وَقَفَات

السلام عليكم ورحمة الله وبركاته💜

متنسيش تنزلي استوري قرآن قبل ما تنامي💗🫂..!
علشان يكون عداد حسناتك شغال وأنتِ نايمة بإذن الله💗🫂..!
لا تغفلي عنى ب الدعاء فأني ف أمس الحاجة إليه ولك بالمثل وزيادة🤲❤‍🩹:)

اللهم صل وسلم وبارك على نبينا محمد وعلى أزواجه وذريته عدد ما ذكره الذاكرون وغفل عن ذكره الغافلون 💜

خلوا بالكم عشان الكلام ده مفيهوش هزار

الراجل اللي بيكسب فلوس من ورا السجاير مكسبه حرام

الراجل اللي بيأجر قاعات الأفراح وبيكون فيها اختلاط وأغاني مكسبه حرام

الراجل اللي بيبيع بناطيل وهدوم ضيقة للبـنات وعارف انهم بيلبسوها في الخارج وأمام الرجال مكسبه حرام

الراجل اللي بيبيع بناطيل مقطعة وسلاسل للشباب مكسبه حرام

فلوس المغنيين والممثلين وأغلب البلوجر حرام

الميكب ارتست اللى بتعمل  مكياج لأى امرأة عشان الناس تشوفها  فلوسها حرام

اللى بتعمل للنساء نمص للحواجب فلوسها حرام .

الجيم المختلط بين الرجال والنساء وبيشغل اغانى عشان يرقصوا عليهم وهما بيلعبوا تمارين فلوسهم حرام

عدم وصولك للحاجه اللي بتتمناها عمرها ما تكون نهاية الطريق!
بل هي بداية جديدة لطريق جديد كُليًّا قادر أنه يصنع منك إنسان جديد بعزيمة جديدة وإرادة اقوى ف طريق كله خير ،
اختيارات ربنا ليك عمرها ما كانت شر ابداً حتى لو كانت ف حاجه انت بتحبها وموصلتلهاش
وحط دايما افتراضات كتيرة كانت ممكن تحصل لو كنت وصلت وقيس ع هذا المنوال اي حاجه انت شايف من منظورك أنها م كويسة ليك ولكن فالحقيقة دا الخير والمُقدر والمكتوب لحكمة لا يعلمها إلا الله
ومن نعم ربنا ع الإنسان أنه مداهوش المعرفة بعلم الغيب والمُستقبل لأنه هيُفسد كل قدر مكتوب ليه
حاول وعافر لان انت جاي الدنيا عشان تعافر وبس ،
عافر حتى لو موصلتش وتذكر دايما
لا يُكلِّفُ اللَّه نفساً إلا وُسعها يصديقي.

-أنت خايف من إيه؟
ده أنت لو دخلت النّار هتاكل حاجة حلوة أوي.
-هاكل إيه؟
= زبدة وتمر.
__

في يوم أبو جهل كان قاعد وسط مجموعة من أصحابه من كُفّار قُريش عشان يحكيلهم عن الكلام اللي سمع عنه من سيدنا النبي صلى الله عليه وسلم بخصوص طعام أهل النار اللي هو الزَّقّوم.

فبدأ الكلام وقالهم:
"زعم صحابكم هذا أن في النّار شجرة، والنار تأكل الشجر وإنا والله لا نعلم الزَّقّوم إلا التمر و الزبدة "

أبو جهل وأصحابه كانوا مستغربين من فكرة إن هيكون في النّار شجرة زي شجر الدنيا وإنها هتفضل محمية من النّار ومش هتتعرض للإحتراق!

والفكرة دي كانت مخليه شكّهم في كلام وأخبار سيدنا النبي صلى الله عليه وسلم تزيد وإنه صلى الله عليه وسلم بيقول كلام مش منطقي، وبالتالي فهو مش نبي من عند الله!

ولما أستغربوا واتعجبوا من أمر الشجرة اللي مش هتتحرق رغم وجودها في النّار،

أنزل الله آية ٦٤من سورة الصافات
فقال تعالى:

"إِنَّهَا شَجَرَةٌ تَخْرُجُ فِي أَصْلِ الْجَحِيمِ (64)"
(يعني أصلها الجحيم وخُلقت من النّار)

فلما أبو جهل سمع الآية، رجع لأصحابه وجمعهم تاني والمرة دي عشان يقنعهم بطعام الزَّقّوم، وإنه مش حاجة بشعة زي ما المسلمين فاكرين!

وقال:"تعرفونها في كلام العرب أنا آتيكم بها"

فنده لجاريته وقال:
"ائتيني بتمر وزُبد"

فلما جابتله التمر والزبد بص لأصحابه وقالهم:
" تَزَقَّموا، فهذا الزَّقوم الذي يخوفكم به محمد"

(لإن الزقوم عندهم في لُغتهم هو التمر والزبدة!)

فأبو جهل من جهله افتكر إن الزَّقّوم ده اللي هو التمر والزبدة هو نفسه الزَّقّوم اللي ربنا بيتوعدهم بيه في النّار!

فأنزل الله فيهم آية ٦٣من سورة الصافات
قال تعالى:"إِنَّا جَعَلْنَاهَا فِتْنَةً لِّلظَّالِمِينَ (63)

-يعني إيه؟!
يعني "إنما أخبرناك يا محمد بشجرة الزَّقّوم إختبارًا تختبر به الناس، من يصدق منهم ممن يكذب"

-طب إيه هو ثمار شجرة الزَّقّوم الحقيقي مش اللي أبو جهل أفتكره؟

=قال تعالى:"إِنَّهَا شَجَرَةٌ تَخْرُجُ فِي أَصْلِ الْجَحِيمِ (64) طَلْعُهَا كَأَنَّهُ رُءُوسُ الشَّيَاطِينِ (65)

= يعني ثمار الشجرة دي على شكل راس الشيطان كتشبيه للقبح وإن طعمها مُر تكوي البطن نار بعد أكلها،

وقيل إن ثمارها على شكل حية كان العرب بيطلقوا عليها لفظ شيطان"!

والله أعلم.
أعاذنا الله وإياكم منها.

لما تسمع اسم النبي ﷺ وتصلِّ عليه
دا توفيق من ربنا مش شطارة منك..

طريقك في الدنيا هو انعڪاس لطريقك على الصراط يوم القيامة.

خد لحظة وراجع نفسك..
فين أنت؟ ومع مين؟
وهل الطريق اللي أنت ماشي فيه يرضي ربنا؟

اتقِ الله في نفسك، وماتضيعش الفرصة العظيمة اللي معاك دلوقتي.

الرجوع لله مش مجرد اختيار!

الرجوع لله هو الطريق للنجاة.

ڪل خطوة بتقربك من الطاعة؛ هتڪون سبب في ثِقَل ميزان حسناتك يوم الحساب.

فخلّيك واعي لنفسك، وماتسبهاش تجرّك لطريق بعيد عن ربنا.

واسأل الله دائما الهداية والثبات 💜💜💜💜💜💜💜💜💜💜💜💜💜💜.

إوعى تأجل توبتك!
قال ﷺ: «إنَّ اللهَ يقبلُ توبةَ العبدِ ما لم يُغرغرْ».

يعني لحد آخر نفس، باب التوبة مفتوح.

بس السؤال:
أنت ضامن تفضل عايش لحد إمتى؟!

اليوم ده هييجي بغتة، من غير مقدمات... فجهز نفسك قبل فوات الأوان!

-

ادعولي بما اننا في ايام كلها بركة فـ اتمنى منڪم اللي يصلي قيام الليل النهاردة يدعيلي معاه لإن حقيقي بمر بفترة مش أحسن حاجة ، ادعولي بس ان ربنا ييسرلي أموري ويوفقني في حياني ويفك كربي وهكون ممتنه جداً ليڪم بجد 🤍

صلة الرحم من أعظم وسائل القرب من الله عز وجل..

سبب للبركة في الرزق والعُمر، وسبب لرفع البلاء في الدنيا ودخول الجنة في الآخرة بإذن الله..

صلة الرحم سبب لصلة الله تعالى، فمن وصل أرحامه وصله الله بالخير والإحسان..

وعشان كل الأسباب دي وغيرها، لازم تنتبه لصلة أرحامك وتجعل الأمر من أولوياتك..

اتعلم تحافظ على طرق تواصل مختلفة معاهم، وجدد نيتك امتثالًا لأمر الله وطمعًا في عظيم الأجر..

ومتنساش قول النبي ﷺ: "مَن كانَ يُؤْمِنُ باللَّهِ واليَومِ الآخِرِ فَلْيَصِلْ رَحِمَهُ"..

فاستعن بالله واسأله أن يوفقك لصلة الرحم والمداومة عليها.💜

فضل الصلاة الإبراهيمية

الصلاة الإبراهيمية من أعظم صيغ الصلاة على النبي ﷺ، وهي التي تقال في التشهد الأخير من الصلاة. ولها فضائل كثيرة منها:

1. امتثال أمر الله تعالى: قال الله ﷻ: ﴿إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾ (الأحزاب: 56).


2. سبب لنيل شفاعة النبي ﷺ: فقد قال النبي ﷺ: "أولى الناس بي يوم القيامة أكثرهم عليّ صلاة" (رواه الترمذي).


3. تكفير الذنوب ورفع الدرجات: عن أنس بن مالك رضي الله عنه أن النبي ﷺ قال: "من صلّى عليَّ صلاةً واحدةً، صلّى الله عليه عشرَ صلواتٍ، وحُطَّت عنه عشرُ خطيئاتٍ، ورُفِعَت له عشرُ درجاتٍ" (رواه النسائي).


4. تحقيق القرب من النبي ﷺ يوم القيامة: فقد قال ﷺ: "إنّ أقربَكم مني يومَ القيامةِ أكثَرُكم عليَّ صلاةً" (رواه الترمذي).


5. تفريج الهموم وقضاء الحاجات: عن أبي بن كعب رضي الله عنه أنه قال للنبي ﷺ: يا رسول الله، إني أكثر الصلاة عليك، فكم أجعل لك من صلاتي؟ فقال: "ما شئت، فإن زدت فهو خير لك..." ثم قال له: "إذاً تُكفى همَّك ويُغفر لك ذنبُك" (رواه الترمذي).


6. سبب في استجابة الدعاء: حيث ثبت أن الدعاء يُستحب أن يبدأ بالصلاة على النبي ﷺ ويختم بها، مما يجعله أقرب للإجابة.



صيغة الصلاة الإبراهيمية:
"اللهم صلِّ على محمدٍ وعلى آلِ محمدٍ، كما صليتَ على إبراهيمَ وعلى آلِ إبراهيمَ، إنك حميدٌ مجيدٌ. اللهم بارِك على محمدٍ وعلى آلِ محمدٍ، كما باركتَ على إبراهيمَ وعلى آلِ إبراهيمَ، إنك حميدٌ مجيدٌ."

لذلك، ينبغي للمسلم أن يحرص على الإكثار من الصلاة الإبراهيمية لما فيها من الخير والبركة.

يـ أخي الناس لسه بتشوفك محترم وحد جميل

متطولش في الذنب أكتر من كدا.

بـاسـم الـلـه أرقـيـك


هل بإمكان الكلمات مهما كان حظها من الوضوح والبيان؛ رفع معنويات ذلك المريض، الذي أنشب المرض أظفاره في جسده المرهق النحيل؟!

- هل تستطيع أحرفي أن تنصهر في روحه فتلقي بذلك التعب في قعر الجحيم؟
و تكون هي الفجر الجميل، بعد ليلٍ قاتم كئيب طويل.!

- إليك: أشعر بهذا الوجع، إني أرى ظلمات موج الحزن الساكنة في عينيك، وأعلم أنك أيها الصامت المريض شخصٌ فريد في صموده، لهذا دعني أهمس لك: لقد كُتب أجر الصبر، لا تجزع ولا تبتئس وكن راضيًا؛ ولا تقنط من رحمة الله.
قل الحمد لله بصوت قوي شجاع، حتى يملأ الحمد آفاق السماء.

