ذَرَى @eilllln Channel on Telegram

ذَرَى

@eilllln

أنا الساكت ببحر من الحكي، حتى شبعت إسّكات

ذَرَى (Arabic)

في قناة 'ذَرَى' ستجد مساحة للصمت في بحر من الحديث، حيث يقول المشرف '@eilllln': 'أنا الساكت ببحر من الحكي، حتى شبعت إسكات'. هذه القناة توفر لك تجربة فريدة من نوعها حيث يمكنك التأمل والاستماع دون الحاجة إلى الكلام. ستجد هنا محتوى هادئ وملهم يساعدك على الاسترخاء وتهدئة أفكارك. سواء كنت تبحث عن الهدوء والسكينة أو ترغب في الاستماع إلى تفسيرات عميقة للحياة والعالم من منظور جديد، فإن قناة 'ذَرَى' هي المكان المثالي لك. انضم إلينا الآن لتجربة رحلة فريدة من نوعها في عالم الهدوء والتأمل.

ذَرَى

14 Jan, 21:28

صبيت لك من قهوة سنيني عسى عمرك يزيد
‏وأوعدك فنجالك إلى آخر حياتي ما امتلا

‏في ليلةٍ سوادها موحش عبرتي صبح عيد
‏سلّم على أطراف الظلام وشال عمره و انجلى

‏العمر لحظة والطريق أعمى وبنيانه جريد
‏والخوف فكرة وأعقل العشاق سكرى وجهلا

هو فيه مثلك من يموت بنظرتك يبقى شهيد
‏إما : يقلدك بقصيدة غالية .. وإلا فلا

‏إما أحبك وأعتبرك أقرب من حبال الوريد
‏و إلا ترا سمّي تبي تقلب من الشرهة هلا
250
ذَرَى

12 Jan, 23:42

"كل ما لاح برق وهلّ في القاع غيمة
‏قلت؛ وش يدفع قلوب العرب للتجافي!"
648
ذَرَى

12 Jan, 23:31

"أتهجَّى صفحة الأيام وأسرَقك لـ وقوفي
‏كلّ ما زلّ القصيد أشوف جيَّاتك وديعة!

‏آه يا صبري عليك، وآه يا صمتي، وخوفي
‏عاشقك لو طاع عينك يا حبيبي من يطيْعه؟

‏أتردَّد.. لكن الليلة سرَت عنها طيوفي
‏وأنت لا بالك طوِيْل ولا سماء صدرك وَسيْعة

‏ردّ لي كلّ السنين الأوّله.. أوْ رِدّ جوفي!
‏طالبك.. لا تترك أيّامي؛ تْشرَّدها القطيعة

‏الشتاء لو جوَّدته النار، كيف أخيط صوفي
‏في شذى غيمٍ يشدّ الروح بارِقه، ولميْعه

‏إن تركْت كْتاب ضحكاتك على عاتق رفوفي؟
‏ما قدرت تردّ قلب ٍ جفّف التغرِيب رِيْعه

‏أنت نورك يكفي إنه ينسج الضحكة لـ شوفي
‏والله إنّه أجمل بـ واجد من أحداث الطبيعة"
663
ذَرَى

12 Jan, 21:10

"‏آخر لقى فيك والله ماهو بـ عادي!
‏جيتك وانا شايلٍ كبدي على كفّي

‏وادعتك وقلت؛ روحي "يا آخر مرادي"
‏وفي نفسي اقول؛ خفّي خطوتك خفّي."
697
ذَرَى

10 Jan, 22:37

"كنّ صوتك ليا منّه تسللّ حنون
‏فصل يختال ما بين الشتا والربيع"

‏__سعد الخلاوي.
974
ذَرَى

07 Jan, 10:47

"تعذر بالظروف و قلبي يبادرك بالتصديق
‏مع أنه يدري أن اللي يحب يدوس خشم الظرف"
391
ذَرَى

