Min's Beauty Book

ချစ်ခြင်းမေတ္တာမှာ ကွာခြားချက်တွေရှိပါတယ်

လွန်ခဲ့တဲ့ ၁၀နှစ်လောက်က ဆရာမကြီး ဂျာနယ်ကျော်မမလေးရဲ့
"မုန်း၍မဟူ"ဆိုတဲ့ စာအုပ်ကို ဖတ်ခဲ့ရဖူးတယ်
အဲ့တုန်းက ဝင်ငွေသိပ်မရှိသေးလို့ တလကို စာအုပ်တအုပ်တောင်
ပုံမှန်ဝယ်မဖတ်နိုင်ခဲ့သေးတဲ့အချိန်မှာ အဲ့စာအုပ်ကို ဖတ်ခဲ့ရတာ
တော်တော်အဖိုးတန်ပါတယ် အခုချိန်ထိ အိမ်က စာအုပ်စင်မှာ
အဲ့ဒီစာအုပ်လေးရှိနေပါသေးတယ် ဆရာမကြီးရဲ့ စာအုပ်တွေထဲမှာဆိုရင်
"သွေး" နဲ့ "မုန်း၍မဟူ" က မှတ်မှတ်ရရပါပဲ

‌ချစ်ခြင်းမေတ္တာမှာ ကွာခြားချက်တွေတကယ်ရှိပါတယ်
ချစ်ပေးတိုင်းလည်း မကောင်းသလို အချစ်ခံရတိုင်းလည်းမကောင်းပါဘူး
ဦးစောဟန်က အနောက်တိုင်းcultureတွေကို အထင်ကြီးတယ်
ခေတ်မှီတယ် ပညာတတ် လူဝင်ဆန့်တယ်
အရာရောက်တယ် လက်တံခြေတံရှည်တယ်
ဝေဝေက နယ်မြို့က သာမန် မိန်းမပျိုလေးတစ်ယောက်ပါ
ဝေဝေက မြန်မာမိဘကမွေးတယ် မြန်မာမိန်းကလေးပီပီ
ဦးစောဟန်နဲ့တွေ့တဲ့အခါမှာ သူတို့နှစ်ယောက်မှာ ကွာဟချက်တွေရှိပါတယါ
ဦးစောဟန်က သူ့အတွေးမှာ ဝေဝေ့ကို
"I can fix her"လို့ ထင်ခဲ့ပုံရတယ်
ဝေဝေ့အပေါ်ချစ်တဲ့စိတ်ထက် ဝေဝေ့ကို သူ့စိတ်နဲ့
သူ့ပုံစံနဲ့ နေစေချင်ခဲ့တယ်

အချစ်ခံရတာ ‌ကံကောင်းလိုက်တာ ဆိုတဲ့အထဲမှာ ဝေဝေမပါခဲ့ဘူး
ဝေဝေက အချစ်ခံရလို့ အသက်ပါ ပါသွားတဲ့ထိဖြစ်ခဲ့ရပါတယ်
ဝေဝေအဆင်ပြေလား ဝေဝေလိုချင်ရဲ့လားလို့မမေးခဲ့ဘူး
ဦးစောဟန်က သူဝေဝေ့အပေါ်ထားတဲ့ ချစ်ခြင်းမေတ္တာတွေ
အကုန်လုံးကို ဝေဝေနဲ့အသားကျပြီးအဆင်ပြေမယ်လို့ထင်ခဲ့တယ်
‌ဒါပေမယ့် ဝေဝေဟာ အသားလည်း မကျခဲ့သလို အဆင်လည်းမပြေခဲ့ပါဘူး
ဝေဝေက လည်း ဦးစောဟန်ကို ချစ်ခဲ့တယ်
ဦးစောဟန်ကလည်း ဝေဝေ့ကို ချစ်တယ်
သူတို့နှစ်ယောက်ရဲ့ချစ်ခြင်းမေတ္တာမှာ ကွာဟချက်ရှိနေတာကိုတော့
မသိခဲ့ကြဘူး

တခါတလေကျရင် ငါချစ်ပေးနေတာပဲ သူအဆင်ပြေလိမ့်မယ့်လို့
ပုံသေတွက်လို့မရဘူး ချစ်တာမှာ အတ္တပါရင် ချစ်တာမဟုတ်တော့ဘူး
ချစ်တာရဲ့ နောက်ဆက်တွဲမှာက ဘာမှရှိမနေဘူး
ချစ်ပေးနေရုံနဲ့တင် ပြီးသွားပြီ
ငါ သူ့ကို ချစ်ပေးလို့ သူ ငါ့ပုံစံအတိုင်းနေရမယ်
ငါ သူ့ကို ချစ်ပေးလို့ ငါ့စကားနားထောင်ရမယ်
ငါ သူ့ကို ချစ်ပေးလို့ ငါခိုင်းတာတွေလုပ်ရမယ်
ဒါတွေက သူ့ကိုချစ်လို့မဟုတ်တော့ဘူး
ကိုယ့်ကိုယ်ကိုယ် ချစ်တာဖြစ်သွားပြီ
ကိုယ့်ကိုယ်ကိုယ်ထက် သူများကို ပိုမချစ်နိုင်တဲ့အတွက်
သူများကို ချစ်ပေးတယ်ဆိုတဲ့ ခေါင်းစဉ်တပ်လိုက်ပြီး
အဲ့ခေါင်းစဉ်အောက်မှာပဲ အဲ့လူကို ကိုယ့်စိတ်နဲ့အသက်ရှင်ခိုင်းလိုက်တာမျိုးပါ

ဝေဝေက အလှမွှေး ငှက်ကလေးဖြစ်ခဲ့ရှာတယ်
သူ့မိဘဆီမှာ နေတုန်းကထက် ဦးစောဟန်ရဲ့လက်ထဲမှာက
ပိုပြီးတောက်ပခဲ့တယ် ဦးစောဟန်က သိပ်စနစ်ကျတာကို
ဝေဝေ မနက်စာဆင်းစားရင် ဝတ်ဖို့ အဝတ်ကအစ
စီစဉ်ပေးတတ်တဲ့ ယောကျာ်းမျိုးပါ
သူက ဝေဝေ့ကို ဒီလိုပုံစံပဲမြင်ချင်တဲ့အတွက်
ဝေဝေ့ကို အချိန်ယူပြီး ပုံဖော်ခဲ့တယ်
ဝေဝေကလည်း ဦးစောဟန်ကို ချစ်တဲ့စိတ်ကြောင့်
လိုက်ပြီး ပြုပြင်ပြောင်းလဲနေထိုင်ခဲ့တယ်
ဒါပေမယ့် တစုံတယောက်က တစုံတယောက်ကို
Fixedဖြစ်အောင် လုပ်လို့မရဘူးဆိုတာကို
သူတို့ မေ့နေခဲ့ကြတယ်

လူတစ်ယောက်ကို နောက်တစ်ယောက်က မျက်စိဒေါက်ထောက်ကြည့်ပြီး
လိုလေသေးမရှိဖြည့်ဆည်းပေးတာကို လူတော်တော်များများက
ဟာ သူက တော်တော်ချစ်ပေးတတ်တာပဲ
ဟိုတယောက်ကလည်း အချစ်ခံရတာ ကံကောင်းလိုက်တာဆိုပြီး
ထင်တတ်ကြတယ် အမှန်တော့ အဲ့တာတွေက ချစ်တာလည်း
မဟုတ်သလို အချစ်ခံရတာလည်း မဟုတ်ပြန်ဘူး
လူတွေစိတ်မှာက ရောထွေးနေတယ်လို့ပဲထင်တယ်
ချစ်တာရဲ့ နောက်ဆက်တွဲမှာဘာမှမရှိဘူး
အချစ်ခံရတဲ့ နောက်ဆက်တွဲမှာလည်း ဘာမှမရှိဘူး
က်ုယ့်ရဲ့ ချစ်ခြင်းမေတ္တာကြာင့် တဖက်လူက မွန်းကျပ်နေတယ်ဆိုရင်
ဒါဟာ ချစ်တာမဟုတ်သေးဘူး
ကိုယ်က တဖက်လူက်ု ချစ်ပေးနေရလို့
အချိန်တိုင်း ပူလောင်နေရတယ်ဆိုရင်လည်း
ချစ်တာ မဟုတ်သေးပြန်ဘူး

ချစ်ခြင်းမေတ္တာမှာက ကွာဟချက်ကြီးလာလေလေ
တစုံတယောက်ကို ဆုံးရှုံးဖို့က ရာခိုင်နှုန်းများလာလေလေပဲ
တဖက်မှာ ၅၀ရှိနှင့်နေပြီးသားကို
ကိုယ်က ချစ်တဲ့စိတ်ကြောင့် ၁၀၀ထပ်ပေးလို့မရဘူး
၅၀ရှိနေရင် ၃၀ သို့မဟုတ် ၄၀လောက်ထပ်ပေး
ဒါဆိုရင် အချစ်ဟာ ကျန်းမာရေးနဲ့ညီညွှတ်စေတယ်
အရမ်း‌များသွားရင်က အချစ်ကြောင့်ကျန်းမာရေးကို
ထိခိုက်စေနိုင်တယ် ချစ်ခြင်းမေတ္တာက လွတ်လပ်စေတယ်
ပျော်ရွှင်စေတယ် အရာအားလုံးကို ကျော်လွှားနိုင်စေတယ်
မွန်းကျပ်စေတယ် ပူလောင်စေတယ် ပိတ်မိစေတယ်ဆိုရင်
က်ုယ်ရနေတဲ့ အရာက ချစ်ခြင်းမေတ္တာမဟုတ်သေးဘူးဆိုတာ
သတိပြုမိနိုင်ပါစေနော်

#Min_Thant
#CounselingServices
#coachingservices
#EmotionalSupport
#mentalsupport
#physicalsupport
#ချစ်ခြင်းမေတ္တာ
#ကွာခြားချက်

ချစ်ခြင်းမေတ္တာမှာ ကွာခြားချက်တွေရှိပါတယ်

တစ်ယောက်တည်းဘဝမှာ ပျော်အောင်နေနည်း

အိမ်လေးစဆောက်ဖို့ စဥ်းစားတော့ ကိုယ့်မှာရှိတဲ့budgetရယ်
ကိုယ်အခြေချရင် အဆင်ပြေမယ့်ပတ်ဝန်းကျင်ရယ်ဆိုပြီး
ဒီနှစ်ခုကို အဓိက စဉ်းစားခဲ့ပါတယ် ကိုယ့်မှာရှိတဲ့
Budgetနဲ့ က ရန်ကုန်မြို့ထဲမှာဆိုရင်
၁၂ပေခွဲ ပေ၅၀လောက်အထပ်မြင့် တိုက်ခန်းလောက်ပဲရနိုင်ပါတယ်
တသက်လုံး တိုက်ခန်းအထပ်မြင့်တွေနေလာရတော့
ကိုယ့်အိမ်လေးနဲ့ကိုယ် နေရမယ်ဆိုတဲ့အချိန်မှာ
တိုက်ခန်းကို မရွေးချယ်ဖြစ်တော့ပါဘူး
တိုက်ခန်းမရွေးချယ်ဖြစ်တဲ့အတွက် ရန်ကုန်မြို့ထဲမှာလည်း
မနေရတော့ပါဘူး ရန်ကုန်မြို့ထဲကနေ ၂နာရီလောက်
ထပ်သွားရတဲ့ နေကာလေးတစ်ခုမှာ ခြံကွက်လေးတစ်ကွက်ကနေစခဲ့ပါတယ်

အသွားအလာအားဖြင့်တော့ နည်းနည်းတော့လှမ်းသွားပေမယ့်
ကိုယ့်အိမ်လေးနဲ့ကိုယ်နေရမယ် ကျွန်တော့်သမီးချီချီမလည်း
ရှိတယ်ဆိုတော့ ကျွန်တော့်အတွက်နေပျော်ပါတယ်
သိတဲ့အတိုင်း ကျွန်တော် အဖော်ကောင်းမှသာ
ထွက်နန့်တတ်တဲ့လူစားမျိုးထဲပါတော့
အဖော်မရှိတဲ့ ခပ်လှမ်းလှမ်းမှာနေရရင်
ကျွန်တော် တော်တန်ရုံ ဘယ်မှသွားဖြစ်တော့မှာမဟုတ်ပါဘူး
နဂိုတည်းက လူတွေနဲ့သိပ်အဆက်အဟပ်မလုပ်ချင်တဲ့သူ
တယောက်တည်းနေချင်တဲ့သူဖြစ်တဲ့အတွက်
အခုက ကျွန်တော့်အတွက် ပိုအဆင်ပြေသွားပါတယ်

