီကြောင့် သေနတ်ပြန်ကိုင်ရတော့မယ်အခြေအနေကိုရောက်လာတဲ့အခါမှာတော့…
(အညွှန်းကို Tin Myo Lwin မှ ရေးသားထားပါတယ်)
Credit..
IMDB – 6.4
နာမည်ကြီးသရုပ်ဆောင် Kiefer Sutherland ရဲ့ ဇာတ်ကားကောင်းလေးတစ်ကားပါ။
ဇာတ်လမ်းအကျဉ်းက နာမည်ကြီးသေနတ်သမား ဂျွန်ဟန်နရီက
10 နှစ်ကြာပြီးတဲ့နောက်မှာ သူ့မွေးရပ်မြေဖြစ်တဲ့
Fowler ဆိုတဲ့မြို့လေးကို ပြန်ရောက်လာတယ်။
အတိတ်တုန်းကတိုက်ပွဲမှာ ရက်စက်စွာသတ်ဖြတ်ခဲ့တဲ့ သူ့စွမ်းဆောင်ရည်တွေကြောင့်
သူပြန်ရောက်ရောက်ချင်းမှာ မြို့သူမြို့သားတွေဟာ အံ့ဩထိတ်လန့်မိကြသလို
သူတို့အတွက် မျှော်လင့်တစ်ခုရှိလာပြီဆိုတဲ့ ခံစားချက်မျိုးလည်းရှိနေကြတယ်။
အကြောင်းကတော့ မက်ကာဒီဆိုတဲ့လူက လယ်မြေတွေကို
မြို့သူမြို့သားတွေဆီက အတင်းအဓ္ဓမဝယ်နေတယ်။
မရောင်းချင်တဲ့သူတွေကို သူ့အောက်က လက်မရွံသေနတ်သမားတွေနဲ့ ဖြေရှင်းခိုင်းတယ်။
ဘယ်သူကမှ မက်ကာဒီနဲ့ ရင်မဆိုင်ချင်ကြဘူး။
အကြောင်းတစ်စုံတစ်ရာကြောင့် သေနတ်ကို ရာသက်ပန်စွန့်လွှတ်ထားတဲ့ ဂျွန်ဟင်နရီဟာ
မက်ကာဒီကြောင့် သေနတ်ပြန်ကိုင်ရတော့မယ်အခြေအနေကိုရောက်လာတဲ့အခါမှာတော့…
(အညွှန်းကို Tin Myo Lwin မှ ရေးသားထားပါတယ်)
Credit..
ဇာတ်လမ်းအညွှန်း
15 Nov, 09:55
Megalopolis ( 2024)
ဒီတစ်ခေါက်တော့ ပုံမှန်ကြည့်ရှုနေကျဇာတ်လမ်းတွေနဲ့ လုံးဝကိုကွဲထွက်ပြီးတော့ ပရိတ်သတ်တွေအကုန်လုံးကို ရောမမြို့ကြီးကိုပါ တစ်ခါတည်းခေါ်ဆောင်သွားသလိုမျိုး ခံစားရမယ့် စိတ်ကူးယဉ်ဆန်ဆန်ရိုက်ကူးထားတဲ့ သဘာဝလွန်ဇာတ်ကားလေးတစ်ကားနဲ့ မိတ်ဆက်ပေးချင်ပါတယ်။ဒီကားလေးထဲမှာတော့ ရောမမြို့ဟောင်းနဲ့ရောမမြို့သစ်ကြားကကွာခြားမှုတွေနဲ့ မြို့တော်က အာဏာပိုင်လူတန်းစားတွေကြားက အင်အားပြိုင်ဆိုင်မှုတွေကို အခြေခံပြီးရိုက်ကူးထားတာကိုတွေ့ရမှာပါ။
ဇာတ်လမ်းအကျဉ်းလေးကတော့ ဆီဇာလို့ခေါ်တဲ့ မြို့နယ်ဒီဇိုင်းအာဏာပိုင်တစ်ယောက်က ရောမမြို့ဟောင်းကြီးကို လူသားတွေအားလုံးရဲ့ စိတ်ကူးယဉ်ထားတဲ့ မှော်ဆန်တဲ့မြို့ကြီးအဖြစ်ပြောင်းလဲပစ်ချင်တာပါ။ သူ့ရဲ့ရည်ရွယ်ချက်တွေအတွက် တစ်ဇွတ်ထိုးလုပ်ကိုင်နေတာကြောင့် မြို့တော်ရဲ့ မြို့တော်ဝန်က သူ့ကိုစည်းကျော်တယ်လို့သတ်မှတ်ပြီး သူတို့နှစ်ယောက်က အမြဲတမ်း အချေအတင်ဖြစ်နေကျပါပဲ။
ဒါပေမယ့် မြို့တော်ဝန်ရဲ့သမီးဖြစ်သူ ဂျူလီယာကတော့ အဖေဖြစ်သူနဲ့မတည့်တဲ့ ဆီဇာ့ကိုရန်ရှာရင်းနဲ့ ဆီဇာ့ရဲ့ရည်ရွယ်ချက်တွေကို နားလည်သွားပြီး ဆီဇာ့ဆီမှာ အလုပ်လုပ်ဖို့ဖြစ်လာပါတယ်။ အဲ့လိုနဲ့ သူတို့နှစ်ယောက်အတူ သူတို့ရဲ့ရည်ရွယ်ချက်ကို ပိတ်ဆို့နေတဲ့အရာတွေကို ဘယ်လိုကျော်ဖြတ်ကြမလဲ၊ သူတို့မထင်မှတ်ထားတဲ့ ဘယ်လိုအနှောင့်အယှက်အတားအဆီးတွေနဲ့ ကြုံတွေ့ရဦးမလဲဆိုတာတော့ ဇာတ်ကားလေးထဲမှာပဲ ကြည့်ရှုလိုက်ကြရအောင်နော်။
Review By YOON
Translated By Kyaw Zin, YOON
Encoded By N.A.S
Credit..
ဇာတ်လမ်းအညွှန်း
14 Nov, 10:38
Vettaiyan (2024)
IMDB: 8/10
တမီလ်ရုပ်ရှင်လောကရဲ့ နာမည်အကြီးဆုံးမင်းသားတွေထဲကတစ်ယောက်ဖြစ်တဲ့
မင်းသားကြီး ရာဂျာကီနတ်ရဲ့ အသစ်ထွက် ရုံတင်ကားသစ်ကို
ချန်နယ်မြန်မာပရိသတ်တွေအတွက် တင်ဆက်ပေးချင်ပါတယ်။
ဒီထဲမှာ ရာဂျာကီနတ်အပြင် ဘောလိဝုဒ်ဂန္တဝင်မင်းသားကြီး အမီတာဘဂျမ်းနဲ့ Pushpa တို့..
Vikram တို့ထဲမှာ antagonist နေရာသရုပ်ဆောင်ခဲ့တဲ့
သဘာဝမင်းသား ဖာဟက်ဒ်ဖာဆေလ်တို့ကလည်း
အားဖြည့်ပါဝင်ထားပါသေးတယ်။
ဇာတ်လမ်းကတော့ အစိုးရရဲ့ အကျင့်ပျက်ခြစားမှုတွေကြောင့်
အောက်ခြေ အစိုးရကျောင်းတွေထိ မကောင်းမှုတွေပြည့်နှက်နေတဲ့ နယ်မြို့လေး။
အဲဒီမြို့လေးကို မုဆိုးလို့ နာမည်ပြောင်ရထားတဲ့ အာသီယန်ဆိုတဲ့
အကြမ်းပတမ်းရဲအုပ်တစ်ယောက်ရောက်လာပြီး တစ်မြို့လုံးကို
တရားဥပဒေအောက်ပြန်ရောက်လာအောင်ကြိုးပမ်းပုံတွေကို ဒီရုပ်ရှင်ထဲမှာ မြင်ကြရမှာပါ..။
နာမည်ကြီးသရုပ်ဆောင်တွေ မြိုင်မြိုင်ဆိုင်ဆိုင် ပါဝင်ထားပြီး ဇာတ်လမ်းကလည်း
အချိန်ပေးရကျိုးနပ်တဲ့ဇာတ်လမ်းမျိုးဖြစ်တာကြောင့်
ပရိသတ်တွေအတွက် CM Bollywood Team ကနေ
ညွှန်းဆို ဘာသာပြန်တင်ဆက်ပေးလိုက်ပါတယ်…။
Credit..
ဇာတ်လမ်းအညွှန်း
14 Nov, 10:37
Je Jatt Vigarh Gya (2024)”တုံးတိုက်ကျားကိုက်”
=====================================
ပေါလိဝုဒ် ရုပ်ရှင်လောကထဲမှာ တော်တော်လေးနာမည်ကြီးတဲ့
မင်းသား ဂျေးရန်ဒဝါရဲ့ အသစ်ထွက်ရှိထားတဲ့
ပန်ချာပီစကားပြော ရုပ်ရှင်ကို ပရိသတ်တွေအတွက်
CM Bollywood Team ကနေ ထပ်မံတင်ဆက်ပေးချင်ပါတယ်။

ဇာတ်လမ်းကတော့.. ဂျေးရန်ဒဝါသရုပ်ဆောင်ထားတဲ့ဇာတ်ကောင် ဇာတ်လိုက်ဖြစ်သူ
ဒလေဟာ ဟုတ်လည်းမခံ၊ မဟုတ်လည်းမခံတဲ့ တစ်ရွာလုံးနဲ့မတည့်တဲ့
ဆတ်ဆတ်ကြဲ ဖိုက်တာတစ်ယောက်ဖြစ်ပါတယ်။
သူဟာ သူ့မျက်စိထဲ အချိုးမပြေသမျှ ဝင်ဝင်ဆုံးမတတ်လို့ သူတို့ရွာမှာဆိုရင်
သူထိုးတာမခံဖူးတဲ့ယောက်ျားလေးတွေကို တစ်ရွာလုံးက နှိမ်ကြတဲ့အထိပါပဲ။
အဲဒီလို အိန္ဒိယရုပ်ရှင်ဇာတ်လိုက်တွေရဲ့ ဝိသေသတွေနဲ့ပြည့်စုံနေတဲ့ ဒလေဟာ သူတပါးကို
ကူညီရင်း အင်မတန်မှအကျင့်ပျက်ခြစားနေတဲ့ ဆေးရုံကြီးတစ်ခုဖွင့်ထားတဲ့
နိုင်ငံရေးသမားကြီးတွေနဲ့ ငြိသွားတဲ့အခါ ကြမ်းပုံရမ်းပုံတွေကို ပရိသတ်တွေ မြင်တွေ့ကြရမှာဖြစ်ပါတယ်…။
(ဒီရုပ်ရှင်အတွက် အညွှန်းနဲ့ဘာသာပြန်ကတော့ CM Bollywood Team ပါ။)
Credit..
ဇာတ်လမ်းအညွှန်း
09 Nov, 07:46
The Vigilante (2023)
ဂျက်စီကာဟာ အာဖဂန်မှာ တာဝန်ထမ်းဆောင်နေတဲ့ အထူးတပ်ဖွဲ့ဝင် မရိန်းတပ်သူလေး ဖြစ်ပါတယ်။
သူ့မှာ ၁၃နှစ်အရွယ် ညီမလေးတစ်ယောက်ရှိပြီး အဲဒီညီမလေး နာမည်က အေမီပါ။
သူကတော့ အကသမလေးဖြစ်ချင်လို့ အကသင်တန်းတက်နေပါတယ်။
အဖေနဲ့အမေ မရှိတော့ပြီမို့ ညီမတစ်ခုအစ်မတစ်ခု နေနေကြပါတယ်။
ဂျက်စီကာ အာဖဂန်က ပြန်လာတဲ့နေ့မှာ အေမီဟာ ဂျက်စီကာ့ကို လေဆိပ်ကိုလာကြိုပါတယ်။
ကားကြီးတစ်စီးဟာ အရှိန်အဟုန်ပြင်းစွာနဲ့ အေမီ့ကားကို ဖြတ်တိုက်ပြီး အဆိုပါကားပေါ်က ယောက်ျားတစ်ယောက်ဟာ အေမီ့ကို ခေါ်သွားပါတယ်။
အေမီ့ကိုခေါ်သွားတဲ့လူတွေကတော့ လူကုန်ကူးတဲ့ လိင်ကုန်သည်တွေဖြစ်ပြီး ၁၂နှစ် ၁၃နှစ်အရွယ်ကလေးတွေကို အဓိကထားပြီး ပါကင်ကြိုက်တဲ့ ဖောက်သည်တွေကို ရောင်းစားတာပါ။
ဒီရုပ်ရှင်မှာ ငရဲတွင်းထဲက အေမီနဲ့ တခြားကလေးတွေကို ဂျက်စီကာ ဘယ်လိုကယ်မလဲ စစ်ပြန်မလေးနဲ့ ကိုကိုလူကုန်ကူးသမားတို့ရဲ့ တိုက်ပွဲနဲ့အတူ ကြည့်ရမှာပါ။
(အညွှန်းနဲ့ဘာသာပြန်ကတော့ W ဖြစ်ပါတယ်။)
Credit..
ဇာတ်လမ်းအညွှန်း
09 Nov, 07:45
The Buckingham Murders ( 2024 )
ဘက်ကင်ဟမ်လူသတ်သမားများ
ဒီတစ်ခါတင်ဆက်ပေးမယ့် ဇာတ်ကားကတော့ ဘောလိဝုဒ်ပရိသတ်ကြီးတွေအကြိုက်တွေ့မယ့်
လျှို့ဝှက်သည်းဖိုစုံထောက်ကားပဲဖြစ်ပါတယ်။ နာမည်ကြီးမင်းသမီးကြီး
ကရီးနာကပူးရ်ပါဝင်သရုပ်ဆောင်ထားပြီး IMDb 7.1 ရရှိထားတာဆိုတော့
အထွေအထူးညွှန်းဖို့တောင်လိုမယ်မထင်ပါဘူးဗျာ။
ဇာတ်လမ်းကို ဂျက်စ်မိဘမ်ရာလို့အမည်ရတဲ့ စုံထောက်တစ်ဦးပေါ်အခြေတည်ရိုက်ကူးထားတာဖြစ်ပါတယ်။
ဂျက်စ်ဟာ လတ်တလောတင်မှ ကလေးဆုံးရှုံးထားတဲ့မိခင်တစ်ဦးဖြစ်ပြီး
တခြားမြို့ကိုပြောင်းရွှေ့တာဝန်ထမ်းဆောင်ခဲ့မှပဲ ၁၀ နှစ်သားကောင်လေးတစ်ဦးပျောက်ဆုံးတဲ့အမှုနဲ့
တည့်တည့်တိုးပါတော့တယ်။
သူက ဒီအမှုကိုလိုက်ရင်း သူ့ကလေးကိုဆုံးရှုံးခဲ့ရတဲ့ ကြေကွဲဝမ်းနည်းမှုတွေကို
ပြန်လည်သတိရတာကြောင့် သူ့အတွက် ထိရှလွယ်တဲ့အမှုဖြစ်လို့နေပါတယ်။
ဒါကြောင့် သူ့အတွက် ဒီအမှုကို အောင်မြင်စွာဖြေရှင်းနိုင်ပါ့မလား။
ပျောက်ဆုံးနေတဲ့ကောင်လေးကိုရော အသက်ရှင်လျက်ရှာတွေ့နိုင်ပါ့မလားဆိုတာကို
ဇာတ်ကွက်အရမ်းနိုင်တဲ့ ဒါရိုက်တာ Hensal Mehta ရဲ့လက်ရာကိုကြည့်ရှုခံစားရင်း
ရင်ခုန်စွာကြည့်ရှုခံစားပေးပါဦးဗျာ။
ဒီဇာတ်ကားဟာ သရုပ်ဆောင်ချက်ကောင်းမွန်မှုကြောင့် အထူးချီးကျူးမှုတွေရရှိထားတာဖြစ်ပြီး
သားသမီးဆုံးရှုံးထားတဲ့မိခင်ရဲ့စိတ်ဒဏ်ရာ ၊ နောင်တတွေနဲ့ ရွှေ့ပြောင်းနေထိုင်သူတို့ရဲ့အတွေ့အကြုံတို့ကိုပါ
စုံလင်စွာရိုက်ကူးထားတာဖြစ်လို့ အချိန်ကုန်ဘေကုန်ရကျိုးနပ်မယ့်ဇာတ်ကားကောင်းတစ်ခုဖြစ်မှာ အသေအချာပါပဲ။
( ဘာသာပြန်နဲ့အညွှန်းကိုတော့ V, Yunni , Tomo, Alex နဲ့ LinnLunn တို့မှရေးသားထားတာဖြစ်ပါတယ် )
Credit
ဇာတ်လမ်းအညွှန်း
09 Nov, 07:43
The Yin Yang Master ( 2021 )
နာမည်ကြီးကားမို့ အထူးအထွေမိတ်မဆက်ပေးတော့ပါဘူး
ဇာတ်ကားနာမည်ကတော့ Ying Yang Master ပါ။
Painted Skin (2012)မှာ ill-fated lover အနေနဲ့ပဲ
သရုပ်ဆောင်နေသလားမှတ်ရလောက်တဲ့
Chen Kun နဲ့ Zhou Xun က အဓိက ပါဝင်သရုပ်ဆောင်ထားတာပါ။
ဇာတ်လမ်းအကျဉ်းလေးကတော့ Chen Kun (ချင်မင်) ဟာ
မိစ္ဆာတစ်ပိုင်းလူသားတစ်ပိုင်းပေါ့နော်။ သူက ခေါင်းကိုးလုံးမြွေရဲ့
ဆက်ခံသူလို့ ဆိုနိုင်လောက်အောင် မိစ္ဆာသွေးပါနေခဲ့သူပါ။ ဒီကားလေးမှာ
လူနဲ့ မိစ္ဆာကို စည်းတစ်ခုခြားပြီး အတူယှဉ်တွဲနေတာဖြစ်ပြီး
ယင်းယန်အဖွဲ့ကတော့ စည်းကျော်လာတဲ့
မိစ္ဆာတွေကို အပြစ်ပေးစီရင်တဲ့အဖွဲ့ပေါ့။

ချင်မင်ကို လူမမယ်အရွယ်မှာယင်းယန်အဖွဲ့က
မွေးစားခဲ့ပေမယ့် နောက်ကြောင်းကို မသိခဲ့ဘူး။
တစ်နေ့တော့ သရုပ်မှန်ပေါ်လာခဲ့ပြီး မိစ္ဆာကောင်ဆိုပြီး ညီအစ်ကိုတွေ
ဆရာတွေရဲ့ ခွဲခြားဆက်ဆံတာကိုခံရတဲ့ ချင်မင်အဖို့ Zhou Xu (ပိုင်နီ)ဟာ
အလင်းရောင်ဖြစ်ခဲ့ပါတယ်။ ပိုင်နီကလည်း ချင်မင်လိုပဲ တာဝန်တစ်ခုနဲ့ယှဉ်တွဲမွေးဖွားလာသူပါ။
သူ့တာဝန်ကတော့ ယင်းယန်အဖွဲ့ရဲ့ခေါင်းဆောင်အဖြစ်ရွေးချယ်ခံထားရသူပေ့ါ။
ပိုင်နီနဲ့ချင်မင်က ကတိတစ်ခုထားထားတယ် ဒါကတော့ ချင်မင်က
ပိုင်နီရဲ့ အမိန့်နာခံသူအဖြစ်နေပြီး လုံးဝ မိစ္ဆာဆိုးအဖြစ်မပြောင်းလဲသွားဘူးဆိုတာပါပဲ။
ဒီကတိစကားကို ချင်မင်တည်နိုင်မှာလား။
ပိုင်နီနဲ့ချင်မင်ကြားက သံယောဇဉ်ကရော ဘယ်လိုပြောင်းလဲသွားမလဲ။
လူနဲ့ မိစ္ဆာကြားက တိုက်ပွဲကရော ဘာဖြစ်သွားမယ်ဆိုတာ စိတ်ဝင်စားစရာကောင်းအောင်
ရိုက်ကူးထားတဲ့ ဇာတ်ကားကောင်းလေးမို့ ကြည့်ဖြစ်အောင်ကြည့်ကြည့်ကြနော်။
Credit
ဇာတ်လမ်းအညွှန်း
09 Nov, 07:42
Perfect Hotel Manager ( 2024 )
အခု တစ်ခေါက် CM ရဲ့ ပရိသတ်တွေအတွက် ဘာသာပြန်တင်ဆက်ပေးမှာကတော့
ပုံမှန်ရုပ်ရှင်တွေနဲ့ မတူတဲ့ လူ့စိတ်ကို စမ်းသပ်တဲ့ ရုပ်ရှင်ပဲဖြစ်ပါတယ်။
ဇာတ်လမ်းအကျဉ်းလေးကတော့- ယင်ရှန့်ရင်းနှီးမြှုပ်နှံရေးကုမ္ပဏီကနေပြီး
ကစားပွဲတစ်ခုကို လုပ်ခဲ့ပါတယ်။ ဒီကစားပွဲမှာ အနိုင်ရသူက
ကျိုရှီဟိုတယ်ကို ပိုင်ဆိုင်ခွင့်ရမှာဖြစ်ပါတယ်။
ကစားပွဲကို ပါဝင်ခွင့်ရသူက……
ကျိုးပင်းချန်- အသက် ၃၀ အိမ်ထောင်မရှိ၊ အတွင်းခံဆိုင်ပိုင်ရှင်၊
မိသားစုနဲ့ မိတ်ဆွေတွေက အိမ်ထောင်ပြုဖို့
တိုက်တွန်းနေကြပေမဲ့ အိမ်ထောင်ရေးအပေါ် အယုံအကြည်မရှိသူ……

ကျာထျန်းရှန်း – တက်ခ်စီကားဆရာ အသက် ၄၀၊ ဘဝမှာ
ဖိအားအပြည့်နဲ့ အောင်မြင်မှုဆိုတာ မရှိဖူးဘူး။
မိသားစု ဆက်ဆံရေးကလည်း မကောင်းနေဘူး……
ကျာထျန်းကျင့် – ကျာထျန်းရှန်းရဲ့ ညီလေး ၊ အသက် ၃၁ နှစ်၊
ဘဏ္ဍာရေးကုမ္ပဏီတစ်ခုမှာ မန်နေဂျာရာထူးရထားသူ။
အောင်မြင်မှုတွေ အနာဂတ်ကောင်းတွေ ရှိနေပေမဲ့ စိတ်ညစ်စရာတွေလည်း ရှိနေသူ……
ဟူကျယ် – အသက် ၂၂ နှစ် တက္ကသိုလ်ဘွဲ့ရခါစ၊ လူမှုပတ်ဝန်းကျင်ထဲကို
မရောက်ဖူးသေးဘူး၊ အခုတစ်လော ရည်းစားနဲ့
လမ်းခွဲထားရတဲ့အတွက် စိတ်ညစ်နေရသူ……
သူတို့ ၄ ယောက်က အလှည့်ကျ ဟိုတယ်ပိုင်ရှင်အဖြစ် တာဝန်ထမ်းဆောင်ရမှာဖြစ်ပြီး
အကောင်းဆုံးလူကို မဲပေးစနစ်နဲ့ ဆုံးဖြတ်သွားမှာ ဖြစ်ပါတယ်။
ဟိုတယ်တစ်ခုလုံးကို ပိုင်ဆိုင်ခွင့်ရမှာ ဖြစ်တဲ့အတွက်
လောဘရဲ့ လှုံ့ဆော်မှုကြောင့် လူတွေက ဘယ်လိုအကြံအစည်မျိုးတွေ ကြံစည်ကြမလဲ……
သူတို့ ၄ ယောက် ဒီ ၁၂ ရက်တာ အချိန်အတွင်းမှာ ဘယ်လို ဖြတ်သန်းကြမလဲ……
ဆိုတာကို ဆက်လက်ကြည့်ရှုလိုက်ရအောင်နော်။
Credit
ဇာတ်လမ်းအညွှန်း
09 Nov, 07:41
War Blade (2024)
Director Nicholas Winter ရဲ့ 2024 စစ်ကားအသစ်လေးပါ။ အခြားစစ်ကားတွေလို စစ်တိုက်တာတွေ စစ်ပွဲအသုံးအဆောင်တွေကို ကျယ်ကျယ်ပြန့်ပြန့်မပြထားပဲ ဇာတ်ကောင်နည်းနည်းနဲ့ ဇာတ်ကြောင်းက ကျစ်ကျစ်လစ်လစ်လေးရှိပါတယ်။
ဇာတ်ကြောင်းကတော့ ဘန့်စ်ဆိုတဲ့အေးဂျင့်တစ်ယောက် နာဇီကတုတ်ကျင်းတစ်ခုကနေ ပြင်သစ်တော်လှန်ရေးသမားတစ်ယောက်ကို ကယ်တင်ရမယ့်တာ၀န်ပေးခံရတော့ သူဘယ်လိုကယ်တင်မလဲဆိုတာလေးပါပဲ။ ရိုးရိုးလေးပေမယ့် ဇာတ်ကောင်တွေက ပြန့်ကားမနေပဲ စစ်ကားကြိုက်တဲ့သူတွေရော စစ်တိုက်နေတာချည်းပဲ မကြည့်ချင်တဲ့သူတွေရောအတွက်ရော အပျင်းပြေကြည့်ပျော်ပါတယ်။
Credit..
