Oromia Health Bureau

Duulli talaallii dhibee Pooliyoo/laamshessaa akka Oromiyaatti Gurraandhala 14 hanga 17 bara 2017 ni gaggeeffama.
==================================
Biiroon fayyaa Oromiyaa sosochii hawaasaa/Adivookeesii duula talaallii ittisa dhibee laamshessaa/ Pooliyoo gaggeessee jira.
Duulli talaallii pooliyoo marsaa 1ffaa akka Oromiyaatti Gurraandhala 14 hanga 17 bara 2017tti manaa manaatti, wiirtuuwwan talaallii dhaabbilee fayyaa, manneen barnootaa fi iddoowwan birootti qophaa'anitti ni kennama.
Hoogganaa itti aanaa biiroo fayyaa Oromiyaa Dr. Tasfaayee Kabbabaaw saganticha irratti argamuun haasaa taasisaniin, biiroon fayyaa hojii fayyaa maatii fi daa'immanii irratti hojjachaa jiruun du'aatii haadholii fi daa'immanii hir'isuun akka danda'ame kaasanii jiru.
Haaluma kanaan, dhibee pooliyoo dhabamsiisuuf hojii hojjatamaa tureen bu'aan argmus, vaayirasichi biyyoota nu daangessan irraa gara biyya keessaa seenuun mul'achuu danda'ee jira.
Kanaaf akka Oromiyaatti daa'imman waggaa shanii gadii miiliyoona 8.3 ta'anif marsaa jalqabaatiin talaalliin pooliyoo kan kennamu ta'uu dubbatanii jiru.
Yeroo duulli talaallii kun gaggeeffamu daa'imman talaallii kamiyyuu hin argatinii fi dubartoota rakkoo Feestullaaf saaxilamanii mana jiran akkasumas daa'imman baqaqa laagaa, hidhii fi jallina miilaa qaban kan adda baafaman ta'uu kaasanii jiru.
Dr.Tasfaayeen itti dabaluun milkaa'ina duula talaallii kanaaf qindoominni murteessaa waan ta'eef qaamni dhimmi kun ilaallatu gahee isarraa eegamu bahuu akka qabu dhaamanii jiru.
Sagantaa kana irratti abbootiin gadaa, haadholiin siinqee, abbootii amantaa, hooggantoonni fi qaamoleen dhimmichi ilaallatu irratti argamaniiiru.

Yaa’iin qulqullina kenna tajaajilaa fi hojiirra oolmaa riiformiiwwan hudhaalee sirna fayyaa biyyoolessaa irratti sagantaan wal irraa barannaa fi muuxannoo waljijjiirraa geggeeffame
Waltajjii kana irratti deetaan ministeera fayyaa Dr. Ayyalee Tashoomee fi H/I/A/ biiroo fayyaa Dr. Bokonaa Guutaa hojiirra oolmaa riiformii kanaan hospitaalichatti qulqullina kenna tajaajila fayyaa irratti fooyya’iinsi jajjabeessaan galmaa’aa jiraachuu daawwannaa geggeessaniin arguu isaanii ibsuun jijjiirama kanaaf hojjettootaa fi hooggansa hospitaalichaa, akkasumas qaamolee gumaacha taasisan galateeffachuun itti fufsiisuu akka qaban kallattii hojii kennaniin dhaamaniiru. Hirmaattonni sagantaa kanaas bu’aa abdachiisaa galmaa’e arguu akka danda’an eeruun muuxannoo argatan hojiitti jijjiiruuf kan hojjetan ta’uu himaniiru.
Saganticha irrattis hooggantoonni biiroolee fayyaa naannoolee, hospitaalota federaalaa fi naannoo hirmaataniiru.

Tajaajila Baqaqsanii Yaalutiin Xannachi Kg 12 Ulfaatu Bahee jira.
Gurraandhala 7 bara 2017 Hoolota
=================================
Hospitaala jalqabaa Hoolataatti tajaajila qulqulluu, si’ataa fi qaqqabamaa Kenna jira.

Ispeeshaalistii Ulfaafi Gadaameessaa kan ta'an Dr Shuumii Damissee fi tuutni yaala baqaqsanii yaalu ( OR Team) tajaajila baqaqsaanii yaalu taasifameen xannachi kg12 ulfaatu gadaamessa haadha tokko keessaa baasaniiru. Haati kunis, erga tajaajila baqaqsanii yaaluu argatan booda haalli fayyumma isaani haala gaarii irra jira.