وثق أن الأمل بالشفاء يتحقق بالرجاء والدعاء، ابتسم، تخلص من أسر الحزن والخوف، وامض إلى عالم الأمل والتفاؤل..

"اللهم اشف مرضانا ومرضى المسلمين".

#رؤى_المخلافي

لو أنا كنت بتجوز وجه المأذون قال لزوجتي (هيتجوز عليكي) أو لقح بأي كلمة أو هزر بأي هزار هقوله اتفضل حضرتك انت مش هتعقد علينا ومش عايزين نتجوز من خلالك،

مرؤة الرجل لا تسمحله إنه يسمح لرجل آخر حتى لو رجل دين انه بهزر مع زوجته او يلقح عليها بأي كلمة.

أنا فاكر مرة كنت سايق ومعايا زوجتي فا سؤاق تاكسي زنق عليا كان هيخليني اطلع فوق الرصيف فا كلمته بكل أدب وقولتله كده ميصحش وبتاع،

مع أنه كان بيكلمني بأسلوب وقح جدًا  بس قولت قشطة غلبان وعلى باب الله.

بس أول ما بص لورا وشاف زوجتي ماسكة تليفونها بتصور راح شتمها
ساعتها أنا اتحولت من إنسان متحضر لواحد بلطجي وعجنته جوا التاكسي بتاعه لدرجة ان دراعي اتفتح واخدت ٣ غرز فيه.

الخلاصة: متسمحش لرجل تاني يمس زوجتك بأي كلمة حتى لو كانت هزار.
__

كان فيه صحابي اسمه " سعد بن عبادة " الصحابي ده كان شديد الغيرة جدًّا.
لدرجة مكنش فيه حد يجرؤ أن يتزوج إمرآة تزوجها وطلقها خشيةً من غيرته!

وسيدنا علي بن أبي طالب كان شديد الغيرة علىٰ السيدة فاطمة وكان يقول لها: "ما خير للمرأة؟ فكانت تقول: ألاَّ ترىٰ الرجال ولا يروها. "

وكان سيدنا عُمر بن الخطاب شديد الغيرة!
لدرجة أن رسول الله ﷺ أما رأىٰ قصره في الجنَّة وفيه حديقته جارية من جواري سيدنا عُمر لم يدخله أما تذكَّر غيرة سيدنا عُمر بن الخطاب عاملة إزاي.

وكان عمر والزبير - رضيَّ الله عنهما - يغاران علىٰ حريمهم وعِرضهم، لدرجة أنهم كانوا يغاروا عليّهم من الخروج إلىٰ المسجد.

وكان سيدنا علي بن أبي طالب يخاطب الرجال ويقول لهم: " لا خيرَ فيمَن لا يَغار. "
__

فالرجل الذي لا يغار علىٰ عرضه، وأهل بيته ويسعىٰ للحفاظ عليّهم وسترهم عن أعين الرجال، ليس لهُ الحق أن ينتسب إلىٰ معشر الرجال.

عن عبدِ اللَّهِ بنِ مسعودٍ أنَّهُ قالَ:
"ألا إنَّ اللَّهَ يضحَكُ إلى رجلينِ رجلٌ قامَ في ليلةٍ باردةٍ من فراشِه ولحافِه ودثارِه فتوضَّأَ ثمَّ قامَ إلى الصَّلاةِ فيقولُ اللَّهُ عزَّ وجلَّ لملائِكتِهِ: ما حملَ عبدي هذا على ما صنعَ؟ فيقولونَ: ربَّنا، رجاءَ ما عندَك، وشفقةً ممَّا عندَك، فيقولُ: فإنِّي قد أعطيتُه ما رجا وأمَّنتُه ممَّا يخافُ"
- إسناده حسن
*
يا عبدَ اللهِ لا تكن محرومًا!

مهما كانت مشكلتك كبيره، افتكر دايماً إن ليك رب كبير.
قادر يداوي قلبك بس انت خليك قريب♡.

جماعه ف واحده مش معاها فلوس وابنها بيموت م الجوع وبتشربوا مايه بسكر وعايزه تجيب علبه لبن تمنها 400جنيه ف اللي حابب يساعدها يبعتلي وابعتلوا رقم الكاش
@Habiba22244

ٰ
إنها دنيا فانية فلا تغتر بها ، هدفك هو الجنة ..

أسمعت ؟!

هدفك الجنة !

-

ٰ
إنها دنيا فانية فلا تغتر بها ، هدفك هو الجنة ..

أسمعت ؟!

هدفك الجنة !

-

في هذه اللحظة . .
تمتد يد الحنين إليّ، تدفعني إلى الخروج من زنزانة ــ اليأس ــ..
"إلى آفاق التفاؤل والطمأنينة"..

وأنت أيها الإنسان . .
ضع أوجاعك على منضدة الأمل، وثق بأنه العالمُ الماهرُ، والطبيبُ الحاذِق..

#رؤى_المخلافي

السلام عليكم ورحمة الله وبركاته.

رمضان مش مصباح سحري!

متفكرش إنك أول ما رمضان يبدأ هتنطلق في الدين وقيام ليل وصلاة ونوافل وخشوع وأنت ماستعدتش ليه من قبلها!

لو عاوز رمضان يغيرك ابدأ من دلوقتي!

ابدأ نقي قلبك من حُب الدنيا وملذاتها والمعاصي.. ابدأ خلي ليك أوراد ثابتة في القرءآن عشان لما رمضان يبدأ تعيش معاه بقلبك.

ابدأ بركعتين قيام ليل من دلوقتي عشان لما رمضان يجي تقدر تقيم الليل كله من غير ما تتعب وتكون مهيَّأ نفسك!

رمضان فرصة بتيجي كل سنة يا تستغلها صح يا هتخسر أشد خسارة!

"من أعظم محاسن ديننا القيِّم اتساعه لتُدارك ما فات من الصالحات:

ظلمت نفسك = استغفر
أذنبت = تُب
كسبت سيئة = أتبعها حسنة
فاتتك فريضة = اقضها
نمت عن حزبك من الليل = اقرأه في الضحى
نسيت أذكار الصباح = رددها في أي وقت.

لا يضيق الإسلام بأهله مهما فعلوا، هذه من تجليات اسم ربنا الواسع."

انا ببرئ ذمتي من أي حاجة حرام ساعدت وشجعت أي حد من صحابي عليها في حياتي ومن أي أغنية أو مسلسل أو فيلم رشحتهم لأي حد من صحابي في يوم من الأيام وأتمنى من أي شخص شجعته علي أي حاجه حرام يبطلها نهائي ويسامحني.

اللهمَّ إني أشهدك اني كنت علي خطأ ف تقبل توبتي وثبتني على البعد عن المعاصي وثبتني عند السؤال ياربّ.

الدين يسر👌

ڪلمة بنسمعها ڪتيير لما يڪون واحد بيعمل حاجه غلط في الدين او تقصير معين في الدين وحد شاافه و خاف عليه فحب ينصحه فبيقوله متعملش ڪدا او الا انت بتعمله دا ليس من الشرع فبيرد عليه ويقوله «الدين يسر» ربک غفور رحيم! وساعات بيتقال اهم حاجه ان قلبي ابيض!..

ڪل الڪلام دا جميل مفيش مشاڪل فعلا الدين يسر وفعلا ربنا غفور رحيم وفعلا النبي ﷺ نهي عن التشدد في الدين
لڪن!... ☝️

الدين يسر بما يسره الله تعالي لنا🩷

يعني ربنا سبحانه و تعالي لما انزل الدين انزله يسير الشريعه نفسها نزلت يسيره
مش احنا الا بنيسرها علي هوانا وعلي ڪفنا وعلي الحاجه الا بتڪون في صالحنا 😞
لا خالص الشريعه هي نزلت يسيره وربنا سبحانه و تعالي خففها علينا

يعني عندک مثلا الحجاب ربنا سبحانه و تعالي لما فرض الحجاب فرضه بشروط
يعني مثلا يڪون مش شفااف و يڪون واسع و فضفاض مبيجسمش الجسم ويڪون مش مُلفت للنظر
ڪل دا شرووووط الحجاب
لما تيجي بنت لبس مثلا بنطلون وطرحه!
وتقولها ان دا مش من الشرع و دا مش حجاب تقولک «لا الدين يسر و ربك غفور رحيم اهم حاجه الا في قلبي وبعدين انا لبسه طرحه اهو و بعدين انا نيتي سليمه انا مش لبسه اللبس دا علشان خاطر اغوي به الناس لاااا
لاڪن انا لبسه علشان خاطر يبقي شڪلي حلو مفيش مشاڪل تبقي شڪلك حلو بس بما يسره الله عز وجل

وڪذلك امور ڪتيير في الدين بنعملها علي هوانا بحجة ان الدين يسر وربنا غفور رحيم عايزک ترڪز معايا في الڪم آيه و الحديث الا هقولهم دول لان هم هيفهموگ فڪرة التيسير في الدين
الله عز وجل بيقول
[ يُرِيدُ اللَّهُ بِكُمُ الْيُسْرَ ولا يريد بكم العسر]

وفي آية تانيه بيقول

[ لا يُكَلِّفُ اللَّهُ نَفْسًا إِلَّا وُسْعَهَا.]

الايتين دول بيعرفوטּ حاجه 👌

ان اصلا التشريع الا ربنا سبحانه و تعالي شرعوا في الدين اصلا نزل يسير لذلك ربنا قالك متخفش مش هكلفك حاجه فوق طاقتک لذلك لما ربنا يفرض عليك حاجه اعرف ان دي ايسر حاجه وانت تقدر تعملها ولان ربنا سبحانه و تعالي يعلم ان احنا ضُعفاء يسر علينا الدين لذلك قال ايه..[يُرِيدُ اللَّهُ ان يخفف عنكم]
ليه يا رب؟
[ وَخُلِقَ الْإِنْسَانُ ضَعِيفا]
انا و انت ضعاف علشان ڪدا ربنا سبحانه و تعالي خفف علينا الدين و يسره لنا و مع ڪل التيسير دا ربنا سبحانه و تعالي بيقول [فَاتَّقُوا اللَّهَ مَا اسْتَطَعْتُمْ]

يعني ڪل امر فرضه ربنا لو انت مش قادر تنفذه علي اڪمل و جه زي ما ربنا امرک بسبب مرض او اي حاجه
ربنا بيقولك اعمله بالطريقه الا تقدر تعملوا به من غير متشق علي نفسك
النبي ﷺ نهي عن التشدد في الدين في ناس كدا بتحب تعمل حاجات في الدين زياده عن اللازوم شددو علي نفسهم في الدين ف النبي ﷺ قالهم « إِنَّ الدِّينَ يُسْرٌ، ولنْ يشادَّ الدِّينُ إلاَّ غَلَبه فسدِّدُوا وقَارِبُوا وَأَبْشِرُوا» الدين شرائعه ڪتير و عباداته ڪتير و اموره وطرقه ڪتير فانت متشددتش علي نفسك في الدين فتقع وتنتڪس وتبعد تماما عن ربنا لذلك النبي ﷺ قال فسدِّدُوا وقَارِبُوا وَأَبْشِرُو
لذلك النبي ﷺ لم ُيخير بشئين الا اختار ايسرهما لذلك قال تلات مرات
ان خير دينڪم ايسره
ان خير دينڪم ايسره
ان خير دينگم ايسره انڪم امة يريد بڪم اليسر
وربنا سبحانه و تعالي في القرآن بيقول
« وَكَذَٰلِكَ جَعَلْنَاكُمْ أُمَّةً وَسَطًا»
احنا امة اليسر و التوسط
امة عدم التشدد لو فهمنا دينا صح هنعيش في يسر هنحس قد ايه ربنا سبحانه و تعالي اراد ان يخفف عننا ويجعل ڪل امر بنعمله في يسر وبرڪة
🩷

أنا عارف إنك تعبانة جداً الفترة دي ومش كويسة وعايشه في متاهة كمان بس لازم تفهمي إن ربنا مش ضدك ولا ضد سعادتك، كل حاجة بتحصل معاكي ربنا له حكمة فيها بلاش تفتكري إن ربنا ناسيكي، ربنا عالم بتعبك وعالم بصعوبة حياتك عالم إن طاقتك خلاص شبه خلصت لكن خليكي متأكدة إنه مستحيل يسيبك فى موقف صعب عليكي وقريب هتعرفي الحكمة فاللي إنتي مريتي بيه وصبرتي عليه ومتخفيش مش هيضيعك ولا هيسيبك وهيعوض قلبك بعوض عظيم عمرك ما كنتي تتخيليه وهيفتحلك أبواب عوض ملهاش آخر هانت أوي والله فمتزعليش وسلميها لله واطمني وقولي يا رب.

