Postagens do Canal أحزان الغريبة الهاشمية

ثكيلة للأمام علي ع نفس طور كومن بنات النبي للحاج باسم الكربلائي
**
يابه الحسن ياعلي         ماعندي غيرك ولي
حي ميت بعازتك           بالشده تحضر إلي
*****
بالذر عشكتك حبيبي     بنورك وعطفك عليه
بايعتك وربي شاهد       من خلقتي الأوليه
ماعندي غيرك إمامي     والد ورحمه إليه
من زغري يلهج لساني   بأسمك ليوم المنيه
وقعت بالذر عهد         ماوالي غيرك أبد
الأول تظل رتبتك         بالشده تحضر إلي
*****
يامظهر لكل عجيبه         جفك لخيبر قلعهه
ماتصعب الحاجه يمك      والنخوه جاهك رفعهه
الحنيه إنته أصلهه           ومنك تفجر نبعهه
ضاكت عليه ونخيتك       هالدنيه تعرف طبعهه
هالمايله ويه العدل        التضحك بوجه النذل
من أوصل لحضرتك         بالشده تحضر إلي
*****
يالعودتني إعله حبك       حبك هويتي ونجاتي
جلمة علي ماعفتهه        ولافاركتهه بحياتي
والمدد منك يجيني         من اندب بنايباتي
لو حضر وكت المنيه      تحضر بساعة وفاتي
ياذخري يوم الحشر        فوك الصراط انتظر
توقع الصك يمنتك         بالشده تحضر إلي
*****
شهر الصبر يابو زينب      لمن يهل عالبرايه
مصابك اتجدد علينه        بالفاجعه والرزايه
والوحي كبر ينادي           انهدمت اركان الهدايه
لاحو الهامه بسجودك     بالغدر ياأعظم آيه
ياوسفه سيف الغدر       لاحك بفرض الفجر
والدم صبغ شيبتك       بالشده تحضر إلي
****
يتمنه فكدك يحيدر       يابه الحسن ياولينه
إبابك أيتامك تتاني         إحنه يم صحنك اجينه
واللبن شالو بديهم        واحنه الدعاء بأدينه
ظنهم لجرحك يداوي     واحنه للمهدي دعينه
للطبره ماكو طبيب        إله يرد الغريب
إيخيط جرح غربتك         بالشده تحضر إلي
****
أم علي الكاظمي

المنعُ بأدب خيرٌ من العطاء بمِنّة.. فالأسلوب يكسِر أو يأسِر

شعبان نصيح والينة والينة والينة
شعبان نولد مهدينا مهدينا مهدينا
،،،،،،،،،،،،،،،،،،،،،،،،،،،،،،،،
انــولد هــالليلــة سليل العترة
واملاك ربــك بـالخبـر مبتشرة
للمصطفــى هنينة ويه الزهرة
والينصرة المعبود هوة ينصرة
لحــزان تنجلـي علينة علينة علينة
شعبان نولد مهدينا مهدينا مهدينا
،،،،،،،،،،،،،،،،،،،،،،،،،،،،،،،،
نــدعـي الالـه يعجلنـة اظهورة
قصط وعدل تنملي هالمعمورة
وبجيتة كل هاي البشر مسرورة
ويرتوي كل عطشان من بحورة
تيجــان اطيح بيمينة بيمينة بيمنة
شعبان نولد مهدينا مهدينا مهدينا
،،،،،،،،،،،،،،،،،،،،،،،،،،،،،،،،
فرحانة كل هاي الملة بميلادة
وسامرة صاحت ياهلا بوفادة
واليعتنيهم حصل علة مرادة
باب الكرم والكرم ليهم عادة
مهموم انتة لتعينـة لتعينـة لتعينـة
شعبان نولد مهدينا مهدينا مهدينا
،،،،،،،،،،،،،،،،،،،،،،،،،،،،،،،،
ياســر اله الكـــون ياتفســيـرة
يايمنــــة الجــبــار ياتقــديــرة
يمخلي هاي عداك كلهة بحيرة
الكون بيدك مو صعب تغييرة
هاليوم بسمة نادينة نادينة نادينة
شعبان نولد مهدينا مهدينا مهدينا
،،،،،،،،،،،،،،،،،،،،،،،،،،،،،،،،
الخادم اياد المالكي

