ព័ត៌មាន សមាគមឧកញ៉ាកម្ពុជា

សមាគមឧកញ៉ាកម្ពុជា សូមស្វាគមន៍យ៉ាងកក់ក្តៅ និងអបអរសាទរ ចំពោះវត្តមានសមាជិកទ្រទ្រង់ថ្មីគឺ ឧកញ៉ា បាខាល់ បុប្ផាគន្ធ អគ្គនាយិកាហាងមាសពេជ្រ បុប្ផាគន្ធ។
__
👉សូមចុចតំណភ្ជាប់ខាងក្រោមដើម្បីទៅកាន់គេហទំព័រ និងបណ្តាញសង្គមរបស់សមាគមឧកញ៉ាកម្ពុជា៖
🌐 Facebook
🌏 Website
🌐Telegram
🌐 Youtube
🌐 Tik Tok

នារសៀលថ្ងៃពុធ ២រោច ខែបុស្ស ឆ្នាំរោង ឆស័ក ព.ស.២៥៦៨ ត្រូវនឹង ថ្ងៃទី១៥ ខែមករា ឆ្នាំ២០២៤ អ្នកឧកញ៉ា ហ៊ុន ឡាក់ អគ្គលេខាធិការ តំណាង លោកអ្នកឧកញ៉ា លី យ៉ុងផាត់ ប្រធានសមាគមឧកញ៉ាកម្ពុជា បានជួបពិភាក្សាការងារជាមួយ លោក ដេវីដ វឺប្យូសស្គី ជាភារធារី និងលោក ម៉ែន ប៊ុនឡេង ជាប្រតិភូពាណិជ្ជកម្ម នៃការិយាល័យស្ថានទូតកាណាដា ប្រចាំព្រះរាជាណាចក្រកម្ពុជា នៅទីស្នាក់ការសមាគមឧកញ៉ាកម្ពុជា នាសណ្ឋាគារភ្នំពេញ។

ជំនួបនេះត្រូវបានរៀបចំឡើងក្នុងគោលបំណងពង្រឹងទំនាក់ទំនង និងកិច្ចសហប្រតិបត្តិការល្អរវាងស្ថាប័នទាំងពីរនិងពិភាក្សាលើកិច្ចសហការក្នុងការត្រៀមរៀបចំទទួលប្រតិភូធុរកិច្ចកាណាដា ដែលគ្រោងនឹងបំពេញទស្សនកិច្ចមកកាន់ព្រះរាជាណាចក្រកម្ពុជា នាថ្ងៃទី២៩-៣០ ខែឧសភា ឆ្នាំ២០២៥ នាពេលខាងមុខនេះ។

អ្នកឧកញ៉ាអគ្គលេខាធិការបានសម្តែងការស្វាគមន៍ចំពោះលោកភារធារី និងលោកប្រតិភូពាណិជ្ជកម្ម និងបានជម្រាបជូនអំពីចក្ខុវិស័យ បេសកកម្ម និងសកម្មភាពសំខាន់ៗរបស់សមាគម ដែលជាដៃគូមួយរបស់រាជរដ្ឋាភិបាលក្នុងការជំរុញលើកកម្ពស់សេដ្ឋកិច្ច សកម្មភាពពាណិជ្ជកម្មនិងការវិនិយោគ ព្រមទាំងសកម្មភាពផ្សេងៗទៀត ដើម្បីជាឧត្ដមប្រយោជន៍សង្គមជាតិ។ លើសពីនេះ អ្នកឧកញ៉ាអគ្គលេខាធិការក៏បានជម្រាបជូនអំពីបេសកកម្មជំរុញនិងទាក់ទាញវិនិយោគដឹកនាំដោយក្រុមប្រឹក្សាអភិវឌ្ឍន៍កម្ពុជាទៅកាន់បណ្ដាប្រទេសនានា ដែលប្រតិភូសមាគមបានចូលរួមនាពេលកន្លងមក ក្នុងនោះក៏មានទស្សនកិច្ចទៅកាន់ប្រទេសកាណាដាផងដែរ ដោយទទួលបានជោគជ័យ និងលទ្ធផលផ្លែផ្កាជាវិជ្ជមាន។

លោកភារធារី បានវាយតម្លៃខ្ពស់នូវតួនាទីដ៏សំខាន់របស់សមាគម ដែលជាបណ្ដុំនៃធុរជន និងវិនិយោគិនមកពីពហុវិស័យ និងជាកម្លាំងចលករមួយរួមចំណែកដល់ការជំរុញសកម្មភាពពាណិជ្ជកម្ម និងកំណើនសេដ្ឋកិច្ចជាតិ។ ក្នុងជំនួបនេះ លោកភារធារី បានជម្រាបជូនអំពីគម្រោងដឹកនាំប្រតិភូធុរកិច្ចកាណាដាប្រមាណ ៨០ក្រុមហ៊ុន ដែលមានបំណងស្វែងរកដៃគូ និងដាក់ទុនវិនិយោគនៅកម្ពុជា និងបានស្នើសុំការគាំទ្រ និងកិច្ចសហការពីសមាគមឧកញ៉ាកម្ពុជា ក្នុងការរៀបចំព្រឹត្តិការណ៍ធុរកិច្ចនានា ដើម្បីផ្ដល់នូវឱកាសធុរកិច្ចដល់ធុរជននៃប្រទេសទាំងពីរធ្វើការតភ្ជាប់ទំនាក់ទំនងទៅវិញទៅមក។

យោងតាមលទ្ធផលនៃជំនួបនេះស្ថាប័នទាំងពីរបានបង្ហាញក្ដីរីករាយក្នុងការផ្ដល់កិច្ចសហការនិងការគាំទ្រលើការរៀបចំឱ្យមានព្រឹត្តិការណ៍ធុរកិច្ចជាមួយគ្នានិងរៀបចំជាក្រុមការងារសម្រាប់ជាយន្តការសម្របសម្រួលការងារនេះឱ្យបានជោគជ័យផងដែរ។
__
👉សូមចុចតំណភ្ជាប់ខាងក្រោមដើម្បីទៅកាន់គេហទំព័រ និងបណ្តាញសង្គមរបស់សមាគមឧកញ៉ាកម្ពុជា៖
🌐 Facebook
🌏 Website
🌐Telegram
🌐 Youtube
🌐 Tik Tok

សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ជាទីគោរពសក្ការៈដ៏ខ្ពង់ខ្ពស់បំផុត បានសព្វព្រះរាជហឬទ័យប្រោសព្រះរាជទានព្រះរាជសារថ្លែងអំណរគុណ ជូនលោកអ្នកឧកញ៉ា លី យ៉ុងផាត់ ប្រធានសមាគមឧកញ៉ាកម្ពុជា ដែលបានក្រាបបង្គំទូលថ្វាយព្រះរាជសារលិខិតថ្វាយព្រះពរក្នុងឱកាសឆ្នាំថ្មី ឆ្នាំសកល គ.ស.២០២៥។