04 Jan, 20:11

«لا تزعل عليّ إن ما سمعتك ليا سولفت
‏أنا منزعج من لجّة الصوت في راسي»
‏
__عبدالله البدراني.
492
ذَرَى

04 Jan, 17:48

كلّ ما غطّا الشفق وجه السما
‏تكشف اللهفه عن القلب اللثام

‏يا اغترابي وش يكون الإنتماء
‏غير ذكرى مرّت مْرور الكرام

‏البياض اللي على وجهي نمى
‏خيط صبحٍ صافح ثياب السلام

والسواد اللي تحت عين العمى
‏ليلةٍ ما خانت اهداب الغمام

‏من متى الغيم يتغنّى بالظما
‏من متى النور يتفائل بالظلام

‏من انادي، ليه ألوح كل ما
‏سيرت ذيك الملامح بالزحام؟

مدري أصوات الأماني ربما
‏ولا أنا شكّيت بـ آمال الكلام

‏كنت اردّد يوم ودّعت الحمى
‏مابقى بي لا عتاب و لا ملام

‏"جادك الغيثُ إذا الغيثُ هما"
‏يا زمانٍ ماعرف مسك الختام

‏__فيصل القاضي.
2,062
ذَرَى

26 Dec, 21:19

"‏رذاذٍ ما سقى خدّك
‏وعنقود العنب ما ابيه

‏وتينٍ ماحضن يدّك
‏ولو طاب ونضج ما اشريه

‏دخيل الله من صدِّك
‏ومن طول الجفا وطاريه
‏
‏أنا اللي لو صفا ودِّك
‏باطير من الفرح والتيه"
‏
__بدر عبدالمحسن.
2,399
ذَرَى

26 Dec, 20:41

"من شاف وجهك وركز فالقمر قال توم
بس القمر فالمجره و أنت فالمملكة"
2,235
ذَرَى

25 Dec, 20:31

"لو تطيحين من عيني قدرت أوادعك و أنساك
‏لكنك في خيالي واقفة.. و الطايحة عيني"
2,398
ذَرَى

22 Dec, 17:20

"من فقد طعم السعادة وعاش الاغتراب
وش بقى له غير الآمال شيءٍ يملكه

صامل متجرّع المر وأصناف العذاب
كل درب يودّي الحلم لازم أسلكه

عادي تمر الليالي وهو يتبع سراب
يستلّذ الحالم الحلم حتى يهلكه"
2,788
ذَرَى

16 Dec, 20:57

"في زمان كنه البرد، شبّيت القصيد
‏قلت ابدفى والليالي تموت ببردها"

‏__مساعد الرشيدي.
3,269
ذَرَى

14 Dec, 20:09

يروح الشقردي خاتمٍ بين اصابعها*
3,407
ذَرَى

14 Dec, 19:58

"أشوفك قدر مطبوع في ناصية و كتاب
‏مثل موتي أقرب له كثر مانتحي عنه"
3,397
ذَرَى

13 Dec, 10:10

"قلبي ما هو بمسخرٍ نبضه لوردٍ فيه شوك
‏ونفسي ماهي مرهونة لضيقة عصير ولا عصر

‏حتى الكلام اللي يعقّد حاجب الوجه الضحوك
‏أحبّ أقوله بالفم المليان ما أحبّ أختصر!"

__مزيد الوسمي.
3,525
ذَرَى

12 Dec, 20:14

"عطاك الله المعطي سوالف وحلو قْبال
‏وزين، وجناب، وخاطرٍ سمح، ومروفه

‏وصوتٍ ليا سولفت كنّه مافيه حْبال
‏تحلْف انه اوتار، وتقاسيم معزوفه

‏وعينٍ هدبها فوق خدّك وريف ظْلال
‏حنون.. وبعض لحيان تجرحني سْيوفه"
3,251
ذَرَى

08 Dec, 14:00

"رتّبي.. يا شام صبح الياسمين
‏والبسي ثوب الحضارة والترف

‏واندهي.. للغايبين الحاضرين:
‏في عيون المجد وعروق الشرف"
3,398
ذَرَى

07 Dec, 08:49

"كيف أشوفك في فتور من الهوى وأنت اِندفاعي
‏شايفٍ فيك أجمل أيَّامي.. صباحات، ومسرَّة."
3,319
ذَرَى