ကျွန်တော်အလုပ်သဘောအရ လူတွေနဲ့စကားတွေပြောရ
ဖုန်းတွေနားထောင်ရ စာတွေရိုက်ရတာဖြစ်တဲ့အတွက်
တခြားလူတွေနဲ့ထွေရာလေးပါရော ထွေရာလေးမပါးရော
တကယ်ကို ထပ်ပြောချင်စိတ်မရှိပါဘူး
အသက်၁၈နှစ်တည်းက တစ်ယောက်တည်း
ကိုယ့်ဝမ်းကိုယ်ကြောင်းပြီး အပြင်ထွက်နေလာတာဖြစ်တဲ့အတွက်
ထမင်းဟင်းချက်တတ်တယ် ကိုယ့်အဝတ်ကိုယ်လျှော်တတ်တယ်
တော်သင့်ရုံ အိမ်သန့်ရှင်းရေးလုပ်တတ်တယ်
အခုက တကယ်ကို နားအေးပါအေးပဲ

မနက်ဆို ချီချီမကို လမ်းထွက်လျှောက်ပေးတယ်
အရင်ကလို အထပ်မြင့်ကြီးကနေ တကူးတက
အောက်ဆင်းရတာမဟုတ်တဲ့အတွက်
သူ့ကို အခုဆို နေ့တိုင်းလမ်းလျှောက်ထွက်ပေးတယ်
ပြန်လာရင် ခဏတဖြုတ်နားပြီး
ဘုရားကျောင်းဆောင် ဝေယျာဝေစ္စလုပ်တယ်
သူ့ကို မနက်စာကျွေးတယ် ကိုယ်မနက်စာစားဖို့စီစဉ်တယ်
ရေမိုးချိုး ဘုရားရှိခိုး မနက်စာစားတယ်
ပြီးကျရင် စာဖတ်တယ် စိတ်ကူးရရင်စာထရေးတယ်
လျှစ်စစ်မီးက ညဘက်လောက်သာရတဲ့အတွက်
Gasအိုး တအိုးဝယ်ထားတယ် စိတ်ပါရင် ထချက်စားတယ်
စိတ်မပါတဲ့နေ့ ဆိုင်ကဝယ်စားလိုက်တယ်
ချဥ်ပေါင်ကြော်တပွဲ ဆိုင်မှာ တထောင်ပေးရတယ်
ကိုယ့်ဟာကိုယ်ဆို ငွေတထောင်နဲ့ ချဉ်ပေါင်ကြော်စားလို့လည်းမရသလို
အချိန်ကုန်တယ် အလုပ်ရှုပ်တယ် လူပင်ပန်းတယ်
အဲ့တာမျိုးက ဝယ်ပဲစားလိုက်တယ်
တချို့ရက်တွေကတော့ ကိုယ့်ဟာကိုယ်ချက်စားတယ်
ညဘက်မီးလာရင် ညစာရယ် နောက်နေ့မနက်စာရယ်ကို
တခါတည်း ထမင်းတည်ထားလိုက်တယ်
အချိန်ကုန်သက်သာ အလုပ်ရှုပ်သက်သာတယ်

ဆယ်ရက်တခါလောက် လျှော်ထားတဲ့အဝတ်တွေကို
ရပ်ကွက်ထဲက အဒေါ်ကြီးကို မီးပူတိုက်အပ်ရင်း
အိမ်သန့်ရှင်းရေး အမှိုက်ပစ်တာဘာညာပါ
တခါတည်းလုပ်ခိုင်းလိုက်တယ်
တချို့ရက်တွေ အိမ်နားက ခေါင်းလျှော်ဆိုင်မှာ
ခေါင်းသွားလျှော်ပြီး အိမ်နီးနားချင်းတွေနဲ့
မျက်မှန်းတန်းမိအောင်နေတယ် သူများးအိမ်အကြာကြီး
သွားလည် စကားတွေထိုင်ပြောနေတာတော့မလုပ်ဘူး

နှစ်ပတ်တခါလောက် မြို့ထဲဘက်ကို
ကားကြုံရှိရင် အခြောက်အခြမ်းတွေ
ခွေးစာလူစာဝယ်ဖို့ လိုက်သွားတယ်
ကားကြုံမရှိလည်း ကိုယ့်သာကိုယ်သွားဝယ်တယ်
အိမ်ထဲမှာက ကျွန်တော့်စိတ်ကို relaxဖြစ်စေတဲ့
ကြိမ်နဲ့လုပ်ထားတဲ့ ပစ္စည်းလေးတွေနဲ့
အလှဆင်တတ်သလောက်ဆင်ထားတယ်
ကြိမ်ပစ္စည်းလေးတွေ အိမ်မှာထားရတာ ကျွန်တော်သဘောကျတယ်
အခုလည်း အိမ်ရှေ့ဝရံတာကို ကြိမ်ပစ္စည်းလေးတွေနဲ့
အလှဆင်ဖို့ စဉ်းစားနေတယ်

တစ်ယောက်တည်းနေတော့ တချို့ရက်တွေကတော့
နေချင်သလိုနေတဲ့ ရက်တွေလည်းရှိတယ်
နေချင်သလိုနေတယ်ဆိုတာက ဟိုလိုညစ်ပတ်
နံစော်စုတ်ပြတ်နေအောင်နေတာကို ဆိုလိုတာမဟုတ်ဘူး
အဆင်ပြေသလိုနေလ်ုက်တာကို ပြောတာပါ
ဟင်းဝယ်စားလ်ုက်တာမျိုး တနေကုန်ရုပ်ရှင်ထိုင်ကြည့်နေလိုက်တာမျိူး
ဒါမျိုးကို ဆိုလိုတာပါ ညနေမှပေါင်းပြီး
တနေကုန်စာ သန့်ရှင်းရေးထလုပ်တာမျိုးတွေပေါ့
ကိုယ့်ရဲ့တနေ့တာကို အရမ်းကြီး fixedလုပ်ထားပြီး
ကိုယ့်ကိုယ်ကိုယ် စိတ်ကျဉ်းကျပ်အောင်မထားဘူး
ဘယ်အချိန်မှာ ဘာလုပ်ရမယ်
မဖြစ်မနေ ဒါတွေလုပ်ရမယ်ဆိုတာမျိုး
ကျွန်တော့်ဘဝမှာ မသတ်မှတ်ထားဘူး

ပြောရရင် ကျွန်တော်က ခပ်အေးအေးနေချင်တဲ့လူစားမျိုး
ဘယ်သူ့ကိုမှလည်း ဒုက္ခလိုက်ပေးမနေဘူး
ဘယ်သူကမှလည်း ဒုက္ခလာမပေးနဲ့
ကျောပူတာပဲခံနိုင်တယ် နားပူတာမခံနိုင်ဘူး
ဆွေမျိုး တွေနဲ့လည်း အဆက်အစပ်မလုပ်ဘူး
သွားစရာရှိတာသွားတယ် ပေးစရာရှိတာ ပေးလိုက်တယ်
ပြီးရင် အဆက်ဖြတ်ထားလိုက်တယ်
ကိုယ့်ဟာကိုယ် အေးဆေးတယောက်တည်းပဲနေချင်တယ်

ဘဝမှာဘာမှထွေထွေထူးထူး မပိုင်ဆိုင်ချင်ဘူး
အေးအေးချမ်းချမ်းပဲ ကိုယ်လုပ်စရာရှိတာတွေ
လုပ်ရင်းပဲအချိန်ကုန်သွားချင်တယ်
ပိုက်ဆံတွေလည်း အများကြီးမလိုချင်သလို
ရှာလည်းမရှာချင်ဘူး လူ့ဘောင်ကို ပျော်သလောက်နေမယ်
ကောင်းတာတွေရော မကောင်းတာတွေရော
အကုန်လုပ်ဖူးပြီးပြီ စိတ်ကူးပေါက်လာရင်
ဘုန်းကြီးထဝတ်ရင်လည်း ဝတ်လိုက်မယ်

ရောက်တဲ့အရပ် ဖြစ်တဲ့ဘဝမှာ ပျော်အောင်
အဆင်ပြေအောင် အသားကျအောင်ပဲ ကြိုးစားနေထိုင်တယ်
သမ္မတကြီးဖြစ်ချင်တာတွေ best seller top 10စာရေးဆရာ
ဖြစ်ချင်တာတွေမရှိဘူး Top 10ဝင်ချင်ရင်
လွယ်လွယ်လေး ကိုယ့်စာအုပ်ကိုယ် pre orderတွေတင်လ်ုက်ရင်
Top 10က တပတ်အတွင်းဝင်တယ်
ဒါပေမယ့် ကျွန်တော်ကအဲ့လ်ုတွေမလုပ်ချင်ဘူး
၃လတစ်အုပ်မပြောနဲ့ တနှစ်နေလို့
ကျွန်တော် တအုပ်ထုတ်ချင်မှလည်းထုတ်မယ်
ကျွန်တော့်တသက်တာလုံးမှာ စာအုပ် ၁၀အုပ်ပြည့်အောင်
ထုတ်ချင်မှလည်း ထုတ်မယ်

ဒါတွေက ကျွန်တော့်ရဲ့ တယောက်တည်းဘဝမှာ
ပျော်အောင်နေနည်းတွေပဲ

စာဖတ်သူ မိတ်‌ဆွေတို့လည်း အပေါ်ယံ ဂုဏ်ပုဒ်တွေ
လူတွေရဲ့သတ်မှတ်ချက်တွေ ကြားမှာ
ကိုယ့်ဘဝကို မပျော်အောင် နေမိတာတွေကို
သတိထားပြီး အခုတည်းကရုန်းထွက်ကြည့်ပါ
ကိုယ့်ဘဝကို ပျက်စီးလေလွင့်နေတာမျိုးမဟုတ်ပဲ
ကိုယ့်စိတ်ကြိုက် ကိုယ့်သဘော ကိုယ့်ဆန္ဒနဲ့
ပျော်အောင်သာ နေလိုက်စမ်းပါ
လူ့ဘဝက တကယ်က်ု ခဏလေးပါ

ဘဝကို ပျော်အောင်နေလို့ရမယ့်
တခြားနည်းလမ်းတွေရှိရင်လည်း မျှဝေပေးခဲ့နိုင်ပါတယ်

#Min_Thant
#CounselingServices
#coachingservices
#mentalsupport
#emotionalsupport
#physicalsupport
#happiness

တစ်ယောက်တည်း ဘဝမှာပျော်အောင်နေနည်း

ကိုယ်ကစလို့ဖြစ်လာတဲ့ အရာတွေချည်းပါပဲ

ကိုယ်က စလို့ဖြစ်လာတဲ့အရာတွေချည်းပါပဲ

ဘဝမှာအရာရာတိုင်းက ကိုယ်ကနေစတယ်ဆိုတာကို
လူတွေက သိပ်လက်မခံချင်ကြပါဘူး
ပြဿနာတွေတက်ကြတယ် မကောင်းတာတွေဖြစ်ကြတယ်ဆိုရင်
သူများကို အရင်လက်ညှိုးထိုးချင် အပြစ်ပြောချင်
သူများကြောင့်ဆိုတာမျိုး စိတ်ထဲမှာထင်ကြတယ်
အမှန်တကယ်ကတော့ အကြောင်းအရာတွေ
ပြဿနာတွေရဲ့အစကကိုယ်ပဲ
ဒီစာကြောင်းက နားလည်မှုလွဲနိုင်လို့ထပ်ရှင်းပြပေးပါမယ်
ကိုယ့်ကိုယ်ကိုယ် အပြစ်တင်ခိုင်းနေတာမျိုးမဟုတ်ပါဘူး
ကိုယ်အသုံးမကျလို့ ကိုယ်အမှတ်မရှိလို့လည်းမဟုတ်ဘူး

ရေနစ် ‌ေ/သတယ်ဆိုတဲ့လူက အိမ်ထဲမှာနေရင်းနဲ့ရေနစ်တာမဟုတ်ဘူး
ရေကန်ကိုသွားလို့ သူအဲ့လိုမျိုးကြုံရတာပေါ့
သဘာဝဘေးအန္တရာယ်ကြောင့်ဖြစ်ရတာတွေကိုမဆိုလိုပါဘူး
ကိုယ့်ကို စိတ်ဒုက္ခပေးတဲ့သူနဲ့ကြုံရတယ်
ဒါကလည်း ကိုယ်ကသူ့ကိုသွားပတ်သက်မိလို့
သူက ကိုယ့်ကို စိတ်ဒုက္ခပေးလို့ရတာမျိုးပေါ့
သူနဲ့ကိုယ် ပတ်သက်မှုမရှိရင် ဘလိုင်းကြီး
ကိုယ့်ကို စိတ်ဒုက္ခလာပေးလို့မရဘူးပေါ့