ជាមួយគ្នានេះ សម្តេចព្រះជននីនាថ បានប្រោសព្រះរាជទានពរជ័យដល់ លោកអ្នកឧកញ៉ាប្រធាន និងលោកជំទាវ ព្រមទាំងថ្នាក់ដឹកនាំ ក្រុមប្រឹក្សាភិបាល និងសមាជិកទាំងអស់ នៃសមាគមឧកញ៉ាកម្ពុជា បានប្រកបតែនឹងព្រះពុទ្ធពរគ្រប់ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕
__
👉សូមចុចតំណភ្ជាប់ខាងក្រោមដើម្បីទៅកាន់គេហទំព័រ និងបណ្តាញសង្គមរបស់សមាគមឧកញ៉ាកម្ពុជា៖
🌐 Facebook
🌏 Website
🌐Telegram
🌐 Youtube
🌐 Tik Tok

សារលិខិតជូនពរ សម្តេចក្រឡាហោម ស ខេង ឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា និងជាអនុប្រធានកិត្តិយស នៃសមាគមឧកញ៉ាកម្ពុជា ក្នុងឱកាសដ៏មង្គលថ្លៃថ្លាប្រកបដោយក្តីសោមនស្សរីករាយនៃថ្ងៃចម្រើនជន្មាយុគម្រប់ ៧៤ឆ្នាំឈានចូល ៧៥ឆ្នាំ។

ក្នុងឱកាសដ៏នក្ខត្តឫក្សនេះ លោកអ្នកឧកញ៉ា លី យ៉ុងផាត់ និងលោកជំទាវ ព្រមទាំងថ្នាក់ដឹកនាំ ក្រុមប្រឹក្សាភិបាល និងសមាជិកទាំងអស់ នៃសមាគមឧកញ៉ាកម្ពុជា សូមគោរពជូនពរជ័យ សិរីមង្គល បវរមហាប្រសើរបំផុតជូនចំពោះ សម្តេចក្រឡាហោម ជាទីគោរពដ៏ខ្ពង់ខ្ពស់។

នារសៀលថ្ងៃអង្គារ ១រោច ខែបុស្ស ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១៤ ខែមករា ឆ្នាំ២០២៥នេះ អ្នកឧកញ៉ា ង៉ូវ សៀមឈុន សមាជិក នៃសមាគមឧកញ៉ាកម្ពុជា និងលោកជំទាវ បាននាំយកនូវលិខិតរំលែកមរណទុក្ខក៏ដូចជាបច្ច័យពីសមាគមឧកញ៉ាកម្ពុជា ជូនចំពោះ ឧកញ៉ា លឹម ស្នេហ៍គំនិត និងក្រុមគ្រួសារដែលកំពុងមានទុក្ខជាទម្ងន់ដោយព្រឹទ្ធមហាឧបាសកពុទ្ធសាសនូបត្ថម្ភក៍ លឹម ព្រួញ ដែលត្រូវជាឪពុកបង្កើតរបស់ឧកញ៉ា បានទទួលមរណភាពកាលពីថ្ងៃព្រហស្បតិ៍ ១១កើត ខែបុស្ស ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៩ ខែមករា ឆ្នាំ២០២៥ កន្លងទៅក្នុងជន្មាយុ ៧៨ឆ្នាំដោយរោគាពាធ។

ក្នុងវេលាប្រកបដោយទុក្ខសោកនេះ អ្នកឧកញ៉ា ង៉ូវ សៀមឈុន បានចូលរួមរំលែកមរណទុក្ខចំពោះក្រុមគ្រួសារនៃសពដែលបានបាត់បង់ឪពុកបង្កើត ឪពុកក្មេក និងជីតា ជាទីគោរពស្រឡាញ់យ៉ាងជ្រាលជ្រៅនិងពោរពេញទៅដោយព្រហ្មវិហារធម៌មួយរូប។

សូមបញ្ជាក់ថា ពិធីបុណ្យគម្រប់ខួប ៧-១០០ថ្ងៃ និងទក្ខិណានុប្បទានឧទ្ទិសកុសលជូនព្រឹទ្ធមហាឧបាសកពុទ្ធសាសនូបត្ថម្ភក៍ លឹម ព្រួញ កំពុងប្រារព្ធធ្វើនៅគេហដ្ឋានរបស់សពដែលស្ថិតនៅក្នុងភូមិវត្តស្វាយ សង្កាត់សាលាកំរើក ក្រុងសៀមរាប ខេត្តសៀមរាប។ អាស្រ័យហេតុនេះ សូមសមាជិកទាំងអស់ នៃសមាគឧកញ៉ាកម្ពុជា ជ្រាបជាដំណឹង និងចូលរួមរំលែកទុក្ខជាមួយក្រុមគ្រួសារនៃសពដោយភាតរភាព។

«អបអរសាទរ ពិធីចុះហត្ថលេខាលើអនុស្សរណៈ នៃការយោគយល់គ្នារវាងក្រុមហ៊ុន ខយតេ កម្ពុជា និងអុីអន ខេមបូឌា ដើម្បីនាំមកនូវផលិតផលថ្មីជូនអតិថិជន»

កាលពីថ្ងៃទី១០ ខែមករា ឆ្នាំ២០២៥ លោកឧកញ៉ា ឃន ឈុនដារ៉ា អគ្គនាយកក្រុមហ៊ុន ខយតេ កម្ពុជា និងជាសមាជិក នៃសមាគមឧកញ៉ាកម្ពុជា រួមជាមួយលោក ស៊ិន ពិសី អគ្គនាយក ក្រុមហ៊ុន អុីអន ខេមបូឌា បានចុះហត្ថលេខាលើអនុស្សរណៈ នៃការយោគយល់គ្នាដើម្បីចេញផលិតផលថ្មីមួយគឺ តែបៃតងយ៉ាគុល (Yakult Green Tea) ដែលជាផលិតទឹកដោះគោជូរដ៏ល្បីល្បាញរបស់ប្រទេសជប៉ុន។
ផលិតផលថ្មីនេះ ត្រូវបានបង្កើតឡើងដោយប្រើទឹកដោះគោជូរដែលមានគុណភាពខ្ពស់តាមស្តង់ដាប្រទេសជប៉ុន ម៉ាក Yakult ដែលមានភាពល្បីល្បាញដោយសាររសជាតិឆ្ងាញ់ និងសម្បូរដោយសារធាតុបំប៉នជំនួយដល់សុខភាពជាច្រើនជាមួយនឹងស្លឹកតែគុណភាពខ្ពស់នាំចូលពីតៃវ៉ាន់។
សូមជម្រាបថា ក្រុមហ៊ុន ខយតេ កម្ពុជា គឺជាក្រុមហ៊ុនភេសជ្ជៈដ៏ល្បីល្បាញពេញនិយម និងបានបើកដំណើរការរយៈពេល ១១ឆ្នាំមកហើយនៅក្នុងព្រះរាជាណាចក្រកម្ពុជានោះហើយតែងតែនាំយកនូវរសជាតិភេសជ្ជៈឈ្ងុយឆ្ងាញ់ក៏ដូចជាកម្មវិធីប្លែកៗសម្រាប់ជូនអតិថិជនរបស់ខ្លួន៕