21 Nov, 18:07

‏حاوطتني الذكريات و للقصايد وقفه
‏لـ القلوب اللي على أسر الكلام اعتادت

‏يا حبيبٍ راح صدفه مثل ما جا صدفه
‏كلمةٍ تسترجعك.. حاولتها، ما فادت

‏انت لحظه في زمانٍ قد تلقّى حتفه
‏وانا ماني رهن فرصه ( رادت او ما رادت )

‏في حسافة من مشى دربه وعينه خلفه
‏الأسف - بإن المشاعر لا رحلت ما عادت

‏ذاخرٍ لـ عيونك الثنتين .. شعر و لهفه
‏للصدف، يوم إن مواعيدي معك ما جادت
3,783
ذَرَى

20 Nov, 18:45

"و جهك إذا شفته تذكرت شيئين
الحظ الاوفر.. و الحياة السعيده"
3,346
ذَرَى

20 Nov, 09:42

"أنا خفوقي ودود، ولي مزاجٍ ملول.."

__بن جدلان، وأنا
3,475
ذَرَى

19 Nov, 19:29

"كان ما تقدّر تورّدهْ مّاك… أعتقه"
3,357
ذَرَى

18 Nov, 18:41

"على جسر العمر ما كلّ موعد يقبل التأخير
‏أبي ليله معك وإن ماحصل ليلة.. أبي ساعة"
3,566
ذَرَى

18 Nov, 15:35

"اجمل ثياب السما، ثوب الغروب
‏كل يوم اتأمله… و أصوّره

‏شمسه تصبّ السطوع بكل صوب
‏حتى لا راحت… تروح منوّره"
3,570
ذَرَى

15 Nov, 20:08

"آه يالفاتنة.. لو تدركين أختلافي
‏أنا فرصة عمر ماني بفرصه سعيده"
‏
__بندر الدويش.
3,382
ذَرَى

11 Nov, 21:52

يقولون العواذلْ؛ وين عقلك؟ والهوى مجنون
وانا وإن جيت كلي، ويش أسوي هذي أطباعي

__ضيدان المريخي
3,652
ذَرَى

11 Nov, 21:35

"بنيّات العيون إن سالت بـ خدك تجيب أقصاي
‏لا تنثرها.. واحارب لك زماني طالبٍ ثاري

‏لا تهزمني دموعك، والزمن لا مثلي وْ شرواي
‏تشيّم عن مطيحي، صد دمعاتك عن انظاري

‏أجيك؛ المنهك اللي ما يبي منّك رجّاحة راي
‏أبيك؛ المنصت اللي جاوبت شرهاته، أعذاري" ):

__طلال الصقيه
3,138
ذَرَى

11 Nov, 21:18

"اتحرّى يمكن الليل يطلع منه نور
ولّا يمكن تنطق شفاك: لبّيه وهلا"

__بندر الدويش.
2,877
ذَرَى

11 Nov, 21:06

للحين وطيوفه تمرّ، وتبارى
كنها تذكّرني.. وأنا ما تناسيت

ليت الدموع الي تبين، وتوارى
تغسل بقايا الذاكرة لا تواريت

وليت الظنون أن ما نفعها المدارى
تنفع غريبٍ في نحا ضيقته: "ليت"