ဇာတ်လမ်းအညွှန်း
09 Nov, 07:40
Marni: The Story of Wewe Gombel (2024)
IMDB: 6.5
Channel Myanmar ရဲ့ Horror ပရိသတ်ကြီး အကြိုက်ဖြစ်မယ့်
အင်ဒိုဇာတ်ကားကောင်း တစ်ကားကို ပိတ်ရက်မှာ ကြည့်ဖို့
မိတ်ဆက်ပေးချင်ပါတယ်။
ကြောက်တတ်တဲ့သူတွေ အနားမှာ အဖော်ရှိမှ ကြည့်ဖို့တော့ အကြံ
ပေးချင်ပါတယ်။ အင်ဒိုဇာတ်ကားတွေရဲ့ ထုံးစံအတိုင်း ခြောက်ခြားဖွယ်
ဖြစ်အောင် ရိုက်ကူးပြထားနိုင်သလို သရုပ်ဆောင်တွေရဲ့ ဟန်ပန်တွေနဲ့
သရဲဇာတ်ကောင်တွေရဲ့ မိတ်ကပ်ကောင်းမွန်မှုတွေ ကွန်ပျူတာ
ပြလုပ်ချက်တွေနဲ့ တကယ်ကို ကြည့်ရတန်တဲ့ ဇာတ်ကားတစ်ကားပါ။
ယုံတမ်းပုံပြင် ဒဏ္ဍာရီဇာတ်လမ်းတွေနဲ့ အယူသည်းမှုတွေ ရှိနေဆဲပဲ
ဖြစ်တဲ့ အင်ဒိုနီးရှားနိုင်ငံ ဂျာဗားကျွန်းဆွယ်က ရွာငယ်လေးတစ်ခုကို
အခြေပြုပြီး ရိုက်ကူးထားတာဖြစ်ပါတယ်။
အင်ဒိုနီးရှားနိုင်ငံမှာ ညအိပ်ရာဝင်ပုံပြင်တစ်ပုဒ်လည်း ဖြစ်သလို
မလိမ်မာတဲ့ ကလေးတွေ နေဝင်ရီတရော အိမ်မပြန်ဘဲ အဆော့မက်တဲ့
ကလေးတွေကို ခြောက်လှန့်ပြီး ပြောနေကျ ဒဏ္ဍာရီတစ်ပုဒ်က
“ဝီဝီဂွန်ဘယ်”သရဲမ ဖမ်းစားလိမ့်မယ် ဆိုတာပါ။
ဇာတ်ညွှန်းကတော့ ရာဟာယုဆိုတဲ့ အိမ်ထောင်ကွဲထားတဲ့ အမျိုးသမီး
တစ်ယောက်ဟာ သူ့ယောကျ်ားဟောင်းရဲ့ ကြွေးရှင်တွေလက်က
လွတ်ဖို့အတွက်ရော ဘဝသစ်ကို အေးအေးချမ်းချမ်း စချင်တာရောကြောင့်
ရွာငယ်လေးတစ်ရွာကို ကလေးနှစ်ယောက်နဲ့ အတူ ပြောင်းလာ
ခဲ့ပါတယ်။ သမီးအကြီးမလေး အန်နီဆာနဲ့ သားအငယ်လေး အန်းတို့
အတူ ရွာကိုရောက်လာကြပြီး အိမ်တစ်လုံးကို ငှားရမ်း နေထိုင်
ကြပါတယ်။
စာသင်နှစ်ဝက်ချိန်မို့ ကျောင်းဆက်မတက်ရသေးတဲ့ အန်နီဆာအနေနဲ့
အိမ်မှာ အော်တစ်ဇင်ဖြစ်နေတဲ့ မောင်လေး အန်းကို ဝိုင်းဝန်းထိန်းကျောင်း
ရပါတယ်။ ရာဟာယုဟာ အိမ်ရဲ့ စီးပွားရေးကို ပါတိတ်ဒီဇိုင်းတွေ ဆွဲပြီး
နေ့တိုင်းအိမ်မှာပဲ အလုပ်လုပ်ရတဲ့အတွက် သူ့ကလေးတွေကို ဂရုတစိုက်
မရှိလှပါဘူး။
ဒီလိုနဲ့ တစ်နေ့မှာတော့ အန်းဟာ ပျောက်ခြင်းမလှ ပျောက်ဆုံးသွားပါတော့တယ်။
ဒီအခါမှာမှ…သူတို့မိသားစု မသိထားတဲ့ ဒီရွာလေးရဲ့ နောက်ကြောင်း
ရာဇဝင်တွေ အဖြစ်ဆိုးတွေကို ကြားသိလိုက်ရတဲ့ အချိန်မှာတော့…။
အန်နီဆာတစ်ယောက် ချစ်ရတဲ့ မောင်လေးအန်းကို ပြန်တွေ့နိုင်ပါ့မလား။
သူတို့မိသားစုအတွက် ဘယ်လိုဂြိုလ်ဆိုးတွေ ဝင်ဦးမှာလဲ..။
သူတို့ငှားနေတဲ့ အိမ်မှာလည်း ဘာရာဇဝင်တွေ ရှိနေလဲ ဆိုတာတော့…။
Credit
IMDB: 6.5
Channel Myanmar ရဲ့ Horror ပရိသတ်ကြီး အကြိုက်ဖြစ်မယ့်
အင်ဒိုဇာတ်ကားကောင်း တစ်ကားကို ပိတ်ရက်မှာ ကြည့်ဖို့
မိတ်ဆက်ပေးချင်ပါတယ်။
ကြောက်တတ်တဲ့သူတွေ အနားမှာ အဖော်ရှိမှ ကြည့်ဖို့တော့ အကြံ
ပေးချင်ပါတယ်။ အင်ဒိုဇာတ်ကားတွေရဲ့ ထုံးစံအတိုင်း ခြောက်ခြားဖွယ်
ဖြစ်အောင် ရိုက်ကူးပြထားနိုင်သလို သရုပ်ဆောင်တွေရဲ့ ဟန်ပန်တွေနဲ့
သရဲဇာတ်ကောင်တွေရဲ့ မိတ်ကပ်ကောင်းမွန်မှုတွေ ကွန်ပျူတာ
ပြလုပ်ချက်တွေနဲ့ တကယ်ကို ကြည့်ရတန်တဲ့ ဇာတ်ကားတစ်ကားပါ။
ယုံတမ်းပုံပြင် ဒဏ္ဍာရီဇာတ်လမ်းတွေနဲ့ အယူသည်းမှုတွေ ရှိနေဆဲပဲ
ဖြစ်တဲ့ အင်ဒိုနီးရှားနိုင်ငံ ဂျာဗားကျွန်းဆွယ်က ရွာငယ်လေးတစ်ခုကို
အခြေပြုပြီး ရိုက်ကူးထားတာဖြစ်ပါတယ်။
အင်ဒိုနီးရှားနိုင်ငံမှာ ညအိပ်ရာဝင်ပုံပြင်တစ်ပုဒ်လည်း ဖြစ်သလို
မလိမ်မာတဲ့ ကလေးတွေ နေဝင်ရီတရော အိမ်မပြန်ဘဲ အဆော့မက်တဲ့
ကလေးတွေကို ခြောက်လှန့်ပြီး ပြောနေကျ ဒဏ္ဍာရီတစ်ပုဒ်က
“ဝီဝီဂွန်ဘယ်”သရဲမ ဖမ်းစားလိမ့်မယ် ဆိုတာပါ။
ဇာတ်ညွှန်းကတော့ ရာဟာယုဆိုတဲ့ အိမ်ထောင်ကွဲထားတဲ့ အမျိုးသမီး
တစ်ယောက်ဟာ သူ့ယောကျ်ားဟောင်းရဲ့ ကြွေးရှင်တွေလက်က
လွတ်ဖို့အတွက်ရော ဘဝသစ်ကို အေးအေးချမ်းချမ်း စချင်တာရောကြောင့်
ရွာငယ်လေးတစ်ရွာကို ကလေးနှစ်ယောက်နဲ့ အတူ ပြောင်းလာ
ခဲ့ပါတယ်။ သမီးအကြီးမလေး အန်နီဆာနဲ့ သားအငယ်လေး အန်းတို့
အတူ ရွာကိုရောက်လာကြပြီး အိမ်တစ်လုံးကို ငှားရမ်း နေထိုင်
ကြပါတယ်။
စာသင်နှစ်ဝက်ချိန်မို့ ကျောင်းဆက်မတက်ရသေးတဲ့ အန်နီဆာအနေနဲ့
အိမ်မှာ အော်တစ်ဇင်ဖြစ်နေတဲ့ မောင်လေး အန်းကို ဝိုင်းဝန်းထိန်းကျောင်း
ရပါတယ်။ ရာဟာယုဟာ အိမ်ရဲ့ စီးပွားရေးကို ပါတိတ်ဒီဇိုင်းတွေ ဆွဲပြီး
နေ့တိုင်းအိမ်မှာပဲ အလုပ်လုပ်ရတဲ့အတွက် သူ့ကလေးတွေကို ဂရုတစိုက်
မရှိလှပါဘူး။
ဒီလိုနဲ့ တစ်နေ့မှာတော့ အန်းဟာ ပျောက်ခြင်းမလှ ပျောက်ဆုံးသွားပါတော့တယ်။
ဒီအခါမှာမှ…သူတို့မိသားစု မသိထားတဲ့ ဒီရွာလေးရဲ့ နောက်ကြောင်း
ရာဇဝင်တွေ အဖြစ်ဆိုးတွေကို ကြားသိလိုက်ရတဲ့ အချိန်မှာတော့…။
အန်နီဆာတစ်ယောက် ချစ်ရတဲ့ မောင်လေးအန်းကို ပြန်တွေ့နိုင်ပါ့မလား။
သူတို့မိသားစုအတွက် ဘယ်လိုဂြိုလ်ဆိုးတွေ ဝင်ဦးမှာလဲ..။
သူတို့ငှားနေတဲ့ အိမ်မှာလည်း ဘာရာဇဝင်တွေ ရှိနေလဲ ဆိုတာတော့…။
Credit
ဇာတ်လမ်းအညွှန်း
08 Nov, 09:52
The Experts (2024)
IMDb Rating (6.9)
ဖောက်ထွင်းခိုးယူရေး အာရှဇာတ်ကားတစ်ကားဖြစ်ပါတယ်။
ဟောလိဝုဒ် ဇာတ်ကွက်ကိုပဲ အာရှဟန်ဆန်းသစ်ပြီး drama ချိုးထားပေမဲ့ ဇာတ်ကွက်အလှည့်အပြောင်းတွေ သရုပ်ဆောင်တွေ တိုက်ခိုက်ရေးရိုက်ချက်တွေ မဆိုးတဲ့အတွက်
အာရှသားတစ်ယောက်အနေနဲ့ အားပေးမယ်ဆိုရင် အားပေးထိုက်တဲ့ ဇာတ်လမ်းတစ်ခုပါ။
ဖခင်တစ်ယောက်ဟာ တသက်လုံးလည်း ဆိုးသွမ်းလာခဲ့တယ်။
သားသမီးတွေကိုလည်း ခိုးဆိုးဖောက်ထွင်းရေးပညာရပ်တွေအမွေပေးလို့ ရာဇဝတ်မှုတစ်ခုအတွင်းမှာ အသုံးချခံ ငါးစာတစ်ခုအနေနဲ့ မထင်မရှား သေဆုံးခဲ့ရတယ်။
ကျန်ခဲ့တဲ့ သားတွေက ဖခင်ရဲ့ ကျွမ်းကျင်မှုတွေကို ခြေရာတိုင်းနိုင်ရုံမက အဖေထက် တစ်လကြီးလို့ရတဲ့ အဆင့်တွေပေါ့လေ။
သူတို့အဖွဲ့ရဲ့ စုပေါင်းစွမ်းရည်က လုံခြုံပေ့ဆိုတဲ့အရာတွေကို ဖောက်ထွင်းခိုးယူနိုင်တာပါ။
ဒီလိုနဲ့ သူတို့အဖွဲ့ကို လူတစ်ယောက်က အကြပ်ကိုင်ပြီး အကြီးဆုံးဆိုတဲ့ လူဆိုးဂိုဏ်းကြိး ဆင်စွယ်ငါးချောင်းအဖွဲ့ရဲ့ ထီးနန်းအရိုက်အရာအထိမ်းအမှတ် ကျောက်စိမ်းလက်စွပ်ကြီးကို ခိုးခိုင်းတဲ့အခါမှာတော့ …။
(အညွှန်းနဲ့ဘာသာပြန်ကတော့ Arr Khun Winchester ဖြစ်ပါတယ်။)
Credit
ဇာတ်လမ်းအညွှန်း
08 Nov, 09:51
Misconduct (2016)
ဇာတ်ကားကတော့ ဇာတ်ဆောင်တွေထက် ဇာတ်ရံတွေက ပိုပြီးသယ်နိုင်ခဲ့တဲ့ဇာတ်ကားပါပဲ။ Anthony Hopkins လိုမျိုး ဩဇာသိပ်ကြီးတဲ့ သရုပ်ဆောင်ကြီးရယ်၊ Al Pacino လိုမျိုး The God Father သရုပ်ဆောင်ကြီးတွေ အပြောင်မြောက်ဆုံးသရုပ်ဆောင်ထားပါတယ်။ ထက်မြက်ကြိုးစားပြီး အောင်မြင်လိုစိတ်ရှိတဲ့ ရှေ့နေလေးတစ်ယောက်ဆီကို ဥပဒေကမ္ဘာကို ကိုင်လှုပ်နိုင်လောက်တဲ့ သက်သေတစ်ခု ရောက်လာတယ်။
ဒေါ်လာ သန်းထောင်ပေါင်း ၈၇၀၀ လောက် ချမ်းသာတဲ့ ဆေးဝါးကုမ္ပဏီပိုင်ရှင်ကြီးကို အထဲမှာ တစ်သက်စာ ဆွဲထည့်ပစ်လို့ရမယ့် သက်သေပေါ့။ အဲဒီဆေးဝါးကုမ္ပဏီကြီးရဲ့လက်ချက်နဲ့ ဆေးဝါးအမှားအယွင်းတွေကြောင့် သေဆုံးသူ ရာနဲ့ချီပြီး ရှိခဲ့တဲ့အချိန်မလို့ ဒီသက်သေဟာ ရွှေဆိုလည်းဟုတ် စိန်ဆိုလည်း ဟုတ်တဲ့အခြေအနေပါပဲ။
ဒါပေမဲ့ ကြွယ်ဝမှုက အရာရာကို ဝယ်မရနိုင်ဘူးဆိုတဲ့စကားက တကယ်တော့ ရယ်စရာပါ။ ကြွယ်ဝမှုဟာ ကြွယ်ဝမှုကိုပါ ဝယ်ယူနိုင်တာမလို့ ငွေနဲ့ပေါက်ပြီး ဖြေရှင်းမယ့် သူဌေးကြီးရဲ့လှည့်ကွက်ကို ရှေ့နေလေးတို့အဖွဲ့ ကြိုတင်မျှော်လင့်ထားပေမဲ့ အရာရာက ထူးဆန်းစွာ ဖြစ်ပျက်လာခဲ့ပါတယ်။
တကယ်တော့ ဒီသက်သေက ရှေ့နေလေးရဲ့ ရည်းစားဟောင်းတဖြစ်လဲ ဆေးဝါးသူဌေးကြီးရဲ့ လက်ရှိရည်းစား အမ်မလီ ကနေ ရှေ့နေလေးဆီ ပေါက်ကြားလာခဲ့တာပါ။ ဒါပေမဲ့ အမ်မလီ က ရှေ့နေလေး ခေးလ် ရဲ့အိမ်ကို အလောင်းတစ်လောင်းအနေနဲ့ ရောက်လာတဲ့အချိန်မှာတော့ …
Credit..
ဇာတ်လမ်းအညွှန်း
08 Nov, 09:50
Cheta Singh (2023)
IMDB: 7.4/10
ပါလေနဲ့နီမီတို့ဟာ မိဘတွေမရှိတော့ဘဲ
အဒေါ်နဲ့အတူနေနေတဲ့ မောင်နှမနှစ်ယောက်၊
အစ်ကိုတစ်ခုညီမတစ်ခုဘဝဆိုတော့ သိပ်ချစ်ကြတဲ့မောင်နှမနှစ်ယောက်ပေါ့လေ။
ပါလေကတော့ စာအုပ်ဆိုင်မှာအလုပ်လုပ်ပြီး နီမီလေးကို
အစစအရာရာပံ့ပိုးပေးသလို နီမီကလည်း အစ်ကိုဖြစ်စေချင်သလို
စာမှာရော အားကစားမှာပါတော်တဲ့ စံပြကျောင်းသူတစ်ယောက်၊
တစ်နေ့ သူ့အစ်ကိုဆန္ဒအတိုင်း ရဲအရာရှိဖြစ်လာအောင် ကြိုးစားနေသူရယ်ပါ။
ဒီလိုနဲ့ တစ်နေ့ သူတို့ရွာကို ဆေးအတုလုပ်ချင်တဲ့ လူတစ်စုရောက်လာပြီး
သူကြီးနဲ့ပေါင်းလို့ မကောင်းတာတွေအစုံလုပ်ဖို့
ကြိုးစားတာကြောင့် ပါလေတို့မိသားစုကိုထိခိုက်လာတဲ့အခါ…
ညီမနဲ့အဒေါ်အတွက်ပဲ တစ်သက်လုံးရှင်သန်လာခဲ့တဲ့သူ၊
မိသားစုကို အသက်ထက်ပိုတန်ဖိုးထားတဲ့ပါလေတစ်ယောက်
မိသားစုကိုလာထိပါးချိန်မှာ သားရဲတစ်ကောင်လိုပြောင်းလဲသွားပြီး
ဘယ်လိုလက်စားချေမလဲဆိုတာ ရှုစားရအောင်ပါ။
(အညွှန်းနဲ့ဘာသာပြန်ကတော့ CM Bollywood Team မှဖြစ်ပါတယ်)
Credit
ဇာတ်လမ်းအညွှန်း
08 Nov, 09:48
My Super Heroine ( 2024 )
CM တရုတ်ကားချစ်သူတို့ရေ… တကယ်လို့ ဘဝအမောတွေပြေအောင်
ဟာသကားကိုကြည့်ချင်တယ်ဆို… ဒီကားလေးကိုကြည့်ဖို့ ဖိတ်ခေါ်လိုက်ပါတယ်နော်…
ဒီဇာတ်လမ်းလေးကဆိုရင် ကျွန်တော်ရည်းစား မာဖီးယားဆိုတဲ့ ပုံစံဆင်တူပဲ…
နာမည်ကြီး ရှန်ဟိုင်ဂိုဏ်းချုပ်လောင်းကိုမှ ရေကန်ထဲ
လှေစီးပြီး ရေစက်ဆုံကာ ကယ်မိတဲ့ အားဝမ်…
အားဝမ်ကတော့ သူ့လမ်းလေးအေးချမ်းဖို့အတွက် အစ်ကိုဟုတ်ဆိုတော့
အမြတ်ကြီးစား ဒုစရိုက်လုပ်နေတဲ့သူရဲ့ အောက်ခြေသိမ်း
အလုပ်ကြမ်းသမားလေးအဖြစ် နေနေတဲ့သူပေါ့…
အစ်ကိုဟုတ်ကလည်း သူ့ရဲ့ ကြပ်မပြည့်တဲ့ လက်ဝှေ့သမားဖြစ်ချင်တဲ့
သူ့အစ်ကိုဆန္ဒတွေကို ဖြည့်ဆည်းပေးဖို့အတွက် လူရှာပြီး
သူ့အစ်ကိုကို အဖော်ပြု လက်ဝှေ့ထိုးပေးမယ့်သူ ခဏခဏရှာခိုင်းတာ…
အခုဆို ပွဲ ၁၀၀ ပြည့်ဖို့ နောက်ဆုံး တစ်ပွဲပဲလိုတာ…
လက်ဝှေ့လည်း ထိုးချင်တယ် သူ့အစ်ကိုကိုလည်း မထိခိုက်စေချင်ဘူးဆိုတော့…
အားဝမ်တစ်ယောက် ရေထဲက ကောက်ရတဲ့
အမျိုးသမီးလေးကို ကြိုးစင်ပေါ်တင်ပေးဖို့အတွက် ဇာတ်လမ်းတွေဆင်တော့တာပေါ့…
အတိတ်ကလည်းမေ့…. မျက်စိရှေ့မှာလည်း
အားဝမ်ပဲမြင်နေရတာဆိုတော့ ဒီအမျိုးသမီးလေးလည်း…
အားဝမ်ရဲ့ ဇာတ်လမ်းကို ယုံကြည်ပြီး ကြိုးစင်ပေါ်ကို တက်ခဲ့တာပေါ့…
အဲ့ ကြိုးစင်ပေါ်တက်ခဲ့လို့ အားဝမ်တစ်ယောက် ဘာနောက်ဆက်တွဲတွေကြုံရမှာလဲ…
ဒီပွဲရလဒ်ကရော ဘာဆက်ဖြစ်မှာလဲ…အားဝမ်နဲ့ ဘယ်ကလာမှန်းမသိတဲ့
မိန်းကလေးကရော ဘာတွေဆက်ဖြစ်ကြမှာလဲ
ပိတ်ကားပြင်ပေါ်မှာ CM အဖွဲ့နဲ့အတူတူ
ဆက်ကြည့်ပြီး ရယ်မောလိုက်ကြရအောင်နော်…
Credit
ဇာတ်လမ်းအညွှန်း
08 Nov, 09:48
Five Elements ( 2022 )
CM ချစ်ပရိသတ်တွေအတွက် သိုင်းကားကောင်းလေးမိတ်ဆက်ပေးလိုက်ပါတယ်…
ဒီကားလေးက လွန်လေပြီးသော
နှစ်ပေါင်းများစွာက ရှေးလူကြီးတွေက
ရေမီးသစ်သား မြေ သတ္တု ဆိုတဲ့ ဒြပ်စင်
၅ မျိုးကို ဖော်စပ်ခဲ့ပြီး ဒီ ဒြပ်စင် ၅ ပါးရဲ့
အရှင်သခင်တွေက လောက
ဘေးကင်းဖို့ကို ထိန်းသိမ်းဖို့ တာဝန်အသီးသီးယူဖို့
ကြံရွယ်ခဲ့တယ်…ဒါပေမယ့် ဒီရတနာအကြောင်းသိတဲ့
မသမာသူတွေက ဒီဒြပ်စင် ၅ပါးကို
လက်ထဲအရယူပြီး လောကကို အုပ်စိုးဖို့ကြံခဲ့တယ်…
ဒီလိုနဲ့ အာဏာနဲ့ ဂုဏ်၊ ကြွယ်ဝချမ်းသာမှုက
အရေးကြီးတယ်လို့ ထင်ထားတဲ့
ဟင်းရွက်သည်လေး ယန်ရိကျင်းတစ်ယောက်
သတ္တုအရှင်သခင်ဖြစ်လာခဲ့ချိန်မှာတော့… လောကရဲ့
တကယ့်တန်ဖိုးရှိတဲ့အရာကို ဆုံးရှုံးခဲ့ရပါတယ်… ဒါကြောင့်လည်း
အချိန်ခရီးသွားချိန်မှာ သူဘာကိုပြောင်းလဲနိုင်မယ်ဆိုတာလည်း
စိတ်ဝင်စားစရာပါပဲ…
ကဲ ဒြပ်စင် ၅ ပါးကို ဘယ်လို ကာကွယ်ကြမယ်…
ရိကျင်းဆုံးရှုံးသွားတာက ဘာလဲ….
အချိန်ခရီးသွားပြီး ဘာပြောင်းလဲနိုင်မလဲ….
ဇာတ်ကားလေးကြည့်လိုက်တော့နော်…..