លិខិតរំលែកមរណទុក្ខពីថ្នាក់ដឹកនាំ ក្រុមប្រឹក្សាភិបាល និងសមាជិក នៃសមាគមឧកញ៉ាកម្ពុជា ជូនចំពោះ លោកជំទាវឧកញ៉ា មាស ម៉ូរីយ៉ា សមាជិកទ្រទ្រង់ នៃសមាគមឧកញ៉ាកម្ពុជា ព្រមទាំងក្រុមគ្រួសារ ចំពោះមរណភាពរបស់ឧបាសិកា ហាវ គឹមហូយ ដែលត្រូវជាម្តាយបង្កើតរបស់លោកជំទាវឧកញ៉ា កាលពីថ្ងៃពុធ ៤កើត ខែមិគសិរ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៤ ខែធ្នូ ឆ្នាំ២០២៤ នាវេលាម៉ោង ២:៤០នាទីយប់ក្នុងជន្មាយុ ៩៥ឆ្នាំដោយជរាពាធ។

យើងខ្ញុំទាំងអស់គ្នា សូមឧទ្ទិសបួងសួងដល់ដួងវិញ្ញាណក្ខន្ធ ឧបាសិកា ហាវ គឹមហូយ សូមបានបដិសន្ធិក្នុងសុគតិភពកុំបីឃ្លៀងឃ្លាតឡើយ។

👏 👏 អបអរសាទរក្រមាខ្មែរត្រូវបានដាក់បញ្ចូលក្នុងបញ្ជីតំណាងនៃបេតិកភណ្ឌវប្បធម៌អរូបីនៃមនុស្សជាតិរបស់អង្គការយូណេស្កូ នៅទីក្រុង អាសង់ស្យុង (Asunción) សាធារណរដ្ឋប៉ារ៉ាហ្គាយ (Republic of Paraguay) នាថ្ងៃទី០៤ ខែធ្នូ ឆ្នាំ២០២៤ នេះ 🇰🇭
____
👉សូមចុចតំណភ្ជាប់ខាងក្រោមដើម្បីទៅកាន់គេហទំព័រ និងបណ្តាញសង្គមរបស់សមាគមឧកញ៉ាកម្ពុជា៖
🌐 Facebook
🌏 Website
🌐Telegram
🌐 Youtube
🌐 Tik Tok

សេចក្តីប្រកាសព័ត៍មានរបស់អគ្គលេខាធិការដ្ឋានព្រឹទ្ធសភាស្តីពីលទ្ធផលនៃដំណើរទស្សនកិច្ចមិត្តភាពនិងផ្លូវការរបស់សម្តេចតេជោ ហ៊ុន សែន នៅសាធារណរដ្ឋប្រជាមានិតចិន 🇰🇭 🇨🇳
____
👉សូមចុចតំណភ្ជាប់ខាងក្រោមដើម្បីទៅកាន់គេហទំព័រ និងបណ្តាញសង្គមរបស់សមាគមឧកញ៉ាកម្ពុជា៖
🌐 Facebook
🌏 Website
🌐Telegram
🌐 Youtube
🌐 Tik Tok

សេចក្តីសម្រេចរបស់រាជរដ្ឋាភិបាលកម្ពុជា ស្ដីពីការកំណត់វិស័យអាទិភាពសម្រាប់គម្រោងភាពជាដៃគូរវាងរដ្ឋ និងឯកជន ឆ្នាំ២០២៥-២០៣៥ ដែលមានដូចជា ៖
១- វិស័យដឹកជញ្ជូន និងភស្តុភារកម្ម (ផ្លូវថ្នល់និងស្ពាន កំពង់ផែ និងភស្តុភារកម្ម)
២- វិស័យថាមពល
៣- វិស័យសេវាសាធារណៈ (ការផ្គត់ផ្គង់ទឹកស្អាត និងការគ្រប់គ្រងសំណល់) ។
____
👉សូមចុចតំណភ្ជាប់ខាងក្រោមដើម្បីទៅកាន់គេហទំព័រ និងបណ្តាញសង្គមរបស់សមាគមឧកញ៉ាកម្ពុជា៖
🌐 Facebook
🌏 Website
🌐Telegram
🌐 Youtube
🌐 Tik Tok

សូមចូលរួមអបអរសាទរពិធីចុះហត្ថលេខាលើអនុស្សរណៈនៃការយោគយល់គ្នារវាង មន្ទីរពេទ្យអន្ដរជាតិ អរៀនដា និង ធនាគារ អេស៊ីលីដា ភីអិលស៊ី ក្រោមអធិបតីភាពដ៏ខ្ពង់ខ្ពស់របស់លោកជំទាវ អ្នកឧកញ៉ា គួន ធីតា ស្ថាបនិក និងជាប្រធានក្រុមប្រឹក្សាភិបាល នៃមន្ទីរពេទ្យអន្ដរជាតិ អរៀនដា និងជាសមាជិកក្រុមប្រឹក្សាភិបាល នៃសមាគមឧកញ៉ាកម្ពុជា និងលោកបណ្ឌិត អុិន ចាន់នី ប្រធាននាយកប្រតិបត្តិនៃធនាគារ អេស៊ីលីដា ភីអិលស៊ី អមដោយថ្នាក់ដឹកនាំ និងបុគ្គលិក នៃធនាគារ អេស៊ីលីដា ភីអិលស៊ី នាថ្ងៃទី២១ ខែវិចិ្ឆកា ឆ្នាំ២០២៤ នៅមន្ទីរពេទ្យអន្ដរជាតិ អរៀនដា។
____
👉សូមចុចតំណភ្ជាប់ខាងក្រោមដើម្បីទៅកាន់គេហទំព័រ និងបណ្តាញសង្គមរបស់សមាគមឧកញ៉ាកម្ពុជា៖
🌐 Facebook
🌏 Website
🌐Telegram
🌐 Youtube
🌐 Tik Tok