Toxic relationshipတစ်ခုကို ဖြတ်သန်းနေရတဲ့
သူငယ်ချင်းတစ်ယောက်က လာပြောတယ်
ငါ သူ့ကြောင့် စိတ်အရမ်းညစ်နေရပြီတဲ့
အဲ့ကောင် တော်တော်ငါ့ကို ဒုက္ခပေးတာပဲတဲ့
ဒီမှာ ငါပြောပြမယ် သူငယ်ချင်းရေ
ငါပြောတာကို နင်စိတ်ဆိုးချင်လည်း ဆိုးရတယ်
နင့်လက်ထဲကို မီးခဲတစ်ခဲလာထည့်ပေးရင်
နင်အပူခံပြီးကိုင်မလား နင်ပူနေပြီဆိုတည်းက
နင်လက်ခံပြီး ကိုင်ခိုက်မိလို့ပူတာလေ
ဒီမီးခဲကို နင်မကိုင်ဘူးလို့ ငြင်းလိုက်လို့ရရဲ့သားနဲ့
နင်မငြင်းပဲ ကိုင်လိုက်မိတယ်ဆိုရင်
ဒီအပူက သူပေးမယ် နင်လက်ခံလို့ရတဲ့အရာမျိုးဖြစ်သွားတော့
သူ့ကို အပြစ်တင်နေတာထက် နင်သူ့ကိုစွန့်လွှတ်နိုင်လား
စဉ်းစားလိုက် စွန့်လွှတ်နိုင်ရင် နင်အေးချမ်းသွားလိမ့်မယ်
အကြောင်းအရာတော်တော်များက သူများကအတင်း
လာထိုးထည့်ပေးသွားလို့ရနေတာထက် ကိုယ်ကစိတ်လိုလက်ရ
လက်ခံမိထားတဲ့ စိတ်ကြောင့်ရနေတာမျိုးပါ

သူများက ကိုယ့်လက်ထဲဘယ်လောက်ထိုးထည့်ထိုးထည့်
ကိုယ်လက်မခံဘူး ကိုယ်ကငြင်းလိုက်ရင်
အဲ့ဒီအရာက ကိုယ့်ဆီရောက်မလာဘူး
ကိုယ့်ရဲ့လက်ခံထားတဲ့စိတ်ကြောင့်ရောက်လာတဲ့အရာတွေသာဖြစ်ပါတယ်
ဘဝမှာကောင်းခြင်း ဆိုးခြင်းတွေက ကိုယ်လက်ခံလိုက်မှရမယ့်အရာတွေပါ
ကိုယ်ကနေပဲ စပြီးဖြစ်တည်လေ့ရှိပါတယ်

ဥပမာ အိမ်ထောင်တစ်ခုပြိုကွဲတယ်ထားပါစို့
အပြစ်လုပ်တဲ့သူက သက်သက်တစ်ပိုင်း
သို့ပေမယ့် ဒီအိမ်ထောင်တစ်ခုဖြစ်လာအောင်
လက်ခံထားမိတဲ့ ကိုယ့်ရဲ့တစ်ပိုင်းကသက်သက်ဆိုတော့
တစ်ဖက်သူကအပြစ်လုပ်လို့ ပြိုကွဲတာလည်းဟုတ်သလို
ကိုယ့်ရဲ့လက်ခံထား အစပြုထားတဲ့စိတ်ကြောင့်လည်း
ကိုယ်က ဒီပြိုကွဲဒဏ်ကို ခံစားရတာမျိုးပါ
ကိုယ့်အပြစ်ကြောင့်လို့တွေးခိုင်းတာမျိုးမဟုတ်ပါဘူး
နေရင်းထိုင်ရင်း ကိုယ်ကဒီဒုက္ခတွေခံစားနေရပါလားလို့
မတွေးစေချင်တာပါ ဘယ်အရာမှနေရင်းထိုင်ရင်းဖြစ်မလာပါဘူး
အကျိုးရှိလို့ အကြောင်းဖြစ်လာရတာမျိုးတွေပါ

ကိုယ်ပတ်သက်မှုတစ်ခုလုပ်ထားရင်
အဲ့တာရဲ့ ကောင်းခြင်းဆိုးကျိုးနောက်ဆက်တွဲက ရှိကိုရှိပါတယ်
ကောင်းတာဖြစ်ရင်တော့ မသိလိုက်မသိဖာသာနေနိုင်ပေမယ့်
ဆိုးတာတွေ ဖြစ်တဲ့အခါကျတော့ ကိုယ်ဆီကနေ
အစပြုထားတာကို မေ့သွားရင် သူများကြောင့်
သူများလုပ်လို့ဆိုတာမျိုးတွေနဲ့ ဦးနှောက်ကပိုတွေးလေ့ရှိပါတယ်
လူ‌‌ေတာ်‌ေတာ်များများရဲ့ဦးနှောက်က
အဲ့ဒီပုံစံပဲတွေးဖြစ်ကြတာပ်
အဲ့ဒီအတွေးပုံစံကို ကျွန်တော်တို့ပြောင်းကြည့်ရပါမယ်

ကိုယ့်ကြောင့်လည်း မဟုတ်ဘူး
သူများကြောင့်လို့ပဲဆိုပြီး
သူများကိုချည်းလက်ညှိုးပဲထိုးနေလို့မရပြန်ဘူး
အကြောင်းအရာတွေကို ကိုယ်ကအစပြုတယ်လို့ပဲ
တွေးကြည့်ရှင်းရှင်းလေးပဲ
ဖဲရှုံးတယ်ဆိုတာ ဖဲဝိုင်းမှာ ကိုယ်ဖဲဝင်ရိုက်လို့
ရှုံးတာ သူများကဆွယ်တရားဟောရင်တောင်
ကိုယ့်မှာငြင်းခွင့်ရှိတယ် ရှုံးသွားခါမှ နင့်ကြောင့်တို့
ငါကိုက ရှည်ပြီးဝင်ဆော့မိတာတို့ ဒါမျိုးတွေးနေပြောနေရင်အပိုပဲ
ကိုယ်က ဒီအကြောင်းအရာကို စမိလို့
ဒီအကြောင်းအရာရဲ့အကျိုးဆက်ကို ခံစားရတာဒါပဲ
အရာအားလုံးက ကိုယ်လက်ခံကြည်ဖြူစွာ အစပြုထားမိတယ်ဆိုတာကို
သတိချပ်ပါ

ဖြစ်လာတဲ့အကျိုးတရား အကြောင်းတရားတွေအပေါ်မှာ
သူများကိုလည်းအပြစ်မတင်နဲ့ ကိုယ့်ကိုယ်လည်း အပြစ်မတင်ပါနဲ့

ဒါပါပဲ

အားလုံးပဲ Merry Christmasပါနော်🎄

ပျော်ရွှင်အေးချမ်းကြပါစေ 🍁

စိတ်ဖိစီးမှုဒဏ်ကို ခံရတဲ့အချိန်မှာ
ပထမဆုံးတွေးဖြစ်တာက ဒီအခြေအနေကြီးက
အချိန်အတိုင်းအတာတခုရောက်ရင် ပြီးသွားမှာပါလို့
ကျွန်တော်အမြဲတွေးပါတယ်
ဒါကြီးက ကိုယ့်ဆီမှာအကြာကြီးရှိမနေနိုင်ပါဘူး
ကိုယ်ဆွဲထားရင်တော့ အကြာကြီးဖြစ်ကောင်းဖြစ်သွားနိုင်ပါတယ်
အဲ့ဒီအချိန်ကျရင် ကိုယ့်ကိုယ်ကိုယ် manipulateမလုပ်ဘူး
ငါပျော်နေတယ် ငါအဆင်ပြေတယ်နေလို့မတွေးဘူး
ငါစိတ်ဖိစီးနေတယ် ဒီအ‌‌ေခြအနေကနေလွတ်မြောက်အောင်
ငါဘယ်လိုလုပ်မလဲ ဒါပဲတွေးတယ်
မလိုတဲ့လူတွေနဲ့စကားသိပ်မပြောဘူး
ဘာလို့ စိတ်ဖိစီးနေတဲ့အချိန် စကားတွေအများကြီး
ပြောမိရင် သူများအပေါ်မှာventလုပ်မိတတ်တယ်
ကိုယ့်ပြဿနာတွေကို အဲ့ဒီလူအပေါ်ပုံချမိတတ်ကြတယ်
ဒါကြောင့် စိတ်ဖိစီးမှုများနေတဲ့အချိန်မှာ
ကိုယ်ချင်းစာစိတ် empathyနဲ့ပဲနေတယ်

အရင်က ကိုယ်ချင်းစာစိတ်မရှိခဲ့လို့ အခုလိုစိတ်ဖိစီးမှုဒဏ်ကို
ခံနေရတဲ့အတွက် သင်ခန်းစာယူတယ်
အခုအချိန်မှာ ကိုယ်ချင်းစာစိတ်အပြည့်ထားတယ်
ကိုယ်မျက်စိရှေ့ပေါ်လာတဲ့ ကိုယ်ကူလို့ရတဲ့အရာဆိုကူလိုက်တယ်
ကိုယ်ချင်းစာစိတ်က ကိုယ့်ကို အေးချမ်းသွားစေတယ်
ကိုယ်ချင်းစာစိတ်ကပဲ ကိုယ့်ကိုကုသပေးနိုင်တယ်
ကိုယ်ချင်းစာစိတ်လေးကို တတ်နိုင်သလောက်ထားကြည့်လိုက်ပါ

စိတ်ဖိစီးမှုတွေ လျော့ကျလာပါလိမ့်မယ်

#Min_Thant
#Counseling_Service
#Coaching_Service
#Emotional_Support
#Mental_Support
#Physical_support
#empathy

စိတ်ဖိစီးမှု ခံစားနေရတဲ့အချိန်မှာ ကိုယ်ချင်းစာစိတ်ထားကြည့်ပါ

စိတ်ထောင်းကိုယ်ကြေလို့ အိပ်ယာထဲခွေပြီးဘယ်မှမလုပ်နိုင်တဲ့
နေ့တွေရှိပါတယ် အဲ့လိုနေ့တွေဆိုစာလည်းမရေးနိုင်တော့ပါဘူး
ဒီလိုတွေနေ့တွေရှိတတ်လို့ moodလာတဲ့ရက်တွေဆိုရင်
ကျွန်တော်က စာတွေတထိုင်တည်းချရေးထားလေ့ရှိပါတယ်
စာရေးတဲ့သူတွေက နည်းနည်းတော့crazyဖြစ်ကြတယ်
ကျွန်တော်တို့ဆီမှာမှမဟုတ်ဘူး အနောက်တိုင်းက
စာရေးဆရာတွေလည်း အဲ့အတိုင်းပဲ
သူတို့ရေးချင်ရာ လုပ်ချင်ရာလုပ်ကြတဲ့ကောင်တွေချည်းပဲ
ရေးချင်ရာရေး လုပ်ချင်ရာလုပ်ကြတယ်ဆိုတာ သူတို့အနုပညာကို
ဆိုလိုတာပါ ဥပမာ မြန်မာပြည်မှာ ဆရာကျား(ဟန်ထူးလွင်)တို့လိုလူမျိုးတွေ
မျက်စိထဲထောင့်မကျိုးရင် သရော်စာတွေရေးချင်လည်းရေးမယ်
အတည်အတံ့ကောင်းကောင်းမွန်မွန်စာတွေလည်းရေးချင်ရေးကြမယ်
ဒါက သူတို့အနုပညာကို ရူးသွပ်တဲ့လူတွေမှာရှိတတ်တဲ့အမူအကျင့်တွေပဲ
၃နှစ်နေလို့ စာအုပ်တစ်အုပ်ထွက်ဖြစ်ချင်မှလည်းထွက်မယ်
ဘဝတစ်သက်တာလုံးမှာ လက်၁၀ချောင်းပြည့်အောင်
စာအုပ်အရေအတွက်ထွက်ဖြစ်ချင်မှထွက်မယ်
စာရေးဆရာတစ်ယောက်ပြောသလိုပေါ့
ရေးဖို့အကြောင်းအရာသိတယ် ideaရှိတယ်
ရေးဖို့အချိန်လည်းအားတယ်
ဒါပေမယ့် အာရုံစုစည်းလို့မရဘူး
အဲ့အချိန်မှာ ဖြစ်ညှစ်ပြီး ရေးလည်းဘာမှထွက်မလာဘူး
စာရေးတာရဲ့ သဘောတရားက စာရေးသူရဲ့
စိတ်အခြေအနေပေါ်မှာ အများကြီးမူတည်တယ်
ကျွန်တော်ဆိုလည်း ကိုယ့်ဟာကိုယ်သတိထားမိတယ်
တချို့စာတွေ ကျွန်တော်ဖြစ်ညှစ်ပြီး ရေးထားလို့ ဖတ်ရတာမကောင်းဘူး
တချို့စာတွေဆိုရင် စိတ်အေးလူအေးနဲ့ရေးထားရတော့
ကိုယ့်ဟာကိုယ် ပြန်ဖတ်ရင်တောင် အရမ်းကျေနပ်စရာကောင်းနေတာမျိုးပေါ့