Credit
ဇာတ်လမ်းအညွှန်း
08 Nov, 09:47
Devara: Part 1 (2024) “ဒေဗာရာ”
IMDb – 6.4/10
ဘောလိ၀ုဒ်ပရိသတ်တို့ စောင့်မျှော်နေကြတဲ့
တောင်ပိုင်းမင်းသား N.T.Rama Rao Jr၊
ဟင်ဒီမင်းသားကြီး ဆေ့ဖ်အလီခန်းတို့ရဲ့
ရုပ်ရှင်ကားကြီးကို တင်ဆက်ပေးလိုက်ပါတယ်။
တစ်လအတွင်း အိန္ဒိယက ခရစ်ကတ်ကမ္ဘာ့ဖလားပွဲကို
လက်ခံကျင်းပရတော့မယ်။ ဒါပေမဲ့ အကြမ်းဖက်အဖွဲ့အစည်းရဲ့
ကြီးမားတဲ့တိုက်ခိုက်မှုတစ်ခုရှိတာကို သတင်းရထားခဲ့ရော။
ဒီမှာပဲ သံသယတရားခံတွေကို လိုက်ဖမ်းတဲ့အချိန် တကယ့်ခေါင်းဆောင်ကို ဘယ်မှာမှရှာလို့မရ။
သတင်းရဖို့အတွက်သွားရမဲ့နေရာက ပင်လယ်နီလို့ခေါ်တဲ့ ပင်လယ်ကမ်းစပ်တစ်နေရာက ရွာတစ်ခု။
ရန်သူရဲ့သွေးတွေနဲ့ ရဲရဲနီနေခဲ့လို့ ပင်လယ်နီလို့ခေါ်တဲ့နေရာ။
အဲဒီနေရာက ဒေသခံတွေချစ်ကြတဲ့ ဒေဗာရာဆိုတဲ့လူတစ်ယောက်အကြောင်း။
ဘောလိ၀ုဒ်အက်ရှင်ဇာတ်ကြမ်းနှစ်ခြိုက်သူတွေ သဘောတွေ့စေမှာမို့ ခံစားကြည့်ရှုကြပါဦး။
(အညွှန်းနဲ့ဘာသာပြန်ကတော့ CM Bollywood Teamဖြစ်ပါတယ်)
Credit
ဇာတ်လမ်းအညွှန်း
07 Nov, 11:05
The Machine (2013)
IMDB: 6.0/10
ဒီဇာတ်ကားလေးကတော့ Sci-fi Drama ဆန်ဆန် ဇာတ်ကားတစ်ကား ဖြစ်ပြီးတော့
အနာဂတ်မှာ တိုးတက်လာတဲ့ AI နည်းပညာနဲ့ Robots တွေရဲ့
လူတွေနဲ့ ကမ္ဘာကြီးအပေါ် သက်ရောက်မှုတွေကို
ရသပေါင်းစုံရအောင် ရိုက်ကူးထားတာဖြစ်ပါတယ်။
သရုပ်ဆောင်တွေအနေနဲ့ကတော့ Toby Stephens, Arrowverse Series တွေမှာ
White Canary အဖြစ် ပါဝင်သရုပ်ဆောင်ထားတဲ့ Caity Lotz တို့က
အဓိကဇာတ်ဆောင်နေရာတွေကနေ ပါဝင်ထားပါတယ်။
ဇာတ်လမ်းအကျဉ်းကို ပြောပြရမယ်ဆိုရင်တော့ အနာဂတ်ကမ္ဘာမှာ
စက်ရုပ်တွေနဲ့ AI တွေဟာ အရမ်းအဆင့်မြင့်လာပါတယ်။
Vincent ဆိုတဲ့ သိပ္ပံပညာရှင်တစ်ယောက်ဟာ လူတွေထက် ပိုအသိဉာဏ်မြင့်တဲ့
စက်ရုပ်တစ်ရုပ်ကို တီထွင်နိုင်သွားပါတယ်။
အဲဒီစက်ရုပ်ကို အစိုးရက လက်နက်အဖြစ် အသုံးပြုချင်ပေမယ့်
Vincent မှာ တခြားရည်ရွယ်ချက်တစ်ခု ရှိနေတာကြောင့် ဒီစက်ရုပ်ကို တီထွင်ခဲ့တာဖြစ်ပါတယ်။
အဲဒီစက်ရုပ်ဟာ နောက်ဆုံးမှာ ကိုယ်ပိုင်အသိဉာဏ်ရှိသွားပြီးတော့ လူတွေကို လွန်ဆန်လာပါတယ်။
အဲဒီအခြေအနေကို လူတွေအနေနဲ့ ဘယ်လိုပြန်လည်ထိန်းချုပ်မလဲ၊
Vincent ရဲ့ ရည်ရွယ်ချက်ကရော ဘာလဲ၊ AI နည်းပညာရဲ့ အန္တရာယ်ရှိပုံတွေ၊
AI နည်းပညာအပေါ် လူသားတွေရဲ့ ကြောက်ရွံ့မှုတွေကို စိတ်ဝင်တစား ကြည့်ရှုရမှာဖြစ်ပါတယ်။
Rating အနေနဲ့ IMDb မှာ 6/10, Rotten Tomatoes မှာ 79% ရရှိထားပါတယ်။
(အညွှန်းကို Austin မှ ရေးသားထားပါတယ်)
Credit..
ဇာတ်လမ်းအညွှန်း
07 Nov, 11:04
Way of the Stone 1 ( 2022 )
CM တရုတ်ကားချစ်သူတို့ရေ… ဘဝအမောတွေကို
ဖြေပေးဖို့ ဟာသကားလေး ဘာသာပြန်တင်ဆက်ပေးလိုက်ပါတယ်…
ဒီကားလေးကတော့ ရွာသားလေး မောင်ရှီထုံတစ်ယောက်…
ကိုယ်ခံပညာကို ရူးသွပ်တဲ့ သိုင်းရူးလေး….
ရွာမှာ ဘာလုပ်လုပ် အမြဲ မှန်မနေတဲ့
တစ်လွဲစိန်လေး… အကြောင်းပဲဖြစ်ပါတယ်…
ရွာဖွံ့ဖြိုးတိုးတက်ရေးမှာ ကျောက်သူဌေးဆိုတဲ့ မြို့သူဌေးက
ရင်းနှီးမြှုပ်နှံပါမယ်ဆိုတာကို သူ့ကျေးဇူးနဲ့….
မတော်တဆလေးဖြစ်ခဲ့ပြီး…ကျောက်သူဌေးမှာ
ထိပ်ပြောင်တဲ့ကြားက မရှိရှိတဲ့ ဆံပင်လေးပါ ကုန်တော့မလိုဖြစ်ခဲ့တယ်…
အဲ့ မတော်တဆကြောင့်ပဲ ကျောက်သူဌေးကျန်ခဲ့တဲ့ ပစ္စည်းကို ပြန်ပေးဖို့
ရှီထုံတစ်ယောက် မြို့တက်ဖြစ်ခဲ့တယ်…
ဒီလိုနဲ့ ရွာသားလေး ရှီထုံ မြို့မှာ ဘာတွေထပ်လွဲဦးမှာလဲ…
ကျောက်သူဌေးလက်ထဲကိုရော ပစ္စည်းရောက်အောင်ပေးနိုင်ပါ့မလား…
ရွာသားရှီထုံရဲ့ စွန့်စားခန်းကို CM နဲ့ အတူ ကြည့်လိုက်ရအောင်…
Credit
ဇာတ်လမ်းအညွှန်း
07 Nov, 11:03
The Man Without a Past (2002)
IMDB: 7.6/10
သတ်လတ်ပိုင်းလူတစ်ယောက်ဟာ ရထားစီးလာရင်း မြို့တစ်ခုကိုရောက်တော့ လူဆိုးတွေရဲ့ရိုက်တာခံလိုက်ရပြီး အတိတ်မေ့သွားခဲ့ပါတယ်။ ဒါနဲ့ပဲ အဲ့မြို့ထဲမှာပဲ ယောင်လည်ယောင်လည်နဲ့ ဟိုသောင်တင် ဒီသောင်တင်နဲ့ပဲအကူညီလေးတွေရခဲ့ပါတယ်။
ပြဿနာက သူ့နာမည်ကိုပါမမှတ်မိတဲ့အတွက် နေရာတကာမှာ ပြဿနာဖြစ်ပြီး ဘယ်အလုပ်ရှင်ကမှလည်းမခေါ်ချင်ပါဘူး။ ဒီလိုနဲ့ပဲနာမည်တောင်မမှတ်မိတဲ့ ဒီလူဟာ အတိတ်မေ့နေရင်းဘယ်လိုရုန်းကန်ရမလဲဆိုတာကိုကြည့်ရှု့ရမှာပဲဖြစ်ပါတယ်။
IMDb အနေနဲ့လည်း 7.6 တောင်ရထားပြီး Rotten Tomatoes မှာလည်း 87% ထိရထားတဲ့ Finland ကားကောင်းလေးတစ်ကားဖြစ်ပါတယ်
Credit..
ဇာတ်လမ်းအညွှန်း
07 Nov, 11:00
Angithee 3 (2023)
IMDB: 8.0
ကူနယ်နဲ့ ရီဗာတို့ဟာ အခုမှ လက်ထပ်ပြီးခါစ ကြင်စဦးဇနီးမောင်နှံပေါ့။
သူတို့ဟာ မင်္ဂလာဆောင်အပြီး ကူနယ့်မွေးရပ်မြေအိမ်လေးကို
ဟန်နီးမွန်းခရီးအနေနဲ့ ပြန်လာခဲ့ကြပါတယ်။

ကူနယ့်မှာတော့ အမေပဲ ရှိတော့တာဖြစ်ပြီးတော့ အပန်းဖြေစခန်းလေး ဖွင့်ထားပါတယ်။
ကူနယ်တို့အိမ်မှာတော့ သူ့အမေကို ကူညီလုပ်ခိုင်းပေးနေတဲ့
သူတို့အိမ်က ကားမောင်းသမားကြီးရဲ့သမီးဖြစ်သူ ချန်ဒါနဲ့ အပန်းဖြေစခန်းကို
ကူနယ့်ကိုယ်စား စီမံအုပ်ချုပ်ပေးနေတဲ့ သူငယ်ချင်းဖြစ်သူ ဆာမာတို့ နေကြပါတယ်။
ချန်ဒါဆိုတာကလည်း ကူနယ့်ကို ငယ်ငယ်လေးကတည်းက ချစ်ခင်ခဲ့သူဖြစ်ပြီး ခေါ်တာတောင် အစ်ကိုလေးလို့ပဲ ခေါ်သူပါ။
ဒီလိုနဲ့ အချိန်အတော်ကြာ မတွေ့ရတဲ့သားလေး ပြန်လာမှာကို အိမ်ကနေ စိတ်လှုပ်ရှားစွာ
စောင့်နေတဲ့ ကူနယ်ရဲ့ အမေ၊ မထင်မှတ်ဘဲ ကူနယ်တို့ ကားမတော်တဆဖြစ်တဲ့
သတင်းလည်းကြားရော အဲဒီအချိန်မှာပဲ ကံကြမ္မာဆိုးတွေ စတင်ခဲ့ပါတော့တယ်။
ချွေးမဖြစ်သူက အများကြီးမထိခိုက်ပေမယ့် ကူနယ်ကတော့ ကားမတော်တဆဖြစ်မှုကနေ
ကျောရိုးထိခိုက်ပြီး တစ်သက်လုံးလမ်းမလျှောက်နိုင်တော့ပါဘူး။
ဒီလိုနဲ့ ကြင်စဦးလင်မယားနှစ်ယောက် ရှေ့ဆက် ဘယ်လို စခန်းသွားကြမလဲ …….
အမေ, ချန်ဒါနဲ့ ဆာမာတို့ကရော ကူနယ့်အပေါ်မှာ ဘယ်လိုတွေ
ဖြည့်စည်းလုပ်ကိုင်ပေးသွားမလဲ ဆိုတာကို ကြည့်ရှုရမယ့် ဇာတ်ကားကောင်းလေးဖြစ်ပါတယ်။
(အညွှန်းနဲ့ ဘာသာပြန်ကတော့ CM Bollywood Teamပဲဖြစ်ပါတယ်)
Credit
IMDB: 8.0
ကူနယ်နဲ့ ရီဗာတို့ဟာ အခုမှ လက်ထပ်ပြီးခါစ ကြင်စဦးဇနီးမောင်နှံပေါ့။
သူတို့ဟာ မင်္ဂလာဆောင်အပြီး ကူနယ့်မွေးရပ်မြေအိမ်လေးကို
ဟန်နီးမွန်းခရီးအနေနဲ့ ပြန်လာခဲ့ကြပါတယ်။

ကူနယ့်မှာတော့ အမေပဲ ရှိတော့တာဖြစ်ပြီးတော့ အပန်းဖြေစခန်းလေး ဖွင့်ထားပါတယ်။
ကူနယ်တို့အိမ်မှာတော့ သူ့အမေကို ကူညီလုပ်ခိုင်းပေးနေတဲ့
သူတို့အိမ်က ကားမောင်းသမားကြီးရဲ့သမီးဖြစ်သူ ချန်ဒါနဲ့ အပန်းဖြေစခန်းကို
ကူနယ့်ကိုယ်စား စီမံအုပ်ချုပ်ပေးနေတဲ့ သူငယ်ချင်းဖြစ်သူ ဆာမာတို့ နေကြပါတယ်။
ချန်ဒါဆိုတာကလည်း ကူနယ့်ကို ငယ်ငယ်လေးကတည်းက ချစ်ခင်ခဲ့သူဖြစ်ပြီး ခေါ်တာတောင် အစ်ကိုလေးလို့ပဲ ခေါ်သူပါ။
ဒီလိုနဲ့ အချိန်အတော်ကြာ မတွေ့ရတဲ့သားလေး ပြန်လာမှာကို အိမ်ကနေ စိတ်လှုပ်ရှားစွာ
စောင့်နေတဲ့ ကူနယ်ရဲ့ အမေ၊ မထင်မှတ်ဘဲ ကူနယ်တို့ ကားမတော်တဆဖြစ်တဲ့
သတင်းလည်းကြားရော အဲဒီအချိန်မှာပဲ ကံကြမ္မာဆိုးတွေ စတင်ခဲ့ပါတော့တယ်။
ချွေးမဖြစ်သူက အများကြီးမထိခိုက်ပေမယ့် ကူနယ်ကတော့ ကားမတော်တဆဖြစ်မှုကနေ
ကျောရိုးထိခိုက်ပြီး တစ်သက်လုံးလမ်းမလျှောက်နိုင်တော့ပါဘူး။
ဒီလိုနဲ့ ကြင်စဦးလင်မယားနှစ်ယောက် ရှေ့ဆက် ဘယ်လို စခန်းသွားကြမလဲ …….
အမေ, ချန်ဒါနဲ့ ဆာမာတို့ကရော ကူနယ့်အပေါ်မှာ ဘယ်လိုတွေ
ဖြည့်စည်းလုပ်ကိုင်ပေးသွားမလဲ ဆိုတာကို ကြည့်ရှုရမယ့် ဇာတ်ကားကောင်းလေးဖြစ်ပါတယ်။
(အညွှန်းနဲ့ ဘာသာပြန်ကတော့ CM Bollywood Teamပဲဖြစ်ပါတယ်)
Credit
ဇာတ်လမ်းအညွှန်း
07 Nov, 11:00
The Funeral (2023)
စီမယ် လို့ အမည်ရတဲ့ သူတယောက် သူရဲ့အလုပ်က နာရေးကားမောင်းရတဲ့အလုပ်ပါ
တရက်မှာ သူ့ကို ကလေးမလေး အလောင်းကို သယ်ပေးဖို အကူအညီတောင်းခံရတဲ့အခါ …..
သယ်ပေးဖို သဘောတူလိုက်ပြီး ကားမောင်းနေစဉ် ကားနောက်ခန်းထဲက ပုံမှန်မဟုတ်တဲ့ အသံကို ကြားလိုက်ရတဲ့ အခါမှာတော့..
(အညွှန်းနဲ့ဘာသာပြန်ကတော့ Dar Dar ဖြစ်ပါတယ်။)
Credit
ဇာတ်လမ်းအညွှန်း
07 Nov, 10:59
72 hours (2024)
ဒီတစ်ခါတော့ action ကားကိုမှ ဇာတ်လမ်းကောင်းကောင်းလေးနဲ့ ကြည့်ချင်တဲ့ ပရိတ်သတ်တွေအတွက် 72 hours ဆိုတဲ့ ဇာတ်ကားကောင်းလေးနဲ့ မိတ်ဆက်ပေးချင်ပါတယ်။
ဇာတ်လမ်းအကျဉ်းလေးကိုပြောပြရရင်တော့ ဆပ်ဘတ်ရှန် နဲ့ အဲလက်ဇ် ဆိုတဲ့ ညီအစ်ကိုနှစ်ယောက်က ဥပဒေရဲ့ တစ်ဖက်တစ်ခြမ်းဆီကနေ အသက်မွေးဝမ်းကြောင်းပြုနေကြတာပါ။ အစ်ကိုဖြစ်သူက FBI ရဲ့ အေးဂျင့်တစ်ဦးဖြစ်ပေမယ့် ညီဖြစ်သူ အဲလက်ဇ် ကတော့ မိသားစုအတွက် လိုအပ်ချက်မရှိအောင် ထောက်ပံ့နိုင်ဖို့ မှောင်ခိုဂိုဏ်းမှာအလုပ်လုပ်နေရတာပါ။ အဲ့လိုနဲ့ သူတို့ညီကိုနှစ်ယောက်ရဲ့ ပက်သတ်မှုကိုသိသွားပြီး FBI နဲ့ ပက်သတ်ဆက်နွယ်နေတယ်လို့ အထင်မှားတာကြောင့် အဲလက်ဇ်ရဲ့သမီးဖြစ်သူကို ဂိုဏ်းဘက်ကနေ ပြန်ပေးဆွဲပြီး FBI က သိမ်းသွားတဲ့ သူတို့ရဲ့ USB drive နဲ့ 72 နာရီအတွင်း ပြန်လာလဲဖို့ အဲလက်ဇ် ကိုစေခိုင်းခဲ့ပါတယ်။
ဒီလိုနဲ့ အဲလက်ဇ် တစ်ယောက် အစ်ကိုဖြစ်သူနဲ့အတူ တရားဥပဒေလမ်းကြောင်းကမဟုတ်ပဲ အပြင်ကထူးချွန်တဲ့ အေးဂျင့်တွေနဲ့အတူပူးပေါင်းရင်း 72 နာရီအတွင်း သမီးဖြစ်သူကို ပြန်ကယ်နိုင်ဖို့ အစီအစဉ်တွေချကြပုံတွေကို အက်ရှင်ဇာတ်ကွက်ကောင်းကောင်းလေးတွေကြားက ကြည့်ရှုရမှာပါပဲ။
Review and Translated By YOON
Encoded By N.A.S
Credit
ဇာတ်လမ်းအညွှန်း
06 Nov, 12:13
The Quest (1996)
အရှေ့တောင်အာရှတောနက်တစ်ခုထဲမှာ တစ်ကမ္ဘာလုံးက ကိုယ်ခံပညာအသီးသီးရဲ့ အကျော်အမော်တွေကို တိတ်တဆိတ်ဖိတ်ခေါ်ကာ ပြိုင်ပွဲလက်ခံကျင်းပနေတဲ့ ပျောက်ဆုံးမြို့တော်လေးတစ်မြို့ ရှိနေပါတယ်။
အနိုင်ရရှိသူဟာ ရွှေအတိသွန်းလောင်းထားတဲ့ နဂါးရုပ်ထုကြီးကို လက်ဝယ်ရရှိပိုင်ဆိုင်ရမှာပါ။
ပြိုင်ပွဲအမည်ကဂန်ဂန့်ဖြစ်ပြီးတော့ …. ဒီပြိုင်ပွဲကို အမေရိကားမှာ လူရွှင်တော်လုပ်စားနေတဲ့ ဗန်ဒိန်းတစ်ယောက် ပြန်ပေးဆွဲ ကျွန်ပြုခံရရင်းက ဒီ ဂန်ဂန့်ပြိုင်ပွဲကြီးမှာ ဘယ်လိုပါဝင်ယှဉ်ပြိုင်ဖြစ်ခဲ့သလဲဆိုတာကို ကြည့်ရှုရမှာပဲဖြစ်ပါတယ် …
မွေ့ထိုင်းနဲ့ပက်သက်တဲ့ ရုပ်ရှင်ကားဖြစ်ပြီးတော့ သိုင်းပေါင်းစုံရဲ့ ကစားကွက်တွေကိုလည်း ကြည့်ရှုရမှာပဲဖြစ်ပါတယ်
( ဘာသာပြန်ပြီး အညွှန်းရေးသားထားသူကတော့ Tun Aung Kyaw ပါ )
Credit
ဇာတ်လမ်းအညွှန်း
06 Nov, 12:12
Way of the Stone 2 ( 2024 )
ကွန်ဖူးဝါသနာရှင်တစ်ယောက်ဖြစ်တဲ့ရှီထိုရဲ့ အရှေ့မြောက်ပိုင်းရွာလေးကနေပြီး
တောင်ပိုင်းစွန်းက ပင်လယ်ကမ်းခြေစန်းယအထိသွားပြီး
သူရဲ့ကွန်ဖူးအိပ်မက်ကိုအကောင်အထည်ဖော်တဲ့ဟာသဇာတ်လမ်းလေးဖြစ်ပါတယ်။
ဂျက်ကီချန်းလို အောင်မြင်တဲ့ကြယ်ပွင့်ကြီးဖြစ်ချင်အိပ်မက်၊ စတီဗင်ချောင်လို
အောက်ခြေကစခဲ့ပြီး အောင်မြင်လာနိုင်တယ်ဆိုတဲ့မျှော်လင့်ချက်တွေ
တစ်ပွေ့တစ်ပိုက်နဲ့ ရှီထိုတို့သူငယ်ချင်း(၂)ယောက်ဟာ
တရုတ်ပြည်မြောက်ဖျားကနေ တောင်စွန်းထိစွန့်စားပြီးရောက်လာခဲ့ကြတယ်။
မထင်မှတ်ပဲ ဇာတ်ဆောင်မင်းသမီးရဲ့အိတ်လုခံရတာကို ပြန်ယူပေးခဲ့မိပြီး
ရင်းနီးသွားခဲ့ကြတယ်။ အဲဒီအချိန်မှာမင်းသမီးကိုကြိုက်နေတဲ့
သူဌေးတစ်ယောက်က ရှီထိုတို့ကိုမနာလိုဖြစ်ပြီး မကောင်းလိုက်ကြံတော့တာပေါ့။
သူဌေးကြီးရဲ့ယုတ်မာမှုတွေကိုသည်းခံနိုင်ပါ့မလား။အလွဲလွဲအချော်ချော်တွေကြားမှာ
ရွာသား၂ယောက်ရဲ့အိပ်မက်ကိုဘယ်လိုများ
အကောင်အထည်ဖော်ကြမလဲဆိုတာကို ရယ်ရယ်မောမောခံစားကြည့်လိုက်ပါနော်။
Credit
ဇာတ်လမ်းအညွှန်း
03 Nov, 09:16
Cold Eyes (2013)
ဇာတ်ကားအစကနေအဆုံးအထိဇာတ်ရှိန်ကောင်းကောင်းနဲ့ခေါ်သွားမယ့်ကားကိုကြည့်ချင်ပါသလား…
ဒီကားကိုကြည့်လိုက်ပါ လုံးဝအာမခံပါတယ်။ IMDB rating 7.1ရထားတဲ့ကားလေးပါ။
အဓိကပါဝင်ထားသူတွေကတော့ ကိုရီးယားနိုင်ငံရဲ့နာမည်ကြီးသရုပ်ဆောင် woo sung jung…
မင်းသမီးချောလေးကတော့ Hyo Joo Han နဲ့ ဝါရင့်သရုပ်ဆောင် Kyung gu Sol တို့ဖြစ်ပါတယ်။
ဇာတ်လမ်းအကျဉ်း
————–
ဇာတ်လမ်းအစမှာ ဘဏ်ကိုဓားပြတိုက်တဲ့အခန်းက တဖြည်းဖြည်းဇာတ်ရှိန်မြှင့်အောင်ခေါ်သွားမှာပါ…
ဘဏ်ကိုဓားပြတိုက်ထဲမှာပါတဲ့သူတစ်ယောက်ကို ကင်မရာကတွေ့လိုက်ပြီး မှုခင်းစုံစမ်းစစ်ဆေးရေးက..
ခေါင်းဆောင်ဝမ်နဲ့ သူ့လူတွေကမြို့ထဲမှာရက်တော်တော်ကြာအောင်လိုက်ရှာပြီး တရားခံတွေ့သွားတယ်။
တွေ့သွားတော့တရားခံရဲ့တိုက်ခန်းမှာ ကင်မရာတွေတပ်၊ စောင့်ကြည့်ပြီးတရားခံအားလုံးရဲ့ခေါင်းဆောင်ကို..
အမိဖမ်းဖို့လိုက်စုံးစမ်းပါတော့တယ်။ ခေါင်းဆောင်ဝမ်တို့က ထောက်လှမ်းရေးသာလုပ်ရတဲ့အတွက်…
ရန်သူခေါင်းဆောင်ကိုတွေ့ပေမယ်ဖမ်းလို့မရဘူးပေါ့။ ရန်သူဘက်ကလည်းတိကျစေ့စပ်လှပါတယ်။
တစ်ဖက်က ဦးဆောင်သူက နောက်ဆုံးအလုပ်ကိုလက်ခံပြီး..ကိုရီးယားကနေထွက်ပြေးတော့မဲ့အချိန်..