يا رب🤲🤲
دعواتكم فضلا🤲🤲🤲

|💜🖇

جرب وانت زعلان ومضايق وقلبك مفروم من العياط تقرأ ﴿ سورة البقرة ﴾ وشوف كمية السكينة والطبطبة والهدوء والراحة اللي هتنزل علي قلبك 🥺💜

واحد شتم أبوك وهانه وقال كلام ميصحش فيه، وعمل حفلة لدا وفرح وعيد!
انت بقى عملت اي؟!
قلت له: كل سنة وانت طيب، وممكن تحضر معاه وتجيب لوازم العيد معاه. 😀
هل دا ممكن يحصل؟!
بديهي وطبيعي أكيد لا!!
تخيل بقا جماعة افتروا الكذب على ربك اللي خلقك وخلق اللي خلفوك، ونسبوا ليه الولد، وتيجي بسلامتك تعيد عليهم ومعاهم وتطلع معاهم وتفرح معاهم، وكمان تبجح وتنكر على اللي بينصح ويردك عن دا وتقول دا يوم من ايام ربنا وانت عدو الوطن وارها. بي، انت هتعمل نفسك شيخ، انت هتفتى، ع فكرة أنا سألت شيخ وقال حلال!!!

هسسسس لا تكون ديوثا في اعتقادك 🤫

#وقفات
https://t.me/Okafat0

عـاوز أقـولك مـع ڪل ڪلمة يـارب بتـقولها مـن قـلبك فـي عِـزّ خـنقتك و مـع ڪل دِمـعَة بـتنزل مـنك وأنت بـتڪلم ربنـا حَـتي لو مـن غـير صوت و بـعينك بـس ، ومـع ڪل ڪسرة ڪتمها في قـلبك ....

بـس عـارف إن ربنـا مـش هـيسيبك  ربنـا حـاسس بيـك جِـداا أڪبر ممـاا تتـصور ، خـليك واثـق بـإن الـ انـت حـاسس بيـة'ه ده مـش دايـما ، ڪُل حـاجـة و لـيها آخـر مـفيش تـعب بيـدوم ، و ديمـاً آخـره الـصبر مـعروفة أخـرتها جـبر و فـرج مـن حـيث لا تـحتسب ، مـا تيـأسش مـن رحـمة ربنـا ..
هـيجي الـوقت الـ ربنـا يـعوض قـلبك فيـه عـن ڪل وجـع وإحـساس وتـعب وعـياط وأذي وأنڪ تتـساب وتُـخذل ڪل حـااجه أنـت شـوفـتها..

"‏القرآن يصنع منك شخصية مختلفة، مختلفة تمامًا، يُستحال أن تعطي القرآن وقتك وجهدك ولا تجد له أثر، يُستحال أن تبقى عاداتك السيئة كما هي، يستحال أن لا تجد بركة القرآن على نفسك وخُلقك حتى في الابتلاءات تجد أنّ التسليم والرضا دأبك وعادتك والطمأنينة تنزل على قلبك كأنك لم يُصِيبك شيء قطّ!" 💛

إيّاكَ أنْ تَزنِيَ بامْرَأتِكَ!

قال رسول الله - صلّى الله عليه وسلّم-:
"أيُّما رجلٍ تَزَوَّجَ امرأةً على ما قَلَّ مِنَ المَهْرِ أوْ كَثُرَ ، ليس في نفسِهِ أنْ يُؤَدِّيَ إليها حقَّها ؛ خَدَعَها ، فماتَ ولمْ يُؤَدِّ إليها حقَّها ؛ لَقِيَ اللهَ يومَ القيامةِ وهوَ زَانٍ ، وأيُّما رجلٍ اسْتَدَانَ دَيْنًا لا يُرِيدُ أنْ يُؤَدِّيَ إلى صاحِبِه حقَّهُ ؛ خَدْعَةً حتى أَخَذَ مالهُ ، فماتَ ولمْ يَرُدَّ إليهِ دِينَهُ ؛ لَقِيَ اللهَ وهوَ سارِقٌ" .

⚘الرّاوي : أبو ميمون الكردي | المحدّث : الألباني |
المصدر : صحيح الترغيب.
الصفحة أو الرقم: (١٨٠٧).
خلاصة حكم المحدث : صحيح.

⚘شرح الحديث:
حثَّ الشَّرعُ الحَكيمُ المُسلِمينَ على الوَفاءِ والصِّدْقِ في المُعامَلاتِ، وبيَّنَ سُوءَ الخيانةِ وعَدَمَ أداءِ الحُقوقِ لأهْلِها.
وفي هذا الحَديثِ يقولُ النَّبيُّ صلَّى اللهُ عليه وسلَّمَ-:
"أيُّما رَجُلٍ تَزوَّجَ امرأةً" بعَقدٍ صَحيحٍ وأركانٍ كامِلةٍ، "على ما قَلَّ من المَهْرِ أو كَثُرَ" فَرَضَهُ لها، وجعَلَ جُزءًا منه أو كُلَّهُ مُؤخَّرًا بعدَ أنْ دخَلَ بالمرأةِ.
والمَهرُ: هو المالُ الَّذي يَجعَلُهُ الرَّجُلُ للمَرأةِ بما استحلَّهُ من فَرجِها، "ليس في نَفسِهِ أنْ
يُؤدِّيَ إليها حَقَّها؛ خَدَعَها" بالتَّحايُلِ عليها أوَّلًا لِيَتِمَّ الزَّواجُ.

ثُمَّ إنَّه تَعمَّدَ وأخْفى في نَفسِهِ ألَّا يُعطِيَها هذا المالَ الَّذي هو في الأصْلِ كالدَّينِ بتَملُّكِهِ للمرأةِ والدُّخولِ عليها، "فماتَ، ولم يُؤَدِّ إليها حَقَّها" من المَهرِ الَّذي اتَّفَقَ عليه مع وَلِيِّها، "لَقِيَ اللهَ يَومَ القيامةِ وهو زانٍ"؛ لأنَّه استحَلَّ فَرْجَ امرأتِهِ؛ ولم يُؤَدِّ إليها حقَّها في المَهرِ، وهو من أحقِّ الشُّروطِ وأوْلاها بالوَفاءِ.

⚘وقد قال النَّبيُّ صلَّ اللهُ عليه وسلَّمَ- في الحَديثِ المُتَّفقِ عليه: " إنَّ أحقَّ الشُّروطِ أنْ يُوفَّى به ما استَحْلَلْتُم به الفُروجَ"، وقال تَعالى: {وَمِنْ آيَاتِهِ أَنْ خَلَقَ لَكُمْ مِنْ أَنفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً} [الروم:٢١].

⚘وهذه الخَديعةُ لا تَتَّفِقُ مع الوَفاءِ والمَودَّةِ والرَّحْمةِ، أمَّا الزَّوْجةُ فلا إثمَ عليها.
ثُمَّ قال النَّبيُّ- صلَّ اللهُ عليه وسلَّمَ-: "وأيُّما رَجُلٍ استَدانَ دَينًا" بأنْ أخَذَ مالًا من غَيرِهِ على سَبيلِ الدَّينِ، "لا يُريدُ أنْ يُؤدِّيَ إلى صاحِبِهِ حقَّهُ؛ خِدْعةً حتى أخَذَ مالَهُ" بأنْ أخَذَ المالَ وانتَفَعَ به، وكانت نِيَّتُه أنْ يَخدَعَ صاحِبَ المالِ، ولا يرُدَّ إليه مالَهُ، "فماتَ، ولم يرُدَّ إليه دَينَهُ؛ لَقِيَ اللهَ وهو سارِقٌ"؛ لأنَّه أخَذَ المالَ بغَيرِ حقِّهِ، ولم يرُدَّه إلى صاحِبِهِ مرَّةً أُخرى، وهذا يُشبِهُ فِعلَ السَّارِقِ، فكان جزاؤُهُ أنَّه يُحشَرُ أمامَ اللهِ وهو سارِقٌ يَومَ القيامةِ.

⚘وقد روى النَّسائيُّ أنَّ النَّبيَّ صلَّ اللهُ عليه وسلَّمَ- قال: " لو أنَّ رجُلًا قُتِلَ في سَبيلِ اللهِ، ثُمَّ أُحْيِىَ، ثُمَّ قُتِلَ، ثُمَّ أُحْيِىَ، ثُمَّ قُتِلَ، وعليه دَينٌ، ما دخَلَ الجَنَّةَ حتَّى يُقضَى عنه دَينُهُ".
وهذا كُلُّه من خيانةِ الأمانةِ، وأكْلِ حُقوقِ النَّاسِ بالباطِلِ
في الدُّنيا، فكانَ الجزاءُ غَليظًا عِندَ اللهِ تَحْذيرًا من مِثلِ هذه الأفْعالِ .

دايما بحكي على فضل الصدقه لكن بوستات انا عاملاها اغلب الوقت كوبي وببقي حاسه انو ياه وبشاركها لعل حد يستفيد لكن أنا شوفت فضل الصدقه جدا وحابه أشاركه معكم م فتره معينه كان معايا فلوس كان نفسي اطلع طلعت مبلغ صغير جدا ملهوش قيمه ومع ذلك كنت عماله ادعى ربنا ولا كانى طلعت مبلغ كبير وبعد كده لقيت حاجات كتير عكس المتوقع بابايا ادالي مبلغ كبير ومامتي بعيد عن اى حاجه ادتني بعد ذلك يشاء ربنا محفظتي تسرق بفلوسي وفلوس الدرس وزعلت اوي لان انا وقع مني فلوس فتره وهضغط ع اهلى روحت حكيتلهم وقولت هتقبل اى فعل وعلى عكس المتوقع اهلى تقبلو الموضوع بصدر رحب جدا وبابايا قالي عادي وادالي الفلوس ازيد م ال وقعت كنت حاسه ان ماشاءالله كل دا كرم ربنا عليا وذنوبي طب ربنا كرمني كل الكرم دا فَ بعد تجربتي بنصحكم طلعو أى مبلغ حتى لو شايفينه قليل وادعي رينا يفرج كربكم ، أسفه للأطاله ربنا يفك كربكم جميعا اللهم امين .♡

قدر الله وماشاء فعل فالحمد لله علي ما فقدنا والحمد لله علي ما أضعنا فكل شيء يحدث بمشيئة الله وكل امر يحدث فهو خير من الله ف اختيارات الله دائما صائبه فاللهم عوضني عن كل شيء واجعل ليا النصيب الأجمل من كل شيء ❤‍🩹
ادعولي

إلى مبيظبتش منبهه لصلاه  الفجر كل يوم لازم يراجع نفسه تانى وثالث لأن الأمر خطير والله.
و هقولك  على معلومه مهمه  جايز تهزك وتخليك تقوم مهما كنت تعبان وهى أن يوم القيامة هتكون الدنيا ضلمة جداً ومش هيساعدك فى هذه الضلمه الا انوار صلاه الفجر.
صلاة الفجر هتكون مصدر من مصادر النور يوم القيامة
لأن زى ما احنا عارفين ان  الشمس ستتكور  وستنكدر النجوم ، ويبعث الخلق في ظلمة شديدة ، ظلمات بعضها فوق بعض إذ أخرج يده لم يكد يراها ،ويحتاج الناس للنور لكي يدركو طريقهم  ، ويكون الجميع في أشد الإحتياج إلى النور عند المرور  على الصراط
اكتر حاجه هتسعفك هى  أنوار صلاة الفجر .
حيث قال  صلى اللّٰهُ عليه وسلم " بشر المشائين في الظلم الى المساجد بالنور التام يوم القيامة "
فاللهم أجعلنا منهم❤️

💭 جميل إن يكون لك طموحات وأهداف في الحياة سواء في أمور دينك أو دنياك..
وجميل إنك تسعى لتحقيقهم وتكون ناجح زي اللي نجحوا بفضل الله..
بس لازم تخلي بالك لإن سعيك للنجاح إما إنه يكون سلم يقربك من ربنا أو يكون زحليقة توقعك في ذنوب كتير..