စိတ်ရောလူရောကြည်လင်ပြီး အချိန်အားနေတဲ့နေ့တွေဆိုရင်
အဲ့လိုရက်တွေက အလကားအဖြစ်မခံပဲ ကျွန်တော်စာရေးပါတယ်
လွန်ခဲ့တဲ့၃လလောက်ကဆို စိတ်ဖိစီးမှုအရမ်းများပြီး
ကျွန်တော် အိပ်ယာထဲလဲနေတယ် ဘာမှမလုပ်နိုင်ဘူး
စိတ်ဖိစီးတာနဲ့အစားလည်းကောင်းကောင်းစားမဝင်တော့ပဲ
ဗိုက်အောင့်သလို လေအောင့်သလိုဖြစ်တာမျိုးလည်းရှိပါတယ်
ခေါင်းကလည်း အရမ်းကိုက်နေပြီး အဲ့လိုအချိန်ဆို
ဖုန်းပဲကြည့်နေမိပါတယ် ဖုန်းကြည့်နေရင်းနဲ့
ပစ္စည်းအဟောင်းတွေတင်ရောင်းကြတဲ့
Gpတစ်ခုထဲက ပို့စ်တစ်ခုကိုတွေ့လိုက်ပါတယ်
ကျွန်တော်ကဝယ်တာမဝယ်တာအပထား အဲ့လိုgp တွေ
လိုက်joinထားပြီး ဘာတွေရောင်းကြဝယ်ကြလဲဆိုပြီး
လိုက်ကြည့်တတ်ပါတယ်

အဲ့နေ့က အန်တီကြီးတစ်ယောက်ပို့စ်တင်ထားတာပါ
ကင်ဆာရောဂါ stage 4ကိုရောက်နေပါပြီတဲ့
ဆေးဖိုးလိုလို့ အိမ်က ပရိဘောဂလေးတွေ
တချို့ပစ္စည်းလေးတွေကို တင်ရောင်းတာပါတယ်တဲ့
ကျွန်တော် အတွေးတစ်ခုရသွားတယ်
ငါ့လို နေစရာစားစရာရှိ ကျန်းကျန်းမာမာနဲ့လူတောင်
စိတ်ဖိစီးတဲ့ဒဏ်ကို အလူးအလဲခံနေရတာ
သူဆိုရင် အသက်လည်းကြီးပြီ ရောဂါလည်းခံစားနေရတယ်
ငွေကလည်း လိုအပ်နေတယ် ဘယ်လောက်တောင်စိတ်ဖိစီးပြီး
ပင်ပန်းနေလိုက်မယ်ဆိုပြီး တကယ်ကိုယ်ချင်းစာမိသွားပါတယ်

အဲ့တာနဲ့ comment တွေထဲ ဝင်ကြည့်တော့
အားလုံး အဲ့ဒီအန်တီကြီးအတွက် တတ်နိုင်သလောက်
ဝိုင်းပြီး ကူညီထားကြတော့ ကျွန်တော်လည်း
သူပေးထားတဲ့ ငွေလွှဲလို့ရတဲ့အကောင့်ထဲကို
နိုင်သလောက်ကူညီလိုက်ပါတယ် အများကြီးလည်းမဟုတ်ပါဘူး
ကိုယ်ချင်းစာတစ်ခုနဲ့ပါ ကိုယ်တွေကြောင့်
သူနေရမယ့် ကျန်ရှိနေတဲ့ကာလမှာ
မနာမကျင် ဝေဒနာတွေမခံစားရပဲ
နေသွားရင် တော်တော်အဆင်ပြေမှာပဲလို့တွေးမိတာကြောင့်ပါ
စိတ်ဖိစီးမှုဒဏ်ကို ခံနေရတဲ့အချိန်မှာ
တကယ် ကိုယ်ချင်းစာပါတယ်

စိတ်ဖိစီးနေရင် ဘာမှလုပ်လို့မရဘူး
ထမင်းတောင် ပါးစပ်ထဲဝင်အောင်သွင်းဖို့တော်တော်ခက်တယ်
ငယ်ငယ်က လူကြီးတွေ စိတ်ဖိစီးလိုက်တာလို့ပြောရင်
တကယ်နားမလည်ခဲ့ဘူး အခု အသက်၃၀နားကပ်တဲ့အချိန်မှာ
စိတ်ဖိစီးမှုဒဏ်ကို နဖူးတွေ့ဒူးတွေ့ခံစားဖူးပါပြီး
ကျွန်တော်တို့အသက်အရွယ်မျိုးမှာ
Relationshipကြောင့် ငွေရေးကြေးရေးကြောင့် အလုပ်ကြောင့်
မိသားစုကြောင့် ဒီလိုအရာတွေကနေပဲစိတ်ဖိစီးမှုတွေရကြတာပါ
တခါတလေကျရင် မလိုအပ်ပဲစိတ်ဖိစီးမှုရတာတွေလည်းရှိတယ်
အဲ့တာက ပိုဆိုးတယ် ကိုယ်ကြောင့်လည်းမဟုတ်ပဲ
ကိုယ်လည်း ကောင်းကောင်းမွန်မွန်နေနေရဲ့နဲ့
ရလာတဲ့ စိတ်ဖိစီးမှုတွေက ဘဝမှာအဆိုးရွားဆုံးပဲ

မနက် ၃နာရီလောက်ထိ မအိပ်ပဲ
ငုတ်တုတ်ကြီးထိုင်နေရတဲ့ရက်မျိုးတွေရှိခဲ့ဖူးတယ်
သမာရိုးကျလူတွေဆိုရင် အဲ့ဒီအ‌ခြေအနေတွေကိုကျော်ဖြတ်ဖို့
တော်တော်ခက်ခဲပြီး ပင်ပန်းပါလိမ့်မယ်
စိတ်ဖိစီးတဲ့အခါမှာ သိသိသာသာအဖြစ်ဆုံးက
ရုပ်ကျသွားတာပါပဲ ဒါကြောင့်စိတ်ထောင်းကိုယ်ကြေလို့ပြောတာပေါ့
စိတ်အဆင်မပြေတော့ရင် Physicalရုပ်ပိုင်းဆိုင်ရာမှာပါထိခိုက်လာရော
အဲ့လိုအချိန်တွေဆိုရင် ဆရာတော်ကြီးတွေဟောတဲ့တရားတွေကိုပဲ
ပြန်ပြီး နှလုံးသွင်းပြီး ကိုယ့်ကိုယ်ကိုယ်သက်သာအောင်လုပ်ပါတယ်
ငါ အရင်က သူများကိုစိတ်ဖိစီးရအောင် လုပ်ခဲ့ဖူးလို့
ငါလည်းအခုချိန်ဒီလိုပြန်ခံနေရတယ်လို့ပဲမှတ်လိုက်ပါတယ်
မဟုတ်ရင် ခဲမှန်သွားတဲ့ဖာလိုမျိုးပဲဖြစ်နေမှာပါ
ငါ့ကျမှ ဘာလို့လာဖြစ်ရတာလဲဆိုတဲ့အတွေးတွေနဲ့
ပိတ်မိနေပါလိမ့်မယ်

စိတ်ဖိစီးမှု ခံစားနေရတဲ့အချိန်မှာ ကိုယ်ချင်းစာစိတ်ထားကြည့်ပါ

ကိုယ့်ကိုယ်ကိုယ် Focusထားပြီး ရှင်သန်ပါ

ရင်းနှီးတဲ့မိတ်ဆွေတစ်ယောက်ရှိတယ်
သူက မကြာခဏဆိုသလို messengerမှာ
"ပွဲ"လို့ခေါ်တဲ့ အကြောင်းအရာတွေရဲ့ linkတွေလာလာပို့တယ်
ဘယ်သူနဲ့ဘယ်သူက ဘာဖြစ်နေပြီ
ဘယ်သူကတော့ ဘယ်သူ့ကို liveလွှင့်ပြီးဆဲနေပြီ
ဟိုတစ်ယောက်က သူ့အရင်လူနဲ့ပြတ်သွားပြီ အသစ်နဲ့တွဲနေပြီ
စသဖြင့် စုံစီနဖာ ဂဠုန်ချီလာတဲ့ ကိစ္စတွေလာလာပို့ပြီး
သူ့opinionတွေလည်းပြောတာအားမရလို့
နင်ရောဘယ်လိုထင်လဲလို့ နင်သာဆိုဘာလုပ်မလဲတို့ဆိုပြီးပါ
မေးလာတော့တယ်

ငါက ဘယ်လိုမှမထင်တတ်သလို ငါသာဆိုလည်းဘာမှမလုပ်ဘူးလို့
တိုင်းပြည်အရေးလည်းမဟုတ်ဘူး နိုင်ငံအရေးလည်း
မဟုတ်တဲ့အတွက် သူများကိစ္စတွေငါစိတ်မဝင်စားဘူးလို့
ငါတို့နိုင်ငံမှာ အဲ့တာတွေထက် စိတ်ဝင်စား
နားစွင့်နေရမယ့် အကြောင်းအရာမျိုးတွေ
တနေ့တနေ့မမျိုးနိုင်အောင်ကြုံနေရလို့
အဲ့တာမျိုးတွေ စိတ်ဝင်စားပြီး
အချိန်ကုန်မခံချင်ဘူးလို့အပြတ်ပြောလိုက်တယ်
စိတ်ဆိုးသွားလား ဘာလားတော့မသိဘူး
စိတ်ဆိုးသွားလည်း မတတ်နိုင်ဘူး

ကျွန်တော်ကိုယ်တိုင်လည်း သူများကိစ္စသိချင်စိတ်မရှိသလို
အဲ့ကိစ္စတွေကိုလည်း သူများစိတ်အ‌နှောက်အယှက်ဖြစ်အောင်
လိုက်ပို့လေ့မရှိဘူး တချို့အကြောင်းအရာတွေကိုယ်သိနေတယ်
Aနဲ့Bက Social mediaမှာအရမ်းချစ်ပြတဲ့အတွဲပဲထားပါတော့
Aကို Cဆိုတဲ့နောက်တစ်ယောက်အပြင်မှာကြိတ်ပုန်းခုတ်နေတာကို
ကိုယ်ကမြင်လိုက်ရတယ် သူတို့ကကိုယ့်သူငယ်ချင်းလည်းမဟုတ်ဘူး
လုပ်ဖော်ကိုင်ဖက်လည်းမဟုတ်တဲ့အတွက်
ဘာမှသွား‌ေပြာစရာလည်းမလိုသလို
အဲ့အကြောင်းကို အတင်းလိုက်တုတ်နေစရာလည်းမလိုဘူး
မျက်မှန်တန်းမိရုံသိကြတဲ့အခြေအနေမျိုး fbမှာreactပေးကြရုံလောက်
သိကြတဲ့ အခြေအနေမျိုးမှာ ကိုယ်ကဘာကိစ္စသူများကြားထဲ
ဝင်ပါဖို့ ကြိုးစားနေမှာလဲ အရမ်းenergy drainဖြစ်စေတယ်

ကျွန်တော်အားတဲ့အချိန် ဘာလုပ်လဲ
ရုပ်ရှင်ကြည့်တယ် travel show တွေကြည့်တယ်
သီချင်းနားထောင်တယ် သီချင်းလိုက်အော်ဆိုတယ်
ပြောနေကြသူငယ်ချင်းနဲ့ ဖုန်းပြောတယ် ဖုန်းပြောတာကလည်း
ရယ်ရတယ် သူများအကြောင်းမပါဘူး ကိုယ့်အကြောင်းကိုယ်ပြောကြတာ
၁နာရီ ၂နာရီလောက်ကြာတယ် အရင်ကဆို သူကညလာအိပ်
ကိုယ်ကသူ့ဆီညသွားအိပ် အဲ့လိုစကားထိုင်ပြောကြတာမျိုး
ငယ်ငယ်က ကျောင်းတက်တုန်းကဟာသတွေထိုင်ပြောကြတယ်
သူများအကြောင်းလုံးဝစိတ်မဝင်စားဘူးလားဆိုတော့
ကိုယ်နဲ့ပတ်သက်နေတဲ့လူဆိုရင်တော့စိတ်ဝင်စားပါတယ်
ကိုယ်နဲ့ပတ်သက်မှုမရှိရင်တော့ စိတ်မဝင်စားချင်ဘူး
Energy drainတယ် အတင်းအရမ်းပြောတဲ့သူတို့
သူများအကြောင်း အရမ်းစိတ်ဝင်စားတဲ့သူတို့ကို
မယုံရင် သတိထားပြီးကြည့်ကြည့် အကြည်ဓာတ်အားနည်းကျတယ်
ဘာလို့ဆို သူတို့မှာရှိတဲ့energyတွေကို
မသုံးသင့်တဲ့နေရာတွေမှာ သုံးနေရတဲ့အတွက်
သူတို့ကကြည်လင်မှုမရှိကြဘူး အမှိုင်းဓာတ်များကြတယ်

သူများအကြောင်းစိတ်ဝင်စားဖို့နေနေသာသာ
ကိုယ့်ဟာကိုယ်တောင် မနက်ကဘာဟင်းနဲ့ထမင်းစားလဲ
ညနေကျရင် မမှတ်မိတော့ဘူး မလိုတာတွေ ခေါင်းထဲကို
မထည့်ထားက အရမ်းလွတ်လပ်တယ်ပေါ့ပါးတယ်
သူက မျက်ခုံးကြီး ဘယ်လိုဆွဲထားတာ
သူက လင်ဘယ်နှယောက်ယူတာ
သူနဲ့သူက အရင်ကတော့ အရမ်းတည့်ကြတယ်
အခုကြတော့မတည့်ကြတော့ဘူး ဘာလို့လဲ
နဂါးမောက်သီးတစ်လုံးမှာ အစေ့ဘယ်နှစေ့ပါလဲ
အဲ့တာတွေကို ကိုယ့်ကိစ္ဓလို့ထင်နေကြတာက
လူ့ဘဝကို ခက်ခဲပင်ပန်းစေတာပါပဲ