KennaTajaajila Fayyaa Fooyyeessuu fi Ammayyeessuuf Qindoominni Qaamolee Hundaa Murteessaadha. Finfinnee
================================
Dhaabbanni 'Lammiif Relief and Development' jedhamu Biiroon Fayyaa Oromiyaa waliin hojjechuuf waliigaltee mallatteessanii jiru.
Sagantaa kana irratti hooggantuun biiroo Fayyaa Oromiyaa Pirofeesar Natsaanat Warqinah fi Hundeessaa fi hoji gaggeessaa dhaabbatichaa kan ta'an Obbo Farhan Abdullaahi argamuun waliigalticha mallateessanii jiru.
Dhaabbanni kun kanaan dura hospitaalee fi buufataalee fayyaa 20f meeshaalee yaalaa gosa adda addaa konteenara 40 ta'uu kan gumaache yoo ta'u, waliigaltee kanaan Siree yaala baqaqsanii yaaluu irratti taasifamu/OR Table / fi Maashina Adoochuuf oolu/ Anesthesia machine fi kanneen biroo arjoomuuf kan waliigalame yoo ta'u kunis Kenna tajaajila fayyaa si'ataa fi saffisa teekinooloojiin deeggarame kennuu keessatti gahee olaanaa kan qabudha.

Caffeen Oromiyaa Yaa’ii Idilee 8ffaa waggaa 4ffaa bara hojii 6ffaa taa'aa jiruun muudama dhiyaate irratti mari'achuun raggaasiseera.

Yaa'ii Idilee 8ffaa waggaa 4ffaa bara hojii 6ffaa Caffee Oromiyaa

Kenna tajaajila fayyaa aantummaa fi quuqamaan kennamu dhugoomsuun dirqama lammummaa fi ogummaa bahachuu kan gaafatuudha.
Amajjii 27/2017/Adaamaa
Walatajjiin marii kenna tajaajila fayyaa irratti xiyyeefate bakka hooggansaa fi ogeessi seektarichaa sadarkaan jiran argamanitti geggeeffame.
Sagantaa kana irratti leenjiin maalummaa fi hojiirra oolmaa kenna tajaajila irratti xiyyeeffate biiroo pabliik sarviisii fi misooma qabeenya namaa Oromiyaatiin kan kenname yoo ta'u haala qabatamaa kenna tajaajila seektara fayyaa irrattis dhiyeessiin gama biiroo fayyaatiin erga dhiyaatee booda kenna tajaajilaan walqabatee yaadaa gaaffii fi komii hirmaattota irraa kennaman irratti marii bal'aan taasifameera. Dhuma irratis dhimmoota kenna tajaajila seektarichaa fooyyeessuu irratti xiyyeefatan irratti kallattii kennameen waltajjicha xumuuruun danda'ameera.

Qabeenya Qabnu Kunuunsuu fi Sirnaan itti Fayyadamuun Tajaajila Hawaasaaf oolchuu Qabna.
Amajjii 27 bara 2017 Adaamaa.
==================================
Biiroon Fayyaa Oromiyaa du'aatii haadholii fi daa'immanii xiqqeessuu fi kenna tajaajila yaala ariifachiisaa cimsuuf tajaajila Ambulaansii babal'isaa jira.
Haaluma kanaan baroota darban Ambulaansota 1174 dhiyeessuun tajaajilaf oolchee jira.
Hojii hojjatamaa jiruunis bu'aa guddaan galmaa'uu danda'eera.
Haata'u malee, iddoo tokko tokkotti Ambulaansotaaf kunuunsa gahaa taasisuu dhabuun, rakkoon itti fayyadamaa jiraachuu fi hanqina naamusaa irraa kan ka'e kenna tajaajila barbaadamu kennuu dhabuun komii hawaasaa ta'aa jiraachuun ni mul'ata.
Rakkoo kana furuuf qaamolee dhimmi ilaalatuuf qajeelfama bulchiinsaa fi itti fayyadama Ambulaansii akkasumas yaalii jalqabaa (first aid) irratti leenjiin hubannoo uumuu kennameera.

Biiroon Fayyaa Oromiyaa kenna tajaajila Ambulaansii caalmaatti cimsuuf Ambulaamsota 109 ministeera fayyaa irraa argate dhaabbiilee fayyaa godiinaalee fi bulchiinsa magaalootaa keessatti argamanii , hospitaalotaa fi baankilee dhiigaa hanqina Ambulaansii qabaniif raabseera.
Sagantaa wal harkaa fuudhinsaa irratti hooggantuun biiroo fayyaa Oromiyaa Piroofesar Natsaanat Warqinah argamuun akka jedhaniitti Ambulaansota kanneen kenna tajaajila fayyaa haadholii , daa'immanii fi namoota yaala ariifachiisaa barbaafaniif oolchuun kenna tajaajila fayyaa fooyyeessuu keessatti gahee olaanaa qabaachuu kaasuun, tajaajila kanneenii ala itti fayyadamuun kan itti gaafachiisu ta'uu kaasanii jiru.

Ambulaansiin tajaajila kennuu qabu qofaaf oolchuun fayyadamummaa hawaasa keenyaa cimsuu barbaachisaadha jedhanii jiru.
Ambulaansonni kunneen tajaajila yeroo dheeraa akka kennaniif kunuunsii fi suphaan waliigalaa yeroo isaa eeggate taasifamuufii akka qabu ibsanii jiru.