__عبدالله البديري.
2,844
ذَرَى

11 Nov, 20:53

"‏إذا حزنتي من يبي يسعد الناس؟
‏الحزن ماهو زين لاتزينينه

‏من البديهيّات في علم الاحساس
‏لايمكن تكون السعاده.. حزينه" 💘

__عفاس بن حرباش.
1,318
ذَرَى

11 Nov, 20:42

"في مثل هذي العيون اللي هدبها كثيف
تسّلم الروح ويموت الشجاع بشرف

راحت بقلبي مثل ما راح حكم الشريف
مراح غرسً جرفه السيل يوم انجرف

وان مال ذاك القوام المنصهر يالطيف
غصن لا هب النسيم يميل منه طرف

اطيح طيحة قوي ماهيب طيحة ضعيف
طيحة شجاعٍ هزمه الحب لين اعترف"

__جابر النشيرا.
1,389
ذَرَى

11 Nov, 13:34

"ياقلبي لو إن الناس ماعاد تدري عنك
‏يعزّيني انّك لو قسّوا فيك.. ما تقسى

‏تعيش التفاصيل الصغيرة وتاكل منك
‏تحاول على نسيانها بس ما تنسى"
1,415
ذَرَى

09 Nov, 20:35

"تطاوعك القوافي كلها بالوزن و التركيب
‏بشعرٍ مقصده يرضيك في لونه و تلحينه"
1,525
ذَرَى

09 Nov, 15:09

"أنا محتاج شي أشمل من النسيان
‏أنا النسيان وحده ما ينسيني!"
1,548
ذَرَى

09 Nov, 11:36

"استلذِّيت الغياب وتركت اللي يبيك
‏مادريت أن المفارق بدايات العناء

‏كل حاجهٍ في غيابك على حطه يديك
‏الحزن والهم - والجرح - والحب - وأنا"
1,600
ذَرَى

08 Nov, 20:51

"تمايل عودك المايل على عوج الضلوع وذاب
‏كأن الله خلق صدري وطنْك وضحكتك بيتي

‏تباهي في قصيد اللي قصيده يسرق الالباب
‏يجيب اللي عجز غيره يجيبه لا تعدّيتي"
1,633
ذَرَى

08 Nov, 20:03

"ودي ارد قلبي بالغزل ياغزاله
‏لايسوي سوات اللي يهمّل رفيقه

‏الهوى لذّته في طيشه وفي هباله
‏ولذّة اول شعور وربكة اول دقيقه

‏وجهٍ اللي يشوفه ينبهر من جماله
‏وطلةٍ تجعل الرجال يشرغ بـ ريقه!

‏ودي امثل مثول المتهم للعداله
‏ماعلي دامني بين اليدين الرقيقه

‏العفو "ياشبيه اللي جفل من ظلاله"
‏نظرتي في التفاصيل الدقيقه دقيقه

‏انت حتى الذهب يزهاه جيدك لحاله
‏ويتلاشى على غيرك ويفقد بريقه"

__جابر النشيرا.
1,792
ذَرَى

06 Nov, 19:34

"حبيبي.. من يقول اني رضيت اطيح؟
‏مطيحي في غرامك كان.. في غَفله

‏مثل عطرٍ لفت به.. كفّتين الريح
‏طرق قلبٍ ورا صدري، و سرق عَقله

‏عشقتك كنّ ما ثلث الهوى.. تجريح
‏ولا كنّ المحبه ما هي بـ سَهله

‏طمعتك كنّ ما ذقت الوله تبريح
‏ولا كنّ الليالي… باللقى خَجله"
1,817
ذَرَى

05 Nov, 19:25

"عندي شهود بإن عيونك اللي رمنّي
‏لو أنا يوم شفتك، قلت محدٍ رماني"
1,999
ذَرَى

05 Nov, 19:25

"على كثر ما كانت ليال الوصال قصار
‏على كثر ما كانت طويلة.. بـ ذاكرتي"
‏
__عبدالله السراهيد.
1,764
ذَرَى

04 Nov, 16:16

"هي عظيمة بس والله ما دريت إنها عظيمة
‏لين قالوا.. ما يعرف الحاجه الّا من فقدها"
‏
__مطرف بن شارع.
1,382
ذَرَى