မနက်မိုးလင်း မျက်စိနှလုံးပွင့်တာနဲ့
ကျွန်တော်ကတော့ ငါဒီနေ့ဘယ်သူ့emailပို့ရမယ်
ဘယ်သူနဲ့စကားပြောဖို့ရှိတယ် စာရေးစရာတွေဘာတွေရှိလဲ
နေ့တနေ့တာလုံးမှာ ကောင်းတာတစ်ခုတော့လုပ်ရမယ်
မနက်စာကို ဘာစားရင်ကောင်းမလဲ
ငါဘယ်သူ့ကို ကူညီရင်ကောင်းမလဲ
ဒါတွေတွေးနေရတာနဲ့တင် တနေ့တနေ့အချိန်ကမလောက်ဘူး
အဲ့ဟိုလူနဲ့ဒီလူမတည့်တာတွေ
ဟိုလူနဲ့သူက ဘယ်လိုပတ်သက်တာတွေ
ကိုယ့်ကိစ္စမှ မဟုတ်တာ အချိန်ကုန်ခံ energyအကျခံပြီး
သူများကိစ္စတွေ စိတ်မဝင်စားပါနဲ့

အသက်ကြီးလာတာနဲ့အမျှ ကိုယ့်ကိုယ်ကိုယ် focusထားပြီးရှင်သန်ဖို့ပဲ
အကြံပြုချင်ပါတယ် သူများတွေကို focusထားနေတဲ့အခါမှာ
ကိုယ့်ကိစ္စတွေကို focusမထားနိုင်တော့ပဲ
ဘဝဟာ ဗရမ်းဗတာဖြစ်တတ်ပါတယ်

ဒါပါပဲ

#Min_Thant
#Counseling_Service
#Coaching_Service
#Emotional_Support
#Mental_Support
#Physical_support
#focusonyourself

ကိုယ့်ကိုယ်ကိုယ် focusထားပြီးရှင်သန်ပါ

လူတချို့မှာရှိတတ်တဲ့ ရောဂါတစ်ခုအကြောင်းပြောပြပါမယ်
ဘာရောဂါလဲဆိုတော့ အားနာတတ်တဲ့ရောဂါပါ
အားနာတတ်တာရဲ့ နောက်ဆက်တွဲ ပြဿနာက
Relationshipတွေမှာ စိတ်ခုစရာ အထင်လွဲစရာတွေ
အကျိုးသက်ရောက်လာပါတယ် ကိုယ်တာဝန်မယူလိုက်လို့
တစ်ဖက်မှာ ဘာအကျိုးသက်ရောက်မှုမှ
ဖြစ်မသွားဘူးဆိုရင် ပွင့်ပွင့်လင်းလင်းသာ
တာဝန်မဲ့လိုက်ပါ ဘာမှအားနာနေစရာမလိုပါဘူး

အားနာတယ်ဆိုတဲ့စိတ်ကြီးက သေချာဆက်စပ်တွေးတောကြည့်ရင် တိုင်းပြည်အတွက်ရော
နိုင်ငံအတွက်ရော အများကြီးထိခိုက်နစ်နာမှုရှိပါတယ်
လူကြီးတွေကတော့ ထားပါတော့
အခုခေတ်လူငယ်တွေမှာ အားနာတဲ့စိတ်မရှိအောင်ရယ်
ကိုယ်မပါလို့ ကိုယ်တာဝန်မယူလိုက်လို့
ဘာထိခိုက်နစ်နာမှုမျိုးမှ မဖြစ်သွားတဲ့
ကိစ္စတွေမှာ ပွင့်ပွင့်လင်းလင်း တာဝန်မဲ့တတ်အောင်
ပြောပြဖို့ ကျွန်တော်တို့မှာတာဝန်ရှိပါတယ်

ငါလုပ်ပေးမှ ဖြစ်မယ် ငါမလုပ်ပေးလိုက်ရင်
အားနာစရာကြီးဆိုတဲ့ Mindsetကို
ဒီနေ့ကစပြီး ခေါင်းထဲက ဆွဲထုတ်လိုက်ပါတော့။

ဘာလို့ အားမနာသင့်ဘူးလဲ အားနာတတ်တဲ့စိတ်က
ဘာကြောင့် မကောင်းလဲဆိုတာကို ထပ်သိချင်ရင်တော့
ဒီစာအုပ်လေးရဲ့ Chapter 2မှာပါတဲ့
"ပွင့်ပွင့်လင်းလင်းတာဝန်မဲ့လိုက်ပါ"ဆိုတဲ့
Articleလေးကို ဖတ်ကြည့်ဖို့တိုက်တွန်းလိုက်ပါရစေ

ဒီစာအုပ်လေးကို မှာယူချင်ရင်တော့
@minthan5 ရဲ့
message boxမှာ "စာအုပ်မှာချင်လို့ပါ " ဆိုပြီး
ပို့လိုက်ရုံပါပဲ ရန်ကုန်မြို့တွင်းရော နယ်ဝေးရောကို
အိမ်တိုင်ရာရောက် တပတ်အတွင်း ပို့ပေးနေပါတယ်

အားလုံးကျေးဇူးတင်ပါတယ်ဗျ

#Min_Thant
#သူ့အကြောင်း
#ကိုယ့်အကြောင်း
#ကိုယ်တို့နှစ်ဦးအကြောင်း

ပွင့်ပွင့်လင်းလင်း တာဝန်မဲ့လိုက်ပါ

ကိုယ့်ကိုပျော်ရွှင်စေသောအရာများ

ကျွန်တော်က တချို့ရက်တွေမှာ အိပ်ယာနိုးနိုးချင်း
ဖုန်းလုံးဝမကိုင် social mediaမကြည့်တဲ့ရက်တွေရှိသလို
တချို့ရက်တွေမှာလည်း မျက်လုံးနှလုံးပွင့်တာနဲ့မျက်မှန်ကောက်တပ်ပြီး
ဖုန်းကြည့်ရတာမျိုးတွေလည်းရှိပါတယ် ဟိုရက်က အလုပ်တွေရှိလို့
ဖုန်းဖွင့်ပြီး စာတွေစစ် စာတွေပြန်လုပ်နေခဲ့ရတယ်
Social mediaဖွင့်ကြည့်လိုက်တော့ ကျွန်တော့်feedပေါ်ကို
Reelတစ်ပုဒ်တက်လာတယ် အဲ့ဘဲဘယ်သူလည်း
ဘာလည်း ကျွန်တော်မသိပဲကြည့်လိုက်မိတယ်

သူက လမ်းမတွေ public areaတွေမှာ
Bluetooth boxလိုspeakerကြီး ကိုင်ပြီး
သီချင်းဖွင့်ပြီး သူနဲ့participateလုပ်ခိုင်းတာမျိုးပါ
ပြောရမယ်ဆိုရင် Prankပေါ့
ငြင်းတဲ့လူတွေရှိသလို annoyဖြစ်သလိုပုံစံတွေ
လုပ်ပြတဲ့လူတွေလည်းရှိပါတယ် များသောအားဖြင့်ကတော့
သူနဲ့participateလုပ်ကြပါတယ်
တစ်ပုဒ်ကြည့်မိပြီး ကျွန်တော် တော်တော်သဘောကျသွားတယ်
သူနဲ့မသိတဲ့လူတွေကို သူက အတော်လေးinfluenceလုပ်နိုင်ပါတယ်

EDM festivalနေရာမျိုးတွေမှာလည်း
သူ့နောက်ကို အုပ်‌လိုက်ကြီးပါလာအောင်
သူကလုပ်နိုင်ပါတယ် သူ့videoတွေကြည့်ရတာ တကယ်ပျော်စရာကြီးပါ
အပျော်လည်းကူးစက်ပါတယ် @superboumj ဆိုပြီးရိုက်ရှာကြည့်ပါ
နာမည်ကြီး video creatorပါပဲ တခါတလေကျရင်ဘယ်ရယ်မဟုတ်ပဲ
အပျော်ကူးစက်သေရတဲ့အရာမျိုးတွေရှိပါတယ်
မြန်မာပြည်မှာတော့ အဲ့လို speakerကြီးကိုင်ပြီး
လိုက် က ခိုင်းရင် တာဇံဆိုပြီး ဆဲကြမလားတော့မသိ
ကျွန်တော်ကတော့ အဲ့နေ့မနက်က သူ့videoတွေကြည့်ပြီး
တော်တော်လေး အပျော်ကူးစက်သွားပါတယ်
Macarena သီချင်းနဲ့ကထားတဲ့ တစ်ပုဒ်ဆိုတော်တော်လေးကြိုက်ပါတယ်

Social influencerတွေ Video creatorတွေရဲ့talentက
အဲ့တာပါပဲ လူတွေကိုဆွဲဆောင်နိုင်ရမယ်
လူတွေကို လွှမ်းမိုးနိုင်ရမယ် လူတွေကြိအဆိပ်အတောက်
ဖြစ်စေတဲ့informationတွေမပေးရဘူး
That's itဒါပဲ ကိုယ့်မှာရှိတဲ့အရည်းအချင်းတစ်ခုနဲ့
လူတွေကို လွှမ်းမိုးရတာ လွယ်တော့မလွယ်ဘူး
လူတွေကိုငိုအောင်လုပ်ရတာကလွယ်တယ်
ပျော်အောင်ရယ်အောင်လုပ်ဖို့ကခက်တယ်
မြန်မာပြည်မှာလည်း video creatorတွေအများကြီးရှိပါတယ်
ကိုယ့်ဟာကိုယ် အပျော်အပျက်ရိုက်တယ်ဆိုရင်
ပေါချင်သလိုပေါ အကြောင်းမဟုတ်ပေမယ့်
ကိုယ်က ဒီအလုပ်ကနေ ဝင်ငွေလမ်းကြောင်းတစ်ခုရှိနေတယ်ဆိုရင်
ဒီအလုပ်အပေါ်နဲ့ ကိုယ်လုပ်တဲ့အလုပ်ရဲ့
impactဘယ်လောက်ရှိတယ်ဆိုတာ
သိထားရပါမယ် ဒါမှinfluencerပီသမှာပါ

ပိုက်ဆံရှိတိုင်း influencerလုပ်လို့တော့မရဘူး
အခုခေတ်က ရှိတာထုတ်ကြွားရင် influencerဖြစ်နေတဲ့ခေတ်မျိုးပါ
ကိုယ်မှာtalentရှိလို့ influencerြဖစ်လာတာနဲ့
ရှိတာထုတ်ကြွားလို့ influencerဖြစ်လာတာခြင်းကမတူပါဘူး
Over brandedတွေဖြစ်နေရင် လူတွေပိုပြီးမျက်မုန်းကျိုးပါတယ်
အသက်အရွယ်နဲ့ဝင်ငွေနဲ့မမျှတဲ့ over brandedတွေဖြစ်နေပြီး
Publicကိုချပြတဲ့factsတွေက တလွဲဖြစ်နေရင်
မသိနားမလည်တဲ့ လူငယ်တွေအတွက်လည်း
ရေလိုက်လွဲစေပါတယ် သူက vdလေးတွေလုပ်နေရုံနဲ့
ဒီလောက်သုံးနိုင် ဒီလောက်ပိုက်ဆံတွေရနေတာလားဆိုပြီး
ကိုယ့်ကို followထားတဲ့ လူငယ်တွေဆယ်ကျော်သက်တွေကို
ရေလိုက်လွဲသွားစေပြီး ကိုယ့်ကြောင့် သူတို့ဘဝတွေ
လမ်းမှားရောက် မပျော်ရပဲဖြစ်သွားနိုင်ပါတယ်

Social mediaမှာကတော့ ပျော်စရာတွေလည်းရှိသလို
မပျော်စရာတွေလည်း အများကြီးရှိပါတယ်
ကိုယ့်စိတ်နဲ့ဦးနှောက်ကို filterတပ်ထားနိုင်မှသာ
Social mediaကနေ ပျော်စရာကိုရနိုင်တာပါ
မဟုတ်ရင် သူများသုံးနိုင်စားနိုင်နေတာတွေကိုကြည့်ပြီး
Stressတွေရ ကိုယ့်ကိုယ်ကိုယ်အားမလိုအားမရတွေဖြစ်
သိမ်ငယ်စိတ်တွေဝင်လာတတ်ပါတယ်
ကိုယ့်ကိုယ်ကိုယ် တန်ဖိုးမရှိတော့ဘူးလို့လည်းထင်လာတတ်ပါတယ်
ကိုယ့်ကိုယ်ကိုယ်တန်ဖိုးရှိတယ်လို့တွေးမှ
ကိုယ့်ကတန်ဖိုးမဲ့အောင်မနေဖြစ်တော့မှာပါ

ကိုယ့်ဘဝက တန်ဖိုးရှိတယ် ပျော်စရာကောင်းတယ်ဆိုပြီး
ကိုယ့်ကိုပျော်စေမယ့်အရာလေးတွေကိုပဲ
ဘဝထဲကိုဆွဲသွင်းကြည့်ပါ
နဂိုထက်နေပျော်လာပါလိမ့်မယ်

#Min_Thant
#Counseling_Service
#Coaching_Service
#Physical_support
#Mental_Support
#Emotional_Support
#happiness

ကိုယ့်ကိုပျော်ရွှင်စေသောအရာများ

ခံစားဖူးမှပဲ သိကြတာပါ...