Konfiransii qophii jalabultii yaa'ii 2ffaa paartii badhaadhinaa miseensoota hundee biiroo fayyaa Oromiyaa fi Konfiransiin marsa 2ffaa bara karoora 2017 gaggeefame.
Amajjii 08/2017/Adaamaa ==========
Sagantaa kana irraattis mariidhaa fi bu'aa hojii waggoota shanan darbanitti galmeessine kab. pireezidantii naannoo keenyaa obbo Shimallis Abdiisaatiin dhiyatee, akkasumas gabaasi raawwii hojii koomishinii inispeekshinii fi naamusaa dhiyaatee mariin irratti gaggeeffame. Kallattiiwwan yaa'ii 1ffaa paartii badhaadhinaa tiin ciminootaa fi hanqinalee raawwii hojii mootummaa fi paartii keessaati mul'ataan qorachuun galtee yaa'ii 2ffaa ta'u ilaaluun raawwii hojii hojjetamaa ture miseensa hundee biiroo fayyaa Oromiyaaf dhiyaatee miseensi irratti maryachuun ciminootaa fi haqinootaa mul'atan adda basuun gamaaggama qaamaa erga gaggeeffamee booda hanqinoota mul'atan sirreessuu irratti waliigalamee jira.
Konfiransichis waadaa yaa'ii 1ffaa irratti uummataaf galame mirkaneessuuf hojiilee hojjetaman gamaaggamuun ciminoota jiran itti fufusisuun badhaadhina hunda galeessa mirkaneessuu irraatti waliigalameen waltajjii guyyoota sadiif gaggeeffamaa ture xumuuramee jira.

🎄Baga ayyaana Qillee bara 2017 geessan. Ayyaanni kun kan fayyaa, kan nagaa fi kan gammachuu isiniif haa ta'u 🎄

Tajaajila fayyaa hawaasa giddugaleessa godhate ququllinaa fi si'oominaan kennuuf ogeeyyiin fayyaa ol'aanoo fi daran ol'aanoo dirqama ogummaa fi lammummaa isaanii bahachuu qabu.
Muddee 25/2017/Bishooftuu
==========================
Waltajjiin marii kenna tajaajila fayyaa irratti xiyyeeffate ogeeyyii fayyaa ol'aanoo fi daran ol'aanoo waliin bakka hooggantuun biiroo fayyaa Prof. Natsaannat Warqinah fi miseensonni manajimantii argamanitti geggeeffame.
Kaayyoon marii kanaas kenna tajaajila fayyaa qulqulluu,si'ataa fi hawaasa jiddugaleessa kan godhate taasisuuf qindoominaa fi hariiroo gaarii ogeessotaa fi dhaabbilee fayyaa jiddutti uumuudha. Akkasuma dhimmoota kenna tajaajila fayyaatiif hudhaa ta'an keessattu rakkoo naamusa ogeessaan walqabatee jiru furuun kenna tajaajila fayyaa garalaafessa, aantummaa uummataa gonfatanii dirqama lammummaa fi ogummaa akka bahatan xiyyeeffannaa addaatiin hojjachuudha.
Dhiyeessiiwwan dhiyaatan irrattis ogeeyyiin fayyaa ol'aanoo fi daran ol'aanoo ( specialist and sub specialist) hospitaaloota mootummaa, yunivarsitii fi dhunfaa irraa harmaatan marii bal'aa erga geggeeasanii booda kallattiin hojii kennameen xumuuruun danda'ameera.

Kenna Tajaajila Fayyaa Qulqullina Qabu fi Yeroon gaafatu kennuu keessatti Riifoormii Fayyaa Hojiirra Oolchuun Murtessaadha. Mudde 25 bara 2017 . Bishooftuu
=================================
Yaa"iin "SBFR ( system Bottleneck focused reform) summit" hospitaala waliigalaa fi buufata fayyaa bishooftuutti gaggeeffamee jira.
Rifoormiin kunis kenna tajaajilaa keessatti waantoota hudhaa ta'an irratti guyyaa guyyaan mar'atanii furmaata kennaa deemuudha.
Hojii rifoormii kana hojiirra oolchuun Hospitaalli waliigalaa fi buufanni fayyaa Bishooftuu bu'aa guddaa buusuun bakka Hooggantuu Biiroo Fayyaa Oromiyaa Piroofeesar Natsaanat Warqinah fi Deetaa Ministeera Fayyaa Dr. Ayyalaa Tashoomaa argamanitti Hospitaaloota Sagantaa SBFR jalatti akka biyyaatti hammatamaaniin daawwatamee jiru.
Fedhiin hawaasni tajaajila fayyaa barbaaduuf qabu dabalaa dhufuun walqabatee rifoormii hojiirra oolchuu fi sirnaan madaalaa deemuun gaaffii yeroon kenna tajaajila fayyaan walqabatee gaafatu deebisuun barbaachisaadha..