💭 وسعيك للنجاح عشان يكون سلم يقربك من ربنا ورضاه 👈 لازم يكون منضبط بضوابط الشرع..
يعني مثلا تسعى للنجاح بالحلال ومن غير غش وخداع..
تسعى للنجاح بخطوات عملية تساعدك إنك ترتقي بنفسك وتطور من قدراتك..
تسعى للنجاح وانت بتاخد بالأسباب المتاحة وقلبك متوكل على الله بصدق ويقين لأنك عارف إن كل حاجة بأمره..
تسعى للنجاح وانت بتحب الخير لغيرك زي ما بتحبه لنفسك لإن النبي ﷺ قال "لَا يُؤْمِنُ أحَدُكُمْ، حتَّى يُحِبَّ لأخِيهِ ما يُحِبُّ لِنَفْسِهِ"..

💭 أما لو سعيت للنجاح من غير التزام بضوابط الشرع 👈 هتلاقي نفسك اتزحلقت في مستنقع ذنوب ومعاصي..
هتلاقي نفسك مثلا كل همك تحقيق النجاح حتى لو كان بالحرام..
تغش.. تخدع.. تسرق مجهود غيرك..
مش مهم.. المهم تنجح..
هتلاقي نفسك بتحسد غيرك وكاره إنه يتفوق عليك..
هتلاقي نفسك مش راضي بقضاء الله وقدره..
هتلاقي قلبك قسى واتملى أمراض وبقيت حد تاني..
هتلاقي نفسك حتى لو نجحت؛ هيكون نجاحك مزيف مافهوش بركة..

💭 الخلاصة 👈 اسعى للنجاح واجتهد واتعب وخد بالأسباب المتاحة بس بشرطين ✌️
1. يكون قلبك متوكل على الله بصدق ويقين لأنه سبحانه مالك المُلك وخزائن كل شيء بيديه.
2. يكون سعيك منضبط بضوابط الشرع لأن ما عند الله لا يُنال بمعصيته.

كرما ولطفا يرجى التواصل عبر المعرف الخاص

@abdalrahmanlays
رابط صراحة
http://114785288925364514989.sarhne.com

‏ضمّوا اسمي بين دعواتكُم، علَّ اللَّه يُزيح عنّي همّاً ويُحقَّق لي حُلماً بِدعوة أحدكُم
🤍

أنا عيطت لما سمعت القصة دي من صاحبتها.
بتحكي بتقول ، كنت بحب صاحب أخويا جدًا وهو كان جارنا ودايمًا بيجي عـندنا وبينا عـيش ومـلح ، كـنت بحاول بـقدر الأمكان أظهر قدامه عشان يلاحظني في الوقت ده اتقدملي زميلي في الجامعة ورفضته لإني بحب جارنا وفعلاً بعد محاولات مني خـطبني وده بعد مـا دعيت ربنا كتير جـدًا عـشان يكتبهولي وبعد الخطوبة بشهرين اكتشفت إني عندي " كانسر في الرئة "
آخر حاجة اتوقعتها إنه يسيبني بس للأسف ده اللي حصل رن عليا وقالي كدا بالحرف الواحد " أنا سألت دكاترة وقالوا إن الكيماوي بيعمل عقم وأنا من حقي أبقى أب عمومًا رحم الله امرؤ علم قدر نفسه وانا مش هقدر أكمل معاكي"
وسابني رغم إنه عارف إن عشان الرئة تستجيب للعلاج لازم المناعة تكون كويسة وأهم عامل لقوة المناعة هي النفسية.
ادمرت بالمعنى الحرفي وروحت أخد أول جرعة كيماوي في الفترة دي قربت من ربنا جدًا وحقيقي مكنتش ببطل دعاء وكنت دايمًا في دعائي أقول " لا إله إلا أنت سبحانك إني كنت من الظالمين "
كـنت بدعي ربنا يشفيني عشان بابا لإني كنت لما بخرج مـن الجلسة كنت بلاقيه نايم على الأرض مستنيني وهو بيعيط وكمان لإن مرضي نادر.
ساعتها عرفت إن زميلي اللي اتقدملي ورفضته كان متابع أخباري من بعيد ولما سمع عن مرضي لاقيته واقف في المستشفى ووقف جنبي وهو بيعيط وبيدعي ربنا يشفيني عشان نكمل سوا.
والله العظيم بعد أربع جلسات بالظبط الدكتور طلب مني أعمل أشعة عشان لو المرض مش بيخف يغير بروتوكول العلاج والمفاجئة إن لما روحت عملت الأشعة ملقتش آثار للمرض أصلاً ، مش عاوزة أوصفلك فرحتنا وفرحة بابا كنا مش مصدقين عظمة ربنا وعوضه.
والمفاجئة الأكبر إننا لما إتجوزنا حملت بعد شهرين جواز وأجهضت وحملت تاني.
ساعتها عرفت إن الشخص ساعات بيدعي بحاجات فيها هلاكه وإن في ناس تستاهل وناس متستاهلش ، في ناس بيحبونا في اسوأ حالاتنا وناس عاوزانا دايمًا منورين ولو تعبنا أو انطفينا يبعدوا.
صدقوني تراتيب ربنا جميلة وعظيمة والدعاء فعلاً بيصنع معجزات ولسه والله ياجماعة في ناس ولاد أصول وبيعرفوا يحبوا بجد. ♥
- حدثت بالفعل

في نفس الوقت الـ أنت بتنزل فيه أغاني على الاستوري وعلى صفحتك، في واحد بينزل قرآن وحجات بياخد عليها حسنات.

في نفس الوقت الـ أنت عمال تنظر فيه على بنات الناس، في واحد بيغض بصره.

في نفس الوقت أنتِ بتنزلي صور شباب وتتغزلي فيهم، في أخوات لما بينزلوا مقطع لأحد المشايخ الشباب بيتحط إيموشن على وشه علشان متفتنش حد.

في نفس الوقت الـ أنتِ بتفنني فيه إنك إزاي تظهري جسمك ومفاتنك بملابسك، في واحدة مش بيظهر منها أي حاجة.

في نفس الوقت الـ أنت بتقول كويس إني بصلي فرضين تلاتة، في واحد بيصلي الخمس فروض بالنوافل.

في نفس الوقت الـ أنت منتظر فيه رمضان عشان المسلسلات، في ناس منتظرة رمضان علشان القرآن والقيام والعتق من النيران.

في نفس الوقت الـ أنت عمال تغتاب وتكذب، في واحد بيحاسب نفسه على كل كلمة.

في نفس الوقت الـ أنت نايم فيه عن صلاة الفجر، في واحد صاحي قبل الفجر بنصف ساعة بيصلي القيام، وبيجهز نفسه لصلاة الفجر.

في نفس الوقت الـ أنت مش بتفتح فيه المصحف غير كل فين وفين، في واحد كل يوم بيقرأ جزء وأكتر.

في نفس الوقت الـ أنتِ بتربي بناتك وأولادك على الأغاني والرقص، في واحد بيسعى ليل نهار عشان أولاده يطلعوا حافظين لكتاب الله.

قال صلى الله عليه وسلم: "كُلُّ النَّاس يَغدو؛ فبائعٌ نفسَه فمعتقها، أو موبقها"
يعني إي؟ يعني كل الناس بتسعى وبتعمل، ي إما تبيع نفسك لله سبحانه وتعالى، وتتقيه وتطيعه وتبتعد عن المعاصي، فبالتالي هتعتق نفسك من النار والعذاب وتدخل الجنة، يا إما تبيع نفسك لهواك وللشيطان، فهتهلك يوم القيامة.

كُله شغال، أنت شغال للجنة ولا للنار..؟!

افسخ الخطوبه ولا اكمل و خلاص؟؟!

سؤال صعب.. لان الاختيار في الحالتين ممكن يكون مؤلم!
لكن الم عن الم يفرق... تعالوا نحسبها

البوست ده مش هدفه يوجهك لقرار معين لكنه بينبهك لخطر ممكن يكون موجود ... كل موقف له حساباته لكن خد بالك من اللي جاي

انا مش مرتاح دلوقتي... مشاكل و خناق... في خلال سنه اختلفنا كتير... اتفقنا علي حاجات و مش كل اللي اتفقنا عليه حصل... بس الحب موجود و فيه لحظات سعيده جدا... و فيه تعود ( تعلق) ... و احلام نفسنا نحققها... اخسر كل ده و ابعد ولا اكمل و انبسط حتي لو فيه مشاكل؟!!

١- لو خلال فتره الخطوبه كان فيه مشاكل كتير... المشاكل دي هتزيد بعد الجواز مش هتقل.. بسبب كتير من العوامل الجديده و التحديات الاصعب... احنا بننتقل لمستوي جديد من التحدي(اكثر صعوبه) لو مش ناجحين في المستوى الاول يبقي احنا بناخد قرار غير سليم

٢- مخك هيحاول يهرب من الم الفراق و الخساره و هيبدا يقدملك مبررات... اللحظات الحلوه و المشاعر الجميله و كمان ( احتياجك اللي خلاص قربت تشبعه عن طريق الزوج ).. و هيبدا يخبي الجزء المظلم... مشاكل و خناق و دموع و اهانه و ممكن خيانه عهد كمان

٣ - هنحل المشاكل بعد الجواز!! اكيد ده حل مقنع لكن اي مشكله بين طرفين عشان تتحل محتاجين تعاون و اراده كامله من الطرفين علي الحل مش طرف واحد... لكن لو طرف حاول يحل المشكله و الطرف التاني رفض مش هنوصل لنتيجه مهما حاولنا... و مهما استخدمنا من علم المشوره او تدخل كهنه مثلا لحل المشكله بنحتاج اراده من الطرفين و بدونها هيكون الحل هو الاحتمال او التعايش..

٤- كل البيوت فيها مشاكل عادي!! ... خلينا الاول نفرق بين الخلاف و الاختلاف
*الاختلاف ده شيئ صحي و مفيد لاننا بنكمل بعض و بنتعاون عشان نوصل لافضل قرار... الاختلاف لا يفسد للود قضيه.. الاختلاف مليان مناقشه و تعاون و حب و طبطبه و تواضع و ابتسامة كمان
*اما الخلاف بيكون صراع فيه الطرفين بيخسروا ! .. الخلاف بيكون مليان مشاعر سلبيه و قله احترام و صوت عالي و دموع و كسره قلب و خصام و حزن و سوء ظن و تجريح
* اغلب البيوت فيها خلاف و بيوت قليله فيها اختلاف...و كل واحد بيختار عايز بيته يكون ازاي

في النهايه خساره فرصه تقدر تعوضها... افضل من مغامره غير محسوبه هتدفع تمانها العمر كله

" كل ما الواحد بيكبر بيزيد يقينه في شئ واحد بس..