ခံစားချက်တစ်ခုဆိုတာ ကိုယ်တိုင်ခံစားဖူးမှပဲ
သေချာသိသွားကြတာပါ သူများကပြောပြတာကို
ကြားရရုံက အော်ဟုတ်လားနဲ့ပဲ ပြီးသွားတတ်တယ်
ကိုယ်ကိုယ်တိုင်ခံစားဖူးသွားမှပဲ ဒီခံစားချက်ကဒီလိုပါလားဆိုတာကို
သေချာသိသွားပြီး တချို့ကလည်း ကိုယ်ချင်းစာတတ်သွားတယ်
တချို့ကလည်း ပိုပြီးဖိနှိပ်တတ်သွားကြတယ်

ငယ်ငယ်က နားမလည်သေးတဲ့အရွယ်က ပိုက်ဆံရမယ်ဆိုရင်
သူများခိုင်းတာတွေအကုန်လုပ်ပေးဖူးတယ်
ဥပမာ တံမြက်စည်းလှည်းတာတို့ အမှိုက်ကျုံးတာတို့ပေါ့
ဟိုဟာသွားဝယ်ခိုင်း ဒီဟာသွားဝယ်ခိုင်းပေါ့
တချို့က ခိုင်းကောင်းလို့သက်စက်ကိုခေါ်ခိုင်းတာမျိုး
တချို့ကလည်း ကလေးတွေမုန့်ဖိုးရပါစေရဲ့ဆိုပြီး
စေတနာနဲ့ခိုင်းတာမျိုးပေါ့ သူများဆီမှာအိမ်ငှားနေရတော့
အိမ်ရှင်က ဟိုဟာခေါ်ခိုင်း ဒီဟာခေါ်ခိုင်းဆိုလည်းလုပ်ပေးရတာပေါ့
အမေတို့အလုပ်လုပ်တဲ့အိမ်တွေဘာညာလိုက်သွားရင်လည်း
တိုလီမုတ်စလေးတွေလုပ်ပေးရတာပေါ့

ငယ်ငယ်က အကြောင်းမဟုတ်ပေမယ့် နည်းနည်းလေး
အရွယ်ရောက်လာတော့ရှက်တက်တက်ဖြစ်လာတယ်
ပိုက်ဆံရလည်း မလုပ်ချင်တော့ဘူး
ကျွန်တော်တို့ငယ်ငယ်က အသွားရဆုံးကအပေါင်ဆိုင်ပဲ
အဲ့တုန်းက ရပ်ကွက်ထဲမှာသူဌေးအိမ်ဆိုရင်
အပေါင်ဆိုင်အိမ်ကထိပ်ဆုံးပဲ သူများကသွားပေါင်ခိုင်းတာတွေရော
အိမ်က တခါတလေသွားပေါင်သွားရွေးခိုင်းတာတွေရော
တခါသွားရင် ၂၀၀/၃၀၀ရတော့ သွားပျော်တယ်လေ
တောက်တောက် တောက်တောက်နဲ့လမ်းလျှောက်သွားတာပေါ့
အပေါင်ဆိုင်နဲ့ကိုယ့်အိမ်က အိမ်ဦးနဲ့ကြမ်းပြင်လိုပဲ
အပေါင်ဆိုင်က ပိုင်ရှင်မိန်းမကြီးတောင် ကိုယ့်ဆိုမှတ်မိနေတယ်
ဟယ်နင် လာလှချည်လားဆိုတဲ့အထိပေါ့

အသက်က ဆယ့်သုံးလေးနှစ်ဖြစ်လာတဲ့အချိန်ကျတော့
မသွားချင်တော့ဘူး ပိုက်ဆံရမယ်ဆိုရင်တောင်မသွားတော့ဘူး
လမ်းမှာကိုယ်နဲ့သိတဲ့သူတွေနဲ့တိုးမှာတို့
ကျောင်းကလူတွေနဲ့တိုးမှာတို့နဲ့ကြောက်လာတယ်
ရှက်လာတယ် အပေါင်ဆိုင်ဆို ကြားတောင်မကြာချင်တော့ဘူး
ငါအသက်ကြီးလာရင် ငါပိုင်တဲ့အဝတ်အစားတွေ
ပစ္စည်းတွေမရောင်းမပေါင်ရအောင်ကြိုးစားမယ်ဆိုတဲ့
စိတ်နဲ့ အခုချိန်ထိနေလာခဲ့တာပဲ အဲ့တာကြောင့်နဲ့တူတယ်
ကျွန်တော်ကအဝတ်အစားဆို သိပ်မက်တာ
ပိုက်ဆံရှာနိုင်တဲ့အသက်၁၈နှစ်ကစလို့ အဝတ်အစားတွေဝယ်တာ
သောက်သောက်လဲ မရပ်မနား ၂၀၂၃မှာတော့
သိပ်မဝယ်တော့ဘူးလို့ ကိုယ့်ကိုယ်ကိုယ်ကတိပေးထားလို့
အခုချိန်ထိအသစ်မဝယ်ဖြစ်သေးပါဘူး
အဲ့တာက သိမ်ငယ်စိတ်ကနေ လာတာပဲပြောရမယ်
ငယ်ငယ်က အဝတ်အစားကောင်းကောင်းမရှိခဲ့လို့
ဒါဝတ်ဘိုင်တို့ အီစွတ်တို့ ဖြစ်ခဲ့ရတော့
အသက်ကြီးလာရင် အဝတ်အစားထည်လဲဝတ်နိုင်ရမယ်ဆိုတဲ့
စိတ်ကကြီးစိုးနေတာ အခုချိန်ထိပဲ

အသက်ကြီးလာတော့ အဲ့တာတွေကြောင့်ပဲ ကျွန်တော်က
ကိုယ်ချင်းစာတတ်လာတယ်ပဲပြောရမယ်
အခုအချိန်မှာ ကိုယ့်ပိုက်ဆံနဲ့ကိုယ် ကိုယ်မလုပ်ချင်တဲ့အရာတွေကို
သူများကို ခေါ်ခိုင်းလို့ရတဲ့အ​ေခြအနေမျိုးရောက်လာပါတယ်
တခါတလေလိုအပ်ရင်တော့ ခေါ်ခိုင်းပါတယ်
တန်ရာတန်ကြေးလည်းပေးပါတယ် ဒီ့အပြင်ကိုယ်လည်း
သူများခိုင်းတာခံခဲ့ရဖူးတော့ ကိုယ်ခိုင်းလို့သူသိမ်ငယ်သွားမယ့်
လုပ်ရပ်တွေ အပြုအမူအပြောအဆိုတွေရှောင်ပါတယ်
အပေါ်စီးကဆက်ဆံတာတို့ နင်ပဲငါ့ဆပြောတာတို့ကို
တကယ်ကို မလုပ်မိအောင်ရှောင်ပါတယ်

အခိုင်းခံရတဲ့သူ သက်တောင့်သက်သာဖြစ်အောင်ပဲခိုင်းပါတယ်
ကျွန်တော့်ဆီမှာအလုပ်လုပ်ပေးရလိူ့မနစ်နာစေရပါဘူး
ခိုင်းတယ်သာပြောပေမယ့် ကျွန်တော်ကလည်း သူဌေးလို
ဒူးချိတ်ပြီး ထိုင်မနေတတ်တော့ ကျွန်တော်ပါဝိုင်းကူလုပ်ပေး
ရှင်းရှင်းပြောရင် အိမ်လာလည်တဲ့ဧည့်သည်လိုပဲဆက်ဆံပါတယ်
ကော်ဖီတိုက်မုန့်ကျွေး အဝတ်အစားတွေ ကိုယ့်အတွက်ပိုနေရင်
ပေးလိုက်တာပဲ အိမ်ပြန်ရင်စားစရာတွေထည့်ပေးလိုက်တာမျိုး
ဒါမျိုးအမြဲလုပ်တယ် အိမ်ကလူတွေကတော့ နင့်ဟာက
ခေါ်ခိုင်းတာရောဟုတ်ရဲ့လားဟယ်တဲ့
နင်က သူ့ကိုခိုင်းတာလား သူက နင့်ကိုခိုင်းတာလား
မသဲကွဲတော့ဘူးတဲ့ နင်တို့ဟာနင်တို့ သဲကွဲချင်နေ
မသဲကွဲချင်နေ ငါ့ကြောင့် သူများအဆင်မပြေဖြစ်
နေရထိုင်ရခက်သွားတယ်ဆိုတာထက် ငါ့ကြောင့်
သူများအဆင်ပြေတာ သက်တောင့်သက်သာဖြစ်တာပဲ
မြင်ချင်လို့ တတ်နိုင်တာလုပ်ပေးတာ ဝင်မပါကြနဲ့
(တခါတလေတော့လည်း က်ုယ်ကကောင်းလွန်တော့
လူပါးဝခံရတာတွေလည်းရှိတာပေါ့)

နင်တို့က ပေါ်ကြော့နေခဲ့ရတော့ အဲ့တာတွေသိချင်မှသိလိမ့်မယ်
ငါတို့က သူစိမ်းနဲ့မပြောနဲ့ အမျိုးတွေအိမ်သွားရင်တောင်
အခိုင်းခံရတော့ ရှင်းရှင်းပြောရင် ကျွန်ဝယ်ရာအစစ်ပါပေါ့
အမေ့ကို မီးပူတိုက်ဖို့ အိမ်ရှင်းဖို့ခေါ်ရင်း ကျွန်တော်တို့က
ပါသွားတော့တိုလီမုတ်စအခိုင်းခံရတာပေါ့
အဲ့အရွယ်တည်းက ပိုက်ဆံက အလကားမရပါလား
ဘယ်သူမှလည်း သူတို့ရှာထားတဲ့ပိုက်ဆံကိုအလကား
မပေးချင်ကြောင်းသိခဲ့တယ် ကလေးတွေအိမ်လာရင်
ကျွန်တော်မခိုင်းဘူး ပိုက်ဆံလေး ၅ရာ၁ထောင်နဲ့
သူတို့လည်း မလုပ်ချင်ဘူး ကျွန်တော်စေတနာရှိရင်
ပေးလိုက်တယ် ခိုင်းမနေဘူး
အိမ်လာတာနဲ့ကျွန်တော်က စားခိုင်းတာပဲ
ရှိတာအကုန်ကျွေးတယ် စား ဝအောင်သာစားဆိုပြီး
သူတို့ဟာသူတို့သိတတ်လို့ တံမြက်စည်းအိမ်ရှင်းပေးလည်း
ကောင်းတာပေါ့ မသိတတ်လည်း နေပလေ့စေ
တခါတလေလာတာလေ အိမ်မှာအမြဲနေတာမှမဟုတ်တာ
ကိုယ့်မွေးထားတဲ့ ကိုယ့်သားသမီးလည်းမဟုတ်ဘူး
ငယ်ငယ်တုန်းက ကျွန်တော်တို့က အဲ့လိုတွေအခိုင်းခံခဲ့ရတော့
အဲ့ခံစားချက်တွေကို သိတယ်

အင်္ကျီအဝတ်အစားပေးရင်တော့ ဟဲ့ရော့အင့်
ငါနဲ့မတော်တော့ယူလိုက်ဆိုပြီး ယူရတဲ့သူရှက်အောင်
ဘယ်တော့မှမပေးဘူး ငယ်ငယ်က အဲ့လိုအပေးခံခဲ့ရတာလေ
နင့်အဖေအမေတွေမှမဝယ်ပေးနိုင် ရော့ယူဆိုပြီး
အပေးခံခဲ့ရတော့ ကိုယ်လူကြီးဖြစ်လာတော့ဘယ်တော့မှ
အဲ့လိုမပေးဘူး ဘယ်သူရေ ဘယ်ဝါရေ
ငါ့မှာတော့ ဒီအင်္ကျီလေး ဘောင်းဘီလေးတွေ
ငါလည်း သိပ်မဝတ်ဖြစ်တာတွေတော့ရှိတယ်
ယူချင်လားဟေ အကုန်လျှော်ဖွတ်မီးပူတိုက်ပြီးသားဆိုပြီး
အရင်မေးတယ် တချို့က အားနာလို့ယူလိုက်ရတာရှိတော့
တကယ်လိုချင်လား လိုအပ်လားဆိုပြီးအရင်မေးပြီးမှမေးပါတယ်
ငါပေးတာမို့ ယူကိုယူရမယ်ဘာညာလုပ်လေ့မရှိပါဘူး
တချို့က သူတို့မာနလေးတွေနဲ့သူတို့ရှိတယ်လေ
သူတို့ရှိတာပဲဝတ်မယ် သူများပေးတာမဝတ်ချင်ဘူးဆိုတာမျိုးပေါ့
ဒါကလည်း နားလည်ပါတယ် တချို့သူတွေကရှိတယ်လေ
ပေးတာကညောင်စေ့လောက် ဂုဏ်ဖော်တာကညောင်ပင်လောက်
လူကြားထဲရောက်ခါမှ ဒါက ငါပေးထားတဲ့အင်္ကျီလေးမလား
ဘာညာနဲ့လုပ်တတ်တော့ ယူရမယ့်သူကလန့်တယ်လေ
အဲ့တာမျိုးတွေပေါ့