Dhibee busaa ittisuu fi to'achuun gahee lammiilee hundaati.
Muddee 22/2017/Dambidolloo
==========================
Sagantaan sosochii ittisaa fi to'annoo dhibee busaa irratti xiyyeeffate magaalaa Dambidoollootti geggeeffame.
Waltajjii kana irrattis dhiyeessiin haala qabatamaa dhibee kanaa akka godina Qeellam Wallaggaa fi akka naannootti jiru agarsiisu erga dhiyaatee booda marii bal'aa taasisuun kallattii ka'ameen xumuurameera

Daawwannaa hospitaala yunivarsitii Dambidolloo
Muddee 21/2017
==========================
Hospitaalli yunivarsitii Dambidolloo bakka H/I/A biiroo fayyaa obbo Darajjee Abdannaa, miseensi manajimantii biirichaa fi bakka bu'oonni ministeera fayyaa bakka argamanitti daawwatameera.
Daawwannaa kanaanis kenni tajaajila hospitaalichaa erga ilaalame booda mariin geggeeffameera

Magaalaa Shaashamanneetti Buufata Fayyaa Araadaa

Dhibee busaa ittisuu fi to'achuun hirmaannaa hawaasa hundaa barbaada.
Sadaasa 22 bara 2017 Naqamtee
================================
Akka naannoo Oromiyaatti torbeen busaa Godina Wallagga Bahaa Magaalaa Naqamteetti kabajamee jira.
Kaayyoon kabaja torbee busaa kunis ittisaa fi to'annoo dhibichaa irratti sosochii ummataa uumudhaan hawaasni hundi hirmaannaa irraa eegamu akka bahuuf.
Hooggantuun biiroo fayyaa Oromiyaa Piroofeesar Natsaanat Warqinah saganticha irratti haasaa taasisaniin,
Weerarri busaa rakkoo fayyaa hawaasaa waan ta'eef deeggarsaa fi eeggattummaa tokko malee ofuma keenyaa furmaata kennuun hawaasa keenya baraaruu qabna jedhani.
Madda weerara dhibee kanaa adda baasuuf yuunivarsiitota waliin ta'uun qorannoon gaggeeffamaa jiraachuu kaasanii jiru.
Dhibeen busaa maloota ittisa busaa hojiirra oolchuun ittisuun akka danda'amus ibsanii jiru.
Kana malees, fayyaan ala guddina roga hunda milkaa'uun waan hin dandeenyeef, hawaasa fayyaa buleessa horachuudhaf seektaroota waliin qindoominaan hojjachuun murteessa ta'uu kaasanii jiru.
Itti dabaluun, qulqullina tajaajilaa mirkaneessuu, hawaasa abboomsuu
qaamolee tola ooltotaa hirmaachisuu fi
murtoo ragaa irratti hundaa'e kennaa deemuun murteessaa ta'uu dubbatanii jiru.
Xumura irrattis, weerara busaa ittisuu fi to'achuuf namni dhuunfaa, maatiin fi hawaasni
gahee irraa eegamu bahuu akka qaban dhaamanii jiru.
Sagantaa kana sababeeffachuun mareen panalii gaggeeffamee jira.

Qorichaan walbaruun jarmiilee dhibee adda addaa fidanii rakkoo hammaataa fayyaa hawaasa ta'eera.
Sadaasa   08/2017/Adaamaa
=============
Rakkoo qorichaan walbaruu jarmiilee  dhibee adda addaa fidanii irratti   leenjiin hubannoo uumuu  Ogeessota miidiyaa fi kominikeeshiniinaannoo keenyaatiif kenname.
Sadarkaa H/I/Atti    gorsaan hoogganaa biiroo obbo Taaddalaa Gammachuun qoricha  ajaja ogeessaan ala fudhachuu  fi  akkaataa hin malleen fayyadamuun  qindoomina qaamolee murteessoo leenjii kana fudhachaa jiranii fi gahee qabaniin xiyyeeffannoo addaatiin hojjechuun barbaachisaa akka ta'e eeraniiru.
Kaayyoon sagantaa kanaa qaamoleen leenjii kana fudhatan dhimma kana irratti tooftaalee garaa garaatiin hubannoo hawaasaa cimsuun miidhaa fayyaa fi hawaas-diinagdee geessisaa jiru xiqqeessuu irratti gahee isaanii akka bahatan taasisuuf akka ta'e  daarektarri daarektoreetii baroota fayyaa fi kominikeeshinii Sr. Sa'adaa Ahimad ibsaniiru.
Haala qabatamaa rakkoo qorichaan walbaruu jarmiilee  dhibee adda addaa fidanii ilaalchisee dhiyeessiiwwan garaa garaa erga dhiyaatanii booda karoora gochaa qopheessuu fi marii geggeessuun waltajjicha goolabuun danda'ameera