{يقُولونَ هَلْ لَنَا مِنَ الأَمْرِ مِنْ شَيْءٍ قُلْ إِنَّ الْأَمْرَ كُلَّهُ لِلَّهِ}

كل حاجه من توفيق ورزق وهداية وبركة لله
كله لله.. بإرادة الله.. بقدر الله.

ليس لك من الأمر شيء، ما عليك إلا السعي،
وما شاء الله كان، وما لم يشأ لم يكن .."

بتعمل المعصية..

وبعدها تفكر تصلي أو تقرأ قرآن أو تسمع درس ديني

تلاقي الشيطان جاي يقولك : هو أنت فاكر إن ربنا هيتقبل منك بعد اللي عملته ده؟

الشيطان عدو مضل مبين، الشيطان مش هيسيبك في حالك!
خليك أذكى منه واوعى تستسلم!
كلنا بنعمل ذنوب ومعاصي..
ولو كل واحد أذنب ترك عباداته وحس باليأس يبقى مش هيكون فيه على وجه الأرض حد بيعبد ربنا!

أنت بتجاهد من ناحيتين..
إنك تواظب على الطاعات
وإنك تبعد عن المعاصي

طريقين لازم تمشي فيهم طول الوقت لحد آخر يوم في عمرك.. فـ ادعي بالقوة والثبات وربنا يعينك💚.

من اطاع الله لأجل شئ، أخذهُ الله الي الشئ 💜
وم اطاع الله لإرضاء الله أتي اللهُ بالأشياءِ إليه 💜
👆 اعد قرائتها بهدوء 👆

عارفين الكارثه فين ؟
اننا بقينا نستحلّ حُرمات كتير بداعي الهزار ..

- بقينا بنكذب عادي وممكن نحلف بالله كمان كذب لمجرد اننا نضحك غيرنا ، ونسينا قول النبي ﷺ ..
«ويلٌ للّذي يُحدِّثُ فيَكذبُ لِيُضحِكَ بهِ القومَ ، ويلٌ لهُ، ويلٌ لهُ»

- بقت الشتيمه بين الصحاب عادي ونوع من انواع الروشنه والهزار ، لدرجة انها وصلت لسب الدين ، ولعن الأموات .. ونسينا قول النبي ..
"ليس المؤمن بالطعان ولا اللعان ولا الفاحش ولا البذئ"

وفي حديثه عن لعن الأموات ..
قال رسول الله صَلَّى اللهُ عَلَيْهِ وَسَلَّمَ: «لا تَسُبُّوا الأمواتَ؛ فإنهم قد أَفَضَوْا إلى ما قَدَّموا» (رواه البخاري من حديث عائشة رضي الله عنها).

- بقى المنتشر دلوقت من ڤيديوهات كوميديه على السوشيال ميديا إن الرجال بتتشبه بالنساء والعكس مع البنات بداعي الهزار بردو وانهم بيضحكوا الناس ، ونسينا قول النبي ..
عن ابن عباس رضي الله عنهما قال: قال رسول الله ﷺ:
{لعن الله المتشبهين من الرجال بالنساء، والمتشبهات من النساء بالرجال} رواه البخاري.

- بقت الغيبه والنميمة هي فاكهة المجالس ، والقعده متحلاش غير بيها .. ونسينا قول الله تعالى ..
{يَا أَيُّهَا الَّذِينَ آمَنُوا اجْتَنِبُوا كَثِيرًا مِّنَ الظَّنِّ إِنَّ بَعْضَ الظَّنِّ إِثْمٌ ۖ وَلَا تَجَسَّسُوا وَلَا يَغْتَب بَّعْضُكُم بَعْضًا ۚ أَيُحِبُّ أَحَدُكُمْ أَن يَأْكُلَ لَحْمَ أَخِيهِ مَيْتًا فَكَرِهْتُمُوهُ ۚ وَاتَّقُوا اللَّهَ ۚ إِنَّ اللَّهَ تَوَّابٌ رَّحِيمٌ}.

وفي حديث عن النبي ..
عن أبي هريرة أن رسول الله صلى الله عليه وسلم قال:
"أتدرون ما الغيبة؟
قالوا: الله ورسوله أعلم، قال: ذكرك أخاك بما يكره،
قيل : أفرأيت إن كان في أخي ما أقول؟
قال: إن كان فيه ما تقول فقد اغتبته ، وإن لم يكن فيه فقد بهته".

- بقينا بنستخدم كلمة التنمر والسخريه على الغير عادي جدا وشايفين بردو ان ده نوع من انواع الروشنه .. ونسينا قول النبي ..
(( لا تَحاسدُوا، وَلا تناجشُوا، وَلا تَباغَضُوا، وَلا تَدابرُوا، وَلا يبِعْ بعْضُكُمْ عَلَى بيْعِ بعْضٍ، وكُونُوا عِبادَ اللَّه إِخْوانًا، المُسْلِمُ أَخُو الْمُسْلِم: لا يَظلِمُه، وَلا يَحْقِرُهُ، وَلا يَخْذُلُهُ))

وقول الله تعالى ..
{يا أَيُّهَا الَّذِينَ آمَنُوا لا يَسْخَرْ قَوْمٌ مِنْ قَوْمٍ عَسى أَنْ يَكُونُوا خَيْراً مِنْهُمْ وَلا نِساءٌ مِنْ نِساءٍ عَسى أَنْ يَكُنَّ خَيْراً مِنْهُنَّ} .

وللأسف بقى ينطبق علينا قول الله تعالى ..
﴿وَلَئِن سَأَلتَهُم لَيَقولُنَّ إِنَّما كُنّا نَخوضُ وَنَلعَبُ قُل أَبِاللَّهِ وَآياتِهِ وَرَسولِهِ كُنتُم تَستَهزِئونَ﴾ !

فاستقيموا يرحمكم الله 💙"!

" بس دي حاجة مستحيل تدمر حياة إنسان "

ضحكت بتعب مليان حزن وقلت:
" أصل أنا اللي سرقت الشبشب! "

الكل بص عليا ونظراتهم كانت بتاكلني وكأنهم بيقولولي:
" ليه عملت كدا؟ أنت مش إنسان! "
لكن أنا كنت قاعد برتعش لما سمعت منهم الخبر وتجاهلت نظراتهم اللي كلها استحقار وكراهية.. وبقيت أقول لنفسي بكل تعجب:
إزاي سرقة شبشب تدمر حياة بني آدم بالشكل ده؟

وقفت بصعوبة وحاولت أمشي لحد المسجد اللي سرقت من قدامه الشبشب ودخلت وانا ببص حواليا بخوف، لاقيت شيخ جه من ورايا وحط إيده على ضهري وقالي:
" مالك بترتعش كدا ليه؟ أنت كويس؟ "

وقعت على الأرض وانهارت في العياط.. قعد قدامي ومسك إيدي بطبطبة وبصلي عشان أحكيله اللي حصل، لاقيت نفسي بفتكر وبقوله: " أنا اللي سرقت الشبشب! "
بصلي بضحكة وقال: " وسرقة الشبشب تعمل فيك كل ده؟ بسيطة ياسيدي رجعه لصاحبه يلبسه تاني "

رديت بصوت مخنوق وقولتله: " بس صاحب الشبشب مبقاش عنده رجل عشان يلبسه "

الشيخ وشه اتغير وملامحه بقت ألوان.. كملت كلامي وقولت:
" أنا كنت شاب طايش، عايش الدنيا بالهزار والروشنة، كنت بشوف الذنوب بسيطة وخصوصًا لو كان فعلها صغير ومش مستاهل، مكنتش بسمع لنصيحة حد وكنت بطنش الآية القرآنية اللي كانت بتيجي قدامي صدفة في الفيس، والرسايل الربانية اللي بتقع قدام عيني وبتقولي الحق نفسك، الوقت بيفوتك! "
طنشت كل ده وجيت في يوم جمعة وسرقت شبشب من قدام المسجد ورميت شبشبي المقطوع ولبست الشبشب الجلد ومشت، وعيشت وكملت حياتي والذنب ده مخطرش على بالي، فكرت صاحب الشبشب أشترى غيره وخلاص، لكن صاحبه كان مريض سكر ولما لقى الشبشب مسروق مشى حافي.. وهنا المسمار دخل في رجله وسببله بتر ورجله اتقطعت، وكل ده عشان واحد شبهي مستصغر الذنب وبيضحك على الذنوب الصغيرة!

الشيخ بلع ريقه وسحب إيده من فوق إيدي، وأنا كنت بزيد في العياط والندم وأقول " مستحيل ربنا هيسامحني ياشيخ صح! "
أنا متأكد إنه هيردها في صحتي!

وزي ما الحسنة الصغيرة بتدخل صاحبها الجنة، في ذنب هامش ممكن يوقع صاحبه في الجحيم.

الشيخ سكت شوية وقال :
كُل ليلة خُتمت بتلاوة سورة الملك ، بشر لصاحبها في حياته بعودة قلبه للفطرة، وفي الآخرة بشفاعتها له ..
قال رسول الله صلى الله عليه وسلم: إنَّ سورةً في القرآنِ ثلاثونَ آيةً شفَعت لصاحبِها حتَّى غُفِرَ لَه تَبَارَكَ الَّذِي بِيَدِهِ الْمُلْكُ "

صاحب سورة الملك وهي هتنجيك صدقني!

مشيت بعد الصلاة وانا بقول إزاي؟ الأمر مش بالسهولة دي!
معنى كدا إن أي حد هيعمل ذنب كبير يروح يقرأ سورة الملك وخلاص؟ طيب ما كل الناس تقراها بعد كل ذنب ومتعيطش!
قعدت كل يوم اقراها ولما أفتكر الراجل وهو قاعد عاجز قلبي يتعصر ودموعي تسيل.. وجيت في يوم صحيت للفجر وعاهدت ربنا إني هصلي طول عمري بس الراجل ده يسامحني!

وبعد سنتين ختمت ربع القرآن حفظ، وسمعت إن الراجل ده على فراش الموت.. بقيت أخرجله صدقات باسمه، وأعمل الخير بنية إن ربنا يهوّن عليه لحد ما في يوم الراجل ده طلبني بالاسم!

مشيت روحتله وانا رجلي بتخبط في بعضها وقلبي بيرتجف من الخوف وحاسس إني بتنفِس من خرم إبرة!
دخلت عليه الأوضة وفضلت باصص في الأرض ودموعي بتنزل بكل هدوء.. لاقيته بص لكل اللي حواليه عشان يخرجوا بره وبعدين بصلي وقالي: " أنا مسامحك! "

بصيتله ولسه هقوله: " عرفتني إزاي؟ "
رد وقالي: " أنا حلمت بيك، الملايكة كانت بتحط في إيدي فاكهة من الجنة، وقالتلي أشاركها معاك وناكلها سوا ولما قولتلهم مين ده؟ قالولي إنك بتشاركني حسناتك وجه الوقت اللي أشاركك فيه فاكهة أهل الجنة، بس قبل ما أروح الجنة أنا حبيت أسامحك في الدنيا "

لاقيت نفسي بنهار من العياط وبقوله:
" وذنب رجلك مين يسامحني فيه "

رد وقالي: " أنا لما روحت للدكتور قالي المسمار ده جه في طريقك عشان ينجيك، رجلك كان فيها صديد وكان هيطلع على جسمك وتموت على طول، أنت منحتني سنتين زيادة أعبد فيهم ربنا "

شكرًا ليك..

وقفت وانا باصص للسما ودموعي بتنقط نار في قلبي، معقول القرآن بيعمل كل ده؟ إزاي ربنا بيرتب الأمور لكل عباده بالشكل العجيب ده؟ إزاي فيه حل لكل مشكلة كدا؟

لاقيت صوت بينادي في ودني وبيقول:
النبي ساب لينا كل الحلول بس إحنا اللي مش حافظين الدين صح!

