2

قدمك الفارس ترجّل لا سلاح و لا ذخيرة
من يضد اللي هدبها موت وسيوفٍ صقايل

يا جميلة و إن بقالي فـ العمر ليلة اخيره
ما يعوّضني سواد الليل عن سود الجدايل

حطك الله مضربٍ للزين في شبه الجزيره
وانخلقتي ما انخلق لك لا شبيه و لا بدايل

استثيري شاعرك ، دامه يحب اللي تثيره
غايته يرضي غرورك لا كتب فيك الجزايل

واحدٍ هام بـ غرامك ما يفكّر في مصيره
لو عذابه من يدينك! قال عادتك الجمايل

من عطاه الله قلبك ما رضا في قلب غيره
والقلوب ارزاق وانتي حلوة اوصاف وخصايل

تقبلين و كل ورد يفوح من عطرك عبيره
والهوا لا هب ريحك قيمته في ويش شايل

ما ورى عوج الحنايا غير قصرك يا الاميره
ما تزحزح عن مكانه و اوعدك ماهو بـ زايل

‏و لا كل كسر و ضيق لا مرّ بك ينقال
‏و فالناس ناس إن قلت! كنك تعايدها

اعاتبها ويلمع دمعها واغير الموضوع
انا الغلطان دام السالفه تاصل مدامعها

وترحل، ما لحقك إلّا القصيد وْشرهة الطلّاب
‏وقلبٍ ما يخونه فـ الحياة إلّا تجاريبه

‏أنا ماني بْـ عاقلك الدروب، ولا رضيت أحباب
‏حزين إني أشوفك؛ حق، وأنت تشوفني ريبة

‏لو إن الغيمة أقفت، ما تلحقت الهبوب عتاب
‏أنا حتى الجفاف إن كان في طارفك؟ راضي به

يُخبرني أنّي تحفتهُ وأساوي آلاف النجمات، وبأني كنزٌ، وبأني أجمل ما شاهَد من لوحات، يبني لي قصرًا من وَهم لا أسكن فيه سوى لحظات، وأعود لطاولتي، لا شيء مَعي إلا كلمات.

استحيت من المشاريه و معاتب جفاك
واقتنعت ان الغلا ما يجي عرض و طلب

معاك الظّنون أكبر، معاك الحقوق كْثار
‏يا حي الدروب اللي تجيبك ويا حيّك

‏على يمتك وش لي من الناس، والزوَّار
‏تغرّبت ما كنّ أكثر عيونك شويّك!

‏أنا وش علي إن طاح دون الكلام سْتار؟
‏أحبك وأفضّل شمسك إن ما حصل فيّك

‏تعبت أتطوى وأنت ما لك سماء وأخبار
‏وأنا ما أعرف إلّا اِسمك، وعمرك، وحيّك!

دامك تحسّين فيني ليه ما قلتي ؟
‏ياما تمنّيت ليلة .. مثل هالليلة

‏إن كانها بالغلا .. كنتي وما زلتي
‏أول ورود الهوى .. وآخر محاصيله

‏لكن وش آقول لدموعي ولأسئلتي !
‏بعد الثلاثين ما لأعذارنا حيلة

‏مشكلتك أجمل من أحلامي، ومشكلتي
‏أصغر من الحبّ وأكبر من تفاصيله

مفردة "مرّي" ما تفشل في لفت إنتباهي.

"مرّي" مرورٍ يحقّق نايدات الشفوف
‏في ليلةٍ لوْ تجيبك شفت معروفها

‏"مرّي" ليا هزّك حنين آخر الليل
‏غالي وسيّر له على شخص غالي

مُرّي مرور المطر في باطن التُربة !
‏لين يتلوّن جفافي وأصفر أغصاني

بالله مرّي مابين الجفن والرمش
‏سحابة توقف شويّة وتمشي

مرّي عسى الله لا يعدم الأرض من لينك
‏ما قبلك اللي تتوق الأرض لخْطاها

فتحت لك بيبان صدري على شان
‏إن جاتك الفرصة تمرّين مرّي

كانت الكارثة كلها في الإفراط، الإفراط في الأمل، في الحب، في التوقعات، في الإنتظار.. في كل شي.

كيف احسّ بغربتي و انتي بلادي؟
‏وكيف احسّ بضيق و عيونك وسيعة