Ergaa duula talaaallii kaansarii fiixee gadameessaa

Amanuel Lemessa Aga yeroo Ammaa "Acute Leakumia in favor AML(  kaanserii dhiiga) " qabamee ,hospitaala Tiquur Ambasattii yaalamaa ture,haata'u malee  dhibee kanarraa fayyuuf hatatamaan  biyya alaa deemee  yaalamuuf akkaa qabu dookteroon  murteessaniiruu.Hospitalaa biyyaa alattii deeme bone marrow transplantation gochuuf immmo qarshii hedduu waan gaafatuuf koreen gargaarsi  biyya keessa fi alaa funaanamuu akka qabu murtessee Jira .
kanaafuu account baankiile akka CBE,Awash fi CBO irraattii maqaa Qanaatee Baqqalaa AND
Daraartu Tafarii AND Dr Mitiku Dheeressa tiin baname  fayyadamuun obboleessa keessan bira waan qabdaniin akka dhaabbattan ykn gumaachittan jechaa obboleessa keenya waliin taanee haabaraarru !
Jirbiin wal taatee arba hiiti akkuma jedhani waan hiixachuu yaaddani akka nutti hin waakanne !! Nama gargaaruuf nama ta'uu  ga'aadha! Fayyaa fi nagaa hin dhabinaa!!! Waan obboleessa keessan bira dhaabbattaniif gatiin keessan waaqa biraa dachaan argattu!
CBE :1000659621391
Awash:013200244553600
CBO:1000700291441
Hubachiisa: Namootni qarshii ergitaan ragaa ykn screen shoot group kanarraattii ykn keessoon nuuf ergaa .

Urgent Notice: Immediate Action Required
Peace be upon you all.
I’ve been in close contact with hematologists Dr. Lelise, Dr. Ephrem, and Dr. Fiseha at Black Lion Hospital to discuss the next steps in the care of our dear brother, Amanuel. The good news is, Dr. Lelise (the senior hematologist) is already back to Finfinnee and heartfully supporting us.  I’d like to share the following critical updates with those in this telegram group.
1.Referral Approved: A referral for further assessment and treatment has been confirmed.
2.Treatment Options: The oncology and hematology teams will review the safest chemotherapy options on Monday morning until resource is mobilized for referral.
3.Case Summary: A full case summary will be available on Monday to be sent for the hospital in the countries of destination. (Dr. Lelise will facilitate it)
4.Board Certification: Efforts are underway to expedite the long taking board certification to be ready within the coming days. (will be facilitated by Dr. Lelise)
5.Referral Destinations: India and Türkiye are the recommended destinations. Initial contact has been made with providers in India, though exploring additional options may help reduce costs.
6.Estimated Cost: Based on input from hematologists and Indian representatives, the anticipated cost of medical services alone ranges from $50,000 to $60,000 (6,225,500-7,470,600 ETB).
7.Urgent Financial Need: Timely availability of funds is crucial for moving forward.
To effectively mobilize support and save Amanuel’s life, immediate actions are required. Please focus on the following:
a. Centrally coordinating resource mobilization: A team should coordinate and communicate with all the members in the telegram group and others centrally using the existing bank account.
b. Expanding the Network: Adding more members to the Telegram group and keeping them updated will expand support and foster continuous engagement.
c. Blood and Mobilization Efforts: Elyas, along with Shasho and Asefa/Alemayehu from OHB, will coordinate blood supply efforts and facilitating finance mobilization in working with the account owners to foster mobilization.
d. Account Holder Coordination: We kindly request account holders (Kenate, Derartu, and Dr. Mitiku) to maintain ongoing communication with the central coordinating team.
e. Liaison with Medical Providers: I will remain in direct communication with senior staff at Black Lion Hospital and with Indian medical representatives.
Time is critical. Your immediate attention and support are essential.
Thank you for your dedication and swift action in this urgent matter.

Support Amanuel Lammessa in His Battle Against Leukemia

Dear friends and community,
Our beloved brother Amanuel Lammessa is fighting against leukemia, and he needs our help now more than ever. This is a difficult time for him and his family, as they face significant medical expenses.

How You Can Help:
▶️Every contribution counts. The financial support will assist in covering medical expenses at Black Lion Hospital and potentially abroad, following a board decision, as well as treatments and other necessary costs incurred during this challenging time.
▶️Please share this message with your friends and family. The more people added to the group and knew about Amanuel's situation, the more financial support is gathered.
▶️Amanuel and his family need our love and encouragement. A simple message, call, or visit can lift their spirits and remind them that they are not alone in this fight.
Let's unite as a community to support our humble brother Amanuel, as early medical intervention with God help can potentially reverse the current condition. https://t.me/+DiqXBfhMK3czNjQ0

Together, we can make a difference!

