తెలిసీతెలియక పరమాత్మని, గురువులని ధిక్కరించిన పాపం ఈ శయ్యాదానంతో పోగొట్టుకోవచ్చు. విత్తశాఠ్యం (పిసినిగొట్టుతనం) ఉండరాదు.
ఇది భీమద్వాదశీ వ్రత మాహాత్మ్యం.
🕉 అంగారక చతుర్థీవ్రతం ఆచరించే విధానం
గృహయోగం లభించి, అప్పుల నుంచి బయటపడాలంటే అంగారక చతుర్థీవ్రతం చాలా మంచిది. ప్రహ్లాదుడి పెద్ద కుమారుడు విరోచనుడు గొప్ప దాత. భూలోకాన్ని పాలించాలని శుక్రాచార్యుడిని ఆశ్రయించగా, మంగళవారం చతుర్థి వస్తే అది అంగారకచతుర్థి అని, ఆ వ్రతవిధానం వివరించాడు. ఇది పద్మపురాణం సృష్టిఖండములో 24వ అధ్యాయంలో ఉంటుంది.
🕉. ఈ వ్రతం ఆచరిస్తున్నవారు బ్రాహ్మీముహూర్తంలో లేచి మంచి మట్టి తీసుకుని ఒంటికి పూసుకోవాలి. ఉత్తరం వైపు తిరిగి అగ్నిర్మూర్ధా దివిః అని జపిస్తూ స్నానం చేయాలి. సాధ్యమైనంతగా ఎక్కువ మౌనంగా ఉండాలి, భోగాలు పొందరాదు. పగలు భోజనం చేయరాదు. ఏకభుక్తం చేయాలి. కుజస్మరణగా ఓం అంగారకాయ నమః లేదా కుజుని శ్లోకం చదువుకోవాలి.
శ్లోకం: ధరణీ గర్భసంభూతం విద్యుత్కాంతి సమప్రభం
కుమారం శక్తిహస్తం మంగళం ప్రణమామ్యహమ్
పండ్లు పాలు, బెల్లం స్వీకరించవచ్చు. సూర్యాస్తమయం అయ్యాక ఇంటిముందు ముగ్గులు పెట్టాలి. సంధ్యా దీపం నమోస్తుతే అనుకుని సంధ్యాదీపం వెలిగించాలి. పళ్ళెంలో అష్టదళపద్మం వేసి కుంకుమ వేసి, ఒక తువాలు పరచి (నల్ల అంచు ఉండ రాదు) అందులోకి కుజగ్రహాన్ని ఆవాహన (కుజగ్రహం ఆవాహయామి స్థాపయామి పూజయామి అనాలి) చేయాలి. నాలుగు గిన్నెల్లో కూరలు (దుంపకూరలు, క్యాప్సికం వంటివి పనికిరావు) అన్నం నైవేద్యంగా సమర్పించాలి. బెండ, దొండ, టమాటా, వంకాయ పెట్టచ్చు. కందులు 1 1/4 కె.జి. నైవేద్యం పెట్టి తువ్వాలుతో సహా యథాశక్తిగా దానం చేయాలి. ఇలా చేసినవారు సంపూర్ణంగా కుజానుగ్రహం, భూదేవీ కటాక్షం పొందుతాము. ఆరోగ్యం బాగుపడుతుంది. ఒక 5 సం.లు చేసినవారు చక్రవర్తి అవుతారు. ఇళ్ళు, భూములు పొందుతారు. దానం కుటుంబీకుడికి, సత్ప్రవర్తన ఉన్నావాడికే ఇవ్వాలి. దానం చేయునప్పుడు చెప్పాల్సిన మంత్రం
🕉. భూమిపుత్ర మహాభాగ స్వేదోద్భవ పినాకినః
రూపార్థం త్వాం ప్రపన్నోహం గృహాణార్ఘ్యం నమోస్తుతే
ఓ భూమిపుత్రుడా! శివుని యొక్క చమట నుండి పుట్టిన మహాత్మా! నా శరీరం అందంగా ఉండటానికి, భూకటాక్షం కోసం నిన్ను పూజిస్తున్నాను, నీకు అర్ఘ్యమిస్తున్నను అని దానం చేయాలి. ఇలా చేస్తే రూపంలో మార్పు వస్తుంది, ముఖంలో కళ, అందం, ఆరోగ్యం వస్తుంది. ఈ వ్రతం మంగళవారాలు 4/5/8 చేస్తే మంచిది. 8 వారాలు చేస్తే చక్రవర్తి యోగం, రూపం, సౌభాగ్యాన్ని పొందుతాము. ఇచ్ఛామరణం పొందుతాము. సప్తద్వీపాధికుడవుతాడు. విరోచనుడు ఈ వ్రతం చేసాడు, ధర్మాత్ముడు, స్వచ్చందమరణం పొందాడు.
