ឧត្តមរាជធានី-ReachTheany🇰🇭

1296 សូមជម្រាប!

បើសិនជាបងប្អូនប្រជាពលរដ្ឋនៅក្នុង ខេត្តសៀមរាប បានជួបហេតុការណ៍ត្រូវការអន្តរាគមន៍បន្ទាន់ ពីកងរាជអាវុធហត្ថខេត្តសៀមរាប សូមបងប្អូនហៅទូរស័ព្ទមកកាន់លេខ 1296 ឬ អាចទាក់ទងមកតាមបណ្តាញ Telegram, WhatsApp, CoolApp របស់កងរាជអាវុធហត្ថខេត្តសៀមរាប តាមរយៈលេខ 088 93 94 567 របស់កងរាជអាវុធហត្ថខេត្តសៀមរាប ។

អាវុធហត្ថខេត្តសៀមរាប ក៏សូមអភ័យទោសផងដែរ ប្រសិនបើបងប្អូនពុំមានការចាំបាច់ជាក់ស្តែងអ្វីទេ សូមមេត្តាកុំហៅទូរស័ព្ទមករំខានក្រុមការងារ ដើម្បីទុកពេលវេលាឱ្យពួកយើងខ្ញុំ បម្រើពលរដ្ឋផ្សេងទៀតដែលត្រូវការជំនួយបន្ទាន់ពិតប្រាកដ។
សូមអរគុណ!

ជម្លោះពិភពគុន រវាងក្រុមក្មេងទំនើង នៅច្បារអំពៅ ត្រូវអាវុធហត្ថរាជធានីភ្នំពេញកំណត់មុខសញ្ញាបាន និងតាមប្រម៉ាញ់ជាបណ្តើរៗ!

កាលពីពេលថ្មីៗនេះ នៅក្នងខណ្ឌច្បារអំពៅ មានសកម្មភាព ក្មេងទំនើងជាច្រើនក្រុម បានធ្វើសកម្មភាពដេញវាយនិងកាប់ចាក់គ្នាក្នុងវេលាយប់ស្ងាត់ មិនសូវមានមនុស្សម្នាឆ្លងកាត់ និងអត់មានសមត្ថកិច្ចនៅក្បែរ។ ក្រោយធ្វើសកម្មភាពវាយកាប់ចាក់គ្នារួច ក្មេងទំនើងទាំងនេះ តែងតែបំបែកគ្នារត់គេចរាងៗខ្លួនបាត់អស់ មុនពេលសមត្ថកិច្ចទៅដល់កន្លែងកើតហេតុ។