03 Nov, 14:36

"أنا كذا —— مثل الشغف.. لا توارى
‏من عاشني لحظة، يسولف بي سنين"
1,408
ذَرَى

03 Nov, 14:05

"أنت يا وجه يغني عن وجيه الناس
‏كل يوم وحلاك بـ زود.. ما مليت؟

‏في جمالك نقيضٍ يدهش الاحساس
‏ثغر يحيي بـ بسماته.. و عين تْميت

‏خذ من الليل كحل عيونك النعّاس
‏و فل شعرٍ على ظلماه رحت وجيت

‏أدعجٍ يلعب بـ خصلاته النسناس
‏كل ما تنقضه.. نقضت لاجله بيت"

__مشاري الصغيّر.
1,521
ذَرَى

03 Nov, 13:53

"أحبك، ولو يمطر سحاب الدروب أحباب
‏رضيت بْـ ظماك، وخل الأنسام تسري به

‏أحبك، ولو عادت جميع الوجيه أغراب
‏خذيتك أمان، يْشرّد الخوف من طيِبه

‏أحبك، لو أعذارك ماهي تقنع الكذّاب !
‏أنا الصدق بعض أحيان ما ودي أدري به

‏حشاك أني آخذ من ظروف الغياب أسباب
‏ما زاد الوصل والله، ولا نقّص الغيبة"

__صالح بن حمد.
1,488
ذَرَى

01 Nov, 21:14

ماتعد الحق.. يالليل الطويل
‏يسهر المظلوم والظالم ينام!
1,346
ذَرَى

01 Nov, 21:02

وسامحني.. أنا وقلبي سهرنا الليل وأغتبناك
‏وتسامرنا بـ حكي واجد.. لعلّ الدمع كفاره

‏ضحكنا من مواقفنا، سكتنا شوي وعاتبناك
‏ياليت ان البداية سجنْ ما نطلع من أسواره

‏تصارحنا أنا وياه.. من اللي ما قدر ينساك!
‏وطاح القلب من عيني وأنا طايح من أنظاره

‏كتبنا لك جداريه على ضلوع الصدر تزهاك؛
‏شف الدنيا بلا حسّك.. وطن يستفقد أنواره

‏تخيّل! رغم "طعناتك" تلاقينا على ذكراك
‏يموت اللي صدق بالحب طريح وماحدٍ زاره
1,451
ذَرَى

01 Nov, 20:26

"من كثر ما أتعبني شعور إنّك تروح
‏ما عاد يسعدني.. شعور إنّك تجي"
‏
__عبدالله السراهيد.
1,363
ذَرَى

01 Nov, 12:30

"أعوذ بك ربِّي من الخوف ومن الوسواس
‏و من حاجةٍ مالي بها قوّه ولا حيله

‏فيك الرِّجى ما خاب يارب الفلق والنَّاس
‏و منك الأمل ما مات لا لحظه ولا ليله

‏أنت اليقين الِّلي قطع حبل الجزع واليأس
‏و أنت الأمان الِّلي بخوفي دايم أشكي له"
1,413
ذَرَى

31 Oct, 22:52

تقولين انت من قدك؟ واناظر قدك المياس
‏واقول اليا تمايل قدك المياس — من قدي ؟

‏ابي ليله ما غير انتي، وانا، والشعر، والنسناس
‏"بعدها ما يهم ان وقفو كل البشر ضدي"