ခံစားချက်တစ်ခု ဖြစ်စဥ်တစ်ခုက ကိုယ်တိုင်ကြုံဖူးမှသာလျှင်
ပိုပြီး သေသေချာချာနားလည်ကြတာပါ
သိမ်ငယ်တယ်ဆိုတဲ့ခံစားချင်ကိုလည်း သိမ်ငယ်ဖူးမှပဲ
သိကြတယ် သိမ်ငယ်ခြင်းရဲ့နောက်မှာဖြစ်လာတာက
ကိုယ်ချင်းစာစိတ်ရယ် ငါလည်းသူ့လိုအာဏာပြနိုင်အောင်
လုပ်မယ်ဆိုတာနှစ်မျိုးပဲရှိပါတယ် ကိုယ်ခံစားဖူးရသလို
သူများကို မခံစားစေချင်တဲ့စိတ်ရှိတာကအကောင်းဆုံးပါ
Life patternတွေ တစ်ယောက်ယောက်နဲ့မတူကြတော့
ငါလည်းဒီလိုခံခဲ့ရတယ် ငါ့အလှည့်ကျရင်လည်း ဒီလို
ပြန်လုပ်မယ်ဆိုတာက အင်မတန်မှားပါတယ်
ကိုယ့်Life patternနဲ့ သူများဘဝကို သွားတိုင်းထွာ
ရေးဆွဲချင်လို့မရပါဘူး

ကိုယ့်အနာကို အရင်ကျက်အောင်မကုပဲ
သူများကို ဒဏ်ရာထပ်ပေးချင်နေသ၍ကတော့
ကိုယ့်Life patternက အထစ်ထစ်အငေါ့ငေါ့
အရွဲ့အစောင်းတွေများနေပါလိမ့်ဦးမယ်

စာပြီးချိန်

Feb/10/2023

11:12 AM

#Min_Thant
#Counseling_Service
#Coaching_Service
#Physical_support
#Mental_Support
#Emotional_Support

ခံစားဖူးမှ သိကြတာပါ...

မပျော်တော့ရင် မပျော်သလိုသာနေလိုက်ပါ

မပျော်တော့တဲ့ရက်တွေမှာ အရင်တုန်းကဆိုပျော်ဟန်ဆောင်ပြီး
နေကြည့်ဖူးတယ် စိတ်ထဲမပျော်တာကြီးကို
အပြင်မှာပျော်သလိုကြီးနေပြရတာ ပိုတောင်ပင်ပန်းတယ်ဆိုတာ
အခုနောက်ပိုင်းသိသွားပါတယ် မပျော်တဲ့အချိန်တွေမှာ
မပျော်သလိုနေဖို့ ကိုယ့်ကိုယ်ကိုယ်အခွင့်ပေးလိုက်ပါတယ်
တခါတလေ မပျော်လွန်းအားကြီးလို့
စိတ်ပင်ပန်းပြီး အိပ်ယာထဲလဲနေတဲ့ရက်တွေတောင်ရှိပါတယ်
အဲ့လိုရက်တွေဆို သီချင်းလည်းနားမထောင်ဖြစ်ဘူး
ရုပ်ရှင်လည်း မကြည့်ဖြစ်ဘူး စာလည်းမရေးဖြစ်ဘူး

တနေ့လုံး ငူငူကြီးထိုင်နေပြီး ညဘက်ရောက်သွားတဲ့
နေ့တွေတောင်ရှိပါတယ် ဘဝမှာမပျော်တော့တဲ့အခါမှာ
ကိုယ့်ရဲ့ခန္ဓာကိုယ်ကရော ဦးနှောက်ကရောအလုပ်မလုပ်တော့ပါဘူး
ကိုယ်crazyဖြစ်လွန်းတဲ့အလုပ်တွေကိုတောင်
မလုပ်ချင် မလုပ်နိုင်တော့တဲ့အထိ ဖြစ်ဖူးပါတယ်
စာရေးတဲ့အလုပ်ကို ကျွန်တော်က အရမ်းcrazyဖြစ်တယ်
စာတွေရေးနေရရင်ကို ပျော်နေတဲ့လူစားမျိုးထဲပါတယ်
အိမ်မက်ထဲမှာ မက်တဲ့အကြောင်းအရာမျိုးကိုတောင်
အိပ်ချင်မူးတူးကြီးနဲ့ ဖုန်းဖွင့်ပြီး noteထဲထမှတ်ထားတဲ့
လူစားမျိုးထဲပါတယ် အဲ့လောက်crazyဖြစ်တဲ့
အလုပ်ကိုတောင်ကျွန်တော်မလုပ်နိုင်တော့ရင်
အဲ့ဒီအချိန်က ကျွန်တော့်အတွက် တော်တော့်ကိုနေလို့မပျော်တော့လို့ပါ

အရင်ကတော့ မပျော်ဘူးဆိုရင် ပျော်စရာတွေကြံဖန်လုပ်ကြည့်ဖူးတယ်
မပျော်တဲ့လူတွေကိုလည်း အဲ့လိုလုပ်ကြည့်ဖို့အကြံပေးဖူးတယ်
ဒါပေမယ့် အခုသိလိုက်ရတာက မပျော်တဲ့အချိန်မှာ
ဘယ်‌လုပ်လုပ် ပျော်ကိုမပျော်တော့မျိုးပါ
ဈေးဝယ်ထွက်ကြည့်လည်း မပျော်ဘူး
Hangoutထွက်ကြည့်လည်းမပျော်ဘူး
စားချင်တာတွေဝယ်စားလည်းမပျော်တော့ဘူး
ပျော်ဖို့ဒါတွေကြိုးစားပြီး လုပ်ကြည့်လေ
ပိုစိတ်ဖိစီးပြီး ပိုမပျော်ရလေပဲ

မပျော်တဲ့အချိန်မှာ စိတ်ကိုမပျော်သလိုပဲ
နေကြည့်ဖို့ လွှတ်ပေးထားလိုက်တာက
ကျွန်တော်တို့အတွက် ပိုပြီးသက်တောင့်သက်သာဖြစ်စေပါတယ်
မပျော်တဲ့ရက်တွေဆိုရင် ကျွန်တော်ရေချိုးချင်မှလည်းချိုးတယ်
ထမင်းလည်းတနပ်လောက်ပဲစားချင်ရင်စားတယ်
အိပ်ယာထဲမှာပဲနေချင်ရင်နေလိုက်တယ်
ကိုယ့်ကိုယ်ကိုယ်အရမ်းကြီးမထိခိုက်ရင်ပြီးရောလွှတ်ပေးထားလိုက်တယ်
ဘာကြောင့်မပျော်ရတာလဲဆိုတာကိုယ်သိတယ်
အဲ့ကိစ္စကို ဖြေရှင်းဖို့ ကိုယ့်မှာenergyမရှိသေးရင်
ငြိမ်နေလိုက်တာအကောင်းဆုံးပဲ
အဲ့ကိစ္စနဲ့မဆိုင်တဲ့ activitiesတွေလိုက်လုပ်ကြည့်နေလည်း
အပိုပဲ အချိန်ကုန် ငွေကုန်တာပဲအဖတ်တင်တယ်
မပျော်ရဘူး

အကောင်းဆုံးကတော့ မပျော်တဲ့အချိန်မှာ မပျော်သလိုသာနေလိုက်
မပျော်နေတာကြီးကို လုပ်ကြံပြီးပျော်ဖို့မကြိုးစားပါနဲ့
ကိုယ်ပဲ ပိုပြီး စိတ်ပန်းလူပန်းဖြစ်ရပါတယ်
လောကကြီးကို အဲ့အချိန်ကျရင် မျက်စိရောနားရော
နှလုံးသားရော ဖွင့်ပြီးကြည့်ကြည့်လိုက်ပါ
မပျော်နေတာက ငါတစ်ယောက်တည်းမှမဟုတ်တာ
လူတွေမှာ ကိုယ်စီဒုက္ခတွေမပျော်ရတော့တာ
အခုဆို ဘယ်နှနှစ်တောင်ရှိသွားပြီလဲဆိုတာပြန်စဉ်းစားကြည့်ပါ
ခဏတဖြုတ်မပျော်ရတာတွေက အသာထားဦး
နိုင်ငံနဲ့ချီပြီး မပျော်ရတော့တာ နှစ်တွေပေါက်နေပါပြီ
စစ်ရဲ့ဆိုးမွေကြားမှာ ကျွန်တော်တို့က မသေသွားအောင်
မနည်း surviveလုပ်ပြီး နေနေရတဲ့အချိန်မျိုးပါ
ကိုယ့်ထက်မပျော်ရတဲ့လူတွေလည်းတစ်ပုံကြီးပါ

ရေဘေးသင့်လို တဖုံ
မီးဘေးသင့်လို့ တဖုံ
စစ်ဘေးသင့်လို့ တဖုံ
အကြောင်းအမျိုးမျိုးကြောင့် မပျော်ရတဲ့လူတွေမှတပုံကြီးပါ
သူငယ်ချင်းရေ နင့်ကို ငါသတိရလိုက်တာ
ငိုတောင် ငိုချင်တယ်ဆိုပြီး စာလာပို့တဲ့
သူငယ်ချင်းတစ်ယောက်ရှိတယ် အေး သူငယ်ချင်းရေ
ငါလည်း စိတ်အဆင်မပြေလို့ အခုလေးတင် နင့်ကို
သတိရနေတယ်ဆိုပြီး ပြန်ပြောရင်း
သူက နင်မပျော်ရင် အပေါ်မှာကျွန်တော်ပြောသလိုမျိုးတွေပေါ့
ဟိုဟာလုပ်ကြည့် ဒီဟာလုပ်ကြည့်ဆိုပြီး
သူတတ်သလောက် မှတ်သလောက်အားပေးရှာပါတယ်

ဒါပေမယ့် ကျွန်တော်တို့ရဲ့ မပျော်ရွှင်မှုတွေမှာ
အဲ့တာတွေလုပ်ကြည့်လို့လည်း ပျော်မလာတော့ပါဘူး
တချို့မပျော်ရွှင်မှုတွေက မပျော်သလိုပဲ
တရက်ဖြစ်ဖြစ် တပတ်ဖြစ်ဖြစ်
အတိုင်းအတာတခုထိ စိတ်ကိုလွှတ်ပြီး
နေလိုက်တာက ပိုကောင်းသွားတတ်ပါတယ်
ပျော်ရနိုးနိုးနဲ့ ဟိုဟာတွေလိုက်လုပ်ကြည့်
ဒီဟာတွေလိုက်လုပ်ကြည့်လည်း အပိုပါပဲ

မပျော်တဲ့အချိန်တွေမှာ စကားတွေလည်းအများကြီးလိုက်မပြောနဲ့
အမှားတွေပါတတ်တယ် နေသာသလိုသာခဏနေလိုက်
အချိန်တစ်ခုပြီးသွားရင် ခံစားချက်တွေလျော့သွားလိမ့်မယ်
မပျော်နေတဲ့အချိန်မှာ ပျော်ဖို့ထပ်မကြိုးစားနဲ့
အဲ့တာ ကိုယ့်ကိုယ်ကိုယ် ပင်ပန်းအောင်လုပ်နေခြင်းပါပဲ

မပျော်ရင် မပျော်သလိုသာနေကြည့်လိုက်ပါ

#Min_Thant
#Counseling_Service
#Coaching_Service
#Physical_support
#Mental_Support
#Emotional_Support
#မပျော်ရွှင်မှု

မပျော်တော့ရင် မပျော်သလိုသာနေလိုက်ပါ

ကျွန်တော့်ရဲ့ ပထမဆုံးထွက်ထားတဲ့
"သူ့အကြောင်း ကိုယ့်အကြောင်း ကိုယ်တို့နှစ်ဦးအကြောင်း"ဆိုတဲ့
စာအုပ်လေးက အခုလာမယ့် ဒီဇင်ဘာဆိုရင် တနှစ်တိတိပြည့်ပါပြီ
ဒီစာအုပ်လေးက လူငယ် လူကြီး relationshipမျိုးစုံအတွက်
ရည်ရွယ်ရေးပေးထားတဲ့ စာအုပ်လေးဖြစ်ပါတယ်
ကျွန်တော်ရေးတဲ့ စာအုပ်မို့လို့ ကျွန်တော်က သဘောကျတယ်ပြောရင်
လွန်ကောင်းလွန်ပါလိမ့်မယ် ဒါပေမယ့် ကျွန်တော့်စာအုပ်လေးကို
ပြန်ဖတ်တိုင်း သဘောကျရပါတယ်
ပထမဆုံးမို့လို့ အရမ်းကြီး perfectမဖြစ်ခဲ့ပေမယ့်
အဆင်ပြေတာထက်ပိုခဲ့လို့ ဝိုင်းဝန်းပံ့ပိုးပေးကြတဲ့
လူတွေအားလုံးကိုလည်း ကျေးဇူးတင်ရပါတယ်

