Odia newspaper Sambad

*ଅନ୍ୟକୁ ନୁହେଁ, ନିଜକୁ ବଦଳାଅ*

ଆମର ଜୀବନ ଅନ୍ୟମାନଙ୍କ ଦୃଷ୍ଟି ଅପେକ୍ଷା ନିଜ ଦୃଷ୍ଟିରେ ଶ୍ରେଷ୍ଠ ଏବଂ ପବିତ୍ର ହେବା ଆବଶ୍ୟକ। କେବଳ କାହାର ଖରାପ କହିବା ମାତ୍ରେ ଆମ ଜୀବନ ଖରାପ ହୋଇଯାଏନି। କାହା ଉପରେ ପ୍ରତିଶୋଧ ନେବା ବୁଦ୍ଧିମାନୀ ନୁହେଁ, ବରଂ ନିଜକୁ ବଦଳାଇବା ଉପରେ ଭାବିବା ଅଧିକ ଶ୍ରେଷ୍ଠ।
ମୁଖ୍ଯ କଥା ଏହା ନୁହେଁ ଯେ ଅନ୍ୟମାନେ ଆମକୁ ଖରାପ କହୁଛନ୍ତି, ବରଂ ଏହା ଯେ ଆମେ ନିଜେ ଖରାପ କାମ କରୁନଥାଏ। ପ୍ରତିଶୋଧର ଅଗ୍ନି ମସାଲ ଭଳି, ଏହା ଅନ୍ୟମାନଙ୍କୁ ଜଳାଇବା ପୂର୍ବରୁ ପ୍ରଥମେ ନିଜକୁ ଜଳାଇ ଥାଏ।

ଧୈର୍ଯ୍ୟର ଶୀତଳ ଜଳ ରେ ଯେତେ ଶୀଘ୍ର ସମ୍ଭବ, ପ୍ରତିଶୋଧର ଅଗ୍ନି କୁ ଲିଭାଇବା ହିଁ ଏକ ସାତ୍ବିକ ଓ ବୁଦ୍ଧିମାନ ପଦକ୍ଷେପ ଅଟେ। ପ୍ରତିଶୋଧର ଭାବନା କେବଳ ଆମର ସମୟକୁ ନଷ୍ଟ କରି ଦେଇନଥାଏ, ବରଂଏହା ଆମର ସ୍ୱାସ୍ଥ୍ୟ ଏବଂ ଜୀବନକୁ ମଧ୍ୟ ନଷ୍ଟ କରି ଦିଏ।

ଜଗତକୁ ବଦଳାଇବା ଖୁବ କଷ୍ଟସାଧ୍ୟ, ତେଣୁ ନିଜକୁ ବଦଳାଇବାରେ ନିଜ ଶକ୍ତି କୁ ବ୍ୟୟ କରିବା ହିଁ ସୁଖୀ ଓ ଆନନ୍ଦମୟ ଜୀବନର ଏକମାତ୍ର ଉପାୟ।।
WhatsApp Channel Join
https://whatsapp.com/channel/0029VaUhaMzCsU9MHcJJfG3L

*ଖବର ଆଜିର, ୨୨ ନଭେମ୍ବର, ଶୁକ୍ରବାର*
=======================
ସୁଭଦ୍ରା ପାଇଁ ୧.୧୬କୋଟି ମହିଳାଙ୍କ ଆବେଦନ, ୬୦ଲକ୍ଷରୁ ଅଧିକ ଟଙ୍କା ପାଇଛନ୍ତି, ଏବେ ଅଙ୍ଗନବାଡ଼ି କର୍ମୀଙ୍କୁ ଟଙ୍କା ମିଳିବ, ଡିସେମ୍ବରରେ ଚତୁର୍ଥ ପର୍ଯ୍ୟାୟ ଟଙ୍କା ମିଳିବ। ବାଦ୍ ପଡ଼ିଥିବା ୨.୬୭ଲକ୍ଷ ଆବେଦନର ପୁନର୍ବିଚାର ହେବ

ବିଧାନସଭାର ଶୀତକାଳୀନ ଅଧିବେଶନ ୨୬ରୁ ଆରମ୍ଭ, ୨୩ରେ ମନ୍ତ୍ରୀ ପରିଷଦ ବୈଠକ, ୨୬ରେ ଅତିରିକ୍ତ ବଜେଟ୍

ଓଡ଼ିଶା ରାଜ୍ୟ ମୁକ୍ତ ବିଶ୍ୱବିଦ୍ୟାଳୟରେ ନାମ ଲେଖା ଚାଲିଛି, ଏ ପର୍ଯ୍ୟନ୍ତ ୨୯୫୯ ଛାତ୍ରଛାତ୍ରୀ ଅନୁଷ୍ଠାନରେ ନାମ ଲେଖାଇ ସାରିଲେଣି

ଉତ୍କଳ ବିଶ୍ବବିଦ୍ୟାଳୟ, ରମାଦେବୀ ମହିଳା ବିଶ୍ବବିଦ୍ୟାଳୟ ଓ ଗଙ୍ଗାଧର ବିଶ୍ବବିଦ୍ୟାଳୟ କୁଳପତିଙ୍କ କାର୍ଯ୍ୟକାଳ ଆଉ ୬ ମାସ ବଢ଼ିଲା

ସରକାରଙ୍କୁ ଅଡୁଆ ହେଲାଣି ଧାନ କିଣା: ମଣ୍ଡି ଖୋଲିଲେ, ହେଲେ ହୋଇପାରୁନି କିଣାବିକା

ଡେଣ୍ଟାଲ ସର୍ଜନ ନିଯୁକ୍ତି ମାମଲାରେ OPSC ଉପରେ ବର୍ଷିଲେ ହାଇକୋର୍ଟ, ଅଧ୍ୟକ୍ଷଙ୍କୁ ବ୍ୟକ୍ତିଗତ ଭାବେ ହାଜର ହେବାକୁ ନିର୍ଦ୍ଦେଶ

ମନି ଲଣ୍ଡରିଂ ମାମଲାରେ ଶ୍ରୀମନ୍ଦିର ସେବାୟତଙ୍କୁ ଆଶ୍ବସ୍ତି, ଆଗୁଆ ଜାମିନ୍‌ ଦେଲେ ସୁପ୍ରିମକୋର୍ଟ

ଭୁବନେଶ୍ୱର ଖଣ୍ଡଗିରି ବୈକୁଣ୍ଠଧାମ ଆଶ୍ରମ ଡିସେମ୍ବର ୧୨ ଯାଏଁ ଭଙ୍ଗାଯାଇ ପାରିବନି, ହାଇକୋର୍ଟଙ୍କ ରହିତାଦେଶ

ଲଘୁ ଖଣିଜ ଦ୍ରବ୍ୟ ପରିବହନକାରୀ ଟ୍ରକ୍ ଧର୍ମଘଟ ପ୍ରତ୍ୟାହାର ହେଲା

କଟକ ବାଲିଯାତ୍ରାରେ ମିଳୁଛି ବାସି ଓ ବିଷାକ୍ତ ଖାଦ୍ୟ, ସିଏମସି ଚଢ଼ାଉ କରି ବାସି ଖାଦ୍ୟ ନଷ୍ଟ କରୁଛି ଓ ଫାଇନ ନେଉଛି

ଭୁବନେଶ୍ୱର ପଳାଶୁଣି ଛକରେ ରାସ୍ତାପାର ହେଉଥିବା ବେଳେ ମହିଳାଙ୍କ ଉପରେ ମାଡ଼ିଗଲା ଟ୍ରକ୍‌

ଗଂଜାମ ଧରାକୋଟରେ ଚାଷ ଜମିରେ ପାଣି ମଡାଇବାକୁ ନେଇ ହତ୍ୟା ମାମଲାରେ ଦୁଇ ଗିରଫ

ସମ୍ବଲପୁରରେ ଆୟ ବହିର୍ଭୁତ ସମ୍ପତ୍ତି ଅଭିଯୋଗରେ ଯୋଗାଣ ଅଧିକାରୀଙ୍କୁ ଭିଜିଲାନ୍ସ ଗିରଫ କଲା

ବାଲେଶ୍ବର ସୋର ରେ ପୁଲିସକୁ ଚାଲେଞ୍ଜ। ମନ୍ଦିର, ଦୋକାନ ସବୁଠି କଳାକନା, ଗୋଟିଏ ଏଟିଏମରୁ ଚାରିଥର ଚୋରି

ଯାଜପୁର ବିରଜା ହାଟ ସ୍ଥାନାନ୍ତର ନେଇ ଉତ୍ତେଜନା, ହାଟ ବନ୍ଦ, ପୁଲିସ ଫୋର୍ସ ମୁତୟନ

କଟକ ବକ୍ସିବଜାର ଛକରେ ଭୟାବହ ଅଗ୍ନିକାଣ୍ଡ, ଇଲେକ୍ଟ୍ରିକ ଦୋକାନରେ ସାମଗ୍ରୀ ପୋଡି ପାଉଁଶ।

କେନ୍ଦ୍ରାପଡ଼ା ଟାଉନ ଥାନା ବଡ଼ହାଟରେ ଥିବା ଲୁଗା ଦୋକାନରେ ଅଗ୍ନିକାଣ୍ଡ, ନିଆଁ ଲାଗି ଜଳିଗଲା ଦୋକାନ।

ଭଦ୍ରକ ପୂର୍ବତନ ସରପଞ୍ଚ ହତ୍ୟା ଘଟଣା ପର୍ଦ୍ଦାଫାସ, ଧାନ ବିକ୍ରି ପାଇଁ ସୁପାରି ଦେଇ ହତ୍ୟା, ୪ ଜଣ ଗିରଫ

ଦେଶରେ ସମୁଦାୟ ୫.୮ କୋଟି ଜାଲ୍ ରାସନ କାର୍ଡ କଟିଲା

ଆଜିଠୁ ନୂଆଦିଲ୍ଲୀରେ ୩ ଦିିନିଆ 'ଓଡ଼ିଶା ପର୍ବ-୨୦୨୪'

ନଭେମ୍ବର ୩୦ ସୁଦ୍ଧା ଆଧାର ଆଧାରିତ ଓଟିପି ଜରିଆରେ ହେବ ୟୁଏଏନ ସକ୍ରିୟକରଣ।

ଆଦାନୀଙ୍କ ବିରୋଧରେ ଆମେରିକା ଆଣିଲା ୨୬୫ ମିଲିୟନ୍‌ ଡଲାରର ଲାଞ୍ଚ ଅଭିଯୋଗ

ୟୁକ୍ରେନ୍ ଉପରକୁ ଆନ୍ତଃମହାଦେଶୀୟ ବାଲିଷ୍ଟିକ୍ କ୍ଷେପଣାସ୍ତ୍ର ମାଡ଼ କଲା ରୁଷ

ପାକିସ୍ତାନରେ ଯାତ୍ରୀବାହୀ ବସ୍ ଉପରେ ଆକ୍ରମଣ କଲେ ଆତଙ୍କବାଦୀ, ୩୨ଜଣଙ୍କ ମୃତ୍ୟୁ

୨୦୫୦ ସୁଦ୍ଧା ପିଲାମାନେ ୮ ଗୁଣ ଅଧିକ ଗ୍ରୀଷ୍ମପ୍ରବାହର ସମ୍ମୁଖୀନ ହେବେ, କହିଲା ୟୁନିସେଫ୍
=======================
ଆଜି କାଳ ଭୈରବ ଅଷ୍ଟମୀ
ଲେବାନନ ଦେଶର ସ୍ୱାଧୀନତା ଦିବସ

ଆଜି ଜନ୍ମଦିନ: ଶହୀଦ ଲକ୍ଷ୍ମଣ ନାୟକ, ମୀରାବେନ, ମୁଲାୟମ ସିଂ ଯାଦବ,ସରୋଜ ଖାନ

ଆଜି ତିରୋଧାନ: ଜନ କେନେଡି

ଇତିହାସରେ ଆଜି: (୧୯୬୩) ଆମେରିକା ଡ଼ଲାସ ରେ ରାଷ୍ଟ୍ରପତି କେନେଡିଙ୍କୁ ହତ୍ୟା/ (୧୯୬୮) ମାଡ୍ରାସ କୁ ଚେନ୍ନାଇ କରିବା ପ୍ରସ୍ତାବ ଲୋକସଭାରେ ପାରିତ/ (୧୯୯୭) ଭାରତର ଡାଏନା ହେଡେନ ହେଲେ ବିଶ୍ୱ ସୁନ୍ଦରୀ/ (୧୯୮୯) ମଙ୍ଗଳ, ବୃହସ୍ପତି, ଶନି, ଚନ୍ଦ୍ର, ୟୁରେନସ ଓ ନେପଚ୍ୟୁନ ଗୋଟିଏ ଧାଡିରେ ରହିଲେ
=======================
WhatsApp Channel Join
https://whatsapp.com/channel/0029VaUgRXG5fM5gVRc7391u
*ବନ୍ଦେ ଉତ୍କଳ ଜନନୀ* 🪻🌻🪻

*ଖବର ଆଜିର, ୨୧ ନଭେମ୍ବର, ଗୁରୁବାର*
=======================
ଆସନ୍ତା ୨୬ ତାରିଖ ପର୍ଯ୍ୟନ୍ତ ତାପମାତ୍ରା ବଦଳିବ ନାହିଁ

ଆସନ୍ତା ୨୩ ତାରିଖ ସୁଦ୍ଧା ବଙ୍ଗୋପସାଗରରେ ଲଘୁଚାପ ସୃଷ୍ଟି ହେବ, ଓଡିଶାକୁ ବିପଦ ନାହିଁ

ଫେବ୍ରୁଆରି ୧୮ରୁ ଯୁକ୍ତ ୨ ଥିଓରି ପରୀକ୍ଷା, ଜାନୁଆରୀ ୨ରୁ ପ୍ରାକ୍ଟିକାଲ

ଫେବୃଆରୀ ୧୫ରୁ CBSE ଦଶମ ଓ ଦ୍ବାଦଶ ପରୀକ୍ଷା ଆରମ୍ଭ ହେବ

ରାଜ୍ୟରେ ୨୪ ଘଣ୍ଟା ଖୋଲା ରହିବ ନିରାମୟ କେନ୍ଦ୍ର, ସ୍କ୍ବାଡ୍ ଗଠନ କଲା ସାଧାରଣ ଉଦ୍ୟୋଗ ବିଭାଗ

ରାଉରକେଲା ଝିଅ ଆରାଧନା ଲଣ୍ଡନରେ ଅନ୍ତର୍ଜାତୀୟ ଡିଜାଇନ୍‌ ପ୍ରତିଯୋଗିତାରେ ପୁରସ୍କୃତ ହେଲେ

ବଲାଙ୍ଗୀର ଗନ୍ଧମାର୍ଦ୍ଦନ ପାହାଡ଼ ପାଖରେ ଖଣିଜ ସମ୍ପଦ ଥିବା ଶହ ଶହ ଏକର ଜମି ଆଦାନୀ କିଣୁଛି। ରାଜନୈତିକ ସହଯୋଗ ଅଛି ବୋଲି ଅଭିଯୋଗ

ଅନୁଗୁଳ ଜିଲ୍ଲା ନୂଆରାଇଗୁଡ଼ାରେ ଅଜଣା ରୋଗରେ ବିସ୍ଥାପିତ ଲୋକେ ଆକ୍ରାନ୍ତ

ଧର୍ମଶାଳା ବିଧାୟକ ହିମାଂଶୁ ସାହୁଙ୍କୁ ଯାଜପୁର ଟାଉନ୍‌ ବୁଢ଼ାଘାଟ ନିକଟରେ ଆକ୍ରମଣ ଅଭିଯୋଗ

କଟକରେ ଗୋଷ୍ଠୀ ସଂଘର୍ଷ, ପଟାପୋଲ ଅଞ୍ଚଳରେ କାଚ ବୋତଲ ଓ ଢେଲାମାଡ଼

ଯାଜପୁର ଗୋବର୍ଦ୍ଧନପୁର ରେ ଭାରସାମ୍ୟ ହରାଇ ଓଲଟିଲା କାର୍, ଜଣେ ମୃତ, ୨ ଗୁରୁତର

କଳାହାଣ୍ଡି ଧର୍ମଗଡ଼ ଜାରିଂ ଜଙ୍ଗଲରେ ଗଣଦୁଷ୍କର୍ମ ଘଟଣାରେ ୫ ବର୍ଷ ପରେ ଛଅ ଜଣଙ୍କୁ ଆଜୀବନ କାରାଦଣ୍ଡ