ក្នុងឱកាសអញ្ជើញជាអធិបតីដ៏ខ្ពង់ខ្ពស់ក្នុងពិធីបើក «ជំនួបផ្គូផ្គងធុរកិច្ចរវាងសមាគមឧកញ៉ាកម្ពុជា និងសមាគមជប៉ុន-កម្ពុជា ២០២៤» ឯកឧត្តមឧបនាយករដ្ឋមន្ត្រី ស៊ុន ចាន់ថុល ឧបនាយករដ្ឋមន្ត្រី និងជាអនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានមានប្រសាសន៍កោតសរសើរចំពោះសមាគមឧកញ៉ាកម្ពុជា និងសមាគមជប៉ុន-កម្ពុជា ដែលបានបំពេញបេសកកម្មរបស់ខ្លួនចូលរួមចំណែកជាមួយរាជរដ្ឋាភិបាលកម្ពុជាដែលមាន សម្តេចមហាបវរធិបតី ហ៊ុន ម៉ាណែត ជាប្រមុខដឹកនាំរាជរដ្ឋាភិបាល ជាពិសេសក្នុងសកម្មភាពជំរុញ និងការកៀរគរវិនិយោគិនឱ្យមកបណ្តាក់ទុននៅកម្ពុជា។ ឯកឧត្តមបានគូសបញ្ជាក់ថា ឯកឧត្តមមានក្តីរីករាយដែលបានក្លាយជាអ្នកផ្សារភ្ជាប់ទំនាក់ទំនងរវាងសមាគមទាំងពីរតាមរយៈបេសកកម្មគោះទ្វារវិនិយោគនៅឯប្រទេសជប៉ុនកាលពីខែឧសភា ឆ្នាំ២០២៤កន្លងទៅថ្មីៗនេះរហូតលេចចេញនូវការរៀបចំកម្មវិធីផ្គូផ្គងធុរកិច្ចនាថ្ងៃនេះ។
ឯកឧត្តមក៏បានលើកទឹកចិត្ត និងអំពាវនាវឱ្យវិនិយោគិនជប៉ុន និងវិនិយោគិនកម្ពុជាដែលមានវត្តមាននៅថ្ងៃនេះ ចាប់ដៃគ្នាសិក្សាពិនិត្យលទ្ធភាពជំរុញកិច្ចសហការធុរកិច្ច ក៏ដូចជាស្វែងយល់ឱ្យកាន់តែច្បាស់នូវកាលានុវត្តភាពវិនិយោគរបស់កម្ពុជា ខណៈដែលគម្រោងវិនិយោគជប៉ុននៅកម្ពុជាមានការថយចុះបើប្រៀបធៀបទៅនឹងរយៈពេលមុនការរីករាលដាលនៃជំងឺកូវីដ-១៩។ ឯកឧត្តមបានសង្កត់ធ្ងន់ថា ក្រុមប្រឹក្សាអភិវឌ្ឍន៍កម្ពុជាដែលជាសេនាធិការរបស់រាជរដ្ឋាភិបាលលើការងារវិនិយោគ បានបន្តខិតខំជំរុញការកែលម្អ និងធ្វើឱ្យប្រសើរឡើងនូវបរិយាកាសធុរកិច្ច និងវិនិយោគ តាមរយៈការជំរុញផ្សព្វផ្សាយនូវច្បាប់ស្តីពីវិនិយោគ ការគោះទ្វារវិនិយោគក្រៅប្រទេស ព្រមទាំងការសម្រួល និងធ្វើសាមញ្ញកម្មនីតិវិធីពាក់ព័ន្ធនានាជាពិសេសការធ្វើឌីជីថលភាវូបនីយកម្មសម្រាប់ការផ្តល់សេវាសាធារណៈជាដើម ស្របពេលដែលកម្ពុជាមានឧត្តមភាពប្រកួតប្រជែងក្នុងការទាក់ទាញវិនិយោគយ៉ាងសម្បូរបែប មានស្ថានភាពម៉ាក្រូសេដ្ឋកិច្ចប្រកបដោយស្ថេរភាព មានសេដ្ឋកិច្ចបើកចំហរបំផុត កម្ពុជាក៏មានគម្រោងហេដ្ឋារចនាសម្ព័ន្ធគាំទ្រសំខាន់ៗដូចជាផ្លូវល្បឿនលឿនដែលកំពុងសាងសង់ និងគ្រោងសាងសង់នាពេលខាងមុខ គម្រោងព្រែកជីកហ្វូណនតេជោ គម្រោងពង្រីកសមត្ថភាពកំពង់ផែទឹកជ្រៅនៅកំពង់ផែស្វយ័តក្រុងព្រះសីហនុ និងគម្រោងសាងសង់អាកាសយានដ្ឋានថ្មីជាដើម ជាពិសេសមានសុខសន្តិភាពដែលធានាដល់ការបណ្តាក់ទុនរយៈពេលវែង និងស្ថិតនៅក្នុងទីតាំងយុទ្ធសាស្ត្រដែលស័ក្តិសមជាមជ្ឈមណ្ឌលប្រមូលផ្តុំផលិតកម្មសម្រាប់ខ្សែច្រវាក់ផ្គត់ផ្គង់ក្នុងតំបន់ និងជាច្រកចូលទៅកាន់ទីផ្សារធំៗដែលមានមូលដ្ឋានអ្នកប្រើប្រាស់ច្រើន។
សូមបញ្ជាក់ថា នេះជាលើកទីពីរហើយដែលសមាគមឧកញ៉ាកម្ពុជាបានរៀបចំនូវជំនួបធុរកិច្ចជាមួយភាគីដៃគូជាតិ និងអន្តរជាតិ ដោយកាលពីថ្ងៃទី១១ ខែសីហា ឆ្នាំ២០២៣ កន្លងទៅ មានការចូលរួមពីសំណាក់ថ្នាក់ដឹកនាំជាន់ខ្ពស់ នៃរាជរដ្ឋាភិបាលកម្ពុជា តំណាងស្ថានទូតនានា រួមទាំងអ្នកឧកញ៉ា ឧកញ៉ា និងធុរជនក្នុងស្រុកនិងក្រៅប្រទេសប្រមាណជា ៤០០រូប៕
____
👉សូមចុចតំណភ្ជាប់ខាងក្រោមដើម្បីទៅកាន់គេហទំព័រ និងបណ្តាញសង្គមរបស់សមាគមឧកញ៉ាកម្ពុជា៖
🌐 Facebook
🌏 Website
🌐Telegram
🌐 Youtube
🌐 Tik Tok

