OZODLIK KANALI™ Telegram Posts  

Украинага босқин: 1101-кун | Трамп билан тортишувдан сўнг Зеленский Оқ Уйни тарк этди

Трамп-Зеленский брифинги тортишув билан тугади: Украина делегацияси Оқ уйни тарк этди.
АҚШ президенти Доналд Трамп Украина президенти Владимир Зеленскийни “диктатор” деб атаганига ишонмаслигини айтди.
Фронтда Новопавловка, Торецк, Волчанск ва Кондрашовка йўналишларида Россия қўшинларининг ҳужумлари давом этмоқда.
Туркия ва Ирландия Украинадаги муҳтамал тинчликпарварлик миссияси доирасида ўз қўшинларини йўллашга тайёрлигини билдирди.
Туркиянинг Истанбул шаҳрида АҚШ ва Россиянинг элчихоналар фаолиятини тиклашга доир музокаралари бўлиб ўтди.
ФСБ эса мигрантлар фарзандларини тегишли давлат элчилиги ҳисобига депортация қилиш таклифи билан чиқди.
ФСБ: “Путин пешвоси” Тихон Шевкуновни ўлдиришга уринишининг олди олинди.
27 февралда Россия мухолиф сиёсатчиси Борис Немцов ўлдирилганига роса 10 йил тўлди.

🔴 Ozodlik kanaliga obuna bo'ling! 👉 https://t.me/ozodlikkanali
🔴 Bizga xabar yo'llash uchun 👉 https://t.me/ozodnews

"Бугун Оқ уйда жуда муҳим учрашув бўлди. Биз ҳозиргидек босим ва таранглик шароитида ўзаро мулоқот қилмасдан туриб тушуниб бўлмайдиган кўп нарсаларни билиб олдик. Ҳис-туйғулар орқали қандай нарсалар намоён бўлишини кўриш ажабланарли. Мен шундай хулосага келдимки, агар тинчлик жараёнида Америка қатнашадиган бўлса, Президент Зеленский тинчликка тайёр эмас, Чунки у бизнинг иштирокимиз музокараларда унга катта устунлик беради, деб ўйлайди. Менга устунлик керак эмас, менга ТИНЧЛИК керак. У Қўшма Штатлар учун муқаддас бўлган Овал офисда АҚШга ҳурматсизлик кўрсатди. У қачон тинчликка тайёр бўлса, ўшанда қайтиб келиши мумкин», дейилади Трампнинг Truth ижтимоий тармоғида эълон қилинган баёнотда.

Овал кабинетдаги брифинг қизишган оҳанг билан тугади. Журналистлар олдида чиқиш қилиш чоғида Зеленскийнинг Киев оташкесимга тайёр эмаслиги ва Украина Вашингтондан хавфсизлик кафолатини олиши зарурлиги ҳақидаги баёнотидан кейин Украина ва АҚШ президентлари ўртасида тортишув бошланди.
“Бизга ўт очиш тўхтатишининг ўзи кифоя эмас <...> Мен аввал Макрон ва Меркель иштирокида Путин билан шартнома имзолаганман. Қанақа дипломатия ҳақида гап кетяпти бу ерда?” - дея иқтибос келтирган Украина президенти сўзларидан “РБК-Украина” нашри.

Трамп Киев тинчлик битимини тузишда “муроса” қилиши лозимлиги, агар Украина расмийлари битимдан бош тортишса, Қўшма Штатлар бу ишда иштирок этмаслигини қўшимча қилди.
“Бизсиз сизнинг қўлингизда қарта йўқ, сиз биздан миннатдор бўлишингиз керак. Биз сизнинг мамлакатингизни қутқаришни ва урушни тўхтатишни истаяпмиз. Сиз: “Мен урушни тўхтатишни истамайман”, деёлмайсиз. Биз сизга 350 миллиард доллар бердик, аммо сиз ҳали ҳам миннатдор бўлмаяпсиз. Сизнинг бизга ҳеч қанақа буйруқ беришга ҳаққингиз йўқ. Сиз ҳозир унча устун позицияда эмассиз”, деди Трамп.

Трамп, Зеленский ва вице-президент Жей Ди Вэнс музокараларининг очиқ қисми якунида икки давлат лидерларининг матбуот анжумани бўлиб ўтиши керак эди. Аммо Оқ Уйдаги тортишувдан сўнг матбуот анжмумани бекор қилинди. Reuters агентлигининг хабар беришича, Зеленский Оқ Уйни шошилинч тарзда тарк этган.