କଟକ ଜିଲ୍ଲା ବାରଙ୍ଗରେ ନାବାଳିକା ଦୁଷ୍କର୍ମ ଅଭିଯୁକ୍ତକୁ ଧରିଲା ପୁଲିସ। ଅଭିଯୁକ୍ତ ବିହାରୀ ଶ୍ରମିକ ତ୍ରିଶୂଳିଆରେ ରହୁଥିଲା

ସମ୍ବଲପୁର ନାକଟିଦେଉଳରେ ବିଦ୍ୟୁତ ଆଘାତରେ ୩ ହାତୀଙ୍କ ମୃତ୍ୟୁ ଘଟଣା, ୨ ଅଭିଯୁକ୍ତ ଗିରଫ

ଭୁବନେଶ୍ୱରରେ ଠକିଥିବା ପ୍ରକାଶ ଏମ ଚେନ୍ନାଇରୁ ଗିରଫ ହେଲା, ସିନେମା ତିଆରି ସ୍ୱପ୍ନ ଅଧାରେ ରହିଲା

୫୦% କର୍ମଚାରୀଙ୍କୁ ଘରୁ କାମ କରିବାକୁ ନିର୍ଦ୍ଦେଶ ଦେଲେ ଦିଲ୍ଲୀ ସରକାର

ଏକଜିଟ ପୋଲ ହିସାବରେ ମହାରାଷ୍ଟ୍ରରେ ଏନଡିଏ ଏବଂ ଝାଡ଼ଖଣ୍ଡରେ ଝୁଲା ସରକାର ହେବ

ବାରମ୍ବାର ବିହାର ମୁଖ୍ୟମନ୍ତ୍ରୀଙ୍କ ଗାଡ଼ିର ଚାଲାଣ କଟୁଛି, ଫାଇନ ଦିଆହେଇନି

ସଙ୍ଗୀତକାର ଏ.ଆର ରେହମାନ୍ ଓ ପତ୍ନୀଙ୍କ ଛାଡପତ୍ର। ତାଙ୍କ ଗ୍ରୁପର କଳାକାର ମୋହିନୀ ବି ସ୍ୱାମୀଙ୍କୁ ଛାଡିଲେ

ଡୁଇ ଦିନରେ ୧୬ଶହ ଟଙ୍କା ବଢ଼ିଲା ସୁନା, କ୍ରିପ୍ଟୋ କଏନ୍ ୯୦ ହଜାର ଡ଼ଲାର ଟପିଲା

ଏସୀୟ ଚାମ୍ପିଅନ୍ସ ଟ୍ରଫି ଫାଇନାଲରେ ଭାରତୀୟ ମହିଳା ହକି ଦଳ ଚୀନ୍‌କୁ ୧-୦ରେ ପରାସ୍ତ କରି ଟାଇଟଲ ଜିତିଲେ

ପାକିସ୍ତାନରେ ଆତ୍ମଘାତୀ ବିସ୍ଫୋରଣ,୧୭ ପାକ୍ ସେନା କର୍ମଚାରୀ ନିହତ।
=======================
ଆଜି ବିଶ୍ୱ ଟେଲିଭିଜନ ଦିବସ
ଗିନିଜ ବିଶ୍ୱ ରେକର୍ଡ ଦିବସ
ଆଜି ବିଶ୍ୱ 'ହେଲୋ' ଦିବସ

ଆଜି ଜନ୍ମଦିନ: ହରେକୃଷ୍ଣ ମହତାବ, ଆନନ୍ଦିବେନ ପଟେଲ, ହେଲେନ, ପ୍ରେମ ଚୋପ୍ରା, ଗିରିଶ ମୁର୍ମୁ

ଆଜି ତିରୋଧାନ: ସିଭି ରମଣ

ଇତିହାସରେ ଆଜି: (୧୮୭୭) ଥୋମାସ ଏଡିସନ ସମାଜକୁ ଫୋନୋଗ୍ରାଫ ସେବା ପ୍ରଦାନ କଲେ/ (୧୯୪୭) ଦେଶରେ ସ୍ବାଧୀନତା ପରର ନୂଆ ଡାକଟିକଟ ଆରମ୍ଭ/ (୧୯୬୩) ଭାରତର ପ୍ରଥମ ରକେଟ ନାଇକ ଆପାଚି ର ଉଡାଣ/ (୨୦୦୭) ଭାରତ-ଆମେରିକା ବ୍ୟବସାୟ ପରିଷଦରେ ପେପସି ମୁଖ୍ୟ ଇନ୍ଦ୍ରା ନୁୟୀ ସାମିଲ
=======================
WhatsApp Channel Join
https://whatsapp.com/channel/0029VaUgRXG5fM5gVRc7391u
*ବନ୍ଦେ ଉତ୍କଳ ଜନନୀ* 🪻🌻🪻

କାଗଜ ବ୍ୟବହାର କମ କରନ୍ତୁ, ଗଛ ବଞ୍ଚାନ୍ତୁ। ଅନଲାଇନରେ ନିଉଜ ପଢନ୍ତୁ, ଖବରକାଗଜ କମ କିଣନ୍ତୁ

🌹*ପ୍ରଭୁ ଶ୍ରୀରାମ ଙ୍କର ବନବାସ*🌹
*.....ଦାୟୀ କିଏ*🌹
*******
-ଭାଗ ( ୪)-
**

ମାତା କୈକେୟୀ ଙ୍କର ଦୁଇଟି ବର ମହାରାଜା ଦଶରଥ ଙ୍କର ଉପରେ ରହିଥିଲା ।
ଏହି ଦୁଇଟି ବର ସେଇଦିନ ଯାଏଁ ମାତା ରାଜାଙ୍କ ଠାରୁ ମାଗି ନ ଥିଲେ। ଏଇଥିପାଇଁ, ଗୁରୁଦେବ ବଶିଷ୍ଠ ମାତା କୈକେୟୀ ଙ୍କୁ ଡାକିଥିଲେ। ଅଯୋଧ୍ୟାକୁ ପଡିଥିବା ଶ୍ବାତ୍ତି ମାର୍ତ୍ତଣ୍ଡ ଯୋଗ କଥା ବୁଝାଇ କହିଥିଲେ।

ଏହା ମଧ୍ୟ ସେ ମାତା କୈକେୟୀ ଙ୍କୁ କହିଲେ ଯେ : *ଏ ଅଯୋଧ୍ୟା ରାଜ୍ୟ ଆଜି ତୁମକୁ କିଛି ମାଗୁଛି ରାଣୀ। ନିଜର ମାନ ସମ୍ମାନକୁ ବଳି ଦେଇ ଏ ରାଜ୍ୟ ଓ ରାଜାଙ୍କୁ ବଞ୍ଚେଇ ରଖିବା ପାଇଁ ତୁମେ ଏକ ମାତ୍ର ମହିୟସୀ ମହନୀୟା ନାରୀ ; ଯାହାଙ୍କ ହାତରେ ଆଜି ଅଯୋଧ୍ୟା ରାଜ୍ୟର ଭାଗ୍ୟ ଭବିଷ୍ୟତ।* ଏ ସମସ୍ତ କଥାକୁ ହୃଦୟଙ୍ଗମ କରି ଯାହା ନିଷ୍ପତ୍ତି ନେବେ
ମହାରାଣୀ ।

ଏ ସମସ୍ତ କଥାକୁ ଗଭୀର ଭାବେ ଚିନ୍ତା କଲି। ମୁଁ ଏଇ ସିଦ୍ଧାନ୍ତରେ ଉପନୀତ ହେଲି ଯେ, *"ମୁଁ ପଛେ କୁଳ-କଳଙ୍କିନୀ ହେଇଯାଏ, ମୋ ହାତର ଶଙ୍ଖା ଓ ମଥାର ସିନ୍ଦୂର ପଛେ ଲିଭିଯାଉ, ମୋ ପୁଅ 'ଭରତ' ର ପଛେ ମୃତ୍ୟୁ ହେଉ ; କିନ୍ତୁ ମୋ 'ରାମ'ର କିଛି ନ ହେଉ।*

ସେଥିପାଇଁ ମୁଁ ତୋ ବାପାଙ୍କର ଦୁର୍ବଳତା ଉପରେ କଠୋର କୁଠାରାଘାତ କରିଥିଲି।

ଜାଣିଥିଲି ଯେ, ତୋ ବାପା ମୋତେ ସମସ୍ତ ରାଣୀଙ୍କ ମଧ୍ୟରେ ବହୁତ ଭଲ ପାଉଥିଲେ। *ମୋ ଠାରେ ତାଙ୍କର ଦୁର୍ବଳତା ଥିଲା।ତେଣୁ ତୋ ରାଜ୍ୟାଭିଷେକ ଦୂରେଇବା ପାଇଁ କେବଳ କୈକେୟୀ ହିଁ ଏକମାତ୍ର ବ୍ୟକ୍ତି ଥିଲା ; ଯିଏ କି ଏଇ ରାଜ୍ୟାଭିଷେକ ରୋକି ପାରିବ ବୋଲି ଅନୁଭବ କରିଥିଲି।"*

ମୁଁ ତାହା ହିଁ କରିଥିଲି। ମୋ ଶବ୍ଦ ଜାଲରେ ରାଜାଙ୍କୁ ଛନ୍ଦି ଦେଇଥିଲି। *ତାଙ୍କୁ ବାଧ୍ୟ କରି ଦେଇଥିଲି : ମୋର ଦୁଇଟି ବର ଦେବା ପାଇଁ ..!!*

*ପ୍ରଥମ ବରରେ : ତୋର ଚଉଦ ବରଷ ପାଇଁ ଅଯୋଧ୍ୟାରୁ ବନବାସ।*
*ଦ୍ୱିତୀୟ ବରରେ : ମୋ ପୁଅ ଭରତ ରାଜା ହୋଇ ନିଷ୍କଳଙ୍କ ରାଜ୍ୟ ଭୋଗ କରିବ।*

ଏବେ କୁହ ରାମ ! ମୁଁ ତୋତେ ବନକୁ ପଠେଇ ଦେଇ କଣ ଭୁଲ କରିଥିଲି ......????
ଭଗବାନ ରାମ କହିଲେ, "ମାଆ ! ଏ କଥା ବି ଜାଣିଛି ...!!!"

କୈକେୟୀ କହିଲେ, "ଆହୁରି ଗୋଟାଏ କଥା ଅଛି ଶୁଣ। ତୁମେ ସୀତାଙ୍କୁ ବିବାହ କରିଛ। ସୀତା ହେଉଛନ୍ତି ଧରଣୀ ରାଣୀଙ୍କର ଝିଅ। ତୁମେ ଯେବେ ରାଜା ହୋଇଥାନ୍ତ, ତେବେ ତୁମ ସହ ଧରିତ୍ରୀଙ୍କର ବିବାହ କରିବାକୁ ପଡ଼ିଥାନ୍ତା। *ତୁମେ ଜୋଇଁ ହୋଇ ଶାଶୁଙ୍କ ସହ କିପରି ବିବାହ କରିଥାନ୍ତ .....??* ତେଣୁ ତୁମେ ରାଜା ହେବା ପାଇଁ ଅନୁପଯୁକ୍ତ ଥିଲ।
ସେଥିପାଇଁ ତୁମକୁ ମୁଁ ବନକୁ ପଠାଇଥିଲି।

ଯଦି ମୁଁ ଭୁଲ କରିଥିଲି ବୋଲି ତମେ ଅନୁଭବ କରୁଛ, ତେବେ ତୁମେ ମୋତେ ରାଜା ହେବା ପରେ ଫାଶୀ ଦଣ୍ଡ ଦେବ ; ନ ହେଲେ ଭରତକୁ କୁହ "ମୋତେ ମାଆ ବୋଲି ଡାକିବ"।

କାରଣ ଚଉଦ ବରଷ ମୋର ମାତୃ ହୃଦୟ କାନ୍ଦୁଛି। *ପୁଅ ବଞ୍ଚିଥିବ, ମାଆକୁ ମାଆ ବୋଲି ଡାକୁ ନ ଥିବ : ଏହା କେତେ ଯନ୍ତ୍ରଣା ଦାୟକ ...!! ଏ କଥା ସେଇ ମାଆ ହିଁ କେବଳ ବୁଝିପାରିବ।"*

ଏତେ ସମୟ ଯାଏ ଭରତ ସବୁ ନୀରବରେ ଶୁଣୁଥିଲେ। କୈକେୟୀଙ୍କ କଥା ସରିବାରୁ ସଭାରେ ଉଠି ଠିଆ ହେଲେ। କହିଲେ, "ଭାଇ ! ମୁଁ ବି କିଛି କହିବି। ମୋ କଥା ବି ଟିକେ ଶୁଣନ୍ତୁ।

ଭାଇ ! ଆପଣଙ୍କ ବନବାସ ସମୟରେ ମୁଁ ଅଯୋଧ୍ୟାରେ ନ ଥିଲି ।ମୁଁ ନନ୍ଦୀଗ୍ରାମରେ ଥିଲି। କିନ୍ତୁ, ଦୁନିଆଁ କହୁଛି ଭରତ ପାଇଁ ରାମ ବନବାସ ଗଲେ। ମୋ ନାମରେ ଏ "କଳଙ୍କର ଭାର" ଲଦି ହୋଇ ରହିଛି।

ଯଦି ମୋ ପାଇଁ ଆପଣଙ୍କ ବନବାସ ହୋଇଥାଏ, ତେବେ ଏ ଜୀବନ ଯିବ ପଛେ, ମୁଁ କୈକେୟୀଙ୍କୁ ମାଆ ବୋଲି ଡାକିବି ନାହିଁ।"

ଏଇଠି ସମସ୍ତ କଥା ଶୁଣି ସଭାସଦ ଓ ପ୍ରଜାଗଣ ନୀରବ ହୋଇଯାଇଥିଲେ।
ସମସ୍ତଙ୍କ ମୁହଁରେ ସେଇ ଗୋଟିଏ ପ୍ରଶ୍ନ : *ରାମ ବନବାସ ପାଇଁ ଦାୟୀ କିଏ ...??*

କୈକେୟୀ ମାତା କହିଲେ, *"କହିଦେ ରାମ ! ତୋ ବନବାସ ପାଇଁ ଦାୟୀ କିଏ ...???*

ଭରତ ବି ପଚାରିଲେ,"କୁହ ଭାଇ ! ଆପଣଙ୍କ ବନବାସ ପାଇଁ ଦାୟୀ କିଏ ....?