នាព្រឹកថ្ងៃអង្គារ ទី១៩ ខែវិច្ឆិកា ឆ្នាំ២០២៤ សមាគមឧកញ៉ាកម្ពុជា សហការជាមួយ សមាគមជប៉ុន-កម្ពុជា បានរៀបចំពិធីបើក «ជំនួបផ្គូផ្គងធុរកិច្ចរវាងសមាគមឧកញ៉ាកម្ពុជា និងសមាគមជប៉ុន-កម្ពុជា ២០២៤» ក្រោមអធិបតីភាពដ៏ខ្ពង់ខ្ពស់ ឯកឧត្តម ស៊ុន ចាន់ថុល ឧបនាយករដ្ឋមន្ត្រី និងជាអនុប្រធានទី១ ក្រុមប្រឹក្សាអភិវឌ្ឍន៍កម្ពុជា និងដោយមានការអញ្ជើញចូលរួមពី ឯកឧត្តម TAKAHASHI Fumiaki ប្រធានសមាគមជប៉ុន-កម្ពុជា និងជាអតីតអគ្គរាជទូតជប៉ុនប្រចាំនៅព្រះរាជាណាចក្រកម្ពុជា ព្រមទាំងអ្នកឧកញ៉ា ឧកញ៉ា ជាសមាជិក នៃសមាគមឧកញ៉ាកម្ពុជា និងធុរជនជប៉ុន-កម្ពុជាដែលមានចំនួនសរុបប្រមាណ ១២០រូប។
ក្នុងឱកាសនេះដែរ ឯកឧត្តម TAKAHASHI Fumiaki បានថ្លែងថា ជំនួបផ្គូផ្គងធុរកិច្ចនេះ បានធ្វើឡើងក្រោយកិច្ចពិភាក្សាការងាររវាងភាគីសមាគមឧកញ៉ាកម្ពុជា និងសមាគមជប៉ុន-កម្ពុជា ក្រោមវត្តមានរបស់ ឯកឧត្តមឧបនាយករដ្ឋមន្ត្រី ស៊ុន ចាន់ថុល នៅទីក្រុងតូក្យូ កាលពីខែឧសភា ឆ្នាំ២០២៤ កន្លងទៅថ្មីៗនេះ ក្នុងគោលបំណងផ្តល់នូវការធ្វើបច្ចុប្បន្នភាពនៃស្ថានភាពវិនិយោគនៅកម្ពុជានិងផ្តល់នូវកាលានុវត្តភាពក្នុងការជ្រើសរើសដៃគូសម្រាប់ធ្វើជំនួបផ្គូផ្គងទៅតាមវិស័យនៃអាជីវកម្មរបស់ខ្លួន។ ដូច្នេះ ឯកឧត្តមមានសុទិដ្ឋិនិយមថា តាមរយៈជំនួបនាថ្ងៃនេះ ភាគីទាំងពីរនឹងបានភ្ជាប់ទំនាក់ទំនងជាមួយគ្នាទៅវិញទៅមកប្រកបដោយទំនុកចិត្ត។
លោកជំទាវអ្នកឧកញ៉ា គួន ធីតា សមាជិកក្រុមប្រឹក្សាភិបាល នៃសមាគមឧកញ៉ាកម្ពុជា និងជាអនុប្រធានគណៈកម្មការទំនាក់ទំនងសាធារណៈ និងអន្តរជាតិ បានថ្លែងអំណរគុណចំពោះវត្តមានដ៏ខ្ពង់ខ្ពស់របស់ ឯកឧត្តមឧបនាយករដ្ឋមន្ត្រី ស៊ុន ចាន់ថុល និងឯកឧត្តម TAKAHASHI Fumiaki ព្រមទាំងធុរជនជប៉ុនដែលមានវត្តមាននៅក្នុងព្រឹត្តិការណ៍ដ៏មានសារៈសំខាន់ និងជាកិច្ចសហការលើកដំបូងរវាងសមាគមទាំងពីរ ដែលសមាគមឧកញ៉ាកម្ពុជាស្ថិតនៅក្រោមអភិបាលកិច្ចផ្នែកបច្ចេកទេសរបស់ក្រុមប្រឹក្សាអភិវឌ្ឍន៍កម្ពុជា លើកិច្ចការធុរកិច្ច និងការវិនិយោគផងដែរ។
លោកជំទាវក៏បានជម្រាបជូនអង្គពិធីទាំងមូលនូវចក្ខុវិស័យ និងបេសកកម្មរបស់សមាគមឧកញ៉ាកម្ពុជា ដែលកំពុងរួមចំណែកយ៉ាងសកម្មជាមួយរាជរដ្ឋាភិបាលកម្ពុជា សំដៅចូលរួមកសាង និងអភិវឌ្ឍសង្គម សេដ្ឋកិច្ចជាតិ ជាពិសេស សកម្មភាពសង្គមកិច្ចនិងមនុស្សធម៌ ដើម្បីធានាឱ្យបាននូវភាពសុខសាន្ត និងភាពរីកចម្រើនដល់ប្រជាជនកម្ពុជា ខណៈដែលសមាគមឧកញ៉ាកម្ពុជា គឺជាបណ្ដុំធុរជនមកពីចម្រុះវិស័យក្នុងប្រព័ន្ធសេដ្ឋកិច្ចកម្ពុជាហើយរហូតមកដល់ពេលបច្ចុប្បន្ននេះមានសមាជិកសរុប ៤២០ រូប ដែលកំពុងគ្រប់គ្រងក្រុមហ៊ុន និងសហគ្រាសរហូតដល់ជាង ៨០០ ដោយបង្កើតការងារច្រើនជាង ៥០០.០០០ កន្លែងដល់ប្រជាជនកម្ពុជានៅទូទាំងប្រទេស។ លោកជំទាវមានទំនុកចិត្តថា ជំនួបផ្គូផ្គងធុរកិច្ចថ្ងៃនេះ ពិតជាផ្ដល់អត្ថប្រយោជន៍ បង្កើនភាពស្និទ្ធស្នាល និងពង្រឹងទំនុកចិត្តរវាងធុរជននៃប្រទេសទាំងពីរសម្រាប់កិច្ចសហប្រតិបត្តិការធុរកិច្ច និងវិនិយោគឱ្យលេចចេញជារូបរាងឡើងនាពេលខាងមុខ។
____
👉សូមចុចតំណភ្ជាប់ខាងក្រោមដើម្បីទៅកាន់គេហទំព័រ និងបណ្តាញសង្គមរបស់សមាគមឧកញ៉ាកម្ពុជា៖
🌐 Facebook
🌏 Website
🌐Telegram
🌐 Youtube
🌐 Tik Tok

កាលពីព្រឹកថ្ងៃសុក្រ ទី៨ ខែវិច្ឆិកា ឆ្នាំ២០២៤ ឯកឧត្តម ស៊ុន ចាន់ថុល ឧបនាយករដ្ឋមន្រ្តី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា និងគណៈប្រតិភូកម្ពុជាដែលរួមមានពីក្រសួងស្ថាប័នពាក់ព័ន្ធ និងវិស័យឯកជន បានអញ្ជើញទស្សនកិច្ចក្រុមហ៊ុន BTL Medical Technologies ដែលជាក្រុមហ៊ុនឈានមុខគេរបស់សាធារណរដ្ឋឆែកនិងមានប្រតិបត្តិការលើផលិតផលឧបករណ៍បច្ចេកវិទ្យាវេជ្ជសាស្ត្រ។
តាមរយៈកិច្ចប្រជុំនាឱកាសនេះ ក្រុមហ៊ុនបានធ្វើបទបង្ហាញជូន ឯកឧត្តមឧបនាយករដ្ឋមន្ត្រី និងគណៈប្រតិភូកម្ពុជា អំពីផលប័ត្រផលិតកម្ម បច្ចេកវិទ្យា កាលានុវត្តភាពវិនិយោគរបស់ខ្លួនប្រមាណជាង៣០ឆ្នាំក្នុងវិស័យវេជ្ជសាស្ត្រ និងពិភាក្សាអំពីឱកាសវិនិយោគនៅកម្ពុជាផងដែរ។ ឆ្លៀតក្នុងឱកាសនេះ ឯកឧត្តមឧបនាយករដ្ឋមន្ត្រី ក៏បានលើកទឹកចិត្តឱ្យក្រុមហ៊ុនពិនិត្យលទ្ធភាពជ្រើសរើសការបណ្ដាក់ទុននៅកម្ពុជា ដោយហេតុថាក្រៅអំពីសក្ដានុពលសំខាន់ៗជាច្រើន កម្ពុជាក៏ទទួលបានប្រព័ន្ធអនុគ្រោះពន្ធ EBA សម្រាប់ការនាំចេញទៅកាន់ទីផ្សាររបស់សហភាពអឺរ៉ុបផងដែរ៕
____
👉សូមចុចតំណភ្ជាប់ខាងក្រោមដើម្បីទៅកាន់គេហទំព័រ និងបណ្តាញសង្គមរបស់សមាគមឧកញ៉ាកម្ពុជា៖
🌐 Facebook
🌏 Website
🌐Telegram
🌐 Youtube
🌐 Tik Tok