Walgitiinsaa fi qaqqabamaa kenna tajaajilaa fayyaa milkeessuu irratti inshuraansiin fayyaa hawaasaa gumaacha ol'aanaa taasisaa jira. H/I/A biiroo fayyaa Sr. Tigist Tafarii
Onkololeessa /2017 Shaashamannee
=========================
Inshuraansiin fayyaa hawaasaa baasii xiqqaa waggaatti yeroo tokko kaffalamuun hawaasni tajaajila fayyaa akka argatuu fi baasii hin malleef akka hin saaxilamne taasisuun gahee guddaa qabaachuu H/I/A biiroo Sr. Tigist Tafarii ibsaniiru.
Kaayyoon gamaaggama raawwii inshuraansii fayyaa hawaasaa bara 2016 ciminoota jiran itti fufsiisuun dhimmoota xiyyeeffannoo addaan raawwatamuu qaban karoora itti aanuu keessatti akka hojiirra oolaniif marii geggeessuudha.
Waltajjii kana irrrattis dhiyeessiin gabaasaa, qajeelfamaa fi daawwannaan erga geggeeffame booda marii bal'aa taasisuun kallattiin hojii kennameera.
I/G/W/Fayyaa, paartii, bulchaa fi qindeessitoonni IFH, godinaalee fi magaalotaa akkasumas daarektaroonni olaanoo inshuraansii fayyaa biyyolessaa saganticha irratti hirmaataniiru.

Raawwii kurmaana 1ffaa bara 2017 irratti mariin geggeeffame
Onkololeessa/2017/Adaamaa
============================
Kaayyoon waltajjii marii kanaa raawwii ji'oota sadan darban keessatti milkaa'inoota galmaa'an caalmaan itti fufsiisuu fi dhimmoota xiyyeeffannoo addaatiin raawwatamuu qaban keessattuu dhibeewwan bifa weeraraan ka'an kanneen akka busaa, koleeraa fi gifira irratti hirmaannaa, qooda fudhannaa fi qindoominaa qaamolee gahee qaban hundaa cimsuun karoora itti aanu keessatti hojjechuu akka ta'e H/l/A biiroo obbo Darajjee Abdannaa eeraniiru.
Waltajji kana irratti gabaasni raawwii kurmaana 1ffaa bara 2017 dhiyaatee hojjattoota biiroo irraa yaadaa fi gaaffii ka'an irratti erga maryatamee booda kallattii hojii kennameen mariin kun goolabamuu danda'eera.

Kaansariin Harmaa fi Fiixee Gadameessaa Yeroon yaalamnaan dhibee salphaatti fayyuun danda'amuudha.
Onkoloolessa bara 2017
====≈============================
Biiroon fayyaa Oromiyaa dhaabbata OBN waliin ta'uun duula hubannoo uumuu dhibee kaansarii harmaa fi fiixee gadameessaa ji'a tokkoof guutuu Oromiyaatti gaggeeffamu sababeeffachuun ardaa mariin gaggeessee jira.
Kaayyoon marii kanaa kaansarii harmaa fi fiixee gadameessaa irratti hubannoo hawaasaf uumuuf.
Akka biyya keenyatti kaansarii lubbuu namaa gaga'an keessaa kansariin sadarkaa tokkoffan yoo ta'uu sadarkaa lammaffaan immoo kansarii fiixee gadameessati. Haaluma kanaan waggaatti kansarii harmaatin dubartoonni 16, 133 dhibee kannan qabaman keessaa 9, 061 lubbuun isaanii ni darba. Kaansarii fixee gadameessatiin immoo dubartoonni 7, 445 ta'a waggaa waggatti kan qabaman yoo ta'uu, kanneen keessaa 5, 338 lubbuun ni darba.
Kansariin sadarkaa adda addaa qaba. Namoonni kaansarii harmaa fi fiixee gadameessaa sakata'amanii yeroo inni sadarkaa 1ffaa fi 2ffaa irra jiru yoo yaalaman guutumaan guututti fayyuu kan danda'an yoo ta'uu hanguma sadarkaan isaa dabalaa deemu carraan fayyuu immoo xiqqaachaa deema waan ta'eef yeroon yeroon kaansarii kanneen qoratamuun haala fayyaa ofii beekuun murteessadha.
Akka Oromiyaatti buufataalee fayyaa 424 fi hospitaalota 104 keessatti tajaajilli calaallii fi yaalii kaansarii fiixee gadameessaa kennamaa jira.
Kana malees, Hospitaala Naqamtee, Jimmaa, Adaamaa, Asallaa fi Haramayaa keessatti tajaajilli yaala kaansarii hundaa kennamaa jira.
Kanaafuu dubartoonni umuriin isaanii 30 - 49 keessa jiran calallii kaansarii fiixee gadameessaa gara dhaabbilee fayyaa calalliin kaansariin fiixee gadameessaa itti kennamuu dhaqanii qoratamuu akka qabanii fi kan kaansarii harmaa immoo jijjiirama harma irratti mul'atu dhiitoo harma keessatti mul'atu, bifti isaa jijjiiramuu fi fiixen harmaa keessa gadi seenuu fi dhiisuu yeroo yeroon sakatta'aa deemuun yoo mallatoon kun irratti mul'ate dafanii gara dhaabbata fayyaa deemun qoratamuu qabu.