ଏ ପ୍ରଶ୍ନର ଉତ୍ତର ଦେବାକୁ ଯାଇ ଭଗବାନ ଶ୍ରୀ‌ରାମ କହିଲେ, *"ମୋ ବନବାସ ପାଇଁ ଦାୟୀ କେହି ନୁହଁ ; କେବଳ ଦାୟୀ ହେଉଛି *#କର୍ମଫଳ'*

*କର୍ମଫଳ ପ୍ରାଣୀ ଅଵଶ୍ୟ ଭୁଞ୍ଜଇ*
*କେ କରି ପାରିବ ଆନ ?*

*ନିୟତି ଆଗରେ ମଥା ଯାଏ ନଇଁ*
*ସମୟଟା ବଳବାନ।*

*କି କରିବେ ଭଗବାନ ??*
*କର୍ମଫଳ ଘେନି ସଂସାରେ ଆସନ୍ତି*
*ଭୋଗେ କପାଳ ଲିଖନ।
🙏*ଶ୍ରୀ ରାମ ଜୟ ରାମ ଜୟ ଜୟ ରାମ*🙏 (ସମାପ୍ତ)
WhatsApp Channel Join
https://whatsapp.com/channel/0029VaUhaMzCsU9MHcJJfG3L

‼️ ଓଁ ଶ୍ରୀ ରାମାର୍ପଣ ମସ୍ତୁ ‼️

#ଭଗବତକଥା🌹🙏
ଓଁ ନମୋ ଭଗବତେ ବାସୁଦେବାୟ 🙏

*ଖବର ଆଜିର*
ତାରିଖ:୨୦/୧୧/୨୪, ବୁଧବାର

୧-ସିଙ୍ଗାପୁର ରୋଡ଼ ସୋ'ରେ ଉଦ୍ଯୋଗୀଙ୍କୁ ଭେଟିଲେ ମୁଖ୍ୟମନ୍ତ୍ରୀ,ଯୋଗଦେଲେ ୩୦୦ ଶିଳ୍ପପତି।

୨-ଭୁବନେଶ୍ୱର:+୨ ଫର୍ମ ପୁରଣ ଅବଧି ବୃଦ୍ଧି,୨୫ ଯାଏଁ ୬୦୦ ଟଙ୍କା ଜରିମାନା ସହ ସୁଯୋଗ।

୩-୭୦ ଲକ୍ଷ ହିତାଧିକାରୀ ଏପର୍ଯ୍ୟନ୍ତ କରିନାହାଁନ୍ତି ଅପଡେଟ । ଖାଉଟି କାର୍ଡ ତାଲିକାରୁ ବାଦ ପଡିବା ନେଇ ଆଶଙ୍କା ବଢ଼ିଲା।

୪-କଟକ:ଫେବୃୟାରୀ ୯ରେ ହେବାକୁ ଥିବା ଭାରତ-ଇଂଲଣ୍ଡ ମ୍ୟାଚ୍ ଟିକେଟ ଦର ହ୍ରାସ କରିଛି ଓସିଏ ।

୫-ଏମ୍ସରେ ଚାକିରି ନାଁ ରେ ୧୨ ଲକ୍ଷ ଠକେଇ,ଧରାପଡିଲା ଧୂର୍ତ ସିକୁରିଟି ଗାର୍ଡ।

୬-ଲୋକସେବା ଭବନ କନ୍‌ଫରେନ୍ସ ହଲରେ ନଭେମ୍ବର ୨୯ରୁ ଆରମ୍ଭ ହେବ ୩ ଦିନିଆ DGP କନଫରେନ୍ସ । ଯୋଗଦେବେ ପିଏମ୍ ମୋଦି

୭-କିସ୍‍ ଓ କିଟରେ ବଲିଉଡ୍‍ ଅଭିନେତା ଉତ୍କର୍ଷ ଶର୍ମା, ଚଳଚ୍ଚିତ୍ର ‘ବନବାସ’ର ପ୍ରଚାର ପାଇଁ ମୁମ୍ବାଇରୁ ଆସିଲେ କିସ୍‍।

୮-ବାଲୁଗାଁ:ଜାତୀୟ ରାଜପଥରେ ବନ୍ଧୁକ ମୂନରେ ଡକାୟତି, ବ୍ଲାଙ୍କ ଫାୟାର କରି ଲୁଟି ନେଲେ ୮ ଲକ୍ଷ ଟଙ୍କା।

୯-ମୁଖ୍ୟମନ୍ତ୍ରୀଙ୍କ ବଡ଼ ଘୋଷଣା; ଆଉ ଗୋଟିଏ ଦିନ ବଢ଼ିଲା କଟକ ଐତିହାସିକ ବାଲିଯାତ୍ରା।ଅର୍ଥାତ ନଭେମ୍ବର ୨୨ ବଦଳରେ ୨୩ରେ ସରିବ ବାଲିଯାତ୍ରା ।

୧୦-ଭରତପୁର ଥାନାରେ ମେଜର ଓ ବାନ୍ଧବୀଙ୍କ ଘଟଣାର ସରିଲା ତଦନ୍ତ, ଆସନ୍ତା ୨୬ରେ ହେବ ପରବର୍ତ୍ତୀ ଶୁଣାଣି।

୧୧-ରାଜ୍ୟ ସୂଚନା କମିଶନ ଅଧ୍ୟକ୍ଷ ଓ ୪ ସଦସ୍ୟ ନିଯୁକ୍ତି ପାଇଁ ବିଜ୍ଞପ୍ତି ଜାରି।

୧୨-ଆସୁଛି ଆଉ ଏକ ଲଘୁଚାପ, ୨୧ରେ ସୃଷ୍ଟି ହେବ ଘୂର୍ଣ୍ଣିବଳୟ, ଶୀତ ବଢିବାର ସମ୍ଭାବନା।

୧୩-ବ୍ରହ୍ମପୁର ଡିଭିଜନ୍ ଡିଜିଏମ୍ ସୁବାସ ଚନ୍ଦ୍ର ପଣ୍ଡା ଗିରଫ, ୮୭୦ ଗ୍ରାମ ସୁନା ସହ ନଗଦ ୧୩ ଲକ୍ଷ ୪୭ ହଜାର ଜବତ।

୧୪-ନୂଆପଡା,ଦେଓଧରା ଗାଁ:ବାଘକୁ କାଟି ଖାଇଗଲେ, ୨ ଶିକାରୀ ଗିରଫ।

୧୫-ମୟୂରଭଞ୍ଜ ଜିଲ୍ଲା କପ୍ତିପଦା ଦାଣ୍ଡଘାଟ ନଦୀ ପଠା:ବାଘ ପାଦ ଚିହ୍ନକୁ ନେଇ କୋକୁଆ ଭୟ, ସଂଧ୍ୟା ହେଲେ ଘରେ ତାଟି କବାଟ।

୧୬-ଚନ୍ଦ୍ରଶେଖରପୁର:ଯୋଗ୍ୟ ବସ୍ତି ବାସିନ୍ଦାଙ୍କୁ ମିଳିଲା ଘର । ୧୧୬ଟି ହିତାଧିକାରୀଙ୍କ ପରିବାରକୁ ଘର ଆବଣ୍ଟନ

୧୭-ଜେଲରୁ MA ପଢିବେ ମାଓନେତା ସବ୍ୟସାଚୀ ପଣ୍ଡା, ମାଷ୍ଟର ଡିଗ୍ରୀ ପାଇଁ ପ୍ରସ୍ତୁତି।

୧୮-କ୍ୟାପିଟାଲ ହସପିଟାଲରେ ବଢିବ ଆଇସିୟୁ ବେଡ୍ । ଖୁବଶୀଘ୍ର ୪୦ ଆଇସିୟୁ ବେଡ୍ ବିଶିଷ୍ଟ ହେବ କ୍ୟାପିଟାଲ ହସପିଟାଲ ।

୧୯-ତିରୁପତି ମନ୍ଦିରରୁ ବାହାରିବେ ଅଣ ହିନ୍ଦୁ କର୍ମଚାରୀ; ମନ୍ଦିର ପ୍ରଶାସନର ବଡ଼ ନିଷ୍ପତ୍ତି।

୨୦-ନୂଆ ଦିଲ୍ଲୀ:ଆଜି ଝାଡ଼ଖଣ୍ଡ ଓ ମହାରାଷ୍ଟ୍ରରେ ଭୋଟ୍, ନଭେମ୍ବର ୨୩ରେ ଭୋଟ୍ ଗଣତି।

୨୧-୨୦୩୦-୨୦୫୦ ମଧ୍ୟରେ ବିଶ୍ୱର ମୋଟ ଶ୍ରମ ବଳରେ ଭାରତ ଭାଗ ୨୦% ହେବ: ଚୀନରେ କମୁଛନ୍ତି କର୍ମଜୀବୀ।

୨୨-ଥାଇଲାଣ୍ଡ:ଯାନ୍ତ୍ରିକ ତ୍ରୁଟି, ୮୦ ଘଣ୍ଟା ଅଟକି ରହିଲେ ଏୟାର ଇଣ୍ଡିଆର ୧୦୦ ଯାତ୍ରୀ।

*📌ବି. ଦ୍ର : ଆମର ନୂଆ ହ୍ଵାଟ୍ସଆପ ଚ୍ୟାନେଲ ରେ ଯୋଡି ହେବାକୁ ଚାଁହୁଥିଲେ ଏହି https://whatsapp.com/channel/0029VaUgRXG5fM5gVRc7391u
ଲିଙ୍କକୁ କ୍ଲିକ କରିକି ଜୋଏନ ହେଇ ପାରିବେ ll*

*➡️ଦୟାକରି ଧ୍ୟାନ ଦିଅନ୍ତୁ, ଯଦିଓ ସକାଳର ଖବରକୁ ପ୍ରସ୍ତୁତ କରିବାରେ ପୂର୍ଣ୍ଣ ଯତ୍ନ ନେବାକୁ ଚେଷ୍ଟା କରାଯାଇଛି, ତଥାପି, କୌଣସି ଘଟଣା, ତାରିଖ କିମ୍ବା ଅନ୍ୟାନ୍ୟ ତ୍ରୁଟି ପାଇଁ ମୁଁ ଦାୟୀ ନୁହେଁ ଏହି ନିଉଜ ଉପରେ ଆପଣଙ୍କର ପ୍ରତିକ୍ରିୟା କିଭଳି ଏକ ଇମୋଜି ଦେଇ ଏହି ପୋଷ୍ଟକୁ ପ୍ରତିକ୍ରିୟା ଦିଅନ୍ତୁ ll*

➖➖➖➖➖➖➖➖➖➖➖➖
*🙏 ସୁପ୍ରଭାତ, ଗୁଡମର୍ଣିଂ 🙏*

*ଖବର ଆଜିର, ନଭେମ୍ବର, ୧୯ ମଙ୍ଗଳବାର*
=======================
ଆସନ୍ତା ଚାରିଦିନ ରାଜ୍ୟରେ ରହିବ ଥଣ୍ଡା

କାଲିଠାରୁ ବରଗଡ଼ ଓ ୨୨ରୁ ସମ୍ବଲପୁରରେ ଖରିଫ ଧାନ କିଣା ଆରମ୍ଭ କରାଯିବ।

ନଭେମ୍ବର ୨୫ ତାରିଖ ପର୍ଯ୍ୟନ୍ତ ମାଟ୍ରିକ୍ ଫର୍ମ ପୂରଣ ଅବଧି ବଢାଇଛି ମାଧ୍ୟମିକ ଶିକ୍ଷା ପରିଷଦ

ନଭେମ୍ବର ୨୨ରୁ ଦିଲ୍ଲୀରେ ଓଡ଼ିଶା ପର୍ବ-୨୦୨୪, ଯୋଗ ଦେବେ ରାଷ୍ଟ୍ରପତି, ପ୍ରଧାନମନ୍ତ୍ରୀ

ପୁରୀ ଶ୍ରୀମନ୍ଦିର ରତ୍ନଭଣ୍ଡାର ମରାମତି ପାଇଁ ପ୍ରକ୍ରିୟା ଆରମ୍ଭ କଲା ASI ଟିମ୍, ମରାମତି ଶେଷ ପରେ ହେବ ଗଣତି

ଭୁବନେଶ୍ଵର ଏମ୍ସ ରେ ମୃତ ବ୍ୟକ୍ତି ଜୀବିତ। ଦୁଇ ଘଣ୍ଟା ଧରି ହୃଦସ୍ପନ୍ଦନ ବନ୍ଦ ହେବାପରେ ବ୍ୟକ୍ତି ହେଲା ପୁନଃ ଜୀବିତ

ପରଲୋକରେ ବରିଷ୍ଠ ବିଜେପି ନେତା ଓ ପୂର୍ବତନ ମନ୍ତ୍ରୀ ସମୀର ଦେ

ପୁରୀ ସ୍ୱର୍ଗଦ୍ବାର ରେ କାଠ ଅଭାବ, ଝାଉଁ ଜଙ୍ଗଲ ସଫା ହୋଇଗଲାଣି, ବନବିଭାଗ ଅଡୁଆରେ

ରେଢ଼ାଖୋଲ ରେ ୩ ହାତୀ ମୃତ୍ୟୁ ଘଟଣାରେ ଫରେଷ୍ଟର ଓ ଫରେଷ୍ଟ ଗାର୍ଡ ଉପରେ ହେବ କାର୍ଯ୍ୟାନୁଷ୍ଠାନ

ନିର୍ବାଚନୀ ମାମଲାର ଜବାବ ଦାଖଲ କଲେ ଜଳେଶ୍ବର ବିଧାୟକ ଅଶ୍ୱନୀ ପାତ୍ର

କନ୍ଧମାଳ ଆମ୍ବ ଟାକୁଆ ଜାଉ ଖାଇ ମୃତ୍ୟୁ ଘଟଣାରେ ଆଉ ଜଣେ ମୃତ, ୩ ରେ ପହଞ୍ଚିଲା ମୃତ୍ୟୁ ସଂଖ୍ୟା

ବାଲେଶ୍ଵର ରେ ଧର୍ମାନ୍ତରୀକରଣ କରୁଥିବା ସମୟରେ ୪ଜଣଙ୍କୁ ଧରି ପୋଲିସରେ ଜିମା ଦେଲେ ଅଞ୍ଚଳବାସୀ

ସୁବର୍ଣ୍ଣପୁର ଜିଲ୍ଲା ତରଭା ରେ ବଡ଼ବନ୍ଧ ଶିବ ମନ୍ଦିର, ନୂଆପଡ଼ା ଶନି ମନ୍ଦିରରୁ ଦାନବାକ୍ସ ଭାଙ୍ଗି ଲୁଟ୍

ଭୁବନେଶ୍ୱର ରେ ଛୋଟ ସାରଥୀ କଳକି ବାବାର ଖଣ୍ଡଗିରି ବୈକୁଣ୍ଠଧାମ ଆଶ୍ରମର ବିଶାଳ ଜମି ଉପରେ ତଦନ୍ତ ହେବ

ସମ୍ବଲପୁର ସଦର ପୋଲିସକୁ ଜବତ କଲା କଫ ସିରଫ,୨୦ ଅଭିଯୁକ୍ତ ଗିରଫ।

କାମାକ୍ଷାନଗର ଉପଜିଲାପାଳ ନାରାୟଣ ଚନ୍ଦ୍ର ନାୟକଙ୍କ ଘରେ ଭିଜିଲାନ୍ସ ରେଡ୍, ଆୟ ବର୍ହିଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ

ଭବାନୀପାଟଣାରେ ଧରାପଡ଼ିଲେ ଡାକ୍ତର ଅଶୋକ ଦାସ , ଗର୍ଭବତୀ ମହିଳାଙ୍କ ଠାରୁ ୬ହଜାର ଟଙ୍କା ନେଇ ଧରାପଡ଼ିଲେ

ମାଲକାନଗିରି କୋରକୋଣ୍ଡାରେ ଭୋଜିରେ ଦୁଇଗୋଷ୍ଠୀ ଗଣ୍ଡଗୋଳ, ଛୁରାମାଡ଼ରେ ଯୁବକ ଗୁରୁତର

ବ୍ରହ୍ମପୁର ପୋଲିସ ହାଉସିଂ ସିଭିଲ ଇଞ୍ଜିନିୟର ସୁବାସ ପଣ୍ଡାଙ୍କ ଘରେ ଭିଜିଲାନ୍ସ ଚଢ଼ାଉ, ପଡୋଶୀଙ୍କ ଛାତକୁ ଫୋପାଡିଲେ ୧୦ ଲକ୍ଷ

କେନ୍ଦୁଝର ଘଷିପୁରା ରେ ବାଇକ୍‌ ଚୋରି ରାକେଟ୍‌ ଧରିଲା ପୋଲିସ, ୬ ବାଇକ୍‌ ଜବତ, ୩ ଗିରଫ

ବୌଦ୍ଧରୁ ଜଗତସିଂହପୁର ଯାଉଥିବା ୩୧ କେଜି ଗଞ୍ଜେଇ ଜବତ, ୪ ଗିରଫ

ଗଜପତି ଜିଲ୍ଲା କଙ୍କଡ଼ାଗୁଡା ରେ ୩୮୦ କିଲୋ ଗଞ୍ଜେଇ ଜବତ, ଦୁଇ ଗିରଫ, ତିନି ଫେରାର

ମୟୁରଭଞ୍ଜ ବାଲିଖଣିରେ ବାଘ ଚମଡ଼ା ଡିଲ୍‌ କରିବା ବେଳେ ମାଡ଼ି ବସିଲା ବନ ବିଭାଗ, ବାଘ ଚମଡ଼ା ଜବତ, ତିନି ଜଣ ଗିରଫ

କଠୋର ହେଲା ଆୟକର ନିୟମ, ବିଦେଶୀ ସଂପତ୍ତି ଲୁଚାଇଲେ ୧୦ ଲକ୍ଷ ଜରିମାନା

ଦିଲ୍ଲୀର ଖରାପ ପାଗ ଯୋଗୁଁ ୧୧ ବିମାନକୁ ଡାଇଭର୍ଟ , ଅନେକ ଉଡ଼ାଣରେ ବିଳମ୍ୱ

ରୁଷ-ୟୁକ୍ରେନ ଯୁଦ୍ଧରେ ଆମେରିକାର ଦୂରଗାମୀ କ୍ଷେପଣାସ୍ତ୍ର ବ୍ୟବହାର କରିବାକୁ ଜେଲେନ୍‌ସ୍କିଙ୍କୁ ଜୋ ବାଇଡେନ ଦେଲେ ଅନୁମତି।