🔴 Ozodlik kanaliga obuna bo'ling! 👉 https://t.me/ozodlikkanali
🔴 Bizga xabar yo'llash uchun 👉 https://t.me/ozodnews

Ўнлаб журналист "очиқ суд"га қўйилмади

Тошкентда Шайхонтоҳур туман суди Uzdiplomat сайти бош муҳаррири, журналист Анора Содиқова Mufasa тахаллуси билан танилган блогер Мирсаид Ҳайдаров устидан киритган даъвони кўрмоқда.

26 ва 27 февраль кунлари суднинг 2 та мажлиси бўлди. Иккала мажлис ҳам ёпиқ ўтди, ваҳоланки суднинг очиқ бўлиши айтилган эди.

Журналист Анора Содиқованинг даъвосича, блогер Mufasa ижтимоий тармоқларда уни камситувчи ва туҳмат мазмунидаги постларни эълон қилган. Шу боис, “Фуқаролик кодекси”нинг 100-моддаси - “шаън, қадр-қиммат ва ишчанлик обрўсини ҳимоя қилиш” моддасига асосланиб, фуқаролик судига ариза киритган.

Ўз навбатида блогер Мирсаид Ҳайдаров ҳеч бир журналистни камситмагани ва уларга нисбатан туҳмат тарқатмаганини даъво қилмоқда. Айни пайтда, журналистнинг ўзини туҳмат ва уйдирма тарқатишда айбламоқда.

Ўзбекистонда бир журналистнинг бир блогерни ҳақоратда айблаб судга бериши илк бор кузатилмоқда. Бундан ташқари, “Фуқаролик кодекси”нинг 100-моддаси шу пайтгача амалдорлар томонидан журналистларга қарши қўллаб келинган эди.

Бу судлов ўзбекистонлик жамоат фаолларининг эътиборини тортган, илк маҳкама куни 30 га яқини суд биносига борди, аммо расман очиқ деб эълон қилинган мажлисга киритилмади.

📌 Тўлиқ видео: https://youtu.be/Q2O6vavUFBE

Ўнлаб журналист "очиқ суд"га қўйилмади

❗️Кўриш учун линк 👉 https://youtu.be/Q2O6vavUFBE
❗️Озодликнинг ЯНГИ видеосини ҳозироқ YouTube каналида кўринг

Тошкентда Шайхонтоҳур туман суди Uzdiplomat сайти бош муҳаррири, журналист Анора Содиқова Mufasa тахаллуси билан танилган блогер Мирсаид Ҳайдаров устидан киритган даъвони кўрмоқда.

26 ва 27 февраль кунлари суднинг 2 та мажлиси бўлди. Иккала мажлис ҳам ёпиқ ўтди, ваҳоланки суднинг очиқ бўлиши айтилган эди.

Журналист Анора Содиқованинг даъвосича, блогер Mufasa ижтимоий тармоқларда уни камситувчи ва туҳмат мазмунидаги постларни эълон қилган. Шу боис, “Фуқаролик кодекси”нинг 100-моддаси - “шаън, қадр-қиммат ва ишчанлик обрўсини ҳимоя қилиш” моддасига асосланиб, фуқаролик судига ариза киритган.

Ўз навбатида блогер Мирсаид Ҳайдаров ҳеч бир журналистни камситмагани ва уларга нисбатан туҳмат тарқатмаганини даъво қилмоқда. Айни пайтда, журналистнинг ўзини туҳмат ва уйдирма тарқатишда айбламоқда.

Ўзбекистонда бир журналистнинг бир блогерни ҳақоратда айблаб судга бериши илк бор кузатилмоқда. Бундан ташқари, “Фуқаролик кодекси”нинг 100-моддаси шу пайтгача амалдорлар томонидан журналистларга қарши қўллаб келинган эди.

Бу судлов ўзбекистонлик жамоат фаолларининг эътиборини тортган, илк маҳкама куни 30 га яқини суд биносига борди, аммо расман очиқ деб эълон қилинган мажлисга киритилмади.