ثكيله للكاظم ع نفس طور آنه زينب يلعفتني للحاج باسم الكربلائي
**
صاحت الزهره الزجيه       عالجسر نعشك رميه
                  ياغريب الكاظميه
***
من البقيع الليله أسعه    لكاظم الغيظ بونيني
جيت لأرض الكاظميه      إمحمله بشوكي وحنيني
أمه وأرد أنعه لمصابه       ريت عميه الليله عيني
ولاشفت نعشه رميه       عالجسر سادس بنيني
إلكيته بجفوف المنايه      إجنازه ملفوفه بعبايه
                وجنه يوم الغاضريه
***
عصفت بروحي المصايب      والحزن خيم عذابه
مثل أبو السجاد جده          عالتراب إبلا كرابه
ظل  ثلثتيام   مرمي            اليختلف عنه بمصابه
حسين جوه الخيل جسمه   عاري وإمسلب ثيابه
هالمصيبه الشيبتني         من بعد موتي عمتني
                 زينب الراحت سبيه
***
شعدهم ويايه النواصب    بالكبر وجروحي تسعر
آنه ولدي ضلوعي كلهن    وياضلع مهشوم أكثر
واحد بطاموره ظلمه         دمعي لمصابه تفجر
ياضلع هذا التهشم          وياكسر كلبي التفطر
بالسجن ودع حياته          ولده مو يمه وبناته
                   أهله وين بهالرزيه
**
بذل الأستخفاف ناده      عالجسر ناعي المصيبه
أربع حماميل شالو          إجنازة الكاظم عجيبه
موسه معناهه محمد      راهب العتره النجيبه
جبده بالسم وذروهه       إجنازته شالت غريبه
عالجسر من وسدوهه     بالسلاسل كيدوهه
                  هذا إمام الرافضيه
**
عالنعش دمعاتي سالت   واذكرت عاشر محرم
بالحديد إمكيدينك         وساكك المجروح بالدم
من وصلت حسين جدك   ماكو شي من جسمه يسلم
بالخيول  الأعوجيه       طشروه وصعبه يلتم
إبنه لمه بالحصيره       راسه ماكو شلون حيره
                بالذبح شاف المنيه
*****
أم علي الكاظمي

نخوه للامام الكاظم ع
**
يالكاظم دعيت بكلبي حاجات
وترفع دعوتي أربع منارات
***
يبو طلبه نخيتك نخوتك حلوه
محتار بزماني وبلوتي بلوه
يالطبعك كريم وماترد نخوه
تشفع والنعم متكول صعبات
****
يبو أربع مناير بالذهب تلمع
يامن لليزورك بالشدد تشفع
ولامهموم إجاك بدمعته يطلع
إله بشاره بيده تحط كرامات
****
بصحنك ياإمامي الدعوه مقبوله
ولا تبقه المشاكل كلهه محلوله
نخيتك بالدمع والروح معلوله
يدكتور العلل يابو الكلافات
*
أريد أفرش شليل همومي بأعتابك
وأريد أبجي بدمع سجاب لمصابك
أمسح دمعتي يابو الرضه إبابك
مد إيدك عليه ونشف الدمعات
****
يوم مصابك بكل عام اليمرنه
يم جسر الرصافه الشيعه تتعنه
نعشك مانعوفه هالعهد عدنه
مو فوك الجتف التشيعه هامات
****
يالحبك سره بكل الشرايين
شما يبقه العمر وتطول السنين
مشايه لضريحك هالملايين
ويه إبن الحسن نطلب الثارات
****
أم علي الكاظمي

من سجن السجن خلصهن اسنينه
بقيود الحديد العده مــــــــگيدينه
عاش ابحسره واهات / شاف اشگد معانات
من سجن السجن خلصهن اسنينه
ـــــــــــــــــــــــــــــــــــــــــــــــــــــــــــ
الكاظم بالسجن خلصهن ايـــامه
عايش بالمأسي وليله مــــــينامه
مجِتفين ابسلاسل ايده واجدامه
جار اعليه زمانه ويرمي بسهامه

ويّآه الزمن جار /  شأت بيه الاقدار
يگضيها ابسجن والعده امجتفينه
من سجن السجن خلصهن سنينه
ـــــــــــــــــــــــــــــــــــــــــــــــــــــــــــ
خلّص كل حياته امهاجر اديــاره
لاشايف هله ولا وشايف انصاره
بطاموره وميدري بليله ونهــاره
من گيد السلاسل دمّه يتــجاره

بيده الگيد مطبوع / منّه هوايه موجوع
من كثر ألالم ما غمضت عيـــــنه
من سجن السجن خلصهن سنينه
ًـــــــــــــــــــــــــــــــــــــــــــــــــــــــــــ
من كثر العذاب امغيره الــلوانه
وحده ابلايه ناصر عايش احزانه
ابلا ذمه وضمير وقاسي ســجّانه
واعليه ابحقد مفتره عــــــدوانه