ପାକିସ୍ତାନରେ ପ୍ରଦୂଷଣ AQI ୨୦୦୦ ଡେଇଁଲା, ଲାଗିଲା ୩ଦିନର ଲକ୍ ଡାଉନ୍, ସ୍କୁଲ କଲେଜ ବନ୍ଦ
=======================
ଆଜି ଅନ୍ତର୍ଜାତୀୟ ପୁରୁଷ ଦିବସ
ବିଶ୍ୱ ଟୟଲେଟ ଦିବସ

ଆଜି ଜନ୍ମଦିନ: ରାଣୀ ଲକ୍ଷ୍ମୀବାଇ, ଇନ୍ଦିରା ଗାନ୍ଧୀ, ଦାରା ସିଂ, ସୁସ୍ମିତା ସେନ, ଜୀନତ ଅମନ, କିରନ ରିଜିଜୁ

ଇତିହାସରେ ଆଜି: (୧୯୮୨) ନବମ ଏସିଆଡ଼ ଖେଳ ଦିଲ୍ଲୀରେ ଆରମ୍ଭ/ (୧୯୮୬) ଦେଶରେ ପରିବେଶ ସୁରକ୍ଷା ଆଇନ ଲାଗୁ/ (୧୯୯୪) ଐଶ୍ଵର୍ଯ୍ୟା ରାୟ ବିଶ୍ୱ ସୁନ୍ଦରୀ ମୁକୁଟ ପିନ୍ଧିଲେ/ (୧୯୯୭) କଳ୍ପନା ଚାଓଲା ହେଲେ ପ୍ରଥମ ଭାରତୀୟ ମହିଳା ମହାକାଶଚାରୀ/ (୨୦୦୦) ପାକିସ୍ତାନରେ ନୁସରତ ଭୁଟୋ ଙ୍କୁ ଦୁଇବର୍ଷ ସଶ୍ରମ କାରାଦଣ୍ଡ
=======================
WhatsApp Channel Join
https://whatsapp.com/channel/0029VaUgRXG5fM5gVRc7391u
*ବନ୍ଦେ ଉତ୍କଳ ଜନନୀ* 🪻🌻🪻

*ଖବର ଆଜିର, ନଭେମ୍ବର, ସୋମବାର*
=======================
ରାଜ୍ୟରେ ରୀତିମତ ଶୀତ ଆରମ୍ଭ, କନ୍ଧମାଳରେ ସର୍ବନିମ୍ନ ତାପମାତ୍ରା ୭ ଡିଗ୍ରୀ

କଟକ ବାଲିଯାତ୍ରାରେ ଲେଜର ଲାଇଟ ସୋ, ମହାନଦୀ ଜଳ ରାଶିରେ ଓଡ଼ିଆ ପରମ୍ପରା

ଛାଡଖାଇ ନାମରେ କୋଟି କୋଟି ଟଙ୍କାର ଆମିଷ ବିକ୍ରି, ବଜାର ରକ୍ତାକ୍ତ

ତିନିବର୍ଷର ରାଜ୍ୟ ଚଳଚ୍ଚିତ୍ର ପୁରସ୍କାର ପ୍ରଦାନ, ମୁଖ୍ୟଅତିଥି ଭାବେ ଯୋଗଦେଲେ ରାଜ୍ୟପାଳ ଓ ଉପମୁଖ୍ୟମନ୍ତ୍ରୀ

ବିନା ଅନୁମତିରେ ରାସ୍ତା ଖୋଳିଲେ ଜରିମାନା ରାସ୍ତା ନିର୍ମାଣ ପାଇଁ ସ୍ବତନ୍ତ୍ର ନୀତି ଆସିବ

ହାସ୍ୟ ଅଭିନେତା ଜୟୀ ଜୀବନବ୍ୟାପୀ ସାଧନା ପାଇଁ ପୁରସ୍କୃତ

ଓଡ଼ିଶାରେ ସେମ୍ବକର୍ପ କମ୍ପାନୀ କରିବ ଗ୍ରୀନ ଆମୋନିଆ ପ୍ରକଳ୍ପ, କହିଲେ ମୁଖ୍ୟମନ୍ତ୍ରୀ ମାଝୀ

ଜିଏସଟି ଅଫିସରୁ ଯାଉଥିବା ନୋଟିସକୁ ବେଖାତିର। ଲୋକେ ଚିଠି ରିସିଭ କରୁନାହାନ୍ତି, ଅଫିସର ଫୋନ କରି ଡାକିଲେ ବି ରଙ୍ଗ ନମ୍ବର କହି ଯାଉନାହାନ୍ତି

ବିଜେଡ଼ିର ନୂତନ ସଭ୍ୟ ପାଇଁ ଡିଜିଟାଲ କର୍ମଶାଳା, ୧୦ ଲକ୍ଷ ଯୁବ ସଦସ୍ୟ କରାଯିବ

କଟକ ବାଲିଯାତ୍ରାରେ ଜଗତସିଂହପୁର ଜିଲ୍ଲାର ଯୁକ୍ତ ଦୁଇ ଛାତ୍ର ବିଶ୍ଵ ମହନ୍ତ ବିଦ୍ୟୁତ ଆଘାତରେ ମୃତ

ନୟାଗଡ଼ ଜିଲ୍ଲା ଶରଧାପୁରରେ ସରପଞ୍ଚଙ୍କ ସ୍ବାମୀ ଏବଂ ସମିତି ସଭ୍ୟଙ୍କ ମଧ୍ୟରେ ହଣାହଣି, ଉଭୟ ଗୁରୁତର

ଭୁବନେଶ୍ୱର ଖଣ୍ଡଗିରି ବୈକୁଣ୍ଠ ଧାମ ଆଶ୍ରମରେ କଳକୀ ଅବତାର ବୋଲାଉଥିବା ପିଲା ଗାୟବ। କେଟିଏମ ଗାଡି ଥୁଆ ହୋଇଛି

କୋରାପୁଟ ଜିଲ୍ଲା ବୈପାରିଗୁଡା ପାଖରେ ଅଙ୍ଗନୱାଡ଼ି ପିଲାଙ୍କ ନୂଆ ୟୁନିଫର୍ମ ଏବଂ ଜୋତା ଗଦା ଗଦା ହୋଇ ଖତଗଦାରେ ଫୋଫଡା ହୋଇଛି

ଭୁବନେଶ୍ୱର ବାଣୀବିହାର ରେଳଧାରଣା କଡ଼ରେ କ୍ଷତାକ୍ତ ମୃତଦେହ ଉଦ୍ଧାର

ପାରାଦୀପରେ ଛାଡ଼ଖାଇରେ ମାଛ ବିକିବାକୁ ଯିବାବେଳେ ଟ୍ରକ୍‌ ଦୁର୍ଘଟଣାରେ ଜୀବନ ଗଲା

ଖୋର୍ଦ୍ଧା ଜିଲ୍ଲା ବାଲୁଗାଁ ୧୬ ନଂ ଜାତୀୟ ରାଜପଥରେ ବାଇକକୁ ପଛପଟୁ ଧକ୍କା ଦେଲା ଟ୍ରକ, ୨ ମୃତ। କ୍ଷତିପୂରଣ ପାଇଁ ରାସ୍ତା ଅବରୋଧ

କେନ୍ଦୁଝର ଗୋରାସ ହାଟ ଛକରେ କାର ଓଲଟିଲା, ଭିତରେ ଥିବା ରାଜନନ୍ଦିନୀ ଅପେରାର ୪ କଳାକାର ଗୁରୁତର

କାମାକ୍ଷାନଗରରେ ବାଇକକୁ ଧକ୍କା ଦେଲା କାର, ଶାଶୁ ମୃତ ଓ ଜ୍ୱାଇଁ ଗୁରୁତର

ଗଞ୍ଜାମ ଜିଲ୍ଲା ବୁଗୁଡା କରଡାବାଡି ଗାଁରେ ସ୍କୁଲର ମଧ୍ୟାହ୍ନ ଭୋଜନ ଚାଉଳ ହେରଫେର କରିବାରୁ ପିଅନଙ୍କୁ ଗାଁଲୋକ ଧରିଲେ

ମାଲକାନଗିରି ସୀମାନ୍ତରେ ମାଓ-ପୋଲିସ ଗୁଳିବିନିମୟରେ ୫ ମାଓବାଦୀ ନିହତ

ମଣିପୁରର ବିଜେପି ସରକାରରୁ ସମର୍ଥନ ପ୍ରତ୍ୟାହାର କଲା ଏନପିପି

ନମାଜ ପାଇଁ ଶୁକ୍ରବାର ଛୁଟି, ତେଣୁ ହନୁମାନ ଚାଳିସା ପାଇଁ ମଙ୍ଗଳବାର ଛୁଟି ହେଉ, କହିଲେ ଆସାମ ମୁଖ୍ୟମନ୍ତ୍ରୀ

ଦିଲ୍ଲୀରେ ବାୟୁ ପ୍ରଦୂଷଣ ସାଙ୍ଘାତିକ, ଆଜିଠାରୁ ଲାଗୁ ହେବ GRAP-IV

ଆମେରିକାରୁ ଭାରତକୁ ଫେରିବ ୧୪ ଶହ ପ୍ରାଚୀନ କଳାକୃତି

ଇସ୍ରାଏଲ ପ୍ରଧାନମନ୍ତ୍ରୀ ନେତାନ୍ୟାହୁଙ୍କ ଘର ଉପରେ ପୁଣି ବୋମାମାଡ଼

ଡେନମାର୍କ ର ଭିକ୍ଟୋରିଆ କଜେର ହେଲେ ମିସ୍ ୟୁନିଭର୍ସର ବିଜେତା। ଭାରତର ରିୟା ସିଙ୍ଗା ୩୦ ଭିତରେ ରହିଲେ
=======================
ଆଜି ବିଶ୍ୱ ସିଓପିଡ଼ି ରୋଗ ଦିବସ

ଆଜି ଜନ୍ମଦିନ: ଭି. ଶାନ୍ତାରାମ, ନୟନତାରା, ଜଷ୍ଟିସ ରଞ୍ଜନ ଗୋଗୋଇ, କମଲନାଥ, ଯତୀନ୍ଦ୍ର ନାୟକ

ଆଜି ତିରୋଧାନ: ତବସୁମ

ଇତିହାସରେ ଆଜି: (୧୯୧୦) ଇଂଲଣ୍ଡରେ ମହିଳାଙ୍କୁ ଭୋଟ ଅଧିକାର ପାଇଁ ବିଦ୍ରୋହ/ (୧୯୧୮) ରୁଷିଆ ଠାରୁ ଲାଟଭିଆ ସ୍ୱାଧୀନ/ (୧୯୨୮) ମିକି ମାଉସ କାର୍ଟୁନର ଜନ୍ମଦିନ/ (୧୯୬୩) ବଟନ ଚିପା ଫୋନର ସେବା ଆରମ୍ଭ
=======================
WhatsApp Channel Join
https://whatsapp.com/channel/0029VaUgRXG5fM5gVRc7391u
*ବନ୍ଦେ ଉତ୍କଳ ଜନନୀ* 🪻🌻🪻

*ଖବର ଆଜିର, ୧୭ ନଭେମ୍ବର, ରବିବାର*
=======================
ଆଗାମୀ ତିନିଦିନ ମଧ୍ୟରେ ଓଡ଼ିଶାର ବିଭିନ୍ନ ଜିଲ୍ଲାର ତାପମାତ୍ରା ୨ରୁ ୪ ଡିଗ୍ରି ପର୍ଯ୍ୟନ୍ତ ହ୍ରାସ ପାଇବ ବୋଲି ଅନୁମାନ

ପୁରୀରେ ଶ୍ରୀ ଜଗନ୍ନାଥଙ୍କ ଜମି ଜାଲିଆତି, ୧୯୦ ଟି ପ୍ଲଟ୍‌ ବିକ୍ରି କରୁଛନ୍ତି, ଥାନାରେ ଏତଲା। ଶ୍ରୀମନ୍ଦିର ପାଇଁ ଆସିବ ଏକକ ନୀତି

ରାଜ୍ୟର ଜନଜାତିଙ୍କ ପାଇଁ ୧୫୩୫ କୋଟିର ବଜେଟ, ‘ପେସା’ ଆଇନ୍ ଲାଗୁ ପୂର୍ବରୁ ମତ ନିଆଯିବ

ଜାତୀୟ ସିନିଅର ଟେନିସ୍‌ ବଲ୍‌ କ୍ରିକେଟ୍‌ ଚମ୍ପିଅନ୍‌ସିପ୍‌ ପାଇଁ ଜମୁ-କଶ୍ମୀର ଗଲେ ଓଡ଼ିଶା ଦଳ

ଜାତୀୟ ହକିରେ ୫-୧ରେ ହରିୟାଣାକୁ ହରାଇ ଚମ୍ପିୟାନ ହୋଇ ଇତିହାସ ରଚିଲା ଓଡ଼ିଶା

ରାଜ୍ୟରେ ୫ ହଜାର ଡାକ୍ତରଙ୍କୁ ଖୁବ ଶୀଘ୍ର ଦିଆଯିବ ନିଯୁକ୍ତି, କହିଲେ ମନ୍ତ୍ରୀ ମହାଲିଙ୍ଗ

ଓମଫେଡର ହେବ ନବୀକରଣ, ସମ୍ବଲପୁର, ଗଞ୍ଜାମ ଓ ବାଲେଶ୍ୱରରେ ଖୋଲିବ ନୂଆ ପ୍ଲାଣ୍ଟ

ପାଠ ପଢାଇବ ଏ.ଆଇ ଶିକ୍ଷକ, କଟକ ବୋଷ ଇଞ୍ଜିନିୟରିଂ କଲେଜ ଛାତ୍ରଙ୍କ ପରୀକ୍ଷାମୂଳକ ସଫଳତା।

କଟକ ବଡ ମେଡିକାଲରେ ନୂଆ ସହାୟତା କେନ୍ଦ୍ର, ରୋଗୀ ଓ ସମ୍ପର୍କୀୟଙ୍କୁ ଦେବ ସହାୟତା

କଟକ ବାଲିଯାତ୍ରାରେ ଅବ୍ୟବସ୍ଥା ଓ ଅପ୍ରୀତିକର ପରିସ୍ଥିତି। ବରିଷ୍ଠ ଅଧିକାରୀଙ୍କ ଉପସ୍ଥିତିରେ ଷ୍ଟେଜରେ ପୋଲିସ ହସ୍ତକ୍ଷେପ

ରାଉରକେଲାର ଜୟକୃଷ୍ଣ ସ୍ବାଇଁ ୭୮ ବର୍ଷ ବୟସରେ ୭୦% ନମ୍ବର ରଖି ସ୍ନାତକୋତ୍ତର ଡିଗ୍ରୀ ପାଇଲେ

ଢେଙ୍କାନାଳ ସଦର ବ୍ଲକ ଅଧକ୍ଷା ପଦ ବିଜେପି ହାତକୁ ଗଲା, ଅନାସ୍ଥା ଭୋଟରେ ନେତା ବିକ୍ରି ହେଲେ ବୋଲି ଚର୍ଚ୍ଚା

ରେଢାଖୋଲରେ ଜିଲ୍ଲାପରିଷଦ ସଭ୍ୟଙ୍କୁ ଦୁର୍ବ୍ୟବହାର ଘଟଣା, ଅମିନ ନିଲମ୍ବିତ ଓ ତହସିଲଦାରଙ୍କୁ କାରଣ ଦର୍ଶାଅ ନୋଟିସ

ନବରଙ୍ଗପୁର ଜିଲ୍ଲା ଝରିଗାଁରେ ବିଜେଡି ପଞ୍ଚାୟତ ସଭାପତି ଡମୁନା ଭତ୍ରାଙ୍କୁ ଗୁଳିମାଡ଼

ଭଦ୍ରକରେ କନ୍ୟାକୁମାରୀ- ଦିବ୍ରୁଗଡ଼ ଏକ୍ସପ୍ରେସ୍‌ ଟ୍ରେନ୍‌ରେ ଅଗ୍ନିକାଣ୍ଡ , କେହି ମୃତାହତ ହୋଇନାହାନ୍ତି