Akka kilaastara Bahaatti  raawwii  hojii ittisaa fi to’annoo dhibeewwan daddarboo fi daddarboo hin taanee bara 2016 fi kurmaana 1ffaa bara 2017 irratti gamaaggamni geggeeffame.
Onkololeessa /2017
==========================
H/I/A biiroo Doktar Tasfaayee Kababaw akka naannoo fi kilaastara Bahaatti ittisaa fi to’annoo dhibeewwan daddarboo, daddarboo hin taane fi dhibeewwaan  qancaroo fi dagatamoo tirooppikaalaa ta’an keessattuu dhibee busaa irratti bal’inaan hojjetamaa turuusaa eeruun fuula duraafis qooda fudhattootaa qaamolee ilaallatu  waliin qindoomuun xiyyeeffannoo addaatiin kan irratti hojjetamu taa’uusaa ibsaniiru.

Biiroo fayyaatti daarektarri ittisa fi to'annoo dukkubootaa obbo Darajjee Addunyaa kaayyoon waltajjii kanaa raawwiilee turan keessatti milkaa’inoota galmaa’an daran cimsuu fi dhimmoota xiyyeeffannoon kennameefii raawwatamuu qaban adda baasuun irratti hojjechuuf akka ta’e kaasaniiru.

Waltajjiin kunis hirmaattota kilaastara  kanaatiin  gabaasni godinaalee, bulchiinsa magaalotaa, qooda fudhattootaa sagantichaa fi kan biiroo  erga dhiyaatee booda marii taasisuun kallattii hojii kennameen goolabameera.

Naannoo Oromiyaatti piroojektiin  du’aatii  daa’immanii  kichuu hir’isuuf gargaaru ifoome.
Onkololeessa /2017
H/I/A/ biiroo obbo Darajjee Abdannaa sagantaa kana irratti argamuun akka naannichatti kenni tajaajila fayyaa hawaasatti akka dhiyaatu taasisuu fi  yeroo yeroon fooyyessuun du’aatii haadholii fi daa’immanii hir’isuu irratti bal’inaan hojjetamaa jiraachuu ibsaniiru.
Hospitaalota naannichaa 50 ol ta’an keessatti giddugala kunuunsa daa’imman kichuu dhalatanii hundaa’uusaa fi piroojetiin ifoome kunis waggoota itti aanan  2 keessatti hospitaalonni 108 ta’an giddugala kunuunsa daa’imman kichuu dhalatanii akka qabaatan taasisuun daa’imman kichuu osoo yeroon isaanii hin gahin dhalatanii fi rakkoo fayyaa qaban dhaabbilee fayyaa keessatti kunuunsa addaa akka argatan gochuun  lubbuu isaanii baraaruu irratti shoora ol’aanaa kan qabuudha  jedhaniiru.
Ministeera fayyaatti hojii geggeessaa ol’aanaan fayyaa haadholii, daa’immanii fi dargaggootaa doktar Alamaayyoo Hundumaa gama isaaniitiin naannichatti  kenna tajaajila fayyaa haadholii fi daa’immanii guutuu taasisuu irratti dhaabbilee barnoota olaanoo waliin  xiyyeeffannaan hojjetamaa jiraachuu eeruun hojiirra oolmaa  piroojektii kanaafis baajatni doolara Ameerikaa miliyoona 8.5 akka ramadame himaniiru.

Naannoo Oromiyaatti Tajaajila Fayyaa Qaqqabamaa Taasisuu irratti Dhaabbileen Deeggartootaa Gumaachi isaani ol-aanaadha
==========================
Onkololeessa 16/2016/Adaamaa

Dhaabbatni Mitimootummaa Islaamik Riliif Itoophiyaa Biiroo Fayyaa Oromiyaa Waliin Ta’uun Naannichatti Sagantaa Tajaajila Fayyaa Foyyessuu fi Qaqqabamaa Gochuuf Deeggarsa Taasisaa Jiru Ifatti Eegalchiise.