ကံမကောင်းအကြောင်းမလှဘဲ သူ့အလုပ်ပေါက်ကြားပြီးနောက်ဆုံးမှာဖမ်းမိသွားပါတော့တယ်။
ရန်သူဘက်ကဗျူဟာတွေနဲ့ ရဲဘက်ထောက်လှမ်းရေးဗျူဟာတွေကို ကြည့်ရှုခံရမယ့်ကားကောင်းလေးမို့…
အက်ရှင်ကြိုက် ပရိသတ်တွေအတွက် ဒီဇာတ်ကားလေးကို တင်ဆက်ပေးလိုက်ပါတယ်။
(ဇာတ်လမ်းအညွှန်းနဲ့ဘာသာပြန်သူကတော့ ကိုတင်မျိုးလွင်ပါ)
Credit
ဇာတ်လမ်းအညွှန်း
03 Nov, 09:15
Salt Lake Project ( 2024 )
MV တစ်ပုဒ်လိုလှတဲ့ ရှုခင်းတွေနဲ့ စိတ်လှုပ်ရှားစရာ ဟာသမှုခင်းဇာတ်လမ်းကို
ရှာနေတယ်ဆိုရင် ဒီရုပ်ရှင်လေးကို ကြည့်ဖို့ ညွှန်းပါရစေ။ ဇာတ်လမ်းအကျဉ်းလေးကတော့-
လွန်ခဲ့တဲ့ ၂ နှစ်က မူးယစ်ဖမ်းဆီးရဲမေ ရှောင်ယွီဟာ တာဝန်ထမ်းဆောင်နေချိန်မှာ
မူးယစ်ဂိုဏ်းအဖွဲ့ရဲ့ သတ်ဖြတ်ခြင်းကို ခံခဲ့ရပါတယ်။ အဲဒီအချိန်ကစ
သူ့ရဲ့ချစ်သူ လောင်ရှန့်ဟာ ရူးသွားခဲ့ပြီး ခြေဦးတည့်ရာထွက်ခဲ့ပြီးနောက်
အနောက်မြောက်ဘက်ကို ရောက်လာခဲ့ပြီး ဦးလေးယင်တို့အဖွဲ့နဲ့အတူ နေထိုင်နေပါတယ်။
တစ်နေ့မှာ ဦးလေးယင်တို့အဖွဲ့က မူးယစ်အဖွဲ့နဲ့ အပေးအယူလုပ်ဖို့ လောင်ရှန့်ကို သွားခိုင်းပါတယ်။
လောင်ရှန့်နဲ့ အပေးအယူလုပ်ဖို့ ရောက်လာတဲ့လူကတော့
ယွမ် ၂ သောင်းနဲ့ ပစ္စည်းပို့ခိုင်းလို့ ရောက်လာတဲ့ မှောင်ခိုကားဆရာ လျိုလုပဲဖြစ်ပါတယ်။
အပေးအယူလုပ်မဲ့အချိန်မှာ လောင်ရှန့်တစ်ယောက် အရူးဖောက်ပြီး ပိုက်ဆံအိတ်ကို
ယူပြေးတဲ့အခါ ဦးလေးယင်တို့အဖွဲ့ကလည်း အလိမ်ခံရတဲ့ ခံပြင်းစိတ်နဲ့
အနောက်က လိုက်ဖမ်းပါတော့တယ်။ သူတို့တွေ ခရီးလမ်းတစ်လျှောက်မှာ
ဘယ်လို အလွဲမျိုးတွေနဲ့ ကြုံကြရမလဲ ဆိုတာကို ရုပ်ရှင်ကို ဆက်ပြီးကြည့်ရှုခံစားလိုက်ရအောင်နော်။
Credit
ဇာတ်လမ်းအညွှန်း
03 Nov, 09:14
Frankie Freako (2024)
ဒီဇာတ်ကားလေးကတော့ Goosebumps တို့ Chucky တို့လိုမျိုး
လက်ထိုးအရုပ်တွေကိုသုံးပြီးတော့ ရိုက်ကူးထားတဲ့ Horror
ဆန်ဆန် ဇာတ်ကားတစ်ကားဖြစ်ပါတယ်။
အဓိကသရုပ်ဆောင်တွေအဖြစ် Kristy Wordsworth,
Colin Cunningham, Rob Schrab တို့က ပါဝင်ပေးထားပြီးတော့
ဒါရိုက်တာ Steven Kostenski က ဦးဆောင်ရိုက်ကူးပေး
ထားပါတယ်။
ဇာတ်လမ်းအကျဉ်းကို ပြောပြရရင်တော့ သာမန်ပျင်းစရာ
ရုံးဝန်ထမ်းဘဝမှာ ပျော်ရွှင်နေတဲ့ Conner ရဲ့ဘဝထဲကို
မှင်စာလိုမကောင်းဆိုးဝါးကောင်လေးတွေ ရောက်လာပြီးတော့
သူ့ပိုင်ဆိုင်မှုအားလုံးကို ဖျက်ဆီးဖို့ကြိုးစားပါတယ်။ ဒါပေမယ့်
အဲဒီမကောင်းဆိုးဝါးလေးတွေမှာလည်း သူတို့ရဲ့အကြောင်းအရင်း
တစ်ခုရှိနေခဲ့ပါတယ်။
အဲဒီအကြောင်းအရင်းက ဘာဖြစ်မလဲ၊ ဘာဖြစ်လို့ Conner ဆီကို
ရောက်လာရတာလဲဆိုတာတွေကို ဇာတ်ကားထဲမှာ ကိုယ်တိုင်
ခံစားလိုက်ပါ။ Low budget movie ဆိုပေမယ့် IMDb မှာ
rating 5.9/10, Rotten Tomato မှာ rating 89% အထိ
ရရှိထားပါတယ်။ Horror genre ဆိုပေမယ့် သိပ်ကြောက်ဖို့
မကောင်းပဲ ပေါ့ပေါ့ပါးပါးလေးနဲ့ ကြည့်လို့ကောင်းတဲ့
ဇာတ်ကားတစ်ကားဖြစ်ပါတယ်။
Credit
ဇာတ်လမ်းအညွှန်း
03 Nov, 09:13
Yudhra (2024)
ဒီဇာတ်ကားကတော့ ၂၀၂၄ ခုနှစ်ထွက်
ဟင်ဒီစကားပြော Action Thriller
အမျိုးအစားဖြစ်ပြီး IMDb 6/10 ရရှိထားပါတယ်။
ဇာတ်ကားအကျဉ်းကတော့-
ရဲဌာနရဲ့ အတော်ဆုံးအရာရှိနဲ့ သူ့ဇနီးသည်ဟာ ပါတီပွဲကအပြန်မှာ
မတော်တဆလား တမင်သက်သက်လားဆိုတာမသိတဲ့
ကားအက်စီဒန့်တစ်ခုဖြစ်ပွားခဲ့ပြီး သေဆုံးသွားကြပါတယ်။
ကိုယ်ဝန်နေ့စေ့လစေ့နဲ့မိခင်သေဆုံးသွားပေမယ့် ယုဒရာလေးကိုတော့
ဗိုက်ထဲကခွဲထုတ်ပြီးကယ်တင်နိုင်ခဲ့ပါတယ်။
မမွေးခင်ကတည်းက မိဘမဲ့ဖြစ်သွားခဲ့တဲ့
ယုဒရာလေးကိုတော့ သူ့အဖေရဲ့မိတ်ဆွေတို့က
သားလေးတစ်ယောက်လိုမွေးစားခဲ့တယ်။
ယုဒရာလေးဟာ မိဘမဲ့ဖြစ်တာရော ၊ သူ့ရဲ့မွေးဖွားလာပုံတို့ကြောင့်ရော
စိတ်မထိန်းနိုင်ဘဲ ရန်လိုတဲ့ ဒေါသအိုးလေးအဖြစ်ကြီးပြင်းလာခဲ့ပါတယ်။
ကျောင်းသားလေးဘဝမှာကတည်းက သူ့ရဲ့ပုတ်သင်ညိုကိုသတ်ပစ်တဲ့
ကောင်လေးကို ပြန်သတ်ဖို့လုပ်တာကြောင့် ကျောင်းထုတ်ခံလိုက်ရပြီး
ကြီးပြင်းလာတာနဲ့အမျှ ဆိုင်ကယ်ပြိုင်မောင်းတာလိုမျိုး
အန္တရာယ်နဲ့ကစားရတဲ့အရသာတွေကို ခုံမင်တဲ့လူဆိုးလေးဖြစ်လာပါတော့တယ်။
အဲဒါကြောင့် သူ့မွေးစားအဖေတွေက မီးနဲ့ကစားရမှ
ရင်ခုန်တတ်တဲ့သူ့ရဲ့စိတ်ဓာတ်ကို လမ်းကြောင်းမှန်ပေါ်တင်ပေးဖို့အတွက်
အမျိုးသားအရာရှိလေ့ကျင့်ရေးကျောင်းကို ပို့လိုက်ပါတယ်။
အဲဒီနောက်မှာတော့ ယုဒရာတစ်ယောက် ထိပ်သီးလူဆိုးဂိုဏ်းတွေနဲ့ ဘယ်လိုအပြိုင်ကြဲမလဲ ၊
မိဘတွေသေဆုံးမှုကိုရော ဖော်ထုတ်ပြီး လက်စားချေနိုင်မလားဆိုတာတွေကို
အသတ်အပုတ် အက်ရှင်ခန်းများများနဲ့ ကြည့်ရှုနိုင်မှာဖြစ်ပြီး တခြားပေါကားတွေလိုမဟုတ်ဘဲ
သေသေသပ်သပ်ဖြစ်လာတဲ့ဇာတ်ကွက်တွေကြောင့် ကြည့်ရကျိုးနပ်မယ့်
ဇာတ်ကားတစ်ခုအနေနဲ့ ဘာသာပြန်တင်ဆက်ပေးလိုက်ပါတယ်ဗျ။
( ဘာသာပြန်နဲ့အညွှန်းကတော့ CM Bollywood Team မှပဲဖြစ်ပါတယ် )
Credit
ဇာတ်လမ်းအညွှန်း
03 Nov, 09:12
Braddock: Missing in Action III (1988)
Missing in Action Trilogy ရဲ့နောက်ဆုံးကားဖြစ်ပြီး MIA II ရဲ့ Sequel ရုပ်ရှင်ဖြစ်ပါတယ်။
ထုံးစံအတိုင်း အတော်လေးကိုကြည့်လို့ကောင်းတဲ့ ရုပ်ရှင်တစ်ကားဖြစ်ပြီး အက်ရှင် ပြကွက်မျိုးစုံကိုခံစားမိမှာဖြစ်ပါတယ်။
ဇာတ်ညွှန်း
ကာနယ် ဂျိမ်းစ်ဘရက်ဒေါ့ခ် ဟာ စစ်ပွဲကြီးအပြီး ၁၉၇၅ ခုနှစ်မှာ အမေရိကန်နိုင်ငံသို့ပြန်လာခဲ့ပါတယ်။
သူဟာ စစ်ပွဲထဲမှာ အမေရိကန်သံရုံးမှာအလုပ်လုပ်နေတဲ့ ဗီယက်နမ်မလေး လင်းနဲ့ ချစ်ကျွမ်းဝင်ခဲ့ပြီး လက်ထပ်ထိမ်းမြားနိုင်ခဲ့ပါတယ်။
သို့သော်လည်း ကံမကောင်းစွာနဲ့ လင်းကတော့အသက်ရှင်လျက်နဲ့ ဗီယက်နမ်ကနေမထွက်နိုင်ခဲ့ပါဘူး။
ဒါကတော့ ဘရက်ဒေါ့ခ်ရဲ့အမြင်ပေါ့လေ။
တစ်ရက်မှာတော့ ဖာသာကြီးတစ်ယောက်ရောက်လာပြီး ဘရက်ဒေါ့ဒ်ကို သူ့မိန်းမ လင်း မသေသေးကြောင်းနှင့်
ကလေးတစ်ယောက်ပါရှိနေကြောင်းလာပြောခဲ့ပါတယ်။
ဒါပေမယ့် မျက်စိနှင့်တပ်အပ်မြင်ခဲ့တဲ့ ဘရက်ဒေါ့ခ် ဟာ အဆိုပါအကြောင်းအရာကိုယုံကြည်ခြင်းမရှိခဲ့ပဲ ဖာသာကြီးကိုမောင်းထုတ်ခဲ့ပါတယ်။
သို့သော်လည်း သိပ်မကြာခင်မှာ အမှန်တရားကိုသိရှိသွားခဲ့ပြီး ဘရက်ဒေါ့ခ်ဟာ ဗီယက်နမ်ကို တရားမဝင်ပြန်ဝင်လာပြီး
မိန်းမနဲ့ သားလေးကို ကယ်တင်ဖို့ကြိုးစားပါတော့တယ်။
ဘယ်လိုမျိုး အတားအဆီးတွေနဲ့ ကြုံရမယ် ဘယ်လိုကြမ်းမလဲဆိုတာကို တော့ကိုယ်တိုင်ပဲ ခံစားကြည့်လိုက်ကြပါ။
Credit
ဇာတ်လမ်းအညွှန်း
03 Nov, 09:11
Firecracker (2024)
ဓားပြတိုက်မှုတစ်ခု မှားယွင်းစွာဖြစ်သွားတဲ့အခါမှာ
မီးပုံပွဲညမှာအိမ်ထဲမှာ ပိတ်မိနေတဲ့ လူသုံးယောက်ဘာဆက်ဖြစ်မလဲဆိုတာ….
မတ်တေဒါဝက်ဆန်လို့ခေါ်တဲ့ ရှပ်ပြာနိုင်ပြီး အလုပ်သေချာမကျွမ်းတဲ့
အိမ်ပွဲစားပေါက်စမလေးတစ်ယောက်က တစ်ရက်မှာတော့
ရာဇဝတ်မှုဖြစ်ထားပြီး ဈေးကွက်ထဲကို မကြာခင်ကမှ
ပြန်ရောက်လာတဲ့ အိမ်ကိုလိုက်ပြဖို့ ဖြစ်လာပါတော့တယ်။
ဖြစ်ချင်တော့ သူအိမ်ပြပေးရတဲ့အတွဲက အဲ့အိမ်မှာဖြစ်ခဲ့တဲ့
ရာဇဝတ်မှုနဲ့ ပက်သက်တဲ့သူတွေဖြစ်ပြီး
သူတို့ရှာလို့မပြီးသေးတာကို ပြန်ရှာဖို့ရောက်လာကြတဲ့အခါ….
သာမန်အိမ်ပွဲစားမလေးတစ်ယောက်ကနေ ဓားစာခံဖြစ်သွားပြီးနောက်
သူမအသက်ရှင်ဖို့ ဘယ်လိုကြံမလဲဆိုတာ မတ်တေဒါတစ်ယောက်
နောက်ဆုံးမှာ လွတ်မြောက်နိုင်မလား နောက်ကွယ်က
ကြိုးကိုင်နေတာတွေကရော ဘယ်သူတွေလဲဆိုတာ
ရင်ခုန်စွာ ကြည့်ရမှာဖြစ်ပါတယ်။
အက်ရှင်ကားဆိုပေမယ့် မထင်ထားလောက်စရာ plot twist တွေလည်းပါတာမို့
စိတ်ဝင်စားဖို့ကောင်းကောင်းနဲ့ ရုပ်ရှင်နောက်ဆုံးပိုင်းထိ ဆွဲခေါ်သွားနိုင်မှာ အသေအချာပါပဲ
အခုလိုရာသီမှာ ဒီလိုစိတ်လှုပ်ရှားဖို့ကောင်းတဲ့ အက်ရှင်ကားလေးကတော့
ပျင်းဖို့ကောင်းဖို့ကောင်းတဲ့ညဘက်တွေမှာ ကြည့်ဖို့ အသင့်တော်ဆုံးပဲမို့
ကျွန်မတို့ CM ပရိတ်သတ်ကြီးအတွက် တင်ဆက်ပေးလိုက်ရပါတယ်။
Credit
ဇာတ်လမ်းအညွှန်း
03 Nov, 08:52
တင်လက်စ English Series များ (တင်ပြီးတဲ့ series များ) free တင်ပေးနေသော admin ရဲ့ free ချန်နယ်ကို joinထားလိုက်ပါ
English series နှင့် နိုင်ငံတကာ series များကိုလည်း နောက်ထပ်တင်ဖို့ အများကြီးကျန်ပါသေးတယ်ခင်ဗျာ
မူရင်းဇာတ်ကားတင်တဲ့မိန်းချန်နယ်ကိုjoinရန်◀️
English series နှင့် နိုင်ငံတကာ series များကိုလည်း နောက်ထပ်တင်ဖို့ အများကြီးကျန်ပါသေးတယ်ခင်ဗျာ
မူရင်းဇာတ်ကားတင်တဲ့မိန်းချန်နယ်ကိုjoinရန်◀️
ဇာတ်လမ်းအညွှန်း
02 Nov, 09:51
Montage (2013)
IMDB: 7.4/10
လွန်ခဲ့သော ၁၅ နှစ်က ပြန်ပေးဆွဲမှုမှာ သမီးဖြစ်သူကို ဆုံးရှုံးလိုက်ရတဲ့
မိခင်တစ်ဦးဟာ တရားရင်ဆိုင်ရေးကာလ ကုန်ဆုံးသွားပြီလို့ ကြားသိလိုက်ရတဲ့အခါမှာတော့
တရားခံကို ဘယ်တော့မှ အပြစ်မပေးနိုင်တော့ဘူးဆိုတဲ့စိတ်ကြောင့်
အရှင်လတ်လတ်ဝါးမြိုသလို ခံစားခဲ့ရပါတယ်။
ဒီအမှုကို တာဝန်ယူထားတဲ့ စုံထောက်ချွဲဟာလည်း
မိခင်တစ်ဦးရဲ့ သောကနဲ့အတူ မိမိရဲ့ အင်အားမဲ့မှုကိုပါ ရင်ဆိုင်ရတဲ့အခါ
လိပ်ပြာမလုံတဲ့စိတ်ကြောင့် အလုပ်ထွက်သွားခဲ့တော့တယ် ..
ဒါပေမဲ့ တစ်နေ့မှာ သူတို့နှစ်ဦးအတွက် စိတ်ဓာတ်ဆက်လက်ရှင်သန်ရာ သတင်းတစ်ခုပေါ်လာခဲ့တယ်။
အဲဒီသတင်းကတော့ လွန်ခဲ့တဲ့ ၁၅ နှစ်က အမှုအတိုင်း
တစ်ထေရာတည်း ကျူးလွန်နေတဲ့ ပြန်ပေးဆွဲလူသတ်သမား ပြန်လည်ပေါ်ပေါက်လာခြင်းပါပဲ။
ဒီတစ်ခေါက်တော့ တရားခံကို အလွတ်မပေးဖို့ စိတ်ပိုင်းဖြတ်ထားတဲ့
အမေတစ်ယောက်နဲ့ စုံထောက်တစ်ဦးဟာ
အပြစ်သားဖမ်းဆီးရေးခရီးမှာ ဘယ်လိုအတားအဆီးတွေ ကျော်ဖြတ်ရမလဲ၊
သဲလွန်စတွေကို ဘယ်လိုအဖြေညှိမလဲဆိုတာကို
ရင်တမမနဲ့ စောင့်ကြည့်နေရမှာဖြစ်ပါတယ်။
ကိုရီးယားအနုပညာလောကမှာ လွှမ်းမိုးမှုအရှိဆုံး အမျိုးသမီးတွေထဲကတစ်ယောက်ဖြစ်တဲ့
အဆိုတော်-မင်းသမီး Uhm Jung Hwa နဲ့
ဝါရင့်သရုပ်ဆောင်မင်းသားကြီး Kim Sang Kyung တို့ ခေါင်းဆောင် ပါဝင်ထားတဲ့အပြင်
Bollywood ကတောင် ပြန်ရိုက်ထားတဲ့ ဇာတ်လမ်းဖြစ်တာမို့
ကြည့်ရကျိုးနပ်မယ်ဆိုတာ အာမခံပါတယ်။
(အညွှန်းကို Esther Oo မှ ရေးသားထားပါတယ်)
Credit
ဇာတ်လမ်းအညွှန်း
02 Nov, 09:50
Thangalaan (2024)
ကျိန်စာသင့်ရွှေတွင်း
7.1/10
ကာနာတာကာရဲ့ကိုလာရွှေတွင်းမှာ ရွှေတူးသမားတွေ
တွေ့ကြုံခဲ့ရတာကိုအခြေခံပြီးပြန်လည်ရိုက်ကူးထားတာပါ
Box Office အနေနဲ့လည်း ₹100 crore ထိရရှိထားတဲ့
၂၀၂၄ထွက် ဖြစ်ရပ်မှန်ရုံတင်ကားကောင်းတစ်ကားပဲဖြစ်ပါတယ်
ချစ်မိသွားရင်ဘာမှမမြင်တတ်ကြတဲ့သဘာဝအတိုင်း မိန်းမသည်သာအရာရာဖြစ်နေတဲ့
သန်ဂန်လန် ကလေးတွေဆိုလည်း မိခင်ထက် ဖခင်ကိုပိုချစ်ကြပြီးအဖေ့ရဲ့အိပ်ရာဝင်ပုံပြင်တွေက
သူတို့ရဲ့အိပ်ဆေးပဲပေါ့ မိသားစုတွေဘဝကို အလုပ်လုပ်လိုက် ကြည်နူးလိုက်ဖြစ်နေချိန်မှာ
ရွေတွင်းတူးဖို့အင်္ဂလိပ်အစိုးရက အမိန့်ချမှတ်လိုက်ပါတယ် ဒီရွှေတွင်းရဲ့သမိုင်းကိုပြောရရင်တော့။။။
ပွန်နာမြစ်ဝန်းရံနေတဲ့အာနာမာလိုင်တောင်တစ်လုံး ဆင်နဲ့တူလို့ဒီလိုနာမည်ပေးထားတာဖြစ်ပြီး
ဆင် ကျား ဝက်ဝံရိုင်းတွေရဲ့အသံတွေ ပဲ့တင်သံကြားရတဲ့ထိပေါများပါတယ်
တိုင်းတစ်ပါးကရန်သူတွေကိုချေမှုန်းပြီး မြစ်ကိုဖြတ်သန်းလာတဲ့ဘုရင်က
ဒီမြစ်မှာရွှေတူးသမားတွေနဲ့ဆုံခဲ့တယ် မြစ်ထဲမှာရှာနေတဲ့ရွှေတွေက
လိုအပ်သူသာရဖို့ကျိန်စာသင့်နေပေမဲ့ ဘုရင်ကဒီရွှေကို အပိုင်သိမ်းချင်ခဲ့ပါတယ်
ကျိန်စာသင့်တဲ့အတိုင်း ဘုရင့်လူတွေဆင်းရှာတော့ ဘယ်ရွှေမှမတွေ့ခဲ့ဘူးပေါ့
ဒါပေမဲ့ပွန်နာမြစ်နဲ့မဝေးတဲ့တစ်နေရာမှာ ရွှေအတိဖြစ်နေတဲ့ကျောက်တုံးနဲ့
ရွေမြေတွေကို ကံကောင်းထောက်မစွာနဲ့တွေ့ခဲ့တယ် ဒီရွှေမြေကိုတော့
အာရသီဆိုတဲ့မှော်ဆရာမကစောင့်ရှောက်နေတာပါ တောအုပ်ရဲ့ခေါင်းဆောင်
စိတ်ကိုအလိုရှိသလိုညှို့နိုင်စွမ်းရှိတဲ့သူမ..သူ့ကြောင့်ပဲဒီရွှေတွေကဘေးမသီရန်မခရှိနေခဲ့တာပါ
ဒါပေမဲ့ လောဘသားတွေလက်အောက်မှာကျရှုံးခဲ့ရပြီး သူ့သွေးနဲ့ထိတဲ့
နယ်မြေတိုင်းကိုရွှေအတိဖြစ်စေခဲ့ပြီး ကျိန်စာတွေကလည်းဒီတိုင်းကျန်ရှိနေပြီး
သမိုင်းကြောင်းကတစ်ခန်းရပ်ခဲ့တယ်
မျက်မှောက်ကာလမှာတော့ ဒီရွေတွင်းကိုပြန်တူးဖော်ဖို့အင်္ဂလိပ်အစိုးရက