ក្នុងឱកាសបំពេញបេសកកម្មនៅទីក្រុងប្រាក នៃសាធារណរដ្ឋឆែក គណៈប្រតិភូសមាគមឧកញ៉ាកម្ពុជា បានបន្តចូលរួមអមដំណើរឯកឧត្តម ស៊ុន ចាន់ថុល ឧបនាយករដ្ឋមន្រ្តី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា ក្នុងជំនួបពិភាក្សាតុមូលជាមួយ អ្នកតំណាងសមាគមធុរកិច្ច និងដៃគូសហប្រតិបត្តិការអភិវឌ្ឍន៍ នៅទីស្ដីការក្រសួងការបរទេសនៃសាធារណរដ្ឋឆែកកាលពីរសៀលថ្ងៃព្រហស្បត្តិ ទី៧ ខែវិច្ឆិកា ឆ្នាំ២០២៤ ។
ជាកិច្ចចាប់ផ្ដើម ឯកឧត្តមឧបនាយករដ្ឋមន្ត្រី បានថ្លែងអំណរគុណយ៉ាងជ្រាលជ្រៅជូនចំពោះក្រសួងការបរទេសនៃសាធារណរដ្ឋឆែក ដែលបានទទួលគណៈប្រតិភូកម្ពុជាបានប្រកបដោយភាពកក់ក្ដៅ។ ឯកឧត្តមឧបនាយករដ្ឋមន្រ្តី បានជម្រាបជូនអំពីធនធានមនុស្សកម្ពុជា ដែលមានយុវជនវ័យក្មេងច្រើនជាងប្រទេសផ្សេងទៀតក្នុងតំបន់នឹងអាចចូលរួមយ៉ាងពេញទំហឹងក្នុងផលិតកម្មការងារ។ រាជរដ្ឋាភិបាលកម្ពុជាបានអនុម័តច្បាប់ស្ដីពីវិនិយោគកាលពីឆ្នាំ២០២១ បើកលទ្ធភាពយ៉ាងល្អប្រសើរជូនវិនិយោគិនអាចទទួលបានការលើកទឹកចិត្តលើគម្រោងមានសក្ដានុពលមួយចំនួន ក្រោមការសម្របសម្រួលពីក្រុមប្រឹក្សាអភិវឌ្ឍន៍កម្ពុជា ដែលជាច្រកចេញចូលតែមួយរបស់រាជរដ្ឋាភិបាល។ យន្តការរដ្ឋាភិបាល និងវិស័យឯកជន ព្រមទាំងយន្តការតាមដាន និងសម្របសម្រួលនានាត្រូវបានដាក់ចេញ ដើម្បីថែទាំវិនិយោគិនដែលបាននិងកំពុងបណ្ដាក់ទុននៅកម្ពុជា។ នាពេលឆាប់ៗខាងមុខនេះ ក្រុមប្រឹក្សាអភិវឌ្ឍន៍កម្ពុជាគ្រោងនឹងដាក់ចេញជាសាធារណៈនូវប្រព័ន្ធគ្រប់គ្រងគម្រោងវិនិយោគកម្ពុជា (ប្រព័ន្ធ cdcIPM) ដែលនឹងចូលរួមធានាតម្លាភាព ប្រសិទ្ធភាព និងផ្ដល់ងាយស្រួលដល់កិច្ចការងារវិនិយោគជូនគ្រប់ភាគីពាក់ព័ន្ធ។
កម្ពុជាមានចក្ខុវិស័យក្នុងការប្រែក្លាយជាប្រទេសដែលមានប្រាក់ចំណូលខ្ពស់នៅឆ្នាំ2050 ហេតុនេះក្នុងនាមក្រុមប្រឹក្សាអភិវឌ្ឍន៍កម្ពុជា ឯកឧត្តមឧបនាយករដ្ឋមន្ត្រី បានលើកទឹកចិត្តទៅកាន់សាធារណរដ្ឋឆែក និងតាមរយៈក្រសួងការបរទេសផ្ទាល់ ចូលរួមជួយជំរុញឱ្យវិនិយោគិនឆែកពិនិត្យលទ្ធភាពបណ្ដាក់ទុនវិនិយោគនៅកម្ពុជា ពិសេសលើវិស័យអេឡិចត្រូនិក អាហារ និងទេសចរណ៍ជាដើម៕
____
👉សូមចុចតំណភ្ជាប់ខាងក្រោមដើម្បីទៅកាន់គេហទំព័រ និងបណ្តាញសង្គមរបស់សមាគមឧកញ៉ាកម្ពុជា៖
🌐 Facebook
🌏 Website
🌐Telegram
🌐 Youtube
🌐 Tik Tok

ឯកឧត្តម ស៊ុន ចាន់ថុល ឧបនាយករដ្ឋមន្រ្តី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា និងគណៈប្រតិភូកម្ពុជា ដោយមានការគាំទ្រពីសហភាពអ៊ឺរ៉ុប បានរៀបចំវេទិកាធុរកិច្ចជាមួយសហព័ន្ធឧស្សាហកម្មឆែក នៅទីស្ដីការក្រសួងពាណិជ្ជកម្ម និងឧស្សាហកម្មនៃសាធារណរដ្ឋឆែក ដើម្បីផ្សព្វផ្សាយឱ្យបានទូលំទូលាយអំពីបរិយាកាសវិនិយោគនៅកម្ពុជា។
កម្មវិធីនាឱកាសនេះបានបើកឱកាសឱ្យភាគីទាំងពីរកម្ពុជា-ឆែក អាចពិភាក្សាផ្លាស់ប្ដូរមតិយោបល់ទៅវិញទៅមកអំពីស្ថានភាពពាណិជ្ជកម្ម និងការវិនិយោគរវាងគ្នា ពិសេសកម្ពុជាបង្ហាញអំពីកាលានុវត្តភាពថ្មីៗជូនវិនិយោគិនឆែកផងដែរ។ រាជរដ្ឋាភិបាលកម្ពុជាបានយកចិត្តទុកដាក់ដល់កិច្ចការងារវិនិយោគ រួមមានការដាក់ឱ្យអនុវត្តច្បាប់ស្ដីពីវិនិយោគដែលគ្មានការរឹតបន្តឹងសម្រាប់វិនិយោគិនបរទេស ពិសេសគឺមានរៀបចំនូវគំនិតផ្ដួតផ្ដើមនានា ក៏ដូចជាបង្កើតឱ្យមានក្រុមការងារបច្ចេកទេសចំនួន១៦ ពាក់ព័ន្ធនឹងវិស័យឯកជន និងរដ្ឋាភិបាល ដើម្បីគាំទ្រដល់ប្រក្រតីភាពរបស់វិនិយោគិនដែលកំពុងបណ្ដាក់ទុន និងមានបំណងបណ្ដាក់ទុនវិនិយោគនៅកម្ពុជា។ ជាមួយនឹងស្ថានភាពសុខសន្តិភាពពេញលេញ កំណើនសេដ្ឋកិច្ច មានកម្លាំងពលកម្មវ័យក្មេង និងទំនាក់ទំនងពាណិជ្ជកម្មល្អប្រសើរជាមួយប្រទេសនានា រួមមានប្រទេសជប៉ុន កូរ៉េ សហរដ្ឋអាម៉េរិក និងសហភាពអឺរ៉ុប ដែលនេះនឹងបើកទីផ្សារកាន់តែទូលាយដល់វិនិយោគិន៕
____
👉សូមចុចតំណភ្ជាប់ខាងក្រោមដើម្បីទៅកាន់គេហទំព័រ និងបណ្តាញសង្គមរបស់សមាគមឧកញ៉ាកម្ពុជា៖
🌐 Facebook
🌏 Website
🌐Telegram
🌐 Youtube
🌐 Tik Tok