H/I/A Biiroo Fayyaa Oromiyaa Dr Tasfaayee Kabbabaw sagantaaleen deeggarsaa dhaabbata kanaan kennaman rakkoo tajaajila fayyaa furuun hawaasni bu’aa bahii malee tajaajila yaalaa dhiheenyatti akka argatuuf kenna tajaajila dhaabbilee fayyaa naannichaa guutuu taasisuu irratti gahee ol’aanaa akka bahatu ibsaniiru

Deeggarsi meshaalee yaalaa taasifaman galteewwan tajaajila fayyaa guutuu fi leenjii dandeettii itti fayyadamasaa ogeessota fayyaatiif kennuu akkasumas dhimmootni kenna tajaajila fayyaa fooyyessan kan biroos saganticha keessatti haammatamanii kan hojiirra oolan yammuu ta’u godinoota naannichaa 10 keessatti dhaabbilee fayyaa argaman 50f deeggarsi kun akka taasifamu dhaabbata Islaamik Riliif Itoophiyaatti qindeessaan piroojaktii Obbo Kadiir Musammaa himaniiru

Ittigaafatamtootni waajjiraalee, dhaabbilee fayyaa, ogeeyyii fi qooda fudhattoonni sagantaa eegalchisaa kana irratti argamaniiru.

Meeshaaleen yaalaa fi qorichi lafee dugdaa kenna tajaajila fayyaati. Onkoloolessa 15 bara 2017
==========================
Biiroon Fayyaa Oromiyaa hojii Sirna dhiyeessii meeshaalee yaalaa fi qorichaa irratti xiyyeeffannaan hojjachaa jira.
Bu'uuruma kanaan sadarkaa hundatti raawwi jiru qaamolee dhimmi ilaallatu waliin gamaaggama gaggeessee jira.
Hoogganaa Itti Aanaa Biiroo Fayyaa Oromiyaa Dr. Tasfaayee Kabbabaawu saganticha irratti argamuun akka jedhaniitti, iddoo meeshaaleen yaalaa fi dhiyeessiin qorichaa barbaachisaa ta'an hin jirretti kenni tajaajila fayyaa guutuu ta'uu waan hin dandeenyeef sirna dhiyeessii itti fayyadama qorichaa fi meeshaalee yaalaa irratti xiyyeeffannoon hojjetamuu qaba jedhaniiru.

Akkasumas meeshaalee yaalaa kunuunsuu, haalaan fayyadamuu, kanneen tajaajilaan ala ta'an suphisiisuu fi dhiyeessii qorichaa fooyyeessun dhaabbileen fayyaa haala qabatamaa irratti hundaa'uun yeroon gaaffi fedhii kenna tajaajila fayyaaf barbaachisu dhiyeessuun murteessaa ta'uu kaasanii jiru.

Raawwii gama dhiyeessii qorichaa fi meeshaalee yaalatiin rakkoo jiru furuudhaaf bara 2016 manneen qoricha hawaasaa 500 tajaajila kennaa kan jiran yoo ta'u, bara 2017 gara 600tti ol guddisuuf hojjetamaa jira.
Bara 2016 mana qoricha hawaasaa kanatti namoonni 4, 288, 925 fayyadamoo kan ta'an yoo ta'uu, kanneen keessaa 2,591,816 miseensa Inshuraansii fayyaa hawaasaati.
Kurmaana 1ffaa bara 2017 immoo namoonni 1,000,000 itti fayyadamu jedhamee karoorfame 1, 058,413 fayyadamaniiru.

Bara 2016 meeshaalee yaalaa hojiin ala ta'an 58740 suphuudhaan akka tajaajilarraa oolan taasifameera. Kunis yommuu maallaqaan tilmaamamu qarshii 141, 206,482.55 kan ta'uudha.
Sagantaa kana irratti qaamolee milkaa'ina olaanaa galmeessaniif beekamtiin kennameefii jira.

Kilaastara  Lixaatti raawwii  hojii ittisaa fi to’annoo dhibeewwan daddarboo fi daddarboo hin taanee bara 2016 fi kurmaana 1ffaa bara 2017 irratti gamaaggamni geggeeffamaa jira.
Onkololeessa 07/2016/Jimmaa
====================================================================
Itti gaafatamaa waajjira hoogganaa obbo Caalaa Daammanaa akka naannoo fi kilaastara Lixaatti ittisaa fi to’annoo dhibeewwan qancaroo fi dagatamoo tirooppikaalaa ta’anii fi   keessattuu dhibee busaa  irratti bal’inaan hojjetamaa turuusaa eeruun fuula duraafis qooda fudhattoota waliin xiyyeeffannoo addaatiin kan irratti hojjetamu taa’uusaa ibsaniiru.
Biiroo fayyaatti daarektarri ittisa  fi toannoo dukkuboita obbo Darajjee Addunyaa kaayyoon waltajjii kanaa raawwiilee turan keessatti milkaa’inoota galmaa’an daran cimsuu fi dhimmoota xiyyeeffannoon kennameefii raawwatamuu qaban  adda baasuun irratti hojjechuuf akka ta’e kaasaniiru.
Waltajjii gamaaggamaa kana irratti gabaasni godinaalee, bulchiinsa magaalotaa fi giddugala laabraatorii naannoo Naqamtee  erga dhiyaatee booda marii taasisuun kallattii hojii kennamuun guyyaa boruu kan goolabamu ta’a.