ميخالف.

بعد سنوات طويلة أقدر أقول إن النفس تراهن على شخص واحد، لا قبله ولا بعده
الرقم العصيّ على المنافسة.

"لو أطيع الندم كان احترقت من العتب بالنّار
وأنا صبري خشب، صلابته ماتمنع حروقه"

"أحد يدور لك زله وأنت ما أخطيت
و‏أحد يدور لك عذر وأنت مخطي"

"طش النعول لداعج العين ياحسين
‏واشلق لها من ردن ثوبك ليانه
‏جنّب احثاث القاع وانشد لها اللين
‏واقصر اخطى رجليك وامش امشيانه
‏ياحسين والله مالها سبت رجلين
‏ياخوك شيّب بالضمير اهكعانه
‏لو تنقله نقلٍ ترى مابها شِين
‏ترى الخوي ياحسين مثل الأمانه
‏مايستشك ياحسين كود الرديين
‏والا ترى الطيّب وسيعٍ ابطانه"

"ياللّي ملكتي الفؤاد، وسيرتك.. في فمِي
‏مثل النّفس مقدر أجافيه— وأخاصمه"

"عنتر اللي تجفل الفرسان من سطوة ذراعه/ يبكي إليا طرّوا السمار عبله بنت مالك"

“والحاجه اللّي من ورا حب الخشوم
‏______لو إنها حلم الحياة، أعوفها”

"أجي قد الهقاوي البيض ولو فيها علي إرهاق / ما أجي بكيف الظروف اللي عليّ الوقت .. فارضها"

"تخافون من الأقدار واللي كتب في اللّوح
‏وأنا أخاف يذبحني كلامٍ مَلى صدري"

"لابدها ياسعود بتغيب شمسي
‏ذي سنةٍ رب الخلايق فرضها

‏و لعلها حريتي بعد حبسي
‏و لعلي ألقى عند ربي عوضها"

"تقول إن الزمن وقّف على ذيك الليالي سنين
‏ومن بعدها ما لقيت اللي من الروعه يهديني"

"تجودت لكن مامعي عِلم فاللي جـاي/ وتصبرت... وإن خـانت يدي إرتجافتهـا"

"ما عاد باقي لي على عتابهم حيل/
‏خذلانهم برَّد وجيه الهقـاوي....."

"تموت الرغبة إن جاء بـ المحبّة شح
وتموت الكلمة إن جاء ردّها تأخير"

"الشوق ماله عمر يفنى وينعاد
له في الضلوع أن عاد وأن غاب رجفه
مع كل فرقا له ورى الجفن ميلاد
وأن ماتت الفرقا لقى الشوق حتفه
جيت أقتل الفرقا من بلاد لـ بلاد
ملّ الطريق يشيلني فوق كتفه
وأنا بعد مليت من كثر ما أرتاد
هالشارع اللي كان لك فيه شرفه
تظمأ عيوني شوفك وتشبع سهاد
عيّا الزمن يقطع الظمأ بـ رشفه
لاوجهك أسقاها ولا ذاقت رقاد
ماغير طيفك طيفك اللي أعرفه
كنّه ظبي وعيوني ظلال صياد
يجفل قبل يرتد للجفن طرفه
مشكلته أنه كل ما أشتقت يزداد
حتى ملا جدران وقتي وسقفه
وأصبحت أشوفه ف أول الغيم لاجاد
وفـ أقصى الشفق لاطاحت الشمس خلفه
وفي الأرض لانامت عقب صوت رعاد
وفي كل شباك ٍ صحت منه درفه
أتعبت طيفك لوم واللوم مافاد
ويوم الأمل في شوفتك مات نصفه
نويت أسافر عنك بجروح ٍ جداد
وعمر ٍ من أوراق الزمن حان قطفه
نويت لكن جابني الشوق منقاد
وجابك حنينك والزمن سال عطفه
شفتك تبسّم لي خجل مدري عناد
وفي نظرتك شوق ٍ من الظلم وصفه
حسيت كني طفل وعيونك أعياد
ياعيدي اللي له ورى الصدر رجفه
سمّ اللقا صدفة وأسمّيه ميعاد
أنا أنتظرتك وأنت مريت صدفه"

"الا ياالله ياللي تحت هيبة سلطنتك اسلمت
لك المسلم يسبح لك بحمدك ولك الاسلامي

احمدك واشكرك واثني عليك بما علي انعمت
تزودني وفا قدر العشير ووصل الارحامي

ولجك الفجر ياليل الذهول اللي علي اضلمت
بعرضك واقع الماضي بعيني عرض الافلامي

ولهتك يالنديم اللي على صافي وفاك اضرمت
بصفحة ذكريات العام واللي من ورا العامي

بعد تقرير مشوار التجارب نجحك واجزمت
بان السيف سيفي والعصا والمحزم احزامي

عطتني عزلة اخلاصي معك نسيان من نادمت
كتبتك وانطوت صحفي عليك و جفت اقلامي

اباهي لا ابالي واتبيسط كل ماقدمت
اشب النار قدام العرب واشيد اخيامي

نهاري حر شمسه يستحي منها لسان الشمت
وليلي ترقب نجومه ملامة كل من لامي

على ضو الكلام اللي كشف عنا ستار الصمت
عرفت اني تحت برق الامل في روض الاحلامي

احسب انك تيمم با اتجاهي وين ما يممت
واثر ما انت بورايه في الطريق ولانت قدامي

مصيبه لاتدنت قيمتك في عين من قيمت
يشوفك بالسهل وانته تشوفه بالسما السامي

كثر ماحن قلبي للونيس وكثر ما درهمت
فجر صدري حنيني واتعب الاقدام درهامي

عيون الصد وعيون التجافي حول مهما اكرمت
تشوف المجتهد كسلان والبناي هدامي

مدام ان جانبك شام لجنابي وانت عني شمت
كثر خيرك وانا مانيب لاجايع ولاضامي

اشوف انه علي واجب ليا مريتكم سلمت
مرور اكرام تربطه الكرامه عند الاكرامي

على شان الخفوق اللي على عرشه قعدت وقمت
حجب عنك الدجى لين اشرقت لك بيض الايامي

ختام السالفه ياطيب العشره كرمت ودمت
هذا حقك علي وحق شرهاتي على اوهامي

مصير الوقت يشرح لك دروسه وان غفلت ونمت
يصحيك الزمان اللي يصحي كل من نامي

تذكرني ليامن خابت اوهامك فمن وهمت
وشفت الفرق في حب الخشوم وحب الاقدامي"