‏__خالد بن طفلان.
1,493
ذَرَى

31 Oct, 21:34

"ياللي جديلك في الضحى لو تفلّه
‏خيّم عليه الليل الأجعد وغطّاه

‏مالي ملاذ إلاّ الرموش المظلّه
‏في حسنها معراج طرفي ومسراه"
1,579
ذَرَى

29 Oct, 08:46

"على تفاصيلك تجود القريحه
يا وجهٍ عند اطلالته.. تقعد الشمس

أجمل بنات الارض جنبك قبيحه
لو كان فيهم تكفي حروفك الخمس

خليك في عرش الغلا مستريحه
وقولي سواليفك على سمعي بهمس

عطيني نبذه للحروف الفصيحه
مع دافع التكرار بالقول و اللمس

يجوب فيك الورد من نفح ريحه
ويعتاظ فيك اللي فقد فرحة الأمس"
1,874
ذَرَى

29 Oct, 08:35

أحبك حتى لو إنك بعين الذاكره مِخطي !
1,876
ذَرَى

27 Oct, 21:08

"ليه كل درب ٍيودي لك.. يشد الأنتباه
‏وليه أشوفك في عيوني الجهات الأربعه!"
1,986
ذَرَى

25 Oct, 09:57

‏"أشوفك بالمرايا والزوايا والزهر والناس
‏وقمرا تضحك بوجه العتيم وتزعل الظلما"
2,351
ذَرَى

25 Oct, 09:40

"أحبك من الله.. وأحبك من زمان
لا تسأل الحب ليه؟ ومن متى؟

انا اذكره كان في مثل هذا الزمان
اواخر الصيف.. وبدايات الشتاء"
2,273
ذَرَى

17 Oct, 20:09

‏"وجهك مثل صبحٍ يسوق التباشير
‏واليا أبتسمت من الشموخ أرتوينا

‏سولف وتنبت بالصدور النواوير
‏وأقطف غلاك من العمر ما حيينا

‏يا كثر مايفرق حضورك عن الغير
‏مثل المطر مهما هطل ما أكتفينا"
1,183
ذَرَى

17 Oct, 12:45

"برقٍ لمع، ولّا ضحَك سنك؟
‏يا وجهٍ الله بالحلا ماليه

‏بالغت يوم اوصّفك لانك
‏جميله.. بشكلٍ مبالغ فيه" 🤍
1,284
ذَرَى

11 Oct, 20:46

"أستسمحك يا الملاذ من الليال الشحاح
أقدارنا ترسم.. اللي ما قدرت أرسمه"
2,152
ذَرَى

02 Oct, 19:02

ليت لي..
‏في قلبك أشياء مثل ما لك
‏في مساحاتي مساحات وسيادة.
2,888
ذَرَى

01 Oct, 18:58

«كلّ كلمة بلعنا شرّها بـ الكلايف
‏جعلها بالصحايف عند ربي ثقيلة»
2,741
ذَرَى

01 Oct, 05:40

"أنت تدري وش أجمل منك في عيني
‏أنت لاصرت مبسوطٍ على شاني

‏تكرم البسمة اللي منك تكفيني
‏كيف أناديك عمري والعمر فاني

‏كل شيٍ خلق بك، لك يناديني
‏انت غير الجميع ولك غلا ثاني

‏قلت أبذكرك وأثرك ساكنٍ فيني
‏بين عيني.. وعيني ما تعدّاني"
2,649
ذَرَى

29 Sep, 19:25

"وش ينسّيني عبق ماضي لياليك المليحه
‏مستحيل أنسى، لو النسيان للإنسان عاده"
2,691
ذَرَى

27 Sep, 14:11

‏"اسقنيها والله إنّي لريحتها شفوق
‏ما اتحلوى مرّ الأيام.. لين أذوقها"
2,995
ذَرَى

25 Sep, 17:36

«يمرّون غيرك فوق موق العيون أشباه
فتنت الليالي، لين عافت عوض غيرك»

__صالح بن حمد.
3,028
ذَرَى

25 Sep, 17:19

"رهيف شعور ويداري شعور الخاطر المكسور
‏رغم كل الشدايد ما تنازل عن طموحاته

‏بناء مستقبل أحلامه من أفكار، وصور، وشعور
‏إذا الواقع قسى؟ يرحل ويسكن في خيالاته"
‏
__سعد علوش.
2,883
ذَرَى