🔴 Ozodlik kanaliga obuna bo'ling! 👉 https://t.me/ozodlikkanali
🔴 Bizga xabar yo'llash uchun 👉 https://t.me/ozodnews

📌Озодликнинг бугунги дастурида:

✅Ўзбекистон Иқтисодиёт ва молия вазирлиги Давлат қарзи миқдори 40 млрд доллардан ошганини маълум қилди

✅Рустам Иноятов Вануатунинг “олтин паспорти”ни олгани юзага чиқди

✅Ўзбекистонда Рамазон ойининг бошланиш санаси эълон қилинди

✅USAID ислоҳотининг илк босқичида миллиардлаб доллар тежалди

✅MH17 рейси қурбонларининг яқинлари Трампдан ёрдам сўради

✅Истанбулда АҚШ ва Россия музокаралари бўлиб ўтди

🔴 Ozodlik kanaliga obuna bo'ling! 👉 https://t.me/ozodlikkanali
🔴 Bizga xabar yo'llash uchun 👉 https://t.me/ozodnews

Zimiston-UZ. Газ ва свет муаммоси, метанга навбат билан ўтган қиш

Ўзбекистонликлар бу йилги аёзни ҳам газ муаммоси, метан шохобчаларидаги узун навбатлар ва электр энергиясидаги узилишлар билан ўтказишди. Ҳукуматнинг бу йил қишда газ ва свет муаммоси бўлмайди, қабилидаги ваъдалари ваъдалигича қолди. Олдинда эса мамлакат аҳолисини газ тарифлари ошиши кутмоқда. Расмийлар 1-апрелдан кучга кирадиган янги тарифлар энергетика ислоҳотининг муҳим бир қисми эканини таъкидлашган. Аммо энергетика тақчиллигидан азият чекаётган аксар ўзбекистонликлар учун бу ислоҳотларнинг мазмуни тушунарсизлигича қолмоқда.

🔴 Ozodlik kanaliga obuna bo'ling! 👉 https://t.me/ozodlikkanali
🔴 Bizga xabar yo'llash uchun 👉 https://t.me/ozodnews

Трамп, Украина, НАТО ва дипломатик ҳаракатлар ҳақида билиш керак бўлган 4 жиҳат

Дональд Трамп, Украинадаги уруш, НАТО ва Россия ҳақида янгилик чиқмаган кун йўқ. Украина теграсида дипломатик ҳаракатлар шу қадар қизиб кетдики, барини кузатиб бориш қийин бўлиб қолди. Уларнинг асосий 4 жиҳатига эътиборингизни қаратмоқчимиз.

❤️ТЎЛИҚ МАТЕРИАЛНИ КЎРИШ УЧУН БОСИНГ

Intelligence Online: Рустам Иноятов Вануатунинг “олтин паспорти”ни олган

Ўзбекистон Миллий хавфсизлик хизматининг (МХХ, ҳозирги ДХХ) собиқ раиси Рустам Иноятов ва оиласи аъзоларининг бир неча нафари “олтин паспорт” дастури доирасида Вануату давлати фуқаролигини олишган. Бу ҳақда 2022 ва 2023 йилларда сармоя эвазига Вануату паспортини олган шахслар рўйхатини ўрганиб чиққан Intelligence Online нашри хабар қилди.

❤️ТЎЛИҚ МАТЕРИАЛНИ КЎРИШ УЧУН БОСИНГ

Bloomberg: Туркия Украинада тинчликпарвар кучлар жойлаштирилишини дастаклашга тайёр

НАТОда армиясининг катталиги бўйича Қўшма Штатлардан кейин иккинчи ўринни эгаллаб келаётган Туркия Украинадаги муҳтамал тинчликпарварлик миссияси доирасида ўз қўшинларини йўллашга тайёр, дея хабар қилди Bloomberg мавзудан хабардор манбалардан олинган маълумотларга таянган ҳолда.

❤️ТЎЛИҚ МАТЕРИАЛНИ КЎРИШ УЧУН БОСИНГ

ИМВ: Давлат қарзи миқдори 40 млрд доллардан ошди

Ўзбекистон Иқтисодиёт ва молия вазирлиги (ИМВ) ҳисоботига мувофиқ, 2024 йил якунларига кўра мамлакатда давлат қарзи 40 миллиард 199 миллион долларни ташкил қилган. Бу кўрсаткич Ўзбекистон ялпи ички маҳсулотининг (ЯИМ) 35 фоизига тенг.

❤️ТЎЛИҚ МАТЕРИАЛНИ КЎРИШ УЧУН БОСИНГ