🕉. ఆదిత్య శయనవ్రతం. ఈ వ్రతాన్ని విన్నా చాలు. చిత్రనక్షత్రం వచ్చినప్పుడు మన శరీరంలోకి ఆదిత్యుడిని ఆవాహన చేసి మడమల దగ్గర చేయిపెట్టి అర్కాయ నమః, హస్త నక్షత్రం సూర్యాయ నమః, స్వాతినక్షత్రం పిక్కల మీద చేయిపెట్టి పురుషోత్తమాయ నమః విశాఖ నక్షత్రము ధాత్రే నమః మోకాళ్ళపై, అనురాధ సహస్రబాహవే నమః తొడలపై, జ్యేష్ఠ నక్షంత్రం వచ్చినప్పుడు అనంగాయ నమః, గుహ్యాయ నమః అని గుహ్యంపై చేయిపెట్టాలి, మూల నక్షత్రము వచ్చినప్పుడు ఓం ఇంద్రాయ నమః, పూర్వాషాఢ వచ్చినప్పుడు భీమాయ నమః, అని నడుముపై చేయిపెట్టాలి. ఉత్తరాషాఢ, శ్రవణం తీష్ణాంశనే నమః అని పొట్టపై, ధనిష్ఠ నక్షత్రము వికర్తనాయ నమః పృష్ఠ భాగంపై, శతభిష, పుర్వాభాద్ర, ఉత్తరాభాద్ర నక్షత్రాల్లో ద్వాంతవినాశకాయ నమః, చండకరాయ నమః, వక్షఃస్థలం, చేతులు తడుముకోవాలి. రేవతి సమ్నామధీశాయ నమః అరచేతులు రుద్దుకోవాలి. అశ్విని సప్తాశ్వధురంధరాయ నమః గోళ్ళని, భరణి కఠోరధామ్నే నమః కంఠాన్ని చేతితో తడుముకోవాలి. కృత్తిక, రోహిణి నక్షత్రములలో దివాకరాయనమః మెడవెనుక భాగం ఈ నక్షత్రాల్లో మన శరీరంలో అవాహన చేయడం వల్ల ఆరోగ్యం లభిస్తుంది. ఇది ఆదిత్యశయనవ్రతం అని పిలువబడుంతుంది.
🕉. ఇలా 27 నక్షత్రాలు అయ్యక, ఒక ఆదివారం ఉద్యాపన రోజు నూనె, మాంసం కారం లేని ఆహారాన్ని తాము తిని ఇతరులకి మంచం, దుప్పటి, పరుపు దానం చేసుకుంటే సూర్యానుగ్రహంతో బ్రతికినంతకాలం సుఖంగా ఉండి పురాణాలు వింటూ అనాయాసంగా శరీరాన్ని విడిచిపెడతారు. ఆదిత్యశయనవ్రతం 27పాటు మంత్రంతో చేతులతో తడుముకొని ఉద్యాపన గా ఆదివారం నేతితో వండినవే తినాలి.
🕉 రోహిణీ చంద్ర శయన వ్రతం చేయు విధానం.
వ్రతప్రభావం వలన ముఖంలో కళ ఉంటుంది. సోమవారం పూర్ణిమ కలిసి వస్తే సాన్నాంతరం శివుడ్ని పాలతో అభిషేకిం చి, అది తీర్థంగా తీసుకుని, తెల్లనిపూలతో శివుడ్ని పూజించాలి. ఏకభుక్తం చేసి సాయంకాలం ఆవుపాలు, బెల్లం పాయసం శివుడికి నైవేద్యంగా పెట్టి ఇతరులకు పంచాలి. చంద్రుడ్ని పూజించి వెండి దానం చేస్తే రోహిణీ చంద్రుల అనుగ్రహంతో యావత్జీవితము అందంగా ఉంటారు. చదువుకోవలసిన శ్లోకాల వివరణ.