25 Sep, 16:32

"فدى ضحكةٍ غابت وصبري بعدها طال
‏ما خلت بـ جوفي غير غصّه وتنهيده
‏
‏خذته الليالي والليالي طويلة بال
‏لا قفّت لها في شي ما ظنّي تعيده

هو اللي غيابه مرّ ومفارقه قتّال
‏وهو اللي تبي تفنى عظامي وأنا أريده"

__بندر الدويش.
2,774
ذَرَى

14 Sep, 19:46

"تحاصرني الدنيا واموري مثل ما هي
‏الازعاج يملى مجرياتي.. وأنا هادي" (:
‏
__عبدالله السراهيد.
3,649
ذَرَى

14 Sep, 17:02

«جعل ربي ما يجرّدني من شعور القناعه
‏يا كثر ما فاتني فرصة عمر و اقول خیره»
‏
__جابر النشيرا.
3,590
ذَرَى

13 Sep, 22:12

"شعوري الليله شعور البدايه
‏بين القديم من السكك والمنازل

‏شعور من يبغى الرضا والهدايه
‏ويواجه انواع الحيَل والمهازل

‏غريب ماله من ورا الناس غايه
‏بينه وبين الواقعيّـه عوازل

‏راحت حياته ينتظر.. والنهايه
‏يوم اقترب من كل حاجه تنازل"
3,257
ذَرَى

13 Sep, 22:00

"ماهي الهقوه ولا هذا طموحي
‏الهوى ماهو وسيلة للتسلّي

‏كيف بنسى قلبك وبستر جموحي؟
‏من يناديني ليا غبت ويهلّي؟

‏من يواسيني قبل عبرات نوحي؟
‏من يسافربي وانا واقف محلّي؟

‏من علي اغلا من عيوني وروحي؟
‏من يدلّيني مشاوير التغلّي؟

‏انتي اطهر آسفه ترضين بوحي
‏من لك انتي لا تفارقنا ومن لّي؟

‏خلّي اللي بيني وبينك وروحي
‏واذكري عزّي ولا تطرين ذلّي

‏كل ما حنّيتلك صاحت جروحي
‏ليه ماخفت الفراق وجيت كلّي؟"

__أحمد البحّا.
3,161
ذَرَى

13 Sep, 21:47

"أستحيت من المشاريه ومعاتب جفاك
‏وأقتنعت إن الغلا مايجي عرض وطلب

‏قلت أصدّ بـ كل حبي وتعظيمة غلاك
‏قبل أصدّ بـ قلب عايف وحالٍ منقلب"
2,846
ذَرَى

12 Sep, 21:57

"الليالي دون ضحكاتك نسايمها غبينه.."

__ناصر مناحي.
2,886
ذَرَى

12 Sep, 21:46

"انا من غلاته كنّي اللي ملكت الارض
‏و أحس السماء و افلاكهّا صارت افلاكي

‏احبّه و له منّي عهد لين يوم العرض
‏لو ان الزمن خذاهّ.. يبقى من أملاكي

‏انا ما نسيته كود ننسى صلاة الفرض
‏واذا قد نسيته ..قدرتي خارج إدراكي

‏لو اني بحثت القاع في طولها و العرض
‏ فلا فيه غيره شخص يقدر على إضحاكي"
2,951
ذَرَى

09 Sep, 21:52

"اللي خلق في مشاعرنا من البعد خوف
‏خلق لنا نعمة النسيان.. في غيرها

‏تموت الأحلام دايم في يدين الظروف
‏وتعيش الآمال وتواصل مشاويرها

‏في ليلةٍ تاهت الخطوه وطال الوقوف
‏هي نفسها الليله اللي شرها خيرها

‏جيت ومعي قلبٍ يحب ويحنّ ويروف
‏ورحت ومعي قلبٍ أقسى من معاذيرها"
3,146

2025 All Right Reserved

Disclaimer: The content displayed on this website is solely provided by the respective Telegram channels. We hold no ownership or responsibility for the content shared by these channels.