ومن يوم ما بقيت أستاذ في الأزهر الشريف وأنا بقيت بحكي قصتي دي لكل الناس، عشان يدعوا للراجل ده وعشان محدش ييأس من رحمة ربنا.

بلاش تستصغروا الذنب عشان ضخامة عذابه بتكون صعبة.
وبلاش تستصغروا الحسنة والخمسة جنيه اللي بتفكرها قليلة لما تطلعها صدقة، وقراية صفحة من القرآن كل يوم!

زي ما نقطة المية بتنقذ روح.. القليل من القرآن بينقذك ! ❤🌻.

رسالة حلوة لكل بنوتة...

أياً كان شكلك ! أياً كانت ملامحك ! :)
أياً كانت درجة تعليمك ! أياً كان مؤهلك ! :)
أياً كان لونك ! أياً كان طبعك ! :)
أياً كانت بيئتك ! أياً كانت عيلتك ! أياً كان مستوي معيشتك ! :)
أياً كان شغلك ! أياً كانت شخصيتك ! :)
فيكي شئ مش موجود في غيرك ! :)
بيميِّزك انتي ! انتي وبس !
والشئ ده انتي مش هتاخدي بالك منه !
لانه جزء منك .. وفي الغالب احنا واخدين علي نفسنا للدرجة اللي تخلينا نتجاهل اي شئ جميل فينا ! :)
زي بالظبط ما تلبسي كل يوم نفس لون الطرحة !
انتي بتشوفي نفسك كل يوم ! أخدتي علي جمالك !
لكن انتي جمالك مايتاخدش عليه
انتي جمالك مش في حد غيرك .. !
عشان كده كوني واثقة من نفسك !
انتي احسن واحدة في نظر نفسك :) !
انتي تستاهلي تكوني سعيدة وفخورة بنفسك !
مهما كان اللي وصلتيله في حياتك !
حتي لو مش راضية عن نفسك !
لازم ترضي .. لانك ببساطه مش عارفة قيمة نفسك الحقيقية !
قيمتك انك كنز ! وكنز محدش يعرف يقدر ثمنه
انني جميلة_ي_غالية .. ولازم تؤمني بجمالك عشان دي حقيقة ! :)
انتي طموحة_ي_غالية بدليل انك تتمني تكوني بكرة احسن مليون مرة من النهاردة وبتشتغلي علي نفسك ولو حتي بالدعاء ! :)
انتي مثقفة_ي_غالية .. مش اي حد يقدر بكلمتين ملهومش لازمة يجرح فيكي ويهز ثقك بنفسك ! :)
انتي شجاعه_ي_غالية .. ياما مريتي بمواقف تهد جبال .. وعدتيها ومن غير ما حد يقف جنبك .. لان ربنا دايما جنبك ! :)
انتي قوية_ي غالية :) .. ايوه قوية وقوتك جوة قلبك اللي بيداوي في نفسه كل يوم عشان يكمل المسيرة ومايقعش في نصها ! :)
نفسك تستحق منك تقفي علي رجلك و تنفضي تراب أشباه البشر اللي وقعوكي في مستنقع الأوهام !
وتستعيني بربك وتقولي اللي خلاني اكمل لحد دلوقتي هيخليني اكمل لحد الجنه !
انا قوية .. كفاية ان معايا القوي
يمكن انتي مريتي بمواقف ضيعت منك حاجات كتير !
لكن صدقيني .. غلطان اللي بيقول اللي اتكسر مابيتصلحش :)
اللي اتكسر بيتصلح لان ربنا اللي هيصلح .. وربنا بديع♥️🌼

✅مقطع نفيس جداً

👌يحتاجه كل طالب علم

🎙️للشيخ المحقق أ.د صالح سندي

للاستماع للمقطع كامل هنا👇
https://youtu.be/mRMtXcP10no?si=U-b7OGqne-2mWpOa

يا جميلتي ..
من لم يطرق بــابــكِ حلالاً .. ؟

لا تحادثيه .. لا ترسلي إليـه صوركِ ..
لا تأمنيه على نفسكِ .. لا تقدمي إليـه قلبكِ ..
سيطلب منك كل شئ باسم الحب
فلا تصدقي هذا الكذب
- من أحبك، سيخاف عليك ولن يرضى لكِ
بهذا 🚫
ثــم إنَّ ..
لكِ سمعةٌ لا تفسديها ..
لكِ صحيفةٌ لا تدنسيها ..
لكِ والدٌ لا تحني رأســه .
لكِ والدةٌ لا تؤذي قلبها ..
لكِ أخٌ لا توغري صدره ..
#بل يــا عزيزتي لكِ ربٌ يغار عليكِ فلا تجعليه أهون الناظرين إليكِ..

لا تركضي خلف مشاعرٍ زائفة ..
فوالله لا خيرَ في حبٍّ يتخفى كــأنه خطيئة أو عــار !♥️🌼

= بس أنا جاي الأرض أعيش يومين .

_أنت مش جاي عشان تعيش يومين أنت جاي تعبد ربنا وتعيش بالطريقة الـ تُرضي ربنا .

أنتَ عَبدْ .

فتأدبْ.💛

{وإذا قيل له اتقِ الله أخذته العزة بالاثم}
الايه دي هتفضل مرجع ،،
انك مهما وصلت لصلاح أو علم أو غيره ،
انك محتاج نصيحه عشان تقدر تبقي احسن ،
وأنك وارد تغلط ده جزء من تكوينك ..
وأنك مش جامد ومبتغلطش لا .

‏في غزوة ذي قُرُد أفلتت امرأة الغفاري على ناقة من إبل رسول الله صلى الله عليه وسلم، ونذرت لله أن تنحرها إن نجاها الله عليها!
فلما سمعها صلى الله عليه وسلم تبسم ثم قال:
«بئس ما جزيتها أن حملك الله عليها ونجاك بها ثم تنحرينها!»

-الوفاء وحفظ الصنائع حتى مع الحيوان!

*الي بيتكلم وقت الأذان مابيعرفش يقول الشهادة,,غلط❌
*لا يوجد أي حديث صحيح او اية تدل على هذا الكلام✅

*تحرم المرأة على زوجها بعد موته ,,غلط❌
*قد دلت الأدلة الشرعية على أنه لا حرج على الزوجة أن تغسل زوجها، وأن تنظر إليه ولا حرج عليه أن يغسلها وينظر إليها، وقد غسلت أسماء بنت عميس زوجها أبا بكر الصديق - رضي الله عنهما-، وأوصت فاطمة أن يغسلها علي - رضي الله عنهما✅

*ينادي المرء يوم القيامة باسم والدته ,,غلط❌
*في سنن أبي داود بإسناد جيد (قاله ابن القيم في تحفة المودود): عن أبي الدرداء قال: قال رسول الله صلى الله عليه وسلم: "إنكم تدعون يوم القيامة بأسمائكم وأسماء آبائكم، فحسنوا أسماءكم".✅

*متقوليش يجعل مثواه الجنة وقولي مأواه الجنة عشان " عندها جنة المأوى" ، انما  مثوى معناها مكان في النار "وَمَأْوَاهُمُ النَّارُ وَبِئْسَ مَثْوَى الظَّالِمِينَ "غلط❌
*كلمة مثوى ليست مختصة بالعذاب فقط ، بل بالتكريم  وَقَالَ الَّذِي اشْتَرَاهُ مِنْ مِصْرَ لِامْرَأَتِهِ أَكْرِمِي مَثواه ، {سورة يوسف}
*وجائت مأوي في " فإن الجحيم هى المأوى"✅

*نايم بياكل رز مع الملايكة ,,غلط❌
*الملائكة لا تأكل ولا تشرب ولا يصح قول هذا ✅

#مفاهيم_خاطئة

من اتّقى الحرامَ لوجه الله، أقرَّ اللهُ عينَه بالمُتاح من الحلال
و ربُّك الأكرمُ💙

ما الشيء الذي قرأته مؤخرًا وألهمك؟

ليتنى وجدت من ينصحني هذه النصيحة فى مقتبل عمري

قال الإمام بن الجوزى :

( إكتم عن الناس ذهبك وذهابك ومذهبك)

فأما ذهبك :

فمالك وحالك وكل نعمة تنعم بها ، فلو معك مال قد تكون عرضة للحسد أو الطمع ، ولو لم يكن معك قد يعاملك أحدهم بشفقه ويستهين بك ، فكل ذي نعمة محسود .

أما ذهابك :

فتعني أى أمر تنوي عمله ، بيت جديد.. خطوبة .. مشروع .. إمسك لسانك ستجد خططك تتحقق بفضل الله ..!

سيدنا يعقوب قال لإبنه يوسف : لا تقصص رؤياك على إخوتك فيكيدوا لك كيداً ..!

لقد خشى على إبنه أن يحسده إخوته ، رغم إن النعمة كانت مجرد حلم لم يتحقق بعد ..!

والسؤال الذى سيتبادر للذهن هو : كيف يمكن الجمع بين هذا الرأى وبين الآية

"وأما بنعمة ربك فحدث" ؟

هذه الآية معناها ألا تنكر نعمة الله عليك ، وإحمده على كل حال ، ولتظهر آثار نعمته عليك فى اللبس والبيت والتوسعة على أهلك دون تبذير أو تفاخر ...

وأما مذهبك :

فتعنى لا تنصح احد الا لو طلب النصيحة ، ولا تتكلم عن نفسك كثيراً ماذا تحب وماذا تكره .. صحيح ان للحديث عن النفس شهوة سواء للمتحدث أو السامع .. لأن ذلك سيزيل بعض الغموض الذى يضيف لك زهوة ولمعان عند من تصاحبهم ، وأيضاً لكى لا تدخل فى جدالات عقيمة لا لزوم لها .

يقول سيدنا عمر بن الخطاب :

ندمت على الكلام مرات، وما ندمت على الصمت مرة ..!.

"سلامًا على من مرّ صدفة فاستغفر فزادني حسنة وزادت حسناته وخفف ذنبي وخففت ذنبه."🤍🖤🌴

حجابك "النقاب، الخمار، الطرحة" في المُناسبات..

المنتقبة:
- نقابك لا تحطي عليِّه ميكب في منقطة العيون، ولا تقلعي ولا تقصري الخُمار مِن تحته، لفي إي لفه شيك تعجبك مهما كانت بَس اهم شيء خمارك يكون مغطي منقطة الجيب!

المختمرة:
- خمارك، يفضل طويل زيِّ ما هوَ، المُناسبات مُش استثناء يا جميلتي، هتتحاسبي عليها زيها زيّ الأيام العاديه، مينفعش تقصري خمارك، او حتىٰ تبدليه بطرحه لأن ده حقيقي بيقلِل مِن قيمة الخمار، ولا تحطي ميكب بحُجة أن ده يوم واحد!

المحجبة:
- لا يجوز تقلعي طرحتك، طرحتك مترجعش لورا، شعرك ميبانش، هتفضلي قمر والله مِن غير ما يبان، الفُستان يكون فضفاض، لا يكون فيه جُزء شفاف ولا إي شيء، وصدقيني هتكوني حِلوه بردو!

في النهاية احب اقول"وَكُلُّهُمْ آتِيهِ يَوْمَ الْقِيَامَةِ فَرْدًا"، محدش هيتحاسب مكانك وأنا أولهم، وفُلانه اللِ بتحاول ترجعك خطوة وتقولك ده يوم واحد مُش هتفيدك بحاجه والله، يوم القيامة يصرخ الجميع ويقول نفسي نفسي، فعملك وجهادك هوَ بس اللِ هيشفعلك!

البنات ال بتقول يا نهار اسود 💔

ويا نهار طين ويا نهار زفت وماشابه..
اقرأي الحديث ده واعملي بيه وقولي لأصحابك اللي بيقولوا كدة

وقد جاء في الحديث الصحيح قول الله تعالى : يؤذنيي ابن آدم يسب الدهر وأنا الدهر بيدي الأمر أقلب الليل والنهار. رواه البخاري ومسلم واللفظ للبخاري.