នាព្រឹកថ្ងៃពុធ ៦កើត ខែកត្តិក ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៦ ខែវិច្ឆិកា ឆ្នាំ២០២៤នេះ អ្នកឧកញ៉ា ហាន់ ឃៀង អនុប្រធានសមាគមឧកញ៉ាកម្ពុជា រួមជាមួយប្រតិភូសមាគមឧកញ៉ាកម្ពុជាដែលមានសមាសភាពដូចជា អ្នកឧកញ៉ា លី សាំងឡេង អ្នកឧកញ៉ា ស៊ី ម៉េងឃៀង ជំទាវឧកញ៉ា កង លាប និង លោក ម៉ៅ សុទ្ធីវឌ្ឍ បានចូលរួមក្នុងពិធីជួបសំណេះសំណាលជាមួយ សមាគមនិស្សិតកម្ពុជាដែលកំពុងសិក្សានៅខេត្តយូណាន នៃសាធារណរដ្ឋប្រជាមានិតចិន ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។

👉 លោកអ្នកអាចទទួលបានព័ត៌មានថ្មីៗពី ស.ឧ.ក. តាមរយៈតេឡេក្រាម៖ https://t.me/oknhaassociation#សមាគមឧកញ៉ាកម្ពុជា #សឧក #ឧកញា #CambodianOknhaAssociation #COA #oknha

សារលិខិតជូនពរ សម្តេចពិជ័យសេនា ទៀ បាញ់ ឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា និងជាអនុប្រធានកិត្តិយស នៃសមាគមឧកញ៉ាកម្ពុជា ក្នុងឱកាសប្រកបដោយសិរីមង្គលដ៏ប្រសើរថ្លៃថ្លាបំផុត និងពោរពេញដោយក្តីសោមនស្សរីករាយនៃពិធីចម្រើនជន្មាយុដែលនឹងប្រព្រឹត្តទៅនៅថ្ងៃអង្គារ ៥កើត ខែកត្តិក ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៥ ខែវិច្ឆិកា ឆ្នាំ២០២៤នេះ។

យើងខ្ញុំទាំងអស់គ្នាសូមបួងសួងដល់គុណបុណ្យព្រះរតនត្រ័យក៏ដូចជាវត្ថុស័ក្តិសិទ្ធិទាំងឡាយក្នុងលោក សូមតាមបីបាច់ថែរក្សា និងប្រោះព្រំនូវសព្ទសាធុការពរជ័យជូន សម្តេចពិជ័យសេនា និង លោកជំទាវ ព្រមទាំង បុត្រា បុត្រី និង ចៅប្រុស ចៅស្រី ជាទីស្រលាញ់ សូមជួបតែសេចក្តីសុខសុភមង្គល និងប្រកបដោយពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

សេចក្តីប្រកាសព័ត៌មាន ស្តីពី ប្រតិភូសមាគមឧកញ៉ាកម្ពុជាចូលរួមអមដំណើរ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ក្នុងកិច្ចប្រជុំកំពូលមហាអនុតំបន់ទន្លេមេគង្គលើកទី៨ និងកិច្ចប្រជុំពាក់ព័ន្ធចាប់ពីថ្ងៃទី៦-៧ ខែវិច្ឆិកា ឆ្នាំ២០២៤។

👉 លោកអ្នកអាចទទួលបានព័ត៌មានថ្មីៗពី ស.ឧ.ក. តាមរយៈតេឡេក្រាម៖ https://t.me/oknhaassociation#សមាគមឧកញ៉ាកម្ពុជា #សឧក #ឧកញ៉ា #CambodianOknhaAssociation #COA #oknha

អបអរសាទរពិធីចុះហត្ថលេខាលើអនុស្សរណៈនៃការយោគយល់គ្នារវាងក្រសួងពាណិជ្ជកម្ម និងមន្ទីរពេទ្យអន្ដរជាតិ អរៀនដា ក្រោមអធិបតីភាពដ៏ខ្ពង់ខ្ពស់របស់ លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម អមដោយថ្នាក់ដឹកនាំ មន្ត្រី និងបុគ្គលិក នៃក្រសួងពាណិជ្ជកម្ម និងលោកជំទាវអ្នកឧកញ៉ា គួន ធីតា ស្ថាបនិក និងជាប្រធានក្រុមប្រឹក្សាភិបាល នៃមន្ទីរពេទ្យអន្ដរជាតិ អរៀនដា ព្រមទាំងជាសមាជិកក្រុមប្រឹក្សាភិបាល នៃសមាគមឧកញ៉ាកម្ពុជារសៀលថ្ងៃទី១ ខែវិចិ្ឆកា ឆ្នាំ២០២៤។

👉 លោកអ្នកអាចទទួលបានព័ត៌មានថ្មីៗពី ស.ឧ.ក. តាមរយៈតេឡេក្រាម៖ https://t.me/oknhaassociation#សមាគមឧកញ៉ាកម្ពុជា #សឧក #ឧកញ៉ា #CambodianOknhaAssociation #COA #oknha

សេចក្តីប្រកាសព័ត៌មាន ស្តីពី ប្រតិភូសមាគមឧកញ៉ាកម្ពុជាចូលរួមអមដំណើរ ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា ក្នុងបេសកកម្មទាក់ទាញ និងជំរុញវិនិយោគនៅសាធារណរដ្ឋបារាំង សាធារណរដ្ឋឆែក និងចក្រភពអង់គ្លេស ចាប់ពីថ្ងៃទី៣-១៣ ខែវិច្ឆិកា ឆ្នាំ២០២៤ខាងមុខនេះ។

👉 លោកអ្នកអាចទទួលបានព័ត៌មានថ្មីៗពី ស.ឧ.ក. តាមរយៈតេឡេក្រាម៖ https://t.me/oknhaassociation#សមាគមឧកញ៉ាកម្ពុជា #សឧក #ឧកញ៉ា #CambodianOknhaAssociation #COA #oknha

លិខិតរំលែកមរណទុក្ខ ពីសមាគមឧកញ៉ាកម្ពុជា ជូនចំពោះ ឧកញ៉ា ណាង ណាន សមាជិកទ្រទ្រង់ នៃសមាគមឧកញ៉ាកម្ពុជា ព្រមទាំងក្រុមគ្រួសារ ចំពោះមរណភាពរបស់ឧបាសិកា សំ ញ៉ ដែលត្រូវជាជីដូនបង្កើតកាលពីវេលាម៉ោង ៧:០០នាទីព្រឹកនៅថ្ងៃអង្គារ ១២រោច ខែអស្សុជ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៩ ខែតុលា ឆ្នាំ២០២៤ ក្នុងជន្មាយុ ៧៤ឆ្នាំដោយជរាពាធ។

