АҚШ ТУРВИЗА 🇺🇸
Визаның бұл типі B1/B2 деп аталады. Қазақстандықтарға 10 жылға беріледі. 10 жылдың ішінде жылына 6 ай сол жақта бола аласыз.
Бірінші DS-160 анкетасын толтырып, 180$ көлемінде салық төлейсіз. Болды, басқа ештеңе төлеп керек емес. Еуропаға барарда қосымша страховка секілді дүниелер алу керек, АҚШ ондай сұратпайды. Анкетада қайда барасыз, қай жақтан ұшасыз, қай жерде тоқтайсыз — барлығын көрсету керек. Тіпті, әлеуметтік желілердегі парақшаларыңызды тексереді. Соңғы 5 жылда болған жерлерді көрсетесіз. Негізі кез келген консул сізге иммигрантқа қарағандай қарайды, сіздің басты мақсатыңыз - барынша өзіңіздің турист екеніңізді көрсету. Сондықтан визаға тапсырмай тұрып, шет елдерге шығып, паспортыңызды толықтырсаңыз болады. Бірақ бос паспортпен де 10 жылға виза алып кетіп жатқандар болады. Бұл 100% жұмыс істейтін лайфхак емес.
Мен Италияның Флоренция қаласында, 4 сәуір күні алдым. Таңғы 9-да кірдім, 9:30-да интервью болды. Телефон, гаджет, барлығын кірерде тастап кетесіз. Интервью әрі кетсе 5 минут болған шығар. ‘Ата-атаң кім болып істейді, әкеңіз бай ма?’ деп сұрады. Сасып қалдым 😂 Былай болады енді, жетеді өзімізге дедім. Екінші сұрақ Бельгия жайлы болды. ‘Қай күні бардыңыз, не жедіңіз, кіммен, қайта ұйықтадыңыз’ деп жаудырды сұрақты. Ол дәл 4 жыл бұрын болған трип, әйтеуір есіме түсіріп айтып бердім бәрін. Бір тергеу секілді сезілді. Күліп қарап, жолыңыз болсын! деді. Сонымен екінші күні Римге тегін паспортымды жеткізіп берді. Менен айтпақшы ешқандай құжат сұрамады. Карта, ақша, справка - дым керек қылмады. Сол сұрағаны екі сұрақ, оның өзі 5-ақ минут алды.
Кеңестер:
1. Сасқалақтамаңыз. Берсе берді, бермесе бермеді. Көбіне лоторея сияқты, жай консул шаршап тұрғансын отказ дей салуы мүмкін.
2. Өзіңіз толтырыңыз! Не жазғаныңызға қарай сұрақ қояды, сондықтан бәріне белгілі НЙ дей бермей, Йосемит деген сияқты қызықты жерлерді атаңыз.
3. ‘Визовый эксперттерге 500к төлесем - аламын’ деген қате. Барлығын консул шешеді.
4. Студ.виза бұдан жақсырақ деп ойлаған да қате, студ визаға да қазір отказ көп келеді. Виза в США деген сияқты чаттарды телеграмда көп оқып едім, адамдар өз тәжірибесімен бөліседі, оқып, қарап отырған дұрыс.
5. Не қазақша, не ағылшынша сөйлеңіздер. Бұған да көңіл бөледі деп естігем.
6. Жұмыс істеуге бара жатырмын деп айтпау керектігі анық шығар, иә?
7. Киімге де қарайды. Спортивкамен барып жүрмеңіздерші, жігіттер. Білдей бір консул ғой ол да, этикет міндетті түрде сақталуы қажет.
8. Ол жақтағы туысқан-достарыңыз жайлы айтпай-ақ қойыңыздар.
9. Міндетті түрде елде ұстап тұрған фактор жайлы айтыңыздар, көрсетіңіздер. Менікі - Италиядағы оқуым. Оқу, жұмыс, балаларыңыз - бәрін көрсетіңіздер.
Былай жалпы уайымдайтын ештеңесі жоқ, қалтамызда 10 теңге болмаса да алдық қой 😹😹