بيه اتحيط الاشرار / زمره وكلها كفار
وحده ابّينهم ما واحد ايـعـــــينه
من سجن السجن خلصهن سنينه
ًـــــــــــــــــــــــــــــــــــــــــــــــــــــــــــ
مغيّب بالسجون ومحد ايشوفه
ممنوع اليزوره ويعرف اضروفه
گلبه اشتاگ لّهله وروحه ملهوفه
ايون اعله الاهل والدمعه مذروفه

منعو حتى اليزور / اهل الضلم والجور
أنــواع العذاب العـــده مشوفينه
من سجن السجن خلصهن سنينه
ـــــــــــــــــــــــــــــــــــــــــــــــــــــــــــ
عايش بالسجن ومفارگ اوطـــانه
وجسمه اصبح نحيل وروحه ذبلانه
گلبه اعله الاهل مستـــعره نــيرانه
روحه الشوفت الاحباب عــطشانه

روحه محمّله اهموم /خلّص عمره مضلوم
خلونه ابألم نبجي اعله والـــــينه
من سجن السجن خلصهن سنينه
ـــــــــــــــــــــــــــــــــــــــــــــــــــــــــــ
خلونه ابألم يا شيعه نـــبجيله
دمــعات الحزن خلونه نجريله
من سم الطغات انهدم كل حيله
ميت بالسجن ياويلي هاللــيله

موسى الليله مسموم/ مات وگلبه مهموم
فراگك والبعد يا موسى يـــاذينه
من سجن السجن خلصهن سنينه

اهدي ثواب القصيده الى
روح وآلدتي رحمها الله
✍️علي كاظم المنصوري

‏فيديو من الخادمة ام زهراء

م مرقد السيدة زينب عليها السلام
بأمانتك يا موسى بن جعفر مولاي

انه البيه جرح
مايبرى #لحسين.

ثكيله لأم البنين ع نفس طور يوميه منزل للحاج باسم الكربلائي
**********
شالو نعشهه ومن نعشهه صوت العتاب
وين الأطايب والكرايب وين الأحباب
شيعوني يامتن ومتن
وحشه الجنازه ابلا إبن وين الأحباب
***********
أنه أم الوفه بموتي غريبه إبلا إبن هاي المسيه
بساعات الأجل أبجي وادير العين لأرض الغاضريه
يغسلوني ويجفنوني ولاعندي حنين يحن عليه
عله العباس واخوانه اعاتب يازمن وآنه شبديه
راحو بنيني وبونيني آخر إوداع
وين الأحبهم وشيردهم النامو بكاع
دمعه إعله دمعه من الحزن
وحشه الجنازه إبلا إبن وين الأحباب
**********
أنه المافاركت دمعي انفطر كلبي عله حسين ومصابه
صور من كربله بعيني لنحر دامي يلوعني بغيابه
وصور للخيل من تسحك جسم حسين المسلبه ثيابه
الحافر طشر ضلوعه وبقيت أتوسل الشوفه اعله بابه
بأعتابه أكعد كلبي ينشد وين الحسين
خلصت حياتي وبمماتي عميه هالعين
ومن دمعتي اجروح الجفن
وحشه الجنازه إبلا إبن وين الاحباب
**********
أنه الربت أنه الشالت تحدب ظهري واتهدلت متوني
مهد صار الحضن إلهم بسهر ليلي ولا طبكت جفوني
بنيني الاربعه الشبان بفرد ساعه تفاركهم عيوني
فديت الاربعه وسالم يرد حسين بس خابت ظنوني
الناعي الأجاني عذباني بفيض الدموع
راح الأريده وبوريده الرمح مرفوع
مارد أبو اليمه إويه الضعن
وحشه الجنازه إبلا إبن وين الأحباب
**********
عله العباس أون ونه توصل للكبر صوب الشريعه
وتكله وينك الليله غريبه وضاكت بعيني الوسيعه
تعال وغمض عيوني فوك المغتسل امك صريعه
الجنازه بعازة جفوفك توسدهه يبو جفوف الكطيعه
تحفرلي كبري تالي عمري وتلطم الهام
هاي الاماني يازماني صارت أوهام
بسهم الغدر يرميني الزمن
وحشه الجنازه إبلا إبن وين الأحباب
**********
تمنيت الأجل جاني واموت بحضن ابو السجاد جني
العديله اسمع بصوته يسبل ايدي وبراسي يحبني
اشم عطره ولو مره كبل آخر نفس بالروح مني
واكله شيبت كلبي من هجرك متت يحسين يبني
يحسين يمه اسم الله دمه بكربله سال
وينك حبيبي ياطبيبي نعشي ينشال
من يوم الرحت ميته وأون
وحشه الجنازه إبلا إبن وين الأحباب
**********
أم علي الكاظمي