အမိန့်ချမှတ်လေတော့ သန်ဂန်လန်တို့ရွာသားတွေက
မဖြစ်မနေသွားဖို့အကြောင်းဖန်လာရာကနေ
ဘယ်လိုအခက်အခဲတွေတွေ့ကြုံသွားရမယ်ဆိုတာကိုတော့
ဆက်လက်ကြည့်ရှုလိုက်ပါရှင်
( အညွှန်းကိုတော့ Yunni ကရေးသားပေးထားပြီး ဘာသာပြန်တွေကတော့ Yunni ~ V ~ KKKZ ~ Bluri တို့ပဲဖြစ်ပါတယ် )
Credit
ဇာတ်လမ်းအညွှန်း
02 Nov, 09:49
2001: A Space Odyssey (1968)
****************************
IMDb….8.3, Rotten….92%
ရုပ်ရှင်ဆိုတာ စာအုပ်တွေလိုပဲ ဖျော်ဖြေရေးထက်ပိုတဲ့ အနုပညာရသတစ်ခုကို
ပေးစွမ်းနိုင်တယ်ဆိုတာ လက်ခံပါသလား။

လက်ခံတယ်ဆိုရင်တော့ 2001: A Space Odyssey ကို ကြည့်ဖြစ်အောင်ကြည့်ပြီး
ခံစားကြည့်လိုက်ပါ။ ဒီလိုရုပ်ရှင်မျိုး ရုပ်ရှင်လောကမှာ နောက်တစ်ကားထွက်ရှိလာဖို့ဆိုတာ
မဖြစ်နိုင်တော့ပါဘူးလို့တောင် ရုပ်ရှင်ဝေဖန်ရေးဆရာတွေက ဆိုကြတယ်…
ဒီရုပ်ရှင်ဟာ ကမ္ဘာကျော်ဒါရိုက်တာကြီး Stanley Kubrick ရဲ့ အကောင်းဆုံးရုပ်ရှင်ကားဖြစ်ပြီး
၁၉၆၈ က ပြသခဲ့တဲ့ရုပ်ရှင်လို့တောင် မထင်လောက်အောင် လက်ရာမြောက်လွန်းတဲ့
ရုပ်ရှင်ကားပါ။ နောက်ခံတီးလုံးတွေကအစ ခမ်းနားလွန်းပြီး ဇာတ်ဝင်ခန်းတိုင်းဟာ
ရင်သပ်ရှုမောစရာကောင်းလွန်းပါတယ်။
အဲ့ခေတ် အဲ့အခါက ရုံတင်ပြသခဲ့ရာမှာတော့ အမိုက်စားရိုက်ချက်တွေနဲ့ ၁၉၆၀ ကျော်ကာလမှာ
မမြင်ဖူးသေးတဲ့ ရိုက်ကွင်းအနေအထားတွေကြောင့် ဒီရုပ်ရှင်ဟာ
အထိုက်အလျောက်အောင်မြင်ခဲ့ပေမယ့် ဝေဖန်ရေးဆရာတွေကတော့
ဒီကားဟာ စိတ်ကူးယဉ်အရမ်းဆန်လွန်းတယ်၊
ဘာကိုပြချင်တာလဲ စသဖြင့် အနုတ်သဘောဆောင်တဲ့ ထင်မြင်ချက်တွေပဲ ပေးခဲ့ကြပါတယ်။
ဒါပေမယ့်လည်း အချိန်တွေကြာလာတာနဲ့အမျှ ဒီရုပ်ရှင်က နာမည်မကျသွားတဲ့အပြင်
2001 ရဲ့ဂုဏ်သတင်းဟာ ပိုပိုပြီး ကျော်ကြားလာခဲ့ပါတယ်။
ဆယ်စုနှစ်တွေကုန်ဆုံးသွားလေလေ 2001 ရုပ်ရှင်အကြောင်း၊
Stanley Kubrick အကြောင်း မှတ်တမ်းရုပ်ရှင်၊
ဆောင်းပါးတွေဟာ ပိုပိုများပြားလာလေဖြစ်ပြီး
ဒီရုပ်ရှင်ဟာ အနာဂတ်ဟောစာတမ်းတစ်ခုလို ဖြစ်လာခဲ့ပါတယ်။
လူသားတွေဆီရောက်ရှိလာတဲ့ ကျောက်တိုင်ကြီး ၄ တိုင်ကို ရှာဖွေပုံအကြောင်းနဲ့
ဒီကျောက်တိုင် ၄ တိုင်ရဲ့ ဆက်စပ်မှုအကြောင်းကို ရိုက်ကူးပြထားတာဖြစ်ပြီး
အထင်ရှားဆုံးထူးခြားချက်ကတော့ လကမ္ဘာကို လူတွေမရောက်သေးခင်မှာတင်
လကမ္ဘာကို စိတ်ကူးယဉ်ပုံဖော်ရိုက်ကူးခဲ့တာဖြစ်ပြီး အမေရိကန်အာကာသယာဉ်မှူးတွေ
လပေါ်တကယ်ရောက်ရှိခဲ့ပြီး ပြန်လာတဲ့အခါမှာလည်း
လကမ္ဘာဆိုတာ 2001: A Space Odyssey ထဲကအတိုင်းပါပဲလို့
ပြောသွားရလောက်တဲ့အထိ မှန်ကန်တိကျခဲ့တဲ့ရုပ်ရှင်ကားဖြစ်ပါတယ်။
2001 ဟာ နှစ်ချို့ဝိုင်တစ်ပုလင်းလိုပဲ အချိန်ကြာလေလေ ရုပ်ရှင်ထဲကအချက်အလက်တွေ၊
သီအိုရီတွေက လူတွေနဲ့ ပိုမိုနီးစပ်လာလေ၊ ရင်းနှီးလာလေဖြစ်ပြီး Stanley Kubrick တစ်ယောက်
ဒါကြီးကို ဘယ်လိုများစဉ်းစားမိပါလိမ့် လို့တွေးသွားရလောက်အောင် အံ့သြစေပါလိမ့်မယ်။
၁၉၆၀ က မရောက်သေးတဲ့ လကမ္ဘာအကြောင်း၊ နေအဖွဲ့အစည်းအကြောင်းအပြင်
အဲ့ခေတ်အဲ့အခါက ထွင်ဖို့တောင်မပြောနှင့်၊ စဉ်းတောင်မစဉ်းစားမိသေးတဲ့
A.I (Artificial Intelligence) စနစ်တွေကိုပါ ထည့်သွင်းရိုက်ကူးပြထားပြီး
တကယ်ပဲ ကြက်သီးမွှေးညှင်းထမိစေပါလိမ့်မယ်။
ဒါရိုက်တာကြီးကိုယ်တိုင်က ဒီဇာတ်ကားဟာ သာမန်ရုပ်ရှင်ကြည့်ပရိသတ်အကြိုက်တွေ့မယ့်
ဇာတ်ကားမျိုးမဟုတ်ဘူးလို့ အခိုင်အမာပြောဆိုထားပြီး ကြည့်ရှူသူတစ်ယောက်ကို
အမြင်တစ်မျိုးထွက်လာအောင်လုပ်ထားတဲ့ဇာတ်ကားဖြစ်တဲ့အတွက်
ရုပ်ရှင်ကို ဖျော်ဖြေရေးတစ်ခုအတွက်နဲ့ ကြည့်ရှူနေသူတွေအတွက်တော့ ပျင်းစရာကောင်းပြီး
ဘာရိုက်ပြနေမှန်းမသိပါဘူးလို့ ပြောမိပါလိမ့်မယ်ဆိုတာတော့ ကြိုတင်အသိပေးလိုပါတယ်။
Stanley Kubrick ရဲ့ နှစ်ခါပြန်မရနိုင်တော့တဲ့ 2001 ဇာတ်ကားကြီးကို
အခုပဲ ဒေါင်းလုတ်လုပ်ပြီး ကြည့်ရှူခံစားလိုက်ပါတော့ဗျာ။
(ဇာတ်လမ်းအညွှန်းကိုတော့ အာကာဖြိုးမှရေးသားပေးပြီး ဘာသာပြန်သူကတော့ JtheKoala
ဖြစ်ပါတယ်…)
Credit
ဇာတ်လမ်းအညွှန်း
02 Nov, 09:47
Sattam En Kaiyil (2024)
IMDB: 7.8/10
“တရားမျှတမှု”
အသစ်ထွက်ရှိလာတဲ့ တမီးလ်
မှုခင်းသည်းထိပ်ရင်ဖို
ရုပ်ရှင်လေးကို တင်ဆက်လိုက်ပါတယ်
ရဲစခန်းတစ်ခုမှာ ဘာရှာဆိုတဲ့ နိုင်ထက်စီးနင်းရဲတစ်ယောက်ရှိတယ်
ရိုက်နှက်ဖို့ခိုင်းရတဲ့ ယုတ်မာရိုင်းစိုင်းတဲ့လူ
စကားထစ်တဲ့ ဂိုသန်ဆိုသူက ညဘက်စိတ်ဂနာမငြိမ်ကားမောင်းလာပြီး
အက်ဆီးဒင့်ဖြစ်ရာမှာ ဒီအမှုကိုရှောင်လွှဲဖို့ အရက်သောက်ကားမောင်းအမှုနဲ့ အဖမ်းခံရအောင် လုပ်တယ်
ဘာရှာဆိုတဲ့ရဲကို ပါးရိုက်လိုက်မိလို့ ဘာရှာက သူ့ကိုဒေါသထွက်ပြီး စခန်းကိုခေါ်လာကာ အငြိုးတေးထားတဲ့အချိန်
အနီးဝန်းကျင်မှာ မိန်းကလေးတစ်ယောက် ဆိုးဆိုးရွားရွားအသတ်ခံရတဲ့ အလောင်းတစ်လောင်းပေါ်လာရာမှာ
ဘယ်လိုတွေဆက်ဖြစ်ကြမလဲ ဘယ်လိုတစ်ခုနဲ့တစ်ခု ဆက်စပ်နေမှာလဲ
အိန္ဒိယရဲတွေရဲ့ အကျင့်ပျက်ခြစားမှု၊ တရားမျှတမှုစတဲ့
ရှုထောင့်အလီလီကို ပြထားတဲ့ရုပ်ရှင်လေးမှာ ဆက်လက်ခံစားကြပါဦး
အညွှန်းနဲ့ ဘာသာပြန်ကတော့ V ~ KKKZ ~ Yunni ~ Bluri မှ ဖြစ်ပါတယ်
Credit
ဇာတ်လမ်းအညွှန်း
02 Nov, 09:46
Redemption in Time and Space (2024)
သဘာဝလွန်ဇာတ်ကားတွေကြိုက်တတ်တဲ့ ပရိတ်သတ်ကြီးအတွက် အကြိုက်တွေ့စေမဲ့
ဇာတ်ကားကောင်းလေးတစ်ကားကို CM ကနေတင်ဆက်ပေးလိုက်ပါတယ် ။
ဇာတ်ကားလေးကတော့ သေနတ်တစ်လက်ကအစပြုပြီး
အရင်းနှီးဆုံးလူတွေရဲ့စိတ်ရင်းမှန်တွေကို သိလိုက်ရတဲ့
အဖြစ်အပျက်လေးကိုရိုက်ကူးထားတာပဲဖြစ်ပါတယ် ။
ဇာတ်လမ်းအညွှန်းအနေနဲ့ –
အားကျယ်လို့ခေါ်တဲ့ကောင်လေးက ဒုစရိုက်လောကက ဂိုဏ်းတစ်ခုရဲ့အဖွဲ့ဝင်တစ်ယောက်ပါ ။
ဒါပေမဲ့ သူကသစ္စာရှိပြီး ညီအစ်ကိုသံယောဇဉ်ကိုလည်းအလွန်မှ တန်ဖိုးထားပါတယ် ။
တစ်နေ့မှာတော့ သူတို့ဆိုင်တစ်ဆိုင်ကိုပစ္စည်းဝင်လုဖို့ မစ်ရှင်လုပ်ကြရင်း
မထင်မှတ်ထားဘဲ အဖွဲ့ဝင်အချင်းချင်းပစ်ခတ်မှုတစ်ခုဖြစ်လာပါတော့တယ် ။

အဲဒီအချိန် သူမထင်မှတ်ထားတဲ့ သူ့ညီအစ်ကိုက သူ့အစ်ကိုကြီးကိုပစ်လိုက်တဲ့အခါ
သူ့ကိုယ်သူစိတ်မထိန်းနိုင်ဘဲ သူလည်း အဲဒီညီအစ်ကိုသေနတ်နဲ့ပစ်လိုက်ပါတော့တယ် ။
ဒါပေမဲ့ မထင်မှတ်ထားဘဲ သူကိုယ်တိုင်က သူပစ်လိုက်တဲ့သူရဲ့
ခန္ဓာကိုယ်ထဲဝိညာဉ်ဝင်သွားတဲ့အချိန်မှာတော့….
သူတို့အချင်းချင်းအပြင်မှာအဆင်ပြေသလိုရှိပေမဲ့ စိတ်ထဲမှာဘယ်လို
အကောက်ကြံနေလဲဆိုတာကို ခံစားကြည့်ဖို့အခွင့်အရေးရလာပါတော့တယ် ။
ကဲဇာတ်လမ်းလေးထဲမှာ သူဒီလိုမျိုးသူများကိုယ်ထဲဝင်ခံစားရင်
အချင်းချင်းပစ်ခတ်ကြတဲ့ကိစ္စကို ဘယ်လိုဖြေရှင်းမလဲဆိုတာကို
စိတ်ဝင်စားစွာနဲ့အဆူံးထိစောင့်ကြည့်ပေးကြပါအုံးနော်။
Credit
ဇာတ်လမ်းအညွှန်း
02 Nov, 09:45
Lampir (2024)
IMDb Rating (6.2)
အင်ဒိုနီးရှားဟော်ရာကားတွေ တော်တော်ကြမ်းတာ အားလုံးသိကြမှာပါ။
ဒီနှစ်အသစ်ထွက်တဲ့ အင်ဒိုနီးရှား သဘာဝလွန်ဟော်ရာကားကလည်း ဒီစံချိန်ကို မဖျက်ဆီးခဲ့ဘူးလို့ ပြောရပါမယ်။
သူတို့ရိုးရာက တစ္ဆေတွေကိုသုံးပြီး စိတ်ဝင်စားစရာကောင်းအောင် ရိုက်ပြနိုင်ခဲ့တဲ့ အင်ဒိုနီးရှားပြာ
ဒီတစ်ခါဟာ လမ်ပြာဆိုတဲ့ သူတို့ရိုးရာက သရဲတစ်ကောင်ကိုသုံးပြီး ခပ်လန်းလန်း သရဲကားတစ်ကားထပ်ရိုက်ပြလိုက်ပြန်ပါပြီ။
ဇာတ်ကတော့ ၁၉၀၀ပြည့်နှစ်ဝန်းကျင်လောက်က စံအိမ်ကြီးတစ်ခုမှာစတယ်။
အင်မတန်ကုံလုံကြွယ်ဝတဲ့ ဒီအိမ်ကြီးရဲ့အရှင်ရဲ့ အိမ်သူကလည်း အိမ်ကြီးနဲ့လိုက်ဖက်အောင် သိပ်လှတဲ့အမျိုးသမီးပေါ့။
ဒီအမျိုးသမီးကို သူ့ယောက်ျားနဲ့ လူတစ်အုပ်က မီးရှို့ပြီးသတ်ဖို့လုပ်ကြတယ်။
မီးရှို့လိုက်တဲ့အချိန်မှာ အိမ်ကြီးရှင်သိလိုက်ရတာက ဒီအမျိုးသမီးဟာ သူ့မိန်းမမဟုတ်တော့ဘဲ သူ့မိန်းမကိုယ်ထဲဝင်နေတဲ့ လမ်ပြာဆိုတဲ့ နတ်ဆိုးတစ်ကောင်ဖြစ်နေတယ်ဆိုတာပါပဲ။
ဒါပေမဲ့ သူတို့ဒီနတ်ဆိုးကို မနှိမ်နှင်းခဲ့ပါဘူး။ ဒီနောက် ဒီဘက်ခေတ်က သိပ်လှတဲ့ မိန်းကလေးတစ်ယောက်ရဲ့ မင်္ဂလာပွဲမှာ ဒီဇာတ်ကို ပြန်စထားတယ်။
ဘာတွေဆက်ဖြစ်မလဲက အားလုံးအတွက် သိသာသလိုလို မသိသာသလိုလိုပဲမဟုတ်လား။
ဒါပေမဲ့လည်း အဆုံးထိစိတ်ဝင်စားစရာကောင်းတုန်းပါပဲ။
ဒါကိုကလည်း အင်ဒိုသရဲဟော်ရာကားတွေရဲ့အထာပါပဲ။ ကြည့်ကောင်းကြမှာပါ။
(အညွှန်းနဲ့ဘာသာပြန်ကတော့ W ဖြစ်ပါတယ်။)
Credit
ဇာတ်လမ်းအညွှန်း
01 Nov, 10:16
Spring Garden (2024)
The Medium ရဲ့ ပဲ့ကိုင်ရှင်တွေ ရိုက်ကူးထားတဲ့ အသစ်ဆက်ဆက် သရဲကားကြီး လာပါပြီနော်။
ဖြစ်ရပ်မှန်ကို ရိုက်ကူးထားတယ်ဆိုတော့ ကောင်းမကောင်းကတော့ ကိုယ်တိုင်ပဲ ကြည့်ရှုအမှတ်ပေးလိုက်ကြပါဦး..။
ဇာတ်လမ်းအညွှန်းလေးကတော့..
ဆိုဟွီက တိတ်ဆိတ်တဲ့ ကျေးလက်တောရွာလေးက အိမ်ကြီးတစ်ဆောင်မှာ ပန်းဥယျာဉ်လေးကို စိုက်ပျိုးပြီး
နေသွားချင်သူ တစ်ယောက်ဖြစ်တဲ့အလျောက် သူ ကိုယ်ဝန်ဆောင်နေတဲ့ အချိန်မှာ သူ့ခင်ပွန်းဖြစ်သူ ချန်းဆူက
သူ့ဇနီးမသိစေဘဲ ဇနီးဖြစ်သူ ဆန္ဒအတိုင်း တစ်ထပ်တည်းတူတဲ့ အိမ်ကြီးကို ဖန်တီးပေးနေခဲ့တာပေါ့။
ဒါပေမဲ့ တစ်ရက်ကျ ခင်ပွန်းဖြစ်သူ ချန်းဆူက ကိုယ့်ကိုယ်ကိုယ် ကြိုးဆွဲချ သတ်သေသွားခဲ့ပြီး သူမသေခင်
ဆိုဟွီနာမည်နဲ့ ချန်ရစ်ထားခဲ့တဲ့ နွေဦးဥယျာဉ် အိမ်ကြီးအကြောင်းကို ကြားလိုက်ရတဲ့ ဆိုဟွီတစ်ယောက်
ခင်ပွန်းသည်ပေးတဲ့ နောက်ဆုံး အမှတ်တရလက်ဆောင်အိမ်ကြီးမှာ ပြောင်းနေခဲ့တဲ့အခါ..။
ဒါပေမဲ့ ဆိုဟွီမသိလိုက်တာကတော့ အဲဒီအိမ်ထဲမှာ သူ့အပြင် နောက်တစ်ယောက် ထပ်ရှိနေသေးတယ်ဆိုတာကိုပါပဲ။
အဲဒီအိမ်ပေါ်ကို ရောက်တာနဲ့ ဆိုဟွီတစ်ယောက် အိပ်မက်ဆိုးတွေ ဆက်တိုက်မက် နေ့စဥ်နဲ့ အမျှ ထူးဆန်းတဲ့ ကိစ္စတွေနဲ့
မျိုးစုံ ကြုံတွေ့လာရပြီး အိမ်ထဲမှာ ရှိနေတိုင်း အမြဲတမ်း တစ်ယောက်ယောက်ကို မြင်နေခဲ့တဲ့အခါ..
အမြဲလိုလို မကောင်းတဲ့ အငွေ့အသက်တွေကိုပဲ ခံစားနေခဲ့ရတဲ့အခါ…
အဲဒါတွေက ဆိုဟွီထွက်သွားအောင် နည်းမျိုးစုံ သုံးပြီး ခြောက်လှန့်နေခဲ့တဲ့အခါ..
..ဆိုဟွီတစ်ယောက် နောက်ဆုံးအချိန် အထိ အဲဒီပုဏ္ဏကတိုက်တဲ့ အိမ်ကြီးထဲမှာ ဆက်လက်
နေထိုင်သွားနိုင်မလားဆိုတာကို ဇာတ်လမ်းလေးထဲမှာပဲ ရင်တထိတ်ထိတ်နဲ့ ကြည့်ရှုအားပေးလိုက်ကြပါဦးနော်။
(ဇာတ်လမ်းအကျဉ်းကို Miri မှ ရေးသားပေးထားပါတယ်။)
Credit
ဇာတ်လမ်းအညွှန်း
25 Oct, 09:28
Fangs & Fury ( 2024 )
အတိတ်မေ့နေတဲ့ ယွမ်ပုဆိုတဲ့ ကောင်လေးတစ်ယောက်ကို ပန်းဆိုင်ဖွင့်ထားတဲ့
ဝူထင်နဲ့ လျို့လျို့တို့ မောင်နှမက အခြေအနေတချို့ကြောင့် ကယ်ထားခဲ့ပြီး
၃ ယောက်သား မိသားစုလို နေထိုင်ခဲ့ပါတယ်။ ယွမ်ပုဆီမှာ သာမန်လူတွေ
နားမလည်နိုင်တဲ့ လျှို့ဝှက်ချက်ပေါင်းများစွာရှိပေမဲ့ ယွမ်ပုရဲ့ ရိုးသားပြီး
ပွင့်လင်းတဲ့စရိုက်ကြောင့် မောင်နှမနှစ်ယောက်ကလည်း လက်ခံနိုင်ခဲ့ပါတယ်။
ဝူထင်မှာ မွေးရာပါသွေးပူရောဂါရှိပြီး ရောဂါပြင်းထန်လာတဲ့အတွက်
ခွဲစိတ်မှုလုပ်ဖို့ ငွေလိုလာပါတယ်။ ယွမ်ပုဟာ ဝူထင်အတွက် ဆေးကုစရိတ်ရှာဖို့
ကြေးစားလက်ဝှေ့ပွဲမှာ ဝင်ပြိုင်ခဲ့ပါတယ်။ ပြိုင်တိုင်းနိုင်တဲ့ ယွမ်ပုရဲ့
သတင်းကလည်း ချက်ချင်းပဲ ကျော်ကြားသွားခဲ့ပြီး ယွမ်ပုကို
စမ်းသပ်ပစ္စည်းလုပ်ဖို့ လိုက်ရှာနေတဲ့ ဖုယိက ရှာတွေ့သွားပါတော့တယ်။
ဝူထင်ရဲ့ ရောဂါကို ကုသဖို့ နည်းလမ်းရှိပါ့မလား……
ယွမ်ပုတစ်ယောက် ဖုယိတို့ရဲ့ ဖမ်းဆီးမှုကနေ လွတ်မြောက်နိုင်ပါ့မလား……
ဆိုတာကို ဆက်လက်ကြည့်ရှုလိုက်ရအောင်နော်။
Credit
ဇာတ်လမ်းအညွှန်း
25 Oct, 09:27
Sweet Bobby: My Catfish Nightmare (2024)
IMDB: 6.3/10
နေ့စဉ်ဘဝရဲ့ အစိတ်အပိုင်းတစ်ခုလိုဖြစ်လာတဲ့ ဆိုရှယ်မီဒီယာရဲ့ကြီးစိုးမှုအောက်မှာ
အွန်လိုင်းချစ်သူဆိုတာ ထူးဆန်းတဲ့အရာတော့ မဟုတ်ပါဘူး။
ဒါပေမဲ့ ဒီကိစ္စမှာ မေးစရာရှိတာက အွန်လိုင်းပေါ်ကဘဝက လက်တွေ့နဲ့ ဘယ်လောက်ထိထပ်တူကျလဲ။
ကိုယ်ကသိပ်ချစ်ပါတယ်ဆိုတဲ့ အွန်လိုင်းချစ်သူအကြောင်းကိုရော ကိုယ်ဘယ်လောက်သိလဲ?
သူတို့စကားထဲက သူတို့အကြောင်းတွေကရော တကယ်ပဲသူတို့အကြောင်းလား? သူတို့ကတကယ်ပဲ ဘယ်သူတွေလဲ?