ଭୁବନେଶ୍ୱରରେ ଅବସରପ୍ରାପ୍ତ ବ୍ୟାଙ୍କ୍‌ ମ୍ୟାନେଜରଙ୍କୁ ୯ ଦିନ ହାଉସ୍‌ ଆରେଷ୍ଟ୍, ୮୦ ଲକ୍ଷ ଚଳୁ

ଗଂଜାମ ଦିଗପହଣ୍ଡି ନରେନ୍ଦ୍ରପୁର ରେ ଗ୍ୟାସ ଲିକ ହୋଇ ଅଗ୍ନିକାଣ୍ଡ, ଗୋଟିଏ ପରିବାରର ୩ ଜଣ ଗୁରୁତର

ଗଞ୍ଜାମ ଧରାକୋଟ ପାଣିବନ୍ଧରେ ଯୁବକଙ୍କ ସନ୍ଦେହଜନକ ମୃତ୍ୟୁ, ବାପଘର ଓ ଶ୍ୱଶୁର ଘର ବିବାଦ ପାଇଁ ତିନି ଦିନ ପଡିରହିଛି ମୃତଦେହ

ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡିର ଯୁବକ ବାଇକରେ ଗଞ୍ଜେଇ ଚାଲାଣ କରି ଛତିଶଗଡ଼ ପୁଲିସ ଦ୍ବାରା ଗିରଫ

ବାଲେଶ୍ଵର ଭୋଗରାଇରେ ଖତ ଗଦାରେ ଲୁଚା ହୋଇଥିବା ୨୧ ଲକ୍ଷ ଟଙ୍କା ଜବତ କଲା ହାଇଦ୍ରାବାଦ ପୋଲିସ

ଦେବଗଡ଼ ଜିଲ୍ଲା ରିଆମାଳ ରେଞ୍ଜ ନୁଆଡିହି ଫରେଷ୍ଟରଙ୍କୁ ବିଭିନ୍ନ କାରଣ ଯୋଗୁଁ ଗଛରେ ବାନ୍ଧିଲେ ଗ୍ରାମବାସୀ

ଧାମରା ଅବଦୁଲ କାଲାମ ଦ୍ବୀପରୁ ପରୀକ୍ଷଣ ହେଲା ସୁପରସୋନିକ ମିସାଇଲ।

ଦିଲ୍ଲୀରୁ ୯୦୦ କୋଟି ଓ ଗୁଜରାଟରୁ ୨୧୦୦ କୋଟି ଟଙ୍କାର ନିଶାଦ୍ରବ୍ୟ ଜବତ

ଭାରତରୁ ସରୁଛି ବିଦେଶୀ ମୁଦ୍ରା, ଦେଢ଼ ମାସରେ ୨,୪୬,୯୧୪ କୋଟି କମିଲା

କାନାଡାରେ ଖାଦ୍ୟ ସଙ୍କଟ, ଫୁଡ ବ୍ୟାଙ୍କରୁ ମାଗଣା ଖାଇବା ବ୍ୟକ୍ତିଙ୍କ ସଂଖ୍ୟା ବଢିଚାଲିଛି
=======================
ଆଜି ଅନ୍ତର୍ଜାତୀୟ ଛାତ୍ର ଦିବସ
ବିଶ୍ୱ ଅପରିପକ୍ଵ ଦିବସ

ଆଜି ଜନ୍ମଦିନ: ଜେମିନି ଗଣେଶନ, ଶୋଭନା ସମର୍ଥ, ୟୁସୁଫ ପଠାନ, ଚନ୍ଦା କୋଚର, ବ୍ୟୋମକେଶ ମହାନ୍ତି

ଆଜି ତିରୋଧାନ: ଶ୍ରୀ ମା, ଲାଲା ଲଜପତ ରାୟ, ବାଲ ଠାକରେ

ଇତିହାସରେ ଆଜି: (୧୯୬୬) ରିତା ଫାରିଆ ହେଲେ ପ୍ରଥମ ଭାରତୀୟ ବିଶ୍ୱ ସୁନ୍ଦରୀ/ (୨୦୦୪) ରାମେଶ୍ୱର ଠାକୁର ହେଲେ ଓଡିଶା ରାଜ୍ୟପାଳ/ (୨୦୦୬) ଭାରତ ଆମେରିକା ଅଣୁ ଚୁକ୍ତି ଅନୁମୋଦିତ
=======================
WhatsApp Channel Join
https://whatsapp.com/channel/0029VaUgRXG5fM5gVRc7391u

*ବନ୍ଦେ ଉତ୍କଳ ଜନନୀ* 🪻🌻🪻

*ଖବର ଆଜିର, ୧୬ ନଭେମ୍ବର, ଶନିବାର*
=======================
ଓଡ଼ିଶାର ବିଭିନ୍ନ ଜିଲ୍ଲାର ତାପମାତ୍ରା ଆଗାମୀ ୪ରୁ ୫ ଦିନ ମଧ୍ୟରେ ୨ରୁ ୪ ଡିଗ୍ରି ପର୍ଯ୍ୟନ୍ତ ଖସିବ

ଆଜିଠାରୁ ଶ୍ରଦ୍ଧାଳୁଙ୍କ ପାଇଁ ପୁଣି ଖୋଲିବ ପୁରୀ ଶ୍ରୀମନ୍ଦିର ଚାରି ଦ୍ବାର, ତିନି ଦ୍ବାର ଦେଇ ପ୍ରସ୍ଥାନ କରିବେ

କଟକ ବାଲିଯାତ୍ରା ଉଦଘାଟନ କଲେ ମୁଖ୍ୟମନ୍ତ୍ରୀ ମାଝୀ

ରାଜ୍ୟର ୧୨୯ କ୍ରୀଡ଼ାବିତଙ୍କୁ ଆର୍ଥିକ ପୁରସ୍କାର ଦେଲେ ସରକାର

ବିଦେଶରୁ ପୁଞ୍ଜି ଆଣିବା ପାଇଁ କାଲିଠାରୁ ଚାରି ଦିନିଆ ସିଙ୍ଗାପୁର ଗସ୍ତରେ ମୁଖ୍ୟମନ୍ତ୍ରୀ ମାଝୀ। ଆଗରୁ ଲଣ୍ଡନ ଯାଇଥିଲେ ଉପ ମୁଖ୍ୟମନ୍ତ୍ରୀ ପ୍ରଭାତୀ ପରିଡା

କଟକ ଓ ସମ୍ବଲପୁରରେ ହେଵ ମହାନଦୀ ରିଭର ଫ୍ରଣ୍ଟ, ୨ଶହ କୋଟି ଟଙ୍କା ମଞ୍ଜୁର

ଲାଗୁ ହେବ ପେସା ଆଇନ୍, ପଲ୍ଲୀସଭାରେ ନିଆଯିବ ମତାମତ, ଆଦିବାସୀଙ୍କୁ ଅଧିକାର ଦେବେ ସରକାର

ଆଜି ସଂକ୍ରାନ୍ତି ଯୋଗୁଁ କାଲି ରବିବାରରେ ଛାଡଖାଇ ମାହୋଲ ହେବ

ମୟୁରଭଞ୍ଜ ଶିମିଳିପାଳକୁ ‘ଯମୁନା’ ପରେ ଆସିଲା ଦ୍ବିତୀୟ ବାଘୁଣୀ

ଭୁବନେଶ୍ୱରରୁ ଇନ୍ଦୋର, ଡେରାଡୁନ୍, କୋଚିକୁ ଏବଂ ଝାରସୁଗୁଡ଼ାରୁ ହାଇଦ୍ରାବାଦ, ରାୟପୁର, ଲକ୍ଷ୍ନୌ, ମୁମ୍ବାଇକୁ ସିଧାସଳଖ ବିମାନ ସେବା ଆରମ୍ଭ ହେବ।

କଟକ ବୟାଳିଶି ମୌଜାରେ ବୋଇତ ବନ୍ଦାଣ ଉତ୍ସବରେ ନଇରେ ଓଲଟି ପଡ଼ିଲା ବୋଇତ

ପୋଖରୀରେ ଭାସୁଥିବା ଡଙ୍ଗା କାଢ଼ିବାକୁ ଯାଇ ରାଜ୍ୟର ବିଭିନ୍ନ ସ୍ଥାନରେ ୫ ଜଣ ଛୋଟ ପିଲା ପାଣିରେ ବୁଡ଼ି ପ୍ରାଣ ହରାଇଲେ

କେନ୍ଦୁଝର ଜିଲ୍ଲା ତେଲକୋଇ ରେଞ୍ଜରେ ହାତୀ ଛୁଆର ମୃତ୍ୟୁ, ବନବିଭାଗ ଡେରିରେ ଜାଣିଲେ

ଜଟଣୀ ରାଜା ବଜାରରେ ଜଳିଗଲା ଲୁଗାଦୋକାନ, ମାଲିକ ମୃତ

କଟକ ଜିଲ୍ଲା ବାଙ୍କୀରେ ସେତୁ ତଳୁ ମହାନଦୀରୁ ବାଲି ଉଠାଉଛନ୍ତି ମାଫିଆ। ଦୁର୍ବଳ ହେଉଛି ସେତୁର ମୂଳଦୁଆ

ଭଦ୍ରକ ଜିଲ୍ଲା ବାସୁଦେବପୁର ବାଣପୁର ଗାଁରେ ଚୋରି କରୁଥିବା ବେଳେ ଗାଁ ଲୋକେ ୨ ଜଣ ଚୋରଙ୍କୁ ଧରି ରାତିସାରା ବାଡେଇଲେ

ରାୟଗଡା ରାଣୀଗୁଡା ଫାର୍ମ ପାଖରେ ରୋଷେଇ କଲାବେଳେ ଫାଟିଲା ଗ୍ୟାସ ସିଲିଣ୍ଡର, ୩ ଗୁରୁତର

ନବରଂଗପୁର ଜିଲ୍ଲା ଚନ୍ଦନଧାରା ଶୈବ ପୀଠରେ ଦର୍ଶନ କରି ଫେରିବାବେଳେ ଅଟୋ ଦୁର୍ଘଟଣାଗ୍ରସ୍ତ, ଜଣେ ମହିଳା ମୃତ ଓ ୪ ଜଣ ଆହତ

ସୁନା ଓ ରୁପା ଦାମ କମିଛି ବୋଲି ଗହଣା ଦୋକାନରେ ଭିଡ଼

ଓଡ଼ିଶାର ସୁନ୍ଦରଗଡ ଓ ନୟାଗଡ଼ ସମେତ ଦେଶର ଆଉ ୧୮ ଜିଲ୍ଲାରେ ସୁନା ହଲମାର୍କିଂ କେନ୍ଦ୍ର ହେବ

ରଣଜୀ ଟ୍ରଫି କ୍ରିକେଟରେ କଟକ ବାରବାଟୀରେ ଓଡ଼ିଶା ୩ ଓ୍ୱିକେଟ୍‌ରେ ମହାରାଷ୍ଟ୍ରକୁ ହରାଇଲା।

ମିସ୍ ଟିନ୍ ୟୁନିଭର୍ସ-୨୦୨୪ ଟାଇଟଲ ହାତେଇଲେ କିଟ୍ ଛାତ୍ରୀ ତ୍ରିଷ୍ଣା ରାୟ, ଶୁଭେଚ୍ଛା ଜଣାଇଲେ ରାଜ୍ୟପାଳ ଓ ନବୀନ ପଟ୍ଟନାୟକ

ଦିଲ୍ଲୀରେ ଚିନ୍ତାଜନକ ସ୍ଥିତିରେ ପ୍ରଦୂଷଣ, ପ୍ରାଥମିକ ବିଦ୍ୟାଳୟ ବନ୍ଦ କଲେ ଦିଲ୍ଲୀ ସରକାର

ଷ୍ଟେଟ ବ୍ୟାଙ୍କ ଅଫ ଇଣ୍ଡିଆ ବଜାରରୁ ୧୦,୫୦୦ କୋଟି ଋଣ ଉଠାଇବ, ଗୁଜରାଟ ଫାଇନାନ୍ସ ଟେକ୍-ସିଟି ବ୍ରାଞ୍ଚ ମାଧ୍ୟମରେ ହିଁ ନେବ

ପାକିସ୍ତାନ ଲାହୋରରେ ପ୍ରଦୂଷଣ ୧୯୦୦ ଟପିଲା, ୧୫ ହଜାରରୁ ଅଧିକ ହସପିଟାଲରେ ଭର୍ତ୍ତ
=======================
ଆଜି ଜାତୀୟ ପ୍ରେସ ଦିବସ
ଅନ୍ତର୍ଜାତୀୟ ସହନଶୀଳତା ଦିବସ

ଆଜି ଜନ୍ମଦିନ: ଶମ୍ଭୁ ମହାରାଜ, ମିହିର ସେନ (ସନ୍ତରଣ), ପୁଲେଲା ଗୋପିଚନ୍ଦ, ଆଦିତ୍ୟ କପୁର, ମିନାକ୍ଷୀ ଶେଷାଦ୍ରୀ, ରାମୋଜି ରାଓ (ଈନାଡୁ ଟିଭି)

ଇତିହାସରେ ଆଜି: (୧୯୦୮) ଜେନେରାଲ ମୋଟର୍ସ ସ୍ଥାପନ ହୋଇଥିଲା/ (୧୯୭୩) ପୃଥିବୀ କକ୍ଷରେ ସ୍କାଇଲାଵ-୪ ପଶିଲା/ (୧୯୭୫) ପାପୁଆ ନିଉଗିନି ଦେଶ ସ୍ୱାଧୀନ ହେଲା/ (୧୯୯୫) ବାସୁଦେବ ପାଣ୍ଡେ ହେଲେ ତ୍ରିନିଦାଦ ର ପ୍ରଧାନମନ୍ତ୍ରୀ/ (୨୦୦୨) ମୁଶାରଫ ଦ୍ଵିତୀୟ ଥର ପାଇଁ ପାକିସ୍ତାନର ଦାୟିତ୍ବ ନେଲେ
=======================
WhatsApp Channel Join
https://whatsapp.com/channel/0029VaUgRXG5fM5gVRc7391u
*ବନ୍ଦେ ଉତ୍କଳ ଜନନୀ* 🪻🌻🪻

ଦଣ୍ଡମୁକ୍ତ ଅଞ୍ଚଳ 😒

ଆପଣ ପାଇନାହାନ୍ତି କି? ତେବେ ବ୍ୟସ୍ତ ହୁଅନ୍ତୁ ନାହିଁ ଆଉ ଅଳ୍ପ ଦିନ ପରେ ଆପଣଙ୍କୁ ମଧ୍ୟ ମିଳିବ ସୁଭଦ୍ରା ସହାୟତା ।

ମହିଳା ଓ ଶିଶୁ ବିରୋଧୀ ହିଂସା ରୋକିବାକୁ କମିଶନରେଟ୍‌ ପୋଲିସର ଜରୁରୀକାଳିନ ନମ୍ବର ।

ll ଛାଡଖାଇ ର ପ୍ରକୃତ ଅର୍ଥ ll

କାର୍ତ୍ତିକ ମାସ ର ବ୍ରତ କାର୍ତ୍ତିକ ପୂର୍ଣ୍ଣିମା ଦିନ ଉଦଯାପିତ ହେଇଥାଏ।ମାସ ସାରା ହବିଷ ଭକ୍ଷଣ, ଦେବ ଦର୍ଶନ, ପୁରାଣ ପାଠ,ଚଉରା ମୂଳେ ମୁରୁଜ ଆଙ୍କି "ରାଇ ଦାମୋଦର, ଲକ୍ଷ୍ମୀ ନାରାୟଣ ,ଶିବ ପାର୍ବତୀଙ୍କ" ପୂଜା ଚାଲିଥାଏ କାର୍ତ୍ତିକ ପୂର୍ଣ୍ଣିମା ଦିନ ଯାଏଁ। ପୂର୍ଣ୍ଣିମାର ପରଦିନ କୁ କୁହାଯାଏ "ଛାଡ଼ଖାଇ" ।

ଏହି ଛାଡଖାଇକୁ ନେଇ ଆମ ମନରେ ଅନେକ ହୀନ ଚିନ୍ତାଧାରା ବର୍ତ୍ତମାନ ସମୟରେ ଦେଖା ଦେଇଚି. ଯେଉଁଟା କି ପ୍ରକୄତ ଛାଡ଼ଖାଇ ର ସମ୍ପୂର୍ଣ୍ଣ ବିପରୀତ.. ମୋ ମତରେ ଏହାକୁ "ଛାଡଖାଇ" ନକହି "ହାଡଖାଇ" ବୋଲି କହିଲେ କିଛି ଅତ୍ୟୁକ୍ତି ହେବନାହିଁ......

