مظفر النواب. टेलीग्राम पोस्ट

فلتحدث معجزة….

شفت القضية عبث
كضيت راس السنة وطكَيته بالحايط

-مظفر.

قلقًا حتى العظمْ
وكأنَّ على كتفيكَ المهزولين
هُمومَ العالم

|• عدنان الصائغ

ذبحني الهواجس
بيع لتبيع
كَلتلهن كَبلها هواي خسران
عتكَن ما يفيدن طلعن صوف
مشوهن عليّ كَلولي كاشان
سمت جوة السعر بهواي ما اريد
شايل وارد ابيع ببيش ما چان

الذكرى السنويه السادسة لرحيل شاعرنا الكبير
الاستاذ عريان السيد خلف

مثل العود من يذبل ....بلاية وداع
ومثل الماي من ينشف .......بلاية وداع
تدريني هرش واوجرت بية الكاع
يا رخص العشك من ينشره وينباع
جنت بليل المحبين ....شلذ اسمك على الخاطر
وجان الشوك بيك رسوم .. حلوة ..ولهفة مسافر
وجنت وياك خلك الكاع للكيض ....
وصبر شاعر
وبلا جلمة التنكال كل ذاك الفرح ينشال
وظنون المحبة تظل بلاية وداع
يا رخص العشك من ينشره وينباع
شلون الماي......يكدر ينكر اجروفة
شلون العين تكدر .....شوفها تعوفه
وابو جفوف الحنينة.... شلون يرضى
اتبيعنا جفوفه ......وبلا جلمة التنكال
كل ذاك الفرح ينشال
وظنون المحبة تظل بلاية وداع
يا رخص العشك من ينشره وينباع

من تطفى ضويات الشوارع
بالليالي بالباردة
بحزن الرصيف
اليسمع اشكال المصايب
من ينامون السكارى
الشربو لحدما لملموا باگة شجاعة
تكفي نومه
من يجف مدمع طفل مشلوع گلبه
بحب جگاير علچ ويبلش حلم صبورة جنطة
تفز حسرتك
تفز خسرتك
دوريتك حاسبينك
والله لو تسوه العتب چا عاتبيتك

-علي الأبيض.

وأشتهيت الليلة أموت بباب بيتك

ما عدنه بالخاطر حلم مو معقول
كل الاحلام العدنه مكَدورلها
اشياء مو صعبة…اقل من سهلات
كلش بسيطة عله اليريد يحلها
لو سكَف بيت وباب ينسد بالليل
ع العايله وبيبان شابچ ظلها
لو ابوّ تغفه اطفال ما جوعانين
لو شيلة وكت العوز ما يخذلها
لو شاب يلكَه بجيبه مو بس قماش
ما يزرع آمال العسر يكتلهة
ذن الطموحات وجزا الله خير
أليمشي خيطه عاللجروح يشلها

-إيهاب المالكي

يأليمر ذكرك على عضايّ وتضل كلها تتخاذف.

ابو علي لك الرحمة والخلود