ဒါပေမဲ့ ကျွန်တော်တို့အားလုံးဟာ ချစ်မိသွားရင် စုံလုံးကန်းကြတာဆိုတော့ သိစိတ်ရဲ့ထောင့်တစ်နေရာက
မေးခွန်းထုတ်မိရင်တောင် နှလုံးသား တရားသူကြီးရဲ့စီရင်ချက်အောက်မှာ ဒီသံသယမေးခွန်းတွေဟာ
မကြာခဏဆိုသလို သေဒဏ်ပေးခံလိုက်ရတတ်ပါတယ်။ ဒါကလည်း Catfisherဆိုတဲ့ အွန်လိုင်းပေါ်မှာ
အချက်အလက်အတုတွေနဲ့ အချစ်ကိုညာယူတတ်သူတွေ သုံးနေကြအကွက်ပေါ့။
အခုတင်ဆက်ပေးမှာကတော့ BBCရဲ့ Sweet Bobby ဆိုတဲ့ အပိုင်းဆက်podcastကို Documentary movieပြန်ရိုက်ထားတဲ့
ဇာတ်လမ်းလေးတစ်ခုဖြစ်ပြီး အချိန်အကြာဆုံး Catfishလုပ်ခံရသူတွေထဲကတစ်ယောက်ဖြစ်တဲ့ ဆယ်စုနှစ်တစ်ခုနီးပါ
ဘော်ဘီဆိုတဲ့လူလိမ်ရဲ့ အလိမ်အညာရေယဉ်ကြောမှာ မျောပါခဲ့ရတဲ့ သူ့ရဲ့ဇာတ်ကြောင်းကို သင်ခန်းစာရဖွယ် ရှုစားနိုင်ဖို့ တင်ဆက်ပေးလိုက်ရပါတယ်။
(အညွှန်းနဲ့ဘာသာပြန်ကတော့ Yunni ~ V ~ Alex ~ Bluri တို့ပဲ ဖြစ်ပါတယ်)
Credit
ဇာတ်လမ်းအညွှန်း
25 Oct, 09:26
Glengarry Glen Ross (1992)
IMDb – 7.7/10 နဲ့ Rotten Tomatoes – 95% အထိ ရရှိထားတဲ့ Old but Gold လေးတစ်ကား တင်ဆက်ပေးလိုက်ပါတယ်။ “ပူလစ်ဇာ” ဆုရ ပြဇာတ်တစ်ပုဒ်ကို ရုပ်ရှင်အဖြစ် ပြန်လည်အသက်သွင်းထားတာပါ။ ရုပ်ရှင်မှာလည်း Oscar nomination တစ်ခု အပါအဝင် ဆုပေါင်း ၈ ဆု ရရှိခဲ့ပြီး ၁၄ ဆု ဇကာတင်ချိတ်ခဲ့တာမို့ ၁၉၉၀ ခုနှစ်တစ်ဝိုက် အကောင်းဆုံးရုပ်ရှင်တွေထဲက တစ်ခုအဖြစ် သတ်မှတ်ခြင်းခံထားရပါတယ်။
Cast မှာလည်း Godfather ကြီး Al Pacino, Horrible Boss ကြီး Kevin Spacey, The Rock ရုပ်ရှင်ထဲက နှလုံးလှလူမိုက်ကြီး Ed Harris တို့အပါအဝင် ဟောလိဝုဒ်ရဲ့ထိပ်တန်းမင်းသား/ဇာတ်ပို့ သရုပ်ဆောင်တွေချည်း အသုံးပြုထားတာမို့ ကြည့်ရတာ အင်မတန်မှ စီးစီးပိုင်ပိုင်ရှိလှမှာပါ။
• ဇာတ်လမ်းအကျဉ်း •
ဇာတ်လမ်းကတော့ အိမ်ခြံမြေအရောင်းကိုယ်စားလှယ် လေးယောက်ရဲ့ဘဝထဲက နှစ်ရက်တာအတွင်း ဖြစ်ပျက်သွားတဲ့အကြောင်းအရာတွေပါ။ ပြောရရင် သူတို့ရဲ့အေဂျင်စီက လတ်တလော အင်မတန်အရောင်းထိုင်းနေပါတယ်။ မြေကွက်တွေက ဘယ်လိုရောင်းရောင်း မထွက်တာမို့ အကြံအိုက်နေကြတုန်းမှာ၊ အေဂျင်စီပိုင်ရှင်တွေဆီကနေ တစ်ပါတ်အတွင်း ရောင်းအားအကောင်းဆုံးကိုယ်စားလှယ် နှစ်ယောက်ကလွဲလို့ ကျန်တဲ့လူတွေ အကုန်အလုပ်ဖြုတ်မယ်ဆိုတဲ့ တစ်ချက်လွှတ်အမိန့်ကျလာတဲ့အခါ…
ထမင်းအိုးမကွဲဖို့အရေး ဒီလေးယောက် ဘယ်လိုတွေရုန်းကန်ရမလဲ၊
ဉာဏ်နီ ဉာဏ်ဝါ ဉာဏ်ရောင်စုံဖြာပြီး တစ်ယောက်နဲ့တစ်ယောက် ဘယ်လိုတွေကျော်ကြ ခွကြမလဲဆိုတာကို Al Pacino တို့တစ်သိုက်ရဲ့ သဘာဝကျလှတဲ့ သရုပ်ဆောင်ချက်တွေနဲ့အတူ ဖန်သားပြင်ပေါ်မှာ ဆက်လက်ရှုစားပေးကြပါဦးခင်ဗျာ။
Credit
ဇာတ်လမ်းအညွှန်း
25 Oct, 09:25
Kadaisi Ulaga Por (2024)
IMDB: 7.5/10
“ဘုရင်ကိုတင်မြှောက်ပေးတဲ့လူဟာ
အဲဒီဘုရင်နေရာကိုတပ်မက်တော့မှာမဟုတ်ဘူး
သူလိုချင်တာ တိုင်းပြည်ကိုပဲ”
မဝေးတော့တဲ့ အနာဂတ်မှာ တရုတ် ရုရှားနဲ့
တစ်ခြားနိုင်ငံပေါင်း ၇၂နိုင်ငံတို့ဟာ “ပြည်သူ့သမ္မတနိုင်ငံ” ဖွဲ့စည်းပုံကို
နိုင်ငံအတွင်းကျင့်သုံးကြပြီး မပါဝင်တဲ့နိုင်ငံတွေကိုတော့
ကုန်သွယ်မှုတွေပိတ်ဆို့တားဆီးခြင်းပြုခဲ့ကြပါတယ်
နိုင်ငံတကာ တပ်ဖွဲ့များရဲ့ ကုန်သွယ်မှု ပိတ်ဆို့ခြင်းကြောင့်
အိန္ဒိယနိုင်ငံအတွင်း နိုင်ငံရေး ပဋိပက္ခများ ပေါ်ပေါက်ခဲ့ပြီး
ပြည်တွင်း မငြိမ်သက်မှုများ ဖြစ်ပေါ်လာခဲ့ပါတယ်
ဒီရုပ်ရှင်ကို ရိုက်ကူးခဲ့တာက Hiphop Tamizhaလို့ခေါ်တဲ့
ဟစ်ဟော့ပ်အဖွဲ့က အာဒီပါ တမီးလ်နာဒူးမှာ ပထမဆုံးဟစ်ဟော့ပ်တေးအယ်လ်ဘမ်ကို
ဖြန့်ချီပြီး ဝက်ဝက်ကွဲအောင်မြင်တွေမှုရခဲ့တဲ့အနုပညာရှင်တစ်ယောက်ဖြစ်ပါတယ်
သူရဲ့ အနုပညာရူးသွပ်မှုနဲ့အတူ ရုပ်ရှင်လောကထဲကိုဝင်လာခဲ့ပြီးတဲ့နောက်မှာ ဒီရုပ်ရှင်ကို
ကိုယ်တိုင်ပရိုဂျူဆာလုပ်ပြီး ရိုက်ကူးခဲ့တာပါ
ရှုပ်ထွေးတဲ့နိုင်ငံရေးလှည့်ကွက်တွေကို
တစ်ဝကြီးကြည့်ရမဲ့အိန္ဒိယနိုင်ငံရေးကားကောင်းလေးတစ်ကားပါ
(အညွှန်းနဲ့ဘာသာပြန် CM Bollywood Team မှဖြစ်ပါတယ်)
Credit
ဇာတ်လမ်းအညွှန်း
25 Oct, 09:23
Steel Rain 2: Summit(2020)
IMDB: 7.5/10
ဒီကားက (2017) ကထွက်ရှိခဲ့တဲ့ Steel Rain နဲ့ အဆက်အစပ်မရှိပါဘူး…
ဇာတ်လမ်းကတော့ ပထမကားလိုပဲ နိုင်ငံရေးအခြေပြုပြီးရိုက်ကူးထားတာဖြစ်တဲ့အပြင် သရုပ်ဆောင်ပေါင်းများစွာကလည်း
အရင်လူတွေနဲ့ ရိုက်ကူးထားတာပါ…ဇာတ်ရုပ်တွေတော့ပြောင်းလဲမှုရှိပါတယ်….
ဘယ်နိုင်ငံပဲဖြစ်ဖြစ် စစ်မဖြစ်ချင်ကြပါဘူး..အဘက်ဘက်က အထိနာတဲ့အပြင်
အရာအားလုံးမူလ ပထမ အတိုင်းပြန်ဖြစ်ဖို့ နှစ်ပေါင်းအတော်ကြာအောင်တည်ဆောက်ဖို့ အချိန်အတော်ယူပါတယ်…
သို့ပေမယ့်လည်း အကယ်၍များစစ်ဖြစ်ခဲ့ရင် ကိုယ့်နိုင်ငံစစ်ရေးအရ အရေးမနိမ့်စေဖို့ အင်အားကြီးနိုင်ငံတွေနဲ့
မဟာမိတ်ကိုမဖြစ်မနေဖွဲ့နေကြတာအားလုံးသိမှာပါ…ဒီဇာတ်ကားမှာအဲ့ဒီအပိုင်းကိုအဓိကထားရိုက်ကူးထားပြီး
တရုတ် ၊ ဂျပန် ၊မြောက်ကိုရီးယား နဲ့အမေရိကန်တို့ အဓိက ပါဝင်ကြပါတယ်..ပထမကားထက် ဇာတ်အိမ်ပိုကျယ်သလို
ရိုက်ကူးထားတာတွေကလည်း တကယ့်ကိုခမ်းနားပါတယ်…အဓိက မင်းသားကြီး Woo-sung Jung ပါတာနဲ့တင်
ကြည့်ရကျိုးနပ်ပါတယ်..ဗဟုသုတများစွာရသလို တောင်ကိုရီးယားရဲ့ ကောင်းမွန်သောရည်ရွယ်ချက်နဲ့
ဒီဇာတ်ကားကြီးကိုရိုက်ခဲ့တယ်လို့ပြောလို့တောင်ရပါတယ်…ဇာတ်လမ်းအကြောင်းတော့ သီးခြားမညွှန်းတော့ပါဘူး…
လက်မလွှတ်သင့်တဲ့ဇာတ်ကားြကီးလို့ပဲညွှန်းပါရစေ…
ဇာတ်လမ်းအညွှန်းနဲ့ဘာသာပြန်သူတွေကတော့ Zwe Zan Aung,MarTizas & Ei Phyu Khin တို့ပဲဖြစ်ပါတယ်….
Credit
ဇာတ်လမ်းအညွှန်း
25 Oct, 09:22
Classified (2024)
တစ်ချိန်တစ်ခါကအရမ်းနာမည်ကြီးခဲ့တဲ့ အက်ရှင်မင်းသားကြီး
Aaron Eckhart ရဲ့ Classified ဆိုတဲ့အက်ရှင်ဇာတ်ကားအသစ်ကို
တင်ဆက်ပေးလိုက်ပါတယ်။အသက်ကြီးပေမဲ့ မပျက်စီးသေးပဲ
အခုထက်ထိကြမ်းနေတုန်းဆိုတာကို တွေ့ရမှာဖြစ်ပြီး အက်ရှင်ခန်းတွေ
ကလည်းအကြမ်းစားတွေပါပဲ။
ကြေးစားလူသတ်သမားတစ်ယောက် နိုင်ငံတော်အတွက် တာဝန်
ထမ်းဆောင်နေတယ်လို့မှတ်ယူပြီး လူတွေလိုက်သတ်ပေးနေရင်းနဲ့
နောက်ပိုင်းမှာ သူ့ကိုအမိန့်ပေးနေတဲ့လူပြောင်းသွားပြီး ပစ်မှတ်တွေ
ကလည်းနိုင်ငံအတွက်အကျိုးမရှိဘဲ လိုက်သတ်ပေးနေရတာကိုတွေ့တဲ့
အခါမှာ အဖြစ်မှန်ပေါ်ပေါက်အောင်လိုက်လံစုံစမ်းတဲ့ပုံစံမျိုးဖြစ်ပါတယ်။
အဲ့ဒီကြေးစားလူသတ်သမားကတော့ရှောပဲဖြစ်ပြီး သူ့ကိုယ်သူတော့
CIA အတွက်အလုပ်လုပ်ပေးနေတယ်လို့ထင်ခဲ့ပေမဲ့ တစ်နေ့မှာတော့
ကေစီဆိုတဲ့ MI6 ကကောင်မလေးကသူ့ဆီကိုရောက်ချလာခဲ့ပြီး
သူထင်နေသလိုမဟုတ်ဘူးဆိုတာကို သက်သေတွေနဲ့တကွလာရှင်းပြ
ပါတော့တယ်။ကေစီပြောတာတွေကလည်းယုတ္တိရှိနေတဲ့အတွက်
သူ့ကိုအလုပ်ခိုင်းနေတာ CIA မဟုတ်ဘူးဆိုရင် နောက်ကွယ်က
ကြိုးကိုင်ထားတဲ့လူဘယ်သူလဲဆိုတာကို အဖြေရှာဖို့အတွက် ကေစီနဲ့
အတူတူစတင်စုံစမ်းခဲ့ကြပါတော့တယ်။
တစ်ဖက်မှာလည်း သူ့ကိုအလုပ်ခိုင်းနေတဲ့လူကစစ်ဆင်ရေးတွေကို
ဆက်လုပ်ဖို့ တွန်းအားပေးတဲ့အနေနဲ့ သူ့နောက်ကိုလူတွေလွှတ်ပြီး
တောက်လျှောက်တိုက်ခိုက်ခိုင်းတဲ့အခါမှာတော့ ရှောနဲ့ကေစီတို့
နှစ်ယောက်အခက်အခဲတွေကိုကျော်ဖြတ်ပြီး နောက်ကွယ်ကလူကို
အဖြေရှာပုံတွေအပြင် တခြားသောမြှုပ်ကွက်လေးတွေကိုပါ စိတ်ဝင်
တစားကြည့်ရှုရမဲ့ အက်ရှင်ကားကောင်းတစ်ကားပဲဖြစ်ပါတယ်။
Credit
ဇာတ်လမ်းအညွှန်း
24 Oct, 10:52
Hard Boiled (1992)
IMDb – 7.8, Rotten Tomatoes – 94%
John Woo ရဲ့ ပစ္စတိုအော်ပရာတစ်ပုဒ်ကို ကြည့်ချင်တယ်ဆိုပါစို့။ Hard Boiled ဟာ သင်ချန်ထားခဲ့လို့မရတဲ့ကားပဲ။ ဂျွန်ဝူးရဲ့ အကောင်းဆုံးတွေအကြောင်းပြောရင် Hard Boiled ကို ကျုပ်တို့တွေ ဖယ်ထားလို့မရဘူး။ ဒီရုပ်ရှင်အပြီးမှာ သူဟာ သင်တို့ ကြိုက်လှပါရဲ့ပြောကြတဲ့ Windtalkers တို့ Face / Off တို့ကို ဟောလိဝုဒ်ထွက်ရိုက်နိုင်တဲ့အထိ ခြေဆန့်နိုင်ခဲ့တယ်။ Mission:Impossible 2 ကိုလည်း သူပဲရိုက်ခဲ့တာပဲ။
ဂျွန်ဝူးရဲ့ လက်စွဲတော်ချောင်ယွန်ဖတ်နဲ့အတူ ရှမ်းကြီးအဖေ တိုနီလျောင်ချူဝေကိုလည်း ဒီကားထဲမှာ သင်တို့တွေ့ရလိမ့်မယ်။ ဝါတော့နည်းနည်းနုသေးတာပေါ့။ ချောင်ယွန်ဖတ်ကြီးကတော့ သူ့စတိုင်အတိုင်း သွားကြားထိုးတံကြီးတခဲခဲနဲ့ သေနတ်တွေပစ်ပြနေတာပါပဲ။ ရှားရှားပါးပါးချောင်ယွန်ဖတ် ရဲနေရာက သရုပ်ဆောင်တဲ့ကားဆိုလည်း မမှားဘူး။ Hard Boiled ကိုတော့ ကျွန်တော့်အနေနဲ့ပြောရရင် မာတင်စကောဆေးစိကြီး ကူးချလိုက်ရတဲ့ Internal Affairsကားတွေကို အစပျိုးပေးတဲ့နေရာလို့ထင်မိတယ်။
ဂျွန်ဝူးရဲ့ Heroic Bloodshed ပုံစံအတိုင်း ပစ်ခန်းတွေ အရင်ကားတွေထက်ပိုများပေမဲ့ သူ့ဟန်ဖြစ်တဲ့ ဒရာမာချိုးပြီး ပရိတ်သတ်ရဲ့ ခံစားချက်ကို ခလုတ်တိုက်စေတဲ့ ဇာတ်၀င်ခန်းတွေကို မြင်ရဦးမှာပဲ။ ဒါလည်း သူ့အရသာပဲမလား။ သာမန်အက်ရှင်ကား ကြည့်ချင်မှတော့ ဂျွန်ဝူးကား ဘယ်ကြည့်မလဲ။ အက်ရှင်ကားမှာကို လူကိုဆွေးတမြေ့မြေ့ဖြစ်စေတဲ့ အရသာမျိုး ဂျွန်ဝူးလိုပေးနိုင်တဲ့သူ ရှားတယ်မို့လား။ သူ့နောက်က ဒါရိုက်တာတွေ လုပ်ကြည့်ကြတာ မြင်ဖူးပေမဲ့ သူ့လိုဖြစ်လာတာတော့ မမြင်ဖူးဘူး။ ဒါလည်း သူ့ Themeပဲကိုး ။
1992မှာရိုက်ခဲ့တဲ့ ဒီဂျွန်ဝူးကားက သူ့ Heroic Bloodshed Theme ရဲ့ အပိတ်လို့ဆိုလို့ရတယ်။ဒီကားနောက်ပိုင်း သူဒီပုံစံတွေမရိုက်တော့သလို ချောင်ယွန်ဖတ်နဲ့လည်း တွဲမရိုက်တော့ဘူး။ အမေရိကလစ်ပြီး အဲဒီမှာပဲရိုက်တော့တယ်။ နောက်ကျမှ ပြန်ရိုက်ဖြစ်တာက Red Cliffတို့ The Crossingတို့ပေါ့။ သို့ပေမဲ့ Theme ပြောင်းသွားခဲ့ပြီ။ အလှပဆုံး အပိတ်နဲ့ ပိတ်လိုက်တာပါပဲ။
ပုံမှန်ဂျွန်ဝူးကားတွေကို ဂျွန်ဝူးကိုယ်တိုင် ဇာတ်လမ်းရေးတာများပေမဲ့ ဒီကားမှာတော့ အဲဒီနှစ်မှာပဲ နှလုံးရောဂါနဲ့သေသွားတဲ့ ဘယ်ရီဝေါင်ရဲ့ ဇာတ်လမ်းနဲ့ ရိုက်ထားခဲ့တယ်။ ဇာတ်လမ်းရှင်ကလည်း ချောင်ရဲ့ Fight Back To School တို့၊ Mr. Vampire တို့ကို ဇာတ်ညွှန်းရေးခဲ့တဲ့သူပေါ့။
Hard Boiled ဟာ ချောင်ယွန်ဖတ်နဲ့ ဂျွန်ဝူးရဲ့ နောက်ဆုံးတွဲရိုက်တဲ့ကားဖြစ်သလို ချောင်ယွန်ဖတ်နဲ့ ဝေါင်ကာဝေးဖန်တွေရဲ့ အချစ်တော်ကြီး တိုနီလျောင်ချူဝေ ဆုံစည်းခဲ့တဲ့ တစ်ကားတည်းသောကားလည်းဟုတ်တယ်။ Heroic Bloodshed Theme ရဲ့ နောက်ဆုံးကားလည်းဟုတ်တယ်။ ဂျွန်ဝူးရဲ့ အကောင်းဆုံးတွေထဲက တစ်ကားလည်း ဟုတ်ပါတယ်။ တစ်ချို့ဆို ဂျွန်ဝူးကို ဂျွန်ဝှစ်လို အနောက်တိုင်း အက်ရှင်တွေကပါ ဘာလို့အတုခိုးကြလဲ နားမလည်နိုင်လို့ ဒီကားကိုကြည့်ပြီးမှ ဩချသွားကြရတဲ့ ကားလည်းဟုတ်တယ်။ ဂျွန်ဝူးဖန်တွေ ကြည့်ကိုကြည့်သင့်တဲ့ကားကောင်းတစ်ကားပါပဲ…။
(အညွှန်းရေးပေးထားသူက WiRa Aung ဖြစ်ပြီး ဇာတ်ကားကိုတော့ San Thu Aung မှ ပြန်ဆိုပေးထားပါတယ်)
Credit
ဇာတ်လမ်းအညွှန်း
24 Oct, 10:51
The Emu War (2023)
Emu Warဆိုတာ 1932ကဖြစ်ခဲ့တဲ့ ဩစတေးလျက မပျံနိုင်တဲ့ငှက်ကြီးတွေနဲ့ လယ်သမားတွေကြားကတိုက်ပွဲပေါ့။ လယ်သမားတွေရဲ့ ကောက်ပဲသီးနှံတွေကိုခိုးစားတဲ့ ငှက်ကြီးတွေရဲ့ မျိုးပွားနှုန်းက မယုံနိုင်လောက်အောင်များပြားလို့ စစ်ဆင်ရေးတစ်ရပ်အနေနဲ့ သုတ်သင်ရှင်းလင်းခဲ့ကြတာ။
ဒါကို သတင်းတွေမှာ Emu Warဆိုပြီးရေးသားဖော်ပြခဲ့ကြတယ်။ ဒီရုပ်ရှင်မှာတော့ အဲဒီ Emu Warကို သရော်ပြီးရိုက်ကူးတင်ဆက်ထားတာ။ အီမျူတွေနဲ့ လူသားတွေကြားမှာ တိုက်ပွဲပြင်းပြင်းထန်ထန်ဖြစ်ပွားနေပါတယ်။ သားဖြစ်သူကလေးဘ၀ကတည်းက အီမျူတွေခေါ်သွားတာခံလိုက်ရတဲ့ စစ်ဗိုလ်ကြီးကတော့ အီမျူတွေကို သုတ်သင်ရှင်းလင်းဖို့ အားသန်လို့နေပါတယ်။ အထက်ကအမိန့်မနာခံဘဲ အီမျူတွေကိုဝင်တိုက်ဖို့ အမိန့်ပေးရာမှာ တပ်သားပေါင်း ၃၇၀၀၀အသက်ဆုံးရှုံးခဲ့ရပေမဲ့ ဗိုလ်ကြီးကတော့ ရှင်ကျန်နေခဲ့ပါတယ်။
ဒါပေမဲ့ ဟစ်တလာကိုသတ်ခဲ့တဲ့သူမို့ အရေးယူမခံရဘဲ တပ်သားသစ်စုဆောင်းပြီး အီမျူတွေကို သုတ်သင်ရှင်းလင်းဖို့အရေး ထပ်မံစေလွှတ်ခြင်းခံရပါတော့တယ်။ ရိုင်းစိုင်းတဲ့အပြောအဆိုတွေဖောဖောသီသီနဲ့ လူကြီးခန်းတွေပါဝင်တာကြောင့် အသက်မပြည့်သေးသူတွေနဲ့ ခံစားချက်မြင့်မားသူတွေ မကြည့်သင့်ပါဘူး။
(အညွှန်းနဲ့ဘာသာပြန်ကတော့ Pyae Phyoဖြစ်ပါတယ်)
Credit
ဇာတ်လမ်းအညွှန်း
24 Oct, 10:50
Steel Rain (2017)
IMDB: 7.1/10
ဒီဇာတ်ကားလေးမှာ နိုင်ငံရေးလှည့်ကွက်တွေ၊ ကွန်မြူနစ်နဲ့အရင်းရှင်ကွာခြားမှုတွေ၊ လူသားဆန်မှုတွေ စတာတွေကို အချိတ်အဆက်မိမိ ရိုက်ပြထားပါတယ်
တောင်နဲ့မြောက်ဆိုပြီး တိုင်းပြည်ကွဲနေပေမယ့် ကံအကြောင်းတိုက်ဆိုင်ပြီး သက်ဆိုင်ရာအစိုးရဆီမှာ တာဝန်ထမ်းဆောင်နေကြတဲ့ နာမည်တူလူနှစ်ယောက်ကွက်ချိုလ်ယူနဲ့ အွမ်ချိုလ်ယူမြောက်ကိုရီးယားမှာ သုတ်သင်ရှင်းလင်းရေးဖြစ်ပြီး နံပါတ်တစ်ခေါင်းဆောင် လုပ်ကြံခံရပါတယ်
ဒါပေမယ့် အွမ်ချိုလ်ယူတစ်ယောက် ကယ်တင်ပြီး တောင်ကိုရီးယားဖက်ထွက်ပြေးသွားပါတယ်
နံပါတ်တစ်ခေါင်းဆောင်တစ်ယောက် အသက်ရှင်နိုင်ပါ့မလား…….
အွမ်ချိုလ်ယူတစ်ယောက် သူနဲ့နာမည်တူတဲ့လူနဲ့ ဘယ်လိုများသွားဆုံမလဲ…….
သုတ်သင်ရှင်းလင်းရေးကရော တောင်နဲ့မြောက်ဆက်ဆံရေးကြား ဘယ်လိုရှုပ်ထွေးလာစေမလဲ
မဟာမိတ်နိုင်ငံတွေကရော ဘယ်လိုပါဝင်ပက်သက်ကြမလဲ
တောင်နဲ့မြောက် ချစ်ကြည်ရေးပြန်လည်တည်ဆောက်နိုင်မလား ပိုဆိုးရွားသွားမလား
ဒီဇာတ်ကားက နိုင်ငံရေးဇာတ်ကားဆိုပေမယ့် ကိုရီးယားကားပီပီ ဇာတ်လမ်းဇာတ်အိမ်ကောင်းမွန်ပြီး ပျင်းစရာမကောင်းပါဘူူး
IMDB Rating ကလဲ 7.2/10 ရထားတာဆိုတော့ ဇာတ်ကားကောင်းဖြစ်တယ်ဆိုတာ ငြင်းစရာမလိုတော့ပါဘူးနော်
(ဇာတ်လမ်းအညွှန်းနဲ့ဘာသာပြန်သူကတော့ ကိုဟိန်းမင်းထွန်းပါ)နဏဖတ်ခဲ့သည်။
Credit
ဇာတ်လမ်းအညွှန်း
24 Oct, 10:48
Bad Genius (2024)
IMDB: 6.0/10
ဒီနာမည်ကို တွေ့လိုက်တာနဲ့ 2017 တုန်းက နာမည်ကျော်ခဲ့တဲ့
ထိုင်းရုပ်ရှင်ကို သတိရမိကြမှာပါ။ ဒါဆို မှန်ပါတယ်။ အဲဒီရုပ်ရှင်ကို
အမေရိကန်ဗားရှင်းအဖြစ် ပြန်ရိုက်ထားတာပါ။ အဲဒီရုပ်ရှင်နဲ့
အားလုံးနီးပါးတူပေမဲ့ ကြည့်လို့ကောင်းပါတယ်။
ဒါရိုက်တာကလည်း How to Get Away with Murder ရဲ့
ဇာတ်ညွှန်းဆရာ J.C. Lee ဆိုတော့ ဒီလိုအမျိုးအစားတွေ ပိုင်ပါတယ်။
မင်းသမီးကလည်း Foundation စီးရီးနဲ့ နာမည်ကျော်လာတဲ့
Callina Liang ဖြစ်ပြီး မူလ ထိုင်းမင်းသမီး Chutimon
Chuengcharoensukying နဲ့ ခပ်ဆင်ဆင်ဖြစ်သလို သရုပ်ဆောင်လည်း
ကောင်းတာကြောင့် မူရင်းရုပ်ရှင်ကို မီတဲ့ရုပ်ရှင်ကောင်းတစ်ခု
ဖြစ်လာခဲ့ပါပြီ။
ဇာတ်လမ်းအကျဉ်း
***************
လင်းဟာ ဆင်းရဲတဲ့ အဖေတစ်ယောက်ရဲ့ သမီးဖြစ်ပြီး
ဉာဏ်အရမ်းကောင်း စာအရမ်းတော်တာကြောင့် သူဌေးသားသမီးတွေ
တက်တဲ့ အကောင်းဆုံးကျောင်းတစ်ခုမှာ ပညာသင်ဆုရထားပါတယ်။
အဲဒီကျောင်းမှာ သူ့သူငယ်ချင်း သူဌေးသမီးကို စာပြပေးဖို့ကြိုးစားပေမဲ့
ဘယ်လိုမှ စာရမလာတာကြောင့် စာခိုးချဖို့ ကူညီပေးလိုက်မိပါတယ်။
အဲဒီကနေ ကျောင်းသားတွေအကြား နာမည်ကျော်လာပြီး ငွေပမာဏ
တစ်ခုနဲ့ စာတွေ ခိုးချပေးတဲ့အလုပ်ကိုလုပ်မိလာပါတယ်။ ဒီလိုနဲ့
ဘဝအဆုံးဖြတ်ဖြစ်မဲ့ S.A.T စာမေးပွဲအပြီးမှာ တက္ကသိုလ်တတ်နိုင်ဖို့
ကြံရာမရဖြစ်လာတာကြောင့် အရမ်းကို လုံခြုံရေးကြပ်တဲ့ S.A.T စာမေးပွဲ
ဒေါ်လာ သိန်းနဲ့ချီတဲ့ ပမာဏကို လက်ခံပြီး ကျောင်းသား အုပ်လိုက်ကြီးကို
စာခိုးချဖို့အတွက် အစီအစဉ်ကြီးတစ်ခုကို ဉာဏ်ကြီးရှင်ပီပီစီစဉ်ပါတော့တယ်။
အဲဒီဇာတ်ကြောင်းကိုပဲ ဘာဆက်ဖြစ်မလဲ ရင်တမမနဲ့ ကြည့်ရမှာပါ။
မူရင်းရုပ်ရှင်မကြည့်ဖူးသေးသူတွေအတွက် ပိုပြီးခံစားလို့ကောင်းသလို
ကြည့်ဖူးပြီးသားသူတွေလည်း အမြင်သစ်လေးနဲ့ကြည့်လို့ကောင်းမှာပါ။
Credit
ဇာတ်လမ်းအညွှန်း
24 Oct, 10:48
First Man (2018)
IMDB: 7.3/10
အချိန်ကာလကတော့ ၁၉၆၉ ခုနှစ် …..