କାର୍ତ୍ତିକ ମାସରେ କିଛି ଖାଦ୍ୟପେୟର ବାରଣ ରହିଚି।ଏହାଛଡା କାର୍ତ୍ତିକ ମାସରେ ଚୁଟି କାଟିବା,କିଛି ଫୁଲ, ଫଳ, ପତ୍ର ତୋଳିବା ମଧ୍ୟ ବାରଣ ଥାଏ।ଯେଉଁମାନେ କାର୍ତ୍ତିକ ବ୍ରତ କରନ୍ତି ସେମାନେ ମାସ ସାରା ନଖ କାଟନ୍ତି ନାହିଁ, ଚୁଟି କାଟନ୍ତି ନାହିଁ,ତୁଳସୀ ପତ୍ର ତୋଳନ୍ତିନି,କଦଳୀ ପତ୍ର କାଟନ୍ତିନି ବର୍ଷା ଛାଡିଥାଏ ଆଉ ଶୀତର ଆରମ୍ଭ ହେଇଥାଏ ।ଏମିତି ଏକ ମଝାମଝିରେ କାର୍ତ୍ତିକ ମାସ ଥାଏ

ଏହି ସମୟରେ ପାଣି ପାଗ ସହ ମଣିଷ ଓ ପଶୁପକ୍ଷୀ ଙ୍କ ଶରୀର ରେ ଅନେକ ପରିବର୍ତ୍ତନ ଆସିଥାଏ।ଯେମିତି କି ଏଇ ମାସରେ ମଣିଷ ଶରୀରରେ ପିତ୍ତ ଓ କଫ ଅଧିକ ହେଇଥାଏ।ହଜମ ଶକ୍ତି କମିଯାଏ।ତେଣୁ ଏଇ ମାସରେ ଗୋଟିଏ ଥର ଖାଦ୍ୟ ଗ୍ରହଣ କରିବା ବିଧି ଅଛି।ବିନା ମସଲା,ହଳଦୀରେ ନିର୍ଦ୍ଦିଷ୍ଟ କିଛି ପରିବା କୁ ନେଇ ଖାଦ୍ୟ ପ୍ରସ୍ତୁତ ହେଇଥାଏ।ଯାହା କି ଗରିଷ୍ଠ ହେଇ ନଥାଏ।ଏହା ହଜମ ଶକ୍ତିକୁ ବଢେଇବା ସହ ଦେହକୁ ରୋଗମୁକ୍ତ କରିଥାଏ।ଆଉ ସାତ୍ତ୍ଵିକ ହୋଇଥିବାରୁ ଦେହ ମନ ଶାନ୍ତ ସଂଯମ ରହିଥାଏ.....

କାର୍ତ୍ତିକ ମାସରେ ମାଛ ମାଂସକୁ ସମ୍ପୂର୍ଣ୍ଣ ବାରଣ କରାଯାଇଛି।ଏଇ ମାସରେ ମାଛଙ୍କ ଦେହରେ ବସନ୍ତ ହେଇଥାଏ।ଆଉ ଛେଳି,ମେଣ୍ଢା, କୁକୁଡା,ବତକ ଇତ୍ୟାଦି ଙ୍କର ପ୍ରଜନନ ର ଋତୁ ଅଟେ କାର୍ତ୍ତିକ ମାସ।ତେଣୁ କାର୍ତ୍ତିକ ମାସରେ ମାଛ ମାଂସ ଖାଇଲେ ଅନେକ କୁପ୍ରଭାବ ପଡିଥାଏ ମଣିଷ ଶରୀରରେ।ମାସ ସାରା ଗୋଟିଏ ଥର କିଛି ନିର୍ଦ୍ଦିଷ୍ଟ ଶୁଦ୍ଧ, ସାତ୍ତ୍ଵିକ ଆହାର ଗ୍ରହଣ କରା ଯାଇଥାଏ।କାର୍ତ୍ତିକ ପୂର୍ଣ୍ଣିମାର ପରଦିନ ହେଉଚି ଛାଡ଼ଖାଇ....

ଜଗନ୍ନାଥ ଧାମ ପୁରୀରେ ଥିବା ହବିଷିଆଳି ମାନଙ୍କୁ ପଚାରିବେ ସେମାନେ କହିବେ ଛାଡଖାଇର ଅର୍ଥ କ'ଣ ! ସେମାନେ ମାସ ସାରା ଦିନକୁ ମାତ୍ର ଗୋଟିଏ ଥର ଖାଇ ହବିଷ କରିଥାଆନ୍ତି। ପୂର୍ଣ୍ଣମୀ ପରଦିନ ଛାଡଖାଇ ଭାବରେ ପାଳନ କରନ୍ତି । ସେଦିନରେ ସେମାନେ ସମ୍ପୂର୍ଣ୍ଣ ଭାବରେ ଆହାର ଛାଡି ନିର୍ଜଳା ଉପବାସ କରି ଥାଆନ୍ତି। ଯାହାକୁ କୁହାଯାଏ ଛାଡଖାଇ । ଖାଇବା ଯେହେତୁ ଛାଡି ଦେଇଥାଆନ୍ତି, ସେଥିପାଇଁ ଛାଡଖାଇ କୁହାଯାଏ.....

ଆମେ ତାକୁ ଅଲଗା ଅର୍ଥରେ ନେଇ ସେଇ ପବିତ୍ର ଦିନରେ ଗୋଟେ ନିରୀହ ଜୀବକୁ କଲବଲ କରି ତାର ବିନା ଇଚ୍ଛାରେ ତାକୁ ମାରି , ତାର ଭୟ ଆଉ ରାଗରେ ଜର୍ଜରିତ ଶରୀରକୁ ଉଦରସ୍ଥ କରି ଆହୁରି ପାପ ଗୁଡିଏ ଅର୍ଜନ କରନ୍ତି । ପ୍ରକୃତ ବାସ୍ତବତା କଣ ଆଉ ଆମର ଭାବନା କଣ? ଏପର୍ଯ୍ୟନ୍ତ ଆମେ ଆମର ସଂସ୍କୃତିକୁ ଠିକ୍ ରେ ଜାଣି ପାରିନାହାଁନ୍ତି, କି ବିଡମ୍ବନା ସତରେ. ସତଧିକ୍ ଆମର ନିଚ ମାନସିକତାକୁ....

ଉପବାସ କହିଲେ ଦୁଇଟି ଶବ୍ଦ । ଉପଯୁକ୍ତ ବାସ । ଉପ କହିଲେ- ସହଯୋଗ, ବାସ କହିଲେ- ସଦାଚାର । ସହଯୋଗ ପୂର୍ବକ ସଦାଚାର ଭାବରେ ଦିନଟିକୁ ପାଳନ କରିବାକୁ ଉପବାସ କୁହାଯାଏ। ଆମେ ସବୁ କଥା ଗୋଟେ ଆଉ କାମ ଆଉ ଗୋଟେ କରୁଛନ୍ତି ।

ଆଉ କିଛି ଶାସ୍ତ୍ର ଅନୁସାରେ କାର୍ତ୍ତିକ ବ୍ରତ ରେ ଯେଉଁ ଖାଦ୍ୟ ଖାଇବାକୁ ବାରଣ ହେଇଥାଏ,ଛାଡ଼ଖାଇ ଦିନଠୁ ସେ ଖାଦ୍ୟ ସବୁ ପୁଣି ଖାଇବାକୁ ଅନୁମତି ମିଳିଥାଏ।ଗୋଟିଏ ମାସର ସଂଯମ ଯୋଗୁଁ ହଜମ ଶକ୍ତି ବଢିଯାଏ।

କାର୍ତ୍ତିକ ବ୍ରତ ଧାରୀ ମାନେ ଛାଡ଼ଖାଇ ଦିନ ମଧ୍ୟ ଏକ ସ୍ବତନ୍ତ୍ର ପୂଜାକରିଥାନ୍ତି।ଚଉରା ମୂଳେ ଭୀମଙ୍କର ଏକ ବାଲିମୂର୍ତ୍ତୀ କରି କିମ୍ୱା ମୁରୁଜରେ ଭୀମଙ୍କ ଏକ ମୂର୍ତ୍ତି ଅଙ୍କନ କରି ତାଙ୍କୁ ପୂଜା କରଯାଏ।ମୁଢି,ଉସୁନା ଭାତ,ସମସ୍ତ ପରିବା ପଡି ତରକାରୀ, କୋଶଳା ଶାଗ,କାଞ୍ଜି ଇତ୍ୟାଦି ସୁସ୍ୱାଦୁ ଖାଦ୍ୟ ଭୋଗ ବଢାଯାଏ ଭୀମଙ୍କୁ।କାରଣ ଭୀମ ହେଉଚନ୍ତି ଖାଦ୍ୟ ପ୍ରିୟ.....

ତାଙ୍କର ଦେହର ବଳ ଓ ହଜମ କରିବାର ଶକ୍ତି ଅତୁଳନୀୟ।ତେଣୁ କାର୍ତ୍ତିକ ବ୍ରତ ପରେ ଖାଦ୍ୟ ପ୍ରିୟ ଭୀମଙ୍କୁ ସୁସ୍ୱାଦୁ ଖାଦ୍ୟ ଅର୍ପଣ କରି ତାଙ୍କୁ ସନ୍ତୁଷ୍ଟ କରାଯାଏ।ଏହାପରେ ବ୍ରତଧାରୀ ମାନେ ଖାଦ୍ୟ ଗ୍ରହଣ କରନ୍ତି.....
WhatsApp Channel Join
https://whatsapp.com/channel/0029VaUhaMzCsU9MHcJJfG3L

#କାର୍ତ୍ତିକପୂର୍ଣ୍ଣିମା
#ଛାଡ଼ଖାଇ

*ଖବର ଆଜିର, ୧୫ ନଭେମ୍ବର, ଶୁକ୍ରବାର*
=======================

ଆଜି କାର୍ତ୍ତିକ ପୂର୍ଣ୍ଣିମାରେ ରାଜାରାଜେଶ୍ୱରୀ ସୁନାବେଶରେ ସଜ୍ଜିତ ହେବେ ଶ୍ରୀଜୀଉ

ଆସନ୍ତା କାଲିଠାରୁ ଭଲ ଶୀତ ଆରମ୍ଭ ହେବ ବୋଲି ପାଣିପାଗ ଅନୁମାନ

ଫେବ୍ରୁଆରୀ ୨୧ରୁ ହେବ ଆରମ୍ଭ ମାଟ୍ରିକ ପରୀକ୍ଷା, ତାରିଖ ଘୋଷଣା କଲା ବୋର୍ଡ

ଆସନ୍ତା ୧୯ରୁ ଓଡ଼ିଶା ମାଧ୍ୟମିକ ବିଦ୍ୟାଳୟ ଶିକ୍ଷକ ଯୋଗ୍ୟତା ପରୀକ୍ଷା ନିମନ୍ତେ ଆବେଦନ ଆରମ୍ଭ ହେବ।

ମଧ୍ୟାହ୍ନ ଭୋଜନ ମୂଲ୍ୟ ୧ ଟଙ୍କା ବଢ଼ିବ ବୋଲି ସରକାରଙ୍କ ନିଷ୍ପତ୍ତି

ଆଜି କଟକ ବାଲିଯାତ୍ରା ଉଦଘାଟନ କରିବେ ମୁଖ୍ୟମନ୍ତ୍ରୀ, ସାମିଲ ହେବେ ୧୩ଟି ରାଷ୍ଟ୍ରର ରାଷ୍ଟ୍ରଦୂତ ଓ ହାଇକମିଶନର

ଭୁବନେଶ୍ୱର ପାଖ ବାରଙ୍ଗ କୁଆଖାଇ ନଦୀପଠାରେ ଆଜିଠୁ ବାଲିଯାତ୍ରା ଆରମ୍ଭ, ୧୦ ଦିନ ପର୍ଯ୍ୟନ୍ତ ଚାଲିବ

ପୁରୀରେ ପତିତପାବନ ଗୁମୁଟ ଦ୍ୱାର ବନ୍ଧ ହେବ ରୁପା ଛାଉଣୀ।

ପୁରୀ ଶ୍ରୀମନ୍ଦିରକୁ ୧୦ଟି ବ୍ୟାଟେରୀ ଚାଳିତ ଅଟୋ ପ୍ରଦାନ କଲେ କେନ୍ଦ୍ରମନ୍ତ୍ରୀ

ଧାନ କିଣା ନିୟମ ନ ମାନିଲେ ହେବ କାର୍ଯ୍ୟାନୁଷ୍ଠାନ ହେବ ବୋଲି ଧମକ ଦେଲେ ସରକାର

ଦୁଇଶହ କୋଟିର ଉନ୍ନୟନ କାମ ବନ୍ଦ। ଆମ ଓଡ଼ିଶା ନବୀନ ଓଡିଶା ର ନାମ ବଦଳ ପ୍ରକ୍ରିୟାରେ କାମ ହୋଇ ପାରୁନି

କଟକରେ ପୋଲିସ ଫେରାଇଲା ୧୨୩ଟି ଚୋରି ମୋବାଇଲ, ଜିନିଷ ପାଇ ଜନସାଧାରଣ କୃତଜ୍ଞ

୨୦୨୦, ୨୦୨୧ ଓ ୨୦୨୨ ବର୍ଷ ପାଇଁ ଘୋଷଣା ହେଲା ରାଜ୍ୟ ଚଳଚ୍ଚିତ୍ର ପୁରସ୍କାର। ଶ୍ରେଷ୍ଠ ଚଳଚ୍ଚିତ୍ର 'ଦମନ'

ସମ୍ବଲପୁର ରେ ମହିଳା ଥାନା ଅଧିକାରୀଙ୍କୁ ମାଡ଼ ଘଟଣାରେ ଜୟନାରାୟଣଙ୍କ ଆଗୁଆ ଜାମିନ ଆବେଦନ ଖାରଜ କଲେ ସୁପ୍ରିମକୋର୍ଟ।

ମୟୁରଭଞ୍ଜ ଶିମିଳିପାଳକୁ ଆସିଲା ଦ୍ବିତୀୟ ବାଘୁଣୀ । ପୂର୍ବରୁ ଶିମିଳିପାଳ ଜଙ୍ଗଲରେ ଛଡାଯାଇଥିଲା ଯମୁନା

କଣ୍ଟାବାଞ୍ଝି ରେ ଶିଶୁ ଦିବସ ପାଳନ ବେକେ ପ୍ରଧାନ ଶିକ୍ଷକଙ୍କ ମୃତ୍ୟୁ

ସମ୍ବଲପୁର ରେ ଜୟନାରାୟଣ ମିଶ୍ର ପୁଣି କହିଲେ, ପୁଲିସ ବାଡେଇଲେ ତୁମେ ବି ବାଡାଅ

ଭଦ୍ରକ ଜିଲା ତିହିଡ଼ି ତହସିଲ ଅନ୍ତର୍ଗତ ଗଦି ରାଜସ୍ଵ ମଣ୍ଡଳର ରାଜସ୍ୱ ନିରୀକ୍ଷକ ୫ ହଜାର ଟଙ୍କା ଲାଞ୍ଚ ନେଇ ଭିଜିଲାନ୍ସ ହାତରେ ଧରାପଡିଲେ।

ତାଳଚେରରେ ପିତ୍ତଳ ଥାଳିକୁ ସୁନା ଥାଳି କହି ଦମ୍ପତ୍ତିଙ୍କ ଠାରୁ ୧୫ ଲକ୍ଷ ଟଙ୍କା ଠକିନେଲେ ଦୁଇ ମହିଳା।

ଗଞ୍ଜାମ ମା' ତାରାତାରିଣୀଙ୍କ ମନ୍ଦିରରୁ ଚୋରି ଘଟଣାରେ ୬ ଜଣଙ୍କୁ ଗିରଫ କଲା ପୁରୁଷୋତ୍ତମପୁର ଥାନା ପୋଲିସ।

