"العلاقات ليست بالحضور وإنما بالشعور" ♥️
مفيش حاجه اسمها البعيد عن العين بعيد عن القلب ، فيه كتير ممكن يكونوا قريبين بالمكان وبعيد كل البعد عن الروح زي ما بيقولوا كده "كم من قريب بعيد، وكم من بعيد قريب"
حضور الجسد لو مفيهوش شعور بالأمان والألفة والحب والتواجد بالقلب والعقل والالتفات لأمرك، مش مهم ..
مش مهم أنا بشوفك كام مرة في الاسبوع أو كام مرة في الشهر قد ماهو مهم انك تكون حاضر في حياتي بشعورك تجاهي واحساسك بيا وسؤالك عني ..
مش مهم تقولي بحبك مليون مرة في اليوم، قد ماهو مهم انت أظهرتلي حُبك ده وحسستني بيه ازاي خلال اليوم .. مش هتفرق بنتقابل كتير ولا قليل، ولا مهم إننا نتكلم كل يوم بالساعات قد ما هتفرق أوي مكالمة أو مقابلة ولو لمدة نص ساعة وتكون حاضر معايا فيها بقلبك وعقلك ومش شاغلك غير أمري فيها ..