ဇူလိုင်လ ၁၆ရက် ၁၃:၃၂နာရီ ခန့်ပေါ့…………
စိတ်ကူးယဉ်ခဲ့ရတဲ့ လမင်းကြီးဆီကို သမိုင်းရဲ့ ပထမဆုံးအနေနဲ့
ကျွန်တော် ထွက်ခွာသွားရတော့မှာ ….
အောင်မြင်မှာလား ကျရှုံးမှာလား.. …ကျွန်တော် ဆက်မတွေးတော့ပါဘူး…….
ဆုံးသွားတဲ့ ကျွန်တော့်ရဲ့သမီးလေးကို ဝမ်းနည်းစွာ သတိရနေတာလား…. ….
ကျွန်တော့်ထက်အရင် လကမ္ဘာကိုသွားရောက်ဖို့ ကြိုးစားခဲ့တဲ့ သူငယ်ချင်းတွေရော.. .
ကောင်းမွန်တဲ့ဘုံဘဝမှာ ပျော်ရွှင်ကျေနပ်နေပြီလား…..
ဒါမှမဟုတ် ကျွန်တော်ပဲ ဒီအခန်းကျဉ်းလေးထဲမှာ စက်နှိုးမဲ့အချိန်ကို
စောင့်စားရင်း ခြောက်ခြားနေမိတာလား … .
ကျွန်တော်တို့ရဲ့ အမြင်အာရုံကလဲ အကန့်အသတ်နဲ့ပဲမြင်နေရတယ်
လက်တစ်ဝါးသာသာလောက် မှန်ပြတင်းလေးကနေ ကောင်းကင်ကြီးကို မျှော်ကြည့်ရင်း
ကမ္ဘာလောကကြီးကို နှုတ်ဆက်ထွက်ခွာရတော့မယ်
ကျွန်တော်ချစ်ခင်တဲ့ မိသားစုလေးကတော့ ကမ္ဘာမြေပေါ်က
အိမ်လေးထဲမှာ ကျန်နေခဲ့မှာလေ ဘယ်သူမှ မရှိတဲ့ လကမ္ဘာပေါ်မှာ
ကျွန်တော်တို့ အထီးကျန်နေမှာလား ပြီးတော့ ကမ္ဘာမြေပေါ် ပြန်မရောက်လာနိုင်ခဲ့ရင်ရော…….
အဲ့လိုတွေးနေရင်းနဲ့ပဲ……ခရီးစဉ်ထွက်ခွာဖို့အတွက်
တဆယ်…..ကိုး….ရှစ်……ဆိုပြီး… .အချိန်မှတ်နေတဲ့အသံကို
မိုက်ခရိုဖုန်းထဲကနေ ကြားလိုက်ရတယ်……
အတိတ်ကိုတွေးပြီး လွမ်းဆွေးနေလို့ မဖြစ်တဲ့အချိန်ကို ရောက်နေပြီလေ…..
အာရုံကိုစုစည်းပြီး….လက်ရှိပစ္စုပ္ပန်ကိုပဲ ရင်ဆိုင်ဖြေရှင်းမှ
ကျွန်တော်တို့ အသက်ရှင်နိုင်မှာပေါ့…..
သူ့နာမည်က နေးလ် အမ်းစထရောင်း…တဲ့
၁၉၃၀ ဩဂုတ်လ ၅ရက်နေ့မှာ အမေရိကန်နိုင်ငံ အိုဟိုင်းယိုးပြည်နယ်..
ဝါပါကိုနီတာမြို့မှာ မွေးဖွားခဲ့ပါတယ် လူသားတို့ရဲ့သမိုင်းမှာပထမဦးဆုံးသော
လကမ္ဘာပေါ် ခြေချနိုင်ခဲ့သူလဲ ဖြစ်တယ်
အဲ့အချိန်ကာလတုန်းက သိပ္ပံပညာရှင်တွေဟာအာကာသအကြောင်းကို
အများကြီး သိပ်မသိကြသေးပါဘူး….
လေထဲပျံသန်းတဲ့ နည်းစနစ်ကိုလည်း
သူတို့ခေတ်ကာလကနေ တွက်ကြည့်ရင် လွန်ခဲ့တဲ့ နှစ်ပေါင်း ၆၀ကျော်ခန့်ကမှ
စတင်သိရှိခဲ့ကြတာပါ
အမေရိကန်ဟာ ဆိုဗီယက်နိုင်ငံကို အနိုင်ရချင်တဲ့ဇောနဲ့သာ
အချိန်တိုလေးအတွင်းမှာ ထွက်ခွာနိုင်ဖို့ ပြင်ဆင်ခဲ့ကြပေမယ့်
အရမ်းလွယ်ကူတဲ့ အရာမျိုးတော့ မဟုတ်ခဲ့ပါဘူး
လကမ္ဘာပေါ်ခြေချနိုင်ဖို့ ပေးဆပ်ခဲ့ရတဲ့ တန်ကြေးတွေလည်း မနည်းခဲ့ပါဘူး
ငွေကြေးတစ်ခုတည်းတင် မကဘဲ အာကာသယာဉ်မှူးများစွာရဲ့အသက်တွေကိုလည်း
စတေးခဲ့ကြရပါတယ် နိုင်ငံရေးအရ အဆင်မပြေခဲ့တာတွေလဲ ရှိခဲ့ပါသေးတယ်
အောင်မြင်တော့မှသာ ဝိုင်းဝန်းလက်ခုပ်တီးခဲ့ကြတာဖြစ်ပြီး
မအောင်မြင်ခင်မှာတော့ အဓိပ္ပါယ်မရှိဘူးလို့ လက်ညှိုးထိုးခံခဲ့ရတဲ့ ကိစ္စတစ်ခုပါ….
သူဟာ အဖက်ဖက်က ထိုးနှက်တိုက်ခိုက်တာတွေကို နာကျည်းစရာလို့မမြင်ဘဲ
ခွန်အားအဖြစ်ပြောင်းလဲ အသုံးပြုခဲ့တဲ့သူတစ်ယောက်ပါပဲ
ပြီးတော့နောက်တစ်ချက်က ” အောင်မြင်တဲ့ ယောကျာ်းတစ်ယောက်ရဲ့ နောက်ကွယ်မှာ
ထက်မြတ်တဲ့မိန်းမတစ်ယောက် ရှိတယ်”ဆိုတဲ့စကားအတိုင်းပဲ
သူ့ရဲ့အမျိုးသမီးကလည်း အကောင်းဆုံးသော ပါရမီဖြည့်ဖက်တစ်ယောက်ဖြစ်ခဲ့ပါတယ်
ကိုယ့်ယောကျာ်းအပေါ်ကို နားလည်မှု အပေးနိုင်ဆုံး
မိန်းမတစ်ယောက်အဖြစ် ဒီရုပ်ရှင်လေးမှာ မြင်ရမှာပါ…..
အနှစ်ချုပ်ပြောရရင်တော့ First Man ဇာတ်ကားဟာ IMDB 7.3ရရှိထားပြီး
အနှစ်သာရပြည့်ဝတဲ့ လကမ္ဘာပေါ် ပထမဆုံးခြေချခဲ့သူ
“နေးလ် အမ်းစထရောင်း”ရဲ့အတ္ထုပ္ပတ္တိကို ပြန်လည်ရိုက်ကူးထားတဲ့
ရုံတင်ဇာတ်ကားကောင်းလေးတစ်ကားပဲဖြစ်ပါတယ်
(ဒီဇာတ်ကားနဲ့အညွှန်းကို Mg King မှရင်နဲ့ခံစားပြီး ဘာသာပြန်ပေးထားပါတယ်…)
Credit
ဇာတ်လမ်းအညွှန်း
24 Oct, 10:47
Upgrade (2018)
IMDB: 7.5/10
CM Fan တွေ အခုတလော အက်ရှင်ကား
ကောင်းကောင်းလေး ကြည့်ချင်နေတဲ့
ဆုတောင်းလေး ပြည့်ပါပြီနော်…
IMDb 7.5 ရရှိထားတဲ့
သိပ္ပံအက်ရှင် အမျိုးအစား ဖြစ်တဲ့
Upgrade ဆိုတဲ့ ရုပ်ရှင်ကားလေးပါ
ဇတ်လမ်းလေးက စိတ်ဝင်စားဖို့
အတော်လေးကောင်းတယ်ဗျ…
ဇတ်လမ်းပုံစံက ခေတ်မှီနေတဲ့ အလယ်အလတ်
သိပ္ပံခေတ်ပုံစံ နဲ့ စ ပြထားပါတယ်…
ဂရေး ဟာ သူဝါသနာပါတဲ့ စက်ပြင်တဲ့ အလုပ်နဲ့
တစ်နေကုန် ကိုယ်ပိုင်ဝပ်ရှော့လေးထဲမှာ
ကားတွေကို ထိုင်ပြင်နေတက်သူဖြစ်ပြီး
သူ့မိန်းမ ဖြစ်သူ အက်ရှာ ကတော့ မြို့ရဲ့ အကြီးဆုံး
ကိုယ်လက် အင်္ဂါဖြည့်ဆည်းပေးတဲ့
ရိုဘော့ စက်ရုံက ဝန်ထမ်းတစ်ဦးဖြစ်ပါတယ်
တစ်ရက်မှာတော့ ဂရေး ဟာ အက်ရှာ ကိုခေါ်ပြီး
သူ့ဆီ အလုပ်အပ်သူထံ သွားခဲ့ပါတယ်…
အက်ရှာ မသိခဲ့တာကတော့ ဂရေး ကို
ကားပြင်ဖို့ အလုပ်အပ်သူဟာ သူမ လေးစားနေခဲ့တဲ့
ပြိုင်ဘက် လုပ်ငန်းက ပိုင်ရှင်ဖြစ်သူ အဲရွန်ကင်း ဖြစ်နေတာပါပဲ
ဂရေး နဲ့ အက်ရှာ ကို အဲရွန်ကင်းက သူတီထွင်ထားတဲ့
ရှေ့ပြေး ချပ်စ်ပြား တစ်ခုကို ပြသခဲ့ပါတယ်
အဲ့ဒီအရာက လူတစ်ယောက်ရဲ့ ဦးနောက်ထက်
ပိုမိုကောင်းမွန်တဲ့ အရာလို့ ထုတ်ဖော်ပြောခဲ့ပေမယ့်
ဂရေးကတော့ စိတ်မဝင်စားဟန်ဖြင့် အက်ရှာကို
ခေါ်ပြီး ပြန်လာတဲ့လမ်းမှာ လူတစ်စု ရဲ့ နှောက်ယှက်မှုကို
ခံရပြီး အက်ရှာ သေဆုံးခဲ့သလို ဂရေး လဲ
စကားပြောရုံသာ တက်နိုင်ခဲ့ပြီး ခန္ဓာကိုယ်
တစ်ခုလုံး အကြောသေသွားခဲ့ပါတယ်…
သူဆေးရုံတက်နေရတုန်းမှာ အဲရွန်ကင်း ရောက်လာပြီး
ကမ္ဘာပေါ်မှာ ပထမဆုံး ခွဲစိတ်မှု အဖြစ်
သူတီထွင်ထားတဲ့ ပြိုင်ဘက်ကင်း ချပ်စ်ပြား ကို
တပ်ဆင်ပေးဖို့ အခွင့်အရေးပေးလာခဲ့ပါတယ်…
ဒီနောက်မှာတော့ အကြမ်းစား အလန်းစား
ရင်ခုန်စိတ်လှုပ်ရှားဖွယ်ကောင်းတဲ့ မထင်မှတ်ထားတဲ့
လှည့်ကွက်လေးတွေကို ထပ်မံကြည့်ရှုရအုံးမှာပါ…
ဒီရုပ်ရှင်ကားကို ဘာသာပြန်ပေးထားသူကတော့
Shain Htet Naing ဖြစ်ပြီး
Thit San Khant မှ တင်ဆက်ပေးထားပါတယ်
Credit
ဇာတ်လမ်းအညွှန်း
23 Oct, 11:04
Bagman (2024)
ဟိုးလွန်ခဲ့တဲ့ နှစ်ပေါင်းများစွာထဲက ဒီနေ့အချိန်အထိ ကမ္ဘာ့နေရာဒေသ အစုံမှာ မိဘတွေက သူတို့ကလေးငယ်တွေကို ပြောပြတတ်တဲ့ တူညီတဲ့ပုံပြင်တစ်ပုဒ်ရှိတယ်။ အိတ်တစ်လုံးဆွဲပြီး လိမ္မာအပြစ်ကင်းတဲ့ ကလေးတွေကို အိတ်ထဲ ထည့်ခေါ် ဖမ်းဆီးသွားတတ်တဲ့ မကောင်းဆိုးဝါးလို အကောင်တစ်ကောင်အကြောင်း။ ဒီကောင်ကြီးကို Bagman လို့ခေါ်ကြတယ်။ ပါသွားတဲ့ ကလေးတွေက ဘယ်တော့မှ ပြန်ရှာမတွေ့တော့ဘူး၊ ပေါ်လည်း ပေါ်မလာတော့ဘူး။
Patrick ဆိုတဲ့ လူတစ်ယောက်အတွက်တော့ ဒါဟာ ပုံပြင်တစ်ပုဒ်မဟုတ်ခဲ့ပါဘူး။ သူငယ်ငယ်က Bagman ကို ကိုယ်တိုင်ကြုံခဲ့ရပြီး အဖမ်းခံရမလိုဖြစ်ခဲ့ပေမယ့် သီသီလေး လွတ်လာခဲ့လို့ ခုချိန်အရွယ်ရောက်တဲ့အထိ ဒီကောင်ကြီးအကြောင်းက သူ့ကို ခြောက်လှန့်နေတုန်းပဲ။
Bagman ကြီးက ကလေးတွေကိုပဲ ဖမ်းတာဆိုတဲ့အတွက် အရွယ်ရောက်လာတဲ့အခါ Patrick က လွတ်မြောက်သွားပြီ၊ ဒီကောင်ကြီးကို ပြန်မတွေ့ရတော့တာ သေချာပြီလို့ ထင်ခဲ့ရပေမယ့် တကယ်တမ်း Patrick အိမ်ထောင်ကျပြီး သားတစ်ယောက်ရလာတဲ့အခါမှာ ပြောင်းလဲသွားပါတယ်။
ကိုယ်လွတ်မြောက်ခဲ့ဖူးတဲ့ဘေးရန်ကို သူ့မိသားစုဆီက ကာကွယ်ပြီး သူ့သားကိုစောင့်ရှောက်ဖို့ Patrick ဘယ်လိုကြိုးစားရမလဲ ငယ်ငယ်တုန်းက ဖြစ်ခဲ့ရခဲ့တဲ့ ကြောက်စိတ်ကို ကျော်လွှားနိုင်ပါ့မလား Bagman ကို ဒုတိယအကြိမ် သူရင်ဆိုင်နိုင်ပါ့မလား
Review and Translated By Khun
Encoded By N.A.S
Credit
ဇာတ်လမ်းအညွှန်း
23 Oct, 11:02
klaantha (2024) “ထိတ်လန့်သည်းဖို”
ပိတ်ရက်ရှည်မှာ အပျင်းတော်ပြေစေဖို့ ကန်နာဒါစကားပြော အိန္ဒိယသည်းထိတ်ရင်ဖိုရုပ်ရှင်တစ်ကား
တင်ဆက်ပေးလိုက်ပါတယ်။
ပရိုဂရမ်တစ်ခုအတွက် သည်းထိတ်ရင်ဖိုဇာတ်လမ်းတစ်ပုဒ်ရဖို့ အပြင်းအထန်ရှာနေရတဲ့အမျိုးသမီးတစ်ယောက်။
ဘယ်မှာမှရှာမရတဲ့အဆုံး စာကြည့်တိုက်ကိုသွားတော့ စာကြည့်တိုက်မှူးက စာအုပ်တစ်အုပ်ထုတ်ပြပါလေရော။
အသည်းတထိတ်ထိတ်ရင်တဖိုဖိုတင်မက အသည်းတွေပြုတ်ကျပြီး ရင်တွေနာရမဲ့ဇာတ်လမ်းတဲ့။
စာအုပ်ကိုစဖွင့်လိုက်တော့တွေ့ရတာ အဖေရယ် အမေရယ်က လင်ကောင်းသားကောင်းရဖို့
အသည်းအသန်ကြိုးစားခြင်းခံနေရတဲ့ ကောင်မလေးတစ်ယောက်။
အမေတစ်ခုသားတစ်ခုရယ်နဲ့ အမေ့လောင်းရိပ်ကမလွတ်ဘဲ မိန်းမကောင်းလေးနဲ့ရဖို့
နားပူနားဆာလုပ်ခံနေရတဲ့ အမေချစ်သားလေးတစ်ယောက်။
ဒီနှစ်ယောက်က ချစ်သူတွေဖြစ်ပြီး မိဘတွေမသိအောင် ခရီးအတူထွက်ဖို့ကြိုးစားကြတဲ့အခါ။
ခရီးမှာ မထင်မှတ်ထားတဲ့ ထိတ်လန့်ခြောက်ခြားဖွယ်ရာအဖြစ်အပျက်တွေကို ရင်ဆိုင်ရတဲ့အခါမှာတော့…။
(အညွှန်းနဲ့ဘာသာပြန်ကတော့ CM Bollywood Teamပဲဖြစ်ပါတယ်)
Credit
ဇာတ်လမ်းအညွှန်း
23 Oct, 11:01
Mamasapano: Now It Can Be Told (2022)
၂၀၁၅ ခုနှစ် သို့မဟုတ် ဖိလစ်ပိုင်SAFအထူးတပ်သား ၄၄ ယောက်ရဲ့ မိသားစုဝင်တွေ သွေးမျက်ရည်ကျခဲ့ရတဲ့နေ့တစ်ဖြစ်လဲ
မာမာစပန်နိုဆိုတဲ့မြို့လေးက unpopular warတစ်ခုမှာ ရက်ရက်စက်စက် အသက်စတေးခဲ့ရတဲ့
SAF တပ်သား ၄၄ ယောက်ရဲ့ ရင်နာဖွယ်ဖြစ်ရပ်မှန်လေးကို တင်ဆက်ထားတဲ့ ရုပ်ရှင်လေးတစ်ခု တင်ဆက်ပေးလိုက်ပါရစေ။
Now It can be told ဆိုတဲ့အတိုင်း ဟိုလူလိုလို ဒီလူလိုလိုနဲ့ တစ်ချိန်က ပြည်ဖုံးကားချဖုံးဖိထားတဲ့
ဒီဖြစ်ရပ်ဆိုးကြီးရဲ့ နောက်ကွယ်ကဖြစ်ရပ်မှန်က ဘယ်လိုဖြစ်မလဲဆိုတာ CM နဲ့အတူ ရှုစားကြည့်ကြပါဦး။
Credit
ဇာတ်လမ်းအညွှန်း
23 Oct, 11:00
White Fang (2018)
IMDB: 6.9/10
စာရေးဆရာ Jack Landon ရေးသားခဲ့တဲ့ White Fang စာအုပ်ကို Animation အနေနဲ့ပြန်လည် ရိုက်ကူးထားတာပဲ ဖြစ်ပါတယ်
IMDB အနေနဲ့ကတော့ 6.9 အထိရရှိထားတဲ့ ဇာတ်ကားဖြစ်ပါတယ်
သစ္စာစောင့်သိပြီး ကျေးဇူးတရားကို နားလည်တဲ့ ခွေးဝံပုလွေတစ်ကောင်အကြောင်းကို ဇာတ်လမ်းဇာတ်အိမ်ကောင်းကောင်းနဲ့ တင်ဆက်ထားခြင်းပဲဖြစ်ပါတယ်
ဇာတ်လမ်းအညွှန်းအနေနဲ့ကတော့ White Fang ဆိုတဲ့ ခွေးဝံပုလွေလေးဟာ မိခင်ဖြစ်သူနဲ့နေထိုင်ရင်း ဒုက္ခတွေတွေ့ကြုံခဲ့ရာမှ မိခင်ရဲ့သခင်ဟောင်းဖြစ်သူဆီ ပြန်သွားခဲ့ကြပါတယ်
အရွယ်ရောက်ပြီးကြီးပြင်းလာတဲ့ White Fang ဟာ သခင်ရဲ့ငွေကြေးအခက်အခဲကြောင့် မသမာသူတွေလက်ထဲ ရောင်းစားခံရပါတယ်
White Fang ဟာ မသမာသူတွေရဲ့ ခွေးတိုက်ပွဲမှာ ဝင်ရောက်တိုက်ခိုက်ခိုင်းခံရပြီး ပိုက်ဆံတွေရှာပေးခဲ့ရပါတယ်
အဲ့ဒီနောက်မှာတော့ ယူအက်စ်အရာရှိ ဝှင်းမ်ဒွန်စကော့နဲ့ တွေ့ဆုံခဲ့ပြီး ဘဝသစ်တစ်ခုရရှိခဲ့ပါတယ်
White Fang ကိုပြန်လည်ရယူဖို့ ကြိုးစားနေတဲ့ မသမာသူတွေဟာလည်း အရာရှိနှင့်ရန်ငြိုးရှိထားသူတွေဖြစ်ပါတယ်
အရာရှိကြီးနဲ့ White Fang ဟာ ဒီအခက်အခဲတွေကို ဘယ်လိုကျော်ဖြတ်ကြမလဲ
သူတို့နှစ်ဦးရဲ့ ကံကြမ္မာတွေဟာလည်း ဘယ်လိုမျိုးတွေကြုံတွေ့ရမလဲဆိုတာကို စိတ်ဝင်တစားနဲ့ဆက်လက် ကြည့်ရှူ့ရမှာပဲ ဖြစ်ပါတယ်
(ဇာတ်လမ်းအညွှန်းနဲ့ ဘာသာပြန်ပေးထားသူကတော့ Lyrice Lynn Khant ပါ)
Credit
ဇာတ်လမ်းအညွှန်း
23 Oct, 10:58
Hidden Man ( 2018 )
IMDB: 6.5/10
အက်ရှင်ကြမ်းကြမ်းကြိုက်တဲ့သူတွေအတွက်
Imdb 6.5 ရရှိထားတဲ့ဇာတ်ကားကောင်းလေးကိုတင်ဆက်ပေးလိုက်ပါတယ်
တရုတ်နိုင်ငံမှာဂျပန်တွေအုပ်စိုးစဉ်ကာလကျူးချန်းလုံဟာ
သူ့ကိုယ်ကျိုးအတွက်သူ့သူငယ်ချင်းကိန်းပိန်ရိလန်နဲ့ပူးပေါင်းပြီး
သူ့ဆရာရဲ့စံအိမ်တော်ကိုဘိန်းစိုက်ဖို့တောင်းဝယ်ရာကနေ
တင်းမာမှုတွေဖြစ်လာပြီး သူ့ဆရာတစ်မိသားစုလုံးကိုသတ်ဖြတ်ပြီးမီးရှို့ခဲ့ပါတယ်..