ସୁନା ଦାମ ୭୦ ହଜାର ତଳକୁ ଖସିଲା, ୧୫ ଦିନରେ ୬ ହଜାର ଶସ୍ତା, ଲକ୍ଷେ ତଳକୁ ଖସିଲା ରୂପା

ଆଜି ଜୋହାନ୍ସବର୍ଗରେ ଭାରତ ଦକ୍ଷିଣ ଆଫ୍ରିକା ଚତୁର୍ଥ T20 କ୍ରିକେଟ

ଦିଲ୍ଲୀରେ ଓଡ଼ିଶା ପାଭିଲିୟନ ଉଦଘାଟନ କଲେ ଉପ-ମୁଖ୍ୟମନ୍ତ୍ରୀ ପ୍ରଭାତୀ

ଆମେରିକା ରାଷ୍ଟ୍ରପତି ନିର୍ବାଚନ ପରେ ସୋସିଆଲ୍ ମିଡିଆ ସାଇଟ୍ ‘ଏକ୍ସ’ ଛାଡ଼ିଲେଣି ଲକ୍ଷାଧିକ ୟୁଜର।

ଏସିୟାନ ଚମ୍ପିୟାନସ ମହିଳା ହକିରେ ଥାଇଲାଣ୍ଡକୁ ୧୩-୦ ରେ ପରାସ୍ତ କଲା ଭାରତ
=======================
କାର୍ତ୍ତିକ ପୂର୍ଣ୍ଣିମା
ଆଜି ଗୁରୁ ନାନକ ଜୟନ୍ତୀ
ଝାଡଖଣ୍ଡ ସ୍ଥାପନ ଦିବସ

ଆଜି ଜନ୍ମଦିନ: ବିର୍ଶା ମୁଣ୍ଡା, ସାନିଆ ମିର୍ଜା, ସଞ୍ଜୟ ରାଉତ (ମହାରାଷ୍ଟ୍ର), ପ୍ରମିଳା ପ୍ରଭା ମିଞ୍ଜ (ନୌଚାଳନ, ଓଡିଶା)

ଆଜି ତିରୋଧାନ: ସନ୍ଥ ବିନୋବା ଭାବେ, କେସି ପନ୍ତ, ସୟଦ ଜାଫ୍ରି
=======================
WhatsApp Channel Join
https://whatsapp.com/channel/0029VaUgRXG5fM5gVRc7391u
*ବନ୍ଦେ ଉତ୍କଳ ଜନନୀ* 🪻🌻🪻

*ଖବର ଆଜିର, ୧୪ ନଭେମ୍ବର, ଗୁରୁବାର*
=======================
ମାସର ଶେଷ ସପ୍ତାହରେ ଦକ୍ଷିଣ ବଙ୍ଗୋପସାଗରରେ ପୁଣି ଏକ ଲଘୁଚାପ କ୍ଷେତ୍ର ସୃଷ୍ଟି ହେବାର ସମ୍ଭାବନା

ବିଭିନ୍ନ ରାଜ୍ୟ ସହିତ ଓଡ଼ିଶାର ବିବାଦ ସମାଧାନ ପାଇଁ କମିଟି ଗଠନ ହେବ

ନଭେମ୍ବର ୨୦ରୁ ବରଗଡରୁ ଆରମ୍ଭ ହେବ ଧାନ ସଂଗ୍ରହ

ଅଧ୍ୟାପକ ନିଯୁକ୍ତି ପାଇଁ ଏସଏସବି ପ୍ରକାଶିତ ବିଜ୍ଞପ୍ତିକୁ ରଦ୍ଦ କଲେ ହାଇକୋର୍ଟ

ଫାୟାରମ୍ୟାନ୍ ପଦ ନିଯୁକ୍ତି ପ୍ରକ୍ରିୟା ଶେଷ କରିବାକୁ ହାଇକୋର୍ଟଙ୍କ ନିର୍ଦ୍ଦେଶ

ରାଜ୍ୟ କ୍ୟାବିନେଟରେ ଗୋମାତା ଯୋଜନାକୁ ମଞ୍ଜୁରି, ୩ ବର୍ଷରେ ଖର୍ଚ୍ଚ ହେବ ୩୪୨ କୋଟି ଟଙ୍କା।

ବେଦାନ୍ତ ଜମି ଫେରିପାଇବେ ମୂଳ ଜମି ମାଲିକ। ଫେରିବ ଅଧିଗ୍ରହଣ ହୋଇଥିବା ଜଗନ୍ନାଥଙ୍କ ଅମୃତ ମଣୋହି ଜମି

ପୋଲିସ ପଦୋନ୍ନତି ନିୟମ, ଏଣିକି ୭ ବର୍ଷ ପରେ ଏସ୍‌ଆଇ ହୋଇଯିବେ ଇନ୍ସପେକ୍ଟର

ଜାନୁଆରୀ ମାସରେ ରାଜ୍ୟର ହିତାଧିକାରୀ ମାନେ ପାଇବେ ନୂଆ ରାସନ କାର୍ଡ

ରାଜ୍ୟ ସରକାରଙ୍କ ନୂଆ ନିୟମରେ ପୋଲିସ ଦୁର୍ବଳ, କେନ୍ଦ୍ରର ବିନା ଅନୁମତିରେ ସେନା ଅଧିକାରୀଙ୍କୁ ବାନ୍ଧି ପାରିବେନି

ଖୋର୍ଦ୍ଧା ଜିଲ୍ଲା ମଙ୍ଗଳାଯୋଡ଼ି ପ୍ରକୃତି ନିବାସରେ ୪୧ଦିନ ହେଲା ଝୁଲୁଛି ତାଲା, ଧାରଣାରେ ବସିଛନ୍ତି ଗାଁ ଲୋକେ

ନବରଙ୍ଗପୁର ଜିଲ୍ଲାରେ ୫ହଜାରରୁ ଅଧିକ ଶିଶୁ ପୋଷଣ ଅଭାବରୁ ହେଲେଣି ବିକଳାଙ୍ଗ

ଗଂଜାମ ଜିଲ୍ଲା ଆସିକାରେ ସମ୍ପତ୍ତି ପାଇଁ ସାନଭାଇ ଆକ୍ରମଣରେ ବଡ଼ଭାଇ ଓ ଭାଉଜଙ୍କ ମୃତ୍ୟୁ

କଟକ ଜିଲ୍ଲା କିଶନନଗର ରେ ପୀଡିତା ଦଶମ ଶ୍ରେଣୀ ଛାତ୍ରୀଙ୍କ ପ୍ରସବ ସରିଲାଣି, କିନ୍ତୁ ଦୁଷ୍କର୍ମକାରୀଙ୍କୁ ଧରୁନାହିଁ ପୋଲିସ

ନୂଆପଡା ଜିଲ୍ଲା ଖରିଆର୍‌ ରୋଡ୍‌ ଏନ୍‌ଏସି ଅଫିସ୍‌ରେ ହଟ୍ଟଗୋଳ, ଭିଡିଓ ଫୁଟେଜ୍‌ ଭାଇରାଲ

ବଲାଙ୍ଗୀର ଜିଲ୍ଲା କରୁଆଁଝର ପଞ୍ଚାୟତରେ ଗୋଟିଏ ନବଜାତ ଶିଶୁକନ୍ୟା ବିକ୍ରି ଚର୍ଚ୍ଚା

ଭଦ୍ରକ ଜିଲ୍ଲା ବନ୍ଧଗାଁରେ ପୂର୍ବତନ ସରପଞ୍ଚ ଚିତ୍ତରଞ୍ଜନ ରାଉତଙ୍କ କ୍ଷତାକ୍ତ ମୃତଦେହ ନାଳରୁ ଉଦ୍ଧାର

ବାଲେଶ୍ୱର ଜିଲ୍ଲା ବରୁଣଗଡିଆ ପଞ୍ଚାୟତ ଚୋରପଦା ଗାଁରେ ଦୁଇପୁଅଙ୍କ ମା ବେସାହାରା, ବଡ଼ପୁଅ ଡାକ୍ତର

ଝାଡ଼ଖଣ୍ଡରେ ୬୫.୨୭ ପ୍ରତିଶତ, କେରଳ ର ୱାୟନାଡରେ ୬୦.୭୯ ପ୍ରତିଶତ ମତଦାନ

ବୁଲଡୋଜର ଷ୍ଟାଇଲ ଉପରେ ସୁପ୍ରିମ ରାୟ, ଉପଯୁକ୍ତ ପ୍ରକ୍ରିୟା ନ କରି କାହାର ଘର ଭାଙ୍ଗିପାରିବେ ନାହିଁ

କ୍ରିଜେଟ ରେ ତିଲକଙ୍କ ଶତକ, ଦକ୍ଷିଣ ଆଫ୍ରିକାକୁ ୨୨୦ ରନ୍‌ର ବିଜୟ ଲକ୍ଷ୍ୟ ଦେଲା ଭାରତ

ସୁନା ଦାମ ୧୩୫୦ ଟଙ୍କା କମିଲା, ରୁପା କେଜି ୨୦୦୦ ଟଙ୍କା ଶସ୍ତା ହେଲା

ଲଣ୍ଡନରେ ଟିପୁ ସୁଲତାନଙ୍କ ଖଣ୍ଡା ୩.୪ କୋଟିରେ ନିଲାମ ହେଲା ।

ଆଜି ଶ୍ରୀଲଙ୍କା ନିର୍ବାଚନ, ମଇଦାନରେ ୯୦ ହଜାର ପ୍ରାର୍ଥୀ

ପାକିସ୍ତାନକୁ ଚାପ ଦେଉଛି ଚୀନ୍, ନିଜ ସୈନିକ ପଠାଇବାକୁ ଚେଷ୍ଟା କରୁଛି

ଇରାକରେ ୯ ବର୍ଷ ବୟସରୁ ବାହା ହେବେ ଝିଅ ! ରହିବ ନାହିଁ ଛାଡ଼ପତ୍ର ଅଧିକାର
=======================
ଆଜି ଚିଲଡ୍ରେନସ ଡେ
ବିଶ୍ୱ ଡାଇବେଟିସ ଦିବସ

ଆଜି ଜନ୍ମଦିନ: ଜବାହର ଲାଲ ନେହେରୁ, ଆଦିତ୍ୟ ବିର୍ଲା, ସବା କରିମ (କ୍ରିକେଟ), ଅମୀୟ ମଲ୍ଲିକ (ଓଡ଼ିଆ ଧାବକ)

ଆଜି ତିରୋଧାନ: ସି.କେ.ନାଇଡୁ (କ୍ରିକେଟ), ଶ୍ରୀଲ ପ୍ରଭୁପାଦ (ଇସ୍କନ)

ଇତିହାସରେ ଆଜି: (୧୯୦୮) କ୍ବାଣ୍ଟମ ଥିଓରୀ ଉପସ୍ଥାପନ କଲେ ଆଇନଷ୍ଟାଇନ/ (୧୯୮୧) କଲମ୍ବିଆ-୨ ମହାକାଶ ଯାନ ପୃଥିବୀକୁ ଫେରିଲା/
=======================
WhatsApp Channel Join
https://whatsapp.com/channel/0029VaUgRXG5fM5gVRc7391u
*ବନ୍ଦେ ଉତ୍କଳ ଜନନୀ* 🪻🌻🪻

*ଖବର ଆଜିର, ୧୩ ନଭେମ୍ବର, ବୁଧବାର*
=======================
ଆଜି ପୁରୀ, ଗଂଜାମ, ଗଜପତି, ରାୟଗଡ଼ା, କୋରାପୁଟ ଓ ମାଲକାନଗିରିରେ ବର୍ଷା ସମ୍ଭାବନା

ବଙ୍ଗୋପସାଗରରେ ସକ୍ରିୟ ଅଛି ଲଘୁଚାପ, କିନ୍ତୁ ଓଡିଶାରେ ବଡ ବର୍ଷାର ସମ୍ଭାବନା ନାହିଁ

ରାଜଧାନୀରେ ପଡିଲା ଶୀତ

ମାର୍ଚ୍ଚ ୩୧ ସୁଦ୍ଧା ସବୁ ଥାନାରେ CCTV ଲଗାଇବାକୁ ହାଇକୋର୍ଟଙ୍କ ନିର୍ଦ୍ଦେଶ

ଆସନ୍ତା ବର୍ଷ ସରକାରୀ କର୍ମଚାରୀଙ୍କୁ ୨୬ ଦିନ ଛୁଟି, ୮ଟି ଇଛାଧୀନ ଛୁଟି

ଚାକିରିଆଙ୍କ ମୃତ୍ୟୁ ହେଲେ ତାଙ୍କ ପରିବାରକୁ ଥଇଥାନମୂଳକ ଚାକିରି କିମ୍ବା ମିଳିପାରେ ଏକକାଳୀନ ମୋଟା ଅର୍ଥ। ଘୋଷଣାକୁ ଅପେକ୍ଷା

ପୁରୀ ଶ୍ରୀମନ୍ଦିରକୁ ପଶିଲେ ଚୀନର ଅଣହିନ୍ଦୁ ମହିଳା।

ଶିଶୁ ମହୋତ୍ସବ ସୁରଭି ୨୦୨୪ ଉଦଘାଟିତ, ଉଦଘାଟନ କଲେ ମନ୍ତ୍ରୀ ଶ୍ରୀ ଗଣ୍ଡ

ଭୁବନେଶ୍ୱରରେ ମୋ ବସ୍ ରେ ଅନଲାଇନ୍ ଟିକେଟ୍ ବ୍ୟବସ୍ଥା ଆରମ୍ଭ

ଆଜି ଝାଡ଼ଖଣ୍ଡରେ ପ୍ରଥମ ପର୍ଯ୍ୟାୟ ଭୋଟ୍‌, ୧୫ ଜିଲ୍ଲାର ୪୩ ବିଧାନସଭା ଆସନ ସାମିଲ

ଚାନ୍ଦିପୁରରୁ ଲ୍ୟାଣ୍ଡ ଆଟାକ୍ କ୍ରୁଜ୍ ମିସାଇଲର ସଫଳ ପରୀକ୍ଷଣ

ଭୁବନେଶ୍ବରରେ ପ୍ରବାସୀ ଭାରତୀୟ ଦିବସ ଆୟୋଜନ ପାଇଁ ୱେବ୍‌ସାଇଟ୍‌ ଉନ୍ମୋଚିତ

ଓଡ଼ିଶାର ଅନେକ ବିଜେପି ନେତା ଝାଡ଼ଖଣ୍ଡ ନିର୍ବାଚନରେ କ୍ୟାମ୍ପ ପକେଇଛନ୍ତି

ଆଦିବାସୀ ନେତା ଭାଗିରଥୀ ମାଣ୍ଡାଙ୍ଗିଙ୍କ ହତ୍ୟା ମାମଲାରେ ପୂର୍ବତନ ରାଜ୍ୟସଭା ସାଂସଦ ଏନ୍‌ ଭାସ୍କରଙ୍କ ସମେତ ୬ ଜଣଙ୍କ ନାଁରେ ଗିରଫ ୱାରେଣ୍ଟ

ବରଗଡରେ କବାଟ ଭାଙ୍ଗି ଘରେ ପଶିଲେ ୩୦ ରୁ ୩୫ ଜଣ ଦୁବୃର୍ତ୍ତ, ଲୁଟିନେଲେ ୧୦ ଭରି ସୁନା।

ଜଗତସିଂହପୁରରେ ଦୁଇ ଗୋଷ୍ଠୀ ଭିତରେ ବାଡ଼ା ବାଡ଼ି, ବନ୍ଦ ହେଲା ଜଟାଧାର ବେଳାଭୂମି ବାଲିଯାତ୍ରା

ଅନୁଗୁଳ ରେଞ୍ଜ ଛେଳିଆ ପଡା ଗାଁର ହାତୀପଲ ଉତ୍ପାତ ହେଉଛନ୍ତି

କଟକରେ ବୁଦା ମୂଳରୁ ଉଦ୍ଧାର ହେଲା ୧୫ ଫୁଟର ଅଜଗର, ଡ଼ମଡ଼ମଣି ଜଙ୍ଗଲରେ ଛାଡ଼ିବ ବନ ବିଭାଗ

ନବରଙ୍ଗପୁର ଝରିଗାଁ ରେ ଦୁଇ ବାଇକ୍‌ ଆରୋହୀଙ୍କୁ ଚାପିଦେଲା ଲକ୍ଷ୍ମୀ ବସ୍‌ ଜଣେ ମୃତ, ଅନ୍ୟ ଜଣେ ଗୁରୁତର