حرام مينفعش تقولي اللفظ ده اعرفي ان اي حاجة بتحصلك بتكون من تدبير ربنا ازاي هيكون تدبير ربنا وحش ولعياذ بالله 💙

"البنت دي شمال"

الجملة دي كفيلة إنها تودي صاحبها النار.

{إِنَّ الَّذِينَ يَرْمُونَ الْـمُحْصَنَاتِ الْغَافِلَاتِ الْـمُؤْمِنَاتِ لُعِنُوا فِي الدُّنْيَا وَالْآَخِرَةِ وَلَهُمْ عَذَابٌ عَظِيمٌ}

الفترة دي بقينا نتكلم عن اي بنت كويسة او مش كويسة بطريقة بشعة او بمعني اصح بنستسهل نقول (البنت دي شمال) لو بنت لابسة لبس واسع ومشيت مشيتها مش عارفة تغيرها بنقول عليا شمال، لو وحدة لبست قصير بنقول عليها شمال،لو وحدة منقبة وضحكت بصوت عالي بنقول عليها شمال مين اداك الحق انك تقول كدا الحقيقة ان مش هيا الي شمال
"دماغنا ال شمال خاف علي بنات الناس عشان فيوم هيتردلك لل ف اخت او ام خليك ف حالك ربنا يعلم الي في القلوب ومتحكمش علي حد من منظره او ضحكته الي مش عارف يغيرها بنات الناس مش شمال انت الي تفكيرك شمال "
وأسباب تانيه كتير لو اتكلمنا مش هنخلص..💛

-ما يُقال بعد الصلاة

١- لا إله إلا اللّٰه وحده لاشريك له له الملك وله الحمد وهو على كل شيء قدير، لا حول ولاقوة إلا باللّٰه، لا إله إلا اللّٰه ولا نعبد إلا إياه، له النعمةُ، وله الفضلُ وله الثناء الحسن، لا إله إلا اللّٰه مخلصين له الدين ولو كَرِهَ الكافرون.

٢- أستغفر اللّٰه أستغفر اللّٰه أستغفر اللّٰه، اللهم أنت السلام ومنك السلام تباركت يا ذا الجلال والإكرام ٣مرات

٣- لا إله إلا اللّٰه وحده لا شريك له له الملك وله الحمد وهو على كل شيء قدير، اللهم لا مانع لما أعطيت ولا معطي لما منعت ولا ينفع ذا الجَدِّ منك الجَدُّ

٤- نقرأ آية الكُرسي

٥- نقرأ الإخلاص والمعوذتين

٦- اللهم أعني علي ذكرك وشُكرِك وحُسن عبادتك ٣مرات

٧- رَبِّ قِنِي عذابك يوم تجمعُ أو "تبعثُ" عبادك

٨- اللهم إني أعوذ بك من الكفر والفقر وعذاب القبر.

٩- اللهم إني أعوذ بك من الجُبْن وأعوذ بك من أن أُرَدَّ إلى أرذلِ العمر وأعوذ بك من فتنة الدنيا وأعوذ بك من عذاب القبر.

١٠- اللهم إني أسألك فعل الخيرات وترك المنكرات وحب المساكين وأن تغفر لي وترحمني وتتوب عليَّ وإذا أردتَ بعبادك فتنة فاقبضني إليك غير مفتون.

١١- نقول "سبحان اللّٰه" ٣٣ مرة
و"الحمدللّٰه " ٣٣مرة
و"اللّٰه أكبر " ٣٣مرة
ثم نقول "لا إله إلا ﷲ وحده لا شريك له له الملك وله الحمد وهو على كل شيء قدير

#أذكار_بعد_الصلاة

"قرَبِت مني وعينها مليانة دموع وقالت بكُل جُرأة:

- ماما قالتلي ربنا مابيخلقش حد وحش.

" المرة دي أنا اللي رجعت لورا ومشيت خطوتين لقدام، لإنها بتحب أمها بجد زي ما أم الولد اللي كانت علي كرسي بتحبه وماكنتش مصدقاني لما قولتلها إن إبنها بيكرهها.
وكمان ثقتها في نفسها كبيرة وإيمانها قوي ماصدقتنيش لما قولتلها إنتي وحشة زي البنت اللي كانت فوق الكوبري ما صدقتني.
وبرغم إني عرضت عليها فلوس كتير تجيب شوكلاتة لاقيتها برضو متمسكة بأمها وماحستش ناحيتها بأي طمع.

وشخص زي ده مستحيل أقدر أعمل معاه حاجة، لإنه أقوي مني بكتير"

ومرة واحدة سمعتها بتقول:

- أنت مين!

بصيتلها بطرف عيني وقُلت:

= أنا اللي هقف يوم القيامة في مشهد صعب قدام كل البشر، قُدام كُل الخصوم، الظالم والمظلوم، كل واحد ساب طريق الصح ومشي ورايا وهقولُهم:

"فَلَا تَلُومُونِي وَلُومُوا أَنفُسَكُم".

ولو حد فيهم قالي أنت السبب هقولُه:

"إِنِّي بَرِيءٌ مِّنكَ إِنِّي أَخَافُ اللَّهَ رَبَّ الْعَالَمِينَ"

دايمًا الاختيار قدامك أنا مابغصبش حد علي حاجة، أنا ملعون في كل الأديان وكل الأزمان.
بدخل للإنسان الضعيف وبستغل يأسُه وبالرغم إن بيكون فيه مميزات كتير أوي، إلا إنه مُصمم يفضل باصِص علي النقطة السودا الصغيرة اللي موجودة في وسط صفحة بيضا كبيرة، ويوم ورا التاني النقطة دي بتفضل تكبر تكبر لحد ما الصفحة كلها تبقي سودا.

النقطة السودا دي هي الشك والضعف، والصفحة البيضا هي الأمل والإيمان.

____

ربنا خلق كل البشر بقلب الطفلة نورهان، أبيض ونضيف، بيحب الناس، مش طماع، ماظلمش حد، إيمانُه قوي وشايف نفسه جميل، بس الشك بيخلينا ندور علي عيوبنا، ونتجاهل المميزات لحد ما النقطة السودا تفضل تكبر وتكبر واليأس يتمَكِن مِننا أكتر.

وفي اللحظة دي الشيطان بيتسغل الفرصة ويدخل حياتنا ويفرحنا لحظة نعيش بسببها طول عمرنا ندمانين.

فـ لو شوفت حد جميل قوله أنت جميل، ولو لاقيت عيب في حد قريب منك ماتبينلوش وحاول تغيرهوله.

ربي إبنك كويس وعرَّفُه إن الحلال هيفضل حلال والحرام هيفضل حرام، ومافيش حل وسط.
وإن الشيطان ضعيف وربنا ميزنا عنُه.

امسحوا النقطة السودا اللي في حياة بعض بجمال قلوبكُم وخلوا الصفحات كلها بيضا، ماتسمحوش لليأس إنه يسيطر علي عقل حد.
وماتسيبوش حبايبكُم لوحدُهُم كتير لإن الوحدة صعبة أوي وبتِطفي الروح وأهم سبب لليأس.

العُمر اختبار قُصير فـ عيشوه صح.

ربنا دايمًا سايبلِنا الاختيار
يا جنة يا نار.

-فكرة الموت مرعبه...
-فكرة انك تبقي ف قبر لوحدك ظلمه مرعبه...

-فكرة انك هتتحاسب لوحدك ع كل حاجه صغيره او كبيره مرعبه...

-فكرة انك مش عارف و روحك بتطلع هتحس ب اي مرعبه...

-فكرة انك مش عارف هتموت علي حسن خاتمه او سوء خاتمه مرعبه...

-فكرة انك مش عارف ان ممكن ذنب صغير عملته يضيع منك اخرتك مرعبه..

-فكرة انك مش عارف هتعدي من ع الصراط بسرعه و لا ممكن تقع مرعبه..

-فكرة انك مش عارف هتدخل النار و لا الجنة مرعبه...

-فكرة ان ممكن ربنا ينظرلك يوم القيامه نظرة غضب مرعبه....

كل الافكار دي بجد مرعبه جدااااا و محدش فينا عارف مصيره هيكون اي و مع ذلك انت لسه بتعمل الغلط و لسه مش بتفتح مصحفك و لا محدد ل نفسك ورد يومي..

انت مش خايف انك تموت ف اي لحظة؟ انت مش خايف انك تموت علي سوء خاتمه ؟ أنت مش خايف باب التوبة يتقفل ؟

بالله ارجع ل ربنا و توب و كفايه ذنوب و كفايه اغاني و كفايه علاقات غير شرعيه و كفايه معاصي و كفايه انك تعمل الذنب و تقول ما كله بيعمل لان ده غلط و كفايه تتحججي ب لبسك الضيق و تقولي ان دي موضه و كله كده البسي اللبس الشرعي بقي بالله كفايه معاصي الموت مش سهل ف توب و ارجع و باب التوبه مفتوح ارجع ل ربنا بقي لاننا مش عارفين هنموت امتي..

استغفر الله العلي العظيم و أتوب إليه عدد ما كان و عدد ما يكون و عدد الحركات و السكون♥️🌼

اللهم صل و سلم و بارك علي سيدنا محمد عدد ما كان و عدد ما يكون و عدد الحركات و السكون♥️🌼

بيقولك لما بتنزل بوست استغفار بنيه حاجه بتحصل وانا بتمني حاجه شبه مستحيله مش يمكن تنفع معايا ومعاكو
استغفروا بنيه تحقيق اللى فبالى وبالكم

كان فِـ بنت متعودة ديما انها تذاكر فِ الصاله تحت المروحه، وكان عندها تانى يوم امتحان مهم جدا وعماله تذاكر من بدرى، ومرة واحدة كدا جالها مغص شديد جداً لدرجه انها مبقتش قادرة تقعد مكانها قامت تريح فِ اوضتها وهى مخنوقه عشان امتحانها بكرة ومش عارفه تقعد من الآلم، يدوب هى قامت ولسه هتدخل الاوضه سمعه حاجه فرقعت فى الارض بصوت عالى، اتخضت ورجعت تشوف ايه اللى حصل  !!
لقت مروحه السقف اللى فى الصاله وقعت ما كان ما هى كانت قاعدة بالضبط .

فَـ متزعلش من اى ابتلاء لانك متعرفش ربنا شال عنك ايه بسبب الابتلاء الخفيف دة، لولا البلاء لكان يوسف مُدلّلا فِ حضن يعقوب، ولكنه مع البلاء صار، عزيز مِصر .
فَ لو علمتم الغيب لاخترتم الواقع. 🫶🏻

قبل اي انترفيو "خرج صدقة"
قبل اول يوم عمل جديد "خرج صدقة"
قبل اي إختبار "خرج صدقة"
قبل اي حدث مهم "خرج صدقة"
اول ما تقبض المرتب "خرج صدقة"
اول ما تحس انك تعبان "خرج صدقة"
-لو بالقليل وسييسر الله جميع أمورك ..
(خُذْ مِن أَمْوالِهِم صَدَقَةً تُطَهرُهُم وَتُزكيهِمْ بِهَا)
(مَا نَقَصَتْ صَدَقَةٌ مِنْ مَالٍ) رواه مسلم.
(داووا مرضاكم بالصدقة) حسنه الألباني.

المعاصي تسدُّ أبواب الرزق

وأن من ضيَّع أمر الله ضيَّعهُ الله.

عايزة أقول حاجة للشخص المُتعلِّق بالدنيا،

دا مش مكانك!
أنت شوية وماشي!

ما تتعلقش، وما تزعلش.

ليست دارنا ولا ديارنا
كُل ما فيها مُتعِب.. وكُل مَن فيها مُتعَب.

لا الدنيا لنا، وما كنا للدنيا.
كلنا لله، وإنا إليه راجعون.