ទោះជាយ៉ាងនេះក្តី តាមរយៈវិធានការជំនាញរបស់អាវុធហត្ថរាជធានីភ្នំពេញ បានធ្វើការស្រាវជ្រាវរហូតកំណត់មុខសញ្ញាបាន និងធ្វើការតាមប្រម៉ាញ់ជាបន្តបន្ទាប់ ជាក់ស្តែង នៅថ្ងៃទី២៧ ខែធ្នូ ឆ្នាំ២០២៤ វេលាម៉ោងប្រមាណ ០៩និង០០នាទី កម្លាំងអាវុធហត្ថរាជធានីភ្នំពេញ ក្នុងខណ្ឌច្បារអំពៅ បានធ្វើការឃាត់ខ្លួនក្មេងទំនើង ០១នាក់ ឈ្មោះ ធី សំណាង ហៅ ណាងស្អុយ ភេទប្រុស អាយុ២០ឆ្នាំ នៅចំណុច បុរីមួយកន្លែង ភូមិក្តីតាកុយ សង្កាត់វាលស្បូវ ខណ្ឌច្បារអំពៅ រាជធានីភ្នំពេញ ជាសមាជិក ក្រុមក្មេងទំនើង រហ័សនាម កាហ្វេកែងចិន (CKJ) ដែលក្រុមនេះ បានធ្វើសកម្មភាពវាយកាប់ចាក់យ៉ាងសកម្ម ជាមួយក្រុមក្មេងទំនើង រហ័សនាម វត្តក្នុង (WK) នៅចំណុច មាត់ទន្លេ ភូមិតាព្រហ្ម សង្កាត់ព្រែកឯង ខណ្ឌច្បារអំពៅ រាជធានីភ្នំពេញ និងជាមួយក្រុមក្មេងទំនើង រហ័សនាម មនុស្សតូចៗ (MTT) នៅចំណុច ភូមិតាង៉ូវ សង្កាត់និរោធ ខណ្ឌច្បារអំពៅ រាជធានីភ្នំពេញ។ បន្ទាប់មកនៅថ្ងៃទី២៨ ខែធ្នូ ឆ្នាំ២០២៤ កម្លាំងអាវុធហត្ថខណ្ឌច្បារអំពៅ សហការណ៍ជាមួយកម្លាំង ការិយាល័យព្រហ្មទណ្ឌ នៃកងរាជអាវុធហត្ថរាជធានីភ្នំពេញ បានធ្វើការឃាត់ខ្លួន បក្ខពួកក្មេងទំនើងក្នុងក្រុមកាហ្វេកែងចិន (CKJ) ម្នាក់ទៀតឈ្មោះ សេង វីរ: ហៅ LoGan ភេទប្រុស អាយុ 16ឆ្នាំ ជាសិស្សវិទ្យាល័យស៊ីសុវត្ថិ នៅចំនុចមុខផ្ទះលេខR52 ផ្លូវបេតុង បុរីចំការល្មុត ភូមិតាងូវក្រោម សង្កាត់និរោធ ខណ្ឌច្បារអំពៅ។

សមាជិកក្រុមក្មេងទំនើង កាហ្វេកែងចិន (CKJ) ទាំង០២នាក់ កំពុងត្រូវបាន អាវុធហត្ថរាជធានីភ្នំពេញ កសាងសំណុំរឿងបញ្ជូនទៅតុលាការ ដើម្បីចាត់ការតាមនីតិវិធីច្បាប់ ពាក់ព័ន្ធករណីហិង្សាដោយចេតនា ចំណែកបក្ខពួកដែលនៅសេសសល់និងកំពុងរត់គេចខ្លួន សមត្ថកិច្ចជំនាញ អាវុធហត្ថរាជធានីភ្នំពេញ កំពុងស្រាវជ្រាវស្វែងរកចាប់ខ្លួនបន្តទៀត៕

អាវុធហត្ថខេត្តកំពង់ស្ពឺឃាត់ខ្លួនជនសង្ស័យ(ស្ត្រី)ចំនួន០១នាក់ពាក់ព័ន្ធករណីគ្រឿងញៀន.......

(កំពង់ស្ពឺ)៖ដោយអនុវត្តតាមបទបញ្ជារបស់ លោកឧត្តមសេនីយ៍ត្រី ម៉េង ស្រ៊ុន មេបញ្ជាការកងរាជអាវុធហត្ថខេត្តកំពង់ស្ពឺ និងមានការសម្របសម្រួលពីលោក ទិន សុចិត្រា ព្រះរាជអាជ្ញារងអមសាលាដំបូងខេត្តកំពង់ស្ពឺ
ថ្ងៃទី២៧ ខែធ្នូ ឆ្នាំ២០២៤ វេលាម៉ោង១៦:០០នាទី កម្លាំងមន្ទីរស្រាវជ្រាវ និងបង្ក្រាបបទល្មើសកងរាជអាវុធហត្ថ ខេត្តកំពង់ស្ពឺ ដឹកនាំដោយលោកវរសេនីយ៍ទោណុល ដារា ប្រធានមន្ទីរស្រាវជ្រាវ និងបង្ក្រាបបទល្មើស បានសហការជាមួយមូលដ្ឋានកម្លាំងកងរាជអាវុធហត្ថស្រុកភ្នំស្រួច បានឃាត់ខ្លួនជនសង្ស័យចំនួន០១នាក់ ភេទស្រី ពាក់ព័ន្ធករណីគ្រឿងញៀន។ឈ្មោះ នាង គន្ធា ភេទ ស្រី អាយុ៤២ ឆ្នាំ មុខរបរ មិនពិតប្រាកដ មានទីលំភូមិ៤ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ ។