တနှစ်ပြည့် အထိမ်းအမှတ်အနေနဲ့ အခုပို့စ်တင်တဲ့နေ့ကစလို့
ဒီဇင်ဘာတလလုံး စာအုပ်ရောင်းရသမျှငွေရဲ့
၂၀%ကို ကျွန်တော် ပုံမှန်လှူနေကြ မိဘမဲ့ကလေးတွေကျောင်းကို
Charityအနေနဲ့ လှူပေးသွားပါမယ် ကျွန်တော့်စာအုပ်လည်းဖတ်ရင်း
အလှူလေးလည်း ပါဝင်ရင်းဆိုတဲ့သဘောပေါ့
မိဘမဲ့ကလေးတွေကျောင်းကို ကျွန်တော်အရင်ကလှူထားဘူးတဲ့
မှတ်တမ်းလေးတွေလည်း အခုpageထဲမှာတင်ထားဖူးပါတယ်ဗျ

စာအုပ်အော်ဒါမှာချင်ရင် ကျွန်တော့်pageရဲ့ message boxကို သို့မဟုတ် @minthan5 ရဲ့
message boxကို
"စာအုပ်မှာချင်လို့ပါ"ဆိုပြီး စာပို့လိုက်ရုံနဲ့
အိမ်အရောက်ဝန်ဆောင်မှုအတွက် ဒီဘက်ကနေ
အကုန်စီစဉ်ပေးပါလိမ့်မယ် ရန်ကုန်မြို့တွင်းရော
နယ်ဝေးရော အကုန်ပို့ပေးပါတယ်
စာရေးသူရဲ့လက်မှတ်လေးလည်း ပါပါလိမ့်မယ်

၂၀၂၄လည်း ကုန်ခံနီးနေပြီဆိုတော့
ကိုယ့်ရဲ့အဆင်မပြေတဲ့ rsတွေ
Move onလုပ်လို့မရတဲ့ toxic relationshipတွေ
ပိတ်မိနေတဲ့ဆက်ဆံရေးတွေကနေ ပြေလည်သွားအောင်
ဒီစာအုပ်ထဲက tipsတွေက အကောင်းဆုံးကူညီပေးသွားပါလိမ့်မယ်
စာအုပ်ဖတ်ပြီးသား သူတွေကလည်း
ဘယ်စာပုဒ်လေးကတော့ ကိုယ့်အတွက်အဆင်ပြေတယ်
ကြိုက်နှစ်သက်တယ်ဆိုတာကိုလည်း cmtလုပ်ခဲ့လို့ရပါတယ်
စာအုပ်လေးကို ဓာတ်ပုံရိုက်ထားတာရှိရင်လည်း
အမှတ်တရအနေနဲ့ cmtလုပ်ခဲ့နိုင်ပါတယ်ဗျ

တနှစ်ပြည့်တော့မှာဖြစ်တဲ့ ကျွန်တော့်စာအုပ်လေးကို
အားပေးခဲ့ကြတဲ့ တစ်ယောက်ချင်းဆီတိုင်းကို
ကျေးဇူးအထူးတင်ပါတယ်ဗျ

ဒုတိယမြောက်စာအုပ်ကိုလည်း အကောင်းဆုံးကြိုးစားနေပါတယ်

စောင့်မျှော်ဖတ်ရှူပေးကြပါဦးဗျ

#သူ့အကြောင်း
#ကိုယ့်အကြောင်း
#ကိုယ်တို့နှစ်ဦးအကြောင်း
#charity
#FosterCareSupport

မိမိကိုယ်ကိုအပြစ်ရှိတယ်ဆိုတဲ့
Guilty Feelingကဘယ်လောက်ထိကြောက်စရာကောင်းလဲ?

သိပ်ကိုလှကြတဲ့ ကလေးအမေနှစ်ယောက်နဲ့
ဇာတ်ကိုတည်ထားတယ်လှတယ်ဆိုတာထက်
တခြားစကားလုံးရှိရင်အမွှန်းတင်ချင်သေးတယ်
Hollywoodရဲ့ထိပ်ခေါင်တွေဖြစ်တဲ့
Anne Hathawayနဲ့Jessica Chastainလေ
ဇာတ်အပြင်အဆင်ကတော့ 1980လောက်ကလို့ထင်ရတာပဲ
ဘာလို့ဆို သူတို့ရဲ့ ဝတ်စုံတွေ ကားတွေ အိမ်တွေက
အဲ့ခေတ်အပြင်အဆင်ကို မင်းသမီးနှယောက်လုံးရဲ့
ဝတ်စုံတွေလှချက်က Emily in parisကိုသနားတယ်
Jessicaရဲ့ဝတ်စုံတွေက ပိုsexyကျပြီးလှတယ်
Collar Boneကြီးကြီးတွေနဲ့လည်ဟိုက် dressတွေကို
ဝတ်ထားတာများ ကောက်ကြောင်းကပေါ်ပြီး
ပန်းခြံထဲမှာ မြတ်နှုတ်နေတဲ့အခန်းမှာတောင်လှတယ်ဗျာ

ဇာတ်လမ်းနာမည်က Mother's Instinct
ဒီဇာတ်လမ်းက လူတိုင်းအတွက်ဟုတ်ချင်မှဟုတ်လိမ့်မယ်
မြန်မာပြည်မှာဆိုရင် "မီ"ကို တချို့သူတွေမခံစားတတ်သလိုပေါ့
ကျွန်တော်ဆိုလည်း တချို့ဇာတ်လမ်းတွေကို
ကိုယ့်ဦးနှောက်က လိုက်မမှီတဲ့အတွက်မခံစားတတ်တာမျိုးတွေရှိတယ်
ဒီဇာတ်လမ်းလည်း အဲ့လိုမျိုးပဲ
Emotionတွေကိုပဲ ရိုက်ပြထားတယ်
စီလင်းဆိုတဲ့ အမျိုးသမီးတစ်ယောက်နဲ့
အဲလစ်ဆိုတဲ့ အမျိုးသမီးတစ်ယောက်ဟာ
ခင်မင်ရင်နှီးကြတဲ့ အိမ်နီးနားချင်းတွေပေါ့
သူတို့မှာ ရွယ်တူ အတန်းတူ သားတစ်ယောက်စီရှိကြတယ်

တနေ့မှာ စီလင်းရဲ့သားလေးဟာ မတော်တဆဖြစ်ပြီး
ဆုံးရှုံးလိုက်ရတယ် အဲ့ဖြစ်စဉ်မှာ အဲလစ်က သူ့ကိုယ်သူ
အပြစ်ရှိတဲ့သူလို့ ခံစားနေရတယ်
စီလင်းရဲ့သားလေးကို သူမကယ်လိုက်နိုင်ဘူး
ဒါကြောင့်လည်းစီလင်းက သူ့ကိုအခဲမကြေဘူးလို့သူထင်နေတယ်
သံသယတွေများတယ် ညဘက်တွေ အိပ်မပျော်ဘူး
ထင်ယောင်ထင်မှားတွေးပါဖြစ်လာတယ်
ကိုယ်ထိလက်ရောက်တွေလုပ်လာတယ်
သူ့ရဲ့ guilty feeling ကြောင့်ပဲ သူကအတော်လေး
စိတ်ဒုက္ခရောက်နေရတယ်

Guilty feelingဝင်သွားရင်က အတော်ဆိုးပါတယ်
ကိုယ်နဲ့မဆိုင်ပေမယ့်လည်း ကိုယ့်ကြောင့်လို့ထင်နေတာမျိုးတွေ
ငါသာ အဲ့နေ့က အဲ့နေရာမှာ ဒီလိုလုပ်ပေးလိုက်ရင်
သူဒီလိုဖြစ်မှာမဟုတ်ဘူးဆိုတဲ့ ယူကြုံးမရဖြစ်တဲ့စိတ်တွေ
ကိုယ့်ကိုယ်ကိုယ် အပြစ်ရှိသလို ခံစားနေရတဲ့စိတ်တွေက
လူတစ်ယောက်ကို အဆုံးစွန်ဆုံးထိဖြစ်သွားစေနိုင်ပါတယ်
တခါတလေကျရင် တချို့ထွက်သွားသူတွေက
ကျန်ခဲ့ရသူတွေကို guilty feelingရအောင်
လုပ်ခဲ့တာမျိုးတွေရှိတတ်ပါတယ်
ဒီဇာတ်လမ်းမှာလည်း စီလင်းက
အဲလစ်ကို အဲ့လိုပဲတမင်လုပ်လေသလားလို့ပဲထင်ရပါတယ်

အဲလစ်ကလည်း Guilty feelingရနေသလို
စီလင်းကလည်း သူ့သားကို ဆုံးရှုံးလိုက်ရပြီးမှာ
Lost&Griefကို တော်တော်လေးရင်ဆိုင်နေရပါတယ်
ဒီကြားထဲမှာ သူ့ယောကျာ်းနဲ့ပါသူက အဆင်မပြေဖြစ်လာပါတယ်
တဖက်မှာလည်းအဲလစ်က Guiltyတွေဖြစ်သံသယတွေဝင်ပြီး
တိုင်တွေပတ်နေသလို တဖက်မှာစီလင်းကလည်း
ဝမ်းနည်းပူဆွေးနေရတဲ့စိတ်ကြီးနဲ့နောက်ဆုံးရရာ
ကောက်ရိုးတမျှင်ကို သူဖမ်းဆွဲလိုက်ပါတော့တယ်

တချို့ဖြစ်ရပ်တွေက ရှင်းပြလို့မရဘူး
ကိုယ်နဲ့လည်းမဆိုင်ဘူး ကိုယ်လုပ်ခဲ့တာလည်းမဟုတ်ပေမယ့်
နင်က ဒါလေးတောင် မလုပ်ပေးနိုင်ခဲ့ဘူးလားဆိုတဲ့
တစ်ဖက်က အပြစ်တင်ခြင်းတွေကိုခံရပြီး
ကိုယ်ကလည်း ကိုယ့်ကိုယ်ကိုယ် အပြစ်တင်စိတ်တွေဝင်
အပြစ်ရှိသလိုတွေခံစားရပြီး လူမှုရေးပြဿနာတွေဖြစ်ကြရပါတယ်
ဘယ်သူက ဘယ်သူ့အတွက်မှတော့ တာဝန်ရယ်လို့ရှိမနေပါဘူး
လုပ်ပေးနိုင်လို့ လုပ်ပေးကြတယ်
တခါတလေမှာ ကျိုးကြောင်းတိုက်ဆိုင်စွာနဲ့
လုပ်ပေးချင်ရက်နဲ့ လုပ်ပေးလို့မရခဲ့ဘူး
ဒါကို မလုပ်ပေးရကောင်းလားဆိုပြီးသွားအပြစ်တင်လို့မရဘူး
ဘယ်သူ့ ဘယ်သူ့မှာမှ တာဝန်ဆိုတာရှိမနေပါဘူး

ကိုယ်လည်း ဘယ်သူ့ ဘယ်သူ့အတွက်မှတာဝန်ရှိမနေဘူး
အလျဉ်းမသင့်သလို မလုပ်ပေးခဲ့နိုင်တာတွေအတွက်လည်း
Guilty feelingမဝင်ပါနဲ့ တတ်မှမတတ်နိုင်တာ
ထန်းသီးကြွေခိုက် ကျီးနင်းခိုက်ဆိုသလိုမျိုး‌ပဲပေါ့
သူ့ဟာသူ ကံပါလို့ဖြစ်လာတဲ့အရာတွေကို
ကိုယ့်ကြောင့်ဆိုတာမျိုးနဲ့ guiltyမဖြစ်ပါနဲ့
တဖက်မှာလည်း အခွင့်မသာလို့ လုပ်ပေးချင်ရက်နဲ့
မလုပ်ပေးလိုက်တာကို ဒါလေးတောင်မလုပ်ပေးရကောင်းလားဆိုပြီး
သွားအပြစ်မတင်ပါနဲ့ ကိုယ့်ကိစ္စတွေက တပါးသူမှာတာဝန်ရှိမနေပါဘူး

သူများကိုလည်း guilty feelingရအောင်မလုပ်ပါနဲ့
ကိုယ်တိုင်လည်း guilty feelingကြီးနဲ့အသက်မဆက်ချင်ပါနဲ့

#Min_Thant
#Counseling_Service
#Coaching_Service
#Mental_Support
#Physical_support
#Emotional_Support
#mothersinstinct

မိမိကိုယ်ကို အပြစ်ရှိတယ်ဆိုတဲ့
Guilty feelingကဘယ်လောက်ထိကြောက်စရာကောင်းလဲ?