ဒီလိုမီးရှို့ခံရတဲ့ကြားထဲကနေသူ့ဆရာရဲ့တပည့်ငယ်လေးလီထျန်းရန်ဟာ
အမေရိကန်ဆရာဝန်Dr.Handalaရဲ့ကယ်တင်ခြင်းခံရပြီးအသက်ရှင်ခွင့်ရခဲ့ပါတယ်.
သူဟာအမေရိကားကိုပို့ဆောင်ခြင်းခံရပြီးDr.Bruce Handalaဖြစ်လာခဲ့ပါတယ်..
တစ်နေ့မှာတော့သူဟာတရုတ်ပြည်ကိုပြန်လာပြီးသူရဲ့ရန်သူတွေဖြစ်တဲ့ကျူးချန်းလုံနဲ့
ကိန်းပိန်ရိလန်တို့ကိုကလဲ့စားချေဖို့အခွင့်ရလာတဲ့အခါ..
ဘယ်လိုတွေဆက်ဖြစ်လာမှာလဲ..
လှည့်ကွက်မျိုးစုံနဲ့စိတ်ဝင်စားဖွယ်ကြည့်ရှုရမှာပါ..
တရုတ်ပြည်ကိုဂျပန်အုပ်စိုးစဉ်ကာလရဲ့
ပုံရိပ်တွေကိုလည်းတွေ့မြင်နိုင်မှာဖြစ်ပါတယ်..
တိုက်ခိုက်ရေးခပ်ကြမ်းကြမ်းတွေလဲပါတာမို့
အက်ရှင်ကြိုက်သူတွေအတွက်လည်းအကြိုက်တွေ့စေမှာပါ..
credit
ဇာတ်လမ်းအညွှန်း
23 Oct, 10:57
The Collection (2012)
IMDB: 6.1/10
IMDB 6.1/10 Rotten tomatoes 35% 2012 ကထွက်ရှိခဲ့တဲ့ The Collection ရုပ်ရှင်ဟာဆိုရင်ဖြင့် ၂၀၀၉ခုနှစ်ကထွက်ခဲ့တဲ့ The Collector ဆိုတဲ့ ရုပ်ရှင်ကားရဲ့အဆက်လို့တောင်ပြောလို့ရပါတယ်။ ဒီရုပ်ရှင်ကတော့ တစ်နေ့မှာ အယ်လီနာဆိုတဲ့ ကောင်မလေးတစ်ယောက်က သူမရဲ့ သူငယ်ချင်းတွေနဲ့အတူပါတီတစ်ခုကိုသွားရမှာ အဲ့ပါတီက လူအစုလိုက်အပြုံလိုက်သတ်တဲ့နေရာတစ်ခုဖြစ်နေရာမှ ထွက်ပြေးရန်ကြိုးစားရင်းကနေ The collector ရဲ့ ဖမ်းဆီးခြင်းကိုခံခဲ့ရသူတစ်ယောက်ပဲဖြစ်ပါတယ်။ အာကင်ဆိုတဲ့လူကတော့ The collector ဆီကနေ လွတ်မြောက်လာတဲ့လူတစ်ယောက်ဖြစ်ပြီး တစ်နေ့မှာတော့ သူဆီကို အယ်လီနာအဖေရဲ့ လက်ထောက်ကနေရောက်လာပြီး အယ်လီနာကိုကူရှာပေးဖို့ပြောရာကနေ အယ်လီနာကို The collector လက်ကနေဘယ်လိုကယ်ထုတ်သွားမလဲဆိုတာကိုရင်ခုန်စွာကြည့်ရမယ့် horror, thrillerအမျိုးအစားဖြစ်ပါတယ်။
Credit
ဇာတ်လမ်းအညွှန်း
22 Oct, 10:38
Fargo (1996)
IMDB: 8.1/10
ဒီကားက အကောင်းဆုံး အမျိုးသမီးသရုပ်ဆောင်ဆု နဲ့ အကောင်းဆုံးဇာတ်ညွှန်းဆုရရှိထားပါတယ်…အခြားဆု(၈၁)ဆုရရှိခဲ့ပြီး
ဆန်ကာတင် (၅၇)ဆုလည်းဝင်ခဲ့တယ်…မင်းသမီးကတော့ Three Billboards Outside မှာ အော်စကာထပ်ရခဲ့တဲ့ Frances McDormand ပါပဲ…
ဒီကားက ၁၉၈၇ ခုနှစ် မီနီဆွန်တာ မှာ့ဖြစ်ခဲ့တဲ့ တကယ့်မှုခင်းကြီးကိုအခြေခံပြီးပြန်လည်ရိုက်ကူးထားတာပါ….
သိပ်ချမ်းသာတဲ့မိသားစုတစ်စုရှိတယ်…..ယောက္ခမက စည်းကမ်းကြီးသလို တိလည်းတိကျတယ်…
ဒီမိသားစုမှာ သားမက်ကတော့ စီးပွားရေးပိုင်းရော လူမှုရေးပိုင်းရော အားနည်းတယ်…ဒါ့အပြင် အသုံးအစွဲကလည်းမတတ်ဆိုတော့ ကြာတော့
ငွေကအရမ်းလိုလာတယ်..ဒီတော့ ပြန်ပေးသမားတွေနဲ့ပေါင်းပြီး ကိုယ့်မိန်းမကိုယ် ပြန်ပေးဆွဲဖို့စီစဉ်တယ်..
ယောက္ခမဆီကနေ ငွေညှစ်မယ်ပေါ့…
သို့သော်လည်း သူထင်သလောက်ရိုးရိုးရှင်းရှင်းလေးဖြစ်မသွားဘူး….
ကိုင်းဘာတွေဆက်ဖြစ်မလဲဆိုတော့ခံစားကြည့်လိုက်ဦးဗျို့…
ကားသစ်တွေကိုတစ်ခါတစ်ရံစိတ်တိုင်းမကျတဲ့သူတွေအဖို့ ဒီလိုကားမျိုးကို နင်းကန်ကြည့်ဖို့ပြောပါရစေ…
ဇတ်လမ်းအညွှန်းနဲ့ဘာသာပြန်သူကတော့ Ye Pye Sone ဖြစ်ပါတယ်….
Credit
ဇာတ်လမ်းအညွှန်း
22 Oct, 10:36
Nobody Nose ( 2018 )
ရဲအရာရှိတစ်ယောက်ဟာ သူ့ကြောင့် သူလျှိုမလေးသေသွားတဲ့အခါ
စိတ်ဒဏ်ရာတွေဖြစ်ကျန်ခဲ့ပြီး ထင်ယောင်ထင်မှားတွေမြင်လာတယ်။
အဲဒီလိုနဲ့ရဲဌာနကနေနှုတ်ထွက်လိုက်ရတယ်။ သူ့အခြေနေက
ဆေးပုံမှန်မသောက်ရင် ပိုဆိုးလာနိုင်တယ်လို့ပြောကြပေမယ့်
သူကတော့ ခေါင်းမာမာနဲ့ ငါအရူးဆိုတာ လူတိုင်းသိနေပြီပဲ
မသောက်လဲဘာမှမဖြစ်ဘူးဆိုပြီးတော့ ပေတေပြီးနေနေတုန်းပဲ။
ရဲမဟုတ်တော့ပေမယ့် ဒီအမှုကိုဆက်စုံစမ်းတာတော့မရပ်ခဲ့ဘူး။
(၄)နှစ်ကြာသွားတဲ့အခါ အမှုဟာသဲလွန်စအသစ်ပြန်ရလာခဲ့တယ်။
သူကတကယ်ပဲ ထင်ယောင်ထင်မှားတွေမြင်နေပြီးတော့
အသုံးမကျတဲ့သူတစ်ယောက်ဖြစ်သွားပြီလား…..
ဒီတစ်ခါရော နောက်ကွယ်ကတကယ်ချုပ်ကိုင်နေတဲ့ အဓိကတရားခံကိုအမိဖမ်းနိုင်မလား……
Credit
ဇာတ်လမ်းအညွှန်း
22 Oct, 10:35
Valentina or the Serenity aka Valentina o la serenidad (2023)
Imdb 6.8
သမီးကိုအလိုလိုက်တဲ့အဖေ အဖေကအရာရာပါဆိုတဲ့သမီး
အမေကိုတောင်ဒီလောက်မကပ်တဲ့ကလေးက
ဖြစ်ရပ်ဆိုးတစ်ခုကြုံလာရတဲ့အခါ ဘယ်လိုတွေကျော်ဖြတ်သွားမလဲ
အဖေကိုအရမ်းချစ်တဲ့သမီး သေခြင်းဆိုတာဘာမှန်းမသိတဲ့အရွယ်မှာတင်
ဖခင်ဖြစ်သူကိုဆုံးရှူံးခဲ့ရတယ် သမီးဖြစ်သူကိုအရုပ်ဝယ်ပေးဖို့
မြို့တက်သွားတဲ့အဖေနဲ့ အဖေပြန်လာရင်အရုပ်ရမယ်ဆိုပြီး
မျှော်လင့်တကြီးစောင့်ဆိုင်းနေတဲ့သမီးလေးကတော့
ထင်ထားသလိုအရုပ်လည်းမရခဲ့သလို သတင်းကောင်းလည်းမဟုတ်ခဲ့ဘူးပေါ့
ဈာပနာပွဲမှာဖခင်ဖြစ်သူကိုသွားကြည့်တော့ ပုပ်ပွနေတဲ့အလောင်းတစ်ခုပဲတွေ့ခဲ့တယ်
သူ့အဖေမဟုတ်ဘူးဆိုပြီး ကျောင်းတွေလစ်ပြီးအဖေဖြစ်သူကိုရှာပုံတော်ထွက်ခဲ့တာပေါ့
အဖေဖြစ်သူကမြစ်ထဲမျောသွားတယ်လို့ မိခင်ကဆိုတော့
ဒီမြစ်ဆီပဲတစ်နေ့တစ်နေ့သွားစကားပြောရင်း သူတွေ့ကြုံလာမှာတွေကတော့….
( အညွှန်းနဲ့ ဘာသာပြန်ကတော့ Yunni ပဲဖြစ်ပါတယ် )
Credit
ဇာတ်လမ်းအညွှန်း
22 Oct, 10:34
Oosaravelli (2011)
IMDB: 6.5/10
2011ခုနှစ်ကထွက်ရှိထားပြီး ရိတ်တင်လဲကောင်း
မင်းသမီးချောလေး သမန်းနားရဲ့အလှတွေနဲ့ ရောစပ်ဖန်တီးထားတဲ့
ဘောလိဝုဒ်ရုပ်ရှင်ကားဟောင်းတကားကို တင်ဆက်ပေးချင်ပါတယ်
လူမိုက်လောကမှာ နာမည်ကြီးတဲ့ တိုနီဆိုတဲ့ လူငယ်လေးတစ်ယောက်၊
သူ့ရဲ့ သတင်းတွေကတော့ မွှေးပျံ့နေရုံတင်မဟုတ်ဘဲ
သူ့အကြောင်းကိုမေးကြည့်လိုက်ရင် လူတစ်ယောက်ကို
တစ်မျိုးဖြေတဲ့အထိ သူ့ရဲ့ ဇာတ်ရုပ်က ပြောင်းလဲလွန်းတဲ့အတွက်
လူတွေကတော့ သူ့ကို ပုတ်သင်ညိုဆိုပြီးတင်စား ခေါ်ဆိုကြပါတယ်။

ဒီလိုနဲ့ တိုနီတစ်ယောက် ကတ်ရှ်မီးယားဘက်ကို အလည်သွားရင်း
အကြမ်းဖက်သမားတွေရဲ့ ဖမ်းဆီးခြင်းကို ခံရပြီးတော့
နီဟာဆိုတဲ့ကောင်မလေးနဲ့ ဆုံတွေ့ခဲ့ရပါတယ်။
အဲဒီလိုဖမ်းဆီးခံနေရတဲ့အချိန်မှာ နီဟာနဲ့ တိုနီတို့ စကားတွေပြောကြရင်း
မသေခင် ကောင်မလေးတစ်ယောက်နဲ့ နမ်းချင်တယ်လို့ပြောလိုက်တဲ့ တို
နီ့စကားကြောင့် ပရဟိတမမလေး နီဟာက အနမ်းတစ်ပွင့်ပေးလိုက်ပါတော့တယ်။
ဒါပေမဲ့လည်း ယောက်ျားတွေကို မယုံဘဲ ဇာတ်လမ်းမရှုပ်ချင်တာကြောင့်
အဲဒီနေရာကနေ နီဟာတစ်ယောက်တိတ်တိတ်လေးထွက်ပြေးလာခဲ့ပြီးတော့
သူ့အိမ်ရှိရာ ဟိုက်ဒရာဘတ်ကို ပြန်လာခဲ့ပါတော့တယ်။
ဘဝရဲ့ ပထမဆုံးအနမ်းကိုရလိုက်တဲ့ တိုနီတစ်ယောက်ကတော့
နီဟာ့ကို စွဲလမ်းသွားပြီး နီဟာ့နောက်ကို လိုက်သွားရာကနေ …….
ဘာပြောပြောသနားတတ်တဲ့ ပရဟိတမမလေး နီဟာနဲ့ တိုနီတို့
ဘယ်လိုတွေ ရှေ့ဆက် ဇာတ်လမ်းဆက်ကြမလဲ ……
ဆိုတာကို အချစ်,အလွမ်း,အမုန်း,အကြမ်း,ဟာသ
ရသစုံလင်စွာနဲ့ ကြည့်ရှုရမယ့် ဇာတ်လမ်းကောင်းလေးဖြစ်ပါတယ်။
ဒါ့အပြင် မင်းသားကြီး Murli Sharma ကလည်း
အားဖြည့်ပါဝင်ထားတာဖြစ်လို့ မလွတ်တမ်းကြည့်ရှရမယ့်
ဇာတ်လမ်းကောင်းလေးဖြစ်ပါတယ်။
(အညွှန်းနဲ့ ဘာသာပြန်ကတော့ CM Bollywood Team ပဲ ဖြစ်ပါတယ်)
Credit
ဇာတ်လမ်းအညွှန်း
22 Oct, 10:32
Spy Game(2002)
===========
IMDb – 7.1
Spy Gameဟာ စပိုင်ရုပ်ရှင်ပေမဲ့ မြင်နေကျ စပိုင်ကားတွေလို စပိုင်က ကြမ်းထော် ဂေါ်ထွက်နေတဲ့စပိုင်တွေအကြောင်း မဟုတ်ဘူး။
လက်တွေ့ကျကျ စပိုင်လောကကို ချည်းကပ်ပြသွားတဲ့ ကားပါပဲ။ စပိုင်လောကကို ရှင်းပြ SPYဖြစ်အောင်ဘာတွေလုပ်ရလဲရောပြသွားပြီး
ဝါရင့်စပိုင်ကြီးရဒ်ဖို့က စပိုင်ပေါက်စ ဘရက်ပစ်ကို စပိုင်ပညာတွေသင်ပေးတာကို သေချာနီးပါး ပြသွားတယ်။
ရဒ်ဖို့ရဲ့ကာရိုက်တာနဲ့ စီအိုင်အေဌာနချုပ်ကြားညဏ်ကစားတွေအခန်းတွေဆို တော်တော်လေး သဘောကျစရာပါပဲ။
ဒါရိုက်တာတိုနီစကော့ ကလည်း စပိုင်ကားတွေချည်းရိုက်ခဲ့တဲ့ ဒါရိုက်တာပါပဲ။
အရှေ့အလယ်ပိုင်း ပြဿနာတွေရော၊ တရုတ်ပြဿနာတွေရော စုံနေအောင်ကိုသုံးပြီး ရှေ့ဆက်ဘာဖြစ်မလဲ ရင်ဖိုစရာကောင်းအောင် ဒါရိုက်တာက ခပ်အေးအေးနဲ့ တဖြည်းဖြည်းချင်း ချပြသွားတယ်။
Actionခန်းနည်းပေမဲ့ တော်တော်ကောင်းတဲ့ စပိုင်ကားလို့ဆိုရပါလိမ့်မယ်။
အထနှေးပေမဲ့ ဆုံးအောင်ကြည့်ပြီးတဲ့အခါ ပရိတ်သတ်ရင်ထဲကျန်နေခဲ့မယ့် ကားကောင်းလို့ ကျွန်တော်တော့ ထင်တယ်။
( အညွှန်းရေးသားထားသူကတော့ WiRa Aung ပါ )
Credit
ဇာတ်လမ်းအညွှန်း
22 Oct, 10:30
The Collector (2009)
IMDB: 6.4/10
ကြောက်မက်ဖွယ်ရာလူသတ်အက်ရှင်ဇာတ်ကားတစ်ကားကို တင်ဆက်ပေးလိုက်ပါတယ်။
ချေ့စ်မိသားစုဟာဆိုရင် ဒက်ထရွိုက် မှာရှိတဲ့ အိမ်တစ်လုံးကို ပြောင်းရွှေ့ကျပါတယ်။ဒီလို
ပြောင်းရွှေ့တဲ့အခါမှာဆိုရင် အာကင်ဆိုတဲ့ လူကို တံခါးပေါက် ပြတင်းပေါက်တွက် တပ်ဆင်
ပေးဖို့အတွက်ငှားရမ်းလိုက်ပါတယ်။အာကင်ရဲ့ အမျိုးသမီးဟာဆိုရင် အကြွေးတွေ နစ်နေပြီး
ငွေကို အရေးတကြီးလိုအပ်နေပါတယ်။အာကင် ရဲ့ လုပ်ခကလည်း အကြွေးပေးရအောင်
မလုံလောက်ပြန်ပါဘူး။ဒီအချိန်မှာ ကြံရာမရတဲ့အဆုံး အာကင်ဟာ ချေ့စ်မိသားစုရဲ့
မီးခံသေတ္တာကို ဖောက်ထွင်းဖို့ ဆုံးဖြတ်ချက်ချလိုက်ပါတော့တယ်။အစီအစဉ်ချ လိုအပ်တဲ့
လက်နက်တွေယူပြီး အာကင်ဟာ ချေစ့်မိသားစုရဲ့ အိမ်ကို ရောက်ရှိလာပါတယ်။အ်ိမ်ထဲကို
ဖောက်ဝင် ပြီး လူရိပ်လူချည် မရှိတဲ့ အတွက် အာကင်တစ်ယောက် ဖောက်ထွင်းဖို့ ပြင်ဆင်နေတုန်း
အိမ်အောက်ထပ်က အသံတစ်သံကိုကြားလိုက်ပါတယ်။ဒီအတွက် သူက နီးစပ်ရာကို ဝင်ခိုအောင်းပြီး
စောင့်ကြည့်ပါတယ်။ခြေသံရှင်က တစ်ခြားအခန်းထဲကို ဝင်သွားမှ သူလည်း အောက်ထပ်ကို ဆင်းလာခဲ့
ပါတယ် ထွက်ပြေးဖို့အတွက် တံခါး၀ အရောက်မှာသူတွေရတာက တံခါးတွေအကုန် သော့တွေ ခတ်ထားပါတယ်
သူလည်း ထွက်ပြေးဖို့ စိတ်ကူးပြီး လောဘဇောနဲ့ မီးခံသေတ္တာကို ဖောက်နေတုန်း အော်သံတစ်ခုကို ကြား
လိုက်ရပါတော့တယ်။သူတွေ့လိုက်ရတာကတော့ မျက်နှာဖုံးအနက်စွပ်လူတစ်ဦးဟာ အိမ်ရှင်
မိုက်ကယ် ချေ့စ်ကို သွေးသံရဲရဲ နဲ့ မြေတိုက်ထဲကို ဆွဲခေါ်သွားတာပါ။အာကင်ဟာထိတ်လန့်သွားပါတယ်
သူထွက်ပြေးဖို့ အလုပ်မှာပဲ ပြတင်းပေါက်တွေ မှာထောင်ချောက်တွေ တပ်ဆင်ထားပြီး တံခါးတွေကလည်း
သော့ခတ်ထားပါတယ်။အာကင်တစ်ယောက် ရက်စက်တဲ့ လူသတ်သမားနဲ့ အတူ ပိတ်မိနေပါပြီ။
ဒီလူသတ်သမားက ချေ့စ်မိသားစုကို ဘာလို့ ရက်ရက်စက်စက် ဒုက္ခပေးနေတာလဲ အာကင်တစ်ယောက်
ဒီ အန္တရာယ်ကြားက ဘယ်လို ထွက်ပြေးမလဲ လွတ်ကော လွတ်မြောက်ပါ့မလားဆိုတာကို တော့
ဇာတ်ကားကိုသာ ဆက်လက် ကြည့်ရှု့ကျပါခင်ဗျာ……
Credit
ဇာတ်လမ်းအညွှန်း
21 Oct, 11:43
The Unexpected Man ( 2021 )
ဒီတစ်ခေါက်တင်ဆက်ပေးမဲ့ ဇာတ်ကားလေးကတော့… ချန်ကျန်းဟာ
အရမ်းတော်တဲ့သင်္ချာ ပညာရှင်တစ်ယောက်ဖြစ်ပါတယ် သူဟာ ဘဏ်မှာ
စာရင်းသွင်းဖို့သွားရင်း ဘဏ်ဓားပြတိုက်မှုတစ်ခုကို ကြုံခဲ့ရပါတယ်
အဲ့ဒီနောက်မှာ ရဲတွေကို လုယက်သူတွေကိုဖမ်းဖို့ မျက်မြင်သက်သေ
တစ်ယောက်အနေနဲ့ သူ့ရဲ့သချာ်စွမ်းရည်ကိုအသုံးချကာ ကြီးမားစွာ
အကူအညီပေးခဲ့ပြီး ကိန်းဂဏန်းဝိဇ္ဇာလို့ ဟိုးလေးတကျော်ကျော်ဖြစ်သွားခဲ့ပါတယ်
အဲ့ဒီအချိန်မှာ အကြမ်းဖက်သမားတစ်ယောက်က ကိန်းဂဏန်းဝိဇ္ဇာချန်ကျန်းကို
ရည်ရွယ်ပြီး မြို့ထဲမှာ ဗုံးတွေဆင်ကာ ပညာစမ်းပါတော့တယ်
အကြမ်းဖက်သမားလက်ထဲကနေ အပြစ်မဲ့သူတွေကို ချန်ကျန်းတစ်ယောက်
ရဲအရာရှိတွေနဲ့ပူးပေါင်းပြီး သူ့ပညာတွေကို ဘယ်လိုအသုံးချ
ဖြေရှင်းမလဲဆိုတာ စိတ်ဝင်စားဖွယ်ကြည့်ရှုရမှာ ဖြစ်ပါတယ်
Credit
ဇာတ်လမ်းအညွှန်း
21 Oct, 11:41
The Butterfly Effect 3: Revelations (2009)
Time travel ဇာတ်လမ်းတွေ စိတ်ဝင်စားတဲ့သူတွေအတွက် ၂၀၀၉ခုနှစ်ထွက် Sci-fi/Thriller ကားကောင်းတစ်ခုပါ။ ရှေ့မှာ 1နဲ့ 2 လည်း ထွက်ထားပါတယ်။
⏯ ဒီမှာကြည့်ပါ ◀️နှိပ်ရန်
ဇာတ်လမ်းကတော့ Sam Reide ဆိုသူမှာ အချိန်တွေ ခုန်ကူးပြီး time travelလုပ်နိုင်တဲ့ abilityတစ်ခုရှိပါတယ်။ ဇာတ်လမ်းအစမှာတော့ သူက တခြားသူတွေရဲ့ မှုခင်းတွေ မဖြစ်ခင် အချိန်ကို သွား၊ တရားခံကို ရှာပြီး ရဲလက်အပ်တဲ့ အလုပ်ကို ပိုက်ဆံယူပြီး လုပ်နေတာ ဖြစ်ပါတယ်။
သူ့မှာ Jenna ဆိုတဲ့ ညီမလေး ရှိပြီး အဲ့ဒီညီမလေးကို သူပဲစောင့်ရှောက်ထားတာပါ။ ငယ်ငယ်က သူတို့အိမ် မီးလောင်တော့ Sam ရဲ့ ညီမလေးက မီးထဲ သေဆုံးသွားခဲ့ပါတယ်။ အဲ့ဒီအချိန်မှာ Samက အချိန်ကူးသွားပြီး Jenna ကို သွားကယ်ခဲ့ပါတယ်။ result အနေနဲ့ သူ့အဖေနဲ့ အမေ သေသွားခဲ့ပါတယ်။ အတိတ်ကို သွားပြင်ရင်း သူ့ရဲ့ အနာဂတ်က အကျိုးဆကိတွေပါ ပြောင်းလဲကုန်တာ ဖြစ်ပါတယ်။ ဒီလိုနဲ့ တစ်ရက်မှာ သူ့ငယ်ချစ်ဖြစ်တဲ့ Rebecca ရဲ့ ညီမ Liz ရောက်လာတဲ့ အခါမှာ အတိတ်က ဖြစ်ရပ် နောက်တစ်ခုဆီကို ခုန်ကူးရဖို့ ဖြစ်လာပါတယ်။ ဇာတ်လမ်းအသွားအလာက မြန်ဆန်ပြီး သရုပ်ဆောင်တွေလည်း ကောင်းတာမလို့ ကြည့်ကြည့်ကြဖို့ တိုက်တွန်းပါတယ်။
Credit 10,879
subscribers
12
photos
13
videos
![GOAT (2024) [ထင်ပေါ်ကျော်ကြား ပြိုင်စံရှား] Telegram Channel](/avatar/1640/1640353397.jpg)