ចាប់យកវត្ថុតាងរួមមាន:ម្សៅក្រាមសរថ្លាចំនួន ០៥កញ្ចប់,ទូរស័ព្ទចំនួន០២គ្រឿង,ឧបករណ៍ប្រើប្រាស់គ្រឿងញៀនមួយចំនួន នឹងថង់សម្រាប់ច្រកគ្រឿងញៀនមួយចំនួន។

បច្ចុប្បន្ន: ជនសង្ស័យ រួមនិងវត្ថុតាង ត្រូវបានបញ្ជូនមកបញ្ជាការដ្ឋានកងរាជអាវុធហត្ថខេត្តកំពង់ស្ពឺ ដើម្បីបន្តនីតិវិធី៕

អបអរសាទរ ទិវាសន្តិភាពនៅកម្ពុជា!

ប្រទេសមានសន្តិភាព ទើបយើងមានឱកាស និងមានអ្វីៗទាំងអស់ យើងធ្លាប់ស្គាល់រស់ជាតិសង្គ្រាម ច្រើនឆ្នាំមកហើយ។

និយាយថា “ទេសង្គ្រាម” ត្រូវការតែ “សន្តិភាព”។

កម្លាំងជំនាញកងរាជអាវុធហត្ថខេត្តសៀមរាប ជួយសង្គ្រោះបឋម ដល់ជនរងគ្រោះជួបគ្រោះថ្នាក់ចរាចរណ៍

កម្លាំងកងរាជអាវុធហត្ថខេត្តសៀមរាប បានជួយសង្គ្រោះ បឋម ដល់ជនរងគ្រោះជួបគ្រោះថ្នាក់ចរាចរណ៍ហើយទាក់ទងទៅជំនាញចរាចរណ៍ និងរថយន្តសង្គ្រោះបន្ទាន់បង្អែកខេត្ត សៀមរាប មកយកទៅសង្គ្រោះបន្ទាន់ ក្នុងករណីគ្រោះថ្នាក់ចរាចរណ៍ម៉ូតូពីរគ្រឿង បុកគ្នាស្ថិតក្នងនៅភូមិតាមណ្ឌល១ សង្កាត់ស្វាយដង្គំ ក្រុងសៀមរាប វេលាម៉ោង១៥និង ៣០នាទី ថ្ងៃ០១ ខែវិច្ឆិកា ឆ្នាំ២០២៤។

ក្នុងគ្រោះមានលាភ សម្ដេចតេជោ ហ៊ុន សែន សម្របសម្រួលបញ្ចប់ជម្លោះរវាង ចៅ ណន សុខហេង និងថៅកែ

បន្ទាប់ពីបញ្ចប់ សម្ដេចតេជោ បានអនុញ្ញាតឲ្យ ចៅ ណន សុខហេង បានថតរូបអនុស្សាវរីយ៍ និងបានឧបត្ថម្ភថវិកាចំនួន ១០,០០០ដុល្លារសហរដ្ឋអាមេរិក និង ៣៥លានរៀល ព្រមទាំងបានបង្កើតអាជីវកម្មឡដុតនំប៉័ងមួយនៅក្នុងក្រុងក្រចេះ ខេត្តក្រចេះ ដល់ចៅប្រុស ដើម្បីប្រកបរបរចញ្ចឹមគ្រួសារ លើសពីនេះ សម្ដេចតេជោ បានណែនាំចៅប្រុស ណន សុខហេង ត្រូវយកចិត្តទុកដាក់ក្នុងការប្រកបអាជីវកម្មដែល សម្ដេចបានផ្ដល់អោយពេលនេះ ពិសេសត្រូវចេះយកលុយបង្កើតលុយ ហាមលេងល្បែង និង ស្មោះត្រង់ជាមួយប្រពន្ធ ៕
ដើម្បីទទួលបានព័ត៌មាន⤵️
https://t.me/rachtheany