في رِحلةِ العُمرِ والأيّامُ مُسرِعَةٌ
لا تنسَ مَن أنت.. أو مَا وجهَةُ السَّفرِ!

لبيك إن العيش عيش الأخرة.')!

أنا جاي أقولك النهاردة أن ربنا سبحانه وتعالى تدبيره عجيب فعلاً
يوديك مكان تتعلم فيه علشان تجهز لمكان غيره
يوديك مكان صدفة من غير تخطيط فتقابل شريك حياتك
يوديك مكان كويس تقابل فيه مدير يعلمك بضمير يجهزك بعد كده إنك تترقى وتكبر
يوديك مكان يعلمك فيه درس يخليك تبقى ناضج أكتر..
مفيش حاجه صدفة .. كله تدابير ربنا خير ليك..
حتى لو مش مبسوط دلوقتي فى مكانك أعرف إنها فترة وربنا بعد كده هيراضيك ♥️

إنا لله وإنا اليه راجعون
كلمة إن لله وإن اليه راجعون
ف الفتره دي مخيفه جداً💔
قلت اخليها فـ صفحتي مافيش واحـد ضـامـن عـمـره :
اللهم ارحمني يوم تزول ضحكتي ويختفي صوتي ربي اغفر لي وهب لي صحبه صالحه تدعو لي بعد مماتي
اللهم حسن الختام ، و حسن الرحيل ، و حسن الاثر ، اللهم ارحمنا برحمتك ي رب العالمين
قال تعالى:{ وَمَا تَدْرِي نَفْسٌ مَّاذَا تَكْسِبُ غَدًا ۖ وَمَا تَدْرِي نَفْسٌ بِأَيِّ أَرْضٍ تَمُوتُ ۚ إِنَّ اللَّهَ عَلِيمٌ خَبِيرٌ }
#اللهم_نسألك_العفو_والعافية_يارب❤️‍🩹

*مش معقول كل البنات دي ناسيين إنهم مسلمات وإن لبسهم ده ملوش علاقة بالإسلام..*

بسم الله والحمد لله؛

لن تَنتَكِس دفعة واحدة، ولكن بالتدرِج
سأخبركم قصة قصيرة جدًا مؤلمة:
كان عبدًا مؤمنًا طائعًا لربه زاهدًا في الدنيا، يُقيم الليل كله، يبكي فيه ويستغفر ربه على ذنبه، ثم تنازل عن شيء يسير في الدين -لعله لم يكن حرامًا- ثم توالت التنازلات، فترك أذكاره وحفظه وورده اليومي والنوافل وقيام الليل وصيام السُّنة ولم يعُد قلبه يتألم عند سماع الموسيقى والمعازف في الشوارع وفي وسائل المواصلات، وراح قلبه للدنيا فعاد مرة أخرى يغضب ولا يكظم غيظه، ويتصرف بطيش ولا يرى الصواب وعاد مرة أخرى لحياته قبل الإلتزام، مات قلبه وعميت بصيرته فأصبح لا يرى، وفيما ينفعه نور العين إذا عميَ القلب؟ ثم راح ينام عن صلاة الفجر، ويؤخر صلاة الفريضة! وما أعظم مصيبة هذا العبد! وإنا لله وإنا إليه راجعون!

ليت ما أصاب الفتى كان في بدنه، وهي السلامة، ولكن ما أصابه كان في قلبه وهي المُصيبةُ الكبرى، فعظُمت الفتنة وأصابت وإن كانت حقيرة ضعيفة لا تؤثر في أنصاف المؤمنين

إذا رأيتم مثل هذا، فعزوه وأحسنوا العزاء، وانصحوه بخلوة أقلها شهر يقف فيها على عتبة باب الملك يرجوه أن يعيده كسابق عهده في الإلتزام، وأن يرده إليه ردًا جميلًا وإن لم يكن، فليرده إليه عنوةً، فموت القلب لا يعلم دواءه إنس ولا جان، فاذهب لربك الذي خلقك، يُحيِّه لك، "أَلَيْسَ ذَٰلِكَ بِقَادِرٍ عَلَىٰ أَن يُحْيِيَ الْمَوْتَىٰ"

وأعيذكم بالله من موت القلب!
والتي أعظم منها وأمَّر، أن يموت بعد أن ذاق حلاوة الإيمان ولذة العبادة!
أوَّهْ!

يا تلحق يا ما تلحقش..

سارع في التوبة.. ما ينفعش تقول بكره ولا بعده.. ابدأ دلوقتي، قوم صلي الصلاة اللي فاتتك.. قوم توب من الذنب اللي عملته..
أنت مش ضامن تعيش لبكره ولا لأ!

" إذا وقعت عليك ذُبابة فـ سل الله أن يرفعها "

للدرجة دي ؟!

أه، لأن ممكن قبل ما تمد ايدك علشان تبعد الدبانة دي عنك، لا قدر الله نقطة دم فقط تتخثر في دماغك فـ يحصلك جلطة متقدرش ترفع ايدك تبعد الدبانة دي عنك .

أنت ممكن تكون بتفكر في فكرة متلحقش تكملها في ذهنك حتى !

لما بنشرق بنشرب ماية، و في نفس الوقت في ناس بتموت بسبب شرقة و هو بيشرب الماية!

قمة الضعف، متقدرش تبعد عن نفسك دبانة ولا تقدر تكمل فكرة لولا المدد الرباني، المدد اللي بيخليك بتقرأ الكلام ده دلوقت، و تفكر، و تغمض و تفتح، و تنام و تقوم، و تتكلم،

أنت ممكن تصلي في يوم تلاقي نفسك نسيت أيات في الفاتحة ! مع إنك حافظها ..

إحنا لولا مدد ربنا هنضيع و هنهلك، متفرحش بخبرتك ولا شطارتك ولا شكلك ولا قوتك البدنية، أنت لا حول ليك ولا قوة حرفيًا إلا بالله، حتى الربع جنيه اللي في محفظتك هو اللي أهداه ليك، عن طريق كرمه و رزقه، بإختصار " أدرك عجزك " لأنك لما تدركه، لا هتخاف من حد، ولا هتشوف حد بيرزق غيره، ولا هتغرك نفسك مهما أداك، و الأهم :

هتعرف إن لا ملجأ لك في هذه الحياة ولا منجأ إلا اليه، اليه وحده.

لو سمحتم أي زجاج بيتكسر ف البيت مبيتحطش زي ما هو في باسكت الزبالة ..

النهارده شوفت واحد ايده اتفتحت عميق أوي من الموضوع دا ودا شغله وللأسف معرض لتلوث كبير جدا في الشغل دا هيعمله مصيبه في الجرح ..

بنلف الحاجه في ورق او قماش مش عايزينه او كذا كيس فوق بعض

الراحمون يرحمهم الرحمن .

الشيطان صحاني !!هحكيلكم حاجه تعرفكم ازاي تخالف هواك! كان عندي صديق أمام وخطيب وكنا ماسكين المسجد سوا في عام ٢٠١٨
وفي مره في صلاه الفجر صحيته عشان يصلي بالناس الفجر فهو أكبر مني؛ وأفقه مني؛ وهذه من شروط الإمامة

نيجي للمهم بقا...  صحيته واستنيت يجي مجاش
فصليت أنا بالناس وبعد الفجر نمت والظهر رحت اجيب غدا وكده وبقوله " تعالي ناكل بقا؛ (قالي صايم) ...

قولت له لي! دا النهارده الأحد... قالي أنت صحتني الفجر
والشيطان نيمني فقولت أأدبه بقا ضيع عليا الفجر
فصمت يوم عشان ربنا يبعدني عن النار سبعين سنة

"قال رسول الله صلى الله عليه وسلم " من صام يوماً في سبيل الله باعد الله وجهه عن النار سبعين خريفه."

دا بقا ليفل عالي أوي في مخالفة الهوي.... خالف هواك
بالطاعه....

وبعد كام يوم علي كده لما ميصحاش يصلي فيصوم!

بعد اسبوع كده بقيت اصحي ألاقيه صاحي بدري اوي
لي صاحي يا شيخنا! يقولي الشيطان صحاني!
صحاك ازاي!

بتهزر! قالي لا والله هو بقا يجي قبل الفجر يوقع كوبايه في المطبخ يهز اي حاجه المهم يصحيني عشان اصلي ومصمش
وابقي كده ضيعت تعبه في بعدي عن النار سبعين سنة بصوم يوم واحد!
زي ما يكون بيقول لنفس اصحيه أحسن حاجه اخف من حاجه😀

شوفت بقا مجاهده النفس؛ أنا أتعلمت من شيخنا الفاضل محمد بركات الكلام دا أنتم كمان اعلموا دا وعرفوه لكل الناس ....
خالف هواك تنجو من كل شر

هذا الكلام حقيقي وصحيح ميه في المئه وحدث معي شخصياً

""خليها على صفحتك ولك اجر من أنتفع بها إن شاء الله
في ميزان حسناتك"

السلام عليكم ورحمة الله وبركاته 🎀

*أسبوع حافل بالأجور يقول اللَّه ﷻ إلا الصوم فإنه لي وأنا أجزي به🥺،والصوم صحةٌ للجسم،ويباعد الله به وجهك عن النار فاغتنم*🥹♥️

*أذكركم بصيام الأيام البيض من شهر ربيع الآخر*👇🏻

_*الأربعاء*(13ربيع الآخر الموافق 16/10/2024)

_*الخميس*(14ربيع الآخر الموافق (17/10/2024)

_ الجمعة (15ربيع الثاني الموافق 18/10/2024)

#ذكر_غيرك🥹♥️

📌
اللي شجعكم علي خراب بيوتكم .. هتلاقيهم عايشين حياتهم مع أزواجهم

اللي قالتلك زوجتك /زوجك سيئ ومينفعكيش .. هتلاقيها عايشه حياتها وسط ولادها .. وبرضو ممكن تكون سيئة مع زوجها ومستحملها بالعافية !!

خراب البيوت مش بالساهل .. اوعوا تسمعوا لأي حد يحرضكم علي بيوتكم مهما كان قريب منكم ..
اللي كانوا وقفين وبيدعموكم عشان تخربوا بيوتكم أول لما يتم الطلاق والبيت يتخرب هم أول ناس هيبعدوا عنكم ويتفرجوا عليكم من بعيد

الكل في النهاية هيكمل حياته وأنتم حياتكم اللي هتقف وهتخسروا بيت واستقرار وزوجة/زوج واولاد وسنين طويلة فاتت وعشرة حلوة هانت !!

حاجات لو راحت عمرها ماهترجع والتمن هتدفعوه لوحدكم
في ناس عشان هي تعيش كويس وتبقي احسن بترضي بخراب بيت اقرب الناس ليها بس اهم حاجه هي تبقي أحسن
البيوت مش بتتخرب وتتهدم بالمشاكل ولا بالمواقف الصعبة

!البيوت بتتخرب بشياطين الإنس و بالنفوس الخبيثة اللي بتتحشر وتدخل في اللي مالهاش فيه ويخببوا الازواج على بعضهم ويسلطوهم على الطرف التاني

فيه ناس كتير بتهد بدل ماتبني فيه ناس كتير بتبينلكم أنها خايفة عليكم وعايزة مصلحتكم وهي بتكون أكتر ناس بتضركم وعايزلكم الخراب

مش كل النفوس سوية ولا كل الناس بتحب الخير لبعض صدقوني فيه ناس بيكونوا عايشين سعداء جدا وحياتهم بتخرب أول ما يتدخل طرف تالت في العلاقة
ربنا يحفظنا جميعا من خرابين البيوت

الشياطين اللي على شكل ملايكة وف النهاية الخير والشر اللي بتعمله بيرجع لصاحبه ف أغلي ما عنده وكما تدين تدان 👌🏻
إتقوا الله في أزواجكم وفي بيوتكم وفي أولادكم💕