ଢ଼େଙ୍କାନାଳରେ ସ୍ତ୍ରୀକୁ ମାରିଦେଲା ରାକ୍ଷସ ସ୍ବାମୀ

ଝାରସୁଗୁଡ଼ାରେ ଟ୍ରେଡିଂ ଆପରେ ୨୦ ଲକ୍ଷ ହାରିବା ପରେ ଜୀବନ ହାରିଲେ ଯୁବକ, ୧୭ରେ ଥିଲା ବାହାଘର

ପାଟଣାଗଡ ରେ କନକ ବର୍ଦ୍ଧନ ଙ୍କ ନାମ ନେଇ ୨.୧୦ ଲକ୍ଷ ନେଇଥିବା, ୨ ଯୁବକ ଗିରଫ

କଟକ ଯୋବ୍ରା କାଳିଆବୋଦା ନିକଟ ମହାନଦୀରୁ ମୃତଦେହ ଉଦ୍ଧାର। ନାବାଳକ ହେଲେ ମଙ୍ଗଳାବାଗର ଗତେଶ୍ୱର ଓଝା

ଝାଡଖଣ୍ଡରେ ବିଜେପି ଆସିଲେ ଏକ ଟଙ୍କାରେ ହେବ ଜମି ରେଜିଷ୍ଟ୍ରି, ଅମିତ ଶାହଙ୍କ ଘୋଷଣା

ମିସ୍ ଟିନ୍ ୟୁନିଭର୍ସରେ ମୁକୁଟ ପିନ୍ଧିଲେ ଓଡ଼ିଆ ଝିଅ ତୃଷ୍ଣା ରାୟ

ସପ୍ତାହକୁ ୫,୬୦୦ ବିମାନ ଉଡ଼ାଇବ ଏୟାର ଇଣ୍ଡିଆ।

ସେୟାର ବଜାରରେ ହ୍ରାସ, ନିବେଶକଙ୍କ କ୍ଷତି ୬ ଲକ୍ଷ କୋଟି

ଡୋନାଲ୍ଡ ଟ୍ରମ୍ପଙ୍କ ଦୁଇ ନୂଆ ମନ୍ତ୍ରୀଙ୍କୁ ନେଇ ଚର୍ଚ୍ଚା। ଭାରତର ସମର୍ଥକ ଓ ଚୀନର ସମାଲୋଚକଙ୍କୁ ଗୁରୁଦାୟିତ୍ୱ।

ଚୀନ ଝୁଆଇ ସହରରେ ବେପରୁଆ କାର ଚଲେଇବାରୁ ୩୫ ଜଣଙ୍କ ମୃତ୍ୟୁ

ଶେଖ ହସିନାଙ୍କ ବିରୋଧରେ ଇଣ୍ଟରପୋଲ ଜାରି କରିପାରେ ନୋଟିସ, ଚିଠି ଲେଖିଲା ଆଇସିଟି
=======================
ଆଜି ବିଶ୍ୱ ଉଦାରତା ଦିବସ

ଆଜି ଜନ୍ମଦିନ: ଅଶୋକ କୁମାର (ସିନେମା), ଜୁହି ଚାଓଲା, ଅମ୍ବିକା ସୋନି, ପ୍ରିୟରଞ୍ଜନ ଦାସମୁନସୀ

ଆଜି ତିରୋଧାନ: କିଶୋର କୁମାର

ଇତିହାସରେ ଆଜି: (୧୯୨୩) ଇସ୍ତାନବୁଲ ହେଲା ତୁର୍କୀର ନୂଆ ରାଜଧାନୀ/ (୧୯୪୩) ଜର୍ମାନୀ ମିତ୍ର ଦେଶ ଉପରେ ଇଟାଲୀର ଆକ୍ରମଣ
=======================
WhatsApp Channel Join
https://whatsapp.com/channel/0029VaUgRXG5fM5gVRc7391u

*ବନ୍ଦେ ଉତ୍କଳ ଜନନୀ* 🪻🌻🪻

*ଖବର ଆଜିର, ୧୨ ନଭେମ୍ବର, ମଙ୍ଗଳବାର*
=======================
ଆସନ୍ତା ୧୫ ତାରିଖ ପରେ ରାଜ୍ୟରେ ଅନୁଭବ ହେବ ଶୀତ

ସରକାରୀ ମହିଳା କର୍ମଚାରୀ ୫୫ ବର୍ଷ ପୂରଣ ଯାଏଁ ବର୍ଷକୁ ୧୨ ଦିନ ଅଧିକ ଛୁଟି ପାଇବେ

ପୁରୀ ଶ୍ରୀମନ୍ଦିର ରେ ଏଥର ଅପରାହ୍ନ ସାଢ଼େ ୩ଟାରୁ ୪ଟା ମଧ୍ୟରେ ବନ୍ଧା ହେବ ପତିତପାବନ ବାନା

ଓଡ଼ିଶାକୁ ନିତି ଆୟୋଗର ପ୍ରଶଂସା, ଗତ ୧୦ ବର୍ଷରେ ରାଜ୍ୟରେ ଶସ୍ୟ ଉତ୍ପାଦନରେ ହୋଇଛି ବଡ଼ ଅଭିବୃଦ୍ଧି

ଜାତୀୟ ସ୍ତରରେ ଗ୍ରାମୀଣ ୫୨ ପ୍ରତିଶତ ପରିବାର ମୁଣ୍ଡରେ ଋଣବୋଝ, ଓଡ଼ିଶାରେ ୬୧ ପ୍ରତିଶତ ଋଣବୋଝରେ ବୁଡ଼ିଛନ୍ତି

ଓଡ଼ିଶା ନର୍ସିଙ୍ଗ କ୍ୟାଡରର ଡ୍ରେସ କୋଡ୍ ପରିବର୍ତ୍ତନ ହେଲା

କଟକ ବାଲିଯାତ୍ରାରେ ଯୋଗଦେବେ ୧୨ଟି ଦେଶର ରାଷ୍ଟ୍ରଦୂତ

ଶିଶୁ ଦିବସ ଉପଲକ୍ଷେ, ରାଜ୍ୟସ୍ତରୀୟ ଶିଶୁ ମହୋତ୍ସବ ‘ସୁରଭି’, ଯୋଗ ଦେବେ ୨୦୦୦ ରୁ ଉର୍ଦ୍ଧ୍ଵ ଛାତ୍ରଛାତ୍ରୀ।

ବିନା ମୁଖିଆରେ ଚାଲିଛି ରାଜ୍ୟର ୫ରୁ ଅଧିକ ବିଶ୍ୱବିଦ୍ୟାଳୟ। ନିଷ୍ପତ୍ତି ନେବା ଦ୍ବନ୍ଦ୍ୱରେ ରାଜ୍ୟ ସରକାର

ଝାରସୁଗୁଡ଼ା ନିର୍ବାଚନୀ ମାମଲାରେ ଜବାବ ଦାଖଲ ପାଇଁ ବିଧାୟକ ଟଙ୍କଧର ତ୍ରିପାଠୀଙ୍କୁ ହାଇକୋର୍ଟଙ୍କ ଶେଷ ସୁଯୋଗ

ମହିଳା କମିଶନ ଅଧ୍ୟକ୍ଷା ପଦରୁ ହଟିଲେ ମିନତି ବେହେରା

ଭୁବନେଶ୍ୱର ମହର୍ଷି କଲେଜରେ ଛାତ୍ର ଅଶାନ୍ତି, ଅନିର୍ଦ୍ଧିଷ୍ଟକାଳ ପର୍ଯ୍ୟନ୍ତ କଲେଜ ବନ୍ଦ

ଯାଜପୁର ଜିଲ୍ଲା ବଡ଼କୁଆଁଲ ଡାକଘରେ ବଡ଼ଧରଣର ଠକେଇ, ଜମାକାରୀଙ୍କ ଲକ୍ଷ ଲକ୍ଷ ଟଙ୍କା ଗାଏବ ଅଭିଯୋଗ

ଗଂଜାମ ଦିଗପହଣ୍ଡି ବସଷ୍ଟାଣ୍ଡ ମୁଖ୍ୟ ରାସ୍ତାରେ ବୋମାମାଡ଼ ଘଟଣାରେ ୪ ଗିରଫ

ଢେଙ୍କାନାଳ ଜିଲ୍ଲା ଭୁବନ ଏନଏସି ଅଧ୍ୟକ୍ଷଙ୍କ ବିରୋଧରେ ଅନାସ୍ଥା ପ୍ରସ୍ତାବ ମାମଲାରେ ହାଇକୋର୍ଟଙ୍କ ଅନ୍ତରୀଣ ଅଙ୍କୁଶ

ବର୍ତ୍ତମାନ ପୁଲିସ ନିୟନ୍ତ୍ରଣରେ କାରଖାନା ଫ୍ଲାଇ ଆଶ ପାଉଁଶ ପରିବହନ ହେବ

ମୟୁରଭଞ୍ଜ ରେ ୩୯ ହାତୀ ଦଳରୁ ବାହାରି ନୀଳଗିରି ମୁହାଁ ହେଲେ, ଲୋକେ ଆତଙ୍କିତ

ଗଞ୍ଜାମ ଦିଗପହଣ୍ଡି ରେଞ୍ଜ କେରାଣ୍ଡିମାଳ ପାହାଡ଼ ପାଖରେ ମହାବଳ ବାଘର ପାଦଚିହ୍ନ, ଚିକିଟିରୁ ଆସିଥିବା ସମ୍ଭାବନା

ବରଗଡ଼ ଜିଲ୍ଲା ଗାଈସିଲାଟ ବ୍ଲକ୍‌ ତାଲପାଲି ସରପଞ୍ଚ ଉର୍ମିଳା ସେଠ ଅନାସ୍ଥା ପ୍ରସ୍ତାବ ଭୟରେ ଆତ୍ମହତ୍ୟା ଉଦ୍ୟମ କରିଛନ୍ତି

କଳାହାଣ୍ଡି ମଦନପୁର ରାମପୁରରେ ୭ ନକଲି ପୁଲିସ ଲୁଟ୍‌ ପାଇଁ ଘରେ ପଶିଥିଲେ, ୪ ଖସିଗଲେ, ଅନ୍ୟମାନେ ମାଡ ଖାଇଲେ

ବୁଲା ବେପାରୀଙ୍କୁ ସାବଧାନ।କେନ୍ଦ୍ରାପଡା ପଟ୍ଟାମୁଣ୍ଡାଇ ରେ ଗାଁରୁ ପିଲାଙ୍କୁ ପ୍ଲାଷ୍ଟିକ ଡ୍ରମରେ ପୁରାଇ ଚୋରି କରୁଥିଲା ଡ୍ରମ୍ ବେପାରୀ, ମାଡି ବସିଲେ ଲୋକେ

ସମ୍ବଲପୁର କୁଦୋପାଲିରେ ପିକ୍‌ଅପ୍‌- ଟ୍ରେଲର ଧକ୍କାରେ ୨ ଶ୍ରମିକ ମୃତ, ୬ ଶ୍ରମିକ ଆହତ

ବଲାଙ୍ଗୀର ଆଗଲପୁର ରେ ଚାଉଳ ଦେବା ନାଁରେ ମହିଳାଙ୍କୁ ଦୁର୍ବ୍ୟବହାର, ଭିଡ଼ିଓ ଭାଇରାଲ, ଯୋଗାଣ ସହାୟକ ଗିରଫ

କୋଣାର୍କ-କାକଟପୁର ରାସ୍ତା ପାର୍ଶ୍ବ ଘରୁ ଅଟୋ ଚାଳକଙ୍କ ମୃତଦେହ ଉଦ୍ଧାର

ନୂଆପଡ଼ାରେ ବଡ଼ ଦୁର୍ଘଟଣାରୁ ବଞ୍ଚିଗଲା ବନ୍ଦେ ଭାରତ ଏକ୍ସପ୍ରେସ, ଧାରଣାରେ ଥିଲା ବଡ଼ ପଥର ଖଣ୍ଡ

ନବରଙ୍ଗପୁର ଝରିଗାଁ ବସଷ୍ଟାଣ୍ଡରେ ଖୋଲୁନି ଦେୟମୁକ୍ତ ଶୌଚାଳୟର ତାଲା, ଜନତା-ଯାତ୍ରୀ ହନ୍ତସନ୍ତ

କେନ୍ଦ୍ରାପଡା ଜିଲ୍ଲା ସାତଭାୟାରେ ୮୦୦ ଗୋରୁ ଅନାହାରରେ, ପିଇବାକୁ କେବଳ ଲୁଣିପାଣି

କେନ୍ଦୁଝର ଜିଲ୍ଲା ବଳରାମପୁର ପଞ୍ଚାୟତ ନଦୁଆଁ ଗାଁରେ ବଡ଼ବାପା ଓ ସମ୍ପର୍କୀୟ ଖୁଡ଼ୀଙ୍କୁ ଡମ୍ପର୍‌ ଚଢ଼ାଇ ହତ୍ୟା କଲା ପୁତୁରା

ବାରିପଦାରେ ବିପୁଳ ପରିମାଣର ଗଂଜେଇ ସମେତ କାର (ଓଡ଼ି ୦୨ବିଟି ୭୨୯୩) ଜବତ, ଦୁଇ ଯୁବକ ଗିରଫ

ମାଲକାନଗିରି ସଦର ମହକୁମା ମୁଖ୍ୟ ଚିକିତ୍ସାଳୟ କାନ୍ଥରେ ପଚାଶରୁ ଅଧିକ ମହୁମାଛି ଫେଣା, ଲୋକେ ଆତଙ୍କିତ

ଭୁବନେଶ୍ବର ଇନଫୋସିଟି ଥାନା ଅଂଚଳରେ ବସ୍ତିରେ ବେଆଇନ ବାଣ ଭିଡ଼ା ବେଳେ ବିସ୍ଫୋରଣ, ଉଡିଗଲା ଛାତ

କ୍ରିକେଟ: ଦ୍ଵିତୀୟ ଟି-୨୦ ରେ ଭାରତକୁ ୩ ଓ୍ବିକେଟରେ ହରାଇଲା ଦକ୍ଷିଣ ଆଫ୍ରିକା

ଏୟାର ଇଣ୍ଡିଆ ନିଷ୍ପତ୍ତି, ହିନ୍ଦୁ ଓ ଶିଖଯାତ୍ରୀଙ୍କୁ ହଲାଲ୍ ଖାଦ୍ୟ ଦିଆଯିବ ନାହିଁ

ଗୁଜୁରାଟ ବଡ଼ୋଦରା ଇଣ୍ଡିଆନ ଅଏଲ ବିଶୋଧନାଗାରରେ ବିସ୍ଫୋରଣ

ମଣିପୁରରେ ସୁରକ୍ଷା ବାହିନୀ ଗୁଳିରେ ୧୦ କୁକି ବିଦ୍ରୋହୀ ନିହତ
=======================
ଆଜି ବିଶ୍ୱ ନିମୋନିଆ ଦିବସ

ଆଜି ଜନ୍ମଦିନ: ଅମଜାଦ ଖାନ, ରଣଜିତ (ଅଭିନେତା), ନୀରଦ ମହାପାତ୍ର (ନିର୍ଦ୍ଦେଶକ), ଐଶ୍ଵର୍ଯ୍ୟା ଋତୁପର୍ଣ୍ଣା ପ୍ରଧାନ (ରତିକାନ୍ତ ପ୍ରଧାନ), OFS

ଆଜି ତିରୋଧାନ: ମଦନ ମୋହନ ମାଲବୀୟ

ଇତିହାସରେ ଆଜି: (୧୯୩୬) କେରଳ ମନ୍ଦିର ଗୁଡିକ ସବୁ ହିନ୍ଦୁଙ୍କ ପାଇଁ ଖୋଲାହେବା ନିଷ୍ପତ୍ତି ହେଲା/ (୧୯୬୭) ଇନ୍ଦିରା ଗାନ୍ଧୀ ପ୍ରଧାନମନ୍ତ୍ରୀ ଥିଲା ବେଳେ ନିଜ ଦଳରୁ ବହିଷ୍କୃତ ହେଲେ/ (୧୯୮୪) ବ୍ରିଟିଶ ସମୟର ଟଙ୍କିକିଆ ମୁଦ୍ରା ଅଚଳ ହେଲା
=======================
WhatsApp Channel Join
https://whatsapp.com/channel/0029VaUgRXG5fM5gVRc7391u

*ବନ୍ଦେ ଉତ୍କଳ ଜନନୀ* 🪻🌻🪻