យើងខ្ញុំទាំងអស់គ្នា សូមឧទ្ទិសបួងសួងដល់ដួងវិញ្ញាណក្ខន្ធ ឧបាសិកា សំ ញ៉ សូមបានបដិសន្ធិក្នុងសុគតិភពកុំបីឃ្លៀងឃ្លាតឡើយ 🙏

ព្រះរាជក្រឹត្យ នស/រកត/១០២៤/១៣០៩ ស្តីពី គោរមងារឧកញ៉ា ដែលត្រូវបានព្រះករុណាព្រះបាទសម្តេចព្រះបរមនាថ នរោត្តម សីហនុ ព្រះមហាក្សត្រ នៃព្រះរាជាណាចក្រកម្ពុជា បានត្រាស់បង្គាប់ប្រកាសឱ្យប្រើនាថ្ងៃទី២៣ ខែតុលា ឆ្នាំ២០២៤ តាមសេចក្តីក្រាបបង្គំទូលថ្វាយរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។

👉 លោកអ្នកអាចទទួលបានព័ត៌មានថ្មីៗពី ស.ឧ.ក. តាមរយៈតេឡេក្រាម៖ https://t.me/oknhaassociation#សមាគមឧកញ៉ាកម្ពុជា #សឧក #ឧកញ៉ា #CambodianOknhaAssociation #COA #oknha

អបអរសាទរខួបលើកទី២០ ព្រះរាជពិធីបុណ្យគ្រងព្រះបរមសិរីរាជសម្បត្តិរបស់ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា🇰🇭

Happy King’s Coronation Day 🙏

សារលិខិតថ្វាយព្រះពរ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ក្នុងឱកាសដ៏មហានក្ខត្តឫក្សវិសេសវិសាលបំផុត នៃព្រះរាជពិធីបុណ្យខួបលើកទី២០ នៃការគ្រងព្រះបរមសិរីរាជសម្បត្តិដែលនឹងប្រព្រឹត្តទៅនាថ្ងៃអង្គារ ១២រោច ខែអស្សុជ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៩ ខែតុលា ឆ្នាំ២០២៤នេះ។

តាងនាមថ្នាក់ដឹកនាំ ក្រុមប្រឹក្សាភិបាលក៏ដូចជាសមាជិកទាំងអស់ និងបុគ្គលិកគ្រប់ជាន់ថ្នាក់ នៃសមាគមឧកញ៉ាកម្ពុជា លោកអ្នកឧកញ៉ា លី យ៉ុងផាត់ សូមព្រះបរមរាជានុញ្ញាតក្រាបបង្គំទូលថ្វាយនូវព្រះសព្ទសាធុការពរជ័យបវរសួស្តី សិរីមង្គល វិបុលសុខមហាប្រសើរគ្រប់ប្រការថ្វាយ ព្រះករុណាថ្លៃវិសេស សូមព្រះអង្គប្រកបដោយព្រះរាជសុខភាពល្អបរិបូរណ៌ ព្រះកាយពលមាំមួន ព្រះបញ្ញាញាណភ្លឺថ្លា ព្រះជន្មាយុយឺនយូរដើម្បីគង់ប្រថាប់ជាម្លប់ដ៏ត្រជាក់ដល់ប្រជារាស្ត្រខ្មែរទូទាំងព្រះរាជាណាចក្រកម្ពុជា។

សូម ព្រះករុណាជាអម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត ទ្រង់ប្រោសព្រះរាជមេត្តាទទួលនូវអភិវន្ទនកិច្ចប្រកបដោយគារវភក្តីដ៏ស្មោះស្ម័គ្របំផុតពីទូលព្រះបង្គំជាខ្ញុំ និងខ្ញុំម្ចាស់ទាំងអស់គ្នា។
____
👉សូមចុចតំណភ្ជាប់ខាងក្រោមដើម្បីទៅកាន់គេហទំព័រ និងបណ្តាញសង្គមរបស់សមាគមឧកញ៉ាកម្ពុជា៖
🌐 Facebook
🌏 Website
🌐Telegram
🌐 Youtube
🌐 Tik Tok

សារលិខិតរំលែកមរណទុក្ខ ជូនចំពោះ លោកជំទាវ ខៀវ ស៊ីណា ជា ចាន់តូ និងក្រុមគ្រួសារ ចំពោះមរណភាពរបស់ ឯកឧត្តម ជា ចាន់តូ ទេសាភិបាលកិត្តិយសធនាគារជាតិនៃកម្ពុជា និងជាតំណាងរាស្ត្រមណ្ឌលខេត្តកំពង់ធំ ក្នុងជន្មាយុ ៧៣ឆ្នាំនៅវេលាម៉ោង ១០:៣៥នាទីព្រឹក ថ្ងៃសុក្រ ៨រោច ខែអស្សុជ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៥ ខែតុលា ឆ្នាំ២០២៤ ដោយរោគាពាធ។

យើងខ្ញុំទាំងអស់គ្នា សូមឧទ្ទិសបួងសួងដល់ដួងវិញ្ញាណក្ខន្ធ ឯកឧត្តម ជា ចាន់តូ សូមបានបដិសន្ធិក្នុងសុគតិភពកុំបីឃ្លៀងឃ្លាតឡើយ។

ថ្នាក់ដឹកនាំនៃសមាគមអភិវឌ្ឍន៍សេដ្ឋកិច្ចចិន-អាស៊ីដឹកនាំដោយលោក Chen Jun ជាអនុប្រធានប្រតិបត្តិ និងជាអគ្គលេខាធិការ ព្រមទាំងធុរជនជាថ្នាក់ដឹកនាំ និងតំណាងក្រុមហ៊ុនធំៗដូចជា Beijing Dabeinong Technology Group, Beijing Aike Nong Technology Co., Ltd., Beijing Binzhi Technology Co., Ltd. និងក្រុមហ៊ុន Chirui Agricultural Services (Agricultural Machinery) ដែលកំពុងវិនិយោគលើវិស័យបច្ចេកវិទ្យា និងនវានុវត្តន៍សម្រាប់ប្រើប្រាស់ក្នុងវិស័យកសិកម្ម កសិ-ឧស្សាហកម្ម និងថាមពលអគ្គិសនីជាដើម។

សូមបញ្ជាក់ថា សមាគមអភិវឌ្ឍន៍សេដ្ឋកិច្ចចិន-អាស៊ី មានសមាជិកជាង ២ម៉ឺននាក់ និងមានសាខាជាង ៦០នៅក្នុងប្រទេសចិននិងមានការិយាល័យតំណាងចំនួន ១៥នៅក្នុងទ្វីបអឺរ៉ុប អាស៊ី និងសហរដ្ឋអាម៉េរិក។
____
👉សូមចុចតំណភ្ជាប់ខាងក្រោមដើម្បីទៅកាន់គេហទំព័រ និងបណ្តាញសង្គមរបស់សមាគមឧកញ៉ាកម្ពុជា៖
🌐 Facebook
🌏 Website
🌐Telegram
🌐 Youtube
🌐 Tik Tok