QARAQALPAQSTAN KADASTR

937-nızam haqqında biliwińiz kerek

2024-jıl 8-noyabrden kúshke kiretuǵın "Ózbasımshalıq penen ielep alınǵan jer uchastkalarına jáne olarda qurılǵan imarat hám obyektlerge bolǵan huqıqlardı tán alıw haqqında"ǵı ÓRQ-937-sanlı Nızam haqqında biliwińiz kerek bolǵan ayrıqsha táreplerdi qısqasha maǵlıwmatlarımızda berip baramız.

Qaraqalpaqstan kadastr
Telegram | Instagram  | Facebook | Youtube

Húrmetli Qońırat rayonı  puqaraları hám isbilermenleri!

🏢  Kadastr tarawındaǵı múrájatlardı kórip shıǵıw maqsetinde Qońırat rayonı puqaraları ushın kóshpeli qabıllaw ótkeriledi.

📝 Fizikalıq hám yuridikalıq shaxslardıń múrájatları boyınsha hám kadastr menen baylanıslı basqa mashqalalarıńız bolsa, usı jıldıń 22-noyabr kúni saat 11:00 den baslap kóshpeli qabıllawda qatnasıwıńız múmkin.

📌 Kóshpeli qabıllaw Mámleketlik kadastrları palatası Qaraqalpaqstan Respublikası basqarması baslıǵı  Urunbayev Sardor Nurmuratovich  basshılıǵında bolıp ótedi.

📍Mánzil: Qońırat rayonı, Azatlıq MPJ Qaraqapaqstan kóshesi Jaslar orayı imaratı

Qaraqalpaqstan kadastr
Telegram | Instagram  | Facebook | Youtube

Ámiwdáriya rayonında xatlaw jumısları úyrenildi

Aldın xabar bergenimizdey Kadastr agentliginiń tastıyıqlanǵan reje-grafik tiykarında "Ózbasımshalıq penen ielep alınǵan jer uchastkalarına hám olarda qurılǵan imarat hám obyektlerge bolǵan huqıqlardı tán alıw haqqında"ǵı 937-sanlı Nızamǵa muwapıq xatlaw jumısları dawam etpekte.

Kadastr agentligi Komplaens-qadaǵalaw xızmeti baslıǵı Baxtiyor Shamansurov Ámiwdáriya rayonında xatlaw processleriniń ashıq-aydın hám durıs ámelge asırılıp atırǵanı úyrenilip, qánigelerine óz wazıypaların juwapkershilik penen orınlaw boyınsha kórsetpe berdi.

Sonday-aq, xatlaw bolıp atırǵan rayondaǵı "Gulzor APJ" daǵı xatlawda tikkeley qatnasıp, aymaq turǵınları menen ushırastı hám kadastr qánigeleri tárepinen puqaralarǵa xatlaw barısında dámegóylik hám korrupciyalıq jaǵdaylarǵa jol qoysa tiyisli qánigelerge xabar beriwdi atap ótti hám puqaralardıń pikir-usınısları jáne múnásibetlerin úyrendi.

Qaraqalpaqstan kadastr
Telegram | Instagram  | Facebook | Youtube

👍👍👍👍👍👍
Kadastr xızmetlerinen úyden shıqpastan paydalanıwıńız múmkin!

💸Búgingi kúnde hújjetlestiriw jumısları kóshede júriw shárt emes. Elektron mámleketlik xızmetlerinen my.gov. uz arqalı uyden shıqpaǵan halda kadastr hújjetlerin rásmiylestiriwleri múmkin.

◼️Máselen, mámleketlik shólkemlerine barmastan “Turaq jay obyektlerin kadastr pasportın rásmiylestiriw” ge kiriw hám arza beriw múmkin.

◼️ Kóshpes múlkke bolǵan huqıqlardı mámleketlik diziminen ótkeriwge onlayn arza tapsırıw hám mámleketlik reyestrınan kóshirmeler alıw múmkin.

◼️ Ózgeniń jer uchastkasınan sheklengen túrde paydalanıw huqıqı (servitut) haqqındaǵı kelisimdi mámleketik dizimnen ótkeriw múmkinshiligi bar.

◼️Puqaralar aralıqtan turıp jay hám imaratlardı ijara shártnamasın mámleketlik dizimnen ótkeriwleri múmkin.

◼️ Ipoteka hám ipoteka haqqındaǵı shártnamanı, sonıń menen birge, ijara huqıqı, jer uchastkası boyınsha servituttı mámleketlik diziminen ótkerse de boladı.

◼️Puqaralarımız artıqsha áweregershilik penen jayına barıp otırmastan, onlayn túrde atında jeke tártipdegi turaq jay bar yamasa joq ekenligi haqqında maǵlıwmatqa iye bolıwı múmkin.

◼️Sol hám basqa kadastr xızmetleri haqqında Uzdkp.uz rásmiy veb-saytı yamasa my.gov.uz dan maǵlıwmatqa iye bolıwı múmkin.

Qaraqalpaqstan kadastr
Telegram | Instagram  | Facebook | Youtube|Twitter

#ǴXQ_biz_haqqımızda

🖥Qaraqalpaqstan telekanalı tárepinen shólkemlestirilgen «Ashıq mikrofon» kórsetiwinde  2024-jıl 5-avgust kúni qabıl etilgen «Ózbasımshalıq penen iyelep alinǵan jer uchastkalarına jáne olarda qurılǵan imaratlar hám qurılmalardıń huqıqların tán alıw haqqında»ǵı 937-sanlı nızamınıń talap hám tártipleri haqqında sóz etilmekte.

Kórsetiwge 🌟Kadastr agentligi hám 💫Mámleketlik kadastrları palatası Qaraqalpaqstan Respublikası basqarmaları hám basqada shólkemlerden juwapkerler qatnaspaqta.

▶️Youtube https://youtu.be/scK8oYwdJOU?si=YcO3vDOUlP4O00iy

Qaraqalpaqstan kadastr
Telegram | Instagram  | Facebook | Youtube

#ǴXQ_menen_birge

Qaraqalpaqstan radio kanalı tárepinen shólkemlestirilgen "Talap hám juwapkershilik" esittiriwinde  Mámleketlik kadastrları palatası basqarması qánigeleri qatnastı.

🏷 Esittiriw dawamında Ózbekstan Respublikasınin 937-sanlı nızamı haqqında sóz etilip, talap hám tártipleri haqqında radio tıńlawshılarǵa maǵlıwmatlar berildi. Sonıń menen birge esittiriw dawamında puqaralardan kelip túsken soraw hám múrájatlarına juwap berildi.

Qaraqalpaqstan kadastr
Telegram | Instagram | Facebook | Youtube